المساعد الشخصي الرقمي

مشاهدة النسخة كاملة : اللي تبي تجرب ابر البلاسنتا او تسال عنها ..ادخلووو ضروري



رايقة و طفشانة
11-09-2009, 01:36 PM
مرحبا بنات يا احلى فراشات

بدخل بالموضوع على طول

اشوفكم هاليومين هابين بابر البلاسنتا اللي هي "المشيمه"

عاد انا مثلكم ادور الشي الزين ورحت سويت بحث عنها وطحت لكم على هذا الموضوع

عاد انا نقلته لكم بالحرف "نسخ- لصق"


يالربع تكفون تكفوووووون
انتو تشوفون اللي اشوفه.
ماشتركت بالمنتدى الا عشان اعلمكم هالسالفه
سالفة البياض اللي قلب الناس من فوق لتحت
والبشرة اللي تقولين حاطه عليها تجليد كتب
والله انهم بنات استحي امد لهم فنجال القهوة عشان لايبين الفرق بين ايديني وايديهم.. ماشالله
كنت بالنسبة لهم الهام شاهين. الحين عتاب عندهم.

دخلت النت مثل هالعالم يوم ولدت ادور البياض او عالاقل توحيد اللون
المصيبة رجلي يشبه عاصي الحلاني لونا وشكلا.. وانا كنت وكان فعل ماضي حليوه هه يعني
والحين
عتاب راحت وعتاب جت ومرقعه .. تدرون الموضه زيبرا حمار وحشي.. شطرنج لونج على قولة رجلي
قالو خلطات..الكريمات السبعه مالت الكورتيزون طقّة كيلي وبينا واخيس كريم بالدنيا فير اند لوفلي وغيرها وحطيناها.. وطلعت عروقي من البياض من ثالث يوم.. يوم قطيتها صارت بشرتي بشرة عجوز.. واسودت وترقعت.. ياليتني ماعرفتها
حرّمت ماعاد استخدم اي خلطه فيها نفحة كورتيزن ولا من مكوناتها فير اند لفلي
بعدين قالوا جليسوليد والليمون والفكس وطقتهن وصرعتني الريحة ونتيجة خفيييييييييفه ويوم قطيتها رد كل شي الى وضعه الاولى
وبعدين اشوف الناس ياناس تغيرو ومن النحاسه كل ماسالتي احد قالت لج:
والله من الراحة النفسيه.. مايبعونها كبسولات هذي
ودخلت النت وقريت عن حبوب التبييض مالت القلوتاثيون.. وهي اصلا مو تبييض تفتيح وتوحيد لون
معليه نبي لون واحد لو برونزي بس هو يتوحد
ومن الشفاحة قريت عن ابر بمركز إن نيوتريشن البريطاني ولها موقع بالنت
وادخل الشركة واكلم الدكتور المصري واساله عن القلوتاثيون اللي يبيعونه
قال سيبك منه ده موضه ادييييييمه ومابيجبشي نتيجة واضحة وكلاني المصري بلسانه
وقال اخذي ابر مادة البلاسنتا تبيض بنسبة سبعين بالميه وقيمتها ست الاف ريال او خمسمية دينار
انا اعرف ان البلاسنتا هي المشيمة وقلت مادة طبيعيه
وخذيتها بدون لا حللها ونشبت بحلق الجمارك السعوديه لين دخلوها بدون تحليل وجبت عشرين ابره
قال من الابره الخامسة بتوصلين الدرجة اللي تبينها وتكتفين
طبعا عقب ماجتني الابر ماقام يرد علي الدكتور النصاب عماد سعد الله.ز
وقلت شبسوي بطقها طقيت تسع ابر واحس ان سماري زاد وكل من شايفني قال شاينه قسم بالله يابنات ظاقت فيني الارض خصوصا ان امي كانت اولى بهالفلوس اللي راحت هباء. ودزيتله مسج اهدده فيه وطنشني
بس وريتكم فيه
كلمتلي واحد من معارفنا اعرفه سعودي يشتغل في الامارات وحطتله الشرطه هناك كمين وصادرو كل البضاعه اللي معه
قصة طويلة عريضة المهم أن المستشفى اللي حاطه بموقعه بالنت مايشتغل فيه النصاب من كم شهر .. فلوسي راحت علي.. بس اهم شي انا حلفت اني ماخليه ينصب على احد بعدي
الاكشن انهم يوم صادوه الشرطه يبيع متلبس بالخفا مو بالمستشفى قاله ولدنا اللي هناك ام فلان اللي نصبت عليها تسلم عليك والله يابنات يابردت حرارة كبدي بشكل
رحت لعيادة أدمه بعدها ويالييييييييييييييتني جيتهم من زماااااااان
سالت الدكتور عن ابر البلاسنتا قال هذي محرمة دوليا وان الغشاء نفسه كان يستخدم لتجميل الحروق بس منعوه لمضاره والله يكفيني شرها ادعولي بس
وسالته عن الاقنعه الطبيعيه الليمون ولا الروب والنشا والخيار والعسل
قال هذي بس بتمص الماء بالبشره فتتشد ومفعولها موقت يومين وكل شي يرجع لوضعه ومابنصحك بالعسل حار عالبشره
وسالته عن ابر القلوتاثيون مع فيتامين سي
قال نعطيها هون بالمركز بس مابنصحك فيها شوفو الذمة ياناس
شوفو المراكز المعروفه اللي تحافظ على سمعتها .. ينصحون بضمير قلت القلوتاثيون طبيعي.. قال في ناس يصير التوزيع عندهم مو منتظم للون. مثل بهق خفيف مثل ممرضه موجوده عندنا بالمركز
والنتيجه تفتيح خفييف والجلوتاثيون مكمل غذائي ينظف الكبد التلفانه من سمومها لكن الكبد السليمه يجهدها
قلت شتنصحني فيه
قال انصحك بالتقشير مع اني بنص العشرينات نصحني فيه والبنات يقولون لازم فوق الخمس وثلاثين..
نصحني بالتقشير السطحي لاحماض الفواكه ومو في اي عياده
سويت جلسه وحده وبعلمكم بالنتيجه
يتبع

وبس وش رايكم بالموضوع ؟ :t7:

نعومه سعوديه
11-09-2009, 02:38 PM
حتى انا من مبطي مقتنعه ان الابر والحبوووب بلوه الله بلانا فيها ومستحيل تسوي شي واغلب مدحها من مندوبه متخفيه ولا اجمع الدنيا فيها خير ّ!
وانا كنت حاطه براسي العرووس او الي تهتم بنفسها لا تسوي خلطات وتجهد نفسها ولاشي كم جلست تقشير وجسمها يصير شي خطيييييييير شفت ناس قبل وبعد التقشير سبحان الله ولا كأنك تعرفينها
عشان كذا لا اعرست مابحوووس على ادمه ع طوووووول عليهم ذمه ومدح عجيب
غير دايما اسمع دكتورات في بانوراما من ادمه تحسين انسانه ثقه تتكلم مو ناس تنصب
مشكوووره

ياقوته1980
11-09-2009, 03:44 PM
للرررررررررررررررررررفع

رايقة و طفشانة
11-09-2009, 04:03 PM
مشكورين اللي ردو

بنات بلللللللييز ارفعوا الموضوع عشان البنات يستفيدون

رايقة و طفشانة
11-09-2009, 09:12 PM
رففففففففففففففففففففففففع

ليه كذا
11-09-2009, 09:23 PM
الله يكفيك شر الأبر ويحميك ويحفظكـ

ربي وربكم الله!
11-09-2009, 09:55 PM
هذي قريت تجربتها كامله بمنتدى كويتيات ..يمكن هي استخدمت النوع الثاني الحيواني وهذا اللي يسمر ومو كويس..
طيب بسألكم بنات البنات اللي ينقلبون فجأه بياض وهم سماااااااااااااااااااااااااااااااااااااااااااار افريقي شمعناها ؟لاتقولون عنايه وجلسوليد وليمون؟؟!!!!! هذي حبوب وإلا أبر..
انا عن نفسي جربت حبوب تفتيح وتفتح عليها وبعدين قطعتها ..
واللحين بستخدم الابر هذي الله لايعوق بشر وبقول لكم تجربتي .. دعواتكم لي ..

شفايف فوشيه
11-09-2009, 10:29 PM
كلامك مقنع انا كنت ابي اخذ الابره واحللها زوجت خالي دكتوره وابي احلل الابره

المتفائله2007
11-09-2009, 10:37 PM
لرفع

مشكوره اختي

رايقة و طفشانة
11-10-2009, 12:20 AM
هذي قريت تجربتها كامله بمنتدى كويتيات ..يمكن هي استخدمت النوع الثاني الحيواني وهذا اللي يسمر ومو كويس..
طيب بسألكم بنات البنات اللي ينقلبون فجأه بياض وهم سماااااااااااااااااااااااااااااااااااااااااااار افريقي شمعناها ؟لاتقولون عنايه وجلسوليد وليمون؟؟!!!!! هذي حبوب وإلا أبر..
انا عن نفسي جربت حبوب تفتيح وتفتح عليها وبعدين قطعتها ..
واللحين بستخدم الابر هذي الله لايعوق بشر وبقول لكم تجربتي .. دعواتكم لي ..


يا قو قلبك انا عندي الحبوب اهوووون بكثير من الابر


ومشكورين اللي ردو


شفايف ورديه اذا حللتيها علمينا وش يصير معك

رايقة و طفشانة
11-10-2009, 07:26 PM
بنات هذا باقي موضع الاخت "سعوديه كويتيه "
لان في بنات ارسلولي على الخاص يسئلون عن التقشير ونتيجته


ياااااااااابعد عيني انتي وياها
ومشكورين عالتجاوب يالربع..
اي والله حسبي الله عليهم هالدكاترة اللي يتاجرون بارواح الناس بس ماشالله على دكتور فادي مدري هادي بعيادة ادمة خلووووق سوري ومنصح من قلب ينصحني بالشي الكويّس والرخيّص عندهم
لا وكل دكاترتهم توب بكل معنى الكلمة واسعارهم معقووووله جدا جدا
قلت انا كنت معتمدة على الله اولا وعلى هالابر في توحيد لوني وانا يابنات قبل ادخل الكليه كنت قمحيه فاتحه خصوصا ايديني ورجولي بيييض قسم بالله قبل اعرف هاللوشنات والمرطبات
ومن غبائي عودت جلدي عليها وطحنا بالخلطات ايام الجامعه مع الشموس طلعت مثل الباندا مرقعه ومسام وكم حبة فاقعتها لها اثر وجسمي من داخل حليو بس بطني بعد الولادة الله لايوريكم سوّد وتشقق وظهري ورقبتي عاد حدث ولا حرج ووجهي الوان وهلات سودا
المهم قال لي الدكتور التقشير 3 انواع
الاول:كرستالي وهو عبارة عن صنفره عميقه للبشره لازاله الطبقه الخارجيه سوته وحده اعرفها والمخدة يوم نامت هذيك الليله اللي قشرت فيها تركت اثر على وجهها للحين تعالج منه ويسمونه الالماسي
والثاني:تقشيركيميائي وهذا حرق وجه وحده اعرفها
والثالث:تقشير احماض الفواكه اللي نصحني فيه
وقالي هذا برضو 3 انواع
سطحي ومتوسط وعميق
العميق مابيعملوه الا في بشرات الاجانب الشديييييييييييييييدة البياض والرقه !!!!!!!!! عميق ويعمل للبشره الرقيقه؟؟؟ بس هالمعلومه دايم اسمعها كلامه صح
المتوسط نعملو للي فيهم حفر واثار حبوب ونتايجو حلوه كتير
وانتي انصحك بالسطحي للي بدهم توحيد لون للوجه ونضاره وحياه وانتي- قصده انا- وجهك اصفر شاحب باهت مافيه اي نوع من انواع النضاره وعندك مسام وعندك رؤوس سودا واثار حبوب مش عميقه كتير السطحي كفيل ان شالله بازاله هالطبقه واخراج طبقه جديده حلوة عندك دافنتها
بال الدكتور طويييييييييل ومستعد عن الاجابه عن كل سؤال
قلت كم جلسه السطحي
قال اكتر شي 12 جلسه وفي ناس حبو ياخدون جلسات زياده يعني زيادة خير 14 جلسه
قلت وانا كم جلسه تنصحني
توقعت يقول عشر.. ثمان
قال انصحك بثلاث جلسات بس ماعندك كتير مشاكل قلت هذا وجهي
شلون على جسمي؟ قال اعطيك كريم حلو للرقبه وتاني للجسم بس خليني اعملك الجلسة الاولى وتوكلي على الله
قلت بطلع من الاربعين عقب اسبوعين.. قال من جلسه لجلسه لازم بينهم 3 اسابيع
بس رح اعملها لك باسبوعين وان شالله ماتاثر عليك
يعني تطلعين من الاربعين بجلستين تجيبلك نتيجه مرضيه. وبعد الاربعين كملي مارح تكون القشور في التقشير التالت واضحه
اقولكم عاد شسوا فيني بالضبط يوم جا وقشر وجهي.. صحيح رعب.. والم.. بس تجربه تستاهل الخوض والنتيجة
ماشالله
يتبع

رايقة و طفشانة
11-10-2009, 07:31 PM
عاد قعدت على الكرسي وحط الكريم المقشر على نص وجهي جنه حاط قسم بالله يابنات اوتي ولا جمره بعدين حط عالنص الثاني
بعدين ماتحملت الم مو طبيعي بس لمدة دقيقه وحده بس ويحط بعدها كريم مرطب على وجهج
برد وجهي على طول بس فعلا حسيت بانسلاخ جلدي ودمعت عيوني غصب عني والدكتور منكسر خاطره
يقول ماشالله عليك ماصرختي زي الناس
ونا ودي اصيح. وعطاني هالكريم المرطب وياي وكريم مقشر بالليل روعه وعطاني كريم حلو حق الرقبه بس كميته قليله وغالي وعطاني غسول عجيب عجيب يابنات مو طبيعي ماشالله للحين مستمره عليه زائد الواقي ماله
اول يوم وجهي بنفسجي منسلخ صللللللخ
ثاني يوم انتفخ وصار اسود مثل العبايه
ثالث يوم بدا يتقشر ومع انه محذرني ماقشره بايدي عشان مااجرح الطبقه الجديده(طبقة البيبي على قولته) كنت اسحب واقشر بخفه وطلعت ماشالله طبقه ورديه بيضا مو طبيعيه تحت الطبقه الاولى راحت كل الطبقه بعد عشرايام والدكتور يقول مفروض بس اسبوع
بس طبقتك سميكه
قلت هذا وانا اقشر بعد
الطبقه التعبانه عندي مو راضيه تهدني بسهوله
ماشالله عاد مع كريم الاساس بعد عشر ايام من التقشير ممكن استخدمه اذا حطيته تطلع بشرتي تحححححححححفه ماشالله
لا ومع كريم تقشير مع ان فيه تقشير خفيف لجلدي مع المكياج بس ياناس محد ملاحظ ماشالله
جلسة وحده سويت وجا زوجي بسرعه وقال منورة
ماقدرت اسوي الثانيه قبل يجي لان راح يطلع وجهي اسود اول يوم ومقدر احط مكياج الا بعد اسبوع فما حبيت اطلع من الاربعين جذي
قلت اكمل بعد الاربعين
يابنات نصيحه سووو تقشير روعه وماشالله عجبني
ولما داومت كل من يسالني انتي وجهك فيه حياه انتي طخخخخخة وجهك متغيره علينا مع انها بس جلسة وحده ماشالله لاقوة الا بالله وانغريت وماعاد كملت الجلسات الباقيه بس ناويه اسويها ان شالله دام عطلنا
وبالنسبه للهالات السودا يابنات نصيحة بس امااااااااااااااااااااااااااانه تدعون لي
انا الهالات السوداء عندي وراثيه يعني صعب تروح
ماشالله يوم كنت باربعيني كنت اجرب كبسولات فيتامين إي من جي ان سي
ال الف جرام
ابطها بابره واحطها على جفوني ماشالله حطيتها مرتين ورووووعه ماشالله لو استمر عليها شلون بتطلع جفوني
وهالله هالله بالفيتامينات اكلي اي فيتامين ترى كلها نفس التركيب وكثري شرب ماي وشوفي النتيجه
ولاخلصت جلسات وجهي ناوية اسوي ان شالله تقشير لجسمي واعلمكم بالنتايج
سوته وحده انقلبت بيضاء زي القرطاس ماشالله مسويه جسمها بالكااااااااااااااامل وقفت قيدها بالجامعه كورس وجت الكورس اللي وراه زبده مع ان وجها كله كان حفر بس البنت اول ماداومت كان لونها احمر مثل الرئه وبعدييييين على نهاية الكورس بين اللون اببببببببببببيض ماشالله

₪ جرح البطالة ..! ₪
12-09-2009, 06:26 AM
لا تعليق + للرفع

₪ جرح البطالة ..! ₪
12-09-2009, 06:28 AM
رايقة و طفشانة

مرحبا بنات يا احلى فراشات

بدخل بالموضوع على طول

اشوفكم هاليومين هابين بابر البلاسنتا اللي هي "المشيمه"

عاد انا مثلكم ادور الشي الزين ورحت سويت بحث عنها وطحت لكم على هذا الموضوع

عاد انا نقلته لكم بالحرف "نسخ- لصق"


يالربع تكفون تكفوووووون
انتو تشوفون اللي اشوفه.
ماشتركت بالمنتدى الا عشان اعلمكم هالسالفه
سالفة البياض اللي قلب الناس من فوق لتحت
والبشرة اللي تقولين حاطه عليها تجليد كتب
والله انهم بنات استحي امد لهم فنجال القهوة عشان لايبين الفرق بين ايديني وايديهم.. ماشالله
كنت بالنسبة لهم الهام شاهين. الحين عتاب عندهم.

دخلت النت مثل هالعالم يوم ولدت ادور البياض او عالاقل توحيد اللون
المصيبة رجلي يشبه عاصي الحلاني لونا وشكلا.. وانا كنت وكان فعل ماضي حليوه هه يعني
والحين
عتاب راحت وعتاب جت ومرقعه .. تدرون الموضه زيبرا حمار وحشي.. شطرنج لونج على قولة رجلي
قالو خلطات..الكريمات السبعه مالت الكورتيزون طقّة كيلي وبينا واخيس كريم بالدنيا فير اند لوفلي وغيرها وحطيناها.. وطلعت عروقي من البياض من ثالث يوم.. يوم قطيتها صارت بشرتي بشرة عجوز.. واسودت وترقعت.. ياليتني ماعرفتها
حرّمت ماعاد استخدم اي خلطه فيها نفحة كورتيزن ولا من مكوناتها فير اند لفلي
بعدين قالوا جليسوليد والليمون والفكس وطقتهن وصرعتني الريحة ونتيجة خفيييييييييفه ويوم قطيتها رد كل شي الى وضعه الاولى
وبعدين اشوف الناس ياناس تغيرو ومن النحاسه كل ماسالتي احد قالت لج:
والله من الراحة النفسيه.. مايبعونها كبسولات هذي
ودخلت النت وقريت عن حبوب التبييض مالت القلوتاثيون.. وهي اصلا مو تبييض تفتيح وتوحيد لون
معليه نبي لون واحد لو برونزي بس هو يتوحد
ومن الشفاحة قريت عن ابر بمركز إن نيوتريشن البريطاني ولها موقع بالنت
وادخل الشركة واكلم الدكتور المصري واساله عن القلوتاثيون اللي يبيعونه
قال سيبك منه ده موضه ادييييييمه ومابيجبشي نتيجة واضحة وكلاني المصري بلسانه
وقال اخذي ابر مادة البلاسنتا تبيض بنسبة سبعين بالميه وقيمتها ست الاف ريال او خمسمية دينار
انا اعرف ان البلاسنتا هي المشيمة وقلت مادة طبيعيه
وخذيتها بدون لا حللها ونشبت بحلق الجمارك السعوديه لين دخلوها بدون تحليل وجبت عشرين ابره
قال من الابره الخامسة بتوصلين الدرجة اللي تبينها وتكتفين
طبعا عقب ماجتني الابر ماقام يرد علي الدكتور النصاب عماد سعد الله.ز
وقلت شبسوي بطقها طقيت تسع ابر واحس ان سماري زاد وكل من شايفني قال شاينه قسم بالله يابنات ظاقت فيني الارض خصوصا ان امي كانت اولى بهالفلوس اللي راحت هباء. ودزيتله مسج اهدده فيه وطنشني
بس وريتكم فيه
كلمتلي واحد من معارفنا اعرفه سعودي يشتغل في الامارات وحطتله الشرطه هناك كمين وصادرو كل البضاعه اللي معه
قصة طويلة عريضة المهم أن المستشفى اللي حاطه بموقعه بالنت مايشتغل فيه النصاب من كم شهر .. فلوسي راحت علي.. بس اهم شي انا حلفت اني ماخليه ينصب على احد بعدي
الاكشن انهم يوم صادوه الشرطه يبيع متلبس بالخفا مو بالمستشفى قاله ولدنا اللي هناك ام فلان اللي نصبت عليها تسلم عليك والله يابنات يابردت حرارة كبدي بشكل
رحت لعيادة أدمه بعدها ويالييييييييييييييتني جيتهم من زماااااااان
سالت الدكتور عن ابر البلاسنتا قال هذي محرمة دوليا وان الغشاء نفسه كان يستخدم لتجميل الحروق بس منعوه لمضاره والله يكفيني شرها ادعولي بس
وسالته عن الاقنعه الطبيعيه الليمون ولا الروب والنشا والخيار والعسل
قال هذي بس بتمص الماء بالبشره فتتشد ومفعولها موقت يومين وكل شي يرجع لوضعه ومابنصحك بالعسل حار عالبشره
وسالته عن ابر القلوتاثيون مع فيتامين سي
قال نعطيها هون بالمركز بس مابنصحك فيها شوفو الذمة ياناس
شوفو المراكز المعروفه اللي تحافظ على سمعتها .. ينصحون بضمير قلت القلوتاثيون طبيعي.. قال في ناس يصير التوزيع عندهم مو منتظم للون. مثل بهق خفيف مثل ممرضه موجوده عندنا بالمركز
والنتيجه تفتيح خفييف والجلوتاثيون مكمل غذائي ينظف الكبد التلفانه من سمومها لكن الكبد السليمه يجهدها
قلت شتنصحني فيه
قال انصحك بالتقشير مع اني بنص العشرينات نصحني فيه والبنات يقولون لازم فوق الخمس وثلاثين..
نصحني بالتقشير السطحي لاحماض الفواكه ومو في اي عياده
سويت جلسه وحده وبعلمكم بالنتيجه
يتبع

وبس وش رايكم بالموضوع ؟ :t7:

شكرا
:0107::د0:

:د0: لا تعليق وللرفع عشان ينتبهون له البنات !!!!!!!!!!!!؟؟

بنت جداويه وغير
12-09-2009, 03:13 PM
بسم الله الرحمن الرحيم
مشكوره اختي على النقل لتجربة الاخت سعوديه كويتيه اللي اشترت ابر البلاسنتا من مندوب مصري وللاسف مسكينه طاحت بنوع التقليد
احب اوضح ان ابر البلاسنتا نوعين
نوع التقليد وهذا اللي مضر فعلا وممكن يسبب سمار للبشره او مشاكل صحيه وهو مستخرج من الحيوان
والنوع الثاني اللي هو الاصلي وهو اللي فعلا ممتاز للبشره وله فوائد في معالجتها وتبييضها وهو الهيومن بلاسنتا ياليت البنات ينتبهون لما يشترون ويتأكدون اذا اصلي او تقليد والله يحفظ بنات المسلمين ويبيضهم على خير اللهم امين

والله يسعد قلبك ويوفقك وييسر امورك ويحقق احلامك اللهم امين مشكوره على الطرح

أحلام لم تكتمل
12-09-2009, 04:32 PM
أنا ناوية اجربها ومو متخوفه منها لأنه فيه ناس كثير جربوها ومدحوها

المهره الجامحه
12-10-2009, 06:01 AM
اختي موضوعك خطييييييييييييير وكله اكشن وفلاشات المهم حمدلله ع سلامتك وبفيد الصبايا بمعلومة صغيرة انا بعد رحت لاستشاري معروف سالته عن حقيقة هالامور قال الابر خطرة وتوصل للقلب مباشرة وتضرة اما الحبوب زينه وكتب لي منها امريكية ب 200 ريال لمدة 3 شهور بس ماحبيت اجازف واشتريها وسلامتكم

ام غصون
01-16-2010, 02:08 AM
جزاك الله الف خير والله انت نبهتي كثير من البنات


مشكورررررررررررررررررررررررررره

جمـ,,,ـالي يهـ,,,ــمني
01-16-2010, 04:05 AM
رايقه وطفشانه

قد ما ادعيلك ما اورفيك حقك

ياربي ييسر امرك ويحفظك

لعيالك هلك وزوجك ياااااااااااارب

من جد مشكوره وماقصرتي كنت مفكره اجرب الابر بس الحين مستحيل ابعد عن الشر وغنيله

بس طلبتك ولاترديني اختي ابي اعرف منك هالجلسات ممكن تكلف كم

بعض الاحيان الاطباء يقولون على حسب البشره بس انا ابغى انت كم كلفت معك وانا بقدر

لاني مرررررررره تحمست للفكره

ياليت ماتنسيني

خالص دعواتي لك عزيزتي

محبه همتارو
01-16-2010, 04:19 AM
تباع بالخفاء بين النساء بأسعار فلكية
تحذير طبي من تداول حقن «المشيمة».. وادعاؤها في تبييض البشرة باطل

د. خالد العبدالوهاب
الرياض - محمد الحيدر

حذر استشاري سعودي من تداول ابر تؤخذ عن طريق الوريد تدعي قدرتها على تبييض البشرة لدى النساء ويروج لها عبر المنتديات وبعض الوسائل الإعلامية الأخرى دون تصريح رسمي على حد قوله.

وأوضح الدكتور خالد العبد الوهاب استشاري أمراض وجراحة الجلد والليزر وزراعة الشعر وعضو في هيئة الغذاء والدواء أن هذه الإبر يتم تداولها بين السيدات بمسمى ابر المشيمة أو البلاسنتا وهي غير مرخصة من قبل وزارة الصحة وممنوعة على جميع صورها سواء الموضعية أو الداخلية وتدخل المملكة بطرق غير معروفة وجميع محتويات هذه الإبرة مجهولة المركبات وتحوي عناصر غير معروفة لدى المختصين.

وقال الدكتور العبد الوهاب إن من يسوق لهذا الادعاء هم أناس هدفهم الكسب المادي فقط ولذا فقد وصل سعر "الكورس" إلى ثلاثين ألف ريال دون النظر للصحة العامة، وهنا يجب التنويه بأنه لا يوجد أي دراسات تثبت سلامة وفعالية هذه المواد.

وأشار إلى أن هذه الإبر عبارة عن مواد تحقن في الوريد وبالتالي تعتبر دواء وهي غير مرخصة من قبل وزارة الصحة أو هيئة الدواء والغذاء.

الى ذلك قالت الصيدلانية هيا الجوهر والمتخصصة في تحليل الادوية ان مثل هذه الابر لا بد ان ترخص وتسجل من قبل هيئة الغذاء والدواء السعودية لانها تعتبر من الادوية ولا تعتبر مواد تجميلية, وهناك منتجات مستخلصة من البلاسنتا تستخدم خارجيا ومع ذلك يجب ان تخضع للرقابة.

واضافت "لا بد من وجود دراسة مستفيضة لاثبات ان هذه الابر تعمل على تبييض البشرة كما يزعمه البعض"، وذكرت الصيدلانية الجوهر ان هيئة الغذاء والدواء الامريكية منعت استخدام الكبسولات والاعشاب التي تحوي على مستخلص البلاسنتا.

وبينت ان البلاستنا تعني المشيمة ويستخلص منها منتجات حيوية لابد ان تخضع للتجارب وخاصة مدى سميتها ولها اختبارات وتعامل خاص.

واشارت الصيدلانية هيا الجوهر الى ان منتجي هده المستحضرات يزعمون ان هذه الابر تحتوي على احماض امينية وانزيمات تعمل على وقف تحول المواد الى صبغة الملايين وهذا بلا شك شيء خطير وربما يقود الى اورام سرطانية وتحول بالجينات وبما انها من مصدر بشري او حيواني فقد تتسبب في نقل الامراض ويزعم مروجها عبر المنتديات انها مجرد فيتامينات وليس لها اي خطورة وهذا بعيد عن الصحة.

رايقة و طفشانة
04-21-2010, 05:40 PM
مشكورين لكل البنات اللي اثروا الموضوع بعلومااات حلوه


Content Relevant URLs by vBSEO 3.6.0