المساعد الشخصي الرقمي

مشاهدة النسخة كاملة : ستات وبنات شاطرة



الصفحات : [1] 2

محبوبه زوجى
01-09-2010, 08:39 PM
بصراحة يا بنات لقيت فى القسم ده بنات كتير
بتحس انها كسلانة
ومش قادرة تقوم من السرير
ومش عايزة تتحرك من مكانها
ويا عينى بتعيش حياتها على كدة
والراجل بيحب الحاجة تكون نضيفة من حوالية ومرتبة ماهو حقه بردو بعد يوم طويل
وجت على بالى فكرة حلوة قوى
ان اعمل موضوع يتكلم عن يوميات البنات والستات الشاطرين
وكل واحدة تدخل وتقول حاجة عملتها وطلعت حلوة
يعنى مثلا روقت الشقة او نضفت المطبخ او الحمام ان شا الله غسلت المواعين وتقول طريقتها وكل شيخ وله طريقة يعنى نفيد ونستفيد
اهو اى حاجة نشجع بيها بعضنا



ومش شرط اللى شاطرة بس هى اللى تدخل لا احنا عاملين الموضوع ده علشان نساعد اخواتنا الكسلانين واللى ما بيعرفوش فى شغل البيت



عايزة اشوف الشطارة ورونى بقى:048:

emy-AE
01-09-2010, 09:03 PM
يسعدني اكون اول واحدة ترد عليكي
موضوعك جميل انا بصراحة بحب اغسل الأكواب الزجاجية لوحدها بليفة خاصة و بعملها خلطة كدة من سائل الغسيل مع حبة كلوركس صغيرين او مطهر علشان ميكنلهاش ريحة وحشة و بس
اتمنى اكون افدتكم

رونة ورزونة
01-09-2010, 09:04 PM
موضوع روعة
لى عودة ان شاء الله

محبوبه زوجى
01-09-2010, 09:07 PM
ايمى شكرا ياقر على ردك ويشرفنى انك تكونى اول من رد على موضوعى
بس قوليلى هو الكلوركس اللى هو بتاع الغسيل ودة صحى انى اغسل بيه اصلى بجد احترت مع كل انواع المنظفات ومش عاجبنى حاجه

رانية المصرية
01-09-2010, 09:08 PM
موضوع رائع
و مفيد باذن الله
يلا عاوزين تفاعل

محبوبه زوجى
01-09-2010, 09:10 PM
رانيا شكرا ياقمر على ردك
واتمنى فعلا يكون فى تفاعل ونفيد بعض

دودي انا
01-09-2010, 10:07 PM
انا بحب اطبخ جدااااااااااااا
يعني ممكن اقضي طول اليوم في المطبخ
بحب افتكس الاكلات الجديدة
بحب اني اروق البيت بس مش يكون حد معايا

** أم رانيا **
01-09-2010, 11:08 PM
انا بحب اغسل الاطباق والحلل لازم اغسلها بالسلك

هي بتوقف دراعي بس لازم تلمع

وانا بستخدم فيري ليمون

رووووووووووووعة

تسلمي حبيبتي على التوبيك

رونة ورزونة
01-10-2010, 12:30 AM
حبيبتى انا لما امسح اضع فى الماء شوية كمفورت او داونى تخلى ريحة الشقة وااااو
وكمان الافضل علشان المطبخ يفضل نظيف على طول اىحاجة تستعمليها تغسليها اول باول
حتى لو معلقة علشان معلقة جنب كوباية هتلاقى المطبخ مبهدل وهو شغل دقيقتين بس
لو افتكرت حاجة تانية هر جع

دودي انا
01-10-2010, 12:41 AM
اها انا اول باول بغسل لو كوبلية بتتوسخ مني
وخاصة لما بطبخ
وكمان مش بكون مكركبة رخامة المطبخ لازم تكون رايقة وانا بعمل اي حاجه
وكمان لما بغسل الثلاجة وبشطفها في الاخر بحط فانيليا في المية

محبوبه زوجى
01-10-2010, 01:45 AM
أنا كمان بغسل أول بأول المواعين بس مش بيعجبني ولا فيري ولا بريل ولاأوكسي ومش عارفه حكايه الكلوركس دي حلوه ولا لأ بس هجربها أما المسح فأنا بمسح يابديتول أو سافلون بحب ريحتهم وبحس بنضافه السيراميك أكتر
دودي حلوه فكره الفانيليا دي بس ياتري فانيليا بودر ولا سائل؟ هجربها برضه

ام فوشكا
01-10-2010, 11:12 AM
يعنى طلعت إشاعه حكاية كسل البنات
ده ما شاء الله النشيطات كثيرات ومتفاعلات على الاخر أهه
هههههههههههههههههههههههههههههههههههههههههههههه

أنا بحب المطبخ جدا جدا جدا
والحمد لله أكلى حلو بشهادة حماتى
ودى شهادة اعتز بيها

أنا كمان
أمووت فى ترتيب الدواليب وضلف المطبخ و تحت السرائر وفوق الدواليب
وأى حاجه محتاجه توضيب أنا فى الخدمه
تعرفوا لما أكون زهقانه أو متضايقة
افتح دولابى وأنزله وأرتبه من أول وجديد
حلوة مش كده

محبوبه زوجى
01-10-2010, 03:48 PM
10/10 ياام فوشكا

دودي انا
01-10-2010, 05:16 PM
هههههههههههههههههه
مشاءللع يا ام فوشكا انا لما بتضايق بطبخ
ههههههههههههه بحاول اخترع اي حاجه
بس للاسف في الحليوات نيلة خالص

ندى البسمة
01-10-2010, 06:24 PM
موضوع حلو يمحبوبه ويشجع علي الشغل

انا برده مبحبش اركن مواعين اول باول وعلشان الاكل مييلزقش عليها ويبقي صعب ف التنظيف
ديتول حلو بس قريت ان زياده المطهرات بينتج عنه نتيجه عكسيه لان الميكروبات والجراثيم بتنتج منها نوع مقاوم لنفس المطهر الي بتستعمليه علي طول يعني مش بالكتره

والبيت افضل كلوركس اقوي بس اخففه لان ريحته قويه وبتتعب الصدر

حلوه فكره الفانيليا دي يادودي
شكرا علي الموضوع

طيوبة القلب
01-10-2010, 06:41 PM
ما شاء الله عليكم
اما انا اكره شغل المطبخ ولا احب المواعين ولا احب تنظيف البيت بس الشكوى على الله

ام فوشكا
01-11-2010, 10:10 AM
ممممممممممم
فكرة الفاتيليا رائعه
بجربها يا قلبى

نسيت أقول لكم
لا أحب غسيل الخس
هههههههههههههههه
يحتاج مجهود جبار للتأكد من نظافته داخليا وخارجيا
بموت فيه بس نادر ما أجيبه بسبب كده

بوسى وعلى
01-11-2010, 12:46 PM
ازيكم يا شطار
بالنسبه للى عايزة سجاده دايما نظيف كانه لسه مغسول وهو مكانه هاتى شويه ميا فيهم كلوركس الوان وشويه مسحوق صغيرين وبلمقشه بليها بالميا واكنسى السجاد بيخليه نظيف كانه لسه مغسول وبتبقى ريحته حلوة من المسحوق والكلوركس بيخلى الوانها تزهزه وهى فى مكانها بس مش تغرقيها عشان مش تكمكم بس بلى المقشه واكنسيها

محبوبه زوجى
01-11-2010, 09:26 PM
فينكم يابنات

رانية المصرية
01-11-2010, 09:59 PM
بالنسبه للسجاد
شويه ميه و فنجان صغير خل و شويه مسحوق غسيل بس بسيط مش كتير
و صدقيني هتبقي رهيبه لان الخل مثبت للالوان و احسن من اي حاجه
بس تكنسي بمشقه رز :)

محبوبه زوجى
01-11-2010, 10:48 PM
رانيا ايه هى مقشه رز دى معلش مش عرفاها
انا عندى مكنسه كهربا او مقشه بلاستك العاديه

ام فوشكا
01-12-2010, 10:04 AM
فعلا يا رانية
الآن مقشة الأرز بيد طويلة
أفضل من كسر الضهر
محبوبة يا قلبى
المقشة مصنوعه من أعواد الأرز الجاف
وهى ممتازة فى كنس السجاجيد

sosohady
01-12-2010, 10:21 AM
حلو موضوعك ده كتير

عجبتنى فكره رانيه اننا نحط خل للسجاد لانه فعلا مثبت للالوان

وانا بايد ام فوشكا فى غسيل الخس لانه بيحتاج اهتمام


والله كل كلامكم جميل ومفيد


مقشه الرز قولى للبقال او السوبر ماركت اللى بتتعاملى معاه يجيبها لك

ح تلاقيها فى العتبه اكيد


انا باحب اروق اول باول و الصبح اول حاجه باعملها ترتيب الغرف

ليه عوده ياقمر

الزهرة المتألقة
01-12-2010, 12:41 PM
أنا بأه بحب عمايل الحلويات جدا وشاطرة فيها
والأكل الحادق شاطرة فيه برضه بس مش بحب أجدد فيه بعمل التقليدى بس
وأهم حاجه في نظافة المطبخ أنه نغسل كل حاجه تتوسخ أول بأول
وعجبتنى فكرة غسيل السجاد دى أوى
ولى عوده ان شاء الله

رانية المصرية
01-12-2010, 12:46 PM
ادي المشقه الرز
http://www.hayah.cc/forum/imgcache/38977.png

و في منها بيد خشب طويله
علشان قطم الظهر
و في كمان مقشه ليف من ليف النخل
و كل المقشات دي هتلاقيها في الحسين
و رخيصه مش غاليه و انتي و شطارتك :)

sosohady
01-12-2010, 01:19 PM
تسلمى يارانيه على صوره المقشه نورت النت


لقيتيها فين دى


فكره حكايه اليد الطويله

amira alkilani
01-12-2010, 01:27 PM
انا عندى عقدة من البوتاجاز بنتى دايما تقول دة اخونا الثالث بانضفة حتى وهو شغال ولما باكون عيانة باكون نايمة وشايلة هم البوتاجاز بقى شكلة اية !!!!!

amira alkilani
01-12-2010, 01:31 PM
اة نسيت اقولكم العقدة التانية اكباس النور ونظافتها والعادى انى اتكهرب كذا مرة فى اليوم!!!

محبوبه زوجى
01-12-2010, 01:47 PM
شكرا يارانيا انا اعرف شكلها فعلا دى كانوا بيستعملوها زمان بس ماكنتش اعرف اسمهاهجيبها ان شاء الله
اميرة بجد ضحكتينى اوى على البوتجاز
بس حرام عليكى علشان ايه يابنتى تتكهربى كتير كدا هو مزاج عندك
لا بالله عليكى خلى بالك

محبوبه زوجى
01-12-2010, 01:49 PM
زهرة ايه اكتر اكله انتى مميزة فيها طبعا حلويات والكل بيشيد بيها وطبعا قوليلنا الطريقه
وياريت كل واحدة تفيدنا لو عندها اكله جديدة او طريقه لتنظيف حاجه بشكل جديد وفعال

ندى البسمة
01-12-2010, 03:29 PM
اميره بجد ضحكتيني بلاش تنضفي اكباس الكهربا بقماشه مبلوله ميه ولا استني النور يقطع ونضفيها
البوتجاز بعد الغداء بسلك وتلبسي جوانتيعلشان ضوافرك وشويه ديتول وفيري عليه واغسليه ف ثانيه هتلاقيه نور

رانيا المقشه دي حلوه قو فكرتني بالجريد بتاع النخل من غير بلح طبعا حلو برضه في التنضيف

ندى البسمة
01-12-2010, 03:33 PM
ام فوشكا
الخس بتحصل معايا نفس الحكايه بس بحبه جدا علي الجبنه والبرجر والسلطه

الاحسن فككيه مش لازم تغسل وهو سليم

دودي انا
01-12-2010, 03:37 PM
انا عارفه طريقة السجادة دي رهيبة

محبوبه زوجى
01-12-2010, 04:20 PM
عجبتنى طريقه تنظيف السجاد دى وهجربها ان شاء الرحمن
بكرة ميعادى مع التنظيف وهقولكم النتيجه

الزهرة المتألقة
01-12-2010, 07:34 PM
زهرة ايه اكتر اكله انتى مميزة فيها طبعا حلويات والكل بيشيد بيها وطبعا قوليلنا الطريقه

أنا بحب أعمل الحلويات اللى مش تقليديه يعنى البسبوسة الكيكة الحاجات دى مش بحب أعملها كتير
بحب أجرب أعمل حاجات جديدة

في مثلا تورتة البسكوت بالكاسترد
وفي كيكة التوفي

الاتنين دول جمال جدا وطعمهم رائع:0149:
كيكة التوفي

الكيكة
مقاديرها
5 بيضات فانيليا
1 كوب لبن بودرة
ثلاثة أرباع كوب زيت
1 كوب سكر
نصف كوب دقيق
1 ونصف ملعقة صغيرة بيكنج بودر


التوفي
1 كوب سكر
8 معلقة قشطة

طريقة الكيكة
نضع اللبن البودرة والزيت في طبق على نار هادئة ونقلب الى أن يصير لونه ذهبي

نضرب البيض والفانيليا بالمضرب ثم نضع السكر ونستمر في الضرب ثم نضع اللبن والزيت بعد أن يبردرا ونستمر في الضرب ثم نضع الدقيق والبيكنج ثم نضع العجينة في صينية
في الفرن


طريقة التوفي
نضع السكر على النار حتى يسيح ويصبح كراميل ثم نضع ملعقة قشطة ونقلب جيدا ثم نضع باقي القشطة ونقلب
ثم بعد أن تخرج الكيكة من الفرن نضع عليها التوفي وبالهنا والشفا:و1:
يا رب تعجبكوا:044:
ولو عجبتكوا أكتب أكله تانية ان شاء الله

سلام

محبوبه زوجى
01-12-2010, 08:48 PM
شكلها جامد اوى يازهورة الكيكه دى
تسلم ايدك

محبوبه زوجى
01-13-2010, 08:23 PM
انتم فين ياشاطرين

رانية المصرية
01-13-2010, 11:01 PM
علشان ريحه الحمام تبقي حلوه طول اليوم
يا بنات هاتوا زيت مانجه من الراجل بتاع العطور بحوالي 5 جنيه الازازه
و حطوا كم نقطه كده في ازازه كلوركس فاضيه و زودوا الباقي ميه
و بعد تنظيف ارضيه الحمام صبو شويه من الخليط ده و امسحوا بالممسحه و شموا الريحه طول اليوم
و طبعا ممكن مسح كل الشقه مش شرط الحمام بس

محبوبه زوجى
01-14-2010, 10:07 AM
انا بعمل كده بس في الشقه كلها جايبه زيت فراوله وورد بلدي وتفاح أخضر وفعلآ الريحه بتجنن فتره كبيره

ام فوشكا
01-14-2010, 08:06 PM
إيه الفكرة الحلوة دى يا رانية
وإيه هو زيت المنجه ده

sosohady
01-15-2010, 12:38 AM
انا جايبه بخاخ الياسمين

بس ح اجرب طريقه رانيه الحلوه


زيت المانجه مع المساحه

محبوبه زوجى
01-15-2010, 02:42 AM
سوسو تقصدي بخاخ الياسمين اللي هو معطر الجو جليد
لو كان هو انا كنت قرأت أن الحاجات دي مضره علي الجهاز التنفسي
أفيديني ياقمر

sosohady
01-15-2010, 05:41 AM
اه يامحبوبه زوجى اللى اقصده بخاخ الياسمين جليد انا بارشه فى الحمام

على الحيطه بين البلاط ( فوق الفواصل )

علشان الاسمنت الموجود يتشرب العطر ويقضل اطول فتره ممكنه

خصوصا فى حمام الضيوف كتير لما يخشوا بيسالونى على الريحه الحلوه

انا باقفل باب الحمام شويه بعدها بافتح الشباك يهوى

( لما الولاد يكونوا فى المدرسه )

بالمناسبه فى الصيف بارش بودره النمل جنب الحيط تحت الرخامات

وارش عليها البايجون علشان يمسك البودر وتدى مفعول مضاعف وارجع البلاطات تانى

لازم الموضوع اعمله والولاد فى المدرسه وانا بالبس كمامه جايباها من الصيدليه

يارب اكون افدتكم اخواتى

emy-AE
01-15-2010, 09:19 AM
أنا آسفة محبوبة على التأخير في الرد
حبيبتي كلوركس بتاع الغسيل و بس نقطة صغيرة و تشطفي الكبيات بعدها كويس و ان شاء الله مفيش ضرر و لا شيء و ممكن تكتفي بس بالديتول و برضو مش كتير

محبوبه زوجى
01-15-2010, 07:41 PM
سوسو أنا مفهمتش أزاي بتحطي بودره النمل وبعدها ترجعي البلاطات تاني
أيمي
لأ ولايهمك ياقمر علي التأخير انا فعلا جربت الكلوركس وجميل بجد تسلم أيدك

نونا1981
01-15-2010, 08:13 PM
انا بحب اجرب اى شىء جديد اىكان حلويات اواكلات أوووووووووووووو::0145::0145:

sosohady
01-16-2010, 03:58 AM
سوسو أنا مفهمتش أزاي بتحطي بودره النمل وبعدها ترجعي البلاطات تاني
أيمي
لأ ولايهمك ياقمر علي التأخير انا فعلا جربت الكلوركس وجميل بجد تسلم أيدك



البلاط فى الحمام ( بلاط الحائط )


الرخام اللى فى المطبخ بيكون محطوط على الدواليب الخشبيه

انا بابعد الدواليب دى عن الحائط وارش بودره النمل على الارض وعليها البايجون

وارجعها تانى وتظل البودره تحت الدواليب اللى عليها الرخام فتره طويله من الزمن

مش باشوف نمل خالص - على الله اكون افدت

الزهرة المتألقة
01-16-2010, 10:13 AM
جميلة أوى فكرة زيت المانجا دى
ان شاء الله أبقا أجربها

ام فوشكا
01-16-2010, 11:14 AM
أفكار كلها حلوة
ومانوع بودرة النمل المستخدمه
مش النمل جرى له إيه تقريبا اتجنن
احنا فى عز البرد وهو عايش حياته
للأسف أنا ممنوع استخدم أى بخاخ للرش أو التعطير
الحمد لله رب العالمين

sosohady
01-16-2010, 12:17 PM
سلامات يا ام فوشكا

بودره النمل من الصيدليه وهاتى معاها ماسك بالمره تحطيه على انفك وفمك زى الدكتور


مش ح تشوفى ولا نمله فى المطبخ -

تصدقى ساعات باشوف فى البيت لكن فى المطبخ لاااااااا

محبوبه زوجى
01-16-2010, 01:36 PM
طب انا عندي مشكله بقا في الصراصير الصغيره لعبتها كل الألعاب ومفيش فايده يظهر حبت عشرتنا
مع أن والله بمسح بديتول بأستمرار لكن بشوفها علطول في المطبخ والحمام الكبير باقي البيت والحمام التاني مفيش حاجه يظهر من المنور بس العماره جديده ونظيفه بييجي منين ولا أطفشه أزاي بجد فشلت معاه ربنا يستر في الصيف
أفيدوووووووني

sosohady
01-16-2010, 03:30 PM
اقفلى البلاعات بالغطاء بعد المسح واديها رشه بايجون قبل القفل


ورشى بايجون فى المرحاض نفسه واقفليه



وشوفى النتيجه بعد كام يوم


اذا لسه فيه يبقى رشى بخه بايجون على الشباك من الخارج كل فتره


ماتعمليش كله مع بعضه خلى الشبابيك فى الاخر علشان تعرفى بييجوا من فين وتحاربيهم

ندى البسمة
01-16-2010, 05:29 PM
محبوبه
وصفتي دي خطيره للصراصير البايجون بيبقي ريحته قويه قوي ومبتروحش بسهوله وبيخليهم يختفو شويه اما الوف بتعتي بتخلي الصراصير يختفو بال3 شهور واكتر

هاتي حمض البوريك من الصيدليه موجود بالصيدليات الكبيره هو بودره بيضاء واعجينيه مع زبادي وتكوني لابسه جوانتي لانه ضار لحد متعملي عجينه والزقيها جنب الحيطان علي عتبه الابواب في الاماكن اللي بيكتر فيها الصراصير عندك وبعيد عن الاطفال طبعا بس هتدعيلي والله من غير ريحه ولا وجع قلب

جربي وقولي النتيجه والبوريك مش غالي بخمسه ريال هتجيبي علبه تكفيكي
سلام بقمر

رونة ورزونة
01-16-2010, 11:55 PM
صح كلامك ياندى
انا مجربة البوريك نتيجته حلوة

محبوبه زوجى
01-17-2010, 12:52 PM
شكرآ ياندي
انا بجد أحترت مع الصراصير الصغيره دي عشريين أوي
هجرب وصفتك
بس دي غير عجينه الصراصير ولا هي هي أصلهم حبوا العجينه دي وصحتهم ردت عليها الله يقرفهم قرفوني

رانية المصرية
01-17-2010, 12:56 PM
محبوبه زوجي الصراصير الصغيره في البيت من علامات الحسد
ارقي البيت و نفسك و جوزك و رشي ميه مرقي فيها علي العتب و الزوايا بتاع الحيطان
و باذن الله كل ده هيروح يا قمر :)

رانية المصرية
01-17-2010, 01:00 PM
ام فوشكا
زيت المنجه ده زيت بريحه المنجه من عند المحلات بتاعه تركيب العطور و الزيوت
روحي قولي له هات زيت منجه هيديكي و في زيوت كتييره مش شرط منجه بس المنجه اقوي يا قمر

sosohady
01-17-2010, 01:06 PM
ازيك يارانيه وحشانا


بجد الصراصير من علامات الحسد ؟


انا اول مره اسمع


يبقى داومى على المعوزات التلاته


لو سمحتى يارانيه قولى عنوان اى بتاع تركيب عطور

بوسى وعلى
01-17-2010, 01:34 PM
انا عندى عقدة من البوتاجاز بنتى دايما تقول دة اخونا الثالث بانضفة حتى وهو شغال ولما باكون عيانة باكون نايمة وشايلة هم البوتاجاز بقى شكلة اية !!!!!
السلام عليكم عشان تخلصى من تعب البتوجاز غطى سطح البتوجاز بورق فويل غطيه كله وافتحى بس لشعلات النار
الاكل والاوساخ مش بتلزق فى الفويل سهل التنظيف بقطعه اسفنج ولو اتسخ خالص غيريه وحطى فويل جديد\
الفويل شكله حلو بيكلى البتوجاز بيلمع وكمان مش بيتاثر بالحرارة يعنى مفيش منه اى خطورة جربيه انا عامله بتوجازى علطول كده ولما تشليه هتلاقى بتوجازك زى الفل

رانية المصرية
01-17-2010, 02:16 PM
ازيك يارانيه وحشانا


بجد الصراصير من علامات الحسد ؟


انا اول مره اسمع


يبقى داومى على المعوزات التلاته


لو سمحتى يارانيه قولى عنوان اى بتاع تركيب عطور


الحمد لله يا سكر
المعوذتان فقط
مفيش حاجه اسمها - المعوزات الثلاثه - :د0::0104::د0:
و تركيب العطور موجود بكثره في الحسين
انتي ساكنه فين و انا اشوف لك واحد قريب

رانية المصرية
01-17-2010, 02:19 PM
السلام عليكم عشان تخلصى من تعب البتوجاز غطى سطح البتوجاز بورق فويل غطيه كله وافتحى بس لشعلات النار
الاكل والاوساخ مش بتلزق فى الفويل سهل التنظيف بقطعه اسفنج ولو اتسخ خالص غيريه وحطى فويل جديد\
الفويل شكله حلو بيكلى البتوجاز بيلمع وكمان مش بيتاثر بالحرارة يعنى مفيش منه اى خطورة جربيه انا عامله بتوجازى علطول كده ولما تشليه هتلاقى بتوجازك زى الفل


و عليكم السلام و رحمة الله وبركاتة
في غطاء للبتوجاز مخصوص يا بوسي بدل الفويل
حتي الغطاء بيكون اسمك و اتخن و محمل عن الفويل اللي بيتهري وبيتقطع بسرعه جدا
و سعره رخيص و اسمه غطاء بوتاجاز هتلاقيه منتشر باذن الله بس انتي دوري :087:

sosohady
01-17-2010, 03:07 PM
تسلمى يارانيه


هما معوزتان قل اعوذ برب الفلق وقل اعوذ برب الناس

وما قصدته ان يكون معهم قل هو الله احد


انا رايحه المنيل النهارده لو عارف حدهناك قولى لى يا سكر


سلام

رانية المصرية
01-17-2010, 03:31 PM
علي فكره المنيل مليانة
اول المنيل و محطه الباشا
و ده واحد منهم
:087::087::087:


---------


واحة العطور
89 أ ش المنيل
المنيل, القاهرة
التليفون:
02-22532694


---------


محل عرايس للعطور
امام التوحيد و النور - شارع محمد فريد - عابدين
// وسط البلد //
--------
السيدة زينب مليان برضه يا سوسو
جنب المالكي هتلاقي كذا محل
-------
الحسين هتلاقي كتير جدا جدا جدا
-----
و سلامتك :)

ام فوشكا
01-17-2010, 03:49 PM
ممكن كرامه للعطور
شفت واحد فى المقطم
**********************

أول مرة اسمع عن حكاية الحسد
أنا فعلا طالع عينى ومش عارفه سبب
أنا اتخنقت منها ومن ريحه كل المبيدات
وجاتلى الحساسية فة زورى وصدرى وأنفى
وهم بيقولوا
قمااااااااااااااااااااااااااااااااان على رأى سمير غانم
اللهم إنى أعوذ بك من الهم والحزن
والعجز والكسل
وغلبة الدين وقهر الرجال

ام فوشكا
01-17-2010, 03:53 PM
السلام عليكم عشان تخلصى من تعب البتوجاز غطى سطح البتوجاز بورق فويل غطيه كله وافتحى بس لشعلات النار
الاكل والاوساخ مش بتلزق فى الفويل سهل التنظيف بقطعه اسفنج ولو اتسخ خالص غيريه وحطى فويل جديد\
الفويل شكله حلو بيكلى البتوجاز بيلمع وكمان مش بيتاثر بالحرارة يعنى مفيش منه اى خطورة جربيه انا عامله بتوجازى علطول كده ولما تشليه هتلاقى بتوجازك زى الفل
استعملوا يا بنات
مستر مصلز
عارفينه
يعنى الأستاذ عضلات
عبوة برتقالى وعليه رجل نافش ريشه
خخخخخخخخخخخخخخخخخخخ


موجود فى كل محال السوبر ماركت
ده تحفه
ولا ريحه ولا يحزنون
وزى الإعلانات والله
تحطيه على البوتجاز وبعد دقيقتين تمسحى بفوطه وتدعيلى

وفى منه للتواليت أعزكم الله وكمان للأرضيات والسيراميك
بجد تحفه
وب5 جنيه فقط
ولا تنسونى من دعواتكم لفوشكا ابن أم فوشكا يهديه ويذاكر بأه
بيموت فى اللعب
اللهم اهد يوسف يارب العالمين

رانية المصرية
01-17-2010, 03:55 PM
:)
ربنا يهدي لك يوسف يا ام فوفوش يا قمر

أنہٍٍُـوثہٍه نہٍٍُـآدره
01-17-2010, 03:56 PM
الله يعطيكي الف عافيه غاليتي
دمتي بخير لي عوده
تحياتي
انوثه نادره

ندى البسمة
01-17-2010, 04:22 PM
شكرآ ياندي
انا بجد أحترت مع الصراصير الصغيره دي عشريين أوي
هجرب وصفتك
بس دي غير عجينه الصراصير ولا هي هي أصلهم حبوا العجينه دي وصحتهم ردت عليها الله يقرفهم قرفوني

هو فكره البوريك ان الصراصير بيعمل صدمه للصراصير يعني لما تستعمليه في الاول هتلاقي صرصار مقلوب عي ظهره وواحد دايخ مش عارف يمشي زي اللي شربين حاجه وفي الاخير بيختفو خاااااااااااالص


رانيا موضوع الحسد بسسب الصراصير دي اول مره اسمعها ممكن
بس من تجربتي هنا
السعوديه مليانه صراصير زي الدبان في مصر
وانا نقلت في كذا شقه اول شقه كانت زي محبوبه بتحكي كده صغيرين وكبار عائلات ناس قالتي علي البوريك وكان رائع ونقلت شقه تانيه كان فيها الكبار بس وجربته كان رائع برده والشقه اللي انا فيها حاليا الحمد لله متشرفتش بحد ويارب يبعدهم عني وعنكم

ندى البسمة
01-17-2010, 04:25 PM
ربنا يهديلك ابنك يام فوشكا ويهدي عيال المسلمين جميعا اميييييييييين

sosohady
01-17-2010, 04:40 PM
انا ح اجيب مستر مسلز ده يا ام فوشكا مابحبش الفويل -

انا ماشيه مع البوتاجاز بمبدا اول باول

لما اجى اطبخ لازم يكون البوتاجاز نضيف وكل ماتقع حاجه انضفها

ولما اخلص بيكون نضيف

حتى يوم السمك بعد القلى انضفه على طول - قبل الاكل

واضح مستر فويل ده ح يخلى البوتاجاز يبرق

سلام

دودي انا
01-17-2010, 04:52 PM
اول مرة اسمع يا رنوش ان الصراصير الصغيرة من الحسد
حاولي يا جماعه تنضفو التواليت وترشو مبيد وتقفلوها من بليل مثلا
وعند عتب البيبان وسدي اي خرم في الارض

nام مؤمن
01-17-2010, 05:00 PM
انا كمان بستخدم مستر مصلز بصراحة جميل جدا وريحتة حلوة قوى وبيخلى لبوتاجاز يبرق

محبوبه زوجى
01-17-2010, 09:41 PM
محبوبه زوجي الصراصير الصغيره في البيت من علامات الحسد
ارقي البيت و نفسك و جوزك و رشي ميه مرقي فيها علي العتب و الزوايا بتاع الحيطان
و باذن الله كل ده هيروح يا قمر :)
شكرا يارانيا انا اول مرة اعرف موضوع الحسد دة بس طبعا هعمل اللى قولتى عليه دة بالحرف




و عليكم السلام و رحمة الله وبركاتة

في غطاء للبتوجاز مخصوص يا بوسي بدل الفويل
حتي الغطاء بيكون اسمك و اتخن و محمل عن الفويل اللي بيتهري وبيتقطع بسرعه جدا
و سعره رخيص و اسمه غطاء بوتاجاز هتلاقيه منتشر باذن الله بس انتي دوري :087:

رنون انا كمان بستخدمه بصراحه زى الفل وعملى كدة

رانية المصرية
01-17-2010, 09:44 PM
شطوره يا ام مريومه يا سكر

محبوبه زوجى
01-17-2010, 10:23 PM
رنون:066::066:
يابنات حد يقولى طريقه للمكرونه الباشميل مضمونه نفسى اعملها وتطلع حلوة بجد:0149::0149:

Nody.mom
01-18-2010, 01:58 AM
الموضع تحفه اوي انا استفد منه لاني خيبه بس مش كسل والله للاسف انا قبل ما اتجوز ماكنتش بعمل حاجه خاالص
فاتجوزت وانا بردو مش بعرف اعمل حاجه خالص غير انى شاطره فى الاكل بس لكن تنظيف وكده مش بعرف خااالص ماعنديش اى خبره ..
عايزه اقولكو انى اول لما اتجوزت جيت امسح الشقه حطيت ميه فى الجردل بس ماعرفتش ايه تانى بيتحط فيها وسالت جوزي كان فاكرني بهزر بس انا فعلا ماكنتش عارفه:061: هههههههههه متضحكوش عليا بس انا عبره علشان تعلمو بناتكو ماتدلعهمش:t9::t9::t9:

ام فوشكا
01-18-2010, 10:07 AM
وماما سايباكى مدلعة قوى ليه كده
أكيد بنت وحيده
هههههههه

بصى يا قلبى
إللى عايز يتعلم وعنده رغبة
هيبقى أشطر واحد
احنا معاكى فى أى استفسار

مشكورين يا بنات على الدعوات
يلا عندنا إيه تانى تجارب وخبرات

ورونا الهمة

alhananana
01-18-2010, 10:25 AM
الللللللللللللللللللله.. الموضوع ده جميل قوي يا بيبوووووووووو...
خبرات خبرات....
طبعا انا لبخة بس يعني بمشي حال واخترع لمصلحتي الشخصية..
في الطبيخ مبتدئةةةةةةةةةةة جدا..
في ترويق الشقة خيبة جدااااااااااااااااااااااااا..
ولأني عندي موكيت فمش بمسح سيراميك اساسا.. ههههههههه :t9:

والحمام مش انا اللي بنظفه صراحة.. مع اني بعرف في العادي مش الخبرات بتاعتكو بس بكسل وخيبة خيبة..
بيتهيألي الموضوع ده مفتوح للكسولات زيي.. ههههههههههههه

بس في كذا حاجة أحب اقولها..

1. موضوع غسيل الخس - انا بغسله مفكك طبعا فرع فرع علشان اتأكد انو اتغسل كويس..

2. موضوع البوتوجاز.. بستخدم الفويل ومريحني قوي..

3. كمان بغسل المواعين أول باول لأني بتخنق لو المطبخ كركب او لو متحطش مية والأكل لزق في الصحون..

4. عندي عقدة اسمها لازم يكون السرير في غرفة النوم متروق...
يعني لو دخلت الشقة وكلها مقلوبة مش مهم.. المهم عندي السرير يكون متروق بأي شكل.. واول حاجة بعملها هية اروق السرير علشان حتى اعرف اغير هدومي..

5. مبعرفش امسك البصل او التوم بايدي ابدا.. بخاف جدا ان الريحة تمسك فيهم.. وكذلك اللحمة النية والفراخ النية...
فبعمل اييييييه...
عندي جوانتيات للإستعمال مرة واحدة دايما في المطبخ.. وكمان علبة جوانتيات stock لو خلصت اللي بتسعملها... اي بصلة او تنظيف فراخ او امسك لحمة لااااااااااااازم اكون لابسة جوانتي..
وكذلك وانا بحشي المحشي علشان الصلصة في الخلطة متلزقش في ايدي.. بلبس برضو جونتي علطول.. ولو اتبهدل مثلا اغيره عادي واكمل محشي.. ههههههههه :t8:

بخصوص التوم.. بلبس جوانتي من المطاط دول العريضييييييييين علشان الحماية تكون فعاااااااالة قوي قوي وبفصص التوم كلهههههههههههه مرة واحدة وافرمه كله واعبيه في كوبايات بلاستيك واحطها في الفريزر لأي استخدام اجيب منها بالمعلقة.. كدة عمري ما بلمس التوووووووم ولا ريحتي ابدا يشبك فيها التوم.. :051:

sosohady
01-18-2010, 10:45 AM
alhananana (https://alfrasha.maktoob.com/user420900/)


انتى شطوره وكل اللى بتعمليه جميل وحكايه الجونتى حلوه قوى

واستمرى علشان تفضلى متعوده عليه - حلو لما تقلعيه

وتلاقى ايديكى ناشفه كانك ماعملتيش حاجه

بالنسبه للبصل علشان الريحه ومش يوجع عنيكى الحلوه

فيه ماكينه مخصوص يدويه - تحطى البصله فيها وتقفليعا

ليها يد تلفيها وبكده نفرمى البصله بدون عواقب الدموع والايدين

حاجه تانيه انا باعملها خلى جنب الحوض كريم للايدين

علشان بعد ماتخلصى تدهنى ايديك وتحافظى على نعومتها

تطلعى من المطبخ ايديكى ناعمه ونظيفه

الموضوع ده حلو ومفيد

amira alkilani
01-18-2010, 11:09 AM
صباح الخير ياحلوين ستات وبنات شاطرين عندى لجنة ترقية كمان شهر (امتحان )عايزة اعمل اكل مفرزن ينفعنى الفترة دى اسعفونى بافكاركم الجهنمية علما بان زوجى مسافر (جت مصلحة) يعنى الاكل على قد ابنى وبنتى ياريت تساعدونى ياحبايبى

الزهرة المتألقة
01-18-2010, 02:16 PM
رنون:066::066:
يابنات حد يقولى طريقه للمكرونه الباشميل مضمونه نفسى اعملها وتطلع حلوة بجد:0149::0149:
بصي حبيبتى أنا بعمل المكرونة الباشميل وتبتطلع معايا جميلة جدا (جوزى ما كانش بيحبها أةى ودلوقتي بيطلب منى انى أعملهالو)
بتسلقي المكرونة وتصفيها بالمصفي وبعدين تنزلى عليها ميه ساقعة من الحنفية
وتعصجى اللحمة (لحمة مفرومة مع البصل والملح والفلفل والتوابل)
الباشميل
تحطى السمنة والزيت على النار وبعدين تحطى الدقيق(لازم السمنة تكون مغرقة الدقيق )
وبعدين تقلبي لغاية لما الدقيق يبقا لونة ذهبي
وبعدين تحطى اللبن والشوربة (اللبن يكون الثلثين والشوربة الثلث ) والملح والفلفل
وتقلبى (ممكن بمضرب البيض اليدوى أو الكهربائى أو بمعلقة خشب ) بسرعة
لغاية لما يغلي ويتخن
بيكون حلو لما الباشميل يكون خفيف (دا اللى بيحلى الصينية )
وبعدين لما الباشميل يبرد شوية تحطى البيض (ممكن بيضتين أو تلاتة على حسب الكمية ) ومعاه شوية ملح وفلفل وتقلبي بسرعة
وبعدين تقلبى تقلبى المكرونة مع شوية من الباشميل كويس
تدهنى الصينية وبعدين تحطى نصف المكرونة وبعدين تحطى اللحمة المفرومة وبعدين تحطى باقي المكرونة وبعدين تحطى الباشميل على الوش (تكترى الباشميل عشان يطلع حلو )
وبعدين تحطيها في الفرن على نار عالية
وخلااااااااااااااااص
أي استفسار أنا تحت أمرك:و1:

alhananana
01-18-2010, 04:59 PM
sosohady....

شكرا جدا انك يا حبيبتي ومنكم نستفيد برضو.. ربنا يخليكي يا رب..

عارفة موضوع الجوانتي ده لما نزلت مصر عند بيت حماتي كانو مرة بيطبخو فانا قلت اساعد بلاش اكون بايخة..
وطبعا مش بتقطيع البصل.. بس لما شفت اخت جوزي بتقطع البصل وبتنظف البطة بايديها قلتلها على فكرة الجوانتي وجريييييييييييت جبتلها جوانتي (بالصدفة عندهم بس بيستخدموه مش في المطبخ) عجبها جدا الفكرة بس معتقدش انها مشيت عليها..

فعلا مش قادرة اقولك جمال ايديكي لما تقطعي بصل وتلاقي ايديكي ولا كأن عملتي اي حاجة وناشفة وريحتها ملهاش علاقة بالبصل...

الماكينة اللي بتقولي عليها بتاعة تقطيع البصل دي بستعمل بدل منها المفرمة الصغيرة جدا وبتفرم البصلة بسرعة وبخليها آخر مرحلة في عمايل الأكل مثلا لو كنت بتبل فراخ بخليها آخر حاجة علشان البصلة متطلعش روايح في المطبخ وريحة المطبخ تبقى وحشة..
لدرجة اني بحضر كل بهارات الخلطة والدجاج متقطع والإكياس بتاعة الفريزر مفتوحة وجاهزة وآخر حاجة فرم البصل وعلطول على الخلطة والفراخ وبعبي فورا في الأكياس وعلى الفريزر..
طبعا كلوووووووووووووو وانا لابسة جوانتي بدون ما يلمس ايدي اي حاجة...

موضوع كريم الإيدين.. يا سلاااااااااام على روقانك...:0112:
انا ممكن احط طبعا بس مش في المطبخ.. اساسا رغم كل الـ protection اللي بعمله في المطبخ علية الا ان الواحد لازم يطلع ياخد دش سريع.. بعدها بقى احط الكريم وانتعش وكدة.. :047:

وبعدين في نقطة.. الكريم لو جه عليه مية مبيبقاش حلو..
زي مثلا لو عندك سكراب للوجه في الحمام لو جه عليه مية بتحسي بينعم ومبيعملش اللي المفروض يعمله.. علشان كدة بخلي الكريمات بعييييد عن مصدر اي مية علشان متبوظش.. ههههههههههه
:047:

alhananana
01-18-2010, 05:01 PM
فكرة تانية يا بنات....

عصجو اللحمة المفرومة كلهااااااااااا مرة واحدة وعبيها في اكياس على قد الأكلة وحطيها في الفريزر ولا بيحصل ليها حاجة..

لما تيجي تعملي اي اكلة زي المكرونة البشاميل او الكوسا بالبشاميل ، هتكوني مخلصة بند اللحمة المتعصجة من زمان ومتحمليش همها.. يا دوب تطلعيها تدوب بس..

دودي انا
01-18-2010, 05:30 PM
اها انا بعمل كدا لانها بتاخد وقت علي النار
كمان المحشي ممكن تقوريه من قبلها بيوم وتعملي التسبيكة وتوضي من بليل ده لو عندك عزومة
وكمان ممكن تفصصي الثوم بكمية كبيرة
وتحطيها في الثلاجة بعد عصر الليمون مش بيجرلها حاجه وتاخدي بكيمة حطيه في برطمان واعصري الليمون من فوق

alhananana
01-18-2010, 07:39 PM
بنات بليز يا ريت لو حد يعرف يقولي طريقة لتسوية اللحمة بسرعة لأنها بتاخد وقت قوي معايا..

يعني نفس اللحمة بيسووها اهلي او اهل جوزي في ساعة الا ربع..

عندي بتتسوى في 3 او 4 ساعات. مش فاهمة ايه القصة.. مع انها نفس النوع عادي

في حد عندو clueeeeeeeeeee للموضوع ده

ملوكة***
01-18-2010, 11:19 PM
اهنيكي على الموضوع الجميل ده بيخلينا نتباد ل الأفكار وبيساعد على الرغي هههههههه


انا بحب اغسل الاطباق والحلل لازم اغسلها بالسلك

هي بتوقف دراعي بس لازم تلمع

وانا بستخدم فيري ليمون

رووووووووووووعة

تسلمي حبيبتي على التوبيك
احلى حاجة دعك الحلل بالسلك الناعم والصابون القطع جوزي بيتخانق معاي اجيبلك تيفال اقوله لا الا الالمنيوم ده مزاج

اها انا اول باول بغسل لو كوبلية بتتوسخ مني
وخاصة لما بطبخ
وكمان مش بكون مكركبة رخامة المطبخ لازم تكون رايقة وانا بعمل اي حاجه
وكمان لما بغسل الثلاجة وبشطفها في الاخر بحط فانيليا في المية
عارف انا بمسح التلاجة بماء وشوية خل بيخليها فل ويسحب اي ريحة تيجي فيها وتفضل فترة طويلة ماقيهاش اي روائح


أنا كمان بغسل أول بأول المواعين بس مش بيعجبني ولا فيري ولا بريل ولاأوكسي ومش عارفه حكايه الكلوركس دي حلوه ولا لأ بس هجربها أما المسح فأنا بمسح يابديتول أو سافلون بحب ريحتهم وبحس بنضافه السيراميك أكتر
دودي حلوه فكره الفانيليا دي بس ياتري فانيليا بودر ولا سائل؟ هجربها برضه
انا مش فاكرة ايه الموجود في مصر بس فاكرة ان الفيري والبريل كويسين واللي كتن تحفة لتنظيف الحمامات الجنرال البنفسجي ومسح ارض البيت

موضوع حلو يمحبوبه ويشجع علي الشغل

انا برده مبحبش اركن مواعين اول باول وعلشان الاكل مييلزقش عليها ويبقي صعب ف التنظيف
ديتول حلو بس قريت ان زياده المطهرات بينتج عنه نتيجه عكسيه لان الميكروبات والجراثيم بتنتج منها نوع مقاوم لنفس المطهر الي بتستعمليه علي طول يعني مش بالكتره

والبيت افضل كلوركس اقوي بس اخففه لان ريحته قويه وبتتعب الصدر

حلوه فكره الفانيليا دي يادودي
شكرا علي الموضوع
لازم تغيري نوع المطهر كل فترة وممكن تستخدمي كلوركس الازرق بتاع الالوان ريحته حلوة واخف من الابيض

فعلا يا رانية
الآن مقشة الأرز بيد طويلة
أفضل من كسر الضهر
محبوبة يا قلبى
المقشة مصنوعه من أعواد الأرز الجاف
وهى ممتازة فى كنس السجاجيد
انا بجيب للسجاد مكنسة زي فرشة البلاط بالظبط بس كبيرة وقوية ولها يد طويلة بتخليها فل وتسحب كل الخيوط والشعر ختى من قعر السجادة


اميره بجد ضحكتيني بلاش تنضفي اكباس الكهربا بقماشه مبلوله ميه ولا استني النور يقطع ونضفيها
البوتجاز بعد الغداء بسلك وتلبسي جوانتيعلشان ضوافرك وشويه ديتول وفيري عليه واغسليه ف ثانيه هتلاقيه نور
اكباس النور انا بنظفها بقطنة وكحول ( السبرتو الابيض )
والبوتاجاز بجيب جف كريم او فيري بخاخ معرفش موجودين في مصر ولا لا وبعدين بغطيه بالفويل واغيره كل اسبوع

رانيا المقشه دي حلوه قو فكرتني بالجريد بتاع النخل من غير بلح طبعا حلو برضه في التنضيف


اه يامحبوبه زوجى اللى اقصده بخاخ الياسمين جليد انا بارشه فى الحمام

على الحيطه بين البلاط ( فوق الفواصل )

علشان الاسمنت الموجود يتشرب العطر ويقضل اطول فتره ممكنه

خصوصا فى حمام الضيوف كتير لما يخشوا بيسالونى على الريحه الحلوه

انا باقفل باب الحمام شويه بعدها بافتح الشباك يهوى

( لما الولاد يكونوا فى المدرسه )

بالمناسبه فى الصيف بارش بودره النمل جنب الحيط تحت الرخامات

وارش عليها البايجون علشان يمسك البودر وتدى مفعول مضاعف وارجع البلاطات تانى

لازم الموضوع اعمله والولاد فى المدرسه وانا بالبس كمامه جايباها من الصيدليه

يارب اكون افدتكم اخواتى
بالنسبة للنمل والصراصير ماما جابت لي زجاجة صغيرة فيها مركز للنمل خفيته في لتر ماء ارش رشة واحدة في السنة والله طول السنة ما اشوف نملة واحدة خطيييييييييييييير جدا
والصراصير البويك حلو بس تعمليه في البيت مش جاهز


أنا آسفة محبوبة على التأخير في الرد
حبيبتي كلوركس بتاع الغسيل و بس نقطة صغيرة و تشطفي الكبيات بعدها كويس و ان شاء الله مفيش ضرر و لا شيء و ممكن تكتفي بس بالديتول و برضو مش كتير
بلاش المواد دي في الحاجات اللي بناكل فيها دول بيحذروا وبيقولو لازم نشطف من صابون المواعين كويس فمابالك بالكلور ولا الديتول انا شايفة انه غلط

ملوكة***
01-18-2010, 11:23 PM
رنون:066::066:
يابنات حد يقولى طريقه للمكرونه الباشميل مضمونه نفسى اعملها وتطلع حلوة بجد:0149::0149:
ادخلي على تجمع حوامل وامهات مصر الجزء 21 صفحة 68 ح تلاقي الطريقة واي خدمة
الرابط اهو
ممنوع وضع روابط بداخل الردود
و شكرا لالتزامك

maha_86
01-18-2010, 11:26 PM
موضوع رائع ياقمر ومجمع الحبايب كلهم هنا يلا علشان نستفاد كلنا من بعضنا

maha_86
01-18-2010, 11:36 PM
ياوصفاتك ياملوكه تسلمى وتسلم وصفاتك

maha_86
01-18-2010, 11:37 PM
ملوكه بالنسبه للصراصير انتى قولتى ايه ويتعمل ازاى في البيت لانى انا همشي من البيت بسببهم خلاص تعبت منهم كل مااقول خلاص مفيش الاقي بدا يظهر

ملوكة***
01-18-2010, 11:38 PM
alhananana (https://alfrasha.maktoob.com/user420900/)


انتى شطوره وكل اللى بتعمليه جميل وحكايه الجونتى حلوه قوى

واستمرى علشان تفضلى متعوده عليه - حلو لما تقلعيه

وتلاقى ايديكى ناشفه كانك ماعملتيش حاجه

بالنسبه للبصل علشان الريحه ومش يوجع عنيكى الحلوه

فيه ماكينه مخصوص يدويه - تحطى البصله فيها وتقفليعا

ليها يد تلفيها وبكده نفرمى البصله بدون عواقب الدموع والايدين

حاجه تانيه انا باعملها خلى جنب الحوض كريم للايدين

علشان بعد ماتخلصى تدهنى ايديك وتحافظى على نعومتها

تطلعى من المطبخ ايديكى ناعمه ونظيفه

الموضوع ده حلو ومفيد
موضوع الجني مفيدمعملي جدا انا عن نفسي بستخدمه على طول
بس فيه حاجة على الحوض مقدرش استغنى عنها زجاجة غسول يدين سائل ديتول او لايف بوي بلاس عشان بحب كل شوية اغسل ايدي

فكرة تانية يا بنات....

عصجو اللحمة المفرومة كلهااااااااااا مرة واحدة وعبيها في اكياس على قد الأكلة وحطيها في الفريزر ولا بيحصل ليها حاجة..

لما تيجي تعملي اي اكلة زي المكرونة البشاميل او الكوسا بالبشاميل ، هتكوني مخلصة بند اللحمة المتعصجة من زمان ومتحمليش همها.. يا دوب تطلعيها تدوب بس..
شوفي يا حنون انا مابحبش اتبل اللحمة والفراخ والسمك واشيلهم في الفريزير بحس طعمهم بيتغير اشيلهم خام وقبل ما اطبخ بيوم اطلعهم بالليل واتبلهم واسبهم بايتين في التلاجة من بالليل بيكون الطعم احلى وطازة اكثر
الحاجات اللي بشيلها في الفريزر الكسيرة اقطغها واغسلها وانشفها واحطها في علبة واشيلها لان استخدامه مش كتير ولما بجيب ربطة بتبوظ في التلاجة فيوم ما احتاج الاقي
الشبت لانه مش متوفر على طول وساعات يبقى غالي الربطة تصل 10 ريال والربطة هنا كبيرة اوي اغسله وانشفه واقطعة واحطه في علبة بلاستيك
كمان الليمون اجيب كرتونة اعصرها كلها واحطها في اكياس بلاستيك مقسمة على شكل مكعبات التلج ولما احتاج اطلع مكعب مكعب واعمل عصير الليمون بالنعانع في ثواني او الليمون السخن لو حد عيان
كمان النعناع اقطفه بس من غير غسيل واحافظ عليه ناشف في علبة ناشفة في التلاجة مش الفريزير بيقعد بالاسبوعين والتلاتة زي ما هو واستعمله في كل شئ
كمان بعمل فلافل واشيلها في كياسبالفريزر
كمان ادمس فول واشيله في كياس بالفريزر
كمان البليلة زيهم


بنات بليز يا ريت لو حد يعرف يقولي طريقة لتسوية اللحمة بسرعة لأنها بتاخد وقت قوي معايا..

يعني نفس اللحمة بيسووها اهلي او اهل جوزي في ساعة الا ربع..

عندي بتتسوى في 3 او 4 ساعات. مش فاهمة ايه القصة.. مع انها نفس النوع عادي

في حد عندو clueeeeeeeeeee للموضوع ده
مالك الا حلة الضغط روووووووووووعة

على فكرة ماما بتجيب الزيوت العطرية دي من المحلات اللي بتبيع مستلزمات الحلويات زي مطير وخليل بالاسكندرية

ملوكة***
01-18-2010, 11:45 PM
ياوصفاتك ياملوكه تسلمى وتسلم وصفاتك
الله يخليكي يا ميهو بس اوعو تزهقو مني اصلي انتي عارفة شغل البيت ده بالنسبة لي زي الهوا والمياه اتعود عليه
اصل ابوية اتوفي وانا عندي 5 سنين وانا اكبر اخواتي ومامتي ربنا يديها الصحة يارب بتشتغل فاتحملت مسئولية البيت واخواتي من بدري عشان اساعدها فشغل البيت والترويق والطبيخ ده بقى بالنسبة لي لعب عيال

ملوكه بالنسبه للصراصير انتى قولتى ايه ويتعمل ازاى في البيت لانى انا همشي من البيت بسببهم خلاص تعبت منهم كل مااقول خلاص مفيش الاقي بدا يظهر
بصي يا ستي بتجيبي البوريك مثلا لو نص كباية بتحطي عليه نص كوب سكر ونص كوب حليب نيدو ومعلقة دقيق ومعلقة ماء وتعجنيهم بس تكوني لابسة جونتي ولو لاقتيه يابس زودي معلقة ماء وكوريه كور بالليل وسبيها تنشف للصبح ح تبقة حجر وارميهم في كل مكان بس بلاش تحت العفش عشان لو اطفالك بيحبو مايكلهوش يعني فوق الدواليب وجواها والحتت المدارية

ملوكة***
01-18-2010, 11:50 PM
والله يا بيبو كسبتي ثواب فينا بالموضوع ده
شيق وجميل وبيطلعنا من هم الحمل والولادة
وبيساعدنا على الرغي اكتر وبيطلع الطاقات المدفونة
وحاسة كده انه ح يجرنا كلنا هنا ونسيب هناك
ههههههههههههههه
:t7:

ملوكة***
01-18-2010, 11:57 PM
ايه يابنات نمتو ولا ايه ؟؟؟؟؟؟؟؟؟؟؟

sosohady
01-19-2010, 05:27 AM
اللحمه لو ح تعمليها مسلوقه علشان تاخدى شوربتها للطبخ

خلى الميه تغلى الاول

وبعدين تحطى اللحمه

ووطى عليها واحكمى الغطاء


لوعايزاها كباب حله وطى النار عليها من الاول

مع وضع نصف كوب ماء وكل شويه تقلبيها

ح تنزل الميه وتتشربها تانى لغايه ماتنشف وتقلبى

وتحطى شويه ميه عليها


ممنوع وضع روابط بداخل الردود
و شكرا لالتزامك

** أم رانيا **
01-19-2010, 11:22 AM
ما شاء الله عليكي يا ملوكة

شاطرة شاطرة

وربنا يقومك بالسلامة ان شاء الله

ام فوشكا
01-19-2010, 01:26 PM
أنا دايما استعمل الجوانتى زيك يا عسل
فى البصل والثوم والمحشى واللحم والفراخ النية عشان الريحه
الكيس رخيص جدا بحوالى 2 جنيه
وفيه 100 جوانتى يا بلاش
*******************************
نفسى أسأل
فويل البوتجاز ده
ما أنا كل ما يتوسخ هغيره
مش تكلفه برضه كل يوم أغير فويل الوتجاز
**********************************
أميرة الكيلانى
منورة المنتدى والملف كمان
شوفى يا قلبى
اعملى سمبوسك جاهز عالتحمير
فراخ بانيه متبله فقط بالبص والبهارات والبيض
والبقسماط يوم التحمير
اعملى صواتى فويل كفته داود باشا جاهزة عالتسخين
اعملى كمااااااااااااااااااااااااااااااااااااان يا ستى
خرشوف منظف ومسلوق دقيقة بليمون وكمون وملعقة دقيق ومحمر خفيف
وجاهز على الحشو
وكمان عصجى 3 ك لحمه مفرومه
وقسميهم فى أكياس
كل كيس نصف كيلو مثلا
ده يحل أى أزمه
يعنى مكرونه بالعصاج مثلا وجنبها بطاطس محمرة

مش هقولك بأه على الخضار ده مفيش أسهل منه
يعنى تشتريه منظف
وميه سخنه وبعدين ميه ساقعه
وتخزين فى الفريزر
خلصت الشغلة
على فكره ده نظامى فى رمضان
زيادة عليه بأه
شربات الكنافه
المكسرات الجاهزة كلها
خلطه الأرز بخلطه بالكبد والمكسرات


وأى خدمه يا فندم
لا تنسنى من دعواتك

ام فوشكا
01-19-2010, 01:37 PM
ما شاء الله لا قوة الإ بالله
الحوامل جم هنا ولا إيه
ربنا يرزقكم الذرية الصالحه التى تقر بها اعينكم

ام فوشكا
01-19-2010, 01:38 PM
بنات بليز يا ريت لو حد يعرف يقولي طريقة لتسوية اللحمة بسرعة لأنها بتاخد وقت قوي معايا..

يعني نفس اللحمة بيسووها اهلي او اهل جوزي في ساعة الا ربع..

عندي بتتسوى في 3 او 4 ساعات. مش فاهمة ايه القصة.. مع انها نفس النوع عادي

في حد عندو clueeeeeeeeeee للموضوع ده




ممكن تولعى:0149: البوتجاااااز
:ق100::ق0::ق555::ق3::ق555::ق0::ق100::ق100:

رانية المصرية
01-19-2010, 01:48 PM
اللحمة او الفراخ او البط و الوز وكده يعني
احسن حل ليها حله الضغط
كلها من 20 الي 40 دقيقه كله بيكون مستوي
و الحله دي بــ 610 في مونوليكس موجوده اسباني سعه 12 لتر تحفه :)
و بتعمل فول كمان يعني تحطي الفول و عليه المية وشويه زيت خفيف جدا و كم فص توم و حبهان و ورق لورا و تقفلي وهو هيستوي هيبقي زبده :) في خلال 40 دقيقه فقط و يمكن اقل حسب حجم الفوله نفسها .

sosohady
01-19-2010, 02:07 PM
اميره الكيلانى

اعملى كفته لحمه صوابع اللى بالرز وحمريها

ووزعيها فى اكياس ولما تحتاجى طلعى كيس

وضعيه فى الدمعه الحمرا

كده تبقى عملتى كفته فى دمعه وجنبها رز

على فكره الكفته انا مش باحمرها بارصها فى حله تيفال

وعليها نصف كوب ماء واوطى وتكمليها زى كباب الحله

انا باعمل كده كتخفيف من الزيوت افضل لجسمنا

ح اكتب لك تانى

amira alkilani
01-19-2010, 03:00 PM
شكرا لكم ياحبايبى على تعاونكم واقتراحتكم وجارى التنفيذ بالحرف

alhananana
01-19-2010, 03:55 PM
موضوع الجني مفيدمعملي جدا انا عن نفسي بستخدمه على طول
بس فيه حاجة على الحوض مقدرش استغنى عنها زجاجة غسول يدين سائل ديتول او لايف بوي بلاس عشان بحب كل شوية اغسل ايدي

شوفي يا حنون انا مابحبش اتبل اللحمة والفراخ والسمك واشيلهم في الفريزير بحس طعمهم بيتغير اشيلهم خام وقبل ما اطبخ بيوم اطلعهم بالليل واتبلهم واسبهم بايتين في التلاجة من بالليل بيكون الطعم احلى وطازة اكثر
الحاجات اللي بشيلها في الفريزر الكسيرة اقطغها واغسلها وانشفها واحطها في علبة واشيلها لان استخدامه مش كتير ولما بجيب ربطة بتبوظ في التلاجة فيوم ما احتاج الاقي
الشبت لانه مش متوفر على طول وساعات يبقى غالي الربطة تصل 10 ريال والربطة هنا كبيرة اوي اغسله وانشفه واقطعة واحطه في علبة بلاستيك
كمان الليمون اجيب كرتونة اعصرها كلها واحطها في اكياس بلاستيك مقسمة على شكل مكعبات التلج ولما احتاج اطلع مكعب مكعب واعمل عصير الليمون بالنعانع في ثواني او الليمون السخن لو حد عيان
كمان النعناع اقطفه بس من غير غسيل واحافظ عليه ناشف في علبة ناشفة في التلاجة مش الفريزير بيقعد بالاسبوعين والتلاتة زي ما هو واستعمله في كل شئ
كمان بعمل فلافل واشيلها في كياسبالفريزر
كمان ادمس فول واشيله في كياس بالفريزر
كمان البليلة زيهم


مالك الا حلة الضغط روووووووووووعة

على فكرة ماما بتجيب الزيوت العطرية دي من المحلات اللي بتبيع مستلزمات الحلويات زي مطير وخليل بالاسكندرية
ايوة يا ملوكة يا حبيبتي..
انا بعمل زيك في خضرة المحشي بجيب مرة واحدة البقدونس والشبت والقصص دي واغسلها كويس واقطعها وفي الفريزر لأنها بتبوظ بسرعة ومبحتاج الكمية ابدا كلها مرة واحدة..

بالنسبة لحلة الضغط.. عنديييييييييييييييييييييي منها تخيلي بس انا جبانة جداااااااااا منها..
اصل حصل حادث قدامي وانا طفلة فخفت منها وقررت مستعملهاش حتى سايباها في جهازي في مصر مجبتهاش معايا هنا..
اخويا وهو صغير متعرفيش ايه حصل وهو في المطبخ انفجرت الحلة وعورتلو رجلوووووو قوي يعني فانا بقى عندي فوبيا.. مبستعملهاش ابدا..





أنا دايما استعمل الجوانتى زيك يا عسل
فى البصل والثوم والمحشى واللحم والفراخ النية عشان الريحه
الكيس رخيص جدا بحوالى 2 جنيه
وفيه 100 جوانتى يا بلاش
*******************************
شفتي الجمالللللللللللل.. يا بلاش وايديكي تفضل ريحتها روعة ولا كأنك لمستي توم ولا بصل ولا اي فراخ او لحمة او حشيتي محشي..:0112:


[QUOTE]
نفسى أسأل
فويل البوتجاز ده
ما أنا كل ما يتوسخ هغيره
مش تكلفه برضه كل يوم أغير فويل الوتجاز
**********************************


لألألألأ مش كل يوم تغيريه...
كل ما يتوسخ وغالبا بيكون كل اسبوع..
انتي حاولي تكوني حريصة عليه ميتوسخش بس طبعا مش يتغير يوميا لو في حاجة بسيطة وقعت عليه اول بأول امسحيها بس طبيعي كل اسبوع غيريه واغسلي البوتوجاز من تحته كمان..





ممكن تولعى:0149: البوتجاااااز

:ق100::ق0::ق555::ق3::ق555::ق0::ق100::ق100:

بولعووووووووووووووووو والله وبفضل قاعدة جمبه بالساعات مبصدقش ان اللحمة استوت لازم اهريها وبرضو مبتتهراش.. :ج1:

ام فوشكا
01-19-2010, 04:46 PM
شكرا يا جميل

emy-AE
01-19-2010, 06:57 PM
هااي بس مش عارفة ايه الموضوع
عموما بس لفت انتباهي حكاية فويل البوتاجاز و محبتش أطلع قبل ما أقولكم خلو بالكم من فتحات التهوية بتاعة الفرن ما تسدوهاش بالفويل علشان خطر جدا
فتحات التهوية دي موجودة آخر شيء على سطح البوتاجاز
ودمتم بخير

ام فوشكا
01-19-2010, 07:11 PM
تسلمى يا ايمى

الزهرة المتألقة
01-20-2010, 07:57 AM
في برضة طريق لتخزين الملوخية جميلة جدا
تقطفي الملوخية وتغسليها وبعدين تسيبيها تنشف وتحطيها في الفريزر في أكياس على أد الطبخة وهى ورة من غير ما تخرطيها
وبعدين ما تطلعيها الا لما الشوربة تكون بتغلى وتحطيها في الكبة تتفرم وبسرعة تحطيها في الشوربة
بتكون خضرة وطعمها جميل

sosohady
01-20-2010, 08:16 AM
ممكن تطبخى الباميه عادى جدا بدون تقليه

وتوزعيها فى علب بلاستيك فى الفريزر

وتطلعيها يوم الاكل علشان تفك من التلج لوحدها وتعملى ليها التقليه


ممكن تطبخى البسله عادى وتوزعبها فى علب وتطلعيها يوم الاكل

ممكن تعملى محشى ورق العنب وغيره ويوم الاكل تغلى الشوربه او الماء

وتضعيها عليه بس بعد مايفك من التلج

ممكن تعملى صينيه المكرونه بالبشاميل وتضعيها فى الفريزر بدون سواء

ويوم الاكل تستوى بس بعد ماتفك من التلج

ممكن تجيبى عجينه الطعميه من بتاع الطعميه وتوزعيها فى اكياس او علب

وتقليها وقت الاحتياج بعد غمسها فى السمسم

اما كنت فى السعوديه واجى لامتحاناتى كنت املا الفريزر لجوزى

بس نصيحه اعملى وقت الظروف مش دايما

لان مافيش احسن من الاكل الفريش

وبالهنا والشفا

ام فوشكا
01-20-2010, 09:42 AM
ما شاء الله أفكاركم حلوة
افتكرت حاجه برضه يمكن تعجبكم
لو عايزة العصاج ما يقعش من الجلاش أو السمبوسك أو المكرونه البشاميل أثناء الأكل
أثناء تعصيجه قبل ما تطفى النار
رشى رشه دقيق محترمه وقلبى واطفى البوتجاز واستعمليه
لن يتناثر أثناء الأكل

sosohady
01-20-2010, 09:51 AM
حلوه فكره الدقيق على العصاج يا ام فوشكا


منكم نستفيد

الزهرة المتألقة
01-20-2010, 02:52 PM
فكرة حلوة أوى فكرة الدقيق دى
جزاك الله خير أم فوشكا

دودي انا
01-20-2010, 06:37 PM
لما تيجي تغسلي السجاد وتشطفيه وانتي بتشطفيه بالمية خلي الممسحة معاكي وزوقي المية بيها
هتلاقي الصابون طلع معاها
وكمان الفراخ لما تحطيها في الفريزي بعد التنظيف ابقي حطي عليها ليمون وخل وانتي بتغسليها
الفريزي لما تيجي تنظفيه شيلي كل حاجه بعد كدا اغلسيه وحطي الفانيليا زي ما بتعملي في الثلاجة
بس استني لما ريحت الفانيليا تهدي شوية
لو مش بتستعملي الصلصة الجاهزة وبتسبكي الطماطم مع التسبيكة حطي معلقة صلصة بتخليها حمرا وليها طعم

amira alkilani
01-21-2010, 10:50 AM
اية الفن دة يابنات عايزين نستمر وانا لما اخلص الامتحان اقولكم على ابداعاتى و يارب اكون رايقة ساعتها

ام سلمه1
01-21-2010, 11:06 AM
انا عند نفس احب المطبخ شوفوا با بنات ايش انا بسوي كل يوم اضب منامات الاولاد بعدين اشطف البيت وانشر غسيل واطبخ وبعدين اكوي وبعدبن احط عسيل بلغساله
وبعدين افرش الدار وبعدين اليف الحمام وبعدين اصفط الغسيل وبعدين اكنس البرنده وبعدين اشطها وبعدين امشى عندحماتي اشتغلها بشغل اللدارها لانها مره كبيره وبعدين اولادي يروحا من المدرسه واطعمبهم وابدا ادرس هذا عملي اليومي والصلوات بين الاعمال والله بعينا

amira alkilani
01-21-2010, 03:08 PM
الاخت ام سلمة ماشاء اللة ربنا يحفظك ويعيينك

رونة ورزونة
01-21-2010, 03:11 PM
ما شاء الله
ام سلمة
الله يعينك

همسايه
01-21-2010, 07:03 PM
ما شاء الله يابيبو ايه المواضيع الهايلة دى
وكمان بانت شطارة المصريات والله معلومات قيمة ومهمة جدا وانا استفدت منكم كتير
وافكاركم كلها حلوة ومفيدة وجارى التنفيذ لمعظمها
عجبتنى اوى فكرة غسيل السجاد بالخل وغسل التلاجة بالفانيليا وفكرة الجوانتى حلوة برضه
لى عودة بافكارى انا كماااااااااااان

محبوبه زوجى
01-21-2010, 08:04 PM
هلا يابنات
رانيا أنا عملت الرز بلبن بطريقتك بجد طلعت تحفه جامده جدآ عجبت جوزي وأهله وأهلي جدآ
عايزه بقا يابنات طريقه حلوه للمهلبيه اللي بلبن ونشا بليز

ام سلمه1
01-21-2010, 11:52 PM
على فكره مكملتش ايش بسوي كمان انظف غباير وانظف الثلاحه وخزانه المطبخ
وكمان والغاز يومي والجلي كله اسويه قبل ما يجي زوجي ولما يجي استكبله بملابس حلوه ومعطره ومكيجه وداد اخر طراز ولولاد لابسين ملابس حلوه

محبوبه زوجى
01-22-2010, 12:01 AM
ربنا يباركلك ياأم سلمه

ملوكة***
01-22-2010, 02:08 AM
هلا يابنات
رانيا أنا عملت الرز بلبن بطريقتك بجد طلعت تحفه جامده جدآ عجبت جوزي وأهله وأهلي جدآ
عايزه بقا يابنات طريقه حلوه للمهلبيه اللي بلبن ونشا بليز
جربي المرة الجاية تحطي فانيليا بدل الماورد وتضيفي 3 فصوص مستكة مدقوقين واتبعي نفس الطريقة
المهلبية نفس الطريقة بدون اضافة الرز يعني الحليب والفانيليا والسكر يغلو ترفعيهم من النار وتكوني مدوبة النشا في الماء وتحطيهم مع التقليب وخلاص
كمان انل بهد مابعمل المهلبية بعمل كراميل واحطة في قارب بيركس واصب عليه المهلبية وادخلهم الفرن بتطلع روعة او العكس ممكن تحطي الكراميل على الوش

محبوبه زوجى
01-22-2010, 02:25 AM
نيرمو ياجميل منور ياشيف
انا مش عندي مستكه أجيبها منين دي ؟
وبعدين أحطها أمتي و دي بدل الماورد
شوفي كمان انا عندي صوص كراميل جاهز ممكن أحطه ولا لازم أعمله بالسكر

ملوكة***
01-22-2010, 03:10 AM
المستكة من عند العطار بس مش بدل الماورد دي اضافة تانية بتخلي للرز قوام وزي الرز الجاهز بالضبط بتضيفيها بعد ماتضيفي اللبن والسكر ويغلي كويس عشان تدوب اللي بدل الماورد هو الفانيليا وبتضيفيه قبل النشا على طول يعني ما تخليهوش يغلي عشان الطعم ما يتغيرش
ممكن تحطي الكراميل الجاهز بيطلع طعمه حلو

محبوبه زوجى
01-22-2010, 02:34 PM
شكرآ يا شيف نيرمين
هجيب المستكه وأعملها أن شاء الله
تسلم أيدك ياأم ملوكه

محبوبه زوجى
01-23-2010, 03:15 AM
فين الشطار النهارده ؟
كسلانين ليه

possy cat
01-23-2010, 05:33 AM
حلووو موضوعكم جداااااااااااااااااااااااااااااااا وحماس ماشاء الله احيكي عليه
والله انا بعاني فعلا من الكسل
بس بكون اشطر الشاطرين لمن تخرج من عندي الداده واعتمد على نفسي في تنظيف بيتي ومطبخي وحمامي واولادي واطبخ وكل حاجه بس مش كل يوم طبيخ .... افضل شغل البيت وترويق الشقه ولا الطبيخ وتوسيخ المطبخ اللي عيني تكون طلعت في تنظيفه بس برضه لازم اطبخ وبحرص شديد وغسيل للاطباق اول باول عشان ماحسش باعصار في المطبخ فتنسد نفسي
شكرا على الموضوع الضريف جداااااااااااا

ملوكة***
01-24-2010, 02:48 AM
فين الشطار النهارده ؟
كسلانين ليه

ازيك يابيبيو لا يا حبيبي مش كسلانين بس يمكن مش فاضيين اصل يوم الخميس كنت بنفض المطبخ كان عندي اجازة ويوم الجمعة عملت جدعة وقلت اعمل لهم محشي كرنب عملتو وعملت طاجن بامية بالحمة في الفرن بس طلع تحفة طبعا اخر اليوم كنت منهية

يالا ياستي حاقولك شوية افكار يمكن تكون مفيدة او جديدة عملتها اليومين اللي فاتو وقلت لازم اقول لكم عليها
1.. عشان تنظفي الميكروويف في ثواني حطي كوب ماء جواه وشغليه دقيقتين وبعدين افتحية وطلعي الكوب بس براحة لانه بيكون سخن وامسخيه بفوطة ناشفة ح ينظف هوا بدون دعك او تعب .

2.. لما تسلقي المكرونة في حلة الومنيوم حطي نقطة خل على الماء الحلة تفضل بيضاء زي ماهي وماتسودش من الغلية .

3.. طريقة حلو لقلي القرنبيط ضحكت على عيالي وقلت لهم دي ناجتس واكلوه وعجبهم بعد ما تسلقيه جيبي معلقتين صلصة وشوية مياه صغيرين خليها كثيفة وحطي عليها بيضتين وملح وفلفل واضربيهم وغطسي فيهم القرنبيط وبعدين طلعيه وحطيه في بقسماط مطحون واقليه طعمه روووووووووووعة وبالهنا والشفا

4.. طريقة حلوة لمحشي الكرنب لما يبات اتعلمتها من حماتي جيبي بيضة وشوية لبن وملح وفلفل وملعقة دقيق واضربيهم غطسي كل اصبع محشي في الخلطة وبعدين اقليهم في الزيت طعمه خطييييييييير وبالهنا والشفا
5.. لما بعمل البامية احنا في الاسكندرية بنعملها بدون تقلية بصفر البصلة واحط عليها مكعبات اللحمة لحد ماتنزل المياه وتشربها وبعدين اضيف عصير الطماطم واغطيها ولما تدخل اللحمة في السوا احط البامية وقرن فلفل اخضر وملح وفلفل واسيبها تستوي بعدين اقلبها في طاجن وادخلها الفرن تتسبك وساعة الاكل( من افكاري ) اكون جايبة 3 لمونات عصراهم في كوب وافرم عليهم فصين توم وكل واحد يغرف في طبقة يرش شوية على البامية طعمها حلو وخفيف

ولما افتكر افكار تانية ح اقولك عليها
بس قولو لي ايه رأيكم في دول (( بع التجربة طبعا ))

sosohady
01-24-2010, 09:17 AM
ازيك يابيبيو لا يا حبيبي مش كسلانين بس يمكن مش فاضيين اصل يوم الخميس كنت بنفض المطبخ كان عندي اجازة ويوم الجمعة عملت جدعة وقلت اعمل لهم محشي كرنب عملتو وعملت طاجن بامية بالحمة في الفرن بس طلع تحفة طبعا اخر اليوم كنت منهية

يالا ياستي حاقولك شوية افكار يمكن تكون مفيدة او جديدة عملتها اليومين اللي فاتو وقلت لازم اقول لكم عليها
1.. عشان تنظفي الميكروويف في ثواني حطي كوب ماء جواه وشغليه دقيقتين وبعدين افتحية وطلعي الكوب بس براحة لانه بيكون سخن وامسخيه بفوطة ناشفة ح ينظف هوا بدون دعك او تعب .

2.. لما تسلقي المكرونة في حلة الومنيوم حطي نقطة خل على الماء الحلة تفضل بيضاء زي ماهي وماتسودش من الغلية .

3.. طريقة حلو لقلي القرنبيط ضحكت على عيالي وقلت لهم دي ناجتس واكلوه وعجبهم بعد ما تسلقيه جيبي معلقتين صلصة وشوية مياه صغيرين خليها كثيفة وحطي عليها بيضتين وملح وفلفل واضربيهم وغطسي فيهم القرنبيط وبعدين طلعيه وحطيه في بقسماط مطحون واقليه طعمه روووووووووووعة وبالهنا والشفا

4.. طريقة حلوة لمحشي الكرنب لما يبات اتعلمتها من حماتي جيبي بيضة وشوية لبن وملح وفلفل وملعقة دقيق واضربيهم غطسي كل اصبع محشي في الخلطة وبعدين اقليهم في الزيت طعمه خطييييييييير وبالهنا والشفا
5.. لما بعمل البامية احنا في الاسكندرية بنعملها بدون تقلية بصفر البصلة واحط عليها مكعبات اللحمة لحد ماتنزل المياه وتشربها وبعدين اضيف عصير الطماطم واغطيها ولما تدخل اللحمة في السوا احط البامية وقرن فلفل اخضر وملح وفلفل واسيبها تستوي بعدين اقلبها في طاجن وادخلها الفرن تتسبك وساعة الاكل( من افكاري ) اكون جايبة 3 لمونات عصراهم في كوب وافرم عليهم فصين توم وكل واحد يغرف في طبقة يرش شوية على البامية طعمها حلو وخفيف

ولما افتكر افكار تانية ح اقولك عليها
بس قولو لي ايه رأيكم في دول (( بع التجربة طبعا ))


حلو ياملوكه وتسلم ايديك كله روووعه

بالنسبه للقرنبيط المقلى هو حلو قوى كده وبيحبوه عندى كلهم

بس لو عايزاه زى النجتس اللى بنشتريه افرمي القرنبيط واخلطيه ببيضه ومعلقتين دقيق وبهارات

وشكليه زى النجتس وقفليه بمساعده الدقيق وبعدين غطسيه فى البيض والبقسماط واقليه

وبالهنا والشفا

ام فوشكا
01-24-2010, 10:43 AM
ما هو يا حبيبتى
أكيد الناجتس إللى بنشتريه معمول كده
خخخخخخخخخخخخخخخخخخخخخخخخخخخخ


تسلمى على الافكار الحلوة يا ملوكة ويا ام سلمه ويا دودى ويا محبوبة

أنا قلت الفكرة دى قبل كده
بس نقول كمان
عايزة البصل إللى بنحمره عشان الكشرى والكشك والبصارة وما إلى ذلك مقرمش

رشى رشه ملح كويسه عليه اثناء التحمير
مهما كان شكله
هيطلع ممتاز
ودعواتكم

sosohady
01-24-2010, 01:20 PM
تسلم ايديكم الحلوه كلها حاجات حلوه

ح اقول كام حاجه خطرت على بالى


1- اذا الرز اتلسع منك شويه حطى فى قلبه بطاطسايه متقشره بتاخد طعم الحرق


2- لما تسلقى الفاصوليا البيضا ضعى ملعقه زيت بتستوى بسرعه


3- لو ح تدمسى فول فى البيت ضعى مع الفول ملعقه عدس او رز بيستوى بسرعه


4- لما تسلقى البيض وعندك بيضه مشروخه استنى بعد ماتغلى الميه مع باقى البيض
وتوطى عليه وبعدين حطى البيضه المشروخه


5- لما يكون عندك عزومه وزادت كميه فراخ يمكنك تاكليها تانى يوم ويكون طعمها رائع
بعمل الفحمه على البوتاجاز حتى تحمر ووضعها فوق شريحه بصل وعليها نصف
ملعقه زيت وتغطيها بسرعه بس تكونى سخنتى الفراخ اولا


بالهنا والشفا

محبوبه زوجى
01-24-2010, 01:39 PM
ملوكه حبيبتي مش بقولك انا هسميكي الشيف الأسكندراني بجد تسلم أيدك وكل سنه وانتي طيبه ياقمر
انا بعمل القرنبيط كده برضه وبحبه جدآ وكمان بحبه طاجن بالبشاميل
سوسو وأم فوشكا بجد تسلموا ياأحلي وأشطر ستات

alhananana
01-24-2010, 01:41 PM
الللللللللللللله..
ايه الحلاوة دييييييييييي..
tips & tricks.. هههههههههه :0149:

بس هو انا هفتكر اطبقهم ازاي..؟؟ :t8:

رانية المصرية
01-24-2010, 07:52 PM
هلا يابنات
رانيا أنا عملت الرز بلبن بطريقتك بجد طلعت تحفه جامده جدآ عجبت جوزي وأهله وأهلي جدآ
عايزه بقا يابنات طريقه حلوه للمهلبيه اللي بلبن ونشا بليز
:ق3: بالهنا و الشفا يا قمر:ق3:

فروحة 20010
01-24-2010, 07:58 PM
يسلموا
موضوع رائع

ملوكة***
01-25-2010, 08:25 PM
تسلم اديكو بجد بجد ستات شاطرين
ايوة كدة نستتمر على الافكار الحلوة دي

جميلة فكرة فرم القرنبيط ح جربه المرة الجاية ان شاء الله


تسلم ايديكم الحلوه كلها حاجات حلوه

ح اقول كام حاجه خطرت على بالى


1- اذا الرز اتلسع منك شويه حطى فى قلبه بطاطسايه متقشره بتاخد طعم الحرق


2- لما تسلقى الفاصوليا البيضا ضعى ملعقه زيت بتستوى بسرعه


3- لو ح تدمسى فول فى البيت ضعى مع الفول ملعقه عدس او رز بيستوى بسرعه


4- لما تسلقى البيض وعندك بيضه مشروخه استنى بعد ماتغلى الميه مع باقى البيض
وتوطى عليه وبعدين حطى البيضه المشروخه


5- لما يكون عندك عزومه وزادت كميه فراخ يمكنك تاكليها تانى يوم ويكون طعمها رائع
بعمل الفحمه على البوتاجاز حتى تحمر ووضعها فوق شريحه بصل وعليها نصف
ملعقه زيت وتغطيها بسرعه بس تكونى سخنتى الفراخ اولا


بالهنا والشفا
ماشاء الله افكارك حلوة
** كمان جربي تضيفي على الفول ليمونة بقشرها مقطعة على اربعة بتخليه مايسودش وكمتن طعمها حلو
** جربي لما تكون عندك بيضة مشروخة وعايزة تسلقيها لفيها بفويل (ورق قصدير او الومنيوم ) وحطيها عادي مع البيض بتستوي زي الباقي بالظبط

** وبمناسبة الفحم لما تعملي كفتة وبعد ما تسويها على البوتاجاز عادية وسعي حتة في وسط الصينية وحطي فيها فحمة مولعة جامد وحطي عليها حتة سمنة وغطيها على طول السمنة مع الفحم بتخليها كأنك شوياها على الفحم بالضبط

محبوبه زوجى
01-26-2010, 02:14 AM
والله حلوين وشاطرين ياأجدع ستات وبنات
انا عملت القرنبيط النهارده بعد ما فرمته بجد تحفه تسلم أفكاركم

Ra7eeQ AL HOB
01-26-2010, 02:34 AM
تعيشي يا مصر

ام فوشكا
01-26-2010, 08:43 PM
ما الجديد يا بنات لى عودة هعمل شوربة عدس بكره يميميميمييميى

ملوكة***
01-26-2010, 10:37 PM
ما الجديد يا بنات لى عودة هعمل شوربة عدس بكره يميميميمييميى
مساء الخير يا جميل اقولك على طريقتي ويارب تعجبك
اولا بجيب حلة واحط فيها ماء واحطها على النار تغلي وبعدين اضيف مجموعة خضروات مقطعة ( كوسة بطاطس وبصل وفصين توم وطماطماية مقشرة وجزر ) والعدس وشوية ملح ولما الكل يستوي اطخنهم سواء في الحلة بطحنة الشوربة او في الخلاط
ثانيا جيبي حلة اخري حطي فيها زيت وحتة سمنة وابشري بصلة وفصين توم وقلبيهم واول ما تصفر ضيفي مشروم مقطع سواء فريش او معلب وشوية شعرية صغيرين وكمون وملح وشطة ولو في بهارات اخري بتفضليها ولما كله يتحمر ضيفي عليها العدس وممكن باكو كنور ( المرقة الفورية ) او ممكن ماتضفيش شعرية ومرقة وتضيفي باكو كنور شوربة الشعرية وقلبيهم على نار هادية ولما يغلي غلوتين اطفي عليه
ومع الأكل ممكن تحمصي عيش في الفرن او تحمريه في السمن
وبالهنا والشفا

sosohady
01-27-2010, 01:22 AM
ملوكه جديده حكايه المشروم دى انا ح اعملها ومتوقعه ليها النجاح الباهر


الفكره اللى عندى زى ماعملتيها بالضبط بس من غير مشروم

وتسقطى فيها صوابع كفته لحمه مستويه حسب الرغبه طبعا

وبالهنا

possy cat
01-27-2010, 06:04 AM
تسلم ايدك ملوكة حجرب الطريقه دي

possy cat
01-27-2010, 06:12 AM
لو سمحتي ملووووكه
ممكن تديني طريقة عمل الكشري على الطريقه المصريه
وخصوصا الدقه
وشكرا ليكي

ام فوشكا
01-27-2010, 10:01 AM
مش ممكن يا ملوكه
هطلع أنا إنتى وأنتى أنا
هههههههههههههههه
أنا بعمله كده بالضبط
حتى العيش المحمر
أنا على كل حال
عملته وصفيته خلاص تسلمى

محبوبه زوجى
01-27-2010, 12:58 PM
ملوكه انا بعمل العدس بالشعريه كده بالظبط بس زياده المشروم ده مابعملوش كده بس هجربه طالما كمان أم فوشكا بتعمله كده ياشيف

محبوبه زوجى
01-27-2010, 01:55 PM
معلش ياشاطرين شورو عليا أنا هعمل اسباجتي و كوردن بلو
أعمل جنبهم أيه ؟

ملوكة***
01-27-2010, 09:22 PM
لو سمحتي ملووووكه
ممكن تديني طريقة عمل الكشري على الطريقه المصريه
وخصوصا الدقه
وشكرا ليكي
مساء الخير يا جميل اقولك طريقة الكشري المصري

اولا انقعى العدس ابو جبة وكل ماتنقعيه اكتر يستوي معاكي بسرعة
ثانيا انقعى حمص الشام الكامل وليس الأنصاف وممكن عشان تخفي الغازات والانتفاخات حطي على كل واحد فيهم ربع ملعقة بيكربونات الصوديوم اثناء النقع
ثالثا احرصي على ان يكون استخدامك للزيت فقط وماتحطيش سمنة او زبدة خالص على اي مكون من مكونات الكشري
نيجي لوقت التحضير

اشطفي العدس والحمص واسلقي كل منهم على حدى وحطي عليه بصلة كاملة وشوية ملح وفلفل وشطة بسيطة وبعد السوا صفيهم من الماء
اسلقي مكرونة مع شوية ملح وانا بحط صنفين مكرونة مع بعض عقل واسباجتي وصفيها وبعدين رجعيها الحلة تاني مع شوية زيت وملح خفيف وقلبيها
اعملي ارز بالشعرية ولسان العصفور بالطريقة المعتادة ( تحمير الشعرية ولسان العصفور ولو عندك تروس ودوائر ضيفي كمان عليهم وبعدين ضيفي عليهم الارز لحد ما يتشرب ميته وضيفي الملح والماء وغطيه لحد مايستوي )
قطعي بصل كتير شرائح واقليه في زيت غزير ولما يتحمر خالص طلعية على مناديل المطبخ
الدقة البيضاء : هاتي الخلاط وحطي فيه نصف راس ثوم وقرنين فلفل اخضر ونصف كوب خل وملح وشطة وممكن كمون وشوية زيت واضربيهم مع بعض وحطيهم في زجاجة واتركيهم يهدو .
الدقة الحمراء : حمري كام فص توم مفروم وضيفي عليهم برطمان صلصة وشطة وفلفل وكمون وملح وماء وخليها تغلي كويس وتكون سميكة
وقت التقديم
في طبق عميق حطي الارز وبعدين المكرونة وبعدين العدس ورشي صلصة حمراء وبعدين الحمص والآخر البصل وطبعا كله في طبقات
وبالهنا والشفا


مش ممكن يا ملوكه
هطلع أنا إنتى وأنتى أنا
هههههههههههههههه
أنا بعمله كده بالضبط
حتى العيش المحمر
أنا على كل حال
عملته وصفيته خلاص تسلمى

انا لي الشرف اكون زيك يا ام فوشكا



معلش ياشاطرين شورو عليا أنا هعمل اسباجتي و كوردن بلو
أعمل جنبهم أيه ؟

طبعا السلاطة الخضراء وممكن تجيبي بطاطس اغسليها كويس من غير ماتقشريها ولا تقطعيها ولفيها بفويل وحطيها في الفرن وبعد ما تستوي طلعيها واعملي فيها شق بالطول حطي فيه حتة زبدة
وملح وفلفل وبالهنا والشفا
زي البطاطس اللي بتتقدم مع الستيك والتي بونز في فرايديز وابل بيز

رانية المصرية
01-28-2010, 12:22 AM
حلوه افكار العدسهنجرب

الفراشه الخضرا
01-28-2010, 03:31 AM
كلامكم تحفه انا بقي اولادي لسه بيبي واخدين معظم وقتي انا بنام 4 ساعات في اليوم بس
برنا يعيني بس مبهملش في البيت ابدا كله بيجي علي صحتي بس معلش بكره الولاد تكبر وافوق
عايزه اسالكم عن طريقه الرز بلبن حلوه
وكمان ايه اللي بيتحط عالبوتجاز غير الفويل وبيتباع فين في جده لو حد عارف
ليه تكمله معاكم اقلكم علي يومي ماشي ازاي بس انيم الولاد هههههههه
سلام مؤقت مستنيه مساعدتكم

الزهرة المتألقة
01-28-2010, 02:54 PM
مشكورة ياشيف ملوكه

عجبتنى فكرة نقع العدس

الله يبارك فيك وفي وصفاتك تحفة

محبوبه زوجى
01-29-2010, 03:15 PM
نصايح بعملها في مطبخي :
1بضيف ملعقه سكر لسلق اللحمه لأن ده بيساعد علي تسويتها بسرعه
2لمنع تطاير روايح زيت القلي يوضع نص ليمونه في زيت القلي
3لسلق البطاطس بسرعه قسريها من جهه واحده فقط قبل السلق
4برطمان الصلصه بعد ماتفتحيه علشان مايفسدش ويعمل طبقه عفن حتي لو في التلاجه حطي معلقه زيت بعد كل استخدام


Content Relevant URLs by vBSEO 3.6.0