المساعد الشخصي الرقمي

مشاهدة النسخة كاملة : احس نفسي مو اجتماعيه وفيني رهاب اجتماعي ...افيدوني اخواتي



استهبل واهبل
12-05-2009, 11:34 PM
بسم الله الرحمن الرحيم
السلام عليكم ورحمة الله وبركاته
كيفكم اخباركم عساكم بخير ؟؟!!!
صراحه يااخواتي ترددت مررره بأني اطرح الموضوع لاكن توكلت على الله ...ولاني بعد طفشت من حالتي ...واتمنى انكم تعطوني حل لهشيء
انا مشكلتي اني لمى اتكلم مع قريباتي ارتبك واتوتر يعني حتى صديقاتي يتكلمون ويسولفون لاكن انا لمى اتكلم اتوتر وما يجي ببالي اي سالفه يعني مااعرف اسولف واذا تكلموا معي اختصر الكلمات ...صراحه طفشت من حالتي .....
واحياناً اتضايق اذا جابوا لي طاري طلعه اتضايق حيل لاني عارفه نفسي ساكته مااسولف مع ان بخاطري اكون مثلي مثل غيري جريئات وسوالف واجتماعيات وسوالفها ماتخلص مشاءالله عليهم ...حتى بالجوال ماااعرف ايش اقول واحياناً اتردد اتصل ولا مااتصل يعني على قريباتي ايش اقول لهم ؟!
يعني مو اجتماعيه...حتى صديقاتي هما اللي يسحبوني معاهم طول الوقت ساكته ومااشارك بشيء الا اشياء بسييطه
واعتقد انو فيني رهاب اجتماعي ...وكل ماافتح سالفه ارجع اقول اسكت احسن لي وارتجف واتوتر وااحياناً اغلط بالكلام ...مع اني في بيت اهلي سوالف واستهبال وكذا لاكن بالمدرسه هاديه واتوتر وعند قريباتي برضوامااعرف اسولف او اتكلم ....لدرجة انو اقرب صديقه لي تتجنبي ...:(...احس اللي حولي يطفش مني :(
ياليت تعطوني حل لمشكلتي يعني مادري الى متى بتم على ذي الحاله ؟؟؟؟!!
وجزاكم الله الف خير ...
ومشكورين مقدماً

رهوفه الرياض
12-06-2009, 01:12 AM
ـأأنتي فيك مني بس أنا أخف شوي
يعني أنا عند أقاربي رجه >>>:028:جعلتس ماتشوفيني
حتى عند صديقاتي المقربات وفي المدرسه >>تاركه
العقل بالبيت ورايحه المدرسه :061:
بس عند الناااس والعزايم مرآآآ تجيني حاله خجل أوب
طبيعيه لدرجه الناس يقولو مرآآ هالبنت هاااديه
ولا تتكلم مرآآ خجوله وأهلي يناظروا فيني مصدومين
>>>يقولو بلاكم ماتسشوفونها بالبيت :062:
بس من جد والله ماأقدر شيء غصب أكون خجوله
حتى لو بغيت أتجراء أستحي وأخجل:012:
حتى في الجامعه والاماكن العامه مرآآ أسكت
وماأسولف أطفش أحيانآآ من هالشيء بس
شيء أتوقع نفسي :044:
الله يعينـــــــــــآآ:048:وأن شاء الله تتغيرين

روح القلم
12-06-2009, 01:24 AM
يالغالية امرك سهل وبسيط ..

انتي اجتماعيةولا زم تعرفين انك اجتماعية وما عنك اي خوف او رهاب اجتماعي

لأن انتي لك صديقات ولك زميلات من كلامك وتحضرين اجتماعات فأمرك طبيعي جداً ..
لكن يالغالية انتي حاطه في بالك انك ما تعرفين تجيبين السالفة صح وأن غير افضل منك بطرح المواضيع والسواليف ^_^
وهذا سهل بالعكس سولفي واضحكي ولا تفكرين بطريقة طرحك ..حتى لو اخطيتي مره في سالفتك وطريقة طرحك خلي امرك عادي ..

وكملي مشوارك وحواراتك لا تقعدين تفكرين بخطئك وبطريقة طرحك ..

اللي فيك هو انك مو واثقة من نفسك شوي خليك على ثقة ولا تحطين نفسك عنك رهاب اجتماعي

لأنك مافيك إلا العافية

والله يوفقك ويسر لك واكثري من الدعاء ان الله يجعل لسانك طليقا اكثر ..

مودتي لك

حبي وحياتي
12-06-2009, 02:23 AM
امر عادي يبيلك بس تتشجعين اذا تكلمتي ولاتجلسين تقولين بنفسك انا مو اجتماعيه او معي رهاب
تعطين حق نفسك ردود سلبيه لا لازم تقولين حق نفسك انا اجتماعيه انا بتكلم مع الناس انا بسولف
يعني اعطي نفسك كلام حلو انتي تحبينه ولاتقول لنفسك كلام شين لان النفس تتاثر سبحان الله
>>>>تحب الفلسفه مررره ههههههههههه
تبين الجد انصحك تاخذين دورات عن البرمجه اللغويه مررره حلوه والله يوفقك والمسلمين اجمعين يارب

@سرابي الدمع@
12-06-2009, 06:23 AM
حبيبتي لاتعيشي نفسك فشئ مو زين أنتِ تقولي أنا مو إجتماعية طيب كيف لكِ زميلات حبيبتي حاولي تتعلمي تناقش وتسولفي وتفتحي مواضيع وتجرأي بس بادب لان النآس تحب البنت المؤدبة...

والله يوفقكـ لما يحب ويرضى..!!

دررمكنونه
12-06-2009, 12:23 PM
للرفع

ضحكة تفاؤل
12-06-2009, 12:27 PM
الله يحقق لك اللي نفسك فية يارب

دموع الشوق
12-06-2009, 06:19 PM
الله يعيييييينك ياارب

رَبيعُ الخَمَائِل
12-06-2009, 07:02 PM
وعليكم السلام ورحمة الله وبركاته

ما شاء الله تبارك الرحمن

باين عليكِ حبيبتي إنك خجوولة وعندك حيــاء >> أنتي مثلي تقريباً

وهذا شيء طبيبعي يحدث لكل فتاة

وهو يختلف جداً عن الرهاب الإجتماعي بكثيير

والحياء والخجل حلهــا بسيط جداً

وهو إنك تكوني إجتماعية أكثر بإنك تحاولي تختلطي بدووون أي خووف من الفشل

لأنك ما شاء الله تبارك الرحمن عندك أسلووبك جميل وراقي في الكتابة وصياغة الجمل

وهذا بإن الله رااح ينعكس عندك لما تتوكلي على الله عز وجل


ربس يوفقك يالغلا وييسر أمرك

أحلام لم تكتمل
12-06-2009, 09:39 PM
حاولي تزرعين الثقة داخل نفسك
وقولي أنا مافيني فرق عن باقي البنات واقنعي نفسك بهذا الشي وخوذي راحتك بالكلام وبالتصرفات
لاتقيدين نفسك أبداا خليك على طبيعتك وتصرفي بحريه وشوي شوي راح تتعودين على كذا
إنتي محتاجة علاج سلوكي وهو انك تعالجي نفسك بنفسك
وقفي قدام المرايه وحاوري نفسك وإسأليها ليش أنا كذا؟ طالما مافيني فرق عن باقي البنات
وقولي لنفسك أنا قويه وراح أتغلب على هذي المشكلة يعني إشحني نفسك من داخل بهذا الحكي وعطيها الثقة
والله يوفقك وتتغلبين على هذي المشكلة

مشاعر مكتــومه
12-07-2009, 01:04 AM
انا تقريبا مثلك


بس احب انسى نفسى واحاول اسولف

استهبل واهبل
12-07-2009, 05:12 AM
ـأأنتي فيك مني بس أنا أخف شوي
يعني أنا عند أقاربي رجه >>>:028:جعلتس ماتشوفيني
حتى عند صديقاتي المقربات وفي المدرسه >>تاركه
العقل بالبيت ورايحه المدرسه :061:
بس عند الناااس والعزايم مرآآآ تجيني حاله خجل أوب
طبيعيه لدرجه الناس يقولو مرآآ هالبنت هاااديه
ولا تتكلم مرآآ خجوله وأهلي يناظروا فيني مصدومين
>>>يقولو بلاكم ماتسشوفونها بالبيت :062:
بس من جد والله ماأقدر شيء غصب أكون خجوله
حتى لو بغيت أتجراء أستحي وأخجل:012:
حتى في الجامعه والاماكن العامه مرآآ أسكت
وماأسولف أطفش أحيانآآ من هالشيء بس
شيء أتوقع نفسي :044:
الله يعينـــــــــــآآ:048:وأن شاء الله تتغيرين

اهااا مشاءالله عليكي انا مثلك بالبيت لاكن برااا يعني عند اقاربي ارتجف واخاف واتضااايق حييل :(
وانتي الحمدالله حالتك ممتازه ...بس مثل ماقلتي يطفش وتتضايقين ...:(
الله يعين يالله يارب يسمع منك وتتغير حالتنا :(
شاكره لمرورك وكلامك الله يوفقك ويسعدك دنيا واخره

استهبل واهبل
12-07-2009, 05:19 AM
يالغالية امرك سهل وبسيط ..

انتي اجتماعيةولا زم تعرفين انك اجتماعية وما عنك اي خوف او رهاب اجتماعي

لأن انتي لك صديقات ولك زميلات من كلامك وتحضرين اجتماعات فأمرك طبيعي جداً ..
لكن يالغالية انتي حاطه في بالك انك ما تعرفين تجيبين السالفة صح وأن غير افضل منك بطرح المواضيع والسواليف ^_^
وهذا سهل بالعكس سولفي واضحكي ولا تفكرين بطريقة طرحك ..حتى لو اخطيتي مره في سالفتك وطريقة طرحك خلي امرك عادي ..

وكملي مشوارك وحواراتك لا تقعدين تفكرين بخطئك وبطريقة طرحك ..

اللي فيك هو انك مو واثقة من نفسك شوي خليك على ثقة ولا تحطين نفسك عنك رهاب اجتماعي

لأنك مافيك إلا العافية

والله يوفقك ويسر لك واكثري من الدعاء ان الله يجعل لسانك طليقا اكثر ..

مودتي لك

ياقلبي انا والله لمى ازور اقاربي اتضااايق مره واحس بهم علي
واخااف ولمى اروح ارتبك او ارتجف واتوتور ....
اما بالنسبة لصديقاتي فأنا احاول ادخل نفسي بينهم واقرب صديقه لي احسها تتجنبني ...
لدرجة انو مااحب اروح للمدرسه
مو على كذا بس لمى حابه احكي وبقول سالفه اتوتر وكذا واقول خلاص اسكتي السكوت افضل من اني اتكلم واتلخبط واغلط بالكلام ...
والمشكله انو احياناً انسى السوالف وابداً مايجي ببالي اي سالفه :(
تسلمين ياقلبي والله ماقصرتي
جزاك الله الف خير والله يوفقك يارب
ومشكوره اختي

استهبل واهبل
12-07-2009, 05:24 AM
امر عادي يبيلك بس تتشجعين اذا تكلمتي ولاتجلسين تقولين بنفسك انا مو اجتماعيه او معي رهاب
تعطين حق نفسك ردود سلبيه لا لازم تقولين حق نفسك انا اجتماعيه انا بتكلم مع الناس انا بسولف
يعني اعطي نفسك كلام حلو انتي تحبينه ولاتقول لنفسك كلام شين لان النفس تتاثر سبحان الله
>>>>تحب الفلسفه مررره ههههههههههه
تبين الجد انصحك تاخذين دورات عن البرمجه اللغويه مررره حلوه والله يوفقك والمسلمين اجمعين يارب


حبيبتي والله انا احاول اني اشجع نفسي خلاص المره الجايه بفلها وبسولف وبنسى نفسي لاكن
لمى يجي وقت الجد اخاف واتوتر واحس بهم على قلبي
اها ...ان شاءالله
وياك يارب ويوفقك ويسعدك
ويعطيك العافيه اختي على الإفاده

استهبل واهبل
12-07-2009, 05:31 AM
حبيبتي لاتعيشي نفسك فشئ مو زين أنتِ تقولي أنا مو إجتماعية طيب كيف لكِ زميلات حبيبتي حاولي تتعلمي تناقش وتسولفي وتفتحي مواضيع وتجرأي بس بادب لان النآس تحب البنت المؤدبة...



والله يوفقكـ لما يحب ويرضى..!!


اختي انا كان لي صديقه وحده من زمان قبل ماتجي لي هالحاله بس بس الحين صديقاتي الحاليات يسحبوني معاهم ويحاولون انهم يقربوني منهم لاكن مادري كيف وصديقتي اللي اقولك المقربه هالشيء قبل ماتصير لي هالحاله ومن عقب ماصار لي هالشيء حسيت انها تتجننبني وهالصديقات كانوا يحاولون انهم يقربوني منهم وانا احاول لاكني ماقدرت :(

والله انا احاول لاكن مااقدر :(

عموماً يعطيك الله الف عافيه اختي وجزاك الله الف خير

استهبل واهبل
12-07-2009, 05:33 AM
الله يحقق لك اللي نفسك فية يارب

آآآمين يارب العالمين
والله يوفقك يارب

استهبل واهبل
12-07-2009, 05:35 AM
الله يعيييييينك ياارب

آآمين والله يعين جميع المسلمين يارب :و7:

استهبل واهبل
12-07-2009, 05:39 AM
وعليكم السلام ورحمة الله وبركاته

ما شاء الله تبارك الرحمن

باين عليكِ حبيبتي إنك خجوولة وعندك حيــاء >> أنتي مثلي تقريباً

وهذا شيء طبيبعي يحدث لكل فتاة

وهو يختلف جداً عن الرهاب الإجتماعي بكثيير

والحياء والخجل حلهــا بسيط جداً

وهو إنك تكوني إجتماعية أكثر بإنك تحاولي تختلطي بدووون أي خووف من الفشل

لأنك ما شاء الله تبارك الرحمن عندك أسلووبك جميل وراقي في الكتابة وصياغة الجمل

وهذا بإن الله رااح ينعكس عندك لما تتوكلي على الله عز وجل


ربس يوفقك يالغلا وييسر أمرك
اختي بس الحياء الزايد عن حده مو حلووو وتحسين انو الكل يتجنبك بسبب حياءءك الزايد :(
وكمان مو بس على اني اخجل واستحي ...
لا اتوتور وارتبك واحس بهم واتضايق
والله هذا انا احاول قد مااقدر لاكن نفس الحاله . اذا جاء وقت الجد ارتبك واتوتر واتضايق

مشكوره اختي وجزاك الله الف خير على تشجيعك لي والله يجعله في ميزان حسناتك يارب

استهبل واهبل
12-07-2009, 05:45 AM
حاولي تزرعين الثقة داخل نفسك
وقولي أنا مافيني فرق عن باقي البنات واقنعي نفسك بهذا الشي وخوذي راحتك بالكلام وبالتصرفات
لاتقيدين نفسك أبداا خليك على طبيعتك وتصرفي بحريه وشوي شوي راح تتعودين على كذا
إنتي محتاجة علاج سلوكي وهو انك تعالجي نفسك بنفسك
وقفي قدام المرايه وحاوري نفسك وإسأليها ليش أنا كذا؟ طالما مافيني فرق عن باقي البنات
وقولي لنفسك أنا قويه وراح أتغلب على هذي المشكلة يعني إشحني نفسك من داخل بهذا الحكي وعطيها الثقة
والله يوفقك وتتغلبين على هذي المشكلة

والله اقول هالشيء لنفسي واحاول اني اتجنب التوتر والارتجاف والخوف ...بس نفس الحاله
ان شاءالله :042:وبحاول ويارب اقدر :042:
اللهم اسمع منك يارب ...
وعسى الله يوفقك ويجعله من ميزان حسناتك ولايحرمك من غالينك يارب :042:

استهبل واهبل
12-07-2009, 05:51 AM
انا تقريبا مثلك


بس احب انسى نفسى واحاول اسولف

اهااا
الله يساعدك ويساعدني وتنحل هالمشكله :042:
الله يوفقك يارب

دررمكنونه
12-07-2009, 07:33 AM
للرفع
الله يخلصنا من هالمشكلة

راجيه السعاده
12-07-2009, 10:23 AM
اللي انتي فيه مشكله يمنعك من من تطور قدراتك ويضيع حقوقك يمنعك من ان تكون لك قيمه واهميه للناس وجعلك مكتائبه وفي صراع مع نفسك ونك منبوذه من الناس

انا كنت مثلك احب اجتمع بالناس كثير ولاكن كنت قليله الكلام كنت اسمع اكثر مما اتكلم لاني ما كنت احب اتكلم بخصوصياتنا ولا كنت اجد مواضيع اناقشها لاني ما كنت اتصفح النت او الكتب ولا فيه شئ يشغلني يخليني اتعرف على ناس اكثر كادراسه او عمل بس طبقت على نفسي اشياء و الحمد لله وجت نتيجه

اول شئ اعطي نفسك ثقه اكبر ولاكن مو درجه الغرور حطي في مخيلتك انك جريئه ومحبوبه من فبل الناس

سجلي في المنتديات وشاركي في الاقسام للى فيها حوار كاتعليق على موضوع اجتماعي او حل لمشاكل مثل ما انتي عرضتي مشكلتك وتردين لها حل شاركي في مثل هذا المواضيع حتي لو ما تعرفين تردين انقلي اقرئي اكثر واتصفحي النت في المواضيع الاجتماعيه والسياسيه دينيه فيها تجدين مواضيع تطرحينه في المجلس

اسمعي اكثر للدكاتره مثل ميسره وجاسم المطوع ومحمد العريفي وغيرهم من دكاتره الاجتماعيين

حاولي انك تمدي المساعده للغير اي مساعده كا مرافقه مع احد من اقربائك في مستشفي لان فيها ناس كثيرين وفيها حركه اكثر بحيث انك لازم تطمنين على حالت المريضه وتسئلين الدكتور وغير كذا مساعدتك المرضي اللى معاك والمستشفى

خلق جوء في المناسبات بانك تجيبين العاب فيها حركه كا لعبه الكراسي وغيرها وتكونين فرق وتجبين اسئله عليها جوائز فيها ثقافه ومتعه وحركه وتغير من الروتين العزائم ولاتكيت

اطلعي من غير اهلك يعني في ملاهي روحي مع صحباتك وصحباتك يجبون صديقاتهم ابتعدي شوي عن امك واقاربك انتي كوني صدقاتك مو تخلين مين اللى كون صدقاتك اختاري صديقاتك بنفسك

اتكلمي بصوت مسموع وليس بصوت المتردده الخائفه حتى وانتي لحالك تكلمي بصوت عالي كانك تتكلمين مع شخص

الابتسامه ولسلام بحراره وشوق على الجميع وهذا شئ غير مكلف ولامسته في وحده كانت اذا دخلت مجلس تسلم وهي كأنها تعرف الناس من زمان سبحان الله احبوها الكثير من هذا التصرف البسيط

ولا تنسي في الصمت حكمه ورب كلمه سلبت نعمه ومن تتبع عوره مسلم تتبع الله عورته ومن تتبع الله عورته فضحه ولو كان في قعر داره

واسئل الله ان يجعل لك قبول في الارض ويحبب خلقه فيك وهذي من تجربتي فجربيها

الوثله
12-07-2009, 03:32 PM
أختي الغاليه / أستهبل واهبل


أولا : إذا كان الكلام من فضه فالسكوت من ذهب


ثانيا : قومي بالتدريب التالي بشكل يومي :


الأيحاء ــــــــــــــــــــــــ نعم الأيحاء


قومي بأرسال كلمات جميله لنفسك وبالأخص لعقلك الباطن قبل النوم وأول ماتصحين من النوم بشكل يومي


ولاتيأسين واصلي هذا التدريب لمدة شهر أو شهرين أو إلى أن تحسي بأنك فعلا صرتي أنسانه غير ,,,



مثال : قبل ماتنامين وأول ماتصحين من النوم قولي :


أنا أجتماعيه وواثقه من نفسي إذا سولفت كل الحاضرين يتمنون أني ماأسكت من زين سوالفي


أنا شخصيتي قويه ومحبوبه من الكل ..


قومي بتغيير كلمة أنا غير أجتماعيه أنا أخاف من التجمعات >>> تخلصي من كلمة أنا السلبيه وضعي مكانها الــ أنا الأيجابيه ....




_ وبعدين ليش ماتقولين الحمدلله أنا قليلة الكلام عشان كذا أنا قليلة الأخطاء ماعمري زلية بكلمه جرحت فيها أحد


أو فضحت سر أحد , الحمدلله أنا ماأواجه مشاكل مثل الثرثارات ألي كل يوم فاضحه سر أحد أو جارحه أحد بسبة


الثرثره ,,



ليش ماتمتدحين سكوتك الجميل الذي كل بنت تتمناهـ

خصوصا أن كل البنات عارفين بأنك قليلة الكلام يعني ماراح يقولون وش فيها لا يكون زعلانه أو شي


ويلي مو عارفك أو عارف شخصيتك راح يعرفك ويعرف هدوئك الجميل ...






همسه :

أكثر الناس ماتمنح أسرارها وثقتها إلا فالأنسانه الساكته (قليلة الكلام) ...



أنصحك بقرائة كتاب الدكتور والعالم / إبراهيم الفقي

قوة عقلك الباطن ...






أتمنى لك كل التوفيق أيتها الأخت الجميله ,,,


Content Relevant URLs by vBSEO 3.6.0