المساعد الشخصي الرقمي

مشاهدة النسخة كاملة : ((نظام فيافي))احذر بنات العالم من استخدامه....عن تجربتي الشخصيه



سهام النور
04-16-2006, 11:47 AM
اهلا وسهلا

شخباركم ان شاء الله طويبين :frxxagir



المهم انا قبل فتره ولدت وقبل مااولد قريت عن نظام فيافي في احد المنتديات وااغراني استخدامه فقررت استخدمه نزلت للعطار وشريت كل الخزعبلات اللي كاتبتها((على فكه بتقولون هذي معروفه؟؟لا والف لا المعروفه هي القديمه اما الان اصبحت مغشوشه ومرشوشه بمخلفات المصانع والمواد السامه))



المهم حظرتها في علب وجزئتها على عشرين يوم الاولى من النفاس وعشرين يوم الاخيره من النفاس

اااملة في تحقيق مرادي وخايفه من كلمة ((خربانه))


المهم............استخدمتها بحذافيرها الله وكيلكم يابنات ماكملت عشرين يوم الا انفجرت معي مويات غريبه...

كل دقيقه صب من هالمويا ونفسيتي صارت زفت منها لااهتميت بنفسي ولا بولدي وانا احط من الكبو اللي تقول ...واكل من اللهوم على الريق الى اااااااااااخره.......امله في انقطاعه متعجبة من سببه؟؟؟



كملت اربعين يوم وانا مويا طلعت الاربعين وانا مويات من شدتها صرت البس فوطه....

رحت للدكتوره وكشفت علي بالمنظار داخل الرحم؟؟؟؟قالت ايش هذا ايش هالريحه حرام عليك وش كنتي تحطين في هالمنطقه الحساسه؟؟

قلتلها كبو ومره


قالت بكمتيريا والتهابات شديده في الرحم كونت عندك القرحه في عنق الرحم لازم كوي؟؟


كوتني واعطتني تحاميل مهبليه ودش مهبلي وقالتلي استمر عليها


والحمدلله بدت تخف شيئا فشيء



لذلك احذركم ياحوامل بعد ماتقوموا بالسلامه من ان تستخدموا هذا النظام البائس


بس احرصي على نظافة الفوطه الصحيه واهتمي بشرب السوائل الدافيه ...والحلب لتقوية عظامك

مجنونة قطر
04-16-2006, 12:01 PM
ياليت حد يتعظ ..!!
على كثر ما اسمع البنات يشتكون من هالنظام تلقين عناوين كبيره (نظام فيافي)...(كيف استخدمه) ( وشه هو الكبو) (كيف اتبخر به)..!!

استغرب والله ..!!



جزاج الله خير ... وانا مجرد ذكر اسمها اخاف احسها مكونات سحر ههههه ...@!

يالله الحمدلله على سلامتج و نصيحه لكل خواتي اتقوا الله في نفسكم ..ترا ارواحكم امانه من عند الله سبحانه ..!!

الواثقه001
04-16-2006, 12:03 PM
lمشكوووووووووووووووووووووووره حبيبتي انا كنت افكر استخدمه بس كنت متردده لأن بعض الحاريم يمدحونه وبعضهم يسبونه لذالك اصبحت بين وبين
عموما عزيزتي هالحين انا صارلي سنتين ونص بعد ولاتي البكر الله يحفضه وانا احس معي هواء ومدري ايش اسوي افيديني اذا تعرفين اي شي ولك الشكر :de11 :de11 :de11 :de11

سهام النور
04-16-2006, 12:04 PM
ههههههههههههههههههههههههههه سحر


عز الله انك صدقتي


واتمنى الكل يتعظ من تجربتي هذي

مشتاقه لماما
04-16-2006, 12:21 PM
الله يستر علينا


والحمدلله على سلامتك



و
(((( لا تنسي تمرينات كيجل ))))

بنت النيل**
04-16-2006, 01:00 PM
بارك الله فيكِ سهام على النصيحة الطيبة ..

فقط احب ان اوضح شىء لاحظته وهو ان النساء التي تقول استعملته ونجح هن من رواج نظام فيافي اي مندوبات فيافي الخاصيين ! وانتشر تواجدهن في المنتديات بحيث تدخل واحدة تكتب موضوع عن هذا النظام وفوائده وتدخل اخرى تقول نعم هذا ممتاز ورائع وخطير !! وكلهن اصحاب بعض والغرض الضحك على النساء !! بل الغرض الاصلي هو عمل شعبيه حتى تكسب من ورا النساء وفعلا بعد فترة طبعت كتاب بخزعبلاتها ونشرته في الاسواق ! والنساء جروا وراها مع الآسف !!

لذلك احذرن من هذا النظام لخطورته وسبق ووضحت راي العشاب القحطاني عن وضع واستخدام اعشاب وقت الدورة وبعد الولادة وكثيرات في هذا الموضوع " المثبت في قسم الحياة الزوجية " علقن ان نظام فيافي فاشل " وسبق ايضا ووضعت في احد الموضوعات اراء من عضوات في منتديات اخرى ايضا جربن النظام وتعرضت لمشكلات كثيرة بسببه ..

اذن ابعدن عن هذا النظام وربنا يحفظكن جميعا ...

تحياتي ..

عذبني موتك
04-16-2006, 01:09 PM
تبون الصدق ورب البيت العظيم اني ما اعرف هالفيافي والله ما اعرفها بس صورت كتابها وانا ما اقول لكم اني طبقته بالضبط لا الكذب خيبة سويت شوي منه .. اللهوم على الريق وتمر بالرشاد حتى امي قالت زين هذا لازم تاكلينه يوميا والاعشاب بعد سويتها وكذلك الكبو بس كمان الكبو ما طبقته يوم اتبخر وعشرة لا .. كمان سويت التحاميل والله روعة تنزل المويا اللي جواتج كلها وتنظفج .. صح اني قربت اطلع من الاربعين وحسيت برائحة الله يكرمكم غريبة بصراحة اول مرة تصير معي لكن ما اقدر اظلم المره واقول ساحرة ومدري ايش لان الكلام هذا يا بنات محسوب علينا انتبهوا تغلطون بدون يقين وعلم ..

حبيت اكتب تجربتي الشخصية وما تشوفون شر يارب






..............تحياتي ............

alsalwa
04-16-2006, 01:45 PM
ما تشوفين شر أختي، وجزاج الله خير على النصيحة المفيدة :)

ريماان
04-16-2006, 02:11 PM
عورتي قلبي الله يكون بعونك
اصلا انا ما احب الأعشاب ولا العطارين
احسن شي الوحده ما تسوي شي الا بأستشارة الطبيب
مشكوره اختي

مجنونة قطر
04-16-2006, 07:21 PM
لكن ما اقدر اظلم المره واقول ساحرة ومدري ايش لان الكلام هذا يا بنات محسوب علينا انتبهوا تغلطون بدون يقين وعلم ..

حبيت اكتب تجربتي الشخصية وما تشوفون شر يارب
..............تحياتي ............


لحظه لحظه..!!
انا ماقلت ساحره ياليت تقرين ردي مره ثانيه عدل.!
انا قلت اسماء مكوناتها جنها سحر ..مب المره نفسها ..
اتمنى تقرين الردود عدل ..:-)

moon 14
04-16-2006, 10:08 PM
انا قراتها مرة بالصدفه ....استغربت من الوصفات والخلطات والمواد ...
واكثر شئ صدمني بصراحه ترديد كلمه خرباااااااااانه.......على هذا الاساس كل النساء خربانات حتى لو عندها مشكله بسيطه

أميرة نجد
04-16-2006, 11:09 PM
انا بصراحه قريت الكتاب وشدني كلمت خربانه المهم اليوم الثاني من قرائتها رحت للعطار وشريت الادويه كلها وسويتها وقت الدوره الشهر الماضي بس لما خبرت امي بالسالفه قالت تحاميل وانتي توك ماولادتي كيف هذا بضرك عاد هالشهر تركتها

بس صحيح العائله كلها مجنونه بهالنظام الكل صار يطبع هالكتاب ويقراءه

سهام النور
04-17-2006, 09:21 AM
بليز انتبهو مو كل مره تسلم الجره انا قد استخدمته في الدوره وتخيلت انه زين بس الان تم التاكيد على انه نظام فاشل تماما.........................

اصلا هالخزعبلات مايستخدمها الا احنا يااهل الخليج ولاحظو ان اكثر الرجال عندنا متزوجين عل حريمهم ..........بعدين شوفو الاجانب مشاء الله عليم اهل الشام والمغرب العربي ومصر ماعندهم خزعبلات فيافي................


على العموم اكرر احذرو هذا النظام تراني مجربته يعني مو حكي احد

رهيفة الاحساس
04-18-2006, 12:22 AM
بالنسبة لادوية فيافي واقولها للامانة ليست للتشهير انا احدى المجربات لنظامها فوالله انها نفعتني واختفت اعراض كنت اشتكي منها مثل خروج الهواء والان والحمدلله لاعاني منها واصبحت افضل من قبل الف مرة
وجميع معلوماتها لو تدققون صحيحة مية بالمية ولو ان المراة اهملت نفسها سواء بالدورة او الولادة لاصبحت فعلا خربانة وهذه عن تجربة الجدات

بنت النيل**
04-18-2006, 09:26 AM
السلام عليكم ..

مع احترامي لمن تقول ان النظام سليم اشك في ذلك ولا اشكك في كلامك ! وكل ما هنالك ان من تقول ان النظام سليم وفاد ما هو الا وهم لا اكثر ولا اقل !! اما الاضرار فان لم تظهر بعد استعمال هذا النظام للاسف ستظهر مستقبلا !!

اليكن بعض الاراء من منتديات اخرى ومستخدمات لهذا النظام الخطير والخزعبلي !!


نظام فيافي والله يسامح اللي دلني عليه ..

السلام عليكم

اول شي حبيت انقل لكم تجربتي مع نظام فيافي

طبعا الايجابيات 0

السلبيات

1 _ظهري مازال كاني توني والده من الوجع

2 _ مانزل معي وصخ كثير زي نفاسي الاول ولادم كثير

3 _ والاهم صارلي 42 يوم وللحين ماطهرت يوقف 3 الى 4 ايام واقول انشا الله طهرت وبعدها ينزل دم

4_ رحمي دايما احس زي الم الدوره وهذا دليل مهم على ان الرحم مانظف

الحق ينقال تعليمات فيافي ممتازه لكن لهوماتها وتحاميلها خرطي

بحملي الاول لهمت حلب صافي وشربته مع الحليب والاكل والعشرين الاخيره رشاد وينسون ونونخه والحمد لله من شهر طهرت وحسيت حالي نظيفه ولارطوبه ولاشي

والحين الله يكرمكم يوم دم ويوم وصخ ويوم صفار وقمت اشوف اشكال والوان ولاادري وش الحل أكل حبوب منع الحمل او اصبر على روحي كذا والله مدري شسوي لا وكله كوم وظهري كوم

الله المستعان ..

موضوع اخر :

إذا كنتي مقبله على فترة النفاس وناويه تاكلين اعشاب وخلوطات ..تفضلي

كلنا انجرفنا ورى نظام فيافي نحلم برحم مثالي ورضى الرجل المطلق بدون مانفكر بالعواقب
نسينا انها مجرد ناقله لشي عرفوه جداتها ولافكرنا انها مو طبيبه شعبيه ولا درست الطب لاعادي ولاشعبي

الدكتور جابر القحطاني الله يوفقه حذرنا كثير من هالاعشاب شاهي النفاس واللهومات اللي تنخلط مع بعض وهي مجاميع كيميائيه لها تفاعلات غريبه

انا استخدمت نظام فيافي بفترة النفاس بس ماستمريت عليه ولاارتحت له ولمكوناته
يمكن عي اعشاب اغلبها معروف بس خلطها مع بعض هو المصيبه

فيابنات كونوا على حذر

وترى انا مابي جزاء ولاشكورا ولا اخرب على بعض اللي يدعن الطب بس والله حبيت ابري ذمتي من شي سمعته وقريت عنه والانسان يفكر بعقله

وهذا رد لاحد العضوات تعلق قائلة :

بصراحة جربت نظام فيافي
بس ما حسيت بفائدة من استخدامة وتركتة

واخرى :
انا جربته بس ماستمريت عليه وكنت طول مانا استخدم فيه خايفه منه ولا اظن ان له مفعول بالهواء والتوسع خاصة او الالتهابات

واخرى :

التوسع .. الرطوبات الزايده وقت الجماع .. الهواء .. الالتهابات
هذا المشاكل الابرز .. صدقيني اذا قلت لك نظام فيافي ماعالج منها شي
فالحل الابتعاد عن الممنوعات اللي قالتهم والحرص على الاكل المغذي والمشوربات الدافيه زي ماقالت وممكن تاخذ الوحده كبسولات فيتامينات مساعده وحديد بعد لان الممنوعات اذا اتبعناها بننحرم من فيتامينات واجد وبنتعب وهذا اللي صار معي انا

إقسم بالله العلي العظيم يابنات اني وقت ماتبعت نظام فيافي (ولااستمريت بعد) ان شعري طاح طاح بعده بفتره وبشكل رهيب سبب لي ازمه نفسيه


لان الممنوعات حرمتني من الفيتامينات والحديد وكل الاشياء الللازمه لصحة جسمي وانا من غبائي ماخذت مقويات زي الحديد والفيتامين والزنك

واخرى :

مرحبا اختي
بالنسبة لي جربتة طبعا شريت الاعشاب وانا خلطتها وطحنتها واستعملتها
النتااائج
1_ النظام ما يزيد الوزن ابدااا يعني الجسم يبقي ثابت الملاحظة هذي لاحظتها على اربعة من اقاربي اللي استعملوا النظااام
2_ التحاميل تسبب للبعض حرارة فقط للي فيهم التهابات اما انا ما سببت لي شي يعني تقريبا عادية
بس بصراحة احس النظام عادي جدااا ما فية شي راح يتغير كثير
اما الكبو استعملتة فترة وتركتة لان بعض الاخوات قالوا يسبب دخول الهواء للرحم والله اعلم
الرشاد في التمر ولهوم جيد لتقوية بطانة الرحم
لكن مشكلتة ريحتة بمعني حتي الملابس الداخلية تحسينها رائحة رشاد وهذا اكثر شي ضايقني رائحة الرشاد القوية

واخرى :

نظام فيافي مشكلته يسبب موياات بعد الاربعين
والرطوبه الكثير عارفين تخرررب مره وهذا بلا ابووك ياعقااااااااب

واخرى :
والله انا جربته وتعبت في تحضيره ولكن وما احس بفايده كبيره
السفوف سوالي حساسيه مع العلم اني اعاني من الحساسيه من قبل بس زادت عليه واضطريت اني ابطله وانا في الاسبوع الاول
الكبووالتحاميليمكن 4مرات بس
وبعد الاربعين لاحظت كثرة المويات والام الظهر وحتى الان ليه 3اشهر من ولدتوما زالة المعناه
يمكن العيب فيه.................الله اعلم

وغيرها كثيرات ...

اسئل سؤال واحد واطلب الأجابة لماذا الاجانب لا يستعملون اعشاب او خلطات ؟ ولماذا مازلن يتمتعن بقوة جنسية هائلة وبضيق مهبلى حقيقى ؟؟

تحياتي ..

أريج الزهور
04-18-2006, 02:14 PM
اسئل سؤال واحد واطلب الأجابة لماذا الاجانب لا يستعملون اعشاب او خلطات ؟ ولماذا مازلن يتمتعن بقوة جنسية هائلة وبضيق مهبلى حقيقى ؟؟

تحياتي ..


السلام عليكم

صحيح يابنت النيل ما هو السبب؟؟؟
على فكرة ،، انا جربت نصيحتك في تمارين كيجل وفادتني من ناحية الهواء لكن للحين مو راضية عن نفسي الرضا الكامل ...

ياريت لو عندك جواب على السؤال السابق انك تفيدينا :frashagir

وجزاك الله ألف خير


أما عن نظام فيافي .... فأنا ما جربته ولا اعتقد أني راح أجربة.. بس أ‘تقد في بعض النظريات الصحيحة من حيث الأهتمام بالغذاء شرب السوائل ، وطبعاً الاهتمام بالنظافة الشخصيةأولا وأخيراً..

تمنياتي للجميع بالصحة والرضا


أختكم
أريج الزهور

فراشة المجد
04-18-2006, 02:28 PM
مشكووووورة سهام النور على النصيحة وأتمنى أن الكل يستفيد من تجربتك يالغالية ويبتعدون عن الأعشاب الضارة

سهام النور
04-18-2006, 07:10 PM
لاشكر على واجب

قمر **14
04-18-2006, 08:28 PM
مشكوره اختي على هالنصيحه وجزاج الله خير والله يشفيج يارب

بنت المطر
04-18-2006, 11:20 PM
ياعمري سلامتك

انا من وجهت نظري ان الموقع والمشرفات عليه يوقفون تداول هالخلطات والاعشاب السيئه الا بتقرير من المختبرات

عشان نضمن ان الموقع نظيف

بنت النيل**
04-19-2006, 12:37 AM
السلام عليكم ..

اختي اريج الزهور ..

ردا على سؤالك ..






























لانهن ببساطة يقمن بعمل تمارين كيجل :)

تحياتي لك ِ..

قمر 15^
04-19-2006, 01:30 AM
الله يجزاك الجنة كنت بمشي عليه ست ربنا

الله يسهل الولادة

هنديه2
04-19-2006, 02:17 AM
الله يجزاكم خير اخواتي على النصيحه بس ودي اسال فيه كمان نظام وحده اسمها ام جهاد قريت عنها في احد المنتديات مااااااادري احد جربه والالا :frxxagir

*كرستالة*
04-19-2006, 08:29 AM
شوفي ياأخت من متابعتي لمنتديات الحمل والولادة صار عندي فكرة بسيطة في الضار والنافع منها
بالنسبة لنظام فيافي ياأختي أنا ماأستخدمته بحذافيره أحس فيه أشياء غير معقولة
مثل التحاميل حقت المرة والملح (حتى سألت الدكتورة وقالت لي مرة قوي على الأرحام ) ومن تجربة أحد البنات أنه سبب لها عقم ثانوي
كذلك البخور قالت لنا المشرفة بنت النيل في منتدى الحمل والولادة أنه خطير على الأرحام لأنه احتراق ثاني أكسيد الكربون
والصراحة أنا استخدمت بس اللهومات والمشرووبات بشكل متقطع مع نظام التغذية تبعها كانت جيدة ومشابهة لكثير من أنظمة النفاس الأخرى
ان شاء الله أكون أفدتك من تجربتي
ويهون علينا ربي جميع وأخواتي المسلمات

دلوعة..
04-19-2006, 12:58 PM
غالياتي00 حبيت أوضح لكن علشان كل وحدة ماتحط بذمتها شيء ووتتكلم على الحرمة في ظهرها
والله انا مااعرفها ولاجربت نظامها بس العائلة ماشاء الله جربوه والبعض نفعهم والبعض لا

ويختلف من حرمه لحرمة0 مثل الريجيم والخلطات بعضهم ينفعه والبعض يضره

وهذا وجهة نظري والله الموفق00

تحياتي

سهام النور
04-19-2006, 01:07 PM
كرستاله .............اعتقد ان اللهومات اللي هي مكونه من قرفه وقرنفل وفلفل اسود على الريق دمااااااااااااااااااااااااااااار للمعده والارحام لانها حاره وقويه

سهام النور
04-19-2006, 01:11 PM
اختي رومنسيه كلامك على العين والراس احنا مانظلم الحرمه ..........قد يكون كلامها فيه شي من الصحه مثل شرب الاشياء الدافيه..................بس الباقي ظار عارفه ليه لان الاعشاب اللي تنباع الحين مغشوشه.......وملوثه من اجواء المصانع والاتربه الضاره وهذي بدورها سموم تؤثر على الجسم

شــــ الــــــروووح ــووق
04-19-2006, 01:24 PM
جزاك الله خيررررر

انا والله اسمع عنها وحتى تقول نصائح للبنات واعرف بنات يمشوون على نظامها

بس الحمدلله اني مااتبعت شي من انظمتها لاني مااقتنعت بالكلاام وانتي اكدتي لي شكي

الف شكر لك

الفروشه كادي
04-19-2006, 01:37 PM
الله يجزاك خير
والله يشفيك انشالله

عذبني موتك
04-19-2006, 04:42 PM
اسئل سؤال واحد واطلب الأجابة لماذا الاجانب لا يستعملون اعشاب او خلطات ؟ ولماذا مازلن يتمتعن بقوة جنسية هائلة وبضيق مهبلى حقيقى ؟؟

تحياتي ..




والله والله سؤال دايم على بالي ايش الفرق بين اكلنا واكل الاجنبيات ؟

وايش ياكلون هم بوقت النفاس ؟

طيب مايعرفون لا مرة ولا كبو ولا مرقوق ولا رشاد ولا حتى تمر ما ياكلونه !!

وش سر نضارتهن وجمالهن بعد الولادة ؟

اآآآآآآآآآآآآخ نفسي بس اسافر لامريكا واقابل ممثلة بس حتى اسالها هالسؤال ..

سهام النور
04-19-2006, 06:30 PM
شموخ القلب ههههههههههههههههههههههههههه والله انك صادقه .........السعوديات والخليجيات عموما لما الوحده تطلع من النفاس تصير كبر هالجدار لارشاقه ولاشي..........الا من رحم ربي
اما الاجنبيات تعالي شوفي رشاقه وكل شي........ولا يعرفون كلمه خربانه مثلنا............

بلسم
04-19-2006, 10:33 PM
مرحبااا اخواتى ...انا والله ماعرف ايش هوا نظام فيافي هذا وانا ماستخدمت فى نفاسي الا الحليب بالحلبة والخبز بحبة البركة مع سمنة وعسل ويوم اشرب كوب قرفة ويوم كوب يانسون وكمون فقط لاغير لاكبووو ولا غسووول ولا خرابيط اما اثناء الدورة اشرب قرفة واحياااناا مره وبعد الدورة استخدم تحاااميل البوتيل طبية من الصيدلية يوم اية ويوم لا والحمد لله امورى كلها تمام حبيت اوضح لكم تجاربى اخواتى ... وياليت اللى تعرف ايش يستخدموا الاجانب فترة النفاس والدورة وكيف نظامهم ماتبخلش علينااا ..... شكرااا :h45r4

betty
04-20-2006, 05:42 AM
شكرا والله عالنصيحة..بس أنا أول مرة اسمع عنه منك..شاسوي غشيمة :fragghagi

رذاذ الربيع
04-20-2006, 08:12 AM
كأني افهم من كلامكم ان الخطا مو في نظام فيافي وانما الخطأ في الادويه الي من العطارين
وانها متلوثه من دخان المصانع
ابي اعرف وش الي جاب دخان المصانع للاعشاب وانا شخصيا استخدم الحلبه والرشاد
واخذهم من العطارين والحمد لله ما فيني شي مع العلم انها تعتبر اعشاب
خلونا من فيافي الان الاجنبيات والمقصود بالجنبيات الامريكيات وغيرهم
تقولون ما ياكلون لاتمر ولا شي
نسيتو اننا مسلمين وهم كفره
الله سبحانه اشار لمريم عليها السلام بأكل التمر وكذلك الرسول
( وهزي اليك بجذع النخل تسـاقط عليك رطبا جنيا )
وبعدين ابسألكم بالله سؤال
الامريكيات هذول متى شفتوهم على شاشات التلفزيون ولا بمقابله
وجها لوجه وش الي يدريكم انه سليمين وما فيهم شي
هل تكلمتي معها وقالت لك اني ما اكل تمر ولا شي
واني اتمتع بحياتي الطبيعيه
ومن ناحية الرشاقه اعرف نساء معرفه شخصيه تطلع من النفاس اليوم ومن بكره وجسمها ما شاء الله
رشاقه وما لها لا كرش ولا ارداف وهي من بنات الخليج الي انتم بس تسبونهم فيهم
السراحه انكم رفعتو ضغطي للآخر يعني لازم نكون مثلهم ( حذو القذة بالقذه لو دخلو جحر ضب لدخلتموه )
مقصدي من الكلام اخيتي انتي محاسبه على كل كلمه تكتبينها
وعندي كلام كثير ما له نهايه لكن ما اقول الله يهدي الجميع

بنت النيل**
04-20-2006, 09:14 AM
السلام عليكم أم رؤى ..

نعم غاليتي تكلمت من قبل مع الاجنبيات وخاصة من امريكا وفرنسا ولدي صديقات فرنسيات كثيرات وايضا لاني زوجة دبلوماسي فلدي صديقات من عدة جنسيات مختلفة ونجتمع سويا على فترات متقاربة ,, ولي صديقة ولدت وعاشت في امريكا واختلطت بالمجتمع الامريكي وايضا لديها المئات من الصديقات واجمعن 90% منهن انهن يمارسن تمارين كيجل ولدي صديقة قد تكون كبيرة في السن عني بكثير وعمرها (51 عام ) واكدت لي فاعلية تمارين كيجل وانها الى عمرها هذا مازالت لديها مهبل متماسك وتمارس الجماع مع زوجها 3 مرات اسبوعيا !!

لذلك افدت نساء المسلمين ( الاولى الحفاظ على انفسهن ) بتمارين كيجل وبعدم استعمال اعشاب لا داعي لها .

لم اشير في ردي ان المشكلة في التلوث على الاعشاب ( فيجب عدم الخلط بين الردود وبعضها ) وتكلمت عن نظام فيافي خاصة و بالاخص ما يوضع في المهبل وارشادات منع انواع معينة من الاطعمة والتبخير الخطير على المهبل !! فكلها خزعبلات ليس لها اى اساس صحي او علمي بل اخطارها كثيرة .

طالما ذكرتي اننا مسلمات وهن كافرات اى الاجنبيات فاذكري لي حديث شريف عن رسولنا الكريم ينصح به نساء المسلمين باستخدام الاعشاب في المهبل او تبخير المهبل ؟؟!! كل ما ذكره صلى الله عليه وسلم هو استعمال المسك بعد الدورة الشهرية وثبت علميا بعد ذلك اهمية المسك كمنشط جنسي فعال وغيرها اسباب ( ورسولنا الكريم لا ينطق عن الهوى )

فهل زوجة نبينا الكريم كانت تستعمل اعشاب في المهبل وتبخر المنطقة بالكمون والبصل ؟؟

اذن ان كنا لا نرغب في التشبة بالكافرين ( على الرغم انهم هم اصحاب العلم والمعرفة التي تطلبون النصح والارشاد من دراساتهم ومقالاتهم وايضا تتجهون لعملياتهم وايضا ادويتهم !!) فالاولى ان نتجه للطب النبوي ونبحث بماذا نصح نبينا في المأكل والمشرب والعناية بالصحة العامة ؟؟ ونتبعه ..

وهكذا ننتهي من مشكلاتنا كلها ..

تحياتي لك ِ..

بنت النيل**
04-20-2006, 09:18 AM
والله والله سؤال دايم على بالي ايش الفرق بين اكلنا واكل الاجنبيات ؟

وايش ياكلون هم بوقت النفاس ؟

طيب مايعرفون لا مرة ولا كبو ولا مرقوق ولا رشاد ولا حتى تمر ما ياكلونه !!

وش سر نضارتهن وجمالهن بعد الولادة ؟

اآآآآآآآآآآآآخ نفسي بس اسافر لامريكا واقابل ممثلة بس حتى اسالها هالسؤال ..

السلام عليكم اختي ..

طريقة الاجانب في التغذية وقت الولادة وفي النفاس يمكنك التعرف عليه من خلال اجزاء دورتي " كيف تعتنين بنفسك بعد الولادة " المثبت في القسم فما كتبته هو نتاج نصائحي الخاصة وايضا بالاستعانه بكتب اجنبية ( خاصة فرنسية ) متخصصة لافادتكن ..

وما ستقرئيه هو ما تقوم به الأجنبيات للحفاظ على انفسهن واستعاده نشاطهن ورشاقتهن ونضارتهن بعد الولادة ..

تحياتي لك ِ..

سهام النور
04-21-2006, 02:04 AM
يسلم بؤك يابنت النيل........................

انشاء الله بولادتي الجايه باكل تمر ورشاد حلبه

ةتغذيه سليمه وتمارين كيجل


يعني لابخور ولا تحاميل ولاخرابيط................وانصح الكل عن ذلك

رذاذ الربيع
04-21-2006, 03:08 AM
عزيزتي بنت النيل
انا لم اخلط بين الردود وانما اختصرت الوقت بسرد ما قيل بدون تحديد للاسماء
انا طبعا غير مؤيدة لنظام فيافي والحمد لله لم استعمل البخور او ما يسمى الكبو
ولم افكر ان استعمله وكذلك ان اضع شيء داخل مهبلي انا اعرف ان ذلك مضر جدا
والرسول اوصانا بالمسك للمهبل وهـذا اكبر دليل والحمد لله
وكذلك حبة البركه ( الحبة السوداء ) اكلا لا تبخرا واشياء ثانيه مفيده لكن يجب الحذر من كثيرها
ولكن الي قالت ان الاجنبيات ما ياكلون التمر وانهم بصحه وعافيه هـذا اللي خلاني اتنرفز فقط لاغير
وما كان مقصد كلامي هو المره والكبو ابدا ابدا
ونحن لا نركض فقط وراء الجنس وانما ما يقوي البدن ويجعله صحيحا ويطرد السموم عنه

اتمنى ان كلامي ما يفهم خطأ
.

سهام النور
04-21-2006, 12:12 PM
ام رؤى احنا ماقلنا شي ابد عن التمر وعارفين انه جدا مفيد................احد جاب سيرة التمر بشي؟؟؟احنا نتكلم عن الخلطات والاعشاب....................الرجاء الحذر منها

نجـــلا
04-21-2006, 06:38 PM
السلام عليكم ورحمة الله وبركاته حبيت انقل لكم تجربتي عن هذا النظام بصراجه فاشل وانا عانيت منه كثير ولو اني ماشيه على نظام امي ابرك لي ... بس انا مستغربه شلوون البنات يحلفون على كذب وينشرون هالاقاويل بجودة وروعة هالنظام ومستغربه اكثر من ردودكم وتوكم الان تسبون وتعلنون فشله ؟؟؟ مادري وش قصدكم !!!!!!! مااقول الا حسبي الله عليهم والله لا يوفقهم ......

ودمتم سالمين..............

سهام النور
04-22-2006, 07:10 AM
شكرا اختي نجلا ..........بس ماقلتيلنا ايش سبب فشله؟؟؟يعني ايش سبب

مطلع شمس
04-22-2006, 07:52 AM
مشكورين خواتي على هذا الموضوع تدرون اني مثل كثير غيري انبهرت بالنظام ونتائجه مو مسألة جنس بس صحه وأن األحين على وش ولاده وبالفعل قررت اتبع النظام بس موبحذافيره يعني في أشياء ما نقدر ننكر فائدتها سوا ءكممارسة تعودنا عليها من أمهاتنا وجداتنا او من ناحية علمية مثل الرشاد واليانسون والتمر وحبة البركه والفلفل الأسود يعني في أشياء ما نقدر نستغني عنها في فترة النفاس كخليجيات أما عن الأجانب فأحنا بطبيعتنا ما نقدر نجاري اسلوب حياتهم وثاني شي لا تحكمون على اللي يطلعون في التلفزين أو الطبقات المرفهه في مجتمعاتهم ومثل ما قلت ان اسلوب حياتهم يلعب دور كبير قي صقل اجسامهم اما عن الممثلات فاللي تحط بالها عليهم تتعب لأن أول ما يولدون يبدأ نظام تجنيد عندهم رجيم وتمارين وتنتهي بعمليات شفط وغيرها وطبعا باشراف مختصين يعني السالفه مصاريف طائلة لوتوفرت لنا جميعا كنا ما عرفنا روحنا والشي المهم انهم ما يهتمون برضاعه ولا سهر ولا أي شي ثاني ما عليكم من كلام المقابلات اللي يجرونها
سامحوني طولت عليكم أسأل الله التوفيق للجميع

$$روزه$$
04-22-2006, 07:59 AM
جزاك الله خير اختي والله يكفينا شر مانجد نحاااااااااااذر..

رذاذ الربيع
04-22-2006, 08:22 AM
مطلع شمس مشكوره على ردك
وهـذا كان مقصدي في الكلام
وانا قريت كل الردود مو بس الصفحة الاولى
الله يهدي الجميع

Classίς ĠįяĻ
11-12-2009, 03:16 AM
يؤؤؤؤؤؤؤؤؤؤ وانا مسكينه رحت شريت كل الادوات
<========اسفه ترى داخله بمعرف اختي
طبعا انا متزوجه واختي لا اللله يرزقها الزوج الصالح

غلطة عمري أنت
03-04-2010, 12:21 AM
حرام عليكم يابنا

النظام حلو

وانا مجربته في لادتي الأولى والحمدلله

وقبل ما استخدم شي كنت اسال امي تقول زين اكليه

والحمد لله رب العالمين ما شفت شي من اللي تقولونه !!

على فكرة يابنات المواد اللي تستخدمينها لازم تكوني غاسلتها مو تجيبيها من العطار ويالله طحن واكل !!

العطار كل شي مكشوف ومليون يد تمسكه

صراحة أنا ما أعرف فيافي ذي أصلا على بالي مجرد لقب للنظام هذا ما دري عنه شي

لكن اللي أعرفه ان النظام ممتاز واسألوا الحريم الكبار عنه

أنفاس الصباح
03-25-2010, 01:23 AM
طيب كيف يطلع الهواء من الرحم يابنات الهواء اسمع صوتة حتى فشيلة الي تعرف وتقدر تفيدني ياليت تراسلني على الخاص ولها دعوة فظهر الغيب

أنفاس الصباح
03-25-2010, 01:47 AM
سبحان الله اجساد النساء تختلف عن بعض .
وطبيعة الغرب ومعيشتهم مو زينا عشان كذا الله سبحانه وتعالى هيء لكل سكان بلد ما يناسبهم

my qirl
03-25-2010, 02:18 AM
مشكورين ع النصيحه وانا كنت ناويه اجربه بس خلاص بكنسله

سموره وقموره
11-26-2010, 09:12 AM
انا والله جربت السفوف حقها بس وربي روووعه والحق ينقال نظفني وخلاني فله والله انا ما اتبعت النظام بحذاافيره بس السفوف وماضرتي ولا سببت لي شيء بالعكس نظفتني وربي والاجسام تختلف وممكنما غسلت الاعشاب بس لا تظلمون الحرمه خليكم حقانيين يابنات

reema19
11-26-2010, 09:58 AM
الله اعلم

E M D
11-26-2010, 03:02 PM
الله جزاك خير والله

انا كنت افكر اجرب امور كثيره منها

بس الحين لااااااااااااااااااااااااااااااااااااااااااااااااا ااااااا

الله يهديهم بس يعنييضونا عشان تجااارة؟ والله دنيا تخوف

ليه؟ نكابر واخرها مقابر
11-26-2010, 03:54 PM
وه يالطيف بجد شي يقهر

الله يكفينااا شر الي يكدب علينااا

Pяίηçεsš «
12-18-2010, 05:33 AM
الله يستر .. كنت بااستخدمه بس اشوى ربي رحمني ماني ناقصه بعد توي معالجه نفسي

منوري الرياض
12-18-2010, 06:16 AM
الله يجززاك خير

أنـآ هـنـآ
12-18-2010, 07:03 AM
يوووه اكرهه من جد

كنت خايفه من الخراب واستخدمته .. واستخدمت الكبو ليت ايدي انكسرت قبل اسويه :(
من عقبها دخلني هواء مع اني كنت حريصه مسكره الدرايش ولبست بنطلون قطن .. وللحين احس بفقاعات عجزت القى لها حل ..

واخذت حوايج من عمتي وخفت بنسبة 50% بس باقي فيه هواء .. اخاف يتطور ويطلع صوت وربي ميته من الخوووف

وربي انه نظام فااااشل ..

ام نايف العمري
07-05-2011, 08:15 AM
اب للي يبي يستفيد


Content Relevant URLs by vBSEO 3.6.0