موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



+ الرد على الموضوع
صفحة 1 من 3 1 2 3 الأخيرةالأخيرة
النتائج 1 إلى 10 من 30
Like Tree0الاعجابات

الموضوع: طريقة دكتورة كويتية للمساعدة في انجاب طفل ذكر

  1. #1

    الصورة الرمزية عاشقة النبي ص
    تاريخ التسجيل
    Oct 2008
    المشاركات
    1,294




    new طريقة دكتورة كويتية للمساعدة في انجاب طفل ذكر

    بسم اللــــــــه الرحمن الرحيم
    والحمد لله الذي تتم به الصالحات
    والسلام عليكم ورحمة الله وبركاته
    شفت هذا الموضوعطريقة دكتورة كويتية للمساعدة في انجاب طفل ذكر طبعا كل شي بعد قدرة الله عز وجل وان شاء الله تنفعكم وما اريد غير دعواتكم بثبات وتمام حملي واشيل اول نونو لي بالسلامة وربي يقر عيوني بشوفتة معافى


    اخواتي كنت في زيارة لوحده من قرايبنا في الكويت فسمعت ان عندهم دكتوره كويتيه تعطي طريقة تساعد في انجاب طفل ذكر عطوني الطريقة الله يجزيهم كل خير وسوينا موضوع طويل عن هالطريقة في واحد من المنتديات والكل تم يضيف اضافات تساعد في هالشي
    انا عندي بنتين وطبقت الطريقة والحمدلله الله رزقني باول مولود ولد ولدت فيه من شهرين
    الطريقة وايد سهله بس محتاجه شوي طولة بال
    بخبركم الطريقة بالتفصيل مع الاغراض الى كنت استخدمها بالصور

    1- لازم تتابعين يوم التبويض عند دكتوره عشان هذي الطريقة ما تضبط إلا اذا كان يوم التبويض صحيح 100%
    فيه بعضكم بيقول انا اعرف يوم التبويض، انا المشكلة الي صادفتني ان يوم التبويض كل شهر يختلف عن الشهر الي بعده مره يوم 15 مره يوم 17 مره يوم 18 من بداية الدوره الشهرية
    (يوم التبويض هو يوم نزول البويضة للرحم يتم حسابه من اول يوم في الدورة )
    تتابعين التبويض عند اي دكتورة تقوليها انا اريد اعرف موعد التبويض، الافضل تروحين لها بعد 10 ايام من بداية الدورة عشان تبدأ تحسب حجم البويضة وتخبركم عن انسب يوم للجماع طبعا ممكن تقول تعالي بعد يومين او 3 ايام عشان تتاكد من ان حجم البويضة كبر(يقولون لازم يكون حجم البويضة 18 او اكثر). بالنسبة لي تابعت عند دكتوره رحت لها بعد الدورة ب 10 ايام رحت لها وقالت لي تعالي بعد 5 ايام ورحت لها بعدين قالت لي بعدها البويضة حجمها صغير تعالي بعد 3 ايام طبعا انا بديت من بعدها اطبق الخطوة رقم 2
    خواتي الافضل تستخدم الجهاز الداخلي عشان تتاكد اكثر من موعد التبويض الي هاذي صورته.




    وهاذي بعد صورة ثانية للجهاز


    2- رحت الصيدلية واشتريت Uralyt-U وهو عبارة عن بودرة لونها برتقالي مثل العصير في كرتون كبير لونه اخضر (ما في منه اي مضره) وظيفة هذا الدواء او العصير انه يخلي الجسم كله قلوي ( الجسم القلوي يخلي الحيوانات المنوية الذكرية هي الي تلقح البويضه ويبطئ الحيوانات المنوية الانثوية) كيف استخدمة : تستخدمينه لمدة 3 ايام قبل التبويض بيومين + يوم التبويض عشان يصير الجسم كله قلوي. بعد الفطور تحطين منه ملعقة (موجوده بالداخل) في كوب ماي وتشربينه، بعد الغداء تحطين 2 ملعقة في كوب ماي وتشربينه، بعد العشاء تحطين 2 ملعقة منه في كوب ماي وتشربينه. وحاولوا خواتي انكم تكثرون من شرب عصير البرتقال الطازج في هالايام وتقللون كثر الامكان من الحليب ومنتجاته عشان ما يتحول الجسم الى حامضي (مناسب لانجاب الانثي)


    3- واشتريت بعد شرايط اسمها Combur Test
    ( Urine Test Strips )وتأكدي ان لفحص ال PH. هذي الشرايط بتساعدنا عشان نعرف اذا الجسم صار قلوي بعد شرب الدواء ولا بعده حمضي. طبعا لازم يكون معدل ال PH فوق 7 عشان تضبط الطريقة (اللون الاخضر رقم 8 او 9 احسن شي اذا اللون ما وصل الى 8 ما بيكون المهبل مناسب للحمل بالذكر). عزكم الله بعد كل مره دخول للحمام خذي عينة من البول في كوب وحطي شرايط فحص ال PH فيها وشيلها بتشوفين بعدين ان انتي تقدرين تحددين من اللون الي طلع اذا صار الحين الجسم قلوي وإلا بعده حمضي. خواتي بعد لازم تتاكدن ان الشريط كله دخل في البول تخلينه فقط لثواني وتطلعينه وتشوفين النتيجة. (علبة الشرايط بعد ما تطلعين منها الشريطه اغلقيها زين عشان هي تتاثر بسرعة الحرارة) وبعدين ارمي الشريط.






    وهاذي الطريقة الصحيحة لمعرفة كم واصل معدل ال PH


    ومثل ما قلنا لازم يكون اللون على الاخضر يعنى 8 او 9 افضل شي


    واذا ما وصل لهاللون اشربي من الدواء الاخضر حطي 2 ملعقة واشربي منه وانتظري نص ساعه وشوفي الى اي لون وصل .


    4- بعد خذي من الصيدلية محلول بيكربونات الصوديوم. وهذا حطي ملعقة صغيرة منه في كوب ماي دافي واستخدمي اداة الغسول المهبلي عشان تسوين دش مهبلي قبل الجماع بنص ساعه.


    5- وخذت بعد فيتامين E فيه وحده فيه كذا منتدى مدحته والدكتورة نصحتها تخلي زوجها ياخذه كل يوم لمدة اسبوع او اكثر قبل الجماع.
    طبعا فيه انواع وايد اختاري اي نوع وفيه الي قوته 400 او 1000 انا خذت الي قوته 1000



    6- خلي الزوج في يوم الجماع (يوم التبويض يكثر من شرب القهوة بدون حليب عادي نسكافيه او ق***نا العربية وخصوصا قبل الجماع بنص ساعه ما اعرف شو الهدف منه بس في اخت في كذا منتدى قالت لي هالشي).
    7- قبل الجماع (يغسل الرجل اعضاءه التناسلية بماء بارد بارد) لأن الماء البارد يسبب الشلل وبطء الحركه للحيوانات المؤنثه.


    8- وضعية الجماع: السجود مع انزال البطن لأسفل .. وحتى بعد انزال الزوج يجب البقاء على هذه الوضعيه لفتره من الوقت لأعطاء الجاذبيه الارضيه مساعدة للحيوانات المنويه المذكرة.

    منكور هههه منقول
    للامانه




    {ربي هب لي من لدنك ذرية طيبة انك سميع الدعاء}

    اللهم انى استودعك عبدالله وجنيني ومن احبهم فيك فعافيهم من كل شر وكل مرض وكل اذى .
    واجعل لهم جمال سيدنا يوسف واخلاق سيدنا محمد صلى الله عليه وسلم فإنه لاتضيع ودائعك ولاخاب ولاندم من استودعك
    اللهم أرزق كل محرومة بطفل
    وارزق اخي عبدالعليم من كل خير


  2. #2

    افتراضي

    يسلموووووووووووووووووووووووووووووو...

    .يعطيك الف عافيه....







  3. #3

    افتراضي

    في آيه في القران بما معناه لاني مابي احرف فيها
    ان الله يهب من يشاء ذكورا ويهب من يشاء اناث ويجعل ماايشاء عقيم
    سبحانك ياربي اللهم لا اعتراض في حكمتك يارب
    عندي ولدين والجاي بالطريق ان شاء الله ولد وخاطري في بنت بس كل شي فيه صلاح للانسان اللهم لا اعترض على عطيتك يارب العالمين


  4. #4

    افتراضي

    الحمد لله على كل حال

    والله يخلي لنا ذريتنا .... ولا تحرم أخواتنا من الخلفه


    جزاك الله الف خير


  5. #5

    افتراضي

    يعطيك العافيه
    لا اله الا الله





    يارب تمم حملي على خير ياااااااااارب
    وارزقني الطفل السليم المعافى من غير زياده ولا نقصان .... واجعله يالله عبدا من عبادك الصالحين
    إنك على كل شيء قدير


  6. #6


  7. #7


  8. #8


  9. #9


  10. #10

    افتراضي

    مشكوووره ويعطيك الف عافيه
    بس بسألك الحين كل الادويه اللي قلتي عليها موجوده بالسعوديه ولا بس بالكويت؟
    وشكرا


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك