المساعد الشخصي الرقمي

مشاهدة النسخة كاملة : حملي وولادتي ونفاسي بالتفصيييييييل الممل لعيونكم



<<ورده>>
01-17-2010, 02:09 AM
السلام عليكم ورحمه الله

كيفكم ياحلوات

اووول شي انا بحكي لكم قصه حملي وولادتي ونفاسي ومابعد النفاس ان شاء الله عشان تستفيدوا وبحاول اقول لكم على كل شي غلط سويته عشان تتفادوه << خخخخخخخ حلوه تتفادوه صح ؟


المهم ياقمرات
اولا:

ولدت والحمد لله وجبت حبيبي وروحي بصحه جيده يعني باركو لي خخخخخ:t0:
اكثر شي ينرفزني اللي تفتح موضوع وتقول انها ولدت طيب فيدينا شوي وانصحينا في الولاده والنفاس

مو بس انا ولدت !!!:0144:


راح ابدأ احكي لكم :

1) الحمـــــــل :


هذا اول حمل لي يعني بكريتي بالنسبه لحملي اللي يسالوا متى عرفوا انا عرفت وانا في الاسبوع السابع عن طريق التحليل المنزلي وماكنت احس بأي شي قبلها
اوووول ما عرفت بدا الوحم << ليتني ماعرفت اللا متأخر


وحامي للي يسألوا عن وحام الولد كان بس غثيان وقرف واكره ريحه الاكل وابكي من الجوع طبعا قعدت هذيك الفتره عند اهلي لاني ماكنت اقدر اطبخ


ومجرد مادخلت الرابع ارتحت وراح كل الام . وكمل فتره حملي على خير بدون مشاكل الحمدلله
الحلوات اللي لسه ماحملوا او اللي اول حمل لهم وماعندهم خبره


الافرازات الزايده طبيعي جدا فتره الحمل يعني اكيد حتتضايقي بس عادي
الالتهابات المتكرره طبيعي برضو انا كنت كل شهر والدوا طبعا كريم خارجي وتحاميل مهبليه وتروح .


وعدت فتره الحمــــل .

نروح للولاده

2) الولاده :
لما وصلت الشهور الاخيره مررره ثقلت ورجولي تووووورمت صار شكلها يخوف
ومررره تنفخت

دخلت التاسع وقالت لي الدكتوره لاتبدأي تمشي اللا اذا قلت لك وراجعيني الاسبوع الجاي
ثاني اسبوع قالت لي خلاص امشي واشربي قرفه عشان تلين عنق الرحم ولما كشفت كان مفتوح 1 سم .
ملاحظه : الكشف ماحسيت بالم عادي جدا يعني مو زي ما يقولوا البنات ويخوفوكي على حسب يد الدكتوره .
بصراحه ماكنت اقدر امشي لاني كنت مشغوله << احلفي

يعني ماعندي الوقت لاني كنت ففتره دراسه ومعهد
مشيت مره وحده نص ساعه يمكن ومره في السوق وانا اقضي اغراضي والقرفه ما احبها مره شربت مره وحده .
الاسبوع الي بعده رحت وكشفت لقته مفتوح 1 ونص كان يوم سبت
قالت لي الاسبوع الجاي يوم السبت في الليل الساعه 12 اشربي ثلث علبه خروع مع عصير برتقال وتعالي موعدك الاحد في المغرب اعمل لك تخطيط

سويت مثل ماقالت ولاحسيت بشي غير الغثيان ورحت الحمام مرتين الله يكرمكم وحسيت انه كلااام فاااضي ونمت

حسيت بمغص خفيفف مره الساعه 6 الصباح وطنشت لاني دااايخه نوم << مو فايقه للدلع
وصحيت الساعه 8 نفس الشي قلت بقوم اروح الحمام وارجع انام
اول ماقعدت انفكت المويه وانا اطالع مفجووعه حتى عيوني بالقوه قادره افتحها مغمضه نوم
فكت المويه كأنه احد كب عليكي جك مويه وقاعده تتكبكب عليكي مو مثل ماكنت اتوقع شويه لااااااااااا
صحيت امي وغيرت ملابسي وعالمستشفى

كشفوا قالوا 3 سم مفتوح وقعدت عندهم وبسرعه كان يزيد الالم معاي حتى ماكنت عارفه احسب الوقت بين الطلقات لانه كان حار

جات الساعه 10 ونص يمكن ووصلت حددددي جات الدكتوره قالت مفتوح 9 ونص
وانا اساسا كل شوي انادي اقول تعالوا اكشفوا يمكن 3 كشفوا علي ممرضات ودكتوره لاني ماكنت احس بالم وقت مايكشفوا لكن كنت ابغى اعرف كم صار

وجا وقت الولاده صارت تقول لي ادفعي ي هالفتره اعطوني كمام اكسجين زي قلته رميته مرتين ورجعوه غصب عني
وابراه وقت الولاده في المغذي
وزي الابره مكان نزول البول الله يكرمكم ماسألت وشو لان حالتي ماتسمح لكن ماحسيت بالم

صارت تقول لي ادفعي وكنت ادفع باقوى ماعندي لكن موراضي الدكتوره تقول راسه كبير وانا ادفع
تجمعوا الممرضات عندي وصاروا يمسكوني ويدفوا بطني وانا ادفع وادعي لين خرج شفت ظهره بس ونمــــــت .
صحيت بعد ساعه وانا مخيطه وخالصه .

ملاحظات : الالم كله كان الطلق بس الولاده ماحسيت بشي غير زي الصابونه خرج حتى الراس ما ادري متى طلعت .

اكمــــــل لكم بعد شوي صحي فديته ولدي ....

يارب يسعدني
01-17-2010, 02:21 AM
مبروك وربنا يخليه ليكي يارب وادعيلي ربنا ييسرلي حملي وولادي يارب

عشقي جنووون
01-17-2010, 02:29 AM
ياااااه ذكرتيني بولادتي ببنتي غلاوي
الله يصلحها بس
على العموم الحمدلله على سلامتك

وعقبال ماتجيبي اخت له هههههههههههه

**البتول**
01-17-2010, 02:37 AM
كملي معاااااااااااااااااك

سالي الحلووه
01-17-2010, 02:39 AM
الف مبروك المولود والحمدلله على سلامتك

حرم مشاري
01-17-2010, 02:39 AM
متابعه
اذكري لنا اسم المستشفى
واذا خاص كم الاسعار

رسيل الحب
01-17-2010, 02:51 AM
مشكورة

وحامك زيي بالضبط بس مارحت بيت اهلي لانه اساسا ماكنت اطبخ زوجي مشيها نواشف فديته

والحمدلله مع الرابع اختفى وكان وقتها في رمضان يعني قمت اطبخ




يلا ننتظر التكملة

<<ورده>>
01-17-2010, 03:31 AM
باااااااااااك جيت اكمل لكــم

واللي ردوا الله يسلمكم ويسعدكم يااارب حمستوني اكمل وابدع خخخخخخخخخخ

لا تخافوا راح اعطيكم كل التفاصيييييل اللي كنت ادور عليها في النت وعرفت جوابها بالتجربه

طبعا وقت الولاده تحتاجي اي احد جنبك اكيد محد بيخفف عنك الالم لكن يكفي احساسك انك مو لحالك لان وقتها تحسي ان الكون كله مافيه غيرك خخخخخخخخ

اسوء شي بالمستشفى انه مايدخلوا احد والاطين انه ماتجلس معك لا ممرضه ولا غيره والدكتوره جاتني وقت الولاده بالضبط
تمنيت لو حتى عامل نظافه عندي هههههههههه << استخفت:076:

ملاحظه : الولاده كانت في السعودي الالماني عند الدكتوره تشكر الممرضات كانوا طيبات معاي ويخدموني والدكتوره كانت زينه انا متابعه معاها من اول ماحملت كويسه وشاطره لكن عمليه .

للاسف كنت مخططه اخذ غرفه خاصه درجه اولى لكن لما ولدت قالوا لي مافي غرفه فاضيه وقبلي انتظار 10 !!!!!!
نزلوني غرفه درجه ثانيه معاي مريضتين
انا كاش ماعندي تأمين

الغرفه درجه اولى مع الحضانه يوم واحد5500 مع التحاليل واللازم منه ممكن توصل 6000 ونص
قالت لي الدكتوره اخر مراجعه اعمل تحاليل برا واجيبها وقت الولاده عشان ما اتكلف الله يجزاها خير
لانه لو ماعملتها المستشفى اجباري راح يعملها وقت الولاده :0107:

فقمت بذكائي المعهود وزوجي الله يسعده عملناها في مستشفى الولاده يوم الثلاثاء وولادتي كانت الاحد يعني اخذت تحاليلي معاي . :020:

تمت الولاده على خير ونرووووح للنفاس

لانا_2009
01-17-2010, 03:39 AM
الحمد لله ع سلامتك لعقبالنا

حرم مشاري
01-17-2010, 03:41 AM
متابعيـــــــــــن

<<ورده>>
01-17-2010, 04:25 AM
الله يقومك بالسلامه لانا
وحــرم مشاري تسلمي لي عالمتابعه وبكمل للنهايه لعيونك


نجي للنفاس وما ادراك مالنفاس
3) النفــــــاس :

من اهم مشاكل النفاس الخياطه والعنايه فيها ومتى تطيح هالاسئله اللي راح اجاوبكم عنها
1- الخياطه :
بالنسبه للخياطه زي ماقلت ماحسيت فيها لكن اول ماصحيت قومتني الممرضه ودتني الحمام وانتو بكرامه
اول ماجلست دخت من كميه الدم اللي فقدتها بالولاده مسكت الممرضه مارضيت افكها قلت لها تنادي احد يجيب لي مويه
اول ماشربت فتحت . ودوني بعد ساعتين الغرفه الم الخياطه مقرف ما تقدري تجلسي وبشوييييش تتحركي اعطوني حبوب مسكنه مرتين في اليوم ومغطس مطهر بيتاسبت وسفوف ملين .

داومت على المطهر والحبوب لكن كنسلت الملين لاني شفت ان وضعي تمام وهذا اكبر غلط سويته للحين ندمانه عليه
واقول لكم ليه !!:t8:

وقت الولاده لما كنت ادفع ماكنت مركزه من وين ادفع من قدام او ورا ..
بالتالي المنطقه ورا تأذت لكن انا ماكنت داريه
بعدين كان لازم استخدم الملين عشان المنطقه ما تنشد مره ثانيه في هالفتره

اللي صار انه بعد فتره 20 يوم يمكن او اكثر جاني شرخ يعني مثل الجرح الله يكرمكم في منطقه الشرج واعطاني الدكتور مراهم وقال راح تطيب بعد اسبوع لكن للحين ماطابت وانا صار لي شهرين من ولدت
اهم علاج لي اني احافظ على نفسي من الامساك ..

نرجع للخياطه شتتكم معاي
بعد 10 ايام رحت للدكتوره قالت لي الخيوط ذابت وكله تمام ميه ميه

بعد فتره تحسي المكان مشددووود كأنه بينقطع بس لا تخافي
وبعدها تحسي بنغزات جوا وبرا وبرضوا لا تخافي
اخر الاربعين رحت للدكتوره لاني كنت حاسه انه الغرزه انفكت كنت احس انه في مكان بالجلده مصلوخ
قالت لي كله تمام ومافي خيوط ولا شي واني رجعت كأني عروس لانها سوت تجميلي واعطتي مرهم مسكن والحمدلله .

الم الخياطه زال تمااااااما يعني ما احس انه صار شي لهالمنطقه بعد الاربعين باسبوع تقريبا .يعني حتى لما راحت الخيوط برضو في الم خفيف لما تجلسي يضايق فطبيعي لا تخافي .

2- الرضاعه :
في البدايه اول 3 ايام ماقدرت ارضع لانه ماافي حليب ولا حلمه مع اني كنت دايما ادهن حلماتي وانا حامل لكن انحلت هالمشكله بعد ماجبت الممرخه .

3- التمريخ :
التمريخ لازم يتعمل بدري يعني انا جبتها ثالث يوم ممرخه شااطره مرخت لي جسمي وقالت لي اساسا حلماتك مسكره وفركتها بقماش وفركت باقي جسمي عشان تفتح العرروق وقالت لي خلاص باقي انك تاكلي زين وراح ينزل حليب وفعلا مثل ماقالت صار . وقالت لي ماينفع تتاخري بالتمريخ لازم بدري وجلسه ثانيه بعدها ب5 ايام والاخيره بعد الاربعين .

الجلسه الاخيره ترفع لي الرحم لاني كنت حاسه انه في شي ثقيل مره تحت رفعته اول مره ماارتفع زين وفي المره الثالثه ارتفع هو بجد يعور لكن فعلا حسيت فيه وهو يطلع لدرجه كأني سمعت صوته وبعدها حسستني تحت الحوض المكان صار فاضي .

4- الجسم بعد الولاده :
لا تتوقعي مثلي انك راح تنقصي كثير بعد الولاده لان الدكتوره قالت لي 10 كيلو
بعد الولاده مباشره 6 كيلو وطول فتره النفاس راح تنقصي بسرعه لكن انتبهي لأكلك
عند الحمل كنت 65
نهايه الحمل 85
بعد الولاده 79
بعد الاربعين 70

يعني اللي بقي معي للحين 5 كيلو والله يعين وتروح .
غير اللون استخدمت الخلطه الصابونيه ما استفدت شي منها لكني فتحت الحين وباقي شوي سمار بطني .


ما اترهلت كثير لاني كنت استخدم زبده كاكاو وانا حامل باستمرار لكن طلعت تشققات بسيطه للحين ماراحت في اماكن ماركزت عليها .
كنت الف كل يوم مشد اندنوسي من بعد ماجاتني الممرخه
من ثالث يوم بديت اسوي تمارين بطن خفيف
ماكنت اكثر اخاف عالخياط .

5- نظامي في الاكل :
لا للزيوت والسمن
الرز ما اكلته ولاا لمكرونه والمعجنات مره قليل لما يجو ضيوف اخذ حبه
والحلى كمان نفس الشي
اكل عيش حب وجبنه بيضا وبيض ومرقوق ومرق دجاج ولحم يعني اكل صحي قد ما اقدر
فواكه عصير برتقال ومويه كثير
قشر كمان ادمنت عليه مع امي الله يخليها لي
ومغلي نعناع مع بابونج وكروايه وزنجبيل اخضر بدون سكر
يحرق الدهون والكروايه عشان الحليب .
في البدايه اخذت الطحينيه عشان يزيد الحليب ولما طلع وقفتها عشان لا اسمن .

راح اقول لكم على السفوف

اخيـــرا راح اقول لكم اهم نصايحي لكم
يتبـــــــــــــــع ....

<<ورده>>
01-17-2010, 04:32 AM
اعذروني ماراح اكمل الحين لاني تعبت ويدي توووجعني

غير حبيبي من اول نايم وحضرتي صاحيه والله يستر ماراح ينومني

رمشة سحر
01-17-2010, 05:10 AM
الحمد لله على السلااااامه
والف مبروووووووووووووك
يتربى بعزكم ياااارب


وقصه شيقه
انتظر التكمله

$حنونة عبودى$
01-17-2010, 05:16 AM
الحمد لله على السلااااامه
والف مبروووووووووووووك
يتربى بعزكم ياااارب


وقصه شيقه
انتظر التكمله

:064::064::064::064:

عسسوووووووووله
01-17-2010, 05:32 AM
الف مبروووووووووووووووووووووووووك

والحمدلله على سلامتك ومبروك ماجبتي

والله يعطيك العافيه على النصايح والمعلومات المفيده ..ننتظر البقيه يالغاليه ..

امورة البيت
01-17-2010, 07:32 AM
متاااااااااااااااااااابعه
والف الف مبروووووووووووووك

احبه دوم
01-17-2010, 07:56 AM
الف مبروك ويتربى في عزك

وننتظر التكمله اتحمسنا

شموآهـ
01-17-2010, 07:58 AM
مبرووووك يتربى في عزكم ..

الله يحفظه لكم يارب ..

وفي انتظار التكمله ..

قمرهم**
01-17-2010, 08:25 AM
الحمد لله على سلامتك خيتو والله يسهل على كل حامل ويرزقها بالذريه الصالحه حسنة الخلق والخولق

يارب اغفرلي وارحمني
01-17-2010, 08:52 AM
حمدالله ع السلامه ويتربى في عزك وعز ابوووه يارب
كملي شوقتينا

ش و ق777
01-17-2010, 11:42 AM
حلو المسلسل


انا في انتظار البقيه

<<ورده>>
01-17-2010, 08:59 PM
تسلمووو لي الله يسعدكم حمستوني اكمل

بس صبركم علي شوي الحين ان شاء الله بكتب

وتححملوا لو طولت لاني اكتب بالتفصيل ما ابغى انسى شي

يمكن كلامي عادي للمجربات بس البكريات حابه افيدهم لاني كنت حااسيه مثلهم وخايفه

دَلِِِـِِِــِξ‏ روحِِِـِـِـُِـِـًِي
01-17-2010, 09:30 PM
الف مبروووووووووووووووك والحمدلله على سلامتك

ياليت تسوي تعديل باول الموضوع وترجعي تحطي الاضافات عليها علشان لايتشتتون البنات مع الردود

ويكون الموضوع متكااااااامل يعطيك العافيه

<<ورده>>
01-17-2010, 09:40 PM
دلع
ان شاء الله من عيوني

لكن الحين حأكمل ولما ينتهي الموضوع اعدل

بنــ أبوها ـــت
01-17-2010, 09:45 PM
موضوعك مررررره حلوة و بإنتظار نصائحك

ساريه بليلة قمر
01-17-2010, 09:50 PM
الحمدالله على سلامتك

<<ورده>>
01-17-2010, 09:58 PM
6) السفوف :
السفوف اخذت من التاجره ام عبودي
هي عندها برنامج ال20 الولى مكتوبه وانتي تعمليها هي السفوف المعروفه قرنفل - حلبه - كمون .... الخ والله ناسيه الحين

المهم عملتها واخذتها العشرين الاولى سفوف في الصباح وقبل النوم غير اني في مرات كنت ارش حلبه مو مطحونه على الشوربه عشان تقوم ظهري وعشان الحليب لاني ارضع

طبعا اوقاتي مررره ملخبطه فماعندي شي اسمه قبل النوم وعلى الريق انام كم ساعه واسهر عشان ولدي بس قد ما اقدر كنت اخذها

بامانه انا ما التزمت ببرنامجها زين لاني كنت شوي تعبانه ومحتاسه مع ولدي لاني ماكنت اخلي احد يمسكه لي اللا لما انام كم ساعه عشان اتعلم واتعود عليه لاني ما اعرف للصغار ابد انا الاخيره في بيتنا ...!:09:

الحليب يوميا في الصباح عشان السفوف
العشرين الاخيره استخدم السفوف اللي هي عملتها بس ما التزمت بها وايام كثيره كنت افوت وللحين ماخلصت اللا اقل من نص العلبه بشوي
وهي مخلصه علبتها مليااانه بامانه الله يعافيها .

الممنوعات من الطعام الاشياء اللزجه والحوامض والزبادي ... المعروفه في المواقع دايما .

الكبو والتحاميل ما عملت لاني ما احب هالاشياء بصراحه .

نسيت اقول لكم في البدايه كنت خايفه من الحلبه عشان الريحه:0107: والزوار وعشان تسمن وكلمتها وقلت لها وهي الله يسعدها طمنتني قالت لي الريحه ماراح تبان اذا اهتميت كل يوم بالنظافه والعطور والتسمين قد ايه راح اسمن كيلو او اثنين مو شي قدام الفايده .

وبصرااحه ابد محد حس اني اكل حلبه كنت اخلي امي واختي يشموني قالوا مافي اي ريحه
اهم شي دش كل يوم ومزيل عرق (كريم لويس ويدمر حلو لو حابين تجربوا ) << دعايه :028:
وعطر وبس ..

الحلبه اخذت الحلبه القصيميه لان العطار الله يجزاه خير قال لي انها احسن نوع .

واشكرام عبودي كثير والعلبه راح اكملها ان شاء الله لما تجيني الدوره. لكن الحمدلله السفوف اللي اخذتها كانت مفيده بالنسبه لي ول التزمت اكثر كنت استفدت زين .

راح اعطيكم بعض نصايحي لكم واغلاطي اللي عملتها وان شاء الله تتفادوها ولو في شي ناسيته قبل قولولي ..:0108:

يتـــــــــــبع حبيباتي ....:و1:

<<ورده>>
01-17-2010, 10:06 PM
7) نهايه الاربعين :
الدم في الاربعين الله يكرمكم قريب من الدوره قرب ينتهي بعد 30 يوم وبعدها رجع من جديد وما انتهى اللا بعد الاربعين ب 5ايام
ولما سألت الدكتوره قالت لي عادي هذا نفاس لا تشيلي هم . بعدها بديت استخدم حبوب الرضاعه لكن للاسف جاني نزيف وللان مستمر انا الحين بعد كم يوم بكمل شهرين من ولادتي

رجعت للدكتوره قالت لي الغالب من الحبوب وقالت لي خذي حبتين بدل حبه مده اسبوع عشان ترفع الهرمون عندي ويوقف النزيف ولو ماوقف ارجع لها تغير الحبوب بعد كم يوم براجعها ..
يعني عشان لو صار لك مثلي لا تستغربي عادي

8) الختان :
ذكرتني فيه فراشه الله يجزاها خير
بالنسبه للختان انا كنت ابي اختنه في المستشفى قبل ما اطلع لكن الدكتور كان عنده اجازه لاني ولدت في الحج
فاليوم الثاني وداه زوجي وامي مستشفى خالد ادريس عشان يختنوه انا مارحت لاني ما اقدر اجلس قالوا لي انهم اخذوا منهم الولد ودخلوه جوا ماسمعوا شي وطلعوا الولد وهو نايم ومختن خالص

اعطوني قطره زيت او انتي استخدمي زيت زيتون اقطر له عليها كل ما اغير له الحفاظ وبعد يومين طاح الشاش اللي عليها لحاله لكن حتى لما يطيح استمري على الزيت هم قالوا استمر عليه 5 ايام
بس انا واصلت لانه لون الجلده اول ما يطيح الشاش يكون احمر فلو ماحطيتي الزيت ممكن تلصق في الحفاظ وتعوره فخليك على الزيت الييين يصير لون الجلده طبيعي زي الباقي وقتها تعرفي انه خلاص مايحتاج .

ولما تغسليه لاتخلي المويه تصب عليه من قدام لانه مجروح وحساس يعوره خلي المويه تصب عليه من ورا وانتي بايدك تطشيها عليه من قدام وتغسليه اختي علمتني الله يسعدها ..



9) كلمه للبكريات :
الولاده مو سهله يعني تعب جسدي ماراح تقدري تتجنبيه يعني حتولدي حتولدي لكن
التفكير فيها هذا تعب نفسي انتي تقدري تتجنبيه فلا تحملي نفسك تعب نفسي وجسدي
ريحي نفسك من التفكير واستمتعي بالايام الاخيره من الحمل
وعشان تقنعي نفسك
تخيلي انك طالبه في مدرسه وعندك اختبار تعبير مفاجئ ايش راح تسوي ؟؟!!

ماراح تقدري تذاكري لانك ماتعرفي ايش حيجي ولا يحتاج تسألي غيرك لان كل وحده غير الثانيه
يعني حتصبري ليين يوم الاختبار :د0:
اذن لا تشيلي هم وتنكدي على نفسك في شي مو بايدك انبسطي وتوكلي على ربك ووقتها يصير خير . ان شاء الله اقتنعتوا لاني اشوف كثير بنات خايفات من الموضوع :0104:

يتــــبع ...:t9:

<<ورده>>
01-17-2010, 10:33 PM
نصايحي لكم يابكريات والتكرار يعلم الشطاار يا مجربات :

1- السونار قال لي ولد وماصدقت لاني كنت احس انه بنت لا تصدقي احساسك دايم لانك تحسي باللي في داخلك تتمنيه .والحمدلله على نعمه بنت او ولد كلهم احلى من بعض وكلهم قطعه منك .

2- اهتمي باكلك وتعذيتك زييين زين كل شي تاكليه راح ينعكس على البيبي لو كنتي ترضعي طبيعي يعني لو جاته غازات او امساك او او فاول شي عالجي نفسك وشوفي اكلك
اشربي يانسون وشربيه لو عنده غازات او كراويه ولو امساك اشربي زيت زيتون .

3- المغص راح يتعب البيبي كثير في الفتره الاولى لكن حاولي يكون الدوا هو الحل الاخير لانه دكتور يقول انه كثره الادويه تقلل مناعه الطفل لما يكبر . يعني حتى لو بكى مو مشكله شوي شربيه كراويه حطيه على بطنه فوقك مرخيه شوي بزيت زيتون ودفيه لكن لو زاد عن حده وقتها الجأي لدوا المغص.

4- خليه يتكرع وسط الرضعه ونهايتها لان معدته صغيره ماتتحمل مره وحده وراح يتعب .

5- اسمعي كلام دكتورتك لو اعطتك ملين بعد الولاده استخدميه مثل ما تقول لا تقولي مافيني اللا العافيه .:0107:

6- عصير البرتقااال مهم جدا كل يوم اشربي والمويه كثررررررري منها لاني قريت مره انه قللي المويه مدري وش تسوي بك
لا تسمعي هالنصايح اللي ماتدخل العقل عشان لايجيك امساك وتتورطي وهذا من اسوء الاشياء اللي ممكن تصيب النفاس .ولا تشربي العصيرات الجاهزه لان كلها سكر ومويه وراح تسمنك وبس اشربي العصيرات الطازجه وكثري منها .

7- لا تاكلي الدقيق الابيض او الاكلات الزجه او الزيوت والسمنه لكن لا تحرمي نفسك من شي حتى لو كانت من الممنوعات على النفاس يعني لو اشتهيتي يوم باميه مافيها شي كليها لكن مره وحده في الاربعين كله ومو كل يوم تاكلي شي ممنوع وتقولي مره وحده كذا ماراح تخلص لا تستهبلي على نفسك << عصبت

8- خليك منسدحه على ظهرك طول النفاس لا تجلسي كثير حتى لو شفتي نفسك بخير لاحقه على الجلوس والروحات والجيات اصبري كلها 40 يوم لانه نتايجها راح تطلع بعد ماتخلصي النفاس . يعني ارتاحي قد ماتقدري

9- شدي بطنك على طول ودخليه على جوا وحاولي تعملي تمارين البطن كل ماشفتي نفسك فاضيه لانه فهالفتره تكون العضلات قابله انها تنشد اكثر ووالمشد الاندنوسي يوميا عشان مايترهل بطنك .

10 - مهما كنت مهتمه باستخدام كريمات عشان ما تطلع تشققات راح تلقي بعد الولاده تشققات ما ابغى احبطكم لكن هذا طبيعي ناس مايهتموا ولا يحطو شي وما يطلع لهم يعني يرجع لنوع البشره لكن انتي تهتمي عشان تقللي من الاضرار بالذات المنطقه اللي تحت السره اللي ماتشوفيها ركزي عليها لانها تصدمك بعد الولاده
لكن على الرغم من هذا اشوف بطني الحمدلله احسن بكثير من غيري .

11- بالنسبه للون اذا سمرتي انا رجع لون وجهي ورقبتي بعد الاربعين مثل اول لكن سمار البطن ياخذ فتره اطول .:042:

12 - الخلطه الصابونيه سويتها لكن اللون بيرجع لحاله مايحتاج الحوسه كلها يعني ما فادتني بشي .

13 - بشره جسمك تكون تعبانه فاهتمي بالزيوت لجسمك او اي كريم عشان ما تنشف .

14 - السفوف مهمه وحلوه عشان تقوم لك ظهرك وتنضف الرحم فلا تهمليها لكن لا تبالغي في برامج النفاس .

15- اذا تبغي ترضعي ابعدي عن الميرميه لانها تنشف الحليب واشربي كراويه .

16- كونك نفاس مو يعني تنتظري تخلص الاربعين عشان تنتفي شعرك خلك نظيفه على طول انا قبل الولاده بيوم نتفت بالحلاوه وجسمي بالاله وكنت انتف كل مايطلع شعر عشان زوجك اذا زارك والناس يجوك مو لازم تكوني (...)عشان يصدقوا انك نفاس :047:

17 - في الحمل كنت اشقر حواجبي في الشهور بعد الاولى والحمدلله مايأثر للبنات اللي يخافوا وفي النفاس برضو زي ماقلت لكم في النقطه السابقه عشان تكوني مرتبه ونظيفه حتى في نفاسك .ولو كنتي من اللي ينتفو فهذه فرصه حتى توقفي وتوبي لانك في وقت الولاده ماتدري ايش ممكن يصير لك انتي بين يدين الكريم ترجين رحمته وتسهيله الله يهديك:090:

18 - حلماتك لو حترضعي طبيعي اهتمي فيها وادهنيها بزيت زيتون قبل ماتولدي وحتى لما تولدي وترضعي ولو شفتي وضعك تمام برضو كل يوم افركيها كم مره بالزيت عشان ماتتشقق انا كنت اعملها وانا حامل ولماشفت وضعي اوك بعد الولاده بطلت والحين قربت اكمل شهرين وبدأت تألمتي وتنشف وصرت ادهنها كل شوي قبل تتشقق .:09:

19 - لما تشتري للبيبي ملابس لا تكثير نيو بورن لانه بسرررعه بيكبر فديته خذي لبسين للضيوف وكم بيجامه وبعدها انزلي السوق وخذي اللي تحتاجيه لاني اخذت له كثير وكبر عليهااسم الله عليه وهي جديده كل طفل غير الثاني ولدك مو مثل ولد اختك اصبري وخذي له اللي يحتاجه لما يجي بالسلامه .

20 - سنتيانه الرضاعه مرررره مهمه عشان ترفع صدرك وتشده .

21 - الممرخه اسفه اذا ماراح اعطيكم رقمها لانها تخاف تروح لاي احد وما اقدر اتصرف من راسي . سامحوني
كمان انا سالتها بما ان لها خبره عن ولدي وليه ماطلع بسرعه مع انه صغير والدكتوره تقول راسه كبير قالت لي اكيد تشربي مويه باارده دايما وانا كنت فعلا مفتريه وما اشرب المويه اللا وهي مثلجه في حملي قالت لي ان المويه البارده هي اللي خلته كبير وماطلع بسهلوه فانتبهوا لاتشربوا بارد لا في الحمل ولا النفاس .

22- اهتمامك في فتره النفاس راح تشوفي نتايجه بعد الاربعين بفتره فلا تستعجلي .

23 - واصلي جدولك وقت النفاس من اكل صحي ومشد حتى بعد الاربعين لنتائج افضل .

24- يابكريه لا تصدقي كل شي تقريه اللا اذا عقلك اقتنع فيه وسويتي بحث عنه زين وسألتي اللي حولك

25 - لا تخلي اهتمامك بنفسك ينسيك اهتمامك بطفلك لانه يعتبر جزء من كيانك هالفتره تكوني فهمتيه وعرفتي احتياجاته .لانك عارفه انه مايعبر اللا بالبكا لكل طلباته .
ولاحظي اني مافصلت كثير وشرحت الالم وقت الولاده ونصيحه لا تقري المواضيع اللي عناوينها معاناتي ومأساتي وقت الولاده يعني اللي تفتح النفس زي كذا عشان لا تخوفك
كل وحده لها تجربتها الخاصه والالم محتمل ان شاء الله خلي شعور انك متحمسه لشوفة الطفل اللي صار له 9 شهور في بطنك يغلب على شعورك بالخوف وكلها تساهيل من الله لا تفكري بالموضوع خلي كل شي يجي لوحده

مو شرط ان البكريه تطول في الحمل انا بكريه وولدت قبل موعد الولاده المتوقع باسبوع .


الله يتمم عليكم ويسهل لكم
.......

هذا اللي طلع معاي وانا ما انتظر منكم اي ردود ولا راح ازعل كتبت كل اللي عندي ابغى منكم دعوه حلوه ان الله يصلح لي ولدي ويهدي زوجي ويكتب لنا اللي فيه الخير والصلاح حتى لو رديتو بس ادعوا لي بقلوبكم .. معليش يمكن الاسلوب عملي مره بس يادوب ابغى الحق اعطيكم كل اللي عندي قبل انشغل ببيتي :t9:
اختكم ورده ولما تقول بالتفصيل يعني بالتفصيييييييييييييييل الممل :036:

حس_________اسه
01-17-2010, 10:48 PM
تسلمي حبيبتي عالمعلومات

ana hena
01-17-2010, 10:50 PM
تحمممممممست معاك مررررررررررررررره واستفدت اشياء كنت اجهلها صراحه

حفيدة رسول الله
01-17-2010, 11:16 PM
الف حمد لله على سلامتك
وربي يجزاكي كل خير يا رب للتوضيح والنصايح

فرح دنياي*
01-17-2010, 11:41 PM
الله يجزاك خير ويحفظلك ولدك ويسخر لك زوجك

بنادر
01-17-2010, 11:45 PM
الحمد لله على السلامه والله يصلح ولدك ويهدي زوجك وزوجي

مدام بزنس
01-17-2010, 11:59 PM
الحمد لله على السلامه والله يصلح ولدك ويهدي زوجك وزوجي

moon17517
01-18-2010, 01:23 AM
الحمد لله على سلامتك والله يصلح ولدك ويهدي زوجك وبصراحة وفيتي وكفيتي على النصايح الحلوة والله يسهل علي ولادتي وعلى كل الحوامل يارب

شقاوية 333
01-18-2010, 02:31 AM
:076::076:الف مبررررررررروك والحمدلله على سلامتك
ويترربى العريس بعزكم :ق203:

لمووسة2009
01-18-2010, 02:55 AM
وردة الله يجعل ايامك كلها ورد وياسمين

استفدت كثير من موضوعك الله يصلح لك ولدك وزوجك ويسخرهم لك

دلوعه كتير
01-18-2010, 02:59 AM
يعطيك العافيه يا عمري ما قصرتي وابدعت
بس انا سمعت ان الخروع مو كويس ويضر الجنين ومن هالكلام ان يخليه يتبرز بالبطن

انت تنصحينا ناخذه؟ والدكتوره طمنتك من ناحيته

<<ورده>>
01-18-2010, 03:12 AM
الله يسعدكم ويسلمكم يااارب
احلى شي لما تقولوا انكم استفدتوا لان هذا اللي ابغاه من ورا كتابتي لهالسالفه كلها

حبيبتي دلوعه والله انا ما كنت ادري وين الله حاطني وماخطر ببالي الخروع بس الدكتوره هي اللي قالت لي
انا توقعت انه بس عشان ينظف المعده بس الله اعلم ان كان هو سبب الولاده

عموما هي ماقالت كذا اللا في الاسبوع الثالث من الشهر التاسع يعني اخذت وقت كفايه
من معلوماتي المتواضعه ان البيبي يتبرز في بطن امه لو جلس فتره ازود من المحدد يعني اقصى شي 41 اسبوع اكثر من كذا راح يتضايق ويتبرز
ماقد سمعت انه من الخروع
وكمان صديقتي دكتورتها قالت لها اشربي خروع لما اتاخرت في الولاده
لا تاخذيه قبل ماتسألي دكتورتك يمكن وضعك مختلف
وبالنهايه الولاده الله كاتب موعدها مانقدر نحدد اسبابها لان صديقتي شربت 3 علب عشان تولد ولا ولدت الله ماكتب لها في هذاك الوقت وسبحان الله

حلاتي بكل حالاتي
01-18-2010, 03:18 AM
شكرااااااااا وجزاك الله خير الله يعطيك العافيه ويبارك لك في ولدك ويهدي زوجك يارب ياكريم

وربي يسهل علي وعلى جميع الحوامل الولاده انا بكريه تفس وضعك وكلامك كثير ريحني عن الولاده مع انه خايفه كثير بس متوكله على الله وريحتيني من جهة المستشفى لاني اراجع فيها عند الدكتوره عفاف

ومبرووووووووووووووووووووك مره ثانيه :)

*رؤيتي*
01-18-2010, 03:37 AM
الله يعطيكي العافيه ياورده
من جد كلامك مفيد وحلو
والصراحه مرررررره استفدت منه
الله يجزاكي خير ويسعدك دنيا واخره ياعسل :)

رسيل الحب
01-18-2010, 04:00 AM
مشكورة وما قصرتي

وربي يرزقك على قد نيتك

استفدت منك كثيير و كتبت النصايح في نوتة عشان استفيد منها وقت الاربعين وربي يسهلها

اميرة فوفو
01-18-2010, 04:01 AM
كفيتي وفيتي
تسلميييييييييييييييييييييييييين ياعسل

فراشه ثلاثينيه
01-18-2010, 06:33 AM
الله يصلحلك ولدك وزوجك ويسر امرك ويجزاك كل خير

*لسعة شقاوه*
01-18-2010, 07:24 AM
الله يعطيك العافيه
شرح بالتفصيل..........
ياليتك ولدتي قبلي
غلطتي اني ماتمرخت في النفاس

الحمدلله على سلامتك والله يخليلك ولدك ويصلحه ويكون من حفظة كتاب الله
ويهديلك زوجك

nadoye
01-18-2010, 08:35 AM
ما شاء الله الله يوفقك ويسعدك ويخلي لك زوجك وطفلك

حرم سوسو الشريف
01-18-2010, 09:49 AM
بسلمووووووو والله من جد متميزة بالشرح والتفصيل والطريقة الله يحميكي ويسعدك انتي والعريس الصغير ياااااااارب يخليه لكي ويهديه ويصلحو يااااااااااارب

ش و ق777
01-18-2010, 10:35 AM
الله يعطيك العافيه

افدتينا كثير


جزاك الله خير

ضي*
01-18-2010, 01:04 PM
الله يبارك لك فيه والف حمدالله على السلامه والله انك طمنتيني وعقبال مااكتب لكم قصة ولادتي

احبه دوم
01-18-2010, 01:35 PM
الله يوفقك يااااااااااااااااااااااااااااااارب ويحقق لك مرادك اللهم امين

آنسة شهد
01-18-2010, 02:10 PM
ياااااااحبني لك من جد نحتاج مواضيع زي هذي

الله يعطيكي العافيه ويحفظ لك وليدك

اسيرة الآمال
01-18-2010, 03:06 PM
الحمد لله على سلامتك
بس حابه اسال عن ختان الولد ومتى ختنتيه وهو يتالم وكيف اراعيه بعد الختان

بكلة العيد
01-18-2010, 03:34 PM
الحمد لله على سلامتك وسلامت العريس والله يبلغك فيه كل خير ويرزقك بره ويجعله من الصالحين

والله يصخرلك زوجك ويسعدك يارب

ما قصرتي كفيتي ووفيتي والله يجعل كل ما كتبتيه في ميزان حسناتك يا الغلا

الله يثبت حملي واشوف طفلي
01-18-2010, 05:35 PM
ياااااااحبني لك من جد نحتاج مواضيع زي هذي

الله يعطيكي العافيه ويحفظ لك وليدك:ق203:

ice love
01-18-2010, 05:47 PM
الحمدلله على سلامتك ويتربى المولود بعزكم ان شاءالله

<<ورده>>
01-18-2010, 06:11 PM
الله يسلمكم يارب والله فرحتوني بردودكم الله يجزاكم خير ويسهل لكم

اسيره الامال الله يسعدك ذكرتيني وعدلت موضوعي صفحه 3 شوفي ردي على سؤالك

فطوومه المزيونه
01-18-2010, 07:37 PM
الف الف الحمدلله على سلامتك وسلامة البيبي الله يخليه لك يااااااارب ويخلي لك زوجك ويخليك لهم
ويعطيك الف عافيه على النصايح الحلوه اللي مثلك
بس حبيت اسالك عن المشد الاندونيسي استفدتي منه بنسبة كم وكيف كنتي تحطينه يعني تربطينه
جاوبي الله يخليك لااني ماابي اشتريه الا اذا عرفت عنه بالتفصيل
موفقه حبيبتي

كبرياء أنثى0
01-18-2010, 08:31 PM
ماقصرتي يااااااعسل

عاشقة ابوبدر
01-18-2010, 08:34 PM
الف مبررررررررروك والحمدلله على سلامتك ويترربى بعزكم العريسيسلمو ع المعلومات الرائعهبجد بجد مفيده

نغم الوان
01-18-2010, 09:14 PM
ربي يعطييييييك الف عااااافيه

والله ماقصرتي موضوووع يشرح النفس ويهديييها

انا ولادتي هالاسبوعين وكنت ميييته خوف وتفكييير بس بعد ماقريت موضوعك
احس تحمست مدري مدري حسيت الموضوع ونااسة :)

سؤالي نفس سؤال الاخت فطوومه عن المشد الاندونيسي بلييز

وهل الوحده اذا ماطلع لها تشققات وقت الحمل يطلع بعد ماتولد ؟؟؟؟؟؟

اغلى دانة
01-18-2010, 10:45 PM
ربي يسعدك ويفرحك بولدك

<<ورده>>
01-19-2010, 12:26 AM
حبيباااتي الله يسعدكم ويفرج همكم يارب ولكم بالمثل من هالدعوات اللي تفرح القلب

حسيت اني اول مره اسوي شي مفيد في حياتي خخخخخخخ

المشد ياحلوات ما اقدر اقول بنسبه كم استفدت لاني ماجربت اولد من دونه قبل لكن

تعودتي وانتي حامل في شد في بطنك شاده وبعد ماتولدي يفضى بطنك ويصير مرهل
المشد يلمك يلم بطنك يعني حتى لو ماكنت استفدت لكن لما كنت الفه احس اني مرتاحه وملمومه
والحين بطني مو مترهله اللا قليل لكن في كروشه لازم تروح
صديقتي كانت تدهن لكن ماشدت بعد الولاده ومره متضايقه تقول مترهله

يعني انصحك تربطني
جيبي اندنوسيه تلف لك وتوريك كل وحده تلف بطريقه غير
انا كانت تلف لي لفه على بطني بعدين كأنها تعقد المشد او اربطيه وبعدين ابدي لف على جسمك
عموما انتي جربي عشان ماتندمي انك ماجربتي ومنها يكون عندك تجربتك
في وحده في المنتدى كانت حاطه طريقه الربط بالصور لو ماشفتيها ادور لك علي رابطها

بالنسبه للخطوط هي ماتطلع بعد الولاده مستحيل لانه سببها تمدد الجلد وانتي ماتتمددي اللا بالحمل

لكن يكون في تشققات ماكانت تبان وانتي حامل لان جسمك مليان ومشدود
وبعد ماتولدي تكتشفيها

زي الفخذ ماكنت اهتم بدهنها لاني اشوفها مشدوده مافيها شي بعد الولاده لقيتها متشققه
واسفل البطن تحت السره ممكن تتشقق وانتي ما تشوفيها لانها تحت

عشان كذا ركزي في التدهين من الصدر للركبه كلله زييين وهذه المنطقتين مره مهمه

بطني من السره وفوق عندي مره صافيه لاني كنت اركز عليها
فلو ركزتي انتي على جسمك كله يمكن ماتطلع لك شققو او تكون مره خفيفه

يالله اذا في اسئله استقبلها من الساعه 4 اللى الساعه 4 ونص فقط
خخخخخخخخخ

انا حاضره لكم

^basooom^
01-19-2010, 01:51 AM
ماشاء الله عليك تبارك الله
والله ماقصرت ِ ذكرت كل شي ,,, وتبغين الجد حمستيني ع الولاده خخخخخخخ
الف حمدلله ع سلامتك وسلامتك القمر الصغنن الله يخليه لكم ياااااارب ويطرح فيه البركه

بس بالنسبه للممرخه الله يرضا عليك محتااااااااااااااااااااجه لها الا ابعد درجه لي ولأميلأني بنفس عندها خاصة مادام قلتي امينه وفاهمه ماشاء الله ,,, اتمنى منك ترسلي رقمها ,,, او اديكي رقمي وهي تتفاهم معايه

خالة حلا
01-19-2010, 02:29 AM
موضوع يستحق التثبيت للفائده

المزيونه روز
01-19-2010, 02:46 AM
الحمد لله على سلامتك وجزيتي خير على المعلومات للبكريات

فيني الحلا كله
01-22-2010, 03:58 AM
الله يصلح ولدك ويهدي زوجك
وجزاك الله خير

<<ورده>>
01-22-2010, 04:38 AM
جزاكم الله كل الخير على دعواتكم الطيبه

وبقول لكم اخر المستجدات حاولت اكتبها في الموضوع لكن مالقيت تعديل مدري وين طار


منع الحمل :

النزيف ماوقف فراجعت الدكتوره وبعد الكشف علي قالت لي

لنتي مافيك شي فسبب النزيف هو ان الهرمونات مو تمام ملخبطه يعني

فحبوب الرضاعه ما تناسبني ابد ولا اي نوع فيها :ب1:

قالت لي وقفيها واعطتني حبوب تنظم الهرمونات

وقال استخدمها 10 ايام وبعدها ب 4 او 5 ايام راح تنزل الدوره وارجع لها :0148:

وقالت فكري من الحين في مانع وبما اني ابغى ارضع قالت استخدمي اللولب او اللصقه

سالتها اذا كانت اللصقه تنشف الحليب قالت لا لكن راح تقلله

ووقفت الحبوب قبل امس ووقف النزيف مباشره وقاعده الحين استخدم الحبوب اللي تنظم الهرمونات
وراح استخدم اللصقه ان شاء الله اول ماتجيني الدوره :042:

وهذه نهايه قصتي باذن الله

<<ورده>>
01-22-2010, 04:59 AM
نغم الوان
بسوووم
عاااااااااااا اهم شي الحماس خخخخخخخخخخخخ

الله يسهل لكم يارب

فيني الحلا كله
01-22-2010, 05:10 AM
اخت ورده وش اللصقه
اول مره اسمع بها
ممكن تفيدينا
وهل تاثيرها قوي زي حبوب منع الحمل ام ضعيف مثل حبوب الرضاعه

<<ورده>>
01-22-2010, 06:10 AM
اللصقه اسمها ايفرا
اكتبيها في قوقل حتلاقي موضوع متكاامل عنها لاني لو اتكلمت ماراح اقدر اشرح لك كل شي عنها

بشكل مختصر هي لصقه تشبه لصق الجروح مربعه حجمها متوسط

تلصقيها في اماكن معينه من جسمك الكتف اعلى الاراداف اسفل البطن مثل مو موجود في الصوره اللي في علبيتها

اول لصقه لصقيها لما تجيكي الدوره ووتلصق ثابته مره الين الاسبوع اللي بعده في نفس اليوم تشيليها وتحطي لصقه ثانيه والاسبوع الثالث نفس الشي والاسبوع الرابع ماتحطي ولا شي

يعني الشهر 3 لصقات نسبه نجاحها 99% اذا استخدمتيها صح
يعني زي الحبوب
اثارها خفيفه انا جربتها اول ما تزوجت وما اثرت علي بس كان يجيني غثيان اول الشهر خفيف
لكن ما تناسب صاحبات الوزن الزاايد

ولمعلومات علميه اكثر دوريها في قوقل

وانا حاااضره

<<ورده>>
01-22-2010, 06:15 AM
بعدين تعالي هنا انتي وش مصحيك للحين

روحي نامي واشبعي نوووم قبل مايجي الحبيب الجديد يطلع عيونك ويطير النوم لازم ترتاحي وراك مجهود جاي

ولاده ونفاس واهتمام فارتاحي الحين نصيـــــــحه

دقات قلب زوجي
01-22-2010, 06:29 AM
الف شكر على المعلومات والحمد لله على سلامتك

<<ورده>>
02-09-2010, 02:50 AM
الله يسلمك ويقوم كل حامل بالسلامه

استخدمت حاليا اللصقه ومازلت ارضع يعني اللصقه قللت الحليب لكن مانشفته للي دايم يسألوا عن هالموضوع

الاء العامودي
02-09-2010, 03:19 AM
السلام عليكم.ز

مبروك والحمدللة على سلامتك بصراحة عجبني اسلوبك في سرد القصة

عسل معقود
02-19-2010, 04:40 PM
موفقه

لمار الاموره
02-20-2010, 01:09 AM
الحمد لله ع سلامتك

madmozail
03-18-2010, 05:00 AM
موضوعك رااائع فديتك ..واستفدت منه كثير ..

الله يبارك لك بولدك وبزوجك وبصحتك ويتمم عليكي نعمة العقل والدين يا رب ..

ام هيثومة الغالي
03-18-2010, 07:02 AM
تسلمي حبيبتي عالمعلومات

ورده ذبلانه
03-18-2010, 07:38 AM
ورده الف الف مبروووووووووووووك على البيبي والحمدلله على سلامتك بصراحه ماقصرتي

الله يحفظ لك ولدك ويسخر لك زوجك لكن اللي مفرحني واخيييييييييييييرا لقيت وحده ولدت في الالماني

ودي اسالك هلى يعطونك مسكن للطلق وهل يبنجوك قبل طلوع الراس انا اراجع عند نسرين وخليها على ماعجبتني ودحين انا قربت ولادتي رحمي مفتوح 2سم انتظرك

<<ورده>>
03-19-2010, 04:17 AM
تسلمووو لي كل وحده ردت علي ولكم بالمثل يارب

وردتي ياعزيزتي

مافهمت اذا مرتاحه انتي لنسرين بس ناس يمدح مررررره فيها وناس يذموا مررررره فيها
فحسيت انها تكون تمام مع اللي تعرفهم ويراجعوها دايم لكن ماتهتم للي تشوفها اول مره في الولاده هذا استنتاجي

بالنسبه للالم والله كان الالم كله في الطلق
لانهم حطوا لي مغذي بس فتح 9 حطول لي ابره في المغذي يعني حقة الوريد اللي هي باسكوبان
وسوت لي شي الممرضه تحت مدري هي ابره او ايش ماحسيت بالم بس حسيت بسايل الله يكرمك نزل كأنه بول

وبدت الولاده والدكتوره تقول لي ادفع لكن بامانه ماحسيت بالم كنت بس ادفع كذا
حتى لما قالت انا شايفه راسه انا ماكنت حاسه بشي
ودفعت الين طلع بس حسيت بشي تزحلق كنه صابونه بس ماحسيت بالم راس او شي
بعدها اول ماطلع ماحسيت باي شي نممممت احلـــــــى نومه في حياتي من التعب وصحيت بعد ساعه محد عندي ومخيطه وخالصه ومو حاسه بالم لاني مبنجه بدا يروح مفعول البنج بعد ساعتين تقريبا وبديت احس بالم الخياطه

هذا بالتفصيييييييييييل لو عندك سؤال ثاني عن الخياطه او غيرها اسألي انا حاضره
والله يقومك بالسلامه ويسهل لك ولادتك يااااااااااااارب

ورده ذبلانه
03-19-2010, 04:51 AM
الله يرزقك ياشيخه بس الدكتوره قالت في مكن اذا تبغين وقالت لو تبغي مخدر كامل يجي عندك الدكتور ويسالك اذا مابدك براحتك

بصراحه انا خايفه من الدكتوه ماعجبتني ومافي محال اغير رحت لها بس 3مراااااااااااااات وضحكه علي تقول الراس مو تحت وبعطيك طلق صناعي ولو ماولدتي بحولك قيصري هذا الكلام الاربعاء وانا بخلص التاسع الاحد شفتي كيف مستعجله وتقول ضغطك مرتفع لازم تنويم استخرت ورحت مستوصف اتاكد طلع ضغطي كويس والراس في الحوض والرحم لين ومفتوووووح2سم


انا خااااااااااايفه منها بصراحه وقت الولاده ماتتحملني وتستعجل عليا انتي ولدتي عند تشكر ويمديني اغير

وهل جاء عندك دكتور وسالك عن البنج لا من عندهم تصرفو

<<ورده>>
03-20-2010, 12:22 AM
دامك مو مرتاحه لها فلا تروحي لها

قريبتي ولدت عندها وتعبتها وقت الولاده وتخاصمت معها وهي تولد ماكانت صبوره

عفاف انصحك فيها عمري ماسمعت حد ذم فيها وراجعت عندها مره لما سافرت تشكر وكانت رااايقه وهاديه مع انها جايه من عمليه ارتحت لها
راجعي عندها مره وقولي لها ابغاكي تولديني واساليها تجيكي وقت الولاده لما تطلبيها والا لا

البنج محد سالني يمكن لاني ماطلبت من البدايه وما انصحك بصراحه

معليش على التاخير بس المنتدى مرات يعلق عندي حاولت ارسل لك ايميلي تضيفيي في الماسنجر لو عندك اي شي شاغلك كلميني بس مو راضي يفتح الرساله معاكي

لو حابه ارسليلي ايميك برساله واي شي تحتاجي تسالي عنه في الولاده وبعدها انا حاضره لاني دايم فاتحته

omumary
03-20-2010, 01:45 AM
ما شاء الله تبارك الله
الله يوفقك ويخليلك النونو
ومشكووووووووووووره عالموضوع الاكثر من رائع
الله يجعله في ميزان حسناتك
ويسعدك دوووووووم يارب ، ،

هيووودي
03-20-2010, 02:28 AM
يوووووووووووه عيوووني يسسسسسسسلمو

وربي يسسسخر لك زوجك و يهديه .

شمووخة
03-20-2010, 02:41 AM
الف مبروووووووووووووووووووووووووك

والحمدلله على سلامتك ومبروك ماجبتي

والله يعطيك العافيه على النصايح والمعلومات المفيده ..

خالة بنت اختي
04-06-2010, 07:14 AM
ماشاااء الله
الله يسعدك ياارب ويبلغك في ولدك..
اسلووبك راااائع ويدخل القلب
تحياتي

جمالي ملائكي
04-06-2010, 08:21 AM
يسلموووووووووووو والله يحفظك انتي وولدك وحبيب القلب

عندي سؤال
الحين اول 10 ايام من الاربعين عادي اتنقع بويه وملح
ولا التشطيف افضل

<<ورده>>
04-06-2010, 06:13 PM
الله يسعدكم حبيباتي ويقومكم بالسلامه ويبلغكم اولادكم وبناتكم وانتوا بصحه وعافيه

انا ال\توره عطتني مرهم وغسول سيبامت اظن اسمه كذا نسيت والله
اتنقع بالغسول مع مويه دافيه بعدين امسح الخياطه بالمرهم وبس
قريت كثير ناس يقولوا مثل ماقلتي حتى اختي قالت لي
بس ماسألت الدكتوره لاني ماقابلتها بعد الولاده فمشيت على كلامها بديت الملح بعد 10 ايام لما قالت لي الخيوط طاحت

لكن قريت عن كثير يقولوا الخيوط تطليح والجرح مايلتئم وحده اعرفها صارلها كذا في ولادتها بسبب الملح
وصديقتي الدكتوره حذرتها من هالموضوع وقالت لها ماتبدأي بالملح اللا اذا طاحت الخيوط وقلت لك اوك



عموما الخيوط بتاخذ وقتها فلا تستخدمي اشياء كثير ولو مقتنعه بموضوع الملح اوك بس لا تبالغي في كميه الملح يعني شووويه

برستيج الدلع
04-06-2010, 06:15 PM
ماشاءالله
الله يخليه لك

(قمر جده)
04-06-2010, 06:28 PM
الف مبروك المولود والحمدلله على سلامتك

عاشقة ماما
04-06-2010, 07:00 PM
الف الحمدلله على السلامه
اختي الفاضله بغيت اسئلك عن رفع الرحم اول مره اسمع بيه
مع اني عندي ثلاث اطفال ياريت اتوضحيلي
ايش هو وكيف يرفع وهل ضروري كل النساء يرفعو الرحم عند الولده
ولله بس حالات خاصه

فاقده الأمل
04-06-2010, 07:55 PM
الف مبروك المولود والحمدلله على سلامتك

اجمل احساس0
04-06-2010, 08:20 PM
الله يصلح لك ولدك ويهديلك زوجك
ويسهل لنا يارب

m دلوعة حمو m
04-06-2010, 09:27 PM
الحمد لله عالسلامه 1000 مبروك عالعريس الصغير ربي يحفظو ليكي يارب
مشاء الله كلامك ينحط عالجرح يبرد
مع اني ارتحت لي كلامك بس احس الخوف بياكل قلبي مدري ليه
الله يسهل علينا يارب

بحورالامان0
04-07-2010, 12:48 AM
ماقصرتي تسلمييييييييين

βš αζвƘ ♥ • •
07-05-2010, 07:57 AM
الحمد الله على سلامتك

:)

وعلى سلامة البنوته

foo00oofo
07-05-2010, 10:15 AM
تسلميييييييييين ع المعلومات
والف حمدالله ع السلامه ويتربى بعزكم ان شاء الله
وصادقه والله انا مثلك بحملي الاول كنت خايفه ومرعوبه بس يوم جا وقت الولاده وشفت الطلق والآلآم عرفت انو كل وحده تختلف عن الثانيه والحمدالله ماحسيت بشي الا الطلق يعني الوحده الوحده لازم تكون مرتاحه نفسيا ومسترخيه عشان تخف عنها الا لآم والله يعين وييسر علي ولادتي وولادة كل حامل يارب ويرزق كل محرومه عاجلا غير آجلا

بنووته تعوومه
07-05-2010, 10:18 AM
يسلموووووووووووووووووووووووو على المعلومات:)

روح المحبه..
07-05-2010, 10:28 AM
تسلمي حبيبتي عالمعلومات

*™لمى™*
07-05-2010, 10:43 AM
الحمد لله ع سلامتك ويتربى بعزك

*™لمى™*
07-05-2010, 10:57 AM
بصراحه ماقصررتي ماشاء الله

الله يصلح لك ولدك ويسخر لك زوجك

أنثى بقلب طفله
07-05-2010, 11:59 AM
الف الف مبروك على البيبي والحمدلله على سلامتك بصراحه ماقصرتي

الله يحفظ لك ولدك ويسخر لك زوجك ..

~زينة~
07-05-2010, 12:05 PM
الحمد لله على سلامتك
وتسلمي ياعسل على التفاصيل الحلوة
جزاك الله خير

الصمت أبلغ من الكلام
07-05-2010, 02:38 PM
تسلمين يالغلا على الموضوع الروعه والمفيد والف الحمد لله على سلامتك
ويارب تنولين الي تبغينه ..

ماما ياسكر
07-05-2010, 04:30 PM
الجمدالله على سلامتك

ام كواك
07-05-2010, 04:37 PM
الحمدالله على سلامتك

زهووووور*
07-05-2010, 05:05 PM
الله يجزاك خير

مدمنة شكولاتة
07-05-2010, 09:15 PM
ربي يعطيك الف عاااااااااااااااااااااااافيه ولايحرمنا منك ومن مواضيعك المفيده ماااتخخيلي قد ايش استفدت وحسيت كانه اختي تنصحني الله يسعدك يااارب ويجعلك بعيون زوجك كل نساء الدنيا ويسخره لك ويخليلك النونو ويصلحه لك يارب

قاتلة مأجورة
07-05-2010, 09:41 PM
جزاك الله خير

حسستيني ان الولادة سهلة الله يسهل عليك

جزاك الله خير

Hawai
07-05-2010, 10:32 PM
مشكوووره ياعسل

..موضوعك من جد مفييييد ومتكامل ..

الله يحفظ لك ولدك وتشوفيه احلى عريييس يارب ويرزقم ماتتمني

نانسي00
07-05-2010, 11:24 PM
الف الف مبروك ويتربى بعزكم

<<ورده>>
07-05-2010, 11:27 PM
الف الحمدلله على السلامه
اختي الفاضله بغيت اسئلك عن رفع الرحم اول مره اسمع بيه
مع اني عندي ثلاث اطفال ياريت اتوضحيلي
ايش هو وكيف يرفع وهل ضروري كل النساء يرفعو الرحم عند الولده
ولله بس حالات خاصه

هلا واااسفه سلمحيني توي شفت ردك
لاني صرت انشغل وعندي ظروف ما افتح المنتدى ولا جاتني رسايل عالايميل والا كنت دخلت ورديت
والله يسعدكم ويسهل ولادتكم يارب ويجعلها ذريه صالحه لكل وحده ردت علي واللي دخلوا وماردوا بعد

بالنسبه لسؤالك انا ماعمري سمعت
واللي اسمعه ان الوحده لما ترضع طبيعي تحس بألم في الرحم يعني الرحم يطلع لكن الاندنوسيه هي اللي قالت لي بترفعه
وهي تسويها لما تسوي المساج للنفاس ولما كنت ارضع طبيعي ماكنت احس بالم بصراحه وكنت حاسه المكان ثقيل تحت ولما رفعته ارتحت بس ما اعرف هل هو حالات خاصه او لا وما اظن اي وحده تفهم في هالموضوع من الممرخات

هي تسوي لي مساج وتجي للمنطقه تحت وترفعها على فوق بقوه وزي ماشرحته في الموضوع
لكن مادام ماعندك مشاكل فلا تغامري وتجربي شي هذه نصيحتي لك

<<ورده>>
07-06-2010, 01:30 AM
:ق555:
ربي يعطيك الف عاااااااااااااااااااااااافيه ولايحرمنا منك ومن مواضيعك المفيده ماااتخخيلي قد ايش استفدت وحسيت كانه اختي تنصحني الله يسعدك يااارب ويجعلك بعيون زوجك كل نساء الدنيا ويسخره لك ويخليلك النونو ويصلحه لك يارب

مدمنه الله يسعدك ردك يفرررررررررررح حمستيني احمل مره ثانيه وانزل القصه خخخخخخخ

الله يجزاك مثل ماقلتي واكثر

بيبي اللزوزة
07-06-2010, 02:29 AM
مررررررررررررررره تسلمي حبيبتي عالموضوع الرااااااااااااائع الله يهدي لك ولدك وتشوفيه عريس ان شاءالله ويحفظلك زوجك يارب

بس ابغى اقولك حاجه انا بكرية والصراحه مااعرف دي الاشياء الي قلتي عليها سفوف وتمريخ ومدري ايش بس ماعرف احس الامور معقدة واخاف مااسوي زيك واندم اني ماهتميت بنفسي والله صرت شايله هم من دي الاشياء اكتر من الولادة من كتر مااسمع البنات يتكلمو عن الاربعين والنفاس والحاجات هذي احس اشياء كثيير الي تسويها الوحده في النفاس والله تدوخ ايش اسوي مدري فهمتيني ولا لا ؟؟؟ ادعيلي بالله ربي ييسر ولادتي ويهونها عليا

ŋ3σσmђ ®
07-06-2010, 02:37 AM
يعطيك العافيه

شقرديه..
07-06-2010, 02:47 AM
الله يهدي لك ولدك وتشوفيه عريس ان شاءالله ويحفظلك زوجك يارب
حبيبتي انا حاولت ارسل لك رساله على الخاص مانفع
حبيت اسآلك عن الممرخه هل هي اندونيسيه و ايش اسمها يمكن اعرفها
انا اعرف لي وحده بس كبيره في السن و ماني حابه انها تمرخني
فياريت اذا تقدري تديني اسمها و رقمها الله يسعدك
جربي انتي ترسلي لي رساله على الخاص لاني حاولت مانفع
ومبروووووووك البيبي

حلوة بس شقية
07-06-2010, 03:23 AM
حمدالله على سلامتك والله يفرج علينا وييسر ولادتنا

سيدة أعمالMEA10
07-06-2010, 03:33 AM
تسلممممممممممممممممين اختي ماقصرتي والله يهدي ولدك وزوجك يارررررررررررب

كل الحلا بعيونها
07-06-2010, 03:49 AM
الف الف الف الف مبررررررروك
والحمدلله ع سلامتك وسلامة البيبي
يتربى بعزكم ان شاءالله
ويعطييييييك العافيه ماقصرتي
ربي يسعدك

حلوة بس شقية
07-06-2010, 05:01 AM
الله يسعدك ويخلي لك ولدك ويهدي زوجك موضوعك حلو ومن جد في امل وتفاؤل علشان يخف الخوف عندنا شوي ويجزاكي الله الف خير

الشيخة شروق
07-06-2010, 07:14 AM
(كمان انا سالتها بما ان لها خبره عن ولدي وليه ماطلع بسرعه مع انه صغير والدكتوره تقول راسه كبير قالت لي اكيد تشربي مويه باارده دايما وانا كنت فعلا مفتريه وما اشرب المويه اللا وهي مثلجه في حملي قالت لي ان المويه البارده هي اللي خلته كبير وماطلع بسهلوه فانتبهوا لاتشربوا بارد لا في الحمل ولا النفاس . )


ياربي خوفتيني خخخ
انا مالي شغلة الا اطحن في هالثللللللللللللللج


الصراحة اشكرك من كل قلبي على موضوعك الرائئئئئئئئئئئئئع وصدق انتي انسانة بمععنى الكلمة مع احترامي للجميع بس انا اعتبر الحريم الي يخوفون البنات ناس ماعندهم قلب مجرد ماتولد تنسى كيف هي كانت خايفة ومرعوبة من الولادة وتجلس ترعب البنات قصة ولادتي المرعبة وماساتي ومدري ايش والمشكلة السنة الثانية بتشوفينها حامل خخخ


الله يحفظلك طفلك ويحفظك يارب ويعطيك ربي الصحة والعاااااافية يارب العالمين

الحـــالمه
07-06-2010, 07:56 AM
الحمد الله على سلامتك

والله يعطيك العافيه على هالمعلومـــــــــــــــــــــــــات المفيده والرائعه

أمـ البتوـول
07-06-2010, 08:09 AM
الله يصلح لك ولدك وزوجك يارب ويخليهم لك يارب

الله يوفقك

الجوري moon14
07-06-2010, 09:15 AM
الحمدلله على سلامتك ويتربى المولود بعزكم ان شاءالله

**دفء المحبة**
07-06-2010, 09:16 AM
الحمد لله على سلامتك ومبروك ماجبتي ومشكوووووره على الافاده

ماس2009
07-06-2010, 09:19 AM
الف مبروك والف شكر على نقل تجربتك للفائده

الله يقر عينك بصلاحه

~ شذى الــورد ~
07-06-2010, 09:36 AM
الله يهدي ولدك ويصلحه وبجعله من الباااااااارين

وجزاك الله خيييير

كفيتي وفيتي ^ـ^ ..

إم دانا
07-06-2010, 10:14 AM
الف الف الف الف مبررررررروك
والحمدلله ع سلامتك وسلامة البيبي
يتربى بعزكم ان شاءالله:066::066:

جنون حبيبي
07-06-2010, 10:27 AM
الف الف مبرووووووك .. والحمد الله على سلامتكـ



فديتك .. وربي يسعدك ويخلي لك ولدك وزوجك ويخليك لهم ويبارك لكم في كل اموركم
ماتتصوري قد ايش اتغير افكار براسي ..كنت مآخذة فكرة سودا عن هالموضوع
<< للحين مافكرت بالحمل اصلآ ....
ياشيخه روحي ربي يسعدك ويوفقك ويكتب لك كل الخير في حيااااتك ..

.
.

يارب تحقق اللي ببالي وتهدي لي زوجي وتبعد عنه وعني شرور الدنيا
كل الشكر لك

آختك ..جنونـ

ســلة فواكه
07-06-2010, 11:39 AM
جزاك الله خييييييير

:)

الحمدالله على سلامتك

الف الف مبرووووووك

^_^

*Sugar Jeddah*
07-06-2010, 01:56 PM
الله يسعدك كلامك يفتح النفس

تعب قلبيـ
07-07-2010, 01:44 AM
الله يجزيك الجنة يااااارب

ويهدي زوجك ويسخره لك ويجعل ابنك بااااار فيك يا أرحم الراحمين

من جد موضوع مفيد .......... دايم أقرأ قصص الوالادة وما أطلع منها إلا بالخوف والوساوس

أما أنتي ما شاء الله من جد أفدتينا .. الله يجعله في ميزان حسناتك

وهج المشاعر**
07-07-2010, 02:25 AM
مشكوووووورة على الافادة ربي يوفقك ويسخر لك زوجك ويخلي لك ولدك وتفرحي فيه يارب

◥Ļσяέ.Đεsίgη♥~
07-07-2010, 03:30 AM
الله يخلي لك ولدك وزوجك ...
ربي يسعدك ياعسل ماقصرتي ~

راما المغربي
07-07-2010, 03:39 AM
مبروك ياروحي
وعقبال التاني والثالث يارب

حنان ودلعي جنان
07-07-2010, 05:06 AM
يعطيك العافيه

ربي يحفظلك ولدك وزوجك ويسخرهم لكي

*روابي*
07-07-2010, 07:11 AM
جزاك الله خير
الله يصلح ولدك ويهدي زوجك ويكتب لك الخير يارب


Content Relevant URLs by vBSEO 3.6.0