موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



+ الرد على الموضوع
صفحة 5 من 25 الأولىالأولى 1 2 3 4 5 6 7 8 9 10 11 12 15 ... الأخيرةالأخيرة
النتائج 41 إلى 50 من 241
Like Tree0الاعجابات

الموضوع: بنات دجه والعقل رجه)انواع الاستهبال والاستهتار واللعب والحب والاثاره+لاتفوتكم تجنن

  1. #41


    تاريخ التسجيل
    Jul 2008
    المشاركات
    109



    من مواضيع العضو
    تعالوا واسمعونى



    افتراضي

    البارت روووووووووعه

    مشكووووووووووره

    لا تتاخرى علينا


  2. #42

    افتراضي

    مشكوووووووووووووووووووره تكفين لاطولين
    انا مجنونك وادري مجانين الغرام كثار
    لكن من ردى حظي محدفي هذي يشبهني
    غريبه كثركرهكـ لي احبكـ واخلق الاعذار
    واقول انك على حق وصواب يوم تكرهني
    n نووونه الحنووونه n


  3. #43


  4. #44

    افتراضي

    يعمري الف شكر بس ممكن تحددين مواعيد او ايام لتنزيل البارتات




  5. #45


  6. #46

    افتراضي

    رووووووووووووووعة

    ننتظر على أحر من الجمر

    ..........................................

    عووووووووووووود آذاااااااااااااااااااااان
    التعديل الأخير تم بواسطة عـود آذان; 08-07-2008، الساعة 03:15 AM سبب آخر: مزااااااااااااج


  7. #47


  8. #48


  9. #49

    افتراضي

    البارت السابع
    __________________________________________________ __________________________________________________ _________________________________________

    في البيت الكبير

    هدى ومنيره عندهم

    ومرتفع ضغط الجده تقوم عيالها وعيال بناتها

    دخلت غرفة الشباب كانت باااارده ومطفى الانوار وماتسمع الا صوت نفسهم

    جت بتولع الانوار وطت رجل ماتدري رجل من وطلعت ذيك الصرخه اللي خلت الجده توقف بمكانها

    ........:ياحيوان ماتشوف جعلك العمى

    الجده انهبلت وفتحت عيونها:جعل العمى يعميك يمال الساحق الماحق والمرض المتلاحق اللي يسحقك ويمحقك وين ماتروح

    يلحقك

    .......:يلعن كل هذا فيني خلاص اجهز قبري احسن

    طبعا الشباب قاموا من سمعوا صرخت فيصل الا سلمان لان نومه ثقيييل

    الجده :قوم جعل تقوم قيامتك يامال المرض

    فيصل:خلاص تكفين لا تقولين شي والله بنجلط

    الجده ولعت الانوار وتفاجئت

    فيصل ولدها على سريره وناصر وسلمان وفيصل على الارض الا يوسف نايم على سرير خاله راكان

    ناصر رجله عند خشم سلمان وفيصل ولد بنتها ضايع بينهم بس رجله طالعه

    الجده:ياويلي على صيبي<العيال>

    فيصل ولدها:مغمض عيونه :يمه عسى ماشر وش صاير

    يوسف:ناقز من السرير وخايف ومرتاع:جده قولي من اللي مات اصلا انا كنت حاس ان احد بيموت احسن الله عزاكم

    كمل وراه فيصل خاله:ايه صح حتى انا تحلمت بوحوش نبعدها تقرب زياده الله يستر منها<<<متاثر من افلام الرعب

    ناصر:الا انا اللي جايتني فلقه ملعونة خير حتى شوف خشتي وشلون متورمه

    الجده بغى يجيها شي من كلامهم:اعنبوا داركم ماخليتوا احد في حاله واحد موتوه وهو حي والثاني متحلم بوحوش والثالث

    مصكوك وجهه قوموا صلوا الله يهديكم ويصلحكم

    وطلعت وهي تدعي لهم بالهدايه والصلاح

    فيصل ولد منيره:والله جدتي غريبة الاطوار توها تدعي علي حتى بغى يوقف قلبي منها والحين تدعي لنا

    فيصل:خاله :لا هي اصلا اول شي تدعي عليك بعدين تدعي لك يعني بالعاميه خذ وخل

    سلمانت توه قايم:ها شباب وبن بتروحون

    يوسف:اقول قم صل والله انك رايق بعد

    ناصر:اقول سلوم

    سلمان:ها وش تبي

    ناصر:من اللي صاك وجهي وانا نايم

    سلمان:وانا وش يدريني

    ناصر:والله اعرف من بس لاوريه حتى شوف خشتي وشلون متورمه

    سلمان:احسن

    ناصر:وش قلت
    سلمان :ولا شي

    قاموا كلهم وراحوا يتوضون يجهزون للصلاه

    وطبعا سلمان وهو يتوضئ كان جنبه يوسف اللي معصب

    جا سلمان وقام يرش على يوسف ماء يحسبه بيروق ومدرى انه عصب اكثر

    وجا يوسف بيلحقه وكان سلمان اسرع وشف المطامر فوق الكنبات والحوسه اللي سووها بمجلس الرجال


    __________________________________________________ __________________


    في الصاله

    هدى ومنيره والجده والجد وعبدالعزيز وتركي ونايف ونوره

    جالسين يتقهوون

    الجد:العيال قامو

    الجده :ايه قاموا

    هدى:اكيد مسوين فيك شي انتي ماتعصبين الا ان فيك شي

    الجده:لا اسم الله عليهم ماسووا شي فديتهم

    الجد :اجل انا استاذن بروح قبل المسجد قبل لا يقيم

    نايف:اجل يبه خذني معك

    عبدالعزيز:انا بشوف العيال ونروح سوا

    الجد:وانت ياتركي

    تركي:انا بروح مع عبد العزيز

    الجد:خلاص في امان الله

    طلع الجد ومعه نايف <الحمدالله طلعوا قبل لاتجي سلمان ويوسف تهزيئه محترمه

    عبد العزيز:انا بشوف الشباب وش يسوون

    مامداه يطلع الا طالع سلمان بوجهه ماشي 600

    ووراه يوسف اللي ضاربه فيوزه

    دخلوا الصاله حتى هدى ومنيره ماسلموا منهم

    هدى:تصارخ:ووجع اهجدوا

    منيره:ياناس ياربي تصبرني عليه اكيد هو البادي<<ياحليلها

    سلمان كان يرمي على يوسف المخدات عشان مايقرب ويوسف يرمي المخدات اللي تجيه

    الجده هنا اتشت

    ومسكت الجزمه الله يكرمكم

    وبدت تلاحقهم وهي تلاحقم جاته المخده في وجهها من سلمان اللي كان بيضرب يوسف وجات جدته

    الجده معصبه:ووجع يوجعكم

    عبد العزيز:اوريكم يالهيلق

    سلمان راح يبوس راس جدته وضمها:انا اسف والله ماكان قصدي

    جا يوسف وهو يركض عشان يمسك سلمان

    لكن سلمان لف لفه خلت الجده تلف معه وصار يركض

    جات نوره*طبعها ماتحب الحوسه يعني مرتبه وهي عصبيه شوي*مسكت سلمان مع ثوبه ويوسف مع بلوزته وقربتهم من

    بعض وصكت روسهم مع بعض

    هذي الحركه فطستهم من الضحك

    سلمان*والله اوريكم*

    طاح وسوا نفسه مغمى عليه

    منيره ماقامت تعرف حركاته الجده خافت وراحت عنده وعبدالعزيز يحاول يقومه ويوسف ماوقف ضحك وتركي راح يجيب

    بصل لانه عارف ان سلمان يستهبل وقال بستهبل عليه اما هدى راحت تجيب مويه

    سلمان يدعي في نفسه انهم مايجيبون بصل

    قرب تركي عند سلمان وحط البصله عند خشمه مايشممه الا دخله

    نقز سلمان:وجع مالقيت الا بصل لو انك جايب عطر احسن من ذا

    تركي بضحك:اصلا عارف انك مسوي مقلب قلت اسوي فيك مقلب

    الجده:مالت عليك وهذا وقتك تستخف دمك

    منيره:هههههههههههههه اصلا انا عارفه حركات ولدي

    هدى:ابد مو وقته

    عبد العزيز: يالله قوم تروش عشان نلحق على الصلاه

    هدى:افف الله يخيسك ياسلوم ريحتك ريحت بصل خيستنا قوم تروش

    يوسف يكمل مع امه:يووه سلوم لا تروح المسجد كذا بتخيس المصلين اصلا مايجوز تروح وانت ريحتك كذا

    سلمان:اقول ضف وجهك بس ايه تشمت انت وامك ماعليه<<وراح يتروش

    اما الباقي راحوا المسجد يصلوون

    بعد مارجعوا جاهم سعد ومريم وتغدوا عندهم وسعد وتركي متوترين شوي

    وقالوا لاخوانهم بسالفة راكان وحزنوا عليه





    __________________________________________________ __________________________________________________ ____________________________________
    عند البنات طبعا سعد جا عندهم وجاب معه غدا من كنتاكي ونقل نونو مع لموسه وبكذا تجمعوا كلهم بغرفه وحده وتغدوا
    بدري لانهم ميتين جوع

    وشوف الازعاج اللي مسوينه بعد ماخلصوا

    ريم ونوف عند الدريشه وريموه تعلم نوفوه عن السياره اللي شافتها

    اما ريماس جالسه عند التي في مع ان القنوات بايخه

    حلوي كل شوي طالعه عند النرسات وتستهبل عليهم

    نونو جالسه مع لموسه على سريرها ويسولفون عن هاليوم




    عند ريموه ونوفوه

    ريموه: بصراحه هالسياره تاخذ العقل مشاء الله انا اذا سمحوا للحريم بالسواقه بشتريها

    نوفوه:ايه ياحلامك ياحلوه

    ريموه:شوفي حبيبتي انا بشتري هالسياره وانتي اشتري هذاك الددسن عشان اذا رحنا لكشته الا سيارتك معنا

    نوفوه:اقول احلفي بس انتي اشتريها

    ريموه:صدق حنا غبيات نتهاوش واخر شي قاعدين في بيوتنا

    نوفوه ايه صادقه بس وش يدريك يمكن نسوق

    واستمر حديثهم )



    عند حلوي

    طالعه برا في السيب وتنادي لها نيرس مصريه

    حلوي:هيييه انتي تعالي

    النيرس المصريه:انتي بتناديني؟؟؟؟؟

    حلوي:لا انادي الجدار اللي وراك ايه اناديك

    النيرس:ايوه في ايه؟؟؟؟

    حلوي:فيه رجلي تعورني

    المصريه:وانا مالي؟؟

    حلوي:مو انتي تشتغلين بالمستشفى تعالي سويلي مساج

    المصريه:معلش انا مشغوله<وراحت<<عارفه قاعده تستهبل ولا ماوقفت خخخ

    حلوي*والله اوريك يابنت الذين ان ماخليتك تكرفين ماكون حلوي* ودخلت على البنات ونطت على سرير لموسه

    حلوي:بنات ابي مساعده

    لموسه:ها وش تبين

    حلوي:قالت لهم السالفه

    نونو:وانت وش جابك عندها

    حلوي:انا مابيكم تقولون وش جابك وماجابك ابي احد يفزع معي

    لموسه :بنااات اجتماااع

    اجتمعوا البنات كلهم

    نونو:خلاص انا عندي فكره

    ريموه:وش فكرتك

    رموس:لو سمحتي نونو خففي علينا

    نونو:اسمعوا رموس انتي ونوف وريم عندي والماسه على سريرها وانا على سريريوانتي حلوي تخبي باي

    مكان.............................................. .......


    بدو البنات ياخذون اماكنهم

    ريومه ضغطت جرس النيرسات ونونو تصنعت الالم

    حلوي تخبت بالدولاب اللي جنب الباب

    جات النيرس مصريه

    وراحت عند نونو

    فجاءه طلعت حلوي تقول ثور هايج:اطلعي براااااا

    المصريه خافت وطلعت تنادي الدكتور

    نونو :خيير ليش طردتيها

    حلوي:بعصبيه:يااغبيا مو هذي المصريه اللي انا ابيها

    لموسه:خلاص حصل خير

    شوي طق الباب

    لموسه:مين

    ...........:الدكتور مشعل

    ريموه:ياربي اموت واعرف هذا وش جابه مو هو اخصائي عيون وش جابه عندكم

    رموس:لا عشان نواره فيها انحراف حاد

    ريموه:من جد انحراف

    لموسه والبنات تغطوا

    لموسه:اتفضل

    دخل الدكتور مشعل:عسى ماشر نونو تحسين شي ولا يوجعك شي

    نونو:اصلا انا مافيني شي وابي اطلع مدري ليه حاطيني هنا اتوقع حاطيني زيادة عدد بس

    مشعل:اذا انتي تحسبين وجودك هنا زيادة عدد اوك اذا جاء المغرب وجا ابوك اخليه يوقع على خروجك<وطلع

    ريموه:افف مابغى يطلع

    نوفوه:والله يأنك حاقده بقووه عليه




    المهم جا المغرب وجا سعد معه تركي وطلعوا البنات حتى لموسه طلعت وراحوا بيت سعد على طول وتروشوا وتسبحوا

    وناموا لا ن كل هاليوم ماناموا وماقامو الا الصباح الساعه تسع وجا الظهر وتغدوا في بيت الكبير والجد سال عن راكان

    قالوا مسافر

    عصب الجد لانه سافر وما قاله قالوا عياله لا هو سفره مهمه ومامداه يقولهم وهدا الجد وهدت الجده

    طبعا هدى ومنيره جلسوا يومين وراحوا لبيوتهم ورموس وريموه ونوفوه جلسوا عند لموسه حتى نونو وحلوي


    مر شهر كان بالنسبه لسعد وتركي ثقييل عليهم وكان كل يوم على واحد من اخوانهم يزورون راكان

    :ملاحظه :ابو مشاري توفى لان حالته ماستقرت وعزوه اخوان راكان:


    وطلعوا راكان لانه خلاص تحسن الا رجله اللي يبغالها وقت وكانت نفسية زفت يوم درا بوفاة اخوه وصديقه ابو مشاري

    وطبعا الجده ونوره ومنيره وهدى سووا مناحه

    والجده تلومهم ليه ماقالوا لها وحتى الجد ومر يومين وهدوا الجميع ولموسه طايره من الفرحه على طلعت اخوها وحبيبها

    وصديقها وكان يوم الثلاء الجد جامع العايله كلها0بما ان الجد اجتماعي)

    في الصاله الحريم منيره وهدى ونوره ومريم واحلام *زوجة عبد العزيز* وليلى*زوجة مازن*وحصه*زوجة نايف*

    كلهم في جهه

    والبنات:لموس ورموس وريموه ونونو وحلوي ونوفوه في جهه

    والشباب:ناصر ويوسف وسلمان وفيصل ولد منيره وفيصل خالهم وتركي وراكان معهم بعد لكن كل شوي يسرح

    الرجال:الجد وعبد العزيز ومازن وسعد ونايف والجده معهم

    الجد:اسمعوا ياعيالي انا اليوم جامعكم بمناسبة

    رموس بصوت واطي للبنات:بمناسة زواج ابننا الكريم راكان وابنتنا الكريمه سيريتا<<خدامه<

    البنات هنا ضحكوا بصوت واطي

    الجد يكمل:طلوع راكان من المستشفى وقلت بما ان في اجازه ليه ماناخذ لنا تمشيه توسع صدورنا للطايف ومنها نروح لمكه

    ونعتمر ونلف على جده ها وش قلتوا

    سعد:شورك وهداية الله انا ماعندي مانع

    نايف:اذا انتم موافقين اجل ليه اعترض الطايف الطايف

    عبد العزيز:ابد ماعندنا مانع

    هدى:وانا معكم

    منيره :وانا بعد

    هنا الشباب قاموا يصفرون ويصفقون وراحوا يبوسون راس الجد والبنات فرحانين مره

    ناصر:ياجدي متى السفره

    الجد:اذا انتم لهدرجه متحمسين بكره نصلي الفجر ونمشي

    ادخل عليهم خوخه وثموري

    سلمان:هلا والله بتامر حسني

    خوخه نط في حضن الجده وبدت الغيره تشب في ثامر ومسك خوخه مع بلوزته ودفه وجلس وقاموا يتهاوشون والجده

    مستانسه عليهم قامت نواره رايحه لجدتها

    عند الشباب

    سلمان رافع يده لسما:يارب تطيح يارب تطيح

    ناصر:من اللي تطيح

    سلمان ياشر علىنونو يحسبها ريموه:هذي الخبله

    ناصر رفع يده:من بؤك لباب السماءيارب

    سلمان ضربه على راسه:هيه خير تدعي على اختي

    ناصر:موانتي تدعي عليها ادعي عليها انا بعد زيادة الخير خيرين

    سلمان:اقول ضف وجهك بس انا اللي ادعي عليها


    عند الجده

    نواره:ثامر تعال ابيك

    خوخه:لا انا تبيني صح

    نوراه:انا قلت ثامر

    ثامر:نونو ارضبي خوخه((تشفير ارضبي=اضربي))

    نونو:بارضبه اذا غنيت لي التاكسي

    ثامر جا بنص الصاله:يالتاكثي يالتاكثي خذني لها يالتاكثي (تشفيييير)*ماعرف ينطقها زين*....رومنثي

    الكل قام يصفق له ويصفر واللي يضحك هو كبر راسه ومن كثر الحياء طلع الحديقه عند البزران

    نونو تكلم خوخه باذنه:ابيك تغني وقولوا بسم الله

    جا خوخه بمكان ثامر وقال بصوت عالي:وقولوا بسم الله وشعرن فللي<<<يقصد تفله>>

    هنا كلهم ماتوا من الضحك واكثر شي نوفوه

    المهم ا سعد راح لبيته ومعه حلا ونواره ومريم والعيال وحتى منيره وهدي راحوا لبيوتهم يجهزون اغراضهم

    ومعهم البنات رموس وريموه ونوفوه والماسه مافارقت راكان

    جا اليوم الثاني الساعه 8 الليل تجمعوا كلهم عشان بيمشون من عند البيت الكبير الرجال كلهم راحوا ينامون وحتى الشباب

    طبعا بعد ماخلصوا من ترتيب شنطهم اما البنات

    اتفقو اتفاق انهم كلهم مع بعض وشلوون؟؟؟؟

    ريموه شنطتها فيها ملابس البنات حقت الطلعات وكذا

    اما حلوي شنطتها ملابس النوم والبجامات وملابس داخليه وكل وحده ملابسها بجهه عشان مايتلخبطون

    رموس شنطتها الكريمات والمك اب والعطورات والاشياء هذي

    نوفوه شنطتها للاكسسوارات والعبايات اللي زياده معهم وربطات الشعر والحركات هذي

    الماسه شنطتها الجزم الله يكرمكم والحزامات

    اما نونو وما ادراك ما شنطة نونو تقول محل اجهزه كاميرتها الفيديو وكاميرة ريموه الفلاش ولابتوب حق حلوي وايبد

    اثنين حق لموس ونوفوه وشاحن لجوالاتهم وقيم بوي حق رموس<<كل هذا بيتسلون فيه بالطريق

    اما الحريم شناطهم جاهزه وعاد هدى والجده ماخلوا شي بالمطبخ الا وجابوه فواكهه ورز وخضار والاشياء هذي

    المهم اذن الفجر وقاموا الرجال والشباب وراحوا يصلون والسواقين سالم ومتحت يحطون الشناط بالسيارات والحريم صلوا

    ولبسوا عبايتهم والبنات بعد

    رجعوا وركبوا السيارات نايف وحصه ومعهم البنات بسياره جيب فكسار الجد و الجده وهدى ومريم بسيارة سعد الرنج عبد

    العزيز معه احلام وجوري وفهد عيالهم بسيارة الكامري ومازن واهله بسياره اما سيارة الشباب اللي يسوق فيصل ولد

    منيره ومعه ناصر ويوسف وسلمان وراكان بسياره الهمر والسواق متحت معه تركي ومنيره و خدامتين والبزران اما

    سالم معه الاغراض وخدامتين

    ومشوا بعد مارتبوا انفسهم





    __________________________________________________ __________________________________________________ ___________________________________
    في سيارة نايف انواع الازعاج مطولين على اغنية ابي حبك معي يكبر

    وانواع الرقص ونايف مستانس عليهم وحصه بعد البنات كلهم يرقصون على الاغنيه ونونو تصور ولموسه على الايبد هي

    ونوفوه اما ريموه وحلوي وموس متنكسين


    في سيارة الشباب لا تقل عن سيارة البنات هبال ورقص وسوالف

    في سيارة سعد هدوء والجده نايمه ومريم وهدى يسولفون والجد يسولف مع سعد عن الشغل ومالشغل

    وقفوا السيارات عند المحطه واللي شرا لاهله واللي شرا سيديات واللي يعبي بنزين وكلهم مشوا وكان اخر واحد نايف

    وقف نايف عند المحطه وراح للسوبر ماركت

    لموسه :بنات انا ابي دورة المياه

    رموس:لا وصلنا

    نونو:ايه صدق حتى انا ابي اروح

    ريموه :روحوا قبل لا يجي خالي نايف

    نزلت لموسه ونونو ولحقتهم الملقوفه رموس البنات مادروا عنها

    لموسه:نونو ماابي اروح ابي ارجع

    نونو:ليه

    لموسه بخوف:يمه شوفي الرجال اللي هناك ابرجع

    نونو:يالله

    الماسه ونونو رجعوا وهم مابعد راحوا لدورات المياه لانهم شافوا رجال واقف واخافوا ورجعوا رموس راحت لدورة المياه

    وتدورهم مالقتهم راحت للمصلى ولقت حرمتيين معطينها ظهورهم ويصلون وكانت وحده ساجده وعطتها شلوتي حتى انها

    حست ان خشمها دخل في الارض والحرمه صرخت صرخه مكتومه جات رموس تطل بوجهها وهي تصلي طلعت وحده كذ

    ا عمرها بالثلاثينات رموس شغلت التيربو ومشت 200 وطلعت برا المصلى وراحت تشوف سيارة خالها لكن مالقتها وبغت تجيها الجلطه

    اخليكم مع رموس تشرح لكم

    *رموس*

    انا اول ماطلعت مالقيت سيارة خالي نايف بغى يغمى علي من الخوف قلت اكيد راح يعبي بنزين واتجهت للبقاله اشوف هو

    موجود ولا لا لكن مالقيته وشريت لي فطيره وعصير ورجعت للمصلى مالقيت الحرمتين وجلست انتظر لموسه ونونو

    يخلصون وشغلت القيم بوي وقمت العب كراش<<<رواقه


    في سيارة نايف طبعا كان هو اخر واحد يمشي من المحطه

    تعدوا المحطه تقريبا ربع ساعه

    حلوي طبعا ماتقدر تجلس بدون رموس لكن انشغلت بالابتوب

    حلوي:رموس

    حلوي تلتفت ورا على البنات ومالقت الا لموسه ونونو :بنات رموس موب هنا

    لموسه :لا ماشفتها

    التفت حصه على البنات:وش فيكم بنات

    حلوي:رموس موب موجوده

    نوفوه :يمكن تسوي مقلب شوفو يكمن ناطه ورا في الاخير

    لموسه ونونو التفتوا الشناط مثل ماهي ماتغيرت

    نايف وقف على جنب:ودق على اخوانه كلهم وحتى السواقين كلهم قالوا رموس مو معنا

    ومنيره سوت لهم مناحه :اكيد بنتي خطفت اكيد خذوها ذا الهنود

    وتركي يهديها وكلهم رجعوا للمحطه

    واول ماوصلوا نزلوا الرجال والشباب يدورونها منيره نزلت ونزلت معها هدى ومريم


    وراحت للمصلى ولقتها تاكل وتلعب بغت تنجلط ومسكتها مع عبايتها وطلعتها وماقدرت تقول شي ومنيره ومريم يهدونها

    مريم:يابنت الحلال تعوذي من ابليس هذي عندك مافيها شي احمدي ربك ماصار لها شي

    طلعت رموس وامها ماسكته وتلقا اخوانها والرجال حتى جدها وهي خلاص مو مستوعبه شي وقام كل واحد من اخوانها يقط

    تهزيئه والجد يسكتهم بس لا حياة لمن تنادي

    جا عندها تركي وضمها وهي خلاص زعلانه من اخوانها

    المهم كلن ركب سيارته ويتفقد اللي معه وركبيت رموس مع نايف ولا كانت منيره تبي تركبها معه لكن تركي حاول فيها

    وركبت مع البنات رموس

    اول ماركبت وركب الكل

    نونو ولموسه ماسكين ضحكتهم وحلوي يقالها طيبه راحت تهدي رموس

    حلوي:خلاص حبيتي رميسه والله الدنيا ماتسوى الزعل

    ريماس مكتمه ومقهوره من حلوي لانها قالت رميسه

    نوفوه ولموسه ونونو وريموه:هههههههههههههه وحصه بعد معهم ونايف

    حلوي:خير مافي شي يضحك خلاص رميسه وبعدين نسيناك في المحطه ورجعتي وبعدين واللله الدنيا ماتسوي زعل

    رميستي

    البنات ونايف وحصه فاطسين ضحك على اسلوب حلوي:ههههههه

    المهم مرت سبع ساعات وهم والله ماغفت عينهم يعني سالفه تجر سالفه ورموس رضت ونست السالفه ونايف استانس عليهم

    وقال :خلاص بنات انتم دايم اذا سافرت بخليكم معي عشان ماترقدوني

    وصلوا على اذان الظهر وهم تعبانين وحجزوا لهم شاليهات الجد والجده والشباب وعيالها مع بعض في شاليه لمدة خمس

    ايام وشاليه للحريم والخدم ومعهم البنات وكلهم رقدوا الا الشباب لا نهم نايمين في السياره وفيصل اللي كان يسوق راح

    ينام وقاموا على الساعه 4 العصر الا البنات ماقاموا الا الساعه 6:30 المغرب

    حلوي:بناااات يالله ابي اروح اتمشى

    نونو توها قايمه من النوم:ياقلق انتي خلينا ننام

    رموس:يالله بنات قوموا جدي يقول تمشوا خذوا راحتكم يالله مشينا

    المهم بعد جهد وجهيد قاموا البنات وتروشوا وتجهزوا ولبسوا عبااياتهم وطلعوا

    وهم يمشون رايحين للملاهي والمحلات

    قابلهم يوسف:ها بنات وين رايحين

    لموسه:بنروح للمحلات اللي هناك

    يوسف:اجل بروح معكم عادي؟؟؟

    رموس:يالله امش معنا

    وراحوا للمحلات وكان في محل حق تغليف الهدايا وفي دباديب وحركات عاد نونو معها كاميرتها الفديو ماخلت شي الا

    صورته وكان فيه مسبح كبييير وفيه بزران وفي قوارب ونونو ولموسه الا يركبونها

    نونو:لو سمحت نبي نركب

    الهندي:معليش مدام بس رجال وبيبي

    نونو:طيب انا ابي اركب

    الهندي:مافي لا مافي اركب انت حرمه كبير

    نونو:زين ان ماركبت ماكون نوير

    لموسه:حلوووه نوير هذي هههه

    نونو:بنات عيا يركبني وش اسوي

    يوسف:تبين اركبك

    نونو:ياليت

    يوسف:خلاص بروح اركب لي وحده واخذك انتي والبنات من هنا اوك

    نونو ولموسه طاروا الفرحه

    بموسه:يالبى قلبك والله

    راح يوسف وركب له قارب وراح جهت البنات

    ريموه:بنات الهندي مشغول يالله اركبوا

    حلوي :انا مابي اركب بروح العب القراصنه

    وركبت لموسه قدام مع يوسف ونونو وريموه وراء ونوفوه ورموس مالقوا مكان ونطت ريماس بين ريموه ونونو القارب

    مال على ورا

    يوسف:نوف تعالي اركبي هنا بيني وبين خالتي الماسه

    ونطت نوف وركبت والقارب يرقل يعني يرتفع وينزل

    الهندي مانتبه لهم

    نونو:اسرعوا تكفوون

    لموسه:نونو

    نونو:هلا

    لموسه بضحك:ادعس ذا البزر مدري ليه قاهرني

    رمووس:ادعسيييييييه

    >>كانو الناس متفاجئن من هالجريئات ولا بعد زحمه وما معهم الا رجال واحد<

    واتجهوا له والبنات مستانسن مرره ويضحكون

    وجات المفاجاء لقوا طاوله عند المسبح فيها سعد وعبد العزيز ونايف وتركي ومازن ومعهم رجال مايعرفونه وواحد معطيهم ظهره

    وكانوا عند خوخه وثموري اللي يسبحون وسيريتا وكاتي واقفين عند البزران

    يوسف اول ماشاف هم تلثم والبنات قلوبهم طاحت بالماي

    والهندي قاعد يصرخ عليهم وهم خايفين من خوالهم وعمانهم لان معهم رجالين غريبين واكيد بينقدون عليهم




    عند حلوي

    جالسه على كرسي وكل ماشافت بزر ولا بنت صغيره تعكرف لها وتطيح وتقول:سوري ماشفتك

    المهم شافت شغاله بجنبها

    حلوي:هاي تسييييييييييف الحال<<<ابد ماتجتمع

    الشغاله:انتي شنو تحجين

    حلوي انصدمت لانها طلعت عراقيه ومتحجبه:انتي شو اسمك؟

    العراقيه:اني اسمي روقيه

    حلوي:انتي من وين

    روقيه:اني من البصره وانتي شو اسمج

    حلوي:اسمي عمشى

    روقيه:انتي اسمج عمشى

    حلوي:لا اسمي خديجه

    روقيه:مافهمت

    حلوي:اقولك اسمي جميله

    روقيه:اوك مع السلامه وقامت عنها وهي تحس ان فيها قل الصح<<هههه

    مرت من عندها بنت كذا عمرها 15 &16 وعكرفت لها وطاحت البنت طيحه شنيعه

    البنت تبكي:والله لا اعلم اخواني عليك يالجفسه وفامت وهي تمسح دموعها وتعرج

    حلوي:بسرعه قبل لا ينحاشون اخوانك

    البنت:انتي وحده قليلة ادب

    حلوي:لا فيزيا احسن

    البنت:انتي ماتستحين

    حلوي:لا ابد ما استحي

    البنت :انتي ليش كذا تحبين تاذين الناس

    حلوي:مدري اسئلي عمرك

    البنت:وانا وش سويت لك

    حلوي متكتفه:انتي ماقلتي بعلم اخواني واحسن بعد لو تعلمين ابوك؟؟؟؟

    لبنت:لا ابوي ميت وبعلم اخواني والله يذبحونك

    حلوي*اكيد اخوانها بزران بس حرام البنت يتيمه اكيد تكذب علي * وصارت تسوي نفسها تصيح:يمه والله خوفتيني ابي امي

    ابي ابوي ابي جدتي ابي كاتي ابي متحت ابي سا.......
    .
    قطع كلامها رجال كبير طويل عريض معضل تقول بودي قارد:حبيبتي خلود وش وقفك مع هالحرمه يالله حنى بنمشي

    حلوي تجمدت بمكانها*واويل قلبي ويلااه هذا الوجهه مو غريب علي هذا اكييد ... *

    خلود ضمت اخوها:شوف هذي الحرمه طيحتني تكفى هاوشها






    __________________________________________________ __________________________________________________ ____________________________________اابي ردودكم واهم شي توقعاتكم

    ============================================
    البنات وش راح يصير لهم ؟؟؟؟

    من الرجال اللي عند حلوي؟؟؟؟

    يوسف وش بيصير له لو عرفوا خواله انه هو اللي مركبهم؟؟؟؟

    والبنت اللي عند حلوي من تكون؟؟؟؟؟
    ===========================================

    ^
    ^
    ^
    ^


  10. #50

    افتراضي

    __________________________________________________ __________________________________________________ __________________________________________
    البارت الثامن

    عند الطاوله

    سعد:اعوذ بالله الله يستر علينا وعلى بناتنا

    عبد العزيز:ايه والله صدق مايستحون هالبنات وين اهلهم عنهم

    تركي:الله يهديهم بس

    نايف:سلمان التفت على اللي وراك ههههههه والله انهم نكته متزاحمين بقوه

    التفت سلمان:اف وش هالشعب مشاء الله المشكله كلهم بنات ومعهم ولد واحد

    مازن:ههههههه شف الهندي شوي ويطق فيه عرق هههههه






    في القارب

    لموسه:يمه بنااات يوسف خلنا ننزل

    يوسف:مرتبك:وين انزلكم فيه يالدبش حنا في النص حواف البحيره بعيده شوي وذا القارب يمشي على بيض

    الماسه بخوف:نواره سلماااااااااان

    نونو في هاللحظه ميته من الضحك:ههههههههههه

    نوف:وش تضحكين عليه يالخبله

    ريمااس:صارت تضحك معها لا شعوريا:ههههههههههه بنات والله حنا مزنوقين ههههههههه

    نواره: تمسح دموعها من الضحك:رموس وش رايك نخربها ونطب>يؤ يؤيؤ

    رموس:لا يع بس والله فكره

    لموسه تلتفت على البنات وهي ميته خوف:بنات وش بتسوون

    نونو بابتسامه:بنطب

    لموسه:مستغربه :وين بتطبون

    نونو:وين بنطب فيه بنطب في المسبح

    يوسف:*حمدالله هذي عاقله ولا مجنونه بصراحه اشك*:اقول بنات لحد يتهور

    نواره:يوسف اوعدني محد يدري

    يوسف:ما اوعدك

    نواره تحسبه يقول اوعدك وريطت عبايتها على خصرها وتحجبت بدون محد يلاحظها وصارت تحت المويه

    رموس لحقتها وصاروا يسبحون بعباياتهم وهم يعرفون يسبحون واللي في القارب

    يوسف وريموه ولموسه ونوفوه

    متفاجئين منهم ومنصدمييين بقوه

    طبعا المكان هم في الليل واللي بيدقق في البحيره بيلاحظ

    رموس ونونو هم تحت المويه

    الين وصلوا لحافة المسبح وطلت نونو براسها شافت البوابه اللي تروح للشاليهات والتفت لقت المحلات والملاهي والهندي

    خذا له قارب وسحب قارب البنات وجا عندهم مدير الشالهيات..............؟؟؟؟؟؟

    رموس بصوت واطي:نونو ياويلنا مدير الشالهيات عند البنات اكيد بيجينا

    نونو عينها على الناس والطاوله اللي فيها ابوها وعمانها:ايه عارفه شوفي بما ان هنا مظلم المكان شوي والبوابه قدامنا انا

    بطلع وبدز للبوابه وانتي وراي اوك وتغطي عشان مايعرفونك

    رموس:اوكي تغطوا بطرحهم اللي كلها مويه

    نونو شافت احد بينتبه لهم مالقت احد

    وطلعت بسرعه وصارت تمشي زين عشان مايشكون فيها

    لكن فيه ناس عرفوا انها طالعه من المسبح وناس اعتقدوا انها لابسه العبايه اللي فيها لمعه

    وطلعت وراها رموس <<وياليتها ماطلعت

    اول ماطلعت صارت تتلفت وصارت تركض وطاحت طيحه شنيعه والناس اللي حولها ميتين من الضحك وبعضهم يناظرونها

    بنظرة احتقار

    نونو:*يووووه الله ياخذها ذي بتفضحنا*

    مشوا بين الشاليهات وكانت ظلماء شوي وهم رايحين لشليهم لقوا ناصر وسلمان وفيصل جايين

    رموس:ياويلي ويلاه واخواني قدامي يالليل الليل

    نونو:يوه صدق نكبه

    ولقوا

    على يمينهم شاليه مفتوح بابه

    نونو:رمووس

    ريماس:ها

    نونو:يالله ندخل ولا مروا نطلع ونروح لشليهنا

    رموس:يمه نواره واذا احد طلع لنا

    نونو:لا انشاء الله بس قولي استودعتك نفسي

    رموس:اجل يالله وش ورانا

    ودخلوا الشاليه وكان شبه مظلم لقوا غرفه اتوقع انه مخزن ودخلوا فيها




    عند حلوي

    خلود ضمت اخوها:شوف هذي الحرمه طيحتني تكفى هاوشها

    .......:خلاص حبيبتي عادي يمكن مادرت

    خلود:اصلا انا سامحتها بس هي اصلا ماتستاهل

    .......:خلاص حبيبتي يمكن مادرت

    التفت على حلوى لقاها نفس وضعيتها*ياربي هالشكل مو غريب علي *

    حلوي مرتبكه:ااا السلام عليكم كيف الحال سلطان مدري سلمان؟؟

    سلطان:*قلته والله مو غريبه علي*:هههههه هلا والله تمام انتي كيفك
    حلوي تبلع ريقها:تمام انا اسفه على اللي حصل
    وقربة وحده تتمخطر وضخمه مشا الله:السلام عليكم ممكن تعرفني عليها يالخاين
    خلود:انتي وش تبين خير وش جابك
    سلطان:بس حبيبتي ماعليك منها
    البنت:طيب ياسلطان هذي اخرتها توقف مع وحده ماتسوى ظفر رجلي
    اووه هنا حلوي شبت كان لو بيدها انها تهرسها:حلوي بصوت عالي :هيييه انتي شوفي من تكلمين ياقليلة الحياء
    سلطان صرخ:بس وانتي مشاعل انقلعي من وجهي لا اكسر راسك الحين
    مشاعل ضحكت ضحكة تهزي وهي من داخل مقهوره لانه يدافع عنها:اوك حسابك بعدين
    ومشت
    حلوي مقهوره:جعلك الطيحه المستعجله اللي تكسر راسك تدخلك بغيبوبه وتجلسن سنتين وتموتيييين
    سلطان:ههههه امسحيها بوجههي هذي وحده اصلا مريضه
    حلوي:من هذي سحيله ام الخلاقين
    خلود:هذي الزفته مشاعلوه بنت عمتي بس صدق انتي تعرفين سلطان وشلون؟
    حلوي:لا حنى جيرانكم بس ماتعرفونا وسلطان هذا سالفته سالفه طويله وحتى سلمان اخوك اعرفه
    خلود:سلطاان
    سلطان كان سرحان
    خلود تاشر بيدها على وجهه:هيه سلطاااااااان
    سلطان: هلا بغيتي شي
    خلود:وينك اناديك لي ساعه ولا سرحت بمشاعلوه مدري ليه انت تحبها عاد من زينها الدبه
    سلطان:عيب ياخلود مهما كان هذي تصير بنت عمتك ومايصلح تقولين هالكلام عنها
    خلود بقرف:وانا اللي قاهرني انها بنت عمتي مالت عليها
    سلطان:وش قلنا
    خلود:اف خلاص مع انها ماتستاهل سحيله ام الخلاقين على قولت .الا صدق وش اسمك انتي؟؟
    سلطان:خلود وبعديين
    حلوي:اسمي حلا قصدي حلووي
    خلود:حلو اسمك عندك خوات ولا بنات عم انصحك لا تصير عندك بس بنات عمه تراهم عقارب
    حلووي:هههه لا حرام بلعكس انا وبنات عمتي متفاهمين وقلوبنا على بعض
    خلود:ياحظك مشاء الله بس قولي لي اسماهم
    حلوي صارت تعد باصابعها:عندي عمتي لموسه اسمها الماسه وبنات عمتي منيره ريماس وريموه وبنت عمتي هدى نوف
    سلطان*اف ماقالت اسم نونو *
    خلود:بس هذول بنات عمتك
    حلوي:ايه وعندي اخت عربجيه وخبله وفاصل عندها المخ اسمها نواره
    خلود:ياحبي لها ودي اشوفها واشوف بنات عماتك وعمتك بعد
    حلوي:يالله انا استاذن بروح عند بنات عمتي تلقينهم مسوين مصيبه
    خلود:اذنك معك بس حبيت اخذ رقمك يعني اذا سمحتي
    حلوي اسمعي حبيبتي انا الرسميات هذي انا مااحبها اوك وخذي رقمي ..........050
    وراحت عنهم



    عند البنات
    لموسه تصيح من الموقف
    المدير:انتوا شلون تركبون وممنوع ركوب الحريم هذي مخالفة قوانين
    كلهم ساكتين لان مافي احد يرد مثل رموس ولا نواره ولا حلوي
    الهندي:شوف بابا انا قول مافي اركب بس قول لازم اركب
    المدير:وين ابائكم
    لموسه:لا تكفى ياخي استر علينا حنى شفاتنا في هالقوارب سامحنا وخلنا نمشي
    المدير :هذي المره لكن مره ثانيه بانادي ابوانكم يتصرفون
    وطلعوا البنات وهم مكتمين ويوسف حلف ماعاد يروح مع البنات وراح يشوف المصيبه رموس ونونو
    قابلتهم حلوي:ها بنات وش اخبار القوارب
    لموسه ضمت حلوي وهي تصيح
    حلوي:وش فيكم احد درا انكم راكبين
    يوسف كل اللي في الشاليهات دروا والمدير نادانا وكان بيعلم ابوانا بس الحمد الله سامحنا
    حلوي:طيب هذي ليه تبكي
    نوف:تبكي من الخوف
    ورجعوا للشاليهات

    في المخزن
    كان المكان مظلم
    نونو فاصخه عبايتها وتنفضها لعل وعسى تنشف ورموس بعد مسويه زيها اخر شي نونو طفشت وعلقت عبايتها وقامت هي ورموس ينبشون الاغراض ولقت رموس كيرم
    رموس تنادي نواره:نونو تعالي كيرم
    نواره نطت عندها :امانه الله وناااسه وش رايك نلعب بس فيه حبوب
    رموس صارت تدور على الحبوب ولقتها:ايه هذي الحبوب
    نونو:طيب دقيقه بروح اشوف الشباب تعدوا هالشاليه ولا لا
    ومامداها تطلع الا رجال ومعه بنت داخلين
    نواره رجعت لريماس:رموس تخبي في رجال جا
    رموس:طيب وش جابه هنا اكيد بيدخل الشاليه موب جاي المخزن
    نونو:ياغبيه احتياط طيب افرضي جا هنا احسن لنا نتخبى
    رموس لقت دولاب ودخلته ونونو ركبت فوق الدولاب وكان السقف قريب وانبطحت فوق
    انفتح الباب والمصييييييييييييبه ان عباية نواره معلقه
    دخل رجال ومعه بنت
    نواره شهقت ابد ماتوقعت يكون سلطان *من هالبنت اللي معه بس تشبهه اكيد اخته *
    سلطان:خلود قلبي خذي لكيرم عشان نلعب
    خلود انتبهت للعبايه:سلطان هذي عباية مين
    سلطان:عبايتي
    خلود:لا جد
    سلطان:وانا وش عرفني
    خلود:اجل عباية مين توقع انها عباية مشاعل وهي داخل الحين
    سلطان صار يناظر اخته مستغرب:وش جابها هنا
    خلود:مو هي تقول حسابك بعدين اجل اكيد هي موجوده
    سلطان:بس هذي مو عبايتها انا اعرف عبايتها وسيعه وطويله لا هاذي لا اهي وسيعه ولا طويله مره
    خلود:ايه صح بس ما عليك منها الا بسالك انت اليوم وانا اسولف مع حلا وين سرحت
    نواره:*الله ياجعلك الكحه المشتبه على قولة رموس ياحلوي*
    سلمان انحرج من اخته :ههههههه لا معكم بس يتهيا لك
    خلود بخبث:علي ياسلطان لا تكون بس طحت ولا احد سمى عليك
    سلطان وهو حده منحرج:لاااا ويين انا بعد مشاعل مستحيل احب
    خلود:والخدود الحمراء وش افسرها
    سلطان :لا احلفي وش شايفتني بنت
    خلود بابتسامه:والله مايندرى ياسلطان انا اعرفك اكثر من نفسي بس انا حلفتك ان حبيت قلي عشان اظبك ولا ترا انا لا اختك ولا انت اخوي
    وكانت بتطلع بس وقفها سلطان:طيب دقيقه انتي يوم كنتي تسولفين مع حلوي وسالتيها عن بنات عمتها واختها وش اكثر وحده تحمستي انك تشوفينها
    خلود:دقيقه اتذكر اسمها امممم يووه نسيت اسمها انت تذكر
    سلطان بسرعه:نونو اا قصدي نواره
    خلود :ههههههههههههههههههههههههههه واخيرا كشفتك
    رموس وهي داخل الدولاب حست بشي يمشي على رجلها وحاولت تنفض رجلها عشان يروح لكن مشى لفخذها وهنا خلاص قامت تصايح داخل الدولاب ونواره خايفه لان الدولاب صار يهتز
    سلطان فتح الدولاب ورموس طلعت بوجهه وهي مستمره بالصراخ وصارت تنطط وطلع منها هذاك الضاطور مدري البريعصي اللي كانه ضب<يؤيؤيؤ
    رموس:صرخت صرخه اهتز الشاليه:يمممممممممممااااه وقلبي هذا الي كان يمشي علي وااااااا وصارت تهز الدولاب نست ان فوقه نواره
    نواره*جعل يدك البتر يارمسه بطيح وتقولين مادريت الله ياخذها والله بطيح يممه ههههههه*
    نواره كانت تحاول انها تمسك لكن ماقدرت وطاحت على ضهرها :ااااااااااااااااااااه
    سلطان تجمد بمكانه مايصدق ان هاللي قدامه نواره وخلود خايفه* هذولي منين طلعو*
    رموس انصدمت ان نواره طاحت راحت عندها:نونو والله ماكان قصدي بس عسى ماطحتي<هههههههه
    نواره ماكان عليها عبايه
    سلطان قرب من عندها بخوف:نونو تعورتي
    نواره كانت ساكته وخلاص بتبكي لان الطيحه المتها مره بس تبلع العبره:لا مافيني شي بس ابي اروح عند امي وماقدرت تكمل لانها لو انطقت بشي راح تبكي
    اتجه سلطان لعبايتها ومدها لريماس خذتها نواره وقامت بصعوبه لكن ماقدرت توقف:اااااه وغمضت عيونها من الالم
    ريماس عنزت لها ولبست عبايتها وتغطت بطرحتها وخلود منصدمه بقوه بس قاعده تناظر المشهد<<اهم شي
    سلطان لحقهم وهو قلبه مع نواره وفتح الباب لهم وطلعوا اتجهوا لشاليهم وشافوا قدامهم البنات وصلوا للشاليه وماكان فيه الا الخدم والحريم طلعوا يتمشون
    وراحوا لغرفهم وكل وحده تقول وش اللي صار لها ولموسه استنانس ان سلمان موجود ونواره راحت تنام لان ظهرها يالمها وقالت لهم ريماس عن موقفهم وهم ميتين ضحك وجات الساعه تسع وجاوا الحريم وقالوا لهم قوموا نواره لان بنروح لشاليه الجد بيجون رجال بيتعشون عنده وطلب منهم الجد انهم هم اللي يسون العشاء بانفسهم
    وقوموا نواره وتكشخوا وراحوا الشاليه
    وكان كل الرجال الجد وسعد ومازن ونايف وعبدالعزيز وتركي وفيصل وسلمان وناصر ويوسف وراكان وفيصل ولد منيره وسلطان وسلمان ومحمد ولد عمتهم اللي استانس على ناصر ويوسف وسلمان

    في الصاله الحريم والبنات
    مريم:ها عسى بس استانستوا يابنات
    البنات:ايه الحمدالله
    هدى :عاد يابنات فيه مفاجئه مسويها ابوي لا رجعنا للرياض حتى عبدالرحمن وفهد دارين بالمفاجئه)عبدالرحمن ابو نوف وفهد ابو ريماس وريم(
    ريموه:الله وناسه اكيد مفاجئه تهبل
    نواره:اكيد شي يجي من جدي حلو
    لموسه:اكيدين
    مريم:نواره يابنتي وشفيك مو على بعضك تحسين بشي
    رموس:لا بس دلع بنات
    نواره:انتي اخر وحده تتكلم ماتعبني الا هي يمه
    ريماس تذكرت الموقف:ههههههههههههه
    والبنات صاروا يضحكون:هههههههههههههههه
    هدى:ماعليك منهم اكيد تلقين نواره مسويه فيهم شي وردوه لها
    سلمان ولد منيره :احم احم ياولد<يعني بيدخل<
    البنات تغطوا الا لموسه ورموس وريموه
    منيره:ادخل ياولدي
    دخل سلمان:هاااااااي
    نواره بصوت واطي:وعليكم الهاي
    منيره: ها بغيت شي
    سلمان:ايه تعالي لموسه بقولك شي
    لموسه:اوكي
    وطلعت معه
    سلمان:انتم اليوم راكبين القوارب
    لموسه برتباك:من اللي قالك
    سلمان:ماعليك من اللي قالي بس جاوبي على سؤالي
    لموسه:نزلت راسها:ايه بس امانه ماتقول لبوي
    سلمان:هههههههههههههههههههههه
    لموسه باستغراب:وش يضحكك
    سلمان:والله انكم رجه ومن الي طب في المسبح احس هذي قويييه هههههههههه
    لموسه:مادرت ان سلمان يستدرجها عشان يشوف خواته سووها ولا لا:هههههههه ايه هذي رموس ونواره
    سلمان:ههههههههه ياجرئكم بس رموس هذي حسابها معي عسير
    لموس:اقول بلا عسير بلا ابها خلك ساكت احسن
    سلمان:طيب قولي لهم بكره العصر بنروح لحديقة الحيوان
    لموسه طيب بس ممكن اطلب طلب
    سلمان:انتي تامرين امر
    لموسه: ياقلبي عليك بس ابيك بكره تفطرنا بمطعم
    سلمان:اوك بس الساعه 8 تكونون جاهزين اوك
    لموسه باسته مع خده :اوك
    ودخلت عند الحريم وقالت لهم ان بكره العصر بيروحون الحديقة الحيوان وراحت عند البنات وقالت لهم عن الفطور وطاروا من الفرحه
    المهم تعشوا الرجال والحريم قالوا بيجلسون عند الجد شوي بعدين بيرجعون والبنات استاذنوا عشان يقومون بدري وهم طلعوا من الشاليه حق جدهم
    لموسه:واااي بنات سلمان هنا
    نوف:ايه هذا هو رايح لشاليهم
    لموسه:ودي اروح اسلم عليه
    حلوي:اقول انطقي بس قال اسلم عليه قال
    لموسه:طيب ليه نواره:عشان يمكن يطلع واحد من العيال ويلقاك واقفه معه اقول بس بلا فضايح
    سلمان قرب من عندهم :السلام عليكم بنات
    لموسه بغت تجيها السكته القلبيه
    البنات:وعليكم السلام
    سلمان يدور بعينه على لموس:كيف الحال ان شاء الله تمام
    رموس:هذي هي لموسه بدال ماتضيع عيونك
    سلمان انحرج:ههههه لا ماكان قصدي كان قصدي اسلم عليها بس
    لموسه:انا الحمد الله بخير ومشت عنهم وسحبت نوف معها ونواره لحقتهم
    سلمان:خلاص انا استاذن بس حبيت اسلم عليكم من زمان عنكم
    حلوي:الله يسلمك حنى بخير واذنك معك
    رجع سلمان للشاليه والبنات راحوا لشاليهم وعلى طول ناموا الا لموسه اللي كانت تفكر بسلمان الين نامت
    الحريم رجعوا للشاليه ولقوا البنات واستغربوا مو من عوايدهم ينامون بدري
    جا الصبح وقاموا البنات الساعه 6 الصبح
    وقاموا البنات بعد جهد وجهيد وتجهزوا ولموسه راحت لشاليه الشباب تقوم سلمان ولقته قايم هو وناصر
    وقال لها سلمان ربع ساعه واشوفك برا
    المهم طلع سلمان لقاهم متجهزين للروحه ومتحمسيين حدهم وركبهم الهمر حق فيصل اخوه ناصر قدام والماسه وراناصر وجنبها حلوي وبعدين رموس وراء نواره بعدين ريموه بعدين نوف
    وطول الطريق مشغلين عيضه المنهالي اللي تموت فيه حلوي على اغنية اهمه وناصر متنكس وصلوا لمطعم ماك
    سلمان التفت على البنات:اسمعوا على ثنتين ثنتين عشان الناس مايقولون وش هالشعب اللي جايبه اوك
    البنات متمللين:اوك
    نزلوا ناصر وسلمان ووقفوا عند الباب ونزلت لموس مع رموس ودخلوا وبعدين ريموه ونوف ودخلوا وبعدين نواره وحلوي <ياااليتهم مانزلوا
    كانت واقفه سياره في واحد مبين عليه رسمي واقف عند سيارته المهم نواره وحلوي قربوا من عند الباب وسلمان وناصر عينهم عليهم دخلت نواره وحلوي بنفس الوقت ونشبوا في الباب
    نواره ميته من الضحك:اطلعي انا بادخل اول
    حلوي:هههههههه لا انا انتي اطلعي
    وطلعوا مع بعض ودخلوا بنفس الوقت ونشبوا مره ثانيه
    نواره وحلوي:هههههههههههههههههههههههه
    والبنات شافوهم والناس التفتوا عليهم وهم ميتين من الضحك والرجال الرسمي يضحك
    سلمان:يلعن ام النكبه ادخلوا فضحتونا
    ناصر:هههههههههههه انا مااعرفكم
    حلوي ونواره ماقدروا يتحركون من الضحك وسلمان ارتفع عنده الضغط منهم ودزهم بقوه الا هم طايحين داخل المطعم وقاموا وهم خلاص بيموتون من الضحك وناصر فاطس ضحك على سلمان والبنات يساعدونهم وهم فاطسين ضحك كانوا يمشون بين الطاولات وكانهم سكارى من الضحك وجلسوا على طاوله وسكروا الستاره وريموه طاحت من الضحك والمهم وقفوا من الضحك
    لمنوسه:بنات وش تبون فطوركم
    ومسكت المنيو :انا ابي عصيير عطشانه
    نواره:وانا بعد جيبي لي معك ابيه باااااااااارد
    حلوي:بنات ابطلع مابي انحكر في الغرفه
    نواره:يالله مشينا
    ريموه:خلاص انتم روحوتا وانا ولموسه بنطلب لكم
    نوف اجل بنات بروح معكم
    رموس:وانا وين اروح
    نوف:روحي للعيال شوفي وش طلبهم واطلبي معهم
    رموس:خلاص طيب
    حلوي ونونو ونوفوه راحوا للملاهي <مو ماك فيه زحليقه طووويله هذي هي اللي ناوين عليها
    اول ماوصلوا نونو دخلت الدرج حق الزحليقه ولحقتها حلوي ونوف منصدمه*لا والله انجنوا بنات خالي بس وش وراي خلني الحقهم ولحقتهم وهم يضحكون طول ماهم يصعدون
    نواره وصلت للزحليقه وتزحلقت على طول لكن الموت من حلوي ونوف تعسروا وهم يتزحلقون لانها تكهربهم ونوف تدز حلوي وهي ميته من الضحك
    حلوي بصوت عالي:يممه نشبت
    نوف:ههههههههههه امشي انا نشب وراك
    حلوي:نوف يمه قلبي والله خايفه وااااااي
    نوف:ههههههههههه حتى انا ناشبه وراك وش تبيني اسوي وصاروا يسحبون انفسهم
    نواره اول ماطلعت تغطت بطرحتها وعرفة ان البنات نشبوا وقالت بسوي حركة نذاله وانادي الشباب<بجد نذاااله
    راحت عند طاولة الشباب لقت سلمان :احم احم
    التفت عليها سلمان:نعم وش تبين
    نواره*العن ام الاسلوب*:ممكن مساعده
    سلمان:ها وش عندك
    نواره:فيه حرمتين ناشبين بالزحليقه قلت اقولك عشان تقول لمشرف المطعم
    سلمان قام:اف وانا وش علي بس بروح اطلع هالبقر اول مره صراحه اخبر حريم يركبون زحليقه اعنبو بزران
    مو حريم
    اتجه سلمان للملاهي دخل راسه في نهاية الزحليقه وشاف طرف عبايه:اقول وش رايك تركبين تطلعينهم
    نواره:لا انا بكبري تبيني ادخل افا وش شايفني بزر
    سلمان:لا بكبرك ماتقدرين تدخلين زحليقه لكن بكبرك تقدرين تسبحين بعبايتك قدام الناس
    نواره بلمت*يمه وش دراه8:خلاص بدخل واطلعهم
    وسمعوا صراخ داخل الزحليقه
    نوف:هههههههه بصوت عالي حلوي ياحيوانه لا تسحبيني اااااااه وطلعت حلوي و واول ماطلعت طاحت بالارض ووراه نوف
    سلمان تفاجئ:لانه عرفهم:الله ياخذكم من بنات فضحتونا بالله وخلقه اصلا انا غلطان يوم انا جايبكم وطلع من عندهم
    البنات انفجروا من الضحك ورجعوا للطاوله
    ولقوا الفطور وولموسه وريم قاعدين قعدوا معهم وفقدوا رموسه وقالوا لريم تناديها
    راحت ريم لطاولة الشباب لقتهم يفطرون وسلمان يتحلطم ومعصب وناصر بس يضحك ومالقتها قالت اكيد في دورات المياه الله يعزكم وراحت لدورات المياه حقت الرجال تحسبها حقت الحريم وطلع رجال وطلعت هي بسرعه ودورت حمامات الحريم الين لقتها ودخلت دورتها ومالقتها بعد *يالليل هذي وين راحت وصارت تمشي وتفتح الغرف وكم مره صادفة ان فيها ناس
    ولا لقتها وسالت الجرسون عنها ولا لقت منه اجابه وطلعت من المطعم ولا لقتها وراحت لبقاله ولا لقتها بعد بعدين قرصها قلبها وخافت على اختها وقالت مافي الا اني اقول للشباب وقالت لهم وقلبوا المطعمم فوق تحت ولا مروا البنات بس يدورون وريموه بدت تنزل دموعها وقال لها سلمان روحي طاولة البنات وانا بدورها انا وناصر
    اول مادخلت تفاجئت ان ريماس جالسه مع البنات وتاكل لو كان بيدها انها تنحرها ورجعت للشباب وقالت انها لقتها وقاموا يهاوشونها يحسبونه مقلب المهم كلوا وريم قالت لهم وش صار لها واقاموا يضحكون عليها ورجعوا للشاليهات وناموا وسلمان حلف ماعاد يروح مع البنات<هههه
    جا العصر والامهات قوموا بناتهم والبنات تجهزوا ولبسوا عباياتهم وكلن ركب سيارته البنات راحوا مع تركي وراكان المهم وصلوا لحديقة الحيوان والبنات صاروا يتمشون ومعهم راكان وتركي والجد والجده ومعها البزران وعيالها والحريم فرشوا زوليه على الارض وجلسوا ومعهم قهوه وشاي وفطاير وحلويات والاشياء هذي وبدوا بالسوالف والشباب يتمشون
    راكان ركبهم عربية حصان لانه مايقدر يمشي اكثر من كذا وكان الهندي داج شوي مشغل لهم اغنية هنديه وبدت نوف تهز ونواره تقلد الهنديات هي ولموسه وتركي وراكان مستانس عليهم بعد ماخلصوا راحوا للقرود
    وقفوا عند الشبك لكن الملقوفه حلوي شافت الباب مافيه قفل وفتحته ونط عليها قرد وتعلق في رقبتها وصارت تركض وتدور حول شبك القرود وهي تصارخ ونواره ميته ضحك وتصور شكلها وتركي وراكان انصدموا وش يلقفها تفتح باب القرود وراح تركي يقفل الباب وشاف حلوي جايته وهي ترض وصار يلحقها وهو يضحك عليها والقرد يضرب راس حلوي والبنات فاطسين من الضحك والناس اللي حولهم بعد تركي مسكها ومسك القرد وجا عامل يشتغل بالحديقه وخذا القرد ودخله وقفل الباب المهم حلوي تمشي وتحلطم ومتقرفه من عبايتها
    لموس:محد قالك تفتحين الباب
    اما البنات :ههههههههههههههه
    وجلسوا على طاوله قريبه وركان وتركي صاروا يتمشون بلحالهم
    ريموه:بنات مشتهيه كون زون
    نواره:اجل امشي نشتري على عددنا بس نبي وحده تجي
    نوف:خلاص انا بروح معكم

    وراحوا البنات عند كون زون وجابوا 2توفي و2شوكلاته و2 فانيلا
    وكل وحده شالت اثنين ورجعوا للطاوله كلهم طلبوا صحن الا نوف ونواره وريموه بسكوت ريموه ونواره رفعوا طراحهم وكلهو والبنات زيهم اما نوف كاااانت سرحااانه وتاكل لكن مايوصل لها الايس كريم وتاكل وتحاااول لكن مايوصلها سالت البنات:بنات انا مايجيني ايس كريم انت تاكلون ولا ماوصلكم زيي
    البنات التفتوا:هههههههههههههههههههههههههه
    نوف:بنات وش فيكم
    لموسه:ههههههههههههه نوف طرحتك كلها ايس كريم
    انصدمت نوف والتفت على الناس وكانوا يناظرونها ياستغراب وبعضهم فاطسين ضحك وتقشلت نوف وماتدري وش تسوينواره وريموه:ههههههههههههههههه رموس:اسمعي اقلبي الطرحه وحنى بنغطي عليك واذا قلبتيها روحي الحمامات*الله يكرمكم
    نوف سوت اللي قالته رموس وراحت والبنات لحقوها على الحمامات*الله يكرمكم* وفتحت غطوتها ووجها كله ايس كريم وهي خلاص بتصيح وغسلت وجهها والبنات يضحكون عليها وغسلت طرحتها وطلعت والطرحه ياسلام كلها مويه
    ورجعوا لطاولتهم وجا عندهم تركي وقال تعالوا شوفوا الفيله
    وراحوا معه ووتفرجوا على الحيوانات الين صارت الساعه 8 ورجعوا للشاليهات وكانت تمشيه ممتعه بالنسبه للكل
    البنات اول ماوصلوا راحوا لشليه الجد وتعشوا ورجعوا البنات سهروا على فيلم وانواع الشبسات والعصاير والحلويات والايس كريمات وطبعا مايعيشون بدون هواش وضرب وضريب
    وقامت نونو العصر والباقي كانوا نايمين ودارت بالشاليه لقت مافي احد كلهم راحوا يتمشون ودقت على ابوها وقال لها انهم رايحين لتلفريك وانقرهت لان كان ودها تروح تركبه
    وقومت البنات وقالت لهم وانقهروا
    لموسه:اف قسم قسمات انهم يجيبون العله
    نواره:والله ويجبيون الغثيان بعد
    حلوي مرووقه :اقول وش رايكم نتمشى بس ونخربها
    ريموه:وين تبينا نروح بالحبيبه
    حلوي:اهم شي نوسع صدورنا
    نوف:بنات بقولكم على سالفه بس لا احد يضحك علي امانه
    دق جوال حلوي وكان رقم غريب
    حلوي:بنات رقم غريب
    نطت نواره عندها:عطيني استهبل عليه
    وردت:الو مرحبا مستشفى شهار للمصحه النفسيه السلام عليكم
    ........:ههههه وعليكم السلام لو سمحتي ممكن تحولين لي غرفه فيها حاله مستعصيه
    :نواره:اوك خذ رقم التحويله واذا تعورت ولا جاتك فلقه ولا ركلة جزاء لا تلومني اوك خذ الرقم 999
    .......:مشكوره ماقصرتي ممكن تعرف
    نواره:اقول ضف وجهك يمال وجهك الحريقه يالماصخ يالفاصخ يالسامج يالملييغ يالسافل يالحقير الكبير جعلك المرض المستعصي والامساك المزمن
    ............:ميت من الضحك:هههههههههههه حشى ماالكلم بنت اكلم لي عجوز
    نواره:من تكون ايها الرجل السخيف
    ........:قد اكون سلمان اخ خلودي ماي سستر
    نواره وانصدمت ولموسه تدعي عليها وسكرت السماعه في وجهه:يووه بنات سلمان هههههههههههههههههههه
    البنات :هههههههههه
    لموسه :الله ياخذك يانواره صدق غسلتي شراعه بقوه بس ياحبي له
    نواره :الله يكون من حظك يارب


    عند سلمان وسلطان
    سلمان وخلود:هههههههه
    خلود:والله انها توحفه ياحبي لها بس جد مسحت وجهك بالارض انا بحظر كل اللي بيتعدون عليها وانصحهم هههههههههه
    سلمان:لا والله ترا طيوبهبس اذا احد سبها توريه الويل ماشفتي لموسه هذي البنت صراحه خيال
    خلود:والله واخواني طاحوا ولا احد سمى عليهم
    سلمان:هههههههههه انا بعترف صراحه هالبنت عاجبتني وافكر اخطبها
    خلود :الله يوفقك وتاخذ اللي في بالك بس في غيرك ما اعترف
    سلطان كان سرحان
    خلود:سلطاان
    سلطان:انتبه لها:هلا
    خلود: وينك وش السالفه هاليومين كاثر سرحانك ولا عشان مشاعل وش السالفه
    سلطان اعتدل :لا بس افكر في هالصدف
    سلمان:ليه من صادفت
    سلطان بحيره :نواره اول ماصادفتها كانت ناطه ببيتنا صح وامس كانت هنا بالشاليه وحتى خلود شافتها
    خلود تذكرت:هههههههههههههههههههه
    سلمان:طيب وش المشكله
    سلطان:مدري ليه احس انها تفرض نفسها علي
    سلمان:لا اما انها تفرض نفسها عليك ابد ما اتوقع
    سلطان:مدري ليه القاها بكل مكان قدامي
    سلمان: على الاقل احسن مني ماشوفها الا بالقطاره
    دخلت عليهم العمه بدريه:السلام عليكم
    سلمان وسلطان وخلود:زعليكم السلام
    بدريه يابتسامه:ها منهي اللي تشوفها بالقطاره لا انشا الله تكون من نصيبك وبتمل من شوفتها هههه<تحسب انها بنتها ساره
    سلمان:*اهب من متى وهي تسمعنا*:ههههه
    سلطان ماكان يحب يجلس بالمكان اللي تجلس فيه عمته:يالله انا استاذن
    بدريه:استنى انا انا ماجيت الا بقولكم بموضوع
    سلطان جلس مكانه
    سلمان:سمي ياعمه وش عندك
    بدريه وعينها على سلطان:سلطان من هي الحرمه اللي كانت معك اليوم
    سلطان:اتوقع مالك حق انك تسالين هالسوال
    بدريه:الا لان بنتي زوجتك المستقبليه ومارضى انك تخونها
    سلطان:انا ماخنت احد حيايتي وكيفي وانا ماوعدتها بشي عشان تقولين اني خنت بنتك ومابعد صارت زوجتي عشان تقولين هالكلام وطلع وهو مقهور من سيطرة عمته على حياته
    طلع برا الشاليه وطلع زقاره من مخباته وصار يدخن*انا مااعترف بحبي لنواره بس عمتي ليه تبي تزوجني بنتها انا مابيها عافها الخاطر بس انا اذا شفت نواره ولا سمعت صوتها لازم قلبي يفز ليه مادري الله يعنني بس*<<سلطان مشكلته مايقدر يعترف بحبه

    عند البنات مقهووورين ومايدرون وش يسوون
    نوف شغلت التي في وفرفرت عالقنوات ولقت اغنية صفر لجواد العلي توها باديه والبنات هنا طاروا من الفرحه راحت بسرعه نواره ولموسه ولبسوا ثياب وتلثموا وجهزوا الكاميرا وشغلوها وعطوها ريموه تصور وقاموا يتنكسون ويرقصون ونواره والماسه يرقصون رقص شباب على كيفكم كانت نواره متقنه برقص الشباب لكن لموسه مره رقص بنات ومره رقص شباب
    ريموه ونوف جالسين يصفقون لهم واذا قربوا البنات عندهم يهزون رموس وحلوي لبسوا عبايات راس وسووا حركت رفع ولبسوا براقع حقت جدتهم ولبسوا كعب وحلوي البرقع مايل وريماس مقلوب <<<اشكااالهم توووحفه
    وصاروا يرقصون رقص عجز واشكالهم تموت من الضحك وخاااصةً رموس اللي صارت تدبك الارض
    وخلصت الاغنيه وهم سكارى من الضحك وجات بعدها اغنية انا اسيرك اماراتيه وبغت تنجلط نواره من الوناسه
    وصارت ترزف اماراتي والبنات يصفقون لها ويصفرون ونوف شغلتها تلولش وتقول:عاااشوا وراا سراا اسبح يمين يسار فوق فوق تحت على قلبي تنكس للللللللللللللللللللللللللووش المهم جات بعدها اغنية راشد سلامات وحلوي انجنت لانها تموت براشد وصارت ترقص المشكله شكلها طلع خبل لانها طلعت كانها عجوز وترقص رقص عربجي احس مايجي وبعدها خلصت الاغنيه وها كذا من اغنيه لاغنيه ورقص برقص ومـتعين انفسهم بقوه ورجعوا اهاليهم ووعدهم بالتلفريك بس اليوم الثاني



    لا تقولون البارت مو طويل اذبحكم<<مطيحه الميانه


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك