موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



+ الرد على الموضوع
صفحة 1 من 3 1 2 3 الأخيرةالأخيرة
النتائج 1 إلى 10 من 22
Like Tree0الاعجابات

الموضوع: قصة حلوووووووه لاتفوتكم لـ بنت طموحه

  1. #1


    تاريخ التسجيل
    Sep 2009
    المشاركات
    1,358




    Smile قصة حلوووووووه لاتفوتكم لـ بنت طموحه


    السلام عليكم ورحمة الله وبركاته



    هاذي رواية نقلتها لكم من باب الترفيه وتغيير جو كآبة الغربه ..الله يهون عليناوعليكم...تاااااابعوها

    لازم تكوني فاضيه ومعاكي شاهي عشان تحلى القصه وتفيدي وتستفيدي
    .................................................. ..........

    ـ من جدك والا تستهبلين ؟

    ـ لاوالله صادقه

    ـ هبااااال ,هبااااااااااال ,مجنونه والا صاحيه ؟تخلين امك وابوك يوم صارو بحاجتك ؟تتغربين بلحالك ؟

    ـ ومن قالك انهم بحاجتي ,والله العظيم تمر ايام مايدرون انا ميته والا حيه

    عندهم ولدهم مايشوفون بالدنيا غيره ..نوف ,صدقيني انا محد بحاجتي ,اجلس وش اسوي بالله ؟

    عمري 30سنه ,عانس مااحد يبيني ..

    ـ وش انتي الله يهداك محد يبيك ,من قاله ؟بكره تعرسين وتنسين ..

    ـ هههههههههههههههههههههههههههههه ههه تدرين كم لي انتظر؟ياشيخه بس خليها على ربك ..
    على طاري العرس ,تذكرين لمياء البنت الصغيره هاذيك اللي كانت تدرس معنا بثاني ثنوي ..

    ـ وش فيها؟

    ـ تصدقين ذاك اليوم شفتها بالمشغل ..

    هههههههههههههههههههه معها بنتها عمرها تسع سنين وتقول ان عندها ولد بعد عمره 11سنه .ماشاء الله ..

    يوم قلتلها اني ماتزوجت قعدت تضحك ماهيب مصدقه اني للحين عانس..

    نوف,نوف ,نوف........خلينا نصير واقعيين ونتكلم بشوية منطق..السفر احسن حل لوحده مثلي ,اجلس وش انتظر ؟عرس؟ مافيه امل ,وظيفه؟مستحيل


    وبيني وبينك بعد قمت احس ان زوجة اخوي تتحسس من قعدتي معها بنفس البيت ,ترى مهما كانت طيبه وعسل وقلبها ابيض من حقها تعيش مرتاحه بدون مااحد يزعجها ببيتها ..


    ـ سمعتي منها شي؟


    ـ الكذب خيبه ,لاوالله ..بس خلاص لازم استحي واقدر من نفسي ..البشر طاقات ..


    ـ خلاص قررتي السفر ؟؟


    ـ ان شاء الله ..على الأسبوع الجاي بكون جاهزه وامشي يوم الأحد ..


    (دخلت ام فهد زوجة اخوي وقطعنا السالفه)



    ام فهد:حياك الله ينوف زارتنا البركه ,,هاتي فنجالك..

    نوف:يحيك ياام فهد ,الا وش اخبارك ؟وش مسويه؟

    ام فهد:اخباري تسرك ابشرك..

    (نوف في محاوله يائسه)

    ـ شفتي اخت رجلك الخبله وش بتسوي؟ بتسافر ديره ماتعرف فيها احد ..

    ـ والله يختي اني عجزت فيها ,هي نفسها مقتنعه.. وزهره عاد اللي تقتنع فيه تمشيه غصبن على اللي مهوب راضي..


    انا:اتخلى عن فكرة السفر؟انسو..خلاص قررت ..وان شاء الله ماشيه ,,,الله لايعوق بشر..




    راحت نوف بيتهم وانشغلت ام فهد بعيالها وجلست انا افكر ..


    ادري ان الطريق موب سهل وان كلام الناس كثير بس
    ماهموني ,يحكون لين يملون ,والله ماحسو فيني وانا اموت قهر
    كل ليله بلحالي ..


    مايعرفون معنى كلمة عانس ..ماقد مرر عليهم يكونون((شخص غير مرغوب فيه))


    يمكن ربي كتبها لي عشان ارتاح ..


    مهما كانت الحياه هناك صعبه مستحيل تصير اصعب من حياتي هنا ..


    كل شي حكره حكره ماناقص الا تصير شمة الهوا عيب..


    رحت الجامعه ثاني يوم عشان ارتب اموري وآخذ ملفي ..وكان في راسي مواااال ثاني ..


    من8لـ10 عشان اخلص كم ورقه بس ..وهاذي عادتهم مايخلونها!! كل مامريت على وحده قالت مهوب شغلي روحي لفلانه !!


    خلصت وانا اتحمد واتشكر على نعمة الذوق والأسلوب ..
    والله انها نعمه يفقدها كثير ويخربون على انفسهم وينكرهون بسرعه ..


    طلعت وتذكرت فكرتي ..الحقيقه كنت تعبانه من طول الوقفه بس كله يهون عند اللي في بالي ..


    ولأول مره اسويها في حياتي ..

    دخلت على الدكتوره (نشوى) السبب الأول في كرهي للجامعه ..

    ـ اهلا يازهره,ازيك؟

    ـ انا طالعه بعثه وتاركة لك القسم بكبره ,كله منك.. الله لايربحك دنيا وآخره مثل ماخليتيني اكرهه..

    ـ فيكي ايه يابنتي ؟انتي تعبانه؟

    ـ لاابشرك اللحين جا وقت الراحه ,انتي ماتخافين الله ,اجل يصير مجموعي 42من 60وادخل الإختبار واضمن الدرجه الكامله وآخرتها f

    تدرين انك حطمتيني ,وكرهتيني بالماده على حبي لها ..

    ـ امتى ده؟ ياحبيبتي انا اديتك bالمستوى اللي فات؟

    ـ اللي فات؟ايه, بعد ماعرفت طريقتك القذره في التعامل عرفت آخذ حقي ..انا اتكلم عن ثاني مستوى يوم جربت الرسوب اول مره في حياتي ..

    تدرين انا بعمري كله ماقد رسبت الا عندك وانا متأكده اني مظلومه ..

    مااقول الا اللهم اني مظلوم فانتصر..حسبي الله عليك..


    ـ ايه إلة الأدب دي؟هو كدا لازم نص الشعبه تحمل الماده ,مفيش شعبه كامله تنقح..


    ـ انتي وحده ظالمه ماتخافين ربك ,والا وش القانون اللي يقول هالكلام ,مافيه احد عاقل عنده مخ يفكر مثلك ..

    انتي دكتوره وحسافه فيك اسم دكتوره لأنك اقل من المستوى المطلوب ..بجد انتي فري بااااد

    اسمعي مني حقيقتك المره ..


    ـ اطلعي برااا ,مش عايزه اسمع حاقه..


    ـ لااسمعي , صدقيني بيجي يوم واجلس مكانك بس وقتها مارح اظلم ..بوقف في كل قاعه واحكي لطالباتي سواد وجهك ياظالمه ..

    مااقول الا عسى كل ريال اخذتيه وتربحتي من ورانا نااار عليك في قبرك ..


    الله يحرقك مثل ماحرقتي قلوبنا ..


    ـ اطلعي برا ياأليلة الأدب ..


    ـ طالعه بس الوعد في جهنم يانشوى,وهالمره بدون القاب..تساوت الروس خلاص..حسبي الله عليك..


    طلعت واحس بالنار اللي كانت داخلي سنين طويله بردت ..والصداع اللي كان في راسي24ساعه رااااااح..



    يقول الشاعر..
    واللـــــه لو تدري عيونك عن الهم
    مـا تـاقف الدمعــــه بعينك ثوانـي
    *******
    الهَـــمّ صَــار يرافق بجسـمي الدم
    وقـام يتهشم وســط صـدري حنـاني
    *******
    يا صـاحبـي ما فيه أعظــم من الظلم
    لأصـــرت متهني وغـــيرك يعاني

    *******[


    وانا راجعه للبيت مريت على اكبر محل حلويات واخذت من عنده اكبر قالب كيك موجود..


    كان في نيتي احتفل بنفسي وافرح حتى لو مااحد فرح عشاني ..


    جيت للبيت والوالده نايمه وام فهد في الدوام والعيال بالمدارس واخوي ماندري عنه من اسبوع, يمكن يكون مسافر ..


    وقررت احتفل بلحالي وحيده ,لأني اصلاً وحيده. وبظل وحيده ,هذا هو قدري ولازم ارضى فيه ..


    يقول الشاعر:
    في زمان الصمت عيني عاشت الوحدة حزينه


    ماتهنـت فالمنـام ولاتهنـت فالمقـامـي


    بسمتي في دمعتي محبوسةٍ ماتـت سجينـه


    نور صبحي منغشي في ليل معتوم الظلامـي




    طبعاً الوناسه بفكرة السفر ماخلتني انام ..جلست على التلفزيون..

    جاني مسج من نوف (شوفي الأخبار الديره اللي بتروحين لها بيجيهم اعصار)


    ضحكت بقوه لدرجة ان عيوني دمعت, ياغباء هالبنت ..يعني بخاف ؟


    وان جاء اعصار وانا عندهم وش بيصير بموت يعني؟؟



    انا بصراحه مااخاف من الموت لأسباب كثيره ..

    من ضمنها ان حياتي ماتعني لأحد من البشر شي ..

    امي وابوي ,اخوي..كلهم بيرتاحون من همي ..


    صديقاتي ,موتي بيكون لهم رحمه, من الإحرجات ونشبتي بحلوقهم على غير سنع..




    وان مت ربي مارح يظلمني اكيد ,بدون ماامدح بنفسي انا اعبد ربي ومااشرك فيه ,اصلي,اصوم,باره بوالديني ..



    بحسن الظن فيه واكيد انه بيعوضني خير من الدنيا واللي فيها ..


    المغرب جا اخوي ..




    تقهوينا وسولفنا شوي وفتح معي الموضوع ..





    طبعاً احسن شي في اخوي انه موب من المهبل ربعنا..





    انسان واعي وفاهم.. يقدر المرأه ويحترمها على عكس عمي ..
    مع ان عمي اكبر الا اني اشوف ابوفهد اعقل ..




    وهذا الشي اللي يخليني اثق ان العقل مايقاس بالعمر ياما ناس اعمارهم كبيره ..عجز, وشيبان ومايفهمون شي ..




    ابوفهد: شوفي يازهره ,لاتظنين ان الغربه سهله ..



    من خبره اقولها لك اول شهرين بيجيك اكتئاب وماتبدين تتعودين الا بعد اربع شهور ..




    والحياه هناك صعبه وغاليه والمكافأه مارح تكفيك ..




    اكيد انا بساعدك بس اعرفي اني مهما عطيتك مستحيل تكونين مرفهه وتصرفين هناك مثل ماتصرفين هنا ..



    يبيلك شوية تقدير وحسن تصرف..فاهمتني؟





    ـ والله اني عارفه ياابوفهد ,انا موب بزر تقولي هالكلام..



    كل هالأمور انا عارفتها وراضيه فيها اهم شي اجيب الشهاده


    وابيض الوجه ..





    ـ اسمعي ..مارح اكون شديد مثل ابوي واقولك جيبي امتياز

    ادري انها صعبه ,لو جبتي جيد, الحمدلله بعرف انك اجتهدتي وكافحتي..





    ـ لاان شاء الله انا نفسي مستحيل ارضى بأقل من الإمتياز..





    ـ زهره,بسألك سؤال واتمنى ماتفهمين اني ابي احطمك ,زيادة اطمئنان لااكثر ..





    ـ سم ياابوفهد..




    ـ انتي قادره تعيشين بلحالك ,وتمرضين بلحالك ,وتاكلين بلحالك ,وتروحين وتجين بلحالك ,وتدرسين بلحالك,وتعيدين بلحالك,وكل شي تسوينه بلحالك؟





    ـ من متى ياابوفهد كان معي احد ؟





    دمعت عينه وحاول يخفيها عني وغير الموضوع ..



    بعد العشا رحت لغرفتي وناداني اخوي ..




    ـ زهره بعطيك هديه اتمنى تقبلينها ,بس هاه لاتفتحينها الا بعد ماتوصلين هناك ..





    ـ طيب ابشر..




    كانت علبه مغلفه وشكلها غريب ..
    ونمت وانا افكر وش ممكن يكون فيها ..ساعه,قطعة ذهب,مصحف؟ بجد ماكنت ادري..








    صحيت ثاني يوم على صوت الوالده ..





    كانت تهاوش الخدامه عشان نست تحط الحطب في الخيمه..
    جيتها وحبيت راسها ..





    ـ من الصبح وانا اصحي فيك ,صاير نومك ثقيل ,مدري وشلون بتصحين بلحالك اذا سافرتي ..





    ـ ههههههههههههه لاتخافين ياميمتي بشتري لي منبه صوته قوي..




    ـ والله ماظنيت يفيد فيك يالخبله ,اقول بس اقعدي كود ازوجك لو متزوج.





    ـ يممممممممممممممممه ,خلاص ماقلنا ماعد فيه شي اسمه عرس .الا اذا ودك تزوجين بنت ولدك زوجيها ..






    ـ ومن قال اني بخليها تقعد مثلك ,ان شاء الله بزوجها بس خلها تخلص الثنويه ..






    ـ هههههههههههههههههههههههههههههه ه الله يعينها بس ..










    العصر جانا عمي ..






    قلت لنفسي مستحيل اشوفه عشان لايحطمني ,ووصيت اخوي يقوله اني نايمه ..


    بس للأسف مافاد فيه ..






    جت بنت اخوي الصغيره تقول :عمي يقول صحي زهره وخليها تجي بسرعه ..





    الله يستر..

    ان اعجبتكم كملت..


    على كرهي لــ عمي الا اني احترمه ,طبعاً موب عشانه ادري انه مايستاهل بس عشان الوالد ..


    نزلت له غصبن علي,وبالطريق شفت الوالد يتوضى عشان يروح الصلاه..


    ابوي: لايهمك يابنيتي ,خذيه على قد عقله قولي طيب ,وابشر ,وتامر ,خذيه على قد عقله ..


    ـ ابشر ياابوي ..



    وانا رايحه للمجلس اذن المغرب ..

    شوي واطير من الفرحه بالأذان ,,اكيد انه بيروح يصلي وافتك منه ..


    رحت المطبخ اسوي القهوه ,وصليت,وبس انتظر اسمع صكة الباب ..


    اقامت الصلاه وانتهت وهو مكانه ..


    معقول ماصلى ؟!!



    توني اصدق كلمتهم لقالوا هم يضحك وهم يبكي ..



    جت بنت اخوي الصغيره وسألتها :عمك ماصلى؟


    ـ لا يكلم بالجوال ,اجل ماسمعتيه يضحك ؟ من اول ماجى يسأل عنك روحيله..


    ياقلة الحيا بس ..



    الرجال راحوا وصلوا وهو مكانه..واعيباااه بس ..


    أخذت قهوتي ورحت المجلس وفي نيتي افشله كود يستحي ويصلي ..


    انا: هلا عم ,كيف حالك؟


    ـ بخير..,, وش اللي سامعه انا ؟اجل طالعة لك بعثه وبتطسين تفشلينا ..


    شوفي اهون علي ادفنك حيه بس ,مااخليك تسافرين لحالك ..


    ـ والله ياعمي اللي بيفشلكم موب روحتي ,اللي بيفشلكم شي اكبر ..


    ـ (في ذهول) وشو؟


    ـ امس دق علينا الجرس امام المسجد وطلع له الوالد ..


    ـ ايه..


    ـ يقول ان عندكم رجال مايصلي ,يدخل ويطلع من بيتكم

    مانشوفه بالمسجد خلوه يستحي على وجهه ويجي يصلي ..


    ـ (قلب وجهه الوااان) طيب كان قلتو له مريض فيه سكر ورجله منكسره ويصلي بالبيت ..


    ـ لاوالله ماقلنا له ,قلنا جايته زكمه قووويه وخاف يعدي المصلين ,واول مايتحسن بيجي يصلي ..


    طبعاً كل هذا وانا يدي على قلبي لايكشف كذبتي ..



    بس كانت هالكذبه ضروريه ..يمكن ربي الهمني فيها الهام عشان اقدر اخليه يصلي





    سكت فتره طويله وكأنه يراجع نفسه ,كانت الوقاحه من اهم صفاته عشان كذا رجع فتح نفس الموضوع ..



    ـ المهم ان مافيه سفر..البنت مكانها من بيت اهلها لقبرها ..


    ـ ابشر, طيب ..



    ودعته, وقبل يمشي تذكرت ان عندي مطويات دينيه ,قدمتها له وحبيت راسه وطلبت منه يسامحني لو كنت اخطيت عليه ..




    الخميس كان في بالي شي مهم اسويه ,ادري انه صعب وقويه بحقي بس بجد هالشي مهم ..




    زرت عمتي هند ..طبعاً عمتي هند اكثر انسان يكرهني بالعالم ..من صغري تحقد علي ..



    الهدف طبعاً.........والا اقول ..ماله داعي اقولكم بس ..





    الهدف اني ,اني خفت تموت وانا مازرتها خصوصاً وان فيه نص صريح في الدين



    [لايدخل الجنه قاطع رحم]




    استقبلتني اسوأ استقبال




    كانت طول الوقت تحاول تجرحني بكلام ماله معنى ..




    اخذتها على قد عقلها وسايرتها ..



    وطلبت منها تسامحني لو كنت اخطيت عليها بيوم من الايام ..



    وانا طالعه من عندها والا داخله بنتها (ابلى ريم)>>تدرس دين..



    بنات عمتي مالي أي علاقه فيهم ,من صغرنا وحنا مشاكل وطقاق ..



    مسكتني بطريقه غريبه وكأنها تشحدني ..



    ـ زهره ,تكفين سامحي امي ..



    ـ على ايش ؟



    ـ بس تكفين سامحيها ,من اول مادريت انك بتسافرين وانا ادور رقمك بقولك سامحيها ..تكفين الله يخليك ,ترا مهما كانت تراها عمتك..



    ـ والله مسامحتها ,انا مسامحه كل اللي اخطو علي واللي مااخطو ,عسى ربي يسامحها دنيا وآخره ..



    ـ جزاك الله خير ,ترجعين بالسلامه ..




    ـ الله يسلمك ..



    طلعت وانا مستغربه من اسلوبها ومن موقفها معي..[/




    باقي يومين على السفر وانا ماجهزت نفسي ..




    مسكت ورقه وجلست اشخبط ,,,, كتبت..



    وش الشي اللي انا بحاجته ؟



    1/ ثقه كبيره بنفسي واعتراف بقدراتي..




    2/ ثقه بالله واحسان ظن فيه..




    3/ دخل مادي ثاني ,استغني فيه عن الناس واعتمد على نفسي ..






    ...
    وبديت افكر فتره طويله من يوم الخميس المساا لصباح الجمعه ..




    وجمعت افكار كثيره براسي عن الحياه في الغربه, والطريقه اللي بتبعها في تدبير اموري..



    مع الصباح سمعت صوت بزر يبكي في الصاله ..


    طلعت والا ام فهد مع ولدها عبد العزيز ..


    ـ وشفيكم من الصبح ؟؟


    ـ هالولد من امس يبكي ,سمعنا نسولف انا وابوه عن موضوع سفرك واقلقنا ..


    ـ وشفيك عبودي حبيبي ,تعال ياماما ..



    ،،،،،،،
    جاا الولد وحظني بطريقه مؤثره وكأني امه موب عمته ..



    ـ عمه لاتروحين ابيك ..



    ـ حبيبي انا بروح شوي وبعدين اجي ,وانتم بعد بتجوني بالإجازه وبابا بيمشيكم عندي ..



    ـ لا لا(واستمر يبكي) ,,اجل خذيني معك ..



    كان موقف صعب جداً جداًعلي وعليه ..




    عبد العزيز اصغر عيال اخوي



    وبالنسبه لي هو طفلي المدلل ,بما ان ماعندي عيال صرت اعامله وكأنه ,وكأنه فعلاً ولدي ..



    ماقدرت انام ,,كان ودي اقضي اكبر قدر من الوقت مع اهلي ,ومع عبودي اكثر.



    باقي يومين بس..


    الله يبارك لي بالوقت واخلص كل اشغالي ,كذا كنت ادعي ..



    صلحت الفطور وجلسنا نسولف ..



    كان لأم فهد اخت تدرس مع زوجها في دوله اجنبيه ,عشان كذا كانت تعطيني من خبراتها عشان استفيد ..




    بجد انا احب ام فهد وموب بس احبها ,الا اغليها وكأنها اختي الكبيره ..


    لها مواقف معنا مستحيل ننساها ..









    الساعه عشر طلعت واخذت معي عبودي ..




    ومريت على نوف ورحنا السوق عشان اشتري لي شوية اغراض للسفر ..



    كنت امشي واشتري خلاقين شتويه لأني سمعت ان هالديره بردها موب طبيعي ..


    وكانت نوف تقولي:ماقد شفت بنت مثلك ,كأني رايحه السوق مع اخوي ..



    ماتشترين الا اهم الأساسيات.. لاعطر, لاروج ,لا لون يفتح النفس..



    ـ اصلا ماعندي وقت لهالخرابيط ..لأني نسيتها من أول ماصرت في الثلاثينات ..



    سكتت نوف موب عشانها ماعندها شي تقوله بلعكس ,سكتت لأنها تدري ان معي حق ..



    مرينا الخياطه ,وكنت مفصلة لي عندها عبايات بألوان مختلفه لأني قد سمعت ان هالديره يتحسسون من اللون الأسود ..



    اللي صار ان الخياطه عطتني عبايات صغيره مرره علي ..


    عصبت عليها وشوي بعد كنت بطقها ..


    ماباقي الا يومين وامشي وعباياتي خربت ..



    راحت تقلب بدفاترها وهي مستغربه واكتشفت الخطا انها عطتني عبايات وحده ثانيه وخربطت لأنها نفس الوان الأقمشه ..



    دخلت المحل بنت صغيره ,جميله جداً..مبين عليها مابعد خلصت الثنويه مررره صغيره ..



    قلت لنفسي :ياحليلها اكيد ابوها او امها مبتعث..



    وعطتها الخياطه ملابسها وطلعت ..بجد اعجبت فيها ..



    جمال,اسلوب ,وكل شي مميز فيها وكأنها لبنانيه ..



    خلصت من عند الخياطه واكرمتها عشان هاوشتها وطلعت ..



    مسكينه ,غريبه ... يعني بصير انا والدنيا عليها ..




    حطيت نوف ببيتها وودعتها وانا ابكي ,نوف بتولد قريب, وبصراحه خفت يجيها شي وتكون هالمره آخر مره اشوفها فيها ..





    كنت تعبانه مررره من امس مانمت ..



    رجعت البيت وقضيت باقي اليوم كله في النوووم ..




    صباح السبت صحيت من بدري بدون مااحد يصحيني وكأني كنت احاول ابرمج نفسي على نظام معين ..



    كانت اول مره اكوي ملابسي وارتب سريري بنفسي ..



    كان البيت شبه خالي لأن الكل نايم الا انا ..



    افطرت,, ورتبت شنطتي ..كانت شنطتين كبار بالإضافه للـ لابتوب..



    وكنت اظن انها كثيره وكان في نيتي اختصر الأغراض واخذلي ثلاث لبسات بكيس اتخلقن فيها



    بس تذكرت البرد وصعوبة الغسيل بأجواءنا حنا اللي تسمى دفا ,عاد كيف اجواؤهم هم ؟



    صحى اخوي مفجوع ..



    ـ ليه ماصحيتيني بدري اكلم الناس؟


    يوووه ظنك نامو والا ينتظرون ؟؟


    انا مواعدهم اكلمهم اليوم ..



    واخذ التلفون وكلم ..بعد ساعه كامله انتهى ..



    ـ يقولون رتبو الدور الثاني لك,غرفه وحمام ومطبخ ..


    شي بسيط بس خليه فتره مؤقته وبعدين نلقى لك مكان ثاني ..


    انا متوقع انك ترتاحين لهم عجووز بالخمسين عندها بناتها 2 وحده بالإبتدائي والثانيه بالجامعه..

    وولدها ساكن مع صديقته في بيتها ..


    ومايجيهم الا بالويكند ..


    عاد اذا جا لاتعطينه وجه ولايشوفك اصلاً..



    ـ اكيد ..



    ـ والله يازهره ان هالعيله نقاوه ..


    والا وين تلقين مثلهم ؟!..


    لارجال ولاشي عشان تاخذين راحتك ..



    ـ الله يخليك لي ياابو فهد..



    كنت مرتاحه نفسياً من ناحية السكن ,لأن هالناس من معارف ابو فهد ..



    بعدها جلسنا يوريني شوية صور لأصحابه عشان اعرفهم ويعطيني ارقامهم وعناوينهم عشان اذا احتجت شي ـ لاسمح الله ـ اعرف من ممكن يساعدني ..



    فجأه قصر ابو فهد صوته وكأنه خاف احد يسمعه ..


    ـ زهره,شوفي هاذي اسمها (جوو) بنت طيبه مره وقلبها ابيض ..


    اذا بيوم طفشتي والا ضاق صدرك روحي لها ,عندها مزرعه وساكنه بلحالها ,اقضي عندها كم يوم وخبريها انك اختي وابشري بكل خير ..


    ـ كيف عرفتها ؟



    ـ (كأنه يحاول يخترع لي ترقيعه) كانت زميلتي بالجامعه..



    ـ هههههههههههههه اكيد موب اكثر ..



    ـ قلت لك زميله وبس ..الله يصلحك..




    راح ابو فهد للدوام وجلست انا ارتب غرفتي,,


    بديت بالأدراج وبديت اطلع اغراضي



    طاح بيدي كتاب يومياتي الأخضر..




    اول صفحه كانت بعنوان (الله لايفرقنا)



    كنت كاتبه فيها يوميات اول يوم دوام لي في الجامعه


    وكيف تعرفت على البنات ,


    كان احلى ايام حياتي وبدا شريط حياتي الجامعيه يمشي قدامي ..


    من اول مستوى وحبي له, لنهاية البكلوريوس, لبداية الماستر وتركي له وكرهي للقسم ودكتوراته ..




    وتذكرت صديقات العمر ..وقطاعتهم لي بمجرد زواجهم ..




    سألت نفسي كثير :معقول حب البنت لزوجها ينسيها اقرب صديقاتها؟




    فكرت كثير اتصل فيهم قبل سفري واودعهم بس ترددت ..وشوله اذكرهم فيني وانا اصلاً ماشيه ..ولمت نفسي كثير على هالفكره ..




    نظرت بمرايتي واوراق الملاحظات الي عليها..




    (لاتنسين فلانه)





    (لاتنسين علاج الوالد)





    (لاتنسين تسألين عبد العزيز اذا حفظ سورة الفلق)




    لاتنسين ولاتنسين ,ولامره نسيت شي ,,دايم اذكر نفسي بس ماادري ليش الناس عاديني من المنسيين ؟





    فتحت ثاني درج وطلعت كتاب قديم ,يذكرني بكميه لابأس فيها من الغباء اللي كنت اعيشه..




    كتاب طبخ لأشهر طباخ عالمي ..





    مااخفيكم اني كنت ناويه اتعلم الطبخ لأني هههههههههههه, لأني كنت اقول بعد زواجي مستحيل اجيب خدامه وباعتمد على نفسي واكون اسره مثاليه..




    بس اللي صار لاانا اللي قدرت اتعلم ولاانا اللي قدرت اكون
    اسره مثاليه..




    هههههههههههههههههههههههههههههه هههههههههههههههههههه ههههههههه شر البليه مايضحك..




    خلصت ترتيب الأدراج وحرقت اللي لازم ينحرق ومسحت اللي ممكن يستفيد منه غيري ورتبته..





    ورحت ارتب الدولاب وجمعت كل شي زين وينقدم وفرزته بعنايه وحطيته بكراتين في المخزن ..


    عشان ترسله الوالده بأقرب فرصه للجمعيه مثل عادتها السنويه..




    كانت في بالي فكره تمنيت لو اقدر انفذها (بعدين اخبركم عنها)




    فتحت لابتوبي وبديت اكتب الـ سي في.. باللغه الإنجليزيه ..




    من يدري يمكن احتاجه؟




    مع كل فقره اكتبها احس اني فخوره بنفسي ..




    بجد الـ سي في.. حقي مليء بالإنجازات مثل مايحب ابو فهد يثني علي دايم ..




    قدمت خمس دورات في مراكز مختلفه داخل المملكه وخارجها




    ,نظمت مؤتمرات كثيره



    ,بكلوريوس بمعدل كبير..




    تدريب بعاهد ومدارس كثيره ..




    اشتغلت معيده ترم كامل..




    والأهم من هذا كله حفظ القرآن كامل ..




    وهذا الشي الوحيد اللي ماعرفت كيف اصيغه بالسي في ..الإنجليزي..



    اكيد بيقولون واذا حفظتي كتاب دينك ؟وش يهمنا؟





    فتحت الرساله اللي كنت على وشك انهيها ونظرت فيها بحسره ..



    مااقول الا حسبي الله على الظالم اللي خلاني أعجز حتى اكملها ..




    وواسيت نفسي اني بعد ماتتحسن اموري الماليه ان شاء الله ممكن اطبعها في كتاب وانزلها في المكتبات..




    بعد ماخلصت كل شي قررت اخذ لي شور ..




    ناظرت في المرايه وشدني شكل شعري ,



    نظرت له بشكل مقرف ..



    ياكم اهتميت فيه وتحملته على اساس ان لو تزوجت اسوي تسريحه عند الكوافيره الفلانيه واصير بشكل مميز بزواجي..


    وبلحظة ضعف مني قصيته كله,كله ,


    ...صار شعري بطول شعر عبودي ..



    كذا احسن ..




    كنت اردد هالكلمه وكأني اواسي نفسي على الوقت اللي قضيته وانا اعتني فيه ..




    حسيت راسي صار خفيف ومريح موب ثقيل مثل ماكان ..




    صليت الظهر وطلعت للصاله ..




    ام فهد:وش سويتي بشعرك؟حرااااااااااااااااااااام عليك ..




    انا: كذا احسن ..




    ـ والله انك ظلمتي نفسك يازهره ,ياكم سمعت بنات يتمنون شعر مثل شعرك ..




    ـ ام فهد اذا تحبيني صكي الموضوع ,تكفين..





    ـ براحتك..





    جت الوالده وناظرت فيني بإستحقار وطنشت ..




    جلسنا نسولف كثير وكانت نصايح الوالده لي شوي معقده ..




    لاتكلمين الرجال ,




    لاتطلعين بعد المغرب,



    لاتسوقين سياره




    ..ومن هالكلام..





    اما ام فهد هي اللي استفدت من كلامها اكثر شي ..



    الوالد من يومه مايحب يتدخل فيني ولا في أي شي اسويه ..




    ودايم يقولي ترا اخوك ابو فهد هو ابوك من بعدي وهو المسؤول عنك ..





    وبصراحه هذا الشي اللي كان مريحني ..




    مالكم بالطويله ..





    مرر اليوم وانا الكل يعطيني نصايح مابقى الا الخدامه تقولي وش اسوي ,





    وبصراحه اكثر وسر بيني وبينكم انا مااخذت كلام احد الا ابو فهد وام فهد ..





    جاا الليل ماقدرت انام ذبحني التفكير ..





    بجد كان نفسي اسوي مثل الافلام وانام بحضن امي بس ادري ان امي مستحيل تعطيني وجه ..





    بمجتمعنا ,,المشاعر يسمونها خباااال ..




    جا الصبح ومابغى يجي ..






    ماصدقت يأذن الفجر الا وقمت صليت,,



    طبعاً مانمت مدري ليه ؟




    ماكان خوف بلعكس ,شعور مااقدر اوصفه ..




    ابوفهد انا متأكده انه هو بعد مانام هاذيك الليله يمكن يكون شايل همي ..






    الصبح بدري جلس يملي علي وش اسوي بالتفصيل الممل ..




    وانا اسجل ملاحظات عشان ماانسى أي شي ..





    افطرنا ونزل اغراضي للسياره ..




    كان الكل نايم واقترح علي ابو فهد مااصحيهم لأن الفراق صعب على قولته وبعد مايبيي عياله يشوفوني وانا رايحه وبالذات عبودي..





    رحت ابوسهم وهم نايمين وانا ماسكه الصيحه ..





    أخذت لي لفه بغرفتي يمكن اكون ناسيه شي ..




    نظرت لها نظره عابره ونزلت دمعتي ..





    مر شريط حياتي قدامي سريع ..






    ياحوبي لك ياغرفتي ,كل شي فيك احبه من سريري ومخدتي لين دولابي المكسور ..






    في الطريق للمطار كان ابو فهد يحاول يشغلني عن التفكير ..ويعطيني الأمل اللي انا بحاجته ..






    ان شاء بترجعين بالشهاده وتصيرين دكتوره قد الدنيا,,



    وبتصيرين مشهوره ,,




    وانتي تخصصك نادر مافيه منه الا ميه وخمسين شخص على مستوى العالم




    ..ومن هالكلام..




    وصلنا المطار ..









    وصلني ابو فهد لحد باب الطياره وجلسنا ننتظر ..طبعاً من الرياض لأبو ظبي ومن ابو ظبي للديره الحلم بالنسبه لي (الولايات المتحده الأمريكيه) نيوورك..



    مالقينا رحله مباشره ..





    المهم اعلنو عن الرحله ..




    وسلمت على اخوي وحبيت راسه ..وركبت الطياره ..





    حسيت بشعور غريب احسه اول مره ..حسيت اني قويه, قويه مره واني موب حاجة رجل مثل ماكنت افكر زمان ..




    يازينك يالحريه ..


    اقلعنا وشفت الرياض من فوق ..



    الحقيقه ماجا في بالي الا شي واحد ..




    حسبي الله على اللي خلاني اكرهها ..




    حسبي الله على كل شخص تكلم عني بسوء..





    حسبي الله على نشوى الظالمه..





    حسبي الله على عمي المتخلف..





    وبدت تشغلني شوية افكار سلبيه ,,




    معقول بقدر اصبر على 7سنين دراسه ؟



    معقول بصبر على بعد امي وابوي ؟





    الا هم فعلاً يحسون انهم امي وابوي والا بس بالإسم ؟




    مرر في خيالي موقف مؤلم جداً بالنسبه لي ..





    بإختصار..




    مره كنت مريضه جداً جداً..




    وكان يوم عيد ..





    للأسف مااحد سألني وشفيك ؟






    مااحد اظهر لي أي تعاطف ,,





    مااحد جابلي علاج,,








    مااحد اهتم ..








    كلهم راحو لبيت عمي يتعيدون..











    بعد ماهديت شوي رحت لحالي للمستوصف القريب ,





    ودخلت من باب الطوارئ..







    الكل كان مستغرب اني جايه لحالي ..







    كان الدكتور مستغرب يقول: انتي وين اهلك ؟مااحد معك ليه ؟





    وكنت اشوف نظرات الشفقه بعيون الممرضات ..




    الحمدلله على كل حال ..






    كنت اكلم نفسي وانصحها وكأني القي وحده من محاضراتي على طالباتي ,,






    بنفس اسلوبي وانا احثهم على الجد و الإجتهاد بداية الفصل جديد..






    كانت هالرحله سريعه شوي ..









    وصلنا لأبو ظبي بسرعه الساعه 10الصباح









    طبعاً الرحله الطويله كانت الساعه8 المساا..






    كان ابو فهد موصيني اروح لأي فندق انام فيه وارتاح استعداداً للرحله الطويله ..






    بس ماادري ليه ماحبيت هالفكره ويمكن اكون خفت انام عن الطياره وتروح علي الرحله ..




    طلبت تاكسي وطلعت من المطار,,قلت ودني أي مكان اشوف فيه البحر ..شاطي ,مطعم ..اي شي المهم اشوف البحر عن قرب..




    نزلت عند شاطي رائع ومكان هادي ..




    تذكرت رحلاتنا انا واهلي يوم كنا نجي الإمارات في الإجازات..




    كانت ايام حلوه وبسيطه والأهم كان عندي امل ..





    ايه امل ..





    كان عندي امل اكبر واكون سعيده واحب الحياه بس اللي صار العكس ..





    بدون مااحس بنفسي رحت اركض مثل ماكنت اسوي زمان بكل براءه..








    جا وقت صلاه العصر وانا مااقدر اشيل راسي من التعب ..




    رجعت المطار وأخذت لي غرفه بفندق المطار كم ساعه بس ..





    صليت و اكلت ونمت بعد ماوصيت وحده من البنات على الرسبشن تصحيني الساعه 6 ضروري واكرمتها ..واكيد مااعتمدت عليها ..اتصلت في ابو فهد وبلغته يتأكد اني صحيت قبل الرحله..







    نمت الساعه 3ونص وماادري كيف صحيت خمس ونص..يمكن بجد خفت تروح علي الرحله ..




    اخذت لي شور ونزلت ..


    يمكن كنت من اول الناس اللي ينتظرون الرحله ..





    رحت اشتريت لي شوية مجلات ,وشبسات ..لأن الرحله طويله وخفت اطفش بالطياره..





    كلمت اهلي وقفلت الجوال وركبت الطياره..




    كان مكاني جمب الشباك بالضبط ,تذكرت كلمة ابو فهد يوم يقول اذا كانت الرحله طويله لاتجلسين جمب الشباك ابداً..






    اخذت بالنصيحه وبدلت مكاني مع وحده هنديه ..




    وكانت هي نفسها تجلس جمب الشباك ..





    المفاجأه اني شفت البنت الصغيره اللي عند الخياطه جالسه جمبي بالطياره ومعها مولود عمره بالكثير شهر..





    ومعها واحد طويل, وطول الرحله بس ينفخ ..




    استنتجت انه زوجها ..





    انا بالوسط وبعدين هي وبعدين زوجها..





    استغربت انهم مايسولفون ولايكلمها ولاتكلمه ,ساكتين ..






    كان هو طول الوقت مشغول بالفلم اللي حاطينه وهي ساكته وسرحانه ..






    فتحت الكيس اللي معي وعطيتها بسكوت وكان بجد ودي اتكلم معها ..





    أخذته وشكرتني وسكتت..






    قلبي حاس انها ودها تسولف بس مستحيه او فيه شي يمنعها ..






    التفت جمبي من الجهه الثانيه والا امريكيه تقرا كتاب وش كبره..





    بمجرد ماناظرت فيها ابتسمت وبدت تسولف وتسألني ليه رايحه ؟




    وليه للحين بحجابك وحنا رايحين بلد الحريه؟؟






    وضحت لها بشكل بسيط ومقنع ان اللي ملزمني بالحجاب اقتناعي فيه موب أي شي ثاني ..







    نمت شوي يمكن ساعتين وصحيت ..




    على بداية فلم جديده حطوه وتابعته ..






    وتعشيت..وكملت سوالف مع الأمريكيه وعيالها الصغار ..




    كانت مستغربه اني طالبة ماستروعمري30سنه ,



    وحجمي صغير جداً..





    وزاد استغرابها يوم قلتلها ان حنا كذا بنات نجد احجامنا صغيره ونحيفات,بالمقارنه مع نساء الشعوب الأخرى ..






    كنت كل مابديت افكر افكار سلبيه احاول اطردها وافتح سالفه جديده مع هالعيله ..





    حبوني بشكل مايوصف ,وهالشي كنت اقراه بعيونهم ..






    واضح على البنت الصغيره ان ودها تسولف معنا بس ماشاركتنا ولابكلمه..






    المهم





    راح زوجها الحمام ..






    ماحسيت الا وهي ماسكه بيدي ..









    ـ عطيني رقمك ودي اتعرف عليك ..









    ـ والله اتشرف ,بس حبيبتي هذا الرقم اول مااوصل بقفله واطلع جديد..








    ـ اول مره تروحين نيوورك؟








    ـ ايه والله..





    ـ طيب بعطيك رقمي ,لازم تدقين علي بجد ودي اتعرف عليك..









    ـ ابشري هاتي ..








    ـ (.......)اسمي سلمى ..






    ـ ياهلابك,,وانا زهره ..





    اول ماجا زوجها قطعت السالفه والتفتت على المولود ..






    اعلنوا الوصول ورنت في راسي كلمة ابو فهد ..










    لاتنزلين مع الزحمه ,اصبري شوي ..


    كنت تقريباً من اخر اللي نزلوا..








    نزلت من الطياره ..









    كان البرد لايوصف ..طلعت جاكيتي ولبسته ..










    كنت بموت من التعب ..وطول الجلسه مكسر ظهري ..








    نفسي اروح واجي واتمشى بس تعبانه خلاص مااقدر اتحرك ..










    طلبت تاكسي وعلى الفندق اللي حجزلي فيه ابو فهد على طول ..














    في الفندق لقيت احمد صديق اخوي ينتظرني..








    قال انه ماقدر يوصل للمطار لأن سيارته خربت ..











    كان محترم جدا وخلوق وتقريباً نص راسه ابيض ..








    احمد رجل سعودي من ام امريكيه ومقيم بأمريكا وعنده الجنسيه..









    شكرته كثيرعلى استقبالي وماتركني الا بعد ماتطمن علي مثل ماوصاه ابو فهد وواعدته ازور المدام واتعرف عليها قريب


    صحيت ثاني يوم العصر..




    صداع مااعرف له سبب ,







    وش ذا؟؟








    كل عمري اصدع بس هالمره غير..










    جتني فكره غبيه بس قاومتها وهي الفوبيا اللي تعاني منها كل امرأه سعوديه (العين)






    ههههههههه





    ماادري كيف فكرت؟ عين ؟على وش بس ؟ الحمدلله على كل حال..








    اكلت بندول وعوذت من ابليس ..




    طلعت من الفندق متوجهه للسفاره ..







    طبعاً طبقت اهم نصايح ام فهد وخبرات اختها..







    وهي في أي ديره اجنبيه انتبهي تحطين اوراقك الرسميه وفلوسك بشنطة يدك ..








    عشان كذا لفيت الجواز والفلوس بجيب التنوره وحطيت فكة فلوس بالشنطه ..








    لاقدر الله لو انسرقت يصدق الحرامي ان مامعي غيرها..








    دخلت السفاره وخلصت بنص ساعه ..





    وبعدين البنك ..





    كان ابو فهد محول لي مبلغ اصرف منه مؤقتاً..كنت اشوفه كثير واقول لنفسي مستحيل اصرف ربعه ..ومارح آخذ منه الا للضروريات وبعد اول مكافأه ارد له كامل المبلغ ..







    مالكم بالطويله
    خلصت مشوارالبنك ..






    وابتلشت شلون اطلع لي شريحه جديده ..











    ومن سائل لــ سائل ولااحد اخذت منه كلمه نافعه ..















    وواحد من الأسواق لفيته كله ..








    ادور مثل اللي عندنا ..







    فروع اتصالات او أي شي ..














    مالقيت..













    اهم شي الشريحه ..المكالمات غاليه ..




















    فكرت اتصل بأحمد بس استحيت ..وش بيقول عني؟











    مافيه الا سلمى ..




    يوووه سلمى بعد فشله .
    وش بتقول عني ؟ ماشافت خير وماصدقت اعطيها وجهه..
    قلت بس بتصل عليها واللي بيصير يصير ..


    دق الجوال كثير وماردت ..يمكن نايمه ..


    وجلست الوم نفسي ..




    ثواني والا هي تدق ..





    ـ هلا زهره..



    ـ هلافيك ,وش دراك انه انا؟


    ـ ههههههههههه الجوال هذا مااحد يعرفه الا زوجي وانتي بس ..مااحد يدق عليه ..


    ـ وش اخبارك ؟وش مسويه؟


    ـ الحمدلله ..


    ـ والله اني مستحيه منك ,بس كنت بسألك عن شي ..



    ـ وشوله تستحين ,قولي بس قولي ..خلاص ارفعي الكلافه بينا..



    ـ كيف اطلع لي شريحة جوال ..ابي بطاقات مسبقة الدفع..


    ـ عند بيتنا فيه ..تدرين.. مري علي انا في .................


    ـ والله ماودي احرجك ,واعطلك ..


    ـ لامافيها احراج ولاشي انا ابي اطلع طفشانه ,زوجي موب فيه ..


    ـ طيب اذا وصلت بدق عليك ..


    وصلت ودقيت عليها ..وطلعت..


    كان بيتهم في حي راقي ..وكل السيارات اللي فيه مبين عليها غاليه واحدث موديل..


    رحمتها من جد ..


    تشيل الولد بيد والعربه بيد والشنطه وش ثقلها ..


    قعدت افكر بيني وبين نفسي ..
    مدري وين عقل اهلها يوم زوجوها ؟؟



    صغيره مره ..مااظن عمرها اكبرمن 17 ,اللي بعمرها تلعب في الملاهي موب ام تتحمل مسؤولية بيت وزوج ..



    ـ هاتي عنك ياسلمى..

    ـ لاعادي ,خلاص وصلت..

    ـ اقول بس جيبيه ..



    شلت الولد الصغير وناظرت هي للتاكسي ..

    ـ مامعك سياره ؟

    ـ ههههههههههه لا,السواقه عيب ,امي تقوله >>>>>>>>كنت ابي اضحكها..

    ـ هههههههههههههههههههههههههههه اجل خلاص بطلع سيارة تركي خلي وليد معك ..

    ـ طيب..





    مسكت الولد وكأني كنت ماسكه قلبي ..انا احب الأطفال بشكل عجيب ..وبالذات المواليد ..




    كانت سلمى تسوق بإحتراف على صغر سنها ..




    ـ والله مدري كيف اشكرك ياسلمى ,احس اني اشغلتك ..

    ـ وشوله تشكرين ,اجل موب خلاص صرتي صديقتي ؟؟شوفي يازهره ..طول ماحنا بالغربه لازم نتعاون ..اجل وش الفرق بيني انا والغريبه لو ماقدمتك لك شي بسيط اقدر عليه ؟؟

    استغربت من كلامها ومنطقها ,ماكان بعمرها ابد ..وهذا الشي زاد يقيني ان العقل مايقاس بالعمر..


    طلعت شريحه برقم غير مميز وكانت هاذي رغبتي ..




    ـ فيه مطعم حلو هناك,وش رايك نروح نتغدى فيه يازهره؟



    ـ يله ,اجل انا عازمتك ..


    كانت جريئه مره وفلللله على عكس اول ماتعرفت عليها بالطياره صامته وسرحانه ..


    اكلنا وسولفنا شوي عن الغربه والحياه بأمريكا وتجربه الحريه اول مره ..


    ـ من متى متزوجه ياسلمى؟


    ـ من سنه وكم شهر تقريباً..


    ـ مبين عليك مره صغيره ,كيف قدرتي على المسؤوليه بهالعمر ؟


    ـ هههههههههههههههه حنى كذا بنات عايلتنا نتزوج صغار ..


    وناظرت فيني شوي وضحكت ضحكه طويله ..


    قلت لها وانا امازحها :عيب الضحك في المطاعم, استحي على وجهك >>>اخوي يهاوش..


    قالت: على فكره ترا انتي مبين عليك موب مصدقه ..واضح عليك تعطيني جووي..


    بعلمك القصه الحقيقيه بس اتمنى انك تصدقيني لأن هالقصه مااحد صدقني فيها وانا والله العظيم صادقه ..


    ـ والله كل شي جايز بهالدنيا .احكي ..اسمعك..



    كنت بأول ثانوي ,احب المدرسه ,عاقله وخلوقه بس اني فللله ,ومشكلة الناس يحسبون ان البنت الفرفوشه واللي تضحك دايم انها قليلة ادب وماتربت ..


    هههههههههههههههههههههههههههههه هههههههههههههههه كانو معلماتي يقولون عيب انك تضحكين دايم ,وعيب انك تظهرين مشاعرك لأحد ..


    وعيب انك تقولين لمعلمتك او زميلتك انا احبك ..



    بجد كنت بريئه بس مااحد فاهمني ..خلص الفصل الأول ويوم النتايج اخذت الشهاده وانا فرحانه لأني كنت الأولى على فصلي ..



    وعرفت وحده من البنات ونشرت الخبر ..لين وصل لوحده ثانيه كانت هي الأولى بلا منازع ..كرهتني وحست اني اخذت مكانها ..



    بداية الفصل الثاني داومت عادي وكرموني المدرسه ..



    وبيوم نادتني الإخصائيه الإجتماعيه وماادري كيف طلعوني شاذه واني احب وحده واني قليلة ادب ..



    اصلاً كانت صديقتي ..



    بكيت ,حلفت ..مااحد صدقني ..وجابو وحده من الأستاذات تقول انها دايم تسمعني اقولها يافلانه انا احبك واسلم عليها ..



    قلت :طيب عادي صديقتي ,وش فيها ؟



    وهالكلمه زادت الموضوع تعقيد ..ولبستني التهمه ظلم ..وعرفت بعدين انها خطه مرسومه علي في المدرسه عشان انقل ..



    كانت بتخطيط بين البنت اللي اخذت مكانها بجداره ووكم وحده من المعلمات ..




    بطريقه ما عرف الوالد ..



    طبعاً الوالد انا اصغر عياله وهو اصلاً كبير في السن ..


    وزوجني بدون ماادري ولد عمي هذا ..قالو لازم اترك الدراسه واسافر..حاولت اقنعهم ان على الأقل اكمل دراستي منازل ..ورفضو ..


    جيت هنا ..


    طبعاً من مدح اخواني له ,حسيت انه ملاك مايغلط ..


    واكتشفت انه ........تغير صوتها وراحت تبكي بطريقه محزنه ..


    اكتشفت انه مجنون ..وفيه فصام بالشخصيه ..


    اشياء كثيره مااقدر اوصفها ..


    ـ مثل ايش ؟وش شفتي ؟

    ابتسمت وقالت:يوووه اجل خريت كل شي عندك ؟ترا ماانعطي وجه..

    ـ ماعليك ..وين راح كلامك قبل شوي ؟..كملي يله ..

    ـ اكمل وش اقول خلاص قلت لك كل شي ..

    ـ كيف عرفتي انه مريض؟

    ـ بالليل يحبني ويموت فيني ,وبالنهار يطقني ..

    ـ كيف؟

    ـ بالليل يصير زوج مثالي واحس وانا معه ان الدنيا كلها بيدي ..طيب ,حنون,كلامي اوامر..بالنهار يتحول لشخص آخر ..
    حتى لو يشوفني من بعيد بس يحاول يأذييني بأي شي ..ممكن يكب علي كوب الكوفي الحار,يطفي السيجاره بيدي..يشد شعري لحد مايطيح ..يطقني بطريقه غريبه على راسي ..

    ـ ماصارحتيه ,ماسألتيه ليه ؟

    ـ الا سألته كثير..

    ـ وش يقول؟؟

    مسحت دموعها ..

    ـ يقول عشاني احبك اطقك ..




    عرفت بعد كلمتها هاذي انها تعيش مع مريض عقلياً وعلاجه واجب ..

    وقررت بيني وبين نفسي اساعدها ..

    مر اليوم سريع معها ..وحبيتها وحبيت ولدها ..

    وسلمت عليها ورحت ..

    كان كلام ام فهد صحيح يوم قالت بتسمعين قصص تشيب الراس لاتخلينها تأثر فيك ..تقريباً مااحد يتغرب الا عشان يتخلص من شي اكبر من الغربه نفسها ..


    كنت محتاجه اجيب لي اغراض قبل اروح عند الناس اللي بسكن عندهم ..الحقيقه بحياتي ماقد جربت اسكن عند ناس ..


    حتى اقاربي ماابيت عندهم ..


    وقررت آخذ لهم هديه بطريقي ..


    جبت لنفسي كل شي ممكن احتاجه عشان مااستعمل شي من اغراضهم مثل ماقالت لي ام فهد ..


    ورنت في راسي كلمتها يوم تقول ..حتى مفرش السرير لاتضمنين من نام عليه قبلك ..


    وصلت عندهم ..


    كان بيت صغير وعلى قدهم ..


    رحبت فيني الأم والبنت الصغيره,, اسمها (سارا)..والكبيره اسمها(راشيل)بس ماشفتها ..


    ساعدني سواق التاكسي وطلع اغراضي لغرفتي ..


    نزلت عبايتي وكشفت وجههي ..





    كانت صدمه كبيره لـ سارا..



    الأجانب اكيد موب معقدين مثلنا ..على طول قالت ان انتي جميله جداً وعلى عكس ماتوقعت..لأنها كانت تظن ان عشان حنى شينات ومانثق بأنفسنا,, نتحجب..


    اما الأم قالت ان مر عليها سعوديين كثير سكنو عندها وانها ماشافت احد بجمالي ..


    كانت المره الأولى اللي احد يقول اني جميله ..


    بعمري ماقد قالها لي احد لاصديقه, لااخت ,لاام ,لااب,لااخ..


    ياترى انا فعلاً جميله والا يجاملوني ؟


    اتمنى يكون صحيح ..
    صعدت غرفتي وكانت مرتبه ونظيفه ..



    شوي لحقتني سارا..وقالت من هنا اتجاه عباده المسلمين (تقصد القبله)
    سألتها كيف عرفتي ؟قالت ان البنت المصريه اللي كانت عندهم قبلي كانت تصلي فيها ..



    شكرتها على المعلومه القيمه ,وعبرت لها عن اعجابي بنباهتها ..



    اكتشفت ان عيال الأجانب عندهم ثقه كبيره بأنفسهم ..يعني لو احد اثنى عليهم وومدحهم ..وجييهم ماتصفر وتحمر مثل بزارينا ..لأنهم يثقون بأنفسهم وماسبق لهم وجربو التحطيم


    ياويلي من التحطيم ..

    يخلي المجتهد كسلان ,والذكي غبي,والحلو شين..

    كانت امهم مسويه عشاء وحلويات احتفالاً فيني ..

    على العشا شفت راشيل ..
    كانت طويله وشقرا وتدرس جغرافيا بنفس الجامعه اللي انا بدرس فيها ..
    سولفنا شوي عن السعوديه وموقعها ,وكيف حنى عايشين ومأقلمين انفسنا بالجو الصحراوي..


    وجابت الخريطه وحددت عليها السعوديه لأمها واختها وقالت لهم زهره جت من هذا المكان ..


    بجد هالعائله مؤدبين ..


    كانت اول مره مااحد يسألني :ليه ماتزوجتي؟ ليه انتي عانس؟ ليه ماتكلمين خطابه؟


    الخصوصيات عندهم مااحد يتجرأ يجيب طاريها ..


    رحت انام بعد ماوعدتني راشيل نطلع انا وياها مع بعض عشان توريني الجامعه قبل مايبدا الدوام الرسمي..


    وانا في غرفتي تذكرت هدية ابو فهد..
    طلعتها من الشنطه وفتحتها ..
    كانت علبه فيها كتاب وفيها بطاقه ..



    مكتوب فيها ..قال تعالى:وليبلونكم الله بشئ من الجوع والخوف ونقص من الأموال والأنفس والثمرات وبشرالصابرين * الذين اذا اصابتهم مصيبة قالوا إنا لله وإنا اليه راجعون * اولئك عليهم *صلوات من ربهم واولئك هم المفلحون..






    الكتاب كان بعنوان ..(الشجاعه الإيجابيه)لـ فيرابيفر ..تحرر من المخاوف التي تشل حركتك وتعوقك عن التقدم..






    مبين عليه كتاب قيم قررت اقراه بأقرب فرصه ..ونمت..






    في الليل سمعت صوت شي كبير طاح وانكسر..صحيت بشوف وشو؟؟

    نزلت..




    كان البيت كله طافي الا المطبخ اسمع فيه قربعه..


    دخلت والا قدامي ولد تقريباً في العشرينات واقف قدام الفرن يطبخ ..

    رجعت لغرفتي وانا الوم نفسي على النزله ..



    بيتهم وهم احرار ماعد اني نازله ابد.. من غرفتي للكليه ومن الكليه لغرفتي عيب والله اتدخل بخصوصياتهم ..
    كذا كنت اقول لنفسي ..



    من مميزات السكن مع الأجانب انهم يعودونك على النظام ..يعني لازم كل يوم اصحى الساعه 5صباحاً وامارس رياضة المشي ساعه كامله مع امهم, وبعدين آخذ لي شور وافطر وانتظر الباص اللي يجي كل يوم بنفس الوقت وعشان نكون دقيقين اكثر بنفس اللحظه وماقد تأخر..




    الصراحه كلهم منضبطين ووقتهم منظم بطريقه عجيبه ..


    يعني مثلا مثلا كأبسط مثال شفته ..بعد الأكل كل واحد يغسل صحنه وكوبه وملعقته ويجففها ويحطها بمكانها بالدولاب ,على عكسنا حنى كل شي على الخدامه المسكينه ..




    مالكم بالطويله رحت الجامعه اول يوم مع راشيل..



    بجد بجد كانت جامعه تفتح النفس .. انا متأكده لو يدخلها أي واحد من عيالنا الكارهين للدراسه بيصير متفوق ..



    شي يخليك تحب العلم ..



    مكتبات,معامل,قاعات ..على احدث طراز ..



    دكاتره مستعدين يقدمون لك عيونهم بس اجتهد ..



    خلصت شوية اجرآت تخص البعثه بنصف ساعه واجتزت المقابله بـ20دقيقه ..



    موب مثل جامعتنا اللي حقروني 4ساعات كني اشحدهم ..



    مااقول الا يازين ابو التعليم اللي تعرفونه يالأجانب..



    كنت امرر بحجابي وبكامل ثقتي بنفسي مااحد استرجى يرفع عينه فيني الا المتخلفين من عيالنا اللي هناك ..



    سعوديه تدرس براا ,,وين المشكله؟



    21-02-2009, 22:58 #128
    ام كشه العبده
    خبير اقلاعي

    تركتني راشيل وراحت لمحاضرتها وكنت فاضيه انا واول محاضراتي بعد ساعه كامله..


    رحت للكوفي شوب وطلبت لي كابتشينو وطلعت لابتوبي اشوف اخبار العالم ..


    وانا انصدم من اللي قدامي ..



    زوج سلمى الطويل ..


    كان طوله غير طبيعي ..ناظر فيني وكأنه عرف ان انا اللي بالطياره ..
    طنشت وانشغلت بالنت..



    بصراحه كنت من وقت للثاني احاول اطالعه واعرف شي لو بسيط عن شخصيته ..


    ياترى طالب ماستر؟ يحضر دكتوراه؟ وش عنده بالجامعه ؟


    ثواني ودق جواله ..



    سمعته يقول انه اللحين فاضي ساعتين واذا بيجيه احد يعلمه باللي صار يجي ,وانه قدم اجازه ثلاث ايام ,وقال كلام كثير ..



    كان مظهره موب مظهر طالب بكالوريوس عادي ..


    اجل طالب ينكرف باليوم 8ساعات يجي كاشخ ببدله تسوى 3000الاف ريال ؟؟؟؟؟


    شكيت انه موظف..




    المهم

    دخلت اول محاضره..


    زاد اعجابي بطريقة الشرح ,واسلوب تعامل الدكتور,والدراسه بشكل عام ..



    ماكان فيه منهج ..بس فيه شي اسمه احترام العقل البشري ..



    عطانا الدكتور مجموعة مواضيع نقرا فيها ونرجع نناقشه ..



    مااجبرنا على البحث بموضوع ممل وقديم من سنة جدي ,بلعكس كانت لنا الحريه في الإختيار..ماقال تختبرون باليوم الفلاني واللي بيغيب بالطقاق ,,


    لا ..ثلاث مواعيد نختار بكيفنا ..تعقد ثلاث اختبارات وكل واحد حرر يدخل بأي واحد يبي ..


    واللي موب راضي عن الدرجه يدخل الثاني ..

    خلص اليوم الدراسي الأول وماانكر اني تعلقت بالجامعه وموب بس حبيتها الا عشقتها..



    بما ان البيت قريب من الكليه قررت ارجع مشي..



    كرهت السيارات والباصات ..



    بجرب امشي بحريه بدون قيود ..موب عيب ولاحرام..





    في الطريق شفت مبنى متواضع شوي بالمقارنه مع الجامعه ..
    (دار مسنين)



    فكرت بفكره نبيله شوي لأني قد سمعت ان كبار السن في الدول الأجنبيه عيالهم مايدرون عنهم ..



    اشتريت ورد وعلبة شوكلت ..



    اول بنت على الرسبشن طلبت منها تقدم العلبه والورد لأي مسن مااحد زاره ولافكر يذكره بشي ..



    شكرتني كثير..وتأثرت من موقفي..


    ترى انا موب مثاليه ,ولاني يم المثاليه ..بس مرات تطري علي طواري طيبه ..
    يمكن تكون الغيره من اهم سلبياتي لكني احاول اتغلب عليها واغمر نفسي بالعطف والرحمه للناس..حتى لو مااحبهم ..



    رجعت البيت وتغدينا ولعبت مع سارا بألعابها ودرست شوي..


    المغرب دق علي ابو فهد وصوته يخوف..بعد السلام قال:

    زهره شوفي أي احد يجيك من هالمهبل ,ويضايقك دقي على الشرطه لايهمونك ..
    لاتسمحين لأي احد يحطمك ويدمرك ..فاهمتني ؟


    ـ ليه وش صاير؟


    ـ لايهمك , خلي هالكلمتين عندك وبس ..خليك قويه مثل مااعرفك ..


    ـ ابشر ياابو فهد


    سولفنا شوي وصك ..


    كنت متأكده ان عمي او واحد من عياله مسوين شي ..بس ماهموني وانا عندهم باهتم اللحين يوم صرت ببلد الحريه ..
    أي شي بيجيني منهم مستحيل اسكت ..واللي فيه خير يحاول يضرني بشي..



    اليوم اللي بعده كنت طالعه من الجامعه وراجعه البيت ..




    اتصلت علي سلمى..




    ـ هلا زهره..

    ـ هلافيك..

    ـ تعالي تغدي عندي اليوم تكفين ,تركي يقول عنده شغل ومااظن يجي قبل الليل..



    تذكرت موضوع الإجازه اللي كان يتكلم عنها ..وش شغله اللي بيسويه وهو بإجازه؟ ..حسيت ان وراه مصيبه بس ماحبيت اقول لـ سلمى شي ..
    المهم انها اصرت علي ووافقت اتغدى عندها ..



    طول ماانا عندها وانا اقول الله يعينها على هالبيت ,موب عشانه شين لا بلعكس



    مبين ان اثاثهم غالي ومتكلفين ..



    بس الراحه النفسيه عندهم معدومه ..



    في كل مكان تمثال وفي كل مكان درج او دولاب ..



    قلت وانا امزح:وش هالدروج كلها ؟ماكأنكم شخصين..

    ـ افتحيها,افتيحها بس بيجيك صدمه..

    ـ ليه؟

    ـ قلت لك افتحيها..




    فتحت اول درج والا فيه علب مويا فاضيه ..
    وثاني درج والا فيه علب سجاير فاضيه مصففه بعنايه وترتيب
    وثالث درج فيه جرايد من سنة جدي نظيفه وممسحه من الغبار..




    ـ هههههههههههههههههههه من جدك والا تضحكين علي؟ وش هالخبال ؟ماعندكم زباله؟


    ـ مايحب يرمي شي ,حتى علب المويا اللي شفيتها يكتب على كل وحده متى شربها ؟التاريخ والوقت..

    ـ ليه طيب؟

    ـ قلت لك مريض..تبين تشوفين اكثر عشان تصدقين انه مريض ,تعالي..


    كان في غرفة النوم ورقه كبيره معلقه على الجدار ..
    مافهمت منها شي بس ارقام واحرف انجليزيه ..



    ـ وش هذا؟

    ـ جدول السنه..

    ـ مافهمت..

    ـ الساعات اللي يدرس فيها,مقسم وقته بعنايه كل يوم يدرس شي معين بعدد دقائق محدده ..ممكن ينهار لو ضاعت دقيقه,,تدرين اليوم اللي ينقص فيه درجه وحده عن المعدل اللي يتوقعه يصير يومنا اسود ..

    بالعافيه ارده لايضرنفسه ..انسان مريض كل شي عنده ماشي على الساعه ..

    ـ من جد الله يعينك,,ليه صابره؟تطلقي وافتكي ,العيشه مع هالمجنون اكيد عذاب..

    ـ مااقدر..

    ـ تخافين منه ؟

    ـ لا

    ـ ليه,طيب؟

    ـ احبه..

    ـ طيب ,مجنون,يطقك ,ممكن تموتين ؟

    ـ تصدقين انا استمتع بالطق منه ..

    ـ صاحيه انتي؟

    ـ وش اسوي احبه ,لدرجة اني صرت اتقبل منه أي شي ..

    ـ (بمزح) اجل تحملي ماجاك..



    بعد ماتركتها ادركت ان الحب يصنع المستحيل,اجل وحده مثل سلمى صغيره,وحلوه,والف من يتمناها,,وش يصبرها على هالمجنون؟الا الحب ..اذن الحب يصنع المستحيل..




    في الطريق دق جوالي والا راشيل ..

    كانت تقول ان فيه ناس جوو يسألون عنك ..



    طول الطريق وانا افكر بطريقه انهي فيها الموضوع وامشي عمي بأقل خسائر ممكنه ..



    مابي مشاكل مع الناس ..ولاابي تطلع علي سمعه شينه بالحي ...


    وصلت البيت ولقيت راشيل تنتظرني عند الباب ..



    قالت اني اقدر استعمل غرفة الضيوف متى مابغيت ..



    شكرتها كثير ودخلت ..







    كانت ضيفتي الغير متوقعه زوجة احمد ..





    يوم شفتها حسيت ان همي راح ,وايقنت ان اللي بيسوي شي مايهدد..وكلام عمي وتهديداته بالهوااااا ..مايقدر يسوي شي ..



    اجل واحد من العجز مايصلي بالمسجد القريب عاد كيف يسافر ديره بعيده ؟!!



    رحبت فيها ..



    كانت امريكيه من اصول سوريه ..جميله جداً ..واجمل من زوجها بعد ...



    كان في نيتي اخليها تكون صديقتي المقربه.. لسبب قوي وهو لأنها تقريباً من نفس عمري ..واحس انها ممكن تفهم علي ..




    تشتغل بالبريد وعندها ثلاث بنات و ولد واحد ..



    ارتحت لها راحه عجيبه حسيتها تفكر بنفس طريقتي ..





    اقترحت علي اكلمها باللغه العربيه الفصحى لأنها على كلامها نست العربي من زمان ونفسها ترجع تتكلم فيه وتقرا قرآن..





    وواعدتها اعطيها دروس في وقت فراغي لو حبت ..ورحبت بالفكره ..




    اقترحت علي اسهر معها في بار قريب.. لكني رفضت بحجة ان عندي كليه من بدري ومااقدر اسهر ..





    وفي الحقيقه انا من قبل اسافر أخذت عهد على نفسي ان رحلتي هاذي هدفها طلب العلم في مكان بعيد وهادي فقـط..


    موب لمعصيه مااضمن عمري اقدر اتوب منها أو لا..


    مر اسبوع كامل وانا كل يوم احب المكان واتعلق فيه اكثر..

    بيوم من الأيام طلب واحد من الدكاتره ان حنى طلبة الماستر نقوم بعمل انساني على مستوى الكليه ..


    نصير قروبات وكل قروب يكون لهم نشاط مستقل عن الباقين وقال انتم احرار بالفكره اختارو اللي يناسبكم ..


    شرط انه يكون عمل انساني فقط ..



    كان في نيتي ادخل في قروب كله بنات ,مابي احتك بالشباب ابداً..بس للأسف ..كل قروب فيه كميه لابأس فيها من عيالنا المهبل..



    استشرت ابو فهد ..وقال لي خليك رسميه ولاتعطينهم وجه كثير ..


    دخلت بواحد من القروبات ..


    تقريباً مااتكلم الا مع الأجانب وواحد مصري بس والباقين انواع الطناش ..


    وفي اول اجتماعات القروب ..مسكت المايك بكل ثقه وعرضت فكرتي..

    ولاقت ترحيب كبير واقتناع ..



    فكرتي بكل بساطه ..




    تنظيم رحله لدار الأيتام وتخصيص ميزانيه معينه ناخذهم فيها لمدينه ترفيهيه ونقضي معهم يوم كامل..



    مر الإجتماع سريع وقسمنا الأعمال بالتساوي..وتم تعييني كقائد للقروب بناءاً على اختيارهم لي ..




    زرت الدكتور في المكتب واقتنع بالفكره ورحب فيها وعطانا الموافقه..
    واتفقنا على تاريخ معين بعد اسبوع واحد..



    رجعت البيت وتعشيت وصليت ..وبديت استعد للنوم ..



    دق جوالي ..




    ـ الو..

    ـ مرحبا يازهره انا خالد زميلك بالقروب..

    ـ ووش تبي يازميلي بهالوقت؟

    ـ زهره الله يخليك لاتتريقين والله اني جاد..

    ـ جاد بإيش ,وش عندك ؟

    ـ ابي اتعرف عليك..

    ـ ياامي ياقدمك ,ماتو اللي يسوون هالحركات ..اقول بس روح نام ورانا شغل كثير بكرى..

    ـ طيب بس عطيني فرصه..

    ـ وشوله اعطيك فرصه ممكن تخليك تخسر نفسك ؟؟ياامي حتى لو تبي تتزوجني ,انا اكبر منك ..وش تبي فيني ؟ بجد بجد ,ترى الدنيا حلوه ومليانه بنات ,,واكيد الوالده هناك بالرياض تنتظرك تتخرج عشان تخطب لك بنت من سنك ..
    اقول بس روح نام وراك جامعه ياامي ..



    سكرت ,وندمت اني عطيتهم رقمي وقلت لنفسي اذا استمر الإزعاج بغيره..


    بجد انا استغرب من بعض عيالنا ..


    تصير قدامهم بنات عمهم وبنات خالهم مافيه احسن ولااجمل منهم ويروحون يدورون وحده غريبه مايعرفون عنها شي ..


    الله يصلحهم بس..


    ثاني يوم خبرونا في الكليه ان واحد من الدكاتره مريض ومنوم في المستشفى ..


    وان الكليه قررت تعين واحد من الأساتذه مكانه يخلص لنا باقي الفصل عشان مانضيع وقت ..



    كانت ماده علميه بحته ,والصراحه اني شلت هم الخبط كل معلوماتي مع الأستاذ ..



    كنت انتظر في القاعه ومع دقة الساعه دخل الأستاذ,طالعت بوجهه..لا مااصدق مستحيل يكون هو ..



    هو نفسه ,نفس الطول ,نفس النظره,نفس الملامح ..



    الا هو ,هو اكيد هو .. كأني احاول اقنع نفسي بس نفسي ماكانت تبي تقتنع لسبب مااعرفه ..


    زوج زهره ..تركي ..



    كان انسان طبيعي يشرح عادي ,موب مبين عليه ابداً انه المريض النفسي اللي يجمع العلب..



    اصلاً,اصلاً..لو عرفو الكليه بمرضه اول شي يسوونه بيمشونه ..


    الا الصدق هو كيف تعين بجامعه مثل هاذي وهو سعودي ؟؟


    مر في خيالي حلم جميل اتمنى من كل قلبي احققه ..


    وهو اكون انا بعد استاذه بهالجامعه واستقر بنيورك طول حياتي ..


    كان مجرد تخيل هالشي يخليني احس بسعاده مالها مثيل ..


    مرت المحاضره سريعه ..




    طلعت والسماا تمطر ..



    ياقدمي بس عن المطر ..من متى ماشفت مطر ؟؟


    كان غزير ورائع ..


    ماحبيت ارجع البيت ..رحت اتمشى وادعي لأني قد سمعت ان الرسول عليه الصلاه والسلام كان يحب يدعي في المطر..



    رجعت البيت واخذت شور سريع ..


    طالعت بالمرايه وبدون مااحس بنفسي صرت ادندن واغني مقطع في طفولتي كنت اسمعه بأفلام كارتون..



    غالي ترابك ياوطني**حبك نبض دمانااااااا
    سحر انت وجمااااال**تزهر فيك آمالوووووو
    غالي ترابك ياوطنييييييييييييييييييييييي
    دمت ,يااملي المنشووووود..
    حراً,تعلو,بنيانااااااااااااااا اااااا



    كنت اظن ان حب الوطن للصغار بس ,اما الكبار مايحسون فيه عادي ..


    واثبت لي عقلي الباطن بإسترجاعه لهذا المقطع اني موب بس احب وطني الا اعشقه ..


    مهما بعدت عنه ,ومهما كانت ظروفي وانا فيه صعبه ..




    دق جوالي وكانت امي ..وبعد السلام ..




    ـ ابشرك يابنيتي شفت فيك حلم زين..

    ـ خير ان شاء الله ياميمتي..

    ـ خير يابنيتي ماودي افسره بس ان شاء الله انه زين وفيه خير لك ..




    خذي كلمي عبد العزيز له ثلاث ايام يبكي يبي يكلمك ..



    ـ عمه انتي طيبه؟

    ـ ايه حبيبي الحمدلله ,انت وشلونك؟

    ـ عمه بابا يقول بنجيك بإجازة العيد ..وكتبنا على التقويم اجازة بابا..

    ـ ان شاء الله حبيبي ..عطني اختك اكلمها ..

    ـ لا انا ابيك,,,,عمه انا كل يوم انام بغرفتك عشان اشم ريحتك واتذكرك..





    مدري كيف مسكت نفسي لآخر المكالمه وبكيت من كل قلبي ..


    لهالدرجه صرت بمكانة امه ؟ لهالدرجه متعلق فيني ويحبني؟



    يمكن ربي عوضني بعبودي ولد لي ..ومن يومها قررت اسمي نفسي ام عبد العزيز ...




    مالكم بالطويله ..


    شيكت بالصرافه ولقيت مكافأتي نازله ..


    طبعاً كان المبلغ متواضع جداً وقررت اني ابدا اتبع اسلوب جديد في الصرف ..


    يمكن اكون ظالمه نفسي شوي ..


    بس اظلم نفسي ولااظلم اخوي ابو فهد مهما كان..


    عياله اولى بخيره ..


    وحولت له كامل فلوسه مع المبلغ اللي صرفته ..



    دق علي ثاني يوم ومسح فيني الأرض مسح..



    وفشلت كل محاولاتي بإقناعه اني ولله الحمد موب حاجه..



    ورجع حول لي المبلغ بزياده ..



    الله يخليه لي ابو فهد ..بالنسبه لي اعتبره اب موب مجرد اخ ..



    من مميزات الغربه انها تخلي الشخص العادي رومانسي وشاعر ..



    بهاذيك الفتره زدت قرآتي من الشعر التقليدي العامي وصرت من اشد متابعينه ومتذوقينه ..



    كنت استغل أي وقت فراغ عشان اقرا في المنتديات قصائد شعرائي المفضلين ..




    حتى صرت انظم قصائد بنفسي ..




    المهم

    جا يوم النشاط ..


    كانت مسؤوليه كبيره بالنسبه لي..ويمكن مااقدر عليها ..فكره سلبيه حاولت اقاومها ..


    مر اليوم طويل وصعب ..ماواجهتنا مواقف صعبه مثل ماتوقعنا بس تعبنا من المشي واللعب طول النهار ..



    رجعنا الدار وسلمنا الأطفال وهم مبسوطين ووعدناهم نعيد هالرحله بأقرب فرصه تتوفر لنا ..



    وانا طالعه من الدار ..دخل خالد ..



    ـ وين رايحه ؟براا مطر ..خطر الطلعه اللحين اصبري شوي ..

    ـ طيب ..شكرا..




    جلست انتظر المطر يخف على الأقل..ودي ارجع للبيت اريح من الصبح وانا واقفه ..




    كان اسلوبه غبي في محاولة فتح حوار معي ..




    ـ عندك سياره ؟والا اوصلك ؟

    ـ لاشكراً باخذ تاكسي ..

    ـ مااظن يجيك تكسي اللحين حتى لو طلبتي ,بهالمطر صعبه يوصل بسرعه ..

    ـ معليش بكيفه متى ماجا يجي ..




    اتصلت بسلمى وسألتها اذا ممكن تقدر تجي تاخذني بس انها قالت ماتقدر تطلع ومعها الصغير بالبرررد القوي والمطر واقترحت علي تكلم تركي يوصلني لكني رفضت ..




    خف المطر شوي وخالد مازال موجود على امل اني اعطيه وجه واطلع معه ..



    قلت لنفسي مستحيل اعطي أي شخص فرصه يكون له فضل علي ..ورحت للبيت مشي..



    وصلت بعد ماتغرقت ملابسي ومرضت لأن المسافه بلمره بعيده ..



    طول فترة الزكام كانت سلمى تزورني يومياً..لحد ماتعافيت ورجعت اداوم في الكليه ..


    فترة المرض خلتني اكشف زميلاتي بالكليه على حقيقتهم ..


    على علمهم بمرضي ولاوحده فكرت تكلمني بالجوال على الأقل ..


    وناقشت هالموضوع مع ام فهد كثير ..وحذرتني منهم وكأن قلبها حاس ان فيه شي ..


    مرشهرين وبدت اجازة العيد ..


    اخذت اجازه ثلاث ايام من الكليه ووافقو لي عليها بمنتهى السهوله,, وقدرو ان يوم العيد عندنا موب للدراسه ..



    جوو اهلي ..



    ابو فهد وام فهد وعيالهم والوالده ..جلسو عندي اسبوع خيالي ..



    وكان عبودي اكثر واحد قضيت معه اكبر وقت ..



    مشيته ووانبسط ..ويوم اخذته معي الكليه بعد ماخلصت اجازتي ..



    وودعتهم وهو اكثر واحد يبكي ..



    امي تغيرت من ناحييتي من بعد ماجت وشافت كيف انا عايشه ..يمكن انها صارت تثق اني قد الغربه وقد العيشه بلحالي ..



    ويمكن انها قطعت الأمل بزواجي مثل ماانا قطعته, وشافت ان الغربه افضل الحلول لي ..



    قبل يمشون قالي ابو فهد استغل فترة الدراسه واتدرب بأي مركز بنيوورك لأن فرص التدريب عندنا تكاد تكون معدومه ..




    وقدمت اوراقي لمركز تأهيل معاقين عشان اتدرب عندهم بشهادة البكلوريوس وانتظرت الموافقه ..



    بعد شهر ..


    اتصل علي رقم غريب ورديت عليه..
    كان تركي ...



    ـ الو سلام عليكم..

    ـ وعليكم السلام ,من معي؟

    ـ انا تركي زوج سلمى ..هي قالت لي اكلمك ..تبيك تجين ضروري لأنها تعبانه وفي المستشفى..

    ـ وشفيها عسى ماشر ؟

    ـ لا ان شاء الله انها طيبه بس طلبت مني ابلغك تجين بسرعه ..



    كان الوقت بدري مره ..يمكن الساعه 4صباحاً..ومااقدر اطلب تاكسي بهالوقت ..

    وطلبت من راشيل توصلني للمستشفى ..




    في المستشفى..




    كانت سلمى في الطوارئ..وصوت صياحها اسمعه من اول الممر..



    دخلت عليهم ..



    سلمى: شفتي وش صار لي يازهره ؟والله قلبي كان حاس ..



    تركي: للحين مافيه شي اكيد ,اذكري ربك ياسلمى ,اكيد فيه غلط ..


    ـ وشفيك ياسلمى ؟وش صاير ؟؟


    ـ شاكين ان عندي ورم في يدي..ويبون يعيدون التحليل..


    ـ لا ان شاء الله ,بسم الله عليك, اكيد غلط ..اقولك شي يطمنك..اختي مره طلع في اصبعها انتفاخ بسيط والكل شك انه ورم سرطاني بس الحمدلله طلع شي بسيط وسوت عمليه وطلعت بيوم واحد ..لاتوسوسين ..


    ـ اكيد يازهره ؟


    ـ ايه اكيد..تدرين وريني ابشوفه .



    كان شكله مرعب تقريباً بحجم تمره ويخووف ..وبيني وبين نفسي شكيت ان الموضوع كبير بس ماحبيت اقول شي لين نتأكد..



    انا:طيب حسيتي بأي اعراض ؟


    ـ لا اصلاً مادريت عنه الا بعد ماقالي تركي ,وش في يدك ..


    ـ معقول ماانتبهتي له؟


    ـ مرات احس بشي اذا جيت اشيل الشنطه على كتفي ,بس ولامره فكرت انه ممكن يكون ورم..


    ـ دامك ماتحسين بأي الم ان شاء الله انك طيبه..


    قطع تركي كلامي :الله يسمع منك..


    جت الممرضه وطلعت انا وتركي ..


    انا: عطني وليد اشيله ..

    عطاني الولد وشغل سيجاره ..



    ـ انتي تاخذين معي ,,,,,,,,ذكريني أي ماده؟

    ـ الـ,,,,,

    ـ اييييه .. درستي البكلوريوس بالرياض صح؟

    ـ ايه ,وكملت ماستر بس قطعتها بعد ماطلعت البعثه..وقررت ابدا هنا من جديد..

    ـ بنشوف اذا بتصبرين والا لا؟؟عندنا مافيه دلع ,فيه جد واجتهاد ..



    طنشته واستحقرت اسلوبه..اجل هذا اسلوب استاذ؟!
    تذكرت جدوله وفكرته الغبيه وجلست اتحمد واتشكر بيني وبين نفسي..


    نادانا الدكتور وقال ان نتائج التحاليل بعد ساعه وحده ..بس ماطمنا ..جلست جمب سلمى وذكرتها بفضل الدعاء ,وقامت صلت ركعتين ودعت ...


    جت نتيجة التحليل سلبيه وخبرنا الدكتور انها مستحيل تكمل اكثر من 6شهور لو مااستعجلت بالعمليه ..(الأعمار بيد الله طبعاً والدكاتره ماعندهم الا التوقعات)


    وانهارت سلمى ..



    حاولت قد مااقدر اهديها واطمنها بس ولاكأني اتكلم ..


    مهما كان سلمى توها صغيره وتقريباً لسه مراهقه وقالو لها بتموتين شي طبيعي تنهار..


    رفض الدكتور يطلعها من المستشفى لأن حالتها صعبه..




    تذكرت ان في شنطتي كتاب اذكار طلعته وحطيته عند راسها ,وجيت بطلع ..



    ماادري كيف حست ونادتني :


    زهره..زهره..



    ـ لاتتكلمين ارتاحي..



    ـ زهره وليد امانه عندك لو صارلي شي ,لاتخلينه مع ابوه المجنون ..وتراه من اليوم صار ولدك.. لين تسلمينه لأمي او وحده من خواتي اذا صار لي شي ..اوعديني ..



    ماكان عندي أي خيارات ..وعدتها ..



    قبل اطلع شفت تركي جالس في الممر ..




    ـ عطني وليد باخذه معي ..


    ـ لاوالله مشكوره مانبي نزعجك ..


    ـ استاذ ,سلمى بالنسبه لي صديقه مقربه واقل واجب اني احافظ على ولدها فترة مرضها ,,هذا طفل صغير عمره اقل من ثلاث شهور مارح تعرف تهتم فيه ..اوعدك اكون امينه عليه ..


    ـ هي طلبت منك؟؟


    ـ ايه وانا اصلاً كنت باخذه من غير ماتقولي هي..


    ـ طيب ومحاضراتك وشغلك ؟؟


    ـ ماعندي محاضرات اليوم بس بروح المكتبه العامه ..وشفيك ترا مارح آكله ..


    ـ (يضحك) لا والله موب قصدي ,بس اخاف يزعجك ..


    ـ لاعادي انا ابيه يزعجني ..


    ـ بجيب لك كل اغراضه لحد البيت ..


    ـ انتظرك..



    طلعت واخذت وليد وكان توه صاحي ..فتح عينه وابتسم لي ..


    فرحت ..حسيت الدنيا حلوه ..كل عمري احلم يكون عندي مولود بعمر وليد لو ساعه وحده وربي عطانيه يوم كامل لي بلحالي ..


    وأخيراً بجرب يكون لي طفل ..عادي حتى لو ماكنت امه.. بس مجرد اني اتخيل هالشي احس بسعاده ماتوصف..


    رجعت البيت وساعدتني سارا في تغسيله ..


    كانت تجربه جميله مستحيل انساها بحياتي ..ام لأول مره..


    طنشت مشوار المكتبه ونمت بجمب طفلي ..


    بعد ماصحيت ولقيت نفسي مطنشه مشواري المهم ..


    تذكرت نفسي ايام البكلوريوس يوم كنت الوم زميلاتي (الأمهات) عشان غيابهم الكثير وتضييع اهم المحاضرات ..


    واقتنعت ان معهم حق ..


    اغيب عشان اجلس مع ولدي .. وناااااااااسه,وشعور يهبل ..


    كان تركي يدق علي ثلاث مرات في اليوم عشان يتطمن على وليد ويتأكد اذا ازعجني ..


    وكان دايم يحطم فيني بخصوص الدراسه..


    مارح تكملين ,صعبه عليك>>>>ومن هالحكي..بس انا اطنشه..




    ليلة امتحان مادة تركي



    جت الساعه 12 بالليل وانا ماخلصت دراسه ..ووليد الله يصلحه شاغلني بقوووه..


    وبيني وبينكم كنت ابي اثبت لأبوه اني قدها وان كلامه مااثر فيني ..
    الساعه 1صباحاً اتصل..




    ـ هاه للحين مصره تخلين وليد عندك؟

    ـ ايه ,ليه متوقع اضعف عند اول موقف؟

    ـ (يضحك) بنشوف ..على فكره سمعت ان الفصل الثامن يـ...........

    ـ شكراً مابي أي مساعده من احد ..

    ـ طيب انا في المكتب من الصبح لو بغيتي مساعده..




    سكرت السماعه ..
    تركي انسان وقح ومريض ..كذا كنت افكر..



    على الساعه 3 خلصت دراسه واستعديت للنوم ..


    كان وليد يبكي وماقدر ينام ..وسهرت معه للصبح..




    الساعه 8 اخذته لأمه في المستشفى يجلس عندها فترة الإختبار بس ..



    ماقدرت ارفع راسي من التعب..


    اول مادخلت الكليه,رحت آخذ لي كابتشينو عشان يطير النوم واقدر اركز ..



    كان الكوفي شبه فاضي ..وبواحد من الأركان جالس تركي يدخن ..



    ماكلمته طلبت وجلست افطر ..


    جت وحده من بنات الشعبه البثرات ..


    وقالت لي انها سمعت عن الأستاذ تركي في الكليه انه شديد واسئلته صعبه ..


    مارديت عليها لأني ولله الحمد شبه واثقه من نفسي ..ونوعية هذا الشخص ماره علي كثير من زمان واعرف اتعامل معهم..


    راحت البنت وجلست افكر بسلمى وكيف بتقدر تصبر على وليد وهي مريضه ..


    مادريت الا الشخص اللي يهاوش وراي وشوي ويطقني ..


    ـ بفهم بس بفهم ,انتي على ايش شايفه نفسك ؟

    ـ (بكل برووود) عسى ماشر استاذ تركي ,تعال طقني احسن..

    ـ متأكده انك انسانه والا ايش بالضبط؟ مساعده ترفضين ,,قاعد هنا من 6 الصبح انتظر حضرتك تجين تسألين عن شي ماجيتي..وش تبين بالضبط ؟تبين يكون لك فضل علينا وبس ؟

    ماقدرت اصبر, وقلت..



    ـ الله يعين سلمى عليك ,من جد مريض..





    رفع حاجبه بذهول وكأنه موب مصدق ان سلمى قد قالت لي انه مريض..
    طلعت وطنشته..



    بالإختبار ماقدر يطالع فيني ولايكلمني ابداً..

    كانت الأسئله اقل من مستوى دراستي بكثير وتوقعت اجيب درجه حلوه..




    في الطريق للمستشفى خفت اكون سببت مشكله لسلمى بكلمتي لزوجها..



    ولمت نفسي كثير على موقفي المتهور ..



    رحت لها عشان آخذ وليد..


    ورجعت البيت ..


    اول ماوصلت دق جوالي ..






    تركي: الدرجه الكامله ,مبروك النجاح يازهره..


    ـ شكراً,صححت بهالسرعه؟؟


    ـ لك بس..


    ـ شكراً,,ببشر سلمى..


    ـ لاخلاص قلت لها ..من جد اسف على الموقف البايخ اللي اليوم ومشكوره على اهتمامك بوليد ..


    ـ لاعادي انا مقدره موقفك..ووليد مثل ولدي مافيها شي..


    ـ زهره بنصحك نصيحة ..


    ـ وشهي؟


    ـ لاتصدقين أي شي ,بالأخير الناس مالهم الا الظاهر,صح؟


    ـ صح, الف شكر استاذي..


    مع نهاية المكالمه احترت وجلست افكر فيه ..


    معقول يكون شخص عادي, بس موسوس شوي؟ امممممممممم كل شي جايز..



    انتهى الترم وحالة سلمى نفسها نفسها للحين تفكر تغامر وتسوي العمليه والا ترجع لأهلها تنتظر يومها..مسكينه ياسلمى..


    الحقيقه ماحبيت فكرة آخذ اجازه وارجع للرياض..


    اكيد بيحرجوني احضر كل مناسبات الأهل ومارح اخلص من الأسئله ..ولامن الذبات الأليمه..


    نزلت فصل صيفي ..واشتركت بنادي ..


    تحسنت صحتي وصرت اركض ساعتين باليوم بكل لياقه بعد ماكان المشي نص ساعه يتعبني ..


    وحضرت اكثر من ندوه وعمل تطوعي في مجال تخصصي ..




    وبيوم جلست افكر بموضوع يخصني, واستشرت ابو فهد ..



    يومياً ادفع مصاريف تاكسي بمبالغ لو جمعتها ممكن تفيدني ..الصراحه فكرت اشتري لي سياره واتعلم السواقه ..


    في البدايه رفض ابو فهد لأنه خاف علي ,,بس مع شوية اصرار مني وافق بشروط من اهمها: اكتم هالموضوع حتى عن امي وابوي ..



    ورضيت ..


    التحقت بمركز تعليم القياده واتقنتها بأقل من اسبوع ..


    وكانت نصيحة ابو فهد لي بسياره صغيره وعلى قدي ..مستعمله بس زينه ..



    من مميزات السواقه ..


    تخليك حرة نفسك ,ماتتقيدين بأحد ..


    تروحين بالوقت اللي انتي تحددينه ,ترجعين براحتك..


    وفك الإطارات وتركيبها مافيه اسهل منه ومايحتاج تعليم ..


    وقد جربته اكثر من مره ..


    كان خبر سعيد لزميلاتي..يمكن حسو اني بديت اتطور ..


    اما صديقتي الهام(زوجة احمد)مااكتفت بالمباركه واحتفلنا انا وياها وعيالها بأحد المطاعم بمناسبة شراء السياره..


    ماانكر ان وقت الفراغ يسبب لي افكار سلبيه لكني اني اقاومها بشجاعه ..


    وانتهت السنه بحلوها ومرها ,وتمت دعوتي لحفله بمناسبة عيدالكرسمس من شخص مجهول..




    كان شكل البطاقه راقي جداً..



    بصراحه انا بحياتي ماجتني دعوه خاصه ..



    من كل عمري اللي بيعزمني على مناسبه يكتب اسم العائله كلها >>>طعوس..



    كنت خبله مااعرف وين مكان الحفله الموجود في البطاقه ..




    واتصلت بوحده من زميلاتي عشان تقولي وين ..




    الحقيقه كنت شايله فكرة الروحه من راسي بس بشوف وينه فيه المكان..




    قالت انه حديقه كبيره السهره فيها وناسه ليلة راس السنه ..



    وخبرتني ان الشخص اللي دعاني اكيد يدري اني مسلمه ومحجبه لأن هالمكان مافيه رقص ..وراقي جداً..



    ذبحني الفضول وقررت اتصل فيهم واسأل عن اسماء اللي حجزو ليلة راس السنه ..





    وعرفت من دعاني ..




    اطفار دار الأيتام ..





    شوي وبطير من الفرحه موب لأني قررت اروح بلعكس ,لأني قدرت أأثر فيهم واخليهم يحبوني ,ويفكرون فيني ..




    مالكم بالطويله ..




    ليلة راس السنه خبرتني راشيل انهم بيسوون في بيتهم حفله وبيجي اخوهم واصدقاؤهم..وعزمتني لكني رفضت ..




    فضلت اقضي هالليله برا البيت بلحالي لين يخلصون حفلتهم ..




    كان الشارع كأنه قصر افراح عندنا ..الكل مبسوط وفرحان واصوات الأغاني في كل مكان عاليه ..




    كل مكان فيه كميه لابأس فيها من المعاصي ..




    صرت اتمشى بالشوارع بسيارتي وافكر بأمور كثيره..





    وقفت عند اشاره وقطع الشارع قدامي مصريه مع اطفالها الأربعه ,,كانت بنت عاديه واقل مني جمالاً بعد..




    لاشعورياً قلت لنفسي:ياخسارة عمري اللي ضاع ماجبت لي ولد واحد ..







    وعرفت من دعاني ..





    اطفار دار الأيتام ..





    شوي وبطير من الفرحه موب لأني قررت اروح بلعكس ,لأني قدرت أأثر فيهم واخليهم يحبوني ,ويفكرون فيني ..




    مالكم بالطويله ..




    ليلة راس السنه خبرتني راشيل انهم بيسوون في بيتهم حفله وبيجي اخوهم واصدقاؤهم..وعزمتني لكني رفضت ..




    فضلت اقضي هالليله برا البيت بلحالي لين يخلصون حفلتهم ..




    كان الشارع كأنه قصر افراح عندنا ..الكل مبسوط وفرحان واصوات الأغاني في كل مكان عاليه ..




    كل مكان فيه كميه لابأس فيها من المعاصي ..




    صرت اتمشى بالشوارع بسيارتي وافكر بأمور كثيره..





    وقفت عند اشاره وقطع الشارع قدامي مصريه مع اطفالها الأربعه ,,كانت بنت عاديه واقل مني جمالاً بعد..




    لاشعورياً قلت لنفسي:ياخسارة عمري اللي ضاع ماجبت لي ولد واحد ..



    اعترف ان هالموضوع كان شاغلني بقوه ايامها..



    وقفت في شارع جانبي وانا اطالع بالساعه واحسب كم باقي وتخلص الحفله عشان ارجع انام ..



    4ساعات..



    ياربي ,,وش بسوي كل هالوقت ؟



    المكتبات مسكره,النادي مااظن يفتح بيوم بمثل هذا ..الأماكن العامه مليانه معاصي ..وش اسوي بس؟




    رحت اقرب فندق ومالقيت أي غرف فاضيه ..كل شي فللللللللللللللللللللل..




    مشى الوقت بطيء ومافيه أي فكره سلبيه الا وطرت علي ...




    رجعت البيت ..
    حطيت راسي ونمت ..
    الصبح صحيت ولقيت 4مكالمات كلها من ام فهد ..




    رجعت دقيت ..




    ـ هلا ام فهد ,معليش كنت نايمه..

    ـ ياقلبي بس اعذريني ماقدرت اصبر ..

    ـ لامهيب مشكله بس قولي..

    ـ الف مبروك خطبك ابو سعد ..

    ـ ههههههههههههههههههههههه ..ام فهد معليش ازعجتيني على الصبح عشان تقولين لي ابو سعد خطبك..

    ـ ايه وش فيه ابو سعد ؟ موب احسنلك من كلام الناس ..
    ماتذكرين كلامك يوم كنتي تقولين ابي أي احد اسكت الناس فيه ..


    ـ قلتيها بنفسك ..كنت .. كان فعل ماضي ..خلاص.. انتهى موضوع العرس ..مع السلامه..



    ـ بكيفك..انتظري مكالمة عمتي, قالت لي اول ماتصحى بتتصل عليك ..


    تذكرت حركه قديمه كنت اسويها بجوالي اذا كنت مابي احد يكملني ..



    عباره عن خدمه ..اذا دق علي احد يطلع كأن الجوال مغلق وهو عادي مفتوح ان حبيت ارد والالا..


    كان شرح الفكره لموظفة الإتصالات شاق جداً..


    ويالله فهمت اني ابي هالشي ..وصار اللي ابي الحمدلله..


    بعد ماطلعت ارسلت مسج لأم فهد اني طالعه مشوار مع صديقاتي وجوالي خربان ما يكلم..



    الحقيقه بعمري ماكان عندي صديقات ..لا في ديرتي ولافي الغربه ..الا سلمى ..


    وسلمى خلاص رجعت لأهلها..


    والهام تجاملني بس عشان زوجها صديق ابو فهد والا هي اذا ماكلمتها تطنش..


    وقررت اطلع مشوار لحالي..


    رحت السنما وشفت لي فلمين وتمشيت بالسوق ..


    وانا طالعه من السوق كان تركي داخل ..سويت نفسي ماشفته..


    وتذكرت سفر سلمى ودعيت من كل قلبي ان ربي يشفيها ..




    في البيت كان عندي شغل على الكمبيوتر ..


    وفجأه خرب ..



    شانت الأخلاق وضاق صدري واكتأبت ..دق تركي ..رديت عليه..



    ـ هلا زهره كيفك؟


    ـ الحمدلله بخير..


    ـ زهره بقولك شي ..شوفي انا مااعرف للمقدمات ..زهره تتزوجيني؟


    ماادري كيف حسيت وفكرت ..وبدون شعور..


    ـ ايه موافقه..


    ـ طيب متى اكلم اهلك ؟


    ـ هاه ,موب اللحين بعدين ...(وكـأني بديت استوعب وش قاعده اقول)


    صك ..وشوي كنت بذبح نفسي ..واتخلص منها على طول ..


    لمت نفسي كثير وسألتها ..معقول اني وصلت لهالمرحله ؟



    اتزوج زوج صديقتي؟اخونها؟


    تمنيت يكون عندي اخت واشاورها ..كيف اخلص نفسي من هالسالفه ؟ماقدرت..



    قضاء وقدر ..
    ماقدرت اروح الكليه ثاني يوم من الإحراج..



    اصلاً ماادري كيف قلتها ؟



    مر اسبوع


    وقدمت اجازه اسبوعين..



    اتصلت وحجزت على اقرب رحله للسعوديه ..



    وكل هالفتره وانا افكر كيف اطلع نفسي من كل القصه ..




    قلت لأهلي اني اشتقت لهم وجيت ..




    وطبعاً الوالده حاولت كم مره تقنعني بأبوسعد ,وان الزواج احسن من الغربه لكني رفضت ..


    بديت افكر افكار مدري منين طلعت ..بالإستقرار,بالأطفال,بالحب ..بأمور كثيره..



    وقررت بالأخير اتزوج تركي ..


    كان قرار صعب ..



    للأسف مااقدر اكمل حياتي بدون زواج ..



    كلمت اهلي ووافقو على طول ..



    تركي بالنسبه لي آخر فرصه ممكن اتزوج فيها ..



    رجعت نيوورك ..



    فتحت جوالي الثاني وكان مليان مسجات وينك ؟وليه ماتردين؟



    دقيت على تركي ورد..



    انا: هلا استاذ..

    ـ هلافيك يازهره ..

    ـ تقدر تكلم اهلي اللحين..

    ـ وش اكلمهم فيه ؟




    كان موقف محرج جداً بالنسبه لي وله بعد ..



    واضح انه ماكان بوعيه وقتها ..



    حاولت انسى الموضوع واشيله من راسي مره ثانيه ..





    بعد خمس شهوروصلني خبر ان تركي أخذ الدكتوراه ورجع للرياض ..





    خلصت دراسة الماستر وماباقي الا الرساله ..



    فكرت اعدل على رسالتي واسلمها بس تمنيت تكون رسالتي حديث الموسم ..



    وبديت اشتغل ليل مع نهار على وحده جديده بمستوى الكليه اللي انا فيها ..



    بفترة كتابة الرساله


    كنت اشتغل ليل ونهار..لأني خفت تكون اقل من المستوى واتفشل قدام اساتذتي واطلع بالمناقشه مااسوى ..


    سيطرت علي الكوابيس والأحلام..


    مرات اشوف لابتوبي ينسرق ويضيع كل تعبي وشغلي,, ومرات اشوف ناس تقطعني بسكاكين ..



    لدرجة اني من قوو الوسوسه صرت أي شي اكتبه انسخه على سي دي واطبعه واصوره ثلاث نسخ..


    وقتها ماكان عندي مكتب ..كنت اشتغل على الأرض ..



    احط اوراقي على الأرض واتسند على الكنبه الوحيده عندي ..



    تعبت نفسيا وجسديا ..


    كتفي من كثر الجلسه ماعد اقدر احركه..


    من اصحى الصبح آخذ لابتوبي واروح مركز التأهيل ومن المركز للمكتبه ومن المكتبه ارجع البيت واكمل شغل ..


    كان ودي اشتريلي مكتب وكرسي عشان اريح نفسي بس وين احطه ؟,,هذا السؤال..


    غرفتي مره صغيره وماتكفي وتقريبا مساحتها نصف مساحة غرفتي في بيتنا..



    كانو البنات دايم يحاولون يقنعوني اسكن معهم بنفس العماره ..طبعاً العماره اغلب سكانها جنسيات عربيه ..



    اللي معها ابوها واللي اخوها واللي زوجها ..
    بس كان السكن فيها غالي شوي..



    كلمت اهلي ورتبت معهم وحولو لي مبلغ حليو..



    كان اقل من اللي توقعته بس شي احسن من لاشي ..




    سكنت بشقه لحالي لأني من جد تعبت من الغرفه الضيقه اللي كنت فيها وبعد ابي آخذ راحتي بشكل عام..



    ابي اتروش بكيفي موب احد يجي يشرط علي عدد دقايق معين ..


    ابي ارفع صوت التلفزيون براحتي..ابي اعزم زميلاتي ..ابي ارتاح ..




    وادمنت الوجبات السريعه وقتها..


    طبعاً ماعندي وقت اطبخ ,,وكل شوي اطلب بيتزا لأن محلها كان بنفس العماره تحت ..


    وزاد وزني الضعف..


    خلصت الرساله اللي مابغت تخلص ..



    بعد ماحطيت فيها اكثر من مجهودي ..ومع كذا كنت خايفه افشل بالمناقشه ..


    يومياً ادعي واستغفر ..



    كنت اتمنى مقبول بس مااتفشل ويطيح وجهي ..



    من كثر الخوف والهم طبعتها وصورتها اكثر من نسخه..ووبديت اوزعها ..



    نسخه ارسلتها بالبريد لأخوي,ونسخه حطيتها عند الهام..


    بيوم المناقشه كنت مرتبكه بالمره وطلعت بدري..


    بالطريق دخت ومدري وش صار لي ووقفت على جمب..


    صرت اشوف الدنيا سودا..


    صحيت ولقيت قدامي رجل امن ,وطبيب مسعف..


    قالو ان صابني انخفاض بالضغط..ونصحني الطبيب اروح المستشفى آخذ ادوية ..ضغط ..



    انا مصابه بالضغط بهالعمر .. اجل على الخمسين وش ممكن يصيبني ؟؟



    حمدت الله على قضاءه وقدره..



    وكملت طريقي..



    كانت المناقشه اصعب مما تخيلت ..



    بكيت,انفعلت ..وكان من الغباء ان هالأمور تصير..



    المفروض كنت اضبط نفسي اكثر..



    توقعت اجتاز المناقشه.. بمقبول او جيد على الأكثر..وجبت جيد جداً..



    كانت فرحة ابوفهد ماتوصف وكأني واحد من عياله موب اخته...



    الحقيقه كنت فرحانه مررره بس ماحبيت يكون هذا آخر شي ممكن اسويه بحياتي وسجلت عشان ادرس دكتوراه ..




    وانتظرت الموافقه..



    بهاذي الأثناء جاني اتصال من الجامعه في الرياض..



    وصلهم الخبر اني خلصت الماستر ..وطلبوني ارجع ادرس في الكليه كأستاذ محاضر..لأن عندهم عجز كبير في اعضاء هيئة التدريس..




    كان عرض مغري من جد لكني رفضته..



    لغرض في نفسي ..وهو اني مستحيل ارجع الكليه وتصير نشوى احسن مني ..




    وعاهدت نفسي ماارجع الا بعد الدكتوراه ..



    ادري انها صعبه وموب بس صعبه الا شبه مستحيله ..بس كله يهون عند الإحساس بالعظمه..



    احلى شعور بالدنيا .. انك تكون محل اهتمام الناس وتحس انك مهم عندهم ومايقدرون يستغنون عنك..




    هذا كان ردي على أي شخص يقول ارجعي ودرسي بالكليه ..




    بيوم من الإيام كنت سهرانه عند الهام وجت اختها من سوريا واخذتنا السوالف وتأخرت لحد نص الليل..




    رجعت البيت والا باب شقتي مفتوح..



    دايماً كان عندي شك اني ممكن انسرق ..عشان كذا ماقد حطيت شي مهم وخليته..



    التلفزيون والرسيفر بس اللي فقدتهم..



    ماحبيت اسوي شوشره وقصه مالها سنع وطنشت الموضوع ..



    بعد اسبوع جاني خبر انهم رفضوا اكمل الدكتوراه على حساب الدوله ..



    طفشت وضاق صدري وبلغت ابو فهد..


    وكان رده لي غير متوقع ابداً..



    قالي بالحرف الواحد:



    تجين وش تسوين؟ خليك على دراستك احسن واذا على المصاريف انا متكفل فيها كلها..بالمكان اللي تختارين..



    استغربت رده ..
    ليه مايبيني اجي؟ معقول سامعين شي ؟




    مالكم بالطويله ..




    بديت اراسل جامعات مختلفه بجميع انحاء العالم ..عشان ادرس..
    واكثرهم وافقو ..




    بس الأقصاد كانت كبيره ..ومااعتقد اني بقدر اسددها كامله لأبو فهد حتى بعد مااتوظف..



    وقررت أخيراً اكمل دراسة الدكتوراه في بريطانيا..




    كانت جامعه راقيه ..




    ردوو علي بنفس اليوم ..



    وبلغت ابو فهد..






    كان في نيتي ارجع للرياض واشوف اهلي لأني مشتاقه لهم مره وفرصه اشوفهم قبل انشغل ومااضمن اقدر بعدين اجي والا لا ..




    جيت والحرب مشتعله بين ابوفهد وزوجته وعياله ..



    اول يوم ماحاولت اتدخل ..



    ثاني يوم وكان جمعه ..



    صحيت الصبح وكان اخوي يهاوش ولده ..



    ـ انت مانت بنافع بشي لادين ولادنيا..قم صل يارب اصلي عليك وافتك..



    ادري انه ماقالها الا لأنه معصب ..



    اخوي واعرفه زين يثور, يثور, وهو مافيه اطيب من قلبه..



    على الغدا..



    فقدت فهد ورحت ادوره..ولقيته بالصاله يطالع التلفزيون..




    ـ وشفيك مزعل ابوك؟ كنك بزر,,,, اللي بعمرك يريح ابوه في البيت ويشتغل مكانه..


    ـ والله مهوب مني هو من نفسه زعلان على النسبه ,وشفيها 87%؟؟ والله اعرف ناس جايبين اقل ومبسوطين..


    ـ بس؟ هذا اللي قدرت عليه..الله لايلومه ابوك انا لو منه ذبحتك..اجل يانذل بعد اقصاد المدرسه الغاليه وبس 80؟


    ـ وش اسوي؟ دراسه. درست ..تعب. تعبت .. حل. حليت,, بس مدري عن مدرستكم هاذي ليش نسبتي قليله..


    ـ ياويل قلبي بس لايصير لأبوك شي..من كل عمره نفسه يدخلك هندسه ويفرح فيك ....بهالثمانين ولا جغرافيا تقبلك ..آه يالقهر ..




    فكرت بفكره ونويت اقولها لأبو فهد اول مايهدا ..




    العصر طلعت مع الوالد والوالده للبر وجلسنا نسولف..




    كانو مشتاقين لي مره وهالشي شفته بعيونهم ..




    الوالد:والله يابنيتي صحتك احسن من اول الحمدلله ..



    الوالده: حتى وجهها صاير زين معاد هي عصاقيل مثل اول..



    كنت مرتاحه ومبسوطه لأنهم فخورين فيني ..وأخذتنا السوالف ..



    انتهت الرحله وانا طايره من الوناسه ..



    موضوع العرس والغربه مااحد جاب طاريه.. وكأنهم ولله الحمد تعودوا على وضعي وارتاحوا عليه..



    رجعنا على المغرب


    فتحت الباب وكان ابو فهد ينتظرني ..



    ـ زهره تعالي ابيك..


    ـ سم ياابو فهد..


    ـ ابيك تشوفين جامعه لهالفاشل ,برسله معك يدرس كود يفلح ..


    ـ تصدق عاد..كنت انتظرك تهدا شوي واقولك ..


    ـ ابيه مايلقى وقت للشلل,24ساعه دراسه ..مابيه يجلس عندي هنا لاجامعه ولا وظيفه ويدل الإستراحات والخراب..بسرعه راسلي أي جامعه وانا مستعد ادفع أي مبلغ المهم يدرس ويصير تحت عينك ..


    ـ طيب قوله اول ..


    ـ وش اقوله..يسافر يدرس غصبن عليه ..موب كيفه ..اجل يجلس عندي ؟


    ـ طيب على الأقل عشان تسأله وش التخصص اللي يبيه..


    ـ هندسه..بسجله هندسه ..


    ـ ابشر ياابو فهد ماطلبت شي والله ..





    ..
    انا ادري ان مافيه شي بالغصب ,,عشان كذا كنت ناويه اخبر فهد قبل اخطي أي خطوه تخصه..




    وثاني يوم الصبح جلست اتناقش معه بخصوص مستقبله..



    فهد عكس ابوه تماماً..شخص سلبي ,وبليد ,وكسول ..



    يبي كل شي يجيه مكانه وهو مرتاح..


    في نهاية النقاش وبعد مااحتد..


    ـ ياعمه وش اسويلك ,انا غبي ماافهم ..اقطع نفسي عشان ترتاحون ..


    ابي شي سهل مافيه تعقيد ..ماطلبت مستحيل..



    ـ وش اللي سهل؟ لعلمك ترى مافيه شي سهل ..


    كل شي يبيله كرف ..



    فهد شوف ياامي ..



    اذا كنت واحد ناوي تلعب وماعندك نية دراسه قول من اللحين قبل يتخسر ابوك على الفاضي..




    جت امه من المطبخ وشوي وتطقه..




    ـ اسمع يالنذل ,دراسه بتدرس غصبن عليك ,اختارلك كلية زينه لاتدرس خرابيط ..

    واحمد ربك ان عمتك قالت لك والا ترى ابوك ناوي يدرسك هندسه ..



    ـ هندسه..اكيد بفشل فيها ..هاذي يبيلها دوافير موب مثلي على قدهم..



    ـ ان مادرست لاانت ولدي ولااعرفك ..ربي يعوضني في عبد العزيز عنك يالفاشل..




    كنت معترضه على اسلوب اخوي وزوجته ..



    ماعندهم الا التهديد والوعيد ..



    كان في نيتي اصلح هذا الإنسان واعطيه فرصه وامل بالحياه يفتح صفحه جديده مع نفسه ..



    قلت: فهد البس ثوبك بنطلع ..




    ـ وين؟



    ـ انت بس البس بنروح اوريك شي ..




    طلعنا ..



    الحقيقه كنت ابي ابعده عن امه وابوه واقنعه بأسلوب آخر مختلف تماماً..





    طول الطريق وانا اعطيه امل واسولف عليه ..كان ساكت مايتكلم ..



    فهد مثل شبابنا اليوم ..




    محتاجين احد يعطيهم امل بالحياه, وشوية تشجيع..



    حكيت له قصة تركي المريض نفسياً ويجمع العلب كيف أخذ الدكتوراه وصار يدرس في الجامعه ,وحكيت له قصة ابوه وكيف كافح ودرس على قل امكانياتنا ذاك الوقت ..وحكيت له قصتي وكيف الناس قامت تتكلم عني وطنشتهم ودرست وأخذت الماستر..




    بطريقنا شفنا وحده من اكبر شركات الرياض..كانت توها فاتحه والعم توه مداوم الساعه 10 الصبح, والسكيرتي يفتح له باب السياره ..




    طالعت فيه وقلت:



    فهد شوف.. انت اللي بتقرر اللحين ,تكون مثل العم اللي يدوام الساعه 10 والا مثل السكيرتي اللي يفتح له الباب..




    طالع فيني وكأنه بدا يستوعب الوضع اللي هو فيه ..




    فهمته على طول وبديت اتكلم ..



    ـ ترا والله سهله ,بس اجتهد ..وانت اذا حبيت التخصص بتبدع فيه ..



    ايهم احسن تتعب شوي كم هي 7سنوات ,وترتاح باقي العمر ؟ والا تكسل في شبابك وتتعب بعدين؟؟



    فهد بالله ماطفشت وانت كل يوم مثل اللي قبله ؟ ماودك تجرب شي جديد ؟




    عالم تشجعك على الدراسه وتخليك تحبها ..هدوء وراحه نفسيه ..



    ماانت مضطر تجامل ..ماانت مضطر تتقيد بتقاليد وعادات انقرضت من سنة جدي..




    مرت ساعة صمت وكأنه يفكر بالموضوع..



    وقطعه..




    ـ عمه, برايك وش اتخصص؟




    كانت سعادتي ماتوصف لأني قدرت اقنعه..




    وبعد مشاورات قرر يدرس قانون ...وسافرنا..


    كان البحث عن سكن لي ولولد اخوي صعب جداً لأننا مانعرف أي احد في بريطانيا ولاقد زرناها ابداً..



    واستقرينا بسكن الجامعه..




    كان السكن اشبه بفندق خمس نجوم ..




    حسيت بالذنب عشان اخوي..لأن السكن مره غالي ..




    وجلسنا ندور شقه على قدنا..




    الحياه في بريطانيا صعبه مره واصعب من امريكا نفسها ..كذا كنت احس..




    كان فهد كسول ..مايدرس الا بعد تعب وجهد كبير مني في اقناعه ..





    بس مااقدر انكر انه تطور وصار يحب الدراسه ..بعد ماشافني قد ايش مهتمه ..





    نجح بممتاز اول مستوى وكانت فرحة ابوه وامه كبيره مره ..





    وشايفين اني مسويه فيهم جميل ومعروف ماينسونه لي ..





    المهم




    انتشر الخبرعند اقاربنا ان ولد اخوي نجح بممتاز بواسطه مني ..



    والحقيقه ان هالعالم الجاهله يحسبون ان الواسطه بكل مكان..




    وجتني مكالمه غير متوقعه ابداَ ومن شخص غير متوقع..




    كان عمي يطلب مني اتوسط لولده يدرس مع ولد اخوي لأنه تقريباً بعمره ونسبته 60%..



    انسان جاهل يحسب كل شي بالواسطه ..



    الحقيقه كانت فرصتي افشله واقول لا ..



    بس ماقدرت ..يمكن على قولتهم الدم يحن ..



    ارسلولي اوراق الولد وسجلته ..



    بعد المقابله رفضت الجامعه قبوله لأسباب لحد اليوم ماادري عنها ولاابي اعرف ..البيوت اسرار ..



    اتوقع ان عنده مشكله عقليه ..الله يشفيه...




    في الكليه طلب مني واحد من الدكاتره ازور مستشفى لأنهم يحتاجون احد يفهم في التعليم الخاص ويعرف عربي..





    استغربت من الطلب شوي لأنه جاني بصفه غير رسميه ..



    مثل اللي يقولون اذا ماودك بكيفك..



    رحت اشوف وش عندهم ..



    كان في استقبالي دكتوره مشهوره ..كنت ادرس في الكتب اللي تألفها يوم كنت ادرس ماستر وفي نفسي من زمان اقابلها ..




    قالت: ان فيه رجل اعمال مشهور ,عنده طفله عمرها 8سنوات تعاني من صمم كامل وتم علاجها ..




    بعد عمليه متطوره جداً..وصارت تسمع بشكل بسيط ..ويبون احد يأسسها بالعربي لأنها ماعندها لغه ..ولاتعرف تتكلم ابداً..




    اعترف ان الموضوع صعب علي ..




    غير انها بنت صغيره وتوها طالعه من عمليه ..انا مااحس اني جاهزه ولا واثقه اني ممكن اقدم لها المساعده اللي تحتاجها ..




    شجعتني الدكتوره ..وطلبت منها اني اقابل اهل الطفله..



    كان شاب سعودي في الثلاثينات تقريباً..و وسيم جداً..



    فهمته اني موب واثقه اني اقدر اسوي للطفله شي لأن هي اساساً كانت حاله ميؤوس منها ..



    وواعدته اني بحاول أأسسها بللي اقدر عليه..



    كتب لي شيك بمبلغ كبير كمقدم ورفضت ..




    قلت له لاتدفع شي,, انا لو سويت شي, بسويه عشان اعطي بنتك فرصه تعيش مرتاحه موب عشان الفلوس..



    كانت بنته من ام بريطانيه..وطول عمرها مع امها ..وتقريباً ابوها وجه جديد عليها..



    كان راي ابو فهد محبط لي هالمره ..قال لي مالك شغل بالناس ..ولاتسوين لهم شي ..



    بس اني كنت مصره ..



    انا مادرست ولاتعبت الا عشان اخدم هالفئه بكل شي اقدر عليه ..





    وقلت لأبو فهد لو ماتنطق الا اسمها هذا انا اعده انجاز بالنسبه لي..


    مع الوقت بدت البنت تتحسن واتقنت خمس كلمات في اسبوع واحد واعتبر هالشي تقدم كبير في حالتها وفي مستواي انا بعد..



    الدكاتره في الكليه موب مصدقين المستوى اللي وصلت له,, واسر لي واحد منهم انه يتوقع اجتاز الدكتوراه بإمتياز ..



    مرت الأيام سريعه وبيوم صليت الفجر ونمت ..



    دق جوالي وارتعت وقمت مفزوعه ,,مكالمه دوليه من الرياض ..



    الله يستر لا يكون اهلي فيهم شي ..



    رديت


    على الطرف الثاني كانت وحده مبين انها كبيره بالسن ..



    ـ الله يجزاك خير يابنيتي ماقصرتي ..والله انك فرحتي قلبي ..



    ـ هلافيك من معي..



    ـ انا ام ناصر جدة البنيه اللي تعالجينها والله مااعرف اقول اسمها ..



    ـ هلا فيك ياخاله ..ههههههههههه والله بيني وبينك حتى انا مااعرف انطقه ..



    ـ قلت لأبوها يغيره بس قال بعدين بيغير الجواز والإسم..



    انتي نايمه ,الا شكلك نايمه ,اسفه يابنيتي بس ابي اشكرك ,,توها البنيه كلمتني بالتلفون تقول (الله)......




    ـ لايهمك ياخاله انا ماسويت الا الواجب ومابي منك الا الدعاء ..




    انتهت المكالمه وانا في احسن حالاتي ..




    من مميزات تخصصنا ان أي شي نقدمه لهالفئه مستحيل ينسونه ..يعني انا ممكن انسى الشي البسيط السهل اللي ماكلفني اكثر من ساعه ..



    بس بعد شهور طويله او حتى سنين يصادف انك تقابل نفس الشخص ومازال يذكر اللي سويته ويشكرك عليه ويدعي لك بعد >>>>واقع ..




    الشي المهم اللي حرصت عليه في تأسيس الطفله.. الجانب الروحي ..





    هي مجرد طفله تعاني من صمم ..وماعندها أي عقيده عشان كذا كان اهم شي عندي تتقنه عقيدتها والشهاده(لااله الا الله)..




    يمكن اكثركم يظن اني مكبره السالفه وانها لاحقه على التعليم ..



    بس اني اشوف اهم شي نبدا نأسس العقيده عند الطفل ..



    لأن الإنسان بدون عقيده مايسوى وانا اشوفه مجرد حيوان مع احترامي..


    وقفت معها على 26كلمه واقترحت على اهلها انها خلاص موب حاجتي ..ماشاء الله ..فهمها سريع وتقدر تمشي في أي مركز ..


    ورفضت أي مبلغ مع انهم اصروا..



    انتهت السنه وكان فهد يبي يرجع للرياض فترة الصيف ..



    الحقيقه ماكان عندي رغبه ارجع وكنت ناويه ابدا اشتغل على الرساله بس قلت موب مشكله شهر بالكثير مارح يضر..





    في المطار وحنى راجعين دق جوالي ..كانت ام ناصر..




    مليت منها الله يصلحها كل يوم تدق ..



    مشكلتها تحسبني طبيبه ماتدري اني مجرد استاذه وبعد موب شغلتي اللي اسويه معهم..



    ودايم تسألني عن حالة حفيدتها اسئله ماادري كيف اجاوب عليها ..




    رديت عليها وكان في نيتي تكون آخر مره ..




    خبرتني انهم سمو البنت على اسمي ..وشكرتني كثير ..وطلبت مني تتعرف على امي ..وقالت ان لها زياره قريبه لنا ..



    ماجا على بالي ابداً انها ممكن تفكر فيني كزوجة ابن ..



    توقعت انها بتحاول ترد الجميل بمبلغ او شي لي ممكن استفيد منه ..مثل تقول انها بتسدد عني اقصاد السنه للجامعه..




    رجعنا ..



    خبروني اهلي ان فيه وحده دايم تتصل تسأل عني ..ظنيت انها من زميلات الجامعه ايام ماكنت في الرياض وطنشت الموضوع..



    وفي مره كنت عند التلفون ..



    دق ورديت ..


    بعد السلام ..


    ـ معقول ماعرفتيني..

    انا:لا والله من معي ..ترا والله الذاكره لك عليها ..يمكن بديت اعجز ههههههه

    ـ انا ام وليد ..

    ـ سلمى.. مااصدق..

    ـ ايه سلمى..معقول نسيتي؟




    طبعاً انا من اكثر الناس كرهاً للماضي مهما كان حلو مااحب اذكره ..




    حاولت انهي المكالمه بأقصى سرعه مابي اذكرها ولاابي اذكر موقف تركي معي ..



    مالكم بالطويله ..



    جت ام ناصر وتعرفت على الوالده وطلعت تعرفها من زمان ..




    طنشت الموضوع لأسباب كثيره من اهمها ..



    ماكنت ابي اتمنى شي وافكر فيه وهو مستحيل ,ويصير لي نفس الموقف واحرج نفسي ..




    وبنفس اليوم جت الوالده وكلمتني بالموضوع ..وقالت انها حاسه ان ام ناصر تفكر فيني وبتخطبني قريب ..




    وذكرت الوالده ان هالموضوع خلاص انتهى وماله داعي نفتحه من جديد ..




    سكتت وطنشت هي بعد..




    بيوم السفر كلمت ام ناصر الوالده بالموضوع وجت تخبرني ..




    قلت لها اني احسه شخص غير جاد ..وانه مافكر فيني بس مبين ان امه معجبه بللي سويته وتحمست زياده ..



    زعلت مني الوالده وقالت لي: لمتى بشيل همك ؟تزوجي وفكيني ..




    تأثرت بكلمتها وطلبت مهله افكر لحد اجازة العيد تقريبا شهرين ..وسافرت ودمعتي على خدي ..




    بجد مدري متى بيتطور مجتمعنا؟ للساعه اللي اكتب لكم فيها وهم بنفس التفكير..



    البنت اللي ماتزوجت ناقصه..



    ياكثر الدكتورات اللي اعرفهم وماتزوجو ..وعايشين عيشة ملكات..



    لاهم ولاغثى..



    مالكم بالطويله ..



    مرت علي ايام سودا وانا اشتغل على الرساله ..



    كنت احس بأعراض غريبه ..بديت امرض..




    اعترف لكم اني مع الوقت بديت افقد الحماس لفكرة الزواج ..




    تقريباً عمري 35سنه ببدا من جديد؟




    اغير نظامي اللي تعودت عليه سنين طويله ويجي شخص يصير مسؤول عني ويتحكم فيني ؟




    بجد نظرة اهلنا زمان صح ..الزواج المبكر احسن..




    تكون فيه البنت توها صغيره ومستعده تتقبل أي شي ..




    زوج



    اطفال



    مسؤوليات




    اما انا مااحس اني قدها ابدا ..



    وحتى لو رضيت بالأمر الواقع وتزوجت مارح اكون مرتاحه ..




    شي تعودت عليه سنين طويله مااقدر اغيره كذا مره وحده ..



    واتخذت قراري ونويت اخبرالوالده قريب ..




    خفت الوالده تصر علي واغير قراري ,,وحجزت لفهد بلحاله يروح يتعيد وانا جلست ..





    كلمت الوالده وبلغتها برفضي وانتهى الموضوع..



    مرت الأيام بطيئه وممله وكريهه وأخذت الدكتوراه بإمتياز ..




    كان في نفسي استقرر في بريطانيا وادرس في الجامعه بس رفضو ..




    رجعت للسعوديه..




    اعتمرت مع الوالد والوالده ..ودعيت بالحرم اكثر من ساعه ربي يرزقني بالوظيفه الحلم بالنسبه لي..




    جلست في البيت ثلاث شهور اصبت بإكتئاب ..




    لأني متعوده على الشغل والروحه والجيه, وفجأه فضيت شي طبيعي اللي يصير ..




    بيوم اتصلو فيني الجامعه وطلبو مني ادرس بالكليه وموب بس ادرس ..





    قالوا ان الوكيله(نشوى) خلص عقدها ورجعت بلدها ولازم احد يمسك مكانها ومافيه شخص أكفأ مني لهالمنصب..




    ووافقت




    ومع اول يوم عمل دخلت علي بنت تصيح ..




    انا: وشفيك يابنتي ..عسى ماشر؟

    ـ ابي اغير هاذي الشعبه ,ورفضو ..تكفين يادكتوره ساعديني ..

    ـ ليه يابنتي ..وشفيه؟




    قصرت صوتها وكأنها خايفه من شي ..

    ـ يقولون الدكتور اللي يدرسها مجنون ,والمستوى الماضي رسب كل الشعبه ومانجح الا ثلاث بنات..

    مسكت الملف بشوف من هالدكتور اللي مرسب خلق الله على غير سنع.. وسألتها:وش اسمه؟



    ـ اسمه د/تركي..



    ـ هاتي نموذج تغيير الشعبه وتعالي اوقعه لك..

    .................................................. ................


    انتهت الرواية... واتمنى انهااعجبتكم





    --------------------------


    وصلتني بالايميل




    لاتنسوني من دعوة حلوه


  2. #2

    افتراضي

    شكرا خيتو على اني والله ماقريت القصة شفتها طوييييييلة وتعجيزت وتخبرين عاد انا فاهية ماشاء الله علي لو بقراها كلها على بال ما اقرا واستوعب ماراح اخلص الا الفجر
    بس مدري حسيت انها فيها شي عن الجامعة وما ادري ايش تسنه موب ذا مكانها ولا ماعندي خبر< تقبلي مروري وملاغتي
    انا لو الزمان يقسى علي يزيدني تشجيع
    اخذت من الليالي درس صعب اليوم نسيانه
    ولا يحرقني النــاقدولا يــــــرفعني التلميع
    ولا عمري خضعت الا لرب الكون سبحانه


  3. #3

    افتراضي

    اقتباس المشاركة الأصلية كتبت بواسطة مشكلتي فاهيه مشاهدة المشاركة
    شكرا خيتو على اني والله ماقريت القصة شفتها طوييييييلة وتعجيزت وتخبرين عاد انا فاهية ماشاء الله علي لو بقراها كلها على بال ما اقرا واستوعب ماراح اخلص الا الفجر
    بس مدري حسيت انها فيها شي عن الجامعة وما ادري ايش تسنه موب ذا مكانها ولا ماعندي خبر< تقبلي مروري وملاغتي

    عفوا حياتي اقريها وبتعرفي ان مكانها صح هنا


    مشكوووووره ع مرورك ؛؛؛


  4. #4

    افتراضي

    مشكورة يالغلا على القصة
    قريتها ونزلت دموعي <<<لا تسأليني ليش
    من جد مرررررررة ابداااااع


  5. #5

    افتراضي

    اقتباس المشاركة الأصلية كتبت بواسطة ورود النرجس مشاهدة المشاركة
    مشكورة يالغلا على القصة
    قريتها ونزلت دموعي <<<لا تسأليني ليش
    من جد مرررررررة ابداااااع

    عفوا حياتي؛؛


    ماراح اسألك



    مشكوره حياتي ع مرورك؛؛


  6. #6

    افتراضي

    النهاااااااااااايه مب حلوه :( بس القصه حلوه
    اللهم احفظ لي زوجي وارزقني بالذريه الصالحه ( امين )

    ربي لا تذرني فردا وانت خير الوارثين صدق الله العظيم

    اللهم صلي على محمد وآل محمد اجمعين يارب ...

    يااااارب و ما خاب من قال يارب



    "اللهم إني استودعك جنيني الذي في رحمي فرده إلى عند مولده
    مرداً سالماً معافى من كل شر وكل مرض وكل أذى"
    ❤❤❤❤❤❤❤❤❤❤❤❤❤❤❤❤❤❤


  7. #7


  8. #8


  9. #9


  10. #10


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك