موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



+ الرد على الموضوع
صفحة 1 من 7 1 2 3 4 5 6 7 الأخيرةالأخيرة
النتائج 1 إلى 10 من 64
Like Tree0الاعجابات

الموضوع: بالصور وخطوة خطوة كيفية عمل تورتة منزلية جمييييلة :)

  1. #1
    <br><img src=https://s.yimg.com/qn/alfrasha/up/8446391531984405260.png border=0><br><img src=https://s.yimg.com/qn/alfrasha/up/21104049261316081356.gif.png border=0> الصورة الرمزية verona
    تاريخ التسجيل
    Sep 2009
    المشاركات
    8,164




    افتراضي بالصور وخطوة خطوة كيفية عمل تورتة منزلية جمييييلة :)

    السلام عليكم :

    كتير من الفراشات زي حالاتي , بيحبوا يعملوا التورت والجاتوهات في البيت عشان الأطفال اللي بيحبوها وتكون مغذية أكتر ومضمونة و طبعا أرخص بكتيييير من التورته الجاهزة .

    عشان كده تعالو خطوة خطوة وبالصور شرح تفصيييييييييلي لكيفية عمل تورته منزلية


    بسم الله الرحمن الرحيم نبتدي



    أولا مقادير الكيكة الإسفنجية اللي حتعمل منها التورته

    5 بيضات
    1 معلقة فانيليا
    كوب سكر
    كوب دقيق و ربع ( في حالة كيكة الشيكولاته زي محنا حنعملها بإذن الله نشيل معلقة كبيرة دقيق ونضيف مكانها ملعقة كبيرة كاكاو )
    ملعقة كبيرة بيكنج باودر



    ثانيا مقادير حشو التورتة و التوبنج الخاص بيها

    1 علبة قشطة ( المراعي مثلا أو أي نوع تحبية ) و ومن تريد إضافه علبة أخرى لطعم أو دسم أكثر فلا مانع .
    1 باكو شيكولاته خام ( بس يا ريت تكون نوع حلو و كويس و متكونشي دلعة )
    1 علبة مربى ( أي نوع جيد و تكون فراولة أو مشمش أو تين زي ما الأولاد يحبوا )
    1 علبة كريم شانتي ( أي نوع و ددريم ويب كويس وبرضو الأنواع السائله بتدي طعم حلو ودسم )
    قليل من اللبن


    ثالثا:مقادير الشربات الخفيف

    1 كوب سكر
    1 كوب ماء
    1 ليمونة
    ( طبعا كلنا عارفين الشربات بيتعمل إزاي عموما هو نحط السكر والمية على النار ولما يغلو نضيف عصير ليمونه و نسيبة يغلي شوية و إحنا موطين عليه لحد ما يدينا القوام المطلوب )

    الطريقة :

    1- أولا نولع الفرن على نار متوسطة قبل أي حاجة .
    2- نجيب الصينية اللي حنحط فيها الكيكة وندهنا زيت ودقيق أو زبده ودقيق جيدا جداااا عشان الخليط ميلزقشي في الصينية .
    3- نضرب 5 بيضات مع ملعقة الفانيليا وحدهم أولا لمده لا تقل عن خمس دقايق بالمضرب الكهربي لحد ما الخليط يبقى كريمي اللون زي الصورة كده

    ملحوظة: اللي معندهاش مضرب كهربا تضرب بالمضرب اليدوي وتزود الوقت شوية لحد ما توصل للنتيجة المطلوبة




    4-أضيف كوب السكر أثناء الضرب وأستمر في الضرب .

    5- بعد ما يعلى الخليط معايا أضيف الدقيق و البيكنج باودر شوية شوية عشان الخليط ميهبطشي و طبعا أضيف الكاكاو في حالة كيكة الشوكولاه زي الصورة كده



    6- أستمر في الضرب قليلا حتى يتمازج الخليط تماما

    7- نصب الخليط في الصينية المدهونة ثم نضعه في الفرن على نفس النار المتوسطة .

    8-أثناء ذلك نبتدي نجهز التوبنج والحشو بتاعنا ,نقوم بعمل حمام مائي للشوكولاته الخام مع علبة القشطة كما في الصورة واللي عايزة تخففها بشوية لبن أوكي بس متزودشي .
    ( على فكرة في قشطة قليلة الدسم في السوبر ماركتس وممكن برضو إستخدامها )




    9-مش المفروض نفتح على الفرن خاااالص طول ما الكيكة فيه وإلا حتهبط مننا , وحنعرف إن الكيكةإستوت تقريبا بعد من ربع لتلت ساعة في الفرن بعد ما نشم رأئحة الكيكة الجميلة , وعشان نتأكد إنها إستوت نغرس فيها سكين ولو طلعت نظيفه تكون الكيكة إستوت و نطفي عليها ...





    10-أهم جزء في الموضوع هو تحويل الكيكة لتورتة و المفروض إننا نستني على الكيكة لما تبرد خالص و بعدين نطلعها من الصينية و طبعا بإذن الله حتطلع معانا بسهوله عشان دهنين الصينية وبعدين واحده واحدة بالسكين بعد ما نبل نصلها بمية سخنة نقطع الكيكة 3 دسكات .

    طبعا أهم حاجة إننا نمشي بالسكين براحة و كل شوية لما تحسي إنها جمدت في إيدك طلعيها من الكيكة و بليها بشوية مية سخنة .

    وآدي أول دسك أهو




    11- نكرر العملية دي لحد ما يكون عندنا 3 ديسكات من الكيكة الإسفنجية و لو فرولت معاكي شوية من النص و لا يهمك شيلي كل المتفرول وأوعي ترمية في الآخر حقولك نعمل بيه إية .



    12- إدهن الدسك الأول بشوية شربات خفيييييف أوي بس عشان يطريها شوية بالفرشة كده ( أوعو حد يغرقها شرابت يا بنات ...يا دوووب تلميس كدة ), وبعدين نضيف مزيج الشوكولاته ونفرده عليه .



    13-الدسك التاني نفرد عليه من المربى .



    14- الدسك الثالث نفرد عليه شوكولاه برضو و كده نكون خلصنا الحشو ( و ضروري بعد كده نظبط الحروف بالسكين عشان تعمل دايرة مظبوطة و البواقي اللي بنقطعها من الحروف برضو متترميش عايزينها )




    15- نبتدي في التوبنج بأه ...و هنا بنغطي الوش كوووووله شوكولاه بطبقة سميكة شوية ( يعني الشوكولاه تكون سايله ونصبها فوق التورتة عشان تغطيها وتغطي الجناب كمان و على فكرة خلليكي حاطة التورته في طبق أوسع منها عشان اللي ينزل من الشوكولاه على الجوانب ويقع حقولك بعدين نعمل بيه إية .


    16- نحطها في التلاجة شوية عشان تجمد .

    17- طبعا نكون محضرين الكريم شاني ساقع في الثلاجة عشان ميسيلشي معايا ( طريقة عمله أكييييد مكتوبه على العلبه وعموما لو بودرة بتدوب مع شوية لبن وتضرب بالمضرب )

    18- أطلع التورته والكريم شانتي و نزوقها على كيفنا زي ما نحب







    طبعا في مليييون رسمة ممكن نزوق بيهم التورته وممكن نكتب على التورته اسم الأولاد مثلا أو تهنئه بنجاح أو عيد ميلاد ....زي ما تحبوا


    19- نيجي للبواقي من تقطيع الحروف دي كووووولها تتحط في الطبق الكبير اللي نزلت فيه الشوكولاه وأنا بصبها على التورته و باقي الشوكولاه لو في و شوية مربى وباقي الكريمة لو في و شوية جوز هند لو في و كوووووول ده بتهرس بالملعقة كويس جداااا و حيديني خليط طعمة جميل والله جدا , نحاول نعمله في شكل حلو يشد الأطفال




    هنا أنا أستخدمت قطاعة البسكوت و عملتها قالب للخليط بتاع بواقي الكيكة ونحطة في التلاجة ( على فكرة ممكن يتعمل كور مثلا و يترش علية شوكولاه أو جوز هند بيبقى بجد جميل )


    20- ههههههههههههه دول اللي لحقت أصورهم




    و بالهنا والشفا

    سبحانك اللهم و بحمدك أشهد أن لا إله إلا أنت أستغفرك و أتوب إليك





  2. #2

    افتراضي

    تسلم ايدك ياغاليه ام نظيفه حريصه على صحة اولادها تسلم ايدك


  3. #3


  4. #4

    افتراضي

    يسلمو ايديك شكلها يمى هذة كيكة فوز المصرين بكأس افريقيا بكرة انشا الله



    اللهم انبت عبد العزيز نبات حسنا واجعله من البارين الصالحين والمصلحين يارب العالمين








  5. #5


  6. #6


  7. #7

    افتراضي

    شطورة يا رانية
    ربنا يسعد أيامك يا قلبى

    جزاك الله الجنان غاليتى جنان**

    للإشتراك فى أوريفليم مصر
    راسلينى على الخاص





  8. #8

    افتراضي

    مشكورات جميعا على المرور و ردودكم الجميله .

    نسايم طبعا حبيبتي ممكن تحشيها زي منتي عايزة ...

    ممكن كريمة مثلا لو بتحبيها , ووممكن لو تورته فواكة نفس الخطوات بس متحطيش كاكاو على خليط الكيكة و تتحشي مزيج من كووول الفواكة اللي بتحبيها بعد ما تتقطع قطع صغيرة و يتفرد قبلها طبعا من الكريمة بتبقى بردو حلوة أوي ..

    مممممممممممم

    ممكن بردو تتحشي فوق الكريمة بقطع شوكولاته صغيره زي اللي في بنده كده أو فروته مسكرة بتبقى جميييلة بردو ,أو مكسرات , أو كريز .

    ممكن تعملي مزيج من الكريمة والشوكولاته بإنك تمزجي شوية كريمة مع شوية شوكولا و تحشي التورته بيها .

    و ممكن و ممكن زي ما تحبي أي طعم إنتي أو أولادك تحبيه إحشي التورته بيه .... أنا بس بقول شوية أفكار


    أم فوشكا ............تسلمي حبيبتي مهو أنا ورانيا واحد برضو
    سبحانك اللهم و بحمدك أشهد أن لا إله إلا أنت أستغفرك و أتوب إليك





  9. #9

    افتراضي

    شكرالك من القلب تسلم يدك على جميع موضيعك وعلى تورته الجميله يارب توفق مصر تاخذ الكاس الافريقيا امين نفرح كلنا
    ارجوك تعذر لمنها هلت دموعي = هذي مشاعر ولا اقدر اخبيها
    دنياي ياصاحبي يوم نوت = روعي مشاورتني ولاكن ابدا فيها


  10. #10


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك