موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



+ الرد على الموضوع
صفحة 1 من 5 1 2 3 4 5 الأخيرةالأخيرة
النتائج 1 إلى 10 من 47
Like Tree0الاعجابات

الموضوع: افكار افكار افكار.... لفرش شقتك *جهد شخصي مميز **

  1. #1



    الصورة الرمزية بوسى وعلى
    تاريخ التسجيل
    Nov 2009
    المشاركات
    5,289




    جديد افكار افكار افكار.... لفرش شقتك *جهد شخصي مميز **





    الموضوع ده اهداء لكل بنات النيل العرايس (نور) واللى نتمنى يكونوا عرايس(ضحى وبوسى كات) وكمان لكل البنات اللى بتحب التجديد في شقتها

    الموضوع عن ازاى تفرشى شقتك كل واحده مننا وهى بتفرش شقتها بتتمنى انها تكون قصرها الخاص وتتمنى انها تكون مختلفه عن باقي الشقق اللى شافتها
    تحب يبقى لها استايلها الخاص لمساتها الخاصه كمان ساعات تحب يبقى لها حاجات هى عملاها بايديها مميزة مش هتلاقيها فى اى مكتن تانى غير بيتها

    كل عروسه وهى بتجهز بتدور عن الحديث والغريب وفى حال انها مش بتلاقي بتبقى مضايقه لكن ممكن بلمسات بسيطه تخليها مختلفه

    خليكى معانا يمكن تلاقى حاجه تعجبك

    كمان اثناء الفرش بتاخد بنات العيله معاها وعشان كده بتلاقيهم بيرصوا الحاجه وينظموا الشقه بالشكل اللى هما عارفينه ممكن ميكونش مبتكر ولا جديد
    عشان تبقى شقتك منظمه ومبتكرة وجديده وفيها افكار مختلفه عن باقى البنات
    خليكى معانا

    انا مش هقول تاخدى ايه وتجيبى ايه وترتبى ازاى انا هقول افكار بسيطه واللى عندها افكار احدث احلى
    تقول عشان الكل يتعلم



    خليكى معايا

    ياريت محدش يرد الا لما الموضوع ينتهى
    التعديل الأخير تم بواسطة verona; 11-13-2011، الساعة 08:03 PM





  2. #2

    افتراضي

    اول حاجه هنتكلم عنها النيش


    النيش هو المكان اللى هتعرضى فيه حاجاتك
    كاسات
    اطقم جاتو وشاى وكاكاو
    طقم صينى
    صوانى




    اولا :-
    مش لازم تحددى النيش بتاعك بلون محدد او لونين بس يعنى مثلا ابيض واحمر


    او انه يكون كله زجاج بس


    بالعكس لازم يكون ملون مختلف فيه من كل شء مميز عندك

    يعنى تكون كاساتك مثلا ملونه وشفافه


    تكون كمان احجام واطوال عشان مش تلاقى كله طويل ومش باين او قصير ومش واضح


    ممكن كمان تكون مزينه ومزخرفه بشرايط ستان او بالفضه او بالورود






    لو كل الكاسات عندك شفافه بيضاء ومش ظاهرة ف النيش
    ممكن تعملى الاتى

    املىء بعض الكاسات بالورد المجفف ليعطيها الوان مختلفه


    او املىء البعض الاخر بحبيبات جيلاتين
    بتتباع في اكياس وعند وضعها بالماء تنتفخ وتملاء الكاس





    ثانيا:-
    بالنسبه لاطقم الشربات والشاى والجاتو
    ممكن عشان ترصيها وتظهر كلها ممكن ترفعى بعض الاكواب او الدورق بشى صفير لا يظهر
    مثلا تضعى كوب صغير وتضعى فوقه الدورق ليرتفع ويظهر وتخفى الكوب بباقي اكواب الطقم


    كمان ان ممكن توقفى الاكواب نفسها فوق بعض




    ثالثا:-
    بالنسبه لرص اطباق الاطقم
    ممكن تستخدمى الاستاندات من عند بائعى الخردوات لتوقفى عليها الاطباق وتظهر


    تابعينا





  3. #3

    افتراضي

    احنا لسه ف النيش
    مفارش النيش
    فى منها اشكال والوان مختلفه دايما تختارى اللى هيمشى مع لون مفرش السفرة
    فى منها الستان

    ومنها القماش العادى

    ومنها الاورجانزا


    اى كان هتحسى ان مفيش جديد الا لو شىء مختلف
    لكن لو مش لقيتى شىء مختلف ممكن تخليه انتى مختلف بشويه خرز وتطريز واشغال يدويه
    كمان اضافه خرز على المفارش بيخليها تلمع وتظهراكتر
    البعض بيباع مطرز


    وممكن انتى تطرزى بالالوان اللى تحبيها وتمشى مع ذوقك وفرشك





    اخيرا متنسيش تزينى النيش بالانتيكات والفضيات وتخليها دايما فواصل بين الاطقم وبعض
    ممكن تستخدمى التماثيل البسكوى اللى بتبقى في السبوع او ممكن تشترى انتيكات وفضيات خاصه
    بس لازم تحافظ على التناسب بين حجمها وحجم الاشياء المرصوصه بحيث متبقاش كبيرة تغطى عليهم او صغيرة قو مش تنبان

    كرستالات



    تابعينا





  4. #4

    افتراضي

    السفرة
    مفرش السفرة

    شىء مهم ومفرشها دايما بيعط الانطباع الاول عن ذوقك نظرا لان حجمه كبير وبيبقي واضح كل تفاصيله

    لازم تختاريه حسب حجم سفرتك وشكلها
    مدورة مستطيله بيضاويه مربعه
    ممكن يغطيها بالكامل
    وممكن تظهرى زجاجها او رخامها

    ممكن يكون من القماش الثقيل او الشيفونات

    مدور وثقيل


    مستطيل من القماش المطرز


    مستطيل من الاورجانزا والستان



    اختارى القماشه اللى تناسب الاستايل بتاعك
    وتناسب ستايرك يعنى لو ستايرك شيفونات مينفعش تجيبى مفرش من الجود او الحرير التقيل مش هيبقى متناسق

    لو جبنت مفرش ومطلعش مناسب او حجمه مش متوافق
    ممكن تضيفى له قطعه سفله كبطانه
    يعنى ممكن تضيفي بطانه اكبر حجما من قماش الستاير الشيفون المطرز
    او من الستان عشان تتغلبى على نوعيه القماشه الثقيله
    او تعملى البطانه اكبر وتطرزيها عشان تدارى عيب الحجم الصغير للمفرش

    لو تحبى التميز ممكن تجيبى مفرش صغير وتعملى له بطانه مميزة

    مثال ده مفرش هندى اورجانزا مربع والسفرة مستطيله
    تم عمل له بطانه ستان اكبر وتم تطريزها بنفس تطريز حرف المفرش الهند فبقى امتداد له
    وتم التغلب على الحجم الصغير وبقى مميز مش هتلاقيه عند حد غيرك



    طرق وضع المفرش
    ممكن وضعه بشكل مستوى

    او بلفه من الوسط ووضع فازة او طبق فاكهه فوقه


    او وضعه بشكل مترامى الاطراف عشوائى وفي الحاله دى لالزم يكون حجمه اكبر من الترابيزة




    تابعينا





  5. #5

    افتراضي

    المفارش


    ترابيزة الانتريه
    والكولسون
    والطقاطيق
    والدلسوار او بوفيه السفرة
    الكمودينو فى اوض النوم

    كل دى اماكن محتاجه مفارش
    ولازم تكون مفارش مميزة زى عروستنا


    الدلسوار او بوفيه السفرة
    ممكن تعملى له مفرش زى بطانه السفرة


    او مفارش من بتاعت النيش




    الانتريه
    ممكن مفارش عاديه


    او اورجانزا مطرزة


    لكن الجديد عندى
    قماش ستاير شيفون منقوش وانتى تطرزى على النقشه بالوان الانتريه

    وتحطى تحته ستان بطانه عشان الخرز يظهر

    وممكن تلميه من النص بشريط ستان مطرز هيبقى زى الفراشه


    وهيبقى مختلف مش عند حد غيرك واليق على الانتريه لانه فيه الوانه

    مش لازم نفس القماش اللى معمول منه الستاير اى قماش ستاير تحبى نقشته


    مفارش للطقاطيق والكولسون والكومودينو

    ممكن مفارش عاديه


    وممكن مفارش عاديه برضه وانتى تضيفي عليها خرز باللوان اللى تحبيها
    هنا خرز الوان متعدده وبشكل عشوائى

    وهنا الطقم كامل وينفع للدلسوار




    تابعونا





  6. #6

    افتراضي

    الخداديات

    نكمل في النتريه
    ممكن تجيبى بوفات (خداديات كبيرة للارض) وتترم على الارض بشكل عشوائى


    او ممكن الخداديات العاديه بتاعت الانتريه سواء هتترمى على الارض (لو مساحتك كبيرة)
    او تتحط عل الانتريه


    ممكن انتى تجيبى من قماش الستاير لو حراير او جود طبعا الشيفون مينفعش وتخلى الراجل بتاع الستاير يعمل لك منها خداديات وانت تزينيها ولو بخرز بسيط


    او بفيونكات وورود جاهزة من عند بائع الخردوات او بتاع الستاير يعملها لك

    وممكن خداديات جاهزة وانتى تزينيها بخرز يليق على الانتريه



    تابعونا





  7. #7

    افتراضي

    الدولاب

    نروح بقي لدولابك لو دولابك كبير ممكن تحطى فيه المفروشات ولو عندك دولاب صغير ف اوضه الاطفال استخدميه فى الممفارش

    الفوط
    في اكتر من طريقه لرص الفوط

    ممكن تلفيها زى السويسرول وترصيها على بعض


    وممكن تعمليها مناديل وترصيها بالشكل ده


    وممكن تطبقيها عادى وتلفيها بشريط ستان

    سواءء حطيتى الالوان المتشبهه سوا


    او اى حاجه على اى حاجه


    طبعا المتشابهه احلى واحرصى ان يكون لون الشريط واضح


    البطاطين
    رصيتى الفوط نيجى للبطاطين والالحفه
    ممكن تتحط بشكل عادى سواء في اكياسها او بدون


    شكلها مش قد كده ومش ظاهرة

    ممكن تعمليها لفات زى السويسرول وتلفيها بشريط ستان وتعملى لها فيونكه من التل وتترص في الدولاب





    اطقم المفارش
    نروح لاطقم المفارش ممكن تحطيها عادى في الدولاب
    بس ممكن تخرجى من كل طقم خداديه وتعملى مخدادت بزياده شويه وتلبسى كل مخده التلبيسه بتاعتها وتترصيهم في الدولاب


    اوعى تنسى طقم البرنس


    والشماعات الحريمى


    مش لازم تخليها للانجرى بس خليها لكل لبسك
    لي عوده غدا بافكار جديده
    التعديل الأخير تم بواسطة بوسى وعلى; 11-12-2011، الساعة 07:19 PM





  8. #8

    افتراضي

    ماشاء الله افكارك ثرية وجديدة ومليانة ابتكارات جديدة جدا يابوسى
    يسلم زوقك ياقمر
    اخدت منها كذا فكرة كده هطبقهم فى شقتى ان شاء الله
    منتظرين الباقى ياحبيبتى


    ( مُضاف من الإدارة )



    يارب احفظ بناتى وبارك فيهم وابعد عنهم كل سوء واجعل لهم نصيب في كل خير











  9. #9

    افتراضي

    ربنا يهني كل عروسة يا رب
    أهنيكي حبيبتي على اختياراتك الشيك
    لا إله إلا أنت سبحانك إني كنت من الظالمين






  10. #10


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك