موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



+ الرد على الموضوع
النتائج 1 إلى 7 من 7
Like Tree0الاعجابات

الموضوع: °ˆ~*¤®‰«ô_° مكتبة الأمير الشاعر عبد الرحمن بن مساعد°_ô»‰®¤*~ˆ°

  1. #1

    الصورة الرمزية وصــــايف
    تاريخ التسجيل
    Jan 2007
    المشاركات
    285




    Post °ˆ~*¤®‰«ô_° مكتبة الأمير الشاعر عبد الرحمن بن مساعد°_ô»‰®¤*~ˆ°

    قصيدة بعنوان "طابور"

    ,,,,
    لا تقروا ما بين السطور ..
    هذي القصة خيال ..
    وما لها أبدا علاقة ..
    بالذي دار ويدور..
    تبدأ القصة بناقم
    كُلَفّ يأدي مهمة ..
    وكان بايع مايهمه ..
    يموت هو أو يبقى عايش..
    سهم مُتَعمد وطايش..
    من بعيد يسدده..
    ويدمي هذاك الثور..
    ثور هائج مندفع مجروح..
    هائل القوة..
    عدائي غاضب ومغرور..
    وطابور..
    كلهم ناطر ويرجي..
    مايجيه الدور..
    وفأول الطابور ..
    يوقف ثاني واحد..
    حيث الأول .. مالقى أحدٍ يساعد..
    انتظر فترة طويلة..
    وبعد طول الانتظار..
    وعلى الملا فوضوح النهار..
    أجهز عليه الثور..
    ثاني الطابور أول..
    فسّر وحلل وأوّل..
    قال أنا مالي هروب..
    ودوم تايه في الدروب..
    وياما قالوا الناس إني..
    في جنوني مافي منّي..
    وضعي متدهور ويائس..
    ببدأ بخلع الملابس..
    قال أنا يا ثور عاري..
    وباقتناعي واختياري..
    بصبح البقرة الحلوب..
    ويترك الطابور.. ويتجه للثور..
    ويختفوا خلف التلال..
    وماحصل صعبه يقال..
    الرقابة لا تجيزه..
    يرجع الثور العدائي..
    يواجه الطابور..
    طابور .. كلهم ناطر ويرجي ..
    مايجيه الدور..
    أول الطابور .. يحمل في يدة باقة زهور..
    بادره لحسن النوايا..
    يدري هو ماله مزايا..
    شاءت الأقدارُ أمرا..
    كانت الأزهار حمرا..
    وزادت هياج الثور..
    طابور.. كلهم ناطر ويرجي..
    مايجيه الدور..
    باقي الطابور يرجف..
    كلهم يدري ويعرف..
    وضعهم حالك وهالك..
    ضعفهم ينبي بذلك..
    كلهم غارق في أصناف البلاوي..
    فقر مدقع .. جهل مفزع .. عقل خاوي..
    طابور .. خلفه هلاكه والثبور..
    وأمامه الثور الجسور..
    طابور .. صمته مثل صمت القبور..
    ينطر المنقذ يجي..
    ويكف بطش الثور عنهم..
    أو ينطر الدنيا تدور..
    ويصبح الطابور فجأة..
    قوة عظمى !!
    ويطحن عظام الثور..
    بالدور..
    أو ربما .. على الأقل .. يصبح الطابور ثور..
    والثور طابور..
    لا تقروا ما بين السطور ..
    هذي القصة خيال ..
    وما لها أبدا علاقة ..
    بالذي دار ويدور..
    آخر القصة .. كهل مجنون..
    يوقف على تلة قريبة..
    يصيح بالطابور..
    يا طابور:
    أنت أول وربما آخر أعاديك..
    يا طابور:
    كل مابك منك وحدك من صنع أياديك
    يا طابور:
    أسمع كلام الأقدمين
    لربما يهديك..
    يا طابور:
    أمشي عدل.. يحتار ثورك فيك




    قصيدة بعنوان عجب عجاب


    عجب عجاب .. طيبة قلبها أبيض سحاب
    أخلاقها مامثلها .. أخلاقها
    أخلاقها تنتظر عشاقها
    ومايجون
    ياهي جريحه طيبه .. لكن جريحه
    عجب عجاب
    وسيم أنيق شاب .. كسبه حلال مشروع ماجرب الجوع
    ناجح مركزه مرموق
    ورغم هذا الحزن ساكن عيونه
    ماتت امه .. وحبيبته كانت
    تــخـــونـــه
    عجب عجاب كثر الفقر ماله
    كلاً يبي قربه ورضاه
    رغباته قوانين وزلاته صواب
    الناس حوله من شمال ومن يمين
    يأمر يــطــاع
    الدول تحسب حسابه
    والكل يخشاه ويهابه
    لاكن مريض ياعذابه
    ممنوع يأكل لو أكل جايز يموت
    عجب عجاب
    مرتاح الضمير لاسرق لاظلم لاحسد
    عنده قليل أصحاب
    قلبه كبير بيته صغير
    والمرض عن صحته بعيد
    عنده ثلاث اطفال
    أحمد وايمان ويزيد وامهم
    وكثر السماء يحبهم
    لاكن فقير مالقاء لصوته مسامع
    مايملك الا طيبته وملح المدامع
    ولو مادفع مبلغ حقير
    ينطرد هو والعيال وامهم في الشوارع
    عجب عجاب
    عبقري في الطب ملحد
    عجب عجاب
    شاعر عظيم داخله فارغ
    عجب عجاب أمير كذاب
    عجب عجاب ملايين البشر
    تعبد بقر
    عجب عجاب
    ماتصلي فرضها وتلبس حجاب
    ياصاحبي عطني يقينك والظنون
    ؟..من ودك تكون



    قصيدة بعنوان الحرامي الحرامي


    احترامي.. للحرامي
    صاحب المجد العصامي
    صبر مع حنكة وحيطة
    وابتدا بسرقة بسيطة
    وبعدها سرقة بسيطة
    وبعدها تَعدى محيطه
    وصار في الصف الأمامي
    احترامي.. للحرامي
    احترامي.. للحرامي
    صاحب المجد العصامي
    صاحب النفس العفيفة
    صاحب اليد النظيفة
    جاب هالثروة المخيفة
    من معاشه في الوظيفة
    وصار في الصف الأمامي
    احترامي.. للحرامي
    احترامي.. للحرامي
    صاحب المجد العصامي
    يولي تطبيق النظام
    أولوية واهتمام
    ما يقرب للحرام
    إلا في جنح الظلام
    صار في الصف الأمامي
    احترامي.. للحرامي
    احترامي.. للحرامي
    صاحب المجد العصامي
    يسرق بهمة دؤوبة
    يكدح ويملي جيوبه
    يعرق ويرجي المثوبة
    ما يخاف من العقوبة
    صار في الصف الأمامي
    احترامي.. للحرامي
    احترامي.. للحرامي
    صاحب المجد العصامي
    صار يحكي في الفضا
    عن نزاهة ما مضى
    وكيف آمن بالقضا
    وغير حقه ما ارتضى
    صار في الصف الأمامي
    احترامي.. للحرامي
    احترامي للنكوص
    عن قوانين ونصوص
    احترامي للفساد
    وأكل أموال العباد
    والجشع والازدياد
    والتحول في البلاد
    من عمومي للخصوص
    احترامي
    للصوص




    قصيدة بعنوان يوميات مواطن عربي

    السبت 000
    ديون 000 وأمراض 00 وكبت
    الأحد 00
    منذ اللحظه الأولى 00
    والى الأبد 00
    ينادي 00 ولا يسمعه أحد 00
    الأثنين 00
    القافلة تسير 00 لكن الى أين ؟؟
    لا جواب يصدم 00 ولا كلاب تنبح 00
    الثلاثاء 00
    أصبح ثرياَ 00وازداد عدد الأثرياء
    مات خمسه وأربعون مريضا 00
    من ندرة الدواء 00
    الاربعاء 00
    احتفال 00 صاخب 00فاخر 00معطاء
    شعر 00وفكر 00وولائم00
    وخطابات وثناءات00
    وجمع من الأدباء00
    هو احتفال مكلف 00 ولا يكاد ينتهي 00
    لكن ما يأتي به 00من سمعة00
    جدير بالعناء00
    قرية صغيرة هناك00أهلكت من وطأة الوباء 00
    الخميس00
    كل شيء سعره الى ارتفاع00
    الا المواطن التعيس 00
    قاتل الله 00 00 00 ابليس
    الجمعة00
    اجازه من مجتمع طيب السمعه 00
    حكمة السبت
    قل لكل من تخشى 000أصبت
    حكمة الاحد
    اذا طرقت الباب 00وقيل من ؟؟
    قل: لا أحد
    حكمة الأثنين
    انظر بلا عينين00 واسمع بلا اذنين00
    وانطلق بلا لسان 00 ولا شفتين 00
    حكمة الثلاثاء
    الثروه تاج على رؤوس الأثرياء00
    لا يراه الا المرضى والفقراء00
    حكمة الأربعاء
    اللهم قني خير الأصدقاء00
    حكمة الخميس
    يقول الله سبحانه 00
    وأخذنا الذين ظلموا بعذاب بئيس
    حكمة الجمعة
    العن الظلام 00لن يجدي أن تشعل شمعه




    قصيدة بعنوان فقير


    فقير وعندي المال الكثير
    فقير وملبسي غالي حرير
    وياصاحبي الحافي الفقير
    ابنشدك ابسئلك وشهو الحصير
    وابسئلك وشلون انا امر وانهي
    واذا حكيت قبل انتهي من كلمتي
    يقاللي سم ويصير
    ولاشكيت من غفلتي طول زمنها
    يقاللي لاتشتكي ماخلقت الشكوى لأمير
    وابسئلك وشلون انا مع كل ذا
    !!!اقول عن نفسي فقير؟؟؟
    ياصاحبي لاصار لضحكه ثمن
    وصارو اصحابي كثيربس بثمن
    والوفاء مابه وفاء الا بثمن
    ابسئلك ماني فقير ؟؟؟
    ولاصارت اقوالي حكم
    ولاقالها غيري غدت .. حكي قديم
    ابسئلك ماني فقير؟؟
    ولاصرت انا مانيب انا
    ولاغلطت قالو صحيح وكل شي اعمله يصبح عظيم
    ابسئلك ياصاحبي ماني فقير؟
    وياصاحبي ابنشدك لمن جفتني دنيتي
    وابتدا الدرب الطويل الى ابد ماينتهي
    وانتهي العز القديم وماكنت اظنه ينتهي
    والموت بدد فرحتي .. وحطوني في قبر صغير
    وحزنو علي وبكو هلي وناس من ربعي قليل
    وارتاح من وجهي كثير
    وبقيت وحدي في حيرتي مابه احد
    لاطال عمرك ولاتحت امرك
    ماغير انا وخوف ولحد وحساب قدامي عسير
    وقتها ذكرت اني من زمان
    يوم انه امهلني الزمان
    هذا ظلمت هذا جرحت ياما كذبت
    وذنوبي ماتحصي كثير
    وقتها الا ندمت ونفسي كرهت
    عرفت ان الله كبير وان الهلاك اصبح اكيد
    واني انا مالي رجاء..ولاهروب من الدجاء
    من الجحيم الا بأمل عندي وحيد
    ان الله غفار ورحيم
    ابسئلك ياصاحبي عني في وقتها
    ماني فقير؟؟؟



    قصيدة بعنوان سألتها

    ســـــألـــــتــــــهــــــا ..
    لـيــة الـبـحـر سـاكــن عـيـونــك ؟!
    جــاوبــتــنــي .. لـــلـــغـــرق
    ســـــألـــــتــــــهــــــا ..
    لـيـه الـسـواد الـلـي فـــي عـيـونـك ؟!
    جــاوبــتــنــي .. لـــــــــلأرق
    ســـــألـــــتــــــهــــــا
    لـــــيـــــه الـــــخـــــدود ؟
    قـــــالـــــت .. عـــــبـــــق
    ســـــألـــــتــــــهــــــا ..
    هـي رقـتـك مـثـل النسـايـم والــورود ؟!
    قـالـتــلــي .. لا .. يــمــكـــن أرق
    ســـــألـــــتــــــهــــــا ..
    عن حسنها كنّه يقول : ما للشعـر فينـي حـدود؟!
    قــــالـــــت .. صــــــــــدق
    ســـــألـــــتــــــهــــــا ..
    يــا اغـلـى الأنــام .. وشـهـو الـغـرام ؟!
    قالتلي .. انك ماتنام .. وأوهام .. وتنتظر شمس اللقا
    ومـاتــجــي شـــمـــس الــلــقــا
    مشوار مايعرف وصول .. ولحظة بها كل الفصـول
    وقلـب واحـد يحتـرق .. وبـعـض الـصـدق
    وقــتٍ عصـيـب يتبـعـه وقــتٍ عصـيـب
    ولــيـــل يـتــعــدى الـصــبــاح ..
    وجـــراح تــدمــى لــــو تـطـيــب
    وفـــــــــي الأخـــــيـــــر ..
    خــــل عــــن خــــل افــتـــرق
    فــي الأخـيـر .. كــل النهـايـات الـفـراق
    مـــافـــيـــه فــــــــــرص ..
    مافيه نهايات بلقـا .. إلا فـي خيـالات القصـص
    ســـــألـــــتــــــهــــــا ..
    وشــــهـــــو الـــــوفـــــا ؟!
    قــــالـــــت .. كــــفـــــى ..
    الـنــور مــــن ضــيــي اخـتـفــى
    والـلـيـل فــــي عـيـونــي غــفــى
    اتـــــرك كـثــيــر الأسـئــلــة ..
    اســـأل عــــن عـيـونــي وكــفــى
    اسألنـي .. ليـه البـحـر سـاكـن عيـونـك ..
    لـيـه الـسـواد الـلــي فـــي عـيـونـك
    ســـــألـــــتــــــهــــــا ..
    جـاوبـتـنـي .. لـلـغــرق .. لــــلأرق
    سألتها عن حسنها كنه يقول : ما للشعر فيني حدود ؟!
    قــــالـــــت .. صــــــــــدق






    رد الأمير عبد الرحمن بن مساعد على قصيدة الأمير المرحوم طلال الرشيد ياصغير مايكبرنى لقب

    والقصيدة هى ثلاث أبيات ولكن معناها كبير جدا ومو غريب على الأمير عبد الرحمن بن مساعد


    يارفيقـي مـا يكبّـرك اللـقـب
    به ومن دونه ،، تظل انت الكبير

    لا يهمّك حكي حمّـال الحطـب
    ما ينّقص قدرك الهـرج الكثيـر

    الرجال اخلاق ،، ماهم بالحسـب
    والمواقف درس ، والجاهل غرير





    قصيدة بعنوان المبادئ


    بدء ذي بادىء ..
    هذا تعريف المبادىء ..
    كل وقت .. وله أذان ..
    الزمان .. غير الزمان ..
    ياكلام الليل .. يمحيك النهار ..
    باختصار ..
    المبادىء .. شىء تحكمه الظروف ..
    مثل طفل .. ترتبك في الحروف ..
    ما اجمل أغلاطه ..
    المبادىء .. للأسف ..
    كلمة مطـّاطة ..

    بدء ذي بادىء ..
    يا بايع إحساسك ..
    وش احساسك ..
    وأفكارك لغيرك ..
    ياشاري إحساسك ..
    وش احساسك ..
    واحساسك لغيرك ..
    ليتك توصف متعتك ..
    لاخذت من غيرك مشاعر ..
    تدري لو تقدر ترى ..
    ماهو بعيد تصير شاعر ..
    كيف الخلاص .. من ناس تغتال الشعر ..
    و حد القصاص في كل سرقة ..البتر
    الا الفكر ..

    بدىء ذي بادىء ..
    هذا تعريف المبادىء ..
    يا بايع أموالك .. لفقرك ..
    وللعذاب اللي في بيتك .. ودمعة عيالك ..
    ليت توصف متعتك ..
    ليت أوصف ضيقتك ..
    لو جرى لك ..
    في القمار .. اللي جرالك ..
    ليت نعرف ..
    متعتك أو ضيقتك ..
    أيهم اللي بقالك ؟

    يا بايع أعصابك .. لخمرك ..
    ياكثر ماحرت بـ امرك ..
    يابايع الصحة .. لخمرك ..أو سمومك ..
    وش يفيد أني ألومك ..
    كيف تلقى متعتك .. لا ضاع عقلك !
    وبان بين الناس ذلك
    وكيف تسعد في شعورك ..
    وانت خارج عن شعورك ..
    يا بايع اعصابك و وعيك ..
    ياللي تهرب في عذابك ..
    من عذابك ..
    لو بغيت في يوم ..
    تهرب من هروبك ..
    وش هو احساسك ؟

    بدء ذي بادىء ..
    هذا تعريف المبادىء ..
    يابايع بلادك .. بكم كان الثمن ؟!
    يا بايع بلادك ..
    انسى المباني .. والبيوت .. والحب الأول
    انسى غبار المدرسة .. و وجوه اصحابك ..
    انسى فؤادك .. وميلادك ..
    وارمي ورا ظهرك ..
    كل العبارات الكبيرة ..
    عن الوفا .. والتضحية ..
    وعن حب الوطن ..
    يا بايع بلادك ..
    لو كبروا أولادك ..
    وكان السؤال في عيونهم ..
    سجنك وجلادك .. !
    " احنا يابوي من وين ؟! "
    وش هو احساسك ؟!

    يابايع آخرتك .. يالعاصي القاسي ..
    اسمع نصايح صاحبك " ابليس " :

    " لا تترك التدليس ..
    اظلم ولا تفكر في باكر ..
    هيم في العصيان جاهر ..
    واختار من بين الذنوب ..
    مايسعدك ..
    ولاسار عمرك للغروب ..
    لاتتوب ..
    لا تحسب للعمر ..
    ولا تفكر بالقبر ..
    ولا العذاب ..
    توك شباب .. "
    هذي نصايح صاحيك ابليس ..
    يابايع آخرتك بدنياك ..
    لا عدمناك ..
    لو عدمناك ..
    وش هو إحساسك ؟


    هو للأمانه اول شاعر معاصر في الشعر
    النبطي .. أرجله ثابته على التراث
    ومستنير إلى حد بعيد جدا.. ويلتقط
    المفارقات الانسانيه والاجتماعيه بسخاء..



    طاح الحطب

    عادي....طاح الحطب...وانت الحطب



    ((المشهد الاول))

    وحدة مزيونة بالحيل.......و حبيبة ...

    بس تخون!!!!

    وش اسوي بجمالها؟؟

    بياخذها الزمان و تبقى عجوز.....

    عادي........طاح الحطب.......... و حلوة الحياة



    ((المشهد الثاني ))

    ملتزم ......

    يصلي كل الفروض........

    و اذا تعب..... فوت صلاة الفجر

    واذا شبع راحت صلاة العصر......

    و عنده دش.......و يكذب كثير

    و اذا صحى الصبح .....مشط اللحية

    عادي........طاح الحطب.......... و حلوة الحياة



    ((المشهد الثالث))

    غني و ظالم .........

    يطرد المساكين......و يستغل الضعوف

    مغرور و فاسق......

    و مجلسه عامر.......

    كلن يبهر له........

    و مع ذلك يجمع حسنات.......من كثر اللي يسبونه

    عادي........طاح الحطب.......... و حلوة الحياة



    ((المشهد الرابع ))

    يكد يدرس و يشتغل.........

    لاجل يبني مستقبله.......

    تزوج و جاب عيال......ثم تقاعد

    صار يسكن في مكان.....و أم عياله في مكان

    والسبب العيال......

    صار دار المسنين بيتهم............

    عادي........طاح الحطب.......... و حلوة الحياة



    ((المشهد الخامس ))

    تغازل و تاخذ ارقام...........

    و تطلع مع هذا.....و تواعد هذاك........

    و يوم طاح الفاس في الراس.......

    بكت........

    و راحت تشكي لامها غدر الزمان.......

    طبطبت عليها امها وقالت:

    ولا يهمك .....سفرة لمصر.... وشوية سيولة

    و ترجعين بنت......

    عادي........طاح الحطب.......... و حلوة الحياة



    ((المشهد السادس ))

    مرفوع الكفن أبيض ......

    وصاحبه وسط البياض.........

    بعضهم يبكي.......و بعضهم عادي

    دفنوه.....و تبكبكوا شوي

    و اخر الليل سكارى.........

    عادي........طاح الحطب.......... و حلوة الحياة



    ((المشهد السابع ))

    سيارة مسرعة........

    و تدعس لها واحد........

    مسكين هندي..........

    و العسكري صديق الطايش.......

    والخطا نصه على الهندي......

    والباقي على أبو الطايش..........

    و في الليل.....الطايش يلعب بلوت

    عادي........طاح الحطب.......... و حلوة الحياة



    ((المشهد الثامن ))

    قارورة مويه ......

    ما تضره .......طايحة في السيارة

    يناظرها بغضب.......زعلان منها

    و يفتح الشباك .....و رماها وسط الطريق

    واذا اجتمع مع الشباب قال:

    متى بنتحضر؟؟؟؟؟؟

    عادي........طاح الحطب.......... و حلوة الحياة



    ((المشهد التاسع ))

    اهم شي الثوب نظيف.......و الشماغ مكوي......

    و القلم ماركة......والساعة تضوي......

    و الجزمة جلد.......والسيارة عجب......

    و تلفونه ما يسكت......

    إما بنات.....

    أو البنوك تبي فلوسها.......

    عادي........طاح الحطب.......... و حلوة الحياة



    ((المشهد العاشر ))

    سطحية .......و مغرورة

    غبية......و متكبرة......و يا ريتها حلوة

    تبي زوج مواصفات......

    ما يقول لا.......ويكره الاستراحات

    لازم وسيم.....و انيق.....و متعلم.....و دخله ممتاز

    و يحب السفر.........

    و بعد سنين......تلاقي نفسها في الانترنت

    تدور واحد يقبل بها.......

    عادي........طاح الحطب.......... و حلوة الحياة



    ((المشهد الحادي عشر ))

    فتح الكمبيوتر......

    و دخل للمنتدى......و كلامه ما يتعدى ان الموضوع روعة و رهيب

    و هو ما قراه و لا يعرف كاتبه........

    بس يبي يزيد المواضيع موضوع .......

    عادي........طاح الحطب.......... و حلوة الحياة




    بهو فندق


    ..بهو فندق
    ..بلد غربي
    ..في فصل الصيف
    ..على ميعاد أو صدفة
    ..جمع أجناس مختلفة
    ..ولافيهم أحد وافق
    ..أحد ثاني
    ..على تعريف للمنطق
    ..بهو فندق.. فيه الناس مكتظة
    ..فخامة تكسي الجنبات
    ..نادل يحمل الطلبات
    ..على أواني من فضة
    ..هنا تجار يحكوا أسهم وسندات
    ..هنا سمسار
    ..هنا شاعر.. هنا بنيّات
    ..هنا فلكي
    هنا صاحب سمو حركي
    ..هنا لاعب كرة بارع
    ..هنا فنان.. هنا متعهد السهرات
    ..هنا يحكوا عن الأوضة!.. هنا يحكوا عن الموضة
    ..!!هنا يحكوا عن السادات
    ..وبركنٍ ماهو للصفوة
    ..بجنب الباب
    ..كرسيين.. حوار يدور بين اثنين
    ..حيل أصحاب
    ..ملامحهم تودّي يمّ.. شرق أوسط
    ..وهيئتهم.. وحالتهم.. بسيطة أو بعد أبسط
    شف سايح من اليابان.. يداعب آلة التصوير -
    ..يغازل آلة التصوير
    سايح هذا يا غلبان ؟ -
    ..هذا السايح البارح
    ..كانت صورته تحكي
    ..في صدر الصفحة الأولى
    ..يقولوا خامس أغنى شخص في العالم
    ..وأظن أنّه .. وربي وحده العالم
    ..جمع هالمال والثروة
    ..من استيراد أو تصدير
    ..نسى الكاميرا على الكرسي
    لا يا شيخ.. مثل هاذول.. ما ينسوا -
    صدقني نسى الكاميرا على الكرسي -
    ..لا والله.. رجع خذها
    ظنك وين هو رايح؟ -
    ..أكيد يزور له متحف
    ..سخيف
    ..!هوايته أسخف
    ..شفه.. مستني يمّ الباب
    وش ينظر -
    !أظنه ينتظر تكسي
    ..!ركب تكسي
    ..أقول عدنان: فاخر حيل هالفنجان
    ..خذ شايك قبل يبرد
    أقول أحمد: هذاك هناك.. هو من هو..؟ -
    ..أي واحد -
    ..! هذاك اللي معه واجد -
    ..تخطرف إنت.. أو عميان
    ..هذاك فلان
    ..هذاك اللي كلامه منتهى الحكمة
    ..وجوده مثل غيث السحب
    ..هذاك اللي لأجله ترخص أيامك
    ..وتقضي النحب
    هذاك اللي يهينك وانت تتلقى
    ..إهاناته بصدرٍ رحب
    ..هذاك اللي شعورك نحوه مبيّن
    ..مزيج من الولا والحب
    ..هذاك اللي إذا لا قدّر الله راح
    ..يغطي حزنك الدنيا
    !!......وتهمس.. راح ابن الكلب
    كذا يا أحمد..؟
    شايفني أنا.. منافق
    ..أنا مسمح ولا أوافق
    ..تظن إني بقلب أسود
    ..كذا يا أحمد-
    ..لا تزعل.. أنا آسف.. أنا آسف
    ..ترى الدعوة سوالف
    ..شف هذا خفيّف دم
    ..يضحك هذا .. من هذا
    ..خفيّف دم
    ..! ويعطونه
    يعطونه..؟ -
    ..يعطونه -
    ..ويرجع باكر لهذا.. يقطع ذاك
    ..يشرشح أصله وفصله.. بخفة دم
    ويعطونه..؟.. -
    ..! يعطونه -
    ..ويرجع بالأخير.. ضاحك على هذا وعلى هذا
    أقول أحمد: ظنك هو رصيده كم..؟! -
    ..دقيقة صمت.. فرضها جيّة النادل
    ..يشيل الشاي
    ..!ويقول إنّ العصير.. اللي يبونه لحظتين.. وجاي
    ..شف الشاعر -
    ..هذيك الحلوة تضحك له
    أي واحد..؟ -
    ..شفه واقف.. يوقع دفتر لطفلة -
    ..تخيّل ياخي يقولوا
    ..بإنه يشتري شعره من الشاعر
    ..! اللي الشاعر المشهور يكتب له
    ..ياحظه.. وسيم مشهور
    ..ياليتي أكون مثله -
    ..قوم نتصور معه
    قوم نتصور معه..؟! -
    ..ما باقي سوى هاذي
    ..نكبر راس هالمغرور
    ..خفيف أنت.. وغبي أحمد
    ..ودايم فيك هالعلة
    ..أقول عدنان -
    ..ترى صاير طويل لسان
    ..أحمد ياخي لا تزعل.. ترانا اخوان
    تعوّذ بس من الشيطان..؟
    ..وأنا آسف.. وترى الدعوة سوالف
    ..فخمة حيل هالكيسان
    ..اشرب.. لا تزودها
    ..ترى يبيّن عليك تعبان
    ..شف مو هاذي صاحبتك
    ..هلا والله.. إلاّ والله صاحبتي
    ..تدري..؟ تموت هي فيني
    ..يا رجال.. خليني -
    ..خادعتك.. تراها والله خادعتك
    ..أقول أحمد: عشان انسرقت فلوسك-
    ..من زبيدة
    ..صرت تشوف كل وحدة
    ..هي زبيدة
    ..يا عدنان.. خادعتك -
    ..أنا قصدي لمصلحتك
    ..شفها تكلم الرجّال
    ..أي رجّال.. أخوها ذاك
    ..يا عدنان.. خادعتك
    ..أقولك ما تبي غيري
    ..يا عدنان.. طع شوري -
    ..مشاعرها.. وهم.. كذبة
    ..حمد .. احترم نفسك -
    ..افا عدنان.. تمد يدك علي -
    ..وهذي السبّة
    ..صفعه دوّت بركنٍ
    ..قريبٍ من هل الصفوة
    ..عراكٍ في بهو فندق
    ..جمع أجناس مختلفة
    ..مافيهم أحد وافق. أحد ثاني
    ..على تعريف للمنطق
    خارج صالة الفندق.. شرطيين
    ..يقودوا بالحديد اثنين
    ملامحهم تودّي. يمّ شرق أوسط
    ..وهيئتهم.. بسيطة أوبعد أبسط
    ..كانوا أصحاب
    ..في داخل
    ..بهو فندق .. بلد غربي
    ..في فصل الصيف




    أحمد محمد سلامه

    في زمن وهمي من الأزمان
    كان ياما وياما كان ..
    سلطنة وسلطان ..
    وف يوم من الأيام ..
    يتصفح السلطان جريدة ..
    موضوع يسترعي اهتمامه ..
    أحمد محمد سلامة ..
    فـرد من أفراد شـعبه ..
    يائس وأوضاعه صعبه ..
    في الصبح يشتغل بواب
    في مدرسة أطفال ..
    وفي الليل يشتغل شيّال ..
    عنده ثلاث عيال
    فيهم مرض نادرعضال ..
    ماله علاج إلا فبلدان بعيدة ..
    كلفته ما يحتملها وفاقته أصلاً شديدة ..
    انسدت الدنيا أمامه ..
    وارتأى أن الطريقة الوحيدة ..
    لفتح أبواب الأمل ..
    انه يوجه ندا .. عبر الجريدة ..
    لاهل الكرم .. واهل الشهامة
    تبرق .. في عين سلطان البلاد غمامة ..
    ويهطل الدمع من عينه ..
    يمسح الدمع بكفوفه ..
    ويخلع العمامة ..
    ويرفع للسما راسه ..
    ويقول ..
    ياربي الفرد الصمد ..
    سترك وعفوك ..
    ألهتنا عن الناس ..
    أمور الحكم والسياسة ..
    ينادي سلطان البلد :
    يا حاجب ..
    استدعي معالي وزير السلطنة الأول .. رعد ..
    يجي رعد .. ويبدي ولاَءه واحترامه ..
    ـ صاحب المجد والكرامة ..
    سيدي السلطان أمرك ..
    ـ أي كرامة يا رعد .. أي كرامة
    والمواطن في البلد .. ضايع مقامه ..
    اتركك عن هالحكي .. واسمعني زين
    هذي مليونين خذها ..
    وصلها لمحمد سلامة
    أحمد محمد سلامة
    خذ الجريدة .. تلقى التفاصيل في الجريدة
    لكن اسمع يا رعد .. ما أبي يدري أحد
    أحذرك .. لا صحافه .. ولا جرايد
    هذي لوجه الله أبيها ..
    ويعلم الله .. من وراها ..
    ما أبي مدح وقصايد ..
    أرتجي عفو الكريم ..
    في يوم بالأهوال زايد ..
    ـ سيدي السلطان خيرك .. في القديم وفي الجدايد
    ربي يجزيك المثوبة .. ويعينك بوقت الشدايد
    ـ يخرج رعد .. ويستدعي وزير المال والأحوال ..
    مرسال ..
    يجي مرسال .. أمرك معالي وزير السلطنه الأول ..
    تعال يا مرسال .. فوراً وفي الحال
    خذ المليون هذا ..
    وسلموه .. للمواطن أحمد محمد سلامه .. من سيدي السلطان
    خذ الجريدة .. تلقى التفاصيل في الجريدة
    مرسال .. لابد هذا يتم الآن .. فوراً وفي الحال
    وبأقصى درجات السرية والكتمان ..
    هذي أوامر سيّدي السلطان ..
    يخرج مرسال .. ويستدعي كبير الحراّس
    فراس .. يجي فراس
    أمرك يا وزير المال والأحوال ..
    ـ فراس .. تعال
    خذ هذي خمسمية ألف ..
    سلموها .. للمواطن أحمد محمد سلامه .. من سيدي السلطان
    خذ الجريدة ..
    تلقى التفاصيل في الجريدة
    خذها الآن ..
    فوراً وفي الحال سلمها .. وبأقصى درجات السرية والكتمان
    هذي أوامر سيدنا السلطان ..
    يخرج فراس .. ويستدعي النقيب ..
    حبيب ..
    يجي حبيب .. أمرك ياكبير الحراس
    ـ حبيب تعال ..
    خذ هذي المية ألف ..
    سلموها للمواطن .. أحمد محمد سلامه .. من سيدي السلطان
    خذ الجريدة ..
    تلقى التفاصيل في الجريدة ..
    خذها الآن سلمها .. فوراً وفي الحال ..
    وبأقصى درجات السرية والكتمان ..
    هذي أوامر سيدنا السلطان ..
    يخرج حبيب ..
    ويستدعي مسئول المساكن
    مازن ..
    ـ مازن .. تعال .. خذ الخمسين ألف هذي
    سلموها للمواطن .. أحمد محمد سلامة .. من سيدي السلطان
    خذ الجريدة .. تلقى التفاصيل في الجريدة
    خذها الآن سلمها ..
    وفوراً وفي الحال ..
    وبأقصى درجات السرية والكتمان ..
    هذي أوامر سيدنا السلطان ..
    يخرج مازن .. ويستدعي رئيس الحي ..
    اللي ساكن فيه أحمد ..
    عبد الحي ..
    يجي عبد الحي ..
    ـ عبد الحي تعال
    خذ هالعشرين ألف
    سلموها .. للمواطن أحمد سلامه
    خذ الجريدة .. تلقى التفاصيل في الجريدة
    خذها الآن .. وسلمها لأحمد سلامة
    عبد الحي ..
    أهم شي السرية والكتمان ..
    هذي أوامر السلطان ..
    يخرج عبد الحي ..
    ويتوجه لمكتبه في الحي ..
    ويستدعي مساعِدُه أمين ..
    ـ تعال ياأمين .. تعال .. شوف الجريدة
    وخذ الألف هذي ..
    سلمها لأحمد سلامه
    ساكن هناك .. عمارة في آخر الشارع
    جنب مدرسة الكرامة ..
    الدور الرابع .. شقة ستة
    وديها الآن .. وقل له ..
    هذي من سيدنا السلطان ..
    واسمع ياأمين ..
    احرص على السرية والكتمان ..
    هذي أوامر السلطان
    أمين واقف ورا باب شقة
    أحمد محمد سلامة ..
    يدق الباب ..
    صوت من خلف الباب ..
    ـ مين ؟ ..
    ـ أنا أمين .. مساعد رئيس الحي ..
    عبد الحي
    يفتح الباب .. أهلين وسهلين ..
    ـ هذا بيت أحمد سلامه
    ـ نعم أنا أحمد سلامه
    ـ أحمد محمد سلامة ؟ ..
    ـ أحمد محمد سلامه ..
    ـ ممكن إثبات
    ـ طبعاً أكيد
    ـ فعلاً أحمد محمد سلامة
    سيدنا السلطان .. موضوعك استرعى اهتمامه
    سيدنا بيسلم عليك
    وحب يطمن عليك
    وكلفنا ننقل لك رسالة :
    سيدنا السلطان .. أدام الله أيامه
    يتمنى للأطفال عندك ..
    كل الشفا وكل السلامة
    مبروك يا أحمد تستاهل ..
    مع السلامة .. !



    اصدق ما كتبت

    انتي..تدرين من انتي

    تدرين انك لي غديتي كل شي

    وانك غديتي شمس ليلي وفي الهجير الفي

    وانك اصدق ماكتبت

    وانك احزاني وفرحي ..لاضحكت وانجرحت

    وانك غديتي ياعذابي اغلى من حبي علي

    قبل الحب يا ما كذبني القصيد

    وبعد حبك صار يكتبني القصيد

    هو يوصفك بسمة وطرف

    وأنا اعشقك في كل حرف

    منك شكالي..وصف حسنك اتعبه

    وانا شكيتك ..وعشقي لحبك اعجبه

    ومهما شكى ومهما وصف

    انتي احلى ماكتبت..انتي اصدق ماكتبت

    وانتي احساسي وجرحي..لاضحكت وانجرحت

    وانك غديتي يا عذابي اغلى من حبي علي

    .....!تدرين من انتي




    مليت

    قالت لي مليت..ودي بحد غيرك

    جمع جروحك..لملم مشاويرك

    واذا قضى صبرك..جرب صبر غيرك

    لو اشغلك وعذبك طيفي..ابكي

    واذا بكيت اكتب بدمعك شعر اشكي لمراسيلك

    وبوعدك اذا صرخ جرحك ونادى..دمعتي تنزل عليك

    بضحك على ايامي معك..واخذ على قلبي عهد مايخلص لغيرك

    اعذرني..مليت



    ماتبيني ملت الصدق المشاعر..يانور ايامي وسنيني اللي مضت

    يالظلام اللي بيديني..مابقى فيني بقايا اتركيني

    سل الحزن لغدرك خناجر ومالقاني فيني

    وجرحي نادى..يامحاجر الدمع مايكفيني

    ضاعت بداياتي..بقيت نهاياتي واسأل اجاباتي..هو أنا اخطيت

    هو بقى في اللي بيجي ياليت..ماتت اجاباتي

    قالت لي..مليت



    يا اكثر جروحي الاخيرة..لو عرفتي اليوم قلب ودعك

    يا آخر جروحي الكثيرة..ماعرفتي اليوم ما عاد اذكرك

    وما اذكر من اللي مضى..الا غرامك والفراق

    بعض اللقاء والاشتياق..

    وكل الاحاسيس الصغيره

    يابرد عمري وياهجيره..تخطين لو يخطر في بالك

    انك في بالي كل دقيقة..وانك خيالي والحقيقة

    واني احبك مهما كنتي..يابرد عمري وزمهريرة

    ان كان قلتي اني فقدتك..ماصدقتي

    وان كان قلتي مانسيتك..ماصدقتي

    لو عرفتي مااذكر من اللي مضالي الا انتي

    وما اذكر من اللي مضى الا انتي

    وما اذكر الا اني بكيت

    وفي ليلة مافيها وفاء..قلتيلي مليت

    يا انتي اخر أولي..لاتصدقي اني نسيت






    أجهلك

    أجهلك .. و لي سنين اتخيلك
    اتمثلك في كل طيف .. والقاك في قسمات ضيف
    كل المشاعر له تقول .. حنـّا هلك

    أجهلك .. ولي سنين اتخيلك
    القاك في بعض الوجيه .. ويمرني طيفك واجيه
    يا باكر اللي اجهله .. ارقتني الأسئلة
    وابطى العمر يستعجلك ..

    أجهلك .. ولي سنين اتخيلك
    بالعيوب وبالمزايا .. بالألم
    لامن هجرتي يجتاحبي ضلوع وحنايا
    اتخيل شكوكك وظنك .. اتخيل التقصير منك
    حتى الجفا اتخيله .. وكيف انا باتحمله .. واتحملك

    أجهلك .. ولي سنين اتخيلك
    وجهك اللي قد حبسته داخلي في غمضة عيوني
    واللي ياما قد رسمته .. من عبث طيشي وجنوني
    وجهك اللي دوم يظهر لما ألقى نشوة الفكرة الجديدة داهمتني
    لما القى انكساراتي قصيدة واكتبتني
    وجهك اللي دوم يظهر في اعاصيري وسكوني
    في الجبال الشاهقة في أجمل خيالي
    في السفوح الخافقة بين نبضي وانفعالي
    وجهك اللي قد نحته في عظامي والجوارح
    وجهك اللي قد حفظته وبتفاصيل الملاح
    بالنهار في بسمته .. بالضيا اللي في ورودة
    بالعبوس في غضبته .. بالتضاريس وحدوده
    من جنوحه في البها .. لين اقصى نقطة في كاسر جماله
    للعذوبة .. من شروق النور في ضيه
    للشعر في غروبه
    من شطوط الكحل في عيونك لنحرك
    من بياض الثلج في خدك لجمر ٍ قاد في ثغرك
    وجهك اللي ما ابد يوم لمحته .. او عرفته
    لي سنين اتخيله .. واتخيلك
    ياللي كلي بك معرفة .. واجهلك
    ما اصعبك .. كيف الاقيك
    ما اسهلك .. لو الاقيك
    ياللي دوم اتخيلك
    مملكة حسن الزمن
    وأنا الملك



    مايقول الشعر

    مايقول الشعر .. من باله خلي
    ومن نساه الهم لايطري القصيد

    ماكتبت الشعر قصدي تزعلي
    وان فرحتي فيه ما اقصد اكيد

    حس يشعرني .. وضيقه تنجلي
    ودار تسكني وانا عنها بعيد

    واوصف العله لعاشق مبتلي
    لاكساه الليل يلقابي عضيد

    لالفوك الغيد عني اسئلي
    تجري حروفي بهم مجري الوريد

    من هوى هذاك وفلان وعلي
    الوكاد انه عن اشعاري بعيد



    الشارع الخلفي

    .

    .

    في الشارع الخلفي

    تلقى عمود النور

    يامطفي

    يا

    مطفي !

    تلقى الأوادم خايفه , بالخيل وجعانه

    تلقى الأجار المرتفع , والناس عجزانه

    تلقى التعب , تلقى الزهق , تلقى المياه الطافحه

    تلقى الحقايق غامضة مرّة , ومرّة واضحة

    تلقى الرصيف

    مثل الزمن , ماهو نظيف

    تلقى الحكي مثل السكوت

    تلقى الفقر والبهذله , في شكل بويات البيوت

    تلقى الزمن معجون

    بالحزن والكربون

    تلقى الجراح اكوام

    شايب , معوّق , منحني , أمّ وثلاث ايتام

    تلقى السؤال اللّي كبر , واللّي غدى مخفي

    فـ.. الشارع الخلفي !! .




    البرواز


    قلتيلي انسى
    ومن يومها وانا كل ليلة .. قدامي البرواز
    حبر العيون ودمع القلم .. في دفتري
    وصورتك .. رغم الألم .. ورغم انها خذت من اطباعك كثير
    وخانت البرواز .. اشوفها في خاطري
    حبيبتي مابيدي حيلة
    لاصرتي الصورة .. وعيوني البرواز
    وشلون ابنسى
    ************************
    اتعبتي الصورة مشاوير
    وتعبت انا بلقى لغدرك معاذير
    وصورتك اللي سجنت بروازها طول السنين ..
    كانت جسد وبروازها الروح
    ويوم انزعت منها الجسد .. تجرّحت اطرافها
    وبجروحها راحت لمين ؟
    لبروازها الثاني !!
    مسكين .. بيسجنك ويبقى سجين
    مسكين
    تشبهلك اقداره .. خانته
    وصورتك يجي يوم وتخونه
    حبيبتي ..أو للأسف حبيبته
    لاصرتي الصورة .. وجفونه البرواز
    وشلون ينسى ؟!
    ************************* *
    حبيبتي لجل انسى جرحك واستريح .. ببكي
    وبعد البكى .. ببكي
    وأكيد فيه لحظة بتجي .. وبيجف دمعي
    وعندها صورتك اللي في عيوني
    بتموت من ظلم العطش ..
    بروازها بيصبح نعش
    وبتمرني الدمعة الأخيرة ... تاخذ معاها صورتك وتطيح
    وكني بالمسافة تطول مابين عيني .. ودمعتي .. وخدي
    وكني بقلبي الحاير المسكين
    نبضه يقول لا تودع الفرقى .. الدمع مايرقى
    وعندها لانزلت الدمعة لمثواها الأخير
    وفارقت وجهي
    بغمض عيوني .. واكسر البرواز
    وانسى




    صدق أو لا تصدق

    صدّق ، أو لا تصدّق

    ،،،


    صدق أو لا تصدق
    كل ما تباعدت المسافة بين الرغيف والجوع ،، تلقى الفرح أصدق
    تصدق أو لا تصدق
    لامن غدت كل المشاكل جوع الصغار وسقفٍ يداريهم قبل يصحى النهار
    تلقى الشعور أعمق
    صدق أو لا تصدق
    كل ما انقفل درب انفتحت أبواب
    صدق أو لا تصدق
    لو فيه احد طيب ،، للطيبة أسباب
    صدق أو لا تصدق
    قليل من يعفي ويسامح ،، كثير وده ينتقم بس ينتظر له وقت سانح
    صدق أو لا تصدق
    القناعة كنز يفنى
    ولو كل من ياخذ قنع أ وكل من ياكل شبع
    كان الفرح غطى شوارعنا
    صدق أو لا تصدق
    كل النهايات البداية ،، وأحلى البدايات النهاية
    وكلنا رغم القساوة الظاهرة ،، نبكي قدام المرايه
    صدق أو لا تصدق
    به مطول لحيته والثوب يلمس ركبته
    وما قرا في الشهر آية
    صدق ،، ان الشعر صدقه اعذبه
    ودي احكي لك حكاية وقبلها ابغى لسؤالي اجوبة
    المال هذا هو وسيلة والا غاية ؟!
    لو ماهو غاية ،، ليه الحروب ؟
    ليه الحسد يملا القلوب ؟؟
    ليه السلام اللي تمناه الشعوب ؟


    وليه الفقير المعدم الكادح ،، بهجته تملى الملاح
    لامن لقى ذاك الثري يعطي هذيك المطرية مليون
    وهذا الثري لامن سرى من حفلته ،، و وقفت سيارته عند الاشارة
    وجاه شايب يطلبه ،، الهم عاثي في وقاره
    دق باصابع متعبه ،، على الشباك
    قال :
    انا ياسدي مديون وانت الكريم
    يحكون عنك في الجرايد ،، وتقال في جودك قصائد
    ويقال انك للأرامل واليتامى عون
    ما ابغى منك الا حاجة ،، لبس الشتا لاجل العيال
    الله يسددلك خطاك اعطني مما عطاك
    واعتدل راعي الملايين الكثير في جلسته
    وعقد حجاجه ثم قال :
    ألا ما اثقلك واغباك ،، ليه يا اخي ما تشتغل
    انت كسول ،، ومستغل
    وطلّع من المحفظة فكّه ،، رماها وقفل الشباك
    ابغى لسؤالي اجوبة
    ليه البر والتقوى مليان في جرايدنا ؟!
    وليه هموم هالشارع بعيدة عن قصايدنا ؟!
    ليه الفساد ،، ليه الكساد ؟!
    وليه الحروب ،، وليه الحسد مالي القلوب ؟!
    وشهو الجواب ؟!
    اتمنى انه مايكون المال هذا هو وسيلة ماهو غاية
    هذي الكلمة النبيلة ،، اخترعها أغنيا
    لاجل مسكينٍ شقى يرضى بقليلة
    وصدق انت او لا تصدق
    ماني الشخص المثالي
    كل مافي الامر اني شاعرٍ ماهو يبالي
    كان صار اللي اقوله علقمٍ او صار حالي
    كل مافي الأمر اني استريح ،، لا مشابي مركبي عكس اتجاه الريح
    وما ابرّي من الخطى نفسي

    واللي اجاهر به مثل همسي
    صدق اني ماني الشخص المثالي
    كل مافي الأمر اني اجمع احساس الحواري وسط صدري
    وانقل الواقع لشعري
    كل مافي الامر اني شاعرٍ مطرود من جنة خيالي
    صدق اني ما قصدت اني اكون
    صوت للي مايبون
    صدق اني ماني الشخص المثالي
    والا تدري لا تصدق



    النظرة الخجولة


    مـا سـألتـوا صـاحـب النظـرة الخجـولـة

    كيـف يـسـهـرنـي ولـه وجـهٍ صبـوح

    كيـف يظـلـمـني وله طـهـر الطـفـولـة

    كيـف يـفـتـنـّي وهـو دايـم يــروح

    وكيـف أنـا ألقـى ربـيـعه فـي فصـولـه

    دام كـذبـه صـادق وصـدقــه مـــزوح


    لـه صـفـاتٍ تـورد العـاشــق ذهـولـه

    مسـتـكـيـن صـامـت وكـلـّه جـمــوح

    أصـعـب الأشـيـاء و أكثـرهـا سهـولـه

    أغـمـض الأشـيـاء و أكثـرهـا وضــوح


    سهـل تـغـرم بـه وصـعـب إنك تنـولـه

    غـامـضٍ طـبعـه وواضـح فـي الجـروح


    أسـعـد بشـوفـه ولكـن مـا أطـولـه

    كنّـي الـوادي وهـو أعـلى السـفـوح

    يـبتـسـم لا مـنهـم عنّـي حكـوا لـه

    ولا حكـوا لـي عنه أعـمـاقي تـنـوح

    لـي بقـلبـه شـيٍ لكـن مـا يقـولـه

    ولـه بـقـلبـي كـلّ و لكـنّـي أبــوح

    كنّـه الغيـمـه و انـا أرجـي هطـولـه

    مـا نـزل غـيثـه ولا بـرقـه يـلــوح

    مـا عـرفـتـوا ليـش تسهـرني فعـولـه

    وليـه يـسكـنّـي وهـو دايـم يــروح

    هـو يـبـيـني بـسّ أطبـاعـه خجـولـه

    ومـا يـبـيـني أغـفـا وهـو وجهـه صبـوح




    مردخاي ..!!

    ،،،


    سمعتوا قصة مردخاي ؟!
    من زمان ،، قالوا لاخوكم مردخاي
    " مردخاي هذا زمانك جاي "
    شفت هالأخوان ،، قاتلهم
    خذ أرضهم ،، اهدم منازل بعضهم ،، وشردهم
    غير معالم ارضهم
    وأطمس ملامحهم ،، فرقهم وتصير سيّدهم
    وامسك بتلمودك ودينك ،، وبعّثر مبادئهم
    وبعد ماتزرع بذور الحقد فيما بينهم !! وتحصد مشاعرهم
    قد ماتقدر حيّد اكبرهم
    رد له كامل حقوقه
    واعزف على اوتار فرقتهم
    واضرب أغناهم ،، بـافقرهم
    حاربهم ،، بهم
    واشعل معاركهم
    وبعد مايستنزفوا قوة بعض !
    خذ مابقى منهم ،، وفاوضهم
    فاوضهم على الفتات
    واذا عطوك حق الفتات!!
    رجع لهم ربعه ،، وسالمهم
    هذي قصة مردخاي سيد الزمان الجاي
    عاجبكم ؟!


    بنفترق

    تدرين وادري

    تدرين وادري بنفترق

    وتدرين قلبي بيحترق

    حنا أتفقنا بكل شي .. اٍلا الزمن

    عيا الزمن لانتفق

    ولاتزعلين .. لو نفترق

    قلبكِ خلي .. وقلبي أنا اٍللي بيحترق


    ياوردة في كل الفصول .. يافرح عيا لا يطول

    قولي واقول

    اٍن كان عندكِ لي حلول

    يافرحة القلب الحزين .. الوقت يمر

    ومالك عذر

    كانكِ تبين .. ننسى العمر .. ننسى السنين

    ونذوب في حب وحنين

    تدرين وش سر الحكايه؟ الوقت يمر

    ولكل شي لابد نهايه

    وحنا قربنا من النهايه

    ومالكِ عذر .. يابسمه الثغر الخجول

    اٍن كان عندكِ لي حلول

    واٍن كان ودكِ نتفق

    والا ترانا بنفترق

    ولا تزعلي لو نفترق

    قلبكِ خلي .. وقلبي أنا اٍللي بيحترق



    ياحب يادنيا جديدة

    يااحلى ابيات القصيدة

    اٍن كان جرحي ماكفى .. أنزف لكِ جروح جديده

    واٍن كان شعري ماوفى .. أنسى الحكي وأنسى القصيدة

    يااحلى أيام العمر .. كثر الحكي وش بيفيد

    مابقى عندي صبر .. والجرح في قلبي يزيد

    مالكِ,,,, عـــذر



    يابسمة الثغر الخجول

    ماظن عندكِ لي حلول

    وماظن ودكِ نتفق

    واحنا ترانا بنفترق

    ولا تزعلي لو نفترق

    قلبكِ خلي .. وقلبي أنا اٍللي بيحترق




    استاهلك

    ابسألك عن حالنا انتي وانا
    ياللي احس..انك انا
    حالنا ما هو غريب
    انا نكون متأكدين ان الفراق ما هو بعيد
    بالرغم من جرح السنين
    ماهو غريب .. اني لو مرة في همي
    نسيت وبكلمة جرحتك
    قبل ما تتألمين .. اللي ينزف هو دمي
    ابسألك ماهو غريب .. استاهلك
    ابسألك لو قلت لك ان الحنان اللي في قلبك
    ينبت من الصخر الزهر .. بأستاهلك
    وان النهار اللي في خدودك يخلي النسمة عطر..بأستاهلك
    وان العذاب اللي في عيونك يعلم الناس الشعر..بأستاهلك
    ولو قلتلك اني احبك اكثر من هموم البشر
    وكثر الجفاء وكثر السهر ... لو قلت لك
    وانك اقرب من عيوني للنظر
    كل الذي اقدر اقوله
    واللي ما اقدر اقوله
    بأستاهلك.. حبيبتي
    وباجاوبك ..للاسف ما به احد يستاهلك



    حكاية


    نحكي لك أجمل حكاية ،، عن قصة حب وقلبين
    صارت بك دنياهم أجمل ،، يا أغلى من ضي العين
    جيتي وصرتي ،، انتي الابدا
    انتي الدنيا والأيام ،، انتي الحاضر
    انتي باكر
    انتي العذب من الأحلام
    ربي يخلي ،، هذي الضحكة
    تملا عمرك فرحة ،، ونور
    ربي يخلي ،، ربي يسلّم
    ويحميكِ من كل شرور
    بكرة لما ،، الحلوة تكبر
    والقامة تطول شبرين ،، لما تمسك قلم ودفتر
    وتدرس علم وعربي ،، ودين
    ولما تكبر ،، اكثر واكثر
    ويتمّم ربي بالخير
    ولما نشوف الأم الحلوة
    تحكي حكاية ،، عن قلبين



    هنا العراق


    هُنَا العراقْ ..





    في كل ركنٍ ..


    حُرةٌّ تُسْبَى ..


    وطفلٌ مُقعَدٌ ..


    ودمٌ يُراق ْ..




    هُنَا العراقْ ..


    في كل بيتٍ ..


    والدٌ يبكي ..


    وأمٌّ تشتكي ..


    ضَيْمَ الفراقْ ..




    هُنَا العراقْ ..


    هُنَا الأرضُ التّي ..


    أعداءُها اغْتَصَبوا ..


    وقبلَهُمُ الرفاقْ ..




    هُنَا الخيرُ العميمُ .. المستديم ُ ..


    هُنَا الشعبُ الفقيرُ .. المستجيرُ ..


    هُنَا الحضارةُ ..


    والمنارةُ ..


    والمهارةُ ..


    والتطرُّفُ في الولاءِ ..


    وفي النفاقْ ..




    هُنَا الطغاةُ على مَدى الأيام سادوا ..


    هُنَا الغزاة على مَدى التاريخ بادوا ..


    اليوم عادوا .. عانِقوهم ..


    بشِّـروهم ..


    هاهنا سيُقتَلون .. ويُخْنقون ..


    من العِناق ..




    هُنَا العراقْ ..


    هُنَا الأمطارُ .. والأنهارُ ..


    والأشعارُ ..


    هُنَا الأفكارُ .. والأذكارُ .. والأقمارُ




    هُنَا الكرامةُ .. والدناءة ُ .. والمودةُ ..


    والتنافرُ ..والشقاقْ ..




    هُنَا العراق ..


    هُنَا الغناءْ .. هُنَا البكاءْ ..


    وكربلاءْ ..


    هُنَا الأحباب ْ .. هُنَا زريابْ ..


    هُنَا السيّابْ ..


    هُنَا الحجَّاج .. هُنَا هارون ..


    ماأدراكَ ما هارون .. !


    هُنَا المأمون .. هُنَا النوّاسُ .. من غيٍّ أَفَاقْ ..




    هُنَا العراقْ ..


    هُنَا البعث ُ .. هُنَا العَبثُ ..


    هُنَا الأصنامْ .. هُنَا الأزلامْ ..


    هُنَا صـدّامْ .. هُنَا الأقدامْ ..


    تدوسُ تِمثَال الزّعيمِ ..


    بِلا اتفّــاقْ ..




    هُنَا العراقْ ..


    هُنَا بداياتُ الحضاراتِ الأبيّة ..


    هُنَا نهاياتُ الشعاراتِ الغبيّة ..


    هُنَا الثرواتُ تنسى الأغلبيّة ..


    هُنَا الضَّحِكَاتُ من شرَّ البليّة ..


    هُنَا الجيوشُ لأيِّ معركةٍ تُسَـاق ..




    هُنَا جثمانُ أمتََّنا المجيدة ..


    هُنَا دُفِنت مآثُرنا التليدة ..


    هُنَا أمجادُ أمريكا الجديدة ..


    هُنَا صار الخليجُ على الحديدة .. !




    هُنَا ذابَت بلادٌ ..


    ذات يومٍ ..


    اسمها كـان العـــراقْ ..





    اسأل الأعمي

    اسأل الاعمي .. ان كان في نومه يشوف
    ليه يصحى
    واسئل الى مادرت عنه الهموم
    الى درا ان العمر محدود
    وان الفرح مهما اختفي.. موجود
    اسئله ليه ينوم؟
    وان جاوبوك اسئلني ليه حنا افترقنا
    ياصاحبي مابه سبب لفراقنا
    غير اننا جينا بزمن ماهو زمنا
    ياصاحبي مابه سبب لفراقنا
    غير اننا في حبنا عشنا الصدق
    وفي وقتنا وشهو الصدق
    في وقتنا لجل القاء تكذب
    ولجل تاصل ماتبي تكذب
    ياصاحبي خذها من جرحي نصيحه
    كانك تبي تاصل ؟ اكذب .. اكذب .. اكذب
    الصدق في وقتنا اصبح فضيحه
    في وقتنا دايم تهيم في شي ماتعرف مداه
    دايم تهيم فلي بعد عن سكتك
    والي زهد في محبتك
    والي فيدك ومتحمل جروحك معك
    مايهمك تنساه
    ولو تقتله مايالمك وبقدامك تاطاء على دماه
    ياصاحبي وقتنا في اوله ضيعنا اولا القبلتين
    وفي آخره الله اعلم وش بيبقي
    في وقتنا صار الغدر شيٍ عظيم
    والوفاء ماظنتي ان كان بتدور بتلقى
    ياصاحبي في وقتنا اطول مسافه ممكنه
    تمشيها بين النقطتين
    الخط المستقيم
    ياصاحبي في وقتنا وقت الالم
    من يسمعك مهما حكيت
    من ينصفك مهما شكيت
    منهو الى مايضحك اذا ذلتك دنياك وبكيت
    ياصاحبي في وقتنا
    ماللمشاعر ناس
    ياصاحبي في وقتنا لبعض القلوب احساس
    ياصاحبي في وقتنا وقت الكلام
    وقل الفعل لامات احد وانتقل لعلا رفيق
    من طيبنا نحزن عليه
    نصلي عليه
    ناصل معه للمقبره
    وفي المقبره غير الدعاء وقولت الله يرحمه
    مابه كلام وندفنه .. ولادفناه نبكي
    بدون دموع او بدموع
    المهم بعد مانبكي نتركه ونروح
    وتلقانا نقول مسكين يافلان مسكين
    من دنيتك وش الى خذيت؟
    وبعد باب المقبره بشبرين
    واقل من الدقيقه لامن دخل فينا الزحام
    من طيبنا نضحك ونسمع اغنيه
    لجل نتسلي في الطريق بين المقبره والبيت
    ياربي سبحانك يالي تجير من العذاب
    قلوبنا وش صابها ؟
    في وقت غدا بين الحياه والموت
    وبين البكاء والضحك
    شبرين ودقيقه وباب
    ويدننا الى قد حثت في وجه ميتنا التراب
    هي نفسها الى بعد شبرين واقل من الدقيقه
    اختارت شريط وحطته لجل تقتل طول المسافه
    بين المقبره والبيت
    ياصاحبي في وقتنا احسن كثير
    من بعضنا
    في المقبره على الاقل ميت وندري
    المشكله متنا ولالحين ماندري
    ياصاحبي في وقتنا ضاع احترام الموت
    في وقتنا حكينا ما اكثره
    وللأسف كل الحكي من غير صوت
    وان كان به فم صدق
    وسمحو يحكي بصوت مانسمعه
    ياصاحبي قدامنا كان اختيارين
    يانجاري وقتنا ونكذب ونخدع نفسنا
    يانفترق لان الفراق في وقتنا
    هـــو الـــصــدق
    افــتــرقــنــا
    ياصاحبي كانك تشك في اسباب الفراق
    دور لك اعمي واذا صحى اسئله
    ان كان في نومه يشوف ليه صحي
    ولـــيــه افــتــرقــنــا؟؟؟؟؟



    لي صاحب


    لي صاحب ٍ مرة وأنا جالس معه
    كان في بالي بداية فكرة لمطلع قصيدة
    وكنت أحاول قد ماقدر .. شتات فكري أجمعه
    أتذكر أنه قاللي في وقتها .. رغم اني ما كنت اسمعه
    هالدنيا ذي مافيها شي مبهج
    كل شي ممل .. أيامنا مثل الجرايد ..
    كلها سواسيه
    أتذكر اني وقتها تمتمت وقلت .. دونما تركيز
    فعلا .. معاك حق .. هذي حقيقة قاسية
    أتذكر انه قاللي .. رغم اني ماكنت اسمعه
    حبيبتي مادري قست .. والا نست
    أو انها متناسيه
    أتذكر اني قلت له .. أيضا دونما تركيز
    فعلا .. أكيد .. معاك حق .. فعلا ظروفك قاسية
    أتذكر أنه قاللي وقاللي وقاللي
    لين الشعر فيني تلاشى .. وقتها صرت اسمعه
    كان يتأملني ويقول :
    ليه الفرح دايم لأيامي يتحاشى
    تبغوا الخلاصة القاسية ؟
    صاحبي في يومها كم كان مزعج .. حيل مزعج
    مثلما رنين الهاتف الجوال .. وسط هذي الأمسية



    يسعد صباحك

    يسعد صباحك يا حبيبي،، حالي طيب
    كل شي مثل اللي كان
    المدامع ،، والمواجع
    والأمان اللي اختفى لحظة غيابك
    والليالي اللي مضت
    مثل الليالي اللي مضت
    الهم عازف
    والدمع نازف
    والعمر في غيبتك ،، ! حاير وخايف
    حتى جراحك وسط قلبي مثل ماهي
    وفي شفاهي باقيٍ نفس الكلام اللي بقى،، آخر لقا
    مثل مانت يا حبيب الروح شايف
    كل شي مثل اللي كان
    وحالي طيب
    يسعد صباحك يا حبيبي
    ،،
    هذا انت
    كل ما ضاقتبي الدنيا ،، تغيب
    وكل ما ضاقت بك الدنيا ،، تجيني
    هذا انت
    ان كساك الهم ،، صرت أوفى حبيب
    وان نساك الهم،، تتباهى بـ أنيني
    مثل منت ،، دايم تجي فـي وقتك حبيبي
    بعد ما وقتك يروح
    يا آخر دموعي وشجوني
    وأول إحساسي جروح
    ما بقالي من عذابي يا حبيبي الا انت
    وهذا انت يا حبيب الروح شايف
    كل شي ،، مثل اللي كان
    وحالي طيب
    يسعد صباحك يا حبيبي
    هذا ضي الصبح ؟ أو هو بعض نورك ؟!
    هذا همس الورد ؟ أو دافي شعورك ؟!
    منهو مثلك ؟في غرورك ؟!
    جيت متأكد باسامح
    راسم الطيبة ،، ملامح
    ماهو بدري ؟ ؟
    انت تدري
    ما قتلني غيابك ،، اكثر من حضورك
    أيـــه كان العمر داكن
    ايه كان الهم ساكن
    وقتي بعدك
    بس أنا يا ضيّ عمري
    كنت عودت الأماكن تألف بعادك وصدك
    ياللي ما يرضيني ضعفك
    ما ادري انثر فوق كتفك أغلى دمعي ،، او أردك


    لاجل أوصلك


    بفــارق فراقــك وبخنق عبرتي
    واجرّح اضمادي واسافرلك معك
    باشدّ للماضي واقدم ساعتي
    واعـــاند عـــنادي واقودك واتبعك
    بجامل احزاني واجافي فرحتي
    واعادي خلاني واحبك واخدعك
    باصير انا طبعك و أنتي طيبتي
    وبـيحزنك ضحكي واهلّّي بمدمعك
    باسامر دموعي واعزّي ضحكتي
    وباهدي انا ضلالي ضلالٍ ياسعك
    بلبــس انا ذلك وقيسي عـــــزتي
    وبـتصيري ذنوبي وخيري بيطبعك
    بحارب في ضعفي وافرّ في قوتي
    وإلى رضختي لي لموتي بدفعك
    ولاجل اللقاء بارحل وتمضي رحلتي
    وإلى حصل شوفك باكون مودعك
    اببعد واوصـــلك وباســبق خطوتي
    وبانـثـــرك فيني وانســى اجمــــعك
    باضم أنا هجرك في قربك وحدتي
    وتدلك عيوني وقلبي مضيّعك
    واذا اظلمت دنياي باطفي شمعتي
    واذا كثر زادي باجوع وباشبعك
    شردتي رقادي وسمعتي نضرتي
    وغمضت أنا عيوني لاجل ما اسمعك
    صرخت في سكوتي ولمستي صرختي
    .... وقربتي وجهك لي لاجل ما اصفعك
    عند الحزن تثقل خطاكي دنيتي
    وعند الفرح قالت خطاكي ماسرعك
    قصيدتي يكفي غبية كذبتي
    حبيبتي آسف بخونك ،، بس معك


    سبتمبر

    ،،،

    ما هي حكاية خطبة أو مَنْبَرْ

    ولا حكاية مجتمع عَنْه التَّرَف أدبر
    ولا حكاية مناهج فجأة اكتشفوا انّها لابد تتغيّر
    ما هي حْكاية بطالة ،، ولا هي حْكاية جهالة
    ولا هي حْكاية عمالة
    ولا هي حكاية كراهية تقادم أو وراثة
    ولا هي حكاية صراع بين الثوابت والحداثة
    ولا هي حكاية حقد من أصغر على الأكبر
    ما هي حكاية وضع بائس
    أو شباب مُعْدم ،، ويائس
    فارقوا كل المباهج ،، دُرّبُوا في ليل حالك
    وخاضوا لامريكا معارك
    وبعد ما أدّوا الغرض ،، صاروا مرض
    ما كوفِئوا بما يرونه مُسْتَحَق من الثّمن
    وبعد فترة من الزمن!!
    أصبحوا أعنف وأخطَر
    وأصبحوا بالأمر أخبَر
    خلّطوا حابل بنابل
    وقرّروا يكونوا قنابل
    موقوته من ناس آخرين
    في وقت يأتي بعد حين
    في اللحظة المثلى تُفَجَّرْ
    ما هي حكاية صُدَفْ
    ولا هي تخطيطٍ مُدَبّر
    الحكاية ما هي هذي
    الحكاية قد تكون ،، أكبر أو أصغر
    لمّا تاريخ الحقائق يطمسوه ،، بالأدلّة والشواهد

    لمّا أولى القبلتين يدنسّوه ،، والدنيا تشاهد
    لمّا طفل يموت بين أحضان أبوه ،، والدنيا تشاهد
    لمّا تنهدّ البيوت ،، فوق روس أصحابها،، والدنيا تشاهد!
    لمّا يُقْتَل شخص في مسجد ،، وهو ساجد ،، والدنيا تشاهد !!
    لمّا تندكّ الكنائس بالرصاص ،، والدنيا تشاهد!!
    لمّا تُفقَد كل آمال الخلاص
    وتضرب الحسرات.. في كل الصدور أطنابها
    لمّا تفقد أم ،، نصف أطفالها
    ويصبح زوجها معوّق
    ولا مناص
    تصير الكل في الكل
    وما في في المنزل أكل
    وجيش مدجّج بأعتى السلاح ،، يحاصر بابها
    لمّا تصبح كل فكرة للقصاص ،، تُهْمَه !!
    والله أكبر تصبح إرهاب
    لمّا الفلسطيني تُهَان أخته وأمّه ،، ويلاقوا لهذا أسباب!!
    لمّا يومياً تكون المعركة ،، ما بين أطفال بحجارة ،، ودبّابة
    لمّا يومياً يمارس هتلر العهد الجديد
    حصاره ،، وإرهابه !!
    لمّا كل هذا البغي بكل صفاقه يؤيدوه !!
    لمّا تاريخ المذابح يطمسوه!!
    لمّا أولى القبلتين يدنسّوه!!
    لمّا تُصبح سيّدة هذا الزمان !!
    أمنّا الغولة ،، كذّابة !!
    لمّا تصبح أمّة العُرْب الأشاوس ،، أُمّة ندّابة !!

    لمّا كل هذا يصير
    ويَحُدث الحدث الكبير
    يحدث الأمر المحال
    وتصبح إسرائيل
    هي بس وحدها
    المستفيد الأكبر
    ينطرح في كل هالدنيا سؤال
    هي حكاية خطبة أو منبر؟
    أو حكاية مجتمع.. عَنْه التَّرَف أدبر!؟
    أوحكاية مناهج.. لابد تتغيّر!؟
    ما ندري ليه ؟؟
    جاوب يا سبتمبر !!



    من مصر للعراق

    بعد عام على الغزو ,إلى المقاومة العراقية الباسلة-

    و قتاً للتحدي سآخذُ من دمي
    و أجعلُ من أيامه غضباً و إنطلاقْ..
    بملء ساعاتي و نجومي و فمي
    سأنشدُ إنتصاركَ يا عراقْ..
    باسقةٌ تظل أشجارُ حلمي..
    تتحدى باليخضورِ كلَّ أفَّاق
    ***َ

    سآخذ من دمي الجريح
    و قتاَ للتحدي الصريح
    و بكلِّ كياني أصيح:
    بوابةُ الفجر
    دربُ المعاني
    مستقبلُ الروح..
    عباءةُ الأماني...
    كلها أنتَ يا عراقنا العملاق
    ***
    يا معراجَ النخيل..
    يا بابلَ يا آشور
    يا مفتاحَ المصير
    يا بغدادَ يا منصور..
    يا معجزة نحفظها
    بكتابِ الإنتماء الكبير..
    أنتَ الباسلُ الطليقُ
    و كلّ من عاداكَ أسير..
    ***

    سوف اكررُ ما قلته
    أنا و شعبي و جراحي
    و نقولُ آلاف المرات..
    تسقطُ وجوه الخانعين
    و لن تسقطَ من سواعد تاريخكَ الرايات
    يسقط التابعين.. الصامتين..
    تصمدُ بغداد الحبيبة..تصمد الماجدات
    و ترفع كلُّ سنديانة و شجرة نخيل
    قبضة عباسية بوجه الطغاة...
    و يسقط الغزاة..جميع الغزاة
    يسقطُ من لا يدافع
    عن مياه إنتسابنا..
    في دجلة و بردى و الفرات..
    سوف أعيدُ ما قلتهُ
    انا و إنتفاضتي..و بواسل شعبنا
    و شهداء مجدنا و الشهيدات..
    في دمنا آفاق جموح
    في دمنا الفلسطيني ثورات و ثورات..
    في دمنا العربي مواعيد إنبعاث و هبًات
    من دمنا تأخذُ الأرضُ بذورها
    من دمنا ينبعث لظى الأعماق..
    لندافعَ عن فلسطينَِ.
    .عن سوريا و لبنان و العراق..
    في دمنا..رسائل آتية..
    فـإنتظر أيها اليانكي جمر الآتيات
    ..حين تأتيكَ الآتيات..
    تصنع من هزيمتكَ بارجةَ إندحار
    و تعود إلى بلادكَ في ذلٍ و إنكسار..
    يلطمُ وجهكَ الخزيُ و موجُ الزفرات..

    وسرى نسيم بالمحبة مفعــــــــم

    وتألق الأمل الجميل بخاطــــــــري


    فرأيت دمعي بالصبابة يٌسجـــــم

    إني ذكرتك يا منى مخضلــــــــــة


    ولهيب قلبي بالأسى يتضـــــــرم

    وقوافل الآلام يحدوها النـــــــوى


    وصروحُ أحلامي الجميلةِ تهدمُ

    فسفحتُ من ألمي عليها أدمعــــاً


    ورحلتُ والشوقُ الحبيس يترجمُ

    ما كنت أنسى يوم أبصرت الرضا


    والشوق في ثغر المساءِ يتمتمُ!!

    ما كنت أنسى يوم جاءتني المنى


    والقلبُ في فيء الأماني يحلـمُ!!

    ما حيلة العمر الجميل إذا طــوى


    أحلامهُ ليلٌ طويلٌ مظلــــــــــمُ!!

    ما حيلتي والقلب يشدو حـــــزنهُ


    والشوق خيلٌ بالصهيل يحمحم؟!

    كانت أهازيج اللقا أنشــــــــودةً


    يهــذي بها قمرٌ وتنصتُ أنجمُ

    كانت مرابع أنسنا مزدانــــــــــة


    ما بــــــالها بيداً تروعُ وتؤلم؟!

    أسلوكِ يا ألق الحياةِ مراغمــــاً


    أسلو وصوتُ مواجعي لا يرحم؟!

    مهما تماطلني بأوهــــــام رؤىً


    فيقين قلبي شامخٌ لا يهــــــــرمُ

    مهما تحاصرني الهموم فإنـني


    نحو العلا بعزيمتي أتقــــــــــدم

    وأعيشُ محنة أمةٍ مكلومــــــةٍ


    أضحت تذل وتستباحُ وتظلــــــمُ

    هي أمتي لا لا تسل عن جرحها


    كلا ولا من أي جنبٍ تُكلـــــــــم

    هي أمة الإسلام تلعق ذلهـــــا


    صبراً ووجهُ إبائها متجهـــــــم

    هي أمة الإسلام لا ترضى الردى


    تأبى الخضوع عن المهانة تحجم

    فإلى متى يؤذي الجبانُ شموخَها


    وإلى متى يا أمتي نستسلـــــــــمُ

    لا تيأسي فالله ينجز وعـــــــدهُ


    والنصر من رب العباد مسلّـــــمُ



    قد أخذنا وقتَ التحدي من دمانا..
    فإرحلْ يرافقكَ العارُ و تحرسكَ الأزمات



    نـحـــس !!


    يوم الاثنين اغتنى
    وصار بين الأ غنياء ،، ترتيبه الثالث
    يوم الثلاثاء الفجر ،، مات في حادث

    فريق كورة ،، دائما ترتيبه في الدوري الاخير
    واذا لعبوا واستبسلوا ،، قبل الاخير
    وبعد السنين الممحلة ،،
    جاهم رئيس ثروته كثر التراب
    عيّن مدير ،، عنده من الخبرة كثير
    شال الكبار ولعّب شباب
    وجاب المدرب اللي له اسمٍ مهاب
    واتقدموا ،، وصلوا للدور النهائي
    ويوم النهائي ،، قبل المباراة بدقايق
    في البلد حصل انقلاب

    مسكين !!
    شين وفقير
    وفي الدراسة حاول انه يستمر ،، ومااستطاع
    وضعه صعب ،، أبوه مات وهو صغير
    وماترك له الا الفقر ،، وأمه وأخته ، والهم من فوقه وتحته
    ومالقى لاجل الهروب من الضياع
    الا انه يدور وظيفة ،، أي وظيفة
    ولقى من ضيقته مخرج ،، وظيفة دخلها معقول
    يمّشي الحال ،، لو اعرج
    ومرت سنة وسنين
    والمسكين ،، صارت كل آماله زواج
    وتزاحمت في داخله الاسئلة
    منهي اللي بتقبله ؟
    وليه ؟
    وفي يوم مامثله ابد
    شافها ،، أجمل من أجمل مارأى
    وضحكت له
    مستحيل !!
    ضحكت له
    ومشت من أول الحارة ولحقها
    ودخلت في بيت جاره
    سأل عنها وعرف
    قنوعة وأسمها سارة
    تصير أخت لمرة جاره
    أرسل لها أخته
    تجس النبض
    جت البشاير
    راح لامه ،، وفرحته كبر السما والارض
    وافقت
    أبشرك يمّه لقيتها يمه
    سارة أخت حصة مرت منصور
    ابيها وهي تبيني ،، وابغى منك الشور
    خلاص يا يمه خلاص
    باقول لهمومي الوداع
    بقول لهمومي الوداع
    قالت له أمه :
    يا ولدي بس هذي اختك في الرضاع







    أسألوا دمي

    أسألوا دمي ،، عن غلا أمي

    ،،،


    اسألوا دمي وسعادتي وهمّي
    اسألوا التوفيق
    والكدر والضيق
    اسألوا الطيب في صفاتي
    والدعاء اللي في صلاتي
    واسألوا شهودي
    الدموع اللي في سجودي
    اسألوهم..واسألوا دمي
    عن غلا أمي



    مجلس رجال

    مجلس رجال
    على اليسار مقلّط ،، وعلى اليمين صالة
    ضيوف جالسين ،، قهوجي يلم الفناجين
    وينطر اخر ضيف منهم يهز فنجاله
    ضيف يقبل من بعيد
    يقوم صاحب المجلس طلال لستقباله
    شخص جالس على اليمين يهمس لجاره :
    هذا احمد اللي جاي بس ماهو لحاله
    من معه ؟
    يبدولي اطفاله
    ويدخل احمد معه ثلاث اطفال
    وعند باب الصالة يستقبله طلال
    السلام عليكم
    الكل يوقف
    هلا والله مرحبا عليكم السلام
    حي الله احمد هلا وسهلا تفضل ،، كيف الحال ؟
    هلا طلال ،، اعرّفك على عيالي
    ابني صابر عمره ثمان سنين ،، لاتستحي سلّم ياصابر
    بنتي هالة ،، ست سنين ،، سلم ياثامر على الجماعة ،، وش هذا اللي في يدك ؟؟
    اها ،، سجايري والولاعة
    عبدالمعين يطالع الساعة ويهمس لجاره
    كيف يجيب اطفاله ؟! محد منا معه اطفاله ،، ليش يجيب اطفاله
    ويجلس احمد ويجلس حوله عياله
    طلال يقول :
    ما شاء الله ياحليلهم الله يحفظهم ويحرسهم ويحميهم
    ماشاء الله يا صابر : ايش هالثوب الجديد
    احمد يقول وملىء وجهه ابتسامة
    هذا صابر موهوب في التقليد قوم ياصابر قلّد اصالة
    والا تدري وري عمك كيف يركض سامي الجابر
    ينطلق صابر لخارج المجلس
    رجع معه كورة ،، يشوتها تنزل من السقف ثمان لمبات مكسورة
    احمد يقول وملىء وجهه ابتسامة
    شاطر ياصابر ،، شفت ياطلال شقاوة هالعيال
    طلال يتمتم :
    ياحليلهم الله يحفظهم ويحرسهم ويحميهم
    تعالي ياهالة سمعيهم و وريهم اغنية و رقصة الخيالة
    لا تستحي يا بنت مافيه احد غريب هذا عمك طلال وهذا عمك مثيب
    وهذا عمك عبدالمعين وهذا ،، لا مؤاخذة انت مين ؟
    - انا عبدالكريم
    عبدالكريم !! تخيّل يا اخي ماعرفتك لانك يمكن ملتحي !!
    لاتستحي يابنت لاتستحي
    تدري طلال ،، هالة نجحت بامتياز
    صوت مدوي ينفجر
    اه ياثامر ما اشطنك ،، كسّرت القزاز!!
    احمد يقول وملىء وجهه ابتسامة
    شفت ياطلال شقاوة هالعيال
    طلال يتمتم :
    ياحليلهم الله يحفظهم ويحرسهم ،،!!
    وش كنت اقول ،، ايوا طلال كنت اقول هالة نجحت بامتياز اعطيتها البارح فلوس
    وقلت لها ياهالة ايش ما تبغي اشتري
    طلال يقول
    " مبروك ،، مبروك ،، يش تبغي تصيري لما تكبري ؟
    هالة تتفل على طلال وتقول :
    ايش دخل ابوك ؟
    احمد يقول وملىء وجهه ابتسامة
    شفت ياطلال شقاوة هالعيال
    طلال يتمتم :
    ياحليلهم الله يحفظهم ،،!!

    تعال ياثامر عدّ لعمك من واحد الى العشرة
    ثامر يبتدي يعد
    واحد اثنين ،، ثلاثة ،، سبعة
    احمد يقول وملىء وجهه ابتسامة
    دايم يعد ،، ولما يوصل اربعة يلخّبط
    يالله ياثامر من جديد
    يبدا ثامر من جديد
    واحد اثنين ثلاثة سبعة
    شاطر يا ثامر شفتوا كيف لخبط ؟
    ينفتح باب المقلّط ويدخل النادل شايل دخون
    والصالة في حالة جنون
    احمد يصفق ،، صابر وثامر يرقصون
    طلال يقوم
    العشاء ،، تفضلوا ،، الله يحيكم
    احمد يقول
    يالله يا اولاد الله يحميكم ،، اتعشوا اول ،، بعدين سووا اللي تبون
    يركض الاولاد قبل الضيوف ،، وللمقلط يدخلون
    صابر ياخذ برتقالة ،، يرميها على النادل ، تطيح المدخنة والدخون
    ثامر هناك يكسر بياله ، ويرمي شظاياها على اللي ياكلون
    هالة ترمي على طلال صينية ، وتاخذ علبة مياه غازية
    تخضها
    تخضها ،، تخضها
    وترقص رقصة الخيالة وتفتح العلبة
    احمد يقول وملى وجهه ابتسامة
    ايوه ،، هذي رقصة الخيالة
    والضيوف في ثياب من المياه الغازية يرفلون
    مجلس رجال
    على اليسار مقلط
    وعلى اليمين صالة
    كل شي فيها ماهو على حاله



    قزاز مكسور ، سجادة محروقة ، غترة مشقوقة ،، صينية هناك مرمية
    ضيوف مبللين بمياة غازية
    على وجه عبدالمعين جرح قطعي ، ومهلبيّة
    نادل مصاب بحروق من الدرجة الاولى ن ،، وجروح سطحية
    كورة ،، لمبات مكسورة
    يضهر احمد من المقلط وملىء وجهه ابتسامة
    اكرمك الله يا طلال ،، شايف شقاوة هالعيال
    اقول طلال اشكر ام العيال نورة
    العشاء كان رائع ،، ماقصرت مشكورة
    عشاكم ياجماعة بعد اسبوع عندي ،، لازم تشوفو ولدي الصغير
    اخر العنقود ، منصور ،، عمره ثمان شهور
    شيطاني يعقد ،، اظن له معي صورة
    شوف يا طلال هالصورة ،، لاتغرك نظرته ،، ترى والله ذكي مره
    ما يضحك ولا يبكي لما يبدا اخوه ثامر يعد
    طلال صامت ما يرد
    وترتسم على وجهة احمد علامة استفهام ،، ويتساءل في داخله
    طلال كن وجهه متغير ،، اكيد احد من هالضيوف زعله
    مسكين طلال ،، دايم في حاله مايخلوه
    زين جبت العيال سلوه
    ويخرج احمد من الصالة فخور بعياله
    تارك وراه مجلس ،، كان مجلس رجال
    وعلى اليسار بقايا مقلط
    وعلى اليمين شبه صالة




    السفينة ،،


    ماقد سمعتوا عن سفينة في بحر ؟
    والبحر موج متلاطم !
    والخطر فيه متعاظم
    ماسلم منه أحد ،، ماترك شيٍ ابد
    كودالسفينة وحدها
    ماهزها موج البحر
    وان هزها
    امسك بها ربانها
    وابعد عن حماها الخطر
    بدينها وقرآنها
    ماقد سمعتوا عن سفينة قويةٍ دايم عظيمة ؟
    بحرها هو الحياة والسفينة هي بلدنا
    والفهد ربانها
    ماقد سمعتوا من بنى هذي السفينة ،، وكيف؟؟
    كانت غبار ،، كانت جروح متناثره في كل صوب
    ورغم الجروح جمّع شظاياها بيده
    بامر العزيز
    وافنى العمر ليل ونهار
    وارخصلها قلبٍ وروح
    عبدالعزيز
    عبدالعزيز اللي بنى هذي السفينة
    تعبت منه الدروب
    واشتكت منه الحروب
    بالسيف أرسى شراعها
    وبالحب قوى حبالها
    ومن يومها ! رغم السنين ،، تمضي السفينة في دربها
    ماقد سمعتوا عن سفينة
    قويةٍ دايم عظيمه
    بحرها هو الحياة والسفينة هي بلدنا
    والفهد ربانها
    ماقد سمعتوا عن أهل هذي السفينة
    عن كرم اهل السفينه
    عن وفاء اهل السفينه
    وماقد سمعتوا عن قهر حسادها
    وكيف انها للي نواها بالغدر ماتمهله
    تجعله ذرٍ هشيم ،، مايمهله طوفانها
    ماقد سمعتو عن سفينة
    رفعت قدر البحر
    ماقد سمعتوا عن سفينة
    قويةٍ دايم عظيمه
    بحرها هو الحياة والسفينة هي بلدنا
    والفهد ربانها



    سيّد القاده
    ،،
    عشرين عام
    والدنيا احداث ٍ جسام والكون يبدي الاحترام
    لاهل السعودية الكرام
    في ظل قايدهم فهد
    عشرين عام
    لولا فضل رب الأنام ثم خادم البيت الحرام
    فهد الامام ابن الامام كان البلد غير البلد
    عشرين عام
    مليكنا الشهم الهمام ارضخ هوايلها العظام
    وكفى المشقة والكَبَد
    عشرين عام
    خلّى عواصفها غمام ونيرانها برد وسلام
    وبدّل شقاها بالسعد
    عشرين عام
    ماشافت بلادي ظلام كيد العدا اصبح حطام
    حماها ربي من الحسد
    عشرين عام
    انجاز فاق ألفين عام علم وبنا ورفعة مقام
    ياربي تبقى للأبد
    يافهدنا عاشقينك شايلينك في نواظرنا لإنك
    مخلص النية رفيع النفس مؤمن
    مرخص الغالي لشعبك طيب اليمنى محنك
    شايلٍ هم الوطن في وسط قلبك
    مبتغي مرضاة ربك
    به نجيت وفي رجاه احسنت ضنك
    يابلادي دام خيرك ودام طيبك ودمتي في عز ورغد
    يابلادي دام مجدك ودام سعدك في ذرى الغالي فهد
    رعاك الله ياخادم بيوت الله وبانيها
    كل أرضٍ بها مسجد تقول الأرض سجادة
    رعاك الله لبلادك لأمة انت راعيها
    لشعبٍ شالك في قلبه وعدك ثالث أعياده
    تجي في المسلمين جروح عظيمه من يداويها
    يداويها الكريم الشهم ملكنا فهد كالعادة
    شمل خيره جميع الأرض اقصاها ودانيها
    ملك افنى بعطاه الجود خلقه الله لعباده
    تخيّر أشرف الألقاب تسامى عن تباهيها
    تسمى بخادم البيتين وهو سيد على السادة
    طويل العمر وغالي الأمر ذرى الأمة وحاميها
    شديد الضر ساقي المر للباغي على بلاده
    ملاذ الجار .. رد ديار مغصوبة لاهاليها
    طفى الفتنة وأخمدها وحرر شعب و قياده
    هقت فيه الكويت الخير وماخيب هقاويها
    نخته ولا انتخى كحيلان تجيه الأرض منقاده
    عطايا الضافي الوافي نبي نلقى تواليها
    نعددها ولاقلنا قضت نلقى به زيادة
    عطاه الله من فضله خصال مانلاقيها
    سوى فاطيب ملوك الأرض فهدنا سيد القادة


    تسلم عيوني

    والعذر من جنابك على التأخير
    ياطيب حظي كان انا حلم دنياك
    ،،،،،،،،،،،، ياللي تقول اني امانك وخوفك
    تحبني ! أدري حكالي محياك
    ،،،،،،،،،،،، رعشة يدينك وارتباكة حروفك
    ياللي الوفا هو بعض اصغر مزاياك
    ،،،،،،،،،،،، حملي ثقيل وافياتٍ كتوفك
    تشيل همّي دوم كنّي انا أيّاك
    ،،،،،،،،،،،، صارت ظروفي مو ظروفي ،، ظروفك
    ان جيت ابحكي عن بهاك وسجاياك
    ،،،،،،،،،،،، كيف اوفي اخلاقك وباهر وصوفك
    وان جيت الاقي لك خطايا ،، خطاياك
    ،،،،،،،،،،،، اطيب قلوب الخلق ساكن بجوفك
    وشلون ماحبك وهذي سواياك
    ،،،،،،،،،،،، وشلون ماهديك عمري فـ كفوفك
    ياقلب قلبي وش حياتي بليّاك
    ،،،،،،،،،،،، تسلم عيوني دامها هي تشوفك



    الوداع
    ،،


    ألا يا قلب نبضي ،، يا سما دمي و وجداني
    فمان اللي عطاكي كل طهر الأرض ،، أنا ماشي
    هذا كان اخر مانطق قلبي ،، وأول نبض في لساني
    وتلاشى النطق
    وعصر حزن الوداع اللي حضر قلبك دموع
    بكت ادفى دموع الخلق
    وسرى في داخلي برد الخشوع
    وغير العطر ودموعك وجرحي من وداعك ،، مابقالي
    استعفر اللي صورك مما طرالي
    طرالي يادفى عمري
    وياترحالي وحلي
    ارشف دمعك الطاهر واغسلبه واصلي
    واحمد ربي اللي بك حباني
    الا يا ام اجمل من سكن قلبي
    ويا داري وعنواني
    فمان اللي عطاكي كل طهر الأرض
    أنا ماشي





    نحمد الله


    نحمد الرحمن الفرد الإله
    ........................ فالق الإصباح رب العالمين

    نحمد اللي قد تبارك في علاه
    ........................ يجزي بالإحسان كل المحسنين

    نحمد الله سلم الفهد وشفاه
    ........................ خادم البيتين ذخر المسلمين

    نحمد الرحمن من فضله عطاه
    ........................ السخاء والطيب والعزم المكين


    الإمام اللي عرفنا مبتداه
    ........................ شاد صرح العلم بالله مستعين

    والإمام اللي عرفنا iiمبتغاه
    ........................ خدمة الاسلام وبلاده تزين


    عنده الحكمة ألا منهو سواه
    ........................ هاجت الأيام جوله مسرعين

    الزعيم اللي إلى اشتدت نصاه
    ........................ من جميع اجناس عرب واعجمين

    الزعيم اللي به اعلينا الجباه
    ........................ ديرته عدابها عمر السنين

    والزعيم اللي سكن واسكن غلاه
    ........................ في قلوب الشعب ولشعبه أمين

    وزع القران والقاصي قراه
    ........................ وسع البيتين للي زايرين

    انصره يالله ماقامت صلاة
    ........................ وما سعى ساعي وطاف الطايفين

    واجعل الجنات ياربي جزاه
    ........................ مع عبادك فوق اصحاب اليمين




    يا كاعب


    يا كاعب الطبع الفريد
    ...................... ياللي في صدقك تكذبي
    يا أقدم الكيد الجديد
    ...................... كيد انسجن منه نبي
    يا جاريه تملك عبيد
    ...................... يا مقيده تسبي سبي
    القوه في ضعفك تبيد
    ...................... وسلاحك الدمع اسكبي
    ما يعجزك قاسي عنيد
    ...................... الكهل يصبح بك صبي
    ينصاد ويظن انه يصيد
    ...................... ويصدقك هذا الغبي
    ويظن انه الفذ الوحيد
    ...................... ما يدري انك تلعبي
    مسكين هالجاهل بليد
    ...................... ظنك بوصله ترغبي
    ان جاك اقفيتي بعيد
    ...................... وان صد عنك تقربي
    وان شفتي اخلاصه يزيد
    ...................... في حيرتك تتقلبي
    وان بان لك فجأة سعيد
    ...................... من هالسعادة تغضبي
    وان قلتي عني لا تحيد
    ...................... وطاوعك تستغربي
    وان قلتي فراقك أريد
    ...................... وغاب عنك تندبي
    ياطالب الراي السديد
    ...................... يا حاير بطبع الظبي
    أقرب من حبال الوريد
    ...................... وابعد من المجد الأبي
    وأوضح من أنوارٍ تقيد
    ...................... واخفى من النملة دبي
    الشك فيها والأكيد
    ...................... وغموضها به تختبي
    شف فعلها يحكي ويعيد
    ...................... الغدر شيمة مذهبي
    زادي النكد به استزيد
    ...................... والمكر صافي مشربي
    البعض ينصاني مجيد
    ...................... والبعض يحبيلي حبي
    ضعفي قوي وذلي عتيد
    ...................... يا ليت اعرف مأربي
    شف فعلها برجلٍ شديد
    ...................... تلقى طلبك ومطلبي
    تعطيه بعض اللي يريد
    ...................... وتاخذ جميع اللي تبي
    أستثني من هذا القصيد
    ...................... كل النساء بكوكبي



    سيد العرضه


    يمر الوقت والدنيا تقلّب بين الاحوالي
    ......................... . ألم مع ضيم مع فتنة مع حروب تغطيها

    واذا برقّت ماتلقى سوى ويلات الاهوالي
    ......................... . سرى فيها القتل والجوع من أولها لتاليها

    وتبقى بلادي بنعمة حباها رب متعالي
    ......................... . بشعبٍ خيرٍ امن بروحه دوم يفديها

    بخدّام البيوت الله بأسرة قدرها عالي
    ......................... . تلاحم شعبها معها وهي منهم وهم فيها

    حباها بالفهد حامي حماها ارخص الغالي
    ......................... . وعمّت أرضنا النهضة من اقصاها لدانيها

    عطاها روحه وعدى بفعله كل الاقوالي
    ......................... . سكن حبه قلوب الناس حاضرها وماضيها


    ألا ياسيد العرضة نحبك مابها جدالي
    ......................... . سكن حبك قلوب الناس حاضرها وماضيها


    ابو متعب سليل المجد عريب الجد والخالي
    ......................... . ولد عبدالعزيز اللي بنا وارسى مباديها

    ترد الحق لهل الحق تزايم ثقل الاحمالي
    ......................... . تداوي الجرح لايدمى جروح اعداك تدميها

    يجي ناصيك في ضيقة ويقفي غانمٍ سالي
    ......................... . تفرج كربة المظلوم وعين الظلم تعميها

    فتحت ابوابك وقلبك ومن جا يلقى الاقبالي
    ......................... . ويلقى الطيب والشيمة ونخوة من يباريها

    غدى الكرسي وسعة صدرك وحلمك مضرب امثالي
    ......................... . طفل او شاب او شايب مطالبهم تلبيها

    تقعّدهم وتسمعهم من أولهم إلى التالي
    ......................... . ولاتغضب ولاتضجر ولايخفاك خافيها

    نحبك ياولي العهد عضيد الفهد ياغالي
    ......................... . نحبك كثر مامرت على الدنيا ثوانيها



    البحرين


    جمعت العشق في صدري حملت شعورنا الصادق
    ......................... ........ من دياري لدار الشيخ عيسى طيب الافعال

    من ديار الزعيم اللي خذانا للعلى واثق
    ......................... ........ فهد عالي المقام اللي بعزمه تضرب الامثال

    اشوف الجسر ماهو جسر اشوفه وصل للعاشق
    ......................... ........ جمع رمل النفوذ وموج بحر اللولو واليامال

    الا يادرة التاريخ غلاك عندنا فارق
    ......................... ........ وحبك في ضمايرنا تعدى الوصف والاقوال

    عظيمة حيل يالبحرين وشيخك للعلى سابق
    ......................... ........ مشى ببلاده وشعبة وعدى الصعب والاهوال

    وعظيمة حيل يابلادي عطاكي الواحد الرازق
    ......................... ........ حباكي بخدمة البيتين وعز في جميع احوال

    عسى ربي يديم الود ماذاق الهوى خافق
    ......................... ........ وعسى يحفظلنا الدارين ماجف الحبر او سال





    الشاعر الأول


    قرّر التاجر يكون الشاعر الأول
    ......................... ........ افرحوا يا اهل القصيد وجهزّوا الساحـــة

    سهلّوا الأوزان لاجل المبدع الأفضل
    ......................... ........ بعد إرهــــاق العــمل يحتاج له راحـــــة

    فاضي هو يوزن ؟ كلامه كامل مكمّل
    ......................... ........ يكفي انّه لاجلنا يكتب عن جراحه

    الكسر في اسماعكم وإدراككم يجهل
    ......................... ........ عبــقرية فرحته والفن في واحه

    جدّدي له يا صحافة عهدك الأمثل
    ......................... ........ وارسمي الأشعار صحرا وشعره الواحة

    واكتبي عنه العظيم الشامل الأشمل
    ......................... ........ كان يحتاج الشــعر جهده واصــلاحه

    واسألي كيف ومتى وهل كان أو يعقل
    ......................... ........ عــمرنا من غير فكره تكمل افراحه ؟

    وين ( نوبل ) عن قلم من أشرق واشعل
    ......................... ........ ظــــلمةٍ كنـــّا بـــها أفنـــاها مصــــباحــــه

    من يقول ان الشعر في وقتنا مبهذل
    ......................... ........ سعرنا عقب الخساير زادت ارباحه

    لحّنوا الشعر البديع الأصعب الأسهل
    ......................... ........ واعرضوه بكل شاشة ليل واصباحه

    وادفعوا للي شدا للشاعر الأجزل
    ......................... ........ مبـــلغ وقـــــدره كذا يســتاهل صـــياحه

    ابشروا يا مطربين الدفتر الأجمل
    ......................... ........ يكفي عن مُرّ السؤال وذل إلحاحه

    دفترٍ فيه القصايد تشتري الأخطل
    ......................... ........ وعنتر يضحّي بعبله ويرمي سلاحه

    دفترٍ فيه المعاني في اليمين اسفل
    ......................... ........ أقوى أبياته فقط لا غيري في الساحه





    كبريه !!

    ،،


    فرقة موسيقية
    كمنجة بثلاث أوتار ،، قيتار ،، ثلاث طبالين
    اورق ،، ناي ،، شاي
    فٌرقة موسيقية
    يجون !!
    كل ليلة يجون ومع أول الصبح يسرون
    لاجل ثاني ليلة يجون
    هم يعزفون ،، وما يعزفون في مكان تسمع فيه الناي قانون
    ازعاج ،، صجة ،، دجة
    ايقاع خليجي غالبا مقلوب
    ايقاع خليجي دائما مطلوب
    شباب ،، بنات ترقص ،، والعطر في اول الرقصة حلو
    وفي آخر الرقصة هبوب
    غناء وطرب ، عرض وطلب
    واحد يغني بدلته تلمع ،، يفترض فنان
    ياليلة دانة لدان
    قرقعة كيسان ،، دخان
    ما اسعد الشيطان
    ضوء خافت ،، كل شي حلو والضوء خافت
    كل شي كذب والضوء خافت

    وفي اطرف الصالة ،، هناك اثنين
    واحد يقول : شفت هاذيك الطويلة اللي ترقص ؟
    الثاني : وين؟
    هاذيك اللي مع حسين
    واعدتها البارحة وجتني ،، مالومها حبتني ،، اعطيتها ألفين
    مسكينة هي ،، ماودها تجلس في ملهى ،، بس انها تساعد اهلها
    الثاني قال : كل البنات اللي هنا تساعد اهلها
    غسان ،، غسان ،، مدير هالصالة
    ركض للباب ،، وصل فلان ،، وصل المهاب ،، معاه عشر اشخاص
    ركض غسان اهلين وسهلين شو هالحلو،، يخزي العين
    الفرقة تنهي الأغنية وتعزف بسرعة
    حمد لله عالسلامة ياجاي من السفر
    أحلى طاولة للمهاب ،، طاولة على البست
    لفلان اللي من اسبوع كان لابس البشت
    اليوم قاعد على البست
    غسان قلقان مضت ساعة ،، ومانقّط أحد
    نادى ياجارسون وحط يده في جيب البنطلون
    خذ هالألفين على المغني ارميها ،، وشاور على فلان
    ادريس قام فلان ينقّط وانا لا،، ياللإهانة والله لنقّط
    يادريس لا ،، هذي فلوس التذكرة ،، وشلون نرجع ؟
    السفر بكرة
    ادريس قال : بكر ه اروح لفلان احلف له ،، انسرقت فلوسي
    الاوتيل غالي ،، وانا مع عيالي
    وأرجع ،، أنقّط
    جارسون هناك يحكي مع زميله
    غسان قال الفواتير ماتنزل الا آخر السهرة
    الحق معه ،، بهذا الوقت ،، مافيه احد يقرا

    جوزيف وين اليوم فل
    ودوه للشرطة
    غسان شافه يسرق من النقطة
    والكل عارف الثلث للفرقة ،، والثلث للنمرة ،، والثلث للصالة
    وكله لغسان
    طلعت الشمس الساعة ثمان
    الكل سكران
    الكل تعبان
    ماعدا غسان قفل الصالة ،، الوعد بكرة



    العادة جرت

    ،،،


    العادة جرت
    كل طالب مجتهد ،، دمه ثقيل

    العادة جرت
    كل مخلص في الهوى ،، حظه قليل

    العادة جرت
    العطوف اللي كريمٍ في الجرايد
    في الأزقة والحواري له عوايد
    يصبح القاسي البخيل

    العادة جرت
    جُل من يصبح ثري ،، يكتب شعر
    والقصائد تحتري اغلى سعر
    الشعر اصبح مجلة
    جلها غث وهزيل

    العادة جرت
    لمّا نسافر كلنا في الصيف
    نمشي مخشبين
    كلنا نحكي بفخامة ،، نمشي بفخامة
    والابتسامة لما نسّلم
    نبتسم كأن فيه مصورين
    ورغم اننا نسافر لاجل نلقى بعض
    ونعرف بعض
    الا اننا لما نتقابل نلتفت متجهمين
    ماهو جنون ،، ولا عبط
    تظهر أغاني من نمط ،، أربع سنين
    نتطالع بالعيون
    وفي المواعيد اللي مادري منهو كان العبقري اللي عطاها
    نجلس في نفس الاماكن
    ننتظر نفس الوجيه
    تظهر بكامل بهاها
    ويبتدي ذاك الحوار السرمدي :
    - شف هذاك شلون لابس ؟؟ ماهو صاحي
    - شف هذاك موجود في كل النواحي
    - شف هذيك شلون تضحك ؟؟ ياخزياه ياعيباه يالله
    - شف هذيك شلون تمشي ؟؟ شف هذاك شلون جالس ؟؟
    - شف رفيقك !! ليش عابس ؟؟ خل نروح ونسأله
    - لا انتظر هذا ماشي مع هله
    وينتهي هذا الحوار السرمدي
    فينا نقول : وش هالصخب ؟ هالديرة مليانه عرب !!
    كأننا متفاجئين
    ولما نرجع بالسلامة

    العادة جرت
    انا نكون متنكدين
    ومافي سبب غير اننا ما كنا حنا
    غير اننا لما نسافر دايم نكون ممثلين
    ولاجل نطلع من تقمص دورنا لما نرجع
    نحتاج نقعد ناطرين أسابيع وأيام
    ونظهر من الانفصام

    العادة جرت
    انّا نجل الأجنبي
    ونقصي القريب

    العادة جرت
    انها الايام تمضي ومسجد الاقصى سليب


    العادة جرت
    كل ما جو الخليج صفي وراق
    يبتدي العم سام
    عزف موال العراق

    العادة جرت
    كل ما اكتب قصيدة ،، اوصف الواقع بها
    القى جاهل ما اريده يعتقد انه لها

    العادة جرت
    كل ما اكتب يقيني أو ظنوني
    يكاد المريب يقول خذوني



    الحر القطام

    احمد الله مالك الملك السلام
    ......................... .......... الــكريم الحي رزاق الانــــام
    احمد الله نعمته ماتنحصي
    ......................... .......... عزني بالدين والقوم الكرام
    عزني باني سعودي رايته
    ......................... .......... كلمــــة التوحيــــد فيها والحســـــام
    عزني باطهر تراب يفتدى
    ......................... .......... مسجد احمد فيه والبيت الــحرام
    عزني بجدي ابو تركي العظيم
    ......................... .......... عزني بمساعد الحر القــــطام
    الذي يعرف سجودة خالقه
    ......................... .......... الذي ليــــلة تراويـح وقيــام
    الذي بالدين حصن اسرته
    ......................... .......... عن رماح الوقت عن طيش السهام
    سيد كل الزهد فكاك الكرب
    ......................... .......... غايث الملهوف عنده من يضام
    كم يتامى قد لقوا فيه الابو
    ......................... .......... كم ضعوف قد لــقوا فيه المــرام
    واضحٍ جوده عجز لايختفي
    ......................... .......... مثل حال الليل والبدر التمام
    والله ان المدح منه يستحي
    ......................... .......... كيف يوفي المقدرية والمقام
    فوق كل المدح قدره معتلي
    ......................... .......... فوق كل الوصف من شعر وكلام
    واثق بالله ثابت مهتدي
    ......................... .......... فعله القران امن واستقام
    مهما جل الخطب او شان الخبر
    ......................... .......... مايلقي للمصايب اهتمام
    صامدٍ مثل الصحابة في بدر
    ......................... .......... مبتسم رغم المقادير العظام
    مبصرٍ يابوي لو كف البصر
    ......................... .......... بك بصيرة يرتجف منها الظلام
    دوتك عبدالعزيز المتقي
    ......................... .......... يالامام ابن الامام ابن الامام
    خادمك يابوي رهن اشارتك
    ......................... .......... امر وما يلحقه فيك الملام
    افتدي ترابٍ تدوسه خطوتك
    ......................... .......... دامني حيٍ وتحملني العظام
    بك يابو خالد افاخر وارتجي
    ......................... .......... من اله الكون رزاق الانام
    يجعل الفردوس اجر لطيبتك
    ......................... .......... كثر ما علمتنا نحيا كرام
    أحمد الله نعمته ماتنحصي
    ......................... .......... هامتي فوق السحايب والغمام
    احمد الله مالك الملك القوي
    ......................... .......... ان ابوي مساعد الحر القطام





    محاكي الصم

    يا محاكي الصم مجهودك سُدى
    ......................... ......... مُنصت ٍ للبكـــم إنصات ٍ شديـــد
    يا مـدور في الظلالات الهُدى
    ......................... ......... منتظر ابلـــــيس عــــن غيه يحــيــد
    منتظر تلقى رفيق في العِدى
    ......................... ......... عـــاري ٍ تبـــغى الدفــى وســط الجــليد ؟
    باحث ٍ عن عز ابطى ما بتدى
    ......................... ......... بــاحث ٍ فــي هالــمتاحف عـــن جديد
    منتظر منقذ يبادر بالندى
    ......................... ......... يهــــزم الأعــــدا وحقـــك يستــــعيــد
    منتظر منهو يعينك بالفدى
    ......................... ......... انتظرت سنين .. ما جـــا ماتـــريد
    عالي ٍ صوت العرب أحدث صدى
    ......................... ......... شجـــب وإستنكــــار تنديد و وعيـد
    حطموا هذا العدو اللي اعتدى
    ......................... ......... بالقمـــــم أو بالخطــــب أو بالقصيـــد
    يا مدور عن مثال ٍ يقتدى
    ......................... ......... لا تــدور مســك في وسط الصديد
    انفظ غبار الأماني ما غدى
    ......................... ......... للأمـــاني حــظ في سـوق العــبيد
    كل وقــت له نهايات ومـــــدى
    ......................... ......... ما يجي أبطال في الوقت البليـد
    ما ينول المجد من يخشى الردى
    ......................... ......... في قريب الوقت والا في البعيــد
    كل سيف ٍ ما يجرد للصــدى
    ......................... ......... كــــل مجــد ٍ مــا يجــــدد مايفيــــد
    الخبر يصبــح خبر بالمبتــدى
    ......................... ......... والمعـــــالي دانيـــه للي يريد
    وكل يوم يحاك ثوب ويرتدى
    ......................... ......... وكل يــوم يكفّن ويقبــر فقيــد
    وكل مافي الكون زايل ماعدى
    ......................... ......... وجه ربــك مالك الملك المجـيـــــد
    يا محاكي الصم صرخاتك سُدى
    ......................... ......... لا تأذن وسط أوثان الحديد




    تعاريف


    الاقتصاد
    ناس تزرع من فجر ربي
    إلين الشمس تغرب
    وناس تصحى في العشا
    تتولى تقسيم الحصاد

    بغداد
    حضارة شاهقة ،، وأمجاد
    أقدار صلفة
    وشعب يفاخر بنزفه
    وتحتاج الحكاية لص
    يصير الأقوى بالصدفة
    ويكون القاضي والجلاد



    وبحسن إعداد ،، وقدرة فائقة
    في البطش والتنظيم
    وبداعي خوفه
    الأطماع والتقسيم ،، والأنواء
    يقسّم شعبه لأجزاء
    جزء يعيش في المنفى
    وجزء في عيشته منفى
    ومواطنين
    معززين مكرمين
    مقرنين
    في الأصفاد
    بغداد
    خبر لو أنها أنداد
    مدينة بائها بوابة التاريخ
    ودالها دنيا من الأمجاد
    سنين صلفة
    وشعب يفاخر بنزفه
    وتحتاج الحكاية لص
    يصير الأقوى بالصدفة
    ويوطد حكمة الأوغاد
    بغداد

    السجون
    هي مكان
    لعزل من يخرج على القانون
    وان غدا القانون جائر
    تصبح القضبان دنيا
    تعزل الخارج عن المسجون

    النفاق
    رغم اختلافك
    تبقى آرائك وآراء الذي تخشاه
    دايم في اتفاق
    أو نقول : هو انتمائك
    كل فتره لانتماء
    أو نقول : هو ارتماء
    أو بمعنى آخر نقول : النفاق
    هروله صوب اليهود
    وبكى على أطفال العراق

    السراب
    وهم ما هو ماء
    لكن يعطي للظامي أمل
    وإحساس مفعم بالرجاء
    والسراب ينادي : يا ظامي تعال
    ما بقى الا خطوتين
    وتنعم برشف الشراب
    أو بمعنى آخر
    نقول : السراب
    الوعود اللي قطعها
    المرشح للمرشح في انتخاب

    الجزيرة
    الجزيرة من قديم الوقت تُعرف :
    بالمكان اللي يحيطه ماء من كل الجهات
    وفي جديد الوقت دولة
    ما عجبها وضعها وسط الخريطة
    قالت اتعدى حدودي ..
    و اثبت لغيري وجودي .. في الحياة ..
    و هكذا نقدر نقول ان الجزيرة :
    دولة مغمورة صغيرة ..
    كبرت وصارت قنااة


    التطبيع
    التطبيع ربط المصالح للجميع
    يبغى عدوك يشتري
    ليه ماتبيع ؟!
    ليه مايكون الراعي هو ؟!
    ليه ماتصير انت القطيع !
    وش يمنع ان الذئب يصبح
    حارس الحمل الوديع ؟!


    الإرهاب
    تدبير إجرامي
    قتل مدنيين
    ترويع أبريا
    تطبيق شرع الغاب
    هدم البيوت العامرة
    سفك الدماء الطاهرة
    قتل الكهل والشاب
    وان قلنا اسرائيل تفعل كذا دوما ً !!
    تقول أمريكا :
    مايعتبر إرهاب !
    كي يعتبر إرهاب في شرط إلزامي
    يكون إسلامي ومدعوم من أعراب


    مؤسسة خيرية
    مشروع يعُنى بتخفيف الألم
    والمرض
    والكمد
    يعنى بتعمير المساجد
    والمساكن
    والمدارس
    والمشافي
    داخل وخارج البلد
    يُعنى بفك الدين
    تفريج الكرب
    رفع المشقة والكبد
    يُعنى بتقريب المسافة للرغد
    مؤسسة خيرية
    فرقها عن غيرها
    كونها سرية
    تعطي ولا يعلم أحد
    مؤسسة خيرية
    عبدالعزيز بن فهد




    المسمى


    حـــسبي اللي انــــزل الـــــتوبة وعمّـــا
    ......................... ................ كيف نحمل كلنا نفس المسمى

    سيف قاطع في الوغى يغشى المنايا
    ......................... ............... مثل سيف ظل في غمدة ولمّا

    حـــل وقت الغــنم خــــــذ مما يــــريـــــده
    ......................... ................ وسيفنا القاطع بقا له ما يرمى

    حسبي الله كيـــف كنا ،، كيف صرنا
    ......................... ................ الاعادي تفوقنا كيفٍ وكمى

    وش يـضـــــر اللي كرهــنا لو كرهـــنا
    ......................... ................ وش يفيد اللي نحبه حب جمّا

    هو بقابه ضي واهي نهتديبه
    ......................... ................ هو بقابه خطب داهي ما المى

    يا مــــدور خـــير والشـــر مــــتزاحـــم
    ......................... ................ عزتي لك ابرة هو وسط يمى

    لا تنادي وش تنادي من تنادي ؟
    ......................... ................ كيف يوحي الصوت منهو كان اصمى

    يرحم الله وقت كان الخير شامل
    ......................... ................ ما تـــرك من ورث يـــؤكل اكل لمّــــا

    مير من يرجي من الانذال حاجة
    ......................... ................ يستحق الخـــزي ويسام ويذمى

    ومن سعى بمعروف مع سقط الاراذل
    ......................... ................ خاب في المسعى وزاد الغم غمى

    أيــــه ياوقــــت الــــرزايا والبـــــلايـــــــا
    ......................... ................ وقت شــــح الجـــــود والبخــــل استعمى

    من يقيسك بالدقايق والثواني
    ......................... ................ العقارب !! وافـــــق الاسم المســـــمى




    قالوأ ترى

    ،،،


    قالوا ترى ،، مالك أمل في قربها لو يوم
    ..................... ابعد وجنب دربها ،، هذا هوالمقسوم
    قلت اتركوني واسكتوا خلو العتب واللوم
    ..................... قدني غرقت في بحرها ،، ولاعاد يفيد العوم
    قالوا ترى في حبها ويل وأسى وهموم
    ..................... قلت ان قتلني حبها حسبي تقول مرحوم
    قالوا انسى ذكرها ،، منتب بها ملزوم
    ..................... قلت ابشروا ياعذلين ،، بنسى لذيذ النوم
    قالوا بتلقى غيرها ،، واترك هواها اليوم
    ..................... قلت لعفو ياحسدين ما ابدل قمر بنجوم
    قالوا لغيرك حبها قلت الجواب مفهوم
    ..................... دام انها متهنيه وشــــلون اصير محروم
    باقضي الليالي انتظر صابر على المقسوم
    ..................... متعلق بطرف لأمل يمكن يجيني نوم




    عــيــونــك


    عيونك آخر آمــالي وليلي اطول من اليمّ
    ......................... .............. كيف ألقى كلامٍ ،، عذب يوصف دافي احساسي

    عشقتك قبل ما اشوفك وشفتك صرت كلي حلم
    ......................... .............. أبي رمشك يغطيني وأبيك اقرب من انفاسي

    يهمك تعرفي انك قتلتي في سنيني الهم
    ......................... .............. قتلني ضحكك وجدك قتلني لينك القــــاسي

    رميت اقداري في دربك وصرتي في عروقي الدم
    ......................... .............. أحبك كثر ماسالت دموع وما نسى ناسي

    يجول الحزن في ضلوعي بردت وذاب فيني العظم
    ......................... .............. ويا كثرالحطب حولي ،، وعندك انكسر فاسي

    سألتك بالذي زانك تحبي فيني حتى الظلم
    ......................... .............. تحبي عيوبي وغدري تحبي المُرّ في كاسي

    انا من كثــر ما أحبك ابيك كثر رمـــــــل اليمّ
    ......................... .............. وابيك فوق الناس ،، وابي ماينحني راسي


    رسالة إلى حبيبته


    إنه أمامي ،، العاشق الأصدق
    في صمته المدوّي يبثني شكواه
    إنه يحب وحُبه في هذه الدنيا ،، هو الأصدق
    إنه أمامي ،، يالها من نظرة حزينه تحجب النهار
    تطل من عينيه ،، يالها من وجنتة في دمعته
    يُقرأ في ملامحها الضياع
    كأنها بحار ،، قد أنسي العوم ومن حوله تنهد الموج
    ولا يرى مرســاه
    إنه أمامي ساءت في طباعه الطباع
    لا يقبل اللوم ،، يبكي على ليلاه ،، إنه أمامي
    يالها من قصة حزينه ،، تطل من عينيه
    تطل من عينيه تِلك ،، سنينه العجاف ،، والذكرى
    وتطل من عينيه الأخرى ،، سنينه العجاف والذكرى
    وتلك التي أحبها سنين
    تلك التي رمت به في البحر
    ومع غيره ركبت سفينة
    وتركت له المجداف للذكرى ،، أحمق
    يا له من أحمق هذا الذي أمامي
    العاشق الأصدق





    لها هذه الرسالة
    لِمن علمتهُ الصَبر والغضب
    لها لعلها تلقى من الإحساس مايكفي
    لكي ترثي حاله
    لها لعلها تعلم إن أقبلت أو أدبرت ،، هالكٌ هالكٌ لا محاله
    لمن علمته الصبر كتبت هذه الرساله
    كتبتها ،، ألقيتها في ماء هذا الغاضب الأزرق ،، في البحر
    كتبتها كي أنقذ الأصدق ،، هذا الذي أمامي
    العاشق الأصدق
    كتبت في الرسالة :
    تحياتي حبيبته ،، سلامي
    إنه أمامي ،، له من المتاعب مايكفي لكي يُعشق
    فاجرحيه بأن تريحيها
    له روحٌ أبت إلا على يديكِ أن تُزهق
    فأقتليه بالرحيل ،، أو تعالي وأزهقيها
    لمن يحب ،، كتبت هذه الرساله
    فعلت ماعلي
    كتبتها ،، القيتها
    في ماء هذا الغاصب الأزرق ،، في البحر
    كتبتها ،، كي أنقذ الأصدق
    هذا الذي أمامي ،، العاشق الأصدق
    ياصاحباً لا أعرفه في الشاطئ الآخر
    لربما ستلقى ماكتبت ،، لربما ستقرأ الرساله
    إقرأ من الآخر
    إن كنت تعرف من يحب ؟؟
    خذها لها ،، وقل لها إن الذي أمامي
    لا ،، لا
    ياصاحباً لا أعرفه ،، مزّق الرساله
    مزّق الرساله وأضحك على المأسآه
    عرفت من أمامي ،، إنها المرآه !!


    ما أظن


    ما أظن الصبح يدري باللـــــيالي
    ................. وما أظن الليل يعنيه الصباح
    و ما أظن في يوم قد زارك خيالي
    ................. وما أظنك حاسبٍ عمري اللى راح
    ياقـــــــديم الظـــلم ما فارقت بــــالي
    ................. ومافي بالك لي سوى هم وجراح
    لو همومي تسعدك زد لا تبالي
    ................ ولو معي اخطيت اطلــبك السمـــاح
    تبعد دروبك اذا اقبل وصالي
    ................. ولاجلك دروبي يضيقبها البراح
    رغم بعد البعد جرحك هو ظلالي
    ................ كــــنك الــــرامي وفرقاك الرمـــاح
    يالغرام السجن والسجّان غالي
    ................. والسجين يخاف إطلاق السراح
    لو هو في الأوراق قدر الغصن عالي
    .................. بتاخــذ الاوراق اقـــدا ر الــريــــاح
    للكسر غصنك وانا يمضيبي حالي
    ................. ولضمى اورقي خلق ربي قراح
    بسبقك للصبح مليت الليالي
    ................ واتركـــك في ليل ناسيه الصباح



    أجهلك

    أجهلك ،، ولي سنين أتخيلك
    أتمثــلك في كل طيف
    والقاك في قسمات ضيف
    كل المشاعر تقول له :
    حنا هلك

    أجهلك ولي سنين اتخيلك
    القاك ،، في بعض الوجيه
    ويمرني طيفك ،، وأجيه
    يا باكر اللي أجهله ،، أرهقتني الأسئله
    وأبطى العمر ،، يستعجلك
    بالعيوب و بالمزايا ،، بالألم
    لامن هجرتي
    يجتاحبي ضلوعي وحنايا
    أتخيل شكوكك وضنك
    اتخيل التقصير منك
    حتى الجفى ،، أتخيله
    وكيف انا ما اتحمله ،، وأتحملك
    وجهلك اللي قد حبسته داخلي ،، في غمضة عيوني
    واللي ياما قد رسمته ،، من عبث طيشي وجنوني



    وجهلك اللي دوم يظهر ،، !!
    لما ألقى نشوة الفكره الجديده داهمتني
    لما القى إنكساراتي قصيدة ،، واكبتني
    وجهلك اللي دووم يظهر في أعاصيري وسكوني
    في الجبال الشاهقه ،، في أجمل خيالي
    في السفوح الخافقه بين نبضي وإنفعالي
    وجهلك اللي قد نحتّّه في عظامي والجوارح
    وجهلك اللي قد حفظته وبتفاصيل الملامح
    بالنهار في بسمته
    بالضيا اللي في وردوده ،، بالعبوس في غضبته
    بالتضاريس وحدوده
    من جنونه في البها ،، لين أقصى نقطه في كاسر جماله
    للعذوبه ،، من شروق النور في ضيّه
    للشعر في غروبه
    من شطوط الكحل في عيونك ،،، لنحرك
    من بياض الثلج في خدك
    لجمرٍ قاد ،، في ثغرك
    وجهلك اللي ما أبد يوم لمحته ،، أو عرفته
    لي سنين أتخيله ،، وأتخيلك
    ياللي كلي بك معرفه ،، وأجهلك
    ما أصعبك ،، كيف الاقيك
    ما اسهلك لو ألاقيك
    ياللي دوم أتخيلك
    مملكه حسن الزمن ،، وأنا الملك



    تخيلوا

    يـاللي قـريتوني شـعـر
    وشـفـتـوا مـلامـح حبها
    بـين الـمعاني ،، والـحروف
    يـاللي عـرفتوني صـبر
    وفـراق ،، وجـروح ،، وحـزن
    وظــروف خـانتها الـظروف
    تخيلوا ،،!
    ان الـقـصيد اللي كـتبت
    كـل الــقـصـيـد
    اصبح كذب
    تخيلوا ،،!
    أصــدق احـساس في زماني
    يصبح كذب ،،!!
    تخيلوا ،،!!
    إنـي مـاكنت الوحيد في قلبها ،،!!
    تـخـيلوا
    انـي الـوحيد
    اللي أبد ،، مـا قـد سـكن فـي قـلبها
    والغريب ،، أني احبها إلى هالحين
    احبها ،، تخيلوا ،،!!
    ماودي جراحي ،، تطيب
    لانها الشي الوحيد
    اللي بقى لي منها ،، تخيلوا ؟



    تجـاعيـد

    تجاعيد
    في وجه الزمن صاروا ، تجاعيد
    رماهم حزنهم اوراق
    خريف وعاث بالعشّاق
    عطاهم الأمل ،، لحظات
    ورسم أوقات الآلام
    وللذكرى مواعيد
    وتجاعيد
    في وجه الزمن صاروا ،، تجاعيد
    جروح تؤلم الإيلام
    عذاب يضج باستفهام
    متى قد كانت الدنيا مع العاشق ،،؟
    متى قد كانت أعظم خاتمة للحب ما هي فراق ،،؟؟
    هذا طبعها ، الأيام
    كذوبة ، كانت الأحلام ،، بالتأكيد
    تفاؤل زاد في الإغراق
    وصدّق بهجته عشاق
    خذلهم ،، بدّل ضحكهم تنهيد ،، وتجاعيد
    في وجه الزمن صاروا تجاعيد


    البحرعلى مدي الأيام
    كان البحر بالنسبة لي
    هو البحر
    رمل ،، ، أمواج ،، صخر
    كان البحر بالنسبة لي،، بس البحر
    وعلى مدى الأيام ماقد لمس فيني المشاعر
    الا ذاك اليوم
    يوم انك معي
    يومها كان الوداع
    وكان البحر،، دفتر
    والموج بيت من شعر
    وبيتٍ ورى بيت ،، موجه ورى موجه



    تكتب قصيدة حبنا
    وتمحي الجراح ،، بجراح
    ومثل الفرح في دنيتي ،، كان الفجر
    عمره قصير
    وبكل حب اهدا نسيمه ،، وراح
    وتشرق الشمس
    لاجل الخلايق كلها تقرا ،، قصيدة حبنا

    يومها ،، ماكان للشمس أي نور
    وبعض السبب ،، كان الوداع
    وباقي السبب ،، انتي
    خذيتي من سماها النور
    ولاجل الصدق يومها،، كنتي انتي الشمس
    وكان البحر عينك
    ودموعك امواج الشعر
    وخدك الدفتر
    آه يا اللقى ،، ماخذت من طبع البحر،،؟
    ما للبحر آخر،،!!
    آه يالفراق
    ماخذت من ذوق الفجر ،،؟
    يمرنا عابر
    وآه يالعيون ،، اللى انا منها عرفت
    ان البحر دفتر،،، وان القصيد امواج
    وان الغرام ،، شاعر




    دخون
    هو فيه مثلك..ياللي الحسن ظلك

    ليه العطر

    وانتي انفاسك دخون

    وليه الكحل

    وانتي ماغيرك عيون

    وليه تفكيرك يكون

    انك تكوني دايم اجمل

    انتي اجمل

    من جمالك

    من دلالك

    من خيالك

    ياللي كل افراح قلبي والحزن

    في المسافة بين فرقاك ووصالك

    وليه يالقلب الحنون

    تاخذك فيني الظنون

    ضيعتي عدلك..هو فيه مثلك..انتي ماغيرك عيون

    وانا احبك .. وانتي انفاسك دخون

    ياللي احبك..ليه احبك؟

    او ليه ماحبك..وانتي علمتيني ان الحب كله اسئله ما تنتهي

    ليه ما احبك وانتي علمتيني ان الحب لا غدا لمثلك ابد ماينتهي

    ياللي علمتك عذابي والهجر..ليه ما احبك

    ياللي علمتك تكوني..في ضعف ضعفك..اقوى مني

    يا انتي ضحكاتك تغني..وابتساماتك شعر

    يانتي ضحكاتك تغني..وكل ما شفتك اصر

    انك اجمل من جمالك..من خيالك..من دلالك

    على حبك انا..بقفل ابوابي

    وبطيوفك انا..باسقي اهدابي

    يا انتي..يا انتي احبابي

    تصدقين..تصدقين..صدقي

    قلبي لكي وحدك..صدقي

    ماقوى على بعدك دقايق..بس دقايق

    ياظلي .. يا داري

    يا اجمل..افكاري..تظلمني لوتقولي اني عاشق..بس عاشق

    ياللي وحدك تسمعي صمتي وكلامي

    ياللي ضيك..اتعب همومي وظلامي..صدقي اللي في قلبي لكي

    اكبر افكار من القصيد والحكي

    تصدقي انك اجمل في عيوني من جمالك من خيالك من دلالك

    لا يالقلب الحنون لا تاخذك فيني الظنون



    شــهر

    ياللي تحبيني شهر

    ثم تجافيني شهر

    ثم تحنيلي شهر

    وتفكري كيف الرجوع كذا شهر

    وترجعيلي في شهر

    ماقد خطر في خاطرك

    ان السنة اثنعشر شهر

    وقتي معك نصفه هموم

    ونصفه الباقي اسى..ولو طبعك القاسي نسى

    وبالصدفه جاء مره صباح..وكلمه منك فرحتني

    لابد ما همس الجراح ..تسمعيني في المسا

    ولو تعتب اجروحي عليك..وتشتكي منك اليك

    بترجعي تحبي شهر..ثم تجافيني شهر

    ثم تحنيلي في شهر

    تفكري كيف الرجوع كذا شهر

    وترجعيلي في شهر

    ولا يجي في خاطرك ان السنة اثنعشر شهر

    اعذريني لو اقول ..حبك نسى معنى الفرح

    اعذريني لو اقول ..وشلون يذكرنا الفـــرح

    مادام اذا كنتي قريبه..كل تفكيري يكون

    بعدك متى

    والى بعتي ابلا سبب

    الاكيد بترجعي

    بس الاكيد هذا متى؟

    ولو تعب مني الصبر..ومل من صبري العذول

    وقلت ياناس اسألوها ..الحب هو كله هجر

    ردك يجيني في شهر

    قالوا تقول "ماينتظر ..بس يشتكي

    يصبر علي..ترى السنة اثنعشر شهر



    رحل

    رحـل أشـتـاق لـجـراحـه

    رحــل

    أشــتـاق لـجـراحـي... رحــل

    يـحـق لـه طـيـبـتـي مـاتـحـتـمـل

    قـلـيـلـه في وقـت الـهـمـوم

    مـاكنت اعـتـب او الـوم

    يـحـق لـه مـايـحـتـمـل .. هـذا الـمـلـل

    اسـدلت أيـام لـعـنـاده

    حـبـيـتـه في قـربـه .. وبـعـاده

    مـتـعـبـه هـذي الـسـعـاده

    رحـل أشـتـاق لـجـراحـه

    رحــــل


    ياللي خذيتي الشمس

    ياللي خذيتي الشمس
    لو تتركي لليل .. بعض النور

    ياللي جرحتي أمس

    ماعاش الا يوم .. وده يكون شهور

    يااغلى من دمعي .. واقرب لي من احساس

    ياشوقي ياسمعي .. لو تتركي للناس

    بعض الدفا والنور .. دامك خذيتي الشمس

    داوي جروح الليل .. واهدي الحزن بسمه

    لا تجرحين الصبح .. تخفي المسن عنه

    مدي جسور الهمس قولي احبك حيل

    لاجل امحي احزاني .. واحيا فزمن ثاني

    حيث الزمن غيرك فيه الفرح مهجور

    ياللي الحسن دربك .. وموت الفرح دمعك

    ان كان به شمس.. لو تظهري خدك

    او همس من عطرك.. عله يدفي الليل

    الليل عذبه الجفا .. والناس في برد وظلام

    منك الدفا يبغى الدفا .. والنوم وده لو ينام

    ياعذبة الضحكه كفى .. كل الفصول صارت شتا

    من يوم اخذتي الشمس



    الصبر

    الصبر...مالي انا الا الصبر

    الغدر...وشلون جاء منها الغدر

    ياقلب ابي منك العذر

    انا ما هقيت ان الفجر يقدر يخون وقت الفجر

    وان السنين تقدر تمر ابلا عمر

    لا ماهقيت ان الوفاء في قلبها ماله قدر

    واني انا محتاج مني الصبر

    ياقلب ابي منك العذر..وان مارضيت مالي جدى كود الصبر

    ياجرحي في كل الدهر فارقت انا الدنيا

    ياطعنة وسط الظهر لابد انا انساك

    بنسى ان كل اللي راح..بنسى الفرح لجل الجراح

    بنسى قصيدي والشعر..بنسى سنيني والعمر

    مع الهجر يمكن في يوم اسلى

    وان ماسليت او ما نسيت

    منك العذر..مالي جدوى كود الصبر

    ياللي خذلتي مدمعي..ان كان ودك ترجعي

    عندي طلب..لاترجعي

    ياللي خذلتي مدمعي ..وتنسي السعادة والفرح

    وتتعذبي وبعد العذاب تتعذري



    مساء الخير

    مساء الخير..والاحساس والطيبة
    مساءٍ .. مايليق الا ... باحبابي

    مساءٍ غير غصن لطير يحكيبه
    عن اللي مسكنه جفني واهدابي

    هلا باللي احبه كثر تــعذيبه
    وكثر ماهو يغيب وكثر ترحابي

    حبيبي هو ولو ماقصر الغيبة
    ولو عن بسمتي قد طول غيابي

    اعرفه.. زين وعيتني اساليبه
    عدوي يوم..ويم اقرب من اصحابي

    ملكني بين ترغيبه وترهيبه
    يفارقني وهو واقف على بابي

    به الصادق به الغارق باكاذيبه
    يبي بعدي.. ودمعه بلل ثيابي

    به القسوة.. به الرقة.. به الهيبه
    به الضعف القوي به نشوة اغضابي

    هلاباللي يصيب العطر بالريبه
    يقول العطر.. انا زايل ويبقابي

    هلا باللي يقول الورد وش ليبه
    من المهدى ؟..انا او هو لاطيابي

    هلا باللي عجزت القى عذاريبه
    هلا باللي تحبه.. كل اسبابي

    مساء فاق كل الشعر ترحيبه
    بجية من سكن جفني واهدابي

    مساء فاض بالاحساس والطيبه
    مساء..مايليق الا باحـــبابي



    شبيه الريح

    وش باقي من الآلام والتجريح

    وش باقي من الأحلام.. وش باقي من الأوهام

    غير إني.. ألاقي في هجيرك فيْ..ألاقي في ظلامك ضيْ

    وأوقد شمعتي في الريحْ



    شبيه الريحْ.. إذا تسمحْ بغيب شويْ

    أبجمع همِّي الباقي

    وأدفنْ صبري الذابلْ.. في أوراقي

    وابرجع لك..إذا باقي في نفسك شيْ



    شبيه الريح

    أنا مقدر أكدِّر صفوكَ العاصفْ

    شبيه الريح .. أنا مِنْ لي سوى إحساسك الجارف

    بقايا زيف أشواقي

    سما أمطار أحداقي

    شبيه الريح.. وشْ باقي ؟



    أبي أعرف.. متى تسكن رياحكْ ؟

    وابي أعرف .. غروركْ هو متي يطلق سراحكْ ؟

    وابي أعرف.. متى تعصفْ..؟ متى تعطفْ..؟

    متى تنزف جراحكْ..؟

    وابي أعرف إذا باقي في بحرك موج.. أكسر فيه مجدافي

    وأبي أعرف ..إذا باقي في همَّك هَمْ ..ماشالته أكتافي

    وابي أعرف ..إذا باقي في هالدنيا حزن ..مامرِّني واستوطن أطرافي

    وابي اعرف..إذا باقي من المعجز في هالدنيا

    سوى ((العنقاء)).. والا....الغول

    والا خلك الوافي؟!!

    بقايا زيف أشواقي

    سما أمطار أحداقي

    شبيه الريح.. وش باقي ؟؟



    سنيني يمْ.. وقلبي المركب المتعب..وأنتَ الريحْ

    مجاديفي عذاب وهمْ.. وزادي الوجد والتبريح

    وصبري صبر بحارة.. بغوا في البحر محارة

    غشاهم موج.. كان من الغضبْ أغضبْ

    وكانوا للهلاك أقربْ.. لولا كثَّروا التسبيحْ

    شبيه الريحْ



    حبيبي الأصدقْ الأكذبْ

    عجزت أوصلْ شواطي.. طبعك الكذَّاب

    تعبت أنظر .. في وسط العاصفه

    قلب وشعور وعاطفه

    تعبت أجمعْ ألم كلِّ المـوادع

    في المـواني.. واحضن أطيافك

    تعبت السُّهد في ليلِ الشوارعْ

    والثواني ..تنظر إنصافك

    تعبت الظلم.. واجحافكْ



    شبيه الريحْ

    أنا ودِّي أكدِّر صفوك العاصفْ

    شبيه الريحْ

    أنا كني نسيت إحساسك الجارف

    بقايا زيف أشواقي.. سما أمطار أحداقي

    شبيه الريح

    كيف أسألك : وش باقي ؟

    وأنا الباقي من إحساسي

    ذرته الريحْ


    أخطيت

    أنا ما أدري وش أحساسك

    وما أدري وش تظنيني

    أنا الصادق في عينك كنت

    وصرت الكاذب الخوان

    أنا أخطيت ما أنكر

    ولا في عذر يكفيني

    سوى أني احبك حيل

    وأني دائما أنسان

    انا أدري بمدى جرحك

    و أدري الحظ جافيني

    يطول الوقت ما أخطي

    واذا أخطيت كل شيٍ بان

    أنا شفت الزهر مايل

    وظنيته يناديني

    قطفته ... يوم ضميته لقيته للأسف ذبلان

    عرفت أنك زهر عمري

    عرفت انك بساتيني

    وغيرك قيظ ما يروي

    سراب يسقي العطشان

    أنا لو ما حصل ما كان

    وش اللي يدريني

    بأنك ما سواك انتي

    سكنتي القلب والوجدان؟

    أنا آسف على أعذاري

    عجزت القى عذر فيني

    يليق بغلطتي في حقك

    و يرجع كل شئ كان

    أحبك كثر أخطائي

    و أدري أنك تحبيني

    و أدري لو تفارقنا

    فلا نقدر على النسيان

    اذا تقوي على فراقي وبعدي عنك

    خليني

    انا ملّيت من دور الكرامه و لعبة الغفران

    قليل العمر ياللي انتي دموعك ماتساويني

    حرام انه يضيع فراق

    !!هي من قلها الأحزان



    سيد جروحي

    سيد جروحي شمس عمري وظلي
    البعد طول والخطأ منك واضح

    اذا غرورك يمنعك تعتذرلي
    تعال جنبي وابتسم لي واسامح

    تدري احبك لكن الموت ذلي
    ادوس انا قلبي لو الشوق جامح

    الله عطاك الحظ واصبحت خلي
    والله عطاني اياك طاغى ملامح

    سألتني يا ياسميني وفلــــــي
    ياكيف يشفى الورد..والشوك جارح

    مثل العيون اللي لها كل كلي
    زايد حلاها لكن الدمع مالح

    وش تنتظر يكفي دلال وتغلي
    الوقت ماهو للوصل دوم سانح

    مادمت ترحالك ومادمت حلي
    ان صرت انا خسران ماصرت رابح

    لا تعطي الفرصة لعذالنا اللي
    لكل ماهو يهدم الحب طامح

    مالك صبر عني ومالي تسلي
    والوقت خيل صوب الاجال رامح

    سيد جروحي شمس عمري وظلي
    الحب بعد وقرب ..مخطي وصافح

    اذا غرورك يمنعك تعتذرلي
    لاتعتذرلي قول اسمي واسامح


    نبض الشوارع

    ما غدا للوقت معنى .. مابقى للشعر دافع
    ملّت الآمي حروفي .. ومل صدري من iiالضلوع
    غصت في أعماق روحي .. خذت نبض من الشوارع
    يمكن ألقى أي معنى يوقد لشعري الشموع
    صرت اراقب كل ومضة .. وارخي للهمس iiالمسامع
    واحتري قلوبٍ تسافر من قساها iiللخشوع
    ألتقيت الظلم لذة في البشر والعدل ضايع
    وألتقيت من المشاعر كل صنف وكل iiنوع
    به قلوبٍ ياهي تشقى لو يبات الحقد iiجايع
    وبه قلوبٍ لوهي تقوى مابقى في الدنيا iiجوع
    وبه عيون في هدبها تسكن الآم iiومواجع
    ومن سواد اليأس فيها ماقوت تذرف iiدموع
    به فقر مُدقع يبكي وبه غنا فاحش iiورائع
    به بخل ظاهر وشامل به كرم لكن iiقنوع
    به بشر ينسى صلفها ان كل من راح iiراجع
    وبه بشر تنطر اجلها ترتجي ذاك iiالرجوع
    به مسلي طول ليلة كل ما مولاه iiمانع
    وبه مصلي ذاب ليله في سجوده iiوالركوع
    به كساد و به فساد و به طموح وبه مطامع
    به بطالة به سفالة به مخادع iiومخدوع
    به اسى غطـّى الحناجر به كدر قضّى iiالمضاجع
    به هروبٍ للتطرف والا لغياب iiوهجوع
    به دجل يملا الحواري به كذوب ٍ في iiالجوامع
    طوّل اللحية لسلطة ماهو سنة والا iiطوع
    به نفاق وفاق حده مالقى في الناس iiرادع
    به صدق موجود لكن مهمل وماله iiشيوع
    به شعوبٍ ضاع املها تكره الفعل iiالمضارع
    تلقى في الماضي عزاها اما حاضرها iiيلوع
    به تعاسة وانتكاسة به ظلام ٍ iiمايمانع
    يقتل اخر ضيّ فينا وشمسنا تنسى iiالطلوع
    به كاءابة به سحابة غيثها دم iiومدامع
    به مهانة واستكانة به مذلة به خضوع
    به ليال ٍ ما تبالي لو تجينا iiبالفواجع
    الحزن فيها مثالي واصل ٍ ماهو iiقطوع
    وش بقى في العمر معنى وش بقى للشعر دافع
    وكل ما سالت حروفي ضاقت بصدري iiالضلوع


    مشاهد

    المشهد الأول

    تحضنه لجل تضحك للي وراه
    وماهمها لو شافها ..
    غايته اسمى كثير من العتاب ومن الغضب
    تحضنه وفي بالها .. ذاك اللى اعطاها الرقم
    في ليلةٍ كان النهار .. فيها بقايا سكرته
    وللأسف انه نسي يكتب لها .. كم غرفته
    تحضنه وفي يدها ساعة ذهب
    كان اشتراها لها البارحه
    لجل تعرف كم مساحه غرفته



    المشهد الثاني

    أربعة جالسين ..

    كل اثنين متقابلين ..

    ورق يلعبون ..

    على اليمين هناك تلفزيون ..

    سرى وأربعة .. خمسين .. أربعمية

    صوت المذيع في التلفزيون

    " موضوعنا اليوم عن الخريطة الجينية .. أعظم إنجاز في نهاية القرن العشرين "

    - ألعب ياخي

    - أصبر ياخي خلنا نشوف وش يقولون

    - ألعب ياشيخ ألعب .. هاذول فاظين



    يا عذبة الخد

    يا عذبة الخد ياللي اشتاك الصد
    اليوم عيدك ..
    لا .. انتي عيد اليوم
    ياللي عذابي فيك اكثر من سنينك
    تصدقي اني في عيدك مادري وش اهديك
    اتعبني الأرق باهديك شي مثلك
    قالوا لي ورد واتعبني الأرق
    قالوا اكيد أرق شي الورد
    قلت الاكيد ان انتي أرق
    في حل وحيد ..
    لو تسمحي لي فيه ..
    اهديك انا للورد



    الصبر

    الصبر ... مالي انا الا الصبر
    الغدر .. وشلون جاء منها الغدر
    ياقلب ابي منك العذر
    انا ما هقيت ان الفجر يقدر يخون وقت الفجر
    وان السنين تقدر تمر ابلا عمر
    لا ماهقيت ان الوفا في قلبها ماله قدر
    واني انا محتاج مني الصبر
    ياقلب ابي منك العذر .. وان مارضيت مالي جدى كود الصبر
    ياجرحي في كل الدهر فارقت انا الدنيا
    يا طعنةٍ وسط الظهر .. لابد انا انساك
    بنسى انا كل اللي راح .. بنسى الفرح لجل الجراح
    بنسى قصيدي والشعر .. بنسى سنيني والعمر
    مع الهجر يمكن في يوم اسلى
    وان ماسليت او ما نسيت
    منك العذر .. مالي جدوى كود الصبر
    ياللي خذلتي مدمعي .. ان كان ودك ترجعي
    عندي طلب .. لاترجعي
    ياللي خذلتي مدمعي .. ان كان ودك ترجعي
    شرطي صعب ! ..
    لو تجمعي آهات قلبي اللي انجرح
    وتنسي السعادة والفرح
    وتتعذبي
    وبعد العذاب تتعذري





    تعالي
    تعالي مابقى حولي .. سوى ظلي وبُعدك
    بَعدك ألهب أيامي أنا قيض الملل
    في بُعدك ضاع من ليلي الدفى والأمل
    غدت متشابها الأيام .. تلاشى النوم والأحلام
    أنا لحالي .. تعالي

    تعالي .. مالقيت أصحاب
    يحلف لك .. أنين الباب
    انه مابقى حولي .. سوى ظلي وبُعدك

    ماغدى للشمس معنى .. من تركتي ..
    سوى القيض
    وماغدى لليل معنى .. من هجرتي ..
    الا الكدر والغيض
    وماغدى للأجوبة في خاطري .. الا سؤال !
    ليه .. ليـــــــــه ؟!

    يالأمان اللي أبيه ..
    في غيبتك .. مابه ربيع و ورد
    يالأمان اللي أبيه ..
    في غيبتك مافي العمر الا الشتا والبرد

    من رحلتي .. مابقى في مسمعي الا بُكى الريح
    ومابقابي من البُكى .. سوى قلب ٍ جريح
    ومابقى حولي أحد يسمع سؤالي ..
    من فيني يبالي ؟؟؟
    من غيرك في بالي ؟؟

    تعالي .. مالقيت أصحاب
    يحلف لك .. أنين الباب
    انه مابقى حولي .. سوى ظلي وبعدك

    تعالي ... تعالي
    ضاعت الأحلام ..
    وماظني بلاقيها لحالي ..
    تعالي .. نبعد الألام من حولك .. وحولي
    تعالي ..

    لجل حربي مع الغربة .. مع الوحدة ..
    أبيلي سلاح حبك ..
    لجل حربي مع اللي جاي
    بلاقي قوتي في ضعفك
    لجل حربي مع نفسي ..
    أبيلي سلاح منك
    أبيك انتي .. تعالي
    أبيك انتي .. تعالي

    باكر أجمل .. من خيالك
    أو خيالي

    تعالي .. وان لقيت أصحاب ..
    مايسكت أنيين الباب ..
    الا لو لقى حولي دفى حبي وحبك
    تعالي




    سبعة ارقام

    بيني وبينك سبعة ارقام وجفا
    عندي بقايا جرح وعندك بقايا وفا
    لاجزا الله هالدنيا خير
    في كل لحظة طبع غير
    ياللي جفاك طوّل
    ترى المغيب اقبل
    وما عاد به شي ٍ نخافه
    لامن غدت كل المسافه بيني وبينك سبعة ارقام
    سبعة ارقام وجفا

    بيني وبينك كان شي ٍ يسمى حب
    كنا بنقطع به درب ٍ طويل ٍ صعب
    فيها الحسد والخوف
    فيها العذول اللي يستمع بالشوووف
    فيها الرجوع اصعب من النسيان
    فيها الصديق اقسى من الانسان لامن جرح انسان
    ياللي احبك غصب
    الدرب ماله درب
    وكل شي صرنا نخافه
    دام انها كل المسافه .. بيني وبينك
    سبعة ارقام وجفا

    ياللي ضيعتي الوفا
    اليوم ضيعني الوفا !
    اقبلي مني الجفا .. واقبلي عمري اللي ضاع
    وارضي لي بـ الهم رفيق
    ولا لمحتي مركبي في بحر حبك غريق ..
    ابعدي .. لاتضعفي .. لا تمدي لي الشراع
    ياللي قتلتي كل شي
    ما ابغى منك الا شي
    حققي لي اللي ابي واقبلي مني الوداع
    ولاذكرتي ما مضى ... اكتبي سر الضيااع
    سبعة ارقام .... و دفا ,,,



    وش تبين

    وش تبين ؟!
    تجرحي ؟! ..
    افرحي .. مابقى مني أنا غير الجراح
    وش تبين ؟!
    تعذبي ؟! ..
    ابشري .. الفرح من دنيني ولىَ وراح
    والحين سويتي كل اللي تبين ..
    اتركيني دمعة في خد الجراح ،،،

    الثواني عمر .. والفرقا دهر
    والحقيقة كذب .. والدنيا حذر
    حبك انتي شمس .. ناسيها الغروب
    بالحيل تحرقني .. ولا منها هروب
    وش تبين ؟! .. اشكي !؟
    والا تبين ابكي !؟
    ياللي الملل طبعك ،،
    طبعك نسى همي ،،

    كانك تبين الكل يدري بقسوتك ,,
    عليّ أنا سمي ,,
    بَعاهدك أني أقول انك قتلتيني ,,
    و اكتبت على صدر السما ..
    أصدق قصيدة حزن ,,
    واني كثر عشقي لكِ ..كنتي تجافيني
    و ان شككوا في ضعفي فيك وفي قسوتك ,,
    كونك جرحتيني ,,
    أبوعدك أني .. أسقي العِدا دمي


    تدرين وادري

    تدرين وادري بنفترق
    تدرين قلبي بيحترق
    حنا اتفقنا في كل شي الا الزمن
    عيى الزمن لا نتفق
    ولاتزعلي لو نفترق
    قلبك خلي
    وقلبي انا اللي بيحترق

    ياوردة في كل الفصول
    يافرح عيّى لايطول
    قولي واقول
    ان كان عندك لي حلول
    يافرحة القلب الحزين
    الوقت يمر ..
    ومالك عذر
    كانك تبين ننسى العمر ..
    ننسى السنين
    وانذوب في حب وحنين
    تدرين وش سر الحكاية
    الوقت يمر .. ولكل شي لابد نهاية
    وحنا قربنا من النهاية
    ومالك عذر
    يابسمة الثغر الخجول
    ان كان عندك لي حلول
    وان كان ودك نتفق
    والا ترانا بنفترق
    ولاتزعلي لو نفترق
    قلبك خلي
    وقلبي انا اللي بيحترق

    ياحب .. يادنيا جديدة
    يا احلى ابيات القصيدة
    ان كان جرحي ما كفى
    انزفلك جروح ٍ جديدة
    وان كان شعري ماوفى
    انسى الحكي وانسى القصيدة
    يا احلى ايام العمر
    كثر الحكي وش بيفيد
    ومابقى عندي صبر
    والجرح في قلبي يزيد
    مالك عذر
    يابسمة الثغر الخجول
    ما اظن عندك لي حلول
    وما اظن ودك نتفق
    واحنا ترانا بنفترق
    ولاتزعلي لو نفترق
    قلبك خلي
    وقلبي انا اللي بيحترق


    رسالة

    إنه أمامي .. العاشق الأصدق
    في صمته المُدوي .. يبُثني شكواه
    إنه يحب .. وحبه في هذه الدنيا
    هو الأصدق
    إنه أمامي .. يا لها من نظرةٍ حزينة
    تحجب النهار .. تطل من عينيه
    يا لها من وجنةٍ في دمعته
    يقرأ في ملامحها الضياع
    كأنها بحّار قد ا ُنسي العوم
    ومن حوله تنهد الموج
    ولا يرى مرساه
    إنه أمامي ساءت في طباعه .. الطباع
    لا يقبل اللوم .. يبكي على ليلاه
    إنه أمامي يا لها من قصةٍ حزينة
    تطل من عينيه
    تطل من عينه تلك .. سنينه العجاف
    والذكرى
    وتلك التي أحبها .. سنين
    تلك التي رمت به في البحر
    ومع غيره ركبت سفينة
    وتركت له المجداف للذكرى
    أحمق
    يا له من أحمق هذا الذي أمامي
    العاشق الأصدق
    لها هذه الرسالة
    لمن علمته الصبر والغضب
    لها لعلها تلقى من الإحساس ما يكفي
    لكي ترثي حاله
    لها لعلها تعلم إنه إن أدبرت
    أو أقبلت هالكٌ .. هالكٌ
    لا محالة
    لمن علمته الصبر كتبت هذه الرسالة
    كتبتها ألقيتها في ماء هذا الغاضب الأزرق
    في البحر
    كتبتها كي أنقذ الأصدق
    هذا الذي أمامي العاشق الأصدق
    كتبت في الرسالة .. تحياتي حبيبته سلامي
    إنه أمامي .. له من المتاعب ما يكفي لكي يُعشق
    فجرحيه بأن تريحيها .. له روحٌ أبت إلا على يديك أن تـُزهق
    فقتليه بالرحيل .. أو تعالي وأزهقيها
    لمن يحب كتبت هذه الرسالة
    فعلت ما علي كتبتها .. ألقيتها
    في ماء هذا الغاصب الأزرق
    في البحر
    كتبتها كي أنقذ الأصدق
    هذا الذي أمامي العاشق الأصدق
    يا صاحب لا اعرفه في الشاطئ الآخر
    لربما ستلقى ما كتبت
    لربما ستقرأ الرسالة
    اقرأ من الأخر .. إن كنت تعرف من يحب
    خذها لها .. وقل لها إن الذي أمامي
    لا.. لا.. لا
    يا صاحبا ً لا اعرفه مزّق الرسالة
    مزق الرسالة واضحك على المأساة
    اضحك على المأساة
    عرفت من أمامي .. إنها المرآة




    قالت احبك

    قالت احبك
    واحضنتي ثم ٍ قالت من انت ؟؟
    وضحكت .. ثم ٍ بكت
    ثم ٍ حكت .. ثم ٍ سكتت
    ثم ٍ قالت لي من انت !!

    اللي جرى .. ماهو غريب
    الزمن فعله .. عجيب
    نسّاها اسمي ..
    نسّاها حبي ..
    نسّاها دمعي ..
    في يوم انا ..
    في احضانها طفل وحبيب !!

    ياهي جرحتني .. يوم نكرتني
    حاولت اداري عبرتي .. بس ماقويت
    خانتي دموعي .. وبكيت
    وبعدت عنها واتبعتني وامسكت يدي
    واحضنتي ومسحت دمعتي من فوق خدي
    رجعت البسمه لشفاي
    نسيت انا همّي وشقاي
    صرخت للدرب الطويل
    لا مانستني .. مستحيل
    الزمن او اي شي ..
    يقدر يقسيها علي
    يقدر ينسيها هواي
    وفجاءه سكتت
    ثم ٍ ضحكت
    ثم ٍ قالت لي من انت ؟




    ماهو عادي

    كان هالليلة بهاكي ماهو عادي
    كنتي انتي
    وانتي لمّا تكوني انتي
    ماهو عادي
    كنتي إعجاز وسحرر
    كنتي دنيا من طهر
    كان نورك في جبين الكون بادي
    كان في صمتك طرب
    كان في عيونك شغب
    كان حسنك للحسن يرسي مبادي
    كنتي في أجمل حضورك
    كنتي في أعدل غرورك
    ولمّا طافتبي عيونك
    واستقرت في فؤادي
    كنت أنا اتخيلك
    وكنت أنا أتأملك
    كنت أنا أتأملك وأتخيلك
    وأنتي معي
    والكون هادي
    كان إحساسي مهيب
    كنت أحس اني مهاجر أو غريب
    وانتي ياعمري بلادي


    آه لو باكر لأمسي يلتجي
    يترك الليلة ليالي ومايجي
    آه أنا من غدر باكر كم أخاف
    ياخذك مني وأنا لقلبي شغاف
    حزنها في غيبتك مر وشجي
    آه أنا من غيرك أنتي وش وجودي ؟
    آه أنا كم أبي باكر لو تعودي
    آه من ذكرى بتشعلبي سهادي
    لمّا كنت أتأملك
    ولمّا كنت أتخيلك
    لمّا كنت أتأملك وأتخيلك
    وأنتي معي
    والكون هادي
    كان إحساسي مهيب
    كنت أحس اني مهاجر أو غريب
    وانتي ياعمري بلادي

    يا ملاذي ومنتهاي وأولي
    إيه أحبك فوق ماتتخيلي
    ليت أنا يا بعد قلبي لي قلوب
    لجل مافي كل لحظة بك أذوب
    كل إجاباتك أنا
    لا تسألي
    ما أبي شمسك يواريها مغيب
    لو جروحي منك
    مادودي تطيب
    ياللي سعدك منتهى غاية مرادي
    آه كم أشتاقلك
    آه كم أحتاجلك
    آه كم أشتاقلك وأحتاجلك
    في القرب والا في بعادي

    أنتي إحساسي الأكيد
    وأنتي دمي اللي بيجري
    في الوريد
    أنتي ياعمري بلادي


    قد الحروف

    قد الحروف
    قد الحروف اللي في اسامي العاشقين بحبك
    قد الثواني
    والدقايق والسنين ،، بحبك
    قد الهموم اللي في قلوب البشر
    قد العيون اللي كحلها السهر
    قد ما ليلي اشتكى من نار حبك ،،،
    قد ما ليلي حكى عن طول بعدك
    ليه القمر غالي عليا ؟؟
    يمكن عشان في نوره وبعده في حاجه منك
    ليه الشتاء ،،، في قلبي حزين ؟؟
    يمكن عشان برضه بقساوته ،،، في حاجه منك
    ليه السحاب بعشق بياضه ؟؟
    يمكن عشان زي قلبي ،،، في قربي منك
    ليه المطر ،، بيصعب عليا ؟؟
    يمكن عشان يشبه دموعي ،،،، في بعدي عنك
    ليه لما تبعد .... عن عنيا ،، بخاف عليك ،،، وبرضه منك
    ليه لما اشوف في السماء نجوم كتير ،،، منها بغير ؟؟
    يمكن عشان قد السماء وقد النجوم ،،، بحبك

    لجل اوصلك

    َبفارق فراقك وبخنق iiعبرتي
    واجرّح اضمادي واسافرلك iiمعك
    بشد للماضي واقدم iiساعتي
    واعاند اعنادي واقودك واتبعك
    بجامل احزاني واجافي فرحتي
    واعادي خلاني واحبك iiواخدعك
    بصير انا طبعك وأنتي iiطيبتي
    وبيحزنك ضحكي .. وهلّي بمدمعك
    بسامر دموعي واعزّي iiضحكتي
    وبهدي انا ضلالي .. ضلال ٍ ياسعك
    بلبس انا ذلك .. وقيسي عزتي
    وبتصيري ذنوبي وخيري بيطبعك
    بحارب في ضعفي وافر في iiقوتي
    وإلى رضختيلي لموتي بدفعك
    ولجل اللقاء برحل وتمضي رحلتي
    وإلى حصل شوفك بكون iiمودعك
    اببعد واوصلك وبسبق iiخطوتي
    وبنثرك فيني وانسى iiاجمعك
    بضم أنا هجرك في قربك iiوحدتي
    وتدلك عيوني وقلبي iiمضيّعك
    واذا اضلمت دنياي بطفي iiشمعتي
    واذا كثر زادي بجوع iiوبشبعك
    شردتي رقادي وسمعتي iiنضرتي
    وغمضت أنا عيوني لجل ما اسمعك
    صرخت في سكوتي ولمستي صرختي
    وقربتي وجهك لي لجل ما iiاصفعك
    عند الحزن تثقل خطاكي iiدنيتي
    وعند الفرح قالت خطاكي iiمسرعك
    قصيدتي يكفي .. غبية iiكذبتي
    حبيبتي آسف بخونك .. بس iiمعك



    نحمد الله سلم الفهد وشفاه

    نحمد الرحمن الفرد الإله
    فالق الإصباح رب العالمين
    نحمد اللي قد تبارك في iiعلاه
    يجزي بالإحسان كل المحسنين
    نحمد الله سلّم الفهد وشفاه
    خادم البيتين iiذخر المسلمين
    نحمد الرحمن من فضله iiعطاه
    السخا والطيب والعزم المكين
    الإمام اللي عرفنا iiمبتداه
    شاد صرح العلم بالله iiمستعين
    والإمام اللي عرفنا iiمبتغاه
    خدمة الاسلام وبلاده iiتزين
    عنده الحكمة ألا منهو iiسواه

    هاجت الأيام جوله iiمسرعين
    الزعيم اللي إلى اشتدت iiنصاه
    من جميع اجناس عرب واعجمين
    الزعيم اللي به اعلينا iiالجباه
    ديرته عدا بها iiعمر السنين
    والزعيم اللي سكن واسكن iiغلاه
    في قلوب الشعب ولشعبه iiأمين
    وزّع القرآن والقاصي iiقراه
    وسّع البيتين للي iiزايرين
    انصره يالله ماقامت iiصلاة
    وما سعى ساعي وطاف iiالطايفين
    واجعل الجنات ياربي iiجزاه
    مع عبادك فوق اصحاب iiاليمين


    هذا الوطن

    لله ربي جزيل الحمد iiوالمنّه العادل القادر المتكبّر iiالرحمن
    اللي عطى في كتابه رزقه iiوأمنه لبلاد مكّه وطيبه أطهر iiالأوطان
    سبحانه أرسل رسول لإنسه iiوجنّه باليسر والمغفره والرفق iiوالإحسان
    ماكان فظٍ غليظ القلب لو iiإنه من حوله انفض جَمْع و زُعْزِع iiالإيمان
    يالله صلّي على احمد ما هَمَت iiمِزْنه وما هَلّت دموع طفل وما تُلي قرآن
    خُلقه عظيم ف كتابك قلت ذا iiعنّه رحيم فينا رؤوف اكرَم بَشَر قد كان
    ياحافظ كتاب ربّك دارس السنّه البِر واضح وضوح الإثم iiوالعدوان
    عَلِّم كثير المجادَل تابعٍ iiظنّه لا روس حنّا غدينا وْلا هم iiالأفغان
    لبلادك المسلمين نفوس iiممتنّه لبلادك الكافرين اتمنّوا iiالخذلان
    للإسئله في الشوارع شَنّه iiورَنّه وش وصّل الناس ذولا فوهة iiالبركان
    وشلون ينهي حياته في صُغُر iiسِنّه؟ وشلون هذي المراحل توصَل الإنسان؟
    إن كان ماهو فراغٍ.. يأس iiيمكنّه ماهي حكاية تديّن.. ما لهذا iiشان
    أو هي حكاية فوارق دنيا iiمنجَنّه دكتور عاطل.. و يُثرى لاعب iiوفنان
    أو هي حكاية عدوٍّ زاد في iiزَنّه لين المسامع تعبّت كره .. واستهجان
    أو هي حكاية شفايف في الخفا iiدَرْنَه تلْعن صنيع الأيادي.. تبوس في iiالكتمان
    هذا الوطن ياما رمينا همّنا بحضنه يستاهل أنه يفتدى بالروح والأبدان
    هذا الوطن هو روح فهد وماحوى iiجفنه هوقلب عبدالله ونبضه هو وله iiسلطان
    عيال أخو نورة ذراه ودرعه وحصنه هم سدرة المُلك وأهل المملكة أغصان
    هذا الوطن شعبه من ملوكه وهم iiمنّه متماسكين بصف واحد مثلما iiالبنيان
    هذا الوطن أكرم بلاد الأرض iiلكنه يبقى هلاك للمعتدى والباغي iiالخوان
    لا مايهزّه حقد حاقد زاد في iiزنّه حافظه رب المشرقين الواحد iiالمنان
    هنّ الوطن برجال أمّنه يا فهد iiهنّه يستاهلون المجد كله صفوة iiالشجعان
    المؤمنين الذايدين بروحهم عنّه أفعالهم مايحتويها نوط أو iiنيشان
    ياللي تكفّر كثير الخلق.. بك iiجِنّه كل هالخلايق مضلّه؟.. وش معك iiبرهان؟!
    كل هالأمم في جهنّم..كافره iiعَفْنَه؟ وانت الذي مسك دمّك ضامن الرضوان..؟!
    جنّه بعرض السما والأرض iiمِنْضَمْنَه هي حِكر لك مع رِفاقك زمرة الأعوان ii؟!
    يالله إقطع ذيول الشر iiوالفتنه و رُدّ كيد الأعادي فْنَحْرهم iiخسران
    واكفِ البلاد التقيّه شرذمَه.. iiحِفنه ساروا بدرب الضَلال ولبّوا iiالشيطان
    فجِّر ودمِّر بلادك .. تدخل الجنّه أفتى بهذا مشايخ آخر الأزمان ii!!!!


    قبلوا تراب الوطن
    قبلوا تراب الوطن ... هذا الزمان أخضر
    واشكروا مجزي النعم ... يزيدكم أكثر
    كرامة ٍ عز ٍ وجود ... كثّروا لله السجود
    وافرحوا بغيض الحسود ... واقهروه أكثر

    من غيركم ... لاكبروا للحق
    تلقاه قدام الصفوف
    ومن غيركم ... خلىَ اللي في قلبه غدر
    يسمع في ومض عيونكم ... حكي السيوف
    من مثلكم ... قد ساعد الملهوف
    من مثلكم ... ربي عطاه

    ما مثلكم ... حفظتوا شرع الله
    ومسجد رسول الله ...
    وخدمتوا البيت العتيق
    وما مثلكم ... الفعل يسبق قولكم
    واللي معادي جمعكم ...
    يعرف علو مقداركم
    قبل الصديق ...
    وإلهكم ....
    وبيده التوفيق
    قد زادكم ....
    فيما عطاه




    جاكم الاعصار

    جاكم الإعصار ما شيٍ يعيقه
    منتخبنا اليوم .. وخّر عن طريقه
    هذا الاخضر لي لعب
    جهزوا كاس الذهب
    اذكر الله وشوف
    وانسى الحذر والخوف
    ما يعرف الخوف من هذا فريقه
    لعبكم مغنى فيه المثل يضرب
    ولفوزكم معنى .. الكل له يطرب
    باخلاقكم نفخر مهما انتصرتوا
    وما نطري غير الفوز .. لامن لعبتوا
    من واجه الاعصار ..
    مهما صمد .. ينهار ..
    اذكر الله وشوف
    وانسى الحذر والخوف
    ما يعرف الخوف من هذا فريقه
    خصمكم معذور لو ما يجاريكم
    صقورنا يالخضر .. الله يقوّيكم
    فن وعزم واصرار..
    فيه الخصم يحتار ..
    من يوقف الاعصار ..!
    اذكر الله وشوف
    وانسى الحذر والخوف
    ما يعرف الخوف من هذا فريقه



    أحبك يا بلادي

    أكثر من ريبة الفقراء ..

    من ثري ٍ يجوب أشد شوارع المدينة فقرا

    أكثر من حماقة الطغاة

    إن هم صدّقوا كل المديح .. شعرا كان أم نثرا

    أكثر من ظلم بعضهم .. عندما يغتال من قوت الحصار

    لكي يبني قصرا

    أكثر من دعاء بعضهم على بعضهم

    فجرا كان ذلك ام عصرا

    أكثر من انحناء هاماتهم إذا مر

    وشتائمهم إذا أدبر

    أكثر من فضول المتسكعين ..

    إذا رأوا تجمهرا لاثنين أو أكثر

    أكثر من نبل الملوك

    وفضاضة العسكر

    أكثر من نشوة الانتصار .. وقلق الهروب

    وتلفت الخائفين

    أكثر من صبر النساء .. وشماتة الأعداء

    وهم الأغنياء .. ومن حقد الحاقدين في الأنحاء

    والأرجاء

    أكثر من استعمالنا لكلمة يقولون .. ومن تكيّف القانون

    وممن جعلوا الدين كالثياب

    أكثر ممن يبيعون المنابر .. ويشترون ذمم الكتاب

    أكثر من كذب الشعراء .. وعظام المقابر

    أكثر من تنهد السجناء .. وغموض المشاعر

    أكثر من أنبائنا المحلية

    وافتراءات منظمة العفن الدولية

    أكثر من كل المظلومين صبرا

    أكثر من كل المحرومين قهرا

    أكثر من كل اللئام .. وسذاجة الإعلام

    أحبك يا بلادي .. طوعا كان ذلك أم قصرا






    اوبريت كتاب مجد بلادنا

    كتبه شاعرنا بمناسبة مهرجان الجنادرية 13
    قام بتلحين الأوبريت الأستاذ محمد شفيق
    وغناء طلال مداح ومحمد عبده وعبدالمجيد عبدالله وعبدالله رشاد


    اللوحة الاولى
    عبدالعزيز ..عبدالعزيز
    وحول اربعين .. يوم الفطر .. أدى الزكاة .. وصحّى الفجر
    لجل الصلاة
    وخطب فيهم :
    لنلبس اليوم أحسن ما لدينا ..
    فإما أن تكون ثياب العيد نخطر بها بين أهلنا وذوينا.
    وإما أن تكون أكفانا ً لنا.
    ولا إن مُتنا فجزاءنا جزاء أهل بدر وأحد.
    الذين ماتوا في سبيل الله
    وكني أشوف ذيك الجباه في سجودهم
    واسمع دعاهم .. يا عظيم .. يا كريم :
    رد أرضنا .. يا ربنا
    وكني بالتراب تحت أقدامهم .. يقول : أمين
    واستجاب ربي لدعاهم .. استجاب
    وجهوها وافتحوا فيها الكتاب
    كتاب مجد بلادنا
    الصفحة الأولى
    المُلك لله ثم لعبدالعزيز.. المُلك لله ثم لعبدالعزيز

    اللوحة الثانية
    وارتــكـز صــقـر الـجـزيرة iiبـالـرياض
    وانـــدحــر كـــيــد الــعــدو iiمـايـغـيـض
    مــــا حــســب لـلـعـمر او لـلإفـتـراض
    ســل سـيـفٍ يـبـري الـراس iiالـمريض
    مع رجاله خاضوا وسط الموت خاض
    أشــهـد ان الــلـي تـجـنـبهم حـضـيـض
    عــــاد حــكـم ٍ نـاصـع يـنـطـق iiبــيـاض
    انــبـنـى بــالـديـن والـمـجـد الـعـريـض
    بـايـعـتـه الـشـمـس وجــبـال وفــيـاض
    والـضـمـاير والـمـشـاعر iiوالـقـريـض
    بـامـتثال الـشـرع فـاض الـخير iiفـاض
    عــــزّه الـمـولـى وخــيـره iiمـسـتـفيض
    اضـهـر الـمـخفي وبــرق الـعـز iiنـاض
    مــقــصـده تــوحـيـد والــنـيـة iiتــبـيـض
    مـــا لــخـو نـــورة مــعـزي اعـتـراض
    مــن تـصـداله هـوى تـحت iiالـحضيض
    زاده الله وبــــالـــعـــز iiاســــتـــعـــاض
    مــن جـمـع مـثـله نـقـيض مـع نـقيض

    اللوحة الثالثة
    الله أكبر مالك الملك العزيز
    الله أكبر من مثل عبدالعزيز
    شاد للإسلام دولة ... تحكم بشرع الإله والرسالة الأحمدية
    بالعلا أطلق خيوله تجمع قلوب وحياة
    وتهديه الدنيا هدية
    دولةٍ لله تخلص في العبودية
    دولةٍ بالحق قامت السعودية
    الله أكبر مالك الملك العزيز
    الله أكبر من مثل عبدالعزيز
    أمّن الحجاج للبيت العتيق
    يقبلون أفواج ما شي ٍ يعيق
    لا ألم .. لا خوف .. لا قاطع طريق
    شاد للإسلام دولة
    مؤمنهٍ بالله تخلص في العبودية
    دولةٍ بالعدل قامت السعودية
    الله أكبر مالك الملك العزيز
    الله أكبر اسمعوا عبدالعزيز
    يقول الملك عبدالعزيز :
    على كل فرد من أفراد رعيتنا .. يحس أن ظلم وقع عليه..
    أن يتقدم إلينا بالشكوى .. وعلى كل من يتقدم بالشكوى
    أن يبعث بها عن طريق البرق أو البريد المجاني على نفقتنا
    وعلى كل موظف في البريد أو البرق .. أن يتقبل الشكاوى من رعيتنا
    .. ولو كانت موجهه ضد أولادي أو أحفادي أو أهل بيتي ..
    وليعلم كل موظف يحاول أن يثني أحد أفراد الرعية عن تقديم شكواه
    مهما كانت قيمتها أو يحاول التأثير عليه ليخفف من لهجتها
    أننا ستوقع عليه العقاب الشديد
    الله أكبر مالك الملك العزيز
    الله أكبر من مثل عبدالعزيز

    اللوحة الرابعة
    وفي ليلة من ذيك الليالي .. من ليالي الاولين..كان الامام ابن الامام .
    والخلايق هاجعين .. يتفقد أحوال الرعية .. من غير أصحاب ومعية..
    ساهر وغيره ينام .. متخفي بالظلام
    بان له ضوٍ يقيد ... صوت يبكي من بعيد
    راح يمه .. لين هاذيك العجوز .. وطفل تضمه
    سمعها تشتكي لله الهم اللي طال .. الفقر والجوع ودموع العيال
    وأكرم الله به ضناها .. وزال عنها ماعناها
    وارفعت يديها فوق .. ودمعها ماهي تعوق
    وقالت الدعوة العظيمة .. دعوة الأم الكليمة
    أدعي الله الكريم..وشكر النعم له فرض ..
    يفتحلك المعطي الرحيم .. خزاينة في الأرض
    وزاد الله لـ ابـو تـركي iiالـجمايل ولـــبـّـى دعـــــوة الأم iiوطـلـبـهـا
    مـن إيـمانه ومـن طـيب iiالـفعايل عـطاه الأرض وأخـرج له ذهبها
    بـفضل الـمقتدر مـجزي iiالفضايل تــتـم الـنـعـمة ويـظـهـر iiسـبـبـها
    عـطـاه الله مـن صـافي الـشمايل وهـيـبه مــا لاحــد غـيره iiوهـبها
    ألا هــوبـه لــبـو تــركـي iiمـثـايـل حـشـا والـلـي مـيـسرله صـعـبها
    لـــه الله كــيـف وحّـــد iiهـالـقبايل وكـيـف قـلـوب خـلق الله iiكـسبها
    لـه الله كـيف لـثقيل الحمل iiشايل وكـيف أقـصى عـن بـلاده iiتـعبها
    لـــه الله كــيـف جـنّبها الـهـوايل وعن جهل ومرض جفني حجبها
    لــه الله كـيـف عــدّ ل كـل iiمـايـل وكيف الأرض أرخت له iiحصبها
    مـلـكها مــن حــرم مـكـة لـحـايل ومــــن دمـامـهـا لـما بـعد iiأبــهـا
    ألا سـبحان مـن فـي الوحي قايل جــزى الاحـسـان جـنـاتها iiكـتبها
    الا يـــارازق ٍ مــعـسـر iiوعــايــل ومــفـرج هــم هـالـدنيا iiوكـربـّها
    الا يــاخــالـق قــيــض الــقـوايـل وخـالـق بـردهـا وخـالـق حـطبها
    تــجــازيـه بـعـطـايـاك الــجـزايـل كـثـر مـارحـمتك قـبـل iiاحـتـسبها
    تــجـازيـه بـنـعـيم مــاهـو iiزايـــل وتـجيره مـن لـضى النار iiولهبها

    اللوحة الخامسة

    عن أبي هريرة رضي الله عنه قال: قال رسول الله صلى الله عليه وسلم : (اذا مات ابن ادم انقطع عمله الا من ثلاث
    صدقة جارية .. أو علم ينتفع به .. أو ولد صالح يدعو له)
    رواه مسلم

    وما قطع ربي عمل عبدالعزيز ..

    البلاد اللي بناها اعتلت
    واصبحت للمسلمين الزكاة الجارية

    ما قطع ربي عمل عبدالعزيز ..

    الدروس اللي عطاها علمت
    وأصبحت للعارفين .. العلوم الشافية

    ماقطع ربي عمل عبدالعزيز ..

    الغروس اللي سقاها أثمرت
    ويعلم الله صالحين .. والنوايا صافية


    وشــالـوا عــيـال الإمــام بـإيـمـانهم ثـقـل iiالامـانـة
    وانــقـادوا لـــرب iiالانــام الـقـايل فـي مـحكم iiبـيانه
    من صان هالبيت الحرام الله تــعـهّـد لــــه iiامــانـه

    والـرزق من فوق iiالغمام واعــداه يـلـقون iiالـمهانة
    بـالـفـعل مـاهـو iiبـالـكلام لـبـلادهم عـلـّوا iiالـمـكانة
    بـالـحـق نــادوا iiبـالـسلام والـمـعتدي يـلـزم iiمـكانه

    كــل ٍ غــدا مـنهم iiحـسـام يـقـطع تـلابـيب iiالـخيانة
    والــشـر يـلـجـمه iiبـلـجام والـخـير يـطـلقله iiعـنانه
    كــل ٍ رضـى ربـه iiمـرام كــل ٍ لـجـابـه iiواسـتـعانه

    كـل ٍ لـخـير الـنـاس قــام وبـالـعطا سـابق iiزمـانه
    بـالـنـور يـنـزاح iiالـعـتام والـحقد يخسر في رهانه
    وتـاتي الـمكارم من كرام والـخير يـاتي فـي أوانـه



    اللوحة السادسة
    نحمد المتعالـــــي المنـّـان الله
    نحمد المولى عظيم الشان الله


    تــألــفــت كــــــل iiالــقــلـوب ولــلــرخــا ســـــارت iiدروب
    وبـــلادنــا بــيــن الــشـعـوب هـــــي بـــــلاد iiالـمـعـجـزات

    الامــــــن ســـايــد iiمــسـتـقـر والـــضــيــم ولّى iiوالـــفــقــر
    بــافــعـالـنـا كـــــــلٍ يــــقـــر حـــنـّـا اهـــــل الــمـكـرمـات

    لــلــنـور والــعـتـمـة iiخـــبــر اثــنــيـن فــــي كـــر ٍ iiوفــــر
    بــالـعـلـم الــجــهـل iiانــدحــر واصــبــح مــــن iiالـذكـريـات

    الـعـلـم يـعـطـى لــكـل iiدارس والـمـهـنـة يـتـقـنها iiمــمـارس
    مـن مـدرسها صارت مدارس غـــيــر ســـبــع الـجـامـعـات

    في الأرض رزق الرب كامن خــيـر ومـحـاصـيل ومـعـادن
    اخــرجـهـا ربٍ بــــه نــآمـن رب ذر iiوالــــــــذاريـــــــات

    عــقـب الـمـشـقة iiوالـمـجـاعة اصـبـح لـنـا زرع iiوصـنـاعة
    ورايــنــا يــطـلـب iiســمـاعـه فــــي جــمـيـع الـمـعـضـلات

    الــبــيـت وسـّـعــنـا iiعــمــاره ومـسـجـد رســـول الله iiوداره
    الــخــيـر مـايـظـهـر iiثــمــاره الا فــــعــــل iiالــصــالــحـات

    ولــلـحـج سـهّـلـنـا الـمـسـالـك بــالـيـسـر تــتــأدى الـمـنـاسـك
    يـــاخــادم الـبـيـتـين iiنــاســك أدوا كــــــــل iiالـــواجـــبــات

    بـفـنـونـا اسـتـمـتـع iiوشــاهــد تـــــراث لـــلإبــداع iiخـــالــد
    وفـي الـرياضة نشىء iiصاعد حــقــق أعــلــى iiالـمـنـجزات

    وأهـل الـحرس قـول iiوفـعايل كــبـيـرهـم لـــيــث iiالـقـبـايـل
    خــذهـم لـمـجد مـاهـو iiزايــل قــــــول يـــروونــه iiثـــقــات

    والـجـيش يـفـدي الـدار iiجـنده ضـــرغــام يـبـنـيـه iiويــعــده
    قــــــوات دايـــــم iiمــسـتـعـده جــــوّ مــــع بــحــر iiومــشـاة




    اللوحة السابعة
    وقال قايل : ( ذولا بدو والنفط هو كل السبب ..
    جاهم وغيّر سيرهم .. كانوا بجهل وما تلاشى واحتجب
    الا بسواعد غيرهم . . ذولا عرب في دينهم مافيه حقوق إنسان.
    ذولا عرب في بلادهم الظلم والحرمان )

    يا مخالف المعقول ..قل كل مابتقول .. زد في همومك زد ..
    واحسب علينا وعد .. ارسل رياح الحقد..
    واسمع جواب الشعب..المصدر المسوؤل :



    اذا هبّت رياح الحقد وكثّر في الحكي iiمغبون
    حمدنا ربنا المعطي وعذنابه من iiالشيطان
    واذا زاد الغثى والهرج زدنا لمن حسدنا عيون
    تشوف الخير في بلادي وتملا قلوبهم iiأحزان


    عوايدنا نصد الغيض ونمسح دمعة المحزون
    واخذنا من ملكنا الحلم ورد الجهل iiبالإحسان
    واذا زاد الجهل زدنا صبر حتى يضيق iiالكون
    واذا راح الصبر صرنا حمم تطغى أمر iiبركان


    يقولون البدو والنفط أنا من نفطنا iiممنون
    سبقنابه سنين العمر وعدينا به iiالحرمان
    واذا قالوا بدو حنا بدو بالمعنى iiوالمضمون
    ولانركع لغير الله ولا نرخص ثرى iiالأوطان


    وقالوا ساعدونا الغير صارت داين iiالمديون
    من جانا خذا حقه وكل الود iiوالعرفان
    عطينا لين كفـّينا و وفينا كثير iiديون
    بلا عد وبلا منه نبي وجه العلي iiالرحمن


    ألا يا رب هالبيتين ومنزل في كتابك iiنون
    وجاعل أمرنا شورى وجاعل حكمنا iiالقران
    الا ياربي ياقهر وعالم ظاهر iiومكنون
    جعلناك في نحور اللي يبون لدارنا iiالخذلان


    يغض الطرف عما صار من صرب وبني صهيون
    والا طبقنا شرع الله يقولن به حقوق iiانسان
    الا يا الحاسد الحاقد رماحك بهذلتك iiطعون
    ولا حصلت ماتبغى وغيضك هو مثل iiماكان


    مادام أن العلم به سيف وكلمة نوّرت هالكون
    مادام أن الحرم مخدوم ومتوسع به iiالبنيان
    بتبقى بلادي بنعمة بحول اللي له iiيصلون
    وعزم رجال ماجادت كثير بمثلهوم iiأزمان




    اللوحة الثامنة
    لك الله كم نحبك يا بلدنا فداك الحال والمال و ولدنا
    تعلمنا نحبك قبل iiنخلق وقبل اعمارنا ويوم انولدنا
    غلاك في ثوان العمر ساكن والا متنا نشيله في لحدنا

    يقولوا لو يقولوا ما iiيقولوا عن الحسّاد والله iiمانشدنا
    عطيتي ولا بخلتي iiبالعطايا ولا نوفيك لو نبذل iiجَهَدنا
    رفعتي قدرنا فوق iiالثريا ونلنابك في هالدنيا iiسعدنا

    نعاهد ربنا انّا نصونك بعون الله نتمملك iiعهدنا
    تهون الروح والابدان iiدونك ويفدى ترابك القاصي iiولدنا
    جمعنا حب هذا الكون iiكله وحب اللي قبل واللي iiبعدنا

    وذكر به بعض حبٍ iiماجمعنا بحثنا عنه لكن ماوجدنا
    نبي كل المحبة تكون iiلجلك عسانا نكون وفينا وعدنا
    سلمتي يا بلادي دام عزك عرفتي كم نحبك iiيابلدنا



    اللوحة التاسعة
    نادها .. سمع الدنيا .. وهز بلادها
    نادها بصوتٍ يشق قلوب من يكره ثرانا
    نادها كثر اللي لاذو في ذرانا

    نادها .. ذيك البلاد اللي اصطفاها ربها
    .. بالأمان والرزق .. بلادنا درة الدنيا وتاج الخلق

    نادها واصرخ باعلى صوت
    حنا حماة الدين .. خدام للكعبة
    وحنا الوفا للجار .. والصدق للصحبة
    وحنا سيوف الحق .. والعز والرهبة

    يا الراحم الرحمن .. يالخالق الديان
    يا معلم الإنسان اقرأ .. عن بلاد الدين ادرئ
    كل كيد الحاقدين .. كل زيف الحاسدين
    اللي يبون اذلالها

    ياللي خلقت جبالها .. احفظ عظيم رجالها

    احفظ لها الغالي المفدى اللي مقام المجد عدى
    ربع على عرش المحبة الملـيك اللي نــــحبه
    من سمع أو شاف فعله يدري ليه انا نجله

    من مثله اللي ينصر الإسلام ويضحي في سبيله
    من مثله اللي حل صعب الأمر وارضخ مستحيله
    من غيره اللي رد مر الوقت واخرج سلسبيله
    من غيره اللي قام للبيتين بالخدمة الجليلة

    ياللي خلقت جبالها .. احفظ عظيم رجالها

    يارازقٍ في المهد احفظ ولي العهد
    اللي القلوب أرضه وهمومها نبضه
    من سمع أو شاف فعله يدري ليه انا نجله

    من مثله اللي يرتكي لثقل المحاميل ويشيله
    من مثله اللي تسبق الأفعال في الإحسان قيله
    من غيره اللي اقعد الكرسي المواطن يشتكيله
    من غيره اللي شال هم الناس في صبحها وليله

    ياللي خلقت جبالها .. احفظ عظيم رجالها

    يارب الاحساني احفظ لها يالله النايب الثاني
    اللي يمينه سيل الخيّر الحلحيل
    من سمع أو شاف فعله يدري ليه انا نجله

    من مثله اللي يقصي المحتاج عن نفسٍ ذليلة
    من مثلة اللي لو يجيه البحر يرعاه ويعيله
    من غيره اللي لو عطاك الشمس يلقاها قليلة
    من غيره اللي صار صبح الجود ممساه ومقيله

    ياللي خلقت جبالها .. احفظ عظيم رجالها



    اللوحة العاشرة والاخيرة

    يــــــابــــــلادنـــــا والله iiعـــــظــــيــــمــــة
    رفــــــعـــــة وايـــــمـــــان وعــــزيـــمـــة
    ويـــــــــاوطـــــــــن والله iiعــــــظــــــيـــــم
    أطــــــفـــــال ورجـــــــــــال iiوحــــــريـــــم
    جـــمـــعـــهـــم الــــــحــــــب iiلــــــثـــــراك
    والــــــــــــدم والــــــديــــــن الــــقــــويـــم


    حــــي الــبــلاد الــلــي عــلـى كـــل iiقــمـة
    تــربــعـت بــالـمـجـد والــخــيـر iiمــكـتـوب
    الــمــســلـمـة الــمــؤمــنــة iiالــمــؤلــمـة
    بـاصـالـة الــلـي فـــات والـعـلـم iiمـطـلوب
    ولــبـاكـر الــلــي جــــاي ســـارت iiبـهـمـه
    تــدري ثـمـين الـوقـت والـعـمر iiمـحسوب


    انــتــي الــبــلاد الــلــي ثــراهــا iiنــضـمـه
    نــفــديـلـك أبــــــدان ونــهـديـلـك iiقـــلــوب
    انـــتـــي الـــمـــلاذ ومــايــهـمـك iiنــهــمـه
    ولــــويـــن مــانــبــعـد نــلاقــيــلـك iiدروب
    وانــتــي هــــواك فــــي ســمــاك iiنـشـمـه
    ومـــا يـظـهره مــن أحــد كــود iiمـغـصوب


    لـــــو تــامــريـن الــرمــل عــنــك iiنــلـمـه
    ولــو تـعـطشين الــدم لــك مـنـا مـسـكوب
    انـــتــي الـــصــدوق الــبـاقـيـة iiالـمـهـمـة
    وانــتـي الـحـبـيب وكـلـنـا قــلـب iiمـحـبوب
    كـــــلٍ يـــحــب الارض لاصــــارت iiامــــه
    بــس عـشـقنا لــك غـيـر حـنـا بـك انـذوب


    يــــــارب يــالــلــي نــعـمـتـك دوم جـــمــة
    يـــا الـغـافـر الـمـنّـان يـــا قــابـل iiالــتـوب
    ارزقـــنـــا بــالايــمــان والــخــبـر iiتـــمــه
    واغـفـر لـنـا مـاكـان مــن نـقـص وذنـوب
    واحـــفــظ ديــــارٍ فــــي ثــراهــا الأئــمــة
    واحمياها لين الشمس تشرق من غروب


    موشح عربي
    يا سراب السلم في الوقت iiالذي فيه يعلوا الإفك في مسرى iiالنبي
    وجيوش العُرب يجري iiحشدها لجيوش العُرب لا للأجنبي
    ندد القوم بصوتٍ iiواحدٍ بفعال المجرم iiالمغتصبِ
    أبشروا بالنصر هذي iiحربنا جندنا الطفلة فيها iiوالصبي
    يازمان الوهن عند iiالعربِ
    أيُ ليلٍ حالكٍ نحن iiبه أيُ ذُلٍ فاضحٍ لا iiيختبي
    أين مجداً دانت الدنيا iiله مرَ دهرٌ شمسه لم iiتغربِ
    من روابي نجد حتى iiنينوا من بلاد الشام حتى iiالمغربِ
    ضاع ذاك المجد في الماضي سُدى كالأساطيرِ وبالي iiالكتبِ
    يازمان الوهن عند iiالعربِ
    ماسئمتم من بيانات الأسى ii؟ ماسئمتم لهجة iiالمنتحبِ
    ماسئمتم وضعكم بين iiالورى ماسئمتم حبكم iiللعبِ
    حثّت الدنيا الخُطى نحو iiالعُلا ووقفتم دون أدنى iiسببِ
    أفصح الأقوام أنتم في iiالوغى أشجع الأقوام عند iiالطربِ
    يازمان الوهن عند iiالعربِ
    ماسئمتم مشيكم دون iiهُدى ماسئمتم مفردات الخطبِ
    ماسئمتم شككم في iiبعضكم ماسئمتم كل هذا iiالكذبِ
    مايعزي أنكم في iiضعفكم قد بلغتم دون أدنى iiالرتبِ
    ليس دون القاع هذي iiموضعٌ سوف تعلون فيال iiالعجبِ
    يازمان الوهن عند iiالعربِ
    إن سئمتم نقطة البدء iiهنا قد يسير الوقت iiللمنقلبِ
    إن صمدتم صار نطقاً فعلكم ماسكتم طولَ تلك iiالحقبِ
    إن صفت نياتكم iiمابينكم ودعوتوا ربكم أن iiيجتبي
    من بنيكم جيل فعلٍ iiقادرٍ يمتطي الأهوال للمجد iiالأبي
    قد تعود القدس قلب iiالعربِ


    علم كثير المجادل
    لله ربي جزيل الحمد iiوالمنّه العادل القادر المتكبّر iiالرحمن
    اللي عطى في كتابه رزقه iiوأمنه لبلاد مكّه وطيبه أطهر iiالأوطان
    سبحانه أرسل رسول لإنسه iiوجنّه باليسر والمغفره والرفق iiوالإحسان
    ماكان فظٍ غليظ القلب لو iiإنه من حوله انفض جَمْع و زُعْزِع iiالإيمان
    يالله صلّي على احمد ما هَمَت iiمِزْنه وما هَلّت دموع طفل وما تُلي قرآن
    خُلقه عظيم ف كتابك قلت ذا iiعنّه رحيم فينا رؤوف اكرَم بَشَر قد كان
    ياحافظ كتاب ربّك دارس السنّه البِر واضح وضوح الإثم iiوالعدوان
    عَلِّم كثير المجادَل تابعٍ iiظنّه لا روس حنّا غدينا وْلا هم iiالأفغان
    لبلادك المسلمين نفوس iiممتنّه لبلادك الكافرين اتمنّوا iiالخذلان
    للإسئله في الشوارع شَنّه iiورَنّه وش وصّل الناس ذولا فوهة ii بركان
    وشلون ينهي حياته في صُغُر iiسِنّه؟ وشلون هذي المراحل توصَل الإنسان؟
    إن كان ماهو فراغٍ.. يأس iiيمكنّه ماهي حكاية تديّن.. ما لهذا iiشان
    أو هي حكاية فوارق دنيا iiمنجَنّه دكتور عاطل .. و يُثرى لاعب iiوفنان
    أو هي حكاية عدوٍّ زاد في iiزَنّه لين المسامع تعبّت كره .. واستهجان
    أو هي حكاية شفايف في الخفا iiدَرْنَه تلْعن صنيع الأيادي.. تبوس في iiالكتمان
    ياللي تكفّر كثير الخلق.. بك iiجِنّه كل هالخلايق مضلّه وش معك iiبرهان؟!
    كل هالأمم في جهنّم .. كافره iiعَفْنَه؟ وانت الذي مسك دمّك ضامن الرضوان..؟!
    جنّه بعرض السما والأرض iiمِنْضَمْنَه هي حِكر لك مع رِفاقك شلّة الأعوان ؟!
    يالله إقطع ذيول الشر iiوالفتنه و رُدّ كيد الأعادي فْنَحْرهم iiخسران
    واكفِ البلاد التقيّه شرذمَه.. iiحِفنه ساروا بدرب الضَلال ولبّوا iiالشيطان
    فجِّر ودمِّر بلادك .. تدخل الجنّه أفتى بهذا مشايخ آخر الأزمان ii!!!!

    سفير الحزن

    (غريب ..)
    (ماقلتلك ..)
    من هو .. ؟
    (تبي تعرف ..)
    هو اللي .. لو خذلك الحب
    (وبان الشوق ..)
    في عينيك ..
    وعجزت إنك ..،،
    تداري حزنك وهمك ..
    (واختفت ..)
    من ليلتك ..،،
    كل (الأماني ..)
    وماشفت (الصبر) كافي ..
    تلاقي دمعتك عنده ..
    يعيش أحزانك بصوته ..
    ويغني جرحك الخافي ..
    ولو تبغى الشجن عنده ..
    ولو تبغى الفرح .. ؟
    قليل من الحزن عنده ..
    ولو ناديت
    وعذبك بعض النداء ..
    بصوته عنك ينادي ..
    عرفته ؟!
    سفير الحزن في الدنيا .. !!
    عبادي ....



    يا كويت
    بسم الله الرحمن ابدا كلامي وعلى النبي المصطفى خير تسليم
    وعلى الوجوه المسفهلة iiسلامي وعلى الديار اللي لها كل تحشيم
    وبعد اني من عظيم iiاحترامي لحضوركم ماقلت حكيٍ وتقديم
    يا رافعين الضيف قدر iiمتسامي ياللي غمرتوني مشاعر iiوتكريم
    من جيت .. والترحيب خلفي وامامي العين مرتاحة وفي السمع iiترنيم
    شعري بدابي من شديد اهتمامي اني اوفي قدر طيبٍ مثل ديم
    يسقى ولاه وتاركٍ نبت iiضامي عطشى رووبه وامتلتبه iiمرازيم
    حييتي يا أرض الوفى iiوالوئامي ديرة عظيمة .. زادك الشيخ iiتعظيم
    جابر وله في المجد مجد iiمترامي هو صاحب الطولات غيث المظاليم
    وسعد الكريم الشهم عالي iiالمقامي اخوان مريم مجدهم ياصل iiالغيم
    ياكويت ماننسى الوفى في iiالكرامي يوم البلاد اشتات وارضي iiاقاليم
    منك انطلق عبدالعزيز iiالامامي رد الرياض وعمم الخير iiتعميم
    ياسعد من كانوا عمامه iiعمامي حماة للاسلام شرع iiوتعاليم
    وياسعد من كان الفهد عنه iiحامي يبشر بفك الكرب وبرفعة iiالضيم
    تشهد له الاحداث ماهو iiكلامي قال الاخو والجار في قلبي iiمقيم
    قال الكويت ارضي حربي سلامي مانيب حاسبها ولا احتاج iiتقييم
    قدم بلادها قال مالي iiمرامي كود الحقوق تعود من غير iiتقسيم
    فهد اللي حرر لاتفكر في اسامي رد الكويت وحطم الشر iiتحطيم
    وعاد الصباح وزال كل iiالظلامي والنور حجم سود الافعال iiتحجيم
    يالله يامحيي رميم iiالعظامي يامنزل "طه" و "فاطر" و ii"حم"
    نسألك تبري جرح في القلب دامي واترد اسرانا لنا في iiالخواتيم
    امين يارحمن هذا iiختامي وعلى النبي المصطفى خير تسليم




    مصر

    قلت مصر وقالت الدنيا iiنعم قلت خير وفاض بالنيل iiالكرم
    قلت ارضي من مثل ارضي ثرى مسجد احمد والمناسك iiوالحرم
    يامصر لك جيت انقل لك وفا خادمين البيت اصحاب iiالشيم
    من بلاد النور لبلاد iiالدفا من رياض المجد لشموخ iiالهرم
    يابلاد حبها ساكن بنا من قديم الوقت من قبل القدم
    ماهي صدفه كل ما كنا iiمعا حاولوا تثبيطنا وقتل iiالهِمم
    ماهي صدفه إن نصرنا iiعُرْبنا ألصقوا فينا شنيعات iiالتهم
    مصر شمس الكون وبلادي iiسما هما مصابيح الدُجى نور iiالظلم
    يا ملاذ اللي بعزك iiاحتمى يا منار العلم يا أم iiالأمم
    ان حكوا في الطيب شعبك مكتفي حاز كل الطيب واتعدى iiالقمم
    وان حكوا في المجد غيرك يختفي خير جند الأرض من سالم iiسلم
    عزك المولى البديع المصطفي في كتابه أمّنك من كل iiغم
    أدخلوها بالسلام وتأمنوا وان بغير السلم جيتوا iiللعدم
    اشهد انك قاهره iiيالطاهره واشهد ان عداك في مرتع وخم
    قلت ارضي من مثل ارضي ثرى قبر احمد والمناسك iiوالحرم
    قلت مصر وقالت الدنيا iiانا قلت حب وفاض بالشعر iiالقلم



    للدوحة سلام

    من رياض المجد للدوحه iiسلام كثر ما لبلادنا خير ٍ iiعميم
    البلاد اللي بها البيت الحرام ومجد الهادي صراط iiمستقيم
    من بلاد الفارس الشهم iiالامام جدّي معزّي ابو تركي iiالعظيم
    ان بغيت المجد فبلادي iiالسنام وان بغيت الجود في بلادي iiمقيم
    يا قطر لك حبنا والاحترام المشاعر دافيه والله iiعليم
    عند ابوفيصل لابو مشعل iiمقام وحب ابو مشعل لابو فيصل قديم
    يابلاد ٍ دوم تمشي iiللامام تسبق الخطوات بالفكر iiالسليم
    عل نورك ما يجي صوبه iiظلام ويحفظ الله لك حمد من كل iiضيم
    من عشقها بلادكم لا iiمايلام دام هذا طيبها حقه iiيهيم
    طبتم وطابت وطاب بنا iiالمقام والله ان فراقكم باكر iiاليم
    ياهل الدوحه لكم مني iiسلام كثر قدر بلادنا العالي iiالعظيم
    مايوفي جودكم شعر iiوكلام لك جزيل الشكر مني يا iiتميم
    من كرام جيت واكرمني iiالكرام واكرم الاكرام اكرام iiالكريم


    آآه يا فيصل

    إِدْلِهمّي ياليالي iiخابرينك تاخذي من الطيّبين ii..الطيّبين
    واهدي يادنيا بقايا iiخيّرينك للديار اللي تجازي iiالمحسنين
    مير حنّا يا إلهي iiعابدينك ندري ان الموت هو حق ويقين
    مؤمنين بحكمتك iiمستغفرينك بك على كل المصايب نستعين
    مات فيصل .. ياقلوب الله iiيعينك الفجيعه مذهله يا iiمسلمين
    آه يا فيصل.. يقول مفارقينك ii: لو يردّك دمع أو حتى iiأنين
    كان هزّ الأرض رَجْع iiمودّعينك وكان سالت نجد بالدمع الحزين
    التّعازي تنتخي..يا صَبْر وينك والذهول ف وجه أحبابك iiسجين
    ماهو بس أهلك وربعك iiناعيينك الدول والناس عُرْب iiوأعجمين
    اليتامى يا أبوهم iiفاقدينك يسألون : الطيّب المحبوب iiوين؟
    كم مريض ٍ قد لقى مَدّة iiيدينك العلاج وقبلك أهله iiيائسين
    تخفي عن يسراك ما أعطت iiيمينك ومن كثر ما اعطت ولو أخفت يبين
    آه يافيصل شكَت منّك سنينك ماقِوَت طيبك ولا انتَ iiتِسْتَكين
    شاكرينك يا إلهي iiوحامدينك وندري إنّا لك إلهي راجعين
    ما تِشَا قَدَّرت آمنّا iiبدينك خاضعين لما حكمت iiوراضيين
    يا عظيم الباس يالله سائلينك إجزي فيصل بالرِضا فوزٍ iiمبين
    واعفُ عنه يا إلهي iiراجيينك تكتبه يالله من أهل iiاليمين


    مات مشعل

    مات مشعل .. قرب زمزم iiوالحطيم في مِنا .. في سابع iiالشهرالعظيم
    مات يخدم من لفوا لله iiضيوف طالبين المغفره .. والله iiكريم
    مات وآخر ما بقى في iiمسمعه تلبيه لله .. دعا .. ذكرٍ حكيم
    يا إله الناس ومجيب iiالدعا ياللي بالنيات والخافي iiعليم
    يا شديد الطَول في صبح iiومسا لا إله إلا انت رحمن iiورحيم
    إلهم السلوان أهله iiوالعزا في المصاب القاسي الصعب iiالأليم
    مات مشعل في بواكير iiالصبا لا سبقْه انذار أو حذّر iiفهيم
    هو درا الإنسان عن وقته iiمتى مع بزوغ الصبح .. والا في iiالعتيم
    الأجل محتوم لو يومه iiأتى ما يفرق بين متعافي iiوسقيم
    مير لو ربي بغى عبده iiبخير يختم افعاله على الدرب iiالقويم
    أم مشعل .. وش نعزي .. وش نقول الشهاده مالها إلا iiالنعيم
    ياعساه الشافع الوافي iiلكم في النهار اللي يشيّب iiبالفطيم
    يوم ما ينفع بنون ومال iiفاز من أتى الرحمن بالقلب iiالسليم
    أم مشعل .. لاغديتي iiبلادنا وصار مشعل شعبها الوافي iiالكريم
    كلنا عيالك .. وإنتي iiامنا وكلنا مشعل .. ولو قدره iiعظيم



    فهد بن سلمان

    كل حي يحين وقته يمتثل ان حان iiحينه
    ما يقدم مايأخر قالها ربي في iiكتابه
    وكلنا للموت ساير طالت او قصرت iiسنينه
    التراب يعود لأصله ثم يبعث من iiترابه
    كلنا إمان بالله ماحكم به iiقابلينه
    مهما كان الخطب داهي حكم ربي iiيرتضابه
    مير ماكل المصايب تجعل بلادي iiحزينة
    مير ما كل الفواجع تملى هالدنيا iiكاءابة
    قيل شفتوا الطيب قلنا فهد بن سلمان وينه
    قيل نجمٍ طاح قلنا الفضا فادح مصابه
    قالوا ان الحزن واحد شي يجثم iiخابرينه
    قلت أنا أحزان فقده مابها شيٍ iiتشابه
    ماهقيت طويق يدمع ماهقيت أسمع iiأنينه
    لين صار الدمع وابل والعيون اضحت iiسحابه
    إيه ندري من فقدنا .. من فقدنا iiعارفينه
    شخص أبد ماكان عادي .. كان دنيا من رحابة
    كان فهد يحب أرضه كان متمسك بدينه
    كان ماعنده لغيره .. للصخا مفتوح بابه
    كان يخفي عن شماله جل ماتنفق iiيمينه
    كان مايرجي مدايح .. بالعطا افنى iiشبابه
    كان يرجى وجه ربه كان مخلص في iiيقينه
    كان ابن سلمان فعلا في السماحة iiوالمهابة
    كان متذلل لربه كان مرفوعٍ iiجبينه
    كان مبهج في حضوره كان مفجع في iiغيابه
    مايرد الحزن موته .. هذا أمرٍ iiمدركينه
    مالنا غير الدعا له نسأل الله الإجابة
    يا إلهٍ جل شانه به نلوذ iiونستعينه
    علّه ميمن كتابه .. علّه ميسر iiحسابه
    ياعظيم الباس يالله .. اجبر أهلٍ فاقدينه
    واغفر لفهد وتقبّل واجعل الجنة iiثوابه


  2. #2


  3. #3


  4. #4


  5. #5


  6. #6

    افتراضي

    روعه يحكي واقع الحياه يسلموا
    اضغطي عالرابط والله ماتخسري ابي دعوتك لصديقتي



    https://alfrasha.maktoob.com/alfrasha92/thread1492781/




    أستغفرالله الذي لاإله إلا هو الحي القيوم وأتوب إليه
    قولي قبل النوم

    الحمدلله 33مره
    الله أكبر33مره
    لاإله إلا الله 33مره
    سبحان الله وبحمده33مره

    وشوفي العجب لما بتصحين من النوم


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك