موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



+ الرد على الموضوع
صفحة 20 من 38 الأولىالأولى ... 10 13 14 15 16 17 18 19 20 21 22 23 24 25 26 27 30 ... الأخيرةالأخيرة
النتائج 191 إلى 200 من 373
Like Tree0الاعجابات

الموضوع: صفحـــات مطويــه..روايـه رومنسيه حزينه..واغلبها واقعيـه

  1. #191

    الصورة الرمزية رحيل الزمن
    تاريخ التسجيل
    Dec 2009
    المشاركات
    80




    افتراضي

    السلام عليكم ورحمه الله وبركاته ....



    فراشاتي الغاليات.... انا عارفه اني تأخرت عليكم .. وانشالله الكل عاذرني .. لأقدم الافضــل ..
    اليوم قررت اكتب عن موضوع طلاق شيخه ... وهو اللي خلاني اكتب قصه حياتها ...
    والله بالله الواحد احد يابنات ان صايرلي مثل هالموقف تقريبا... بس الفرق الي بينا على قولتها ..ان الله طارح الثقه بقلب اهلي وله الحمد ..وهي مسكينه تطلقت من هالموقف....فلما قلتلها موقفي ..قالتلي عن الي صارلها وانا مستغربه .. اولا لان اول مره اشوف هالانسانه تسولف عن حياتها .. ثانيا .. اول مره اشوفها تاخذ وتعطي معانا ..


    فانا ما انعطى وجه .. قعدت اسحبها بالكلام .. وترجيتها اكتب رؤوس اقلام عن حياتها .. واني احاول ابعد شوي عن حياتها واغوص بعالم خيالي.... اتمنى ان يحوز على رضى الجميع ... واترك لكم المتابعه





    ___________________________










    الجــــــــزء الثـــــــــــــ12ــــــــــــــــــاني عشـر



    هذا هو لحقها ..الله يخسهم ..جعل عمي يدخل عليهم الحين..
    مشاعل:شتسوين؟؟
    شيخه:بسم الله الرحمن الرحيم .. وش جابك هنا؟؟
    مشاعل:انتي وش جابك هنا.؟من اليوم ادور عليكي رحت فوق ونزلت تحت ..
    شيخه:كنت ..كنت..ماعليكي وش تبين الحين؟؟
    مشاعل:اطلعي اول من غرفة ناصر لا يعلم ابوي..وبعدين تعالي تحت امي تبيكي ..
    شيخه:ليه؟؟
    مشاعل:مودرى بس يمكن عشان عندنا عميمه نوره ودلول
    شيخه بخاطرها: أنتي حتؤليلي..هذى هي تتسحب معاه بالمطبخ .. لقاء الحبايب .. الله ياخذهم
    مشاعل:يووه انا قلتلك وانت كيفك
    شيخه:يالله جايه وراكي ..

















    بسم الله الرحمن الرحيم ..اعوذ بالله من الشيطان ..
    تطالع الساعه الا الساعه 7 الصبح..."استغفر الله ماقمت على الصلاه ".. قامت شوي شوي ... خافت تقعد الموجودين .. طلعت من الغرفه وهي تسكر الباب شوي شوي.. راحت للحمام وتشوف نفسها بالمرايه .. "بسم الله ...انا ليه مامسحت مكيااجي.. ياربي .. "
    طلعت من الحمام وراحت لشقتها .. وقفت قدام الباب وهي تشوفه مسكر عالخفيف.. دفت الباب على الخفييف..تطالع الصاله تشوف الديباج طايح ومافيه احد .. مشت شوي شوي ... ودخلت غرفه التبديل ..خذت ملابسها وفوطتها ..دورت على شامبو والشور ..مالقت شي.. دخلت الحمام اللي جنم غرفه التبديل .. لقته فاضي فيه غساله وصابون اريل وداوني...
    شيخه:ياربي اغراضي وين .. اييييييييييي قال فيه حمام ثاني داخل الغرفه .. انا لله .. شسوي..اتسبح بهذا الصابون؟؟ اووف اخاف يقطع شعري..
    راحت للغرفه .. تفتح الباب شويي شوي.. تدخل راسها وتطالع الشخص الي نايم على السرير مطلع رجوله ومغطي وجهه .. شيخه ونبضاتها تدق بسرعه ..مشت على اطراف اصابعها وفتحت باب الحمام ويطلع صوت الباب .. غمض عيوونها حيييل وماتحركت دقايق ..التفتت شوي لقته كما هووو ماتحرك .. حست براحه ودخلت الحمام خذت اغراضها كلها ..الشامبو الشور جل غسول المكياج الفرشا والمعجون ومن العجله الا تطيح كل الشامبوهات .. قلبهاا يدق بسرعه وترد غرض غرض.... وطلعت من الحمام تتسحب شوي شوي .. تطالع باب الحمام "ياربي اسكره ..؟؟ولا خليه يولي؟؟؟ اخاف اسكره و يقوم علي ..يبا خليه بالطقاق"
    تطالع السرير الا فاضي ..اخترعت ووقفت متصلبه .. التفت يمين شمال .. مافيه احد .. اسرعت بخطوتها تبي تطلع الا سعود داخل عليها :صباح الخير..
    شيخه شهقت ووقفت تخز فيه.. سعود يعقد حواجبه:وانتي ماغسلتي وجهك ؟؟؟؟
    شيخه تدفه وتروح لشقه خواتها .. سمعت صوته..تعالي تسبحي بحمامك ..



















    الا وين دلال؟؟
    نوره:والله مدرى وين تغط هالبنت..تقول ابي شيخه وابي شيخه..ولاجت مدرى وين تروح
    شيخه بخاطرها"تبي رجل شيخه وانتي الصادقه ..ولا وش تبي في خشتي..من زود المحبه"
    رفعه:يمكنها فوق مع البنات
    نوره:كيف؟؟منيره عندكم
    شيخه:لاء مو عندنا ولها اسبوع ماجت
    رفعه:اقول قومي فارقي غسلي الفناجيل والبيالات
    شيخه تلم الفناجيل وهي شوي وتكسرها من قربعتهم .. رفعه:جعل ايدك الكسر لاتكسرين مواعيني
    نوره:وشلون خالتك يا شيخه..
    شيخه تقوم:باحسن مايكون ..
    رفعه :اي عقب مامرضت ..قومي انتي ياشيخه واكلي الحلال
    نوره تعقد حواجبها...:اي حلال؟؟
    رفعه :ليه ماسمعتي بذا السالفه
    شيخه شايله المواعين لفت عليهم وقالت بصراخ:ماسمعتي؟؟؟ غريبه؟؟ اخبار كونا قالت للعالم وماقالتلك؟؟؟
    نوره:عيب يا شيخه ..هذى خالتك احترميهااا
    شيخه :تعبت ياعمه والله تعبت.. كني انا الي ساحبه خالتي شقحه وحالفه عليها تسجل البيت باسمي
    نوره:ويييييييش؟؟؟؟؟باي حق؟؟هو اصلا مال ايتام مهوب لها..
    شيخه:وش اسوي هي كتبته باسمي
    رفعه:ماشالله وهي سابحتك للمحكمه من شعرك وغصبتك توقعين
    شيخه:لا وانتى الصادقه ..ساحبتني وانا اكركر وموتي قهر خذيت بيتكم .. ومال البخيل ياكله العيار ..
    رفعه تطالع نوره:وتلوووومني ..ياناااااس تلووومووووووووووووني
    نوره:بس يارفعه خليني اعرف السالفه ..ياشيخه شقحه هي الي سجلته باسمك؟؟؟
    شيخه:اي والله انا مالي شغل .. هي خايفه على عوالها .. وسجلته باسمي
    رفعه:وعوالها بينحذفون بالشارع؟؟عوالها بيجون عندي.. الا انتي الي خايفه تعيشين مع الفلسطن..
    شيخه:لا مو خايفه ..واصلا من قال بعيش معاهم..ابجيبهم كلهم وبسكنهم فبيتك وحلالك ..وفيكي خييير تطلعينا
    رفعه فقدت شعورها وقامت تصارخ وتشق هدومها:بتذذذذذذذذذبحححنــي
    شيخه:اي لانك ظالمه وعرقكم ظااااالم شوفي ربي وش سوا فيكم..الله نصرني عليـ...
    انصدمت بالشخص الي ساحب ايدها من ورا :وقص يقص لسانك اي والله
    شيخه تشهق من الخوف:سعووود؟؟
    سعود:وتطاوليييين على امي بعد؟؟؟؟؟
    شيخه:امك جننتني هـ..
    صدمها الكف الي جاااا منه وطاحت هي والبيالات الي تكسرت تحتها :ياحقيييييييييير انا حااااامممممممممل
    سعود جا بيكمل عليها الا نوره تمسكه:نخيتك ياسعود عشان خاطرى امانتك...
    سعود:وتلوومووني فيييهاااااا..تلوميني ياعمممه ..
    نوره تطالع شيخه بعين منكسره:وانا دايم ادافع عنك يا شيخه..والله مدرى وش اقول..ماتوقعتك كذا
    شيخه وهي صاكتها العبره تطالع دلال الي واقفه اخر الصاله وحاطه ايدها على حلقها .. ماتبي تبكي عشان ماتشوفها دلال..طالعت بسعود :طلقني يا سعود
    سعود:تفـــــــووو عليكي وعلى وجهك .. ابطلقك واطلق اهلك لابوكي لابو عرقك الوصخ
    شيخه:يالله قووولها
    نوره:لااا يااسسسسسسعوووود عشاني ياسعووود حلفتك بالله يااااسسعووود
    شيخه بصراخ:قوووووووووووووووووولها ياسعود وارتااح وريحني وريح امك قوووولها
    سعود جا بيقرب صوبها بس شاف الارض الي قاعده عليها .. يوخر ايده عن عمته بقوه ويطلع برا الصاله ... وهو ينافخ من الي بداخله .. شيخه جت بتقوم تطالع الارض كلها دم ..خافت انه نزيف اول مارفعت ايديها ..الا ذراعها وكفوفا متشققه من المواعين الي تكسرت تحتها ... قامت شوي شوي وهي ماسكه عمرها ماتبي تبكي قدام احد...وطلعت تركض لشقتها.....




















    السلام عليكم ورحمه الله .....السلام عليكم ورحمه الله ..
    استغفرت وشالت السجاده .. وطلعت لغرفه البنات تشوفهم نايمين وكل وحده شخيرها واصل لاخر الدنيا .. ابتسمت عالخفيف .. وراحت لمطبخ ..شافته صغير .. وثلاجه صغيره .. فتحتها .. الا كلها كوكاوات وعصاير ..
    شيخه بخاطرها"اكيد المطبخ الكبير عندي .. بسوي فطور لخواتي .. "
    طلعت راحت لشقتها ..لقت الديباج لالحين محذوف.. سفطت الديباج وخذته لغرفه التبديل .. طلعت وراحت للمطبخ .. كان كبير.. وراهي .. وثلاجتين .. وفرن كبير.. فتحت الثلاجه لقت فيها ما ألذ وطاب.. سمعت صوت وراها:كنك عارفه اني ميت جوع
    شيخه فزت من مكانها :بسم الله
    سعود:وانتي كله مخترعه؟؟
    شيخه:وانت كله تخرعني؟؟
    سعود:يعني شسوي اطق الباب مثلا؟؟
    شيخه تسكر الثلاجه وتفتح الثانيه :لا تنحنح مثل الرجاجيل ..مثلا..
    سعود:انزين سويلي ريوق انا جويع ..
    طلع من المطبخ وهي تفتح عيونها عالاخر:هذا بدال مايحلف علي ويقول انتي عروس والله ماتسوين شي...هين ياسعود ..


























    صباح الكير ماما عروس
    شيخه تعقد حواجبها :صباح الخير
    الخدامه تمد ايدها:انا لكشمي..يبي ريوق؟؟
    شيخه تسلم عليها:هلا لكشمي لا خلاص عقب شنو؟؟؟ انا سويت كل شي
    لكشمي تاخذ منها الملاس:خلاص ماما عطيني ميخالف
    شيخه جت بتوخر ايدها الا لكشمي تصارخ:ووووووووالله يعطي والله يعطي
    شيخه:زين خلاص اخذي .. بسم الله لاتاكليني
    طلعت من المطبخ وهي تنشف ايدها ..شافت سعود منسدح ومعاه الريمونت..خلت نفسها ماتشوف ويعننها تنشف ايدها الي جفت..
    سعود:وين وين؟؟
    شيخه تفتح باب الشقه:بروح اقعد البنات عشان الريوق
    سعود:وعساني بتريقين معاهم؟؟
    شيخه ماردت عليه وطلعت لشقه البنات وهي مسرعه .. تبي تتجنب اي نقاش معاه ..
    فتحت اللمبات عليهم:صبببببببببببببببببببببببببببااح الخيررررررررررر
    البنات الي غطت وجها تحت الديباج والي تفرك راسها ..نوير فزت:احنا فبيتنا الجديد؟
    شيخه بابتسامه:اييييي وبنفطر ريوق جديييييد يالله قومي غسلي
    مشاعل قامت بسرعه وهي تشوف الساعه:وش صحاكي بدري؟؟ الساعه 9
    شيخه تقعد عالسرير:وش اسوي ..ماجاني نوم.. يالله قومي
    مشاعل توقف وتتمقط:آآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآ... يالله بسويلكم ريوق
    شيخه:خلاص سويت كل شي
    مشاعل:ويييييييييش؟؟؟ سويتي ريوق
    شيخه:لا لكشمي جت وعاونتني
    مشاعل:ومن سمحلك تدخلين المطبخ ؟؟ليه ماقعدتيني ..انتي عرووس ندلعك كم يووم وبعدين كيفك
    شيخه:اها يعني خلصنا من منيره تطلع لنا مشاعل.. طيب روحي غسلي وتعالي افطري
    مشاعل:امانه لاتقولين لمنيره تعرفينها عاد..مامنك فود وعزالله ماتنفعين ومدرى ويش
    شيخه:ههههههه ابشري بقول مشاعل اسم الله عليهااا ..من الساعه 6 وهي مقابله المطبخ...طيب كذا؟
    مشاعل تطلع من الغرفه متبوسمه :ينطيج العافيه عيني...
    شيخه تطالع ساره:وانتي متى تقعدين؟؟
    ساره:ششششششوووي امانه شوي..
















    لا لا حطي صحنين
    لكشمي:ليه مايبي ياكل مع بابا؟؟
    شيخه تاخذ منها الصينيه :اقولك خلي صحنين ..كل هذا لبابااااا
    لكشمي تعاونها وتجيب صحون .. قطع عليها صوت سعود:السلام عليكم
    شيخه معطيته ظهرها وتقول بصوت واطي:وعليكم السلام والرحمه
    سعود:انا بروح تامرون علي شي؟
    شيخه تعقد حواجبها وتلتفت عليه ..الا هو لابس شماغه وثوبه ويسكر زراره الي فوق.. شيخه ترد تطالع الصحون وماترد عليه ..
    سعود:اقولكم تامرون على شي؟
    شيخه تطالع لكشمي:تبين شي من برا؟؟
    لكشمي ماسكه الصحون وتطالع نظراتهم :لا ماما مشكور
    شيخه ترد عليه:مانبي شي..
    سعود :احسن ..
    شيخه تقلد صوته:احثن ..حثن...مالت عليك وعلى امك ..استغفر الله..شوفتهم تقصر العمر...
    لكشمي تحط الصحون .. شيخه:لا لا خلاص شيلي هذا شقه ثاني ...
    شيخه تمشي قدامها .. وتدخل الشقه ..الا البنات متسدحات بالصاله ..شيخه :صباح الخير؟؟
    مشاعل تعدل قعدتها:يويلي لو تدررى منيره
    شيخه تتربع :اقول قربي بس محد بيعلمها
    ساره:وين رجلك؟؟
    شيخه:طلع مايبي يفطر
    مشاعل:ليه؟؟
    شيخه تعدل السفره:وش دراني ...عندك رقمه انشديه....
    ساره تبي تغير الموضوع:والله امس ماكليت من البوفيه مييييييته جوع
    نوير تلصق بشيخه وتتعنز على فخذها..شيخه تعورت وتدزها:يووه يانوير ياشين طبيعتك..تعوووريني والله
    نويرتحط راسها على فخذ شيخه:خلاص خلاص اخر مره ..
    شيخه:انا لله وانا اليه راجعون..هذى والله النشبه
    مشاعل:نوير بعدي شوي خلي اختك تاكل
    شيخه :لا غثيثه ماتروووح لزقه عنزروت
    مشاعل تطالع ساره .. :ساره شيلي اختك من شيخه...تراها ماتعشت
    ساره وهي تقطع الخبز وتاكل:مالي شغل انا نعسسسسسسسسسسسسااانه
    شيخه:مشاعل اكلي هذى قضيه مالها حل .....
    مشاعل تطالع نوير .. الي تفتح حلقها عند شيخه:انا عطيني ماوكلتيني كله انتي تاااكلييين..
    نوير:خير تخزين؟؟؟ معجبه؟؟ عطيني رساله
    شيخه تضربها على كتفها:وش هالحكي ..
    مشاعل:وش عرفك بالاعجاب انتي بعد.
    نوير:حبيبتي اعرف الدنيا قالبه ومقلوبه
    شيخه: وانتي حتؤليلي..
    مشاعل على طول طالعت لشيخه:حتؤليلي؟؟ انتي لالحين تقولينها..
    شيخه عقدت حواجبها:اقول شنو؟؟
    مشاعل:تصدقين شيخه.. اني قبل حييييل اذكرك.. والله ياشيخه ان اكثر شي اتذكره تدرين شنو؟؟
    شيخه توكل نوير وتقول بخاطرها"الحين بتقول يوم اغسل الحوش ولا يوم انضرب ولا يوم انظف حماماتهم"
    ساره ترد عليها بسرعه:شنو امانه؟؟؟
    مشاعل:اتذكر خبز الصاج الصبح مع الحليب..والله كنت احب المدرسه والسبب صاج شيخه ..تفرش لنا بالمطبخ وتخبز عندنا ..مايمدي تخلص وحده الا هي فبطن واحد مننا
    شيخه ابتسمت حييل وهي تطالع مشاعل استحت وقعدت تلقم نوير..:ياحليلك يامشاعل
    مشاعل:والله انتي ياحلاتك وانتي مستحيه ...
    شيخه:وجع وتريقووو
    ساره:اي لاتمدحينها..تراكي قاعده تذمينها... قوليلها ياشينك وتستانس
    نوير:ياشينك انتي يالخنفسانه ..
    ساره ومشاعل يصارخون:من كلممممممممممممممممممممممممممممممك انتي ولا من داسلك على ططرررف....
















    غثيثه لاتطااااق
    مريم:ومن قالك نامى عندهم؟؟
    مشاعل:ساره طالبتنى
    مريم:ماشالله وانتي بلا كرامه يعنى؟؟
    مشاعل:اول هدي الي بيدك الي ادرى انك من البارحه علييييه ..والدليل بقايا مكيااجك والكريم الي على ايدك ..
    مريم تضحك بقوه :هههههههههههههههههههههههههههههههههههه الله يقطع بليسج
    مشاعل تعقد حواجبها:انا؟؟
    مريم ماترد عليها مندمجه عالاب توب وتكتب,,مشاعل:انتى منو تكلمين؟؟
    مريم:ها؟؟تكلميني من اليوم؟؟ والله سورى ماسمعتج ههههههههههههههههههه ... امانه مشاعل روحى تحت وسكرري الباب
    مشاعل تترك الفوطه وتتجه صوبها:منو تكلمييييييييين منووو
    مريم على طول طفت الاب توب..مشاعل:يعني تلعبين بذيلك؟؟
    مريم تحط الاب توب على جنمب وتبتسم:والله لا العب بذييلي ولا شي..بس بغثج شوي
    مشاعل:بغثج؟؟شوفي ..لاتقولين نت ومحد يعرفني..هذول دمار والله .. يجيكي واحد يضحك عليكي بكم كلمه ويحلف ويقسم...ماتخذين الا انتى معطيته رقمنا وعنوانا بعد..والله العظيم دماار
    مريم:يوووهوو بدينا على هالصبح..بقوم اتسبح
    مشاعل:انا قلتلك وانتي كيفك .. هذول لعابين يلعبون بالبنات وبحذفونهم
    مشاعل قالت هالكلمتين وطلعت على طول .. مريم تطالعها وتبتسم:يلعبون ها؟؟ههههه حلوه هذى..والله لا العب مثل لعبتهم واخليهم كلهم يندمون ..هين يامشعل
















    ليه ماتبين تروحين الصالون؟؟
    شيخه:لاني مابي اواجه احد اليوم
    ساره:ياشيخه الناس بيجون يقهوونك تكفييين الله يخليكييييي
    شيخه:يالله نوير ماصارت اسشوار ..
    ساره تطلع من الغرفه .. الا مشاعل قدامها:يممممه
    مشاعل:ييمممه انا ..خرعتيني
    ساره تلتفت على شيخه ..وتمسك مشاعل وتدفها عالصاله..مشاعل:وجع وجع شوي شوي علي
    ساره:الحقي شيخه ماتبي تواجه الحريم..تقوم ماني رايحه لصالون
    مشاعل:لاااااا يعني ماكو شنطه سريه؟؟؟؟
    ساره:طالعوو هذى وين تفكررر..اقولك شيخه ماراح تطلع لاحد فشله والله يقولون اختي فيها شي..امانه مشاعل كلميها ماتسمع منني
    مشاعل:اكلمها انا؟؟ وبتتسمع مني يعني؟؟ اقول مايحلها الا ربك ..ثم اختي منيره... تجي وتنفضها نفض ..
    ساره:ايييييي تكفين
    قطع عليهم صوت سعود:ياااعرررب
    ساره:بسم الله ..
    مشاعل:سم لبيه امر تدلل ياعيوني
    سعود:تعالي
    مشاعل تروحله ركض:لبيه
    سعود:يعني تبين العرس؟
    مشاعل وجها حممر:شكو؟؟
    سعود:متى تصيرين تكانه ؟؟
    مشاعل ترمش بعيونها:هذا انت قلتها لاصرت عروسااا اقعد بالكوشاا اصير تكانا..
    سعود:اقول نادي شيخه خلصيني..
    مشاعل :ابشر..
    مشاعل تمر عند ساره .. ساره:شيبي؟
    مشاعل:يبي عروسته وش يبي يعني..
    اول مادخلت علي شيخه.. لقتها منسدحه وتطالع نوير الي تعدل قذلتها قدام المرايه.. مشاعل:شيوخه
    شيخه:هلا
    مشاعل:المعرس يبيكي
    شيخه تفز من مكانها:هو جا؟
    مشاعل تهز راسها بالموافقه.:ايه ..من جيمــاان
    شيخه تطالع نفسها بالمرايه . لابسه دراعه زهريه نص كم .. والشعر لامته بكماشه .. مشاعل:مزيونه تهبليين..بس لو لابسه بيجامه مخصره مو احلى؟؟ولا بنطلون جينز يعني مثل البنات
    شيخه رفعت حواجبها وتطالع مشاعل:ليه ماني بصاحيه؟؟
    مشاعل:الرجال كل يوم يشووف هالسوالف بالتلفزيون .. ميلودي وتو وفور..يعني شفيها لا كشختي له
    شيخه تدف مشاعل:اقول وخري عني بس
    مشاعل:عادي ياشيخه كله مدون بورقه وقلم.. وارسل الكتاب لمنيره..
    شيخه ماردت عليها وابتسمت عالخفيف.. شافت ساره بالصاله:انتبهي لنوير..
    ساره:طيب .......





















    محتاج لحنانك..
    مو انا البيت على راسي والمسؤول الوحيد عنهم

    ورده فوشيه:
    يعطيك الصحه والعافيه.. كم اخ عندك؟؟

    محتاج لحنانك:
    انا اكبر واحد والباقي جهال بنت ووولدين وانا الثالث

    ورده فوشيه:
    وابوك بسلامته وينه؟؟

    محتاج لحنانك
    ابوي مات من زمان.

    ورده فوشيه:
    الله يرحمه

    محتاج لحنانك:
    ترا ماحب الحززززن .. يبا ضحكي ضحكي وريني ضروسج الصفر

    ورده فوشيه
    ههههههههههههههههههههههههه الله يخسك صفر عاااد

    محتاج لحنانك
    ودي اقول سود .. بس اخاف يجيك احباط اكثر

    ورده فوشيه:
    اجل خلنا على صفر يامعوود

    محتاج لحنانك:
    ارتحت لج .. وحبيتج..مدرى شلون

    ورده فوشيه:
    حتى انا .. مع اني كلمتك خلال يومين.. بس احس اني اعرفك من عمر

    محتاج لحنانك:
    صصصصصصصصج..بالله عليج والله عندي فقر حنان..

    ورده فوشيه:
    صجات.. ويالله خل منا هالسوالف .. سولف علي ..

    محتاج لحنانك
    لاتكفييييييييييييييييين...صج صج ..ارتحتيلي؟؟؟

    ورده فوشيه:
    ييييييوووووووووووووووووووووووووووووووووووووووووووو ووووه..





















    نعم؟
    سعود وهو يقلب القنوات:اقعدي
    شيخه:مشغوله.. وش بغيت
    سعود:اقولك اقعدي ابي ذالحين بيجي يسلم علينا
    شيخه تعدل شعرها:عمي؟؟ بروح البس ملفعي...
    راحت تركض تدور ملفعها .. ولبست المجل.. وتطالع نفسها بالمرايه..الحمد الله والشكر.. نص كم وشيله .. نزعت الدراعه ولبست دراعه كمومها طوال.. ولبست ملفعها .. راحت لغرفه النوم .. وخذت عطر وتعطرت .. الا تسمع صوت عمها"السلام عليكم"
    شيخه قعدت على كرسي التسريحه وهي خايفه"اخاف هذا يقوله اني نمت عند نوير.. يويلي "...............سمعت صوت سعود.."الحين اناديها "
    قامت على طول الا سعود واقف عند الباب..قالها:ابي برا..
    شيخه تحاول تبعد عيونها عنه :طيب ممكن توخر شوي؟؟
    سعود يربع ايده ويتعنز عالباب ويخلي مكان ضيق لها ويقولها:عدي..
    شيخه:سعود عمي برا..
    سعود يهز كتوفه:روحيله
    شيخه غمضت عيونها وعدت من جنبه وهي تحااول ماتلامسه ... صدمها كلمت سعود:يازين ريحه العطر
    عدت بسرعه وراحت لصاله .. وهي قلبها يدق بسرعه . الا شافت عمها قدامها ..
    عمها وهو يفتح ذراعه:يامرحبا ومسهلا
    شيخه تحضنه وتحب راسه:هلابك يالغالي
    عمها وهو حاضنها .. يقعدها جنبه .. :اقعدي وانا ابيش.. وشلونش..ارب انش مرتاحه
    شيخه وهي مبتسمه بخجل :انا وله الحمد مرتاحه وبخير..
    عمها :ارب سعود ماضايقك
    شيخه ابتسمت ابتسامه عريضه وتطالع عمها:لا ياعمي الا الحمد الله انشالله اني مرتاحه معاه
    التفت على سعود واختفت ابتسامتها بسرعه ..يوم شافته واقف قدامها يخزها بذهول... شيخه بخاطرها"يمه هذا وش فيه يخزني..يويلي ليكون قلت شي غلط"
    شيخه تحاول تبعد عيونها عنه شافته مره ثانيه الا يعقد حواجبه .. خافت وبدت تحاول تتصدد عنه وتبعد نظراتها عنه"ياربي هذا لييه معصب؟؟؟ يووه لالحين يخزني ..الله يستر"


















    اول مره اشوفها مستحيه .. انا ليه ماتذكر شكلها قبل؟؟؟احااول اتذكر شلون كانت ملامحها...بس موقادرر ..
    ابو سعود:ارب سعود ماضايقك؟؟
    سعود بخاطره"اول مره بحياتي اشوف ابتسامتهااا...من متى عندها غمازه؟؟؟؟ اول مره اشوف لها غمازه ..ماشالله متغيره..."
    سعود يشوف شيخه مرتبكه وعقد حواجبه"لا لا اضحكي تكفين.. والله مساع احسن.. "
    قطع عليه ابو سعود:اسعود وش فيك؟؟
    سعود:سم يبا.. لا بس اول مره اشوف زوجتتتي
    ابو سعود:كذب عينك .. يالله انا بمشي تامرون على شي؟؟
    شيخه ماسكه ايد عمها:خليك وين..ماشربناك شي..
    ابو سعود يقوم ويتجه للباب:القهاوي واجده انشالله ... وبخليكم ترتاحون... وانا بروح اتغدى وارتاح لي كم ساعه
    شيخه:عساك عالقوه
    ابو سعود يمسك خدودها ..يحب راسها:الله يقويش يالغاليه .. والله انش غاليه على قلبي.. والله يابنتي والشاهد على الله انش اغلى من بنياتي..
    شيخه انحرجت ونزلت راسها لان صكتها العبره..ابو سعود يرفع راسها:لا يابنت سعود ارفعي راسش وانا ابيش ..ماعاش منهو ينزل راسك...
    قطع عليهم صوت سعود:خلاص يبا وش خليت لنااااا ..
    ابو سعود يبتسم ويطالع سعود:اسكت ولا كلمه ..وخلها تشتكي منك ..
    سعود:هههههههههههه لا انشالله ماراح تشتكي
    اول ماطلع ابو سعود من شقتهم .. جت شيخه بتلحقه الا سعود يمسك ايدها ويدخلها ..ويسكر الباب..شيخه حست بنبضات قلبها تزيد...لا شعوري قالت:خيـر؟؟
    سعود يقفل باب الشقه وياخذ المفتاح ويرفع راسه ويفتح حلقه عالاخر ويدخل المفتاح فيه..يعني يبلع المفتاح
    شيخه تطالعه من فوق لي حدر ومشت عنه وتقول بصوت واطي:الحمد الله والشكر
    سعود:ابي احس اني متزوج لمده ساعه ..ماتروحين مكان الا باذني ..
    شيخه تسرع بخطواتها وتدخل غرفه التبديل وتسكر عليها الباب......
    سعود يطالعها ويبتسم عالخفيف ويقعد قدام التلفزيون وهو يتذكر شكلها"والله مهيب شينه"



















    ساره؟؟؟؟
    دلال:اي ساره ..شفتيها امس كيف صايره قمر وكبرانه .. وخليها عندك يمه ...احسن ماتروح لبعيد وهي يتيمه ومالها احد
    ام خالد:اي بس رشود لاذالحين ما تخرج .. وهي لالحين تدرس..
    دلال تقعد جنب امها:وش جاب طاري رشود ذالحين؟؟؟
    ام خالد:اجل؟؟؟
    دلال:خالد....
    ام خالد:امحق سنه....وازوج خويلد لساره؟؟صاحيه انتي؟؟
    دلال:عاجبك حال خالد؟؟ ملابسه كلها تروح المصبغه؟؟ يجي يدور الاكل والعيشه
    ام خالد:يستاهل كل يوم وهو فاضحنا عند بنت العرب
    دلال:لا يمه ..بنت العرب هي الي مطلعتله قرون...وخالد يصون المره الي تصونه
    ام خالد:لا بالله ماني بجانيه على بنت اخي... ازوجها الشايب ابو حوش بزران؟؟وهي يتيمه وفقيره ولا اخ ولا سند..لا بالله
    دلال:يمه اسمعيني انتي..انا ابيها عندك البنت مسكينه لازم تكون تحت عينك..
    ام خالد تقوم عنها :يووووه فارقييني
















    اللهم اكفنيهم بما شئت..اللهم ارحمني..رضيت بالله ربا وبالاسلام دينا وبمحمد صلى الله عليه وسلم نبيا..
    شيخه ووهي قطعت ايدها من كثر ماتفركها بعض من التوتر:قلت كل الدعاوي.. مابقى الا دعاء خروج الحمام...يارب مايجي .. يارب مايجي
    قعدت عالارض وتسندت على الكبت .:والله راسي يعورني .. هذا وش يبي حاكرني عنده ..بروح لخواتي..
    ثواني حست بنعاس ..انسدحت عالارض وتوسدت ايدها ...استغفرت الله استغفر الله اسغفر الله ..لين راحت في سباات..



















    الووو؟؟انتي معاااي ولا لاء؟؟؟؟
    مها:شتخربطين..انا سمحتلك المره الاولى هالمره والله لاقول لمنيره
    مريم:والله؟؟؟وانا ابيكي تعاونيني..توقفين ضدي
    مها:ياقلبي يامريم خلاص مشعل يوم ماعاد يبيكي ...وقطع العلاقه ..انتي بغيتي تموتيين..وش تبين تعيدين الكره
    مريم:لا ماعليكي..هالمره اخليهم هم يموتون...انتي بس صيري بصفي..
    مها:والله مدرى وش اقولك
    مريم:لاتقولين..بس قولي..انتي معااي بهاللعبه ولا لا؟؟ وصدقيني بتقاسم انا وياكي اي شي..
    مها:ممم..خلاص اوكي الله يستر من اخرتها
    مريم:يالله ..نتواجه بالصالون .. واعلمك الي ابي ..خطوه بخطوه ..
    مها:طيب...يالله بسكر الحين..هذي شوق تناديني ..
    مريم:اوكي باي..




















    يامعااارريسسسسسسسسسسسسسسسسسسسس
    سعود يفز من نومته:بسم الله .. راحت علي نومه..
    قام وفتح الباب.. الا منيره ناطه بوجهه:صباحيه مباررررررررررركه ..
    سعود يحك راسه ويسلم عليها:هلا والله
    منيره:انتو نايمييين؟؟؟وين العرووووووووسه؟؟
    سعود يسكر الباب وراها:اي والله نمنا شوي.. اقعدي خليني اناديها لك
    منيره تقعد بالصاله وهي تطالعها:والله فن فن ماشالله ..
    سعود يبتسم ويروح لغرفه النوم .. فتحها مالقى فيها احد ..فتح باب الحمام .. مالقى احد .. طلع من الغرفه وهو يسمع صوت منيره الي يبط الاذن:الله ياسعوووووووووود شلوون جاتك هالفكره بطريقه الثريااا عجيبه
    دخل غرفه التبديل .. وانكسر خاطره.. لقاها نايمه عالارض ومتسندح على ايدها ... ومو حاسه بشي من الارهاق...قعد على اطراف اصابعه..وقعد دقايق يطالعها"حيهــا راكـــــــده"....شوي يهز كتفها عالخفيف:شيخه؟
    شيخه مو حاسه بشي ..حطت ذراعها على وجها ..سعود بخاطره"لا بشوفك"...مسك ايدها عالخفيف ووخر عن وجها .. الا هي فازه وتخزززه... سعود من الخرعه قعد :بسم الله
    شيخه تدف ايده وتقعد وترد شعرها ورا اذنها:وش تسوي انت؟؟؟؟؟؟؟؟
    سعود:ابد منيره برا..وتراك خرعتيني ووجع
    شيخه تقوم وتنفض ثوبها وتروح قدام المرايه وتعدل شكلها وتطلع برا الغرفه .. وقف وطلع وراها وراح لصاله وهو يطالع شيخه ..
    شيخه :مرحببا
    منيره:ياااااااااااهلا بالعرووووووووووووووووسسسس
    سعود واقف يطالعهم ويطالع الساعه .. :يالله تامرون على شي
    منيره:اي شيخه بتروح الصالون
    شيخه تطالع منيره:لا مابي
    منيره:الا تبين..الصراحه انا مو فاضيه اوديها .. وبعدين تراها ماتغدت..ياليت توديها اي مطعم ..
    سعود يدخل غرفته:يالله خمس دقايق والقاها زاهبه
    شيخه تطالع منيره وترص باسنانها:لاوالله انااا لعبه عندكم؟؟؟
    منيره:لايكون نايمه على هالدراعه؟؟
    شيخه:آآآ...آآآ.. مالك شغل فيني .. ماني رايحه لصالووون
    منيره:شيخه لاتحديني اخذ كل هدومك .. واخلي بس عندك ملابس الشقه
    شيخه :مالك شغل فييييني وماني رايحه الصالون
    قطع عليهم صوت سعود الحاد:شيــــــــــــــــــــــــــــخــــه اخلصـــي علي
    شيخه فزت من مكانها:يمه بروح البس ..
    منيره تمسك ايدها:وشلونه معاكي؟
    شيخه :عادي؟
    منيره :شسويتو امس؟صار شي؟
    شيخه انصدمت من سؤال منيره الجرئ..:ها؟؟
    قطع عليهم صوت سعود الي من الغرفه:شيــــــــــــخــــــــــــــــــــــــــــ ــــــه وينك ؟؟؟؟؟؟؟؟؟؟؟؟؟؟؟؟؟؟؟؟؟
    شيخه تترك ايد منيره وتركض للغرفه ... منيره تطالعها..:الله يوفقك يارب......




















    يالله خلصونا عاد
    مريم تدور بين اغراضها:مدرى وين حطيت بوكي
    مشاعل تلبس نقابها:اخاف انسرق..امس ياكثر الخدامات,,اكثر من الحضور..
    مريم:انا لله وانا اليه راجعون...امانه ساره دوري في الدولاب الي عندك
    ساره:ابشري..اي واحد هذا؟
    مريم:اي مال اشرطه الفيديو..
    ساره تفتح الدولاب وتلقى اشرطه الفيديو مسطره بشكل مرتب:الله شخباري شرطان فيديوو
    مشاعل:لا شوفي الشرررطان شنوو ههههههه لالحين مو قادرين نقطها
    ساره تتقرا الاشرطه:سسسسسسسالي؟؟ الله ليدي لييدي..توته فالمريييخ؟؟هاييييييييدي..هايدي الجميله هايدي الرقيقه هايدي اللطييفاااا هههههههههه
    مشاعل:ههههههههههههه اي شفتي شلوون
    ساره تطالع شريط وتعقد حواجبها:ياااي بشار..ياحلو اغنيه النهايه لها ذكريات والله
    مشاعل:بشار يا بشار هيا الى العملي
    ساره تاخذ الشريط وتطالعه:لا لا النهايه .. ياقلبي يا مشتااااق.. ماما اللتي تحبني..تمشي مع السحاب..يااي والله ايام اتذكر لما امي وابوي يتهاووشون وصوتهم يخرعنا بليل..كانت شيخه تاخذني انا ومحمد لغرفه ظلمه وتقفل علينا وتغنيها لنا عشان ننام..والله مرات احس بدموعها لماتطيح على ايدي ..
    مريم تطالعها باستغراب:كانو يتهاوشون عمي وخالتي؟؟؟
    ساره حست انها بدت تقط خيط وخيط:احيانا
    مشاعل:ليه وش السبب؟؟
    ساره:والله مدرى .. الي اذكره انهم لاتهاوشو هذيك الليله ماننام من اصواتهم..
    مريم:وشكو شيخه تبكي؟؟
    ساره:مدرى والله يمكن الموضوع يتعلق فيها..والله العظيم ماذكر
    مشاعل:طيب ماتسالين شيخه؟؟
    ساره:صاحيه انتي..شيخه زين تسولف معي ..تبين اقولها قوليلي وش صار قبل..خلو منكم هالسوالف عندكم فيديو؟
    مشاعل تعقد حواجبها وتطالع مريم:فيديونا وين؟؟؟؟
    مريم توقف جنب مشاعل وتلبس نقابها:خذته منيره من عصر الفين وحطبه ولاعاد شفناه
    مشاعل:اي صح..
    ساره ترجع الشريط:خلاص يالله يابنات ..ترانا تأخرنا ..
    مشاعل:يالله انا خالصه .......................................



















    وين بترووووووووووووحيييين؟؟؟
    شيخه:بسم الله خرعتيني ووجع
    نوير:ابروح معاكي امانه امانه
    شيخه:بروح شوي وبجي..بس دلع عاد
    سعود:تروحين معانا؟؟؟
    نوير تطالعه وتخش روحها ورا شيخه ماتبي تكلمه..شيخه :لا اخاف عليها
    سعود:من ويش؟؟
    شيخه:نوير اقعدي مع سيوف ودارونه ..زين؟؟
    نوير تهز راسها بالنفي وماسكه عبايتها:مابي مابي مابي
    شيخه :خلاص يالله باخذك معي ..
    اول مادخلت شقه خواتها لقت منيره قاعده تكوي لبس نوير..شيخه:وش تسوين؟؟
    منيره:هلا..اكوي ملابس نوير باخذها مع عوالي
    شيخه:وين؟؟
    منيره:وش عليكي انتي .. روحي مع رجلك
    شيخه :لا باخذها معي ..
    منيره:خير خير خير؟؟؟ لا نوير بترووح معااي
    نوير:مابي
    منيره:خلاص اخذيها وانتي تمكيجي .. وخليها بس تعقد بالكرسي..وانا باخذ عيالي واطلبلهم وجبات وبلعبهم بالالعاب وباشتريلهم رسوم وبوديهم شقتي الي كلها كوكاوات
    نوير:احسن مابي
    شيخه تقعد عالارض:نوير انا اخاف اخذك بروحي ..لازم احد معااي .. مايصير انا وانتي بروحنا
    نوير:معانا سعود
    شيخه:سعود يدخل صالون بنات؟؟مايصير ..سعود يقطني ويمشي..وانا وانتي بروحنا
    نوير تترك شيخه:خلاص روحو انشالله تموتون..
    شيخه:انا لله وانا اليه راجعون ..
    منيره:تقولين عن شيخه كذا؟؟الحين تزعل
    شيخه تقوم:يالله مع السلامه
    نوير:خليها تزعل بالطقاق
    شيخه تبتسم لمنيره:مامنها فود..لاتحاولين..انتبهي عليها امانه ...
    منيره:ابشري ..




















    وين تبين تتغدين؟؟
    شيخه:مابي شي ابروح لصالون على طول
    سعود يسفط قدام مطعم :هذا حلو وفيه كباين تاخذين راحتك..وش قلتي..
    شيخه:مابي اتغدى انـ...
    سعود يطفي السياره... وفتح الباب ونزل ..شيخه تطالعه باستغراب وتقول بخاطرها"وجع انشالله... انطرني اخلص كلامي"
    سعود يجي صوب بابها ويفتحه وهو يطالع المطعم:يالله شرفي..
    شيخه:انا ماني جوعـ..
    سعود يمسك ايدها ويسحبها:بتنزلين ولا اسحبك؟؟
    شيخه:خلاص خلاص بنزل هدننننننننييييي
    سعود يعدل شماغه ..وشيخه تنزل وتسكر الباب وتعدل عبايتها الراس ..سعود يطالعها:يالله شرفي
    شيخه تمشي وراه وهي تحسب"شهالحياه .. غصب ياربي ..حسبي الله ونعم الوكيل"
    سعود دخل اللفت ويطالع شيخه وهى تمشي ومنزله راسها...سعود:اشم ريحه عطر
    شيخه تخزه...سعود اخترع منها :عطر رجالي
    شيخه ترفع حاجب وتنزل راسها..اول مافتح اللفت سعود على طوول طلع بسرعه ...ودخل المطعم .. ويلتفت لشيخه ويقولها بصوت واطي:امشي جنمبي وراكي تمشين وراي
    شيخه تنزل راسها وتمشي ششوي شوي"هذا الي ناقص مو ناقص الا اتمشى جنبه..انا زين مني اقابل وجهه"
    قعدو بالطاوله ....سعود:مرتاحه هنا؟؟ولا نغير المكان؟؟
    شيخه تقعد وتحط عبايتها على كتفها وماترد عليه...سعود يطالع القرسون.:شوي وتعال ..
    القرسون :اوكي..
    سعود يطالع المنيو:اطلب لك على ذوقي
    شيخه تسكر المنيو وتطالع الشباك:مابي شي...قلتلك مابي شي...الريوق لالحين على كبدي...فكني عاد
    سعود يتفرج عالمنيو وماعطاها بال:ممممممممم اوكي بطلبلك مشواي مشكله ..
    شيخه ماترد عليه وتاخذ نفس وتقول بخاطرها"ياليتني خذيت نوير"..............................





















    والله حلوه التسريحه شفيييكي
    مشاعل:لا مابي احس أوفررررر انا قلت ناعمه
    ساره تطالع شوق:انا والله عاجبتني وش رايك شوق
    شوق:لا لا صاادقه ..شسالفه ..انتي العروس ولا شيخه..وش خليتي لشيخه
    مشاعل:شششششششفتي..ياربي بروح اسنعها
    ساره تطالع اخر الصالون مها ومريم قاعدات ويتساسرون..ساره:ماشالله عليهم عندهم اسرار
    شوق تطالعهم:انا قلبي مو مرتاح
    ساره:والله ياشوق حتى احنا دايم نقاشنا عنهم ..ومشاعل كل يوم هواش ويا مريم لان تحس فيه شي
    شوق:وش تقولين عني..مستلمه مها تحقيق وافتش موبايلها ..يعني قاعدتلها قعده
    ساره:مابي احرضك عليها..بس زين تسوين..انا شيخه كذا معي..اذا حطيت قفل تعالي شوفى التحقيق
    شوق تطالع مريم ..الي قعدت تطالعها وتبتسم..شوق:هاااي بنات..ممكن نتعرف
    ساره:هههههههههههههههه امبيه ليكون حسو ان احنا نحش فيهم
    مريم:هااااااااااااااااااي..ماعندي مانع الحين نجيكم
    شوق بصوت واطي:اي انا خفت يوم خزتنى مريم..الصراحه تخوف ..
    ساره: اي اي هههههههههههههههههه حتى انا اخاف منهها ........................................



















    الحمد الله الذي اطعمنا وسقانا ..
    شيخه تطالع الساعه :نمشي؟؟
    سعود يقوم من على الطاوله:انا بطلع ..القاكي مخلصه صحنك..ولا والله العظيم ماتطلعين من المطعم
    شيخه:انت ماتفهم ..يخي مااااااااااااااابي..
    سعود يطلع ويسكر الباب وراه ..شيخه تطالع الاكل"والله جوووعانه موت..بس مابي مالي نفس.."
    كلت لقمتين من السلطه وقامت راحت للمغاسل ..اول ماطلعت الا لقت سعود يحاسب ..عدلت نقابها ووقفت وراه..سعود يطالعها ومعقد حواجبه:وش فيكي؟
    شيخه:خلصت..
    سعود طلع من المطعم وهى تمشي وراه .. الا القرسون ينادي سعود:لو سسسمحت
    سعود كان يمشي ويقرا الفاتوره شيخه التفتت عليه:خير؟
    القرسون:ما خذا الباقي..
    شيخه تاخذ الباقي وتمشي الا سعود قدامها..شيخه:بسم الله ..وراك واقف
    سعود يطالعها وقرب شوي شوي وهو ماسك نفسه:وش عطاكي؟
    شيخه رفعت حاجب واحد وخشت ايدها ورا ظهرها:ماعطاني شي
    سعود يمد ايده:عطيني الورقه
    شيخه تبي تعدي الا سعود يوقف قدامها يرص باسنانه:وشششششش عطاكي؟؟؟؟؟
    شيخه:سعود ترا حياتنا ماراح تستمر كذا..انت واثق فيني ولا لا؟؟
    مسك ذراعها بقوووه :ماااني واااثق خلصصصييينييي
    شيخه تطالع الي حوالينها وتعطيه الباقي:خلاص خلاص هد اييديي... بس عطاني الباقي
    سعود حس كأن احد معطيه طراق:اي باقي؟؟
    شيخه توخر ايدها وتمسك ذراعها وتمشي قدامه...سعود يشوف الباقي ..ويمشي وراها ..وقفو عند اللفت وهو يحاول ماتطيح عينه بعينها ..دخل داخل اللفت..ويطالعها الا عيونها حمر..حس بقرصه بقلبه..ووخر نظراته عنها
    مشى قدامها وهو متجه لسياره ..اول ماصعد السياره ضرب السكان بقوه..ويشوفها وهي لالحين تمشي ومنزله راسها.. دخلت وقعدت وطالعت الدريشه ..ماتبيه يشوفها..
    سعود:اي صالون تبين؟
    شيخه ماردت عليه ..سعود يعيد عليها:اي صالون تبين؟؟
    ماردتت عليه..صدمها .. مسكت سعود لايدها .. شهقت ووخرت ايدها الا هو شاد عليها:انا مو قصدي
    شيخه ماقدرت تكبت اكثر من كذا وتوخر ايده بقوووه:وشششش الي مو قصصدك ...الا الشرف ياسعوووووووووووووووود الا الشششششرررف ججنتني ماعاد خليت فيني عقــــل وش تبي منى وش تبي منــــ....
    حطت ايدها الثنتين على وجها وقعدت تبكي ...سعود:خلاص ماله داعي البكي..
    شيخه تشاهق من البكي.. ماقدر يتحمل وحرك السيااره .....حس ان شريط حياته ينعاد يردد بخاطره"انا وش ابي فيها..انا وش ابي فيها"
























    هذا لانكم حقيرات متجمعه على بعضها
    مشاعل:ههههههههههههههههه وشبت نار الغيره تيرام
    نور:لا جد جد ..يعني كلكم تروحون لصالون واحد وماتقولولي ؟ليه
    ساره:الصراحه افهميها عاد مانبيكي
    شوق:اي انتي مليقه حيييل..مانحبك مانحبك مانحبك
    نور:هيهيهيهيهي تستخفون دمكم؟؟
    مشاعل:بنات ياليتنا امريكيات
    شوق:اسم الله علينا...ليه عشان نتمصلخ بالشارع
    نور:لاوالله؟؟مشاعل تقاطعيني ؟؟؟ انا وين وانتو وين
    ساره تمسك ايد نور:لا امانه خلو مشاعل تكمل...امانه مشاعل ضحكينا ليييه بالله؟؟
    مشاعل:اي والله بنات..على الاقل ناس عندهم هوايات ويقدرون الهوايات..بيسبوول..فوتبوول..حتى المشجاعات مخلينها هوايه على كيفهم ..يترقصون بالملعب ويطلعون..والله احلى هوايه
    شوق:ياطرجيبي..وعاجبك حالهم يرقصون بين الرجاجيل.؟؟ احنا بين بعض وبالدز
    ساره:هههههههههههههههههههههههههههههههههههههه وش فينا احنا بالله
    مشاعل:عاجبكم حالنا؟؟؟ مبلا مقابلات التلفزيون ونقشر فصفص .. هذى طبعا احسن هوايه ..والهوااايه الي ارقى منهم نتجمع ونحش بخلق الله ..كبرت جنوبنا كبرت كلاوينا ...نبي حركه نبي هواااياااات
    شوق وساره:هههههههههههههههههههههههههههههههههههههههههههه ههههههههه
    نور تخز مشاعل:الحين قاطعه علي سالفتي وتقولين هوايه وما هوايه .. وش جاب الطاري بالله ولا ودك تقاطعيني
    مشاعل:اي خلوها تولي عاد اقولكم....الصراحه نور مالنا خلق تزعل
    نور تضرب مشاعل على كتفها:ياحيواانه زين والله جد زعلانه
    نور تقوم عنهم وتقعد عند وضحه ومنيره .. ساره تطالعها وتساسر مشاعل:ياليتها راحت لمها ومريم
    مشاعل:اااااااخ..اي والله ..بس افا عليكي..انا بروحلهمم
    شوق:شنو شنو شنو؟؟؟
    مشاعل قامت منهم وراحقت حشرت روحها بين مها ومريم..مريم:يووووووووووووه ياكبرك كبراه مستخفه روحك
    مشاعل:اي انا رشيقه يبيلي انزل 6 كيلو واوصل الوزن المثالي
    مها:وحياتك ماتعطيني اياها ..والله ابييييهااا
    مشاعل:يازين الرشاقه ..المهم شنو كنتو تكلمون عنه؟؟
    مريم:اووهووو..الحين يا تحقيق يا محاضره..تحب تكون الانسانه المتحدثه ..
    منيره تناديها:مشاعل وين حطيتي المباخر امس؟؟
    مشاعل:في دولاب الغرفه..
    منيره:ماعينت ولا واحد قومي جيبيهم
    مشاعل تقوم عنهم وطالع مها :ولي عوده صبر ثواني..
    اول ماراحت مشاعل الا مها تطالع مريم:اي كملي؟؟ وشلون نجيب الرقم؟؟
    مريم:اعطي راجو سايق الاجره 5 دنانير..يجيبلي خط باسمه بدينار ...
    مها:اخاف يطلعه من تحت القاع
    مريم:اولا هالبيانات سريه ..ثانيا اذا كلش كلش صاد اسم راجو.. راجو ماراح يعرفني..بقوله ياخذني من السوق ويوديني الجمعيه الكبيره الي عند المجمعات..عاد ادق على سايق اهلي وياخذني
    مها:وبكذا ماراح يعرفك سايق الاجره..؟؟
    مريم:ايووووووووووواا...وبلعب باعصابهم لعب ..
    مها:طيب .. وتغير الاصوات وش تبين فيه؟؟
    مريم:كنت ابغير صوتي عشان اخاف يحط سبيكر عند مشعل ..مابي مشعل يعرفني..
    مها:الله يستر..الله يستر..لايحطونك براسهم
    مريم:رقمي مسجل باسم واحد من ربع ناصر .. بايعه على اخوي قبل سنتين..انا بحذفه وبقول ضاع .. واكيد ناصر بيستحي يروح لرجال يقول طلعلي خط..فبيطلعلي واحد ثاني..وخلاص التزم بالثاني
    مها:والله انك متكتكتها على الاخر
    مريم:من حر مافيني ابيهم كلهم يجرون شعورهم ندم..انتي لوتدرين شنو يبي جراح... عرفت انهم خمه
    مها:وش يبي بالله؟؟
    مريم:مشاعل جت صكري السيره..................



















    تعالي اخذيني
    منيره:ليه وين سسسسسسسعود؟؟وش صاير؟؟
    شيخه وهي تشاهق من البكي:مابي اروح معاه امانتك تعالي اخذيني..
    منيره:طيب طيب..ابركب مع اي سياق واجيكي .. انتي تضبطي الحين
    شيخه:مابي ابي روح اي مكان ابي ارد بيتنا ولا بروووح لامي
    منيره:امحق سنه..اشيخه من جدك انتي؟؟؟ امك الي ماوقفت على عرسك؟؟ اقول لاتحركين
    شيخه:ماني حاظره العرس تعالي اخذيييني ولا بدق على عثمااان
    منيره:يويلي لا خلاص الحين اجي ..
    منيره تسكر التلفون وتصعد لغرفه البنات...شوي الا ساره لاحقتها:شفيها شيخه؟؟
    منيره:مو عاجبها شكلها بالمررررررره..تقول تعالي شوفي شكلي
    ساره:ليه مو عاجبها ؟
    منيره:تقول مكياجي لونه مدرى شلون صاير والتسريحه..بروح اشووفها
    ساره:عاد شيخه اخر همها شكلها ..اخاف فيها شي وماتبي تعلمك
    منيره:عالعموم انا بروح وبشوفها..ديري بالك على اختك طيب؟؟ كل شوى مري عليها
    ساره:انا كل شوى اطل عليها .. ترسم ويا البزران وحاطين طيو الجنه ولاعبين بالكوكاوات
    منيره تطلع من الغرفه:جعل فيه العافيه يالله مع السلامه .....




















    رحتي الطبيب
    شيخه قاعده بنص الصاله وتلصق ايدها بلاصق جروح..طالعته وردت تلصق:لا
    سعود:بتتلوث ويمكن يبترونها
    شيخه:جعله بعدويني
    سعود:قصدك امي؟
    شيخه تطالعه:امك شكو؟؟؟؟؟؟؟؟؟ وش دخلهااا؟؟
    سعود يقرب عندها:اعرفك مالك من الاعداء الا انا وامي صح؟؟
    شيخه تصحك باستهزاء..:اللهم لك الحمد والشكر
    سعود يرفس ايدها:شايفتني مجنون انا؟؟
    شيخه :آآآآآآآآآآآآآآآآآآآآآآي وخر عني
    سعود يرفسها مره ثانيه:اكلمك انا شايفتني مجنون؟؟؟
    شيخه تمسك ايدها من الوجع :لا بتصرفاتك هذي اثبتلي انك عاقل
    سعود يرفسها بقوووها وهي تصارخ:آآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآي شتبي مني شتبي منننني
    سعود:موتي جعلك تموتين يارب..شوفتك تسد النفس..بنزل تحت
    شيخه بصوت واطي:مراح ابي اللي راح ولا عاد شفته
    سعود يرجع لها ويجي صوبها عالخفيف:سمي؟؟وش قلتي
    شيخه:ماقلت شي ..اخر مررره ..خلاص ..لااااااء ..تكفــــــــــــــــــــــــــــى................ .....................






















    انتي عارفه ان حياتنا لا يمكن تستمر
    منيره:ياشيخه والله انه شاريكي
    شيخه:شاريني؟؟ضاربني قبل عرسي بيومين عشاني كنت مع اخي..واليوم عباله في شي بيني وبين الرجال ..منيره سعود ماتغير
    منيره:الا تغير..
    شيخه:لا ماتغير..وانا اتجاهله واتجنب اي نقاش..لو معطيته وجه والله بيمد ايده علي..انا استقوى قدامه ولا انا هشه من الداخل يامنيره..والله هشه
    شيخه بدت تبكي ومنيره تمسك ايدها:ياشيخه سعود انحط بموقف لا يحسد عليه ... هو كان يشك بظلالك..وعقبه شاف الموقف وانا عارفه انك مظلومه فييه
    شيخه تقاطعها:هذا مو مبرر
    منيره:ومن قال اني ابرر لسعود؟ ..سعود غلطان وستين غلطان
    شيخه:ليه تزوجني؟؟
    منيره:يحبك
    شيخه:ضحكتيني..بالله يامنيره ليه تزوجني
    منيره:يحبك ويبي قربك
    شيخه:منيييييييره عااد..شنو يحبني وشنو يبي قربي..اذا هو يشك بالهدوم الي لابستها..الحب فيه ثقه..ليه تزووجني يامنيررره
    منيره:انا لله..طيب...اساليه
    شيخه:وش يبي فيني هو وامه وعمي وانتي عارفين اني انا لايمكن ... اني ....
    شيخه ماقدرت تكمل وقعدت تبكي..منيره حضنتها:خلاص ياشيخه..بالله عليكي قطعتي قلبي..حسبي على عدوك ياسعود
    شيخه:ابي اروح لامي..نار امي ولا جنه سعود..على الاقل اذا ذلتني ..تبقى امي...بس هو مايحقله والله مايحقله..
    منيره:ابشري .. ماراح يصير خاطرك الا طيب ..دام نفسيتك تعبانه بالطقاق الحريم..الزم ماعلينا صحتك
    شيخه ارتاحت ومسحت دموعها :اجل اخذينى لامى
    منيره:تامرين امر.. بس تدلين بيتهم؟؟
    شيخه:لاء
    منيره:تعرفين رقمها؟؟
    شيخه تهز راسها بالنفي:لاء
    منيره:طيب ومطلعتني من بيتنا الي مليان ضيوف عشان تقولين مادل بيت امي
    شيخه نزلت راسها.:مو قصدي..بس بدق على عثمان..
    منيره:وسعود؟؟
    شيخه:رديييييينننا يا منيييييييره...
    منيره:خلاص خلاص ..براحتك...



















    وش بتروح بيت امها..وش تقولين انتي؟؟؟
    منيره:لاوالله..البنت زين مانفلتت عندي بالصالون..والله محد يقدر يمسكها..
    سعود:وهذي كل ماصار شي قامت اتدلع علينا
    منيره:محد ضاربك على ايدك وقال اخذها..واحمد ربك ماعلمت ابي..والله ان يسويلك موال بروحه
    سعود:ابمرها الحين وان لقيت عثمان ولا حدا اخوانها قسم بالله لا اسوي مذبحه
    منيره:طرجيبي طراه..اخي استجن وقعد..البنت تعبانه ماتفهمم؟؟ان ركبت معاك يمكن هي تذبحك
    سعود:انا جاايها الحين ..ان ماطلعت ولا قسم بالله لا ادخل الصالون واسحبها سحب
    منيره:شتقول انت؟؟؟؟؟ سعود عويض الله من شرك البنت مو بحال احد البنت منهاره منك
    طوطوطوووو
    منيره تطالع التلفون :سكر بوجهي ..ياربي ادق علي ابي؟؟
    تطالع شيخه الا هي واقفه بزاويه وتكلم اخوها.. منيره تقرب من عندها وتسمعها:اي اي العماره الرماديه..ايووا هذى هي ..يالله في امان الله..مع السلامه
    شيخه تبتسم ابتسامه عريضه :بيجي ياخذني .
    منيره ماتبي تكدر خاطرها:زييين .. يالله تغيرين جو
    شيخه تقعد بالكرسي وتاخذ نفس عميق:احس براحه لما اكلم احد من اهلي
    منيره تقعد جنمبها:شيخه انتي متزوجه لازم ستأذنين من سعود
    شيخه بسرعه اختتفت بسمتها:مابي..
    منيره:بس هو جاي بالطريق
    شيخه برطمت:والله لو يسحبني من شعري ماروح معاه
    منيره بخاطرها"انا لله وانا اليه راجعون..احنا بحرب ياربي..كلن يحلف من صوب"





















    هذا رقم صارله يومين يدق علي .. وش يبي مدرى
    ساره:كلميه قولي منو
    مشاعل:ماقدر اخاف ..دزيت مسج قلت منو معاي مارد علي ...وبس يدق
    ساره:يمكن هندي ولا شي..شوفي منو
    مشاعل:ارد يعني؟؟؟
    ساره:لا.. تفرجي على الرقم..يبا ردي مسويه شي غلط انتي؟؟خايفه من شي
    مشاعل:ايي والله ..مو مسويه شي ولا خايفه من شي..امانه تكلمين انتي؟؟
    ساره:عطيني عطيني ..واحسبك قويه ..اثاريك خيخه
    ساره تاخذ الموبايل:ألو نعم؟؟؟
    المتصل:واخيرا سمعت صوتك
    ساره:منو معاي؟؟
    المتصل:شخص تعب على ما لقى رقمك ..وتعبت وانا انتظر هالمكالمه
    ساره تطالع مشاعل وترفع حاجب:ومن هالشخص الي تعب على مالقى رقم صاحبه الموبايل
    المتصل:انتي منو؟؟
    ساره:انا الي منو يالي ماتستحي على وجهك ..انت اللي منوو؟؟؟
    المتصل:اعصابك اول..وتكلمي معاي باسلوب ارقى من كذا
    ساره:اقول لا عاد تتصل على هالرقم لا قسم بالله اعطيه الوالد..فاهم
    المتصل:وش يسوي الوالد؟؟ يلا طسي انتي والوالد
    ساره نفصت عيونها :شوف ياحيوان ياواطي..
    المتصل:اقووووووول اقوووول اشكالك الواطيه...
    ساره تصارخ ومشاعل تسحب منها الموبايل وساره تتكلم وهي معصبه:والله ان وراي رجاجيل لا يطقون القاع ويطلعونك يالحيوان يالسربوتي يالوتي يالواطـ...
    طوطوطوططوطوطوطوطوووطوطو
    مشاعل تاخذ التلفون:ياحييييييييوانه شهببتي
    ساره:خلاص عطي الرقم ناصر
    مشاعل تطامر:ياحيوانه ياتبن ياوجع.. خبله انتي؟؟؟؟؟؟؟؟؟؟؟؟؟؟؟؟
    ساره:وش فيكي ؟؟ واحد يتميع علي وزفيته لك... هذا جزاي
    مشاعل تمسك راسها:امحق جزا امحـــــــــــــــــــــــق جزا...الا هببتي ..ياطرجيبي ططططططرااااه...
    ساره:انتي تعرفينه؟؟؟ يقول انا تعبت على مالقيتك ومدرى شنو
    مشاعل:اي اعرفه..حاذفه رقمي عليه ..اذلفي قسم بالله اني كرهتك
    ساره:ابكيك وابكي وجهك..والشرهه علي الي ساعدتك..وفي امه خير يتصل هو وجهه
    مشاعل تقلد صوتها: وفي امه كير يتثل هو ووذهه ..اذلفي امانه وربي مالي خالقك





















    امي تبيكي ..
    شيخه قاعده على التلفزيون وهي ماسكه ايدها:شعول..قوليلها تعبانه ..
    مشاعل:تقول الحين الحين ولابتصعد لك
    شيخه تقوم وهي ماسكه ايدها :انزين يالله نازله ..
    مشاعل:شوي شوي..عشان ماتعورين
    شيخه ابتسمت عالخفيف:ياحليلك يامشاعل.. والله انك الوحيده الي تداريني ..
    مشاعل:اي ياحبيبتي..من ريحه الغالي
    شيخه:اي غالي؟؟
    مشاعل :يعنني مدرى
    شيخه :هههههههه اقول انزلي بس انزلي..
    اول مانزلو .. الا نوره منزله راسها .. ودلال مربعه ايدها وتخزها...شيخه:سمي؟
    رفعه:قومي سوي عشا
    نوره:لا والله ماتسـوي شي
    رفعه:واللله ان يسوا عشاكم .. والله
    نوره :والله ماله داعي بنروح ذالحين
    دلال:يمه خلينا نتعشى وبعدين نروح
    شيخه وهي صاكتها العبره:والله ان اسوي عشاكي ياعمه
    نوره:يويلي وبتسوينه بروحك؟؟خلي دلال تعاونك ..
    شيخه:مايحتاج ياعمه .. بسويه بمطبخي فوق..
    نوره:يابعد عيني ..جعل عيني ماتبكيك يالغاليه
    رفعه:وراكي ماتسوينه تحت.؟؟
    شيخه تطالع دلال:لان مابي اغيم الجو على احد
    دلال ترفع حاجب :زين تسوين ..الصراحه ماتقصرين
    نوره:وش يغيم عليه؟؟؟
    دلال تلقفت وقالت بسرعه: ماتبيني ادخل شقتها بالعربي
    شيخه ابتسمت باستهزاء وصعدت فوق..
    رفعه:والله ان تدخلين شقه ولدي وان بغيتي نصعد كلنا صعدنا ..مهوب على كيفها تطرد الي تبي وتدخل الي تبي..
    دلال تبتسم وتطالعها:اي والله
    نوره:لا بالله ..الا شقتها وبيتها ...
    يوم صعدت شيخه نوره تطالع رفعه:خفي على البنت يارفعه..تراها حسبه يتيمه ورضاها يرضي ابو سعود
    رفعه:بعد؟؟تدافعين عنها يانوره..هذاكي شفتي مرتها معي .. والله ان انقز عيونها من مكانها اصبري علي
    نوره:انا لله وانا اليه راجعون ...























    السلام عليكم..
    عثمان:يامرحبا .. هلا والله كيف الحال
    سعود يسلم على عثمان:انا بخير جعل ربي يسلمك ..
    عثمان:ها وش اخبار المعرس؟؟
    سعود وهو يتغصب البسمه:انا بخير وله الحمد ومرتاح .. الا وش عندك هنا؟؟
    عثمان عقد حواجبه:والله ابد شيخه طالبتني .. وجيتها
    سعود:لااا ماعليك زين اني لحقت عليها..انا قلتلها اظاهر اني بتأخر وهي خافت تقعد بالصالون وخليت شغلي وجيتها
    عثمان وهو يحاول يستوعب كلامه:اييه .. اها .. طيب ..اجل انا خليك
    سعود وهو في قلبه"يالله روووح رووح قبل لاتجي"....: ياهلابك ..
    عثمان اول ما مشى خطوتين الا سمعو صوت :عثـمــــــــــان..
    عثمان التفت ورا الا شيخه بعبايتها الراس تسرع بخطواتها وتدوس طرف عباتها وبغت تطيح حاولت تثبت نفسها وتمشي عالسريع وهي رافعه شوي عباتها
    سعود في خاطره"آآآآآآآآآخ..ياحضي الردي"
    عثمان:هلا ومرحبا ..شيخه؟
    شيخه توقف جنبه:ابروح معك ..
    عثمان:منتي رايحه مع سعود.؟؟
    شيخه تهز راسها بالنفي..سعود:شيخه يالله اراحك..امشي معي
    شيخه تطالع عثمان وعيونها مغورقه:قوله ابروح معك
    عثمان يطالعها ويطالع سعود حس ان الموضوع فيه شي.. قرب لسعود: تسمحلي اخذها اخليها تسلم على امي واجيبها لكم..
    سعود يطالع الساعه ويطالع شيخه :مافيه وقت والله ..يالله يا شيخه الهمام...
    شيخه تطالع عثمان وهي تنفسها يزيد:امانه
    عثمان:سعود اني طالبك
    سعود قام ينافخ:لا دامك طالبني .. اجل براحتك ..بس والله الاهل مسوين لها عشا ..
    عثمان:لاااا دام الدعوى فيها عشا........اجل روحي معاه وابشري بلي يجيج باجر وياخذج ..
    شيخه تنزل راسها وتروح لسعود وهي تتمتم:مابي مابي
    عثمان:شيخه
    شيخه تطالعه :سم
    قرب منها وقال بصوت واطي:مسويلج شي؟؟
    شيخه تهز راسها بالنفي وعيونها مغورقه:ابي اروح معاك
    عثمان:ابشري بكره اخذج .. اهم شي لاتزعلين طيب؟؟
    شيخه تبلع ريقها وتشوف سعود الي واقف عند السياره ويخزهم :ابشر ..السموحه عطلتك...
    عثمان:بشروج بالجنه ..ولا تقولين جذي..انا اخوج يالغاليه ...يالله مع السلامه
    شيخه:الله يحفظك ..في امان الله..



















    يووه مالي خلق انـزل أجيب الأرز....انا لله وان اليـــه راجعـوون..
    شيخه تحط الدجاج عالماي الدافي وتاخذ معاها قدر .. وتنزل تحت .. اول ماوصلت لطابق الارضي
    رفعه :وين وين وين؟؟
    شيخه توريها القدر:بجيب عيش..ممكن ولا مو ممكن؟؟
    نوره تطالع رفعه:وش عليكي خليها ..روحي يا شيخه يابعدي
    رفعه:يوووووالله .. ماااااانقعتيه لاذالحيـن؟؟ متاه بيخلص اجل.؟؟
    شيخه تطالع الساعه ..:تو الناس الساعه 8 ونص..بخلص الساعه 10 ونص
    رفعه:فارقي عجلي ..وراكي واقفه؟؟؟؟؟؟؟فارقي اخلصي علي..
    شيخه تطالع مكان دلال وتقول بخاطرها"اكيد بالمطبخ..حسبي الله ونعم الوكيل "
    اول ماطلعت راحت المطبخ .. وتشوف دلال قاعده عالكرسي ومعاها عصير..
    دلال بابتسامه وتقول بدلع:امري وش بغيتي؟؟؟
    شيخه ماترد عليها وتفتح الكبت وتطلع مشخال ..
    دلال:اكلمك انا
    شيخه ماترد وتغسل المشخال ..
    دلال بابتسامه:اقص ايدي اذا جايه عشان مشخال..تبين تتفقدين الوضع يمه يانيتك شينه اعوذ بالله
    شيخه تخزها .. ودلال تبتسم وهي تشرب عصير وتحرك حواجبها.. شيخه بخاطرها"ياربي اضربها بالقدر اللي في ايدي ..اسببلها عاهه ولا ادوس فبطنها "
    شيخه جت بتطلع ..الا دلال تقول:لاتتعجلين بالعشى..خلصيه على الساعه 1 ولا2 نبيها سهره حلووه
    شيخه ماقدرت تسكت ولفت عليها:وحياتك بخليه لي الساعه 6 الصبح وش رايك عمتي دلال
    دلال:هههههههههههههههههه ...حرقت اعصابك صح.. قالي سوووسووو حياتي.... اعصابك تلفانه واعليا
    شيخه:صج؟؟ عاد سعودي .. يترجاني ماعلم احد عن علاقتكم..قال تراها علاقه عابره اخذ الي ابي منها... وارميها رمي الكلاب ..
    دلال حطت العصير:كلاب نهشت عضامك اي والله
    شيخه:وش فيكي؟؟ الصراحه مالومك الحقيقه تعور شوي..شي صعب..انك تكونين رخيصه بعين من تحبين..هههههههه ..عيشي قصتك يا ماما
    مسكت بطنها وهي تكمل:وانا بعيش احلى قصه حـووب... مع احلى عائله ..
    عطتها ظهرها واتجهت للمخزن .. المتجهه للباب الخلفي .. وهي تسمع صراخ دلال:بنشششششششششوف يااااا شيخه منو فينا يضحك بالاخير..والله لا خليكي تبكين دم.. والله لا اخليكي تترجيني ..
    شيخه تمشي بدلع وهي تغني:وحشتني سواليفك ووحشه شووفتك أكثــــــــــــــــــــرررررر



















    يعني ماتبين تردين
    شيخه تطالع الشباك وساكته..سعود وقف السياره بمسافط مدرسه وطالعها:وبعدين يعني
    شيخه:ابي اروح البيت
    سعود:ابوديكي ..بس ليه متصله على عثمان
    شيخه ماردت عليه...
    سعود:وبعدين يا شيخه.. والله ما احرك السياره الا تقوليلي وش فيكي
    شيخه تطالعه وهي عيونها مغورقه:سعود وش تبي مني؟؟؟ خذيت مني احلى سنين عمري..وحذفتني وماقلت شي ..والحين جاي وش تبي..علمني وش تبي مني؟
    سعود انصدم من كلامها وبلع ريقه:مابي شي..
    شيخه:لا امانه قووول...وش تبي ياسعود..امانه قول لهدرجه فيه حقد يخليك ودك تنتقم مني لاخر لحظه بعمرك؟؟؟خلاص انا تركت لك سنين عمري وتركت لك كل شي..ليه مصر تاخذ مابقالي من عمر...ليه تتعمد تغثني ليييه؟؟؟
    سعود:وش سويت الحين
    شيخه:ليه تتزوجني؟؟ليه تاخذني؟؟انت تتمنى لحظه طلاقي..يوم جاتك الفرصه اللي كنت تحلم فيها انك تطلقني... رديت مره ثانيه وتزوجتني ابي اعرف الحين ليه
    سعود يطالع السكان وهو ساكت...شيخه تكمل كلامها:ياسعود انت تنظرلي اني مره مو كامله ....لا ثقه لا عوال لا اهل لاتربيه لا اخلاق وش تبي مني وش تبي مني
    سعود يطالع صوب الدريشه وهو يحاول يمسك نفسه لا ينفجر عليها .. شيخه تكمل وهي تشاهق:انت عبالك انا فاضيتلك ياسعود؟؟؟انا وراي مشاكل انا مضغوطه انا مريضه انا خذيت من الدنيا مايكفي..وحمدت ربي وشكرته واللهم لا عتراض .. وماعاد ابي شي..بس ابي ارتاح على اخر عمرى..ابي اربي خواتي ابي ازوجهم ابي ارتاح ياسعووود
    سعود هز راسه بالموافقه كأنه يقول كملي...شيخه:انت ظلمتني ..وبليتني..وخليتني عايبه ..وفضحتني عند العالم كله..وطعنتني بشرفي.. وجرحتني جرح ..لايمكن انساه..خليتك ولا جيتك ولا طالبتك بشي .. بس الي طلبته من عمي اني مابي اشوفكم ..ليه ترجع مره ثانيه لييييييييييه؟؟ ليه تحب تذلني ليه ياسعود ليه؟؟؟
    نزلت راسها وقعدت تشاهق:احاول ما ابكي .. بس مقدر ..ابي اصير قويه عند خواتي مثل دايم..بس احس اني مهزوزه.......من جيتك وانا كل يوم ابكي ..من عرفتك وانا كل يوم ابكي ...كل ماشوف وجهك اتذكر لحظه لحظه عشتها معك ..عبالك نسيت؟؟؟والله مانسيت الضرب والاهانات والشتايم والمطابخ ...مانسيت شي...وش تبي مني وش تبي مني
    سعود عقد حواجبه وغمض عيونه حييل..مايبي يتذكر الي صار قبل.......مسك نفسه وقعد ساكت وهو يسمع شيخه وهي تشاهق.. خلاها ربع ساعه .. لين حس انها هدت..
    سعود:هديتي؟؟
    شيخه ماترد عليه وتشاهق..حرك السياره ومشى فيها .....

























    والله لا اجننك يادلال...
    شيخه تلتفت عالمطبخ تشوف دلال واقفه عند الدريشه وتطالع الباب الخلفي..شيخه:تنطره..جعل موتها يجيها قبله
    شيخه تمشي للممر المظلم .. وهي خايفه:يمه ماحب هالمكان ..
    دخلت المخزن وهي تتلمس الطوفه تدور مفتاح اللمبه :وين هذا بعد .. ايوووا ..
    فتحت لمبه وحده والمروحه .. ثواني الا احد يدفها من ورا بقوه وهو شايلها من خصرها .. شيخه جت تبي تصارخ الا يسد ثمها ...
    حشرها عند الزاويه وهي ترفس وتمسك بطنها تطالع الايد اللي حاضنتها الا إيد رجال .. شيخه تحاول تتكلم:هدني ياسعود بتنفسسسس
    لفها الرجال وحط ظهرها على الطوفه .. وهو ساد ثمها ....شخيه نفصت عيوووونها وهي تشوف الشخص الغريب قدامها ..... وثوبه احمممر من الدم ...
    حاولت تفك نفسها وعيونها تدمع ..الا الرجال يقولها:داخلن على الله ثم عليج ... امنتج الله يابنت الاجواد وناخيج ..والله ان وراي مطاليب ومذابح ..تكفين يامره ان تفكين رقبتي منهم ...
    شيخه هدت شوي من الترفس وهزت راسها وهي تتفس بقوه تبيه يروح منها .. الرجال يردد :امنتج الله امنتج الله يابنت
    شيخه ترمش بعيونها يعني خلاص...وخر ايده عنها ..عشان يتأكد انها ماراح تصارخ ...
    شيخه:عليك امان الله ..والله ان محد يمسكك ولا حد يدريــبـــك .. بس وخر شوي الله يرضالي عليك
    الرجال بعد عنها وهو يردد: كفو ..كفو.. مدرى وش اقولك ..والله يامره اني مغبون ومدري وشلون ذبحـت الرجـ..
    شيخه مدت ايدها يعني اسكت وقاطعته:مابي اسمع شي ..اقعد ورا الثلاجه بالزاويه .. وانا باخذ شغلي وبطفي اللمبه وبمشي .. وانت اطلع من الباب الي دخلت منه
    الرجال:ابشري .. بالله عليكي يابنت الاجواد انك ماتسلميني لاحد
    شيخه:وش قلت انا؟؟ والله يارجال محد يمس شعره من راسك .. انا امنتك الله وخلصنا ..وباخذ شغلي وبطلع وانت بصرك..وهالمكان محد يجيه ..
    الرجال وهو طاير من الفرحه :الله يجزاك خير.. الله يجزااك خييييررر...
    شيخه تطالع الرجال الي انخش بالمكان الي قالتله عليه .. وقفت شوي تستوعب اللي صار ..تعوذت من بليس ومسكت القدر .. وفتحت الدولاب الي فيه الأرز...لقته فاضي...
    راحت ورا الباب عشان تجيب الخيشه الثانيه .. اسحبت كيس الارز.. ووقفت من التعب وتمسك ظهرها ...وردت تشيل الكيس عشان تحطه داخل الدولاب
    شوي الا الرجال طامر عندها شيخه خافت وبعدت عنه :خير خير؟؟
    الرجال ساكت خذا منها كيس الارز وحطه بالدولاب .. ورجع طمر مكانه .. شيخه سكتت ثواني وقالت بصوت واطي:الله يجزاك خير..
    طلعت السكين وهي تسمع انفاس الرجال وطقطقت اصابعه .. شقت الكيس وهي تحاول تخفي توترها .. خذت الكميه اللي تبي ..شالت القدر .. اتجهت للباب وشهقت شهقه
    شيخه:ســـــــــعـــــــــــــــود؟؟ .................................................. .................................................. ....













    ___________________________














    اتمنـــى ان يكون حاز على رضــى الجميع .......



    ولكم منى كل التحيه ...




    رحيل الزمن ...


  2. #192

    افتراضي

    ماقصرتي رحوله على الجزء الفرفوشي بس الجزء الاخير منه صراحه يمه مرعب يعني صدق صدق صاير الله يكون في عونها والله مالومها يوم تصير تفسيتها كذا
    صراحه مدري وشلون بيصير مستقبل علاقتها بسعود ومن حقها ماتثق فيه
    سؤال صغنون لين اللحين هي معاه ؟؟
    اسلوبك في تسلسل الاحداث والسناريو مشوق ....... تكفين لاتتأخرين علينا مره ثانيه على الاقل مره في الاسبوع


  3. #193

    افتراضي

    روووووووووووووووووووووووعه

    بس كملي

    بانتظااااااااااااااااااااااااااااااااااااااااااااا ر الجزء الجاااااااااااااااااااااي بكل شوووووووووووووووووووق


  4. #194

    افتراضي

    ثآآآنكس بارت شيق
    بأنتظارك الاسبوع القادم يالغلا


  5. #195

    افتراضي

    آه يارحيل والله من قرأت الجزء هذا وانا العبرة ماسكتني وماتعبني زي اول موقف يوم تتهزء قدام

    غريمتها مرة مؤلم وجرحه كبير في نفسها لكن ربي معاها انا متأكدة ....


    ملعون أبو الظلم الله ينتقم من كل ظالم ..

    مريم تخيلتها بتتوب بعد تهديد مشاعل لكن صدق الهداية من الله ....

    سارة رهيبة والله ضحكتني وهي تهزء في الغبي اللي على جوال مشاعل غسلت شراعه من قلب والمفروض ماعاد يتصل

    اما شيخة بصراحة انه الى الآن شاك فيها سعود والله قوية وصدقت وقت ماسألته< ليه تزوجتني؟> بس اسأل نفسي ليه رجعت له؟!!

    عمتها رفعة الله ينصرها عليها ايش هذا؟!! آدمية لا تطاق واللي شفى غليلي ان شيخة تشجعت شوي وردت عليها ..

    دلال اشكالها كثير الله يعينها على نفسها وفي النهاية ماحصدت الا عمل ايدها
    "اقصد زواجها " ..

    أما من ناحية التوقعات ارفض اتوقع لأن كل شئ جايز خصوصاً انها واقعية
    واخر شي تقبلي مروري اختك لولو..

    ملاحظة صغيرة: رجاءً حاولي ماتتأخرين خصوصأً انه جزء حرج واعتبرة نقطة تحول في الرواية قصدي انه امور كثير راح تنكشف من ناحية الشخصيات و الأحداث..


  6. #196

    افتراضي

    مشكورة يارحيل على هذا الجزء الحلو بس ياريت لا تتاخرين علينا
    الله يجزاكي كل خير


  7. #197


  8. #198

    افتراضي

    مشكوووووووووووووره ع ها البارت ننطر التكلمله بشوق
    شعاري ....لا شيء مستحيل... فقط.....توكل على الله .. تفائل دوما و ابدا .. وسترى السعادة حيثما نظرت و ستتحقق الأحلا م مهما بعدت


  9. #199

    افتراضي

    يعطيك العافيه اخت رحيل على هالبارت الرائع

    بس طالبتش لاطولين لان سردك للاحداث مشوق صرت اتوقع ايش بيصير لشيخه الله يحميها من شر دلال اللي حاسه انها

    اللي قايله لسعود يدخل للمخزن.

    وان كل اللي صار لشيخه من تحت راسه

    سعود اسمح لي بس من جد ماتستاهل شيخه

    مدري ايش رد فعل شيخه لماتقرا القصه والردود عليها

    تحياتي لك ولشيخه
    الخير[ يايمّـہ] اشوفـہ جنّـہ اقدامڪ ..!
    فداڪ{ الضحڪ !والبسمـہ.. وفداڪ الڪل لعيونڪ ~


    بنتكـ يالغلا ( أحلـــــــى)


  10. #200

    افتراضي

    يالله كلي شوق للباقي اعصابي مشدوده..ربي يوفق هالشيخه ويسعدها مو شوي اللي شافته..

    بإنتظار البارت الجاي على احر من الجمر


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك