المساعد الشخصي الرقمي

مشاهدة النسخة كاملة : حماتي بلباس عاري امام زوجي ! ضاقت فيني الوسيعة



الصفحات : [1] 2

قلوب تنبض بالحب
09-07-2009, 03:21 AM
احيانا يافراشات الواحد ما يبحث عن حل كثر ما يبحث عن احد يسمعه
في هالايام صعب تحصل لك ناس تسمعك و تسمع مشاكلك ..


الحمد لله .. المنتديات وسعت علينا كثير , و وسعت صدورنا و حلت مشاكلنا


مابي اطول اكثر .. بس يا جماعة اني احس حالي مخنوقة من اول ما تم عقد الزواج و رحت شفت بيت عمي الوضع فيه مأساوي وقلبي عورني في احلى ليلة


عمتي + حميي + حمواتي


زوجي عنده اخ واحد و اختين .. الاخ مو متزوج .. و اخت متزوجة و اخت مو متزوجة و اهي اصغر مني بسنتين ..



و المشكلة كانت بدايتها من اول يوم .. من اول ما تم عقد الزواج لما وداني خطيبي حق بيتهم اشوفه
اخت زوجياللي متزوجة كان لابسة بجامة نوم فاضحة و عريانة وهي ماشاء الله عليها جميلة و بيضا بس السالفة مو سالفة غيرة او شي السالفة اني حسيت الموضوع غلط يعني بالمرة مو حلوة الوحدة تجلس امام خوانها جدي .. احنا بالبيت كنا متعودين على الحشمة و الستر


و ظليت طول الوقت افكر بالموضوع شلون وحدة تجلس جنب اخوها جدي؟ و بصراحة مر اسبوعين من العقد و اني مو متحملة اسكت اكثر ,, كل يوم ازور بيت عمي اجوفها و احوف اخته الثانية بلباس فاضح و احيانا يقعدون بس بقميص و انتو بكرامة يغطون حالهم من تحت ببفوطة :0132:


و لما فاتحت خطيبي بالموضوع عصب علي شوي و قال هذولا خواتي و مستحيل افكر فيهم بهالطريقة القذرة اللي تتهميني فيها و مع هذا سكت و ما حبيت اسوي لي مشاكل واني ببداية حياتي


في حفلة خطوبتي كانت كل وحدة لابسة فستان فخم و فستان عرووس حتى في كثير من اللي حاضرين الحفلة و ما يعرفوني فكروا ان العروس دخلت و اهم تعمدوا ما يحضرون كلهم بنفس الوقت ..


و بالحفلة كانو يرقصون رقص مصري امام زوجي ولباسهم كان عاري شوي من فوق اكثر مني اني العروس و بصراحة كنت مو متحملة الوضع ابد حسيت حالي بموت من القهر .. شوي الا حماتي اللي اصغر مني بسنتين منادية بنت عمتها حق ترقص امام زوجي و لما جفتها حسيت ان ودي الارض تنشق و تبلعني .. يعني تخيلوا وحدة ترقص امام زوجكم و اهي بنت عمته ؟


و من هني بديت معاناتي .. من لحظة شفت انهم يبون يتحدوني في ليلة خطوبتي ..



كبرت السالفة مع مرور الوقت .. و الصراحة صارت خلافات كثيرة بيني و بين خطيبي , لان حماتي الاصغر كانت ترقص من تشوف خطيبي جاي , و ساعات تقول له شرايك في رقصي هو يجاملها و يمشي ..

و مرات تشتري لها بجايم نوم و تطق علينا باب الغرفة حتى توريهم وياه !


و الله صرت انقهر لين ادخل البيت و اجوفها قاعدة بذيك البجامة القصيرة الي توصل لنص الفخد
اني استحي و الله استحي ..


تخيلواا .. عمتي ما تتكلم لهم و لا تقول لهم شي ابد .. بس لين يجون ناس يزورونهم تزفهم و تقول لهم روحوا بدلوا شهالاثياب !!




اني كنت احسن الظن فيهم بس صار شي خلاني اعرف ان نيتهم غلط في غلط



حماتي المتزوجة زوجها دايم مسافر و تبات عندنا .. لان ماعندها اولاد

و اهي اللي تززودها باللبس ...


مرة كانت رايحة الغرفة حق النشير للثياب تدور بجامتها حق تلبسها ..
و كنت مع حماتي الثانية بالغرفة الي جنبها .. و كنا نسمعها معصبة و اهي تدور عليها


حماتي تدرون شقالت ؟
قالت اني بقتها و رميتها بالزبالة .. لان بصراحة البجامة عارية و تمصخها بهاللبس !!

يعني حماتي واعية لكل شي تسويه .. و يعني اللي فهمته انها ما تبي اختها تلبس علشان يفضى لها الجو ...



و مرة راوتني بجامة مررررة خلاعية تقول لي احب البسها في البيت لان اخوي يقول لي تصيرين صغييييييرة فيها و ياااااهل ..


و اني اعرف انها تجذب لانها تبي تستفزني



حماتي ما تحب تعرف راي خطيبي لا انما تحب تعرف راي اخوها الثاني


اهي كانت مرة ممكيجة حالها و لابسة قصير .. و اجت معصبة و كنت حزتها جالسة بالصالة اتابع الاخبار مع عمتي .. اشرت لي علشان اروح معاها غرفتها



و يوم سالتها شفيكي معصبة ؟ تقول لي اخوي و لا قال لي صايرة حلوة معني متعدلة بس حق اسمع رايه !!!


في اخت تتعدل و تلبس هالملابس حق تسمع راي اخوها؟



من يومها صرت اكره القعدة معاها .. لان تفكيرها قذر ..


و كنت مرة جالسة اسولف معاها عن فارس الاحلام تسوي لي امبي اتزوج واحد مثل اخوي في كل شي في كل شيء .. في طوله و في جسمممممممممممه


حسيت تقولها بنبرة مو طبيعية ..


و اوقات كثيرة تروح تقعد بغرفته بحجة انها تستخدم لابتوبه .. و تنتظره حتى لو تاخر و تستخدم لابتوبته و ساعات تكون منسدحة على السرير و اكيد عارفين شلون وضع الوحدة المنسدحة و اهي لابسة بجامة !!






اني كارهة حالي و اني عايشة بهالوضع ..



المشكلة ما وقفت عند اهني ..


حماتي المتزوجة اتضايق من لبسها اكثر شي
بس حماتي اللي مو متزوجة اتضايق منها بكلشي



اني ما امدح بحالي بس بشهادة الكل اني احلى من حماتي .. و هذا ما يعني اني حلوة لا .. بس لان حماتي كان جمالها اقل من عادي ..

الشي اللي كانت تستغله هو اني اسمن منها ..


و كانت تبي تستفزني باي طريقة و كانت حتى تحاول تلفت نظر خطيبي لهالموضوع !


يعني لين كنا نقعد مع بعض كانت تقول لخطيبي شوف شوف الفنانات بس شلون اجسامهم تهبل !
يعني كانت تبي تقهرني معني كنت احاول رغم سخافتها ما اغلط عليها و اتعامل معاها اوكي ..


و ظلت طول الوقت تستنقص مني و لين تجوف فيني حبة شباب طالعة تعور راسي
و لين تصيدها حساسية و اسالها شنو فيها على طول تعصب و تروح غرفتها تصيح ..



و اني من طيبيتي ما رديت على و لا شي كانت تستفزني فيه و تغلط علي فيه






المشكلة الثانية
اني عندي حمي ثاني بالبيت .. و علاقته قوية بخطيبي و بعد خطوبتي بخمسة شهور رجع لان كان مسافر عنده دراسة.


و كبرت المشكلة اكبر و اكبر و اكبر


صار خطيبي كلة معاه .. و اني ما كنت حاطة للموضوع اهمية كبيرة , لان قلت اخو ما جاف اخوه من مدة و من حقه بس السالفة كانت اكبر من جدي .. حميي ما اشترى له سيارة .. و صار يستخدم سيارة خطيبي .. كنت اقول ماعليه اخو لازم يساعد اخوه .. بس اهو احسه زودها .. صار خطيبي ما يقدر يمر علي كل يوم .. و لين مر و خذاني بيت عمي صرنا ما نقدر نطلع ..


اني انخطبت و كنت باخر سنة ثانوي .. و ساعات اظطر اقعد للساعة 2 ببيت عمي لان حميي يطلع بالسيارة و يرجع هالوقت .. بصراحة مر شهرين على الوضع هذا و سكت بعدين قلت له مايصير اخوك يتصرف جدي .. لازم يقدر .. و كان يقول لي هاي اخوي محتاج لي و ماراح اتخلى عنه


و تحملت سنة كاملة .. على هالوضع .. ما اطلع زين مع خطيبي .. ما استانس .. ما افرح .. ساعات تصير مناسبات ودي اروحها بس ماكو سيارة .. ربعي كثير منهم تزوجوا بس ما قدرت اروح اعراسهم ..



و قلت ماعلى كبري عقلج و لا تخسرين زوجج لهاي الامور



خطيبي تعدلت ظروفه و صارت احسن .. و اشترى له سيارة جديدة , و ما تصدقون شكثر فرحت , و قلت الحمد لله انحلت الازمة .. و قدرت اتنفس ..
قلت خلاص انفرجت ..


بس طلعت مشكلة اكبر


حميي صار يتصرف بحماقة .. تخيلوا يا فراشات يطلع في السيارة الجديدة يوميا تقريبا .. و صرت اساسا ما اشوفها و على طول نطلع بالسيارة القديمة .. اني حسيت بقهر .. بقهر مو طبيعي ..
يعني احنا خلينا له سيارة .. و بدل ما حميي يشتري له و يخلي لنا السيارة القديمة احنا تحركنا على الموضوع و اشترينا لنا .. و مع هذا صار ياخذ السيارة الجديدة و ما نشوفها ..


اللي يقهر ان وضع حميي ماديا افضل من وضع خطيبي بكثير.. و لو كان فعلا محتاج كنت انا قبل خطيبي اساعده و اوقف معاه و ما تضايقت و لا للحظة انه ياخذ سيارتنا ..



خطيبي كان يشتغل تبع مكاتب و في معاملات لازم يوصلها , و صار يتصل لخطيبي كل يوم تعال ود شغلي انت للمكتب الفلاني و تعال و تعال و تعال ..


و في الفترة الاخيرة صار يعطي رقمه لسكرتيرات علشان يتصلون فيه و بصراحة لما عرفت بالموضوع تهاوشت معاه هوشة كبيرة كانت بتوصل حتى للطلاق .. اني بصراحة وحدة غيورة و ما اقبل زوجي كل يوم يكلمونه بنات بحالة مو ضرورية و علشان اخوه









و لين بتكلم عن عمتي .. يبي ليي صفحات طويلة , عمتي كانت دايم تستصغرني و تعاملني كني ياهل و لين كنت اسوي العشا حق خطيبي تجي و تراقبني و تقول لي و اهي تضحك شوي شوي بتتعلمين
غير انها تراقبني متى اطلع و متى ادخل ..



الشي اللي مخلني امسك نفسي انها امه و مابي اسوي فتن بين ولد وامه لان هاي اصعب شي .. بس ساعات يا جماعة و الله تنرفزني ..

يعني تخيلوا تقول لي اتصدقين ولدي ماخلينا بنت الا و خليناه يقابله و كان يرفض و ما يعجبونه و يقول مو حلوين فاني مستغربة شلون قبل فيج !!!!!!!!!!!!!!!!!!!!!!


و كانت كلة تقط علي كلام على اني مبهدلة معني و الله اهتم بحالي زين و من النوع اللي يهمني المظهر الخارجي و اهتم لكشختي عدل .. و كانت كلة تقول لي روحي ترتبي و تكشخي و كنت استغرب من موقفها ليش تقول لي هالكلام و الحمد لله مافيني شي









اني تزوجت من عشرة اشهر تقريباً .. و صار خلافات قبل الزواج و مشكلة كبيرة و ما تكلمت من وقتها مع بيت عمي , المشكلة هي اني بس صرت ما اسلم عليهم ,, و حقرتهم لاني خلاص حسيت روحي بنفجر .. و من يوم الزواج للحين و اني ما اكلمهم







احنا ساكنين بشقة منفصلة عن بيت عمي و ما نقدر نطلع بشقة ايجار لان كل الشقق اسعارهم نار و لين طلعنا حياتنا بتتغير و مصروفي بيقل اكيد و شي طبيعي بيكون وضعنا اسوء من جدي



بس احس حالي مقهورة .. زوجي و الله مافي نفسه بهالدنيا يحبني و يموت فيني و مهما تهاوشت معه يجي يراضيني .. و يجي يبوس راسي .. و ما يقدر يستغنى عني .. بس مو متقبلة اهله للحين



اهله مو عاجبيني و بصراحة هم ما يشرفوني حتى ..


يوم عن يوم اشوف فيهم اشياء سيئة ..


اهم ما يصلون .. و ما يلبسون عباية , و لين لبسوا يتعمدون يلبسون قصير تحتها

الشعر كله طالع ,,,



و فوق هذا حياتهم نمطها ما تعجبني .. هم بعيدين عن الله ..

هم حياتهم رقص و اغاني ..



هم دايم يروحون المطاعم اللي تجي فيها رقاصة و مطرب و يرقصون مع الرقاصة برقص خفيف يعني يحركون اكتافهم شي جدي



و كلة يطلعون مع البر اختلاط و رقص و اغاني





يوم عن يوم اقول شنو العيلة اللي مناسبتها .. شنو الجو اللي اني اعيش فيه ؟
ناس ما تعرف الله .. ناس ما تدري يعني شنو دين

رقص و اغاني و صبيان و لعب و لهو ..




اني ما اشوف ان البنت المهم بس انها ما تزني ! لان الزنا مو بس بالفرج ..


البنت لازم تكون محتشمة و محترمة حالها .. و يهمني هالشي في عمات اولادي ..






ما اخبي عليكم ان زوجي يهاوشني لاني للحين ما اكلم امه , بس و الله ما اقدر اكلمها لانها سوت حركة بزواجي .. ما اجت سلمت علي بعرسي و لا كلمتني و سوت روحها ما تشوفني و من دخلنا الصالة صارت تحبب راس ابنها و تحضنه ... و قريب تطلع من الحفلة كلمتها قلت لها سلمي عاد ..
الا تسوي لها سوري بنتي ما انتبهت لك ما شفتك ! و اهي تضحك


و من لحظة الحقارة هاي بصراحة حلفت ما اكلمها ..





اني اتعذب و احترق يوميا .. لاني اشوف المناكر .. زوجي يوميا يروح يسلم على امه , و اخته تتعمد تقعد بلباس فاضح و اهو على كلامه تعب من كثر ما يتكلم ..



و اني ساعات اتعب لين يوميا اتهاوش معاه على هالموضوع ..






اني كلمته و قلت له عقب ما اولد شنو عن اولادي ؟ اني ما ادري متى بطلع من الشقة و لا اعرف بمصيري .. و بصراحة مابي اولادي يقعدون معاهم



بس هو يهاوشني و يقول لي حرام اللي بتسوينه .. هاي قطيعة رحم .. و انتي تبين تقطعين اولادي من صلة رحمهم ..هذيلا عماتهم لازم يروحون لهم ..




ما ادري شنو اسوي .. طولت عليكم .. و ادري في ناااااااااااااس كثير بتخطر اسطر و يمكن تقرا بس بالنهاية .. بس صدقوني احس براحة اني كتبت لكم ..




اني ابي شي يريحني من اللي فيه .. شي اقدر اعيش فيه براحة .. و اقدر اتقبل اني عايشة مع ناس ما تعرف يعني شنو صلاة !

اميرة 6
09-07-2009, 03:58 AM
ما اعرف بشنو ارد غير الله يصبرك ويحفظك

رتاااااااج
09-07-2009, 04:04 AM
عائله غريبه جدااااااااااااااااااااا انتي تقولي مايخافون الله شنو ترجين فيهم ...

زوجك حاولي تنصحينه وانصحي حمواتك اهديلهم اشرطه دينيه ذكريهم بالموت وعذاب القبر..

يمكن الله يهديهم على ايدك ماالومك..باللي يصير بس انتي قبل الزواج كنتي عارفه ليتك رفضت والله يعوضك..

متجر سومي للشنط
09-07-2009, 04:04 AM
عائله مره غريبه واللي يحصل فيها مو طبيعي الله يفرجها عليكي ان شاء الله وانتي لاتحطي اهله ببالك كثير طنشيهم وهو حر معهم عشان لاتكثر عليكي المشاكل مع زوجك ولاتتعب نفسيتك

حلوه وتتدلع
09-07-2009, 04:18 AM
من جد عائله غريبه يعني مو لهدرجه معقول في ناس كذا!!!! من جد الله يعينك ويصبرك ويهديهم ادعي لهم بالهدايه هذول في ضلاله مساكين والله

مشتاقة لطفلي
09-07-2009, 04:22 AM
يمه وش ذا
اعوذ بالله

ماصدق في ناس كذا بالدنيا

والله ماعندي حل كلللللللللللللش

يمكن لو انا مكانك مجرد اسلم عليهم وازرهم بالمناسبات الكبيرة جدا

غير كذا مايشرفني حتى اقعد معاهم

وزوجك غيري طباعه لايصير مثلهم لكن خليه يواصل اهله مهما كان اهله

والله شي عجيب يمكن ناس بتتهمك بالمبالغة في بعض الاشياء

لكن واضح مثل عين الشمس انهم عايلة خراب

بس بسالك ليش بعد الخطوبة تروحين لهم كل يوم وتسوين عشاء بعد .. ؟؟ احنا ماعندنا كذا احس مو حلو و غريب


ابعدي عيالك عنهم احسن

حوريه البحرN
09-07-2009, 04:29 AM
أنتي شكلس من الأمارآت أوالكويت((((:0148:ملقوفه

صحيح أني مو متزوجه بس أعتبريني أخت تخاف على أختها
المهم شوفي أختي قبل كل شي أصبري أصبري أصبري
لا تهدمين حياتس بيدس وصدقيني ما فيه أحد مرتاح هاي حال الدنيا:074:
مشاء الله تبارك الله من خلال كلامس باين أن زوجس طيب ومتفهم حااااااااااااااااولي ماتخسيرنه:020:
صدقيني لو خسرتيه بتندمين الله يبعد عنكم الشر:074:
فكري زين ولا تخلين الشيطاااااان يخرب بيتس(((أنا عارفه ومقدره شعورس تجاه خوآته الله يهديهم:042:
ومن ناحيه أمه حااااااااااااااولي تطيحين الحطب (((علشان خاطر زوجس((((في الأول والأخير هي أمه:0126:
روحي زوريها وجيبي هديه وحتى خوآآآته غيري معاملتس لهم(((أدري أنه صعبه عليس بس في الأول .......
رآآآآآح تتعبين معاهم بس في الأخير أنتي الكسبانه:036:((وأنصحيهم وبيني لهم خوفس عليهم من النار((ومن ناحيه لبسهم قدآم محارمهم:0107:....
يعني كلمي خوآآآآته كأنس صديقه لهم ومن الأفضل ماتنصحينهم وهم مجتمعين يعني
مثلا تقعدين مع أخته الكبيره وتسولفين لها يعني لين تحسين أرتاحت لس وتبدئين تنصحينها باالتي هي أحسن وهكذا:0149:والصغيره كذالك
بعدين فيه نقطه جدآآآآآ مهمه لآزم ماتبينين غيرتس وأنس مقهوره من حركاتهم ومن لبسهم(((((علشان مايزيدون
وحاولي تكونين شيااااااااااااااااكه:047:(((يعني أحسن منهم :0112:
أوصيس في الرشآقه الرجال أغلبهم يحبون الرشاقه:0111:
ويااااااااارب يسعدس وسامحيني على القصور:09:

**جودي**
09-07-2009, 04:37 AM
طيب من اول وانتي عارفتهم ليه استمريتي مع زوجك ؟

ما بيتقدم لك غيره يعني ؟

صراحة الغلط الاول منك ، كنتي عارفتهم وشفتي وضعهم

ليه استمريتي ؟

/

الحين ما بينفع الندم

وخوات زوجك يدرون انك تغارين عشان كذا يزودونها

انتي خلييك متفتحة وعقلك كبير وروحي لهم وسوي نفسك عادي

واذا شفتي وحدة لابسة كذا قولي يااااي تهبلين والله

واسأليهم من وين شريتوه

يعني خليك لينة معهم بالتعامل

عشان تكسبينهم

ولا تبينين انك غيرانه لانهم بيزيدون عليك

ارجعي لامه وعامليها زيين ، مهما سوت

لانها بعدين بتحبك

اما كذا اثبتي لها انك مو كويسة لانك قاطعتيها

ليه تحطين عقلك من عقلها وانها ما سلمت عليك بعرسك

خلي عقلك اكبر منها

شـ نجــد ــــمــوخ
09-07-2009, 04:38 AM
الله لاتبلانا
معقوله فيه ناس كذا

كيف تلبس قميص نوم عند اخوها

شوفي انتي شكلك غيوره والوضع اللي شفتيه زاد الطين بله بس اصبري واحتسبي الاجر وادعي ان الله يهديهم ويسخر لك زوجك

ملامح بريئة
09-07-2009, 04:42 AM
لاحول ولا قوه الا بالله ..
الله يفررج لك ويسمح امرك ويصبررك ..
ويهدي اهل زوجك عن هذا الطريق ..

أحلآ لمووو
09-07-2009, 04:43 AM
امممم بصراحه استغربت .. كثيير

ماتوقعت في ناس كذا

بخصوص سالفه اللبس ..

البس قصير وفاضح لاخوي !!!

يعني ماعرف وش اقول

غير الله يهديهم وانتي المفروض قبل توافقين عليه


شفتي كيف حياته وسألتوا عن اهله

بكره بيصيرون اهل عيالك .. !

ماقول الا الله يهديهم ..

ويفرج همك ويصلحهم يارب

magic45
09-07-2009, 04:49 AM
ماااااراح اقول لك انتي اللي رضيتي فيهم

ما دام انك مرتاحه مع زوجك خلي علاقتك بهم سطحيه

يعني كل مااحن عليك روحي زوريهم لا تقطعين

لا تتدخلين في اسلوب حياتهم الا ااذا كان عندك قدره على الامر بالمعروف

الله يعينك و الله وضعك صعب لو انا مكانك كان مااروح لهم الا نادر و اشرحي لزوجك وجهة نظرك بهدوء

الله يوفقك و ييسر امورك

اعشق سرابك
09-07-2009, 04:52 AM
لاحول ولا قوه الا بالله ..
الله يفررج لك ويسمح امرك ويصبررك ..
ويهدي اهل زوجك عن هذا الطريق ..


__________________

بداويه
09-07-2009, 04:57 AM
الله يفرج همك يااارب .. الله يعينك على هالاشكال استغفرر الله ..

توته الهلوبه
09-07-2009, 05:00 AM
مافي حـــــــل غير أنك تطنشي أخواته المنحرفات هاذولا
وبقوهـ كمان

مرررره ظاهر للعيان انهم بيقهروكي وبينقصو من قيمتك .. لا تنصحي أحد ولا تتكلمي معاهم غير بحدود وبس

وأنتي شكلك مررررره غيورهـ

ولازم تتكلمي معاهم ولاتقطعيهم علشان تعرفي نوايهم لك>>>> والله يصبرك ويعينك علي تصرفاتهم
وشكله زوجك متعود علي أخواته يلبسون كدا عااااادي عنده
فلا تكبري الموضوع ولا تكلميه ثاني عنهم

لانه اكيد بيروح يقولهم وينصحهم .. ويعرفو طبعآ ان من عندك الكلام
ويزيدو في تصرفاتهم المنحرفه ،قهر فيك
فأنتبهي !! !!

وأمــــــــه علشان خاطر زوجك الي تحبيه .. ولأنها سبب وجوده في هذه الدنيا
روحي لها وسلمي عليها .. وكلميها وخليكي طبيعيه معاها


ولاتقطعيها ولا تلزقي فبيتها "أقصد كل يوم عندها بداعي ومن دون داعي" ...

التلفون والجوال موجودين
أذا رحتي مرتين في الأسبوع طيب وكفايه عليهم
ولا تخليها عدوتك ابدآآ .. مو لمصلحتك

وأنتي اتنازلتي كثيررررررر في الاول .. الله يهديكي هاذي ناس مايتعاشروو والله

بس خلاص أنتي أتزوجتي وأنتهي الموضوع

أما مسألت الأولاد فالله يعينك

أكيد زوجك ماراح يرضيه انو بناتو يطلعو زي اخواته
علي الاقل بتصرفاتهم
وصدقيني هو الي راح يتصرف من نفسه لو شاف الموضوع زااايد عن حدهـ

والله يصبرك ويقويكي عليهم

إحساس الـ ح ـياة
09-07-2009, 05:11 AM
أستغفر الله العظيم وأتوب إليه ...

الله يعينج الصراحـة .. أول مرة أشوف ناس بهذي الجرأة ..!!

لا بلانا الله ....

عالعموم الغاليـة بالفعـل يحق لج تخافين على عيالج يروحون لعماتهم إذا كانوا من هالطينـة,,

بس انتي حاولي معاهم بالطيب واللين ,, يعني اقري قصص حقيقية عن الموت وغيره وتكلمي وياهم عنها
قوليلهم أحياناً قصص تضحك ,, يعني نوعي خليهم يحبونج ويحبون يلستج ..
حاولي تتكلمين في المواضي اللي يحبونها هم .. مثلاًإذا وحدة تحب الطبخ قوليلها سوالفج عن الطبخ واذا بالفعل
تسوي أكلات حلوة قوليلها تصدقين يا فلانة لج نفس حلو فالطبخ .. خليها تستانس ..
واذا وحدة تحب الكمبيوتر وسوالفه .. تكلمي عن التصميم والمواضيع اللي مالها آخر في هذا المجال ..
يعني خليهم يحبونج من هالمنطل .. بعدين حاولي تهدينهم أشرطة دينية لشيوخ أسلوبهم رائع فالحديث أمثال عبدالمحسن الأحمد
ومحمد العريفي ونبيل العوضي وسليمان الجبيلان والقائمة لا تنتهي بإذن الله ..
حاولي تشوفين معاهم برامج مفيدة ..

يعني تقربي منهم شوي شوي .. وإن شا الله يحسون وبنفسهم هم اللي يتغيرون .. إذا ما فهموا بالتلميح .. صرحي
يعني تقوليلهم بأسلوب طيب انه ما يجوز ييلسون عند اخوانهم بهالطريقة وانه وانه ...

بخصوص اخوهمـ .. صارحي ريلج قوليله هو مثل اخويه وعلى عيني وراسي .. وإذا محتاي مساعدة أنا أول وحدة بوقف
معاكم .. بس هو ما شا الله مب ناقصنه شي ..

وأخيراً قبل ما أختم كلامي.. عليج بكثرة الاستغفار والدعاء

والله يستر علينا وعليج وعلى الجميع .. والله يرزقج الذرية الصالحة ,,

تقبلي مروري :)

قلوب تنبض بالحب
09-07-2009, 05:23 AM
يا فراشات .. ااتمنى انكم تفهمون شغلة مهمة .. هو الاختلاف في الاعراف من دولة لدولة



اني من البحرين و البحرين الخطوبة مو مثل عندكم



لما اكون مخطوبة يعني بينا ملكة .. يعني بينا عقد زواج و شرعا حلال اي شيء يصير بينا ..
بس العرف ياجل الامور هذي للزواج ..



يعني اني تفاجأت فيهم بعد ما صارت الملكة و بعد ما صار عقد الزواج .. و التراجع يعني اكون منفصلة في نظر الناس !!




بس اني اقول .. و ربي رغم اني اموت بزوحي .. بس لو اعرف قبل الملكة ان ذلين اهله ما رضيت !



وو ان شاء الله راح ارد على كل وحدة ردت عليي ..

مـشـاعـل الـبـركـة
09-07-2009, 05:30 AM
الله يصبرك ان شاءالله

سكووول
09-07-2009, 05:36 AM
الله يعينك عليهم

لكن تقدرون تطلعوا ببيت لحالكم وتفتكين من وجع الراس

قلوب تنبض بالحب
09-07-2009, 05:38 AM
عائله غريبه جدااااااااااااااااااااا انتي تقولي مايخافون الله شنو ترجين فيهم ...

زوجك حاولي تنصحينه وانصحي حمواتك اهديلهم اشرطه دينيه ذكريهم بالموت وعذاب القبر..

يمكن الله يهديهم على ايدك ماالومك..باللي يصير بس انتي قبل الزواج كنتي عارفه ليتك رفضت والله يعوضك..




ليتني عرفت قبل الخطوبة ..


اختي اني وربي حاولت معاهم .. قلت ساعات الواحد يفتقد للتربية

و لما جيت بنصحهم شفتهم ما يستجيبوا


حتى لين يأذن و هم يسمعون اغاني اقول لهم قصروا على الاغاني الاذان يأذن


عمتي ما تتكلم و لا تقول شيء .. و تحس اني افرض نفسي عليهم بالقوة








من جد عائله غريبه يعني مو لهدرجه معقول في ناس كذا!!!! من جد الله يعينك ويصبرك ويهديهم ادعي لهم بالهدايه هذول في ضلاله مساكين والله



فعلا في ضلالة ...


الله يصبرني يارب .. و الله ادعي ربي كل يوم تقريبا يفرج همي و كربتي .. و يبعدني عن اجواء الشيطان





يمه وش ذا
اعوذ بالله

ماصدق في ناس كذا بالدنيا

والله ماعندي حل كلللللللللللللش

يمكن لو انا مكانك مجرد اسلم عليهم وازرهم بالمناسبات الكبيرة جدا

غير كذا مايشرفني حتى اقعد معاهم

وزوجك غيري طباعه لايصير مثلهم لكن خليه يواصل اهله مهما كان اهله

والله شي عجيب يمكن ناس بتتهمك بالمبالغة في بعض الاشياء

لكن واضح مثل عين الشمس انهم عايلة خراب

بس بسالك ليش بعد الخطوبة تروحين لهم كل يوم وتسوين عشاء بعد .. ؟؟ احنا ماعندنا كذا احس مو حلو و غريب


ابعدي عيالك عنهم احسن






اختي وربي ما ابالغ وربي


اني كل امورهم من سخافات و سهر للفجر ما تهمني .. كثر ما يهمني وضعهم بالبيت كيف

و اتعب لين اعرف ان زوجي كان جالس و اخته لباسها زفت





عزيزتي اني مخطوبة بس بالعرف البحريني .. لكن بالشرع اني متزوجة فعادي لو رحت هناك و جلست معاه و معاهم و كل البحرينيات يسوونها فعادي



بس اني ما كنت اسوي العشا لهم .. كنت اسوي لزوحي بس ..

..*عطر الورد*..
09-07-2009, 05:46 AM
بل بل بل شنوووو هالبيئه اللي طحتي فيها:0107:

مع احترامي لك بس جد موقاادره استووعب
وربي افضل العنوووووووووووسه على اني ارتبط بواحد عايلته كذااا <<الله لايقولها يارب

كيف؟؟ مااسالتوا عن الولد وعايلته كيف؟؟ وافقتوا وكيف؟؟ رضيتي وكملتي وانتي عارفه بالوضع من ايام خطوبتك

المساله مومسألة عرس وبسسسسس المسأله فيها اولاد ونســـــــــــــب

بكره جبتي بنت وصارت بسن زواج راح يأثر سمعة اهل ابووها عليهااا:0144:

طيب اهلك وينهم فيه؟؟؟ ماايدرووون؟؟؟؟؟؟

بجد بجد مصدومه مادري شنو ارد عليك بس انتي فكري زيــــــــــــن ولازم تشووفين لك حل :0107:

برنسيسه زماني
09-07-2009, 06:01 AM
حبيبتي بس مااقدر اقةولك غير انسيهم ووووووووونسيهم وازال اقولك انسيهم قللي من زيارتك لهم وقربي قد مااتقدرين من زوجك وانشاء الله بتنسينهم اذا تزوجتي وحبيبتي كل الي يسوونه غيره انتي مثل الورده وهم مثل الشوواك وودهم تصيرين مثلهم شووك يعني نفس طبايعمه واكيد بينقهرون انتي انسانه قمه ومحافضه وهم على حسب كلامك فاااالتين اكيد وطبيعي وفوق الطبيعي بيغاارون بس سوي مثل ماقلت وتوكلي

قلوب تنبض بالحب
09-07-2009, 06:09 AM
ما اعرف بشنو ارد غير الله يصبرك ويحفظك




الله يصبرني يارب .. و مشكورة على الدعاء





أنتي شكلس من الأمارآت أوالكويت((((:0148:ملقوفه

صحيح أني مو متزوجه بس أعتبريني أخت تخاف على أختها
المهم شوفي أختي قبل كل شي أصبري أصبري أصبري
لا تهدمين حياتس بيدس وصدقيني ما فيه أحد مرتاح هاي حال الدنيا:074:
مشاء الله تبارك الله من خلال كلامس باين أن زوجس طيب ومتفهم حااااااااااااااااولي ماتخسيرنه:020:
صدقيني لو خسرتيه بتندمين الله يبعد عنكم الشر:074:
فكري زين ولا تخلين الشيطاااااان يخرب بيتس(((أنا عارفه ومقدره شعورس تجاه خوآته الله يهديهم:042:
ومن ناحيه أمه حااااااااااااااولي تطيحين الحطب (((علشان خاطر زوجس((((في الأول والأخير هي أمه:0126:
روحي زوريها وجيبي هديه وحتى خوآآآته غيري معاملتس لهم(((أدري أنه صعبه عليس بس في الأول .......
رآآآآآح تتعبين معاهم بس في الأخير أنتي الكسبانه:036:((وأنصحيهم وبيني لهم خوفس عليهم من النار((ومن ناحيه لبسهم قدآم محارمهم:0107:....
يعني كلمي خوآآآآته كأنس صديقه لهم ومن الأفضل ماتنصحينهم وهم مجتمعين يعني
مثلا تقعدين مع أخته الكبيره وتسولفين لها يعني لين تحسين أرتاحت لس وتبدئين تنصحينها باالتي هي أحسن وهكذا:0149:والصغيره كذالك
بعدين فيه نقطه جدآآآآآ مهمه لآزم ماتبينين غيرتس وأنس مقهوره من حركاتهم ومن لبسهم(((((علشان مايزيدون
وحاولي تكونين شيااااااااااااااااكه:047:(((يعني أحسن منهم :0112:
أوصيس في الرشآقه الرجال أغلبهم يحبون الرشاقه:0111:
ويااااااااارب يسعدس وسامحيني على القصور:09:





اهلين حبيبتي
اني قلت اني من البحرين في رد سابق


اختي
الحمد لله اني مو سمينة بس اهي ضعيفة و ارشق مني و في النهاية هاي نعمة من الله
و اني عمري ما غرت من الجسم و شياكتهم ..

لان الحمد لله شكلي فوق المقبول و زوجي بالعكس متخبل علي
و حتى يشوفوني احلى من خواته .. وما يجاملني .. رغم اني واثقة ان اخته الثانية احلى ..
بس هو يشوف جدي ..



صدقيني اختي و الله الشيء اللي يخليني اصبر هو زوجي !
زوجي طيب و حنون .. و فوق هذا يحبني موووت
يعاملني مثل الاميرة .. و لين اتخيل حياتي بدون اقول وين احصل رجال مثله بهالزمن ؟




عمتي لو بقول لج ما بصدقين

تدرين و الله كنت اسهر معاها كل يوم تقريبا لين الساعة 2 و ارجع لبيت ابوي بعدها
تخيلي بدل ما اسهر مع زوجي اسهر معاها ..

حتى قبل لا اروح الصالون بليلة عرسي كنت امزح معها و اقول لها سلفيني دفتج لان ما عندي عباية راس و غلطتها علي في ليلة عرسي ما زلت مستغربة منها و ربي

يعني ليش سوت الحركة هذي و احتقرتني !؟



ساعات تعور قلبي و خاطري اسلم عليها .. بس لين اتذكر شلون ضحكت و اهي مستهترة علي انقهر




اما حمواتي فكنت اتقرب لهم بالهدايا رغم اني كنت بقرارة نفسي منقهرة من حركاتهم .. بس كنت اسوي كل هذي حق زوجي و الله ..

و كنت اقول لما واحد ينصحك و اهو قريب منك .. غير لما يكون بعيد .. بس لين شفت ما كو فايدة هديتهم



اسال حالي ساعات .. يا ترى الله يغضب علي لين عصبت على زوجي لين راح سلم على خواته و اهم جدي ؟




مشكورة اختي على ردج .. و نصيجتج نصحتني فيها امي .. بس بعدين كذبت على الكل و قلت لهم اني اكلمهم ..



اهلي ما يدرون اني مقاطعتهم .. و يفكرون اني اكلمهم ... بس كل الي حضر عرسي عرف ان بينا خلاف .. لانهم سوو حركات و كانو يستهزئون على الحفلة و ما سلموا على امي و كل ما تكلمهم يحقروها ..



اني كنت اقول سكت عنهم طول ثلاث سنوات .. ياترى لمتى بسكت و لمتى بظل اعدي و افوت ؟
و ساعات اقول من شان زوجي ..



اني كل يوم اتعذب و الله .. و ما يمر يوم الا و افكر بهالسالفة



الله يصبرني يارب .. و ان شاء الله انشغل بالاولاد و الذرية الصالجة






طيب من اول وانتي عارفتهم ليه استمريتي مع زوجك ؟

ما بيتقدم لك غيره يعني ؟

صراحة الغلط الاول منك ، كنتي عارفتهم وشفتي وضعهم

ليه استمريتي ؟

/

الحين ما بينفع الندم

وخوات زوجك يدرون انك تغارين عشان كذا يزودونها

انتي خلييك متفتحة وعقلك كبير وروحي لهم وسوي نفسك عادي

واذا شفتي وحدة لابسة كذا قولي يااااي تهبلين والله

واسأليهم من وين شريتوه

يعني خليك لينة معهم بالتعامل

عشان تكسبينهم

ولا تبينين انك غيرانه لانهم بيزيدون عليك

ارجعي لامه وعامليها زيين ، مهما سوت

لانها بعدين بتحبك

اما كذا اثبتي لها انك مو كويسة لانك قاطعتيها

ليه تحطين عقلك من عقلها وانها ما سلمت عليك بعرسك

خلي عقلك اكبر منها





صعبة صعبة اسويها و امدح في لباسهم ما اتحمل و ربي


اني ما بينت لهم اني منقهرة من لباسهم لان ادري انهم بيزيدون ..



بس تتوقعين لو رجعت اكلم عمتي .. اسلم عليها بس و الا مثل قبل؟
و ياترى فعلا لو رجعت اكلمها بتحبني؟




حبيبتي اني و الله مكبرة عقلي بس هاي جو شيطان و اني عايشة فيه

و يوم ما سلمت علي بعرسي اني ما نقهرت الا لاني متعاملة معاها زين

يعني حمواتي ما انقهرت انهم ما سلموا علي .. بس اهي ليش سوت مثلهم ؟
و خلت كل اللي بالقاعة يعرفون انهم ما يبوني





و مثل ما وضحت .. اني انصدمت فيهم بعد عقد الزواج .. بعد الملكة






لاحول ولا قوه الا بالله ..
الله يفررج لك ويسمح امرك ويصبررك ..
ويهدي اهل زوجك عن هذا الطريق ..





يارب و الله كل ما اتمنى ان الله يصبرني

و اتمنى ان الله يفرج همي و كربي .. يارب العالمين







الله لاتبلانا
معقوله فيه ناس كذا

كيف تلبس قميص نوم عند اخوها

شوفي انتي شكلك غيوره والوضع اللي شفتيه زاد الطين بله بس اصبري واحتسبي الاجر وادعي ان الله يهديهم ويسخر لك زوجك






حبيبتي اني صحيح غيورة و غيورة جدا
بس غيورة على ديني اكثر


يضايقني الوضع لين جفت ناس جذي .. في الشارع و اتضايق
ما بالج لين كانوا اهل زوجي؟


لو ربعي هديتهم
لو من كانو تبريت منهم

بس ذلين اهل .. و الاهل يبقون مثل الوشم



ما يحق لي اخليه يتبرا من اهله
و في نفس الوقت اتعذب لين اجوفه وياهم



مرتين شفته يهاوشهم على اللباس .. بس زوجي فيه طبع كريه
انه يعيد الكلام مرتين و ما يحب يكرر حتى معاي


لين يقول لي مافي روحة هالمكان و اقول له بروح
و يرد يقول لي ما كو .. و اصر ..


خلاص يقول لي روحي و هاي عيب فيه
و يتعامل مع خواته جدي

أنا طبعي كذا
09-07-2009, 06:13 AM
ياأختي معليش بقولك شي ترئ انتي غلطانه بنسبه كبيره لاتزعلي من كلامي بس بجد والله انتي خليتيهم يعاملوكي بهالمعامله ترئ مره واضح انهم بيستفزوكي وانتي الي خليتيهم يعاملوكي كذا يعني طبيعي انتي تكوني لينه ماتتوتري كذا
شوفي المفروض انك عااااااااااااااااااااااااااااادي مره اذا شفتيهم لابسين قصير وعريان لاتستغربي وتجلسي مستنكره وشاده معاهم وتعصبي وتغاري علئ زوجك زوجك اخوهم يعني طمني بالك مابيصير شي انا من مكه وفي كثير هنا شفتهم زي كذا يعني عادي بينهم بالبيت بس شافوكي انتي قاعدتلهم زادوا الوضع يعني اش فيها خليهم حريقه يصطفلوا
وتاني شي لازم انتي تثقي بنفسك اكثررررررررررررررررررررررررررر البسي واتشيكي احلئ واحسن منهم لاتبينيلهم انك اقل منهم بشي وانك غيرانه وتراقبي لبسهم مره قهرتيني لمن قلتي انه حماتك ضيعت بجامتها وتقول اكيد انتي الي اخذتيها ورميتيها مرررررررررررررررررررررره قهر يعني هما متأكدين انك غيرانه منهم ومن لبسهم شي يقهر ليش وصلتيلهم فكرة انك تراقبي لبسهم بيقولوا اكيد غيرانه ونفسها وصاروا يتعمدوا يغيضوكي شوفي طنشيهم واضحكي وامزحي مع زوجك وعيشي مبسوطه من راقب الناس مات هما
يعني لاتشوفي احد قدامككأنك انتي وزوجك بس اضحكي خليهم يسمعوا صوت ضحكاتك والبسي وعيشي حياتك وحاولي تقربي منهم وتعامليهم كويس تمزحي معاهم تكلميهم توصليلهم فكرة انك عادي منتي حاقده عليهم عامليهم بطيبه وبعد كذا تقدري تنصحيهم اذا في شي غلط بأسلوب كويس وحلو عمر المشاكل ماتحل شي وخليكي فرفوشه وطنشي الي حولك المهم زوجك طيب وخلاص ويكونا
اخر همك اش لابسين واش قايلين اقفلي بابك عليكي لو غرفه بوسطهم ومالك فيهم لايشوفوا منك الا كل خير وابتسامه منك وكلام حلو وشوفي كيف بيتغيروا
انتي مالك فيهم ربك فوق يحاسبهم احسن ماتخسري زوجك وبيتك او تعيشي نفسك بمشاكل وتنسي نفسك وزوجك وسعادتك عشان ناس ماتستاهل

sport women
09-07-2009, 06:17 AM
لاحول ولاقوة الا بالله..
الله يكون بعونك اختي ما ادري وش أقول

جوان.
09-07-2009, 06:18 AM
وش ذا العائله الله يعينك
مالك الا الصبر
بس لاتقطعين امه زوريها احسن عشان زوجك

خٍ ـطآإي أغليتك
09-07-2009, 06:20 AM
عاااائله غريبببببببببه مررررره
بس ماقوول غير الله يحفظك ويصبرررك
ويهديهم لطريق الصوواب يارب العالميين

الحقيقه المُره
09-07-2009, 06:23 AM
بصراحه ماادري ايش اقولك

كان من البدايه دام انك شفتيهم كذا ماناسبتيهم

حتى لو زوجك طيب بس ماينكر على أهله ولا يشوف ان حركات خواته غلط وهذا الشي صعب

يعني لو كان معترف انهم غلطانين مو مشكله بالعكس بس كذا ماادري الله يعينك

وعيالك ممكن يتأثرون

والمشكله ماينفع تقطعينهم مره وحده انتي رضيتي وناسبتيهم وتزوجتي ولدهم لازم تتحملين وتزورينهم على الاقل أمه

الله يعينك الصراحه

* أم فيصل *
09-07-2009, 06:27 AM
الله يفرج همك ...

حكايه طفله
09-07-2009, 06:27 AM
الله يكون بعووونك بقوووووووووووه بجد شي مايحتمل

والله حسيت فيك وتخيلت الموقف وانقهرت اكثر من خواته مومن امه

امه عالاقل حرمه كبيره بس خواته الله يعينك على حركاتهم ولبسهم

بس لومكانك بتجاهل كل شي دام ماشاءالله تبارك الله يحبك زوجك

انت بكذا بكثره المشاكل بتقل حبه لك حاولي تكسبيه لاتحسسينه انك

تضايقتي من امه اوخواته ترا الرجال مهما غلطوا اهله يشوفهم الصح ومعذور

امه اعتبريها امك وتجاوزي اخظاءها عشان زوجك وتخيلها امك

اما خواته واللبس الفاصخ قدام اخوك شكل اخوك (تعووود عليهم يعني حتى

اغراء مايغروونه) والديل قالك اختي عادي ماافكر بالهشي يعني مررره تعود على حركاتها

بس يجاملها هو لان يدري اخته وبتفرح بالكلام الحلو وباينته طيب

انت اقهري خواته تعدلي وتكشخي وابدا اسمعي وطلعي ولاتهتمين

لاتخسرين حب زوجك لمجرد تصرفات تافهمه منهم

واذا على اخوه انت قولي لزوجك يعطيه القديمه وانت الجديده يعني بطريقتك تقدرين تقنعينه

وماتبينين انك مقهوره من اخوه ومن تصرفاته ,,,

نظره الم
09-07-2009, 06:35 AM
ابد لا توضحين لهم انك غيرانع من لبسهم لانهن راح يعرفن نقطه ضعفك
بس دايم دقي ززوجك قولي البنات يخاافون من اخوانهم يلبسون لبس عاري بس شكل اخواتك مو حاشمينك ومستهينين في رجوولتك حاطينك صبي عندهم حاقرينك شوي يتفسخون عندك ..وبعدين قولي وربي لو اللبس كذا عند اخواني لايحشون رجولي حش وسوي نفسك مررررره مستغربه

وحاولي قللي روحات لهم

وادعي دايم ربك واستودعي ززوجك كل ماخرج

white_rose1430
09-07-2009, 06:38 AM
لا حول ولا قوة إلا بالله

صقرة
09-07-2009, 06:44 AM
ربي يسعدك

معشوقي ربي
09-07-2009, 06:48 AM
اختي كبري عقلج وما علي منهم !! لا تغذبين زوجج عليج بسببهم

عاادي زوريهم و قعدي معاهم بكل فخرر .. جذب بتكبرين فعين زوجج

لين حسيتينهم يستفزونج بثيابهم !! بيني لهم ان الامر عندج عاادي

مرة قولي لهم بيييه عندي نفس البجاامة اللي عندج بس بلون ثاني !!

لو قولي لهاا واااو حلوة بجاامتج من وين شريتيهاا ؟

بجذي بيحسون ان الامر عندج عادية ومانتي غيراانة !! فبيبطلوا شوي من هالحركات


... الله يعييينج عليهم عائلة بجد غريبة بس اهم شي زوجج

هم لا تمنعينه من زيارتهم ولا تمنعين نفسسسج بزود بعد ! يطلعون عليج كلام بعدين

جربي اللحين بما ان رمضان تسوييين لج كم طبق وتروحين لهم زيارة .. وما عليج منهم مهماا تجضرتي حاولي انج تبتسمي ولا كأن شي صااير

ريميــــــــــه
09-07-2009, 06:50 AM
لاحول ولا قوة الا بالله
الله يكون بعونك اختي
مشكلتك صعبه
مالك الا انك تلجأين لله والدعاء ثم الدعاء ثم الدعاء
وربي يفرجها عليك ويكون بعونك يااااااااارب

تيسير
09-07-2009, 06:53 AM
الله يفرج لك همك ويهدي اهل زوجك
والله يسعدك ويهنيك

اللمسة الخجولة
09-07-2009, 06:58 AM
الله لاتبلانا
معقوله فيه ناس كذا

ريوم العسيري
09-07-2009, 07:01 AM
لا حول ولاقوة الا بالله

حساسه..كلمسة الالماسه..
09-07-2009, 07:20 AM
لا حول ولا قوة الا بالله
مااقول الا الله يصبرك

OoO نــــــــــدى OoO
09-07-2009, 08:07 AM
اسأل الله ان يفرج همك ويرفع عنك كل ضيقه ويثبتك على الحق والطريق الصواب ويسخر لك زوجك واهله ويصبرك على مصيبتك ويهون عليك كل ضائقه

هذا اللي اعرف اقوله للاسف ماعندي خبره باهل الزوج بس اتوقع انه تبعدي عنهم خير شر تجين وانتي واقفه تسلمين على الام وتمشين ماتمر 10 دقايق االا وانتي طالعه بكذا وفيتي الحق اللي عليكِ من زياره الرحم وارضيتي زوجك وخلاص لاتشغلين نفسك بهالدنيا الله يعيينك يارب

ســـاارة
09-07-2009, 08:24 AM
أنـا اقول اهتمي بزوووجك وحطيه بعيونك
ولا عليك من الباقي .. !!

انتي حاولي تصلحين الأمور , واذا ما قدرتي
عليهم بالعافية .. البعاد أفضل
انتبهي على زوجك والله يحفظك

خواطر ايمانيه
09-07-2009, 08:31 AM
حبيبتي اصبري واحتسبي الاجر وادعي الله انت مضلومه في هذا البيت وربي يستجيب دعائك انشالله

.. نوْن ..
09-07-2009, 08:38 AM
’,




دآمك شفتي كذآ ليه ربطتي نفسك فيهم الله يهديك :(
زي ما قالوآ آخوآتي .. انصحيهم وذكريهم ان اللي يسوونه
حرآم .. آبدأي بزوجك آول شي وآنصحيه وعلميه
والله يعينك يآ آختي ..

مفترسة
09-07-2009, 08:45 AM
دائما ادعي:اللهم اجعل كيدهم في نحورهم واعوذ بك من شرورهم
كل صبح ادعي: اللهم اكفني اياهم بما شئت.أنا اقرأه 3 مرات يوميا قبل اروح الدوام

اذا على لبس أخوات زوجك: طنشيـــــــــــــــــــهم -خلاص انتي ببيتك وهم ببيتهم-واحس اسلوبك هذا معهم واعتراضك على لبسهم قدامهم -ووراهم عند زوجك-هو اللي ممكن يلفت نظر زوجك لهم, يعني لو هم شايفين الشي هذا غريب كان تصرفوا ومنعوا هذه الملابس من نفسهم, مو انتي اللي تمنعيهم-انتي لا تبني انك مستغربة

خلاص طنشي لبسهم وزي ماقالت وحدة من البنات : امدحي لبسهم خليهم يعرفوا انهم ما يقهروك باسلوبهم هذا.

واذا على حماتك اللي تلفت أخوها:الذنب عليها مو عليك.



وامه: ضروري تزوريها وتعزميها ببيتك.وترى الكبار عقلهم صغير -جامليها وتشوفي كيف تصير-ولان عقلهم صغير لا تعانديهم.

-

وبالنسبة لاخوه: هنا خذي موقف وقوليله يخليك انتي المتصرفة براتبه.عشان اخوه لا يستغل طيبته..


ولا 0لا 0لا تهدمي حياتك: ترى الكل يشكي والكل مهمم0وكلنا نتمنى لو ماتزوجنا0بس هذا حال الدنيا كلها-محد سالم من الهم حتى لو مبين العكس

قال تعالى:( خلق الانسن في كبد )


الله يوفقك ويكفيك شرهم

بنت المجمعه وبكليه الحوطه
09-07-2009, 08:47 AM
من جد عائله غريبه يعني مو لهدرجه معقول في ناس كذا!!!! من جد الله يعينك ويصبرك ويهديهم ادعي لهم بالهدايه هذول في ضلاله مساكين والله

*ميموو*
09-07-2009, 10:04 AM
شووفي بقولك شي بس لاتزعلين ..

انتي الغلطاانه ماايجوز تقاطعينهم هذي صلة رحم والرسول عليه الصلاة والسلام وصاانا بهااا ..لو تشوفين اللي تشوفينه مايجوووووز تقاطعينهم بالعكس ازرعي حبك في قلوبهم ومع الايام راح يحبونك ويتاثرون فيك وفي اهتمامك بالبسك المحتشم لانهم الحين مو هم عارفين انه اللي يسوونه غلط وانتي مقااطعتهم كيف يتوصلين لهم النصيحه كذا ؟؟!!!
وكيف تبينهم يتغيروون وماعندهم مين ينصحهم ..؟؟!!

بالعكس ارجعي لهم وافتحي صفحه جديده معهم وازرعي حبك في قلوبهم وقوولي يارب سخرهم لي وسخرني لهم ..

وبالتوفيق ياارب..

كلي احساس وحب
09-07-2009, 10:52 AM
الله يستر عليهم وعلينا ويهديهم الى الصراط المستقيم

سمو الورد
09-07-2009, 11:32 AM
صج عائلة غريبة الأطواااار وفي نفس الوقت رديئة
يعني همهم التفصخ واللهو والبصلجة .. بس يااختيي هذه حياتهم من هم صغااااار ترى
باين من ردة فعل خطيبك لهم ومن امهم اللي ساكته عنهم
بس وين بروحون من حب الدنيا .. الدنيا ماهي الا زوااالة

وشكلهم يبون يراوونك اللبس اللي في بالهم هو الصحيح يعني يجوا يراوون خطيبك الملابس مالتهم عشان يشوف فرق الملابس بينهم وبينك والدليل امه يوم تقول لك انتي مبهدلة ومدري شنو عجب ولدي فيك1

يااختي لاتقولين ولاتتكليمين مادام انك تعبتي وعملتي اللي تقدري عليه خلهم يولووووووووون
بكرا الحياة بتعليم خطيبك على ان يشوف افعالهم الشينه ويشوف افعالج الحسنة وبيعرف الفرق لاتستعجلي

اختي نصيحة لك لاتنصحي فيهم ولاتقولين لهم حرااام ولاشي لأن في النهايه انتي مرت اخو لهم ومهما يكون مابيتقبلوا منك اي نصيحة وراح تصير لك مشاكل مع زوجك بسببهم وانتي في غنى عنها
اهتمي بزوجك مادام هو زين معاك ولاعليك ولاتخربي علاقتك به على حسابهم وبعدين تفرحيهم بك لما يصير شي سئ

نوره الجميلة
09-07-2009, 11:44 AM
شوفي حبيتي اذا زوجك يخاف الله ويصلي وملتزم ماعليك من اهله اهم ماعليك زوجك

مع اني بصراحه الومك انتي فالبدايه من انخطبتي يوم شفتي العائله اطباعهم مو مريحه من البدايه ماوافقتي المفروض

المشكله ان اغلب البنات يحسبون الزواج ارتباط زوج وزوجه بس هذا غلط الزواج ارتباط عائله بعائله

لازم يكون فيه توافق فكري وثقافي واخلاقي واجتماعي ومادي

بين العايلتين

عموما انتي اذا مرتاحه مع زوجك وهو يخاف الله فيك
استمري معه ولاتقطعين اهله وحاولي تكونين سبب في هدايتهم بمعاملتك الطيبه واخلاقك العاليه

واطفالك بالمستقبل لاتقطعينهم عنهم لان هذي قطيعه رحم ربيهم تربيه صالحه وعلميهم الصح والغلط وهم بيميزون

وبالعكس لو قطعتيهم عنهم بترتكبين خطا اكبر الي هو قطيعه الرحم

واسال الله لهم الهدايه

тƒαѕєℓ
09-07-2009, 02:33 PM
آلله يفرج همك

[ ظِـل اليَآسَمِيْــטּٌ ●●
09-07-2009, 03:04 PM
الله يفرج همك ويهدي اهل زوجك

سعودية قلبها ابيض
09-07-2009, 03:14 PM
لاحول ولا قوه الا بالله
وضعك فضيع بس مالك الا الصبر خلاص تزوجتني وغريبه فتره الخطوبة روحاتك لهم واجد حنا مانروح لاهل زوجنا فتره الخطوبة ابد واذا رحنا نروح مع اهلنا
انتي روحي لهم بس على خفيف لاتكثرين روحاتك لهم واذا رحتي اقعدوا شوي واطلعوا ولا تعلمون الخوات بجيتكم بس الام اهم ماعليك خالتك والخوات بكيفهم
والله يعينك ويصبرك وادعيلهم بالهدايه

مخده ريش
09-07-2009, 03:48 PM
فديتك اختي الصبر


الصبر



اكسبي فيهم اجر علميهم الدين الصحيح


النصيحه من غير صوت عالي



الهديه الي تفقتح قلوبهم

الدعوه الجميل

والنصيحه الاجمل افتح قلبك لهم

يمكن تصيرين سبب في هدايتهم

عطر غناتي
09-07-2009, 04:15 PM
انسجمت مع السالفه بقووة

قلوب تنبض بالحب

تدرين ليه زوجك اختارك انتي بالذات ؟؟؟؟؟؟؟؟

لان فيه صفات كان يبحث عنها ومولاقيها الا فيك واكبر دليل تصرفاته معك !!

هو يحبك لانه معجب بصفاتك اللي حتى مالقاهم بخواته


من جد عشت جوو معكم ........

احمواتك الله يهديهم وحاولي احد من بعيد يحثهم عن الصلاة !!

امه ماتصلي ؟؟

والا بس البنات ؟.؟.

وزوجك يصلي ؟؟


عموما واضح انهم عنيدين انتي سلمي عليهم بس وزوريهم مره بالشهر عشان صلة الارحام ..

قطرالندى
09-07-2009, 04:26 PM
مافهمت القصه مره تقولين انها حلوة ومره عاديه
ابي افهم ليش استمريت بها الزواج الي واضح ان خواتها راح يدمرون حياتك

سارونه والدلوعه
09-07-2009, 07:02 PM
طيب من اول وانتي عارفتهم ليه استمريتي مع زوجك ؟

ما بيتقدم لك غيره يعني ؟

صراحة الغلط الاول منك ، كنتي عارفتهم وشفتي وضعهم

ليه استمريتي ؟

/

الحين ما بينفع الندم

وخوات زوجك يدرون انك تغارين عشان كذا يزودونها

انتي خلييك متفتحة وعقلك كبير وروحي لهم وسوي نفسك عادي

واذا شفتي وحدة لابسة كذا قولي يااااي تهبلين والله

واسأليهم من وين شريتوه

يعني خليك لينة معهم بالتعامل

عشان تكسبينهم

ولا تبينين انك غيرانه لانهم بيزيدون عليك

ارجعي لامه وعامليها زيين ، مهما سوت

لانها بعدين بتحبك

اما كذا اثبتي لها انك مو كويسة لانك قاطعتيها

ليه تحطين عقلك من عقلها وانها ما سلمت عليك بعرسك

خلي عقلك اكبر منها


http://up2.m5zn.com/photo/2009/4/8/08/qmrl133z3.gif/gif (http://up2.m5zn.com/photo/2009/4/8/08/qmrl133z3.gif/gif)



:0149::0149::0149::0149::0149::0149:

الى اين؟
09-07-2009, 11:32 PM
والله يالغلا قريت موضوعك كلمه كلمه وحرف حرف
سبحان الله
مدري حسيت بين الاسطر انه ربي رسلك لهم لجل تصلحين حالهم
وشدني اسلوبك وذوقك وطيبك
موقفك ذا جدا سلبي وبهذا ما افرحتي غير ابليس
لا تنقدين عليهم وبس
لا
حاولي تنصحين وتسغربين وتحاولين تغيرين فيهم
وربي حنا ناسبنا ناس كذا
بس الصلاه يصلوون
اما الباقي مثل الى تقولين عليه
والله بفضل من الله
غيرنا فيهم كثير
وصاروا داخليا انهم يغطوون
وليه الدين سماها مصاهره
يعني صهر وتعرفين صهر الذهب مع البلاتين
يصير ذهب ابيض
لا بد تكونين داعيه الى الله
في اهل زوجك ولا بد تتحملين كل الى تواجهين
وتعرفين ان الله ارسلك لهم
لجل تنصحينهم وتدلينهم طريق الجنه وين
لا تفرحين ابليس بك
وتتخاذلين عن دعوة الله
دامه زوجك طيب
الباقي كله يهون
(ادع الى سيبل ربك بالحكمة والموعظه الحسنه وجادلهم بالتي هي احسن )
والله هذا ما شفته بين السطور من خلال قصتك
والله يعينك على دعوتهم الى الله
والله يوفقك يارب

ثـلـج سـاخـن✿
09-07-2009, 11:57 PM
الله يهديهم
ويفررج لك ويسمح امرك ويصبررك ..
ويهدي اهل زوجك عن هذا الطريق ..

*همسة وفاء*
09-08-2009, 12:20 AM
الله يعينا واياك على هذا البلاءفاصبري واكثري من قول اللهم آجرني في مصيبتي واخلف علي خير منها وعامليهم بالحسنى واكثري من الهدايا لهم وعدم الاكتراث بافعالهم امامهم حتى لايكثرعنادهم لك فالشيطان يزينهالهم اعوذ بالله منه.وشكرا

منتظرة الفرج
09-08-2009, 12:22 AM
عائله غريبه جدااااااااااااااااااااا انتي تقولي مايخافون الله شنو ترجين فيهم ...

زوجك حاولي تنصحينه وانصحي حمواتك اهديلهم اشرطه دينيه ذكريهم بالموت وعذاب القبر..

يمكن الله يهديهم على ايدك

وبعدين لا تيأسي من الدعاء

وأكاد أقسم لك أن زوجك تلاقينه مبسوط من صلاتك وحشمتك

لأنه مال من البلاوي الموجوده عند أهله

الله لايبلانا

لمعة الماسة123
09-08-2009, 12:22 AM
خلاص اللحين صيري قدوتهم خليهم يحبونك وشوي شوي طلعيهم من الي هم فيه الله يهديهم وبصراحه وبدون زعل عشان زوجك جالي هله وخاصة ام زوجك كيف تنقدين عليهم وانتي ماتكلمين ام زوجك يعني اللحين اخلاقك حلوه؟؟؟؟
الله يعينك يختي ويصبرك انا مثل معاناتك لكن تخطيت مراحل كثيره بفضل الله

عمشاء في فرانكفورت
09-08-2009, 12:38 AM
لاحول ولا قوه الا بالله ..
الله يفررج لك ويسمح امرك ويصبررك ..
ويهدي اهل زوجك عن هذا الطريق ..

اجہٌـٍمہٌلہٌ انہٌسانهہٌ
09-08-2009, 01:49 AM
اول شي اتمنى انك تكونين بخير وصحه وعاافيه
شوفي ياقلبي انا راح اتكلم مغك وبكل صراحه
اول شي باالنسبه لام زوجك الاهم انك تكسبينها
يعني حاولي تتقربين منها وكله تسولفين معها اكسبيها بكلامك الحلو واشتري لها هدايا
واسمعي كلامك من غير معصيه الخالق هي ام زوجك وفي مثابته امك حرمه كبيره
وحتى ولو تصرفاتها وكلامها مايعجبك تحمليها معليش علشان خاطر زوجك
انسى كل الاشياء الي صارت مو زينه منها ومواقفها افتحي معها صفحه جديدهـ
وبالنسبه لخواته انتي قلتي تصرفاتهم وحركاتهم شوي من تصرفاتهم وكلامهم واضح انهم يبغون يقهرونك ويبغونك تزعلين يمكن في بالهم وحده لااخوهم ويبغونها هم بتصرفهم هذا يشفون انفسهم اكشخ منك واحسن بس اتوقع انهم ميتين قهر من تصرفاتك انك احلى منهم ومحتشمه اكثر
انتي حاولي تكسبينهم بكلامك معهم وجلستك وافتحي مواضيع عاديه وقصص حلوه
وهكذا راح يحبونك اكثر
ومثلاً انتي جالسه معهم واذن قولي بروح اصلي وراي حساب مابي ادخل النار مثل كذا قوليها بااسوب حلو وعادي مو بدون نفس يعني كانك خايفه وحتى لو يسولفون قولي صلاتي اهم اخاف اموت وانا ماصليت هم راح يحسون فيها بقلوبهم يعني خلي معاملتك معهم حلوه واذا شريتي شي وعندك امكانيه اشتري لهم وقولي لاني احبكم جبت لكم
ومن هالاشياء اكيد تعرفين انتي تتصرفين واضح انك فاهمه مشاء الله عليك الله يكملك بعقلك ويحفظك
وباالنسبه لبسهم عند زوجك وانتي جالسه قولي شريت لبس كذا وكذا بس اهم شي تكونين صادقه ان البس عندك لان يمكن يقولن خلينا نشوفه قولي كنت ابي البسه بس زوجي رفض يقول انا اغار عليك واحب البنت تكون لابسه لبس حلو ومحتشم وناعم وهكذا قولي يقول مااحب البنت الي تطلع مفاتنها وهكذا باالكلام انتي عطيهم
بعض البنات قالو لك عطيهم اشرطه وانصحيهم انا اتقف معهم ان هذا الشي حلو
بس لو سويتيها بتدخلين نفسك في مشاكل لان هذولي ماينفع معهم نصايح
وبكذا بتخربين على نفسك وبيقولون ليش وش شايفتنا وهذا الشي ماراح ينفع معهم
ادري اني طولت عليك بس والله حالتهم صعبه وموقف اصعب انت بس حاولي تسوين الي قلته لك
وان شاء الله ربي يكون معك ويساعدك ولاتنسين ادعي لهم بصلاتك
والاهم زوجك كل صلاه قولي يارب سخر لي زوجي ويخليه لك
الله يساعدك ويحفظك وين ماكنتي
وطمنيني وش يصير معك
في حفظ الله

قمر الرياض..
09-08-2009, 02:11 AM
الحمدلله على نعمة الاسلام

اذا هم بالأساس مايصلون وش ترجين منهم

بس ماعليك هم وربي مريضين وفيهم نقص واولهم عجوز النار الام خخخخخ

ياشيخة لايهمونك عندنا مثل يقول ( لولا الغرا محد(ن) قرا )

يعني الغيرة تسوي الهوايل

ولو اني منك اطلع بشقة لحالي وخل المصروف يقل عادي اهم شي اشتري راحة بالي

الله يهون عليك كل صعب

ويشفي المرضى اللي حواليك

@GODIVA@
09-08-2009, 04:43 AM
حبيبتي كنتي تدرين بكل هالاشياء قبل العرس وقبلتي يعني مو تزوجتي وبعدين اكتشفتي هالاشياء ولاتقولين لا ماكان مبين شي قبل العرس لانج تقعدين فترات طويلة عندهم وغير كذا من يوم العرس ماعاد تزورينهم


وكلمه اهله مو عاجيبني كلش ترا موب حلوه انتي لما تاخذين واحد لازم تقتنعين فيه وباهله قبل موب يله اهم شي الرجال لانج بتعيشين معهم وبيصيرون اهل اولادج وهلج بعد


وانتي بقطيعتج لهم ارتكتبي ذنب اعظم منهم الا وهو قطيعه الرحم ولا تبين تقطعينهم من احفادهم واللي فهمته من كلامج ان الاب مو موجود يعني ام بدون زوج ماترجي الا هالاولاد يعني حراااااااام حراااااااااام حراااااااااااام اللي انتي قاعده تسوينه

موضوع انهم مايصلون ولا مايتحجبون وقله دينهم انتي موب ربهم عشان تحاسبيهم ((كل شاه معلقه من عرقوبها )) (( ولا تزر وازره وزر اخري ))
ماله داعي كل هالكلام انتي فقط ادعي لهم بالهدايه

شوفي حبي المشكله كلها انج غيور وتدققين واااااااااااايد وانتي اللي تجيبين المشاكل لعمرج وتري مافي حياه بيرفكت بس في ناس تريح راسها من المشاكل وانتي بصراحه ماعندج مشكله كبيره

همســــه فــرح
09-08-2009, 06:04 AM
لاحول ولاقوة الا بالله..
الله يكون بعونك اختي ما ادري وش أقول

قلوب تنبض بالحب
09-09-2009, 01:32 AM
حبيبتي كنتي تدرين بكل هالاشياء قبل العرس وقبلتي يعني مو تزوجتي وبعدين اكتشفتي هالاشياء ولاتقولين لا ماكان مبين شي قبل العرس لانج تقعدين فترات طويلة عندهم وغير كذا من يوم العرس ماعاد تزورينهم


وكلمه اهله مو عاجيبني كلش ترا موب حلوه انتي لما تاخذين واحد لازم تقتنعين فيه وباهله قبل موب يله اهم شي الرجال لانج بتعيشين معهم وبيصيرون اهل اولادج وهلج بعد


وانتي بقطيعتج لهم ارتكتبي ذنب اعظم منهم الا وهو قطيعه الرحم ولا تبين تقطعينهم من احفادهم واللي فهمته من كلامج ان الاب مو موجود يعني ام بدون زوج ماترجي الا هالاولاد يعني حراااااااام حراااااااااام حراااااااااااام اللي انتي قاعده تسوينه

موضوع انهم مايصلون ولا مايتحجبون وقله دينهم انتي موب ربهم عشان تحاسبيهم ((كل شاه معلقه من عرقوبها )) (( ولا تزر وازره وزر اخري ))
ماله داعي كل هالكلام انتي فقط ادعي لهم بالهدايه

شوفي حبي المشكله كلها انج غيور وتدققين واااااااااااايد وانتي اللي تجيبين المشاكل لعمرج وتري مافي حياه بيرفكت بس في ناس تريح راسها من المشاكل وانتي بصراحه ماعندج مشكله كبيره




اختي

كنت حابة ارد على الاخوات العزيزات اول باوول لان لسى بس خلصت قراية الردود و حسيت حالي فاضية اقدر ارد .. لكن قريت في كلامك شي حيرني قلت ابرد عليكي اول و في رد لحاله




اختي لين البنت ما غارت على زوجها على منو تغار ؟ و لين البنت ما خافت على زوجها على منو تخاف ؟ هذا زوجي و كرامته من كرامتي , و مثل ما يحق للرجال يغار على زوجته يحق للبنت مثل الشي



اني عمري ما غرت من قعداته مع اخواته بحد ذاتها .. و اساسا قهري مو من باب الغيرة على زوجي , قهري من المناكر الي تصير ..




اختي اني نقلت لكم اللي يصير بحياتي , و قلت يمكن اني اسيء الظن باهل زوجي و ان في ناس كثير جدي بس اتضح من اكثر من ستين رد من الاخوات ان العوايل لا .. العوايل فيها احترام بين الاخت و الاخ


الاخوة ما يعني اني اجلس ببجامة امام اخوي و اخليه يشوف كل جسمي .. الاخوة اسمي من جدي بكثير عزيزتي .. و هاي الامور لين بتسبب مفتنة تعتبر حرام و هالزمن ما عاد نفس قبل



اختي .. حماتي بلسانها تصرح انها تتزين من شان اخوها يشوفها حلوة , و تزينها بالضبط مثل ما تتزين كل زوجة لزوجها , مكياج .. و تسريحة خفيفة و بجامة نوم قصيرة .. هذا يجوز يا اختي؟



لو كان لبس لتحت الركبة بشوي بقول المسالة عادي و اني ادقق .. بس السالفة لا فيها سوء نية و هذا ما يجوز يا اختي .. و لما اعرف ان حماتي نيتها شينة شي طبيعي بنقهر كل ما بشوفها معاه




و فوق هذا انا محترمتهم و ما اغلط عليهم , و كوني شكيت لكم المشكلة قلتها لان محد يعرفني منو انا و من اكون لحتى يعرف اهل زوجي من ..
و فوق هذا حتى اهل زوجي البعاد ما يعرفون شي عن خلافاتي معاهم


عمات زوجي و خواله اقعد معاهم و ازورهم و لين سالوني عنهم اقول بخير و اتكلم عنهم كني اكلمهم و ما حسستهم اني على خلاف معاهم لاني ما احب اتكلم عليهم بسوء قدام احد يعرفني و يعرفهم



بس انتو ما تعرفوني و اني ضايقة فيني الدنيا لان حتى اهلي ما يعرفون باليي يصير

و شافو المشكلة و الخلافات في ليلة العرس و مع هذا بعد قلت لهم خلافات عادية





اختي اني عمري ما فكرت احاسب عبد بس لا تنسين ان الامر بالمعروف و النهي عن المنكر واجب ديني و يتعاقب الانسان عليه لين ما اداه و مسالة الاقتناع ما اقدر اقتنع باهل جدي يا حبيبتي



مافي وحدةة تحب دينها و تحب ربها و ممكن تقتنع بناس بعيدين عن الله مهما كانو



اني لين بحب شخص بحبه حبا في الله


و يصعب علي اني اتقرب من ناس بعيدين عن الله يصعب علي اجلس مع ناس ما يعرفون احترام لاذان و لا لصلاة و لا لدين ..







صحيح اني سيرت الامور و خليتها تجري ..بس بالنهاية اني غلطانة صحيح











هم مو اهلي حق قطيعتهم حرام .. و مسالة الاولاد لازم اسال شيخ قبل .. هذي تربية و اني مابي اولادي يتربون على الغلط و على اللا مبالاة


مابي بنتي تقلد عماتها في لبسهم و مكياجم




و بسال لين يجوز يكون حدود الصلة بس سلام و سؤال عن الحال لين خاف الانسان على نفسه من الفتنة ....








و ان الله عليم بنياتي و عارف بحالي ,, و عارف اني ما ابعدت نفسي غيرة من احد .. ابعدت نفسي غيرة على ديني و على عبادتي





كلامك صحيح في القطيعة ... بس باني مشكلتي صغيرة اعترض معاكي و مو بس اني اعترض معاك لا كل اللي هني اكيد بيخالفوك .... لان السالفة لين توصل للشرف اكيد راح تكون كبيرة


و مسالة الاعتراض عليهم من البداية وضحت في رد سابق لي ان الخطوبة عندنا يعني زواج عندكم




المخطوبة بينها و بين زوجها عقد زواج شرعي و الي تبي تنفصل تكون في نظر الناس منفصلة و عند اكثر الناس مطلقة لان ماعاد احد يتعامل مع لقب منفصلة


و صعب على وحدة من اول ليلة تم فيها العقد تاخذ هذا القرار


الناس ما ترحم

قلوب تنبض بالحب
09-09-2009, 01:55 AM
امممم بصراحه استغربت .. كثيير

ماتوقعت في ناس كذا

بخصوص سالفه اللبس ..

البس قصير وفاضح لاخوي !!!

يعني ماعرف وش اقول

غير الله يهديهم وانتي المفروض قبل توافقين عليه


شفتي كيف حياته وسألتوا عن اهله

بكره بيصيرون اهل عيالك .. !

ماقول الا الله يهديهم ..

ويفرج همك ويصلحهم يارب



الله يسمع منك دعائك عزيزتي


احنا سألنا عن اهله اكيد بس يا اختي محد يدري هم بالبيت شنو لابسين
و يا اختي السؤال ما يجيب الا الظاهر .. الامور الداخلية محد يعرفها ..


ربنا كريم





ماااااراح اقول لك انتي اللي رضيتي فيهم

ما دام انك مرتاحه مع زوجك خلي علاقتك بهم سطحيه

يعني كل مااحن عليك روحي زوريهم لا تقطعين

لا تتدخلين في اسلوب حياتهم الا ااذا كان عندك قدره على الامر بالمعروف

الله يعينك و الله وضعك صعب لو انا مكانك كان مااروح لهم الا نادر و اشرحي لزوجك وجهة نظرك بهدوء

الله يوفقك و ييسر امورك



تعرفي اختي احس تفكيرك مثل تفكيري ...


اني كان ودي اخلي علاقتي فيهم سطحية .. بس تقربت لهم حتى اصلح من شانهم
و كنت اقول الشخص اللي ينصحك و اهو قريب غير لين يكون بعيد عنك ..


و مع هذا كنت غلطانة .. مو كل من ينفع معاه النصيحة و انك تكوني له قريبة ..


كان لازم اكون بعيدة عنهم من البداية






لاحول ولا قوه الا بالله ..
الله يفررج لك ويسمح امرك ويصبررك ..
ويهدي اهل زوجك عن هذا الطريق ..


__________________









مشكورة حبيبتي على الدعوة


و الله اني محتاجة لها




الله يفرج همك يااارب .. الله يعينك على هالاشكال استغفرر الله ..




مشكورة حبيبتي على الدعوة


يارب يارب اسالك بحق الشهر الفضيل ان تفرج همي




مافي حـــــــل غير أنك تطنشي أخواته المنحرفات هاذولا
وبقوهـ كمان

مرررره ظاهر للعيان انهم بيقهروكي وبينقصو من قيمتك .. لا تنصحي أحد ولا تتكلمي معاهم غير بحدود وبس

وأنتي شكلك مررررره غيورهـ

ولازم تتكلمي معاهم ولاتقطعيهم علشان تعرفي نوايهم لك>>>> والله يصبرك ويعينك علي تصرفاتهم
وشكله زوجك متعود علي أخواته يلبسون كدا عااااادي عنده
فلا تكبري الموضوع ولا تكلميه ثاني عنهم

لانه اكيد بيروح يقولهم وينصحهم .. ويعرفو طبعآ ان من عندك الكلام
ويزيدو في تصرفاتهم المنحرفه ،قهر فيك
فأنتبهي !! !!

وأمــــــــه علشان خاطر زوجك الي تحبيه .. ولأنها سبب وجوده في هذه الدنيا
روحي لها وسلمي عليها .. وكلميها وخليكي طبيعيه معاها


ولاتقطعيها ولا تلزقي فبيتها "أقصد كل يوم عندها بداعي ومن دون داعي" ...

التلفون والجوال موجودين
أذا رحتي مرتين في الأسبوع طيب وكفايه عليهم
ولا تخليها عدوتك ابدآآ .. مو لمصلحتك

وأنتي اتنازلتي كثيررررررر في الاول .. الله يهديكي هاذي ناس مايتعاشروو والله

بس خلاص أنتي أتزوجتي وأنتهي الموضوع

أما مسألت الأولاد فالله يعينك

أكيد زوجك ماراح يرضيه انو بناتو يطلعو زي اخواته
علي الاقل بتصرفاتهم
وصدقيني هو الي راح يتصرف من نفسه لو شاف الموضوع زااايد عن حدهـ

والله يصبرك ويقويكي عليهم





تعرفي اختي قلتي شي واقعي و صح مية بالمية


اني لين كنت اتضايق من لباسهم زوجي كان يروح يكلمهم
و كانو عارفين اني ورى الموضوع و لهاي السبب زادو بالباس



لكن اللي قاهرني انهم ما حطوا لي اعتبار ابد من اول ليلة دخلت فيها بيتهم
كنهم يبون يقولون لي ترى احنا جدي !!!




عمتي للحين ما اكلمها بس يمكن بالعيد اعايد عليها


و الله يجبر بخاطري يارب





مشكورة حبيبتي و الله





أستغفر الله العظيم وأتوب إليه ...

الله يعينج الصراحـة .. أول مرة أشوف ناس بهذي الجرأة ..!!

لا بلانا الله ....

عالعموم الغاليـة بالفعـل يحق لج تخافين على عيالج يروحون لعماتهم إذا كانوا من هالطينـة,,

بس انتي حاولي معاهم بالطيب واللين ,, يعني اقري قصص حقيقية عن الموت وغيره وتكلمي وياهم عنها
قوليلهم أحياناً قصص تضحك ,, يعني نوعي خليهم يحبونج ويحبون يلستج ..
حاولي تتكلمين في المواضي اللي يحبونها هم .. مثلاًإذا وحدة تحب الطبخ قوليلها سوالفج عن الطبخ واذا بالفعل
تسوي أكلات حلوة قوليلها تصدقين يا فلانة لج نفس حلو فالطبخ .. خليها تستانس ..
واذا وحدة تحب الكمبيوتر وسوالفه .. تكلمي عن التصميم والمواضيع اللي مالها آخر في هذا المجال ..
يعني خليهم يحبونج من هالمنطل .. بعدين حاولي تهدينهم أشرطة دينية لشيوخ أسلوبهم رائع فالحديث أمثال عبدالمحسن الأحمد
ومحمد العريفي ونبيل العوضي وسليمان الجبيلان والقائمة لا تنتهي بإذن الله ..
حاولي تشوفين معاهم برامج مفيدة ..

يعني تقربي منهم شوي شوي .. وإن شا الله يحسون وبنفسهم هم اللي يتغيرون .. إذا ما فهموا بالتلميح .. صرحي
يعني تقوليلهم بأسلوب طيب انه ما يجوز ييلسون عند اخوانهم بهالطريقة وانه وانه ...

بخصوص اخوهمـ .. صارحي ريلج قوليله هو مثل اخويه وعلى عيني وراسي .. وإذا محتاي مساعدة أنا أول وحدة بوقف
معاكم .. بس هو ما شا الله مب ناقصنه شي ..

وأخيراً قبل ما أختم كلامي.. عليج بكثرة الاستغفار والدعاء

والله يستر علينا وعليج وعلى الجميع .. والله يرزقج الذرية الصالحة ,,

تقبلي مروري :)



حبيبتي كلامج مثل العسل و الله



اني تقربت لهم و سهرت معاهم و قعدت معاهم رغم اني انقهر ساعات لين اشوفهم بلباس فاضح و لين يقولون لي تعالي اسهري اقول لهم لا بروح البيت



مرة قلت لحماتي تعرفين سمعت حديث يخوف و من امس للحين واني خايفة تقول لي شنو ؟ اقول لها تدرين لين الواحد يمشي مع واحد ما يصلي كنه يهدم الكعبة اربعين مرة باليوم ؟


تدرين شردت ؟


تسوي هههههههههههههههههههههه بل الحين انتي كم مرة هدمتي الكعبة من خذيتي اخوي للحين؟



حزتها عرفت انها مستهترة و عرفت ان هالنوعية صعبة




و حماتي الثانية مرة جبت لها شريط فيديو عن الصلاة و شلون الواحد يتعذب بالقبر .. و كان معانا ولد عمها صغير عمره 5 سنوات يسالها شنو هذي ليش صار له جدي؟ الا تقول له لان حبيبتي هذا ما يصلي شوف شنو صار له ..




يعني كل واحد يعرف شنو العذاب و مع هذا معاندين !




بخصوص الاولاد و الله ما تتصورين شنو هالحلم اللي عندي من امور الدنيا


حلمي ما اكون غنية و الا مشهورة و الا عندي بيت

جلمي يكون عندي ولد صالح مربى صح
و من حقي امنع ولدي عن اي شي يمكن ياثر عليه ..




يارب اسالك تلهمني الصبر يارب





الله يصبرك ان شاءالله

الله يصبرني يارب و يسمع منج





الله يعينك عليهم

لكن تقدرون تطلعوا ببيت لحالكم وتفتكين من وجع الراس







يااااااااريت و الله اتمنى اليوم قبل باجر


بس اعرف زوجي ماعنده

و عليه قروض للحين ما سددها
قروض البنيان و قرض السيارة


و الراتب يطير في هالقروض .. صعب نطلع




ياريت تنفرج و نطلع يارب

.! JUST
09-09-2009, 08:30 AM
اتوقع الموضوع كان واضح من ايام الخطوبه
ليه وافقتي طيب؟!
وترى مايسوى عشان ماسلمت عليك تحلفين ماتكلمينها تلقينها من فرحتها بولدها نستك
وانتي بتجاهلك لامه تسوين مثل اخلاقهم لكن الطريقه مختلفه
والحمد الله ان زوجك ساكت عليك وعلى قطاعة امه

نجد الحبوبه
10-01-2009, 08:15 PM
الله يعينك بس مسألة انهم يلبسون فساتين مفتحه او بيجامات مثلا تكون بدون اكمام قدام اخوهم عادي

يعني هو الولد متعود فمايشوف اللي انت تشوفينه

انا ألبس قصير ومفتح بالبيت قدام ابوي لان بيئتي كذا ..

بس عاد مو ازودها زي ماهم مزودينها حمولتك .. شكلها حرب غيره يقصدون يسوون كذا

انتي طنشيهم هم يشوفونك تغارين فيزيدون اكثر

$نبض الحياه$
10-01-2009, 08:30 PM
لاتعلليييييييق

$نبض الحياه$
10-01-2009, 08:33 PM
بلييز ردديهاا
استغفرالله ..استغفرالله
وسبحان الله وبحمده سبحان الله العظيم

أصال 22
10-01-2009, 11:49 PM
الله يفرج همك ويشرح صدرك

المستوردة السعودية
10-02-2009, 12:09 AM
بقولك الله يهديهم ودعواتك لزوجك واهتمي فيه



لاتحسسية انك تكرهي خواته لانه بيعتبرك حقوده او غيراانه......لكن بينيلة انك تحبي الدين وبس
وايش ذنبة اذا خواته يلبسوا هيك..

تعرفي هم تعودوا

مو المقصوووود الاغرااااء والقذارة اللي قلتيها ....لالالا لكن تعودوا على كذااا



يعني طبايع فيهم



وتعرفي الولد اللي تعود على اخته كذا مايطالعها ولايشوف انو هذا اغراء لكن تعد على اخته ومايشوفها زي مايشوف زوجته




تقربي من ام زوجك وكوني سطحية معالخوات لكن احكي معاهم اذا قابلتيهم

اولادك ربيهم مثل ماتحبي لكن طبيعي بيكون فية اختلاطات وبياخذوا شي من طبع اهلهم ..الشكوى لله لكن هذا الواقع اللي رضيتي فية


وانتي الحين اصبري ..لانك شفتي كل شي فترة الخطبه ومع هذاااا كلة تمسكتي فيهم وماحبيتي تبتعدي

فالاان اتحملي واهتمي بدينك وزوجك واولادك بالمستقبل وبس

فراشة الغالي
10-02-2009, 12:57 AM
شوفي حبيبتي انا بقولك كلام وركزي معي زيييييييييييين زين

انتي اهم عندك اكيد حياتك ،،، وحياتك اللي هي إيش ( إنتي وزوجك بعديييييييييين أمه )

بطريقتك واسلوبك الخاص خليه يكره اخواته ،، يعني خليك محتشمه وفي الاماكن العامة مثلا تعمدي انك

تخبين مفاتنك وتكلمي قدامه قولي يوووو حاطه في ايديني مناكير ومطلعتها عند الرجال ، او قولي يووو خزياه

جسمي مبينه تفاصيله عند الرجال خلنا نرجع أو خلنا نجلس بمكان مافي احد ،، واشياء مثل كذا

يعني حاولي تغيرين فكره خليه يحب العفة والستر عشان تصيبين الهدف وهو انه يكره اخواته

... اما عن اخواته هذولا مب عطيهم خامس الا انسيهم اعتبريهم مو ع الوجود مساكين مرضى نفسين صدقيني

يعني اكبر بلوك اكبر تطنيشه بالعالم عطيهم ،،، يعني احقريهم لا تجلسين معاهم الا اذا انتي بغيتي ، مثلا اذا قاموا

يتكلمون عن شي تكرهينه عن جسم وحده او قاموا يمدحون اخوانهم او قامت وحده ترقص لزوجك اضحكي

استهتري خليها تتفشل يعني بالعربي خلي وجهها ع الارض خليها تقعد تلقط وجهها ،،،،

واذا ما تعرفين شلون تقولين لهم او تشفلينهم علميني وانا اعلمك ،،،

اما عمتك هذه المسكينة عامليها باحترااااااااااااااااااام وسطحيه جدا جدا يعني بس سلام وتأدية واجب ومو كثير بعد

يعني تخيلي انها وحده غريبه أو ضيفة او شي مثل كذا ،،، وانتي اذا صرتوا انتي وزوجك جالسين بروحكم

قولي مثلا حرام عمتي اليوم سوت كذا احسها تعبت الله يعافيها يعني امدحيها وبيني له انك معها وشي مثل كذا يعني

ولا يكدرون عيشتك ناس مثل الحشرات مو مثل الا هم حشرات استغفر الله

حببي زوجك بسترك وطاعتك لربك الرجال يحبون وتكبر بعيونهم الوحده اللي كذا بالذات لما تكون زوجته

الله يوفقك حبيبتي ويسعدك

gooode
10-02-2009, 03:05 AM
الله يعينك ويصبرك

الماسه سوداء
10-02-2009, 03:12 AM
معقوله للحين مستمره معه !!!!!

«≈الــمــســكـّــتـــه«•{
10-02-2009, 03:34 AM
اقسم بالله العظيم وانا اقرى قصتك ودي اخذ اخت زوجك واقعد اظرررب فيها اظظظظرب فيها لييين تقووول بس>>>لاتلموووني

والله مادري وش اقوول اقتراحي لك اعطيها اشرطه دينيه

او اكتبي باليوتيوب((((((( قراءه لياسر الدوسري اقسم بالله ليقشعر جسدك )))) اكتبي زي كذا وارسليلها عبر الايميل وانا متأكده انها رح تتاثر


الله يعينك اختي ويصبرك على اخت زووجك

عاشقة القمم2
10-02-2009, 03:36 AM
الله يفرج لك .. يارب
والله مدري شقولك ..

ليت حزني مجرد دمع وابكيه
10-02-2009, 03:40 AM
الله يفرج همك يارب ومثل ماقالوا البنات حاولي تكسبينهم ولا تبينين انك غيرانة الله يكون بعونك ويسخر لك زوجك اكثري حبيبتي من الاستغفار

(سندريلا2006)
10-02-2009, 04:50 AM
تبي الصراحه اول شي انتي روحاتك لبيتهم ايام الخطوبه غلط

خروجك انتي وياه لوحدكم وانتو مخطوبين غلط

الاغاني وقت الخطوبه غلط

لو تجلسي تفكري فيه اشياء كثير بنسويها غلط

وانتي ماخليتي ولا بقيتي شي في اهل زوجك الا وكان غلط

طيب ياعزيزتي انتي والحمدالله ماكنتي زي كثير مننا اتزوجنا ومانعرف كيف حياة اهله اتزوجنا واحنا وحظنا
لكن انتي شفتي بعينك ماحد قلك اشياء كثير شفتيها ماعجبتك وهما ماخبو عليكي شي كانو واضحين ووروكي كيف حياتهم
انتي

ايوا


انتي مو عاجبتك حياتهم ولا يشرفوكي لييييش استمريتي فيه الخطوبه ليش

دحين بعد الزواج جايه تقولي مايشرفوني وكيف حايكونو هاذول اهل او عمات اولادك

معليش يا اختي انا ادري انه حياتهم غلط لكن ربي خلاكي تشوفي بعيونك قبل الزواج وانتي قبلتي ............

والقطيعه هادي الي عاملتها ماتنفع وماراح تخلي حياتك تستمر

انتي زوريهم كل اسبوووووع نصصص ساعه فقط عشان ترضي زوجك وعشان ترضي نفسك انك ماجلستي عندهم كثير


ولو شفتيهم ماراح يضرك لو بدآتي بالسلام وخااااصة امه


والله غلط الي هما بيسوه انا عارفه

والي انتي بتسويه كمان غلط بكرا حاتجيبي اولاد ماراح تقدري تحرميهم من اهل ابوهم حراااام وقطيعة رحم...

الله يهديهم ويهدكي ويهدينا اجمعيين

نور مكة
10-02-2009, 05:32 AM
طيب من اول وانتي عارفتهم ليه استمريتي مع زوجك ؟

ما بيتقدم لك غيره يعني ؟

صراحة الغلط الاول منك ، كنتي عارفتهم وشفتي وضعهم

ليه استمريتي ؟

/

الحين ما بينفع الندم

وخوات زوجك يدرون انك تغارين عشان كذا يزودونها

انتي خلييك متفتحة وعقلك كبير وروحي لهم وسوي نفسك عادي

واذا شفتي وحدة لابسة كذا قولي يااااي تهبلين والله

واسأليهم من وين شريتوه

يعني خليك لينة معهم بالتعامل

عشان تكسبينهم

ولا تبينين انك غيرانه لانهم بيزيدون عليك

ارجعي لامه وعامليها زيين ، مهما سوت

لانها بعدين بتحبك

اما كذا اثبتي لها انك مو كويسة لانك قاطعتيها

ليه تحطين عقلك من عقلها وانها ما سلمت عليك بعرسك

خلي عقلك اكبر منها



:0149::0149::0149:

ربي يصبرك

قمر الشرقيه ..
10-02-2009, 05:58 AM
مدري وش اقول لك

الاخوات اللي قبلي ماقصرو

صديقة الدلع
10-02-2009, 09:48 AM
شوفي أمي تقول لي أقولك
أولاً:أقفلي غرفتك إذا طلعتي منها لأن هذه خصوصيات وغرف النوم لها حرمتها وقولي لهم ماأحب غير زوجي يشوفها .
ثانياً:خلك دائما متكشخة ومتزينة
ثالثاً:إذا قدرتي تطلعين في بيت مستقل يكون أحسن
رابعاً:إذا قعدتي مع خواته إذا خواته فتحوا مواضيع عن الكشخة واللبس أسألي المتزوجة عن رأي زوجها في لبسها وكشختها والمراهقة حولي أهتمامها بشخص آخر غير أخوها اللي هو زوجك

وفهميهم أن الجمال والذوق ماهو باللبس بل هناك جمال الروح والأخلاق والذوق في حسن التعامل ومراعاة مشاعر الأخرين وهم واضح مايراعون مشاعرك
أستعيني بالدعاء في آخر الليل وبعد كل صلاة بأن الله يحفظ حياتك الزوجية ويسعدك مع زوجك
وواضح أنهم يبون يزوجونه بنت عمته بس أنتي لاتسمحين لهم بهذا الشيئ
الله يكون في عونك

قلوب تنبض بالحب
10-24-2009, 04:09 PM
بعد اكثر من شهر دخلت اقرا الردود و قلت يمكن لما تكون نفسيتي ارتاحت نوعا ما بتكون قرايتي افضل





يا بنات اكرر و اكرر الخطوبة عندنا بالبحرين تكون بعقد زواج يعني لما اطلع معاه طلعتي شرعية و حلال لان بينا عقد
و الخطوبة بالعرف البحريني ان يتاجل فيها الدخول لكن لو تم شرعا هو حلال



و اني اكثر من مرة سويت خيرة حق الانفصال لاني فعلا كنت محتاااااارة و مابي اكلم البيت عن الموضوع


بس يطلع لي تحذييييييير

و يطلع لي ان راح اندم لو انفصلت ..



و مرات كثيرة اسوي .... زوحي طييييييب و الله ما اعتقد بحصل مثله و هو اللي كان مصبرني ..






كل اللي اتمناه ان اعيش في حياة بعيييييييييدة عنهم



















حاليا اني خذيت بنصيحة غالبية البنات .. كلمت عمتي من عيد الفطر و عايدت عليها و سلمت عليها و لين اجوفها اسلم عليها بس حمواتي اكسسسسسسسسسسسسس عليهم





فعلا كلمة اكرههم قليلة ..

المبتسمه في الاحلام
10-24-2009, 04:37 PM
الله يعينك عليهم
احس انك اشوي فيك صبر
تصدقين لو اني محلك
ما اضني اني راح اسكت لاني انا مررررررررررره حساسه

تآلا
10-24-2009, 04:55 PM
لآآآآآحوول ولآ قوة الابالله ..

مدري والله مآعندي حل ..

بس دعوآآتي لكـ

الله يفرج لك همك ويسعدك ويوفقك مع زوجك ويهدي اهل زوجك كولهم .. يارب^_^

مشاعر مكتــومه
10-24-2009, 05:48 PM
هلا اختى


انا انصحك انو لاتبينى غيرتك ابداً طنشي يالغلا


اهم شى زوجك طيب معاكى


معليكى منهم وعيشى حياتك وانتى مرتاحه


والله يهديهم

b2s2b2
10-24-2009, 06:19 PM
الله يعينك ويصبرك

*بحر الجووود*
10-28-2009, 01:47 AM
الله يعــــــــــــــــــيــــــــــــنــــــــــك
ويصـــــــــــــــــــــــبـــــــــــرك

شموسة الجنوب
10-28-2009, 02:50 AM
حبيبتي اهم شي علاقتك بامه تكون تمام

واخواته لاتدخلين فيهم ولافي لبسهم ربي بيحاسبهم وخليك رسميه معاهم وعامليهم بما يرضي الله
وعيالك على حسب تربيتك..

ملاذالرووح*
10-28-2009, 03:32 AM
والله انا استغرب منك امور كثيره
تقولين مايصلوون!!!!!!!<<انتي اذا هم مايصلون زوجك يصلي!!<<هو من نفس العايله والا لانه يحبك ماقلتي هالكلام عنه <<<<<<<< وانتو ماتسئون عن الاهل قبل الموافقه!!!
الشىء الثاني لاتقعطين فيهم مهما صار عمات عيالك والدنيا دواره ..كل فره لااازم تزورينهم ويزورونك ومصير الايام تعدل الوضع عندكم ان شالله............الله يسخر لك زوجك ويهدي اهله ويشرح صدرك

دمآر
10-28-2009, 03:50 AM
مـآاحد بينفعك الا سجادتك بثلث الاخير من الليل
اكثري من الدعــــــــــــآء

واسأل الله ان يفرجها عليك

وضوح أقنعه
10-28-2009, 04:38 AM
ياساتر يارب الله لايبلانا

آبـتـωـم و آنسـے هـמּـgمڪُ ㋡
10-28-2009, 09:09 AM
اغرب عائلة مرت في حيااتي شهااا الناااس
صراااحة شي ماااينسكت عنة
وصدقيني امهم سبيكة الحمدالله والشكر
وين التربية وين الدين

اقولك حااولي تنصحينهم بشتى الطررق


جاااهدي بهالشي

وريهم مقاااطع مخيفة تذكرررهم بالمووووت

وانصححححك بالشيخ خااالد الراشد ترااة شي صرراحة وحاولي تنصحين زوجك
مثلا يهاااوش خواتة ينصحهم
وظعهم ماااينسكت ...

:095::0132::t7:

خفايا جروحي
10-28-2009, 10:03 AM
الله يكون بعونك

والله حاله من جد ناس غريبه لاهين بالدنيا < الله يصلح حالهم ويهديهم

آدعي لهم

الله يصبر قلبك ويحفظ لك زوجك

ميرال 2009
10-28-2009, 12:26 PM
الله يهديهم

rosy_toti
10-28-2009, 12:36 PM
:0149::0149::0149::0149:
طيب من اول وانتي عارفتهم ليه استمريتي مع زوجك ؟

ما بيتقدم لك غيره يعني ؟

صراحة الغلط الاول منك ، كنتي عارفتهم وشفتي وضعهم

ليه استمريتي ؟

/

الحين ما بينفع الندم

وخوات زوجك يدرون انك تغارين عشان كذا يزودونها

انتي خلييك متفتحة وعقلك كبير وروحي لهم وسوي نفسك عادي

واذا شفتي وحدة لابسة كذا قولي يااااي تهبلين والله

واسأليهم من وين شريتوه

يعني خليك لينة معهم بالتعامل

عشان تكسبينهم

ولا تبينين انك غيرانه لانهم بيزيدون عليك

ارجعي لامه وعامليها زيين ، مهما سوت

لانها بعدين بتحبك

اما كذا اثبتي لها انك مو كويسة لانك قاطعتيها

ليه تحطين عقلك من عقلها وانها ما سلمت عليك بعرسك

خلي عقلك اكبر منها

اكليل الوردfh
10-28-2009, 12:58 PM
لاحول ولا قوه الا بالله ..
الله يفررج لك ويسمح امرك ويصبررك ..
ويهدي اهل زوجك عن هذا الطريق ..

بنوته مثل توته
10-28-2009, 02:10 PM
الله يفرج همك ويهديهم انشالله

*Crystala*
10-28-2009, 02:25 PM
تبغين نصيحتي ؟؟

استخيري وتوكلي على الله واتركيييييييييييه

(( اهم شي دينك ))

وصدقيني هالعايله بتشوفين منهم كثييييييييييير

وبعدين لما تنخطبين مره ثانيه حاولي ما تصيرين دايما معاهم يعني خففي طلعات وخاااااااااااااصه لأهله عشان ما يمونون عليك كثير

والله يصلح شأنك ويسهل أمرك .

‏ŠoҜЯ
10-28-2009, 07:15 PM
الله يكون في عونك

دنــــــا
10-28-2009, 07:20 PM
يختي طقي ذا الرجيم وانحفي
وحطي كل اهتمامك بنفسك
واهل زوجك طناااااااااااااااااااااااش طنشيهم
وبدون ماتقولين لزوجك فيهم وفيهم لان الرجال مايرضى عن اهله
اسحبي نفسك بشويش وسلمي عليهم من فتره لفتره
بس اسحبي عليهم سحبه اليمه وتحججي كل ماقالك زوجك خلينا نروح لاهلي
مره تعبانه ومره مالي خلق ومره معزومه ومره اهلي بيجون يمي
ومن هالكلام
ترى اذا ناس كذا فاسدين انتي مو مجبوره توصلينهم
وزوجك خليه يروح لهم خواته قدام عينه قبل لايتزوجك وش الفرق الحين انتي بس ابعدي وروقي

سوكرهـ
10-28-2009, 07:57 PM
لاحول ولا قوه الا بالله ..

قصة غريبه من جد وربي شنو هذولي؟؟؟ مو بشر ماصدق ياربي اتستغفر الله

الله يعينك على ماجاااااك وتحملي ياقلبي هذا بلاء ولازم تصبري وتحتسبين الله وياكي ويمكن على يدك يهتدووون

أحلى ولهـ A.O
10-28-2009, 08:34 PM
هممم صح عليهم خطا وافعالهم خطا بس انتي كوني افضل منهم روحي سلمي على حماتك حببيهم بنفسك عشان اذا نصحتيهم باسلوووب لين وبتواضع يتقبلون منك ,, ولاتنسين حديث الرسول صلى الله عليه

((لا يحل لمسلم أن يهجر أخاه المسلم فوق ثلاث؛ يلتقيان فيعرض هذا ويعرض هذا، وخيرهما الذي يبدأ بالسلام))

سماء نجد
10-28-2009, 11:04 PM
الله يهديهم بس0

من زينها دنياك ابكي عليها
10-29-2009, 12:35 AM
اسمحيلي اقولك ان زوجك مو رجال وماعنده كلمه وماعنده سالفه وهذه عايله غبيه وزوجك اغبى واغبى منهم اسمحيلي مال امهم داعي والمفروض تروحين بيت اهلك وتهددينه بالطلاق اذا ماسكنك بعيد عن هاالهمج وانتي بصراحه ماعندك سالفه اذا سكتي عن هالموضوع

دهمشية عنزية
10-29-2009, 12:43 AM
ياعيني الله يعينك ..

من الاساس ليه توافقين .. بس راحت......

اول شئ استغفري بنية انهم يتعدلون ..

ثاني شئ انتي تقولين انك تسهرين مع خالتك ..

انت متزوجة زوجك ما تزوجتي خالتك ام زوجك ليه تجلسين معآها؟؟؟؟؟؟؟؟؟؟

اترررررررررررررررررركيهم .. لا تكثرين روحات لهم .....

روحي لهم من الاربعاء للاربعاء و اذا رحتي خوذي معاك حلا او فطائر ..

و اقنعي نفسك انهم غيرانين منك علشان تكبرين معنوياتك ....

و خليك دايما في شقتك اعرف ناس كثار كذا يجلسون بشقتهم ما يكثرون اختلاط باهل الزوج ..

يعني زي ما يقولوووووون { بعد عن الشر و غني له }

ميمو o_0
10-29-2009, 01:11 AM
الله يفرجها عليكي مالك الا الدعااااء

دلوووعة زوووجي~~
10-29-2009, 01:14 AM
مدري ايش اقول لك حبيبتي

ما اقول الا الله يصبرك

زماني عارفه انتي عرفتيهم فبل الزواج فليش استمرتي

ومن كلامك انك لسا وقتها كنتي صغيره

الله يعينك في ناس كذا

احتسبي الاجر ياغلا

تحياتي القلبيه لكِ

فراشــه
10-29-2009, 01:31 AM
حبيبتي دام زوجج يحبج ويحترمج خلاص قطي لباقي ورا ظهرج انسيهم كلش مو انتي في شقه منفصله خلاص ماعليج منهم وبالنسبه حق انج ماتحاجين امه لا تزعلينه انا بقول لج عن مرت اخوي

مرت اخوي مو زينه ويانا وكلا مشاكل تسوي لنا وماذيتنا اذيه لين مره تهاوشت وياها هوشه عدله وقامت صرخت علي على اساس انها اكبر مني وابوي ماقدر يشوفها تصرخ قال لها اذا بتقعدين في بيتي مالج في بناتي ومن يومها صارت ماتقعد ويانا وساعات تنزل من درج وتمشي جنه كراسي لي قدامها مو اوادم بس بعد اريح لنا والله وعقب فتره صارت لين تنزل او تطلع شقتها تسلم وهي ماشيه بس انتي سوي مثلها وانتي داشه سلمي وركبي شقتج وانتي نازله سلمي وروحي مشوارج ولا دخلينهم في حياتج لا صغيره ولا كبيره بس سلمي و وجبيهم مو عشانهم عشان زوجج يس وعشان تكسبينه وترضينه مالج غيره ترا وبالنسبه حق عيالج حبيبتي دام تربينهم عدل وتحافظين عليهم عماتهم مابياثرون ولا تشيلين هم هالسالفه لان حتى لو ماصادفو في حياتهم ان عماتهم سيئين اكيد بيشوفون في حياتهم ناس اسوا من ذلين ماتقدرين تمنعينهم من كل شي بس تقدرين تحصنينهم بالقرب من الله والقران وتعودينهم على هالاشياء وترى سهله انج تحلينهم ويا بيت ابوج اكثر عشان يعاشرونهم ويتعلمون منهم

والله يوفقج ويرزقج ذريه الصاله .. وانتي ادعي لي عاد ان الله يجمعني بالي احبه مو تنسن ههههه


عقب ماكتبت قريت بعض ردود لي تقول روحي بيت اهلج وطلبي طلاق ومادري شنو انا اقول طنشي هالاوادم لي تقول لج جذي ترى دلين مادري شلون يفكرون يسمحون لي بس كلش ماله ذنب زوجج ولا عليج من احد غيره انتي ملزومه فيه مو متزوجه حمواتج وامه متزوجته اهو وترى في ناس وايد مشاكل ويا بيت عمهم ولاسباب مختلفه بس حبيبتي اهم شي ابعد للشر وغني لو لا تروحين عندهم وايد سلام وانتي ماشيه وخلصت سالفه ولا تخربين حياتج على اشياء ماتسوا لان زوج مابيقدر يغير اهله ومستحيل يغيرهم وانتي بعد لا تغيري من نفسج وياه وخليج على طبيعتج ولا عليج من احد

جوا الروح 1
10-29-2009, 02:31 AM
مو عارفه شو احكي لانه ما في كلام بجد

يعني من اول ما عرفتيهم ليش استمريتي معاه

بس برجع احكي ازا زوجك كويس ومو راضي عن هي التصرفات ومصلي خلص ما في مشاكل

بس انتي ما تخلي اولادك يكونوا مقاطعين لانه حرام بس بتئدري تربيهم زي ما انتي بدك مو متل ما همه بدهم

زوجة بباي
10-30-2009, 03:08 AM
استغفرالله يارب .......انتي ألزم ماعليك زوجك..اهم شي لايتأثرفيهم
وغيركذا حااولي ماتحتكين فيهم كثيردوري راحة بالك...بس أمه لازم ترضينها
لوظغطتي على نفسك شوي والله يعينك

حرم دودي
10-30-2009, 04:39 AM
فعلا شيء لايطاق

قلوب تنبض بالحب
10-31-2009, 10:13 PM
على فكرة .. نسيت اخبرك شغلة مهمة يالصريحة ... مو عمتي اللي خطبتني حق ابنها ...

و زوجي هو اللي اختارني ... فهمتي ؟

بلبل 2011
10-31-2009, 10:26 PM
انك لا تهدي من احببت ولكن الله يهدي من يشاء

هيفاء-معلمة لغة انجليزية
11-01-2009, 05:08 AM
اختي ..بس أبي أقولك :)

انتي صح..هم غلط..

الله يصبرك...خليك قويه في الحق...هم قويين بالغلط..


هذي اسمها قلة حيا....اسمحيلي..انتي ذكرتيني..بموضوع منتشر الأيام هذي.

أريج الأزهاار
11-01-2009, 08:38 AM
معقولة في ناس باقي عايشة في جهل بهالطريقة ،،الدنيا تطورت وعرفت الحلال من الحرام،،
انصحك حااااااافظي على سترك لأن القوي هو اللي يأثر مو اللي يتأثر واهتمي بشعرك وبدلعك خااااصة أمام زوجك وخلي عندك ثقة بنفسك واكثري من الدعاء
وإذا شفتيهم قولي الحمد لله اللذي عافاني مما ابتلاهم به وفضلني على كثير ممن خلق تفضيلا لكن لايسمعونك
الله يعينك ويصبر قلبك حبيبتي ويثبتك .

رمز الدلع
11-01-2009, 08:59 AM
الله يكون في عونك اختي نصيحتي لك حسني علاقتك مع ام زوجك عشان زوجك وحاولي تكوني رسميه مع معهم عشان مايمونون عليك وخوات زوجك حاولي انك اذا شفتهيم بالملابس العاريه وضعك يكون عادي لانهم راح يزيدون لو شافوا انك تتضايقين من لبسهم :0154:

الزهرة المتألقة
11-01-2009, 09:13 AM
الله يفرج همك حبيبتي ويجعل لك مخرج

وحيدة في دنياها
11-01-2009, 09:32 AM
صراحه انتي الغلطانه
اول شي ليش كل يوم مقابلتهم يوم الخطبه علشان كذا صاروا مايقدرونك
ثاني شي انتي عرفتي طبعهم اول ليش تتزوجينه خلاص الحين ياتصرين عادي معهم وتتقبلينهم بعيوبهم
ولا اتركيهم الحين احسن من اذا حملتي وتطلقتي

شيخة الزين 1
11-01-2009, 09:52 AM
الله يكوون بعوونك وش هالعاائله الي منااسبتهم صدق !!!!!!!

ررريتاج
11-01-2009, 10:50 AM
اذا زوجك راضي بها الشئ فاغسلي يدك منه اذا هذولا اهله وش ترتجين منه

dododoa
11-01-2009, 11:39 AM
لا اله الا الله
تقربي من زوجك اجعليه يرى الدنيا من خلالك واجعليه يتقرب الى الله
لان الهدى من عند الله
وعند ذلك سوف يرى الصحيح صحيح والخطاء خطاء
اما بالنسبه لاهله الله يهديهم

اقوى من الايام
11-01-2009, 12:24 PM
حسبي الله ونعم الوكيل استغفر الله العلي العظيم منهم
مدري شاقول لك غير الله يصبرك وربط على قلبك

ام السبعان
11-01-2009, 02:21 PM
http://m002.maktoob.com/alfrasha/ups/u/12978/27829/389547.gif

احلى نوواعم
11-01-2009, 02:35 PM
الله يكون في عونك
انتي خليك زي منتي لاتتغيرين الذهب اصلي ما يتغير
يمكن مع الوقت الله يهديهم ويعرفون انهم على خطاء
وزوجك طالما انه يحبك وانتي عنده بالدنيا حافظي عليه
والله يكتب لك الي فيه الخير
موفقه

ليونة وبس
11-01-2009, 03:03 PM
اكسبي زوجك

وبطريقتك اقنعيه تستقلون ببيت لوحدكم

واصبري لا تخربين حياتك عشان ناس ما تستاهل

قلوب تنبض بالحب
11-01-2009, 05:12 PM
حبيت اضيف شغلة ... اني الله رزقني بنت و الحمد لله بنت حلوة و سليمة ... و عمتي كانت مستانسة انها اول حفيدة و كانت مستانسة اكثر انها سليمة و حلوة .. و هاي حلم كل واحد و وحدة





و مع الاسف كانو منقهرين انها طلعت بنت حلوة ... كنها بنتي بروحي مو بنت اخوهم و كأن عندهم امل في يوم من الايام ننفصل و ما يصير بينا اي شيء يربطنا ببعض



فيا الصريحة تقدرين تقولين لي شنو يعني اللي سووه ؟؟ لو بتقولين لي ردة فعل طبيعية تجاهي ؟


و كالعادة بتجذبينني ..... بس قبل لا تتهميني ,, راح اقول لك شغلة ... اذا في ام تقط ولدها بالمجاري و البحر و الخمايم .... مو بعيدة وحدة تكره بنت اخوها ..



عالعموم .. و باختصار اذا كانت زيارتك لاي احد فيها معصية لله سبحانه فهل تجوز الزيارة ؟
لين الزيارة يتخللها اغاني هل هي جائزة ؟

نفـــائس
11-01-2009, 05:49 PM
الله يكون بعونج

فرونيكا
11-01-2009, 07:02 PM
الله يفرج همك ياقلبي ويصبرك ويعينك عليهم

دلوعتي!!
11-01-2009, 07:20 PM
الله يفررررج هممممممك بس حاولي تطنشين وروحي لهم اوقات المناسبااااااااااااااااااااااات وفكري عمرررررك

sammeni bnafsak
11-01-2009, 07:21 PM
الله يعينك ويصبرك عليهـــم ..

ويسلموو على الموضوع ..
تقبلي مرووووووووري ..

رجائي بدعائي
11-01-2009, 09:48 PM
حسبي الله ونعم الوكيل
الله يكفيك شرهم وينصرك ويثبت قلبك على الإيمان

انا صريحه
11-01-2009, 09:59 PM
حبيت اضيف شغلة ... اني الله رزقني بنت و الحمد لله بنت حلوة و سليمة ... و عمتي كانت مستانسة انها اول حفيدة و كانت مستانسة اكثر انها سليمة و حلوة .. و هاي حلم كل واحد و وحدة





و مع الاسف كانو منقهرين انها طلعت بنت حلوة ... كنها بنتي بروحي مو بنت اخوهم و كأن عندهم امل في يوم من الايام ننفصل و ما يصير بينا اي شيء يربطنا ببعض



فيا الصريحة تقدرين تقولين لي شنو يعني اللي سووه ؟؟ لو بتقولين لي ردة فعل طبيعية تجاهي ؟


و كالعادة بتجذبينني ..... بس قبل لا تتهميني ,, راح اقول لك شغلة ... اذا في ام تقط ولدها بالمجاري و البحر و الخمايم .... مو بعيدة وحدة تكره بنت اخوها ..



عالعموم .. و باختصار اذا كانت زيارتك لاي احد فيها معصية لله سبحانه فهل تجوز الزيارة ؟
لين الزيارة يتخللها اغاني هل هي جائزة ؟



اولا وقبل ماابدأ كلامي مبروك عليكم المولوده والله يجعلها من مواليد السعاده


بداية انا وجهت لك اسئله وانتي تهربتي منها وماجاوبتيني عليها لذلك بظل انتظر اجابتك

ثم انك تقولين انهم منقهرين انك جبتي بنت وطلعت حلوه طيب وش اللي يخليك تقولين هالكلام ؟

انا مااكذب حد لكن اطلب دليل على الشي عشان اصدقه لانه البينه على من ادعى صح والا انا غلطانه

انتي عرضتي مشكلتك هنا ولابد تتحملين الاراء كلها سواء معك او ضد رأيك

ارجع واقول لك لاتقذفين حد بكلامك اذا ماعندك دليل ولا تغتابين حد من ( اهلك )

اذا في ام تقط ولدها بالمجاري و البحر و الخمايم .... مو بعيدة وحدة تكره بنت اخوها .. <<--- مادري وش قصدك بصراحه احتاج افهمها !!

ثم ان مسألة الزياره وبوجود معاصي خليك معي وناقشيني اذا انا غلطانه :

1- الكل يتفق ان الاغاني حرام لكن هل معنى ذلك انك في بيتك او بيت اهلك ماتمر الاغاني على مسمعك سواء بتلفزيون او غيره ( طبعا كلامك راح يكون الله شاهد عليك فيه )

2- هل معقول انه كل زياره لوالدة زوجك بتكون فيها اغاني ؟ ام هذا تبرير اخر للقطيعه

3- ذكرتي قبل انك حلفتي ماتسلمين على ام زوجك بعد موقف ( الحقاره ) اللي صدر منها بالزواج فهل من الممكن انك ترسين على بر وتوضحين لنا الان السبب الحقيقي لقطيعتها ؟ ان كان بسبب موقف الزواج او الاغاني !! بصراحه احترت معك كلامك يناقض بعضه

4- لو اتفقت معك ان السبب وجود الاغاني تقدرين وبكل احترام حال تواجدك مع ام زوجك تخبرينها انك تنزعجين من الاغاني حال وجودك وتطلبين منها اغلاقها لفترة تواجدك البسيطه

5- قطيعة الرحم منك انتي وتحريضك لزوجك عليها اكثر عقوبة من سماع الاغاني عند الله فكيف تبررين كلامك


بانتظار ردك وياليت ماتتهربين من الاجابه عن الاسئله السابقه :icon_wink:

بنسه حمراء
11-01-2009, 10:09 PM
لا حول ولاقوة الا بالله
نسال الله
السلامه والعافيه

قلوب تنبض بالحب
11-01-2009, 10:15 PM
للمعلومية فقط اني جاوبت على كل اسئلتك و ما تهربت لان مو من طبعي الهروب بس الادارة يبدو انها حذفته


و الدليل جوفي ان عدد مشاركاتك 1





قبل لا تصدري اي حكم رجاء رجاء ادرسي الموووضوع زين ... قبل لا تقولين اي شيء ...








و ثاني شيء اي بينة اللي تبينها ؟ يعني اجيبك لعندي بالبيت و اوريكي وجوهم كيف لين يجوفو بنتي؟





وحدة كاتبة مشكلة كيف نوعية الدليل الي تبينه ؟؟ هاي ابسط مما يكون طلب تعجيزي .. لسبب واحد بس


لان لو بقول اي شيء بتردي علي انتي جذابة









كل اللي اقوله الله يسامحك و يسامح كل من تجرا علي و الله هو حسبي و الله هو كفيلي

انا صريحه
11-01-2009, 10:19 PM
لفت نظري كلام وانا اتصفح الردود انه زوجك هو اللي خطبك بدون اختيار اهله واعتقد هذا سبب الكراهيه بينكم
واذا عرف السبب بطل العجب

ҜЯŠTậŁăђ
11-01-2009, 10:24 PM
الله يعينك ..

حـلم فتآه
11-01-2009, 10:34 PM
ـالله لا يفرقكم يـآرب
مثـل ماقالوا الفرآششات
كلمي خوآت زوجـك ـالله يهديهم
وإلا طنشششي لهم والله ينقهرووون
بعدين أحسسك غيوره كثير
تحملي وإصبري
إن ـالله مع الصـآبرين

ـالله يفرج عنـك

انا صريحه
11-01-2009, 10:40 PM
معليش بس انتي طرحتي مشاكل وخلطتيها ببعض وتحتاجين حل او راي

ليه ماتتقبلين الاراء طيب

انتي تكلمتي كثير وجبتي امور لها علاقه وامور مالها علاقه

بصراحه ماخليتي ولا بقيتي عليهم من كلام وللاسف بعضه ماكان لائق لانه مهما يكون هم اهلك

انا مااتهمك بالذكب لكن بعد فيه امور كثيره لاتصدق لانك خلطتي الحابل بالنابل فاللي يقرأ كلامك يحس انك بس تبين تبررين قطيعتك لهم لانك تكرهينهم

تكلمتي وناقضتي نفسك كثير والاخوات ماشاء الله كلهم تقريبا يهزون راسهم بالموافقه

لكنها لو على زوجات اخوانهم قوموا الدنيا وماقعدوها

لذلك بالنهايه اقول لك انتي ممكن تعانين من بعض المشاكل لكن ماهو كل اللي قلتيه لانه واضح انك بعد مسببه مشاكل

الانسان يقول الحق ولو على نفسه وهذا هو فعلا الانسان المؤمن

كلنا نخطيء ونتعرض لاخطاء الاخرين لكن نتقبل حياتنا مثل ماهي ولا نكبر الامور بالطريقه اللي انتي سويتيها

انتي ام وبكره يصير لك نفس الشي مع اولادك وتنحرمين منهم ومن اطفالهم بسبب ازواجهم او زوجاتهم وبتحسين بالالم

ارجعي لنفسك وحاولي تتسامحين وقدمي الطيب لهم بتلاقينهم اطيب منك

ولاتقولين الله يسامح اللي تجرأ علي لانك بعد محتاجه تطلبين السماح لنفسك من ناس شتمتيهم بغيابهم وحتى لو كان كلامك عنهم صحيح فهو لايجوز

الله يسامح الجميع

قلوب تنبض بالحب
11-02-2009, 04:09 PM
انا واثقة ان الادارة ما تحذف شيء الا اذا كان فيه غلط و تجريح !! و يمكن ما صار عندي الوقت حتى اقرا ردودك الي انحذفت بس قلتها و بقولها الله هو كفيلي



و لين عذرك اني اغتبت ... فتسعة و تسعين بالمية من العضوات هني يكببون مشاكلهم مع ازواجهم و امهاتهم ..... معقولة ما جتك غيرة على دينك و لو لمرة وحدة تدافعي فيها عنه ؟ و تردين عليهم ان الغيبة حرام !



الغيبة بمفهومها الشرعي مو جذي !










ثم انك تقولين انهم منقهرين انك جبتي بنت وطلعت حلوه طيب وش اللي يخليك تقولين هالكلام ؟

انا مااكذب حد لكن اطلب دليل على الشي عشان اصدقه لانه البينه على من ادعى صح والا انا غلطانه







يعني بالله شلون تبيني اوضج لك شلون منقهرين ؟؟
ابسط مثال انهم ما فكروا حتى يجوفوها .. و لا تقولين لي السبب الخصام !
لان لين الكلام مع الكبار مالهم دخل الصغار و في النهاية ذي بننت اخوهم











انتي عرضتي مشكلتك هنا ولابد تتحملين الاراء كلها سواء معك او ضد رأيك





اني ما كنت ضد اي راي و في ناااااااس كثير قالوا لي اني غلطانة و اني اتحمل الغلط و مع هذا اسلوبك انتي كان بدافع غررررررريب







ارجع واقول لك لاتقذفين حد بكلامك اذا ماعندك دليل ولا تغتابين حد من ( اهلك )




الغيبة الشرعية مو محققة هني





ثم ان مسألة الزياره وبوجود معاصي خليك معي وناقشيني اذا انا غلطانه :



1- الكل يتفق ان الاغاني حرام لكن هل معنى ذلك انك في بيتك او بيت اهلك ماتمر الاغاني على مسمعك سواء بتلفزيون او غيره ( طبعا كلامك راح يكون الله شاهد عليك فيه )





مافي و لا واحد من البيت يسمع اغاني و لله الحمد و لما تمر اغنية على طول نبدل القناة
السالفة مو سالفة تمر اغنية او ما تمر ... فهل في مقارنة بين سماع الاغاني و مصادفتها ؟






2- هل معقول انه كل زياره لوالدة زوجك بتكون فيها اغاني ؟ ام هذا تبرير اخر للقطيعه



لين مو اغاني .... غيبة ... و لا تقولين لي الي اسويه غيبة ... لان حتى يكون غيبة لازم تكوني انتي عارفة اني عن منو قاعدة اتكلم








3- ذكرتي قبل انك حلفتي ماتسلمين على ام زوجك بعد موقف ( الحقاره ) اللي صدر منها بالزواج فهل من الممكن انك ترسين على بر وتوضحين لنا الان السبب الحقيقي لقطيعتها ؟ ان كان بسبب موقف الزواج او الاغاني !! بصراحه احترت معك كلامك يناقض بعضه




لا مو تناقض :028:

بس واضح جدا انك ما قريتي بداية الموضوع بشكل جيد






4- لو اتفقت معك ان السبب وجود الاغاني تقدرين وبكل احترام حال تواجدك مع ام زوجك تخبرينها انك تنزعجين من الاغاني حال وجودك وتطلبين منها اغلاقها لفترة تواجدك البسيطه




قلت لك من قبل انتي تتكلمين بمثالية و كانج لما تقولين لوحدة لا تطلعي شعرج يعني ما راح تطلعه ؟ قلت بس ماكو فايدة ... ما يحترمون وجود احد ....... يعني اروح اسمع اغاني معاهم






5- قطيعة الرحم منك انتي وتحريضك لزوجك عليها اكثر عقوبة من سماع الاغاني عند الله فكيف تبررين كلامك



اعطيني جملة وحدة من موضوعي قلت فيها لزوجي قاطع اهلك و لا تحددين بمقدار العقوبة ... ترى هاي امور ما يعرفها غير ربج






لفت نظري كلام وانا اتصفح الردود انه زوجك هو اللي خطبك بدون اختيار اهله واعتقد هذا سبب الكراهيه بينكم
واذا عرف السبب بطل العجب



قلت لج مرة و مرتين حاولي تقرين كلشي بتمعن قبل لا تردين


في فرق لين اقول ان زوجي هو اللي اختارني .... و في فرق اني اقول بدون اختيار اهله .. لان هاي الجملة الاخيرة كنه تزوجي من دون رغبتهم





معليش بس انتي طرحتي مشاكل وخلطتيها ببعض وتحتاجين حل او راي

ليه ماتتقبلين الاراء طيب

انتي تكلمتي كثير وجبتي امور لها علاقه وامور مالها علاقه

بصراحه ماخليتي ولا بقيتي عليهم من كلام وللاسف بعضه ماكان لائق لانه مهما يكون هم اهلك

انا مااتهمك بالذكب لكن بعد فيه امور كثيره لاتصدق لانك خلطتي الحابل بالنابل فاللي يقرأ كلامك يحس انك بس تبين تبررين قطيعتك لهم لانك تكرهينهم

تكلمتي وناقضتي نفسك كثير والاخوات ماشاء الله كلهم تقريبا يهزون راسهم بالموافقه

لكنها لو على زوجات اخوانهم قوموا الدنيا وماقعدوها

لذلك بالنهايه اقول لك انتي ممكن تعانين من بعض المشاكل لكن ماهو كل اللي قلتيه لانه واضح انك بعد مسببه مشاكل

الانسان يقول الحق ولو على نفسه وهذا هو فعلا الانسان المؤمن

كلنا نخطيء ونتعرض لاخطاء الاخرين لكن نتقبل حياتنا مثل ماهي ولا نكبر الامور بالطريقه اللي انتي سويتيها

انتي ام وبكره يصير لك نفس الشي مع اولادك وتنحرمين منهم ومن اطفالهم بسبب ازواجهم او زوجاتهم وبتحسين بالالم

ارجعي لنفسك وحاولي تتسامحين وقدمي الطيب لهم بتلاقينهم اطيب منك

ولاتقولين الله يسامح اللي تجرأ علي لانك بعد محتاجه تطلبين السماح لنفسك من ناس شتمتيهم بغيابهم وحتى لو كان كلامك عنهم صحيح فهو لايجوز

الله يسامح الجميع











قلت ببداية كلامي ان الموضوع متشعب و يخص امور كثيرة و ما تكلمت في جانب واحد



بس اني قاعدتي بحياتي اللي امشي عليها .... كرامتي فوق كل شيء !


لين شخص ما احترم حاله معاي و تعامل معاي بسخافة اطنشه ..

الا باستثناءات ... امي ابوي اخواني و زوجي




غير جذي ما اقدر اتنازل .. و الحياة لازم تمشي جذي لان في ناس ما تستاهل الاحترام












اذا اكرمت الكريم ملكته ..... و اذا اكرمت اللئيم تمرد ...




و اني اكرمتهم و ماغلطت عليهم بس مع الاسف تمردوا
















الله كريم .................. الموضوع اعتقده انتهى

وافية في زمن خوان
11-02-2009, 04:28 PM
ياربي
الحمدلله على نعمة الاحيـــاء
بصراحة انا استحي من اخواني اذا لبست بلوزة نص كوم
مابالي بهالبنات

الحمدلله



الله يعينك يالغلا

انا صريحه
11-02-2009, 05:00 PM
[QUOTE=قلوب تنبض بالحب;29180778]





انا واثقة ان الادارة ما تحذف شيء الا اذا كان فيه غلط و تجريح !! و يمكن ما صار عندي الوقت حتى اقرا ردودك الي انحذفت بس قلتها و بقولها الله هو كفيلي

انا ماارد ردود فيها اهانات واعتقد لو تمعنتي شوي بموضوعك وردرودك بتلاقين فيه كثير سب وشتم الغريب ان الاداره ماحذفته لك




و لين عذرك اني اغتبت ... فتسعة و تسعين بالمية من العضوات هني يكببون مشاكلهم مع ازواجهم و امهاتهم ..... معقولة ما جتك غيرة على دينك و لو لمرة وحدة تدافعي فيها عنه ؟ و تردين عليهم ان الغيبة حرام !



الغيبة بمفهومها الشرعي مو جذي !








انتي اذا عملتي خطأ ليه تنظرين لغيرك وتتعذرين انهم عملوا الخطأ نفسه !! هذا ماهو عذر لك ولا لهم تبقى الغيبه حرام خاصه انك ذكرتي امور فظيعه وصلت للقذف بالشرف

مره قلتي انهم يفكرون بأخوهم بطريقه غريبه ونبرة صوتها ماكانت طبيعيه ( واعتقد الكل فاهم قصدك منها )

ومره قلتي ترمي ضناها في البحر والخمام والمزابل وطلبت تفسير منك ومارديتي الا تجاهلتي كلامي لك واعتقد انك قصدتي ان الحرمه تجهض وماادري عنك وش قصدتي من هالشي لذلك طلبت تفسير

لاتتضايقين لما انسان يطلب منك تفسير لكلامك الفظيع هذا لأنه بالاخره فيه رب العالمين اللي بيحاسبني ويحاسبك على كل كلمة سطرناها هنا







يعني بالله شلون تبيني اوضج لك شلون منقهرين ؟؟
ابسط مثال انهم ما فكروا حتى يجوفوها .. و لا تقولين لي السبب الخصام !
لان لين الكلام مع الكبار مالهم دخل الصغار و في النهاية ذي بننت اخوهم










غريب امرك !!
اذا انتي ماتكلمينهم من يوم زواجك وماتزورينهم ولا تبين تشوفينهم من اصل تتوقعين انهم بيجون يزرونك بعد ولادتك ؟؟ يعني المسالة بس تكسير راس وتعالي منك عليهم شي طبيعي ماراح يجونك والمفروض زوجك يودي لهم البنت يشوفونها دامك قاطعه علاقتك معاهم

مافيه ناس ترضى بالمذله ولا اظنك بترضينها على نفسك ولا هم بيرضونها منك







اني ما كنت ضد اي راي و في ناااااااس كثير قالوا لي اني غلطانة و اني اتحمل الغلط و مع هذا اسلوبك انتي كان بدافع غررررررريب





ليه بدافع غريب ؟ لان الاراء كلها كانت بصفك وتصفق لك وانا الوحيده اللي كنت اشوفك على خطأ وناقشتك ؟

اعتقد الموضوع مطروح للمناقشه ليه تشوفين مناقشتي غريبه هذي حرية رأي :087:





الغيبة الشرعية مو محققة هني




صرتي عالمه بالشرع وتفتين ؟

اذا تشوفين ان الغيبه الشرعيه مو محققه هنا هاتي لي فتوى دينيه اسكت انا بعدها

لأني مستعده اجيب لك شروط الغيبه الشرعيه بفتاوى علماء ومشايخ تثبت ان كلامك السابق والفظيع لايعتبر بس غيبه وانما قذف


ثم ان مسألة الزياره وبوجود معاصي خليك معي وناقشيني اذا انا غلطانه :






مافي و لا واحد من البيت يسمع اغاني و لله الحمد و لما تمر اغنية على طول نبدل القناة
السالفة مو سالفة تمر اغنية او ما تمر ... فهل في مقارنة بين سماع الاغاني و مصادفتها ؟




اوكي انتي بزيارتك تتوقعين انك بتصادفين اغاني لكنك ماتضمنين انها موجوده على مدار 24 ساعه وهذا يثبت انك تتحججين بالاغاني لعدم زيارتها وانما لكرهك لها وحقدك عليها من يوم الزواج



لين مو اغاني .... غيبة ... و لا تقولين لي الي اسويه غيبة ... لان حتى يكون غيبة لازم تكوني انتي عارفة اني عن منو قاعدة اتكلم






لا مو صحيح الغيبه شرعا ذكرك اخاه المؤمن بما يكره بدون علمه

يعني لو رحتي تتكلمين عنهم عند ناس مايعرفونهم تصيرين مااغتبتيهم ؟؟

اعطيني فتوى شرعيه بذلك





لا مو تناقض :028:

بس واضح جدا انك ما قريتي بداية الموضوع بشكل جيد




بالعكس قرأت موضوعك بشكل جيد والدليل اني رديت على كل مقطع من موضوعك على حده ارجعي لاول رد لي وحاولي تتذكرين يمكن ذاكرتك ضعيفه





قلت لك من قبل انتي تتكلمين بمثالية و كانج لما تقولين لوحدة لا تطلعي شعرج يعني ما راح تطلعه ؟ قلت بس ماكو فايدة ... ما يحترمون وجود احد ....... يعني اروح اسمع اغاني معاهم




لا بالعكس كلامي وافعي جدا وين المثاليه لاني قلت لك زوري ام زوجك ولاتقطعين الرحم من اجل عذر واهي وهو الاغاني ؟؟

لاني عارفه انك تتعذرين بالدين فقط والقصد الحقيقي كتبتيه من قبل انك حلفتي يوم زواجك ماتكلمينها بعد ( الحقاره ) اللي سوتها وماسلمت عليك

وين كان دينك هنا ليه ماظهر التزامك بهذا الموقف وظهر بعد كذا على ( اغاني ) ماتدرين هي بتكون موجوده وقت زيارتك او لا

استغرب على من يقطع الرحم ويشدد على عدم سماع الاغاني !!



اعطيني جملة وحدة من موضوعي قلت فيها لزوجي قاطع اهلك و لا تحددين بمقدار العقوبة ... ترى هاي امور ما يعرفها غير ربج



اوكي انا انسخ لك جملتك ومن موضوعك :

زوجي يوميا يروح يسلم على امه , و اخته تتعمد تقعد بلباس فاضح و اهو على كلامه تعب من كثر ما يتكلم ..


و اني ساعات اتعب لين يوميا اتهاوش معاه على هالموضوع ..





قلت لج مرة و مرتين حاولي تقرين كلشي بتمعن قبل لا تردين


في فرق لين اقول ان زوجي هو اللي اختارني .... و في فرق اني اقول بدون اختيار اهله .. لان هاي الجملة الاخيرة كنه تزوجي من دون رغبتهم




انا اقيس على كلامك ولاتحاولين تقوين ردودك بكلمة حاولي تقرين الشي بتمعن لآني جالسه ارد على كل مقطع من كلامك على حده ولا ارد على وجه العموم كلامك هذا ضعيف ومردود عليه :087:











قلت ببداية كلامي ان الموضوع متشعب و يخص امور كثيرة و ما تكلمت في جانب واحد



بس اني قاعدتي بحياتي اللي امشي عليها .... كرامتي فوق كل شيء !


لين شخص ما احترم حاله معاي و تعامل معاي بسخافة اطنشه ..

الا باستثناءات ... امي ابوي اخواني و زوجي

وين التزامك الديني يومك تطنشين !!

اجل قطيعة الرحم عادي عشان كرامتك اللي تشوفين انها ممسوسه منهم
ترى ام زوجك بمقام امك

لكن بصراحه انتي ايضا مسيتي بكرامتهم بكلامك ولا ادري ايضا عن تصرفاتك معاهم هذا شي الله اعلم فيه انا لي الكلام الظاهر امامي وارى انه يحمل الكثير من الحقد





غير جذي ما اقدر اتنازل .. و الحياة لازم تمشي جذي لان في ناس ما تستاهل الاحترام












اذا اكرمت الكريم ملكته ..... و اذا اكرمت اللئيم تمرد ...




و اني اكرمتهم و ماغلطت عليهم بس مع الاسف تمردوا

تقولين انتي اكرمتيهم

اوكي بايش اكرمتيهم ؟ لحد الان مااشوف منك اي اكرام لهم الا بالعكس اهانات ومن اول يوم زواج


















الله كريم .................. الموضوع اعتقده انتهى


اذا تشوفين ان الموضوع انتهى معناها انك ماقدرتي تردين على اسئلتي وهربتي لأنك ايضا مخطئه :t8:

الجلكسي
11-02-2009, 05:12 PM
يا عمري عليج بصراحة لا تعليق
الله يعينج
تصبري واكثر من الاستغفار
معليش احس اهل زوجج شيطان مو بشر

الله يعينج واستعيني بالصبر والصلاة
وخلي علاقتك بزوجج تقوى اكثر

روحي بنتي
11-02-2009, 06:38 PM
الله يكوووووووووون في عونك

**همس**
11-02-2009, 09:07 PM
يا قلبي باين من حكيك انك مقهوره اعذرك
بس مهما كاااااان لا تظني ظن سواء ابدا البنت باين عليه عندها نقص في ذاتها وعندها خلل وع بالها اذا اخوه مدحها بتستانس ادعيلهم بلهدايه ولا تقطعييييييييييين صلة الرحم ابدا ممهما كان هذي امه حتى لو ما تعجبك ما تدري يمكن ينهدون ع ايدك واكثري من الاستغفارررر وصلاة اليل وادعيلهم بلهدايه

روابي عسير 1
11-03-2009, 12:53 AM
والله مدري وش اقول لك
بس احنا بالسعوديه ماعندنا العادات هذي
وانتي اكيد اماراتيه
بس مايصير مخطوبه وتروحين لهم

روحي سوسو
11-03-2009, 02:12 AM
لاحول ولا قوه الا بالله الله يصبرك

فـL3yoOoNy ـدوى
11-03-2009, 03:06 AM
لاحول ولاقوة الا بالله الله يفرجها عليك ويصبرك على مابلاك


Content Relevant URLs by vBSEO 3.6.0