المساعد الشخصي الرقمي

مشاهدة النسخة كاملة : حوامل البحرين حياكم معانا



الصفحات : 1 2 3 4 5 6 7 8 [9] 10 11 12 13 14 15 16

ضحك الورد
01-08-2010, 07:07 PM
بنات يقولون لين ولدنا بالسلامة الله يجيب هاليوم
يبون اوراق واثباتات
فلازم نوديها المستشفى
وش هذي الاوراق ؟!!!
الي انوديها

زهر النسرين
01-08-2010, 07:33 PM
هلا ضحك الورد
أنا في ولاداتي ما آخذ إلا بطاقة المركز
وما يسألوني عن شي ثاني
طبعا لازم تكون البطاقة السكانية لج ولزوجج موجودة بعد
باقي الشغلات بعدين زوجي يتكفل فيها لتسجيل الاسم واصدار البطاقة والذي منو

من اكون في الكون
01-08-2010, 09:39 PM
هلا حبوبات وشخباركم..

اي والله يا زهر النسرين اني عندي السادس احلى شهر بس كان طويييييييييل.. السابع زين بس بدا الثقل .. عاد من يجي الثامن يجي تكسير الظهر ويزيد الترفيس خخخخخخخ..

وبالنسبة للتوزيعات اني بعد مليييييييييت من كثر ما اشوف الازرق والوردي.. فالالوان الي استخدمتها للستاند ازرق واخضر وبرتقالي.. والتوزيعات نفسها جذي الوانها تقريبا.. هو حتى لو التوزيعة زرقا .. المهم ان تكسرين اللون مو مثل الي نشوفه كلشي ازرق في ازرق.. يعني الشريطة والبطاقة والكاكو الوانهم تكون مختلفة مو بعد زرقا !! ومثل الشي الوردي..

اممم حلو الثيم يكون حيوان مثلا زرافة.. امووووت في الزرافة.. سواء بالنسبة للتوزيعة او تستخدمين نقشتها.. الخنفسانة شفت وحدة مسوية شي جذي بالمستشفى للولادة وما انصح تكررين فكرة احد >> ما تطيق احد يسوي مثلها.. وثاني شي الاحمر والاسود قوي شوي بالنسبة لهالمناسبة..

وبالنسبة للاوراق زين ذكرتيني ببطاقة المركز..

امي تقول لي ابرز شنطة الولادة من الحين.. يعني الي بوديها وياي المستشفى.. اني اقول توها الناس يعني احتمال ضعيييييييف اني اولد بداية التاسع.. شرايكم؟؟

فلونة20
01-08-2010, 10:19 PM
اهو افضل تجهزينها من وقت مو خسرانة شي ..وبعدين اذا نسيتين شي تتذكرينه بسرعة وتحطينه بالشنطة..اني من ناحيتي خلصت ترتيبات الشنطتين شنطتي وشنطة البيبي,,

فلونة20
01-08-2010, 10:26 PM
بالنسبة للتوزيعات زوجي اخذ الاشكال من السعودية بس يبي لهم الجوكليت والقش والبطاقة قلت اذا صار عندي وقت بسويهم ..او بوديهم لوحده تنسقهم وفي نفس الوقت بتأجر لستاند ..

من اكون في الكون
01-08-2010, 11:43 PM
ليش لازم شنطتين؟؟ اني قلت شنطة وحدة هاند باق ليي وليه .. لان عبالة شنطتين احس..

بس بنفس الوقت يمكن انظم الشنطتين صح؟

القش تلقينه في الانوار موجود.. اني افضّل كور الفلين على القش .. انعم احس.. اذا بتملين شي يعني حطي من تحت الكور بدل القش..

طبعا انصحش انتي تسوينهم ويا احد قريب يعني.. اني بسويهم مع حماتي.. شريت كلشي تقريبا باقي الكاكو.. حتى الستاند اني سويته.. ارخص بوااااااااجد من انج تودينهم لاحد.. وترى ما يبي له شي هو تلصيق بس خخخخ .. كم شريطة والبطاقات تطبعينهم والكاكو تلصقينه او تعبين التوزيعات..

زهر النسرين
01-09-2010, 12:23 AM
من اكون هلا والله شخبارج ويا الثقل ؟؟ حلوة فكرة الزرافة عجبتني وايد وتناسب ولد او بنت وكان في بالي بعد الخرفان ( شون ذا شيب ) ولادي يحبونه هالكارتون .. توه الناس يمديني أفكر وأقرر وفعلا على ما قلتين ألوان الخنفسانة غامقين خاصة وأنا ناوية البس البيبي ألوان مقاربة للشخصية أو الشكل اللي أختاره وغيير أن الأحمر غامق وبعد ما يناسب ولد .. اشرايكم بالنحلة أو أرنب ويكون لونه بنفسجي فاتح لأني مثل ما قلت ما أبي لا أزرق ولا وردي ..
وبالنسبة للشنطة بدي من ألحين جهزي فيها وكل ما تذكرين شي حطيه مثل ما قالت فلونة .. هو صج البكر تتأخر بس اخذي احتياطج احسن يعد .

فلونة افتكيتين من سالفة شراء التوزيعات والباقي سهل .. يعني التزيين أمره هين خصصي أسبوع وخلي أحد يساعدج في هالمهمة خواتج أو حمواتج ..

زهر النسرين
01-09-2010, 12:29 AM
بنات بسألكم في بالي هالمرة بعد النفاس أفكر أجرب الدلكة السودانية أحد منكم جربها ؟؟؟؟؟
وشالفرق بينها وبين الحمام المغربي .. جربت من قبل المغربي والحمام الايراني وقلت هالمرة أشوف أجرب الدلكة ؟؟؟
اللي جربتها أو سمعت عنها تخبرني

leemoon
01-09-2010, 10:35 AM
هلا بناات .. شخبااركم وشنو اخر التطورات معاكم ؟؟

بالنسبة لي تعب واذا اكل تجيني لوعة :(


بالنسبة للشنطة بجهزها اذا دخلت التاسع ان شاء الله ..


بنات ابي اسالكم شنو بتلبسون في المستشفى لللحين ما خذيت لي شي وما ادري شنو اخذ

من اكون اذا تبين سونار في مستشفى الامل ب10 دينار .. بعد مثل سعر مستشفى الشفاء بس دكتورة ..

من اكون في الكون
01-09-2010, 11:52 AM
حلو الارنب والنحلة زهرة النسرين.. والنحلة صفرا يعني ما يحتاجين تتعنين وتبحثين عن لون غير.. الارنب كشخة بعد وبتلاقين اشياء متعلقة به اكثر..

اني شفت توزيعات نحلة حلوووة بالنت.. بالبحرين بعد مسوينها.. عاد مو لاقية الصورة فيها نحلة صغيرونة مجودة علبة زجاجية صغيرة فيها عسل.. عاد مو لازم انتي تحطين عسل..

شوفي اذا تبين اشياء كيوت للافكار والبطاقات كتبي في قوقل:

baby shower + bunny
baby shower + bee
baby shower + giraffee

وهكذا .. يعني اول كلمة بيبي شاور (حفلات المواليد مال الاجانب) والثانية حق الشي الي ببالج.. فاول وحدة كتبت لج ارنب والثانية نحلة والثالثة زرافة .. وروحي على طول الصور مو لازم المواضيع .. افكارهم ناعمة وتجنن وحتى البطاقات.. مو مثلنا دفااااااااشة وزري وتور وفرو وقش في التوزيعة الوحدة..

بالنسبة للدلكة اني سمعت عنها عاد نسيت بأي صالون يسوونها .. بالمنتديات يمدحونها بس ما جربتها ولا اعرف احد جربها.. اني فكرت اروح صالون لالونا واختار باقة من عروضهم الي اشياء وااااااجد بـ 15 دينار.. وبصبغ شعري ان شالله بصالون ثاني.. يمدحون صالون بلودان الي في المعارض اظن يم جسميز.. يقولون في وحدة اسمها سوسن الماي هاي فنااااااانة بالشعر..

leemon : هلا خيو .. شوفي بالعادة يلبسون بيجاما لونها فاتح وقماشها خفيف مثل تيترون يعني .. ولج الخيار البيجاما دشداشة او قطعتين.. اني احس قطعتين عملية اكثر للمستشفى اذا بتتحركين وتعدلين روحش لا تتشلح ثيابش خخخخ.. بس الدشاديش اكشخ طبعا (اتكلم عن موديل حليو مو اي هرار)..

اني قلت باخذ بيجاما ام قطعتين للمستشفى ولبيت ابوي دشداشة وروب طقم.. وترى ما في شي محدد كل وحدة والي يريحها.. يعني الي اشوفها يلبسون اي شي .. بيجاما عادية مالت نوم.. سروال وفانيلة .. قلت مادري البس جينز وبلوزة هههههه ..

ويقولون بالمستشفى حلو واجد لو تلبسين ابيض >> لان بعد الولادة كأنش انولدتين من جديد وذنوبش كلها تنمحى خخخخخ

انزين بسألش: مستشفى الأمل لازم فتح ملف والا شلون؟؟ يعني الـ 10 شاملة فتح الملف والا بدون.؟؟

leemoon
01-09-2010, 12:30 PM
من اكون بالنسبة للسوسن الماي تعرفين اسعارها لصبغ الشعر كم تقريبا ؟؟

وبالنسبة للمستشفى انا بعد كنت افكر في الابيض احسه حلو ومناسب للمستشفى .. بس تعرفين البنطلون بسرعة يبين فيه شي لو صاار عليه دم او اي شي .. وانا مالبس دشاديش ما ادري ليش ما احبهم هههه مع ان في كشخة بس ما احبهم ومتحيرة بس يمكن اخر شي اخذ منهم .. وفي شي مهم لازم تاخذين شي دافي وايد لان الوالدة تبرد حتى في الصيف شلون بالشتا واعتقد السنة شتانا متاخر شوي ..

وانا في بيت ابوي اخذت للحين بجامتين او ثلاث بعدين بروح اشوفهم هههه وباخذ بعد فساتين للضيوف .. وبس


مسشتفى الامل مو لازم فتح فايل كامل ب10 للالتروساوند بس لازم يسوون لج بطاقة بدينار ونص اذا عندج قبل مو لازم ..
بس ما اعرف للدكتورة وشطارتها احس اني مو واثقة فيها وايد .. وبالتوفيق لج

ضحك الورد
01-09-2010, 12:44 PM
هلا ضحك الورد
أنا في ولاداتي ما آخذ إلا بطاقة المركز
وما يسألوني عن شي ثاني
طبعا لازم تكون البطاقة السكانية لج ولزوجج موجودة بعد
باقي الشغلات بعدين زوجي يتكفل فيها لتسجيل الاسم واصدار البطاقة والذي منو
انزين
الاوراق الي يتكفل ابها الزوج وش هي تكون مثلا

انزين مثلا بطاقة المركز يقبلون ابها اي مستشفى مثلا لو قريب ولادتي ما صار مثلا السلمانية زوجي وداني اقرب مستشفى
ياخذوني على بطاقة المركز عادي لو لازم اروح مستشفى السلمانية مثلا

زهر النسرين
01-09-2010, 02:46 PM
من اكون
مشكورة بفضي روحي اليوم أعسعس في قوقل وعلي بس جمع الصور وأعطيهم أختي وعليها التنفيذ وأختي ما شاء الله شاطرة حتى الستاندات تسويهم .

ليمون
هلا فيج أختي .. الله يعينج على هالثقل .. بالنسبة للبس في المستشفى أنا ما أحب الرسميات والكشخة الزايدة عن اللزوم .. أحب الملابس تكون عملية ومريحة يعني مثل ما قالت من أكون دشداشة أو بيجاما وفي منهم شغلات مريحة وراقية في نفس الوقت .. بس أهم شي حطي في بالج أنها تكون مفتوحة من جدام فتحة مناسبة للرضاعة وفي دشاديش أو جلابيات قطعتين قطعة خفيفة بدون جم وفوقها مثل الروب تلبسينه على القطعة الأولى إذا كان عندج زوار أو ضيوف .

ضحك الورد
أني على طول أروح السلمانية أول وبعدين هم يحولوني بحسب الحالة ويخيروني على كيفج إذا تحبين تروحين المحرق أو جدحفص .. بس من صادتني عملية قيصرية ألحين خلاص من أروح السلمانية يحجزوني عندهم .. المهم أتوقع إنه عادي لو رحتين أي مركز بيستقبلونج .. وبالنسبة للأوراق سألت زوجي يقول في المستشفى ما يطلبون أوراق أو شغلات بالنسبة لتسجيل اسم المولود بس إستمارة تملينها وبعدين إصدار شهادة ميلاد أول شي بيحتاجون جوازاتكم وعقد الزواج أعتقد ..

همـس المشاعـر
01-09-2010, 06:46 PM
السلام عليكم
شخباركم حوامل؟؟؟؟؟؟؟؟؟

بالنسبة للثياب النفاس اني للحين مابديت فيهم بس يمكن ماشتري لي دشاديش باخذ بيجامات الي يجون قطعتين
شنو المحلات الي تنصحوني فيها يبيعون بيجامات حلوة و باسعار مناسبة؟؟
قلت يمكن اروح ماكس و سناء يمكن احصل شي
اما عن التوزيعات انا للحين مابديت فيهم و ان شاءالله ببدي فيهم في عطلة الربيع عقب مااكمل الجامعة
و بخلي اختي و حماتي يساعدوني فيهم
من أكون اني بعد بس مرة في السادس سويت التراساوند و قالو لي ولد و خلاص و قلت يلا باخذ الاشياء معظمها محايد
بس مادري من اروح اشتري انجذب صوب ثياب الاولاد و اخاف تالي تطلع بنوتة و يطيحون في جبدي...
بس سمعت يقولون ان الولد مايغلطون في يعني اذا قالو ولد باذن الله راح يطلع ولد بس البنية في احتمال تطلع صبي والله هوالعالم

حلاوة رمضان ياهلا و مرحبا فيج معانا و الله يقومش بالسلامة ان شاءالله

leemoon
01-09-2010, 07:04 PM
زهر النسرين ويعينج ويسهل عليج .. وانا بعد احب تكون عملية ومريحة واهم شي ناعمة مو مليانة اشيااء وغير مريحة ..

همس المشاعر عادي حتى الولد يغلطون فيه ..يعني الاثنين يغلطون فيهم ;)

فلونة20
01-09-2010, 08:59 PM
اليوم وديت التشكيلات لوحده وقالت بتسويهم لي ..بالنسبة للمساعدة كلش محد عنده وقت صاير فترة امتحانات والكل مشغول فما امبي اضايق احد..وديتهم لوحده خلال اسبوعين يجهزون وقلت بعد بودي لها جوكليت سبشل ولستاند بس عليها تنسقهم..

فلونة20
01-09-2010, 09:22 PM
زوجي راح لاريسا يجوف الكاكو طلع الكاكو لسويسري الكيلو ب15 ليش؟؟ مو كأن واايد والكيلو فيه 42 قطعة؟؟

ما تعرفون مكان يبيع كاكو حلو وسعره معقول؟؟؟؟؟؟ لان التشكيلات 144 حبة فيبي لها كيلوين ونص من الكاكو ؟؟

زهر النسرين
01-10-2010, 12:07 AM
بس سمعت يقولون ان الولد مايغلطون في يعني اذا قالو ولد باذن الله راح يطلع ولد بس البنية في احتمال تطلع صبي والله هوالعالم



حرام عليج هموسة جذيه تحطميني بهالكلام :074:
أني قالت لي الدكتورة أنه ولد وعندي للحين أمل كبير إنها تكون غلطانة .. خاطري في البنوتة يا ربي

على العموم أختي قالو لها طول حملها ولد .. يمكن سوت ألترا ساوند مرتين أو ثلاث وكله يقولون ولد .. بعدين طلع بنت :020:
بعد بكرة عندي ألترا ساوند بنات أدعوا لي تكون بنوتة :044:

دموع البحرين
01-10-2010, 12:09 AM
السلام عليكم

آنا جديدة في المنتدي انشالله تقبلوني

صار لي 4 شهور حمل

قمرهم**
01-10-2010, 08:53 AM
صباح الخير بنااااااااااااااات شخباررررررررركم

همـس المشاعـر
01-10-2010, 09:13 AM
ليمون
كل شي جايز انا هذا الكلام سامعتنه فمو متأكدة

زهرالنسرين
لا تاخذين على كلامي واجد فاحتمال الخطأ وارد في جميع الحالات
ان شاءالله تطلع لج بنوته و تفرحين فيها و تشوفينها عرووووووس

دموع البحرين
يلا هلافيج حبيبتي الله يثبته لج ان شاءالله

قمرهم
صبااااح النوووور
انا بقوم اراجع باجر علي امتحان ادعوا لي اسوي زين و الله يقضي عني هالفترة بخير

قمرهم**
01-10-2010, 09:55 AM
الله يوفقج همس المشاعر خيتو

بنت النور 24
01-10-2010, 09:57 AM
صبااااح الخير بنوتااااات شخباااركم ’’

همس المشاعر // الله يوفقج ان شاء الله ’’
زهره النسرين // ان شاء الله تطلع بنت يااااارب وتقر عينج بشوفتها ’’’
دموع البحرين // هلا اختى منوره والله يتمم عليج وعلينا
قمرهم // صبااااح الورد
فلونه // وااايد غالي شوفي كذااا محل حلويات وقارني الاسعار والطعم ’’

قمرهم**
01-10-2010, 10:06 AM
بنت النور يا هلا وغلا فيج حبيبتي شلوووووووووووونج يالحلوه وحشتيني

أمــ((فراشة))سعود
01-10-2010, 11:59 AM
مساء الخير بنات شخباركم...

من اكون في الكون... هلا فيج لا والله ما خلصت اغراضي لحين ههههههه..

بنت النور 24 ,, والله حق نفسي ما شريت ولا شي مو عارفه شنوو اشتري وحق البيبي ما بقى الا الاشياء البسيطه المفارش والقماطات امممممممم مادري الحين مو متذكرة شي واول ما خلص بعرضهم لكم عشان اشوفون شنووو الناقص علي:)

انا بعد ودي عقب ما اولد اسوي الدلكة السودانيه بس ابي اعرف احد امجربها:)

ضحك الورد
01-10-2010, 01:36 PM
الدلكة السودانية يعني وااه

من اكون في الكون
01-10-2010, 02:19 PM
leemon: لا الصراحة ما عندي فكرة.. بس اكيد غالي.. يعني يمكن ارخص شي 30 دينار.. والله اعلم.. يبي لنا نسأل.. طبعا قبل ما اروح اصبغ بتصل اسأل عن السعر حق طول شعري وحجمه .. تقدرين تتصلين اي وقت بعد..

مو تكثرين بيجامات واجد بالذات اذا عقب ما بتلبسينهم.. وترى الناس مب بيجونش الا اول 3 ايام في احسن الاحوال.. وما فهمت يعني شنو فساتين للضيوف؟؟

وصح لازم نحمل شي دافي مثلا جاكيت او لحاف احتياط.. اني صايرة حرورة حدي بالحمل فبحمل شي بسيط كلش احتياط في الشنطة .. اصلا احس بنعرّق ونستحر لان نبذل جهد خخخخخخخخ..

وجان على التوصخ في كل الاحوال راح يبان سواء ابيض او بحري او بيج او وردي.. الدم يبين على طول.. فالابيض احسن من رايي.. والمهم تلبسين كوتكس كبير حجمه عشان ما تتوسخين .. واولردي ما بتقومين من مكانش على سرير المستشفى فمحد بيشوف خخخخخ..

بالنسبة لمستشفى الامل: عاد اذا في الشهر التاسع وما عرفت جنس الجنين هاي مأساة خخخخخخخخ!!

من اكون في الكون
01-10-2010, 02:40 PM
همس المشاعر: ايوة عندش ماكس وسناء واجد تمام.. واني اقول بعد بيجامات ابو قطعتين عمليين اكثر.. وزين سويتين اخذتين كله محايد.. يا خراب بيتي لو طلعت بنت..

ان شالله بروح مستشفى الامل وبتأكد.. بالغصب زوجي رضى .. وبعده متردد يقول ما له داعي وشبتسوين اصلا لو طلعت بنت .. كلشي اشتريته وخلاص خخخخخخخ.. بس خااااااااااطري اشوف ولدي وشكله ووزنه.. احس صار كبييير لان بالتاسع هعهعهع..

والله يوفقش في الامتحان يااااااااااااااارب

فلونة: تصدقين زين ما رحت لاريسا.. رحت ويا زوجي قبل ليلتين بوكوارة وكان فاتح وقلت له بروح خمس دوائر اول خخخ.. ما صارت 9 الا رحنا ليه .. صك المحل!! اني عبالي الكيلو 70 حبة وبـ 12 دينار.. الا بنت عمي تقول لي لا الكيلو بـ 18 تقريبا ..فقلت زين ما رحت وتفشلت خخخخخخ >>> ناكل الكاكو ونمشي

فشكلي بروح جناحي.. عاد ليش توزيعاتش 144 حبة!!!!!! واااااااااااجد.. احنا صح يجونا ناس واجد بالولادة بس احس 100 كفاية .. اني صاروا لي 115 حبة.. و45 منهم للجهال باخذ حلاوة مو كاكو.. يعني احتاج 70 حبة بالضبط ..

دموع البحرين: يا هلا والله فيش.. شخبارش؟؟ ها رحتين موعدش وسمعتين دقات قلب البيبي؟؟

زهر النسرين: اني اقول لا تحطين آمال واجد على احتمال ضعيف.. صح ممكن يكون غلط وكلشي وارد.. بس احس احتمال الخطأ بالنسبة للولد كلش بسيط.. بس احس انج للحين متخيلة انها بنوتة وغارفة في الاحلام.. عالاقل حطي في بالش ان للحين ما عرفتين .. واخذي محايد .. وتالي السونار بيحسمها..>> اعذريني بس مابيش تتحطمين.. حاسة فيش..

ضحك الورد: الدلكة السودانية هي خلطة يعني مجموعة اعشاب ومواد يستخدمونها لتنظيف بشرة الجسم.. يعني مثل الحمام المغربي وطخته.. تشيل القشور والجلد الميت وتنعم الجسم >> بالذات فوق الافخاذ.. لان هالمنطقة بتكون حدها متحكرة وقت النفاس.. عاد مو واجد صالونات يسوونها عندنا.. شي جديد يعني..

فلونة20
01-10-2010, 03:26 PM
خيوو عائلة زوجي ما يخلوون يجوون في كل مناسبة وايد يتواصلون..وما شاء الله عائلة كبيره..وعائلتي بعد كبيره فيبي لهم هالكثر طبعا ما بحطهم مره وحده عشان لا تصير لعبه بحط كمية كمية..

دلوعه بو عيالي
01-10-2010, 04:03 PM
هلا والله اختي فلونة20 بس بقيت اقولج اتي امس انا طرشت زوجي ياخذ من لاريسا الكيلوو 15 دينار وشرالي منه الكيلوو فيه 67 حبه طلع فيه خوفتيني ورحت حسبتهم 3 مرات قلت يمكن فيهم 42 و بعد نقصني بروح اخذمنه نص كيلوو بس لذيذ خخخخ موفقه حبيبتي

فلونة20
01-10-2010, 09:54 PM
الكاكو جاي انواع زوجي اللي جافه يقول كلش سبشل و42 حبه ب15 وفيه ب18

اني صراحة خذيت الكاكو من وحده تقول ان سويسري وصراحه طعمة وااايد لذيذ وداخله مكسرات قلت لها متأكده سويسري قالت لي اي اذا تبين تعرفين اللبناني بس تصيده حرارة 16 او 18 يخترب ويتغير طعمه لسويسري ما يتغير طعمه..وحسبت لي من كل الاشكال اللي عندها وطلع لي الكيلوين ب13 ونص بس ..وخيوو ترى لاريسا معظم الكاكو اللي عنده لبناني بس كله يقولون سويسري؟؟؟!!!مو بس هو كل المحلات يقولون سويسري وهو لبناني او سوري!!!ولا تنسوون ان الكيلو يحسبون معاه اجرة المحل واجرة الربح فيصير دبل ويبيعونكم اياه ب18 او 15 !!!

اني عادي عندي لبناني او سويسري بس اهم شي الطعم وان يكوون فرش مو محزر..

ووهذي صفحة اللي شريت من عندها الكاكوو

Flickr: طھظ†ط³ظٹظ‚ط§طھ ط§ظ… ظ…ظ„ط§ظƒ's Photostream (https://www.flickr.com/photos/um_malak/page4/)

دموع البحرين
01-10-2010, 11:28 PM
هلا اخواتي شكرا لكم

اختي من اكون اي رحت وسمعت وموعدي الجاي نهاية الشهر
رحت مستشفى الهلال وسويت سونار قالو لي توا صغير مايبان
وعلى فكرة طلع عندي سكر وموعارفة شنو اسوي المركز الصحي بيقول فيج والهلال يقول لا مافي:062:

قمرهم**
01-11-2010, 08:34 AM
صباح الخير بنات .... بنات رحت بي اتش اس الي في السيف والله عنده بيجامات حلوين للنفاس وعملين الي زراراتهم من جدام ...

الي تقدر تفيدني بعد وين احصل هالبيجامات تقوليي .... لان ابي اكمام طويله وقطنين مو حارين عشان البسهم في المستشفى حتى لو زاروني ريايل يكون بس شيلتي علي ما اظطر البس شي....
وبالنسبه للأسواق هالايام تخفيضت ... الي راحت مكان وتحس فيه اشيا تسوا واسعارها زينه تقول لنا ...
وشلون عن تخفيضات مذركير الي في السيف ؟؟

خيتو فلونه يا ريت تعطيني رقم الي شريتي منها الكاو على الخاص ما عليج امر بس فرقي الارقام عشان لا ينحذف خخخخخ

قمرهم**
01-11-2010, 10:02 AM
للرفع

من اكون في الكون
01-11-2010, 11:29 AM
والله وايد زين السعر يا فلونة.. عاد شلون ذقتيه؟؟ رحتي بيتهم؟؟

قمرهم ترى رقمها موجود.. روحي اول صفحة في الفلكر.. وشوفي آآآآآآخر صورة بالعمود اليمين حاطة رقمها..

بالنسبة للبيجامات اني اخذت وحدة ساتان قطعتين من ماكس بـ 4 دينار اظن .. يا بلاش.. شوفي بعد بيت التنزيلات.. هاي ارخص الاماكن الي بتلاقين فيها هالسوالف..

دموع البحرين: لاحقة يا عمري على معرفة جنس البيبي .. اهم شي لا تستعجلين.. في السادس احسن شي ترى..

قمرهم**
01-11-2010, 11:58 AM
من اكون المشكله انه ما ابي ستان خيتووووووووووووووووو

والرقم بجيك الحين تصدقين ما انتبهت

زهر النسرين
01-11-2010, 12:08 PM
اشلونكم بنات شخباركم
:059:
:ب1:
:042:

خلاص يا بنات انحسم الأمر
توني راجعة من المركز ألتراسواند
ولد
ولد
ولد
الحمد لله على كل حال
قالت لي أول مو مبين البيبي صاك رجله :089:
قلت ليها عااااااااااااد الله يخليج تأكدي عندي أربع أولاد :0107:
قامت تضحك وقالت كأنه بيصيرون خمسة :t8:


يعني خلاااااااااص بتقبل الواقع بصدر رحب
وأكمل الفريق اللي عندي


واذا الله كاتب
بتصير مفاجأة حلوة وقت الولادة :0154:


بس زوجي كااااسر خاطري مسكين ميت على البنوتة وما تم نذر ما نذراه :066:

قمرهم**
01-11-2010, 12:48 PM
زهره النسرين يالله الحمد لله شتسوين بعد انه بعد عندي ولدي وخاطري في بنوته وقالو لي ولد بس الحمد لله

همـس المشاعـر
01-11-2010, 03:12 PM
السلام عليكم

دموع البحرين
حياج الله حبيبتي معانا و الله يثبت الي في بطنج و يقومج بالسلامة ياارب

زهرالنسرين
الحمدلله على كل حال و كل شي يجي من عندالله حيالله اهم شي يكون الولد سليم و تقومين بالسلامة
و لعل خير و صلاح ماتدرين حكمة ربج

من اكون في الكون
01-11-2010, 04:12 PM
الحمدلله على كل حال.. في هالزمن ما في فرق بين الولد والبنت.. عمتي ما شاء الله عندها 5 اولاد بعد والله ما كتب تجيب بنت.. واكو ولادها كبروا وتزوجوا وجابوا بنات.. وهالبنات طبعا صاروا كله عندها خخخخخ..

الظاهر معظمنا فينا صبيان عجل خخخخ.. اني قلت بعد خلاص بتوكل على الله وما برد اسوي سونار.. لان خلاص حتى لو طلعت بنت ما بيتغير شي .. خلاص تعبت شريت كلشي وجهزت ازرق وما في اي مجال اغيّر.. شكله ولد الحلو.. الله يجيبه بالسلامة ولي العهد ..

عاد ما فكرنا اني وزوجي حتى شنو نكتب باسم البنت.. اني عاجبني اسم "بيان" وهو يقول وياه في الشغل مسمينه!! عطوني بعد اسامي حلوة مو دليعة واجد.. يعني حلوة ويتقبلونها عندنا مثل ولاء ومنار وملاك وجود >> بس غيرهم طبعا لان هاي عندنا واجد..

فلونة20
01-11-2010, 05:51 PM
خيوو من اكون اي وصفت لي بيتهم ورحت اني كلمتها اول بالمسنجر لان حاطه ايميلها وبعدين رحت لها..وجهزت لي الكاكو في صحون بطريقة مرتبه كلش وعطتني اجربه وقالت لي من حقج اذا ما عجباج لا تاخذينه..وبصراحة عجبني وااايد حتى زوجي جرباه وعجباه..

قمرهم رقمها مكتوب في الموقع في بعض تصميماتها..

وقلت يمكن اخليها تسوي لي صواني للمستشفى لان ما بودي لستاند هناك بخليه في البيت...

همـس المشاعـر
01-11-2010, 06:19 PM
الحمدلله على كل حال.. في هالزمن ما في فرق بين الولد والبنت.. عمتي ما شاء الله عندها 5 اولاد بعد والله ما كتب تجيب بنت.. واكو ولادها كبروا وتزوجوا وجابوا بنات.. وهالبنات طبعا صاروا كله عندها خخخخخ..

الظاهر معظمنا فينا صبيان عجل خخخخ.. اني قلت بعد خلاص بتوكل على الله وما برد اسوي سونار.. لان خلاص حتى لو طلعت بنت ما بيتغير شي .. خلاص تعبت شريت كلشي وجهزت ازرق وما في اي مجال اغيّر.. شكله ولد الحلو.. الله يجيبه بالسلامة ولي العهد ..

عاد ما فكرنا اني وزوجي حتى شنو نكتب باسم البنت.. اني عاجبني اسم "بيان" وهو يقول وياه في الشغل مسمينه!! عطوني بعد اسامي حلوة مو دليعة واجد.. يعني حلوة ويتقبلونها عندنا مثل ولاء ومنار وملاك وجود >> بس غيرهم طبعا لان هاي عندنا واجد..

بما انج جهزتين كل شي ازرق فتوكلي على الله و ان شاءالله يجي ولي العهد و تقر عينكم بشوفته:0136: بس ماقلتي شنو بتسمينه؟؟؟:087:

بالنسبة لاسامي البنات اسم بيان حليو بس احسه صاير مكرر ناس واجد قامو يسمون
عندش غدير
نوراء
مريم
علياء
ايمان
ابرار
الاء

هذي الحين على بالي و في بعد واجد اسماء حليوة

دلوعه بو عيالي
01-11-2010, 07:56 PM
شخباركم خواتي الكروشات وحشتووووني واااااااايد ربي يسهل عليكم وعلي يارب

كروشات ابي دعووووواتكم لي حدي خايفة :455: قالولي خلاص عملية قبل موعدي:ب1: لان البيبي متكتك والحوض مالي صغير قالولي لازم تترقدين هل الاسبوع تاريخ 17 والعملية 18 ودكتورتي

قالت لي توكلي

على الله وروحي لان مستحيل تولدين طبيعي يعني احسن لج من بدال ماتطلقين ويوسعونج وبعدين

في النهايه بشقونج من فوق توكلي على الله وروحي وسلمي امرج لربج ابي دعواتكم لي ربي يسهل

عليكم وعلي يارب

كروشات مافي اخبار عن ماء الحب لها وحشه والله ابيها تدش وتقول الاكشن مالها نستنه الحين

مستانسة ويا لبنوتة ربي يخليها لها وتجوفها عروس ان شاء الله

كروشات دعووووواتكم دعووووواتكم دعووووواتكم دعووووواتكم لي كله اوسوس واتيني افكار اعوذ

بالله منها يلا ان شاء الله الله يسهل علينا ونولد بالسلامة ونجوف اعيالنا بين ايادينا يارب

من اكون في الكون
01-11-2010, 08:38 PM
فلونة: وين بيتهم صاير؟؟

هموسة: قلنا اذا ولدت بنهاية صفر ان شالله بسميه محمد.. واذا في ربيع علي .. اني احس ان اول واحد ما يتفننون في اسمه خخخ يعني اول صبي خله واحد من هالاسامي .. والي عقب يتفنتكون فيهم ويتدلعون ..

دلوعة: الله ييسر لج ولادتج ان شالله وعساش تطلعين منها انتي والبيبي سالمة .. احسن شي سويتينه انج اقتنعتي بكلامهم وفوضتي امرج لله.. ويا كثر العمليات هالايام.. والحمدلله انج عرفتي قبل .. يعني مو فجأة الشي.. تروحين عالموعد ويولدونج.. ما في مفاجآت .. يعني جهزي كلشي على راحتج ..
والله يقومج بالسلامة ياااااااااااااااااااااااااااااارب بحق هالشهر الحرام..

زهر النسرين
01-11-2010, 08:49 PM
مساء الخير يا حلوات
قمرهم .. أنتين إن شاء الله عندج جانس حاول مرة أخرى وان شاء الله تكون بنوتة حلوة يا رب :0126:
بس اني خلاص بعد إن قالي زوجي حاولي بعد حق البنوتة ماله إلا ... :10_9_132[

همس المشاعر .. الله يسمع منج آمين .. وأنا فعلا مؤمنة بأن الله سبحانة وتعالى ما يسوي شي الا فيه صلاح :0136:

من أكون .. أني كنت بقول لج أنه في الشهر التاسع ما يبين جنس البيبي لأنه خلاص ضاق المكان عليه وصار متكوم على بعضه وصعب يبين جنسه غالبا في هالوقت .. آخر ولادي كنت كلش واثقة من عمري وطول فترة حملي ما سويت ألتراساوند ومعتمدة على إحساس الأم اللي أثبت فشله الذريع :044: وفي التاسع بس قررت أروح أشوف ويا زوجي وقالت الدكتورة خلاص صار البيبي في وضع ما يسمح بمعرف جنسه .. والمفاجأة الكبرى كانت في الولادة وتجهيزاتي كانت كلها بنوتية :021::064:

فلونة .. وين يصير بيتها اللي خذذتين منها الكاكاو .. صراحة سعرها جدا ممتاز واذا الطعم مثل ما قلتين يعني ما تتفوت .. عجبتني حركة الطباعة على الكاكاو ولو إنها مو عملية بس عجبتني الحركة .. يمكن أسوي جم وحدة من عندها :350:

دلوعة بو عيالي .. لا تحاتين ولا شي والله ييسسر لج أمورج وأهم شي سلامتج والبيبي .. أنا صادني ولادة قيصرية بولدي الثالث قالو لي وزنه 4 وقلت لهم أخوه اللي قبله كان 3.8 وكانت من أسهل ولاداتي .. وصار النقاش بين دكتورتين كانو موجودين وحدة تأيد القيصرية والثانية تقول لا عطوها جانس للطبيعي بما إنها لها ولادة بولد وزنه كبير وفي الأخير استقروا على القيصرية والحمد لله إني ما عندت لأن ولدي طلع وزنه 4.15 وراسه شكببببببببره :sgsgse: يعني الحمد لله كانت القيصرية صلاح :076:

دموع البحرين .. هلا فيج أختي ويانا .. نورتي التجمع .. هاااااه اشلون أمور الحمل وياج وأنتي بجر والا عند عيال :م0:

leemoon
01-11-2010, 10:34 PM
هلا بناات .. مساكم ورد .. كيفكم ؟؟

من اكون .. ايه لا زم نتصل قبل ،، عاد انا مو بعد الولادة مباشرة بصبغ شعري يمكن بعد كم شهر منها لان يقولون الشعر يضعف ويتساقط ..
وفساتين للضيوف هههه .. انا مالبس دشاديش لكن بلبس فساتين تكون مفتوحة من الامام عشان يكون تغيير مو كله بجامات خصوصا اذا شافوني الضيوف كم مرة ببجامة ..
والحمل يشعرج بالحر لكن بعد الولادة العكس هههه يعني لازام اشيااء دافية وانا متحيرة شنو اخذ للمستشفى شكلي باخذ بجامة ..
والكوتكس انا سمعت في كوتكس خاص بالنفاس بروح الصيدلية بشوف يمكن احصل
على فكرة اذا تبين التروساوند حق الوزن وغيره عادي المركز يسوون مرتين في البداية وفي التاسع يعني قريب يسوون لج

فلونة حبيبتي مشكورة عالموقع وشغلها باين حلو ومرتب يمكن اخذ منها .

قمرهم مثل ما قالت من اكون في بجامات بماكس وبيت التنزيلات هذلين اسعارهم اوكي وتحصلي في ستي سنتر هالايام بالتخفيضات وايد بجامات اسعارها اوكي

دلوعة بو عيالي ان شااء الله تولدين بالف سلامة وفي ناس تحب القيصري اكثر من الطبيعي وان شااء الله تسهل عليج:)

فلونة20
01-12-2010, 12:45 AM
اتصلو فيها على رقمها واخذو من عندها موقع بيتها افضل ..

قمزة
01-12-2010, 02:17 AM
للرفع

قمرهم**
01-12-2010, 09:01 AM
بنات صباح الخير .... دلوعة عيالي توكلي على الله ؟؟ بتولدين في الأمريكي عمليه خلاص . ؟؟ والا العسكري ؟؟

الله يسهل عليج خيتو وتقومين بالسلامه ومثل ما قالو البنات على الاقل بتروحين تولجين وانتي عارفه مو الشي يصير لج فجأه ويقررون لج القيصريه بعد التعب...
انه خيتو مثلج نص التاسع احتمال كبير يولدوني قيصريه والحمد لله على كل حاااااااال

leemoon
01-12-2010, 10:17 AM
صباااح الخير .. كيفكم بنات ؟

قمرهم**
01-12-2010, 11:36 AM
اهلين لمون يا هلا وغلا فيج شخبارج وشلون الشهر الثامن معاج خلاص ما بقى شي تخلصينه بعد

ضحك الورد
01-12-2010, 11:59 AM
شلون الدكاترة يحكمون على ان مثلا تولدين قيصري وش عرفهم
جان الا افتر اثناء الولادة وانولدت طبيعي؟!!

لازم يشقوقون لبطون؟!!

ومتى يقولون للوحدة انها بتولد طبيعي لو قيصيري
ااني داك اليوم قالو لي بتولدين مبكر
هكاني ما شاء الله عليي
ان شاء الله اتمم التاسع بعدين اولد

مو كانهم الدكاترة بس يخوفون وبس


بقول ليكم بعد سر



مطلعين عليي اشاعة ان اني والدة وجاية 4
ههههههههه

تخيلووو والدة
وجايبة 4
مو حامل وفيها اربعه
هههههههههههههههههه
صدق النسوان ما يخلون على الوحدة حجي
اني ابغي اعرف هالاربعة وينه صارو في بطني
ومنهي هذي الي قايلة عني والدة جايبة اربعة
يعني جت زارتني وشايفتني اربي 4

ههه ما يدرون توي مسكينة ما طلعت من بيضتي
وما يدرون اني وش قدرني على اربعة
بت عشرين بجيب اربعة


جان زين صدق اجيب اربعة في الولادة وابط اعيونهم

متى اخلص الساااابع وادش الثامن
لاعت جبدي مو متحرك ومتزحزح من السابع

بنت النور 24
01-12-2010, 12:14 PM
صباااح الخير بنوتات ’’
شخباااركم وشنو اخر التطورات

ضحك الورد
01-12-2010, 12:21 PM
بخير نسال عنش
تطوراتي اني والدة هههههههه

شحوالش انتين ونونوش

من اكون في الكون
01-12-2010, 12:56 PM
زهر النسرين: اني فكرت بهالسالفة بعد .. ولو نروح وندفع وما يبان زوجي بيذبحني وبيعايرني ههههه.. وهو خايف يقول السونار مو زين واجد..واني سويته 4 مرات يعني كفاية (اول ما اكتشفت الحمل ولما سافرت في الشهر الثاني كنت خايفة ومرتين.. طيعا بس آخر مرة عرفت انه ولد)..

ليمون: كلامش صح.. اني قلت عاد اول ما اولد باخذ فيتامينات .. وهو بالعادة بعد ما تطلعين من الاربعين حق تروحين لزوجج آخر كشخة خخخخ.. وصدق يسوون سونار بالتاسع؟؟ متى؟؟ اكو موعدي بعد بكرة..

فلونة: انزين في اي منطقة..؟؟ لان اذا بعيد ما فيني شدة..

ضحك الورد: ههههههههههه الحمدلله عالسلامة.. شسميتينهم؟؟

leemoon
01-12-2010, 01:10 PM
قمرهم الحمل لله احس بضغط عند القفص الصدري وزاد الحموضة والحرقة عندي هذي اخر التطورات هههه وقريب ادخل التسع ربي يستر ههه وانتي بعد قريب تدخلين الثامن

ضحك الورد هههههه مبين عليج منقهرة بس صدق يبطون الجبد وان شااء الله تكملين التاسع انتي توكلي على الله وبعد شي مهم النتفسية لا تعصبين ولا تقلقين ولا تتضايقين ولا تخافين لان هذلين وايد يساعدون على الولادة المبكرة او المتعسرة .. وانتي ما عليج من احد اذا ولدتي مبكر الحمد لله ارتحتي والبيبي ما عليه ضرر ان شااء الله واذا في التاسع الحمد لله وتقر عينج (ما قلتي لنا بنت او ولد ؟) بس اهم شي نفسيتج ترى انا ملاحظة عليج النفسية كله خايفة

من اكون ههههه ايه لازم نيو لوك وانا قلت بما اني ما بصبغه الا بعد كم شهر باخذ شعر طويل صناعي لان شعري مو طويل وايد ولا زم ابي اغير في شكلي تعرفون مكان يبيع لان الطبيعي منتشر لكن حرام وانا ابي صناعي كأنه طبيعي؟
وعن الفيتامينات زين ذكرتيني وكتبته في الورقة
والالتروساوند ايه يسوون بس ما ادري متى بالضبط اسأليها دكتورتج متى .. لان انا للما رحت للاتروساوند وما عرفت جنس البيبي قلت لها متى بتسوون لي مرة ثانية قالت يسوون مرتين في اليداية والنهاية واذا انتي تبين تعرفين تقدرين تطلبين من الدكتورة تقدم لج موعد الالتروساوند وتسويه نهاية الثامن بس انا الحين عرفت فاي وقت بسوونه عادي عندي ..

قمرهم**
01-12-2010, 01:34 PM
ضحك الورد .... يختج الشهور الاخيره عناد ما تمشي الشهور الوسطيه تمشي بسرعه يالله ما ورانا غير الصبر ...
بالنسبه لتحديد الولادة خيتو ... اذا الوحده عندها مشكله من ولادتها الاولى او مشكله ما لها حل او مرض معين يظطرون يقولون لها انج قيصريه يعني مو مني والطريق وعادتا يقررون على الشهور الاخيره نفس ما قالو لي وقالو لدلوعة بو عيالي

قمرهم**
01-12-2010, 01:36 PM
ليمون فديتج ... ايه يالله ما بقى شي وبتدخل ين التاسع الله يسهل عليج انتي من تدخلين شهر انه وراج ادخل الشهر الي تطلعين منه خخخخخخخخخخخخخ
يلله كملي اغارضج كلها واستعدس للمشي من بداية التاسع

دلوعه بو عيالي
01-12-2010, 02:23 PM
هلا والله اختي قمرهم الله يسهل عليج وعلينا على خير يارب

لا اختي خلاص بولد بالعسكري ودكتورة عابده هي الي بتولدني قيصري لان رحت لها العيادة وسيده

من جافتني وجافت دبتي شكبرها صايره قالتلي قيصرية لان راس الياهل كبيييير وجتووفه كبار الحبيب من

الحين معضل اقول حق بيتنه حاسبووو منه تره لحد يجرب صوبه راحت عليكم يمكن ايكم بكس مني وله مني خخخخخخ

الله يسهل علينا ويتمم لنا على خير يارب

فلونة20
01-12-2010, 04:48 PM
من اكون اهي بيتهم في سار (الجنبية)

ام لولو111
01-12-2010, 05:23 PM
[بسم الله الرحمن الرحيم


السلاام عليكم ورحمة الله وبركاااته http://www.hawahome.com/vb/nupload/275_1194179831.gif
http://www.hawahome.com/vb/nupload/275_1194178932.gif

نعمل توزيعااات وهداياا للمواليد على حسب طلبااتكم واي لون تحبوونhttp://www.hawahome.com/vb/nupload/275_1194180001.gif واي شكولاته تطلبين ماركات اوباتشي تحبين نطبع لك على بطقات تكون بالتوزيعات والاستاند ات كل اللي تحبين تعالي على المسنجروانا اعرض لك الصورالموجوده والصور اللي بموضوعي بس عرض ونسوي شي خااااص فيك ولاينشرر
ولااسمح ولااحلل من يتصل اوترسل ايميلها بس لسؤال او التسليه
ومبرووك مقدماا وجعله الله من مواليد السعاده http://www.hawahome.com/vb/nupload/275_1194178932.gif
للمفاهمه اتصلي على
0533393638
او ارسلي ايميلك على الخاص او الرقمhttp://www.hawahome.com/vb/nupload/275_1194179831.gif

ضحك الورد
01-12-2010, 06:29 PM
من أكون في الكون: بيني وبينش ما اعرف جنسيتهم للحين
بس الا اعرفه 4 بس
عاد بنات
لو صبيان ما ادري والله
فمن جدي للحين ما سميتهم
بس اذا بنات 2 وصبيان 2
والله بسميهم على اسم عمي وابوي
واسم عمتي ووامي
كشخة لووول



ليمونه: يقهرون الاوادم قعدتهم في محافلهم ومجالسهم حش في بنات الناس هذي فيها اربع هذي حامل هذي ما حملت هذي ليش للحين ما عرست استغفر الله استغفر يبطون الجبد
بس الله يعطيني على قد نيتي
بيني وبينش هالنونو للحين ما عرفت نوعيته بنية لو صبي
كله الرجايل مجفسة وبس
ان شاء الله يوم الخميس يبين عندي موعد وبشوف
ان شاء الله يبين
بس حاطه في بالي كلام من اكون
الي يرفسون تحت هدولين مصبنه ما يستحتون على وجهم
يمكن فيني صبي
واحساسي يقول بنية


قمرهم خلف جبدي شكلي الفرق بيني وبينش 4 ايام هههههههه متى ندش التاسع
انزين اذا وكانت وحدة توها حامل يعني اول حمل ليها
وش دراهم بتولد مبكر نفس حالتي يعني


دلوعة بو عيالي : ا لله يخليه ابو عضلات نونوش عشان يحامي على خواته اذا عنده خوات من الحين خله يبرزهم ياح حلاتهم لمعضلين
دكتورة عابده هذي الي قسم النساء والولادة في العسكري الي صوب فرع الاذن والانف والحنجرة ويكون هذا العيادة في الوسط وبينهم قسم القلب.
مدري الصيدلية .!؟,,, حشى واصفة المستشفى بكبره
قسم الخاص
سيدة رحتين هناك وقالت ليش وحددت ليش الولادة نوعيتها


لو رحتين الخارجية
وانتين كنتين على طول تراجعين عندهم لو في المركز!؟


فلونه: ههه بتحجج ابش
هذي منهي الا بيتهم في سار خخخخخخخخخخ :و1:

قمرهم**
01-12-2010, 06:48 PM
ضحك الورد خيتو لا ما يير الااذا الم فيها مشكله او مض ممكن تأثر عليا الواد الطبيعيه يقولون لها ان نولدش قيصري
اواعات ارتفاع كر الحمل واجد بعد يلجأون للقيصري يعني حالات معينه خيو
ي والله بينا 4 ايام الله يسهل ويسر لينا
الاسبو ال 31 ان شاء الله ندخل التاسع

قمرهم**
01-12-2010, 06:50 PM
دلوعة بو عيالي الله يحفظه ويخليه لج ...وتقومين بالسلامه يا رب

دلوعه بو عيالي
01-12-2010, 07:21 PM
هلا والله اختي ضحك الورد الله يسهل عليج وعلينه يارب اي من الحين ابو العضلات شكله بصير مدافع العائلة خخخخ لا انا رحت حق الدكتورة عابدة الطب الخاص الي من صوب بوابة القلب ولا وضيعت وصلت المستشفى 5 لما دخلت لين داخل صارت 6ونص كل اشويه اروح بارك واطلع منه خخخخ ماشاء الله عليج حافظة عدل رحت لها وبعدين قالت لان انا خاص وماعندي فايل ومن سنتين مارحت لهم توني رايحه اول مره انا اتابع عند منى الشرقي وطلعت اجازه من جذي رحت لهم الطب الخاص سوت تلفزيون وقالت عملية وسوت لي بطاقه صفره وعطتني خضره قالت روحي الجناح 19 عشان يجوفون لج غرفه اليوم الي بترقد فيه تاريخ 17 و18 العملية ورحت لهم وفهموني انه العمليه بياخذون علي 1200 دينار وانا قتلهم انا مابي اي جناح ثاني غير 19 بتاخذون مني هل مبلغ و بعد بتخلوني في غرفه عاديه غير مابي تقولي لان كله فل قتلها انا ماعلي فل مو فل ابي غرفه عدله في 19 عندكم قالت اوكي بنجوف شكلي بسوي لهم محشر اذا ماعطوني في هل جناح مادري احس وايد مرتاحة له من يوم على ولادة ولدي وانتي وين ناوية تولدين ؟ يلا الله يسهل علينا ويتمم لنا على خير يارب

بنوتة بحرانية
01-12-2010, 07:22 PM
مرحبا


بنات من وين أحصل بيجامات يكونون قطنين وفيهم ازرارات للرضاعة؟؟

رحت ماكس وسناء وسارة واللي يعجبوني كلهم مسكرين..

وصايرة أشتري وبس ومادري شنو بالضبط ناقصني وما أخذته..


باقي أسبوع تقريبا وأدخل الثامن .. وأبغي أخلص كل تجهيزاتي لأن يوم ورا يوم يزيد التعب والثقل


الله يسهل علينا ياااااااااااااااااااااارب

فلونة20
01-12-2010, 08:56 PM
امس تكسرت رجولي مشيت مشي يمكن ساعة حتى الصبح ما قدرت اقوم من السرير :(

ضحك الورد هذي وحدة تسوي ستاندات وتبيع كاكو بالكيلو عجبني شغلها

قمرهم**
01-12-2010, 09:15 PM
بنوته بحرانيه انه مثلج باقي اسبوع وادخل الثامن خيتو

وادور بيجامات للرضاعه سهلين
شفت في
bhs و ومن سكرت
بس اسعارهم على 8 و9 بس صراحه كواليتي مجربه منهم في ولادتي الأولى
وقالو لي عن محل اذا رحت بجيكه بخبرج لو عنده او لا

ضحك الورد
01-12-2010, 09:24 PM
هلا والله اختي ضحك الورد الله يسهل عليج وعلينه يارب اي من الحين ابو العضلات شكله بصير مدافع العائلة خخخخ لا انا رحت حق الدكتورة عابدة الطب الخاص الي من صوب بوابة القلب ولا وضيعت وصلت المستشفى 5 لما دخلت لين داخل صارت 6ونص كل اشويه اروح بارك واطلع منه خخخخ ماشاء الله عليج حافظة عدل رحت لها وبعدين قالت لان انا خاص وماعندي فايل ومن سنتين مارحت لهم توني رايحه اول مره انا اتابع عند منى الشرقي وطلعت اجازه من جذي رحت لهم الطب الخاص سوت تلفزيون وقالت عملية وسوت لي بطاقه صفره وعطتني خضره قالت روحي الجناح 19 عشان يجوفون لج غرفه اليوم الي بترقد فيه تاريخ 17 و18 العملية ورحت لهم وفهموني انه العمليه بياخذون علي 1200 دينار وانا قتلهم انا مابي اي جناح ثاني غير 19 بتاخذون مني هل مبلغ و بعد بتخلوني في غرفه عاديه غير مابي تقولي لان كله فل قتلها انا ماعلي فل مو فل ابي غرفه عدله في 19 عندكم قالت اوكي بنجوف شكلي بسوي لهم محشر اذا ماعطوني في هل جناح مادري احس وايد مرتاحة له من يوم على ولادة ولدي وانتي وين ناوية تولدين ؟ يلا الله يسهل علينا ويتمم لنا على خير يارب


يعني انتني زوجش مو عسكري؟!!
بااال بياخذون عليش هالقد
الله يساعدش
عجل
اني صراحة سالفتي سالفة اول شيء كنت باخذ الوزن في العسكري رحت مرة وحدة في القسم الرعاية الامومة الي في الطوارى
ومرة ثانية طاف موعدي
فرحت المركز تبع ديرتنا
لما رحت الله يسلمش للحين اواصل عندهم
بس عاد الله يسلمش لازم اولد في السلمانية عاد الا عاطيني اياها تولدني سئلت عنها الا يقولون شيطانه وتصرخ على الوحدة الحامل وكل متنزفزة وبس
عاد اني خوافة
قلت ما بولد لا في السلمانية ولا شيء ولا ابغي اروح
اني بروح العسكري
وبسوي مثل ما سويتين الحين عشان الامان
ولا اعور راسي ويا السلمانية
كفاية هم الي سقطوني بحملي الاولي الله لا يبري دمتهم ان شاء الله
بس عاد انتين رايحة 5 الصبح لو المغرب

شوفي خيو سو ليهم زلزلة اذا ما عطوش غرفة عدلة
لاتسكتين عنهم
يه بياخذون بيزات على غرفة ما تسوى

الله يسهل عليش ان شاء الله

من اكون في الكون
01-12-2010, 09:53 PM
بناااااااااااات ادعو لي بالسلامة.. من اليوم الصبح الم فظييييييييع في بطني.. بالمعدة من فوق يعني مو الم طلق.. ذبحني الالم وبالغصب الظهر رحت الطوارئ مال السلمانية .. سووا سونار عالسريع كلش ولا شفت شي خخخ.. وركبوا علي سيلان كالعادة وحطوا فيه دوا.. ووصفوا لي هالدوا بعد.. المهم ان ما عرفت بالضبط شفيني.. تقول الدكتورة يمكن لان الجاهل صار حجمه كبير ويضغط فطبيعي بهالشهر آلام االمعدة.. خفّ من بعد السيلان الحمدلله

بس مأساة يعني مو مثل الحموضة او الحرقة .. كأن آلام تسمم.. الحمدلله على كل حال..


Leemon : كأن مؤسسة صبايا يبيعون وبأي طول وكأنه طبيعي.. مادري وين صايرين بس اظن في شارع المعارض..

بالنسبة للالترا ساوند اني موعدي السابق كان بآخر الثامن وقلت لها ما بتسوون سونار بعد مرة.. قالت لي سويتيه من قبل ؟ قلت لها اي .. قالت خلاص عجل!!

دلوعة بو عيالي: هههههه هذا الي بيجننج من الحين.. الله يسهل لج ويكتب لج الي فيه الخير والصلاح

فلونة: مشكورة عمري.. بعييييييييييييد عنا فما افكر اروح لاني خلاص اتعب من السياقة.. يمكن اجيك مخبز دلمون حق الكاكو تبع الضيوف.. اشوف يمدحونه لان..

ضحك الورد: عفية عليش سائلة عن الدكتورة مالت السلمانية خخخخخخخ.. الله يعينا عليهم..

بنوتة بحرانية: قطن وفيهم زرارات ما يتحصلون عدل.. شوفي مشوار يمكن جايب.. او سارة ساعات يجيب..

زهر النسرين
01-13-2010, 01:30 AM
من أكون اسم الله عليج .. بعيد الشر عنج بس جني قارية أن الألم في أعلى البطن ممكن يكون عارض من عوارض تسمم الحمل .. وأتوقع أنه يبين من البول ومن أعراضه الثانية زلال في البول وزيادة كبيرة في الوزن في الفترة الأخيرة وانتفاخ غير طبيعي في اليدين والوجه .. الشر بره وبعيد بس خله يجيكون لج في المركز بعد هالمرة في موعدج

دلوعه بو عيالي
01-13-2010, 01:37 AM
[

بس عاد انتين رايحة 5 الصبح لو المغرب




هلا اختي ضحك الورد لا انا رحت لهم خمس المغرب اذا تبين تروحين لهم تتصلين من الصبح ويعطونج موعد جوفي انتي تبين اي دكتورة قولي لهم بعدين يقولون لج الساعه جم تروحين اتصلت فيني البنيه هناك قالت لي موعدج من الساعه 3العصر لين الساعه 7 المغرب عندج تقدرين تجين اي وقت يناسبج قتلها اوكي ورحت الساعه خمس و6 ونص لين وصلت داخل ضيعت بس رحت لهم وقالولي روحي داخل الغرفه قالت لي البنت انتي من زمان ماييتي تقريبا سنتين لازم تدفعين 25 دينار ودفعت وقعدت انتظر ودخلوني على الدكتورة بس هذي الدكتورة وايد زينه كله يمدحونها وخبرج الدكاتره يسمعون السالفه فيها فلوس يصيرون طيوبين خخخخخ الله يسهل عليج و علينا يارب موفقه

قمرهم**
01-13-2010, 08:52 AM
صباح الخير بنات شخباركم وشخبار كروشاتكم.....
ليمون شلون البيبي والترفيس والثققققققققل ...
دلوعة بو عيالي ... بعد ما تولدين طمنينا عليج وقولي لنا التفاصيل الي صارت وياج وان شاء الله تقومين بالسلامه بعد يومين بتدخلين المستشفى ها استعديتي من كل النواحي ....

leemoon
01-13-2010, 11:44 AM
من اكون حبيبتي سلامات ما تشوفين شر .. انا قبل كم ليلة نص الليل صار لي الم فوق البطن وكان الم شديد ظليت طول الليل اون اخر شي قمت ارجع العشا الله يكرمك وبعد ظل الالم اشرب ماي ارجعه والام شديدة حتى قلت لزوجي نروح الطوارئ قال اصبري اذا ما صرتي احسن بنروح وكان يوم ثاني موعدي المهم جاب لي روب لانه زين للتسمم وحنا قلنا يمكن تسمم والحمد لله من اكلته وقف الترجيع وبدأت الالام تقل .. والحمد لله صرت زينة بس ما ادري شنو كان السبب ..

بعد الولادة بشوف صبايا بعد ان شااء الله احصل عندهم ..

والالتروساوند ما ادري والله يمكن بعد ما يسوون !! بس الي سمعته انهم يسوون مرتين ودكتورة الالتروساوند بعد قالت لي ،، بسأل الدكتورة هالمرة

قمرهم هههه الحمد لله ساعات تجيني الام تحت الصدر اقول يمكن من الضغط على الحجاب الحاجز .. والحركة قلت هالكم يوم والدكتورة قالت لي احسبي 10 حركات كل يوم اذا اقل تعالي وانا للحين ما بدأت احسب هههه

وانتي شلونج وشنو تطورات الحمل وياج

ضحك الورد
01-13-2010, 11:47 AM
[

بس عاد انتين رايحة 5 الصبح لو المغرب




هلا اختي ضحك الورد لا انا رحت لهم خمس المغرب اذا تبين تروحين لهم تتصلين من الصبح ويعطونج موعد جوفي انتي تبين اي دكتورة قولي لهم بعدين يقولون لج الساعه جم تروحين اتصلت فيني البنيه هناك قالت لي موعدج من الساعه 3العصر لين الساعه 7 المغرب عندج تقدرين تجين اي وقت يناسبج قتلها اوكي ورحت الساعه خمس و6 ونص لين وصلت داخل ضيعت بس رحت لهم وقالولي روحي داخل الغرفه قالت لي البنت انتي من زمان ماييتي تقريبا سنتين لازم تدفعين 25 دينار ودفعت وقعدت انتظر ودخلوني على الدكتورة بس هذي الدكتورة وايد زينه كله يمدحونها وخبرج الدكاتره يسمعون السالفه فيها فلوس يصيرون طيوبين خخخخخ الله يسهل عليج و علينا يارب موفقه


اني سمعت موزة زينة
قلت ابغي اروح ليها بس ما اعرف رقمهم عشان اتصل ليهم
واذا دكتورتش زينه بروح ليها
واذا تعرفين رقمهم قولي ليي
اني اول مرة بروح جم ياخذون عليي تتوقعين
وهل يفرق اذا كان ابوش لو زوجش عسكري ياخذون فلوس بعد؟!
وجم يكون
اذا عندش خبرة خخخخخ

شمس بحرين
01-13-2010, 11:52 AM
اشلونكم حبيباتي

انا الحين في اسبوع 11 ومن جم يوم نزل علي اشوي دم رحت سلمانيه جيكت لي قالت البيبي طبيعي مافي شي
بس من شنو الدم وامس نزل علي شي بني غامق وشي لزج بني فاتح من اتعرف من شنو هاي.

عندي موعد في الفاتح اسبوع الياي بس ما اعرف احسهم ما يهتمون .

شنو تنصحوني خواتي ؟؟

قمرهم**
01-13-2010, 12:46 PM
خيتو شمس البحرين .... روحي خاص افضل لج يمكن تحتاجين حبوب الدافستون افضل لا تسكتين هالفتره لازم تحاسبين لروحج عدل

قمرهم**
01-13-2010, 12:47 PM
ليمون خيتووووووو والله هذا احنا لا جديد بس الثقل يزيد يوم عن يوم والنوم يصير صعب شوي في الليل

دلوعه بو عيالي
01-13-2010, 01:49 PM
اني سمعت موزة زينة
قلت ابغي اروح ليها بس ما اعرف رقمهم عشان اتصل ليهم
واذا دكتورتش زينه بروح ليها
واذا تعرفين رقمهم قولي ليي
اني اول مرة بروح جم ياخذون عليي تتوقعين
وهل يفرق اذا كان ابوش لو زوجش عسكري ياخذون فلوس بعد؟!
وجم يكون
اذا عندش خبرة خخخخخ



هلا اختي ضحك الورد تصدقين انا سمعت غير جذي يقولون يعني مو لين هناك بس مادري يعني وايد يايدونها وايد يقولون لا بس الله اعلم بس هذي الدكتورة عابده وعندج بعد الدكتورة هدى شريده وايد زينين روحي حق اي وحده فيهم وانتي مغمضه اي ياخذون رقمج الشخصي ويقولون لج لين رحتي مايخص على ما اظن اذا زوجج يمكن في تخفيض مادري والله لان هذي الطب الخاص يعين جنج رايحه اي مستشفى خاص واذا عن العمليه وله الولاده جنه ماتدفعين اذا زوجج عسكري بس ابوج لا لان خلاص يطلعونج من فايله نفسي كنت في فايل ابوي قبل لا اتزوج و انا يوم كنت على فايل ابو ولدي الاولي مادفعت لان كان عسكري بس الحين قالولي تدفعين لان زوجج مو عسكري

وعن الدفع يمكن ياخذون عليج 25 دينار نفسي اتصلي لهم لين بتاخذين موعد وساليهم عطيهم رقمج الشخصي وقولي لهم جم لان انتي اول مره تروحين لهم ورقمهم قسم المواعيد17766555 موفقه ان شاء الله الله يسهل عليج وعلينا يارب

نـور العمـر
01-13-2010, 03:37 PM
مرحبا لك الحوامل ,, والله يسهل عليكم ان شاءالله

اني كنت في هالموضوع يوم كنت حامل

يعني عضوة قديمة ما ادري الحين موجودين اللي كانوا وياي او لأ !!

حبيت اسلم عليكم

ولما احمل بلتحق وياكم :D

شمس بحرين
01-14-2010, 08:30 AM
حبيبتي قمرهم عطتني دكتوره الطوارئ حبوب الدافستون وفوليك بس الحين ما ينزل علي دم بس ينزل شي بني غامق ومعاه شي لزج وما فيني الم في بطني .

بحرينية كلي غلا
01-14-2010, 10:05 AM
اهلييين بناااات شخباركم


بنااااااات بسالكم الحين جم يوم يخلون الوحده في المستشفى اذا ولدت ؟؟

قمرهم**
01-14-2010, 10:24 AM
شمس البحرين خيتو ايه حبوب الدافستون مهم اخذيه كل يوم مو تنسينه عشان يوقف الدم واذا شفتيه شوي زاد ردي روحي للدكتور احتمال يكتبون لج ابر كل اسبوع تاخذينها مثبته للجنين والله يحفظ حملج يا رب خيتو

اختي بحرينيه كلي غلا لو طبيعي يوم الولاده ويوم ثاني يعني يومين واذا قيصريه 5 ايام

قمرهم**
01-14-2010, 10:26 AM
مراحب فيج خيتو نور العمر منوره

من اكون في الكون
01-14-2010, 12:01 PM
مراحب يا حلوات..

الحمدلله من امس واني احسن بواجد.. الشهر التاسع متعب واجد.. والبيبي حركاته تزيد ما تنقص وصاير كله ينشب ليي فوق او على صوب ويصير ياااااااااااابس خخخخخخخخ.. المفروض في التاسع الوحدة ترتااااااااح ولا تسوق ولا تتعب روحها.. مالت عليي صار هالشهر تعب في تعب..

ونصيحة افتكوا من التوزيعات من نهاية الثامن.. اولا الوحدة البكر ما تضمن متى تولد وبعدين لان تعب.. كملوا كلشي وريحوا بالكم.. اني باقي لي كم شغلة وحدي متضايقة لان ما كملتهم.. لا وانتظر معاش زوجي بعد يعني بيكون قبل 10 ايام من تاريخ ولادتي.. باقي لي كبت صغيرون للبيبي وبيجاما لي واغراض النظافة والاستحمام كامل..

لو بيدي اخذتهم من الحين بس شنسوي الميزانية ضعيفة الحمدلله على كل حال..

دلوعة: الله يقومج بالسلامة ان شالله.. وما نوصيج على قصة الولادة خخخخخ

leemon : حاسبي لروحج عن التسمم .. واني عاد للحين حركات البيبي ما شاء الله زااااااايدة مو قاعدة تنقص.. احسن لج تقل .. تعب

زهر النسرين: لا ان شالله مو تسمم الحمل ولا شي.. لان الالم بس كان اعلى البطن والحمدلله راح بعد السيلان.. مادري من شنو بس افتكيت منه..

شمس بحرين: ان شالله ما عليش شر.. لا تشيلين شي ثقيل واعتني بنفسش في هالاسابيع ضروووووري.. ومو لازم خاص ان شالله ما تحتاجين.. وبما ان الدم وقف ان شالله بعد هالبني يوقف..

نور العمر: يا هلا فيج حبيبتي.. عاد اخاف لما تحملين نكون كلنا ولدنا خخخخخ..

همـس المشاعـر
01-14-2010, 03:32 PM
السلام عليكم
شخباركم كروشااااااااات؟؟؟؟؟؟
بصراحة احس كل يوم يمر اصير اثقل و احيانا يصيدني شد في ظهري بشكل مو طبيعي ماقدر اتحرك من مكاني خير شر و دائما يصيدني اذا اكون قاعدة فماقدر اقوم
عاد ولا اخر مرة كان باقي شوي و اصيح ههههههه الله يعينا على الولادة

دلوعة بوعيالي الله يقومج بالسلامة و توكلي على الله و ان شاءالله الله يسهل ولادتج و يقومج بالسلامة

ضحك الورد الله يكون في عونج بصراحة الناس ماتخلي الواحد في حاله لازم تطلع كلام مادري من وين يجيبون هالاشاعات الواحد ساعات اذا يبغي يقول اشاعة على الاقل يقول شي في حدود المعقول بس عن جد شكلش معصبة عدل الله يقومج بالسلمة خيو

من أكون ما عليش شر خيو و الحمدلله صرتي احسن كأن قلتين عقب يومين موعدش قولي لهم و ان شاءالله ماعليش الا العافية اما بالنسبة للاغراض انا انتظر تخلص الامتحانات، يوم الاحد اخر امتحان و حاطة في بالي في الاجازة اشتغل على التوزيعات مع اختي و حماتي علشان افتك منهم حتى اغراضي و اغراض النون بكملهم باذن الله عندي تقريبا شهر اجازة فاتوقع يمديني اكمل اغراضي

شمس بحرين سلامات خيو ،حتى اني اتذكر في بداية الحمل شفت ينزل علي شوي دم لونه بني صراحة ماهتمت له واجد و كان في ايام دورتي و الحمدلله ماطول معاي واجد بس كم يوم لأن ماكان ينزل علي بشكل متواصل و كان بنسبة قليلة تقريبا

فلونة20
01-14-2010, 07:35 PM
احب الكاكوو وما اقاومه خخخ

بديت اخاف من سالفة الولادة :(

موعدي يصير 20-1 في المركز على الدكتورة هالمرة وبطاقتي حطو عليها خطين حمران خخخ يعني مواعيدي كلها اللحين على الدكتورة :t8:

من اكون في الكون
01-14-2010, 08:47 PM
كان اليوم موعدي وما رحت لان كان عندي مقابلة من صوب برنامج تمكين فما كان يمديني.. خليت عمتي تحجز لي موعد واقرب شي حصلته يوم الخميس الجاي..

احس بنغزات واجد تحت.. تقول عمتي هذا راس البيبي يضغط وبيزيد بعد خخخخ.. احس بعدي ما ابغي اولد!!

لاحقة يا هموسة عالثقل والم الظهر.. ما شفتين شي..

فلونة20
01-14-2010, 11:14 PM
اي تصيدني اني بعد نغزات وخصوصا صوب المثانة يصير ضغط يذبح :( ساعات من الثقل اتمنى اولد بسرعة وساعات يصيدني خووف مو طبيعي !!

قمرهم**
01-15-2010, 11:29 AM
صبااااااااااحوووووووووووووووو
فلونه الله يكو نفي العون ويسهل عليكم والله يعينكم على الثقل
من اكون في الكون ها المفروض تكونون خلصتو ك امور البيبي والتوزيعات واموركم لا تأجلونشي صراحه حزت الحزه ماينفع الوحده من تدخل التاسع ممكن تولد بأي وقت خيتوووووووووووو
عليكم بالمشي بالمشي المشي ترا صدق اجدزين لا تتثيقلون ولو نص ساعه في اليوم

بحرينية كلي غلا
01-15-2010, 11:42 AM
مافي شي احسن من المشي

الله يرحمنا برحمته ويسهل علينا حملنا وولادتنا وهون علينا الطلق ويرزقنا الذريه الصالحه ويرزق ماافي بطوننا جمال الخلق والاخلاق

ضحك الورد
01-15-2010, 11:43 AM
صبلح الخيرات بناااااااااات شحوالكم

امس موعدي
ودمي 9.2 ارتفع عن الخطر ههههههه وبعد ناقص وخطر عليي لان البيبي ماخذ كفايته مني
وقالو ليي وزني زايد
اني ابغي اعرف وزني زايد مني لو من الاكل
من الي في بطني
والله قبل لا احمل وزني 37 هيكل عظمي
حتى 4 شهور مو متزحزح خير شر
ومن الخامس ابتدى وزني يزيد وصلت الحين 50
فدمتكم زايد في ويش وقامت تزفني لان وزني زايد
ابغي اعرف وزني زايد ما عليه بس دمي ناقص
تباني اقلل الاكل الي اكله عشان دمي ينقص
صدق خروفة هذي الي توزن
هههه
والبيبي يتحرك وش حلاوته
بس للاسف مدري البيبي هو يستحي لو يناحسني ما يبغيني اعرف جنسه
حتى شكيت اقول الى الدكتورة يمكن رجايله ملصوقين يمكن فيه شيء
الا تقول ليي لااااا هكو مرفع ارجوله بس من نحط الجهاز يرجعها ويغاور ويعطينا المؤخرة
حركات جنيني عليه لووووول تقول اول مرة تمر عليي حالات جدي اكثر من مرة اسوي ليش سونار ونفس الشيء كل مغاور
الحين عطوني موعد بداية 2 عشان يشوفون جنسه واذا ما بين
نهاية 2 والله يستر جان ما اولد وما اعرف ويش فيني منبطة جبدي


بنات باقي ليي جم اسبوع واولد
10 اسابيع
ووااااااااااااااااااااااجد
رجلي يبغيني اولد في34 اسبوع
يقول ليي لاتتاخرين يالله ولدي اذا طفتين عن 34 اسبوع بولدش انا ههههههههههه
نكته رجلي اقول ليه ما يصير اولد في 34 اسبوع
لاني بكون في الثامن
قال ليي والله ربعي نسوانهم كلهم يولدون في 34 اسبوع
انتين جيفة تبين تولدين وليش 42 اسبوع مافي يالله
اقول ليه نسوان ربعك كلهم يولدون مبكر
قال لا اباش تصيرين نفسهم وتولدين مثلهم
قاعد يحسب يقول باقي بس 4 اسابيع

روووين
01-15-2010, 12:14 PM
http://www.whdane.com/up/uploads/353e7ff646.jpg

قمرهم**
01-15-2010, 12:20 PM
ضحك الورد انه النوونو كان نفسش نونوش من يجي وقت الاشعه يغاور ب طلع فيني صبي
وضحكتيني عى زوجج يمكن لأن بجر وخاطره بسرعه تولدين يشوف النونو او النونوه
قولي ليه العلم عند الله هو من ادخل التاسع ممكن أولد في اي وقت شي بيد الله بس البجر تتأخر عادتا شوي وبعد مو دايما

من اكون في الكون
01-15-2010, 12:31 PM
تصدقين قمرهم اني مو من النوع الي يحب يأجل وكنت اقول ان بخلص كلشي بالثامن.. بس الميزانية تحكم.. وزوجي صاير من نهاية الثامن وهو ما يبيني اسوق واجد.. فصرت متعطلة عليه.. يعني لما يكون زامه مناسب يوديني الاماكن الي ابغيها.. ما يقصر مسكين بس اشياء وااااجد احس ناقصتني.. يمكن تافهة بس مسجلتنها عندي مثل المشد وستيانات الرضاعة وبيجاما للمستشفى واغراض الاستحمام بكبرها قلت بنتظر للمعاش!! الله كريم..

غير كبت الجاهل و علبة لاغراض النظافة..

ان شالله ما اولد قبل موعدي.. لان ما اضمن بكون مخلصة كلشي.. وما بيرتاح بالي كلش ,,

ضحك الورد: والله يقهرون الرجال حتى على سالفة الولادة يطالعون نسوان ربعهم!! شنو 34 اسبوع!! مدة الحمل 40 اسبوع يبي يختصرها ليش؟؟ اصلا كل اسبوع له دوره.. صح من بداية التاسع الجاهل تكون اعضاءه مكتملة بس في اشياء تتكمل بعد وتتطور الى حد نهاية التاسع.. محد يتمنى يولد قبل الوقت ويجيب جاهل خديج..

وبالنسبة لوزنش مو واجد ولا شي.. بس زدتين 13 كيلو .. يمكن من جذي قالت لش زايد.. اني زدت تقريبا 8 كيلو بس.. عاد ما عليش منها اكلي على راحتش وركزي عالاشياء المفيدة ..

اني البيبي في الشهر السادس لما سووا لي المركز سونار لحقنا وشفناه خخخخ لان تالي بسرعة قلب روحه على بطنه >> من زمان شفنا اشياءك هههههههه

فلونة20
01-15-2010, 11:05 PM
ضحك الورد يوم اسوي الالترساوند الجنين مو راضي يبين وجهه ابداا مغطي وجهه بايدة ولا راضي يباعدها حتى خفت اقول ليش ايده ما تتحرك بعد تحركت شوي نزلت تحت وردت ارتفعت على الوجه..بس بين بسرعة جنس المولود طلعت بنية خخخخ

اليوم احس بمغص يختفي ويرد حتى خفت قلت شنو هذاا ليكون طلق خخخ

وامبي اشيل شيرة واحفف ومستملة الله يستر :062:

غصون الامل
01-15-2010, 11:19 PM
سلام عليكم
شخباركم حوامل البحرين
اممم
بعرف روحي واتمنى يكون في احد بالتجمع ما اكون بروحي كالعاده

اني بكريه
وبالشهر الراابع

دلوعه بو عيالي
01-16-2010, 01:16 AM
فلونة 20 هلا والله اختي الله يسهل عليج وعلينا يارب

ماعليج شر ان شاء الله
الله يعينج تبين تشيلين شيره خبرج بروحه الوحده في اخر الشهور وجسمها كله يعورها وبعد تشيل شيره انا بقيت اموت والله وكان ودي من العوار الي فيني اصفق الي كانت تحفني مسكينة وايد وايد يعور الله يعينج وخبرج الحمال يطلع شعر وايد يلا جهزي كل شي من الحين الله يسهل عليج وعلينا يارب

فلونة20
01-16-2010, 11:14 AM
غصوون الامل حياج معانا وان شاء الله نفيدج والله يقومج بالسلامة

دلوعة اي يعور بس لازم اشيلة ما اطيق وحتى حواجي مو طايقتنهم وخبرج بعد الولادة الوحده ما تقدر تطلع.

قمرهم**
01-16-2010, 11:22 AM
فلونه شيلي على ال 38 اسبوع افضل ولو انج مو ضامنه متى اتييج الولاده

من اكون في الكون خيتو انه دكتورتي قالت لي الوحده من تدش التاسع تنتظر ولاتدها بأي وقت لان البيبي مكتمل نهائيا اللهم يزيد شحم ووزن في الاسايع الاخير من 37 وطالع
وما يعتبر البيبي خديج اذا انولد في التاسع
عتبرةخديج اذا انولد في السابع والثامن
اختي ولدانه في 36اسبوع وولدها ما ودوه حضانه لان خلاص ما حتاج
وصديقتها ولدة باخر اسبوع بالثامن بعد نفس الشي بنتها ما احتاجت الحضانه

متى يعتبر الطفل حديث الولادة خديجا"؟؟

يستخدم تعبير الخديج للإشارة الى عدم نضج الطفل حديث الولادة . والخديج هو الوليد الحي الذي ولد قبل الأسبوع 37 إعتبارا من اليوم الأول للدورة الطمثية السابقة..وقد عرف الخداج بأنه وزن الولادة البالغ 2500غ أو أقل.

اسبابه:

إن الولادة المبكرة لوليد يتناسب وزن ولادته الناقص مع العمر الحملي هي ولادة مرافقة عادة لحالات طبية يحدث فيها :

*عدم قدرة الرحم على الاحتفاظ بالجنين .
* أو تداخل على سير الحمل .
* أو انفصال مشيمة باكر.
* أو تحريض غير محدد لتقلصات رحمية فعالة قبل نهاية الحمل.

ويصعب الفصل تماماً بين العوامل المرافقة للخداج عن تلك المرافقة لتأخر النمو داخل الرحم .
وهناك توافق إيجابي قوي بين الولادة المبكرة ونقص النمو داخل الرحم من جهة وبين تدني الحالة الاجتماعية الاقتصاادية في المقابلة . ففي العائلات ذات الحالة الاجتماعية المتدنية هناك حدوث مرتفع نسبياً لكل من نقص التغذية وفقر الدم والمرض عند الأم ، العناية قبل الولادة غير الكافية ، إدمان الأدوية ، مشاكل نسائية ( عقم نسبي ، اجهاضات ، ولدان خدج أو ناقصي وزن الولادة ).. كما يكثر عند هذه الفئة من النساء تواتر عوامل أخرى مرافقة مثل الحمل بسن المراهقة ، قصر المدة الفاصلة بين الحمول، والأمهات اللاتي ولدن أكثر من 7أطفال سابقاً. كما تم وصف اختلافات جهازية في النمو الجنيني حسب حجم الأم، ترتيب الحمل ، وزن الأخوة ، الصف الاجتماعي ، عادة التدخين عن الأم، وعوامل أخرى.


خخخخخخخخخخخخخخخخخخخخخخخخ بس عشان تستفيدون من هالمعلومات

من اكون في الكون
01-16-2010, 12:10 PM
فلونة: اني قلت حواجبي مرة هالاسبوع.. ومرة لما قريب الولادة كلش.. يعني بنفس اسبوع الولادة.. واني ما يطلع لي واجد اولردي ففي كل الاحوال عادي.. بس خبرش لازم لزوم الكشخة ويا الولادة ههههه

والشيرة عاد بخليها لاخر اسبوع من موعد الولادة بعد.. الي في رجولي ما يبين الا من قريييييب فليش اتحجج فيه.. والي في يدي يبين بس عادي بلبس كم طويل وخلاص..

اني ما احاتي الا المنطقة الي خبركم.. بما اني استخدم الموس فالشعر يطلع بسرعة.. واخاف يجيني الطلق واني فيني شوي فلازم سيده اروح اشيله >>> فشيلة

والاخس من جذي ان خلااااااااص المنطقة صارت ما تبان.. يعني انتي وحظج خخخخ.. ولازم منظرة عقب >> عاد من حلاتها نطالعها بالمنظرة

فلونة تمشين لو خايبة مثلي؟؟ >>> كفاية شغل البيت والله ينكسر ظهري ما فيني شدة اسوي شي بعد

قمرهم: مشكووووورة عالمعلومات عمري.. بس في النهاية زوج ضحك الورد يبي 34 اسبوع يعني خديج ونص!!

دلوعة: اي والله يألّم.. شوفي عاد احنا نفكر في اشياء تااااافهة خخخخخخ ..

غصون الامل: يا هلا وغلا فيش بالتجمع.. نورتينا.. خبرينا عن التفاصيل بعد.. وين تتابعين؟؟ سمعتين نبضاته؟؟ شنو تتمنين تجيبين؟؟

فلونة20
01-16-2010, 03:22 PM
اسبوع قبل الولادة شوي خليها قبل اسبوعين افضل لان ما تدرين متى بتولدين خصوصا البكر
بالنسبة للشيرة اني قلت لسبوع الجاي بشيل ..والمشي مو كل يوم امشي يعني يومين ورا بعض بعدين يوم وترك..وصايره كلش متكسرة خصوصا اذا اقعد من النوم ما اقدر اشيل روحي ولا اوقف برجولي :(

leemoon
01-16-2010, 05:53 PM
هلا هلا بناات .. فاتتني سوالفكم ؟

بنات احين انا كم يوم وادخل التاسع صح ؟؟ اسمع انس يقولون الوحدة من تدخل التاسع ممكن تولد مو شرط في موعدها صح او غلط ؟؟
انا موعدي بعد شهر بالضبط ..

والي تسال عن البجامات القطنيين انا خذيت من سارة بتخفيض كان كأن 21 والحين 10 .. شكلهم زينين الي تحتاج تروح تشوف ..

من اكون سألت اختي عن الالتروساوند كم مرة سوو لها .. قالت مرة يعني انا ما ادري مين قالت لي مرتين وفي بالي مرتين والظاهر هم يسوون مرة وحدة :)
احين البجاما مثل ما قلت تقدرين تاخذنها من سارة .. وكبت الجاهل من وين بتاخذينه وكم خاله له ميزانية ؟
لان انا ماخذة من النوع الي مو طفولي يعني بني عادي وخذيت له ملصقات بلصقهم عليه .. في سوق مدينة عيسى الشعبي بس حتى الانوار وفخر المملكة تحصلين فيهم ..

ضحك الورد ههههه ضحكني زوجش مستعجل لان اول بيبي له والبيبي انا بعد كانت تتحرك بس لما ضاق عليها المكان قدرنا نعرف هههه والوزن انا وزني واااااااااااايد زااد حتى اقولها وزني وايد زاد تقول عادي شكلها عكس الي وزنت لج هههه انا زاد لحد الان 16 كيلو !! تخيلي وكل من يشوفوني يستغرب يقولي وايد انتفختي ومتنتي عاد ان شااء الله للولادة ما ازيد بعد اخاف ما ارجع مثل قبل

فلونة انا وايد يجيني مغص ويروح وتجيني الام مثل الدورة :( .. بسالج انتي مسوية التروساوند رباعي ؟

غسون الامل يا هلا فيج والله يتمم عليج .. شخبارا الوحم وياج ؟


قمرهم مشكوورة واستفدنا من المعلومات هههه
بس بسالج احين انا اسبوع 35 يسموني دلخت التاسع صح ؟؟ و 38 خبصت التاسع والا انا غلطانة ؟ << متخربطة شوي ههه


من اكون تصدقين انا بعد مثلج .. امس كنت ابي اشيل المنطقة بشيرة ما قدرت وشلته بموس عاد احين انا اخاف عند الولادة ما يمديني اشيل لان لازم كل كم يوم تشيلين واذا الولادت صارت فجأة مثل ام قلتي فشيلة ههههه ...

فلونة20
01-16-2010, 06:47 PM
الالترساوند سويته رباعي عند د.فهيمة المطوع وعطتني دي في دي وصور ..

الشيرة غربال والم وفوق هذا الظهر ينكسر ما يسوى قلت بشيل بموس احسن

من اكون في الكون
01-17-2010, 01:21 AM
فلونة: هو صح اسبوع صاير حد الحد بس لان اذا قبل اسبوعين اخاف يطلع وتالي ما كأني سويت شي.. والبكر ترى تتأخر .. صح ممكن اقدم بس هاي احتمال قليل جدا.. يعني انتي اذا شلتين شيرة اسبوع الجاي ترى بتردين تشيلين مرة ثانية.. لان بتكونين توش داخلة الاسبوع الـ 37.. وتالي بيطلع صغار ..
اني بجازف وعلى الله خخخخخ..

leemoon: اي باقي كم 3 ايام وتدشين التاسع ان شالله.. ويقولون الوحدة دشت التاسع بالعادة بالاسبوع الـ 36 .. وصح الوحدة ممكن تولد في اي وقت من التاسع وناس ياخذون اسبوعين منه، بس بالعادة البكر مو بس تكمل التاسع.. الا تاخذ شوي من العاشر بعد.. يعني توها الناس.. خلش مستعدة وجهزي تقريبا كل الاغراض بس لا تقعدين تحسبين واجد لان بتتمللين..

بالنسبة للسونار: اي سألت مرت حميي بعد قالت بس مرة وحدة يسوون.. اقول لها شلون عجل في التاسع يعرفون وزن البيبي ويعرفون وضعيته عشان يقررون قيصري او طبيعي؟ قالت هم يعرفون.. يسوون تخطيط بس.. يلا الله يقدّم الي فيه الخير..

اممم البيجامات مو كأن غالين شوي >>> اقارن باسعار ماكس وبيت التنزيلات خخخخ .. بس سارة بضاعتهم كوالتي صدق,.

بالنسبة للكبت: ابوي اليوم شرا لي كبت امريكي (فيه 5 دروورز).. حليو واجد فقلت بخليه بالشقة لعقب الاربعين.. وفي بيت ابوي امي ان شالله بتفضي لي كبت اخوي الصغير لان اولردي ما بيحتاجونه.. فانحلت المشكلة الحمدلله..

وزوجي يقول ان شالله بناخذ الاغراض بهالفترة يعني ما بننتظر للين يطلع المعاش خخخ.. الله يعينه ..

قمرهم**
01-17-2010, 09:03 AM
من اكون يا عمري حاضرين ايه اكيد 34 اسبوع خديج خيتو خخخخخ بس من تدخل الوحده التاسع يعني وزن البيبي يكون 2 و 500 غرام تكون مو خديج

ليمون اممممممم انه سالت عن البيجامات يبي لي اروح اخذ طله وبالنسبه لسؤالج تفضلي هالجدول هذا الي تمشي عليه دكتورتي ومشيت عليه بحملي الاول كان مضبوط والحين بعد امشي عليه (( خيتو ليمون صار لج يومين من دخلتي التاسع لانج كملتي ال35 اسبوع والحين اخذتي يومين من الاسبوع 36 يعني اليوم يوم ثاني من دخلتي التاسع )) الله يسهل ويهون عليج يالله فكري في المشي
وبالنسبه للوزن ترا الطبيعي انج تزيدين 16 كيلو بس ما يزيد اكثر خيتوووو انه بحملي الأول زاد وزني 12 كيلو وهالمره لحد الحين زايده 10 كيلو

الشهر الأول فيه الاسابيع 1-2-3-4
الشهر الثاني الاسابيع 5-6-7-8
الشهر الثالث 9 - 10 - 11 - 12 – 13

الشهر الرابع فيه الاسابيع الاسابيع 14 - 15 - 16 - 17
الشهر اخامس فيه الاسابيع 18 - 19 - 20 -21
الشهر السادس في لاسابيع 22 - 23 - 24 - 25 - 26

الشهر السابع فيه الاسابيع 27 - 28 - 29 30-
الشهر الثامن فيه الاسابيع 31 - 32 - 33- 34 - 35
الشهر التاسع فيه الاسابيع 36 - 37 - 38 - 39-40

اتمنى اكون فدتكم بهالجدول

بنات معرض الخريف 24 / 1 / 2010 حطو اعلان بالجرايد يالله روحو واستغلوه يمكن تشوفون بيجامات لكم وملابس داخليه يصير يوم الاحد الياي

بنت النور 24
01-17-2010, 09:33 AM
صبااااح الخير بناااات وحشتوني ’’ شخباااركم ’’
قمرهم // بشرج الله بالخير اموووت على معرض الخريف ان شاء الله بروح مع اني كنت ناويه اروح السعوديه لاني ما حصلت شئ عدل في البحرين والاسعار كلها فوووق ابي مفارش للبيبي والله اسعارهم ما تدخل العقل ’’ ان شاء الله احصل في معرض الخريف ’’

من اكون في الكون // ما تشوفين شر فديتج وبالنسبه الاغراض عادي حبوبه تقدرين بعد الولاده تخلين زوجج يشتريهم لج ترااا ما باقي عليج اشياااء واااايد لا تحاتين احس انج بتولدين بعد موعدج لان العاده البكر تتاخر وخاااص الولد يتاخر وااايد انا كنت من يوم الجمعه لين يوم لاثنين وانا اطلق والطلق يروح ويجي وبعدين ولدت ’’

ليمونه // هلا اختي مبروك دخولج التاسع شدي حيالج بالمشي ترا اهم شئ المشي والاترساوند الرباعي يسونه مرتين على حد علمي لان انا سوه لي بالخامس ويوم كنت انتظر دوري كنت واحده يسون لها وهي في الثامن فسالتها اول مره تسوين قالت لا هذي المره الثانيه ’’ فمااا مدري يمكن يختلف من وحده للوحده ’’’

فلونه // الله يكون في عونج صج صج الشيره تعور توني مسويه الشهر الي طاااف مت وحيت والله وااايد يعور احس يعور اكثر من الايام الي ما كنت حامل ’’ بس شنسوي الازم نكون جاهزين للكل شئ ولا نهمل روحنا ’’تولدين بسلامه يارب ’’ اختي بسالح فهميه المطوع بكم تسوي الاترساوند وين عيادتها بالضبط ؟؟؟؟؟

زهره النسرين // اخبااارج وينج كم يوم ما دخلتي ؟؟

دلوعه بوعيالي // الله يهون عليج ان شاء الله طمنينا عنج بكره موعد ولادتج ’’ تقومين بسلامه يارب

غصون الامل// هلا اختي منوره الله يتيم عليج وعلينا ’’

ضحك الورد // ضحكني زوجج والله خليج لين موعدج وبعدين اولدي مستعيل الريال ’’ ما عليج منه تدلعي على كثر ما تقدرين بعد الولاده ما تقدرين تتدلعين كل شئ بيكون على راسج ’ تولدين بسلامه يارب

قمرهم**
01-17-2010, 09:53 AM
بنت النور احس شريطج واقف مو راضي يمشي شلون جذي ؟؟؟؟؟؟ هههههههه انتي الحين دخلتي السابع شفيه شريطج

بنت النور 24
01-17-2010, 10:32 AM
قمرهم // اي اتصدقين يا يختج مدري اشفيه ,, وما اعرف اسوي واحد غيره

بنت النور 24
01-17-2010, 10:37 AM
ووووووووووووووووووووووي كللللللللللللللللللللللللللللللللللوش واخيرا تغير سمعنا الظاهر هههههههههههه

فلونة20
01-17-2010, 10:38 AM
بنت النور :عيادة د.فهيمة في ام الحصم مقابل برادات الجزيرة من ورا من من الباب الرئيسي ..سوته لي بالديفيدي 50 دينار

من اكون :مو شرط البكر تقدم ترى اعرف وايد اللحين ولدو قبل موعدهم باسبوع او اقل فعلى الاقل حتى لو شلت بيطلع لي تناتيش ما بخليه يصير عشه خخخ اهني الفشيلة الكبرى

بنت النور 24
01-17-2010, 10:48 AM
فلونه // تسلمين حبوبه بس جنه واااايد سعرها انا بروح فوزيه كمال بس فهميه يمدحونها قلت بغير هالمره ’’ بس اذا هذا سعرها ما ابي اروح خلني على فوزيه احسن وخاصه اني اعرف جنس البيبي لان كل مره تقول لي الدكتوره بنت بنت بس قلت زياده ثقه اروح اسوي اترساوند في مستشفى خاص

قمرهم**
01-17-2010, 11:26 AM
هههههههههههههههههههههههههههههههههههه ايه اكا سمعنا الظاهر
صح فلونه مو شرط البكر تقدم بالعكس اكثر البكريات بعد ياخرووووووووون لان الرحم اول مره يمر بهالشي
لكن النسوان مو واحد في التجدم وفي الي تاخر من جذي يقولون لج خلج جاهزه من بداية التاسع للولاده

بنت النور 24
01-17-2010, 11:48 AM
اي صح ترا اغلب البكر ياخرووون عن موعدهم

قمرهم**
01-17-2010, 12:12 PM
البنات صارو خاملين نبي حركه اكثر في التجمع زاد الثقل يعني قعدو على النت وشاركونا خخخخخخخخخ

بنت النور 24
01-17-2010, 12:18 PM
كل ما زاد الثقل كل ما قلت المشاركه ههههههه

من اكون في الكون
01-17-2010, 03:32 PM
زاد الثقل يا قمرهم وخلصت التجهيزات.. بس ننطر الولادة خخخخخخخخ

من جذي التجمع كان بارد في الاشهر الاولى والحين في الاخيرة.. بالوسط راحة وكله تسوق ..

بغيت اسألكم: شنو اريح لبعد الولادة: النومة عالسرير او على مرقد مرتفع؟؟

لاني بكون في بيت ابوي في المجلس وصغيرون وقلت ما يحتاج ينزلون لي سرير .. يعني اريح الميترس ويكون البيبي في السلة يمي ( هو عندي ستاند مع السلة يعني اوكي لو سرير) .. شرايكم؟؟

اممم بفكر بعد في سوالف:

شريت الكاكو من جناحي عدة انواع: في نوع مربعي وعليه رسومات اطفال يعني خاص للولادة بالوان ازرق واخضر وبرتقالي.. كاكو وفستق اظن.. الكيلو بـ 14 دينار.. واخذت من نوع ثاني الكيلو بـ 12 دينار: بعضه داخله بسكويت وبعضه مكسرات بعد.. لان السادة ما عجبني حسيته عادي كلش..

يطلع حوالي 80 حبة وكامل طلع علي بـ 17 دينار وشي..

بسألكم بعد: لازم ناخذ موالح وكاكو حق المستشفى بعد؟؟ احس ما له داعي لان الكل يجيب.. يعني الزوار نفسهم والاهل يجيبون هالسوالف صح؟؟ بيصير واجد

ماء الحب
01-17-2010, 05:42 PM
مرحبا بنات

اشتقت لكم كثييييييييييييييييير
وودي ادردش معاكم واعرف اخباركم

هاااا مافي وحدة ولدت؟؟؟

دخلت وتمنيت لو اشوف وحدة منكم


بخبركم عن ولادتي
طبعا يوم الخميس وكان بتاريخ 31 كان من الصبح تجيني الم طلق ويروح واذا راح كأني جذابة حتى زوجي والله شك فيني يقول انتين من صدقج عندج الم لو بس جدي علشان ما اروح الشغل ؟؟؟؟؟؟؟؟

وعصبت علييييييه اقول له والله عندي الم يجيني ويرد يروح لان اول مرة يشوف الطلق ما يعرف له مثل حالتي
بس يقولون بالبنت جذي الطلق يروح ويرد المهم اي وقبلها بأيام وانتون تعرفون نزل عليي دم يعني مو اي وحدة ينزل عليها دم وقريب ولادتها تروح ومو اي وحدة تحس بالطلق تروح المستشى ترى راح يلعبون فيها تنطر لما يشد الطلق
المهم بالمغرب ابتدى يزيد الطلق يعني اذا يجيني الالم اصرخ وبعدها يروح بس لما يروح مايبرد مثل قبل لالا تحسين بحرارة وتنطرينه لان راح يرجع ما ادري فهمتوا علي او لا
بس الالم حار وحتى لو راح الطلق خلاص تحسين بالدفع الجديد راح يجيكي
الساعة 7.30 المغرب انا بالعسكري وما ودي ادخل بعد كان ودي اتمشى برى المستشفى علشان مايلعبون فيني بس لما وصلت خلاص صرت ما اتحمل يعني ما اقدر حتى اوقف ولا امشي
اوكي تصيرون ماتقدرون لاتمشون ولا تقعدون وتحسون بشيئ يدفع في بطنج وظهرج راح ينكسر
المهم انا دخلت وعلى امل اني خلاص وصلت حدي قلت اي امشي مافي مجال خلاص لازم ادخل لهم بسرعة لا اولد
اي قبل لا اروح المستشفى شربت كوب حليب دافئ واذا في مجال اكلووووووووووو نصيحة مني لاتسوون مثلي امي جابت لي اكل وما اكلته ترى انا اقول لكم اكلوا وشربوا ترى راح تحسون بجوع وعطش مو طبيعي عقب

انزين انا دخلت حطوا عليي التخطيط والاوكسجين وهذه الحاله الطلق اذا جا صرخت ذيك الضرخة واذا راحت سكت وانا اخذ الاكسجين وقت الطلق وتحسين الوقت يمشي بسرررررررعه كأنه حلم جاتني الدكتورة جافت اني مفتوحة بس 1.5 وانا اوردي قبلها باسبوع مفتوحة 1 يعني ما انفتحت بس الراس كان تحت
امرت الدكتورة انهم يودوني الجناح ويطلعوني من الولادة ويخلوني تحت المراقبة وانا انطرهم اسمع صريخ الي يولدون وانا اقول الى هالدرجة الولادة توجع صراخهم عندي وانا اسمع الممرضات يالله دفعي دفعي لاتصرخين مانبي صوت كلش واسمع عقب صوت صياح البيبي والنرسات يضحكون وانا اقول بس 10 دقايق وولدت يعني بسرعة اشوه هههههههههههههه متفرغة انا احسب لكل وحدة جم تاخذ من تصرخ لما تولد هههههههه
انا استغربت وبطلت عيني اقول كل هالالم بس 1 والصدمة الكبرى اذا الحين الالم جذي عجل بعدين وش بيصيرررررر اهني خلاص قمت اصيح والنفسية تعبت لا وانا اقول مابروح من وقت اليهم
يعني نصيحة مو من تحسون بالالم تروحون ترى هذا توه النااااااااس
المهم ودوني الجناح طبعا غرفة خاصة على مستوى لان ماكو غرف ولله الحمد مافي غرف فأقول لكم ودوني اقول ما ادري اسهر على التلفزيون واشوف دخول العام الجديد لاااااا اي تلفزيون مصدقة روحي انا حتى اقوم ما اقدر وابتديت احسب فصار الالم كل ربع ساعة يمرني يسلم علي ويرد يروح واذا جاني مو اي الم لاااااااااا الم غير بعد
المهم شافوني ازعجت المرضى بالرغم انا بغرفة خاصة بس صريخي يوصل لهم برى
اتصلوا بقسم الولادة قالوا لهم ترى الي جبتونها تصرخ والالم زاد عندها وشكلها بتولد
انزين شوي وردوا رجعوني الولادة
بس هالمرة غير عاد
هالمرة جد وكانت الساعة 12 ونصف اهم شيئ دخلت يوم جديد فخلاص مايهم ابي اولد بسرعه
غيروا ثيابي ودخلوني غرفة غير عن الاولى قلت لا شكلها هالمرة السالفة جايدة
وقالوا لي بتنامين قلت لهم ابي انام تعبت طفوا اليت يازعم بنام
لاااااااااا فصارت صرخاتي تزداد جوني ويش الحين قلت لهم الالم ذابحني مو مخلني انام ههههههههههههههههههه
متفرغة ابي انام هههههههههههه قمت اضحك على روحي عقب ايام هههههههههههههههههههه
بس كنت بريئة ما اعرف وش السالفة
المهم قالوا لي بنعطيش ابرة عشان تنامين قلت لهم بسرعة ذبحني الالم خدروني
اما افتكرت ان الابرة صدق تخدر وانام
صار الالم لاااااااااا يزيد اي نوم قصوا عليي ههههههههههههه
ومع ازديد الالم والصريخ وانا اقول يولود بسرعه بس عشر دقايق فمقدور عليها طلع لااااااااااااااا السالفة غير
وعطوني ابرة ثانية وصار الالم تحسين شيئ بيطلع منش واالم غير محتمل ولا ينوصف يقولون مثل الم الدورة لا غلطانين مو مثل الم الدورة هذا غير
بدايتا مثل الم الدورة بس عقب يختلف
وشافوني قالوا 3 سانتي قلت بل كل هالالم بس 3 ياربي سهل
وصرت على هالحالة وينيمونش على جنب هو صح يوجع ومتعبة هالنومة بس طاوعيهم لان تسهل عليش وبسرعة ينزل الجنين
بس الباقي ما اقدر اوصفه لان ما اعرف اوصفه اي لا تعليق

بس وصارت بنتي معلقة بس راسها برى وانا نمت صرت ما اقدر ادفع ويجيبون ليي ماي يرشون وجهي ويسطروني علشان اصحى بس خلاص صادني اغماء
وصراحة ما قصروا معاي صاروا يحاولون ويايي لان بنتي بخطر صارت ما اقدر اكمل لان كريها الولادة
المهم طلعت بنوتيتي وش حلاتها
وبعدها لخياط وانا ما اعرف على بالي شوية بس لخياطة خلصت وودوني الحمام غسلت ونظفت وكل شيئ ووودوني الغرفة بالجناح ونمت من التعب ولا سئلت لا عن بيبي ولا شيئ

بعدها الصبح على الساعة 11 يمكن جابوها لي
طلعت قمر بيضة وش حلاتها زي الاشطة والعيون خضراء والشعر اشقر الله يحفظها ليي ويخليها لي
بس واستانست بس ماتنسين الالم دايركت تاخذين لج 10 ايام وشوي شوي تنسين الالم والوجع

وسلامتكم والله يردكم جميع بالسلامة وانشاء الله كلكم طبيعي يارب
راح اكمل لكم عن اشياء تستفيدون منها

دلوعه بو عيالي
01-17-2010, 05:55 PM
كروشات حبيباتي انا رايحه الحين المستشفى خلاص دعووووووووووووووووووووووووواتكم ربي يسهل عليكم وعلي يارب يلا مع السلامه حللونة حدي خايفة ابي دعوووووووووووووووووووووووووووووووووووووووووواتكم مع السلامة

دلوعه بو عيالي
01-17-2010, 05:55 PM
كروشات حبيباتي انا رايحه الحين المستشفى خلاص دعووووووووووووووووووووووووواتكم ربي يسهل عليكم وعلي يارب يلا مع السلامه حللونة حدي خايفة ابي دعوووووووووووووووووووووووووووووووووووووووووواتكم مع السلامة

ماء الحب
01-17-2010, 07:18 PM
دلوعة بو عيالي الله يردج بالسلامة
وعساج على القوة ودعواتنى لج انشاء الله
قلبي وياج حبيبتي الله يساعدج

راح اخبركم عن اشياء كنت اتسائل عنها دائما وانا حامل

اولا بالنسبة للمستشفى بالولادة تحملوا فيني وماقصروا
الغرفة ماعليها كلام حمام نظيف وش كبره والغرفة كل شيئ فيها وبالنسبة الى الاكل يجيبون لج فايل تختارين شنو الوجبة الي تبينها في جميع الوجبات


بالنسبة الى لخياط موجع وكريه ومزعج بس يبي لها رعاية ونظافة واهتماااااااااااام
بالنسبة لي انا شريت اشياء كتبتها لي الدكتورة
غسول اسمه املاح الزارا وهذا الغسول عبارة عن ملح طبيعي مستخرج من البحر الميت وريحته عجيبة وسعره تقريبا 8 دينار واشتريته من صيدلية رويان

وهذا من نفس الشركة
https://www.arabmarket.biz/market/images/tblcornerdl.gifhttps://www.arabmarket.biz/market/images/tblcornerdr.gifhttps://www.arabmarket.biz/upimg/black_mud_mask_large_smol.gif (https://www.arabmarket.biz/market/EMarketInfo.aspx?id=243)

بس هو نفس هالعلبة بالضبط بس اسم الشركة غير
http://www.indexsignal.com/vb/attachment.php?attachmentid=140193&stc=1&d=1254575114


فطريقتي من ادخل الحمام اخذ شوي املاح في كاسة واذوبه بماي دافي واستدمه غسول

وبعدها اجفف المكان زيييييييييييين لان اذا ما جففتين الجرح تروح عليش واحط على الجرح مرهم ميبو والدكتورة كتبته ليي

بالنسبة الى صدري استخدمت مرهم بنتادين الى التشققات واجد زين ونفعني

بالنسبة الى الالتهابات الحفاظ لبنتي استخدمت مرهم بنتادين
بالنسبة الى السرة استخدمت لها ملح مذاب في ماي واخذ عود اذن وانظفه وسريع المفعول بسرع طاحت السرة وبعد ماطاحت انظف سره بمرة منقوعه في ماي وبالعود انظفه وعقب احط عليه مرهم وفوقه بودر الى السرة من الصيدلية شريته


بالنسبة الى بطن بنتي كل تتوجع منه فأستخدمت اليها ليلا ماي الغريب واخففه بماي
والصبح مرقدوش مع قليل من النبات
واخذ الحلوة واحط عليه ماي مغلي واخليه ينقع فيه وعقب احطه بالمرضعه واعطيها اياه وواجد زين

بعد شنو عطيت بنتي
طبعا ارضعها طبيعي مع الحليب المساعد وهو بنتاميل

انا الحين صار ليي 16 يوم وامس سويت حقي خلطة عبارة عن املاح ومحلب ومرة طحنتهم وعجنتهم بعسل وسويتهم مثل الطعامة حق التمر وحطيتها بالفريزر وحطيتها البارحة وش اقول لكم نزل مني اوساخ ما ادري من وين وانصحكم فيها


بعد شنو اقدر افيدكم
اذا عندكم اسئلة اسئلوني وبجاوبكم

leemoon
01-17-2010, 11:12 PM
فلونة ايه خلاص ما يناسب الا الموس :( ..

من اكون لا تخافين ما احسب الولادة << خايفة هههه
والسونار اشوف يعرف الوضعية باللمس .. ما ادري شلون يعرفون حتى اذا ارجع البيت احاول المس مثلهم عشان اتحسس الراس بس ما انجح هههه
والبجامات مع التخفيض احس زين انا ماخذة بجامة ثانية من ماكس قبل التخفيض ب 9 او 10 يعني نفس السعر تقريبا
والكبت عليكي بالف عافية ..
من اكون تصدقين كنت افكر في"" القدوع "" ما ادري شنو ياخذون عادة << ما تروح للوالدات الا بعد شهر هههه وزين بشوف جناحي وبشوف كم مكان بعد ابي صينية كاكاو مزين بطريقة حلوة



قمرهم مشكورة حبيبتي وانا حاسبة نفسي دخلت التاسع من التعب الي احس به .. و ذكرتيني بمعرض الخريف يمكن اخذ لي منه اشياء ..

بنت النور هلا شخباارج ؟؟ امم يعني يمكن يسوون للبعض مرة واذا الوحدة عندها مشاكل مرتين !!

دلوعة بو عيالي يا رب تولدين بالف بالف سلامة وتجين تطمنينا

ماء الحب يا هلا فيج ويين رحتي اشتقنا لج .. شخبار البنوتة القمورة خبرينا عنها اكثر .. وقصتج حلوة هههههه وعقبال قصصنا يا رب .. بس ما قلتي اي افضل القيصري او الطبيعي ؟ ومشكورة عالنصاائح بسجلهم بعد والغسول هذا زين انا كنت استخدمه قبل ولما خلص كنت استخدم ملح عادي لتغسي المنطقة ..



يلا بنات تصبحون على الف خير ظهري انكسر

ام-عزووز
01-17-2010, 11:36 PM
السلاااااااااااااااام عليكم .. هلا بنات شخبااااركم ... و الله يهون عليكم
ماء لحب ... بغيت اسالج مافهمت شنو الخلطه الي سويتيها و طلعت الاوساخ.. مافهمت طريقتها؟؟!!

ام-عزووز
01-17-2010, 11:52 PM
دلوعة بوعيالي .. الله يهون عليج و يقومج بالسلاامه ..

ماء الحب .. توني اقرا قصتج .. الحمد الله على كل حال .. اهم شي ان انتي و البيبي بخير و كله اجر ان شالله


بنت عمتي تشتغل في قسم الولاده .. اتقول واايد حالات و لاده ايوون متاخرين و يكون البيبي في خطر .. يعني صحيح ان لاتستعجلون و من اي الم اتروحون المستشفى بس لاتمصخونها و اتمون لين ينزل الماي ... لان كل وحده و لادتها غير عن الثانيه و لا وحده نفس الثانيه صدقوني
انا الحمد الله من حسيت بالالم و نزل شوي دم تميت اقرا سورة مريم و اشرب ميراميه و حبه سوده و عسل و تمر .. ورحت المستشفى لما زاد شوي الالم وقالولي ان متوسع4سم و الحمد الله ربي يسرها لي



والله يكون في عونكم الولاده يبيلها قلب

فلونة20
01-18-2010, 02:51 AM
ماء الحب من قصتج خفت زيااادة من الولادة الله يعيدي هاليووم على خير :(

قمرهم**
01-18-2010, 08:32 AM
من اكون في الكون فديتج خيتو يالله ما بقى شي وتهون عليج حبيبتي

بالنسبه للككاو زين سويتو وشريتي من جناحي لذيذ وراقي

خيتو انه اقولج افضل السرير تحطينه اعدلج للقومه والقعده لان بيكون فيج خياط

اريح لج عشان تكونين في مستوى اعلى من البيبي بسهوله تاخذينه من السله

وانه عن نفسي اوصي زوجي يجيب لي صينة معجبنات الصغيره مشكله

اقدم منها مع الككاو حلو بيكون لو تسوين جذي

قمرهم**
01-18-2010, 08:46 AM
خيتو ماء الحب الحمد لله على السلامه يااااااااااااارب وفرحتينا بقصتج وخوفتينا شوي خخخخخ لان يوم عقب يوم نعد تنازلي يالله يالله يسهل على كل حامل ويهون علينا .... (( والله يحفظ لج بنتج من كل شر )) خيتو هالفتره خلي بالج على النونوه ترا اوادم عيونهم حاره وتحط بالهم واذا تقدرين في شي مثل العين عن الحسد يعلقونها في فراش البيبي ما يضر لو حطيتيها
<<<<<< انه عن ن فسي تعقدت من ولادتي الأولى لان في وحده اشكرا شهقت في ولدي جدامي
الله يحفظهم لنا يا رب ......
ومشكوره على المعلومات المفيده حبيبتي وعقبال ما نسمع قصصص باقي الكروشات

ليمون فديتج الكل ينتظر معرض هالخريف خخخخخخخ .... .

بحرينية كلي غلا
01-18-2010, 09:14 AM
سلااااااام بنات ادري انا ادش اقره سوالفكم وادعي لكم واطلع الله يعينه على العين والله مشكلة في قبعات فن مكتوب ماشاء الله عليهم رووعه

ان شاء الله اكتب في ورقه المراهم اللي استتخدمتهم ماء الحب



اللهم سهل حملنا وولادتنا وهون علينا الم الطلق ونزول الراس وخروجه اللهم واجعله سليمن معافى لا زياده في خلقه ولا نقصان اللهم واجعله من عبادك الصالحين اللهم حسن خلقه واخلاقه اللهم ان كنت قدرت جنين في بطني اسأألك ان تحفظه من اعين الانس والجان وان تجعله في احسن صوره بجمال النبي يوسف واخلاف النبي محمد عليه الصلاه والسلام اللهم سهل مخرجه اللهم سهل مخرجه اللهم يسر لنا العسير ولا تعسر لنا اليسير

قمرهم**
01-18-2010, 09:26 AM
بحرينية كلي غلا يا هلا فيج حبيبتي منوره

اميرة قلب زوجي
01-18-2010, 10:41 AM
مرحبا

انا عضوه جديده فأرجوا انكم تقبلوني اخت لكم

انا عندي ولد عمره سنتين وشهرين وانا الحين حامل بس مو عارفه في اي اسبوع بالضبط لأن شهر اكتوبر جاتني الدوره بتاريخ 24 / 10 /2009 ولما جاء شهر 11 اخذت حبوب تأخير الدوره لان كنت ناويه اروح الحج والله سهلها علي ورحت ولما وقفت الحبوب نزلت علي بتاريخ 4 / 12 / 2009 و لحد الحين ما نزلت وسويت فحص طلعت حامل والحمد لله فأنا مو عارفه انا في اي اسبوع ؟ احد منكم يعرف ؟؟؟؟

وسامحوني طولت عليكم

اميرة قلب زوجي
01-18-2010, 10:47 AM
اللهم ان كنت قدرت جنينا في بطني اسألك ان تجعله سليما معافى من كل عاهه وبلاء وان تجعله في احسن صوره بجمال النبي يوسف اللهم واجعله من عبادك الصالحين اللهم وانبته نباتا حسنا واجعله من حفظة كتابك يمنك ورحمتك وعفوك يالله اللهم اني استودعك ماخلقت
في رحمي يامن لا تضيع ودائعه اللهم احفظه واجعله سليم معافى لازيادة في خلقه ولا نقصان اللهم سهل حملي وولادتي اللهم سهل حمل الجميع ياارب

بحرينية كلي غلا
01-18-2010, 10:52 AM
هلا فيج قمرهم وهلا فيج اميره



اميره انتي حاليا باذن الله 6 اسابيع و3 ايام و على الشهر الثاني نصه الله يثبت حملج ويسهل عليج اميين

وتاريخ الولاده عندج 10- سبتمبر -2010 ان شاء الله


الله يسهل علينا يارب وكل اجر منو اصغر وحده فينا

ضحك الورد
01-18-2010, 10:57 AM
ماء الحب
الحمد لله على سلامتش وسلامة البنوته
ودلوعة بو عيالي
تروحين وترجعين لنا بالسلامة مع بيبيش

ضحك الورد
01-18-2010, 11:06 AM
الحين في المستشفى لازم بتودون وياكم قدوع
الحين زين منا حاملين شنطتنا فيها ثيابنا واغراضنا
بعد قدوع
خلها على الوالدة وعمتي
وزوجي احسن
مالي امزاج
خلني اولد بس ههه

اميرة قلب زوجي
01-18-2010, 11:08 AM
مشكوره اختي بحرينيه وعساج عالقوه

همـس المشاعـر
01-18-2010, 11:20 AM
السلام عليكم
شخبااااركم؟
و اخيرا امس كملت الامتحانات ولكن يافرحة ماتمت :ب1:توني طالعة من الجامعة وقفت عند الاشارة الا يجي لي واحد
و يدعمني من ورا و كسر لي البمبر كامل حزتها انا خفت على البيبي و على نفسي و خاصة ان زوجي مسافر و موصيني تحملي في نفسش و الكتكوت :062:
بس الحمدلله ماصادنا شي حتى يوم رجعت البيت قعدت اراقب حركاته الحمدلله كان يتحرك وش حلاته:0149: ههههههه اهني تطمنت عليه
كنت حاطة في بالي هالاسبوع اكمل بعض اغراضي و خاصة بعد اسبوع الجاي عيدميلاد زوجي فكنت ابغي اشتري له بعض الهدايا بس الحين توهقت بخلي اختي توديني كل مان ابغي:044:

ماءالحب
الف الحمدلله على سلامتج و سلامة البنوته
قرأت قصة ولاتج بتركيز الله يكون فونه و يسهل علينا

دلوعةبوعيالي
تروحين و ترجعين بالسلامة

غصون الامل و اميرة قلب زوجي
ياهلا و مرحبا فيكم و عسى الله يثبت لكم الي في ارحامكم
اميرة قلب زوجي اتوقع الحين انتي في الاسبوع الخامس او السادس اذا ماخاب ظني

ضحك الورد
ضحكني زوجج شكله مستعجل نفس زوجي يعد الايام و الليالي
الله يجيبهم بالسلامة

بحرينية كلي غلا
01-18-2010, 11:52 AM
الله يقويج الغلا

ولكموو همووسه

قمرهم**
01-18-2010, 11:56 AM
همس المشاعر الحمد لله على سلامتش الله حافظ خيتو
والله كريه الشعور انه بعد لما صادني الحادث كنت مو في دنيا وحادثي كان قوي وانه في الاسعاف كنت اقول ما ابي شي غير ان البيبي يكون بخير والحمد لله انه ما صاده شي الحمد لله
يالله في الحديد ولا فينا احنا ونونواتنه

ضحك الورد هلا خيتو شخبارش ياللله كملي اغراضج هالاسبوع ندش الثامن بدا العد التنازلي الايام بتمشي بسرعه

اميرة قلب زوجي
01-18-2010, 12:05 PM
تعرفون انا في حملي الاول كنت متابعه ويا الامريكي خطوه بخطوه حتى دفعت لهم المقدم حق اولد عندهم وآخذ البكج كامل وكنت اروح تمرينات الحمل عندهم ويراوونا فيديو ولاده وتعلمنا شنو الي بيصير حزة الولاده ويوم من الايام كان عندي موعد التمرين وقبل ما اطلع من البيت حسيت بألم فضيع كنت احس فيه قبل ليله من ذاك اليوم فقلت لزوجي قبل ما اروح فوق للتمرين بروح اشوف دكتورتي واخبرها عن الالم ولما شفتها وكشفت علي هاوشتني لاني ما رحت لها من امس لان انفتح عندي 2 سم وانا كنت في الاسبوع 32 واتصلت بالاسعاف ركبت لي سيلان وحولتني على السلمانيه فإستغربت قلت لها ليش انا ابي اولد عندكم وانا دافعه كل شي قالت لي ادري انج دافعه بس ما يصير تولدين عندنا لان ما عندنا اجهزه للعنايه بالمولود (الشيشه) فإستغربت انهم ما عندهم هالتجهيزات والله ورحت السلمانيه والحمد لله الله سهلها علي وولدت بولدي الله يحفظه لي ويخليه والحين قلت ما بولد الا في السلمانيه لا خاص ولا هم يحزنون بس دعواتكم لي .

قمرهم**
01-18-2010, 12:13 PM
الله يسهل خيتو أميرة قلب زوجي بس عيب السلمانيه انتي وحظج ناس وايد تذم وناس وايد تمدح ما ينعرف ليهم

بحرينية كلي غلا
01-18-2010, 12:13 PM
اميره وي فديت قلبج يعني ولدتي من وكت في الثامن وي يلا الحمدلله ع سلامتج و الله يسهل حملج فديتج

قمرهم وضحك الورد يلا انا معاكم فديتكم انا الحين باقيلي جمن مهااد و ثياب حقي وابي شنطه عوده للمستشفى كشخه وراقيه وابي بعد ثياب حقي حق المستشفى والرضاعه من وين احلصلهم


وتعالو متى معرض الخريف

اميرة قلب زوجي
01-18-2010, 12:22 PM
بسألكم متى احسن وقت اجهز فيه اغراضي واغراض المولود ؟؟ يعني في اي شهر؟؟

قمرهم**
01-18-2010, 12:25 PM
بحرينية كلي غلى ايه خيتو احنا بينا ايام شكلنا ورا بعض كل يوم وحده خخخخخخخخخ يالله الله يسهل علينا
بالنسبه للتجهيزات انه بعد مثلج ما كملت الاغراض
للرضاعه خيتو افضل تاخذين بيجامات حلوه وقطنيه ولها ازرار جدام انه شفت منهم في
bhs وليمون تقول خذت من ساره .... خيتو هاي محل اسمه النجم الجميل
وعندهم موقع ظ…ظˆظ‚ط¹ ط§ظ„ظ…ط­ظ„ ظˆ ط£ظˆظ‚ط§طھ ط§ظ„ط¹ظ…ظ„ | ط§ظ„ظ€ظ†ط¬ظ€ظ€ظ€ظ… ط§ظ„ط¬ظ…ظ€ظ€ظ€ظ€ظ€ظ€ظ€ظ€ظ€ظٹظ„ (http://www.prettystar.net/location-opening-times/) بعد قالو لي ان عنده بيجامات ي محلهم حلوه للرضاعه بس الصور الي في الموضع ترا قديمه يعني مو محدثه كلمت صاحبة الشغل والمحل وقالت لي ترا عندي بيجامات رضاعه وايد زينه بس ما رحت للحين اشوفها صراحه

والمعرض خيتو بيكون تاريخ 24 / 1 / 2010 يعني جريب كلش يوم الأحد الياي بعد ساعات اذا تعسعسين يمكن تلقين ثياب داخليه وبيجامات تفيدج للمستشفى ووقت النفاس

قمرهم**
01-18-2010, 12:29 PM
اميرة قلب زوجي خيتو احسن شي الشهر السادس صراحه احس الوحده للحين ما زاد الثقل عليها لا تصيرين مثلنا انه الحين بديت اثقل وكلها جم يوم وادخل الثامن وكله متملله مالي خلق السوق من الثقل انه احس السادس انسب شهر للتوسق عدل يعني تشترين معظم الغراض

اميرة قلب زوجي
01-18-2010, 12:36 PM
مشكوره قمرهم وما قصرتي والله يسهل عليج باقي الحمل والولاده

بحرينية كلي غلا
01-18-2010, 12:43 PM
وين هاي نجمة اللي تقولين عنه ابوووي انتي


اميره اي انا اقول الخامس عندج او السادس زين

قمرهم**
01-18-2010, 01:37 PM
بحرينية على الوصف عن مستشفى الامل ودشي الموقع فيه وصف للمكان اعتقد

ضحك الورد
01-18-2010, 02:11 PM
أميرة ولدتي في 32 اسبوع في الثامن
ولدش خلوه جم اسبوع في الشيشة
بس 3 اسابيع وعطوش اياه
لو طول ؟!!
اهم شيء سلامتج وسلامة البيبي
وبيني وبينش الخاص يبون كله فلوووس وبس مالت عليهم

بحرينيه بيني وبينش بس يووم في الولادة
متى عاطينش
اني عاطيني ولادة مبكرة ههههههه تاريخ 26/2 او قبله وعندي موعد بداية الشهر تاريخ 4\2
وقبل الولادة ب4 ايام سوناار تخيلييييييي ويلي انكت اني
اني كله اضحك على روحي
ههه

قمرهم برزت اغراضي
اليوم برزت ليي شنطة حطيت فيها ثيابي الا بوديهم البيت
ههه وبرزت شنطة عشان ويش احط فيها ثياب حقي للمستشفى تحيرت ههههههههه
وتحيرت وش احط اغراض للبيبي ههه
وبعد بكمل اغراض البيبي ناقصتني اشياء واجد
ان شاء الله ويا نهاية هالشهر كل شيء جهزته ولا عليي شيء

تعالو معرض الخريف هذا ويش فيه خاطري اروحه رجلي ما وداني كل اقول ليه ودني ودني كل سنة يطوف ولا يرضى يوديني يقول فاشل
ابغي اروح تتوقعون هالمرة في اغراض للبيبي
جان في اغراض للبيبي بقول لرجلي هالمرة يوديني





مرت حميييييييي تقول لازم ما يجي 35 اسبوع الا لازم اولد
حق واه يعني
رجلي ربعه يقولون ليه بس 34 اسبوع وتولد
ومرت حمي 35 اسبوع
لا حول ولا قوة الا بالله
افتر مخي
ان شاء الله يا ربي نولد بالسلامة ولا نولد مبكر ولا نعوشر

أم عسولة الكتكوتة
01-18-2010, 02:19 PM
السلام عليكم

شخباركم

الحمدلله على سلامتكم اللي ولدتو عورني بطني واقرأ قصص الولادة خخخخ اصلاً اليوم عندي مغص عاد مو ولادة لا انا توني بدخل الرابع

آآه على التعب

ضحك الورد
01-18-2010, 02:23 PM
ام عسولة
خلصتي الشهور المتعبة
بتحسين بالخفة الحين
بس لا تعبين روحش واجد
والله يتمم حملش


Content Relevant URLs by vBSEO 3.6.0