المساعد الشخصي الرقمي

مشاهدة النسخة كاملة : ₪۩ ۞…§۞ ۩₪»تجمع حوامل مصر الجــــ18ـــــزء«₪۩ ۞§…۞ ۩₪



الصفحات : 1 [2] 3 4 5 6 7

Nonna Sona
10-28-2009, 11:44 AM
هموس وميهو صباح الفل..
والله واحشيني كلكو وكل البنات بس انا بجد مش قادرة..
الزكام والكحة مجنينيني والنهاردة نزلت الشغل مع اني فاصلة تماما.. ربنا يستر

حنون ألف سلامة عليكى يا حبيبتى .. إن شالله القط مشمش:م0: ... روحى للدكتورة وبلاش دلع بناتيت..

لؤلؤ لامع
10-28-2009, 11:53 AM
الله يخليكى نونا ادعيلى ربنا يقوينى وانتى عامله ايه

Nonna Sona
10-28-2009, 11:57 AM
الحمد لله يا لؤلؤ .. ربنا يقوينى على الحمل والشغل والبيت ويقومنا بالسلامة أجمعين

لؤلؤ لامع
10-28-2009, 11:59 AM
انتى حامل معايا يعنى بينى وبينك اسبوعين بس ربنا معانا:028:

roro2009ر
10-28-2009, 12:08 PM
السلام عليكم جميعا اىاخباركم
ازيك ياولاء عامله اى ياحبيبتى
وحنان الف الف الف سلامه
وكل الجداد والموجودين والغايبين
اى اخباركم كلكم

roro2009ر
10-28-2009, 12:23 PM
شيماء بجد انا خريجة تجارة عين شمس و بعد الكلية درست 5 سنين دراسات اسلامية و عندي 29 سنة بس شكلي صغير مش باين عليه سني بس بعيد عند بقيت عاملة زي الفيل فشكلي من ظهري مدام عندها 15 عيل حتي حملي كله جي في صدري و مغطي علي بطني حت بطني صغير جدا عاملة زي ما يكون عندي انتفاخ فاصدري كاني برضع من زمان خايفة جدا مرجعش زي الأول شكلي نيلة اصل انا جوزي مش ر فيع اوي بس جسمه متوسط فبمشي جانبه حاسة اني امه مع ان مامته رشيقة جدا و بتحافظ علي جسمها جدا
ان شاء الله بعد الولادة كل دة هيختفى فى ناس كتير بيبقى الحمل فى صدرها متقلقيش خالص هتبقى كويسه ان شاء الله بعد الولادة

رورو
شيماء مشمشه
حنان
هيام
لوجين
همسايه
وكل البناتيت ميرسي اوى على سؤالكم على مارووو ودعواتكم ليه ربنا يخليكو ليااااا:0200::0126:
مروان كان عنده برد واحتقان فى الزور وسنتين بيطلعو فكله مع بعضه عمله حراره مش بتنزل خالص بس الحمد لله انهاره احسن كتير

طيب الحمد لله ربنا ميحرةكيش منه خالص ويشفهولك يارب



هههههههههههه الشب الطايش هههههه يا حنون ضحكتينى شدى حيلك بس وبسرعه بسرعه هاتلنا حنون جميله زيك كده



حمد الله على سلامه ايودى ربنا مايحرمك منه ابداا ويفضل فى حضنك على طوووووووووول


الدكتور قالى الحوض ضيق جدا وقالى نسبة كبيرة قيصرى بس لسه هيقرر اكتر يوم السبت الجاى ربنا يستر
ان شاء الله خير على فكرة الدكتورة قالتلى الحوض ديق وولدت طبيعى متقلقيش خير ان شاء الله

roro2009ر
10-28-2009, 12:28 PM
الحمد لله ازيك يا نودى انتى ومروان
على فكرة رؤى برده عندها احتقان فى زورها و شغالين دلوقت فى الدواء

الف سلامه على رؤرؤ ربن يشفيها ويعافيها

السلام عليكم ورحمه الله وبركاته

اهلا بيكو يابنات ياحلوين الصاحين والى كانو سهرانين

يارب كلكو تكونو بخير انتو بيبيهاتكو الى جوا والى بره

احب اطمنكو ان التحاليل الحمدلله طلعت كويسه كلهاالحمدلله

ادعولى بكره الاشعه كمان تطلع كويسه ويعدى القلق دا على خير يارب
دعواتك يابنات ربنا يخليكو ليا يارب

هيا هدى بقالها يومين مش دخلت هيا ولدت ولا ايه

الحمد لله يامها انك امنتى على نفسك ان شاء الله خير وهتقومى بالسلامه ان شاء الله

ازيكم يابنات واحشينى شكرا على شعوركم الجميل الحمد لله انا مريحه بس النزيف مش بيوقف بس الدكتوره طمنتنى انه بعد الرابع ممكن يوقف ان شاء الله ادعولى
الف سلامه عليكى ياولاء وان شاء الله النزيف يقف خالص

roro2009ر
10-28-2009, 12:31 PM
هو انتو روحتو فين كلكم

alhananana
10-28-2009, 02:23 PM
حنون ألف سلامة عليكى يا حبيبتى .. إن شالله القط مشمش:م0: ... روحى للدكتورة وبلاش دلع بناتيت..
الله يسلمك يا جميلة لسة كنت هقولك روحي الجزء الجديد لقيتك وصلتي بالسلامة..
ربنا يعينك يا قمر على الشغل والحمل والبيت وكل حاجة.. وكويس انهم مقدرين ظروفك..
انا ولأول مرة يقدرو ظروف اني مزكمة (بغض النظر اني حامل بقى) وتقولي المديرة بلاش تدخلي الإجتماع.. مش قادرة اقولك الإنتعاش بالخبر الجميل..

بس هو مين.. يوم السبت اجتماع والأحد وحاجة ربنا يستر بقى...!

مقلتيليش انتي مجال شغلك ايه؟؟؟ عقارات ولا سياحة ولا كونستركشن ولا ايه ؟؟؟؟



الله يخليكى نونا ادعيلى ربنا يقوينى وانتى عامله ايه
ربنا يقويكي يا لؤلؤة وترتاحي والنزيف يقف وتبقي زي الفل يا رب انتي والنونو الأمور اليل جوة...
أخبار مثلث برمودا ايه؟؟؟



السلام عليكم جميعا اىاخباركم
ازيك ياولاء عامله اى ياحبيبتى
وحنان الف الف الف سلامه
وكل الجداد والموجودين والغايبين
اى اخباركم كلكم
رورو عاملة ايه يا قمر...
ومريوم عاملة ايه..
بتاخدي طبعا الفوليك أسيد... المفروض ده اساسي..
انا تعبانة قوي يا رورو مناخيري بتحرقني وسيلان متواصل وحاسة نفسي دافية وشوية مغص وكحة بالذات بالليل مورياني الويل.. فضلت اكح امبارح 3 ساعات بالليل متواصل لما كنت كل جسمي بيتنفض من الكحة ربنا يستر بقى.. وابني مختفي الله اعلم بيعمل ايه جوة يا رب بس يكون هو بخير.. يا رب ادعولي انه يكون بخير



ان شاء الله خير على فكرة الدكتورة قالتلى الحوض ديق وولدت طبيعى متقلقيش خير ان شاء الله
فكرك ممكن ؟؟؟؟؟؟؟؟؟؟
في الحالة دي لازم خياطة صح.. ربنا يستر الواحد اعصابه باظت


هو انتو روحتو فين كلكم
انا هنا بس كنت مشغولة شوية في الشغل...
دلوقتي هدوء نسبي..
نفسي يوم الخميس بعد الدوام ييجي.. عايزة اروح البيت بقى

Nonna Sona
10-28-2009, 03:02 PM
هاى حنون .. أنا مجال شغلى إستيراد وتصدير منتجات زراعية .. يعنى أسمدة مبيدات زراعية بذور وتصدير حاصلات زراعية .. كدة يعنى وأهى ماشية.. أنا كنت عارفة أن الملف الجديد أتفتح بس حبيت أكون أخر مشاركة فى الملف اللى فات :028: هبالولا :086:

norhmn
10-28-2009, 03:17 PM
ازيكم يا بنانيت مين هنا؟

norhmn
10-28-2009, 03:22 PM
حنون الف سلامة يا جميل حاولى ارتاحى كتير واشربى حاجات دافيه وعلشان الكحه اشربى ليمون بعسل ممتاز وياريت بقى لو عسل اسود هيضيعلك اى كحه الله يكون فى عونك ياقمر ويتمملك على خير

ميهو الحمد لله يا حبيبتى انك اطمنتى مش انا قولتلك انهاهتكون تهويل دكاترة اسالينى انا مجرباهم اتنين هههههههه يلا بقى اطمنى كمان على الاشعه ومستنيه اللى اتفقنا عليه !!!!!!!!!!!!!

رورو الف سلامة عليكى ربنا يطمنا عليكى ويقف النزيف يارب ويتمملك حملك على خير

alhananana
10-28-2009, 03:31 PM
هاى حنون .. أنا مجال شغلى إستيراد وتصدير منتجات زراعية .. يعنى أسمدة مبيدات زراعية بذور وتصدير حاصلات زراعية .. كدة يعنى وأهى ماشية.. أنا كنت عارفة أن الملف الجديد أتفتح بس حبيت أكون أخر مشاركة فى الملف اللى فات :028: هبالولا :086:
هههههههههههههههه
بس حلو الدعاء يا ستي..
ربنا يوفقك يا رب في شغلك ويقويكي في حملك ويتتم ليكي على خير في كل حاجة..



ازيكم يا بنانيت مين هنا؟
انا هنا يا ام ايودي...
عاملة ايه النهاردة وايودي عامل ايه؟؟؟ صحته عاملة ايه؟

انتي حفرتي اسم ايودي حبيبك في قلبك.. يا رب تتهني بيه يا رب ويتهنى بيكي يا رب علطول...
مش عارفة قصة العشق اللي بينك وبينه .. ربنا يخليكو لبعض يا رب

alhananana
10-28-2009, 03:36 PM
حنون الف سلامة يا جميل حاولى ارتاحى كتير واشربى حاجات دافيه وعلشان الكحه اشربى ليمون بعسل ممتاز وياريت بقى لو عسل اسود هيضيعلك اى كحه الله يكون فى عونك ياقمر ويتمملك على خير

ميهو الحمد لله يا حبيبتى انك اطمنتى مش انا قولتلك انهاهتكون تهويل دكاترة اسالينى انا مجرباهم اتنين هههههههه يلا بقى اطمنى كمان على الاشعه ومستنيه اللى اتفقنا عليه !!!!!!!!!!!!!

رورو الف سلامة عليكى ربنا يطمنا عليكى ويقف النزيف يارب ويتمملك حملك على خير

نورا حبيبتي..
انا ممكن آخد عسل اسود انما عسل نحل لأ.. الدكتورة مانعاني علطول..
اضحكك.. امبارح صعبت على جوزي هو اقترح يجيبلي عسل اسود.. جابه وبيديني بالمعلقة شوفي التأمر كمان بس كان هيدخل البطرمان او المعلقة في مناخيري..
مش عارفة هياخد باله من النونو ان شاء الله ازاي؟؟؟؟
مش هأمنله يأكله ابدا..


على فكرة مش رورو اللي عندها نزف من اللوب دي لؤلؤ لامع ولاء...
رورو بترجع وبتدوخ بس من الوحام..
ربنا يشفيهم هما الإتنين ويهون عليهم...


ابنك ورك الأرنب عامل ايه؟؟؟ في اي تطور في الورك بالذات ؟؟؟؟؟؟؟؟؟؟؟؟ :028:

وردشان
10-28-2009, 03:38 PM
salam alikum
amleen eh
ya banat

norhmn
10-28-2009, 03:45 PM
نورا حبيبتي..
انا ممكن آخد عسل اسود انما عسل نحل لأ.. الدكتورة مانعاني علطول..
اضحكك.. امبارح صعبت على جوزي هو اقترح يجيبلي عسل اسود.. جابه وبيديني بالمعلقة شوفي التأمر كمان بس كان هيدخل البطرمان او المعلقة في مناخيري..
مش عارفة هياخد باله من النونو ان شاء الله ازاي؟؟؟؟
مش هأمنله يأكله ابدا..


على فكرة مش رورو اللي عندها نزف من اللوب دي لؤلؤ لامع ولاء...
رورو بترجع وبتدوخ بس من الوحام..
ربنا يشفيهم هما الإتنين ويهون عليهم...


ابنك ورك الأرنب عامل ايه؟؟؟ في اي تطور في الورك بالذات ؟؟؟؟؟؟؟؟؟؟؟؟ :028:

ربنا يستر على ابنك ياحنون خليه يعمل كل حاجه للبيبى ماعدا الاكل
حطى على العسل ليمون لما تجيلك الكحه هتريحك خالص باذن الله


اه صح لؤلؤ معلش الحول بوظنى خلاص والله دماغى مش فيه يا حنون

اخبار ارنبى بقى عسول خالص الحمد لله وعارف صوتى بس زى ماهوه الايام مبيكبرش لانه نايم على طول وامبارح روحنا للدكتور متابعه بعد الخروج من المحضن قالى النسبه عليت درجه ونص تانى لانه مش بياكل وطلب منى ادخله لبن صناعى علشان يتحسن خايفه عليه قوى ليتحجز تانى واهوه عماله اصحيه بس مين صعيدى صعيدى

norhmn
10-28-2009, 03:49 PM
salam alikum
amleen eh
ya banat

اهلا ورد ازيك ياعامله ايه واخبار الحمل ايه يلا هانت خلاص

alhananana
10-28-2009, 03:51 PM
salam alikum
amleen eh
ya banat
ورد.. ازيك يا قمر.. عاملة ايه؟؟ اخبارك والنونو ومحمود...
انتي تدخلي ترصي اخبارك علطول لأنك كل فين وفين على ما بتدخلي..



ربنا يستر على ابنك ياحنون خليه يعمل كل حاجه للبيبى ماعدا الاكل
حطى على العسل ليمون لما تجيلك الكحه هتريحك خالص باذن الله


اه صح لؤلؤ معلش الحول بوظنى خلاص والله دماغى مش فيه يا حنون

اخبار ارنبى بقى عسول خالص الحمد لله وعارف صوتى بس زى ماهوه الايام مبيكبرش لانه نايم على طول وامبارح روحنا للدكتور متابعه بعد الخروج من المحضن قالى النسبه عليت درجه ونص تانى لانه مش بياكل وطلب منى ادخله لبن صناعى علشان يتحسن خايفه عليه قوى ليتحجز تانى واهوه عماله اصحيه بس مين صعيدى صعيدى

احط على العسل الأسووووووووووود ليمون يا نورا ؟؟؟؟؟؟؟؟ بجد..؟ اول مرة اسمعها...
بس لو اوكيه اعملها why not...

حياتي على ارنوبك اللي عارف صوتك.. بس الواد خم نوم.. على فكرة النوم للأطفال حلو بيكبرهم على حسب ما اسمع..
وان شاء الله انتي بس اول ما يصحى استلميه رضاعة علشان يتغذى شوية.. لازم يا نورا...
وربنا ان شاء الله يقف معاكي ومعاه وميدخلش تاني الحضانة بإذن الله..
بطلو هواجس بقىىىىىىىىىىىى..
امهات ورق

norhmn
10-28-2009, 03:55 PM
ماشى ياست حنون لما نشوفك بكرا هتعملى ايه وهفكرك برده يلا فات الكتير ومش باقى غير كام يوم ونشوف بقى ماما ام قلب جامد ههههههههههه

alhananana
10-28-2009, 04:03 PM
ماشى ياست حنون لما نشوفك بكرا هتعملى ايه وهفكرك برده يلا فات الكتير ومش باقى غير كام يوم ونشوف بقى ماما ام قلب جامد ههههههههههه
لألألألألألألألأ
انتي فهمتيني خطأ.. انا بس بقويلك قلبك شوية.. بشتغلك .. هههههههههه :t0:
انا ام جبانة..
وعيوووووووووووووطة جدا..
يا بنتي لو اتسحب مني عينة دم او خدت ابرة عضل انا شخصيا بقلبها مناحة..
مبالك ابني يعيط حتى...
مش عارفة هنكمل مع بعض ازاي...؟
هنبوظ اعصاب بعض انا عارفة... ربنا يستر..
:0145:

زهرة الكون...
10-28-2009, 04:04 PM
مساء الخير يابنات
نورا اخبار ك واخبار ايودي ايه والالام الولاده راحت ولا لسه ؟
حنان سلامتك بس اكتر حاجه تودي البرد النوم والراحه
وكلي في البيت بلاش بره اليومين دول لحد ما البرد يروح
اعملي شوربة خضار وحطي عليها لمون وربنا يشفيكي

alhananana
10-28-2009, 04:08 PM
مساء الخير يابنات
نورا اخبار ك واخبار ايودي ايه والالام الولاده راحت ولا لسه ؟
حنان سلامتك بس اكتر حاجه تودي البرد النوم والراحه
وكلي في البيت بلاش بره اليومين دول لحد ما البرد يروح
اعملي شوربة خضار وحطي عليها لمون وربنا يشفيكي
زهووووووورة صحي النوم يا كسولة...
النوم والراحة صعب قوي.. انا معتمدة على الوييك اند يمكن اعرف ارتاح فيه.. :059:
وعلى فكرة.. مبحبش شوربة الخضار ولا بشربها..
جربت اعمل شوربة لسان عصفور واحط عليها ليمون اتحرقت مني واتعقدت خلاص..
جوزي بيقولي اعملك شوربة كنووووووووور .. ههههههههههههه :350: صراحة..
انا لحد الان الغدا في علم الغيب.. ربنا يستر
لا طلعت فراخ ولا لحمة ولا اي حاجة تفك من التلج.. مش عارفة هناكل ايه؟؟؟

norhmn
10-28-2009, 04:18 PM
لألألألألألألألأ
انتي فهمتيني خطأ.. انا بس بقويلك قلبك شوية.. بشتغلك .. هههههههههه :t0:
انا ام جبانة..
وعيوووووووووووووطة جدا..
يا بنتي لو اتسحب مني عينة دم او خدت ابرة عضل انا شخصيا بقلبها مناحة..
مبالك ابني يعيط حتى...
مش عارفة هنكمل مع بعض ازاي...؟
هنبوظ اعصاب بعض انا عارفة... ربنا يستر..
:0145:


هههههههههههههههههههه وصلت الاشتغاله
المشكله انك بتلاقى حد صغيور وضعيف خالص ومسئول منك وانت مش عارفه تعملى ايه
باذن الله ربنا يتمملك على خير وتقومى بالسلامة بس عايزين عيال حلوة كده ومكلبظه

norhmn
10-28-2009, 04:22 PM
زهورة ازيك يا حبيبتى وشكرا بجد على سؤالك علينا انا وايود
عقبال يارب لما نطمن عليكى وتقومى بالسلامة
الحمد لله ايودى بخير بس لسه الصفرا شويه مارحتش وشويه دافى ومزكم وشويه كويس خلاص عقبال مايكبر هيكون جننى انا والله بقول الله يكون بعون اللى عندها كذا طفل دى محاربه والله

زهرة الكون...
10-28-2009, 04:32 PM
نفسي اجرب بقي احساس الأمومه
مع انها مسؤليه
خلاص الواحد مبقاش حر نفسه
الجو في مصر برد ولا لسه يانور

زهرة الكون...
10-28-2009, 04:33 PM
انا عامله يابنات محشي رحته حلوه اوي
يارب يطلع طعمه حلو كمان
تعالو اتفضلو معايا

alhananana
10-28-2009, 04:38 PM
هههههههههههههههههههه وصلت الاشتغاله
المشكله انك بتلاقى حد صغيور وضعيف خالص ومسئول منك وانت مش عارفه تعملى ايه
باذن الله ربنا يتمملك على خير وتقومى بالسلامة بس عايزين عيال حلوة كده ومكلبظه
آآآآآآآه..
ابني قصدك...
والله مضمنلكيش الموضوع ده وخاصة اني هبلة في موضوع الأكل.. انا بزيد دهون بس في انحاء جسمي بدون ما آكل.. يمكن لما بتنفس ؟؟!؟!؟!؟؟!؟!

ويعدين انا وهو هنكون ضعاف وصغيرين ومحتاجين حد يبقى مسؤول عننا.



نفسي اجرب بقي احساس الأمومه
مع انها مسؤليه
خلاص الواحد مبقاش حر نفسه
الجو في مصر برد ولا لسه يانور
هانت يا جمييييييل... بكرة وقريب قوي هتجربيه يا قمر وتقولي ليت الشباب يعود يوما.. ههههههه



انا عامله يابنات محشي رحته حلوه اوي
يارب يطلع طعمه حلو كمان
تعالو اتفضلو معايا
حرام عليكي يا زهرة..
انتي بتغيظيني..:059:

طيب آكل انا ايه طيب...؟
عندي كنافة نابلسي.. بس مش هنتغدى عليها يعني...!

norhmn
10-28-2009, 04:39 PM
الجو فى مصر مش مستقر خالص شويه يبرد وشويه يحرر تانى بس انهاردة ماشاء الله جميل قوى ومشمس

باذن الله تجربى احساس الامومه وتشبعى منه كمان لما تلاقى نفسك صاحيه 24 ساعه وبتنامى على نفسك ودماغك بايظه من قله النوم ههههههههههههههههه والا بقى وانتى بتغيرى البامبرز وتلاقى نافورة طالعه فى وشك ياااااااااااه قمة الامومه ههههههههههههههه

بس والله احلى احساس فى الدنيا وانتى حضنه البيبى بتاعك ولامسه خده الجميل الناعم ياه الدنيا ومافيها ربنا ميحرمكيش ولا يحرم مسلمة منها يارب

norhmn
10-28-2009, 04:42 PM
محشى محشى محشى مش فاكراه
يااااااااااااااااااه من زمان مكلتش محشى بس عندى امل بعد سنتين الرضاعه ابقى اعمله واكله وادعيلى حد يعزمنى عليه قبليها والنبى

alhananana
10-28-2009, 04:48 PM
الجو فى مصر مش مستقر خالص شويه يبرد وشويه يحرر تانى بس انهاردة ماشاء الله جميل قوى ومشمس

باذن الله تجربى احساس الامومه وتشبعى منه كمان لما تلاقى نفسك صاحيه 24 ساعه وبتنامى على نفسك ودماغك بايظه من قله النوم ههههههههههههههههه والا بقى وانتى بتغيرى البامبرز وتلاقى نافورة طالعه فى وشك ياااااااااااه قمة الامومه ههههههههههههههه

بس والله احلى احساس فى الدنيا وانتى حضنه البيبى بتاعك ولامسه خده الجميل الناعم ياه الدنيا ومافيها ربنا ميحرمكيش ولا يحرم مسلمة منها يارب

اللللللللللللللللللللللللللللللللللله.. يا رب متحرمش حد من الإحساس ده ابدا

زهرة الكون...
10-28-2009, 04:50 PM
الكنافه النابلسي ياحنان اللي هيا بتبقي بالجبنه ولا ايه ؟
اصل انا مبحبش اللي بالجبنه دي خالص
جبتها مره ورمتها كلها

باذن الله تجربى احساس الامومه وتشبعى منه كمان لما تلاقى نفسك صاحيه 24 ساعه وبتنامى على نفسك ودماغك بايظه من قله النوم ههههههههههههههههه والا بقى وانتى بتغيرى البامبرز وتلاقى نافورة طالعه فى وشك ياااااااااااه قمة الامومه ههههههههههههههه
هههههههههههههههههههههه
سيبيني اتفاجئ احسن
والله يانورا انتي وحنون
انا بحب المحشي اوي
وخاصة البتنجان والفلفل واااااااااااااااااااااااو
بقول لجوزي احمد ربنا اني بحبه
عشان هو كمان بيحبه
وانا تقريبا بعمله اسبوعيا
بس بعد الولاده بقي شكلي مش هعرف الاقي وقت واعمله
يارب يانورا تلاقي حد عازمك عليه اليومين دول
لو كنت جنبك والله كنت بعتلك طبق

alhananana
10-28-2009, 04:55 PM
الكنافه النابلسي ياحنان اللي هيا بتبقي بالجبنه ولا ايه ؟
اصل انا مبحبش اللي بالجبنه دي خالص
جبتها مره ورمتها كلها

هههههههههههههههههههههه
سيبيني اتفاجئ احسن
والله يانورا انتي وحنون
انا بحب المحشي اوي
وخاصة البتنجان والفلفل واااااااااااااااااااااااو
بقول لجوزي احمد ربنا اني بحبه
عشان هو كمان بيحبه
وانا تقريبا بعمله اسبوعيا
بس بعد الولاده بقي شكلي مش هعرف الاقي وقت واعمله
يارب يانورا تلاقي حد عازمك عليه اليومين دول
لو كنت جنبك والله كنت بعتلك طبق

معدتيش ترمي الكنافة دي يا زهرةةةةةة.. اديهالي يا ستي.. اللي لونها برتقالي وتحتيها جبنة عكاوي...
انا بعشققققققققققققققققققققها...
امبارح جوزي جابلي كيلو ونص.. اغرق فيهم بقى..

بخصوص المحشي.. متكتريش يا زهرة لأنها نشويات وبتتخن يا حبيبتي ونرجع نقول الوزن زاد واتصدمت وصعقت عند الدكتورة..
ابقي باصيلي طبق.. ولا انتي بتعزمي على نورا بس..؟ اشمعنى يعني.. طيب دا انا اقربلك..:062:

norhmn
10-28-2009, 05:03 PM
معدتيش ترمي الكنافة دي يا زهرةةةةةة.. اديهالي يا ستي.. اللي لونها برتقالي وتحتيها جبنة عكاوي...
انا بعشققققققققققققققققققققها...
امبارح جوزي جابلي كيلو ونص.. اغرق فيهم بقى..

بخصوص المحشي.. متكتريش يا زهرة لأنها نشويات وبتتخن يا حبيبتي ونرجع نقول الوزن زاد واتصدمت وصعقت عند الدكتورة..
ابقي باصيلي طبق.. ولا انتي بتعزمي على نورا بس..؟ اشمعنى يعني.. طيب دا انا اقربلك..:062:

الأر كده عينى عينك طيب انتى عندك كنافه سيبى ليا بقى المحشى:042::042::042::042::042: ( ليه النفسنه ديه هههههههه):043::043::043:

norhmn
10-28-2009, 05:09 PM
هقوم انا يا بنات طالما الاخ اودى مش راضى يصحى احاول انام مع انى عارفه اول لما المس السرير هيصحى

بس هجرب وكلى امل
اشوفكم فى المساء والسهرة

alhananana
10-28-2009, 05:11 PM
الأر كده عينى عينك طيب انتى عندك كنافه سيبى ليا بقى المحشى:042::042::042::042::042: ( ليه النفسنه ديه هههههههه):043::043::043:

هههههههههههههههههههههه :061:
لأ برضه المحشي لا يعلى عليه..
وشكلها زهرة مختصة في المحشي

alhananana
10-28-2009, 05:12 PM
وانا كمان دوامي خلللللللللللللللص.. هطير على البيت اكمل رحلة المساء والسهرة اشوف هاكل ايه وهكح قد ايه...!

زهرة الكون...
10-28-2009, 05:15 PM
انتو مشيتو ليه يابنات ياوحشين
وسبتوني لوحدي
اقعدو هجيبلكم المحشي اهو قرب يستوي

لوجين*
10-28-2009, 07:38 PM
هههههههههههههه
والله ضحكتونى بالمحشى ده
انا حماتى كان عزمانى عليه يوم الجمعة محشى بتنجان وكرنب كمانوبتعملة حلو اوى

لوجين*
10-28-2009, 08:01 PM
انا مش عارفة انيم اروى فى سريرها ازاى طول الليل نايمة جنبى ولو نقلتها تصحى وحتى لو نامت تعيط كل ربع ساعة
اصلا المفروض من 6 شهور تنام لوحدها وانا م عارفة انيمها حتى فى سريرهاااااااااااااا

kitty_amora
10-28-2009, 08:31 PM
السلام عليكم ,,,

انا هبه من مصر جديدة هنا وفرحت اوي لما لقيت تجمع لحوامل مصر انا لسه عارفه خبر حملي من يومين بس ادعولي بقى ربنا يكمل حملي على خير وهكون فرحانه اوي لو قبلتونى اختكم

لوجين*
10-28-2009, 08:40 PM
السلام عليكم ,,,

انا هبه من مصر جديدة هنا وفرحت اوي لما لقيت تجمع لحوامل مصر انا لسه عارفه خبر حملي من يومين بس ادعولي بقى ربنا يكمل حملي على خير وهكون فرحانه اوي لو قبلتونى اختكم
اهلا اهلا يا هبة
الف الف مبروووووووووووووووك ع الحملربنا يثبتة ويجعلة ذرية صالحة
شكلة كدة اول حمل ليكى

انا سماء
عندى اروى 5 شهور ونص

شيماء مشمشة
10-28-2009, 08:55 PM
ازيكم يا بنات كل الموجودين عاملين ايه النهاردة؟
لوجي ازيك و ازي النونو القمر

maha_86
10-28-2009, 09:07 PM
السلام عليكم ورحمه الله

عاملين ايه ياحلوين
انا قاعده قدام الكمبيوتر من الصبح
بس مش قادره اتكلم ادعووووولى
المهم
انتو عاملين ايه وحكايه المحشي الى شاغلكو من الصبح دا طيب تعالو وانا اعملكو محشي ولا ايه يالوجي
ومبروك للهبه الجديده معانا
وربنا يكرمها ويثبت حملها يااااااااااااارب

البت هدى شكلها ولدت ولا ايه مفيش اخبار عنها ؟؟

شيماء مشمشة
10-28-2009, 09:08 PM
معلش يا بنات انا هقوم جري لحسن زوجي فجاني انه جي السلام عليكم

لوجين*
10-28-2009, 10:12 PM
ملحقتكيش يا مشمشة

مها
حبيبتى هو انتى قادرة تعملى محشى دا انتى يا عينى عايزة اللى يجبلك ربنا يعينك
خلاص هانت

alhananana
10-28-2009, 10:32 PM
انا مش عارفة انيم اروى فى سريرها ازاى طول الليل نايمة جنبى ولو نقلتها تصحى وحتى لو نامت تعيط كل ربع ساعة
اصلا المفروض من 6 شهور تنام لوحدها وانا م عارفة انيمها حتى فى سريرهاااااااااااااا
لوجي يا حبيبتي حد يطول ينام جمب الرؤرؤ الصغنن.. يا حياتي عليها..
بس اعتقد انك لو عودتيها من وهية اول شهر لما تنام على ايدك تحطيها في سريرها اعتقد كنتي انتي وهية اتعودتوا...
حاولي دوقتي لما تنام على ايدك حطيها في سريرها مش تحطيها على سريرك يا حبيبتي..



السلام عليكم ,,,

انا هبه من مصر جديدة هنا وفرحت اوي لما لقيت تجمع لحوامل مصر انا لسه عارفه خبر حملي من يومين بس ادعولي بقى ربنا يكمل حملي على خير وهكون فرحانه اوي لو قبلتونى اختكم
اهلا بيكي يا هبة منورة وطبعا احنا فرحانين انك لقيتينا على النت..
والله نفس الشعور لما لقيتهم انا كمان والحمد لله ابدا مندمتش بالعكس مرتاحة لأنهم كلهم ماماهات زي القمر وبيبيهات يجننوا..
الف مبروك الحمل يا قمر وفعلا شكله اول حمل يا جميل.. ربنا يتمملك على خير يا رب
انا حنون برضه حامل في اول بيبي في الشهر لسادس ان شاء الله..
ربنا يكتبلنا ميعا لسلامة ويقومنا وبيبيهاتنا على الف خير...



السلام عليكم ورحمه الله

عاملين ايه ياحلوين
انا قاعده قدام الكمبيوتر من الصبح
بس مش قادره اتكلم ادعووووولى
المهم
انتو عاملين ايه وحكايه المحشي الى شاغلكو من الصبح دا طيب تعالو وانا اعملكو محشي ولا ايه يالوجي
ومبروك للهبه الجديده معانا
وربنا يكرمها ويثبت حملها يااااااااااااارب

البت هدى شكلها ولدت ولا ايه مفيش اخبار عنها ؟؟
مالك يا مهاااااااااااااااااااااا..
متكلمتيش النهاردة ليه.. انا قلت راحت عليكي نومة..
مالك تعبتي قوي؟؟؟؟؟؟؟؟؟؟؟
الف سلامة عليكي يا حبي معلش انت البنوتة بتوريكي غلاوتها بس.. ربنا يجيبهالك بألف سلامة...

فعلا هدى اختفت.. بس قلبي بيقولي انها لسة مولدتش.. تلاقي النت عندها وقع

mnga_mnga97
10-28-2009, 10:48 PM
السلام عليكم يابنات مبروك التجمع الجميل دة انا جديدة اسمى منة ومصرية وحامل فى السابع ممكن تقبلونى صديقة

وردشان
10-28-2009, 11:04 PM
salam alikum ahlan biki ya kitty inti we manga
nawarto elmontada

وردشان
10-28-2009, 11:05 PM
nor we hanon shokran ala shokran ala swalkom
ana alhamdulilah bekhier
into amleen eh?

لوجين*
10-28-2009, 11:21 PM
حنوووووووووون
هى وهى صغيرة كانت تنام فى سريرها يعنى لغاية شهر فات كانت بتنام فيه عادى
دلوقتى لأ
كمان انتى طيبة اوى ده انا بنام واشبع نوم وهى على ايدى لسه صاحية انا لو استنتها لما تنااااااااام مش هناااااام نهائى على ما تنام ابقى خلاص المنبه بيرن وعايزة انزل

وردشان
10-28-2009, 11:28 PM
salam logi
amlah eh
bosi elzaki serirha fi serirek we sheli elhagez elkhashab min nahitik
yani esleririen yokono lazkin fi baad we sebiha fi serirha ala tool we ema tehbi terdahia mili aliha
fahmah kasdi?
ana kont amel kedaa maa mahmud

لوجين*
10-28-2009, 11:54 PM
منة
اهلا بيكى

ازيك يا ورد

لوجين*
10-28-2009, 11:55 PM
انا فهمت قدك بس سريرها ملهوش حاجز بيتشال

maha_86
10-29-2009, 01:02 AM
السلام عليكم

حد هنا ولا لسه مش جيتو

لوجى وورد ايه اخباركو

ورد عامله ايه في نهايه الثامن

maha_86
10-29-2009, 02:25 AM
اصحوووووووووووووووو بقي

شيماء مشمشة
10-29-2009, 02:28 AM
السلام عليكم يابنات مبروك التجمع الجميل دة انا جديدة اسمى منة ومصرية وحامل فى السابع ممكن تقبلونى صديقة



منة انا هنا موجودة خلينا نتقابل هنا البنات هنا شربات هستناكي بكرة ان شاء الله علي معادنا:0126:

شيماء مشمشة
10-29-2009, 02:29 AM
اصحوووووووووووووووو بقي


اخبار المحشي ايه يا سيدي؟ مفيش صوبعين للغلبانة

maha_86
10-29-2009, 02:36 AM
اهلا يامشمشه عامله ايه ياقمر اخيرا صحيتوا انا بقالى كم ساعه قاعده لوحدى

maha_86
10-29-2009, 02:43 AM
انتى تؤمرى نعمله محشي سخن علشان خاطرك

اخبار الحمل معاكى ايه ياجميل

زهرة الكون...
10-29-2009, 05:29 AM
مها صباح الخير اخبارك ايه
هتدخلي التاسع امتي
انتي بقالك كتير في التامن هههههههههههههه
لوجي وورد وحنون وشيماء صباح الخير عليكم:066:

جنى دان
10-29-2009, 07:54 AM
صبا ح الخيييييييييييييييييييييييييييير يا كتاكيييييييييييييييييييييييييييييييييييت


يا ترى مين صاحييييييييييييييييييييييييييييييييييي ؟؟؟؟؟؟؟؟؟؟؟؟؟؟؟؟؟؟؟؟

kitty_amora
10-29-2009, 08:06 AM
صبااااااااااااااااح الخير يا بنااااات

اخباراتكو ايه طمنوني ومتشكرة لكل اللي هنا واكيد طالما ماماهات زي القمر هستفيد منهم علشان انا فعلا ده اول حمل ليا وحاسه حاجات غريبة

kitty_amora
10-29-2009, 08:06 AM
ازيك يا جنى صباح الخير عليكي

alhananana
10-29-2009, 08:53 AM
السلام عليكم يابنات مبروك التجمع الجميل دة انا جديدة اسمى منة ومصرية وحامل فى السابع ممكن تقبلونى صديقة
منورة يا منة...
والف مبروك الحمل وربنا يتمملك على خير يا رب...
طبعا قابلينك صديقة وأخت يا حبيبتي..
انا حنون.. حامل الحمد لله في الشهر السادس..



nor we hanon shokran ala shokran ala swalkom
ana alhamdulilah bekhier
into amleen eh?
ورد صباحو يا قمر..
وحشاني..
طمنينا عليكي وادخلي كتير كل فين وفين على ما بنشوفك انتي عاملة ايه احنا بخير الحمد لله..



حنوووووووووون
هى وهى صغيرة كانت تنام فى سريرها يعنى لغاية شهر فات كانت بتنام فيه عادى
دلوقتى لأ
كمان انتى طيبة اوى ده انا بنام واشبع نوم وهى على ايدى لسه صاحية انا لو استنتها لما تنااااااااام مش هناااااام نهائى على ما تنام ابقى خلاص المنبه بيرن وعايزة انزل
عذاب رؤرؤة... بس عذاب حلو على قلبك يا قمر..:079:
معلش يا حبي.. بس حاولي تعوديييييييها.. العيال لما بيتعودوا على اي حاجة من بدري بتعرفي ترتاحي شوية.. انتي اللي حنيتك زيادة شوية..:046:
بس بجد لو جربتي متعوديهاش على انك شايلاها علطول وتسيبيها مع نفسها شوية هترتاحي...
ربنا يعينك..
الكلية عاملة معاكي ايه..؟ بتنزلي فعلا ؟؟؟ وبتسيبي رؤرؤة مع مامتك ؟؟؟؟:0144:



اصحوووووووووووووووو بقي
صحينا في معادنا يا افندم..
طمنيني عليكي يا مها.. مالك امبارح والنهاردة عاملة ايه..؟ :0126:



منة انا هنا موجودة خلينا نتقابل هنا البنات هنا شربات هستناكي بكرة ان شاء الله علي معادنا:0126:
شيممممممماء.. هو انتي ومنة صحاب من قبل ؟؟؟؟
i mean .. انتوا تعرفوا بعض قبل كدة ؟؟؟ :t0:



مها صباح الخير اخبارك ايه
هتدخلي التاسع امتي
انتي بقالك كتير في التامن هههههههههههههه
لوجي وورد وحنون وشيماء صباح الخير عليكم:066:
زهورة صباحو يا جميل...
يا نشيييييييييط.. بسم الله ما شاء الله..
انا نفسي افهم ربات البيوت اللي قاعدين في البيت ولسة البيبيهات في بطنهم يعني مفيش وش ايه اللي يصحيهم بدري...؟!
آه لو انا ربة بيت.. كنت قضيت 23 ساعة من اليوم نايمة.. :030:
اخبار المحشي امبارح ايه؟؟؟ وهتطبخي ايه النهاردة...؟
امبارح طبعا لأني مش محضرة اكل اطبخه لما ارجع البيت ، اشتريت أكل من برة...
وقعدت زي الألف اسلق في لحمة بالليل علشان اعمل معاها اي حاجة النهاردة كغدا.. حاجة عذاب :0144:



صبا ح الخيييييييييييييييييييييييييييير يا كتاكيييييييييييييييييييييييييييييييييييت


يا ترى مين صاحييييييييييييييييييييييييييييييييييي ؟؟؟؟؟؟؟؟؟؟؟؟؟؟؟؟؟؟؟؟
أناااااااااااااااااااااااااااااااااااااااااااااااا ااا
ام دندون ازيك وحشاااااااااااااااااااااااااااااني..
دندون وحشني قوي... نفسي اشوفه.. او العب معاه.. متنسيش دي بنتي الصغننة اللي مديهالك تربيها.. هههههههههه:047:


صبااااااااااااااااح الخير يا بنااااات
اخباراتكو ايه طمنوني ومتشكرة لكل اللي هنا واكيد طالما ماماهات زي القمر هستفيد منهم علشان انا فعلا ده اول حمل ليا وحاسه حاجات غريبة
صباحو يا قمر...
ايه اليل مصحيكو بدري بس.. غاويين عذاب؟؟؟؟؟؟؟؟؟؟!
حبيبتي بتحسي بإيه غريب.. ولو اني برضه اول مرة حامل بس يمكن اعرف افيدك..
تشرفنا يا قمر



بقية النايمييييييييييييييييييييين... اصحو بقىىىىىىىىىىىىىىىىىىى

زهرة الكون...
10-29-2009, 11:32 AM
كيتي منوره الملف
واهلا بيكي معانا
حناااااااااااان
المحشي طلع حلو الحمد اوي عاملاه بالسمنه البلدي :7_12_1[1]
الست حماتي شاطره اوي في المحشي وانا بحاول انافسها ههههههههه
بس بيتعبني اوي لما باكله
عشان تقيل اوي
بس مش هطبخ النهارده الا لحمه وشوربة عصفور
انتي هتعملي ايه مع اللحمه
وفطرتي ولا لسه ؟؟؟؟؟؟؟
يابنات انا عاوزه اسألكم
لو سافرت في نهاية التامن
ممكن يدايئوني في المطار ويرجعوني ولا ايه ؟؟؟؟؟؟

alhananana
10-29-2009, 11:42 AM
زهورة ازيك...
بالهنا والشفا على المحشي يا جميل...
بس بلاش التتقيل في الأكل يا بنتي.. وزنك وتعب زي ما بتقولي..
انا بطبخ بالزيت بس.. نادرا لو استخدمت سمن..

ممممممم.. الحمد لله فطرت.. مناقيش كالعادة.. جبنة وسبانخ
بخصوص الغدا.. والله مش عارفة هعمل ايه مع اللحمة.. يمكن اعمل بامية لجوزي واعمل رز مشترك واحمر شوية مكسرات احطهم على الرز بتاعي لأني مبحبش البامية قوي..

بخصوص السفر وركوب الطيارة ، متسيبيش نفسك للآخر.. اتأكدي من شركة الطيران اللي هتحجزي عليها او اتصلي باستعلامات المطار رقمهم 04-2166666 ده طبعا مطار دبي - الشارقة معرفوش

لازم تتأكدي لو بطنك باينة قوي.. انما لو بطنك صغننونة مش هياخدو بالهم انك في آخر التامن يبقى اعتقد تعدي..

maha_86
10-29-2009, 11:57 AM
صباح الخييييييييييييييير


اخير صحيتو ورغيتو

ادعوووووووووووووووووووولى

انا نازله اعمل الاشعه بتاعت الموجات الصوتيه على القلب

ادعولى ربنا يستر

alhananana
10-29-2009, 12:08 PM
صباح الخييييييييييييييير
اخير صحيتو ورغيتو
ادعوووووووووووووووووووولى
انا نازله اعمل الاشعه بتاعت الموجات الصوتيه على القلب
ادعولى ربنا يستر

ان شاء الله ترجعي مجبورة الخاطر وفرحانة وسعيدة ومتطمنة بإذن الله...

وبعدين قطتك النونة الصغننة نورت اهي في الوردة الخيرة في توقيعك.. يلا هانت يا معلم :064:

زهرة الكون...
10-29-2009, 12:32 PM
ربنا معاكي يامها ان شاء الله
وتطلع النتائج كلها تمام
عقبالي انا اونتي ياحنون اما نحصلها وكل البنات اللي لسه مولودوش
هدي ولدت ولا ايه انا مشفتهاش امبارح والنهارده

alhananana
10-29-2009, 12:36 PM
يا رب يا زهرة...

no news عن هدىىىىىىى.. يا رب يكون خير..

norhmn
10-29-2009, 02:57 PM
مساء الخير على بنانيت مصر الحلوين

حد من مامتنا الحلوين هنا
عاوزة اسالكم عن حقنه الدرن ايودى اخدها انهاردة ومش عارفه اعمل ايه ؟
يعنى هيسخن هيتعب ايه موضوعها بالضبط

maha_86
10-29-2009, 03:43 PM
انا جيييييييييييييت

حد هنا

وردشان
10-29-2009, 03:53 PM
salam alikum ya maha
amalti eh and el doktor

وردشان
10-29-2009, 03:56 PM
salam alikum ya nor
mateklakish al eyad inshallah hibka zei elfol

maha_86
10-29-2009, 04:07 PM
ان شاء الله ترجعي مجبورة الخاطر وفرحانة وسعيدة ومتطمنة بإذن الله...

وبعدين قطتك النونة الصغننة نورت اهي في الوردة الخيرة في توقيعك.. يلا هانت يا معلم :064:

انا جيت ياحنون

الحمدلله اليوم عدى على خير بس حاجه تكسف اوى الاشعه دى المهم

بس الدكتور قالى في ارتخاء بسيط في صمام بس الحمدلله مفيش في اى ضرر هو ادانى هلاج تضبيط ضربات القلب وقالى دا مفيش تاثير ان شاء الله على الولاده الحمدلله على كل حال
والله مااخدت بالى ان الشريط اتحرك ربنا يهون ياااااااااااااااااارب
بس حسابات الدكتوره ان في الاسبوع 34
والسونار نفس الحساب دا والله ما عنت عارفه همشي على ايه


ربنا معاكي يامها ان شاء الله
وتطلع النتائج كلها تمام
عقبالي انا اونتي ياحنون اما نحصلها وكل البنات اللي لسه مولودوش
هدي ولدت ولا ايه انا مشفتهاش امبارح والنهارده


تسلملى يازهره يارب وربنا يكملكو على خير وتفرحو باطفالكو بين اديكو يارب ويكملنا جميعا على خير ونقوم بالسلامه

maha_86
10-29-2009, 04:09 PM
اهالا اهلا بخلفتى في الملاعب

ازيك ياورد عامله ايه

haiam1211
10-29-2009, 04:23 PM
هااااااااااى وحشتووووووووونى اوى
مها الحمد لله يا حبيبتى انك اتطمنتى وانشاء الله تقومى بالسلامة وتفرحى بالبنوتة الحلوة
ورد اخبارك ايه يا جميل وحشتينى خالص مختفية فين يا ام حودة وازى النونو الصغنن اللى جوة يالا هانت احنا ماشيين مع بعض بالظبط

haiam1211
10-29-2009, 04:24 PM
هوهود اخبارها ايه يا بنات ولدت ولا ايه؟

monamar
10-29-2009, 04:25 PM
الف سلامه عليكى يا حنان ربنا يشفيكى ده انتى فى التاسع ده انا مرعوبه ان كمان اجى قرب الولادك ويجينى برد ربنا يستر ويشفيكى يا رب

monamar
10-29-2009, 04:34 PM
لو سمحتو يا بنات عايزه اسالكم عن حاجتين الحاجه الاولى
انا فى اول كام يوم فى التاسع وظاهر فى بطنى خطوب حمره مش عارفه هضيع بعد الولاده ولا ايه
الحاجه التانيه الدكتور قالى ان شاء الله يعنى ان فى بطنى ولد طيب الولد ده لو حابه اعمله ختان طهاره يعنى بيكون بعد الولاده بوقت قد ايه وشكرا ليكم

haiam1211
10-29-2009, 04:35 PM
منى ازيك يا جميل انتى دخلت التاسع خلاص؟

haiam1211
10-29-2009, 04:38 PM
بصى يا منى الخطوط الحمرا ده طبيعى ان كمان طالعى خطوط حمرا بس بسيط الحمد لله بس مش عارفة بتروح بعد الولادة ولا لأ اكيد اللى ولدو ممكن يفيدونا
بالنسبة بأه لموضوع الطهارة ممكن فى نفس يوم الولادة انا ابن اخويا اطاهر فى نفس اليوم وده بيكون افضل علشان مش بيحس بيها اوى

haiam1211
10-29-2009, 04:46 PM
ورد ومها ومنمار روحتو فيييييييييييين؟؟؟؟؟؟؟؟؟؟

monamar
10-29-2009, 04:47 PM
بصى يا منى الخطوط الحمرا ده طبيعى ان كمان طالعى خطوط حمرا بس بسيط الحمد لله بس مش عارفة بتروح بعد الولادة ولا لأ اكيد اللى ولدو ممكن يفيدونا
بالنسبة بأه لموضوع الطهارة ممكن فى نفس يوم الولادة انا ابن اخويا اطاهر فى نفس اليوم وده بيكون افضل علشان مش بيحس بيها اوى


شكرا يا هيام على ردك انتى ازيك عامله ايه وايه اخبارك انا ايوه دخلت التاسع بقالى ايام بس ربنا يكرمنا جميعا ونقوم بالسلامه

maha_86
10-29-2009, 04:49 PM
الحمدلله اليوم عدى على خير بس حاجه تكسف اوى الاشعه دى المهم

بس الدكتور قالى في ارتخاء بسيط في صمام بس الحمدلله مفيش في اى ضرر هو ادانى هلاج تضبيط ضربات القلب وقالى دا مفيش تاثير ان شاء الله على الولاده عندى ميعادالاربعاء الى جاى ان شاء الله علشان يطمن على ضربات القلب فا الحمدلله على كل حال





دا الى الى الدكتور قال هولى دعواتك ان الولاده تعدى على خير الحمدلله على كل خير

haiam1211
10-29-2009, 04:50 PM
ربنا معانا جميعا ونقوم بالسلامة
انتى ايه الاعراض اللى بتحس بيها فى التاسع
اصل انا بيحصل معايا حاجة غريبة مش عارفة ده طبيعى ولا ايه
بحس بطنى بتحجر جامد جدا والبيبى كمان بحسها بتحجر فى نحية وحدة ومش بتفك غير لنا اقوم امشى شوية

haiam1211
10-29-2009, 04:55 PM
انشاء الله خير يا مها بس انتى ماتقلقيش وسبيها على ربنا وانشاء الله تفرحى ببنوتك وتقوميلنا بالف سلامة

maha_86
10-29-2009, 04:55 PM
السلام عليكم اهلا اهلا هيام ومنمار اهلا بيكو ياحلوين
انتو بداتو في التاسع ولا ايه

والاعراض الى انتى وقولتيها دى ياهياما انا بحس بيها وساعات بتتحجر عندى لفووق بخس انى مش قادره اتنفس بسبب انام على جنبي واطبط عليها شويه ساعات ربنا يهديها وساعات ولا الهوا

monamar
10-29-2009, 04:56 PM
ربنا معانا جميعا ونقوم بالسلامة
انتى ايه الاعراض اللى بتحس بيها فى التاسع
اصل انا بيحصل معايا حاجة غريبة مش عارفة ده طبيعى ولا ايه
بحس بطنى بتحجر جامد جدا والبيبى كمان بحسها بتحجر فى نحية وحدة ومش بتفك غير لنا اقوم امشى شوية


انا بقى يا ستى زيك كده بس بيحجر فى كذا مكان مش مكان واحد غير بقى دخولى الحمام كل شويه عشان شوية ميه صغيرين قوى بس بقوم ادخل الحمام غير بقى مش عارفه انام على جنبى ده وده وظهرى اما انام عليه احس انى مش واخده راحتى ومخنوقه وبحس ان معدتى مضغوطه فى بعضها لسه بس النهارده حاسه ان ظهرى بيوجعنى بس ماما كل ما تكلمنى تقولى لسه بدرى ما توجعيش من دلوقتى انتى لسه باول يومين فى التاسع اقول خلاص يبقى لسه بدرى مع انى بخلص كل يوم 28 فى الشهر ادخل شهر جديد او يوم 27 مش عارفه ليه الدكتور بيقولى هتبدا تولدى من يوم 12/11

haiam1211
10-29-2009, 04:58 PM
ميهو انا هدخل التاسع نشاء الله بعد بكرة وموضوع التحجير ده تاعبنى اوى
عملتى كشف النسا ولا لأ

haiam1211
10-29-2009, 05:04 PM
انا بقى يا ستى زيك كده بس بيحجر فى كذا مكان مش مكان واحد غير بقى دخولى الحمام كل شويه عشان شوية ميه صغيرين قوى بس بقوم ادخل الحمام غير بقى مش عارفه انام على جنبى ده وده وظهرى اما انام عليه احس انى مش واخده راحتى ومخنوقه وبحس ان معدتى مضغوطه فى بعضها لسه بس النهارده حاسه ان ظهرى بيوجعنى بس ماما كل ما تكلمنى تقولى لسه بدرى ما توجعيش من دلوقتى انتى لسه باول يومين فى التاسع اقول خلاص يبقى لسه بدرى مع انى بخلص كل يوم 28 فى الشهر ادخل شهر جديد او يوم 27 مش عارفه ليه الدكتور بيقولى هتبدا تولدى من يوم 12/11
بصى يا منمن انا بحط مخدات كتير اوى ورا ضهرى وبنام تقريبا وانا قاعدة ده افضل وضع ليا فى النوم غير كده مابعرفش انام خالص اما موضوع التواليت ده فانا تقريبا مقيمة بسبب وبدون سبب :020:
الولادة بأه هعرف يوم السبت انشاء الله بس غالبا قيصرى لان البيبى نازل فى الحوض اوى والحوض ضيق جداااا فلو هولد قيصرى بأذن الله هختار 12\11 عشان عيد ميلادى :047::0154:

monamar
10-29-2009, 05:05 PM
والله يا هيام الدكتور عايزنى يوم 4/11 لسه هروح له مش عارفه بقى كشف النساء ده امتى مش كشف النساء ده من تحت ولا ايه فهمونى عشان اجهز نفسى

haiam1211
10-29-2009, 05:10 PM
ايوة يا جميل كشف منيل ب60 نيلة حاملة همه اوى

haiam1211
10-29-2009, 05:13 PM
يا بنات ايه احسن وسيلة لازلة شعر المنطقة الحساسة قبل الولادة بس اى حاجة غير السويت لان عملت سويت من شهر تقريبا وتعبت جدا بعدها
ممكن السلكبيل ولامش مستحب ولا ايه؟

monamar
10-29-2009, 05:15 PM
بصى يا منمن انا بحط مخدات كتير اوى ورا ضهرى وبنام تقريبا وانا قاعدة ده افضل وضع ليا فى النوم غير كده مابعرفش انام خالص اما موضوع التواليت ده فانا تقريبا مقيمة بسبب وبدون سبب :020:
الولادة بأه هعرف يوم السبت انشاء الله بس غالبا قيصرى لان البيبى نازل فى الحوض اوى والحوض ضيق جداااا فلو هولد قيصرى بأذن الله هختار 12\11 عشان عيد ميلادى :047::0154:

ربنا يقومك بالسلامه يا رب انا بقى فى الثامن اما كشفت الدكتور قالى ان الراس تحت بس مش قوى بزاويه كده مش عارفه بقى اما اروح يوم 4/11 هتكون راس الجنين تحت اكتر ولا ايه يوم الاربعاء ميعادى ربنا يسهل

haiam1211
10-29-2009, 05:18 PM
ربنا معاكى يارب وتكون الراس نزلت تحت عشان ما تاخديش وقت كتير فى التاسع وتشوفى ابنك سليم معافى بأذن الله اخترتى اسم ولا لسه؟

monamar
10-29-2009, 05:22 PM
ربنا معاكى يارب وتكون الراس نزلت تحت عشان ما تاخديش وقت كتير فى التاسع وتشوفى ابنك سليم معافى بأذن الله اخترتى اسم ولا لسه؟

والله يا هيام انا كنت مختاره اسم محمد ومن 3 شهور اخو جوزى اتوفى وهو متجوز قبلى بعشر اايام وشاب لسه يا دوب بنته عندها 8 شهور جوزى قالى عشان خاطرى سمى على اسم اخويا فقولنا ان شاء الله نسمى على اسمه هو اسمه رامى ايه رايك فى الاسم

monamar
10-29-2009, 05:23 PM
هيام معلش يا حبيبتى انا هقوم دلوقتى اوك باى يا حببيتى

haiam1211
10-29-2009, 05:27 PM
والله يا هيام انا كنت مختاره اسم محمد ومن 3 شهور اخو جوزى اتوفى وهو متجوز قبلى بعشر اايام وشاب لسه يا دوب بنته عندها 8 شهور جوزى قالى عشان خاطرى سمى على اسم اخويا فقولنا ان شاء الله نسمى على اسمه هو اسمه رامى ايه رايك فى الاسم
ايوة افتكرت انتى قولتلنا الموضوع ده بس انا نسيت
ربنا يرحمه ويجعل مسواه الجنة اسم رامى جميل عشان كمان هيكون ليه وضع خاص عند العيلة كلها يارب يجى بالف سلامة وتشوفيه قمر انشاء الله

haiam1211
10-29-2009, 05:28 PM
باى يا قمر

maha_86
10-29-2009, 05:43 PM
لا والله ياهيوم مش عملت الكشف لسه بس تقريبا كدا يوم الاحد لانى عندى ميعاد مع الدكتوره

maha_86
10-29-2009, 05:57 PM
منمار موجوده
ولا حد هنااااااااا

maha_86
10-29-2009, 07:58 PM
الوووووووووووووووووووووووووووووووووووووووووووو يانايمين

شيماء مشمشة
10-29-2009, 08:18 PM
مها الحمد لله انك بخير معلش هو الحمل بيبن كل المصايب الي احنا منعرفهاش بعدين احنا جيل ورق جدا

maha_86
10-29-2009, 09:22 PM
تسلميلى يامشمشه

ربنا يهون علينا يااااااااااااارب وتعدى خير

mnga_mnga97
10-29-2009, 10:32 PM
ازيك يامشمشة عاملة اية خلاص نتقابل هنا مع البنات العسل دول ونساعد بعد على الالام الحمل انامعاكى احنا فعلا جيل ورق انامن اول الحمل وانا بتعزب يارب يقومنا كلنا بالسلامة قولو امييين قوليلى بتدخلى الساعة كام وهتلاقينى عموما انا بعتلك رسالة

roro2009ر
10-29-2009, 10:44 PM
السلام عليكم
حد هنا يابنات

kitty_amora
10-29-2009, 10:45 PM
مساء الخير بالليل اوي
شكلكوا نايمين وانا بقى مبعرفش انام:t8: ياجماعه قولولي ده طبيعي ولا ايه انا حامل في شهر اهو ومش بعرف انام بالليل بشرب لبن مفيش فايدة باكل بلح مفيش فايدة وتاني احساس غريب اني حاسة اني بالعه عيل في بطني مش حامل فيه :042: عندي انتفاخ في بطني وتقلصات هو انا طبيعيه ولا ده مش عادي وعصبية وعندي حموضة ده يبقى انا ورق ومش اي ورق:د0:

mnga_mnga97
10-29-2009, 10:48 PM
شكرا ياحنونة اختى اسمها حنونة زيك يارب يتملك حملك على خير وتفرحى بانونو العسل ونصيحة يالوجى بنوتك عندها كام شهر مهما كان حاولى تنيميها فى سريرها لكن لو اتعودت تنام معاكى هتتعبك بعد كدة ابنى يوسف عندو 4سنين عزبنى علشان ينام فى سريرو كنت بنيمو ولما يصحة يجى جنبى

mnga_mnga97
10-29-2009, 10:56 PM
مساء النور متقليش دى اعراض طبيعية فى بداية الحمل بس حاولى ترتاحى

kitty_amora
10-29-2009, 11:23 PM
يعني اتطمن وانا طبيعيه ومش بالعاه ولا حاجة الحمد لله طمنتيني احسن جوزي كان هيخاف مني

maha_86
10-29-2009, 11:30 PM
السلام عليكم ياحلوين اهلا اهلا بكل الموجودين

خد هنا ولا نامين كا العاده

osha72
10-29-2009, 11:33 PM
السلام عليكم
انا عضوة جديدة من مصر طبعاومقيمة فى ابوظبىوحامل فى اخر الخامس ممكن تقبلونى معكم

maha_86
10-29-2009, 11:36 PM
اهلا بيكى طبعا معانا ياقمر والف مبروك الحمل وربنا يكملك على خير انتى هنا وسط اخواتك

عرفنينا عليكى

osha72
10-29-2009, 11:40 PM
السلام عليكم انا عضوة جديدة من مصر طبعا ومقيمةفى ابوظبى وحامل فى نهاية الشهر الخامس ممكن تقبلونى معكم
:0126:

همسة الطفولة
10-29-2009, 11:41 PM
الف سلامة عليكى

همسة الطفولة
10-29-2009, 11:43 PM
اهلا وسهلا فيكى اوشة

maha_86
10-29-2009, 11:48 PM
اهلا بيكى همسه انتى حامل باى شهر

Nody.mom
10-30-2009, 05:42 AM
عاملين ايه وحشتونى اوى
واهلا بالبناتيت الجديده اللى نورتنا ربنا يتمم حملكم على خيرر
حوامل التاسع طمنونى عليكووو

alhananana
10-30-2009, 09:51 AM
انا جيت ياحنون

الحمدلله اليوم عدى على خير بس حاجه تكسف اوى الاشعه دى المهم

بس الدكتور قالى في ارتخاء بسيط في صمام بس الحمدلله مفيش في اى ضرر هو ادانى هلاج تضبيط ضربات القلب وقالى دا مفيش تاثير ان شاء الله على الولاده الحمدلله على كل حال
والله مااخدت بالى ان الشريط اتحرك ربنا يهون ياااااااااااااااااارب
بس حسابات الدكتوره ان في الاسبوع 34
والسونار نفس الحساب دا والله ما عنت عارفه همشي على ايه


يا حبي حمدلله على سلامتك وان شاء الله كلو يعدي على الف خير واطمني وارتاحي يا حبيبتي...
حمدلله على سلامتك يا ميهو والله صحيت الفجر انتي على بالي قلت اروح افتح النت اشوفك بس مقدرتش كنت دايخة تماما...



الف سلامه عليكى يا حنان ربنا يشفيكى ده انتى فى التاسع ده انا مرعوبه ان كمان اجى قرب الولادك ويجينى برد ربنا يستر ويشفيكى يا رب
منى يا حبي انا في السادس ان شاء الله مش التاسع..
انتي اللي في التاسع ربنا يقومك بألف سلامة انتي وميهو وهدى وكل اللي على وشك... واحنا كمان...



هااااااااااى وحشتووووووووونى اوى

هيووووووووووووم وحشتيني قوي.. نفسي نكون هنا مرة واحدة ميكونش حد فينا غير متصل..



بصى يا منى الخطوط الحمرا ده طبيعى ان كمان طالعى خطوط حمرا بس بسيط الحمد لله بس مش عارفة بتروح بعد الولادة ولا لأ اكيد اللى ولدو ممكن يفيدونا
بالنسبة بأه لموضوع الطهارة ممكن فى نفس يوم الولادة انا ابن اخويا اطاهر فى نفس اليوم وده بيكون افضل علشان مش بيحس بيها اوى
موضوع الطهارة ده قالقني جدا وقالق جوزي...
بيقولي صععععععب لو دبحتو انه يقبل يطاهر النونو في اول يوم.. بقوله لشان ميحسش مش راضي..
يقولي على الأقل بعدها باسبوع... ربنا يستر بقى....

alhananana
10-30-2009, 10:01 AM
بصى يا منمن انا بحط مخدات كتير اوى ورا ضهرى وبنام تقريبا وانا قاعدة ده افضل وضع ليا فى النوم غير كده مابعرفش انام خالص اما موضوع التواليت ده فانا تقريبا مقيمة بسبب وبدون سبب :020:
الولادة بأه هعرف يوم السبت انشاء الله بس غالبا قيصرى لان البيبى نازل فى الحوض اوى والحوض ضيق جداااا فلو هولد قيصرى بأذن الله هختار 12\11 عشان عيد ميلادى :047::0154:
اللههههههه..
حلو يكون يوم عيد ميلادك..
بس اهم حاجة تقومي انتي والنونة بألف سلامة يا هيوم..

بخصوص موضوع التواليت.. انا برضه علطول مزنوقة مش فاهمة ايه لزمته وانا لسة في السادس..
بروح الحمام اعمل حاجة صغننة قوي.. حاجة غريبة..



والله يا هيام انا كنت مختاره اسم محمد ومن 3 شهور اخو جوزى اتوفى وهو متجوز قبلى بعشر اايام وشاب لسه يا دوب بنته عندها 8 شهور جوزى قالى عشان خاطرى سمى على اسم اخويا فقولنا ان شاء الله نسمى على اسمه هو اسمه رامى ايه رايك فى الاسم
اتكلي على الله يا منى.. اسم رامي جميييييل ربنا يجيبهولك بألف سلامة ي رب..
انا كنت ناوية اسمي (محمد) بس برضه هسمي ان شاء الله (أحمد) علشان بابا محمد جوزي تعبان وعندو زهايمر وقال محمد هيجيب أحمد فخلاص اتفقنا نه ان شاء الله لو ولد يكون أحمد حبيبي..
الحمد لله كله نعمة وفضل من ربنا..



مساء الخير بالليل اوي
شكلكوا نايمين وانا بقى مبعرفش انام:t8: ياجماعه قولولي ده طبيعي ولا ايه انا حامل في شهر اهو ومش بعرف انام بالليل بشرب لبن مفيش فايدة باكل بلح مفيش فايدة وتاني احساس غريب اني حاسة اني بالعه عيل في بطني مش حامل فيه :042: عندي انتفاخ في بطني وتقلصات هو انا طبيعيه ولا ده مش عادي وعصبية وعندي حموضة ده يبقى انا ورق ومش اي ورق:د0:
حبيبتي انتي محتاجة ترتاحي وتاكلي المفيد وتستشيري الدكتورة ويا ريت لو تبعدي عن البلح لأه من محرضات الولادة (الدكتورة قالتلي كدة ومنعته تماما). وكمان المفروض مجيلكيش اي تقلصات وتحاولي تحافظي على ده.. من رأيي تستشيري الدكتورة وهتديكي حاجات تريحك يا قمر..



شكرا ياحنونة اختى اسمها حنونة زيك يارب يتملك حملك على خير وتفرحى بانونو العسل ونصيحة يالوجى بنوتك عندها كام شهر مهما كان حاولى تنيميها فى سريرها لكن لو اتعودت تنام معاكى هتتعبك بعد كدة ابنى يوسف عندو 4سنين عزبنى علشان ينام فى سريرو كنت بنيمو ولما يصحة يجى جنبى
تشرفنا يا منة... وسلمي على اختك الأمورة...
ما شاء الله انتي عندك ابن اسمه يوسف ربنا يخليهولك يا رب...
يعني النونو البيبي التاني ان شاء الله...!
ربنا يخليهملك يا رب ويباركلك فيهم..



السلام عليكم
انا عضوة جديدة من مصر طبعاومقيمة فى ابوظبىوحامل فى اخر الخامس ممكن تقبلونى معكم
اوشااا.. اهلا يا قمر.. منورة..
انا جارتك إل حد ما.. برضه مصرية وميمة في عجمان بس غالبا هتلاقيني في الشارقة علشان شغلي.. والحمد لله حامل في اول السادس.. انا قبلك بشوية صغننين يا قمر..
ربنا يتمملك على الف خير يا رب واحنا جميعا...

alhananana
10-30-2009, 11:00 AM
انتو كلكو نايمينننننننننننننن؟؟؟؟

طيب... انا باكل بليلة بالحليب والمكسرات...
حد عايز طبق ؟؟؟؟؟؟؟؟؟

وردشان
10-30-2009, 11:40 AM
sabah elkhier ya hanona
alf hana habibti
amla eh we ahmed amel eh

وردشان
10-30-2009, 12:22 PM
kol yom adkhol we afdal aklem nafsi
we badieen akom tani ashan mish haad birod
into fieeeeeeeeeeeeeeeeeeeeeeeen?

kitty_amora
10-30-2009, 12:27 PM
ميرسي لنصايحك كتير يا hanona وكويس انك قولتيلي ان البلح بيحرض على الولادة علشان مش اكلو تاني وشكلي هروح بكرة للدكتورة ان شاء الله

لوجين*
10-30-2009, 01:31 PM
سلام عليكم

لوجين*
10-30-2009, 01:32 PM
الخطوط الحمرااااااااااااااااااااا بتروووووووووووح بعد 6 شهور من الولادة وبتبقى بيضا انا لسة عندى شوية

لوجين*
10-30-2009, 01:34 PM
مها مبروووووووووووك ع التاسع عقبال الولادة ياااااااااااااارب

alhananana
10-30-2009, 01:44 PM
sabah elkhier ya hanona
alf hana habibti
amla eh we ahmed amel eh
ورد ازيك يا قمر انا قعدت برضه اكلم نفسي فترة وبعدين قلت اروح ارتاح قمتي انتي دخلتي.. ههه.
انتي اللي عاملة ايه والنونة.. ؟
مممممممم
ابني بياخد الجمعة راحة.. بيختفي مش عارفة ليه.. تقولش بيشتغل طول الأسبوع زي ماماته علشان ياخد الجمعة off... اعمل ايه فيه هيجنني..



ميرسي لنصايحك كتير يا hanona وكويس انك قولتيلي ان البلح بيحرض على الولادة علشان مش اكلو تاني وشكلي هروح بكرة للدكتورة ان شاء الله
الله يخليكي يا شيمو.. (يا رب اكون فاكرة الإسم صح)...
ايوة البلح او التمر بيفضل أكله في لشهر التاسع على ما اعتقد..
وكمان بلاش عسل نحل خالص..
دول الدكتورة بتاعتي منعتني منهم في اول الحمل وانا صراحة مستمرة..
بس ضروري تروحي علشان تقولك تاكلي ايه وتتجنبي ايه وايه لعلاجات المناسبة للإنتفاخ او المغص و اي حاجة تانية تحسي بيها..



سلام عليكم
وعليكم السلام...
ازيك يا لوجي.. وازي رؤرؤ..
صاحية رؤرؤ طبعا...؟:t9:
انتي عاملة ايه النهاردة واخبار الكلية ايه..؟

لوجين*
10-30-2009, 02:46 PM
صباح النوووووووووور يا حنون
اه صاحية اهيه وبتشد فى شعرى
الكلية الحمد لله بحضر على أد ما أقدر
لكن مذاكرة مفيش
عايزة اقعد اذاكر دلوقتى بس بردو عيزاه اروح لحماتى عشان بيبقوا عايزين يشوفوا أروى مش عارفة أعمل ايه؟؟؟؟؟؟

alhananana
10-30-2009, 03:00 PM
ربنا يعينك يا لوجي...
مفيش حد فاضي شوية من اهلك ييجي يقعد معاها وانتي تذاكري شوية..؟؟؟؟
انا بس عايزة حد ييجي يقعد معاها وقت من 3-4 ساعات وانتي تذاكري شوية..
فعلا صعب النونات مع المذاكرة

وبعدين يا ستي ابقي انزلي شوية باليلل مع جوزك وروحي عند حماتك علشان يقعدو مع اروى كمان..

monamar
10-30-2009, 03:02 PM
قولولى يا بنات كشف النسا ده اللى عند الدكتور يبقى بالظبط امتى فى الشهر التاسع

لوجين*
10-30-2009, 03:06 PM
لازم اروح دلوقتى عشتن حماتى بتخرج بليل

مونامر
كشف النسا بيبقى فى نص التاسع

alhananana
10-30-2009, 03:06 PM
قولولى يا بنات كشف النسا ده اللى عند الدكتور يبقى بالظبط امتى فى الشهر التاسع
منى حبيبتي ازيك...
انا مش عارفة امتى بالضبط في التاسع بس لبنات اكيد هيفيدوكي...

ربنا معاكي ويقومك بألف سلامة

alhananana
10-30-2009, 03:07 PM
روحي يا حبيبتي ومادام بتخرج حماتك بالليل اذا متطوليش وتعالي علطول وحاولي ترتاحي شوية وتنيمي القطة المسمسمة وتذكريلك كلمتين..

اديها لجوزك يقعد بيها شوية بس تكوني مرضعاها ومغيرالها ومريحاها وخلاص

monamar
10-30-2009, 03:10 PM
ده الدكتور على كلامه انتى مش هكمل التاسع

haiam1211
10-30-2009, 04:41 PM
لا والله ياهيوم مش عملت الكشف لسه بس تقريبا كدا يوم الاحد لانى عندى ميعاد مع الدكتوره انشاء الله خير يا حبيتى اناكمان هعمل كشف النسا بكرة عشان الدكتور شايف انى مش هاخود التاسع كله


ازيك يامشمشة عاملة اية خلاص نتقابل هنا مع البنات العسل دول ونساعد بعد على الالام الحمل انامعاكى احنا فعلا جيل ورق انامن اول الحمل وانا بتعزب يارب يقومنا كلنا بالسلامة قولو امييين قوليلى بتدخلى الساعة كام وهتلاقينى عموما انا بعتلك رسالة
اهلا منجة مبروك الحمل يا جميل ومنورة التجمع

مساء الخير بالليل اوي
شكلكوا نايمين وانا بقى مبعرفش انام:t8: ياجماعه قولولي ده طبيعي ولا ايه انا حامل في شهر اهو ومش بعرف انام بالليل بشرب لبن مفيش فايدة باكل بلح مفيش فايدة وتاني احساس غريب اني حاسة اني بالعه عيل في بطني مش حامل فيه :042: عندي انتفاخ في بطني وتقلصات هو انا طبيعيه ولا ده مش عادي وعصبية وعندي حموضة ده يبقى انا ورق ومش اي ورق:د0:كيتى مبروك يا حبيبتى الحمل ربنا يكمله على خير يارب اما بالنسبة لقلة النوم والانتفاخات والتقلصات والعصبية دى هرمونات الحمل يا جميل


السلام عليكم
انا عضوة جديدة من مصر طبعاومقيمة فى ابوظبىوحامل فى اخر الخامس ممكن تقبلونى معكم
اهلا وسهلا بيكى يا اوشة ربنا يكمل حملك على خير انشاء الله انا كمان جوزى فى ابو ظبى وانا هروحله انشاء الله بعد الولادة بشهرين يعنى هنبقى جيران :و2:



هيووووووووووووم وحشتيني قوي.. نفسي نكون هنا مرة واحدة ميكونش حد فينا غير متصل..



موضوع الطهارة ده قالقني جدا وقالق جوزي...
بيقولي صععععععب لو دبحتو انه يقبل يطاهر النونو في اول يوم.. بقوله لشان ميحسش مش راضي..
يقولي على الأقل بعدها باسبوع... ربنا يستر بقى.... انتى وحشانى اكتر يا حنوووووووووون يا رب تكونى اون لاين دلوقتى عشان نرغى شوية
توتة بالنسبة لموضوع الطهارة ده والله يا حنون كل ماكان بدرى مش بيحس البيبى باى حاجة خلى بس جوزك يجمد قلبه شوية


اللههههههه..
حلو يكون يوم عيد ميلادك..
بس اهم حاجة تقومي انتي والنونة بألف سلامة يا هيوم..

بخصوص موضوع التواليت.. انا برضه علطول مزنوقة مش فاهمة ايه لزمته وانا لسة في السادس..
بروح الحمام اعمل حاجة صغننة قوي.. حاجة غريبة..

يارب بس الهانم اللى جوه تصبر لما تيجى يوم 12 وما تعملهاش قبل كده هههههههه:061:
اما موضوع التواليت ده من اول الحمل وانا على طول فى التواليت بس الموضوع بيكون مزعج جدا فى الاواخر لان البيبى بيكون ضاغط اوى على المثانة فطول الوقت حاسة انك عايزة تروحى التواليت ربنا بس يكملنا على خير يارب


انتو كلكو نايمينننننننننننننن؟؟؟؟

طيب... انا باكل بليلة بالحليب والمكسرات...
حد عايز طبق ؟؟؟؟؟؟؟؟؟
بصررررررررة انا كمان لسه واكلة بليلة :0146:

قولولى يا بنات كشف النسا ده اللى عند الدكتور يبقى بالظبط امتى فى الشهر التاسع
على حسب ما الدكتور يشوف يا منى ممكن فى اول التاسع لو شايف احتمالية ولادة فى الاول
انا بكرة هعمل كشف النسا انشاء الله

mnga_mnga97
10-30-2009, 07:48 PM
اهلا هيومة ربنا يكملك على خير انا راى ان الطهارة تكون بعد اسبوع علشان يعملو للنونو تحليل افضل

همسايه
10-30-2009, 10:19 PM
السلام عليكم حد هنا

danosha
10-30-2009, 10:49 PM
بناتتتتتتتتتتتتتت وحشتونى كلكوااا بجد اوى اوى اوى
انا طبعا مش باعرف ادخل كتير ومش باعرف اقرا كل المشاركات
انا وادم تعبانين وعندنا برد جامد اوى ربنا يسترها معانا كلنا يا رب
نفسي اعرف كل الاخبار مها عاملة اية ولدت ولاا لسة؟

roro2009ر
10-30-2009, 11:27 PM
اهلا اهلا هند وحشانى موتتتتتتتتتتتتتت
احنا كلنا كويسين
طيب ياوحشه معاكى رقم تليفونى مش قادرة تتصلى
مها لسه مولدتش
والف سلامه عليكى انتى وادم شفاكم الله وعافاكم

maha_86
10-31-2009, 12:00 AM
السلام عليكم

وحشتوووووووووونى

عاملين ايه ياحلوين

اخباركو كلكو ايه علشان مش انسي حد علشان انتو ماشاء الله انتو كلكو كنتو متجمعين
ربنا يجمعنا دايما على الخير

مين بقي الى صاحى

Katkouta
10-31-2009, 01:35 AM
يسعد مساكم يا حلوين

maha_86
10-31-2009, 05:58 AM
صباح الخير

حد هنااااااااااااا

لؤلؤ لامع
10-31-2009, 06:55 AM
صباخ الخير يابنات عاملين ايه حد هنا عايزه اتكلم مع حد مخنوقه

maha_86
10-31-2009, 06:59 AM
صباح النور ياجميل

عامله ايه

مالك مخنوقه من ايه

لؤلؤ لامع
10-31-2009, 07:03 AM
ازيك يامها انا امبارح عملت عمليه كحت وتنظيف الحمد لله مفيش نصيب الحمل ده بس شعور غريب اول مره اجربه ويارب ماحد يشوفه يارب ولا اشوفه تانى:059:

maha_86
10-31-2009, 07:05 AM
ياحبيبتى قلبي الف حمدلله على سلامتك وان شاء الله ربنا يعوضك عنه كل خير بالحمل الجاى ان شاء الله يثبت ويكمل احمدى ربنا انك بخير وبسلامه

maha_86
10-31-2009, 07:11 AM
طيب انتى ايه الى سبب ليكى التعب واكيد خصل نزيف كان في اسباب ولا هو بدون سبب

لؤلؤ لامع
10-31-2009, 07:12 AM
الحمد لله انا كنت تعبانه جدا والله لان اللولب كان مع الحمل وتاعبنى جدا وفى قراره نفسى قلت مش هزعل لو نزل بس اول ما الدكتوره قالتلى احساس غريب انى بفقد حد اتعودت عليه شهر يتحرك فى بطنى الحمد لله على حال مكنتش متوقعه انى ازعل كده مع انه لسه بالاول سبحان الله


Content Relevant URLs by vBSEO 3.6.0