موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



+ الرد على الموضوع
صفحة 1 من 4 1 2 3 4 الأخيرةالأخيرة
النتائج 1 إلى 10 من 36
Like Tree0الاعجابات

الموضوع: معاناتي مادري وش نهايتها

  1. #1

    الصورة الرمزية %غيوره%
    تاريخ التسجيل
    Sep 2011
    المشاركات
    50




    Crying معاناتي مادري وش نهايتها

    السلام عليكم ورحمة الله
    مادري وش اقول قربت انهار او انجن راسي احس بيطير عقلي وربي تعبت تعب
    معاناتي من خمس سنوات بس السنه ذي زادت علي انا انسانه حلوه وفرفوشه واحب استقبل الناس بي ابتساااامه بدايت تعبي الم في قلبي وحللت سلميه ومن بعدها خفقان وبكاء ورحت كدا حرمه تعالج قالن عين عاشقه استخدت اكثر من كورس علاج ولا فيه فايده قريت البقره اربعين يومفي
    فترات متباعده اتحسن 6شهور بعدين تنتكس حالتي تنومت في المستشفى يقولون قيلون عصبي ولي شهر وانا تعبااااااااااااااااااااااااااااااااااااااااااااااا اااااااانه مره لان كذاوحده تقول فيك مس مع عين من 5/11/1432وانا مستخدمه كورس رقيه البقره +المس+رقيةالتعطيل+خلطة ابراهيم الرويس+خلطة الرومي )والله ثم والله اني اتعذب عجزت اصبر امس انهرت احس بالم في راسي واحس بفقد عقلي مع تفكير احس قراتي للقران وصلاتي مالها داعي اعوذبالله من ابليس وربي جالسه ابكي
    وربي ماعندي احد يوديني لراقي شرعي واحس خلاص ودي اكل احبوب نفسيه لان احس خلاص بداء العد التنازلي راسي وجسمي الم غير طبيعي واذا رحت للمستشفى قالو حاله نفسيه
    بنات الفراشه ارجوكم اتمنى تساعدوني ابي اتعالج احس بفقد عقلي خلاص يارب رحمتك ارحمني وارحم ضعفي انا بنت غير متزوجه
    التعديل الأخير تم بواسطة %غيوره%; 10-25-2011، الساعة 07:56 PM


  2. #2

    افتراضي

    ياعممممممري الله يشفيك ويعاافيك
    لاتياسين من رحمه ربي .۔ وهذا اختبار لك ويمكن تكفير لذنوبك

    صلي وقومي الليل وادعي الله وربي ترى مايرد عبده
    اذا مافاد معاك العلاج شهر شهرين سنتين بيفيد معاك بالاخر وبترجعين مثل اول واحسن

    ادعي الله بتذلل والله يشفيك ياعمري
    ربي لاتذرني فردا وانت خير الوارثين .. لاتنسوني من دعواتكم بالذريه الصالحه


  3. #3

    افتراضي

    اللهـ يشفيگ يارب

    لاتعليق
    يآرب وفقني في دراستي يآرب حققق لي حلمي ..


  4. #4

    افتراضي

    ياحبيبتي هذه اغلبها وساوس من الشيطان هوا اللي يوسوسلك انك تعبانه وفيكي عين احسن علاج اقري القران

    وخليكي واثقه بالله ومحسنه الظن فيه بانه حاميكي وانك مافيكي شي وراح تتشافي


  5. #5

    افتراضي

    نصيحه لاتتتركي سوره البقره ابدا
    واذا ماقدرتي تقريها كل يوم ممكن كل 3 ايام
    بس لاتتركيها ابد

    واذا كمان قدرتوا تاخذو من اثر الناس الي التسببو بالمشكله يكون افضل

    الله يشافيك ياقلبي


  6. #6

    افتراضي

    اللي فيــــــــــــــــك نوبااااات هلع >>> خفقان القلب والبكاء من غير سبب وتحسي بآلام بس لما تروحين تحللين يقولون لك مافيك شيء صح؟؟؟

    اللي فيك ياقلبوووو اوهآآآآآآآآآآم من نفسك انتي وبسبب الناس اللي حوالينك اللي قالو انه فيك مسس وسحر و..و.۔ و..۔

    يعني اللي فيك نفسي منك وفيك ومافيك اي شيء صحي

    راح تقولين طيب والعلاج

    اعرف ناس مثلك بالضبط والحمد لله تشافو تعرفين كيف ؟؟

    جلسوو مع انفسهم وقالو - كفاااايه اوهاااام - وعاشو حياتهم

    راح تقولين لي انه مش اوهام واحس بآلام ..۔ راح اقولك الا اكيد اوهااام وانه نفسيتك تصنع هالام اللي تحسين فيها وتعتبرينها صدقيه وهي وهميه سبحان الله

    اولا .۔ لا تنقطيعين عن القرآن الكريم لأنه فيه شفاء للناس >>> ولازم تؤمنين بهالشيء من كل قلبك وتقولين انه بمجرد قرآئتي للقرآن انا قاعده اتشافى نهائيا

    ثانيا .۔ الاستغفار والصدقه والدعاء بأن ربي يهدي لك بالك

    ثالثا ..۔ انشغلي عن حالتك هذي وعن التفكير بنفسك كثيير >> خلاص لاعاد تفكرين بنفسك ...انا تعبانه.۔ انا متضايقه.۔ انا بموووت.۔ انا احس بكذا ..۔ يوووه ليش فيني الم .۔ يووه شكل معاي المرض الفلاني.۔ يمكن معاي عين >> الافكار هذي اقطعيها واقنعي نفسك وكلميها وقولي انا سليمه وطبيعيه وراح ارجع طبيعه مثل الاول واحسن

    رابعا..۔ ايش الهوايات اللي كنتي تسوينها قبل ماتجيك هالحاله؟ وبشرط تكون هالهوايه ممتعه لك ؟ مثلا انتي تحبين الطبخ
    أبدأي اطبخي وتفنني بالطبخ من حلويات وغيره
    مثلا تحبين تتعلمين اللغه الفلانيه .۔ يلا ابدأي تعلميها وركزي عليها كثيير
    مثلا تحبين تلعبين وتركضين .۔ ارجعي العبي واركضي
    مثلا تحبين تكتبين روايات..۔ يلا روحي لأقرب مكتبه واشتري لك دفاتر وابدأي اكتبي
    مثلا تلاقين متعه في انك تطلعين للسوق او الملاهي او تطلعين تزورين الناس ..۔ يلا ارجعي اطلعي واستانسي وشوفي الدنيا وفرفشي وفليها ..۔ واقنعي نفسك دائما بأن هالدنيا ماتسوى وانك من اليوم ورايح راح تستمتعين بكل جزء من حياتك وانك من اليوم ورايح ماراح تستسلمين لها الاحاسيس الوهميه ..۔ تدرين ليش لأنها توافه وخراااابيط مالها لازم او داعي في حياتك
    دائما قولي لنفسك هالاشياء اللي احس فيها تافهه ومجرد وهم وماله داعي في حياتي

    خامسا.۔ مارسي الرياااضه .۔ سواء مشي والا سباحه .۔ او اذا كان عندك جهاز في البيت العبي رياضه

    سادسا.۔ حسني علاقتك باللي حولك وحاولي بقدر الامكان تستمتعين بالجلسه معاهم مثلا امك طقي معاها صداقه.۔ ارجعي كلمي صديقاتك وسولفي معاهم ولا تقطعينهم ابدا >> اهم شيء العلاقات الاجتماعيه هي اللي راح تطلعك من الجو اللي انتي فيه لأنه الوحده والفراغ هي اللي تسبب الوهم

    سابعا واهم شيء وحطي تحت هالنقطه الف خط

    الرضااااء بالقدر خيره وشـــره

    اغلب الناس اللي في مثل حالتك يكونون متخوفين من الامراض فتلاقينهم يفحصون دائما ..۔ مره الم في القلب.۔ ومره في البطن.۔ ومره يشكون انه معاهم سكر او ضغط او سرطان ..۔ ومره يقولون معانا قولون>> بالنسبه للقولون اغلب هالناس تلاقينهم لما يفحصون عند الدكتور يقول معاكم قولون >>> بس الحقيقه انه اصلا ماكان معاهم قولون والسبب في انه جاهم القولون هو تفكيرهم المستمر وخوفهم واوهامهم لأنه معروف القولون يتهيج من الحاله النفسيه
    بس الخبر الحلوو انه اغلبهم ينقطع عنهم القولون اذا قطعو هالأوهام والافكار اللي ماتودي ولاتجيب ولاتنفعهم بشيء

    المهم نرجع لسالفة القضاء والقدر

    لازم تجلسين مع نفسك جلسه بعد ماتصلين وتقرين وتقنعين نفسك وتخاطبينها انك راضيه بقضاء ربي مهما يكوون وتقتنعي تماما انه لن يصيبنا لا ماكتب الله لنا

    فكري باللي فيهم مرض السرطان الله يشفيهم ويعافيهم ويقومهم بالسلامه ..۔ شوفي كيف عايشين حياتهم بالأمل وشوفي كيف يعانون وهم راضين بقضاء الله وقدره

    وانتي ماشاء الله تبارك الرحمن بصحه وعااافيه ..۔ ليش تتعبين نفسك بهالأفكاااار..۔ خلاص حطي حد لها وقولي لها مع السلامه من دون رجعه

    وداعا للوساوس للأبد
    وداعا للأوهام
    وداعا للآلم الوهميه
    دايم اقنعي مفسك انك بصحه وعافيه وانه مهما يصيبك من مرض انتي رااضيه فيه لأنك تعرفين انه خيره من رب العالمين ..۔ ومافيه اي شيء مقدر للأنسان المؤمن في هالدنيا من مرض وغيره الا وفيه خيره له

    راح تقولين يجيني وسواس المووت>>> كان عندي

    لا تتخيلين الموت على انه شيء بشع لا انتبهي
    بالعكس اذا فكرتي بالموت ..۔ اربطيه بالجنه على طووول
    اقرأي في النت كثيير عن نعيم الجنه ومتعها ....وأقرأي عن المجاهدين والصحابه رضي الله عنهم اللي كانو يتمنون يموتون في سبيل الله بس علشان ينعمون بالجنه
    راح تلاقين مع الوقت شوي شوي تتغير فكرتك عن الموت وخصوصا اذا آمنتي بقضاء الله وقدره

    شوفي اذا طبقتي كلامي راح ترتاحين وتنقشع عنك هالحاله .۔ بس يبغالك صبر وهمه من نفسك انتي

    اتمنى ما اكون طولت عليك واتمنى اني افدتك

    وانا متأكده بإذن الله انك راح تبشريني عن نفسك عن قريب


  7. #7

    افتراضي

    هلا قلبوو رجعت لك مرره ثانيه ..۔ بس حابه اقولك اني مستعده استمر معاك الما تطلعين من هالحاله لأني حاسه فيك

    بس حابه اسألك كم سؤال وارجو الاجابه

    بالعاده هالحاله تجي للشخص بعد فشـــل..۔ سواء فشل عاطفي او فشل في لدراسه او الوظيفه او فشل في تحقيق امنيه ...............۔ ياليت تتذكرين لما بدأت الحالخ معاك كيف كانت نفسيتك؟ وهل كنتي في مرحلة فشــل؟؟

    السؤال الثاني..۔ حالة خفقان القلب والبكاء كم تستمر واوصفيها بالتفصيل ..۔ يعني مثلا اذا جتك الحاله تحسين بالم اسفل البطن او في اعلا البطن ،،، وتحسين بحراره في الجسم او لا،،،،، يجيك اسهال مع الحاله وغازات والا لا؟؟؟


    السؤال الثالث..۔ كيف حالتك الصحيه؟ هل نحفتي؟؟ وكيف تقبلك للأكل ..۔ هل تاكلين كويس والا اذا اكلتي تحسين بعدم راحه؟؟


    ارجو انك تجاوبين وراجعه لك بكره بإذن الله


  8. #8

    افتراضي

    ربي يشفيك ويحفظك من شياطين الجن والانس ياارب

    والله انا مرت علي ايااام احس بطعم المووووووووووت الحيااه مالها طعم وربي اتحسس من كل شي

    وغير كذا تعب مو طبيعي اكره النااس ما ابي ارووح اكره اكل أهلي اشم في البيت ريحه مع انهم يقوولون

    واجمااع منهم اني مافيه شي وربي كنت اذا طبخووووووو اني اقفل غرفتي لحد ما يااكلوون اقوول فيه ريحه

    اخذ فلووووووووس من أهلي وربي اصرفهااا مدري وين ترووح لما اجي مكاان فيه نااس احس بحررراره براسي تقوووووووووولي غلايه وربي

    وتعبت
    بس الحمدالله الشي لي مستمره سوره البقره

    وجبت رقيه من الشيخ عبدالله السدحااان وانا استخدمها عاانيت أكثر وأكثر لدرجه اني كرهت أهلي
    وكنت متاابعه مع الرقيه عن بعد
    وجلست سته شهووور

    وبعدها بحمدالله اتحسنت

    ع فكره انا جاتني وسوسه في الصلاه اعيدها مليووووووووووووون وكنت اش انه ربي يقبل مني اي شي اسويه من الشيااطن هذا كله
    واعطااني نصاائح

    وكمان والحمدالله الاستغفاار والتسبيح والصدقه

    الحمدالله
    بعد المعاانااه ارتحت ورجع لي الامل بحياه

    اللهم لك الحمد

    اقووووووووول يااقلبي وربي مستعده اني اكون معك لتشجيعك

    ربي يسعد قلبك ويشفيك يااااااااااارب






  9. #9

    افتراضي

    كلام الاخت نجمه فعلا صحيح
    أنا كان فيني نفس حالتك
    سنين كنت اعاني خفقان بقلبي وبطني يوجعني وتجيني حاله هستيريا من البكاء والصراخ ومحد يقدر يسكتني لين اتعب وأسكت
    او تلقيني احيانا مبسوطه وفجأه بدون سابق إنذار يجيني حزن وكآبه وأبي ابكي من غير سبب رحت لشيوخ يقرون علي اللي يقول عين واللي سحر
    قعدت اقرأ قران واحيانا اذا ماقدرت اقرأ استمع واحس براحه بس المساله طولة تقريبا سبع سنين وانا تعبانه تدرين ليش لأني صدقت ان فيني عين او سحر في الاخير وبعدماتعبت قلت بإذن الله أني أعالج نفسي بنفسي صرت كل احس ان الحاله بتجيني اقعد اكلم نفسي اقول لا أنا مافيني شي أنا بخير ماراح ابكي أنا اتوهم مافيني شي واقعد بصراع بيني وبين نفسي لين تروح الحاله مني والحمد لله قدرت اسيطر على نفسي وتجاوزت هالمرحله وفعلا طلع اللي فيني مجرد وهم لأني كنت اترك نفسي لهالشي
    انتي جربي طريقتي مع قراءة القران وابتعدي عن الاغاني لانها هي اللي تجيب الهم والحزن ولاتتركين الصلاة وداومي على الاذكار واذا صار عندك وقت فراغ اشغليه باي شي تحبينه ويكون نافع بنفس الوقت


    وبأذن الله تطمنينا عليك بشفائك عن قريب يارب
    طريقه سهله للتجاره الرابحه


    اللهم يافارج الهم وياكاشف الغم فرج همي ويسر امري وارحم ضعفي وقلة حيلتي وارزقني من حيث لا احتسب يارب العالمين
    اللهم ارحم امي وابي واغفر لهما اللهم وسع ونور قبرهماواجعله روضة من رياض الجنه
    اللهم واجمعني بهم في جنات النعيم

    الوزن قبل الدايت=96
    الهدف الاول=90 تم تحقيقه بحمد الله
    الهدف الثاني=85 جاري تحقيقه بعون الله
    الهدف الثالث=80
    الهدف الرابع=75


  10. #10

    افتراضي

    ماشاء الله تبارك الله

    نجمه كفت ووفت ,, وهم بعد أميرة الصمت وتناهيد مجروحه كملوا كلام نجمه ودللوها بقصصهم

    الله يسعدهم يارب ويثبتهم على طريق الحق

    وانتي ياحلوه اتبعي كلامهم على قولتهم( أسأل مجرب ولا تسأل طبيب )

    الله يشفيك ويردك للحق وحياتك الطبيعيه ردا جميلا يارب
    سبحان الله وبحمده سبحان الله العظيم






    عَلَيِكَ الصلاَةُ والسّلاَم يارسولنَا الكريِم





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك