موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



+ الرد على الموضوع
صفحة 1 من 4 1 2 3 4 الأخيرةالأخيرة
النتائج 1 إلى 10 من 40
Like Tree0الاعجابات

الموضوع: قاعة ألف ليلة وليلة وقاعة بغلف بجدة ( صور ) وقاعة الأمراء

  1. #1


    تاريخ التسجيل
    Mar 2007
    المشاركات
    353




    افتراضي قاعة ألف ليلة وليلة وقاعة بغلف بجدة ( صور ) وقاعة الأمراء

    السلام عليكم

    قاعة ألف ليلة وليلة في جدة اش رايكم فيها من جوا ومن برا ؟
    مين عندها فكرة كم سعرها بالعشا نساء ورجال ؟
    وكم سعرها بالعشا نساء فقط ؟
    وسعرها اش يشمل من العصيرات والحلويات والمعجنات والقهوة والشاي والدي جي وشاشة العرض واجهزة الليزر والبخار والأضأه وتزيين الكوشة والممر والبلكونة والراقصات والمصورة ؟
    كيف عشاهم وكيف طريقة تقديمو من الفواكة والحلا وكيف طعمو وإذا كانو يجيبون العصيرات والحلويات والمعجنات والقهوة والشاي من عندهم كيف طعمهم وكيف طريقة تقديمهم للعصير ومن وين يجيبون الحلا والمعجنات والعشا ؟
    زفاتهم اش هيا وعندهم راقصات ؟
    وكيف دورات المياة فيها اعزكم الله ومدخلها وجوا من عند العروسة ؟
    أنا شفتها صور واحسها ضيقة مايهمني تكون وسيعة بس لمن شفت صورها حسيتها ضيقة مرة والكوشة صغيرة بس انا باخذها لملكة مدري يمكن عالطبيعة غير

    وهذي صورها

    الكوشة وفي حركة في الكوشة وهوا ان العروسة تقدر تطلع من تحت الأرض من الكوشة


    الصالة وواضحة فيها شاشة العرض في الزاوية نازلة من فوق


    الدرج والبلكونة والصالة والممر والضاهر في دور ثاني تكملة للقاعة وواضح كمان المدخل الي جوا القاعة


    صالة الطعام وواضح فيها الاركان الضاهر يسون ركن صيني


    تكفي 500 نساء و 500 رجال

    وفيها
    غرفة للعروس
    غرفة للعريس
    دي جي
    كوافير

    انا الي اعرفو سابقاً انها بـ 90 ألف الكلام هذا قبل تقريباً 6 سنوات بس سمعت في المنتديات يقولو بـ 35 ألف و 33 ألف مع العشا مدري هم يقصدون هذي هيا بصراحة ماتستاهل 90 ألف بس مدري يجي سعرها 35 شامل العشا



    وهذي صور قاعة بغلف موجودة بجدة قريبة من جامعة الملك عبدالعزيز مرة حلوة

    القاعة من برا والقبة تتلون من برا بأضاة كل ثانية بلون




    القبة من الداخل


    تحت القبة


    صالة النساء مع الكوشة


    البلكونة في صالة النساء


    سقف صالة النساء




    صالة طعام النساء




    صالة الرجال


    سقف صالة الرجال


    طبعاً القاعة واضح انها حلوة بس التصوير مو واضح وضالمها والأضأت مو شغالة كلها أنا شفتها من برى مرة حلوة
    وأنا سمعت لسى مافتتحوها ولا خلصوها لسى مالبسو الكراسي والطاولات وطاولات البوفية ولا حطو اسم القاعة من برا عليها
    بس في احد قد راح لها وعندو فكرة كم سعرها ؟


    وقاعة الأمراء الي بعد قاعة فرح إذا تعرفوها اش رايكم فيها وكم سعرها مع العشا ؟

    وشكراً مقدماً
    التعديل الأخير تم بواسطة شوووكلاته; 08-30-2010، الساعة 04:13 PM


  2. #2

    افتراضي

    ماعرفت اصغر الصور إذا عندكم رابط يصغرها اعطوني أو إذا المشرفات يعرفون لو يصغروها بعد إذنهم


  3. #3

    افتراضي

    يا اهلا وسهلا شوكولاته

    بالنسبة لقاعة الف ليلة وليلة بنت عمي سوت زواجها فيها وكان على اهل العريس فما اقدر افيدك عالاسعااار وهيك
    لكن كانت من جوا لمن حضرت فخمة ماعليها كلام ... بس انا ماعجبني كثرة البلكونات انتي فيه ناحية من القاعة ماصورتيها بالصور ... وهيا عبارة عن بلكونتين منفصلين صغار اول وحدة يخرج منها العريس وتاني وحدة تخرج منها العروس بعدين يدخلو تاني بعدين فيه على ما اذكر في النص بلكونة اكبر يدخلو منها العروسة والعريس سوا يرمو ورد ويلبسو الخواتم والخ بعدين يدخلو تاني بعدين يجو من البلكونة اللي تنزل عالدرج اللي مصورة عندك ويكملو الزفة يعني حسيت شويا البلكونات زايدة وحكاية انو الكوشة تطلع وتنزل ما ادري الصراحة لأنو بنت عمي اتزفت بالطريقة اللي حكيتك عنها

    وعندك اذا تبي قاعة افخم ( امسيتي ) جدا رائعة وافخم بكثير وكوشتها اكبر


    طيب نجي يا ستي لقاعة بغلف انا رحتها وللعلم ترى اسمها ( بلاتسو ) وبالانجلش :
    Palazzo
    عارفة القاعة دي جمب بيتي وطول مني رايحة اي مشوار امر منها ايام ما كانت تنبني فطبعا اول ما فتحت رحت اتفرج بصراحة انا احس انو فخامتها من برا اكثر من جوا يمكن لانو لما رحت ماكانت القاعة مزينة ومزبرقة تعرفي الاضاءات وزينة الكوشة والطاولات والمفارش تعمل للقاعة جو
    احكيكي بالتفصيل اول ما دخلت كان في استقبالنا المشرفة انسانة ذوق ومحترمة دورتنا عالقاعة فيها 3 صالات اول صالة للحريم تاني صالة للرجال تالت صالة للعشا وهيا مشتركة مابين الحريم والرجال يعني بعد ما يغلقو الرجال من العشا يجو يشيلو الاكل ويرفعو ويحطو عشا الحريم تاني

    قاعة الحريم والرجال متساوية في الحجم مفرشة ببساط عودي من جوا الديكور عالجدران نظام روماني والغريب انو حتى الكوشة بهالطراز يعني جاية زي اقواس كدة داخلة عالجدار فمدري كدة استصعبت تزيين الكوشة يحتاجلها واحد خبير ديكور مو مجرد اي محل ورد على ما افتكر القاعة تشيل 500 حرمة او 400 مني متذكرة انا رحت يمكن 2 يوم في رمضان ( هههههه ذاكرة عدم بعيد عنك ) المهم شكل القاعة مستطيلة والكوشة عالضلع الصغير والبلكونة عالضلع الطويل ( لووول رياضيات ) المهم يعني ان شاء الله تفهمي الوصف
    البلكونة بالزبط زي في صورتك شفتي كيف ما عجبتني ليش ؟ لأنو الحدايد فضي والبلكونة قزاز كدة حسستني كأني في درابزين سوق مو قاعة يعني صراحة احسها نقطة ضعف في القاعة يعني الجدران اعمدة رومانية واقواس والبلكونة مجرد قزاز وحديد يعني بياخة شوية وانصحك نشوفيها عالطبيعة وتحكمي
    المهم ودتنا جناح العروسة باب من الجنب تطلعي لفوق يا بدرج يا باصنصير والدرج ده هوا نفسو اللي بعدين حتنزف بيه العروسة وينعرض عالشاشة للناس المهم توصلي فوق تلاقي صالة كدة صغيرة وقدامك بابين وباب تالت عالجنب البابين واحد جناح عروسة وواحد جناح عريس

    حق العريس فيه : غرفتين ضيوف و غرفة ملابس ودورة مياه
    وجناح العروسة فيه : غرفة ضيوف و غرفة نوم وملابس ودورة مياه وباب البلكونة من غرفة النوم
    نجي للباب الثالث عبارة عن غرفة مجهزة للكوافيرة يعني لو العروسة جابت كوفيرتها للصالة يصير تحضرها في الغرفة دي وليها دورة مياه كمان ونفس الغرفة دي تستخدم للتصوير ( صراحة عجبتني فكرة الغرفة دي )

    اه صح نسيت اقول انو الكوشة ممكن يضيفولك دانس ستيج زي ما تبغي
    بعد كدة نزلنا تحت وشفت صالة الطعام الارضية رخام طبعا وقالتلنا انو الشيف من الفور سيزون اللي بالرياض واكلهم على مستوى ... طبعا على حسب الكلام ما دقته انا

    صالة الرجال نفس حق الحريم بس طبعا مافي كوشة فممكن تشيل عدد اكبر وكمان عند الرجال غرفة في اي بي
    للأسف مارحت اطلعت على دورات المياه نسيت

    المهم بعد كدة رحنا جلسنا في مكتبها عشان نشوف الاسعار وهكا وادتني قوائم الطعام والاسعار وهادي هيا في يدي رح انقلك منها الملخص

    اول شي هما نظامهم زي الفنادق يعني السعر بالكرسي مو بالصالة ... الضيافة من شوكولاين والتمور من البتيل

    نجي للاسعار هما على حسب اختيارك لقائمة الطعام فيه 3 قوائم :

    الاولى ب 360 ريال طبعا للكرسي

    التانية ب 420

    الثالثة ب 480

    كلهم زائد 15 % خدمة ...

    تقول الاختلاف باصناف الطعام مو بالكمية ... واصناف الطعام صراحة مرررة شي رهيب اسماء اكل عمري ما دقتها واول مرة اسمع بيها صراحة

    داخل عندهم ضيافة للعروسين فوق يعني اول ما تيجي العروسة فوق من الكوافيرة يجيبولها عصير و ساندويتشات و شوكولاه وفواكه وقهوة واي شي ... ما ادري انا باقي القاعات يعملو كدة والا لا .. ده الشي عجبني عندهم

    باقي شي واحد قالتلنا انو فيه عرض خلال شهر رمضان المبارك اانه عملو قائمتين طعام تانية ارخص ومو داخل فيها ضيافة الطاولات واعتقد حتى ضيافة العروسين

    الاولى ب 250
    والتانية ب 300 ريال طبعا زائد 15 % خدمة
    يعني لو حجزتي لبعدين طبعا بس خلال رمضان حتى لو اي وقت في السنة ممكن تاخدي العرض ده
    بس طبعا يعني قوائم الطعام الاساسية احلى بكثير

    انا الشي اللي ما عجبني زي ماقلتلك البلكونة وكمان السقف مرررة مرتفع و البلكونة عالية مرة تخوف مدري يمكن عشان انا اخاف من المرتفعات ( لووول ) و كمان الكوشة حسيتها واطية مرة

    يلا اخر شي اديكي رابط موقعهم
    Plazzo Ballroom
    وتلفونهم 6743333

    يلا بالتوفيق ادعيلي يكون فرحي في قاعة حلوة وموعد حلو وتتيسر اموري انا وكل العرايس يارب وياكي طبعا


  4. #4

    افتراضي

    حبيبتي قاعة الف ليله في ايام المدارس القاعه لوحدهامن غير العشا ب25000

    شامل العماله والشاي والقهوه والعصير بالنسه لقاعة النساء فقط


  5. #5

    افتراضي

    صوت المطر

    يعطيك الف عافية يارب كفيتي ووفيتي في الشرح
    وقاعة بلاستو اسطورية وخدمات ولا احلى انا برأي بعد الي شفتو في موقعهم وسمعتو منك هم أفضل قاعة في جدة تصميم القاعة فضيع بس فعلاً مثل ماقلتي مخرب عليهم البلكونة القزاز
    بس يعتبرون غالين بالنسبة لميزانيتي ومعازيمي بس تستاهل بصراحة سعرها فيها إذا كذا خدماتهم وعشاهم
    متميزين عن باقي القاعات لا بشكل ولا بخدمات
    الله يوفقك يارب وييسر لك امرك ويحقق لك مرادك
    بس نسيت ماقول الصور منقولة مو انا صورتها لا قاعة الف ليلة وليلة ولا قاعة بلاستو

    اقتباس المشاركة الأصلية كتبت بواسطة دمعة الود مشاهدة المشاركة
    حبيبتي قاعة الف ليله في ايام المدارس القاعه لوحدهامن غير العشا ب25000

    شامل العماله والشاي والقهوه والعصير بالنسه لقاعة النساء فقط
    إذا ايجار القاعة 25 ألف لحالها مع العمالة والشاي والقهوة والعصير لصالة النساء تعرفي كم ايجارها لصالة النساء بس مع العشاء
    بس يمكن عشاهم رخيص ومايكلف 15 الف فتتطلع الحسبة 35 ألف لأنو فيه بنات يقولو في النت هيا بـ 35 الف و 33 الف انا ولله استغربت اخبرها غالية
    بس أنتي من متى تعرفي سعرها هذا من أول لأنو قبل 6 سنوات كانت بـ 90 ألف شامل كل شي
    يعطيك العافية


  6. #6


  7. #7

    افتراضي

    اقتباس المشاركة الأصلية كتبت بواسطة أنفاس جدة مشاهدة المشاركة
    مووووووفقه
    وياك
    التعديل الأخير تم بواسطة شوووكلاته; 08-31-2010، الساعة 03:12 AM


  8. #8

    افتراضي

    رضيت بالله رباً ، وبالإسلام ديناً ، وبمحمد صلى الله عليه وسلم نبياً

    عندي خلطه تخلي ركبك واكواعك ابيض وانعم من خدودك والكلام هذا عن تجربه حتى
    لو كان حال ركبك ميؤس منهاوالكريم طبيعي 100% سعره 250 ريال


  9. #9

    افتراضي

    قاعة الف ليله وليله سعرهاا حلوو متوسط يعتبرر ,,وهيا تكفي 500 حرمه وتعتبر ملمومه ,,

    وحلووه لزواج ,,

    الملكه يبغالها حاجه اصغر شوي ,,


    وقاعة بغلف شكلها مرررره حلووه انا مره لمحتها من برا ومره عجبتني ,,

    بس شكلها غاليه ,,
    سبحان الله وبحمده ,, سبحان الله العظيم ,,
    أستغفر الله العظيم الذي لا اله الا هو الحي القيوم وأتوب اليه ,,

    يارب سهل امووووري ووفقني في حياتي وكل من قالت آآآآآميييين



    ياآإارب لك الحمد والشكرِرِرِ ,,

    اللهم اني استودعتك نفسي وزوجي وطفلتي وكل مااملك في ودائعك فحفظهم لي من كل شر ومن كل عين حاسد اللهم اميين ..


  10. #10


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك