المساعد الشخصي الرقمي

مشاهدة النسخة كاملة : اسأله كثييييرااا مااارا :( لي وللبكريات تعالو ساعدوناا



P!nk Dreams
12-22-2009, 07:31 PM
السلام عليكم
ولادتي قربت وعندي كثير اسئلة .. ومرة محتاسة .. الله يخليكم ويسهل عليكم .. ساااااعدوني ولاتطنشون :12_1_112[
والله مو قادرة أنام بس أفكر في الولادة .. الله يعين
انا بالشهر الـ 37 .. يعني بأي شهر ؟ ومتى أخلص التاسع الاسبوع 38 ولا 40 ؟
متى أحس أن الولادة قربت .. خاصة إذا مافي طلوق ولا شي .. وكيف أدري اذا البيبي نزل للحوض ولالا ؟
وبالنسبة للصدر سمعت انه يلتهب بعد الولادة ولازم يصير له ترطيب بالشهر التاسع .. اتفاجأت مرة من هالكلام وحابة اسألكم .. ايش اسوي بصدري وايش احط عليه :(

تمارين قبل الولادة .. ايش اسوي حتى تتسهل غير المشي ؟


كمان .. شنطة المستشفى
بديت أجهز شنطتي .. بس كثير أقرا أشياء ابيكم تساعدوني فيها , مع العلم اني راح أولد في مستشفى حكومي مش أهلي (الملك خالد الجامعي)
حطيت معي كريم ميبو + ناوية أخذ مليّن عشان الإمساك لأني سمعت أن الوحدة لما تولد يجيها إمساك فـ تحتاج لشيّ يلين بطنها حتى مايجيها بواسير > صدق هذا الكلام :042:
وايش تنصحوني بـ حبوب ملينه أخذها معي ؟ ولا أطلبها من المستشفى وهم يعطوني إياها ؟

أخذت معي ملابس لي : بجامة + داخليات + شرابات + شال + شبشب
+ ملابس للبيبي : لبس خارجي + داخلي + قبعه
الفوط الصحية أيش افضل نوع .. سمعت عن لوتس مين جربها ؟ وكم أخذ معي ؟
البيبي كم أخذ له من حفاضة ؟ وأخذ له رضعة وحليب ولا المستشفى يتكفل فيه ؟
في المستشفى احتاج اتمسح بـ شي , يعني امسح الجرح بكريم او أي شي .. واذا ايه اتمسح في ايش واحتاج قطن طبي ؟

لما أحس بالولادة ..
راح أشرب كمون دافي .. ايش ممكن اسوي بعد ؟ القرفة والخروع ايش رايكم فيها ؟
والشمم كيف اتفاداه ؟ الكمون يكفي ولا بعد فيه شي غيره ؟
ناوية كمان أخذ معي رطب + موية مقري فيها + ورقة فيها أدعية
ومرة قريت ان الوالدة بعد الولادة تجوع مرررة .. والمستشفى الحكومي مايعطون أكل الا لما يجي وقت الأكل .. أخذ معي شي بشطنتي احتياط لو جعت ؟ فطيرة مثلاً :044: > سؤال غبي مو خخخ
وبعد الملابس الي البسها وانا طالعه أولد ؟ كيف تكون .. ولما يغيرون ملابسي مايكون تحتها شي ولا كيف ؟ فخوذي راح تكون طالعة يعني :28_3_1[1] :28_3_1[1] ؟
بعد الولادة ..
ربط البطن .. ايش رايكم فيه ؟ وايش أحسن الشماغ ولا المشد الاندونيسي ؟
ولما أربط بطني ادهنه بإيش ؟ سمعت ان خل التفاح مرة زين للبطن وانه يشيل الكرش
+ وناوية أخذ كالسيوم + فيتامينات + حديد لـ مدة 4 شهور بعد الولادة ..


أدري اسألتي مرة كثيرة بس محتاسة وحالتي حالة .. ساعدوني بأقرب وقت حتى أقدر أرتب وضعي :(

لبيهـ عطرهـ وشماغهـ
12-22-2009, 07:43 PM
انا مثلك بكريه ولا عندي خبره
الله يطمن بالك ويطمن بالي يارب ويقومنا بالسلامة يارب
اللهم امين

P!nk Dreams
12-22-2009, 07:46 PM
8
آميييييييين يارب :(

مجرد أحلام
12-22-2009, 08:00 PM
ياقلبي ربك بيسهلها ان شاء الله لاتقلقين ولايضيق صدرك
اول شي باالنسبه للولاده ان شاء الله ماراح تآخذين اكثر من اسبوعين الغالبيه تولد في الأسبوع الـ 38يعتبر نهاية التاسع باالنسبه لكيف تعرفين انك على وشك ولاده اول شي راح تحسين ان البيبي بدى يضغط لتحت وراح تحسين بثقل اسفل البطن هنا ان شاء الله يكون راس البيبي نزل للحوض ومستعد للخروج
انا قبل اولد بااسبوع حسيت بزي الإبره من تحت مااقدر اجلس معتدل لازم اميل شوي ومن بكره ولدت واتوقع هاذي علامه ولاده عموما سبحان الله احيانا الولاده تجي فجأه بدون اي اعراض او انزارات انا سبق ووولدت كذا فجأه كنت نشيطه ويوم عادي جدا حتى كنت في زياره لأحد الأقارب ونزلت المويه عندهم لاحسيت بثقل ولاطيق سابق ولا شي
وولاده ثانيه العكس مثل ماقلت لك حسيت بشي زي الإبره مضايقني من تحت مااقدر اجلس ومره حسيت بطلوق سابقه بس خفيفه طبعا مثل الدوره
ممكن بعد تنزل معك مويات بدون طلق وهاذي برضو علامه ولاده بس نصيحه اذا نزلت المويه خفيفه ولامعا طلق لاتستعجلين وتروحين انتظري لين تحسين المويه بدت تنزل بشكل كبير لأنه خطر على البيبي لما تنقص المويه وعلى فكره مويه البيبي كثيره يعني لاتخترعين لما ينزل قليل وتخافين انه نقص وتروحين وحتى لو جاك طلق خفيف لاتستعجلين وتروحين لين تحسين ان الطلق اشتد مره عشان بس مايتعبونك باالمستشفى والكشف

ولاتخافين من الولاده تراها تياسير من رب العباد سبحان الله اهم شي وقت الطلق كولي 7تمرات وادعي واستغفري
خليك هاديه وحاولي ماتخافين وتتوترين واهم شي لاتبكين ولاتصارخين بس ادعي ربك ترى البكاء والصراخ يهد الحيل ولاينفع صدقيني يضرك

باالنسبه للصدر مو شرط يلتهب معك بس للإحتياط سوي للحلمات تمرين من الحين مع انك متاخره المفروض من السابع تسوينها ادهي الحلمات بزيت زيون وحاولي تطلعين الحلمه
واذا ولدتي بإذن الله باالسلامه وجاك التهابات في الحلمات راجعي الدكتوره عشان تكتب لك الكريم المناسب مااقدر افيدك بكريم من عندي الأفضل استشاره طبيب


وباالنسبه لتمارين الولاده افضل شي المشي كثري مشي وكل يوم اقري في كاس مويه المعوذات وكولي 3تمرات

وباالنسبه لحاجات المستشفى ماشاء الله كفيتي ووفيتي بس الأفضل لما تروحين تولدين قبل خوذي دش دافي والبسي اي شي لنهم اساسا بيغيرون لك ملابسك وبيلبسونك لبسهم بس لما تطلعين لغرفه التنويم بعد ماتولدين باالسلامه تلبسين من ملابسك خوذي ملابس قطنيه مريحه مااتوقع فيه برد باالغرف اكيد مزوده باالتكييف الدافي
خوذي بيجامات مريحه وباالسبه للفوط الصحيه انا استخدم اوليز القطنيه بس غيريها كل ساعتين افضل لك اول شي لأنك توك والده فتزيد كمية الدم ثاني شي عشان الجرح مايلتهب وباالنسبه لكريم الجرح انا يعطوني المستشفى كريم ولما يكتبون لي خروج يكتبونه لي واصرفه من الصيدليه
باالنسبه للمين صحيح راح يجيك امساك بس ماراح تطولين في المستشفى كلها يوم وليله وطالعه ومااتوقع تحتاجينه في المستشفى وعموما انا ماسبق واستخدمت ملينات رغم انه يجيني امساك بس اتحمل

بسسسسسسسس انتبهي تآكلين او تشربين اي شي وقت الولاده كمون خروع خرابيط هاذي ابعدي عنها وخليك على التمر بسسسسسسس ماوصانا فيه سبحانه عبث في القرآن الكريم

وباالنسبه للبطن بعد الولاده ماجربت شي للأسف بس اتوقع خل التفاح حار على الجلد خصوصا انك بتحطينه على الكرش والكرش يكون رقيق اتوقع يحرق

اتمنى اكون افدك والله يسهل عليك يارب وبشرينا ذا ولدتي باالسلامه

بسمة امـل
12-22-2009, 08:15 PM
ياقلبي ربك بيسهلها ان شاء الله لاتقلقين ولايضيق صدرك
اول شي باالنسبه للولاده ان شاء الله ماراح تآخذين اكثر من اسبوعين الغالبيه تولد في الأسبوع الـ 38يعتبر نهاية التاسع باالنسبه لكيف تعرفين انك على وشك ولاده اول شي راح تحسين ان البيبي بدى يضغط لتحت وراح تحسين بثقل اسفل البطن هنا ان شاء الله يكون راس البيبي نزل للحوض ومستعد للخروج
انا قبل اولد بااسبوع حسيت بزي الإبره من تحت مااقدر اجلس معتدل لازم اميل شوي ومن بكره ولدت واتوقع هاذي علامه ولاده عموما سبحان الله احيانا الولاده تجي فجأه بدون اي اعراض او انزارات انا سبق ووولدت كذا فجأه كنت نشيطه ويوم عادي جدا حتى كنت في زياره لأحد الأقارب ونزلت المويه عندهم لاحسيت بثقل ولاطيق سابق ولا شي
وولاده ثانيه العكس مثل ماقلت لك حسيت بشي زي الإبره مضايقني من تحت مااقدر اجلس ومره حسيت بطلوق سابقه بس خفيفه طبعا مثل الدوره
ممكن بعد تنزل معك مويات بدون طلق وهاذي برضو علامه ولاده بس نصيحه اذا نزلت المويه خفيفه ولامعا طلق لاتستعجلين وتروحين انتظري لين تحسين المويه بدت تنزل بشكل كبير لأنه خطر على البيبي لما تنقص المويه وعلى فكره مويه البيبي كثيره يعني لاتخترعين لما ينزل قليل وتخافين انه نقص وتروحين وحتى لو جاك طلق خفيف لاتستعجلين وتروحين لين تحسين ان الطلق اشتد مره عشان بس مايتعبونك باالمستشفى والكشف

ولاتخافين من الولاده تراها تياسير من رب العباد سبحان الله اهم شي وقت الطلق كولي 7تمرات وادعي واستغفري
خليك هاديه وحاولي ماتخافين وتتوترين واهم شي لاتبكين ولاتصارخين بس ادعي ربك ترى البكاء والصراخ يهد الحيل ولاينفع صدقيني يضرك

باالنسبه للصدر مو شرط يلتهب معك بس للإحتياط سوي للحلمات تمرين من الحين مع انك متاخره المفروض من السابع تسوينها ادهي الحلمات بزيت زيون وحاولي تطلعين الحلمه
واذا ولدتي بإذن الله باالسلامه وجاك التهابات في الحلمات راجعي الدكتوره عشان تكتب لك الكريم المناسب مااقدر افيدك بكريم من عندي الأفضل استشاره طبيب


وباالنسبه لتمارين الولاده افضل شي المشي كثري مشي وكل يوم اقري في كاس مويه المعوذات وكولي 3تمرات

وباالنسبه لحاجات المستشفى ماشاء الله كفيتي ووفيتي بس الأفضل لما تروحين تولدين قبل خوذي دش دافي والبسي اي شي لنهم اساسا بيغيرون لك ملابسك وبيلبسونك لبسهم بس لما تطلعين لغرفه التنويم بعد ماتولدين باالسلامه تلبسين من ملابسك خوذي ملابس قطنيه مريحه مااتوقع فيه برد باالغرف اكيد مزوده باالتكييف الدافي
خوذي بيجامات مريحه وباالسبه للفوط الصحيه انا استخدم اوليز القطنيه بس غيريها كل ساعتين افضل لك اول شي لأنك توك والده فتزيد كمية الدم ثاني شي عشان الجرح مايلتهب وباالنسبه لكريم الجرح انا يعطوني المستشفى كريم ولما يكتبون لي خروج يكتبونه لي واصرفه من الصيدليه
باالنسبه للمين صحيح راح يجيك امساك بس ماراح تطولين في المستشفى كلها يوم وليله وطالعه ومااتوقع تحتاجينه في المستشفى وعموما انا ماسبق واستخدمت ملينات رغم انه يجيني امساك بس اتحمل

بسسسسسسسس انتبهي تآكلين او تشربين اي شي وقت الولاده كمون خروع خرابيط هاذي ابعدي عنها وخليك على التمر بسسسسسسس ماوصانا فيه سبحانه عبث في القرآن الكريم

وباالنسبه للبطن بعد الولاده ماجربت شي للأسف بس اتوقع خل التفاح حار على الجلد خصوصا انك بتحطينه على الكرش والكرش يكون رقيق اتوقع يحرق

اتمنى اكون افدك والله يسهل عليك يارب وبشرينا ذا ولدتي باالسلامه


جزاكي الله خير
الله يسعدك ويرزقك يارب ..
انا كمان بكريه ومره خااايفه واستفدت منك..
الله يسعدك يارب ويحفظلك كل غااااالي..,:و7:


والف شكر لصااحبة الموضوع
الله يسعدك ويهون علينا وعليكي يارب:ق100:

أحلى جو*
12-22-2009, 09:14 PM
السلام عليكم
ولادتي قربت وعندي كثير اسئلة .. ومرة محتاسة .. الله يخليكم ويسهل عليكم .. ساااااعدوني ولاتطنشون :12_1_112[
والله مو قادرة أنام بس أفكر في الولادة .. الله يعين (من توكل على الله فهو حسبه بتفكرين يتقلقين وبعدين ؟؟كثري دعاء واستغفار وصلاه تعتبر رياضه تيسر الولاده )
انا بالشهر الـ 37 .. يعني بأي شهر ؟ ومتى أخلص التاسع الاسبوع 38 ولا 40 ؟
متى أحس أن الولادة قربت .. خاصة إذا مافي طلوق ولا شي .. وكيف أدري اذا البيبي نزل للحوض ولالا ؟ (الغالب يجيك مثل مغص الدوره ياخذ 4 دقايق وينقطع ويرجع بعد 4 دقايق وعلى هالحال اذا واصل معك اربع ساعات فتأكدي انها الولاده ادعي وحاولي تمشين ,فيه بنات يختلفون مثلا تنفجر عليهم المويه موية الجنين كثيره فوق ماتتخيلين هنا لازم تروحين للمستشفى دايركت وبعد لو نزل عليك الدم ضروري تروحين )
وبالنسبة للصدر سمعت انه يلتهب بعد الولادة ولازم يصير له ترطيب بالشهر التاسع .. اتفاجأت مرة من هالكلام وحابة اسألكم .. ايش اسوي بصدري وايش احط عليه :( (زيت زيتون افضل شيء لصدرك وبطنك المفروض من اول شهر حمل وانتي تستخدمينها )

تمارين قبل الولادة .. ايش اسوي حتى تتسهل غير المشي ؟(مافي احلى من المشي ,واشربي منقوع تمر مع سمن بري )


كمان .. شنطة المستشفى
بديت أجهز شنطتي .. بس كثير أقرا أشياء ابيكم تساعدوني فيها , مع العلم اني راح أولد في مستشفى حكومي مش أهلي (الملك خالد الجامعي)(ليه مو أهلي ؟ الاهلي يهتمون اكثر وتدخلين عند دكتوره ثقه قسم بالله لو مكانك لاتسلف فلوس الولاده سلف ولا ادخل في مستشفى حكومي ماادري من بطيح بيده )
حطيت معي كريم ميبو + ناوية أخذ مليّن عشان الإمساك (اخلطي ملعقة عنزروت ونص ملعقه محلب ونص ملعقه مر وحطيها بكيس وخذيها معك اذا جابوا قارورة مويه حطي الخلطه فيها كلها واشربيها على جرعات يبعد الامسااااااااااااااك مره ) لأني سمعت أن الوحدة لما تولد يجيها إمساك فـ تحتاج لشيّ يلين بطنها حتى مايجيها بواسير > صدق هذا الكلام :042:
وايش تنصحوني بـ حبوب ملينه أخذها معي ؟ ولا أطلبها من المستشفى وهم يعطوني إياها ؟

أخذت معي ملابس لي : بجامة + داخليات + شرابات + شال + شبشب
+ ملابس للبيبي : لبس خارجي + داخلي + قبعه
الفوط الصحية أيش افضل نوع .. سمعت عن لوتس مين جربها ؟ وكم أخذ معي ؟(انا استخدم أولويز اللي لونها موف ولاتتوقعين ان النفاس يجيها دم كثير لا شيء معقول )
البيبي كم أخذ له من حفاضة ؟ وأخذ له رضعة وحليب ولا المستشفى يتكفل فيه ؟(المستشفى يتكفل فيه بكل شيء ولاراح تشوفينه الا بعد يوم )
في المستشفى احتاج اتمسح بـ شي , يعني امسح الجرح بكريم او أي شي .. واذا ايه اتمسح في ايش واحتاج قطن طبي ؟ (طبقي ورقة منديل وحده لحد ماتصير مستطيله صغيره وحطي عليها كريم ميبو وبعد ماتتغسلين حطيها على الخياطه )

لما أحس بالولادة ..
راح أشرب كمون دافي .. ايش ممكن اسوي بعد ؟ القرفة والخروع ايش رايكم فيها ؟(منقوع تمر أغلي تمر وحطي ملعقة سمن واشربيه دافي )
والشمم كيف اتفاداه ؟ الكمون يكفي ولا بعد فيه شي غيره ؟ (شمي الحلتيت مره يبعد الشمم)
ناوية كمان أخذ معي رطب + موية مقري فيها + ورقة فيها أدعية
ومرة قريت ان الوالدة بعد الولادة تجوع مرررة .. والمستشفى الحكومي مايعطون أكل الا لما يجي وقت الأكل .. أخذ معي شي بشطنتي احتياط لو جعت ؟ فطيرة مثلاً :044: > سؤال غبي مو خخخ (عادي والله انا اخذت شابوره معي بس انتبهي بعد ماتطلعين من الولاده لمدة ساعتين عشان البنج لانو بيأثر عليك ويمكن تستفرغين ولو كنتي بمستشفى اهلي ياحبي راح تطلبين اللي تبينه ويدخل لك زوجك اي وقت مو مثل الحكومي )
وبعد الملابس الي البسها وانا طالعه أولد ؟ كيف تكون .. ولما يغيرون ملابسي مايكون تحتها شي ولا كيف ؟ فخوذي راح تكون طالعة يعني :28_3_1[1] :28_3_1[1] ؟ هههههههههه يابعد عمري بيلبسونك حق العمليات اللي يسمونه لبس وهو مايغطي شيء من ورا مكشوف والسيقان طالع وبدون كلوت يالله الستر :061:
بعد الولادة ..
ربط البطن .. ايش رايكم فيه ؟ وايش أحسن الشماغ ولا المشد الاندونيسي ؟(اللي ترتاحين فيه افضل انا مااحب ربط البطن واستحاله اتحمله اكثر من ربع ساعه )
ولما أربط بطني ادهنه بإيش ؟ سمعت ان خل التفاح مرة زين للبطن وانه يشيل الكرش
+ وناوية أخذ كالسيوم + فيتامينات + حديد لـ مدة 4 شهور بعد الولادة .. (كل يوم قبل تنامين خذي زيت دافي زيتون مثلا ودهني به جسمك لانه ياعمري بيطلع لك سواد مايروح الا بهالطريقه بس اذا دهنتي بطنك خلي الدهن على فوق يعني ابدأي من تحت السره لحد الصدر ان شاء الله فهمتي علي

اما الفيتامينات استشيري لان كل شيء بيوصل لطفلك من الرضاعه ويمكن يكون فيها ضرر


أدري اسألتي مرة كثيرة بس محتاسة وحالتي حالة .. ساعدوني بأقرب وقت حتى أقدر أرتب وضعي :(

كل اجاباتي من تجربتي وإن شاء الله تكون فايده لكم
الله ييسر لك ولادتك وتفرحين بمولودك لاتخافين كلنا كذا بس هذي ضريبة الزواج :072:

بسمة امـل
12-22-2009, 09:18 PM
احلى جو الله يسعدك على الافاده
تسلمي والله ماقصرتي

نــوااااارة
12-22-2009, 10:22 PM
مشكوووووووووورين ماقصرتوا والشكر خاااص لصاحبة الموضوع حتى انا مااعرف شي بكريه

-التوت-
12-22-2009, 10:36 PM
هلا يالغلا انا ولدت بخالد
ملابس البيبي خوذي حقات الخروج بس لأنهم ما يرضون يلبس غير لبسهم
حليب وحفايظ -وفوط لك- هذي لا تاخذينها المستشفى يوفرها لك..والحليب يعطونك زيادة لما تطلعين
ملابسك خوذي داخلية -الخارجية هم يحطون ملابس قمصان جاهزة نظيفة اذا تحبين تستخدمينها خلاص خوذي حق الخروج بس..أنا عني كنت اكيف عليها كل شوي لابسة-ملابسك الداخلية انصحك بالكلوتات الي لبسة وحدة وتنرمي احسن للمستشفى
الامساك الي اعرفه انه يجي من العلاجات الي تاكلها الوالدة ..وانتي ماراح تاكلين بالمستشفى علاجات حقات النفاس..وعموما حتى لو طلعتي من المستشفى احسن شي للامساك نقعي قطعة عنزروت يوم كامل واشربي مويتها بالليل وعبيها موية لليوم الثاني وكذا..
بالنسبة للجوع بتموتيين جوع انصحك تخلين زوجك يشتري لك وجبة محترمة ويطلعها لغرفتك..أنا جابولي وجبتهم واكلتها وانتفض جوووع..وكلمت زوجي قال كلميهم يجيبولك زيادة جابولي حليب بس!وجلست انتظر وجبة فطوور بكرا
وقت الولادة يعطونك قميص ساتر واسع واذا طلعت فخوذك يغطون بشرشف كلك..الا اذا تبين تولدين وانتي لابسة بنطلون ؟؟

تنظيف الجرح يعطونك حوض صغير خاص فيك حلو وفيه بالحمام خيشة ملح تعبينه موية دافية وتجلسين فيه..وفيه مناديل بالحمام اكيد

خل التفاح سوى لي التهاب ببطني صار كله احمر وحبوب

الله يسهل عليك

ام-عزووز
12-22-2009, 10:55 PM
الله يهون على كل حاامل و يقومكم بالسلااامه ياااارب .. اهم شي انك تدعين في وقت الولاده عشان تشغلين نفسك في طاعة ربك و دعائك وقت الولاده مستجاب ان شالله ..لاتقولين ما بقدر بكون اتالم .. و الله ربي يعطيك على قد نيتك وآآلاف الي محتاجين دعائك

P!nk Dreams
12-24-2009, 11:12 AM
الله يجزاكم خير ويوفقكم قولو امييين

|| مابنڪسر صابـر .،~
12-24-2009, 01:24 PM
"
"

الله يجزي صاحبت الموضوع خير
ويجزي البنات اللي افادونا كل خير
ماقصرتو ..
بكريات الله يخلف :)

"
"

الشموع المضيئة
12-24-2009, 02:14 PM
الله يسهلك يارب

لميس**
12-24-2009, 02:26 PM
الله يوصلنا للشهر التاسع

وربي يتمم لي وكل الحوامل على خير

حلاتي بكل حالاتي
12-24-2009, 10:14 PM
الله يسهل لنا اجمعييييييييييين بكريه وحابه استفيد

نهر العشق
12-24-2009, 11:04 PM
الله يوفقك يارب للي كتبتي الموضوع
فعلا هذي كل تساؤلاتي
لاني توي بكرية و قلقاااانه مررررره
والله يسعدكم يارب للي افادونا بتجاربهم


واتمنى كل اللي عندها خبره وتجربة ما تبخل علينا
الله ينورلكم ويرزقكم ياااارب

نّـــــغم
12-24-2009, 11:13 PM
الله يجزي صاحبت الموضوع خير
ويجزي البنات اللي افادونا كل خير
ماقصرتو

نسيم الروووح"
12-24-2009, 11:15 PM
انابكريه وودي استفيد
الله يجزاكم خير

عشق الأرض
12-24-2009, 11:44 PM
اولا الله يسهل عليك يارب
انا بكريه وتوي والده قبل عشرين يوم
ولدت في مستشفى دله
شنطتي حطيت فيها قميص شتوي فخم وفوط طبعا انا حطيت فام على نصيحة اخت زوجي
بس جاني التهاب منها بغيت اموت وغيرتها بالويز للبشره الحساسه مررررررررره روعه ماتسبب حكه ابد
وعطوني في المستشفى غسول وكريم استخدمته كم يوم بعدين استخدمت ميبو
لاني قريت في الروشته انه يسرع من التئام الجلد والجروح والحمد الله طاحت الخيوط في اسبوعين
انتبهي تشربين شي سواء خروع او قرفه بالذات القرفه لانها تبرد الطلق ولاتفيدك بشي
انا اعرف وحده عندها ماشاء الله 6 عيال وهي حامل بالطفل السابع شربت قرفه ولدت قيصري
قالوا لها في المستشفى اكيد شربتي قرفه!
انتبهي تحطين خل تفاح على البطن لانه بيكون ضعيف ورقيق ومايتحمل الخل
وانا عني ماربطت لان الرضاعه الطبيعيه والتمارين هي اللي ترجع البطن
وانصحك بالمشي انا مشيت كثير بالذات التاسع والحمد الله تسهلت ولادتي
بعد ماولدت كلمت اهلي وقلت لهم يجيبون لي عصير برتقال كنت اخاف من الامساك والحمد الله
اذا شربته دخلت الحمام على طول ومااشربه بارد ولا اشرب كثير بس نص كوب بعد الوجبه
لان الامساك مصيبه بعد الولاده
بالنسبه اذا جعتي اثناء او بعد الولاده احسن شي ماتاكلين كثير خذي تفاحه او تمر مع حليب حار
خذي في شنطتك ملابس للبيبي قطعتين او ثلاث ولفتين انا عني ماخذت حفائظ كل شي من المستشفى
اخذت شراب وسروال طويل وشال ومعجون وفرشاة اسنان ومنشفه وشامبو صابون باحجام صغيره
لازم تاخذين كلوتات 3 او 4 لانك بتنزفين كثير بعد الولاده انا نسيت اخذ معي وتوهقت والمستشفى عطوني كلوتات

انا لماقربت وادتي حسيت بثقل اسفل بطني وصرت ماانام كل شوي في الحمام حتى لو ماشربت شي
وليلة ولادتي حسيت بخمول والم في الظهر مثل الاعراض اللي تسبق الدوره بالضبط ولما حسيت بهالاعراض
رحت اخذت حمام دافئ ونمت والصباح قمت اصلي وحسيت بالمويه تنزل

هذي تجربتي ياعزيزتي واهم شي لاتخافين خليك ريلاكس لانك اذا توترتي ماراح تخلصين بسرعه
كلها كم ساعه وبإذن الله تولدين والله انك لما تشوفين البيبي تنسين كل التعب
عمر ولدي عشرين يوم يازينهم في هالعمر يهبلون واحس اني بنهبل عليه
يازين الامومه
الله يسهل عليك يارب ونصيحتي لا تتوترين لانهم مايهتمون ابد باللي تنافخ وتصارخ يحبون الهاديه
وصدقيني الحمل متعب مره كنت ابي اولد باي شكل وارجع لحياتي الطبيعيه
واذا ولدتي بشرينا
اسأل الله انه يسهل عليك ويجعلها لحظات مو ساعات
اختك عشق الارض

أم سلاف15
12-25-2009, 01:49 AM
اولا لاتخافين مافي شي يخوف او خطير ولوكانت الولادة تخوف ماكان الوحدة تولد كثير كان اكتفت بااول تجربة وجلسوا الناس كلهم على مولود واحد لكن صح في الااااااام كلها شوي وتروح ولازم الدعاء
انا ماكنت اسمع لكلام الناس عشان مايخوفوني لان كل وحدة تختلف عن الثانية لكن مااكذب عليك كنت شوي خايفة طبعا شي ماجربتة اكيد بخاف بس مو مرررررررة
ثانيا علامات الولادة تختلف من وحدة لاخر واو من ولادة لولادة ثانية انا كانت تنزل مني موية بس خفيفة مرة وماكنت عارفة احسبها افرازات اوالبول الله يكرمك لان كنت اشرب موية وجلست تنزل يمكن يوميين كنت احس اني تعبانة ومافيني امشي ويجيني طلق كل بعد فترة ورحت المستشفى ومسكوني ودخلوني غرفة الولاد والحمد لله اليوم الثاني ولدت انصحك تاكلين تمر لانها تسهل الولادة ثالثا كمية ملابس المولود على حسب كم بتكوني في الستشفى اناكنت في خاص وجلست يومين اذا بتجلسي يوم خذي لبستين وكوفلة وشرشفين وشراريب وداخليتين رابعا انتي خذيلك قميص لانة اريح من البجامة ويكون قطنن وداخليتين وفوط وطرحة عشان مايدخل البرد في راسك وماانصحك بالغسول احسن شي مرهم كلمي الدكتورة تصرفلك وخذي شراب لرجلينك عشان البرد وانا بصراحة ماربط بطني لكن ندمت جدا وان شاء الله في ولادة ثانية لي باربط بغترة انا ولدت قبل مااكمل التاسع بااسبوع وبالميلادي بااسبوعين الله يسهل ولادتك ويرزق بالطفل سليم معافى يارب ودعواتك لي ان الله يوفقني دنيا واخرة ويخليلي بنتي وابوها ويسخر زوجي لي

حلاوي 99
12-25-2009, 02:10 AM
البنات ما قصروا كفوا و وفوا

والله يقومك ويقوم جميع الحوامل بالسلامه

عشق الأرض
12-29-2009, 02:42 AM
رفع

لك روحي
12-29-2009, 04:02 AM
البنات ماقصرو وماعندي شي اضيفه بما ان ماعندي خبره بالموضوع

بس حبيت انصحك بما انك راح تولدي بحكومي احرصي على كلاسات الولاده والرضاعه الطبيعيه الي هي حصص الاستعداد للولاده وطرق التنفس واوضاع الولاده المتعدده والتحكم بالالم وحصص الرضاعه يعلمونك كيف الرضاعه الطبيعيه وهذا كله طبعا قبل ولادتك
للاسف صح ان المستشفيات الاهليه عنايه واهتمام اكثر لكن ماعندهم هالكلاسات وبما انك بكر فانتي بحاجه لها

وما ادري اذا البنات ردو على سؤالك انتي باي شهر لاني ماقريت الا اول صفحه 37 اسبوع يعني انتي باول اسبوع من التاسع

ايه صح خذي معاك شرابات لك وللبيبي .. وخلي معاك واحد بمكان قريب منك لما يبدء الطلق المتوسط البسيه
وقريت قبل فتره ان الحامل الي ماتنسدح على السرير بالطلق الي بالمرحله الاولى هذي تكون ولادتها اقصر بساعه من الي تكون جالسه بالسرير ويقولك مو شرط تمشين ممكن بس توقفين اهم شي انك ماتكونين منسدحه على السرير وهذا الكلام بس بالمرحله الاولى من الطلق ولاتسئليني متى تخلص خخخخ لاني زي ماقلتلك ماعندي تجارب حمل وولاده ممكن تقولين داخله لاقافه :)

وربي يسهل لك ولادتك ويجعلها هينه عليك من غير مضاعفات ويسخرلك كل من في المستشفى ويقر عينك بالبيبي تام الخلق والخليقه بلا زياده ولانقصان ويرزقك بره وصلاحه بليز لاتنسيني من الدعاء بان ربي يفرج همي ويسخرلي خلقه ويسهل امورنا ويرزقنا الذريه الصالحه اولاد وبنات تامين الخلق والخليقه بلا زياده ولانقصان ويرزقنا برهم وصلاحهم ويجعل تربيتهم سهله هينه علينا ويسعدنا وياهم بالدارين ادعي من قلبك خصوصا وقت الطلق ولاتنسين الملائكه تدعيلك بالمثل :)

ش و ق777
12-29-2009, 05:59 AM
انا بعد بكريه

مشكوره ع الموضوع الي حيفيدنا ان شالله

*عيون كحال*
01-01-2010, 03:32 AM
اب



اب



اب



للإستفاده

قلبfofo
01-01-2010, 04:58 AM
حبيت افيدك انا ولدت في (مستشفى الملك خالد الجامعي )

والله حلو من ناحيه الاهتمام والاكل ولا يهمك مو مثل المستشفيات الثانيه يعطونك حتى وقت الطلق اكل علشان ماتجوعين وانت عندك طلق اول مايجيك الطلق وتحسين بالم زي الشد على تحت او ينزل حاجه بسيطه دم هذا يعني قربتي امشي كثيييير اول ماتروحي الطوارئ وهم يوصلونك لقسم الولاده ويعطونك روب وتشلحين ملابسك كلها وماراح يخلونك تاخذين شي معاك لاجوال ولاماء بيحطوها كلها في كيس وبعد الولاده يعطونك000والسستارات كويسات مره بس خليك اخلاق معاهم مرررره اول ماتدخلين قسم الولاده 00والولاده راح تكوني في غرفه لحالك كدا اريح واحسن00والفوط لاتاخذين المستشفى يوفر الفوط والحليب والملح والشامبو والمعجون والفرشه والمشط وحفايظ البيبي والاكل والعصيرات والشاي يمرون عليك كمان او اذا اشتهيتيه00
اهم شي اهم شي يابكريات كلو وجبه قبل تروحو المستشفى والله ماهون الولاده عليه الا ربي ثم الاكل واشربو عصير طبيعي معاها وراح تدعون لي هذي نصيحتي لكل وحده من اخواتي او معارفي الله يسهل عليكم يارب

قلبfofo
01-01-2010, 05:13 AM
بالنسبه لنوع الفوط لوتس حلوووه 00وحبوب الامساك السستر راح تعطيك اياها اليوم الثاني واطلبي حبوب بنادول لان بيجي آلآم بعد الولاده كانها طلق
خذي معك حبه مره في منديل اول ماتولدين شميها علشان الروائح ماتاثر عليك00
ولاتحطين على الجرح الخياطه اي شي 00يكفي المويه والملح بس
000وبعد 20 يوم استخدمي غسول المر 00ومويه الارطا كغسول حلوومره لاتنسين الشرابات

【بعد حييـﮯ εïз】
01-01-2010, 08:46 AM
يعطيكم العافيه ع المعلومات ^_^

ŋ3σσmђ ®
01-01-2010, 11:50 AM
يعطيكم العافيه

ماقصرتوا

قلب الحبايب
01-01-2010, 09:58 PM
آب
أستغفر الله

الارواح المهاجرهـ
01-07-2010, 12:16 AM
بجد اسئلتك جدآ مفيدة جزاك الله خير ,, انتي وكل من جاااوب على الاسئلة ,,


Content Relevant URLs by vBSEO 3.6.0