موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



+ الرد على الموضوع
صفحة 1 من 3 1 2 3 الأخيرةالأخيرة
النتائج 1 إلى 10 من 26
Like Tree0الاعجابات

الموضوع: قصه ولادتي في مستشفى الولادة بالاحساء((مجزرة))

  1. #1

    الصورة الرمزية احبه ويحبني
    تاريخ التسجيل
    Jul 2010
    المشاركات
    133




    Crying قصه ولادتي في مستشفى الولادة بالاحساء((مجزرة))

    صبحكم /مساكم الله بالخير
    كيفكم شخباركم
    اشتقت لكم كثير وللمنتدى انا لي كثير مادخلت بسبب الظروف
    قررت ارجع للمنتدى واول موضوع بعد عودتي راح احكي لكم قصه ولادتي بطفلتي الثانيه
    انا عندي بنوته عمرها سنه وثمانيه شهور اسمها آيه حملت عليها لما كان عمرها 11 شهر وتوني الان والد وجبت لها اخت تدنن قمر سميتها حور جعلها يارب تكون من حور الجنه المهم ماطول عليكم
    انا لي الان 29 يوم من ولدت طبعا ولادتي هالمرة كانت مأساة بل معناه عكس ولادتي ببنتي الاولى كانت سهله بفضل ربي
    انا من دخلت التاسع والكل يسال ها ماولدتي ماولدتي يعني شلون ولدت وكرشتي قدامكم
    المهم كل الي كانو حوامل معي بالعيله اولدوا الاانا حسيت مأساة وشعور كريه قربت على نهايه التاسع مابقى الااسبوع الكل قالي امشي واشربي حلبه وتبخري بعود وزيت زيتون وفلفل اسود كل الي يخطر على البال قالولي سويه ونفذت التعليمات هلكت نفسي بالمشي وشرب الحلبه والعود لكن مافي امل قلت لامي خلاص انا برجع شقتي وباخذ بنتي قالت لاتروحين يمكن تولدين بنصف اليل اوشي علشان بنتك قلت لها بروح والي فيها فيها شلت عفشي ورجعت شقتي وكالعادة بنوتي راعيه سهر نامت الساعه 2 باليل وانا موجايني نوم قلت يالله خليني اشرب حلبه واسولف على الوتساب شوي لحد موعد الصلاة وصليت ورحت بنام جاني الم خفيف بظهري طنشت قلت كالعادة الم ولاراح اولد ونمت على جنبي واحس الم خفيف يروح ويجي وطبعا انا عارفه الطلق لاني مجربته لكن طنشت قلت ان كان طلق بيزيد وبجلس لكن نمت وخف الالم صحيت الساعه 8 الصباح ابسوي رضاعه لبنتي وحسيت انو الالم خف قلت بيني وبين نفسي انا عارفه انو ماراح اولد لين اخلص التاسع حطيت راسي ونمت والساعه 11 الصباح جلست بروح للحمام الله يكرمكم ورحت وانا مافيني الم لكني شفت افراز بني على احمر ينزل وخفت قلت شكلي بولد وكلمت زوجي قلت له ينزل مني دم وشي بني تعال خلك جنبي قالي انا عند الباب هههههه افتحي الباب وقالي تبين اوديك للمستشفى قلت له مافيني طلق بس هالافراز لكن راح اتصل على امي تجي تاخذ البنوته واغراضها يمكن اولد اوشي اتصلت بامي وجات جابت العود والفلفل ويالله تبخرني وتبخرت وتنقعت بماي دافي وماجاني طلق خذت امي البنوته وراحت وظليت انا مع ابوالشباب بالشقه قمت قريت قران سورة مريم وواكرر سورة الزلزله واكلت تمر وشربت حلبه بدأ يجي الم خفيف ونزل دم خفيف لكن مافي طلق قالي تبين غدا قلت له بس لبنه واكلت لبنه ونمت شوي الساعه 2 الظهر الى 5ونص العصر بعدها صحيت ومافي الم بس دم قلت للازم اكلم احد اواستشير احد خبرة دقيت على اخت زوجي قالت اذا دم لازم تروحي المستشفى لكن قبلها امشي ساعه كذا قلت لابو الشباب ودني الممشى قال لالالا اخاف تولدين بالشارع قلت له اما عاد شايف الولادة بهالسهوله ودني وخلصني وداني وطول مانا بالممشى اكرر سورة الزلزله وااستغفر وفجاة صار الالم يزيد وعرفت انه طلق لكن اصريت اني امشي نصصف ساعه بعد وماقلت له اني اتالم لاني عارفه ان بوديني للمستشفى كملت مشي وصار الطلق يزيد قالي نمر بيت اهلي نصلي ونروح المستشفى قلت له طيب رحت لبيت اهله وشافتني حماتي الصغيرة عمرها 18 سنه قالت شكل وجهك بتولدين قلت لها شكلي راحت المسكينه سوت لي جمر وجابت لي تمر ولبن وفاكهه قالت اكلي وكانت ام زوجي تصلي خلصت وجات قالت خذي زيت زيتون تبخري فيه وتبخرت وبعدها زاد الالم لكن قلت ماني برايحه من الان اخاف يحطون لي طلق صناعي لان ببنتي الاولى حطو لي طلق صناعي وكنت خايفه انو تنعاد التجربه حاولت اتحمل الالم وام زوجي تسولف وانا بعالم ثاني بس اقول لها اي اي وبعدين قالت يالله قومي اوديك للمستشفى قلت لها مابي مابي قالت لازم خلاص المستشفى يبي له مشوار وماتدرين شيصير بالطريق قلت لها طيب المهم اصرت ان تروح معاي وانا اقولها مايحتاج مابي اتعبك معي قالت لاتعب ولاشي وراحت معي وانا بالسيارة جاتني طلقه قويه وصرخت وخاف زوجي وزاد السرعه وصلنا للمستشفى وعلى طول قاست قالت يالله ولادة الرحم فاتح سته وانا الالم خف عندي صرت احس بالم خفيف وطلعوني لغرفة التحضير وجات المممرضه وحطت جهاز الطلق وركبت مغذي وخذت مني دم وجاء الدكتور قال انا راح اقيس قلت له لامابي قال برحتك طيب ممكن المس بطنك اشوف وضع الجنين قلت له لا قال طيب ممكن اتكلم معك قلت له ايوا يعني تكرمت عليه انو خليته يتكلم معي سالني معك ضغط سكر تكسر كل بلاوي الدنيا وانا اقوله لالالالا قالي بصراحه انا ماشوف طلق في الجهاز انتي مامعك الم قلت له خفيف قال لازم قياس قلت له مابي قال طيب راح اجيب لك دكتورة وجاب لي دكتورة وقاست قالت سبعه ونص ليه مامعك الم قلت له مادري قالت انا راح افتح مويه البيبي وفتحت المويه وظليت ربع ساعه وجات الممرضه وقالت مافي الم قلت لها لا قالت راح اقيس وحطت لي تحميله طلق صناعي بدون لاتستشيرني لكن ماجاني الم قالت فاتح رحمك 8 مافي الم قلت لها لا وجاني الدكتور قال ماتتالمين قلت له لا قال غريبه غصب كانوا يبوني اتالم قال انا راح اكون صريح مععك الممرضه حطت لك طلق صناعي معقوله ماجاك الم قلت له طلق صناعي لامابي قال هي حطت وخلاص وضحك وانا حسيت ودي اقتله قال لوظليتي نصف ساعه وماحسيتي بالم قولي لي علشان انقلك غرفه ثانيه تستريح عن الصراخ والدوشه قلت له طيب وجات الدكتورة قالت بقيس ياختي قيسي وانا قايله لا قاست قالت تسسسعه خلاص ولادة قالت ماقي الم قلت لها لا ومشت وحسيت راسي يدور وبديت استفرغ الله يكرمكم وجات الممرضه فرحانه قالت في الم قلت لها شوي قالت ماما انتي مشكله مافي الم انا حطيت طلق صناعي وحطيت طلق في المغذي ليش مافي الم قلت لها مادري راحت وتركتني وناديتها بعد عشر دقايق قلت لها سستر وجات فرحانه قالت ولادة قلت لها لا ابي انام قالت نامي وهي متحطمه وشوي غمضت ابي انام الاحسيت اني بنفجر صرخت سستر وجات فرحانه وودتني غرفه الولادة قالت يالله روحي ا ن شاء الله ولد وجلست اطلق والممرضه ماقصرت تساعدني تضغطت على فتحت الرحم تحت قالت ان شاء الله تولدين بدون جراحه لكن ادفعي وانا ادفع واصارخ وشوي قالت لي راح اسوي لك جراحه صغيرة عنق الرحم ضيق لازم جراحه وجات الممرضه الثانيه بمقص معوج وقصت بدون لاتبنجني حسيت اني مت صرخت صرخه حسيت روحي اطلعت وردت لمكانها وشوي دفعت الاطلعت احلى حور على الدنيا وهي تبكي وقالت الممرضه الحمدلله على سلامتك وانا ماني بحول احد احس اني طايحه من جبل وبعدها طلعت المشيمه ونظفتني وقالت راح يجي الدكتور يخيط قلت لها مابي دكتور لالا قالت مافي الدكتورة خلص الشفت حقها ومافي الادكتور قلت لها انتظر لحد ماتجي دكتور ثانيه قالت بكيفك غطتني ومشت والغرفه كانت باردة وانا ارتجف ومامعي غير ربي جاتني بعد ربع ساعه الممرضه الفلبينيه قالت ماما انتي تعبانه قلت لهاوانا ابكي ايوا قالت مافي خوف ماما حسيت اني كسرت خاطرها قالت ليش مايبغى دكتور يسوي خياطه قلت لها ابي دكتورة قالت دكتورة مافي يجي الان بعد ساعتين يجي وبتروح غرفة العمليات على طول مايجي هنا انا تحطمت قلت لها بستشير زوجي كلمته قال خلاص خليه يسوي الخياطه بس تغطي زين حسيت بمسخرة كيف اغطي وجهي وكل شي باين بس تغطيت وجاء الدكتور يتمسخر علي يقول انتي ماكنتي تبيني اكشف ولاالمس بطنك هذا جيتك في الخياطه وهو يضحك تمنيت اقوم ادوس ببطنه وانا ابكي جاء قال شنو هذا ليه الورم كذا ماحطو لك بنج وقت القص قلت له لا قالي ليه وجلس يتكلم مع ذي الفلبينيه وانا موفاهمه شيقول بعدها قال خلاص انا كلمتها تحط لك بنج للخياطه ولايهمك قلت له ليه هي ماكنت حاطه قال لا وحطت لي بنج وجاء الاخ وبدء يخيط ويخيط وانا اتالم مع كل غرزة قالي اذا يوجعك احط لك بنج اكثر لكن هذا لانو المنطقه وارمه عندك قولي لهم يحطون لك كمادات ثلج اذا صعدتي فوق خلص وقالي لازم ادخل يدي علشان اتاكد من الغرز الداخليه قلت له لا كافي يادكتور مابي قالي بس اصبع واحد خذي نفس ودخل اصبعه وحسيت اني بموت بعدها جات ذي الفلبينيه ونظفت وشوي الالدكتور يجي خفت سلامات وش يبي قال ممكن اخذ بنتك واذن في اذنها انا تفاجات قلت له خذها عادي خذها وطلع يتمشى بها في السيب طبعا هو سعودي من جده وانا بعدها لبست ملابس غير الي علي وشوي لبست عباتي قالت لي الممرض يالله امشي لغرفه الانتظار علشان بعد فترة نصعدك فوق قلت لها موقادرة امشي قالت مافي عربه انا راح اساعدك انا حسيت الدنيا تلف فيني موقادرة وش ذه العذاب ومشيت معها وشفت الدكتور في السيب وعطاني بنتي قلت له تكفى يادكتور مشش قادرة خل يحطونها ولو ساعه في الحضانه قال حاضر وقال للمرضه ودي البنت الحضانه رفضت رفض تام قالت البنت مع ماما هذا كويس مافي شي ممنوع قلت له تكفى خل يودونها حسيت ضايع بين الفلبينيه وبيني قال معليه وديها قالت ممنوع ممنوع انا ودي ماما غرفه بعدين يجي ياخذ بيبي قلت لها ابي عربه قالت ماما مافي عربه امشي انتي انا ماسكه انتي وانا ابكي ووودوني للغرفه قلت لها ابي مسكن
    قالت لازم اكل اول وجابت لي علبة زبادي قالت اكليها وجابت لي بنتي وشوي قالت الدكتور بيجي جاء الدكتور وسالني الجراحه ماتالم وانا اتالم لكن من الخوف قلت له لا قال ابي اكشف على الجراحه قلت له مابي مابي قال لازم وكشف وعقمها قال انا بستغرب منكم انكم تولدون هنا ليه ماتروحون مستشفى الحرس اومستوصف خاص يقول انا بشتغل في مستشفى الحرس لكن جابوني هنا علشان في نقص ولما جيت سالت نفسي ليه تولدون هنا وانا ساكته قال عموما الحمدلله على سلامتك ومشى ساعتها ندمت ندم فضيع اني ولدت بمستشفى الولادة والاطفال بكيت وندمت اني سمعت كلام الناس ومارحت مستوصف خاص بعد ساعه رقوني فوق وحسيت بدوار فضيع واني جايعه قلت للمرضه ابي اكل قالت بعد ساعتين راح اجيب لك فطور قلت لها جايعه وراسي يدور قالت نامي وانا موقادرة انام وبنتي تبكي وانا ابكي وحسيت بماساه واتصلت على زوجي ومارد اتصلت على ابوي قلت لها ابي اكل جايعه وبعد قلبي ماقصر جاب لي كيسه مليانه اكل واكلت ونمت وجابو لي فطورهم بعد ساعتين قلت لها مابي قالت لازم علشان المسكن حطته وبس اكلت الجبن وتركت الباقي وخذت المسكن ومانمت لان بنتي كانت تبكي وصدري لسه مادر لبن وهم موراضين يعطوني حليب لها وصار العصر جاوني زوجي واهلي وبعدها يوم ثاني طلعت من المستشفى لكن حلفت ماعد ادخل هالمستشفى المجزرة مرة ثانيه ومستعده اولد لو ب10000 في مستوصف خاص ولاولد في هالمجزرة وتوته توته خلصت الحددوة وهذا بنتي نايمه وانا بعد رايحه انام بعد ماخلصت قصتي
    ويارب انشاء الله يسهل على كل حامل يارب
    طبعا انا ولادتي الاولى ولدت بمستشفى الولادة والاطفال نفسه لكن كان عندي واسطه رئيسه القسم لكن الان انتقلت لمستشفى ثاني وماعندي واسطه فكانت المعامله شتان فرق بين المرة الاولى والثانيه

    نصييييييحه
    مانصح اي احد يولد بمستشفى حكومي وخصوصا الاطفال والولادة الي بالاحساء بالفعل مجزرة


  2. #2


  3. #3


  4. #4

    افتراضي

    يوه ياعمري حزنتيني
    حسبي الله ع مثل هالمستشفيااات

    الحمدلله ربي سلمك والحمدلله ع سلامتك وسلامة حور
    ربي لاتذرني فردا وانت خير الوارثين .. لاتنسوني من دعواتكم بالذريه الصالحه


  5. #5

    افتراضي

    الحمد الله على سلامتك والف مبرووك وتتربى بعزك وبعز أبوهاا وعقبال ماتشوفينهااا عروس .....*...
    حبيت أقولك إن التساهيل من رب العالمين وحده .. وإن شاءالله كل تعبك على أجر
    سبحان الله أنا ولدت بالمستشفى وماشفت إلا كل خير الحمدالله .. من معاملة
    بس كان عتبي إنه مافي دكتورة تخيط اللي خيطني دكتور يمكن علشان جاني نزيف
    بس كلمة الحق تنقال حتى عنايتهم كانت حلوه ..


    بس مثل ماقلت التساهيل اول وأخر من رب العالمين




    ..*..






  6. #6


  7. #7

    افتراضي


    والله كثير أقرأ تجارب ناس يسبوا هالمستشفى ، وأستغرب استمرارهم بنفس نظامهم رغم هالشيء .!
    ألف الحمدلله على سلامتكِ والبنوووتة وكفااارة لكِ انشالله ، والله لايحدك تجربينها ثاني ،






  8. #8

    افتراضي

    يالله الحمدالل على سلامتك يارب

    يالله حسيت بالمعانه معاك وربي ايش هذ’ا حسبي الله عليهم وخاصه مووضع البنج الله يسامحها ليه ماحطت لك
    من جد وربي اني اقول لزوجي لو ايش ادفع اللي وراي واللي قدامي ولااولد بمستشفى حكومي*_*



    اللهم أسألك أن تحفظ جنيني وتجعله معافى كامل الخلقة دون زيادة أو نقصان اللهم حسن خَلقه وخُلقه وسهل حمله ومخرجه واجعله قرة عين لي ولوالده واجعله من عبادك الصالحين


  9. #9

    افتراضي

    الله يسلمكم حبايب قلبي والله انا عتمدت على لادتي الاولى كانت من جد معاملتهم مرة حلوة لكن هالمرة كانت تجربتي معهم جدا سيئه


  10. #10

    افتراضي

    حبيبتي اولا حمدلل على سلامتك والله يساعدك ويكون بعونك والله وانا بقرا وجسمي كله بيعورني الله لا يوفق كل انسان ما يساعد ولا يحس وخاصه في الولاده الله اكبر عليهم
    اللهم اجعل ما في رحمي طفل سليما معافى
    استودعتك اللهم نفسي واولادي ومافي رحمي وزوجي وأهلي





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك