المساعد الشخصي الرقمي

مشاهدة النسخة كاملة : كيف يكون حناء غامق اللون قريب للبني او الاسود



الورد الاسود
04-21-2006, 04:06 PM
سلامي

بنات حبيت اسئل الحناء كيف يصير اللونه غامق مره

سمعت بنزين وسمعت مره بيبسي وسمعت مره ميسون والله تعبت واني للحين ماعرف

ممكن تقولون لي بشنو تخلطون الحناء ويكون غامق للاستخدم على يد او رجل ؟

وكيف تخلونا ناعم ومايكون فيه خشب او حجر كيف تنقونه وتنضفونه كي تعملوا فيه زخارف لليد ورجل

ياريت تقولون لي كل شيء :dfr3 واكون لكم من شاكرين ياريت محد يطنشني :fragghagi

الغلا كلــه
04-21-2006, 04:19 PM
اختي العزيزة
انا باقولج تجربتي

انا ابد الحنه ما يصير غامج في يدي

دايما يكون برتقالي

ومرة كنت رايحه الصالون واللي تحني هنديه

فقلت لها ان الحنه ابد ما يصير لي غامج

قالت لي اول ما ترجعين البيت

بخري يدج بمسمار

وبالفعل
رحت البيت وقبل ما اغسل يدي وطبعا كان الحنه للحين مو جاف 100%
سويت جمر وحطيت عليه مسمار ( احنه نستخدمه في الاكل يكون لونه اسود ومثل الاعواد) وبخرت يدي بالدخان

وصار خامج وايد
حتى اني تخبلت كل شوي اشوف يدي هههههه
وقلت لكل صديقاتي وكلهم يسوون مثلي الحين

وبعد سمعت ان المشموم يغمج الحنه
لما تسوين الخلطه على النار تحطين مشموم وليمون اسود يخلي الحنه اغمج


اتمنى اني افدتج
وغير هالشي انا ما اعرف

لا تنسوني بالدعاء
ادعوا لي بالزوج الصالح

fyona
04-21-2006, 04:19 PM
حببتي استعملي مسحوق قشر اليمون

او استعملي في تخليط الحناء الماء لي نستعمل لنزع صبغة من الاضافر استعملي منه ملعقة او ملعقتان و ان شا الله الحناء يصير لونها غامق





.

قمر 15^
04-21-2006, 04:30 PM
اتمنى البنات يساعدونك

دمعة احباب
04-21-2006, 05:05 PM
هلا
بعد مايجف الحنة قشريه لا تغسلينه وادهنى يدج بفازلين
حتى لو ماتقشر كله عادى ادهنى يدج بفازلين
وانتظري نص ساعة او ساعة على حسب الوقت اللي عندج
وراح تغمج لج
ووفقكم ربي

فراشة الإمارات
04-21-2006, 07:11 PM
هلا اختي ..




بالنسبة كيف انقي الحنه و تكون ناعمة بدون خشب و حصى ..


اذا كان عندج شجرة حنه في البيت .. قصي الحنه و هي خضرا .. وتركيها في الشمس لين تصير يابسه .. وبعدين اطحنيها .. يا اما في الهاون .. او بالخلاط .. عادي كله واحد .. طحنيه لين يصير مثل البودرة ..





واذا تبين تعرفين كيف نسوي نقوش بالحنا .. ترانا من بعد ما نعجن الحنه نحطها في معصار عشان يسهل عملية النقش .. والمعاصير متوفرة في الصالونات ..




وكيف تبينها تصير غامجه .. من بعد ما تتحنين .. وتصير الحنه ياااااااابسه على ايدج وبسهولة تقشرينها .. حطي عليها فكس .. ولفيها بـ الورق البلاستيك الشفاف اللي نحطه ع الأكل بدال الألومنيوم .. وخليه مده ربع ساعه تقريبا .. وبعدين غسلي الحنا .. ومن بعد ما تغسلين ايدينج .. نشفيها .. وحطي عليها فكس مرة ثانيه .. انتظري مدة من الوقت و غسلي ايدج .. وبإذن الله بتصير غامقة ..




^_^

الورد الاسود
04-21-2006, 11:39 PM
خواتي الفازلين والفكس استخدمته

اقصد شنو يحطون بخلطة وتصير غامقه كثير وتخليك ماتجلسي بحناء كثير

وشكرا لك من رد علي اشكركم وايد وايد وايد

الورد الاسود
04-21-2006, 11:48 PM
الغلا كله
وبعد سمعت ان المشموم يغمج الحنه
لما تسوين الخلطه على النار تحطين مشموم وليمون اسود يخلي الحنه اغمج

شنو مشموم ماعرفه :frxxagir

لما تحنى بجرب مسمير على قولتك بس اني اقصد خلطه نفسها لي تسويها حنايات

fyona

معقوله اختي ماء لزلة مناكير تغمق ؟ انتي جربتي ؟

شنو وهو قشر ليمون ؟؟ تقصدي قشر ليمون نطحنه ولا شنو ؟؟

دمعة احباب شكرا حبيبتي اني اقصد خلطه شنو يسون فيها وتصير غامق اني استخدمت فازلين مثل ماقلتي ماتصير غامقه


فراشة الامارت شكرا وايد بس ماقلتي خلطة شنو تحطين فيها ؟؟

اني ابغا سر خلطة جربت فكس بعد حناء وشكرا لج

بنت الدوحه999
04-21-2006, 11:52 PM
كان بودي أفيدك لكن ماأغرف

الورد الاسود
04-22-2006, 12:20 AM
شكرا اختي بنت الدوحه 999

انتظر الباقي ياينات لا تطنشوني قولوا لي سر خلطة حناء

الغلاmln
04-22-2006, 01:57 AM
مشكووووووووووووووووره يا الغاليات
على النصايح الحلوه
واتمنى انك استفدتي من افكار البنات
موفقه حبيبتي

fatima8
04-22-2006, 09:03 AM
حبيبتي انا اختي و هي تنقش البنات عندنا في المنطقة اشوفها تجيب الحنه و تضعها في وعاء بلاستيك او زجاجي و تضيف على الحنة ليمونة كاملى اقصد عصير الليمونة و قليل من الشاي المجهز للشرب وتقوم بخلطهم جميعا تم تقوم بتغطية الوعاء جيدا حتى لا يجف مع الهواء و تخليه يتخمر من 4-5 ساعات بعد ذلك تقوم بوضع شوي من سائل ميسو الخاص بالحناء تم تخلطهم و تضعه في كيس بلاستيك خاص لعملية النقش
على فكرة هي تقوم بنخل الحناء بقطعة قماش شفافة .
ارجو ان اكون قد افدتك حبيبتي

الورد الاسود
04-22-2006, 01:35 PM
fatima8

اختي شكرا للرد لكن شنو اليمون كاملي ؟؟ عصير ليمون طبيعي ولا شنو ليمون اصفر او اخضر او ليمون اسواد ؟

الشاي مجهز يعني شاي عادي بسكر او بدون سكر ؟

طيب ميسو هل وهو هذا او غيره لانه استخدمته ماصار معي غامق ؟؟

http://www.alfrasha.com/up/37416189695094719.jpg

وكم توضع بالحناء كثير او متوسط او قليل ؟؟

طيب بكذا افهم انه مانوضع ماء بتاتا بالحناء ؟؟

ياريت اختي تسلي اختش عن كل تفصيل :frxxagir

الورد الاسود
04-23-2006, 05:04 AM
للـــــــــــرفع

وين باقي البنات ؟؟؟

fatima8
04-24-2006, 08:30 AM
الميسو الذي مكتوب علية مهلبية لان الذي في الصورة تقليدي و اليمون يعني عصير ليمونة صفراء و كوب شاي يفضل مع السكر لان السكر يعمل على تثبيت لون الحناء و لاتنسي خلية لفترة طويلة لكي تتخمر الحناء مع المواد .

الورد الاسود
04-25-2006, 12:39 AM
طيب اختي ممكن تصورين لي اصلي

وكيف اعرف انه اصلي او لا ؟؟

انتظر الرد

الورد الاسود
04-26-2006, 05:52 AM
للـــــــــــــرفع

الورد الاسود
04-27-2006, 09:40 AM
وينكم بنات ليش منطشيني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الحوريه2005
04-27-2006, 11:04 AM
اختي الورد على حسب معلوميتي اذا تبي الحنا يغمق بعد ما تخلطيه بميسون واذا حبتي تضيفي عليه اي شي سا معه انه يغمق لا زم اختي تتر كيه مده اقل شي ساعه
عشان يخدر لونه ويغمق
اما من نا حيه انه يكون صافي تقدري تنقيه باي شيلله عندك او اي قما ش شيفون
واتمنى اني اكون افدتك

الورد الاسود
04-28-2006, 05:36 AM
شكرا لك اختي بس ميسون ونتركه فتره اكثر من ساعه

طيب كيف يكون ميسون الاصلي ؟!

نبع الحب 2006
04-29-2006, 03:45 AM
اقول اختى احنا نحط مع الحنا قر نفل مطحون وميسو ونعجن با الشاى نخلية الى ان يصبح اسود بعد كذا نعجن بة الحنا ونتركة ثلاث ساعات ثم نغطية با النايلون لمدة ساعة ونغسل الحنا ثم نضع الفازلين او الفكس

الورد الاسود
04-29-2006, 10:26 AM
شنو قرنفل مطحون وين اشوف هذا ؟؟

طيب كيف اعرف ميسوا الاصلي من تقليد ؟؟

شكرا لك حبيبتي على الرد وانتظر الرد على الاسئله

الوان الطيف99
07-13-2006, 01:30 AM
يالغالية فية حنة مطحونة اللي يستخدمونها النقاشات
وتكون ناااااعمة مررررررررة وتحطينها على ايدينك ساعة فقط
ولما تفكينها تغمق اكثر اسمة <الحنا الملكي>
واي استفسار انا حاضرة

فراشه بين الورود
07-14-2006, 09:20 AM
يابنات انا اقولكم كلام مضمون ان شالله وعن تجربه

انا كمان انا وخواتي ما يطلع الحناء فيدنا الا برتقالي او لاحمر ويومين وهو رايح
بس كنا نعرف جماعه بيحطونه ويصير ما شاللله اسود وكانن معروفات بهالشي

سألناهم وقالو بيحطون معاه شوي بنزين

وبالفعل الحين ما نسوي حنا الا نحط معاه بنزين والله روعععععععه يطلع مو بني لا اسووووووود

وما بيروح بالساهل ...
وصرنا نتحداااااااااااااااااااهم ونتغاور معاهم؟؟...
واذا كنتي تبينه بني حطي معاه ديتول ..
ومضمون كمان بس الديتول يتقشر الحناء لبغا يروح ..
الديتول انا استخدمه لبنتي الصغيره عمرها كم شهر وصعب استخدم لها بنزين اخاف .. ويطلع بيدها روعه ما شالله

بس البنزين اللي بيدها جروح تنتبه لا تحطه على يدينها ...

الورد الاسود
10-10-2007, 01:17 AM
فراشه شكرا لج ..

لجين حبيبة قلبي
10-10-2007, 03:12 AM
طيب بنات ابي الحنه تكون حمراء غامق شلوون ؟؟

desertflower
10-10-2007, 03:21 AM
اذا تبينها حمراء غامق اغلي كركديه وشاي واعجنيه مع الحناء او حطي ملعقة من دم الغزال( عشبة تلاقينها عند العطارين)

الورد الاسود
12-29-2007, 11:38 AM
شكرا للجميع ..

meyer
12-30-2007, 12:39 AM
احنا المغربيات نحط معها ملعقة بنزين لما نحب نخلطها أو نحني إيدينا بالحنة الشعر اللي يصبغوا بيها وتطلع مرة غامقة ومرة حلوة كثييييييييييير

مفتاحه
01-02-2008, 11:04 AM
اختي اخلطي مع الحنا مسمار مطحون ناعم مقدار نصف ملعقه صغيره وعصير نصف ليمونه وميسون وخليه منقوعه وقت طويل وقبل ما تحنين ايدك ادهنيها بميسون خفيف وحطي الحنا وبعدين حطي ايدك باكياس نايلون لمدة ساعه وبعدين اغسلي ايدك وادهنيها بقليل جدا زيت اي نوع ولاحظي اللون الغامق مايل للاسود

ودي بطفل
01-02-2008, 11:14 AM
بنسبه كيف يكون الحنا ناعم من غير اعراد او نخاله تجيبين زبديه وتتربطيها بطرحه تكون فتحات النسيج حقها صغييييييييييييييييره جدا وتنخلي الحنا كانك مسويم مونخل وكذا مره الين ميسير ناعم بعدين اغلي اعواد قرنفل وقرفه علي النار وصفيها واخلطي الحنا بمويتها مع شوي ربع غطا المويه بنزين وخليه شوي وبعديت لمن تبدي تتحني ادهني يدك قبل الحنا بليمون وبنسبهلعصار الحنا عادي قصي قطعه على شكل مربع من اكايس المحلات الي تاخذيها لمن تشتري اغراض من السوق ولفيها زي القرطاس تسير زي شكل الصاروخ ولفي عليها اصق بس خلي الفتحه الحاده صغيره عشان مايعرض الحنا لمن يطلع..............وسلامتك

ملثونه بث كلي احثاث 20
01-02-2008, 12:07 PM
ومنكم نستفيد

الورد الاسود
02-13-2008, 04:47 PM
شكرا للجميع على رد

ينسونه
02-13-2008, 06:25 PM
الغاليه الحنايات احطون في الحنا بترول عشان يصبغ انا جايفه وحده اتسويه حتى لو تروحين ريحت الحنا مال الصالون بتشمين فيه بترول وان شاء الله اكون فاديتج

تـــرنجهـ
11-13-2009, 08:59 AM
لا اله الا انت سبحانك اني كنت من الظالمين
http://forum-static.hawaaworld.com/images/hawaaworld/smilies1/smile15.gifسبحان الله وبحمده عدد خلقه زنة عرشه رضا نفسه مداد كلماتهhttp://forum-static.hawaaworld.com/images/hawaaworld/smilies1/smile15.gif

بسمله كمال
02-25-2012, 12:43 PM
والله انى نفسى اعرف انا كمان كيف تصير الحنا غامقه فى وقت قصير ما نجلس ساعات ننتظر

توفي المنتوفي
02-25-2012, 03:33 PM
إرشيف


Content Relevant URLs by vBSEO 3.6.0