موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



+ الرد على الموضوع
صفحة 1 من 6 1 2 3 4 5 6 الأخيرةالأخيرة
النتائج 1 إلى 10 من 55
Like Tree0الاعجابات

الموضوع: نصائح قبل الولاده بعد الولاده وعند الولاده

  1. #1

    الصورة الرمزية الاميره جمانا
    تاريخ التسجيل
    Feb 2009
    المشاركات
    185




    افتراضي نصائح قبل الولاده بعد الولاده وعند الولاده

    هالنصائح مهمه جدا



    قبل الولاده
    اولا : قبل الولاده خلي الشنطه اللي بتاخذينها معك عند الولاده قريبه منك واي مكان تروحين له خذيها معك لانك ماتدرين متى راح تولدين بالضبط حتى اذا رحتي المستشفى في موعد خذيها معك
    ثانيا : تجنبي السفر قبل الولاده وكثره الركوب في وسائل المواصلات
    ثالثا : كثري من المشي كل يوم امشي
    رابعا :اهتمي بصحتك زين زين كلي فواكه واشربي عصيرات المهم تكون صحتك زينه
    خامسا : لا تقعدين تسألين كيف الولاده ووشلون وهي صعبه لا لا يكفيك وحده تثقين فيها زين زين ومجربه الولاده وتسألينها عن اللي تبيه انتي عشان زياده ماتخافين وتستغربين اذا طلبو منك الدكاتره منك شئ ...
    سادسا : اذا شفتي المويه نزلت منك مباشره على المستشفى لا تنتظري الالم والطلق القوي مباشره روحي المستشفى لان الولاده احتمال بتكون قريبه جدا بعد نزول المويه


    عند الولاده
    اولا : اذا حسيتي بالطلق يروح ويجي والم بدا يشتد روحي المستشفى
    ثانيا : لا تخافين ابدا ابدا من الكشف قبل الولاده وخليك مسترخيه جدا جدا لا تتوترين تري التوتر هو اللي يجيب الالم
    ثالثا : افضل افضل انك ماتاخذين معك احد وقت الولاده يكفيك زوجك او اخوك اما امك او أي وحده ماتحتاجين ... لانهم والله ماحد راح يساعدك غير ربي ووجود امك او احد ثاني يوترك كثير وتخافين بقوه وكل شوي تشكين للي معك وتقولين (( يالم اه الحق علي ...))
    وتنفعلين اكثر ... واما اذا كنتي لوحدك ماتستنجدين باحد غير الله وكمان لازم تكوني شجاعه ولا تخافي
    رابعا: لما يجيك الم الطلق اكتمي نفسك وحاولي تذكري نفسك أن في طفل بيجي قريب وبيكون في حظنك (( هالطريقه خففت علي الم بشكل كبير ))
    خامسا : اذا راح الطلق اقعدي فقط ادعي ربك لا تقعدي تقولين اه اه اه لا لا قولي استغفر الله استغفر الله تري يخف الم بشكل كبير
    واقعدي ادعي الله بصوت خافت وفي نفسك ولا ترفعين صوتك وتنفعلين والله مايزيد الالم إلا هالشئ
    سادسا : لا تصارخين ابدا انتي اصلا لما تصيحين يزيد الالم ولما يجي وقت الدفع معد يكون عندك طاقه وقوه
    سابعا : اهم شئ اذا بديتي تحسين بالم لااااااا عاد تاكلين شئ او تشربين شئ ليه ؟؟؟ لانك والله لو تاكلين يجي الطلق القوي وتبدين تستفرغين كل اللي كليتيه وبتتعبين اكثر
    اذا مره اكتفي بشرب جرعات قليله من الماء
    ثامنا: خليك مسترخيه بين الطلقه والطلقه واذا جات الطلقه خذي انفاس عميقه جدا (( هالطريقه فعاله أنا مجربتها ))
    تاسعا : حاولي انك ماتفقدين السيطره على نفسك عشان ماتحوسين الدنيا هه ههه
    عاشرا : اذا طلبو منك الدكاتره او الممرضات شئ خليك متجاوبه معهم لا تعصبين وترفضين


    واخيرا .... شوفو الطلق هو اللي يتعب وقت الولاده اما الولاده نفسها والدفع والله مايألم عن نفسي ليه ؟؟؟لانك هذاك الوقت بس تدفعين والرضيع على طول بيخرج

    ونصيحه لكم ترو الصراخ والخوف الشديد يضيق الرحم خليك هادئه عشان يبقى يتسع بسرعه لين تولدين
    الخوف والصراخ يخليه يتسع وبعدين يرجع يضيق
    وهالشئ بيتعبك اكثر


    وخليك مسترخيه طول الوقت والانفاس العميقه والدعاء والشجاعه (( بهالاشياء بتكون تجربه الولاده حلوه ههه هه هههه )))


    شوفوا أنا بكر وسويت هالاشياء وقت الولاده والله الحمدالله يارب ماحسيت بالالم القوي الاعلى اخر الطلقات قريب من الدفع (( قولوا مشاء الله هه ))

    بعد الولاده

    اولا : خليك مرتاااااااااحه وريحي نفسك اصلا بتكوني مكسره مره وماتقدرين تسوين شئ ((( أنا ماقدرت امشط حتى شعري هههه )))
    ثانيا : لو كان معك الحين بعد الولاده احد امك اواختك او احد ثاني معك فبترتاحين لانها بتهتم بالرضيع وتشوفه
    ثالثا : انتبهي خليك نظيفه خاصه اذا كانت عندك خياطه كل شوي غيري الفوطه الصحيه وملابسك الداخليه اذا امتلت دم لان احتمال يكون النزيف شديد
    رابعا : كلي لا تقصرين مع نفسك بالاكل هالوقت واشربي بس ابعدي ابعدي عن الاشياء البارده واشربي الاشياء الحاره
    خامسا : لا تقومين كثير من على السرير ابدا انتي باقي عظامك مفكفكه وتوك ولاده
    سادسا : اشربي الحبوب اللي تجيبها لك الممرضه لا تمتنعين عنها
    سابعا : انتبهي من الهواء البسي زين ملابس طويله واذا كنتي في الصيف البسي ملابس طويله وخفيفه شوي
    ثامنا : اذا طلعتي من المستشفى لا توقفين عن الحبوب اللي تصرفها لك الطبيبه
    تاسعا : ابدي استخدمي الغسول مرتين في اليوم ولا تتهاونين ابدا ابدا خاصه اذا كان عندك الخياطه لانها راح تلتهب عليك وتبكين الم اذا ماهتميتي بالمنطقه .... وبتلاقين في الصديليات غسول حلو اسمه غسول بيتادين
    وزياده خذي كريم ميبو احلى احلى شئ للخياطه تخلينه على الخياطه حول اربع مرات في اليوم وراح ترتاحين بقوووووه
    عاشرا : وقت الاربعين خليك مرتاحه ومهتمه بصحتك زين عشان الرضاعه وعشان نفسك ولا تقعدين تنطنطين حتى لو حسيتي نفسك بخير ههه لانك باااقي عظامك مره تعبانه
    احد عشر : الرضاعه .... انتبهي انتبهي اذا تبين ترضعين ولدك طبيعي خليه كل شوي يرضع منك لا تعطينه الرضاعه سوا ثلاث مرات باليوم والاحسن بلاش رضاعه صناعيه
    أنا كنت اتساهل واقول الحين تعبانه والا مافيني حليب لين بعد شهر الحليب قل بقوه والله ندمت وبغيت ابكي
    ثاني عشر : استمتعي بوقتك مع ولدك او بنتك الجديده هههه واشبعي نووووم ههه

    دعواااااتكم يالغوالي
    هاللي ابيه منكم
    بقلمي
    مع حبي الاميره جمانا



  2. #2


  3. #3


  4. #4

    افتراضي

    جزاك الله خييير

    ومشكووورة كثييير على هالنصايح

    بس ابسألك الغسول والمرهم كيف استخدامهم للخيااطة

    مع بعض عاادي ولا كيييف؟؟؟

    وايش نصاايحك لبعد الولادة خاصة اللي مسوية خيااطة ؟؟

    ايش المطلوب منها تسويه ؟؟؟

    وشكرااا كثييييييير مرررة ثااانية .....


  5. #5


  6. #6

    افتراضي

    مشكورين على الردود الحلوه


    sweet1

    بنسبه للغسول ايوه استخدميه ثلاث مرات في اليوم
    خلي الغسول الاول اما تخلطينه بمويه حاره وتغسلين فيه
    او انك تاخذين قطنه وتخلي فيها مويه وبعدين تخلي فيها من الغسول وتمسحين فيها المنطقه زين

    وبعدها تخلي المرهم طبقه كافيه

    كذا تستخدميه مع بعض عادي

    ......

    وبنسبه للخياطه
    اول شئ لا تتحركي كثيري
    واشربي كل يوم فيتامين سي لانه يساعد بالتئام الجرح
    ولا تتهاونين في الموعد اللي يعطونك هو بالمستشفى

    واذا طولت الخياطه مانفكت بعد 30 يوم او حتى ممكن اقل
    تقدرين تروحين اي مستوصف تفك لك الخياطه وترتاحين منها
    لان الجرح اصلا يتشافي خلال سبعه ايام
    وتبقى الخياطه

    ولازم المنطقه تبقى نظيفه تمام عشان ماتألمك الخياطه وتلتهب
    ولا تنسين الغسول والمرهم اهم اهم شئ لهالمنطقه

    هاللي اعرفه

    والله يوفق الجميع


  7. #7


  8. #8

    افتراضي

    الله يجزاك خير عى هالموضوع الحلو

    وربي ابدعتي

    مشكووووووووورررررررررره


  9. #9


  10. #10

    افتراضي

    الله يعطيك العافيه وتسلم يدك بصراحه ماشاء الله عليك كفيتي ووفيتي وعيشتيني بجو الولاده ياليت الجميع يدعيلي اولد طبيعي ويسهل علي الولاده وخواتي كلهم


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك