موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



موضوع مغلق
صفحة 1 من 32 1 2 3 4 5 6 7 8 11 ... الأخيرةالأخيرة
النتائج 1 إلى 10 من 312
Like Tree0الاعجابات

الموضوع: احلى والذ شاورما والطريقه من معلم شاورما تركي

  1. #1

    الصورة الرمزية Dream Love
    تاريخ التسجيل
    Jan 2005
    المشاركات
    900




    افتراضي احلى والذ شاورما والطريقه من معلم شاورما تركي

    اهلين حبايبي كيفكم ان شاءالله بخير

    بصراحه انا من عشاق الشاورما بشكل مو طبيعي وشفت بنات هنا زيي يموتون فيها

    فقلت بكتبلك طريقة الشاورما اللي عندي لانها بجد لذيذه واحلى من المطاعم والطريقه من معلم شاورما في تركيا

    كيف عرفنا الطريقه السالفه ومافيها ياطويلات العمر انو ابو صديقتي من عشاق الشاورما لدرجة انو مشتري الشوايه حق الشاورما ثنتين وحده لللحم ووحده للدجاج وحاطها في المزرعه ولما تتجمع العايله يسويلهم شاورما ( كتبت لكم قصة حياتو ها ) ههههههههههه
    المهم مره كانو مسافرين لتركيا فأبوها سأل معلم شاورما عن طريقتها وماشاءالله ماقصر التركي على طول قالو هيه هههههههههه

    انا ذقتها عند صديقتي واخذت الطريقه منها على طول بس الطريقه من غير مقادير تعتمد على النظر وحاسة الشم ههههههههه والله عن جد لا تضحكون المهم

    المقادير..

    دجاجه او اكثر حسب الكميه مخليه من العظم ومقطعه شرايح بالطول

    بصل مبشور وكل مازاد كل ماكان احلى

    ثوم مهروس

    قرفه مطحونه

    خل ابيض

    عصير ليمون

    فلفل اسود وملح

    الطريقه..

    نخلط كل المقادير مع بعض بس نزيد في القرفه والخل وكيف تعرفي انك وصلتي للمطلوب شمي الخلطه اذا حسيتي انو ريحة القرفه والخل باينين مره هذا هو المطلوب وسر النكهه

    خليها من الليل الين ثاني يوم واذا كنتي مستعجله اقل شي خليها 3 ساعات انا دايما اكون مستعجله هههههه بس 3 ساعات تفي بالغرض بس كل ماطولت كل ماكانت اطعم

    بعدين حطيها في صينيه هي والصوص اللي فيها ويا انك تدخليها الفرن على نار هاديه او انك تحطيها على النار وبرضو نار هاديه بس في كلتا الحالتين تكوني مغطيتها بقصدير انا اغلب وقتي اسويها على النار

    المهم خليها الين تطلع كل مويتها وتستوي وتتشرب الصوص واذا لسه باقي صوص وهو راح يكون باقي ارفعي جهه من القدير وعلي النار شويه عشان تنشف ولما تنشف حطي عليها شوية زيت وقلبيها عشان تتحمر

    ولما تخلص سويها ساندويتشات

    وكيف تسوي الساندويتش..

    خبز عربي مفرود او شامي اصغر نوع

    خيار مخلل مقطع بالطول

    بقدونس مفروم كبار

    خس مقطع شرايح رفيعه

    بصل شرايح (اختياري)

    بطاطس مقلي

    صوص الثوم وطريقتو سهله وطعمو جنااااااااان زي المطاعم
    ( ذوبي 3 ملاعق اكل نشا في نص كاس مويه اذا تبغيه ثقيل وفي كاسه اذا تبغيه خفيف وحطيها على النار الين تثقل بعدين حطيها في الخلاط الكاس وحطي عليها 5 فصوص ثوم مهروس و6 ملاعق مايونيز وذرة فلفل اسود وذرة ملح وملعقة اكل زيت وعصير ليمونه واخلطيها الين تتجانس وتصير ناعمه وتقدري تتحكمي بكثافة الصوص اذا تحبيه ثقيل او خفيف عن طريق المويه وفي الشاورما الثوم الثقيل افضل)

    الطريقه..

    افتحي الخبز بس خلي جزء منو متماسك حطي كمية من الدجاج جوا في النص وحطي عليها صوص الثوم وحطي البقدونس والخس والخيار والبطاطس والبصل للي يحبو والشطه كمان للي يحبها ولفي الساندويشه لفه وحده بس زي الشاورما اللي في المطاعم واذا عندك الورق تبعها لفيها فيها والله راح يفكروك جايبتها من برا عشان طعمها

    وعلى فكره تقدر تستخدمي خبز الصاج بدل الخبز العربي تلاقيه في السوبرماركتات الكبيره انا اسويه بالنوعين على حسب كل واحد في ايش يحب

    واستمتعوا بألذ واحلى شاورما واتمنى انكم تجربوها لاني متأكده انها راح تعجبكم موووووووووووت
    التعديل الأخير تم بواسطة Dream Love; 02-03-2009، الساعة 05:08 AM
    [/url]


  2. #2

    افتراضي

    طيران اسويها
    مشكوره على الموضوع الروووووووووعه
    اخيتي من فضلك ادخلي هذا الرابط










    كل الي دخل الرابط تدعو لي بالصلاح والهداية


  3. #3


  4. #4


  5. #5


  6. #6


  7. #7

    افتراضي

    يسلمو حبايبي على الردود يعطيكم العافيه

    ام توتوووته

    القرفه هي الاساس فيها ومايبين مرررررره بس يبان الطعم على خفيف بس لازم تكثرين عشان الريحه والنكهه بتطلع احلى
    [/url]


  8. #8


  9. #9


  10. #10


موضوع مغلق
صفحة 1 من 32 1 2 3 4 5 6 7 8 11 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك