موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 10 من 20
Like Tree0الاعجابات

الموضوع: لانشون من غير لحمة ولا فراخ ... ايووون ^_^

  1. #1

    الصورة الرمزية doha15
    تاريخ التسجيل
    Feb 2009
    المشاركات
    4,111




    Thumbs up لانشون من غير لحمة ولا فراخ ... ايووون ^_^

    مساكم ورد يا احلى فراشات في الدنيا
    وحشتوووني مووووت

    اول مرة اكتب حاجة في قسم المطبخ مع اني بعرف اطبخ والله .... بصو بقا انا في التربية العملي كنت قاعده مع مدرسات العلوم ودوقوني لانشون خطييييييير مع اني مش باكله نهائي عشان مش بثق في نظافته من بره
    المهم قالولي انه من غير لحمة ولا فراخ انا ماصدقت اخدت الطريقة وعملتو بس طلع خطيييييييير وزي اللي باللحمة بالظبط





    * 8 بيضات
    *8 قطع جبنة مثلثات يعني علبة
    *7 معالق اكل دقيق
    *4 فصوص توم
    *توابل بقا ( ملح وفلفل وكمون يعني مشكل ) وممكن تشتري من العطار توابل اسمها
    توابل لانشون بتديه ريحة اللي باللحمة بالظبط ... انا عملته مرة بيها ومرة من غيرها وفعلا بتخليه خطيييير
    *6 فصوص حبهان او هيل ( تفتحيه وتاخدي اللي جواه بس وترمي القشرة )
    * ممكن تحطي شرايح زيتون و مكعبين ماجي او لا براحتك
    * اخر حاجة بقا صبغه حمرا بتشترى من عند العطار بردو يا اما بودر او سايلة وهي مالهاش خطر ع الصحة بس حطي نقطة وحده او رشة بسيطة عشان بتصبغ جامد ولو مش لاقياها حطي كوركوم وحيطلع اصفر زي بتاع الفراخ زي كده مثلا





    سهله خالص .. كل المقادير تحطيها على بعض في الخلاط وتضربيهم سوا كويس ... بعد ما تخلصي ممكن تحطي فلفل حصى عشان يتقطع في اللانشون او لا عادي براحتك بس ماتحطيهوش في الخلاط عشان ما يبقاش حراء مع الفلفل الناعم اللي حطيتيه فوق .. وبعدين تصبيه في كيس اللي هو بتاع اللبن المستطيل عارفينه ؟ .. زي ده


    وبعدين اعقدي الكيس من فوق ومن تحت بحيث انك تخلي اللانشون يا خد شكل اسطوانه وسيبي فراغ في الكيس عشان بيزيد بعد كده ... حطي الكيس ده بقا في كيس تاني من نفس النوع واربطي نفس الربطة وبعدين حطيه في ميه بتغلي ووطي عليه وسيبي النار شغاله ع المياه عادي والكيس فيها لمده ساعه او ساعه وربع لحد ما تلاقيه جمد جوه الكيس ..... بس خلاص وحطيه في التلاجة بقا وقطعيه
    وفي طريقة تانية لقيتها في منتدى بدل الاكياس انك تصبيه في كباية او حاجة ستانلس (اسطوانيه ) وتوقفيها في حلة فيها ميه بتغلي بس تغطيها ودي اسهل من الاكياس زي كده مثلا بس لازم تغطي الاكواب دي



    اللي مفهمتش حاجة تقولي لاني عارفه طريقتي خطيرة في الشرح ديما الناس مبيفهموش حاجة
    بألف هنا يا قمراااات واللي تعمله تقولي


    التعديل الأخير تم بواسطة doha15; 04-07-2011، الساعة 05:17 AM





  2. #2

    افتراضي

    حلوة فكرته أوي يا ضحى ...

    أومال مش بيحطوا فول صويا خالص ..زأنا كنت فاكراه اساسي في الانشون

    بجد و الله نفسي أعمله في سندوتشات لان العادي اللي بفول الصويا ممنوع عندنا

    تسلمي يا قمر و شرحك حلو أوي
    سبحانك اللهم و بحمدك أشهد أن لا إله إلا أنت أستغفرك و أتوب إليك





  3. #3

    افتراضي

    رائع يا ضحى

    تسلمى

    سهل أوى

    هبقي أجربه ان شاء الله

    نورتى المطبخ يا قمر


    ( مُضاف من الإدارة )







    أغلى ما عندى (عبدالله & أنس & حبيبة)


  4. #4


  5. #5

    افتراضي

    فعلا حلوة اووووووووووووووووي
    لاننا كلنا بنخاف من لانشون بره واللي بنسمعه عنه
    وطريقتك في الشرح حلوة يا جميلة
    جاري التطبييييييييييييق
    ونورتي المطبخ واستمري معانا ان شاء الله عشان نكمل بعض بالافكار







  6. #6


  7. #7


  8. #8


  9. #9

    افتراضي

    اللانشون هو المرتديلا


    فكرته خطيرة بس الطعم انتي واثقة يا ضحي

    هههههههههه

    بجد حلو اويخصوصا اننا بنخاف نجيبه من برة







  10. #10

    افتراضي

    اقتباس المشاركة الأصلية كتبت بواسطة verona مشاهدة المشاركة
    حلوة فكرته أوي يا ضحى ...

    أومال مش بيحطوا فول صويا خالص ..زأنا كنت فاكراه اساسي في الانشون

    بجد و الله نفسي أعمله في سندوتشات لان العادي اللي بفول الصويا ممنوع عندنا

    تسلمي يا قمر و شرحك حلو أوي
    ربنا يخليكي يا روحي
    لا الفول الصويا قالو غلط بردو ع الصحة وبيتخن ع الفاضي
    الله يسلمك يا جميل .. ديما رافعه روحي المعنوية يا فيرو نورتي الموضوع





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك