المساعد الشخصي الرقمي

مشاهدة النسخة كاملة : حوامل البحرين حياكم معانا



الصفحات : 1 2 3 4 5 6 7 8 9 10 [11] 12 13 14 15 16

همـس المشاعـر
01-28-2010, 11:14 PM
مساءالخير

اهلين الاء
الحين انتي في اي شهر؟؟؟

زين تسوين بدي من الحين التشري
الوحدة كل مابديت قبل بتخلص قبل و تفتك
و خاصة الاشهر الاخيرة الوحدة تصير ثقيلة و تصعب الحركة

الله يسهل لنا

بحرينية كلي غلا
01-28-2010, 11:41 PM
امييييييييييييييين

فلونة20
01-29-2010, 12:02 AM
بنات ترى بيت التنزيلات توهم منزلين بضاعة جديدة وبجاماتهم حلووة خذيت لي بجامة ودشداشة قصيرة

أم حـسـون
01-29-2010, 12:26 AM
السلاام عليكم

شخباركم كلكم ان شاء الله بخير

الله يسهّل عليكم ويقومكم بالسلاامه

بس حبيت أسأل

أني هذا أول شهر لي أحاول أحمل وصار جماع في أيام التبويض وأبي دكتوره شاطره بسوي فحص كامل ومتى أروح قبل الدورة أو في أيام الدوره أو بعدها

والله يرحم والديكم

فلونة20
01-29-2010, 01:06 AM
السلاام عليكم

شخباركم كلكم ان شاء الله بخير

الله يسهّل عليكم ويقومكم بالسلاامه

بس حبيت أسأل

أني هذا أول شهر لي أحاول أحمل وصار جماع في أيام التبويض وأبي دكتوره شاطره بسوي فحص كامل ومتى أروح قبل الدورة أو في أيام الدوره أو بعدها

والله يرحم والديكم

المسألة عاديه ترى وخصوصا انج اول شهر تفكرين بالانجاب ..اني صار ليي ثلاثة شهور تقريبا احاول اصيد يوم التبويض مو عارفة وآخر مره كنت حاسبة التبويض في يوم طلع مو صحيح وما ادري بالضبط متى يوم التبويض صار لان كلش مو مرتبة للسالفة وخصوصا في هذا الشهر خفت احمل لان ورايي امتحانات نهائية و سبحان الله سويت فحص منزلي وطلعت حامل وصادني الترجيع والعفسة كلها بوقت الامتحانات ..اذا الله كاتب الشي يصير ..
فأني انصحج اختي لا تستعجلين وانتي حسبي ونظمي لروحج اما اذا دورتج مو منتظمه بتلاقين في الصيدليات جهاز فحص يوم التبويض ..اما اذا خايفة فإن شاء الله احد يفيدج من الاخوات..

والله يرزقج بالذرية الصالحة يا رب

من اكون في الكون
01-29-2010, 03:33 AM
بنات بقول لكم آخر الاخبار:

شريت كم بيجاما من لولو هايبر ماركت.. عندهم تاخذون شيئين بسعر واحد.. وشريت من عندهم ستيانات الرضاعة على دينار بس وواجد مريحين وزينين.. وحتى الهافات على 500 فلس بس..

وكملت بافي اغراض البيبي والحفاضات والكوتكس واخذت ماي مرقدوش وحلبة .. باقي شوية اعشاب وملح خشن من الحواج.. وكريمات وغسول ومشد من الصيدلية.. اي صح ونسيت صابون غسيل الثياب مال البيبي خخخ ..

البيبي للحين يتحرك واااجد ما شاء الله ويذبح .. بس الدكتورة هالمرة قالت لي ان بطني يبين اصغر باسبوعين !! وعطتني موعد الى السلمانية حق يتطمنون ان الماي مو قاصر.. الله يستر حدي متضايقة .. وروحة السلمانية تلوع الجبد..

زوجي خلاص حاظر عليي الطلعة بالسيارة .. واني للحين ابغي اهيم خخخ .. ما احب اقول لاحد يوصلني ولازم عندي كم مشوار وروحة بيت ابوي عن الملل..

أم حسون: اهم شي ما تتوترين وتقلقين عشان موضوع الحمل.. خلي كلشي طبيعي.. والجماع خله يوم وترك مو كل يوم من بعد الدورة.. وبعد الجماع لا تقومين مباشرة.. خلج على ظهرج ولو تنامين بعد احسن >> لان يتسرب الـ.....

ما انصحج بجهاز التبويض ولا شي.. ليش الخساير وانتي ما تعانين من مشاكل ان شالله.. اهم شي انتبهي لاعراض التبويض.. شوية آلام اسفل البطن مثل آلام الدورة.. وافرازات بيضا.. لو لاحظتي هالشي عليج بالجماع .. ومو شرط تصيدين اليوم من اول شهر.. يمكن ياخذ لج شهرين ثلاثة .. كلش عادي ..

الله يوفقج ويكتب لج الي فيه الخير ويرزقج الذرية الصالحة..

فلونة: اني ما قالوا لي ان خلاص ولا شي.. مع اني متقدمة عليج باول موعد.. الظاهر حاسبيني بولد متأخرة لان بطني صغير خخخخخ.. وليش ماخذة دشداشة قصيرة والجو بيكون بررررد .. الحين الجو بارد صاير.. اني اخذت بيجاما ام قطعتين مزلطة بس لان ماخذة جاكيت عملي البسه عن البرد.. واخذت دشداشة نااااااعمة بيضا كم طويل.. وبيجاما ام قطعتين قطنية بعد وكيوت..

همـس المشاعـر
01-29-2010, 11:14 AM
السلام عليكم

من أكون يلا الحمدلله باقي لج اسبوعين تقريبا و تولدين ان شاءالله بالسلامة
عليج الف عافية بالاغراض
انا قبل فترة كنت رايحة لولو هايبرماركت بس ماحصلت شي عدل
يمكن ماكانو منزلين البضاعة او ماافتريت عدل يبغي لي اروح و اشيك
اني وااجد احاتي الاغراض ابغي اكملهم بسرعة و افتك

ام حسون
اهلين خيتو
لاتحاتين حبيبتي و حاولي تعرفين ايام التبويض ولا تحاتين هذا الشي طبيعي يعني مو شرط من اول مرة
تصيدين الشغلة يبغي لج مدة
و عند الجماع حاولي تجربين الطريقة الي تكونين انتي مستلقية على ظهرج هذي انسب طريقة للحمل
و الله يرزقج بالذرية الصالحة ان شاءالله

ضحك الورد
01-29-2010, 11:19 AM
بنات شفت شيء لمعرفة جنس الجنين
وهي انج تاخذي فنجان شفاف وتحطين فيه ماي
او كاس شفاف وتحطين نصه ماي
وتحاولي تعصري من صدرك لين يطلع لك الحليب او مادة اللباء
وتحطيهااا في الفنجان او الكاس
اذا نزلت النقطه للتحت بدون ماتتلاشى معناته ولد
واذا انتشرت على طول قبل ماتوصل لتحت معناته بنت
للي يعرفون جنس البيبي يقولون

اني سويت بس ما فهمت
اني وصلت لتحت وتلاشت بس ما ادري يعني فيني ويش

زهر النسرين
01-29-2010, 11:44 AM
اشلونكم بنات شخباركم
ضحك الورد أحس هالشغلات كلها خرابيط بصراحة
أنا كنت أصدق طريقة السلسلة والدبلة
وفعلا ناس واجد تصدق عندهم
أول ما تزوجت وسووها لي طلع بجيب ثلاث أولاد وبعدين بنت
وعشان جذيه كنت متأكدة بحملي الرابع أني بجيب بنت وطلع ولد وكانت الصدمة
يوم حملت هالمرة سوت لي بعد وحدة هالطريقة وطلعو عيالي أربع اولاد وبعدهم بنت
بس الاسبوع اللي طاف رحت لمنى الشروقي قالت لي ولد ولد ولد واضح كليون بالمية ولا تحطين في بالج انها بنت أبد

زهر النسرين
01-29-2010, 11:48 AM
فلونة ومن اكون يالله همتكم بدأ العد التنازلي :085:
اسبوعين بالكثير ونفرح فيكم :032:

أم حـسـون
01-29-2010, 01:25 PM
مشكورين اخواتي على الردود الطيبه

والله يسهّل عليكم بحق محمد وآل محمد

بالنسبة للجماع أني دائماً أكون على ظهري وما أغير وضعيتي ولا أقوم إلا بعد ما أنام ليي جم ساعه

بس عندي سؤال شلون أفرّق بين الالتهاب وأيام التبويض ؟

تعبتكم ويايي

رحم الله والديكم

من اكون في الكون
01-29-2010, 01:27 PM
لحظة ليش يطلع منكم حليب او افرازات قبل الولادة؟؟

اني ولااااااااااااااشي طلع كلش كلش!! واقول لامي الظاهر ما فيني حليب !! قالت لي لا هاي عقب ما تولدين بتطلع الافرازات مو قبل ..

واجد احاتي ان ارضع صناعي.. ابغي الافضل لولدي ..

همس المشاعر: هو ما بتحصلين الا لما تدورين عدل.. لو طالعتين بشكل عام بتقولين شنو هذا ثياب هنود خخخخ.. بس لو طالعتين زين بتشوفين قطع حليوة وراقية.. الدشداشة الي اخذتها نااااااااعمة وبيضا وراقية ومو رخيصة بعد.. يعني بـ 6 دينار (بس الباقي في ارخص).. قلت لاول يوم بلبسها.. عاد للاسف ماخذة سمول ومع ذلك كبييييييييرة طلعت.. لبستها واني الحين حامل بالتاسع وحدها كبيرة.. فبوديها الخياط بعدلها.. واخذت شلحة البسها تحتها..

Alaa 84
01-29-2010, 02:09 PM
همس المشاعر اني اللحين في الاسبوع 22 يعني اي شهر و لا اعف احسب :(

من اكون في الكون

اختي اني كله احاتي هالموضوع كله احس انه ما بيطلع ليي حليب ولا فيني ... ما ادري اشلون الجاهل بيشرب

باجر عندي موعد مع الدكتورة قلت بسالها عن هالموضوع يقولون في تمارين لازم تسوينها :)

من اكون في الكون
01-29-2010, 03:06 PM
أم حسون الالتهاب اتوقع ما يصاحبه آلام شوي اسفل البطن.. التبويض يكون معاه شوووية آلام.. والتبويض تنزل افرازات بيضا مو صفرا .. وتكون شوي فيها سُمك ..

Alaa: اني كل مرة اقول بسأل الدكتورة وانسى ,, امي تقول لي دلكي بكريم.. ادلّك بعد ما آخذ حمام دافي بس بالغصب اشوف اذا ادقق نقطة بيضا يابسة خخخخ.. الله يستر..

وترى احنا ما نعرف نحسب لو ما الانترنت خخخخ.. انتي في بداية الشهر السادس تقريبا.. شوفي كل شهر متى تدخلينه:


الشهر الثاني 4 اسابيع 4ايام
الشهر الثالث 9 اسابيع
الشهر الرابع 13 اسبوع 3ايام
الشهر الخامس 17 اسبوع 6 ايام
الشهر السادس 22 اسبوع 2يوم
الشهر السابع 26 اسبوع 5 ايام
الشهر الثامن 31 اسبوع 1يوم
الشهر التاسع 35 اسبوع 4 ايام

بنت النور 24
01-29-2010, 04:39 PM
الله يهون علينا ياااارب ’’

قمرهم // اي الحمد الله طلعت بنت الف الف الحمد الله والشكر وان شاء الله انتي بعد في الحمله الثالثه ’’ والله يسهل علينا ياااارب ’’

اميره // هلا فديتج يسون الحمام المغربي بــ 10 دينااار وااايد انا اسويه بصالون جوليانا او صالون هبة الجمال كله 5 دينار وبالاسنفنجه بـ 7 دينار بس انا عندي من جذي كل مره 5 دينار تدرين عيل اول شئ بسوي حمام مغربي بو 5 دينار وعقب بروح لهم عشان الدلكه ,, وخاطري اسوي حمام مغربي ااذا دخلت التاسع بس اخااف مب زين للبيبي شرايج ’’

ام حسون // الله يرزقج بذريه الصالحه اهم شئ حبيبتي في هذي السالفه انج تنسين وتتركين كل شئ على الله لاتحسبين ولا شئ نامي يوم وترك بعد الدوره وخلاص والله يرزقج ,,

من اكون في الكون
01-29-2010, 05:55 PM
بنت النور: ما ااعتقد في خطر لو سويتي بالتاسع ولا شي.. الكريمات والمواد الكيماوية نفسها تكون خطورتها بس بالاشهر الاولى.. مو بعد حمام مغربي من مواد طبيعية وانتي بالاشهر الاخيرة..

اني بعد اقول يبي لي لان احس جسمي يفشّل من السواد.. بس ما فيني شدة كلش.. ويبي لي مساااااج يا ريت احد يدلكني..

بنات بسألكم:

اولا: بشنطة الولادة هل احمل معاي ادوات الاستحمام مال البيبي؟؟ والا بالمستشفى هم يسبحونه؟؟

لان حطيتهم وصارت الشنطة ثقيلة وياخذون مكان (حطيت الشامبو واللوشن والزيت وسائل الاستحمام) .. او شرايكم احط بس الشامبو والزيت (الشامبو ممكن يسبحونه فيه والزيت يغني عن اللوشن) >>> امحق تفكير

ثانيا: حطيت المرضعة الزجاج بالشنطة بس بدون تعقيم .. قلت يمكن هناك عندهم ماي حار .. لازم اعقمها وتالي احطها في كيس ؟؟ والا انتظر للمستشفى؟؟

ثالثا: شنو الاعشاب الي لازم ياخذونها للبيبي؟؟ في شي اسمه خيار الشمبر خخخخخ .. وفي نباتة بعد.. هاي لازم آخذهم؟؟

رابعا: حطيت للبيبي حفاضتين بس.. كفاية؟؟ (اخذت huggies اصغر حجم)

وحطيت لي 4 فوط صحية (كوتكس اكبر حجم).. كفاية.؟؟

همـس المشاعـر
01-29-2010, 06:27 PM
من اكون حتى اني نفسش ماشوف يطلع شي بالغصب اشوف نقطة و ساعات اشوف شي شفاف بس بعد ماينشاف عدل كللللللللللش قليل اقل من نقطة!!!!ههههههه
و بالفعل مثل ماقلتي انا اخذت لي لفة سريعة و حسيتهم ثياب هنود فمشيت و ماعورت راسي هههههههههه
بالنسبة لتجهيز الشنطة كأن المستشفى تعطيج اغراض البيبي كامل شامبو و حفاضات سمعت جذي حتى الكوتكس كأن يعطونج بس مو متأكدة ان شاءالله يردون عليش ذوي الخبرة خبرش بكرية و ماعندي فكرة عدل عن هالسوالف

الاء مثل ماقالت من اكون كلنا مانعرف الله يخلي النت و على حسب الجدول الي خليته من اكون الحين انتي في الشهر السادس

همـس المشاعـر
01-29-2010, 06:35 PM
من اكون بسالش اغراض الاستحمام اخذتي اي ماركة؟؟

من اكون في الكون
01-29-2010, 09:14 PM
اخذت بيبي جونسون.. شفت هيمالايا بس قلت خلني آخذ جونسون هالمرة.. وممكن عقب اجرب هيمالايا..

كان خاطري آخذ الشنطة الي فيها اغراض الاستحمام الصغيرة ماركة بيجون .. بس ما شفتها.. هي زينة للطلعات واخف بالحمال بس طبعا العلب الكبار اقتصادية اكثر.. المرة الجاية يمكن آخذها..

زهر النسرين
01-29-2010, 10:09 PM
مرحبا يا حلوات
اشلونكم .. شخباركم .. عساكم بخير
بنات بالنسبة للحليب أني ولا مرة طلع مني حليب قبل الولادة .. يمكن لني ما أحاول أعصر بعد
بس تنظيف على خفيف .. مع أني أسمع ناس وايد ينزل ليهم حليب من الخامس والسادس
من أكون يطلع لي بعد الولادة بس خفيف كلش بس بعد أحاول أعطي البيبي بدون ما أعتمد على الصناعي
في عيالي الأولين كنت أواصل أعطيهم بس أحسهم مساكين يمصون يمصون ولا يشبعون بعدها أعطيهم صناعي
بس ولدي الأخير صبرت وياه وما عطيته صناعي أبدا .. مع إني اشتغل بس واصلت وياه على طبيعي بس
وكلما تعطينه طبيعي أكثر يجي حليب أكثر
ومن تولدين بالسلامة بعد ما تكملين الولادة والخياطة وترتاحين شوي طلبي البيبي على طول وحطيه على صدرج وحاولي تسقينه
بالنسبة لأدوات الاستحمام أنا أحمل طم بيجون مناسب جدا للمستشفى بس ما اسبح البيبي ولا شي أصلا ما تكون للوحدة قوة تسبح ولا تقوم بعد الولادة .. هم يسبحونه .. بس آخر مرة سبحو ولدي كانت ريحته زفرة عدل وشعره ملصق وحالته حاله .. جت أختي وسبحته بعدين .. وتقدرين تطلبين منهم يسبحونه مرة ثانية وتعطينهم لثياب اللي تبينهم يلبسونه .. حفاضات وكوتكس ما أحمل هم يعطونج .. بس عاااااااااد كوتكس بو خيووووط ماااال القرن اللي طاف اذا تحسين ما بترتاحين فيه اخذي النوع اللي تحبين تستخدمينه وطبعا طبعا أربع ما بيكفي لأن النزيف يكون شديد أول يوم ( أني أحط ثلاث مرة وحدة أخاف أتغرق )
خيار الشمبر والنبات بعد ما يحتاج تودينه المستشفى خليه للبيت
يعني هي كلها يومين وانتين راجعة ما يحتاج تكثرين الاغراض .

بنت النور سمعت البخار وكتمة البخار مو زينة للبيبي في الحمام المغربي فما أعتقد انه يصلح وانتي حامل .. كأنه في موضوع هني في المنتدى مر علي بهالخصوص بس مادري اشعنوانه

من اكون في الكون
01-30-2010, 02:00 AM
زهر النسرين:

انزين دام يعطونا كوتكس عجل الي بحملهم بس للاحتياط..

واني ادري ان هم يسبحون الجاهل ومرت حميي حماتي سبحته لها.. بس ما ادري هل يسبحونه بشامبو وصابون والا بس بماي !! لان مثل ما قلتين اخاف يطلع ريحته زفرة خخخخخخخ.. فهل احمل الشامبو والزيت والكريم وسائل الاستحمام كللللهم ؟؟

وهل في البداية بعد الولادة طلع منش عالاقل افرازات (مو حليب) لو تخلينه يمص على ولا شي؟؟

زهر النسرين
01-30-2010, 03:01 AM
من اكون جوفي
هو المفروض يسبحونه بصابون وشامبو وتره هم يستخدمون ماركة بيجون بعد بس عااد على اللي يطيح في ايدها هي ومزاجها.. للأمانه بس آخر ولادي صادته هالحالة زفر حده وحتى شعره ملبد بس القبليين كانو أوكي تمام
وبالنسبة للحليب يطلع بعد الولادة على طول بس الكمية قليلة وكلما رضعتين البيبي تزيد شوي شوي

Alaa 84
01-30-2010, 10:38 AM
الله يستر من سالفه الحليب...اني حماتي حامل قبلي بشهر يطلع منها حليب تقول و اني حتى حلمه ما فيني والله خايفه :( اني اليوم موعدي و بشوف الدكتورة وش اتقول :)

امس رحت شريت ثياب حق البيبي حسييت اني خمييت السوق و ساعات احس بعد يحتاج ثياب...
بعد باقي عليي الفراشات و هالسوالف
ابي اكمل اغراضه عشان اتفرغ حق تجهيزات الولاده للمستشفى و التوزيعاات:)

عجييب يعني اني اللحين في السادس :)

همـس المشاعـر
01-30-2010, 11:27 AM
السلام عليكم
عن سالفة الحليب الله يستر خوفتوني اني بعد مابغي اعتمد على الصناعي وودي ارضع ولدي طبيعي

من اكون اني بعد باخذ جونسون و على الله احب ريحته و احسها احلى من الباقي

الاء حاولي لا تكثرين واجد في الثياب لأن البيبي يكبر بسرعة و مابتستفدين منهم
و اسمع نصائح يقولون تالي بتدخل عليش ثياب واجد يعني بيجيبون لج هدايا
و كملي اغراضش من الحين احسن و اريح للبال

الله يسهل لنا

بحرينية كلي غلا
01-30-2010, 11:32 AM
صباحكم ورد ها شخباركم اليوم
يعااااااااااانه خخخخخخخخخ

leemoon
01-30-2010, 11:34 AM
هلاا بناات شخبااركم ؟؟

من اكون شنو الحفاظات الي خذيتيهم ؟؟ ذاك اليوم رحت وتحيرت شنو اخذ في انواع وايد ..
والكوتس اخذت مثل الي كنت اخه قبل الويز البنفسجي ما لقيت شي خاص بالنفاس ..
وان شااء الله ما فيج الا العافية ويكون كل شي طبيعي ..

ضحك الورد سمعت انه مو زين تطلعين الحليب من صدرك عاد ما ادري .. وانا مثل زهر النرين اعتقد هذي خرافة لاني قريت شيمشابه قبل عن البول اكرمك الله ..


زهر النرين انا بعد لا تنسيني :(

من اكون ان شااء الله ترضعين طبيعي .. وانتي تدلكين صدرك كل يوم بزيت زيتون .. دلكيه شوي شوي الين ما توصلين للحلمة ودلكيها انا كنت اسوي جذي في الشهر السابع ويوم شفت شي طلع مني خفت ووقفت هههه
وشنطة بيجون انا شفتها في بيت الطفل ..
انا خذيت ماركة هيملايا .. وكريم الحفاظ سيامبيد بناات بسألكم بالنسبة لكريم الحفاظ ناخذ اي شي والا لازم استشارة طبيية انا خذيت سيامبيد ايمع يمدحونها ..
وبعد احين اللوشن والزين اثنينهم للترطيب ليش كل وحدة غير في شنو استخدمهم ومتى ؟

الاء زين بديتي من الحين والحلمة كلمي الدكتورة ساعات تكون في مشكلة الحلمة الغائرة هذي يبي لها علاج قبل الولادة وانتي ان شااء الله كل شي فيج طبيبعي .. واللله يتمم عليج بخير ..


بنات وايد تجبني الام شبيهة بالدورة هذا طبيعي والا لا ؟؟ بصراحة ساعات احس بقدم ولادتي وانا مو مستعدة .. اذا طبيعي طمنوني ..

همـس المشاعـر
01-30-2010, 11:52 AM
ليمون
بصراحة ماعندي فكرة بس مو دائما الموعد الي يعطونه اياه يطلع صح في ناس تقدم الموعد و ناس تتأخر
الله يقومش بالسلامة

استفدت من هالموضوع شوفو
https://alfrasha.maktoob.com/alfrasha14/thread501712/

من اكون في الكون
01-30-2010, 01:33 PM
زهر النسرين: يلا عجل احتياط بحملهم.. وبنتظر الحليب لما اولد وان شالله يطلع شي..

Alaa 84 : حماتي كان عندها هالمشكلة والحلمة ما طلعت حتى لما ولدت.. كان المفروض من البداية تدلكين على طول.. هالمرة خبري الدكتورة..

شوفي بالنسبة للاغراض امس كنت افرز اغراضي الي بوديهم بيت ابوي.. اشوف ان الثياب وااااااااااااجد وثلاثة ارباعهم كبار !! حسيت ان الي اخذته صدق مو عملي.. نصييييييحة لا تكثرين ثياب.. وضروري تاخذين قطع صغييييرة مناسبة للجو الي بتولدين فيه (اني صار الشتوي الي عندي كبار .. وما بيكبر الا الجو بيحتر)..

بحرينية: هلا بيج.. تريقي وريقي البيبي يلا

leemoon : حفاض البيبي اخذت Huggies جيس صغير والوزن من 1-2ونص اظن.. قلت بجربه فما اخذت كبير.. واخذت هالنوعية لان ناس واجد اسمعهم يقولون ان بامبرز ما يناسب اولادهم.. فقلت آخذ هقيز (وزوجة حميي ناسب ولدها هذا فقلت يمكن ولدي من طخته خخخخخ)

والكوتكس اخذت ماركة (كوتكس) يجي الجيس ابيض .. ومكتوب عليه سوبر ماكسي .. فقلت شكله كبير.. وفعلا لما فتحته اكبر من الاولويز البنفسجي بس للاسف بدون جوانح.. اولويز البنفسجي مشكلته ان الطبقة الفوقية مب قطن.. واني قلت ما باخذ منه لان بالنفاس المنطقة كله محكوووورة ورطبة والقطن احسن بواجد..

كريم الحفاض ما اخذت والله.. كنت باخذ سودو كريم.. الا زوجي يقول لاحقين عليه!! بس ماركة سيباميد معروفة وخوش ماركة..

بالنسبة للزيت واللوشن .. هو اذا حطيتين زيت خلاص ما يحتاج لوشن واذا حطيتين لوشن ما يحتاج زيت.. اني احس الزيت زين للبيبي الي بشرته جافة متقشرة.. وحق تدلكين البيبي به..

الآلام احس شي طبيعي.. ناس بالشهور الاخيرة تجيهم على طول.. اني الصراحة ولا مرة حسيت بالم مثل الدورة.. بس خبري انه شي عادي .. وانتي بالاسبوع 37 .. والوحدة مو شرط تاخذ التاسع كله على فكرة.. يصير بالاسبوع 38 او 39 تولدين.. المهم خلش مستعدة.. والله يعينش..

هموسة مشكور عالموضوع.. للحين ما قريته كامل بس برجع اقراه ان شالله..

زهر النسرين
01-30-2010, 02:10 PM
هلااااا ليمون
أفااااااااااااا ما نسيتج بس صار لج فترة ما تدشين
معذوووورة
يالله حبيبتي الله يهون عليج الطلق ويسهل ولادتج ويفرحنا فيج آمين يا رب العالمين

من أكون توني جاية من المركز اللبناني ماخذه أغراض البيت وششفت عندهم طقم بيجون المصغر .. اذا تبين وقريب منكم المركز اللبناني وحفاظات هجيز زينين يمدحونهم وأغلى من البامبرز بعد
البامبرز أوكي أني على طول بامبرز بس مشكلته معطر زيادة عن اللزوم واذا يصيد ولدي التهاب الحفاظات أحس بامبرز ما تساعد أبدا على شفاء الالتهاب .. يعني مرة من المرات صاده التهاب شديد وتم وياه أكثر من شهر صار كأنه حروق وما تم كريم ما جربته وفي الأخير قالي الدكتور بدلي البامبرز وفعلا من بدلتها صار أوكي .. يعني طول البيبي ما فيه شي البامبرز أوكي بس وقت الالتهاب بدلوها

همس المشاعر وآلاء لا تحاتون الحليب بيجي في وقته ان شاء الله أهم شي بعد الولادة لا تطولون على طول حطو البيبي على صدركم يشرب ولا تخلونه يطول على حلمة واحدة يعني ثلاث دقايق وبدليه للجهة الثانية لأن مصة البيبي حارة وأنتي جسمج للحين مو متعود فبسرعة تصيد الوحدة تشققات في الحلمة اذا طولت على جهة واحدة وتشققات الحلمة مؤلمة .. في ولدي الأول كان حتى الدم ينزل من صدري .

كريم سودو ما حسيته يفيد وسيباميد ما جربته بس تعلمت ألحين طريقة وقاية للبيبي عن التهاب الحفاظات .. كلما تبدلين البيبي وتنظفينه حطي فازلين في المنطقة ( الفازلين العادي مو المعطر ) بحيث يسوي طبقة بين الجلد وبين رطوبة الحفاظ وهالطريقة بس سويها للوقاية يعني مو البيبي فيه التهاب وتحطين فازلين عليه .. لااااااااا لأنه حار على الجلد اذا فيه التهاب
أني واخواتي على طول هالطريقة ويتمون العيال فترات طويييييييييييييلة بدون ما يصيدهم التهاب الحفاظات

همـس المشاعـر
01-30-2010, 03:50 PM
من أكون
بالنسبة للكوتكس عندش الويز الوردي اوكي اني على طول استخدمة و صاير قطن
فقلت بستخدهه للنفاس لأن عندي جم جيس في الكبت ماستخدمتهم
زهر النسرين
مشكورة على النصايح
بس بالنسبة للفازلين مايسبب اسوداد في المنطقة؟؟؟

زهر النسرين
01-30-2010, 04:48 PM
هلا فيج هموسة
بالنسبة للفازلين لا ما حسيته سبب اسوداد ولا شي
بنت أختي ما شاء الله عليها بيضة وأمها تسوي هالطريقة من صغرها وما صار فيها اسوداد
وألحين كملت سنه يمكن ما صادها إلتهاب الحفاظة إلا مرة واحدة حتى شغالة أختي تقولها
ما شاء الله مدام بيبي ثاني واجد يصيده التهاب حفاظة وبنتج بس مرة واحدة

اميرة قلب زوجي
01-30-2010, 04:49 PM
مرحبا خواتي

بالنسبه للكوتكس احسن شي اولويز الوردي فيه جوانح وكبير وقطني الملمس ووايد مريح انا دايما استعمله .
هذا شي والشي الثاني بالنسبه للحليب انا ولدت في حملي الاول بولدي هاني في الاسبوع 32 وكنت اروح اشفط له علشان يرضعونه لانه كان في الشيشه بس ما طلع حليب في اول يومين وانا اصلا رقدوني في السلمانيه اسبوع بعد الولاده المهم فقالت لي الدكتوره لازم قبل ما اشفط الحليب اكون متسبحه بماي حار او امرر على صدري ماي حار وفعلاً اول ما اتسبحت بماي حار نزلت تحت اشفط لولدي الا ما شاء الله واااايد حليب فلاتستعجلون بس اذا ما صار سوو نفس الي سويته وشي ثاني بعد اول يومين من الولاده ما كنت احب البس ستيان فالدكتوره قالت لي لازم البس علشان يتجمع الحليب وينزل
سامحوني طولت عليكم بالكلام

اميرة قلب زوجي
01-30-2010, 04:53 PM
بالنسبه لكريم سودو للإلتهاب واااااااايد وااااااااااايد زين انا ولدي كان تكرمون يصيده اسهال ولما يصيده اسهاااال لازم يصيده التهاب وتصير المنطقه حمره وااااايد بس اختي قالت لي عن كريم سودو وجربته ماشاء الله مرتين بس واختفى الحمار نهائياً

همـس المشاعـر
01-30-2010, 05:23 PM
زهرالنسرين
يسلمو خيو و ان شاءالله راح اتبع طريقتج و مثل ما يقولون الوقاية خير من العلاج
بس يعني عادي من اول الايام نتبع هالطريقة و الا شلون؟؟>>> يمكن يكون شوي سؤال غبي بس معليش بكرية و ماعندي خبرة هههههههه

اميرة قلب زوجي
اني بعد على طول استخدم الويز الوردي و مرتاحة منه واااجد

زهر النسرين
01-30-2010, 07:22 PM
أميرة غريبة والله أنا ما فاد وياي كريم سودو أبدا مع أنه مدحاه دكتور الأطفال
بس يجوز من حفاظات بامبرز لأن مثل ما قلت صاد ولدي الالتهاب وطول وياه وجربت وياه عدة كريمات ولا واحد فاد بس يوم بدلت الحفاظات خف الالتهاب على طول

Alaa 84
01-30-2010, 09:34 PM
بنات :(

قلت حق الدكتورة عن سالفه الحلمه قالت ليي ان هذي مشكله و عند الولاده بيعطوني شي الصقه عليي عشات يشرب البيبي

رجلي تنفز يقول مسكين ولده :) هاها

اللحين اني شسوي ما في طريقه اطلع الحلمه يعني الدكتورة قالت ما في حل

و عن سالفه الحليب يختلف من وحده لي وحده الدكتورة قالت مو شرط يطلع حليب قبل الولاده

زهر النسرين
01-31-2010, 01:10 AM
الاء جربي من ألحين التدليك بزيت الزيتون مع سحب الحلمات للخارج

زهر النسرين
01-31-2010, 01:13 AM
شفت لج هالموقال ان شاء الله يفيدج
الحلمات الغائرة


معظم حلمات النساء تبرز 5 - 10 ملم وتصبح أطول بحوالي 10 ملم وأعرض بحوالي 2 - 3 ملم أثناء المعاشرة، وبعض النساء يمتلكن حلمات مسطحة ولكنها تصبح منتصبة أثناء المعاشرة. أو عندما يرضع الطفل منها. الحلمات التي تكون مثنية بدلاً من أن تكون مسطحة أو بارزة تدعى حلمات غائرة ربما تكون كلتا الحلمتان غائرتين أو إحداهما. ان تكون الحلمة غائرة منذ فترة طويلة فلا داعي للقلق لأن ذلك طبيعي، وكثير من النساء على هذه الشاكلة. إن دراسة لـ 3000 امرأة يزرن عيادة ما قبل الولادة أثبتت أن 10٪ يملكن حلمات غائرة.


الرضاعة
إن الارضاع لن يكون مشكلة كبيرة إذا كانت الحلمات تنتصبان أثناء البرد أو الجنس، ولكن سيكون من الصعب على الطفل أن يسحب الحلمة إلى مؤخرة الفم، لذلك يتطلب الارضاع بعض الصبر، ولكن مص الطفل القوي سيسحب الحلمة في النهاية إلى الخارج ويمكن مساعدة الطفل قبل الرضاعة، وذلك باستعمال قطعة من الثلج ملفوفة بقطعة من القماش ووضعها على الحلمة مسبقاً، وكذلك بالضرب الخفيف على الهالة وهي المنطقة الوردية حول الحلمة وإذا فشلت جميع الوسائل في إبراز الحلمة فهذا يعني ان الارضاع سيكون أصعب خلال الاسابيع 6 - 8 الأخيرة من الحمل.
ارتداء الحمالة
قد تكون المرأة قادرة على إبراز الحلمتين بارتداء أغطية للحلمة تحت حمالة الثديين وهي عبارة عن وسائل صغيرة تضغط بلطف على الثدي حول الحلمة وهي مريحة جداً ويجب ارتداؤها من ساعة إلى ساعتين للمرة الأولى، وبعدها تزيد من الفترة الزمنية شيئاً فشيئاً.. حتى إن كانت المرأة غير مصممة على الارضاع فربما ترغب المرأة أن تكون لديها حلمتان بارزتان. ان الفتيات الصغيرات غالباً لا سيما اللواتي تتأخر دورتهن الشهرية تبقى الحلمات مسطحة حتى أوائل العشرينات، فإذا كانت المرأة صغيرة السن فهناك احتمال أن تبرز الحلمات فيما بعد، وإلا فبالامكان تمسيد المنطقة حول الحلمة باليدين الدافئتين لعدة دقائق كل يوم لتبرز الحلمة ويمكن أيضاً ارتداء أغطية الحلمة، ولكن يجب عدم ارتدائها لفترة طويلة. وإلا فقد يحدث ألم في الثديين ويجب عدم ارتدائها لفترة تزيد على ستة أسابيع.

فحص
وإن لم تنفع كل هذه الإجراءات وأصبحت الحلمة مصدر قلق لدى المرأة فمن الممكن إجراء عمل جراحي بسيط لإبراز الحلمتين وتتضمن العملية إحداث جرح صغير على جانبي الحلمة وقطع بعض القنوات والأنسجة والتأثير السلبي هو ان بعض النساء لا يستطعن الارضاع بعد العملية.

زهر النسرين
01-31-2010, 01:16 AM
وهذا بعد بس انصدمت من آخر سطرين من إنه يحذر من تدليك الثدي لأنه يسبب ولادة مبكرة .. بصراحة أول مرة أسمع هالمعلومة وما أعرف مدى صحتها

الحلمة الغائرة أو المسطحة
يجب أن لا تعيق هذه المشكلة من عملية الرضاعة الطبيعية، ومن الممكن تشخيصها بالضغط على جانبي الهالة بين الإبهام والسبابة، فإذا كانت الحلمة طبيعية سوف تبرز للخارج، أما الحلمة الغائرة فسترتد للداخل.
العلاج: يمكن تصحيح هذه المشكلة بعد الولادة مباشرة وذلك باستخدام محقن بلاستيك لجذب الحلمة مع تكرار هذه العملية من 5 – 8 مرات قبل كل رضعة. وعادة تتوقف الحاجة لهذه الطريقة بعد أيام قليلة بعد خروج الحلمة المعكوسة. احذري أيتها الأم من عمل مساج للحلمة قبل الولادة لتحضيرها للولادة الطبيعية فهذا من الأخطاء الشائعة وقد يؤدي للولادة المبكرة.

قمرهم**
01-31-2010, 09:20 AM
صباح الخير كروشات شخباركم

بنات انه ابي مخده الرضاعه مو محصلتها كل فروع سنتر بوينت ما فيه

بس في في مذركير الاصلي وب 10 دينار تسوا تحسون ؟؟

همس المشاعر خيتو انه رحت لسنزا في ب 9 بيجامات بس الكوالتي زين وانه شفت في المعرض على 4 دينار و5 دينار خوش بجايم قطنهم حلو لحقي عليه باجر اخر يوم
ضحك الورد ما اتوقع انه صح وبعدين انه ما اشوف فيني حلين حاليا J
من اكون في الكون بالنسبه للصابون وهالسوالف انتي المفروض اخذتي الشطنه الصغيره الي بتحطينها في الشنطه دايم تكون شنطه وفيها كلشي منه صغير سيبيعوها في جيان بتستفيدين منها على مدى الايام يعني في كل طلعه بتكون في الشنطه احتياط
والمرضعه خليها معقمه افضل وجاهزه في شنطتج كلشي بارز مو حزة الحزة
خيار الشمبر هذي خيتو مال مغص والام البطن وتسهيل الخروج بس خيتو ما اتوقع بتحتاجينه من البدايه
بالنسبه للحفاظات المستشفى عادتا يعطون للبيبي بس حطي 4 احتياط تراهم الا صغار ما بيثقلون الشنطه ويمكن تحتاجين والنيرسات يكونون مشغولين او شي
ونفس الشي بالنسبه للفوط الصحيه المستشفيات توفرها بس اخذي الكيس معاج احتياط مو ب4 ما تدرين انتي عادي يقولون لج خلصو وهالمواويل المعتاده.
شريتي كريم بنثلين ؟؟ من اكون عشان بعد ما ترضعين البيبي تحطينه على الحلمه وتمشين الحلمه قبل الرضعه الثانيه بقطنه وماي عادي وترضعينه
عشان التشققات خيتو ترا والاوجع لان شي مو طبيعي يعووووووور. هالكريم بيخفف وايد
آلاء خيتو مو شرط انه بحملي الاول ما طلع الا بعد الولاده كل وحده تختلف عن الثانيه
وهالمره نفس الشي للحين ما فيني حليب
ليمون أي عادي يصير جذي يسمونها ريح استقبال على قولتهم امهاتنا تمهيدات الطلق ههههههه تبتدي هالآلام مع الحامل من الثامن

اميرة قلب زوجي
01-31-2010, 09:22 AM
مرحبا اختي

انا اقول لج اعتمدى على الله و اعتمدى على مص طفلك فهو مفيد جدا و يزيد من طول الحلمه و لكن تأكدى من و ضعه فى الوضعيه الصحيحه للرضاعه حتى يستطيع ان يستخرج اكبر كميه من اللبن و تذكر اختى ان الطفل لا يرضع من الحلمه انما يرضع من المنطقه البنيه حولها لذلك لا يؤثر حجم الحلمه تأثيرا كبيرا فى الرضاعه.

بحرينية كلي غلا
01-31-2010, 10:44 AM
السلااااااام بنااااااااااااااات شخباركم من جم يوم احس بزوووع تعبت وخشمي ينزف دم غربال تعبت ثقل يااربي صبرني


الله يسهل علينا ويهون علينا الحمل والطلق والولاده

اميرة قلب زوجي
01-31-2010, 11:34 AM
ما تشوفين شر أختي بحرينيه كلي غلا انتي في اي شهر؟

همـس المشاعـر
01-31-2010, 11:46 AM
زهرالنسرين
يسلمو على المعلومات بس خوفني الكلام الي يقول ان التدليك يسبب ولادة مبكرة
يوم الثلاثاء عندي ان شاءالله راح اسال الدكتورة و اطمن

قمرهم
المشكلة المعرض احسه زحمة من قلب و انا مااحب الاماكن الزحمة مااخذ راحتي فيها
يعني احس ماقدر اشوف شي من الزحمة
بشوف اماكن ثانية و ان شاءالله احصل

بحرينية كلي غلا
اهلين حبيبتي ماعليش شر ان شاءالله يلا هانت راح الكثير و بقى القليل
كلها كم اسبوع و ان شاءالله يكونون البيبي بين احضانج

الله يقومنا بالسلامة و يسهل علينا

قمرهم**
01-31-2010, 01:00 PM
بحرينية خيتو ما تشوفين شر
همس المشاعر ان شاء الله حصلين خيتو
انه شريت لي لحد الحين بيجامتين باقي لي بعد 3 على الأقل

شمس الحق*
01-31-2010, 02:57 PM
مرحبا حوامل البحرين

باركوو لي رحت حللت في مستشفى الامل تحليل دم وطلع ايجابي ...

بس عن جد ما خبرت ولا احد ما عدا زوجي خايفة من يصيدني شئ ...

كيف اتاكد ان حملي طبيعي ؟؟؟

وشنو اسوي الحين ؟؟ المركز الصحي يفتح عيادة الحوامل العصر ؟؟؟
ولو رحت بسوون لي سونار ؟؟؟ عايشة في خوف لاني اشتغل وكل أحس ان الدورة بتنزل علي غير هذا مغص في بطني والم في الثدي ولثتي تعورني ! وما اقدر اروح للاسنان لان اخاف يصير شئ بعدين !

ما علي تحملوني شوي بس الحمل صار بعد انتظااااااااار طوووووووووويل

انتظر ردوركم

zoozo_6
01-31-2010, 03:09 PM
هلا السلام عليكم

شخبااااااااااركم حوامل وكروشات

شمس الحق حبيبتي هذا شي عادي اذا توش حامل بتحسي كأن الدورة بتنزل بس ما تنزل
والافرازات تكثر في الحمل افرازات بيضه ثقيله

اوووو يعني من حامل الي حامل غير حاولي كثر ما تقدرين تريحين روحش ويعني حتى لو رحتين الشغل
حاولي لاتشيلين شي ثقيل ولا تعبين روحش

انه او ما حملت كل تصيدني افرازات عدل كأن الدورة بتنزل بس ما نزلت وكانت دقات قلبي بسرعة ادق ما اقدر

ويعني الحمد الله

الله يتمم اليش على خير

شمس الحق*
01-31-2010, 03:26 PM
مشكووووورة خيتوو طمنتيني

بس ما جوابتي عن المراجعة ؟؟

اروح المركز العصر تفتح مال الحوامل ؟؟؟

وهل اخذ فيتامينات ؟؟

زهر النسرين
01-31-2010, 03:27 PM
بحرينية ما تشوفين شر خيو .. جيكي الضغط اسم الله عليج مرات ارتفاع الضغط يسبب نزيف من الأنف

شمس الحق ألف مبروك على الحمل والله يتمم لج أختي ولا تحاتين ولا توسوين أهم شي النفسية وألم البطن اللي مثل الدورة شي عادي جدا في بداية الحمل وهذا معناته ان الجنين قاعد يتثبت في االرحم
بالنسبة للمراجعة تروحين المركز التابعة له وتودين نتيجة التحليل وتطلبين موعد حوامل (( طبعا الصبح بس ما في عصر )) وبيعطونج الموعد بعيد يعني بعد شهرين أو ثلاثة وتبتدين اتابعين معاهم والسونار بعد مو من أول موعد
بس اذا مستعجلة وتبين تتطمنين على وضعج تقدرين تروحين عيادة خاصة وفي وايد دكاترة ممتازين في هالمجال

زهر النسرين
01-31-2010, 03:38 PM
الفيتامينات والفوليك اسيد جدا مهم في بداية الحمل يحمي الجنين من التشوهات

شمس الحق*
01-31-2010, 03:40 PM
مشكووورة خيتووو زهر بنسرين على الرد

بحاول بكرة اروح اخذ لي موعد في المركز

وبروح اتابع في مستشفى الامل ....

zoozo_6
01-31-2010, 03:46 PM
هلاا

المركز اذا رحتين مجرد بيعطونش موعد والموعد بيكون لما تدخلين الشعر الرابع في الحمل

وحبوب بيعطونش عن تشوه البيبي

اممم اذا تبين تطمنين على البيبي روحي خاص افضل اليش بيسمعونش دقات البيبي ووبيطمنونش احسن

ويمكن يعطونش ابره تثبيت اكثر الخاص يعطون

اني عطوني والحمد الله

بحرينية كلي غلا
01-31-2010, 05:02 PM
اهلين حبايبي الشر ماييكم شكله بو طنان على قولة امي ههههههههه

تعبت احس بطني بينبط يلا الله يصبرنا يااااااااااارب

Alaa 84
01-31-2010, 06:13 PM
مشكورة زهرة النسرين على المعلومات المفيده

بس عالموضوع يخوف و يخليش تحاتين ابي ارضع ولدي طبيعيي

بعد اللحين مو عارفه شسوي ناس اتقول لي سوي تدليك وناس تقول يسبب ولاده مبكرة

يالا بخليها على الله :)

همـس المشاعـر
01-31-2010, 06:21 PM
شمس الحق

الف مبروك و الله يثبته ليش ان شاءالله
بالنسبة لالام الدورة حتى انا في بداية الحمل كنت احس فيها و كنت اقول خلاص شكلها بتنزل بس لما حللت طلعت حامل
وبالنسبة لموعد الحوامل راجعي المركز الي تبعكم طبعا فقط الصباح و بيطلبون بطاقة زوجش و بطاقتش و وورقة التحليل و بيفتحون ليش فايل في الحوامل و بيعطونش موعد لبعد ثلاثة او اربعة اشهر تقريبا
و عن حبوب الفوليك اسيد انا سويت التحليل في المركزتبعنا و بعد ماطلعت النتيجة ايجابية عطوني الحبوب

شمس الحق*
01-31-2010, 06:33 PM
مشكووورين خواتي وما تقصروون

دام المركز يعطي موعد بعد اربعة اشهر عجل نجحت والله

بروح خاص بس للحين محتارة وين اروح ؟؟ عندي بطاقة مالت عيادة الامل

ومرة سمعت عن الامريكي فيه وحدة اسعارها مناسبة بعد

عطوني دكتورة ممتازة وطيبة واسعارها مناسبة بعد بروح اتابع عندها احسن ليي لان ما يصير اطلع ع طول من الشغل !

المشكلة ابي استشير دكتورة عن الفيتامينات اني الفوليك اسيد ادري عنه بس عندي الفيتامينات مالت الحمل ما ادري تعرفونها ولا لا المهم فيها جم فيتامين وفيها نفسه الفوليك اسيد بعد
مكتوب عليها لطول مدة الحمل
بس مرة قريت في المنتديات ان في الاشهر الاولى ما يعطون الا الفوليك اسيد ما يعطون فيتامينات ثانية صح ولا لا ؟؟؟

زهر النسرين
01-31-2010, 07:34 PM
شمس الحق أني أول موعد رحته كان مركز شفاء الجزيرة وكنت في نهاية الثالث فقالت لي الدكتورة خلاص انتي تأخرتين على الفوليك أسيد لأن الفوليك أسيد بس في الثلاث شهور الأولية وعطتني حديد ونوعين من الفيتامينات على شكل فوار وطعمهم حلو على ليمون وللحين مداومة عليهم لأني سألت عنهم دكاترة ثانيين قالوا هاذلين أوكي واصلي عليهم .. الفيتامينات احسها مهمة خاصة للي أكلها تعيس ومو صحي مثل حلاتي

بنت النور 24
01-31-2010, 08:37 PM
بناااات شخباااركم وحشتوني كم يوم ما دخلت ’’

شمس الحق // الف مبروك حبوبه والله يتمم عليج مثل ما قالوا البنات فوليك اسد وفيتامينات مهمه في هذي المراحله روحي مستشفى خاص والدكتوره بتكتب لج وروحي المركز عشان تخذين موعد للشهر الرابع ’’ وما عليج من الالم الدوره طبيعي في بدايه الحمل ,, حاولي ترتاحين على ظهرج ’’

قمرهم**
02-01-2010, 08:49 AM
شمس الحق ألأف ألأف ألأف مبرووووووك روحي للخاص خل يطمنونج اكثر وبتكتب لج الدكتوره فوليك اسد اهو اهم شي وانه كنت باخذ فيتامينات قالت لي الدكتوره لا مو الحين خلج بس على الفوليك اسد يعني افضل تستشيرين الدكتوره حبيبتي

اميرة قلب زوجي
02-01-2010, 09:36 AM
مبروك اختي شمس الحق والله يتمم لج على خير

انا اتابع في مركز شفاء الجزيره عند دكتوره اليما ماشاء الله عليها دكتوره واااايد زينه وعطتني فولك اسد ودوا ثاني بس ناسيه اسمه هذي عباره عن حبوب تثبيت وتقوية الرحم وكل اسبوعين تعطيني ابره للتثبيت لأن انا ولادتي الاولى كانت مبكره في الثامن علشان جذي تاخذ احتياطاتها .

وانا الحين في اخر اسبوع من الشهر الثاني

اميرة قلب زوجي
02-01-2010, 09:38 AM
حبيباتي ابي اسألكم ..

يعني لازم نروح المركز ولا اذا كنا متابعين في الخاص كفايه؟؟؟

ضحك الورد
02-01-2010, 10:14 AM
بنااااااااااااااااااااااات
احس جسمي حار وكان كاتين عليي ماي
اتسبح اتسبح وش الحل ويا هالحرارة وهالماي الي يسبح من جسمي
لا نايمة ولا قاعدة هذا شي طبيعي لو شنوو
ودقات قلبي تزيد
كاني راكضة مليون كيلوو
ويغيب نفسي
هل لاني مصابة بالربو يصيدني هالشيء؟
هل يحتاج اروح المستشفى لو لا

اميرة قلب زوجي
02-01-2010, 10:45 AM
ما تشوفين شر اختي ضحك الورد روحي المستشفى احسن الله لا يقول يمكن ضغطج مرتفع انا اقولج روحي احسن اتطمني على النونو وعلى روحج

قمرهم**
02-01-2010, 11:22 AM
ضحك الورد روحي الدختر اتطمني اذا تحسين روحج مو قادره تتحملين

من اكون في الكون
02-01-2010, 02:40 PM
شمس الحق: الف الف مبروك الحمل وكل الاعراض الي قلتيها مالت الحمل (اصلا اعراض الحمل والدورة متشابهين عددددل فلا تخافين).. شوفي عمري:

لو رحتين المركز (الصبح طبعا مو العصر) بيسوون لج تحليل بول وبيخبرونج اذا حامل او لا.. طبعا مو قسم الحوامل.. لا عادي ويا باقي الاوادم

بعدها لازم تروحين تحجزين موعد عند الكتاب حق قسم الرعاية مال المركز اذا تبين تتابعين عندهم حق فتح ملف حوامل.. وخبري ان لازم تفتحين ملف في مركزج وتروحين لو مرة وحدة.. يعني ما يصير تروحين كل شهر الخاص وخلاص ..

حق فتح الملف بياخذون بيانات عنش وعن زوجش وبيسألون اسئلة وبعدين بيعطونش موعد بعد حوالي شهر.. مو 4 اشهر .. اني اراجع عند المركز والحمدلله مرتاحة وولامرة رحت خاص ولا شي..

كل الي بتسوينه تحليل بول ودم ووزن.. والنبض لما تدشين الرابع.. ويسوون لج سونار بعد مرة وحدة.. فلا تروحين خاص الا اذا مركزكم علة يعني زحمة وبهدلة ..

واذا الحين انتي تاخذين فيتامينات عادي تواصلين عليها.. اني كنت حامل بالشهر الاول وسافرت ايران.. ورحت عيادة هناك (لاني كنت احاتي اتأخر علما ارجع ويعطوني حبوب).. عطوني الفوليك اسيد وملتي فيتامين .. يعني اثنينهم بس تأكدي من نسبهم.. وهو اهم شي الفوليك اسيد طبعا .. داومي عليه في الـ 3 اشهر الاولى..

بحرينية: اظن نزيف الانف واللثة شي عادي اثناء الحمل.. اني لثتي على طول تنزل تفشّل.. والثقل بعد طبيعي .. اني من دشيت السابع ما اقدر امشي خطوتين الا واحس روحي ثقييييلة.. ما عليج شر

ضحك الورد: ما احس الربو له دخل في الي قلتيه.. بس احس ما يستدعي روحة المستشفى.. اصبري شوي وان شالله تروح الحرارة.. وما عليج شر..

قمرهم: ملل احمل كيس الكوتكس بكبره.. يفشّل وياخذ مساحة.. كلها هاند باق.. اني بعتمد على الي بيعطوني اياه وعلى الله.. يبي لي اروح الصيدلية آخذ كريم ميبو للمنطقة الي تحت وغسول .. ومرهم الحلمات..

ويبي لي جان اجيب من الحواج ملح خشن وزعتر ونباتة للبيبي.. ونسيت اشتري بعد صابون غسيل ملابس الاطفال..

اميرة: مثل ما قلت لشمس الحق.. لو مرة وحدة بس تروحين المركز.. يعني لازم يكون عندج فايل في مركزج وبطاقة حمل.. عاد كيفش تالي بتتابعين كل شهر عندهم او لا.. اذا ما رحتين ولا مرة روحي خلاص وتاكدي..

بسألكم: شنو اسم بودرة السرة الي يحطونها على سرة البيبي ؟؟
وشنو يحطون بعد عالسرة؟؟ اظن كحول مادري مسحة طبية.. شسمهم بالانجليزي؟؟ لان يقولون لازم بستخدمهم..

من اكون في الكون
02-01-2010, 03:03 PM
وسؤال ثاني بعد:

غسول المنطقة الحساسة الي يتنقعون فيه شنو احسن نوعية ؟؟

امي تقول لي آخذ سافلون .. انتو جربتوه؟؟ زين والا شلون ؟؟

لاني قريت بالنت يمدحون غسول سيباميد .. بس قلت اذا سافلون زين باخذه لان سيباميد يمكن ضعف سعر السافلون (السيباميد بـ 4 دينار)

zoozo_6
02-01-2010, 03:16 PM
وسؤال ثاني بعد:

غسول المنطقة الحساسة الي يتنقعون فيه شنو احسن نوعية ؟؟

امي تقول لي آخذ سافلون .. انتو جربتوه؟؟ زين والا شلون ؟؟

لاني قريت بالنت يمدحون غسول سيباميد .. بس قلت اذا سافلون زين باخذه لان سيباميد يمكن ضعف سعر السافلون (السيباميد بـ 4 دينار)



هلاا شخباااار

اني بولدي الاولي اخذت ساافلون واايد زين وبااارد يعني اذا تتطهرين ابه على الجرح يعني الخياااط ما بحرق

واذكر اختي اخذت ديتوول الاصلي تخلطه ويااا ما وبيحرق عدل عدل

اما غسول سيباميد يعني ما فكرت فيه

مافي يعني على السافلون امي كل تستخدمه والحين احنااااا

يعني وانتي براحتش

اميرة قلب زوجي
02-01-2010, 04:26 PM
ما في على ساااافلون يريح وايد خصوصا اذا حطيتيه على ماي دافي وقعدتي فيه

اميرة قلب زوجي
02-01-2010, 04:29 PM
اختي من اكون في الكون بالنسبه للكوتكس الي يعطونج اياه المستشفى ما يصلح انا في ولادتي الاولى استغربت ان هذا كوتكس شكله غلط وكأن شاش ملوت مو كوتكس انا انصحج تاخذين كوتكسج الخاص المستشفى واحسن نوع هو اولويز الوردي وايد بيريحج فإنتي وكيفج انا بس حبيت انصحج.

شمس الحق*
02-01-2010, 04:31 PM
من أكون في الكون مشكووورة خيوو على الرد المفصل ...

وبحاول بكرة اروح بعد وش اسوي !

قصدي عن حبوب الفيتامينات سمعت مرة عن حبوب pregnacar اسمه جدي وفيه منه ومن نفسه فوليك اسد ولون الحبة بني ... والكارتون فيه 30 حبة ؟؟؟
منو بنات جربته في الشهور الاولية ابي اجوف رد يطمني من هالحبوب ؟؟

كلامك آلم
02-01-2010, 04:42 PM
سلام بنات البحرين

هلا شمس انا جربته بس ماكلته في الشهور الاوليه

كلته من بدايه الشهر الرابع

همـس المشاعـر
02-01-2010, 05:13 PM
السلام عليكم
ضحك الورد
سلامات حبيبتي و اذا تحسين روحش نعبانة روحي المستشفى احسن
تطمني على نفسش و البيبي

أميرة قلب زوجي
اني زوجة حميي ماكانت تتبابع في اامركز و كانت معتمدة على الخاص
بس انا اقول لو تروحين المركز بعد مايضر شي عشان يفتحون لج فايل

الله يسهل للجميع

ضحك الورد
02-01-2010, 05:39 PM
من أكون في الكون مشكووورة خيوو على الرد المفصل ...

وبحاول بكرة اروح بعد وش اسوي !

قصدي عن حبوب الفيتامينات سمعت مرة عن حبوب pregnacar اسمه جدي وفيه منه ومن نفسه فوليك اسد ولون الحبة بني ... والكارتون فيه 30 حبة ؟؟؟
منو بنات جربته في الشهور الاولية ابي اجوف رد يطمني من هالحبوب ؟؟
مرت حمي تستخدمه
بس المستشفى ما يصرفونه
تلاقينه في صيدلية ناصر
وفي بعد واحد غيره
وهذا اذا بتشربينه تشربينه بروحه لاتشربين ولا غيره بعد
يعني لا فوليك اسيد ولا حديد ولا كالسيوم
ذي الحبة اعتقد فيها 21 فيتامين
وفي ليه كارتونين
واحد ابيض على اخضر
واحد وردي
صح لو غلط
ترى اوكي
بس لازم تواضبين عليه
ولازم يكون عندش غيره اذا خلص عليش

شمس الحق*
02-01-2010, 06:10 PM
مرت حمي تستخدمه
بس المستشفى ما يصرفونه
تلاقينه في صيدلية ناصر
وفي بعد واحد غيره
وهذا اذا بتشربينه تشربينه بروحه لاتشربين ولا غيره بعد
يعني لا فوليك اسيد ولا حديد ولا كالسيوم
ذي الحبة اعتقد فيها 21 فيتامين
وفي ليه كارتونين
واحد ابيض على اخضر
واحد وردي
صح لو غلط
ترى اوكي
بس لازم تواضبين عليه
ولازم يكون عندش غيره اذا خلص عليش


مشكورة خيتو على الرد ...

اي هو اني اخدته من صيدلية بس للحين خايفة اخذه قلت اول بسال دكتورة ...
وهو كارتونه ابيض على برتقالي

وصدق تقريبا فيه 21 فيتامين

بنت النور 24
02-01-2010, 08:53 PM
شمس الحق // انا الي كنت استخدمه كرتونه ابيض وفيه اخط اصفر وفيه 30 حبه بس لازم تستشرين الدكتوره لا تاخذين اي شئ قبل الاستشاره ,, ,,

من اكون // هلا حبوبه بنسبه للكوتكس انصحج تاخذين وياج احسن مالهم كلش كلش مو مريح مثل ماا قالت اميره شاش ملفوف ,, انا بولادتي شار الشاش بالاخياطه وعورني وجااات الممرضه وشالته لي وكنت مفتشله حدي وغير جذي الالموخفت انا العملي تنفتح ,, فقلت هالمره بودي معاي كوتكسي الخاص ,,
والسر فديتج حطي عليه زيت زيتون مع بودره تنباع في الصيدليه ما اعرف اسم الدوا بضبط بس هو بودره ابيض والغرشه صغيره بيضه ,, اسالي الصيدلي بيعطيج معروف عندهم ,,

ضحك الورد // ما تشوفين شر حبيبتي بس لازم تروحين المستشفى يمكن الضغط مرتفع او شئ ما بتخسرين شئ لو رحتى ,,

بنت النور 24
02-01-2010, 08:58 PM
من اكون // نسيت ما جاوبت على سؤال الغسول ’’ خخخخخخخخخخخ
احسن شئ فديتج السافلون بارد وغير جذي معقم قوي استخدميه مع ماي دافي ,,

ضحك الورد
02-01-2010, 09:06 PM
مشكورة خيتو على الرد ...

اي هو اني اخدته من صيدلية بس للحين خايفة اخذه قلت اول بسال دكتورة ...
وهو كارتونه ابيض على برتقالي

وصدق تقريبا فيه 21 فيتامين

هذا زين مو مو زين
زين واجد
والدكتورة راح تقول ليش ما راح نصرفه ليش
اخذيه اول باول من الصيدلية اذا بتواضبين عليه
وبعدين اي دواء تصرفه ليش الدكتورة لاتشربينه عليه
وموفقة خيوو
والكارتون كان ب5 دينار مدري 6
لو ازيد هو غالي

ضحك الورد
02-01-2010, 09:08 PM
ترى مافي يا بنات احسن من السافلون..

وعلى سالفتي اني ما اعتقد الضغط مرتفع
اتوقع نازل
ويالله على الله

فلونة20
02-02-2010, 10:47 AM
حوامل عقبالكم اني ولدت وجبت احلى بنوته وانصحكم كثرو قراءة الادعية والقرآن لتسهيل الولادة
والله يسهل عليكم كلكم يا رب

ضحك الورد
02-02-2010, 11:03 AM
حمد لله على السلامة فلونة وقرت اعيونش بنوتتتش
شو سميتها البدورة
وفي وين ولدتي ويالله علمينا بقصتش يالغلا

اميرة قلب زوجي
02-02-2010, 11:37 AM
الحمد لله على سلامتج اختي فلونه وعقبالنا جميعاً الله يسهل علينا

طيبه واحب الناس
02-02-2010, 11:43 AM
سبحان الله والحمد لله ولا اله الا الله والله اكبر

قمرهم**
02-02-2010, 12:06 PM
فلونه الحمد لله على السلامه وعقبال كلنا الحوامل يقومو بالسلامه
الله يخليها لكم وتتربى بعزكم ننتظر قصص ولادتكملا تبخلون عينا

من اكون في الكون
02-02-2010, 01:40 PM
مشكورات زوزو واميرة عالرد.. عجل بتوكل على الله وباخذ سافلون.. والكوتكس بحمله وياي..

شمس الحق: لا تخافين ترى الي في الصيدلية بعد يفهمون وما يعطون وبس.. ومن اسمه الي عطوج اياه واضح انه خاص للحوامل.. بس حاليا لا تاخذين شي معاه.. لحد ما تتأكدين من الدكتورة..

فلونة: الف الحمدلله عالسلامة خيو.. ولدتي قبلي ها .. تتربى في عزش.. عاد لا تنسين تجين وتخبرينا بكل التفاصيل..

The UNKNOWN
02-02-2010, 02:16 PM
حبيباتي أنا متزوجة من أربع شهور
أبي أعرف أعراض الحمل
شلون تبتدين تشكين إنج حامل
أنا الدورة مفروض تييني تاريخ 5 فبراير
بس صار شي تاريخ 26 يناير
نزل علي شي بني
وصج صج عبالي الدورة
واستغربت إنها مجدمه 10 أيام
أول مرة تصير معاي
بس بعدين اكتشفت ان ما كانت الدورة
قلت يمكن عشان التعب لأني كنت رايحه العمرة
المهم من يومها وأنا أحس بألم الدورة يجي ويروح
وأنا العادة ما ييني ألم
إلا مرة وحده أعرف إنها بتنزل خلاص اليوم
بس هالمرة طول صار له 5 أيام
إي وبعد صدري يألمني من يوم خلصت دورتي اللي طافت
بس أبي أعرف شنو هاي
أدعو لي يا بناااااات
تمللت كل شوي أروح وانتوا بكرامه الحمام أجيك
واقول ان شا الله لا ان شا الله لا
خخخخخخ
دعواتكم بس

قلب الفراشات
02-02-2010, 02:30 PM
آلام الصدر
وآلام الظهر إلي تشبه ألم الدورة
من أعراض الحمل
بس أنا شخصيا ما طلعت علي الأعراض قبل موعد الدورة المفترض

في احتمال انج تكونين حامل
اشتري اختبار الحمل من الصيدلية عشان تتطمنين وتحاسبين على روحج

الله ييسر لج إلي فيه الخير :)

عكراوية
02-02-2010, 06:07 PM
الف الحمدلله على السلامة فلونة
الله يخليها البنوتة الحلوة

همـس المشاعـر
02-02-2010, 07:05 PM
السلام عليكم
فلونة
الف الحمدلله على السلامة و تتربى في عزكم ان شاءالله
عقبالنا ان شاءالله

THE UNKNOWN
اهلين فيش خيو
ان شاءالله تكونين حامل اشتري الجهاز و شيكي في البيت
بس بعد ترى الجهاز مومضمون يعني احيانا اذا الوحدة مايطلع صح
لاتحاتين و توكلي على الله
و عسى الله يقدم لكم الي في خير و صلاح

من اكون في الكون
02-02-2010, 07:11 PM
The UNKNOWN
فعلا الام الدورة والصدر من اعراض الحمل.. واحسن شي تسوينه انج تاخذين جهاز الفحص المنزلي >>> اني اخذته من رامز بـدينار وطلع لي اني حامل.. يعني ما يحتاج تاخذين الغالي ولا شي.. بالذات اذا مو متأخرة الدورة واجد..

الحين انتي تبين حمل والا ما تبين؟؟ الله يكتب لج الي فيه الخير..

بنت النور 24
02-02-2010, 08:42 PM
The UNKNOWN// ان شاء الله حامل فديتج شيكي بختبار الحمل المنزلي واذا ما طلع شكي بدم احسن ’’

فلونه // الحمد لله على السلامه يا الغاليه والله توه امس كنتي على بالي اقول مالها بيان ’’ تتربي بعزكم يارب وربي يجعلها ذريه صالحه باره بوالديها ’’

بنت النور 24
02-02-2010, 08:49 PM
بناااات بسالكم // ساعات وانا نايمه احس بنبض تحت بطني هذا عادي او شنو ما اعتقد انها دقات قلب البيبي لانها بطيئه واحس فيها كنها في الرحم , انتوا بعد جذي او في واحده تحس جذي ’’

وبعد بسااالكم ابي كريمات تبيض للوجه عشان استخدمها في فتره الانفاس احس نفسي اسمريت وشنو احسن صابون للوجه ؟؟؟

leemoon
02-02-2010, 08:53 PM
هلا بناات شخبااركم


فلونة الف الحمد لله على سلامتج وتتربى في عزكم وبانتظار قصتج واسم البنوتة .. عاد بسألج جنج قدمتي عشرة ايام ؟ خوفتيني اخاف انا بعد اقدم احس نفسي مو مستعدة ولادة قبل موعدي ..

ضحك الورد ما تشوفين ش وطمنينا عليج اذا دخلتين بس الحر طبيبعي انا بعد كله اعرق بشكل غير طبيعي لدرجة انه في الجو البارد اسبح مرتين ل3لا مرات يوميا .. يعني ايام الي حر اموت .. الحمد لله ما حملت في الصيف
والضغط النازل انا كا يصيدني بداية الحمل كنت احيانا مرة وحدة يصيدني تعب شديد وما اشوف زين يعني نوع الغمامة او المكان يتحرك علي والراس يا ويلج من المه ما تقدرين تحركينه اقل حركة يألمج كان شوط داخل .. المهم بعدين لما رحت المستشفى طلعت حامل << من جذي عرفت هههه بس طبعا كان الضغط نازل عندي لان كنت العب واراكض واحمل ثقيل ما ادري اني حامل الحمد لله ما صار لي شي

من اكون انا سألت الدكتورة عن الغسول الي استخدمه بعد الولادة قالت لي سافلون ،، شلون الحمل معاج ؟؟ تحسين بقرب الولادة او لا ؟ جهزتي شنطتج ؟ تصدقي انا للحين ما جهزتها


بنات ما قلتون عن اولويز الولادي الا بعد ما خذيت البنفسجي المشكلة اني خذيت من العلب الكبار ثنتين بس انا مجربته زين بس مو قطني ..
المهم انا عندي سؤال انا قلت للدكتورة انها تكتب لي وصفة فيتامينات حق بعد الولادة عشان اشتريه من الصيدلية ويكون عندي جاهز بس قالت انه المستشفى يعطون حديد لكن انا ابي فيتامينات بعد اروح الصيدلية اخذ اي فيتامينات والا في نوع محدد لبعد الولادة ؟

The UNKNOWN
02-03-2010, 08:26 AM
شكراً لكل اللي ردوا
أنا بنتظر بعد يومين لي موعد الدورة
وإذا ما ياتني بسوي اختبار حمل في البيت
لأنها عمرها ما تأخرت علي
بالعكس تجدم يومين أو ثلاثة
بس البارحة وانا نايمة حسيت بألم غريب في صدري
كأنه حرقه ونغزات قوية
وهذي الشي البني اللي نزل ما عرف شنو

من أكون في الكون
إمبله أبي أحمل وما بي الدورة تييني فديتج

مشكورين...

قمرهم**
02-03-2010, 08:45 AM
بنت النور صباح الخير حبيبتي ... النبض خيو هاي ساعات الي تحسينه يمكن البو فاق صاير للياهل انه يصيدني جذي ويروح عقب دقيقه تقريبا احس واضح ........

ليمون خيتو كوني مجهزه اغراضج خلاص انتي باي وقت ممكن تولدين .... انه بدت اتييني آلام نفس الدوره كريهه ...وبالنسبه لأولويز خيتو ما انصحج الا بالقطن افضل للنفاس فيه ورددي واصفر جوفي الانسب لج

leemoon
02-03-2010, 10:01 AM
قخمرهم ايه بجهزهم انا شاء الله بس يبي لي اشتري لنسي اغراض الاستحمام وبس .. واوليز اوكي شكلي بخلي البنفسجي لبعدين وباخذ وردي ثاني .. وشكرا لج عالنصيحة حبيبتي

ضحك الورد
02-03-2010, 10:59 AM
حبيباتي قمرهم وبنت النور
اني سئلت امي وعمتي
قالو ليي هذا يا ايد او ارجول الجاهل تحت ويتحرك يعني متغصصه فيحركها على خفيف يعني يحركها على خفيف وراحته مو بدفاشة

اني باجر بسال دكتورتي وبشوفها ويش اتقول لييي
يمكن بصدق ابو ابو فاق
وتعالو جيفة لكن يصيده ابو فاق من الحين ؟!!!

سبحان الله


اني صراحة بديت احس بافرازات والم الدورة عدل
حتى اشك في روحي بولد
بس اشوف افرازات بدون دم ارتاح
الله يستر
عاطيني ولادتي 26/2
واجد قريب
شلون جدي
يعني من ادش التاسع اولد يعني
الله يسر علينا يا ربي

اميرة قلب زوجي
02-03-2010, 11:01 AM
صباح الخير حبيباتي الحوامل

حبيت بس اصبح عليكم

ضحك الورد
02-03-2010, 11:13 AM
صباح الفل والورد يا الغلا
عساش منيحة

قمرهم**
02-03-2010, 11:38 AM
ما يصير خيتو ضحك الورد 26 / 2 يعني انتي في التاسع قصدج 26 / 3 وابو فاق متأكده منه خيتوووووووو وهالشي سالت الدكتوره عنه قالت ايه يصيدهم البيبي ابو فاق داخل

قمرهم**
02-03-2010, 11:42 AM
ليمون خيتو ولو حاضريييييييييييييييين

قمرهم**
02-03-2010, 12:22 PM
ليمون ما شاء الله ما بقى شي عليج وتولدين عاد مو تنقطعين نفس باقي البنات ونبي قصة ولادتج الله يقومج بالسلامه

leemoon
02-03-2010, 02:35 PM
ضحك الورد ايه يصيدعم ابو فاق انا بنتي وايد يصيدها الظاهر ههه

والام الدورة الحمد لله طمتنتوني مو بس انا << تخاف تولد هههه

اميرة قلب زوجي مسااء الخير والانوار

قمرهم ايه ما باقي شي ان شااء الله ،، بس من اكون بتولد قبلي بعد ما اشوفها دخلت لها كم يوم ان شااء الله تدخل وتطمننا ..

وان شااء الله اتواصل معاكم بس طبعا اول الايام بكون في بيت ابوي يمكن ما ادخل النت وابد ..

ضحك الورد
02-03-2010, 05:00 PM
ما يصير خيتو ضحك الورد 26 / 2 يعني انتي في التاسع قصدج 26 / 3 وابو فاق متأكده منه خيتوووووووو وهالشي سالت الدكتوره عنه قالت ايه يصيدهم البيبي ابو فاق داخل


هكاني اقول اليش الدكتورة هل هي قصدها اني ادش التاسع تاريخ 26/2 واولد 26/3
او قصدها ان اني في التاسع الحين واولد 26/2

باجر بعد موعدي
ان شاء الله خير بقول الى الدكتورة تتاكد ليي

اذا جاهل يصيده ابو فاق يا ليمونه وقمرهم
ما ياثر يعني
وشلون يصيده
سبحان الله

همـس المشاعـر
02-03-2010, 06:29 PM
السلام عليكم
شخباركم يافراشات؟؟؟؟؟

اني امس كان عندي موعد و الحمد طمنوني و كل شي كان اوكي و قالت لي ان البيبي انقلب
بس في البداية خوفتني قالت شكله مو منقلب عدل بس بعد مافحصت عدل قالت لا اووكي الحمدلله
بس هاليومين احس من اوقف لمدة طويلة احس بدورة و احيانا احس بلوعة حتى ساعات ماقدر اكمل الاكل لازم ارتاح لي فترة مع ان امس شيكو الضغط و قالو لي اوكي الضغط

انا واجد احاتي التجهيزات المشكلة السيارة للحين في الكراج لأن الدعمة كانت شوي قوية
و ماقدر اطلع في كل الاوقات :062:
ادعوا ان شاءالله على الاقل تجهز على نهاية هالاسبوع
ابغي اكمل و افتك
كله اخاف اقدم في الولادة و انا للحين ماكملت اغراضي:059:

بنت النور 24
02-03-2010, 07:16 PM
قمرهم // سبحااان الله والله معلومه يديده وفعلا انا بس يصديني دقيهق دقتي ويروح النبض
تسلمين لي يا الغلا على الرد ’’’

ضحك الورد // شفتي اشلون حتى في البطن يصدهم بوفاااق خخخخخخ الله يحفظهم لنا

بنااات شدعوه سالتكم سؤالين محد رد علي الا قمووره وضحوكه ’’ مااابي زعلت منكم

ضحك الورد
02-03-2010, 07:28 PM
بنت النور
اني استخدم صابون لكس مال الاستحمام
الابيض لونه
وبعد صابون الديتول الاصفر
واغسل وجهي 3مرات في نفس الوقت
ويوميا
قعدتي من الصبح ونومتي طبيعة فيني اغسل وجهي


حتى زوجي ساعات يقول لييي انا ابغي اعرف انتين تحطين ليش مكياج حق واه
اقول ليه والله مو مكياج يجي يفرج في وجهي يقول انتين كل يوم تصيرين بيضة حق ويش
على الرغم اني بيضة بس بعد لين اغسل وجهي يبين كاني حاطة بودرة
سري صابوني الديتول والكس
كل يوم اغسل وجهي

جنة الخلود
02-03-2010, 08:07 PM
السلام عليكم اود ان اشاركم خواتي اني ولله الحمد توي حامل من بعد سنتين ونص حمل قبل 6 اشهر بس سقطت والحين الحمدلله حملت وانشاء الله الله يسر لي وللجميع
بس بغيت اسال اني اخر دورة لي 18/11 /2009 والحين يوم رحت المستشفى في بداية كان كلشي اوكي ضربوني ابر تثبيت وقالوا الجنين اوكي بس من اسبوع قالت الدكتورة ان الجنين مايبين مه شي المفروض في الاسبوع العاشر ولايبين من شي ولا قاعد يكبر وخايفة حدييييييييييييي

احد يطمني من اللي عندة تجارب

الضبـــ أميره ـــباب
02-03-2010, 08:36 PM
الله ييسر لكم

Alaa 84
02-03-2010, 09:05 PM
جنه الخلود شلون يعني ما يبين ولا شي من الجاهل و شلون سووا لش الالتراسوند العادي او الداخلي و هل سمعتي صوت نبض القلب لا عاده في الاسابيع يكون صغير ما يبين في الاشعه اللي فوق البطن اهم شي في دقات قلب


بنات ابي حلابيه حليوه اللي عليهم روب وين احصل خاطري في الدانتيل

من اكون في الكون
02-03-2010, 09:31 PM
بنت النور: اييييييي اني بعد احس بهالحركة بالضبط .. حركة منتظمة تحت كأنها نبض.. بس كا فكرت هاي شنو..

بالنسبة للكريمات.. يمدحون واجد كريم أفالون.. ويقولون آمن وما منه خوف.. والاحلى سعره اظن بين الدينار الى 3 دينار باقصى الاحوال.. وممكن لكل المناطق بالجسم بعد.. اني بشتريه ان شالله مع اني ما سمرت. بس الي مو طايقته هو الهالات السوداء احس روحي اخرع

ليمون: من قال ما دخلت من زمان.. امس داخلة خخخ..

اي اولويز البنفسجي خليه لعقب.. واخذي الوردي للبداية لانه اريح.. واني اخذت ماركة كوتكس سوبر ماكسي.. قطني واكبر من الاولويز بس بدون اجنحة.. عندي لج فكرة حق اولويز البنفسجي: هو بكل الاحوال بتحطين ثنتين او 3 كوتكسات حتى.. فخلي البنفسجي آخر وحدة احتياط لو نزفتين واجد لانها فيها اجنحة.. والوردي هي الفوقية كلش لانها قطن..

الحمل متعب واجد باخر التاسع.. ما احس بقرب الولادة بس احس بثقل وان البيبي نازل ويضغط على تحت.. برزت شنطتي مو من زمان يعني اقل من اسبوع صار لي.. ووديت اغراض البيبي بيت ابوي .. جهزوا لي المجلس وحطوا فيه سرير وامي فضت لي كبت فيه ادراج ووديت السلة.. يعني غرفتي وشنطتي جاهزين..

حتى جهزت اغراضي وثيابي الي بوديهم بيت ابوي.. نصيحة برزيهم من وقت عشان من تذكرين شي تحطينه.. يعني حطيت ادق التفاصيل الي بحتاجها.. خلي شنطة سفر مبطلة وحطي البيجامات المناسبة سواء الجدد او اي شي عندش مناسب للرضاعة وعملي لبيت ابوش.. وطبعا حطي كلشي بتحتاجينه من ملابس داخلية واكسسوارات واعشاب وادوات نظافة..

والنفسية بآخر التاسع تصير زفت.. لان كل الي يشوفج يقولح متى بتولدين وما ولدتي وهكذا.. خاطري اقعد في الشقة وما اشوف الناس الي اعرفهم >>> بس ما عليه افتر اشوف اوادم غير هههههه.. هذا واني ما طاف موعدي ولا شي

بالنسبة للفيتامينات اني بعد كنت افكر آخذ.. حبوب الحديد الحين آخذها بس مشكلتها تسبب امساك.. يعني لو استمريت عليها عقب احس بتعب.. امساك وخياطة واجد زحمة..
تقدرين تروحين الصيدلية وتسألينهم عن فيتامينات تناسب المرضع.. وترى بالعكس الفيتامينات مفيدة للبيبي بعد..

The UNKNOWN : اذا دورتج منتظمة وتأخرت لو يوم واحد مع هالاعراض احتمال كبير تكونين حامل.. تصدقين اني كانت جايتني آخر مرة 6-5 .. وجه تاريخ 7-6 وما جتني (وهي كان المفروض تجي 4-6 لانها كل 28 يوم مو لانها تقدّم خيو).. على طول سويت التحليل وطلعت حامل الحمدلله..
ان شالله تجين وتبشرينا بالحمل..

ضحك الورد: اي والله واجد قريب.. وبتكونين ما دخلتين التاسع ترى.. باواخر الثامن.. متأكدة من الموعد؟؟

جنة الخلود: شنو الي ما يبين!! لازم يبين مثل الكرة الصغيرونة حتى من قبل 5 اسابيع.. ينعرف يعني.. الحين الجنين صغيييير ما تبان اعضاءه ولا كأنه انسان استغفر الله.. بس يبان ان في شي بالرحم وتغيرات بالرحم..

آلاء: اذا خاطرش في الدانتيل اتوقع تلاقينه بسهولة عند نعومي .. بس طبعا الاسعار فوق.. باقي الاماكن تلقين عندهم ساتان او تترون ..

Alaa 84
02-03-2010, 09:50 PM
مشكورة من اكون في الكون انا بعد كنت حاطه في بالي نعومي بس غالي مثل ما قلتين قالو ليي في في السعوديه بس وش يوديني السعوديه

خاطري بعد في شرشف السرير يكون حليو قالو ليي من دبنهامز حليون وين في بعد ابي بيج فاتح

امم بعد ابي دلال و صواني حق الضيافه وين احصل حلوين

بببل واجد احتاج اشياء ابي اكمل هالخرابيط

zoozo_6
02-03-2010, 10:54 PM
هلااا شخباااركم كروشااات

وشخباركم حوامل مبتدأت المشوااار

ياله المشوواااااااااااااار طويل

من اكون في الكون
02-03-2010, 11:22 PM
آلاء: اممم شرشف السرير في خيارات واجد.. بيت التنزيلات يجيب فراشات حلوة وخفيفة.. وجان استغليتين الفرصة ورحتين المعرض لان الكل يطلع بفراش.. اني تعجبني فراشات هوم سنتر بعد..

اني ما اخذت لان احس لو اخذت بيطيح في جبدي.. اولا بيكون حق سرير بو نفر الي في بيت ابوي.. فلو اخذته شبسوي فيه عقب؟ بيت ابوي اولردي عندهم فراشات لونها بحري لان عندي 3 اخوان.. فامي حطت لي واحد منهم وخلاص..

وبالنسبة لطقم الدلال اني اشوف مو ضروري واجد.. يعني اذا عندش دلة عدلة خلاص ليش الاسراف.. بس لو ما عندش اني شفت اطقم حلوة عند رويان بس غالية يعني يمكن فوق الـ 40 دينار .. دلتين والفناجين والاستكانات والصينية.. وعندش بعد طبعا فخر البحرين والانوار..

زوزو:هلا بيش خيه.. شخبار النساة وياش.؟؟ وعلى ما قلتين المشوار قدامش طويييييييل .. الله يعينش. وييسر لج..

zoozo_6
02-03-2010, 11:31 PM
الله يسهل عليكم انشاااااااااااااااااااااااء الله

اليي اهني في هل التجمل كلهم ما شاااء الله قريب يولدون

مافي احد يواسيني ويااااااي

ياله نكمل المشوااار بروحنا

اميرة قلب زوجي
02-04-2010, 10:17 AM
صباح الخير حبيباتي

زوزو انتي في الاسبوع الكم؟؟

انا بعد المشوار طويل انا الحين في الاسبوع الثامن.

leemoon
02-04-2010, 11:01 AM
ضحك الورد لا ما يأثر وهذا الشي طبيعي .. والظاهر السبب انه يشرب من السائل الامينوسي .. مو بس تصديهم الحازوقة حتى يتثائبون ومصون ايديهم يعني حركاتهم مثل المواليد الجدد .. يجننون مو ؟

همس المشاعر ان شاء الله تكملينهم .. وانا توني امس مكملة اخر الاغراض شامبو ومعجون وصابون هههه .. وبلالنسبة لوضعية البيبي انا من زمان يقولون لي تحت بس ما ادري انا الحركة عندي تحت بس على الجوانب ما اشوفها تحت في الوسط !!

بنت النوركل شي الا زعلج كم بنت النور عندنا .. بس لحظة ادور سؤالج هههه ايه النبض مثل ما قالت لج قمرهم الاغلب ايو فاق .. وكريمات التبييض ما عندي فكرة اما الصابون انصحج تستشيرين دكتورة اذا كانت بشرتج حساسة .. انا قبل كنت اروح الصيدلية واخذ حتى في انواع غالية ب7 دينار .. بس هالمرة في الحمل طلع لي حب والدكتورة وصفت لي صابون البشرة الحساسة وشكلي باخذها وداوم عليها حتى لبعدين .. المهم مو كل صابونة بتناسبج تناسب غيرج شنو نوعية بشرتج انتي ؟ << كأني وايد تكلمت هههه


جنة الخلود الف مبروك جبيبتي وان شااء الله يتمم لج على خير ولا تخافين انتظري موعدج الي بجي وان شااء الله تتطمنين ..

الاء مثل ما قال لج من اكون في في نعومي وحلوين وايد بس غاليين .. وشرشف السرير بعد في في اماكن التفصيل الي حق البيبي تقدرين تسوين لج طقم

من اكون ههه الظاهر ابي اولدج غصب احين من تغيبين بنشك فيج لان ما باقي شي هههه
وخذيت الوردي حق اول الايام ومثل ما قلتي بخلي على بعض البنفسجي تحت والوردي فوق .. بس الوردي بعد فيه اجنحة !!
اونا بعد وايد اتعب وثقل حتى احس نفسي عجوز اتفشل اذا اقوم من مكاني وزوجي او اخواني او احد يشوفني نفس العحجايز بالضبط اقوم لان رجلي وركبي كله تألمني متى افتتتك .. بس ما احس ان في شي يضغط تحت ..
انا بعد يبي لي اكمل التجهيز .. واكسسوارات تصدقين ما خذيت لي احتاج لاني ريمت الي كانوا عندي كلهم قبل شهر احسهم صارو قدم واحين ابي اروح على الاقل اخذ لي خواتم << ما تقاوم الخواتم هههه
ههههه ما عليج منهم وحتى لو تأخرتي شنو فيها يعني .. انا عندي ناس بسافرون من جذي يقولون لي اولدي بسرعة قبل ما نسافر عشان نلحق
ايه الفيتامينات وايد مفيدة خصوصا هالفترة الوالدة تكون وايد تعبانة وشايااء وابد تنقص من جسمها من جذي قلت ضرور اخذ ..


زوزو وياج اميرة قلب زوجي وشوي شوي بجون ناس وبتزيدون .. الله يتمم لكم على خير

بنت النور 24
02-04-2010, 12:08 PM
ضحك الورد // هلا فديتج لا ما احب صااابون ديتول احس يحرق الوجه انا بشرتي زينه وبيضه بس من الحمل اسمريت وصار لي سواد تحت عيني ’’ مدري يروح بعد الواده او لا وترجع بشرتي مثل اول ’’ في حملي الاولي ما كنت جذي ’’ الله يستر ’’

من اكون // هلا حبوبه بشوف هذااا الكريم بصيدليه وبعد يمدحون بوزلين بشووف الاثنين انا بستخدم الكريم بعد الولاده قلت بقعد 40 يوم في البيت خلني استغل الفرصه بجسمي وبشرتي ’’ ,, تسلمين لي ’’ والله يسهل عليج وما عليج من الناس الي يقولون متى بتولدين للحين ما جه موعدج واصلا البكر وبولد تتاخر واااايد انا كان فيني الطلق من يوم الجمعه ولدت يوم الاثنين تخيلي ’’ عاااااااااااادي بس انتي عليج بالادعيه وقراءه القران والمشي والجماااع ,, والله يتمم على خير ’’

leemon// فديتج انتي والله ’’ اي بسال الدكتوره هالمره عن الصابون انا بشرتي عاديه وكل شئ يناسبني بس من الحمل اسمريت ورقبتي صااارت سمره مدري يروح او لا ما احب نفسي جذي احسن نفسي وسخه على كثر ما اتسبح هههههههه جهزي اغراضج وخلج جاااهزه فديتج وامشي وااايد وعليج بالجماااع بعد وانتي فيج بنت يمكن تجدمين نفس فلونه العاده الحامل ببنت تجدم كم يوم عن موعدهاااا ,, والله يسهل عليج يارب ’’

الاء // لاسينزا مسوين تخفيضات على البيجامات وااايد حلوين روحي شوفي وبالنسبه للفراش كااان فيه بالمعرض وااايد حلوين 6 قطع بعشره دينار ,, بس اللحين تقدرين تروحين المحلات الي تبيع المفارش عندج الجزيره بوكوراه حلوين ’’ واسعار حلوه ’’ وبالنسبه للدلاله عندج الانوار وفخر البحرين وتايلوس في محرق وااايد حلوين بتحصلين كل شئ تبينه ,,

جنه الخلود // المفروض يباان ان فيه جنين داخل الرحم انتظري بعد شهر وروحي سوا مره ثانيه ارتاحي على كثر ما تقدرين وانسدحي على ظهرج والله يتمم عليج يااااااااااااااااارب ’’

زوزو // الله يتمم عليج معاااج اميره والايام تمشي بسرعه غمضي عين وفتحي عين الا دخلتي الرابع ,,

قموره // شخباااارج خيتووو امس رحت مجمع البحرين (( جيااان )) خذت لي بنطلون مال بيجامه بــ 3 دينار من لاسينزا وفي بيجامات على 7 و 6 عجبوني بس ما في مقاسي روووعه بصراحه وكنت باخذ بيجامه عاريه شوي من فووق بعشره كنت ابيها للمستشفى وببلبس تحتها بدي بس بعدين تترددت لاني بروحي ما عندي احد استشيره ’’ وبعدين رحت مذكير الاصلي عندهم 70 الى 75 % تخفيضااات والله تخفيضااات قويه عى 2 دينار و3 دينار بس ما عندهم شئ للنيو بورن بناتي كله مخلصين في بس كبااار من 6 الى 12 والى 18 شهر بس فيه ملابس ولادي حلوووين ونوربورن وعندهم حق ولادي بسنوات حق يسوفي انا اخذت حق ولدي بدله من عندهم ’’
وسناااء بعد مسوين تخفيضااات عندهم ملاحف لبيبي حلوين وكل الاولون بدينااار خذت اصفر وواخضر ’’ حلوين وااايد وناعمين ’’

قمرهم**
02-04-2010, 12:48 PM
بنات شخباركم وشخبار الثقل زوزو واميرة قلب زوجي لا انشاء الله حتى بعد ما نولد

ن\خل نعرف اخبار بعض

ضحك الورد
02-04-2010, 04:21 PM
بنات اليوم كان موعدي
وقالو لييي
بياخذون على تحليل شامل عشان يشوفون ويش فيني وليش الضغط والدم ومدري وش قالت ليي كله ثابت ما يتغير ههه
اني بس مجرد قلت ليها ويش يصيدني وعن الالام
تخربعت الدكتورة ههه
وقالت ليي لين استمرت وياش الالام على طول روحي الطوارى يحطون عليش تخطيط يشوفون يمكن ولادة
قلت ليها ان شاء الله

وبعدين قمت اسولف وياها اقول ليها الجنين يصيديه ابو فاق
الا تقول ليي انتين شتحسين عشان تسالين هالسوال
قلت ليها ساعات احس بنبض تحت يصيدني
الا تقول ليي هذي ارجوله او ايده يحركها اني لما حسيت قلت ليها هكو احس بالنبض
سيدة قامت شافت الا تقول ليي هذي الايد يحركها بالعدال

قلت ليها انزين هو ما يصيده ابو فاق
الا تقول ليي وين احنا قاعدين عشان بيصيده ابو فاق هو ما ياكل ولا شيء
قلت ليها يمكن يشرب من السائل
قالت ليي لا ما يصيده ابو فاق ولا شيء

قالت ليي ان الجنين يسوي حركات المواليد يمص اصبعه يحرك فمه والسانه
بس ان يصيده ابو فاق لا
قلت ليها اوكي

ويعني اليوم الدكتورة الي دشيت عليها واجد حبوبة وطيبه اسولف وياها وكل شيء

وفي حاجة ابغي اقول ليكم فيها
دمي ما يرتفع خير شر
ثابت مو مزحز
على الرغم اكل بقدونس وروب وطماطم وحليب ولبن وكل شيء اكل
بس دمي ما يتغير مافي حاجة ترفع دمي والله هلكت

ضحك الورد
02-04-2010, 04:24 PM
بنت النور اذا انتين سمرانه فيش بنية يمكن
ترى لاتخافين ترى ترجع بشرتش مثل قبل
امي تقول في وحدة قايلة ليها في ناس يطلع ليهم كلف في الوجه ويسمرون وفي الرقبه
تقول اثناء الولادة الوحدة تستحر وتعرق
فالخلق الابيض مال السرير المستشفى مسحي ابه وجهش ورقبتش
يساعد على ازالة الاسمرار

جنة الخلود
02-04-2010, 05:21 PM
مشكوررين حبايبي لكل من رد اني اخذيت اشعه عادية بس القلب موجود الحمدلله بس دعواتكم حبايبي ان الله يسر لي ويتتم علي خير لي والجميع الاخوات

شمس الحق*
02-04-2010, 06:56 PM
اليوم فتحت لي فايل في المركز التابع لمنطقتنا

وعطوني موعد في شهر 4 !

وش يصبرني

ابي اروح اشوف بالاشعة عن حملي فيني فضووول لان للحين مو حاسة بشئ

بكرة فاتحين مستشفى الدولي مثلا ولا الامريكي

افكر اتابع عن د. آمال

بس ابي بمجرد ما اروح تسوي لي فحص وتطمني

باجر الجمعة الصبح فاتحة العيادات الخاصة

انتظر ردودكم لان محتارة اروح الأمل الحين واسوي بس اشعة واطمن وبعدين ارد اقرر عند وحدة اتابع معاها على طول ولا مرة وحدة اقرر ع دكتورة ...

Alaa 84
02-04-2010, 07:03 PM
شمس الحق.. لا تروحين الدولي انا كنت اتابع مع دكتورة امال الى الشهر الرابع بس فقروني هالمستشفى اسعاهم اضعاف المستشفيات الثانيه

جنه الخلود.. انتين اهم شي ترتاحين ولا تحاتين اني بعد بدايه حملي صادتني قصص واجد بس الحمدلله عدت على خير بعه النفسيه لها دور


و مشكوين بنات على اسماء المحلات بروخ اجيكهم بس مو شرط اخذ شرشف حق شخص واحد عادي ابو نفرين اصلا احلى بيكون احس مو مقحط :)

قمرهم**
02-04-2010, 08:05 PM
سالحق الامريي اسعاره زينه خيتو ومفتوح طول الاسبوع عيدة الحوامل انه اتابع هناك خيتو والله يتمم لكم على خير ترا المركز داما جذ ما يبتدون مواعد ماحامل الا لما تدخل رابع ولو انه في وجهة نظري المرحل الاولى مهمه للمتابعه لان الوحده ممكن تمر بمشاكل

قمرهم**
02-04-2010, 08:46 PM
ضحك الورد خخخخخخخخخ تضحك دكتورتج ههههههههههههه من وين هذي ؟ وشسمها الي ما تدري بالدنيا خخخخخخخخخخخخخخخخخخخخخخخخخخخخخ معرف ان البيي تصيده الحازوقه حبيبتي


ومن الحركات الطريفة التي يمكن مراقبتها و التي تبدأ مع الأسبوع التاسع , الحازوقة(Hiccup ) و التي يصاحبها انقباض في الحجاب الحاجز يمكن أن يراقبه الأطباء بحركات البطن والصدر, وعادة تتكرر الحازوقة عند الجنين بفترات زمنية متقاربة و ثابتة ونادرا ما تحدث لمرة واحدة فقط.


هذا سويته لج من موقع طبي يعني من الاسبع التاسع خيتو يبتدي بس ما ينجس فيها الا عقب لما يكبر البيبي
خيتو الببيبي بعد دراسات وايد يقولج اشيا وايد تصيبه نفس ما هو مولود وحتى ينام ويقعد ويحلم ويصيح
ويبتسم ويضحك وان دتورتي قالت لي عكس كلام دكتورتج :) وهذا حملي الثاني وحسيت فيها بحملي الاول وبعد في الثاني الحين ودكتورتي الاولي قالت لي ايه يصير هالشي والحاليه بعد

ترا وايد مواقع طبيه عن حياة الجنين تقدرين توين في قوقل بيطلع لج وحركه ايد البيبي او رجوله يحركهم خيتو بس مو بيكونون بنفس الانتظام وورا بعض متواصله

من اكون في الكون
02-04-2010, 10:07 PM
خخخخ اني بعد اسمع ان البيبي في بطن امه يعطس ويمص فمو غريبة يصيده ابو فاق..

شمس الحق: اني ما اؤيد انج تتابعين في الخاص اذا مركزكم اوكي.. ترى بتفلسين وما يسوى.. صدقيني كل الي تسوينه اشياء تااااافهة مثل فحص البول والدم والوزن والنبض.. على شنو تخسرين.. والسونار ما يحتاج تسوينه واجد اصلا ولاشي.. يكفي مرتين طول فترة الحمل..

سوي سونار عند مستشفى الامل مثل ما قلتي اذا مستعجلة .. وتالي روحي موعدش عادي وتابعي عند المركز.. واذا وصلتي الشهر السادس او السابع روحي بعد الامل او اي مكان سوي سونار.. ووفري فلوسش..

بسألش : مستشفى الامل بكم يسوون السونار؟؟ سمعت ان بـ 10 دينار بس.. وهل يحتاج فتح ملف؟؟

ضحك الورد
02-05-2010, 10:37 AM
ضحك الورد خخخخخخخخخ تضحك دكتورتج ههههههههههههه من وين هذي ؟ وشسمها الي ما تدري بالدنيا خخخخخخخخخخخخخخخخخخخخخخخخخخخخخ معرف ان البيي تصيده الحازوقه حبيبتي


ومن الحركات الطريفة التي يمكن مراقبتها و التي تبدأ مع الأسبوع التاسع , الحازوقة(Hiccup ) و التي يصاحبها انقباض في الحجاب الحاجز يمكن أن يراقبه الأطباء بحركات البطن والصدر, وعادة تتكرر الحازوقة عند الجنين بفترات زمنية متقاربة و ثابتة ونادرا ما تحدث لمرة واحدة فقط.


هذا سويته لج من موقع طبي يعني من الاسبع التاسع خيتو يبتدي بس ما ينجس فيها الا عقب لما يكبر البيبي
خيتو الببيبي بعد دراسات وايد يقولج اشيا وايد تصيبه نفس ما هو مولود وحتى ينام ويقعد ويحلم ويصيح
ويبتسم ويضحك وان دتورتي قالت لي عكس كلام دكتورتج :) وهذا حملي الثاني وحسيت فيها بحملي الاول وبعد في الثاني الحين ودكتورتي الاولي قالت لي ايه يصير هالشي والحاليه بعد

ترا وايد مواقع طبيه عن حياة الجنين تقدرين توين في قوقل بيطلع لج وحركه ايد البيبي او رجوله يحركهم خيتو بس مو بيكونون بنفس الانتظام وورا بعض متواصله
حسبي الله على بليسش يا قمرهم
هههههه
الدكتورة قالت كلي شيء يسويه وهذا شي طبيعي
بس ابو فاق هذا الي مستحيل يصيده بس ما ادري
يمكن الحازوقة تختلف عن ابو فاق
؟!

يمكن يجوز لو قايله ليها الحازوقة تعلمني يعني هذا ويش
بس سامعة مصطلح عامي
اني ابو فاق اسميه : ابو فار أو أحداث مثيره
بس هذي الحازوقة اول مرة اسمع بها^^^^هذا دليل على اني عايشة في عالم غير الناس كل ويا العاميين

ضحك الورد
02-05-2010, 11:28 AM
بنات انقذوني
نزل مني شيء غريب من اشوي
قطعة بيضة على رصاصية مايلة الى الاخضر شو هذا
وشوي اشوي افرازات ياربي سترك
لاتقولون هذي سدادة الرحم

من اكون في الكون
02-05-2010, 02:05 PM
ضحك الورد: خيو سدادة الرحم اظن تكون بيضا وفيها خيوط حمرا.. الي نزل عليش اتوقع مجرد افرازات.. شوفي هالموضوع يوصفون فيه السدادة:

https://alfrasha.maktoob.com/alfrasha13/thread716127/

وفي هالموضوع بعد وحدة حاطة صورتها.. >>> وع

https://alfrasha.maktoob.com/alfrasha13/thread698951/

ان شالله تكون مجرد افرازات.. وعلى فكرة ابو فاق اسمه بعد "الفواق".. عاد ليش ذابحين عمرك بتعرفون الجاهل يصيده او لا.. ترى الجاهل الحين في عالم مجهوووول فيه اسرار ما يعلمها الا الله..

بنات اليوم ان شالله بروح مستشفى الامل.. بروح المغرب ومادري اصلا موجودة دكتورة السونار او لا.. بس لان تعبت نفسيا ابي اتطمن عالبيبي.. السلمانية عاطيني موعد يوم ولادتي!! وبهدلة واااجد ما استحمل..

طبعا بروح اتأكد ان الماي مو قاصر.. لان بطني كلللللله البيبي وصغيرون .. وكم مرة ينزل شوية ماي.. ما ابغي اوسوس بس ابغي اتطمن.. لان حماتي تقول المستشفى ما قالوا لها ان الماي قاصر ولا شي.. ولما جت تولد طلعت ناشفة حدهاااااااا واضطروا يشفطون البنت .. وآخر شي حماتي تأذت من الشفط وما ترقعت المنطقة الي تحت لحد هاليوم.. والبنت راسها شوي كان مخفوس>> بس الحين عادي..

وتقول بالغصب رضوا يولدونها طبيعي .. قالوا لها قيصرية.. يا ربي ما ابغي قيصرية

ادعو لي اليوم الله يطمن قلبي..

D.N Angel
02-05-2010, 02:37 PM
حبيباتي بنات البلد ، حابه اسألكم عن موضوع صار لي 5 شهور من الزواج وما حملت ، اتقول لي الدكتورة " من مستشفى النور التخصصي " المبايض طبيعية ولكن عندي ماء في الحوض ... فحابه استفسر يعني شنو ماء في الحوض؟؟
بعد اعاني من بكتيريا عادية واتعالج منها بمضاد اسمه اجمنتن ، ممكن الله يخليكم تطمنوني؟

إلي تعرف يعني شنو ماء في الحوض تخبرني يعني شنو المقصود الله يجزاها ألف خيير.

من اكون في الكون
02-05-2010, 05:09 PM
D.N Angel

خيتو ليش ما سألتي الدكتورة يعني شنو ماء في الحوض.. هي اخبر .. او اسألي دكتورة مختصة يعني .. لو بالتلفون او النت حتى

همـس المشاعـر
02-05-2010, 06:34 PM
السلام عليكم
ضحك الورد
حاولي تاكلين سبانج يقولون واااااجد زين حتى الكبدة زينة و كثري من اكل الخضروات الورقية(الخس،النعناع،الريحان،جرجير،بقل،بقدونس)

شمس الحق
انا بعد مع من اكون لأن الخاص مابيعطيش شي زيادة يعني الفحوصات الي تحتاجها الحامل في كل زيارة
كلهم نفس بعض يعني تحليل دم و بول و تشييك الضغط و الوزن و هالامور ماتستدعي خاص
و التراساوند مرتين بالكثير ثلاث مرات كفاية خلال فترة الحمل لأن اصلا كثرة مو زين للجنين و يأثر عليه

D.N Angel
اهلين حبيبتي
بالنسبة للسؤال لو سائلة الدكتورة افضل يعني هي عندها معلومات اكثر و بتفيدش اكثر منا
عسى الله يرزقش بالذرية الصالحة

اميرة قلب زوجي
02-06-2010, 10:45 AM
صباح الورد حبيباتي شخباركم وشخبار الحمل وياكم .

بسألكم .. صج ان الروائح الي نشمها تضر الجنين؟؟

انا اليوم شميت ريحه تكرمون خااااايسه حدها وقويه في الشركه الي اشتغل فيها و العمال حصلوا فار ميت ،، فهل الريحه الي شميتها اثرت على النونو او لا؟؟

طمنوني رحم الله والديكم

leemoon
02-06-2010, 11:02 AM
ضحك الورد انا قرات قبل عن افرازات خضرا وهذا ما ادري له علاقة بشنو التهاب او شي المهم روحس الدكتورة وتطمني افضل ولو تبحثر عن الموضوع او تنزلي موضوع استفسار بكون افضل .. وان شااء الله خير

من اكون ان شااء الله كل شي طبيبعي .. وزين تروحس تتطمني وتريحي بالك ..

Dn angel ما عندي فكرة حبيبتي وان شااء الله تجين تبشرينا بحملك

اميرة قلب زوجي انتي ببداية اشهرك يعني انتبهي لنفسك ولو تسألي دكتورة افضل عشان اذا تأثر حتى تطلعين من شغلك .. لان انا سمعت بس ما ادري هالشي طبي او لا ان روائح المواد الكيماوية تأثر بالذات اوائل الاشهر بس لا توسوين وخذي احتياطك اسألي دكتورة .. والله يتمم لك على خير ويقر عينك بشوفة جنينك

leemoon
02-06-2010, 01:58 PM
هلا بنات .. ابي اسألكم شنو فايدة المراخة ؟؟؟
يعني هي بس مساج للارحة يعني شغلها مثل لو اروح صالون لتدليك او لها فوائد ثانية


لان وحدة قالت لي روحي صالون مو لازم مراخة وانا ابي اشوف مثل الشي او لها شي ثاني

قمرهم**
02-06-2010, 07:49 PM
ليمون انه ما قط رحت لمراخه صراحه مادري ان شاء الله البنات يفيدونج
الله يسهل وييسر لج ان شاء الله على خير بديتي العد التنازلي عدل الله يتمملج على خير وتقومين بالسلامه

همـس المشاعـر
02-06-2010, 08:16 PM
هلا بنات .. ابي اسألكم شنو فايدة المراخة ؟؟؟
يعني هي بس مساج للارحة يعني شغلها مثل لو اروح صالون لتدليك او لها فوائد ثانية


لان وحدة قالت لي روحي صالون مو لازم مراخة وانا ابي اشوف مثل الشي او لها شي ثاني

انا بعد عندي نفس السؤال؟؟؟

بنات بسألكم عن المشد و شفاط الحليب هل في ماركة معينة لو كلهم نفس بعض؟؟
و اذا بنستخدم شفاط الحليب شلون راح تكون طريقة الاحتفاظ بالحليب ؟؟

صدى الأحلآم
02-06-2010, 08:52 PM
مرحبا بنات البحرين

اذا ممكن احد يفيدني بخصوض منتجات الاسحمام للطفل

انا قريت عن منتجات واكثر شي كان يمدحون موستيلا ولمن رحت اشتريه طلع مو متواجد بصيدليات اذا احد تعرف تتوفر

وشنو بعد الافضل ياريت احد يفيدني

...

Alaa 84
02-06-2010, 11:40 PM
بنات اليوم رحت نعومي عشان اجوف قمصان النوم حق الولاده جفت واجد حليويين ستن و فيهم دانتيل بس كله ذهبي و الابيض ما في قدي واني كلش خاطي في ابيض فما خذيت شي بالرغم من انهم مخفضين عد


بعد رحت دبنهامز عشان شرشف السرير ما حصلت اللون اللي ابيه بعد :(

رحت ليفز حسيته واجد غالي اجا الستاند عندهم ب 80 دينار بدون التوزيعات و تزين بابا المستشفى اقل شي ب 100 لا شكلي بعلن افلاسي قبل الولاده :(

همـس المشاعـر
02-07-2010, 12:12 AM
قبل كم يوم رحت وصيت على التوزيعات
خليت وحدة تسويهم لي بصراحة حسيت مايسوى اسويهم بروحي لأن راح يكلفني اكثر و مايسوى التعب
سويت 100 حبة بـ 38 دينار مع الكاكاو و البطاقة
حتى الستاند بتأجر من عندها و تقريبا سعره حوالي 7 دينار او اكثر بشوي لمدة 10 ايام
اني ماشيكت المحلات بس احسهم اغلى بكثير من الي يسوون في البيت

Alaa 84
02-07-2010, 12:18 AM
همس المشاعر شلون هذي اللي في البيت وش الاشكال اللي تسويهم

همـس المشاعـر
02-07-2010, 12:37 AM
عندها مجموعة من التشكيلات و عندها بعد صور من اعمالها
تروحين و تشوفين و تختارين الي يعجبش و اذا في بالش شي معين تقدرين تقولين لها و تسوي ليش

قمرهم**
02-07-2010, 08:28 AM
همس المشاعر زين سويتي والله
انه التوزيعات للحين ولا فكرت شنو بسوي ولا فكرت بولا فكره ولا تحركت عليها

بحرينية كلي غلا
02-07-2010, 09:30 AM
اهلييييين بناااااات شخباركم صبااااااح الخير اللهم سهل علينا حملنا وهون علينا الم الطلق وخروج الراس وهون علينا ولادتنا اجمعين يااااااااارب

اميرة قلب زوجي
02-07-2010, 10:50 AM
صباح الورد والفل والياسمين على حوامل البحرين الحلوين

همـس المشاعـر
02-07-2010, 11:02 AM
صباح الخير ياحوامل
قمرهم تصدقين عاد كنت احاتي التوزيعات واجد بس الحمدلله الحين افتكيت و ريحت عمري
الحين باقي علي اكمل اغراضي و تناتيش من اغراض النونو
ابغي بيجامات للنفاس و الرضاعة مو محصلة لكن :(

زهرة التقوى
02-07-2010, 12:20 PM
قبل كم يوم رحت وصيت على التوزيعات
خليت وحدة تسويهم لي بصراحة حسيت مايسوى اسويهم بروحي لأن راح يكلفني اكثر و مايسوى التعب
سويت 100 حبة بـ 38 دينار مع الكاكاو و البطاقة
حتى الستاند بتأجر من عندها و تقريبا سعره حوالي 7 دينار او اكثر بشوي لمدة 10 ايام
اني ماشيكت المحلات بس احسهم اغلى بكثير من الي يسوون في البيت

وااااااااايد حلو السعر
أني بخلي خواتي اسوونهم لي
بس شجعتيني اروح ليها واشوف اللي عندها

خيو همس كم رقم تلفونها

زهرة التقوى
02-07-2010, 12:27 PM
حوامل ليش ما تكتبون شنو بتسمون البيبي

عن نفسي لين الحين ما عرفت شنو فيني ولد او بنت

فإذا بنت إن شاء الله هدى
و إذا ولد أيمن

لكن زوجي يبي اسماء غير هذي
يبي البنت ولاء
و الولد صادق

و اهو تنازل لي
لأنه هو اللي سمى الولد الاول " قسوم البطل"

قمرهم**
02-07-2010, 12:30 PM
انه محتارة بين اسم فارس او فراس ؟؟ بنات بس للحين ما رسيت على بر عطوني رايكم

شمس الحق*
02-07-2010, 02:02 PM
قمرهم .. عندي اسم فراس واجد احلى في النطق ونغمته احلى من فارس

اممم اني هذا اول حمل ومن جدي خايفة وما ادري بوضعي لحد الحين

عندي سؤال بنات امس خربطني موقع في كيفية حساب الحمل اني اخر دورة جتني 25-12-2009
الحين اني بالاسبوع السادس له ؟؟؟
بس لحد الحين ما ظهرت علي لا اعراض ولا شئ بس ألم بالثدي احسه اذا انام على جهة يمين ولا يسار ...


Content Relevant URLs by vBSEO 3.6.0