موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



+ الرد على الموضوع
صفحة 1 من 4 1 2 3 4 الأخيرةالأخيرة
النتائج 1 إلى 10 من 39
Like Tree0الاعجابات

الموضوع: طريقه عمل القلقاس والرز المصرى خطوه خطوه وبالصور يارب يعجبكم

  1. #1
    الصورة الرمزية samah abdo
    تاريخ التسجيل
    Nov 2011
    المشاركات
    1,672




    butterfly طريقه عمل القلقاس والرز المصرى خطوه خطوه وبالصور يارب يعجبكم

    السلام عليكم ورحمه الله وبركاته
    ازيكم يابنات حبيت اعمل اليوم قلقاس باللحمه والرز المصرى اغلبيتنا نعرف القلقاس والرز المصرى بيتعمل ازاى لاكن اخوتنا العرب والعرايس الجداد بيبقى صعب عليهم شويه فحبيت اعمله ويارب يعجبكم وطبعا انا اتعلمته من امى الله يمسيها بالخير يالله نبتدى بسم الله
    ده شكل القلقاس قبل التقشير لان فى ناس كتير مش عرفينه


    وده وهو متقشر وبنقطعه قطع صغيره بالشكل ده هو بيكون قاسى شويه




    وبعدين بنغسله بالملح والماء الدافىء يعنى بيكون اكتر من مره
    لحد اما تحسى انه اوك خلاص بقى مش حاسه بحاجه فى ايدك

    بنحطه فى الشوربه بعد ما تستوى اللحمه انا بحبه باللحم بس وهو بيكون طعم

    وبنتركه يستوى ومتنسيش انه بيستوى بسرعه متخلهوش احسن يتهرى
    بنحضر طاسه فيهاسمنه اوزيت انا بحب السمن
    ونقشر توم زى ما هو مش بندقه ولا حاجه



    بنحضر السلق وده شكله

    بنقع الورق بس من غير العود بتاعه

    وبنغسلهم كويس جدا كذا مره وبنجيب الكزبره وبنغسلها وبنحطهم مع بعض فى الطاسه الورق كامل بدون تقطيع ولا تحطيهم فى الخلاط

    بعد فتره هتلاقيه بينزل مايه كتير قلبيه واتركيه بالشكل ده





    وشوفى هنا بعد التقليب بدا ينشف ودى بتكون المرحله الاخيره بتحسى انه نشف وليه صوت بيخشخش (امى اللى قالتلى كده ههههههه)

    بعد كده بتحطيه فى الخلاط وتحطى عليه شويه شوربه

    وبيكون شكله كده اتخلط كويس

    وبعدين بتحطيه فى الحله على القلقاس واللحم واوووو شىء رائع

    ياسلام بتسبيه يغلى غلوه صغيره وبعدين اقفلى عليه النار يمىىىى

    وبس




    الرز بالشعريه المصرى كتير بيكون صعب عليه انا هعمله بسهوله لكل العرايس واخواتنا العرب يالله واحده واحده نبتدى
    اول حاجه بنحضر طنجره فيها سمن او زيت وبنحط الشعريه انا بحب الطنجره تكون المونيا بتخلى الرز مايتحرقش او تيفال
    وبما اننا اسره صغيره انا وزوجى وابنى فبعمل 3كوبيات رز بس

    بجيب كوبايه لقياس الرز

    وبعد الشعريه تتحمر بنحط 3ونصف كوب ماء وشويه ملح بس

    بنسيب المايه تغلى كويس بنكون غسلنا الرز كويس جدا والمايه وهو بيتغسل بقت بيضا وصافيه بنزل الرز فى المايه وبنسيب الرز من غير ما تغطيه لحد اما المايه تغلى وبعدين تغطى الرز ولما تنشف المايه من الرز بنهدى النار

    وبنحط تحتيه الشياطه حفاظا عليه ممكن تنسيه ويتحرق الشياطه بتحافظ عليه وبتسويه فى هدوء وده بيكون شكلها

    بعد ما استوى لامعجن ولا ناقصه مايه جميل جدا شوفى معايا










    وده الغداء كله بعد ماخلصت انا طبعا بطبخ حوالى الساعه 3الفجر علشان بنتى بتسهرنى طول الليل فطبخت بمزاج والاكل ماشاء الله طعمه جميل
    انا ابنى وجوزى بيعشقوا القلقاس
    اولا لازم يكون عندك طولت بال وانتى بتعمليه لانه بياخد منك وقت وان شاء يطلع احلى واحسن منى يارب

    ادعولى دعوه حلوه بقى وتعالوا كلوا





  2. #2


  3. #3


  4. #4


  5. #5


  6. #6


  7. #7


  8. #8


  9. #9

    افتراضي


    رووعة ما شاء الله

    تسلم ايديكي يا قمر ...
    سبحانك اللهم و بحمدك أشهد أن لا إله إلا أنت أستغفرك و أتوب إليك





  10. #10


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك