السلآم عليكم

موضوع أعجبني وحبيت أنقله لكم
وهو أبيات للشاعر عبدالله الدواس







يافاهمـه يادارسـه ( علـم الأحيـاء )...
هونـك علـى حـيٍ تقلـب علـى صـاج


عُذراً حياتـي إننـي ( حيـل مستـاء )...
كتبت لك وأشعلت ( بطويق ) ( وسـواج )


وأكلمك مـن منطلـق ( بـاب ماجـاء...
في حب " ست الحسن " " للشاعر الـداج ")



\\ ؛؛ \\ ؛؛ \\
؛؛ \\ ؛؛ \\ ؛؛



ماعاد هي لحية حسوف وندامه ...
زليت لك زله مهيب أي زله


خذها من اللي مايثنََي كلامه ...
اللي يعقد الحبل واللي يحله


مايجتمع حبك وجرح الكرامه ...
لاتعتذر لكن توكل على الله



\\ ؛؛ \\ ؛؛ \\
؛؛ \\ ؛؛ \\ ؛؛



يمكن كبرت شوي .. ! لكن تراني ...
باقي على خبر الزمـن فينـي هبـال


أحيان أحس إنـي بليـا لسانـي ...
وأنـا مجرَبـع كـل عيَـه وعـيَـال


وأحيان لاقام العذاب يحدانـي ...
أرقد تحت عيـن الأمانـي والآمـال



\\ ؛؛ \\ ؛؛ \\
؛؛ \\ ؛؛ \\ ؛؛



لوهي على الآلام ياهون الآلام
ولوهي على الشدات شدات وتلين


أيام ترميني على قسوة أيام
وسنين ترميني على قسوة سنين


لاقلت ياحظي متى ؟!.... قال : قدام
وإن قلت : لكن .... قال : ممدين ممدين



\\ ؛؛ \\ ؛؛ \\
؛؛ \\ ؛؛ \\ ؛؛



ياللي علينا لك أكثر من سنه تخطي
الله يسلمك يالغالي ترى طالت


إن كان تبغى زعلنا والله إن تبطي
لو قالت الناس عنا ويش ماقالت



\\ ؛؛ \\ ؛؛ \\
؛؛ \\ ؛؛ \\ ؛؛



شبنا وتبنا عسى الله لايعاقبنا
على زمان غوينا فيه بصبانا


مابالحياة الجديدة مايناسبنا
ومابالحياة القديمة هم ماجانا


رحنا وجينا مصايبنا مصايبنا
نشقى ورى الرزق والدنيا تحدانا



\\ ؛؛ \\ ؛؛ \\
؛؛ \\ ؛؛ \\ ؛؛



يقول اللي إلا منه فتلها
فتلها وإن فتل جاب الجزيله


سلام الله على اللي بيت أهلها
يسرين الغلا له كل ليله


أشغل موتري والنفس ولها
ولاترتاح نفسي لين أجيله


أحب خزامها وأعشق نفلها
ولكن عاد ماباليد حيله



\\ ؛؛ \\ ؛؛ \\
؛؛ \\ ؛؛ \\ ؛؛



النفـس طابـت وإنتهينـا لايجينـا ولا نجـيـه...
والخوه اللـي بيننـا قـل لـه : ( يقـص حبالهـا )


وقل ( للسفيَه ) : إليا بغى الخوه يدوَر له ( سفيَه )...
وقل للطيور : إليـا بغـت تاقـع تشـوف أشكالهـا



\\ ؛؛ \\ ؛؛ \\
؛؛ \\ ؛؛ \\ ؛؛



البارحه ياجارحه جرحك على قلبي تكا
وأنا وحيد ومامعي غير القصايد والقلم


برقت وإلا السالفه والله ماتبغى ذكا
أنتي كرهتي عيشتك وأنا طفشت من الألم


وماكل من يشكي توسع خاطره لامن شكى
واللي يخاف أو مايخاف إن قاله الله ماسلم


على بلاطه نفترق لكن فراق بلا بكا
الوقت إلا منه ظلم لايابعد راسي ظلم



\\ ؛؛ \\ ؛؛ \\
؛؛ \\ ؛؛ \\ ؛؛



أشباهي ( الآه ) والأحزان والونًه
يالورده اللي نبتي من على صدري


الحلم وياك حلم إبليس بالجنه
لكني أنساك لا يالغاليه بدري



\\ ؛؛ \\ ؛؛ \\
؛؛ \\ ؛؛ \\ ؛؛



صغير السن لكني كبيرٍ واصغر العقًال...
اخذت من البحر عمقه واخذت من الصبر جاله


رزينٍ جاهلٍ عاقل كريم بحبتين هبال...
غليضٍ فض من حولي يفض البخل وحباله


حشا ماانذل لاوالله وانا راسي عليه عقال...
وانا مانيب رجلٍ هيبته في ميلة عقاله



\\ ؛؛ \\ ؛؛ \\
؛؛ \\ ؛؛ \\ ؛؛



وتغيب ويغيب الفرح في غيابك..
ويشيب منك القلب والخاطر إيشيب


ليتي دريت إن الزمن يوم جابك..
جابك علشان أبتلش فيك وتغيب



\\ ؛؛ \\ ؛؛ \\
؛؛ \\ ؛؛ \\ ؛؛



ياللي بشارع بيتكم تاهت خطاي...
عز الله إني فتكم ماتقهويت


لاشفتكم رايح ولا شفتكم جاي...
أجي وأروح من القهر تقل ماجيت




,؛,؛,؛,؛,؛,؛,؛,
,؛,؛,؛,؛,؛,؛,؛,