موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 10 من 20
Like Tree0الاعجابات

الموضوع: تجربتى مع غسالة الصحون ال جي

  1. #1

    الصورة الرمزية ليتني انا
    تاريخ التسجيل
    Apr 2011
    المشاركات
    401




    افتراضي تجربتى مع غسالة الصحون ال جي

    بسم الله الرحمن الرحيم



    اذكروا الله



    ماشاء الله ولاحول ولاقوة الا بالله


    من اول ماتزوجت وانا افكر في غسالة الاطباق .. بس الامور المالية لاتسمح.. لما جت المكرمه من الملك قلت فرصه اني اطلب شي من زوجي بما اني عارفه انه عنده فلوس ولارح يقدر يرفض .... وبعدها بكم يوم قلت نفسي بغسالة للمواعين وبديت اسرد مميزاتها.. ماعطاني خبر ولا قال موافق .. بس تصرفت كانه موافق وبديت ادعي له الله يخليك لي ولا يحرمني منك تبي راحتي الله يسعدك دايم تفرحني .. فبدا يسال عن سعرها قلت الف الف وخمس ميه .. وبعدها بكم يوم نزلنا نسال وانصدم زوجي بالاسعار .. قال وشرايك اجيب لك شغالة بالاسبوع تشتغل لك البيت كله وبسعر الغساله لمدة 3 سنوات.. ضحكت بخوف حسيته هون .. قلت بلا مزح عادي الغالي سعره فيه وخاصة انه عليها ضمان 10 سنوات .. فسكت ضلينا على هالحال شهر واحنا نقرا عنها بالنت ونفرفر بالاسواق .. واحسن شي بالسوق حصلته
    ال جي 1423 هالمزيونه















    شريناها ب 3200وركنها بزاوية المطبخ اسبوع .. ليش ؟؟ .. لانه يبي لها مكان قريب من المجلى .. قصينا المجلى وخليناه بحوض واحد وشلت دولاب واحد وحطيت الغسالة مكانه وشريت سيراميك جديد من فوقها وسبكنا لها وباقي نسوي لها فيش قريب منها >>حاليا توصيله ..

    وخلال هالاسبوع ماغسلت ولا حاجة كل مانستخدم مواعين افرغها من الاكل وعالمغطس عبيته مويه وفيري .. . وبعد ماخلصنا تسبيك ..باقي يبغى لها صابون وملح ومساعد شطف .. الغساله جا معاها عينه من الصابون ..ونزلنا بنده وهايبر ينده وساكو ماحصلنا الا الصابون .. قلت اشغلها يعني اشغلها وقريت الكتالوج ولقيت مكتوب ان الملح مايحتاج اذا كانت المويه ميسره ماهي عسره .. وجا معاها شريط اختبار عسر الماء طلعت المويه الحمد لله ماهي عسره ... وطريقة الشريط انك تصبين مويه بنفجال وتغمسين الشريط اللي يكون فيه اربع نقط واذا تغير لونها كلها يعني عسره ولازم ملح .. واذا بس نقطة تغيرت يعني مايحتاج .. واقرو الدليل تفهمون اكثر .. برمجت الغساله على H1 يعني الماء مو عسر .. وشغلتها على برنامج quick ..يعني سريع اشوف التصريف صحيح وخليتها شوي وطفيتها .. بديت ارص المواعين من المغطس عليها الين امتلت .. وحطيت مكعب الصابون العينه مكانه وشغلتها على auto يعني اوتوماتيكي .. يشوف حسب درجة اتساخ المواعين يحدد الوقت وكان ساعتين ونص ..وفتحت الغسالة وبرد قلبي .. الكاسات تلمع والحلل تجنن ..
    حصلنا الملح ومساعد الشطف في بن داوود وحطيت كيلو ونص في محل الملح وليتر مويه .. وحطيت مساعد الشطف بمكانه .. وغسلت المواعين بس نسيت ماحطيت الصابون .. والنتيجة مدهشه .. حتى بدون صابون نظييييييفه وتلمع.. بس لازم منه لزوم التعقيم بس عدوها لي هذيك المره..





    الحمد لله ارتحت من هم المواعين صرت كل ماصار معي مواعين رصيتها فيها الين قبل مانام اشغلها على سريع 49 دقيقه .. واشيلها اذا صحيت وبس
    التعديل الأخير تم بواسطة ام جوان و جنى; 04-29-2011، الساعة 09:43 PM سبب آخر: تصغير الصور


  2. #2

    افتراضي

    الرجاء وحده تتكرم وترسل لي طريقة تنزيل الصور باسهل طريقه طلعت روحي وانا احاول عشان اكمل الموضوع


  3. #3

    افتراضي

    مبررررررررررررررررررررررروك عليكِ الغساله والراحه ياحلوه

    انت من فين اذا من المدينه ياريت ترسليلي اسم المحل او السباك اللي ضبط لكم المكان للغساله

    Period







    Ultrasound



  4. #4

    افتراضي

    الله يبارك فيك.. انا مو من المدينه .. بس السباك من نفس المحل اللي شريت منه الغساله
    واللي سوا المكان تبعها وقص لها سيراميك عامل تاني من حقين المطابخ


  5. #5

    افتراضي

    مبروووووووووووووك تتنهني فيها أن شاء الله

    بس ترى لازم مره في الشهر تعقميها

    أنا عندي غسالة صحون مرررره مريحة تخيلي كل ما اطبخ اجمع المواعين فيها تقريبا احتاج ثلاث ايام علشام اعبيها وبعدين اشغلها مره وحدة

    يعني تقريبا في الاسبوع مرتين او ثلاث مو يومياً


  6. #6


  7. #7

    افتراضي

    الله يبارك فيكي .. ايوة تغسلها .. بس اذا كانت متسخة جدا حطي لها برنامج دول واش


  8. #8


  9. #9


  10. #10

    افتراضي

    الله يعطيك العافيه ياقلبي هذي وعرفناها
    طيب والشبك هذا ماينفك وينغسل لان يكون فيه بقايا اكل ؟؟


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك