موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



+ الرد على الموضوع
صفحة 1 من 17 1 2 3 4 5 6 7 8 11 ... الأخيرةالأخيرة
النتائج 1 إلى 10 من 168
Like Tree0الاعجابات

الموضوع: تحبين تسوين عزيمه خياليه وبأقل مجهود تعالي هنا

  1. #1


    تاريخ التسجيل
    Jun 2008
    المشاركات
    10,416




    0000 تحبين تسوين عزيمه خياليه وبأقل مجهود تعالي هنا

    أخواتي في الله انا حبيت انزل موضوع كامل للمناسبات من حلويات وفطاير وعشاء >>>>> وكلها بأقل مجهود واقل تكاليف ونصيحتي لكم اذا كنتم تبون تكون العزومه خطيره خلي انواع الاصناف الي تسوينها كثيره وبكميات قليله يعني سوي لك بالحلا مثلا 4 اصناف بس بكميات صغيره مررره لكل نوع وانا بحط لكم قائمه كامله للحلويات والفطاير و اطباق العشاء
    <القهوه> والحلويات الي يمكن تفيدك معها وخصوصا بنات هالوقت يحبون السهل اللذيذ لآ فرن ولاغرابيل بحط لكم قائمه وانتي تختارين الي يعجبك
    1- حلا النحل :بسكوت اولكر مطحون ومعاه 3 ملاعق فول سوداني وعلبة نستله صغيره لازم تكون تكون سهله التشكيل وتخلينها على شكل جسم النحله وترشين الهيرشي السايل على شكل خطوط عرضيه على جسم النحله وتشكلين لها عيون بالمناقيش وتحطين لها أجنحه وهي لوز مبشور



    2- حلى التويكس : بسكوت مغموس بالحليب تصفينه بالصينيه وتحطين الخلطه هذي عليه بعدما تحطينها بالخلاط لين تندمج مع بعض زين (3 اصابع تويكس و1 زبده وقشطه وظرف كريمه و2 دريم ويب ) وتصبينها على البسكوت ولازم تبردينها وقت طويل 5 ساعات <<<<<<<< لاتفوتكم يابنات



    3-اصابع جوز الهند : نخلط (علبة قشطه و3ملاعق كبيره سكر و5 ملاعق شوكولاته سايل او بودره ) ويغمس بسكوت اولكر او اي نوع بسكوت بالخليط ونصفه بالصينيه بس يكون متباعد عن بعض ونخليه طبقات كل بسكوت يكون عليه 3 او 4 طبقات بتكون منفصله عن بعض علشان تسهل عليك التقطيع تدخلينها الفريزر ربع ساعه وعقب تطلعينها وآخر شي تقطعينها على شكل اصابع وتغمسينها بجوز هند بودره





    4- بسكوت السمسم : اكيد كلكم تعرفونه صح < بسكوت السمسم تراه قديم شوي > عموما تحشين البسكويت مثل الاوريو بس تحطين بالنص هذي الخلطه (كاس جوز هند و ثلاثه ارباع كاس ماء وثلاثه ارباع كاس سكر ) وتدهنينها من فوق ب(نستله صغير معاه كريم كراميل بالكميه والكثافه الي تبينها كلما زدتي الكريمه بيصير اللون اغمق علشان كذا انا افضل لون خفيف يعني احط ملعقه كبيره بس و أخير تزينين الوجه بفليك مفتت او لوز مبشور او كلهن مع بعض انتي ورغبتك



    5- حلا انواع البسكويت تكسرين كل انواع البسكويت الي عندك مثلا (بسكوت اوريو اسود / بسكوت أوريو بني / بسكوت شاي / بسكوت جوزاء ) تكون القطع كبيره شوي
    تحطين بالخلاط ( 1 نستله كبير و6 حبات جبن كيري ) وتصبينها على البساكيت وتحركينها بشويش علشان ماتتعجن احسن قطع البسكوت تكون كبيره وتحطينها بالصينيه الدائريه الي تنفتح على الجنب وتخلينها بالفرن 5 دقايق بس علشان تتماسك
    ولخلطة الوجه ( 2 مارس كبير مع علبة قشطه ) على النار وتكون هاديه لين يذوب المارس وتختفي القطع وتصب على البسكوت الي بالصينيه وتجمل بنوع من الويفر اسمه كات كيت لون كيسته بيج وتراه 2 بريال وحشوته شوكولاته >>>> يارب عرفتوه
    تفتتينه وتحطينه على الوجه او تقدرين تزيينينه بالطريقه الي تبينها




    6-حلا سويسرول الاوريو والليمون
    تطحنين الاوريو لين ينعم وتعجنينه بملعقتين قشطه
    وتطحنين بسكوت اللليمون لحاله وتعجنينه بعد بملعقتين قشطه لازم تكون بنفس الكميه للعجينتين بعدين تفردينها على قصدير الاوريو بيكون اول بعدين تفردين بسكوت الليمون عليه وتلفينه مثل الرول وتدخلينه الثلاجه ساعتين وتطلعينه وتقطعينه حلقات


    7- حلى كاسات الاوريو
    تكسرين4 باكيت بسكوت اوريو الاسود كسر صغيره وتعجنينه ببياله ماء وملعقه كبيره نسكافيه وملعقه كاكاو بودره تحطينها بقاع الكاس وتجهزين الطبقه الي بعدها
    بالخلاط ( 2 كريم كراميل / 2 قشطه / 2 دريم ويب / علبه حليب ابو قوس ) تقسمين الخلطه نصفين بصحنين وحده منها تتركينها ساده يكون لونها اصفر والثانيه تحطين عليها ملعقتين كاكاو بودره وهي الطبقه الاخيره خلطه الوجه


    بتكون الطبقه الاولى اوريو اسود والطبقه الثانيه لونها اصفر والطبقه الثالثة لونها بني واخيرا نسوي خطوط بالهيرشي وترش باللوز المبشور


    ان شاء الله يعجبكم موضوعي وعموما اذا شفت تشجيع وردود كثيره بكمل لكم


  2. #2

    افتراضي

    واااااااااااااوو جزاك الله خير
    كملي كملي
    معك عالخط
    اللهم آغفر للمؤمنين والمؤمنآت والمسلمين والمسلمآت آلآحيآء منهم وآلآموآت

    BB pin :: ask ME


  3. #3


  4. #4

    افتراضي

    الله يعطيك العافيه
    ويجزاك خير


  5. #5


  6. #6

    افتراضي

    نكمل الموضوع ومشكوره للحلوات الي شجعوني اكمل الملف
    8- حلا السميد >>>>>>> يمييييييي
    (كاس سميد / كاس جوز هند / كاس سكر خشن ) بقدر على النار لين يشقر وبعدين نرفعه من على النار ونضع عليه علبة قشطه ويحرك بسرعه ويرص بالصينيه بعدين نصف عليه بسكوت بعدما نغمسه بالحليب السايل
    خلطه الوجه ( علبة نستله بالشوكولاته / 8 حبات جبن كيري ) بالخلاط وتصب على البسكوت وأخر شي تحطين الصينيه على حرارة الفرن بس يعني لين تتماسك تقريبا 5 دقايق وتدخل للثلاجه



    9- حلا السنيكرس
    نذوب نص اصبع زبده على النار ثم نضيف له (علبة نستله صغيره/ نص علبة قشطه / 3 ملاعق زبده الفول السوداني ) نحركه على النار لين يصير زي الكريمه ثم نضيف له 10 حبات بسكوت مكسر كبار ونحرك بسرعه بعدين احطه بصينيه حسب السمك المطلوب لو بغيتي الطبقه عريضه صغري الصينيه والافضل تكون الطبقه خفيفه الذ بعدين ادخله بالثلاجه شوي لين يتماسك
    واجهز خلطه الوجه حمام مائي للمقادير ( 3 حبات جالكسي ساده / ملعقه صغيره زبده 2 ملعقه كبيره نستله مركز ) وعندما يذوب ويتجانس نضعه بالصينيه ونساويه بالملعقه بسرعه واخير يجمل
    بالفول السوداني المجروش الي اسمه >>>>بست احسن نوع


    أنا اللحين حطيت لكم 9 انواع من الحلويات وسهله بعد اختاري الي يعجبك منها وسويها مع القهوه وانا كلها مجربتها بنفسي حلوووووووووووووه منقيتها خصوصا لعيونكم
    التعديل الأخير تم بواسطة عيون قتالة; 06-28-2008، الساعة 03:16 PM


  7. #7


  8. #8


  9. #9

    افتراضي

    اللحين جاء دور الشاي والفطاير
    وعلشاني قلت لكم بعطيكم طريقه سهله وبدون عجينه بحط لكم افكار حلوه للتوست

    أولا : الحشوات المستخدمه للفطاير ( المرتديلا / الفلفل الملون >>> احمر, أخضر , اصفر , اورنج / تونه /الزعتر / السماق / حلقات طماط /جزر مبشور )
    طبعا تقطعين التوست بالطريقه الي تحبي >> حلو انه يكون عندك انواع واشكال للقطاعات حق الفطاير قلوب , دائري , مربعات , مشرشر << الي تعطيك شكل متعرج ههههههههه مادري وش اسمها وهذا الي طلع معاي



    اذا قطعتي التوست بالطريقه الي تبين اللحين تفنني بالحشوات طبعا لازم تدهنينها بشويه جبن سايل

    أنا بعطيكم طريقه للتجميل الحشوات
    مثلا >>


    1-قطعي الفلفل البارد الملون مربعات صغيره مررررره وشي التوست بموزايلا ورشيها بالفلفل


    2- تحطي شريحه جبن خاص للتوست وتقطعيها مربع قد التوست وتحطين عليها شريحه طماط ولازم تكون الشريحه رفيعه واخر شي ترشينها بالموزايلا



    3- التونه > تحمري بصل مقطع صغار على شويه زيت وبعدها تحطين جزر مبشور وتتركينه على النار لين يلين واخيرآ تحطين التونه بعدما تصفينها من الزيت وتتركينها 5 دقايق وتضيفين البهارات والي تحبين منها وحلو انك اذا خلصتي تحطين عليها 3 ملاعق شطه حار >> للبنوتات الي يحبون الحاررررر
    { هذي الطريقه حلوه بالرولات التوست تفردينها وتدهنينها بشوي جبن وتقطعين الاطراف وتحطين الحشوه وتلفينها }


    4- تقدرين تحطين نفس حشوه البيتزا على التوست الي تحبينها وتسخنينها بالفرن شوي او بالميكرويف



    5- الزعتر والسماق يرش على التوست بعدما ندهنها بجبن مالح او عادي سايل وانتي وابداعاتك
    طبعا لو كان عندك قطاعه على شكل ورد يطلع روعه


    6- التوست مقطع دوائر صغيره ونفس الكلام مدهون بجبن سايل ونرش عليه شوي جزر مبشور واخر شي زيتون اخضر حلقات


    7- رولات البيتزا : تسوين رولات مثل ماشرحت قبل وتخلين حشوتها دجاج وتصفينها بالصينيه واذا خلصتي تدهنينها
    <3 ملاعق صلصله طماط وملعقتين ماء > او صلصة البيتزا الجاهزه وترشينها بالموزاريلا واخر شي ترشينها بفلفل ملون مقطع اصابع وتدخلينها 5 دقايق بالفرن


    8- رولات توست محشيه دجاج وحلو انك تضبطيه مع البهارات وصلصه الصويا ومايونيز واذ خلصتي تدهنين الطرفين بجبن سايل وتحطين عليها جهه خيار مبشور وجهه جزر مبشور واذا حبيتي ترتبيها بالصينيه خلي الالوان متعاكسه


  10. #10


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك