موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 10 من 14
Like Tree0الاعجابات

الموضوع: كيس دهني في المبيض

  1. #1

    الصورة الرمزية صدى الونة
    تاريخ التسجيل
    Oct 2005
    المشاركات
    233




    Crying كيس دهني في المبيض

    مرحبا اخواتي ...


    ارجوكم ساعدوني بنات ... الدكتورة سوت لي قبل شهر أشعة مغناطيسية لمعرفة سمك المبايض.. حتى تحدد لي نوع المنشطات الي بتعطيني اياهم الي اهما حبوب او أبر ... بس اكتشفت شي بالاشعة ..

    طلع عندي كيس دهني مع التكيس وهذا لازم عملية .. حجمة الحين 3 سم واها يكبر بسرعة واذا كبر ينفجر واذا انفجر مشكلة وما تقدر تعطيني منشطات لانه يكبر بسرعة كبيرة مع المنشطات ... بإختصار وجوده خطر علي .. ولازم عملية .. سألت حكيم أعشاب قال لي لا تتسرعي يا بنتي هذي العملية الانجليز ياخافوون يعملونها لان اقل خطأ او تحرك بسيط ويلمس جدار المبيض راح يكون عندك عقم نهائي بنصحك ما تتسرعي هذي العملية مو سهلة وعطاني خلطة ينزل التكيس والكيس الدهني ويخفض الوزن ..

    انا الحين وقعت على العملية قبل لا يقول لي بس راح أأجلها لان بغيت اسألكم عنها في احد يعرف شي عنها؟ من منكم مثل حالتي عندها كيس دهني في المبيض ؟ سوت عملية لو لا؟ .. ارجوكم بنات ساعدوني
    انا مو مرتاحة لدكتورة اتقول راح تعطيني حبوب ينزل الدورة عشان تسويها بسرعة وانا دورتي باقي عليها اسبوعين .. وما عطتني وليش اهيا على طول قررت تنزل دورتي ؟

    بنات ساعدوني .. اليوم الجمعة يوم مبارك لا تبخلون علي بالدعاء ..

    ربي يرزقكم الذرية الصالة يارب ويرزق كل محرومة ...






    بسم الله على ما أعطاني ربي


  2. #2

    افتراضي

    بسم الله الرحمن الرحيم
    في البدايه اسأل الله سبحانه و تعالى في هاليوم الفضيل انه يشفيج و يشفيني معاج ،،
    اختي انا عندي كيس على المبيض اليمين ... بس الدكتورة ما قالت هل هو كيس دهني ولا شو بالضبط .. بس هي و دكتور الاشعه رجحوا انه كيس دم ...
    وحجمه مثل الحجم اللي عندج .... اللي استغربت منه انه الدكتورة طلبت تسويلج أشعه مغناطيسيه MRI عشان تعرف سمك جدار المبيض ... !! لأنه الاشعه هاي انا ما سويتها الا عقب ما قالت لي الدكتورة انه عندج كيس .... فمبغيت اعرف شو مضمونه او محتوياته عشان اطمن ..
    المهم ..... الدكتورة رفضت تعطيني منشط لأنه قالت احتمال الكيس يكبر نفس كلام دكتورج .. الحين الحل لهالكيس هو الصبر ثلاث شهور ....
    يعني لازم يتابعون الكيس لمدة ثلاث شهور .. هذا الكلام قالولي اياه في دبي .. لأنه مع المتابعه بيشوفون .. شو صار في حجمه ... اذا كبر .... محتاج عملية بالمنظار من خلال فتحتين في البطن و يشيلونه .... اذا تم مثل ما هو و ما تغير حجمه .. بعد نفس الشي لازم عمليه ... أما اذا صغر و هذا سبب المتابعه يكون خير و بركه .... و انتي اختي عندج كيس دهني ... فاحتمال ينكمش عندج مع الدورة الشهريه ... فلازم تتابعينه قبل ...
    و طبعا انا حبيت آخذ راي ثاني .. قلت يمكن دكاتره كندا احسن ... زوجي سأل دكتور اهني .. قال نفس الكلام ... الكيس محتاج متابعه بالالتراساوند .. و قال نحن ما نسوي عمليه الا بعد المتابعه .. لو ظل مثل ما هو نلجأ للمنظار ...
    و انا عندي موعد مع دكتورة اهني بعد 10 ايام ... و هي بتشوف الكيس شو صار عليه ...
    و ان شاء الله يكون راح .....
    هذا اللي عندي اختي ..... خذي راي اكثر من دكتور ... و ترا الحجم هذا قالولي مب كبير .. الخطورة يوم يكون 5 أو 6 سم و طالع ....
    ان شاء الله ما فينا الا العافيه .... و طمنينا عليج ...


  3. #3


  4. #4

    افتراضي

    الله يشفيج والله يرزقج الذرية الصالحه يارب ويرزق كل محرومة



  5. #5


  6. #6

    افتراضي

    هلا
    أختي فقدنااااااك حيل والله
    وأولا
    اسأل الله العظيم رب العرش الكريم أن يشفيك
    اسأل الله العظيم رب العرش الكريم أن يشفيك
    اسأل الله العظيم رب العرش الكريم أن يشفيك
    اسأل الله العظيم رب العرش الكريم أن يشفيك
    اسأل الله العظيم رب العرش الكريم أن يشفيك
    اسأل الله العظيم رب العرش الكريم أن يشفيك
    اسأل الله العظيم رب العرش الكريم أن يشفيك

    وفالك العافية
    ودكتورتك كلامها جدااااا غريب
    أنصحك أستشيري دكتورة غيرها وأكثر
    واستمري على وصفة حكيم الأعشاب إن كان مضمون
    وأعرف كثير عندهم كيس دهني وحملوا عادي
    واللي سوت عملية وعادي لاضرر منها بإذن الله
    لكن قبل اعرضي روحك على عدة أطباء افضل
    وطمنينا عنك
    والله يطمن قلبك بالخير

    دمتي سالمة
    :

    ~|| اللهم ارحم والدي واغفر له..
    واسكنه الفردوس الأعلى من الجنة وموتانا وموتى المسلمين
    ..واشفي أمي واحفظها لنا بحولك وقوتك.. وارزقني
    بالحمل التام والذرية الصالحة وأختي وكل متمنيه يارب
    آاامين
    :

    ( اللهم اغفر ليّ ولوالديّ وللمؤمنين والمؤمنات والمسلمين والمسلمات
    الاحياء منهم والأموات )


    :



    :


  7. #7

    افتراضي

    مشكورين الي ردو علي مشكورة يا ميشووو ما تشوفيش وحش يألبي

    بس الدكترو قالت لي ان خطر تحملين واهو فيج يعني بعدين الون انشيلة ؟؟
    وعلى طول قررت لي عملية وانا الذكية وقعت على طول ... ومرة تقول لي ان الكيس داخل التكيس
    ومره على جدار المبيض احس لو داخل التكيس اهون من على جدار المبيض ..
    وقالت بعد مره وحدة اسوي لج منظار فحص الانابيب واخرم لك التكيس .. وبعدين اعطيج النشطات .. قلت لها ومتى ممكن يكون حمل قالت لي ناس بعد ما يسوونها بشهر يحملوون ..

    نزاعة مو تقيس سمك المبيض .. لا تقيس سمك التكيس نفسه ...

    ميشوو الاعشاب قال لي ان في بنت مثل قصتك اذا تبغيني اعرفك عليها عطيتها الوصفة والحين اهيا حامل
    لا تسوين عملية ولا شي .. هذا طبعا هالحكيم اشهر من نار على علم في البحرين وما ياخذ بكلام المريض اول يقول له ابغي التحاليل تبع كذا وكذا ..

    بنات ابغي تجاربكم لا تبخلون عليي خايفة احس اني في خطر اخاف ينفجر ..


    لا تخلوني بروحي

    نسألكم الدعاء






    بسم الله على ما أعطاني ربي


  8. #8

    افتراضي

    هلا اختي
    صراحه من كلامج يبان ان الدكتورة كلامها مو دقيق
    كل مرة شي
    واحس كلامها كبير
    انصحج تدخلين على دكتورة غيرها شوفيها شتقول
    وتحملي بروحج
    وان شاء الله ما فيج الا العافيه
    تحياتي


  9. #9

    افتراضي

    مشكورة اختي عباير ..

    وخلاص نويت اغيرها

    وراح اخذ بمشورة البنات

    أشوف كذا دكتور بالاول ..






    بسم الله على ما أعطاني ربي


  10. #10

    افتراضي

    اختي صدى
    حتى انا قالولي المفروض ما يصير حمل في هالثلاث شهور اللي بيتابعون فيها الكيس ..
    لأنه في حال صار حمل .. المبايض ترجع ورا و يكون صعب الوصول لها ..
    قالت لي واذا كبر الكيس وانتي حامل ... هالشي بيسبب لج آلام غير آلام الحمل ..
    فقالت الاحسن ما تحطين نفسج في هالظروف ... و احس كلامها منطقي ..
    شوفي اختي ... خذي تقرير من دكتورج بالحجم الحالي للكيس .. و روحي عند دكتورة ثانيه
    و قوليلها ابغي اتابع الكيس و اشوف كيف صار حجمه ... و الاحسن انج تروحين بعد ما تتنظفين من الدورة عشان الرحم يكون راجع لوضعه الطبيعي و الحجم الطبيعي ..
    لا تخافين ... ما دام حجمه 3 سم ما بينفجر .. و أهم شي مثل ما قلت المتابعه و المشوره
    و ان شاء الله ما فيج الا العافيه


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك