موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



+ الرد على الموضوع
صفحة 1 من 11 1 2 3 4 5 6 7 8 ... الأخيرةالأخيرة
النتائج 1 إلى 10 من 102
Like Tree0الاعجابات

الموضوع: علاج للالتهابات المهبلية,,,100%

  1. #1

    الصورة الرمزية ورد القصيد
    تاريخ التسجيل
    Nov 2008
    المشاركات
    2,104




    Wardah علاج للالتهابات المهبلية,,,100%

    اول شي هذا الموضوع من تجربه ونقلته من احدى المنتديات لتعم الفائدة علينا جميعا..

    هذا هو بالتفصيل...

    قبل فتره كنت حاطه موضوع عن اختي الصغيره .. انه فيها تكرمون افرازات بسبب التهابات من قلة الماي..


    و امي عجزت توديها الطبيب ماكو فايده كله يقولون بسبب قلة الماي ..

    المهم انا مابي اطول عليكم بالشرح .. لكن ما شاء الله ما شاء الله ما شاء الله الافرازات صار مالها وجود عند اختي ..

    و ريحة المنطقه الحساسه كثير حلوه و هالشي راح تشمينه حتى على الملابس الداخليه لما تغيرينها ..وعلى الفوطه اليوميه ..

    وانا تابعت اختي اسبوع سويتها حقل تجارب لول بس طبعا الوصفه كانت من دكتور هذا خبير بهالشي و يداوي بالاعشاب وعارف انه لها فايده هالوصفه .. وفعلا جربتها على اختي و فادت كثير الحمدلله


    المهم بعد كل هالكلام المطول اقولكم شي واحد اللي عندها مشكله مع الافرازات و الالتهابات و المنطقه فيها احيانا ريحه كريهه بسبب البكتيريا .. استمروا عليها اسبوووووووووووووووووع و قولولي النتيجه ..
    وبعدها استمروا عليها ليما تلاحظون انه اختفت .. و اذا اختفت بين فتره و فتره سوو هالطريقه كنوع من العنايه الشخصيه ..

    و ان شاء الله بتودعون هالمشكله العويصه ..


    و ادري تعبتوا من التجارب وانا بعد مابقى شي ماجربته لها بعد عمري توها صغيره و التهابات و بلاوي .. بس الحمدلله الله شفاها ..وبعد هالتجربه وعدتكم احطلكم الحل و الحين وفيت بوعدي



    اول شي الادوات اللي تحتاجونها شغلات مافي اي وحده تستغنى عنها :



    1- فوطة كير فري اليوميه ريحتها كثير حلوه (عشان تمتص البلل اللي بالمنطقه و تقدرين تغيرينها كل ما دخلتي تكرمين الحمام و بنفس الوقت تشوفين الافرازات و تتابعين اذا في لون او لأ الفوطه نظيفه)


    [IMG]url=http://filaty.com/i/905/65131/fooot.jpg][/url][/IMG]


    2- غسول كير فري (لا تستخدمينه الا مره باليوم .. لانه راح نستخدم غسول خاص ثاني يزيل الالتهابات)



    [IMG][/IMG]

    3- مناديل كير فري ( تمسحين المنطقه بعد الغسول الخاص)
    [IMG][/IMG]



    4- زهرة البابونج الي بعض الناس يسونه مثل الشاي (واهو مطهر ومنظف للمنطقه الحساسه)


    [IMG][/IMG]
    5- عسل اصلي اهم شي يكون اصلي ( العسل مضاد قوييييييي للالتهابات والافرازات)





    6- خل التفاح ( معقم ومطهر للمنطقه الحساسه )

    [IMG][/IMG]





    الحين طريقة الاستخدام :


    اول شي نسوي الغسول الخاص بسمي الغسول السحري عشان نفرق بينه و بين غسول كير فري ..
    المهم نعبي في غرشه فاضيه عشان نستخدمه كل يوم ..


    1- اغلي ماي و حطي في الماي 2 م ك بابونج و خلي يغلي شوي ..

    بعدين صفي الماي و صبي في غرشه فاضيه هم تكون نظيفه ..



    2- في كل غرشه حطي راس غطاء خل التفاح (براس الغرشه حقت خل التفاح حطي شوي خل و صبي في كل غرشه من غراش اللي عبيناها بابونج)

    لازم شوي خل تفاح مو كثير .. عشان كذا استخدمنا راس واحد بس ..



    3- حطو عسل تقريبا 5 او 6 ملاعق كبار في الغلاشه .. لانه اللي نصحني في الخلطه قال الكثير من العسل .. والعسل معروف في الشفاء سبحان الله ..



    الحين الخلطه صارت جاهزه .. خضيها عدل ليما العسل كله يذوب مع الخلطه ..

    و قبل كل استخدام هم خظي الغرشه و استخدمي..


    الحين صار عندنا غسولين ..

    الاول: غسول كير فري
    الثاني الغسول السحري ( اللي ان شاء الله راح يزيل اي التهاب و افراز و ريحه بالمنطقه )



    باقي اخر شي اقولكم طريقة استخدام الشغلات كلها بالترتيب..


    طبعا اهم شي تغير الملابس الداخليه باستمرار .. و حاولو تلبسون قطن بوقت العلاج .. و في كل وقت بعد احسن .. bhs عندهم في اشكال عجيبه و حلوه و كلها قطن هذا اهم شي ..

    و يفضل انه تقطون كل الاندرويرات اللي عندكم و استخدمو اندروير جديد ..

    يعني غيروا المجموعه كلها ..


    و كلما تجين تغسلين الاندرويرات .. بعد الغسيل اغليهم في ماي حار .. عشان اي صابون او اي جراثيم و اي شي يطلع ..


    هالطريقه ينصحون فيها الاطبه ..



    و لا تنسون لازم المنطقه تكون نظيفه من الشعر الغير مرغوب فيه عشان النظافه ..


    الحين خطوات استخدام الشغلات اللي ذكرتها فوق بالترتيب:


    1- اول ما تدخلين تكرمين الحمام وغسلتي بالماي .. اشطفي المنطقه بالغسول السحري .. حاولي انه يجي على كل المنطقه.. وبعدها غسليها بالماي عدل ..


    2- بعد ما تنشفينها من الماي بفوطه خاصه لهالمنطقه ..استخدمي مناديل كير فري و مسحي المنطقه عدل واهتمي في ثنايه المنطقه لانه بهالاماكن تتركز البكتيريا اللي تسبب الريحه و السواد وتأكدي انه ما توقفين من مسح المنطقه بالمناديل الا بعد ما تمسحين ويطلع المنديل ابيض نظيف من غير اي لون عشان تتأكدين انه نظفت المنطقه لانه هذي البكتيريا المسببه للسواد على طول تتكون في المنطقه لانها منطقه مكتومه .. لهالسبب ينصحون باستخدام الفوطه اليوميه و الملابس القطنيه ..



    3-حطي الفوطه اليوميه حقت كير فري ويفضل تمسحين شوي عليها مسك


    4- قبل النوم اشطفي بالغسول السحري و بعدها غسلي في غسول كير فري .. وتأكدي انه تغسلين المنطقه كلها يعني بين ثنايه المنطقه و حتى بين الفخوذ خط البيكيني .. هالشي مهم وايد لانها قريبه من المنطقه .. وعشان تتأكدين انه ما في اي باقي حق اثر الخلطه السحريه ..
    وطبعا حطي الفوطه اليوميه و نامي



    ملاحظه: في كل مره تدخلين تكرمين الحمام بعد ما تغسلين في الماي اشطفي المنطقه بالغسول السحري و بعدها غسلي بعد مره في الماي و بعدين نشفي المنطقه من الماي عدل .. و بعدها حطي الفوطه و اهم شي تمسحين المنطقه كلها بمناديل كير فري ولا تنسين بعد مسح منطقة المؤخره..

    بالنسبه حق غسول كير فري بس مره وحده تستخدمينه قبل النوم .. اما باقي الوقت استخدمي الغسول السحري و يفضل انه تشطفين في المنطقه عالاقل 5 مرات باليوم .. عشان كذا لازم تشربين ماي كثير عشان تروحين تكرمين الحمام كثير .. و يطرد جسمج السموم .. و تتشافين بإذن الله ..




    وهذي تجربه اكيده 100% و انا جربتها على اختي والله انه اضبطت الحمد لله ..
    [IMG][/IMG]

    اللهم ياحي ياقيوم
    ياذا الجلال والإكرام
    ياجامع ياجامع ياجامع
    اجمع بيني وبين (خطيبي) على ماتحب وبما تحب واسعدني به
    واجعلني عنده من المكرمين


    [IMG][/IMG]


  2. #2


  3. #3


  4. #4

    افتراضي



    العفوووو حبااايبي....نورتو الصفحة


    كل اللي يهمني خواتنا يستفيدو.........
    [IMG][/IMG]

    اللهم ياحي ياقيوم
    ياذا الجلال والإكرام
    ياجامع ياجامع ياجامع
    اجمع بيني وبين (خطيبي) على ماتحب وبما تحب واسعدني به
    واجعلني عنده من المكرمين


    [IMG][/IMG]


  5. #5


  6. #6

    افتراضي

    همس........الله يعااافيك عمري.
    [IMG][/IMG]

    اللهم ياحي ياقيوم
    ياذا الجلال والإكرام
    ياجامع ياجامع ياجامع
    اجمع بيني وبين (خطيبي) على ماتحب وبما تحب واسعدني به
    واجعلني عنده من المكرمين


    [IMG][/IMG]


  7. #7

    افتراضي

    الله يعطيك الف عاااااااااااااااافيه ياورد على المووووووضوع المفيد ،،،،،،،،،،

    تئبري البى ،،،،،،،،،،،،


  8. #8


  9. #9


  10. #10

    افتراضي

    جزاك الله كل خير


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك