موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



+ الرد على الموضوع
صفحة 1 من 13 1 2 3 4 5 6 7 8 11 ... الأخيرةالأخيرة
النتائج 1 إلى 10 من 121
Like Tree0الاعجابات

الموضوع: قصة ولآدتـــــي بآلتفصصيل آلممل جدآ جدآ جدددآ

  1. #1

    الصورة الرمزية _+ دلوعة أميري +_
    تاريخ التسجيل
    May 2010
    المشاركات
    499




    Arrow قصة ولآدتـــــي بآلتفصصيل آلممل جدآ جدآ جدددآ

    الحمد لله كما ينبغي لجلال وجهه ولعظم سلطانه
    الحمد لله العفو الغفور
    الحمد لله الغفور الشكور

    أول شي حبيت آشكر كل من بارك لي وعقبال كل الحوامل يآرب وعقبال المتأخرات عن الحمل الله يرزقكم الذريه الصالحه وولاده سهله ميسره يآرب ..

    ثآآآني شي أنا ترددت كثير عشآن أكتب لكم قصتي السبب الأول ماابي أخوفكم خاصة البكريات والسبب الثاني ماابي أذكر تفاصيل الولاده اللي صارت معي بس لأني وعدتكم وأبيكم تستفيدون من اللي مريت فيه وإذا فيه إغلاط ماتغلطون غلطتي ...
    أنا مااحب القصص المجزئه كل جزء بصفحه عشآن كذا راح تكون طويله يعني اللي عندها شغله تخلص وترجع السالفه مطوله وأنا أحب القصص بالتفصيل الممل جدا ،،
    بسم الله أبدا

    بداية حملي كان متعب جدا اللي كان متابع معي من أول حملي ويذكرني راح يعرف واللي مايعرف بقولكم ع السريع كان معي أول حملي كيس مويه على المبيض وكان حجمه أكبر من الجنين سبحان الله كان موجود قبل لااحمل يعني اللي معها كيس على مبيضها اليمين أو اليسار فيه أمل أنها تحمل أن شاء الله ..
    وحملي ماكان متوقع لأني كنت ماجلته بس بعد ماجاني نزيف من حبوب الياسمين لمنع الحمل تركته أسبوع خلال هالأسبوع اكتشفت اني حامل بس انبسطت كثير الحمد لله ،،

    نهايه الثامن استقر رأس البيبي تحت ارتحت كثير ..

    أول مادخلت التاسع كنت ادعي أولد بدري ثاني أول بعد أسبوع من التاسع وكثير قالوا لي تبين تولدين عليك بالقرفه ،، وتبخري وووووو..........
    وماسويت ولاأااااا شي قلت الولاده من ربي ماراح آسوي شي ولاأاحب إغامر كل اللي سويته أمشي ؤاكل رطب وادعي بس ،،

    بس تبون الجد طفششششتتتتتت دخلت الاسبوع الثالث من التاسع ولا فيه أي بوادر ولاده رحت لأهلي وصرت أمشي بس ولما أبدا أمشي أقول لنفسي بلامشي بلاهم الولاده إذا تبي تجي لحالها
    يوم الثلاثاء الفجر أمي ضغطت علي قالت تعالي أمشي معي بالحوش كان ثاني يوم برمضان قلت طيب وطلعت أمشي وأسولف مع إختي وولد خالي وكنت أقوله بكرا آصحى بدري وروح جيب لي عصير من 50 فاكهه وجيب لي خليه نحل حسيتني مطوله ماراح أولد ودخل خالي علينا بعد الفجر قالت أمي له وهي تمزح لاتقفل جوالك أخأف يجيها طلق ولاشي عشآن اتصل عليك هو خاف قال خلصت من زوجتي تجين انتي !!
    اتصلي على زوجها موبعيد وأنا أقول ليه شايف وجهي يقول بولد اليوم ولابكرا قال أبدددااا قلت خلاص روح نام وكبر مخدتك مافيني شي ،،
    دخلنا ننام ونمت وزي كل مره 8 الصباح آصحى صاير نومي قلق قلت بطلع بآلصآله طلعت مشيت شوي أحس حوضي يوجعني ورجعت لسريري قلت بدخل للفراشات آشوف مين ولد ومين حمل وايش صار فيهم دخلت من جوالي وقعدت أقرأ مواضيع وسؤالف التجمعات وطفشت وطلعت ه\ا الكلام الاربعاء ،، قعدت أسولف مع زوجي بالبي بي شوي أقوله أحس بألم بالحوض قال إذا ماخف اليوم بكرا نروح قلت لا بصبر الخميس موعدي أصلا بعدين قلت له خلاص أنا بحاول أنام وخليته لأنه كان بالدوام ..

    كنت منسدحه على اليسار توني بقلب نفسي بنام على اليمين كان وقتها البيبي يرفسسس وبطني يطلع أصوات مثل لما أكون جوعانه وصوت قوي وكنت عطشانه أقول إفطر ولاأكمل صيام !!
    الساعه 11
    أول ماتحركت بنام على اليمين سمعت [ تــــك ] Ooops في أسفل بطني عند الرحم قلت وش هذا بس ماصار شي رجعت بكمل بنام إلا طلعت زي الإفرازات مني وبعدل نومتي طلع أكثرر وكل ماتحركت طلع شي خفت وجلست إلا المويه طلعت أناااااا بققت عيوني وأنادي أمي كانت نايمه معي بنفس الغرفه قلت انفكت المويه وقامت ياعمري مرتاعه قالت روحي للحمام تأكدي أنا بس وقفت غرقت الدنيا شي غريبببببببببببببببب كأن خزان مويه بداخلي وش هذاااااا موقادره أمشي واروح للحمام آشوف اللي يقولون السداده حاجه لزجه والباقي مويه
    وتجيب لي أمي بجامه ووقالت اتصلي علئ زوجك نروح للمستشفى قلت أجل بلبس قميص أحسن وأسهل عشآن الكشف وجابت لي قميص قصير ولبسته وطلعت اتصلت عليه ورد قال وش فيك كان حاس قلت يمديك تطلع من الدوام انفكت المويه قال نصصصابه تو من ربع سساعه تسولفين معي مأقلتي شي قلت الحين صار طيب ،، قال خلاص دقايق أنا عندك جا وركبت وطلعت شنطتي والله يابنات إني كنت مكهربه انتفض وبردأنه مو خوف بس مدري وش فيني ولاكنت فرحانه كان عادي أمي كل شوي تسأل مايوجعك ظهرك قلت لا ،،!
    ولابطنك قلت لا،،!
    قالت غريبه
    قلت بروح مستوصف قريب إذا قالت الرحم مفتوح أو ولاده بروح للمستشفى اللي بولد فيه [ البريطاني ]
    رحنا لأول مستوصف قالوا مافي دكتوره بتجي الساعه 12
    رحنا للثاني قالوا مافيه ...
    رحنا للثالث قلت لزوجي قل لو ممرضه بس تكشف قول لهم أن المويه انفكت راح وسأل قالوا مافيه دكتوره ،، رجع قالي يقولون إذا المويه انفكت خلاص ولاده روحوا للمستشفى !!!!!
    أنا مارديت ولاتعليق وماقلت شي طلعت كرت دكتورتي كنت عند [ كورانا الهنديه ] أتصلت عليها قلت لها عن المويه قالت روحي للمستشفى أنا بجيك أول مادخلت الطوارئ جابوا عربيه وأنا كنت أمشي أقولها لامايحتاج وتطالع كنها تقول وليه جايه طوارئ طيب ،،!
    وأمشي وادخل الغرفه والمويه مستمره آشوفها لين عند الشوز وربي ،،
    وتجي دكتوره مصريه تسألني مين دكتورتك وكم لك بالتأسع وحطوا لي جهاز نبض البيبي وحق الطلق يشوفون بس ماكان معي طلق قوي خفيف زي ألم الدوره يعني شي عادي قالت بكشف قلت أهاااااا بدينا بالحركات اللي مااحبها قلت طيب يله كشف يعني كشف ،،

    علئ فكره أول مره آسوي كشف ماكشفت من قبل إلا لما قالت بشوف معك التهاب ؤلالا بس طبعا كشف حق الالتهابات مايتقارن بكشف البشع حق الولاده والرحم ..
    وهي واقفه الحقيره قالت يله فكي رجولك ومعها ممرضه قلت نفك رجولي وش ورانا وأفكها أنا علئ بالي زي مأقالوا البنات إصبعين وتذكرت أخذ نفس عشآن لو فيه ألم مااحس فيه كثير خذت نفس أعمق شي بآلحيآه ودخلت اصبع مدري اصبعين وفجاه أتوقع كل يدها وافزززز واحرك رجولي وإطالعها بستحقار عمى وجعتني وانزل رجولي قالت مفتوح سانتي قلت نعم قالت سانتي ،، يهوووووه كيف كذا أنا مأحس بألم ولا شي !!!!!!

    5 دقايق جت كورانا ماطولت أبد تقول أن المصريه تقول معك طلق خفيف ومفتوح سانتي بس لو المويه مانفتحت قلت لك روحي أمشي أوروحي للبيت الفجر تعالي بس الحين خطير علئ البيبي يمكن تخلص المويه عشان كذا بنطلعك غرفتك طلعوني للغرفه بالعربيه

    '' إكيد تبون تعرفون عن المستشفى راح أقولكم كل شي عنه بالأخير ''

    عطوني ملابس حقت الولاده وغيرت وإنسدحت وركبوا لي الجهاز ومغذي عشان يعوض مويه البيبي وهنا بدأ فلم الرعب
    بدأ الطلق يحمى بس أقدر استحمله ولابينت لامي ماابي أضيق صدرها بس أمي تعرف كانت تشوفه بالجهاز لما يرتفع الرقم تقولي مايوجعك شي أقول لا وزوجي يقول صدق أقول ايه مومصدقين ..
    أول مأخلص المغذي شألوا الجهاز عني قلت أحسن بلافضايح ماابي يعرفون إذا جا الطلق ،، وافطرت طبعا والغرفه مجهزينها قهوه وتمر صرت أمشي ؤاكل تمر لما تعبت وجلست والمويه خفيف ينزل

    الكلام هذا الساعه 3 العصر وأحس زاد الطلق ورجعوا ركبوا الجهاز وهنا بدأ علي أني أتالم
    إذا جت الطلقه وأنا أتكلم أسكت وإذا راحت أرجع أسولف أمي تضحك علي ولاأمشي وإذا جت لزقت بالجدار لما تروح شكلي يحززززززن ،،جابوا لي شوربه وفلفل أسود شربتها لأني بديت أحس بتعب ..

    الساعه 4 جت كورانا قالت بكشف حسيت بصيح يوم قالت بكشف تذكرت المصريه قلت طيب يله عساها أخف من يد المصريه وأنا فاتحه رجولي هي جلست عند رجلي اليمين وماسكه ركبتي ودخلت يدها شوي شوي وفجاه إلا مدخله يدها كلها وارفسسسها ذيك الرفسه برجلي اللي كانت ماسكتها وتصرخ علي ليه أيش مشكله قلت أنطمممي عورتيني عاد هنديه ماتعرف أنطمئ ويدها للحين جوا تخيلوا وأبي أشوتها ثانيه وربي ذا العصلأ الموميا بغيت أوصلها للجدار وتفتح رجولي بقوه شوي وبتدخل رأسها ؤانا بموووت وتطلع يدها قلت الله يأخذك وانزل رجولي وأغمض عيوني ااااااااااااااااااااااع قهرتني ليه كذا قلت يمكن عشآن يدها كلها عظامه صارت المصريه أحسن منها وتلف علئ أمي تقولها لسئ بس سانتي أنا بغيت أقوم أصفقها كل هالألم ؤواحد بس ماصدقتها !!

    قلت يمكن لأني مافتحت رجولي وساعدتها بس هي اللي ماتخلي أحد يساعدها بحركتها ..
    إذن المغرب وافطرت أمي وزوجي وأنا كنت علئ الكنب بس أتالم بعدين جتني فكره خونفشاريه والله لايعيدها من فكره قلت يابنت مالك إلا القرفه وأقول لامي اتصلت علئ إختي وسوت لي حليب الله يعافيها. وحطت علبه قرفه مطحونه معه وجابه زوجي حطيت قرفه مع الحليب وشربت بعدين بملعقه صغيره أكلت قرفه حاااااااار وشربت وراه مويه ،،

    بس نص ساعه تعالوا شوفوا حالتي أنوااااع الطلوووق من بعد العشا لييييييييييييييييييييييييييين السساعه 2 الليل ألم مو طبيعي
    جت الموميا ثانيه قالت إنتا لسئ مافي طلق قوي خلاص الحين روح فوق قرفة ولاده أشآن إذا إبقا طلق سنائي ولا إبقا قيسري

    :: الترجمه ::
    إنتي لسئ مافيك طلق قوي بنطلعك غرفة الولاده عشآن تقررين نحط لك صناعي ولا نسسوي لك عمليه قلت وش دراك وأنتي كاشفه علي من زمان والحين لي كم ساعه يمكن فتح الرحم [ مااتوب منها ] قالت أجل بكشف قلت طيب بشويش قالت طيب وأمسسك نفسي ويارب ويارب ماتعورني ولا الحمد لله صارت حرمه هالمره وماعورتني مره أو أنا استحملت أكثر لأن بمقارنه مع الطلق شي مره سهللللل الكشف عند الطلق ،،
    جتني بردها اللي صعقتني تخيلوا وش قالت !!!!!!!!

    قالت لسسسسئ واحد هنا أنا أنهرت بس بدون دموع وقعدت ادعي وإقرا ومأخليت شي مأقلته أنا من أول مابدأ الطلق وأنا أقرأ الادعيه عندي بالجوال وقريت بمويه وأشرب واحط علئ بطني وزوجي يقرأ علي ويقرا بالمويه الادعيه ،،
    قلت لها طيب اطلع للغرفه بس قبل جتني الممرضه وتعطيني الحقنه الشنيعه اللي تنظف البطن دقيقتين إلاانا بالحمام الله يكرمكم نظفت بطني طلعوني بعربيه
    ايه نسيت أقولكم

    بعد العشا جت أم زوجي تخيلوا وأنا اطلق وكذا كنت ماسكه نفسي مستحيه منها والله بس إذا جت الطلق أحط رأسي علئ الكنب واقعد ادعي أو أمشي وإذا جت أروح اقعد بالغرفه الثانيه ماابيهم يشوفوني حالتي حاله آخر شي أمي قالت لزوجي خلاص روحوا ارتاحوا شكلها مطوله إذا صار شي بنقولكم رفض زوجي وأمه قالت لا ماابي أروح وأمي تترجاهم وآخر شي خربتها قالت روحوا تراها مستحيه منكم شوفوا وجها كيف يقلب أسود إذا جتها الطلقه وكيف كاتمه نفسها خلوها تأخذ راحتها فهموا وراحوا وزوجي زعل ليه ماتبيني أجلس ،،!! الله يعافيها أمي كانت حاسه فيني

    نرجع الحين لغرفة الولاده دخلت وأمي قالت لزوجي ترا دخلوها الغرفه وجا بس قالوا واحد يدخل الغرفه عندها طبعا أمي كانت لابسه الملابس حقتهم زي حق العمليات يعني أمي اللي بتجلس معي بس قال زوجي لابس بشوفها قالوا طيب ودخل وأنا أنواع الألم وحاطين لي جهاز نبض البيبي ونبضي وحق الطلق وكانت فيه قابلتين عربيات أتوقع وحده مغربيه والثانيه أردنيه الأردنيه عسل عسسسل عسسسسسسسسللللل
    المغربيه تطالع فيني وتمشي نفسها خايسه بس الأردنيه معي طول الوقت أكثر من هذيك

    المهم زوجي جالس علئ يساري بكرسي وأمي علئ نفس السرير يميني وكل ماجت الطلقه أمي تفرك ظهري وزوجي ماسسك يدي وأنا بس أتالم بدون صراخ وأقولهم خلاص أرحموني زاد الطلق صار زي الكهرب بظهري وأول ماتروح أقول تكفون خلاص وأنادي أمي يمه تكفين قوليلهم عمليه يمممه تكفين أمي تطالع فيني وتدمع عيونها وإذا جت الطلقه أسكت وأحس روحي بتطلع وأمسك يد زوجي بقوووه أحس كسسرتها وإذا راحت أتكلم بسرعه معهم قبل لاتجي أقول الله يخليكممممم وبدأ صوتي يرتفع صرت اصارخ علئ أمي وزوجي أقول أنتوا ماتحسسسسون جماد أمي صارت تبتسم غصبب عنها وعيونها تدمع تقول كأنك سكرانه وإذا جت أسكت واتلوى بالسرير وإذا راحت أقول ليه كذا خلااااااصصصص الله يخليكم أبي عمليه جت دكتوره باكستانيه اسمها شيرين قالت بكشف قلت أمشي خلصيني كشفت قسسم بالله يابنات مأحسيت بشي يدها خفيفه جدا وهذا لإقالوا اصبعين تدخلها يعني اصبعين مو زي المجرمتين اللي قبل !!

    بس صدمتني
    قالت بس ثنين !!!!!!! ااااااااااااه ياربييييييه وش أسسوي بعمري أنا قعدت أصيحححححح قالت بعطيك مسكن لأن طلقك حار آشوفه بالجهاز ولاتدفين إذا حسيتي بالطلق عشآن الرحم ماينفجر تخيلوا وين وصلت !!!

    بنات أنا من أول حملي كل مادخلت المنتدى وإقرا قصه وحده ولدت وكانت سهله وميسره أقول يآرب اجعل ولادتها من نصيبي يآرب أكتب لي ولاده مثل ولاده فلانه ورررربي ماكنت خايفه أبدا من الولاده كنت أقول ماراح أروح للمستشفى أول مااحس بطلق إذا مررررره تعبت بروح وأمي قالت كذا تقول ماراح اطلعك من البيت عشآن مايلعبون فيك وأنتي بكر يعني تطولين بخليك لما خلاص آشوف انك طولتي بالطلق وكذا بس شوفوا سبحان الله أيش صار معي الحمد لله علئ كل حال ..

    نرجع لغرفة الولاده :
    أنا أنهرت صرت بس أتكلم واترجاهم أبي عمليه قالت بعطيها صناعي قلت لا مستحيل تخيلوا صناعي وماينفع معي وآخر شي تدخلوني عمليه خلاص اختصروا وأبي عمليه قالت عمليه لا وطلعت لحقها زوجي قالها عمليه قالت أنا بالنسبه لي أحسن لي عمليه وأسهل وأسرع عشان أروح بيتي لأن قرب يخلص دوامي بس عمليه ماراح آسوي لها عمليه قال خلاص صناعي وعطوني صناعي بدون ماادري اااااه بسسسسسس !!!!

    يعني لو بتكلم من اليوم لبكرا أوصف لكم اللي جاني ماراح أقدر أوصفه بس باختصار أقسسسسم بالله أقسم بالله أن نبض قلبي بالجهاز أول ماجت الطلقه أبي أتنفس ماقدرت حتى الأكسجين ماعاد نفع معي وربي أن الخط حق النبض طلع طويللللللللللللللللل يعني زي الميت وصرخوا علي الممرضات عشآن أتنفس ورجع ينبض ثانيه يعني وش أكثر من كذا شرح وإذا جت الثانيه ماتعطيني فرصه أتنفس أبد ورأ بعض تنفضني نفض تخليني أدور الأكسجين بعد ماابعده عني وأمي تطلع برا تصيح وترجع وزوجي عندي ماسك رأسه ويصيح يقولي وربي مومصدق انك عشتي يقول آشوف نبضك يختفي وينهبل وإذا أنهد حيلي بعد ماتروح الطلقه يفكرني مت يجئ يحركني يشوف ميته ؤلالا !!

    فجاه حسيت الدنيا تدور فيني عطتني مخدر ومسكن بنفس حق الأكسجين اللي حاطته من أول خلاص سكتتت صرت أتكلم بصوت واطي كلام مومفهوم وأنا نسيت اللي كنت أقوله وطووووولت وأنا أتكلم والغرفه تدؤووووووور شي جميل !

    شوي إلا بديت أحس مره ثانيه صرخت روعتهم أبي مسكننننن قالت المغربيه لا يضر البيبي الساعه الحين 5 أو 4 ونص الفجر الخميس ومازال 2 سانتي جت كشفت ثانيه وتحطمت أكثر من أول

    قالت 4 !!!!
    قمت طالعت فيهم قلت يآرب خذ روحي إذا فيه شي بيصير أكثر من كذا صاروا حتى الممرضات يصيحون معي مع أنهم متعودين على المنظر هذا بس ماقدروا يمسكون نفسهم لأخر شي ،،،

