المساعد الشخصي الرقمي

مشاهدة النسخة كاملة : :: بنات الكويت وكل اللي يجهزون تعالوا هنا أمـانـه ::



ميعاد
04-26-2006, 12:14 PM
السلام عليكم

مرحبا يا أغلى فراشات وأحلى خوات


أنا جايتكم أبغى فـزعـه وأتمنى تساعدوني فديتكووون :)

صديقتي زواجها إن شاءالله قريب بعد 3 شهووور بالضبط

والفال لي ولباقي الفراشات قولوا آآآمين :)

ومحتاسه حوووسه لحد ألحين ما تجهزت ماشرت الا حاجت بسيطه

بس حجزت القاعه ولسه ماراحت تشوف لها كوشه ولا خدمات الزواج ولا شي

وهي مو من هواة النت وماتحب تجلس ع الكمبيوتر كثيررر :frxxagir

عشان كذا وصتني بالخلطات (للشعر والجسم والبشره) وفعلا ً سويت لها نسخ

وباقي أطبع لها وارسله لها

بس باقي تجهيزها هي مو منظمه شي ومو مرتبه شي في بالها

وناويه تسافر الكويت وتجهز من هناك

هي تروووح دوووم بس هالمره تجهيز عروووس


وهي ما عندها أي فكره لأنها أكبر وحده في خواتها


عشان كذا بليززز بنات علموني وش تشتري وش تاخذ ؟!


وش المحلات اللي تلقى عندهم شغلات حلوه غير المجمعات الكبيره اللي فيها ماركات ؟!


أبغى محلات الملابس والقمصان والعبايات والجلابيات ؟! والعطووور والمخلطات والمكياج


أبي لستة تجهيز عروووس كامل ( ملابس قمصان عطور بخور كريمات اكسسري مجوهرات)


منو تسوي لي هالجميل وما راح انساه لها أبد


بنات لا تبخلووون علي بليززز هنا أو على الخاص مالي غيركم


ولاتفشلوني عاد في خويتي مالي غيركم تراني جننتها من هاالمنتدى تقول ماخذينك مني :)


طبعا ً التجهيز على كلامها بتروح الكويت والرياض بعد :) همتكم يابنات الرياض

وأكيد ماننسى قطر فديتها همتكم حبيباتي

بسرررعه لأني أبغى أنسخه وأرتبه وأطبعه وأرسل لها اليوم أو بكره فديتكم بسرررعه

واللي تمر وماتكتب على الأقل دعوه حلوووه في ظهر الغيب والا ما أستاهل :frcvbhagi


ميعادووو

seham75
04-26-2006, 12:35 PM
مبروك لصديقتك والله يتم لها علي خير يارب

اعتقد بالكويت انتي بعد اللي ذكرتيه عن الشغلات اللي تبيها صديقتك انها لازم تنزل الاسواق الشعبيه احسن لها يعني تروح سوق المباركيه وسوق الفحاحيل والسالميه والفروانيه اذا كل يوم بتلف في سوق اكيد بتحصل غرضها وخصوصا سوق المباركيه بالديره حتي الذهب بتلقي كل شئ هناك وعلي قولتهم في الغالي والمعقول واللي تبيه تاخده والله يوفقها يارب ويتم لها زواجها علي خير ويسعدها وانتي بعد .

تحياتي لكي

alsalwa
04-26-2006, 02:05 PM
:)
:)

احلى بسمه
04-26-2006, 02:13 PM
موفقه ياغلا

فراشة وكراوية
04-26-2006, 02:47 PM
مبروك مقدما زواج صديقتج
وبالنسبه للكويت صديقتي كويتيه ودايما تجيب لنا قمصان نوم حلوه ورخيصه

عطيني فرصه لبعد المسابقه اعلى اضواء الوطن
وانشالله مايصير خاطرج الا طيب

ميعاد
04-27-2006, 11:58 AM
seham75


تسلمين حبيبتي

الله لا يهينك على مرورك

وربي فرحتيني :de11

ميعاد

ميعاد
04-27-2006, 12:01 PM
alsalwa


عساها دوووم بس ما شاركتينا :frxxagir

ميعاد

ميعاد
04-27-2006, 12:07 PM
أحلى بسمه

مشكوره ياقلبي :)

بس ماشاركتينا :frxxagir

ميعاد

ميعاد
04-27-2006, 12:08 PM
وكراويه

تسلمين على المرور :)

بس يمديها سافرت :(

بس انتظرك :frcvbhagi

ميعاد

ميعاد
04-27-2006, 12:11 PM
بنات وينكم ؟!



شدعوا 100 قراءه و4 ردود بس !


بنات ممكن انتظر لو الموضوع مطول بس مافيه وقت :(

بنات وربي ضايقتوني الله يسامحكم


مشكووووووورين ماقصرتوااااااا :dfrf:

ميعاد

اخت اخوها 2005
04-27-2006, 12:12 PM
مبروك يالغاليه والفل لك حبيت ابارك لك ولصديقتك الله يتمم على خير

أم حموود
04-27-2006, 02:10 PM
http://www.alfrasha.com/showthread.php?t=69449&highlight=%C7%E1%DD%E4%C7%D1

http://www.alfrasha.com/showthread.php?t=41915&highlight=%C7%E1%DD%E4%C7%D1


حبيبتي لاتزعلين

تدرين الكل لاهي مع المسابقه

ان شاءالله هالروابط يفيدونج

بالنسبه لقمصان النوم تلقاهم بمجمع الايوب بالسرداب بس تكاسرهم ( اللي يبيعون حريم )

والملابس بكل المجمعات اللي بالروابط

والدراريع ( الجلابيات ) اذا تبي الغالي تلقاه عند سعفه بحولي شارع بن خلدون وعندالشرقيه لهم اكثر من فرع في بخيطان وفي بالفروانيه وفي دراريع المصممه انسام الخلف بالجابريه واذا تبي اسعار معقوله ونفس تصاميم الغاليه تلقاهم بالفروانيه

ان شاءالله اكون فدتج بشي

تحياتي

:)

دانـــة الـــرياض
04-27-2006, 09:18 PM
هــــلا غاليتي
ميعــــاد

الف الــــ مبروك ـف لصديقتج
وعقبالج يارب قريب

لكن مدري انتي ودج محلات بديرة الكويت او بالرياض
؟؟؟؟؟؟؟؟؟؟؟؟؟؟؟؟؟؟؟؟؟؟؟

اللي ..اعرفه سوق شرق دوم اروح فيه بالكويت
اسواق الكوت ... مارينا مول .مره حاجاتهم روعه
اسواق الصالحيه اسواق السالميه كثير مجمعات
بس ....... بس هي ودها يعني تعرف ماركات يعني
او كيف ؟؟؟؟؟؟
مثل ..!! مكياج عطورات ..... وملابس او كيف
عشان اقدر افيديج ......
والله يتمم عليها بخير يارب
موفقه ......

تحيتي لج
ام الجــــــوري

ام_مرام
04-28-2006, 11:55 AM
مبرووووووووووووووك
عندنا بالكويت محلات قمصان نوم حلوووووووه:منها:
نعومي
الطاهر
مجمع النقره الشمالي والجنوبي
مجمع الحمراء مول والعربيد بلازا بالفروانيه
مجمعات العربيد بالفروانيه:للعبايات والدراريع(الجلابيات)
اسواق السالميه(كثيييييييييييييييييييييره)
اسواق الجهراء(فيها اشياء رخيصه)لكنها بعيده عن العاصمه شوي(شعبيه)
اسواق المباركيه(شعبيه)
اسواق جليب الشيوخ(شعبيه) فيها الرخيص والغالي
للمكياج:شارمل+محلات كثييييييييييييره
عطور وبخور:الشايع+اجمل+القرشي+الرصاصي
الكريمات للجسم والبشره:بودي شوب
مجوهرت:في بالمباركيه عماره مليانه محلات ذهب+محلات العربيد للذهب+لازوردي+زماني+محلات الذهب بكل منطقه بالكويت لكن المباركيه احسن شي

ان شاء الله اكون افدتج

راويه24
04-28-2006, 12:46 PM
للملابس >>> الدراريع عندك الفروانيه ومشاغل الكويت كثييييره في حولي والسالميه والبدل في مجمع المهلب بحولي

قمصان النوم والبجامات من >>>> الايوب مجمع في حولي ومحل لاسنزا في مجمع العثمان في حولي

العبايات >>>> في الفروانيه بجنب مجمع الحمرا مول اسعارهم معقوله وحلوه

العطووور >>> في كل المجمعات في المهلب تاناغرا في سوق الكويت المباركيه

المكياج >>> اذا تبي رخيص وحلو في لاند مارك في السالميه وفي العاصمه الكويت وفي سوق المباركيه سرداب خاص للمكياج بصراحه حلو وكل شي فيه في محل شارمل بعد في مجمع الحمرا مول في الفروانيه وفي مجمع السندس في حولي

الاكسسوارات>>> مجمع المهلب مجمع الحمرا مول بالفروانيه في محل تحت يبيع فيه مصري عنده كسسوارات حلوه وسرداب المكياج في سوق المباركيه في واحد يبييع اكسسوارات حلوه ورخيصه هو هندي او عنده لحيه ومحله صغير

الملافع الشيلات >>> مجمع الحمرا مول تحت في كشك يبيع فيه هندي عنده شيلات ايماراتيه وسعوديه حلوه واسعارها معقوله وعندك بعد نوران معروف مخصص للشيلات بالكويت

للملابس الداخليه >>> نكست و ماركس اسبنسر ولاند مارك ودبنهامز

وفي محل في جمعية الدعيه في منطقة الدعيه يجنن اسمه بيكوكس يبيع بجامات وملابس داخليه وقمصان نوم واكسسوارات وبدل باسعا معقوله بعد حلو وااايد

السنفرات والكريمات >>> موجوده في الجمعيات ( سوبر ماركت) او الصيدليات او العطار وبعد في محل في منطقة الصالحيه جدام مجمع الصالحيه في سوق المتحده في نفس مجمع محل اولادنا تبييع فيه فلبيبنيه اسمها سالي عندها سنفرات وكريمات

الخامات والاقمشه >>> عندنا سوق البلوكات او سوق الاقمشه بالعاصمه وعندنا سوق اسمه سوق دبي للخامات رخيص وحلو

في مجمع عجبني في الفحيحيل حلو وايد اسمه اجيال او اجياد رخيص ومعقول وحلو

ومجمع العربيد بلازا في الفروانيه بعد حلوو

اتمنى اني فدتك يا ميعاد وادعولي

=-=-=-=-=-=-=-=-=-=-=-=-=-

aljori
04-28-2006, 11:02 PM
اسمعي حبيبتي العبره مو بالماركات بس ولا بالشي الغالي اهم شي تنوع بين الماركات والاشياء العاديه ..
اول شي المكياج لازم ماركه خليها تروح facesبمجــــــــــمع الكوت بافحيحيل ..
اذا تبي جلابيات خليها تروح للعربيد اللي خلف جمعية الفروانيه تلقى عندهم دراعات تجنن مررره واسعارها مناسبه حيل ..
العطور عندك عبدالصمد القرشي لهم فرع بالمباركيه ولهم فرع بمجمع الكوت خليها تاخذ اهم شي من عندهم المسك الابيض يجنن واهم شي خليها تروح للشركه العربيه للعود مالهم فرع بالكويت كله الا بالكوت بالفحيحيل خليها تاخذ منهم شغلات وعطورات حلوه ترى مو بس ريحتهم حلوه وبعد اشكال العطور رزه تصلح تنحط على المرايه ...
بالنسبه للملابس والبدلات خليها تروح السالميه القديمه شارع سالم المبارك والنقرة الشمالي والجنوبي ...
وبعد في محل بعمارة سوق الكويت بالمباركية اسمه الشلال الابيض فضيع عنده بدل تجنن
والله الله خليها تمر زارا ومانغو نكست ..
فساتين السهره عندك مجمع المهلب بحولي والحمراء مول بالفروانيه والنقرة الشمالي والجنوبي بحولي..
اذا تبي قماش سهره تروح بلوكات بسوق الصفاة مقابل سوق المباركيه ...
قمصان النوم لا تاخذ من الطاهر وانور غالي عالفاضي خليها تروح نعومي لهم فرع بكويت مجك... وخليها تاخذ بعض قمصان النوم من المحاميد وبيت اولادنا قسم بالله عندي قمصان نوم شاريتها منهم الكل ينصدم انها ب3 دنانير او دينارين ونص ...
البيجامات في محل انا متعامله معاه من زمان اخذ منه بيجامات اسمه لونا مقابل مارينا مول بالسالميه ...
الشنط والجواتي من الحمراء مول والعربيد بلازا بالفراونيه مقابل برجر كنج .....
العبايات خليها تروح للفروانيه عندهم عبايات حلوه مره روحي لفرع بدون اسم نفس البضاعه اللي بسعوديه لهم فرعين اعرفهم فرع خلف مجمع النقرة الجنوبي بحولي وفرع بالحمراء مول وبعد محل اسمه بلاك مون للعبايات يجنن واسعاره مناسبه ومحل الفيصليه للعبايات يجنن بس احس اسعاره شوي غاليه .... واللوشنات بودي شوووووب ولا تنسى تاخذ طقم الحمام منهم يجنن خاصه برائحة الفراوله ولاوشن اللي هو المحيط ..

وارجع لك انشالله بعدين واتمنى اني فدتك

Milli
04-28-2006, 11:26 PM
مبروووووووك لصديقتج والفال لج ان شاء الله ....
ماقصروا البنات معاج ....

رجة بس رااااايقه
04-29-2006, 07:06 AM
الله يوفقها

ويسعدها

كان ودي افيدك

بس ماني من اهل الرياض

تحياتي

خواطر انسانيه
05-07-2006, 06:54 PM
ألف مبروك مقدما, وبحاول اني اساعدك قد ماأقدر......................................

اول شي تاخذه من الكويت مكياج شارمل لأنه حسب ما سمعت أنه مو موجودبس في الكويت , وتاخذين بالضبط ((( الاضاءه الورديه_الشدو الكامل 12لون ))) وطبعا في أشياء كثيره , والمحل موجود في الحمراء مول والعربيد بلازا في منطقه الفروانيه .وله محلين بعد في الفحيحيل والجهراء , اما بدلات الطلعه الراقيه فتلقينها في المهلب وسوق شرق والفنار وشارع سالم المبارك ,أما الاحذيه و الشحاطات والكعب فتلاقينها في جميع المحلات لكن في مكان اسمه الحوش في السالميه جامعها كلها وفيه احذيه راقيه ,و الملافع في كشك في العربيد بلازا تحت عنده ملافع غريبه ,ومحل الحلوه ,وفي مجمع اسمه العربيد جاليري بجانب الحمراء مول كله ملافع وعبي , والدراريع تلقينها عند الاوقاف ,ومجمع العربيد ((غير العربيد بلازا والعربيد جاليري ) وهالمجمع خاص بالدراريع التفصال , وقمصان النوم في الطاهر و انور بس حيل غالين, وفي مجمع الايوب والنقره الشمالي في حولي , والجميع ,ومجمع الدبوس في الفروانيه

أسمحيلي هذا اللي تذكرته الحين , وأذا طرالي شي ملا راح أبخل عليج
واذا حبيتي تسألين عن شي في الكويت أناحاضره
وتددددددددددددددددللي

الاسطورية
05-07-2006, 07:05 PM
اقولج احلى المحلات بالكويت لقمصان النوم والتجهيز ماركات وموماركات
محل اكسفورد في مجمع المهلب في حولي ومحل القاسم ومحل وومن سيكرت كلهم بالمهلب

وعندج مجمه الفنار محل روعه للداخلي ليزينس ومحل اسرار روعه توني شاريه منه تشكيله عجيبه ورفيجتي ببتزوج شرت منه وايد وكان عندهم تنزيلات اتوقع خلصت

بالنسبه للعطور عندح تاناغرا وفافافوم محلين مشهورين للميكب والعطور
اما البخور الاربش والقريشي روعه بالفنار
اما مجمع المارينا ففي اشياء حلوه وايد في محل في بجايم مع شنطهم ونعولهم والداخلي مالهم نفس الرسمه يجون طقم
وفي محل ماذكر اسمه لكنه خيالي بس اسعاره غاليه بنفس المجمع

وطبعا المحلات الاساسيه للاداخلي بالنقره مثل الطاهر وانور

اذا تبين محلات مومعروفه في محلات على شارع السالميه محلين روعه يبيعون داخلي وايد حلو مقابل مجمع المارينا وبحولي تلاقين محلات وايد في اماكن بعيده دايم اشوفهم بالجرايد لكن مارحتلهم بس فيهم اشياء حلوه الي تعرف تكتبلج انشالله

جموح الليل
05-08-2006, 08:50 AM
هلا باختي ميعاد

ويسعدلي صباحك بكل خير والفال لي ولك ولكل البنات اللي ما أعرسن

المهم بقولك كل شيء خصوصا اني مجهزة أختي بالكامل والحين مع رفيقتي <<اللي بتتزوج سعودي

شوفي يالغلا

أول شيء خليها ترتب أمورها 00


ا*****لقمصان *****

اول شيء ببتدي بالقمصان ههههههههههههههههه لانتي امس خلصت منهم انا ورفيقتي

شوغي لاتروحين للمحلات الغاليه روحي للي أسعاره معقولة وتلقين محلين بالحمراء مول

قميص الدخلة عندهم رهيب وسعره معقول خذيناه بـــ28 دينار أوف وايت وكشخة00

وبجنبه محل يبيع قمصان بعد رهيب خذينا قميصين على خمسة الواح ((تايجر + ذهبي )) بيس رهيبات00

والجوهره بجنب بيت التمويل عندهم قمصان رهيبه وموديلات حلوه ((خذينا قميص على شكل فستان سواريه بــــ6 ولقيناه وربي بالعربيه بلازا على 16 دينار <<<شفتي الفرق يعني لايهمك اسم المحل لان البضاعة وحده لكن الفرق بالاماكن00

اغلب القمصان اللي خذيناها من الجوهره ((من 2 إلى 6 )) وتجنن 00

ولقيت قميص بالعربيد قمة بالاناقه لونه لحمي على وردي خفيق ((بلاسيه )) قصير على 14 او 24 <<< وبنرجع له


ا***لبخور****

اما بخصوص البخور روحي للقرشي عنهم بخور على 25 قمة للبيت وتدوم ريحته 00

وبالعربيد بلازا او الحمراء مول فيه محل عطور وعود اسمه الحمراء عنده بخور منقع تلقين التولة على 2 دينار ((وعندهم عرض 3 تولات على 5)) <<<هذا اخذيه وانتي مغمضة ((حاط اربع صواني على الطاولة اخذي من الاول والثاني والرابع))

واخذي العود من اجمل يجنن عندهم التولة على 3,500

واخذي عود من القرشي التولة على 20 بس بعد يجننن
والبخور اخذي من المرشود بالمهلب عنده ((بخور المرشود قمة للبيت )) عندهم بعد عرض 3 تولات على 5 + وعود كمبودي ربع التولة على 25

وعندك بخور قزاز ماعليه كلام 0

الخلطات
و:- عندك خلطة المجالس وورود من جنيد
اشرقت من اجمل
السيف ودانتيل وحروف من الشايع
ولاتنسين خلطة اكوااا ((البنفسجيه))
والمشموم مهما صار يبقى من افضل الخلطات 00

***الملافع****

من نوران ((التور المشكوك رهيبه )) بكل مكان تلقينه 00

محلات كاروه بالعثمان والكوت وبحولي ((ملافع كشخه))00 ويقولون يمكن عندهم فرع بالمثنى

وعندك العبي (( الحلوه ومشغل الديحاني بالعربيد القديم سويت لاختي ورفيقتي عباية ب 27 مع الملفع )) بس ذربه وراقية0

وبدون اسم حلو بس بصراحة غالي

***البدل *****

روحي للنقره الشمالي والمهلب وريفا بالعربيد بلازا00 وزارا ومانجو قطع ذربة

*** العطور ***

فيه محل بالجليب اسمه بركات عندهم عطورات ماركة واصلية

- فري سكسي <<< مدري ليش البنات معلقات عليه وصاير من اهم العطور ههههههههه يمه منهن
- ادكت ديور
- سينما
-كباريه عطر مميز
- اسكاد الجديد 50 ملل ب17 دينار
-عندك عطر اسمه رن دروبز ((من اجمل )) عطره كانه مودموزيل شانيل ((ومحد يلاحظ ))
- اسكادا الطويل
-هوت كوتور
- فرساتشي
- H2O عطر عندكم بالرياض ((بس والله هذا العطر اللي ماعليه كلام 00ودوم يجيبونه لي صوغة )) 00
- شانيل الجديد ((اخر واحد )) 50 ملل بـ20
- شوبارد
-سيلين ((قمة))
-مس ديور 100 ملل بـ24
- بويزن بــــ23
- وش

ا****لعطور عربية****
- مناي من الكمبودي سنتر بالعربيد بلازا
- خشب من اجمل
- الرصاصي روحيله ودوخي
- ثواء من جنيد
-هاجر الشايع بـ6
-علياء من الشايع بـ6
- بعد فيه كثير بس نسيتهم بعد فيه محل بالجليب خذيت منه العود الأزرق التولة بـ16 وعطور عربية المميز

* الصنادل ****

الحوش روحيله واخذي على كيفك وارخص من المحلات 00تراي امس كنت اقارن بالاسعار ولقيت الفرق 00


**** الشنط ((الحقائب)**

- لاند مارك ((السالمية عجيبه شنطه

وعندهم صينية خذيتها لاختي والكل والله سال عنها وقالوا ذربه
((هي عباره عن قطع انا جمعتها لونها بنفسجي بذهبي )) تلقيناها تحت بالسرداب
صينية مستطيله وصندوق للبخور وخوذي معه سلة مشوط وبروشات )) والله ماراح تندمين خصوصا عندكم بالرياض راح يستغربونها00

وعندهم مفارش ورق للكبت بعد قمة 00((معطرة ))


***الاكسسوارت

ميلان اسكوير
الاسطوره رخيص ومناسب
نوران
وتلقين المحلات يا كثرها وخليها تروح للهنود اللي بالاسواق الشعبيه



والله اني تعبت اذا بغيتي شيء خبريني وتلقيني بوجهك 00

المدير ماغير عيونه رايحه وجايه كني مسويه جريمة

يالله لي عوده

للــشــوقــ دلــعــ
11-11-2007, 10:19 PM
مبروك لصديقتك و الفال لك


Content Relevant URLs by vBSEO 3.6.0