موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



+ الرد على الموضوع
صفحة 1 من 6 1 2 3 4 5 6 الأخيرةالأخيرة
النتائج 1 إلى 10 من 57
Like Tree0الاعجابات

الموضوع: بنات جدة وظائف في باب رزق جميل

  1. #1
    الصورة الرمزية إيمي أموون
    تاريخ التسجيل
    Aug 2007
    المشاركات
    644




    افتراضي بنات جدة وظائف في باب رزق جميل

    السلام عليكم ورحمة الله وبركاته
    وظائف في باب رزق جميل وهو مكتب توظيف تابع لعبداللطيف جميل والموقع شارع صاري امام مطعم الذواقة فمركز الكرستالة وطبعاً زي ماقلت هو مكتب توظيف يساعد الفتيات السعوديات على إيجاد فرص عمل في شركات مؤسسات مدارس ومالهم أي رسوم لاقبل ولا بعد الوظيفة ولا ياخذوا من راتبك ولاشي زي مكاتب التوظيف النصابة خدمة مجانية للفتاة السعوديه يعني من جد لخدمة المجتمع وانا بقولكم اش اللي صار معايا لمن رحت طبعاً أنا رحت يوم الثلاثاء واستقبلتني الموظفة وقلتلها ابغى اقدم طلب وظيفة واعطتني استمارة اعبيها وفيها الاسم والعنوان ومعلومات شخصية يعني السجل المدني والمؤهلات والخبرات اللي عندك والدورات اللي اخذتيها بتواريخها وبعدها طبيعة الوظيفة اللي تبغيها يعني في خانه مكتوب ميداني اولأ كشف الوجه او لأ وختلاط بالرجال او لأ وانتي تأشري بس وخلاص تسلمي الاستمارة وتقولك تعالي بكرة المقابلة الشخصية وطبعاً جيت اليوم اللي بعده ويعطوكي رقم لأنو مرة زحمة ولما ينادوا عل اسمك تدخلي المكتب على الموظفة اللي مسؤولة عن المقابلات وتصير تسألك اسئله عن نفسك وعن مؤهلاتك وعن كل اللي عبيتيه في الاستمارة وبعدها تسألك اش طبيعة الشغل اللي تبغي تشتغليه وانا قالتلي اش رايك بوظيفة كول سنتر وعرضت كمان عليه مدخلة بيانات ومدرسة وكذا وظيفة وسألتني كم تتوقعي يكون راتبك وهادا اهم سؤال لازم تقولي مو اقل من 2000 لاتتفلسفوا وتقولوا 3000 او اكثر لأنو في وحدة قبلي بعد ما خلصت مقابلتها قالتلي لا تقولي اكثر من 2000 او 2500 ما اعرف ليه المهم وقالتلي راح نتصل عليك قريب والله يابنات مكتب محترم وراقي وان شاء الله كلكم تلاقوا فرص عمل تناسبكم وادعولي اتوظف ويتصلوا عليه فأسرع وقت لأني محتاجة الوظيفة ويالله يبنات جدة همتكم وراح احط الرقم بس ان شاء الله المشرفات ما يحذفوه 2750516
    ونسيت اقولكم انو مو مطلوب مؤهل معين والله في بنات جايين وعنهم ابتدائية ولقيولهم وظايف ولاتنسوا تدعولي
    معذور أنت لو اجهضت لي أملي
    لا الذنب ذنبك بل كانت حماقاتي


  2. #2

    افتراضي

    الله يرضى عليكي ويوفقك انشاالله ويتصلو عليكي عن قريب بوظيفه راتبها انشاالله فوق 3000 الاف الارزاق بيد الله


  3. #3

    افتراضي

    الله يعطيك العافيه وانا قريت الخبر من قبل واتصلت عليهم وعطوني العنوان على اساس اروح اقدم عندهم لكن عرفت باقي التفاصيل منك

    الله يعطيك العافيه اختي ويرزقك على نيتك يالغلا ..

    دمتي بود


  4. #4


  5. #5


  6. #6


  7. #7


  8. #8

    افتراضي

    ياحلوات انا رحت بس تشترط انك توافقي على ان الوظيفه تكون اختلاط وغير كذا ماتتوظفي مجرد تتعبي نفسك لو طلبتي من غير اختلاط فبراحتكم انا قلت تجربتي انا واخواتي


  9. #9


  10. #10

    افتراضي

    شيخة الحلوين واللهم يسر ولاتعسر بالتوفيق ان شاء الله والله يكتبلنا ويكتبلكم الخير
    وريماس ياقلبي بس انا رحت عندهم وماقالولي كده صح كلامك فشي واحد انو اللي تبغى اختلاط بالرجال يلاقولها الوظيفة بسرعة لأنو في احتياج وكثير بنات ما يرضوا فمكان الوظايف اللي زي كده شاغر دائماً بس مو شرط حبيبتي ولا اش فايدة تعبئه الاستمارة وليش يسألونا تبغي اختلاط او لأ كان قالوا هادا شرط اساسي بس لأ لأني انا قالتلي الموظفة اوكي في وظيفة مدخلة بيانات في مجمع او مركز نسائي فقط على حسب رغبتي وهادا اللي صار معايا ومشكوووووورة ياقلبي


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك