المساعد الشخصي الرقمي

مشاهدة النسخة كاملة : الم الولادة والخياطة



((وردة وردية))
07-11-2009, 08:44 PM
السلام عليكم

عندي سؤال ويا ليت تجاوبون عليه

ولادتي بتكون في ايام دوامي بالجامعة وانا اكمل دراستي وما ابي انسحب

بس متى الوحدة عقب الولادة تقدر تمارس حياتها طبيعي وتتحرك؟؟

وهل في الحركة والمشي يسبب الم لان بكون في الجامعة

وانا خايفة من الخياطة وايد اكثر من الولادة

وهل الخياطة تضايق بالمشي ومتى ارجع عادي وتتسكر الخياطة؟؟؟

وهل يوجد شي اسويه عشان ما يسون لي توسيع اثناء الولادة مثل رياضة او شي ثاني

وشنو الوحدة تسوي عشان تلتئم الخياطة

انا طولت كثير عليكم بس انا خايفة وما عرف شي اول حمل لي


وشكرا مقدما

فتافت السكر
07-11-2009, 08:55 PM
حبيبتي الخياطه ظروريه علشان تردك مثل قبل بدون توسع و اللي تولد بدون خياطه بعد الاربعين راح يفرق زوجها الوسع و تدرين هم يسوون التوسيع علشان ما يصير هبوط للرحم مع كثر الدفع ..

بالنسبه لمتى تقدرين تمشي من يوم تولدين لكن المشي الكثير يفك الخياطه و تخرب عليك اصلا راح تعورك يفضل بعد الولاده ترتاحين بالذات لو طبيعيه و يكون المشي مررررررررة قليل و ما تجلسي متربعه علشان ما تنفك الغرز و يضيع التعب و الا فيه اماكن ضيقه و اماكن وسيعه .؟؟

و الالم مقدور عليه بالفلتارين ..

علشان تلتلم الخياطه اول اسبوع تستخدمين كريم فاسيدين لان فيه مضاد حيوي و بعد كذا تستخدمين مويه و ملح مرتين باليوم و مرهم ميبو يعجل بعلاجها ,,
تشطفيها من اول بالمرة يعني هي تكون غسوووووووولك الدايم لو دخلتي الحمام اربع مرات بعد ما تشطفي خلاص تشطفي بمحلول المرة و تبخري بيها كمان تنشف المويات و الخيوط ..

((وردة وردية))
07-12-2009, 01:45 AM
بس كم يوم عشان ارجع طبيعي وامشي عادي وتلتئم الخياطة هل اسبوع كافي؟؟

بليز اللي تدخل تقول

وشكرا فتافيت السكر

أم رسيل2
07-12-2009, 02:02 AM
الله يسهل عليك أختي

اذا كانت الجامعة فترة محاضرات تقدري تعوضيها بمشيئة الله وجيبي أجازة مرضيه

اهم شئ صحتك

وكل شئ يتعوض:090:

أما اذا كانت اختبارات الله المستعان

أذكر مره اختي راحت اختبار وهي ولادة بس مااذكر كم لها

((وردة وردية))
07-12-2009, 02:18 AM
مو مشكلة بالاجازة اقدر اخذ اسبوع او اسبوعين بالكثير

بس انا ابغى اعرف كم الفترة اللي عقبها اقدر اروح الجامعة

بليز جاوبوني محد فاهم سؤالي؟؟

الحلوة Rashaaa
07-12-2009, 02:20 AM
لا اسبوع مو كفاية ابدا اقل شي 20 يوم و الله هدا من تجربة يااااااااااارب تقومي بالسلامة و يرزقنا و اياك الولادة السهلة في الشهر التاسع و الطفل السليم المعافى

سحاااابة
07-12-2009, 02:29 AM
اذا عافاك ربي واهتميتي بالتغذية وكانت ولا دتك بمشيئة الله ميسرة تقدرين من عشرة ايام والحريم يختلفون كثير احد يتعب كا الاربعين واحد ما شاء الله تبارك الرحمن يكفيه عشرة ايام وبعدين تقدر تجلس وتروح وتجي. والعادات اللي يفرضها الاهل لها دور احيانا ما يرضون تتحركين الابعد شهر وهذا متعب بعدين لانك تحتاجين تتحركين تعطين لنفسك لياقة .
وحلو تخصصين لك نصف ساعة يوميا مشي وبعدين تزيدينها
والله ييسر امرك وتقومين بالسلامة

((وردة وردية))
07-12-2009, 02:33 AM
يعني المشي زين عقب الولادة لان اسمع انها تتبطل؟؟من متى ابداء امشي ورياضة


ومشكورين ع المرور والله يسهل على كل حامل انشاء الله

الحلوة Rashaaa
07-12-2009, 02:57 AM
المشي و الرياضة مو قبل الاربعين ابداااااااااااااااااااا هذا كلاام الكتب الطبيه و الدكاترة و عن تجارب
بس ممكن تمشي بعد الولادة بكم يوم كم خطوة كدا و خلااااااص لا تكثري ابدا
وقلتلك ترجعي لطبيعتك تدريجيا بعد 20 يوم

سحاااابة
07-12-2009, 03:19 AM
المشي عادي وصحي جدا للي في الاربعين ومن قال ان اللي في الاربعين ماتمشي ولا تتحرك؟؟
وكثير مشوا وما شاء الله تبارك الرحمن صحتهم حلوة ولا يتعبون بعد الاربعين ..
بالعكس المستشفيات يعطون رياضة تسويها الام خلال الاربعين ..
ويحثون الام على المشي والحركة ..

حرم فهد باشا
07-12-2009, 04:11 AM
شوفي حبيبتي انا بكرة راح يصير لي اسبوووع والدة


والخياط عندي للحين يعور واحس فيه ... واذا مشيت وتحركت كثير .. يرجع يألم كثير


بصراحة اول اسبوع ماراح تقدرين تجلسين زين .. وشلون تقدرين تجلسين ع الكرسي بالجامعه!!


بس تجربين راح تعرفين ان كلامي صح..


وانصحك بستخدام كريم ميبو ... كريم قليله عليه كلمة راااااااااااااااااائع لانه يريح الم الخياط

والطريقه انك تحطين طبقه عريضه من الكريم ع الخياط ...

والله يهون عليك ويسهلها...


ونسيت اقولك... ترا مايصلح تروحين للجامعه وخيوطك ماطاحت لان العطر يظرها.. وراح تتألمين منها...

((وردة وردية))
07-12-2009, 03:01 PM
يعني كريم ميبو نفس المخدر؟؟

وهل اذا طاحت الخيوط يروح الالم

بس انا خايفة من اللي بيساعدني لما اولد لاني عايشة انا وزوجي بروحي واهلي مو موجودين معي

باقدر اسبحه وابدل له وارضعه بروحي؟؟

فتافت السكر
07-12-2009, 07:49 PM
حبيبتي ميبو ماله دخل بالمخدر ميبو كيرم طبيعي من زيوت و بذور طبيعيه ينحط ثاني اسبوع علشان يسرع عملية التام الجرح و بذوب الخيوط و ما يخليلهعا اثر و ينحط على الحرووووووووق روووووووووعه ما يبقيلها اثر..

و اول اسبوع عليك بكريم الفاسيدين علشانهه مضاد حيوي ..

الخيوط ماعليك من المها مو اللي يقتل الم خفيف عادي زي اي جرح ..

و بالنسبه لوضعك يفضل تروحين عند اهلك اول ولاده علشان تتعلمين اشلون تتعاملين مع الطفل و بنفس الوقت علشان يساعدونك فيه و برضو ترتاحين لانه مو زين الخدمه و الرحكه الكثير للبكريه علشان ظهرك ..

و الجامعه ملحوووووووووووووق عليها

و اقولك ترى لو ما اهتميتي بنفسك زييييييييييين باول ولاده راح تظلين طول عمرك و انت تتالمين من ظهرك و تعانين الاتهابات و مشاكل بالحوض ..

فافضل انك تهتمي بنفسك و رتوحين عند اهلك

منتهــى
07-12-2009, 11:33 PM
... انا رأيي من رأي فتافيت سكر .. لأنكـ بكريه وماتعرفين للطفل ويلزم لكـ راحه وعناية بصحتكـ


وأي وحده تهمل نفسها بالأربعين راح تتعب طوول عمرها وتشتكي من ظهرها وخاصة اول ولاده


علشانكـ ماتعرفين شئ .. والجامعه لاحقه عليها ومافيه شئ يعوضك عن صحتكـ ...


واذا مره مره ماتقدرين تأجلين دراستكـ .. أقلها خذي فتره راحه لمدة عشرين يووووم ...


وربي يسهل ع الجميع ويرزق كل محروومه ...

مامة الياس وميس
07-13-2009, 02:03 AM
خليني أعطيكي تمرين انا ما امدح نفسي لن الدكتورة بعد ماراجعت عندهها بعد عشرين يوم قالتلي الرحم كويس الخياطة راحت
استعملت بس موية وملح بس انتبهي مرة وحدة في اليوم كفاية وممكن المرة كمان كويسة
خليني اقللك علتمرين تجيبي مخدة تكون لينة ليونتها وسط يعني مومرة وتنامي عليها بحيث رحمك يكون فوقها لمدة نص ساعة
وبلنسبة للمدة اللي تقدري تمارسي حياتك طبيعي بعد10 ايام والافضل 20 يوم
قبل لا انسى بعد ماتعملي الموية والملح لازم تطشطفي كويس لانو ممكن الملح يعمل ترسبات ويسير في التهاب لا سمح الله
الله يسهللك ويحميكي انتي وجنينك

هاجــر
07-13-2009, 03:29 AM
بعد 3 اسابيع تقدري تروحي الجامعه

((وردة وردية))
07-13-2009, 08:48 PM
شكرا لكم والله ما قصرتوا

%صوت الحب%
08-03-2009, 12:09 PM
الله يكون بعونك حبيبتي بس من جدارتاحي والله يقومك بالسلامةوالله انا مثلك بكرية وتعبتني الخياطةالله لايحرمنا الاجر ويفرحك بالنونو

ام زنوبي
08-03-2009, 01:10 PM
تقدرين تداومين بعد 20 يوم واكثر
قبل ما اظن
عن نفسي ما قدرت امشي عدل الا بعد الشهر
الخياط المه مو طبيعي مااخوفش بس المه عذاااااااااب
واني التهب لي بعد اسبوع فتعذبت واجد وياه وكنت امشي اعرج ورجولي مبطلة شكلي محرج كان
والله يقومش بالسلامة
بس الافضل تنسحبين لان حتى الجسم يصير تعبان وحتى لعيون الناس مو زين يعين طلعي بس مو الجامعه وانتي حرة


Content Relevant URLs by vBSEO 3.6.0