    حتى إبرة الظهر لما قلت أبيها قالت الدكتوره شيرين حالتها ماتسمح أبد وضررها بعدين بيطلع عليها يآرب وش أسسوي بعمري أنا !!
    وللحين الطلق نافضني نفض يخليني أطير وأوقع أمي تقو ل أذكري الله أقري الزلزله نسيت كل شي نسيت الادعيه ونسيت ادعي للبنات اللي قلت بدعي لهم وقت طلقي ونسيت ادعي لامي اللي واقفه عند رأسي وتقول لأتنسين تدعين لي نسيت كل شي وربي !!
    أنهد حيلي بس صرت أوووننن وإتالم ومغمضه بعدين فجاه صرخت في وجه زوجي قلت ماتسمع انت ماتحس أبي عمليه اطلع قولهم طلع ورجع قال بيجون قلت أنا مأقلت نادهم قلت أبي عمليه ورفعت صوتي قلت ولاخايف تدفع خخخخخخخخخخخخ والله كل ماذكرتها آموت ضحك على نفسي قلت أنا بدفع لاتخاف أمي ضحكت تقول يابنت خلاص أذكري الله وأرجع أصيحححححح والله أنرحم ويرجع المسكين وهو ساكت جنبي مأقال ولاكلمه !!

    جت أوم نفس خايسه المغربيه بس ظلمتها طلعت تجنن لأنها كشفت قالت خلاص رأس البيبي آشوفه !!

    ماصدقت عاد أنا عطتني أقوى طاقة بآلحيآه بعد كلمتها وقالت فتح 7 الكلام هذا الساعه 7 طبعا بالأخير طلعت كذابه تبيني أسكت بس وين أسكت والصناعي لاعب فيني لعبته حسسبي الله على اللي صانعه ..


    لما دخلت يدها طلعت كل المويه البيبي قرب وهي وسعتني بيدها
    كانت طول الوقت ساكته تتفرج علي وماقالت شي بس فجرتها آخر شي وشافتني مطوله وإزعجتها جت وشمرت يدها ومدري أيش سوت واتصلت على الدكتوره جت تركض ومعها ممرضتين المفروض يطلعون زوجي بس جابوا له ملابس زي أمي ولبسه وخلوه رحموه ،،

    تدرون من بعده ماعاد أذكر شي بس أمي وزوجي ذكروني يقولون رفعوا رجولك وقالت إذا حسيتي بالطلق دفي ضحكت قلت من جدك خلاص قالت ايه خلاصصص
    أول طلقه ماضبط الدف
    يبلي أخذ لي عزم
    والثاني ماضبط
    أخذ أقوى وزوجي كان يطالع فيني من بعيد طبعا مايشوف المجزره اللي صايره بس يشوف وجهي
    وأخذ نفس أعمق أعمق شي بآلحيآه ويطلع الرأس واسمع صراخ بس مدري وش يقولون كاني بمسبح صوت غريب بعدين حسيت شي يتزحلق مني وراح أنا أغمى علي صار الشي هذا الساعه 8 صباح

    مدة الرعب من 12 الظهر الاربعاء الى 8 صباحا الخميس !!
    يآرب ماتشوفون اللي شفته ياااااااااااااارب ...

    الساعه 10 الصباح بعد ساعتين صحيت آشوف ممرضات ماشفتهم قبل غير اللي كانوا عندي ينظفون ويرتبون أمي وينها زوجي وينه أنا ويني وش صار كل هذا أسأل نفسي جابت لي البيبي توقعت بقول أول ماشفته نسيت الألم لا والله ماذقت اللي ذاقته أي وحده ولدت تقول شفته نسيت الألم إلا قعدت آشوفه صديت ومسكت بطني ودمعت عيني على فكره أكتب لكم وأنا أصيح الحين لأن شي موطبيعي اللي صار !!!!
    لاتقولون أول ولاده لك حتى أمي واللي مجربين يقولونه أي وحده تسأل أمي كيف بنتك بعد الولاده تقولهم ماتت وحيت شافت شي ماشفناه لعب فيه لعب هالطلق !!

    المهم نزلت تحت وعلطول انسدحت أبي أنسئ والله قعدت يوم كامل وأنا بس أتخيل صوت الجهاز حق النبض ومن أغمض عيوني إفززز أتخيل مدري أحلم وهي تدخل يدها طبعا بعد الولاده الألم حق الدوره مايروح كله إذا جا الألم أقول لأياربي على بالي بيزيد علي زي الطلق أنسئ اني ولدت ..

    ترا أنا أقول هالكلام ماابي اخوف أحد بس أبي أقولكم اللي كانت مسويه بطله زيي وتقول ماراح أخذ صناعي وماراح آسوي عمليه ولأراح أخذ أبره الظهر تبطل هالحكي لأن ماتدري وش بيصير فيها ومن تحس أنها تتعب تقرر أحسن لها يعني قولي أبي أبره أبي عمليه لاتسوين مثلي وتنتظرين لما يلعب فيك الألم ومن الحين قولي لزوجك احتمال أخذ أبره أو صناعي أو عمليه لأني أنا غبيه كنت أقوله إذا زاد الألم عندي يمكن أقول أبي إبرة ظهر لاتوافق عليها لاتسمع كلامي لما أقولك أبي عمليه هو صدق عشآن كذا مطنشني ...
    كذا إنتهينا من القصه ..

    الحين بحكي لكم عن المستشفى
    أول التاسع جبت ملفي لكورانا وقلت انتي أبيك تولديني قالت لازم تدفيعن ألف وقت الولاده قلت أؤك وقت الولاده الحمد لله أنو انتهى دوامها وراحت وكانت شيرين فيه وهي ولدتني مره حبوبه وطيبه وعسسسسسسل لأبعد درجه وقت الخياط مأحسيت بشي عطتني منوم ماصدقت أنها خاطتني وطلعت المشيمه أنا على بالي أغمى علي صارت هي معطيتني منوم..

    * الغرفه طلبت الخاصه وكانت على التأمين لما رحت للمستشفى قالو الخاصه فل مافي ولاحده فاضيه قلنا خلاص الأميري طبعا ندفع الفرق 1200 صارت أكبر جناح أميري من الباقي يعني هي زي المدخل بعدين الغرفه مرتبه وحلوه والونها جميله أورانج وعنابي فيها شاشه تشوفين البيبي والكميرا عليه لحاله،، كل شي كان حلو بالمستشفى لما ارن الجرس يجون ركض لما اطلب البيبي مايتأخرون الوصيفه رأيحه جايه تسأل إذا أبي شي الممرضات كل شوي يجون يأخذون ضغطك ويعطونك الأدويه بالليل يجيبون سرير المرافق ،، الفطور والغدا والعشا يتصلون يسألوني تبين الحين ولا لما يروحون ضيوفك ،، دخلوا علي بعد الولاده 5 دكاتره بأوقات متفرقه يتطمنون علي المجرمتين وشيرين وثنتين أول مره آشوفهم ،، المصريه المجرمه ماتتستحي أبد جايه تشوف الخيوط مدري الدم إذا كثير ولأقليل وخالي عندي قلت لاماأبي وراحت متضايقه !!
    أسواء شي بالمستشفى ريحة الحمام كل شوي نقول تعالوا نظفوه قالوا خلاص اطلعوا لغرفه ثانيه بس أمي قالت لإخلاص ماراح تطولين نصبر عليه ..

    وحده من العلاقات تجي تسأل إذا فيه ملاحظات أو أي شي قلت لها لا طبعا قبل لاتطلع ريحة الحمام ..

    يجونك مسوقات يسسون دعايه عن البريطاني التجميل للأسنان والبشره وكذا ويعطونك خصم ..

    آخر شي قبل لااطلع هديتهم قلاده الماس اختارها أنا مو هم ..

    سألوني إذا بختن ولدي قلت لا ،، عطوني هدايا له مجموعه جونسون وحليب كتبوا له أدويه ..

    هذا اللي أذكره حاليا إذا فيه شي راح أقولكم ..

    يآرب ألقى ردود تفتح النفس لأني تعبت وأنا أكتب وإذا فيه أسأله أو أي شي أمروني لاتستحون خخخخخ

    وأبي دواعتكم أنسئ الرعب اللي صار ويخلي لي وليدي وأبوه ،، ويطول بعمر امي ..

    أنا عارفه أكثر البنات راح يسألون عن الخياط أنا للحين موعارفه إذا كويس ؤلالا ولاشفته ولاأبي آشوفه بس مستمره على المرهم اللي عطوني والغسول إذا فيه شي جديد راح أكتبه لكم وأضيفه بنفس الصفحه هذي عشآن ماتدورونها بين الردود ..
    التعديل الأخير تم بواسطة _+ دلوعة أميري +_; 08-08-2011، الساعة 04:24 AM
    تم بيع طقم البيبي الله يهون عليك وتفرحين بشوفته..
    باقي الصواني ..
    https://alfrasha.maktoob.com/alfrasha13/thread1669499/

    فستاني للبيع
    https://alfrasha.maktoob.com/alfrasha107/thread1727611/


  2. #2

    افتراضي

    مااااااااااشااء الله تباارك الرحمن


  3. #3

    افتراضي

    والله صراحة يبالك ذبيحة سلامة الولادة

    الف حمد لله على السلامة ويارب يكون هالطلق كفرلك كل ذنوبك
    والله صراحة قطعتي قلبي انا حاليا مو خايفة من الولادة بس بعد ماقريت قصتك تسلل الخوف الي قلبي
    وبعطيكي العافيه على الكتابه





    اللهم اني استودعتك زوجي ونفسه وماله وفرجه فاحفظه لي يامن لا تضيع ودائعه

    اللهم اني اعيذ طفلتي بكلماتك التامه من كل شيطان وهامة ومن كل عين لامه اللهم اجعلها قرة عين لي ولوالدها


  4. #4

    افتراضي

    الحمدلله على سلاامتك ومبرؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤك البيبي الحلو ويتربى بعزكم والله يحفظه لك ولأبوه والله يخليه لكم وتشوفونه عريس
    ويارب تنسين اللحظة المنسية بأذن الله ويرزقك بالذرية الصالحة ويسعدك
    اولاااا قصتك حزينة مع شوية رعب خخخخ الله يعيني ويعين اللي بيقراهاااا وعلى وجه ولادة هع
    بالنسبة للي صار لك الله يكتب لك الاجر والغفران والله يرحم امهاتناا برحمته اللي شاافوا اكثر من كذا وبدون مستشفيات ولاشي
    بصراحة استفدت كثيرر من قصتك وحبيت اسئلك وش رايك بدخول الزوج مع زوجته وقت الولادة تتوقعين يتقزز والا اخاف ماينسى المنظر الدموي اللي قدامه خخخخ؟؟
    انتي ندمتي والا ايش ؟؟
    افيديني الله يووفقك


  5. #5


  6. #6

    افتراضي

    الف الحمدالله ع السسسسسلامهه

    من جد فللللللللللللللللللم رعب ويلي بس ..

    اللي يعني عالجاي ..ياررررب يهونها ويسرهااا ياررررب

    ليش لما طلبتي عمليه موافقوو ..؟؟؟ << مرره خوفتيني
    طيب الحين ولادتك الجايه تفكرين فيها طبيعي ولاعمليه

    اول كنت افكر ايش اسوي ع الفطووور

    الحين طار كل شي من راسي ...افكر بهالولاده ههههههه

    التعديل الأخير تم بواسطة دلع الكوون; 08-07-2011، الساعة 03:39 PM


  7. #7

    افتراضي

    والله اني صحت الين قلت بس وانا اقرا قصتك اااااااااااااااااااااااااااااااااااااااالله يسهل علي وعلى كل حامل يارب ويكتب لك الاجر ان شاء الله والف مبروووك ياقمر يتربي فعزك

    انا ناويه اولد فالبريطاني تنصحيني فيه وفي الدكتوره شيرين بالاخص؟
    سبحـــآن الله وبحمده سبجــآن الله العظيم


  8. #8

    افتراضي

    الف الف الحمدالله على سلامتك
    ذكرتيني بنفسي بس انا في نهاية قيصري
    والله يسهل علي هالمرة


    ماشــًـًـًـاءالله تبــًـًـًـًارك الله


    [IMG][/IMG]


    بداية التخفيف 3-11-1432

    الوزن الحالي 74
    الهدف الاول 72
    الهدف الثاني 68

    يارب اوصل وانا بخير وعافية


  9. #9

    افتراضي

    يمه يمه يمه الله لايحرمك الاجر يارب وتنسين الي صار وتقومين بالسلامه يارب
    اهم شي البيبي كيف وضعه ان شاء الله سليم


  10. #10

    افتراضي

    الحمدلله على سلامتك
    على الاجر ان شاء الله انا مثلك بحملي الاول يومين طلق وواحد سانتي بس ونوموني عندهم وماولدت الا وانا منهد حيلي بقووه
    بس بولادتي الثانيه تادبت واخذت ابرة ظهر وهالمره باخذها ان شاءالله


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك