موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



+ الرد على الموضوع
صفحة 1 من 6 1 2 3 4 5 6 الأخيرةالأخيرة
النتائج 1 إلى 10 من 53
Like Tree0الاعجابات

الموضوع: أفكار للعرس

  1. #1


    تاريخ التسجيل
    Dec 2004
    المشاركات
    31




    Lightbulb أفكار للعرس

    [grade="0000FF 800080 0000FF 00008B 800080"]أولا حبيت أبارك لك المالجات وعلى وشك الزواج.. وأتمنى للمتزوجات حياة سعيدة وهانئة
    ثانيا.. راح أذكر لكم أفكار بسيطة سويتها أنا في عرسي.. واللي كان من فترة بسيطة (شهر 2) ..صحيح إنها صغيرة ويمكن ما تفيد بعضكم بس بصراحة الكل انعجب بالعرس( الحمدلله) فأتمنى إني أفيد بعضكم بها وأسمع تعليقات البعض الآخر عليها.. علشان ماأحس إني رزة في المنتدى ومالي وجود.
    .. في البداية وضعت ستاند كبير عند باب القاعة وعليه دفتر للتهاني .. وكل ما دخلت وحدة للعرس تكتب لي فيه شئ.. وهالحركة سويناها للحريم ولقسم الرياييل بعد .. وطبعا زخرفت الدفتر والستاند بأشياء تناسب جو الحفلة
    وعلى الطاولات وضعت التوزيعات ( وهي أول نوع من التوزيعات) بطريقة مبتكرة.. دخلت البالونات وسويتهم على شكل قاعدة وبعدين حطينا بالونه شوي كبيرة في الوسط ..لونها شفاف وبداخلها وردة حمراء.. ومن بين البالونات طلعنا عصى صغار مربوط فيها من فوق أكياس ملونه( يسمونها خرايط) فيها حلويات ومكسرات
    وطبعا كان في العرس عرض لبور بوينت يشتغل من بداية الحفلة.. بالأول كان مجرد ترحيب بالضيوف .. وبعدين عرض قصة صغيرة عن العروسين.. يعني حطينا صور العائلة.. أولا أهل ريلي (صورة+ كلمة تهنئة منه للمعرس ولي) ونفس الشئ بالنسبة لأهلي.. وبعدين في فترة العشاء كانت مجرد كلمات (بالهناء والشفاء) أو (بالعافية ) أو ( صحتين وهنا) وشئ من هذا القبيل.
    دخلتي كانت كالتالي: ( أنا طبعا من النوع اللي ما يحب أكرر الشئ.. أو من النوع اللي يمل من الروتين علشان جذي ما حبيت إني أحط كاسيت موسيقى لحظة دخولي مثل باقي البنات.. لأن هالحركة بصراحة وايد سووها..ياإما أغنية أو موسيقى كلاسيك) بس طبعا لأني وااايد رومانسة حبيت أدخل الكلاسيك في دخلتي.. فشو صار
    أولا.. كنت محطية جهاز للدخان عند باب القاعة وواحد ثاني على الكوشه..وقبل ما أدخل غيرنا التوزيعات الموضوعة على الطاولات بوحدة تناسب دخلتي .. وهي عبارة عن أكواب زجاج كبيرة شوي موضوعة على قاعدة تدور ويخرج منها ألوان وبداخل هذه الأكواب مادة تشبه الثلج ووردة حمراء مغروسه في الداخل .. فلما أطفأنا الإنارة أعطت منظر وااايد جميل
    وبعدين بدأت الدخلة بشريط مسجل يحكي قصة هذا الزفاف وأنه سيكون يوم عجيب من عجائب الزمان.. سيذكره التاريخ مهما طالت الأزمان... طبعا أنا مب متذكرة كل الكلام بس كان بهاالمجال.. وتقدرون تضيفون أو تكتبون أي شئ تبونه.. وبعد ما الراوي يخلص القصة يقول.. وخرجت ملاك صغير من بين الدخان ( طبعا هني يشتغل الدخان.. فالكل يتوقع إن أنا اللي بدخل) ويظل يوصف هالملاك اللي اتضح بعدين للناس إنها بنت صغيرة لبستها أنا ملابس ملاك أبيض ووضعت لها أجنحة فيها ريش وعصا ذهبية بيدها وطوق ذهبي على راسها.. وطبعا الإنارة عليها فقط.. وظلت تتكلم بحوار بسيط على أساس إنه ترحيب فيني وتبارك لزواجي..
    بعدها الكل انتظر لحظة دخولي لكني خيبت ظنهم مرة ثانية (هاهاي)
    فدخلت قبلي وحدة تعزف كمان (وهذه كانت المفاجأة) .. ظلت تعزف مقطع وبعدها أنا دخلت (طبعا بعد ما شغلوا الدخان) وظلت تعزف لحد ما وصلت الكوشه.. وبعدين كملت الفرقة العزف.. وكانت الكوشة رهيبة بعد.. ما أعرف أوصفها بس فيها ثلج ومكان للربيع وفيها مثل الأمطار وفقاعات الهواء اللي تخرج بين فترة وثانية .. هذا غير الإضاءات المختلفة عليها.. وحركة الليزر اللي مكتوب فيها إسمي وإسمه.. وبعدين وزعنا توزيعات ثانية للناس على سكل أشياء طبيعية وفيها أدعية ( وإن شاء الله ناخذ أجر عليها)
    فكرة ثانية عملناها لدخلة المعرس.. إنه قبل ما يدخل تركنا أطفال صغار (إيولون) يعني يرقصون يواله.. كانوا سته تقريبا .. لابسين نفس اللبس وشايلين سلاح.. الصراحة كانوا رهيبين.. وتركناهم بعد يرقصون في فترات متفرقة من العرس فأعطوا جو حلو..
    وبعد في حركة ثانية كانت عبارة عن بالونات كبيرة موضوعة على جانبي الكوشه (في البداية الكل استغرب من وجودها بس بعد ما سوينا الحركة الكل عجبته) ..المهم بعد ما وصل المعرس عندي فجروا البالونات الكبار فخرجت منها بالونات صغار فيها غاز الهيليوم.. فطارت كلها فوق (نفس الحركة اللي سووها في دورة الخليج بأبوظبي)
    آخر حركة ( وكانت مفاجأة حلوة بالنسبة لي) إن ريلي أو كما يقال زوجي وقف وبعدين وقفني وعطاني شئ.. شو تتوقعون؟؟؟؟!!!!! وردة كبيييييرة ( هي عبارة عن باقة بس مشكلين أوراقها على أساس وردة حمراء كبيرة) والله وايد استانست من الحركة.. حسيت إنه رومانسي وايد.. وعطاني هالوردة جدام كل الناس.. الله يحفظه ويخليه لي إن شاء الله.
    طولت عليكم .. ما عليه اسمحوا لي .. حبيت بس أفيد بعضكم.. وإن شاء الله عجبتكم أفكار العرس.. انتظر التعليقات (إن وجدت).. ولكم الشكر[/grade]


  2. #2

    افتراضي

    بصـراحه من الكلام اللي أنتي كاتبته عن عرسك أتمنيت أكون موجوده وأحضر العرس أكيد كان العرس تحفه ...
    الله يهنيك ....


  3. #3


  4. #4


  5. #5

    افتراضي

    وااااااااااااااااااااااااااااااااااو صج روعه. كان زين لو كنتي عازمتني على عرسج؟؟؟

    يالله اتمنى لج كل التوفيق من قلبي. والف مبروك. ولو عندج اي افكار جديده هل ممكن اتراسليني على الخاص.لو ماعليج امر.

    وموفقه عزيزتي مره ثانيه.


  6. #6

    افتراضي

    مشكورين حبايبي على الرد.. ونستوني.. بس كان خاطري إن الردود تكون بحجم الزيارات لأن هذا أول موضوع أضيفه بالموقع.. الباقي كله ردود.. على العموم صح إن العرس مكلف بس هذا حال الدنيا.. وفي كل الأعراس.. وإحنا ولله الحمد تعاونا (العائلتين) في المصاريف


  7. #7

    افتراضي

    بسم الله الرحمن الرحيم

    هلاااااااا وغلاااااااااا حبيبتي الغاليه

    واااااااااااااااو وااااااااايد روعه الافكار.. وربي يسعدج ان شاء الله دوووووووووووووم..

    بس عندي سؤال هذي افكارج انتي؟؟ وبالنسبه للكوشه وين سويتيها وشو عن الاسعار لاني بعد من بوظبي

    ومابي اسوي شي عادي للمجله الي بتكون بالصيف ان شاء الله..

    ويزااااااااااااااااج الله خير..


  8. #8

    افتراضي

    صراحه عرس غريب ومو متكرر مثل العروس الباقيه بس مين افكاره هذي؟


  9. #9

    افتراضي

    روووعه وغريييييب0000
    علمت ان رزقي لن يأخذه غيري فاطمأن قلبي


  10. #10

    افتراضي

    حبيبتي جنان الآخرة
    هذه أفكاري كلها وطبعا كان في شوي مساعدة ونصايح من إختي وخوات ريلي.. وبالنسبة للكوشه فكان اختيار موفق من ريلي الله يخليه لي.. وتعاقدنا مع محل في أبوظبي يجهز لنا الزفه ورتب لنا موعد مع صاحبة الكمان ورتب الليزر والإضاءات وجهاز الدخان..وكانت الكوشه بعد من عنده .. اسم المحل (وناسه) وصاحب المحل إسمه سامر.. بس انتبهي لازم تكونين شاطرة وااااايد في المكاسرة ترى أصحاب هالمحلات يحبون يستفيدون.


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك