المساعد الشخصي الرقمي

مشاهدة النسخة كاملة : بالصور وخطوة خطوة كيفية عمل تورتة منزلية جمييييلة :)



verona
01-30-2010, 07:29 PM
السلام عليكم :

كتير من الفراشات زي حالاتي , بيحبوا يعملوا التورت والجاتوهات في البيت عشان الأطفال اللي بيحبوها وتكون مغذية أكتر ومضمونة و طبعا أرخص بكتيييير من التورته الجاهزة .

عشان كده تعالو خطوة خطوة وبالصور شرح تفصيييييييييلي لكيفية عمل تورته منزلية :)


بسم الله الرحمن الرحيم نبتدي



أولا مقادير الكيكة الإسفنجية اللي حتعمل منها التورته

5 بيضات
1 معلقة فانيليا
كوب سكر
كوب دقيق و ربع ( في حالة كيكة الشيكولاته زي محنا حنعملها بإذن الله نشيل معلقة كبيرة دقيق ونضيف مكانها ملعقة كبيرة كاكاو )
ملعقة كبيرة بيكنج باودر



ثانيا مقادير حشو التورتة و التوبنج الخاص بيها

1 علبة قشطة ( المراعي مثلا أو أي نوع تحبية ) و ومن تريد إضافه علبة أخرى لطعم أو دسم أكثر فلا مانع .
1 باكو شيكولاته خام ( بس يا ريت تكون نوع حلو و كويس و متكونشي دلعة )
1 علبة مربى ( أي نوع جيد و تكون فراولة أو مشمش أو تين زي ما الأولاد يحبوا )
1 علبة كريم شانتي ( أي نوع و ددريم ويب كويس وبرضو الأنواع السائله بتدي طعم حلو ودسم )
قليل من اللبن


ثالثا:مقادير الشربات الخفيف

1 كوب سكر
1 كوب ماء
1 ليمونة
( طبعا كلنا عارفين الشربات بيتعمل إزاي عموما هو نحط السكر والمية على النار ولما يغلو نضيف عصير ليمونه و نسيبة يغلي شوية و إحنا موطين عليه لحد ما يدينا القوام المطلوب )


الطريقة :

1- أولا نولع الفرن على نار متوسطة قبل أي حاجة .
2- نجيب الصينية اللي حنحط فيها الكيكة وندهنا زيت ودقيق أو زبده ودقيق جيدا جداااا عشان الخليط ميلزقشي في الصينية .
3- نضرب 5 بيضات مع ملعقة الفانيليا وحدهم أولا لمده لا تقل عن خمس دقايق بالمضرب الكهربي لحد ما الخليط يبقى كريمي اللون زي الصورة كده

ملحوظة: اللي معندهاش مضرب كهربا تضرب بالمضرب اليدوي وتزود الوقت شوية لحد ما توصل للنتيجة المطلوبة

http://m002.maktoob.com/alfrasha/up/1024538666309455749.jpg


4-أضيف كوب السكر أثناء الضرب وأستمر في الضرب .

5- بعد ما يعلى الخليط معايا أضيف الدقيق و البيكنج باودر شوية شوية عشان الخليط ميهبطشي و طبعا أضيف الكاكاو في حالة كيكة الشوكولاه زي الصورة كده

http://m002.maktoob.com/alfrasha/up/12679249041790502390.jpg

6- أستمر في الضرب قليلا حتى يتمازج الخليط تماما

7- نصب الخليط في الصينية المدهونة ثم نضعه في الفرن على نفس النار المتوسطة .

8-أثناء ذلك نبتدي نجهز التوبنج والحشو بتاعنا ,نقوم بعمل حمام مائي للشوكولاته الخام مع علبة القشطة كما في الصورة واللي عايزة تخففها بشوية لبن أوكي بس متزودشي .
( على فكرة في قشطة قليلة الدسم في السوبر ماركتس وممكن برضو إستخدامها )

http://m002.maktoob.com/alfrasha/up/2176661662054178.jpg


9-مش المفروض نفتح على الفرن خاااالص طول ما الكيكة فيه وإلا حتهبط مننا , وحنعرف إن الكيكةإستوت تقريبا بعد من ربع لتلت ساعة في الفرن بعد ما نشم رأئحة الكيكة الجميلة , وعشان نتأكد إنها إستوت نغرس فيها سكين ولو طلعت نظيفه تكون الكيكة إستوت و نطفي عليها ...

http://m002.maktoob.com/alfrasha/up/1069486870535710223.jpg



10-أهم جزء في الموضوع هو تحويل الكيكة لتورتة و المفروض إننا نستني على الكيكة لما تبرد خالص و بعدين نطلعها من الصينية و طبعا بإذن الله حتطلع معانا بسهوله عشان دهنين الصينية وبعدين واحده واحدة بالسكين بعد ما نبل نصلها بمية سخنة نقطع الكيكة 3 دسكات .

طبعا أهم حاجة إننا نمشي بالسكين براحة و كل شوية لما تحسي إنها جمدت في إيدك طلعيها من الكيكة و بليها بشوية مية سخنة .

وآدي أول دسك أهو

http://m002.maktoob.com/alfrasha/up/161750934847230334.jpg


11- نكرر العملية دي لحد ما يكون عندنا 3 ديسكات من الكيكة الإسفنجية و لو فرولت معاكي شوية من النص و لا يهمك شيلي كل المتفرول وأوعي ترمية في الآخر حقولك نعمل بيه إية .



12- إدهن الدسك الأول بشوية شربات خفيييييف أوي بس عشان يطريها شوية بالفرشة كده ( أوعو حد يغرقها شرابت يا بنات ...يا دوووب تلميس كدة ), وبعدين نضيف مزيج الشوكولاته ونفرده عليه .

http://m002.maktoob.com/alfrasha/up/3986728081002987346.jpg

13-الدسك التاني نفرد عليه من المربى .
http://m002.maktoob.com/alfrasha/up/16499155541216091638.jpg


14- الدسك الثالث نفرد عليه شوكولاه برضو و كده نكون خلصنا الحشو ( و ضروري بعد كده نظبط الحروف بالسكين عشان تعمل دايرة مظبوطة و البواقي اللي بنقطعها من الحروف برضو متترميش عايزينها :))

http://m002.maktoob.com/alfrasha/up/18961724731835820285.jpg


15- نبتدي في التوبنج بأه ...و هنا بنغطي الوش كوووووله شوكولاه بطبقة سميكة شوية ( يعني الشوكولاه تكون سايله ونصبها فوق التورتة عشان تغطيها وتغطي الجناب كمان و على فكرة خلليكي حاطة التورته في طبق أوسع منها عشان اللي ينزل من الشوكولاه على الجوانب ويقع حقولك بعدين نعمل بيه إية .


16- نحطها في التلاجة شوية عشان تجمد .

17- طبعا نكون محضرين الكريم شاني ساقع في الثلاجة عشان ميسيلشي معايا ( طريقة عمله أكييييد مكتوبه على العلبه وعموما لو بودرة بتدوب مع شوية لبن وتضرب بالمضرب )

18- أطلع التورته والكريم شانتي و نزوقها على كيفنا زي ما نحب


http://m002.maktoob.com/alfrasha/up/2059441727860558940.jpg


http://m002.maktoob.com/alfrasha/up/3862593691998845176.jpg

طبعا في مليييون رسمة ممكن نزوق بيهم التورته وممكن نكتب على التورته اسم الأولاد مثلا أو تهنئه بنجاح أو عيد ميلاد ....زي ما تحبوا


19- نيجي للبواقي من تقطيع الحروف دي كووووولها تتحط في الطبق الكبير اللي نزلت فيه الشوكولاه وأنا بصبها على التورته و باقي الشوكولاه لو في و شوية مربى وباقي الكريمة لو في و شوية جوز هند لو في و كوووووول ده بتهرس بالملعقة كويس جداااا و حيديني خليط طعمة جميل والله جدا , نحاول نعمله في شكل حلو يشد الأطفال


http://m002.maktoob.com/alfrasha/up/463653022100068390.jpg

هنا أنا أستخدمت قطاعة البسكوت و عملتها قالب للخليط بتاع بواقي الكيكة ونحطة في التلاجة ( على فكرة ممكن يتعمل كور مثلا و يترش علية شوكولاه أو جوز هند بيبقى بجد جميل )


20- ههههههههههههه دول اللي لحقت أصورهم

http://m002.maktoob.com/alfrasha/up/10475113071317788430.jpg


و بالهنا والشفا :0200:

ام المصريين
01-30-2010, 10:05 PM
تسلم ايدك ياغاليه ام نظيفه حريصه على صحة اولادها تسلم ايدك

مصريه وافتخر
01-31-2010, 03:38 AM
تسلم ايديك حلوه جدا

مغرورة بس معزورة
01-31-2010, 03:55 AM
يسلمو ايديك شكلها يمى هذة كيكة فوز المصرين بكأس افريقيا بكرة انشا الله

teejaan
01-31-2010, 03:56 AM
مرسي عنونى ..... سلم ايدك
والله يخليلك الاولاد

نسايم ليل -2006
01-31-2010, 04:35 AM
وااااااو خيال يعطيك الف عافيه بس بقولك ممكن نحشيهااي شي تاني

ام فوشكا
01-31-2010, 09:00 AM
شطورة يا رانية
ربنا يسعد أيامك يا قلبى

verona
01-31-2010, 11:48 AM
مشكورات جميعا على المرور و ردودكم الجميله .

نسايم طبعا حبيبتي ممكن تحشيها زي منتي عايزة ...

ممكن كريمة مثلا لو بتحبيها , ووممكن لو تورته فواكة نفس الخطوات بس متحطيش كاكاو على خليط الكيكة و تتحشي مزيج من كووول الفواكة اللي بتحبيها بعد ما تتقطع قطع صغيرة و يتفرد قبلها طبعا من الكريمة بتبقى بردو حلوة أوي ..

مممممممممممم

ممكن بردو تتحشي فوق الكريمة بقطع شوكولاته صغيره زي اللي في بنده كده أو فروته مسكرة بتبقى جميييلة بردو ,أو مكسرات , أو كريز .

ممكن تعملي مزيج من الكريمة والشوكولاته بإنك تمزجي شوية كريمة مع شوية شوكولا و تحشي التورته بيها .

و ممكن و ممكن زي ما تحبي أي طعم إنتي أو أولادك تحبيه إحشي التورته بيه .... أنا بس بقول شوية أفكار :)


أم فوشكا ............تسلمي حبيبتي مهو أنا ورانيا واحد برضو :)

الهاشمية
01-31-2010, 12:08 PM
شكرالك من القلب تسلم يدك على جميع موضيعك وعلى تورته الجميله يارب توفق مصر تاخذ الكاس الافريقيا امين نفرح كلنا

ندى البسمة
01-31-2010, 04:48 PM
بجد جميله خالص وسهلتي الموضوع عليابطريقه سهله جزاكي الله خيرا فيرونا

verona
02-01-2010, 06:22 PM
الهاشمية .............جزاكي الله خيرا حبيبتي يا رب .... تسلمي :و1:

و تسلمي يا ندى يا رب :) و يالا جربيها وقوليلنا عملتي اية يا قمر ...

روان القطريه
02-01-2010, 06:47 PM
عاوزه اعمل بيتزا ارجوكى ساعدينى ضرورى

خبيره مكياج روعه
02-01-2010, 06:54 PM
تسلم ايدينك اختي


يعطيك العافيه

شيكو بون
02-01-2010, 09:01 PM
تحفـــــــــــــــــــــــــــــــــــــــــــــــ ــــــه

< بيضاء الثلج >
02-02-2010, 01:30 AM
يسلمو دياتك يا قمر

الزهرة المتألقة
02-02-2010, 01:54 PM
جميلة جدا يا فيرونا
ان شاء الله أعملها

verona
02-02-2010, 10:29 PM
روان حبيبتي , بصي طريقتي للبيتزا بتطلع تخينة شوية , مش عارفة لية :062:

بصي حبيبتي الموضوع سهل خالص كوب دقيق و ملعقة سكر , ملعقة ملح , ملعقة خميرة , ملعقة زيت زيتون , نصف كوب لبن .

الطريقة :1- ندوب ملعقة الخميرة في نصف كوب لبن و نتركها 5 دقائق .
2- نضيف اللبن إلى الدقيق والسكر والملح و نعجن و إذال إجتاجت إلى دقيق ممكن نضيف أو لبن على حسب العجينة طبعا مع ملعقة كبيرة زيت زيتون .

نتركها حوالي 40 دقيقة في مكان رطب لتخمر .....

نفرد العجينة و بعدين نضيف الصلصة فوقها ( ثوم يحمر ثم تضاف طماطم مهروسة ومقشرة وزعتر و ملح وفلفل وبهارات ) و ممكن تريحي نفسك و تحطي كاتشب بتدي نفس الطعم ...

و طبعا موتزريلا , زيتون , فلفل أخضر , شرائح بصل , مشروم , والإضافات اللي تحبيها ..

و بالهنا والشفا روان :و7:

verona
02-02-2010, 11:09 PM
خبيرة مكياج , سنو وايت ,شيكو بون , زهرة ..........

جزاكم الله خيرا جميعا على مروركم وردودكم :)

goory10
02-02-2010, 11:47 PM
بجد ماشاء الله عليكي

تسلم ايدك بجد روعه

دلع بلقيس
02-03-2010, 12:02 AM
يسلمووو كيكه لزيزهـ
يعطيك العافيه

سحري لايقاوم
02-03-2010, 02:28 AM
يمي يم شكلها لزيزه
يسلمووووو ياعسل

verona
02-03-2010, 02:41 PM
جوري , دلع ,,,و وسحري

تسلمولي كلكم يا رب :)

سارووونة777
02-06-2010, 12:28 AM
يسلمو ايديكي

verona
02-07-2010, 07:38 PM
تسلميلي يا سارونة يا رب :)

جورية موفيه
02-07-2010, 07:48 PM
سلمت يدك
جنااان

عيون الجمل
02-09-2010, 12:53 AM
مشكورة

verona
02-09-2010, 06:58 PM
جورية ....عيون

مشكورين حبيباتي :)

و بالهنا والشفا.......

الألماسه الحره
02-12-2010, 07:19 PM
واااااااو شكلها جناااااااااان ولذيذه مرررررره


تسلم يدينك يا عسل على التورته اللذيذه

verona
02-19-2010, 12:32 AM
تسلمي ألماسة ......:)

عروب
02-19-2010, 06:46 PM
مشــــــــــــــــــــــــاء الله

شكلها لذيذ


الله يعطيك العافيه

وصال
02-19-2010, 07:07 PM
تسلم ايديك يالغلا

ملوكة***
02-21-2010, 01:19 AM
ماشاء الله يا فيرونا
جميلة اوي التورتة
انا كمان خبيرة في عمل التورتات المنزلية
بس اقولك شوية حاجات من خلال خبرتي في التورتات يمكن تفيد الجميع

لما التورتة بتتحشى مربي بيكون طعمها بيتي اوي اما لو اتحشت كريمة بيكون طعمها زي اللي برة بالضبط كمان كريمة الخفق بيبقى طعمها حلو اوي بس عايزة سكر كتيير وممكن نسيح شيكولاتة خام ونضيفها عليها لما تبرد شوية
كمان انا بسقيها بماء الكمبوت واقطع من الفواكه اللي ح اذوق بيها فوق حتت صغيرة واحشيها بيه مع الكريمة ولو مش حاعملها بالفواكه او ما عنديش كمبوت بجيب السفن اب وافضل ارجه لحد ما يخرج الاستيم بتاعه كله وبعدين اسقي بيه
بعد ما اكسي التورتة كلها بالكريمة من برة وكنت ح اعملها بالفواكه وارص الفواكه بشكل جميل اجيب جيلاتين واسيحة في شوية ماء وسكر ا و باقي ماء الكمبوت وافرده على وش الفواكه كلها منه يديها لمعة جميلة ومنه يمسكها لما تتقطع
الجوانب بكسيها بجوز هند بس بعد ما احمصه شوية في قلاية من غير اي مادة دهنية واحصل على اللون الذهبي الجميل كمان طعمه بيبقى حلو اوي
ولو بعمل كيكة شيكولاتة ممكن احشيها من جوة كريم شانتيه شوكولاتة واقطع قطع شيكولاتة واحمص عين جمل وبندق واكسره قطع كبيرة واحطه مع الحشو بيكون طعمهم حلو اوي
وبالهنا والشفا
ويارب اكون افدتكم زي ما انا استفدت منكم :0154:

فــــــــــــــوز
02-21-2010, 01:41 AM
يسلمووووووووووووووووووووووو
بس إذا فيه مناسبه فجأه راح تضطرين تآخذين من المحلات
يعطيك ألف عافيه

قمر الليل 2009
02-22-2010, 08:00 AM
ماشالله

verona
02-22-2010, 02:31 PM
ماشاء الله يا فيرونا
جميلة اوي التورتة
انا كمان خبيرة في عمل التورتات المنزلية
بس اقولك شوية حاجات من خلال خبرتي في التورتات يمكن تفيد الجميع

لما التورتة بتتحشى مربي بيكون طعمها بيتي اوي اما لو اتحشت كريمة بيكون طعمها زي اللي برة بالضبط كمان كريمة الخفق بيبقى طعمها حلو اوي بس عايزة سكر كتيير وممكن نسيح شيكولاتة خام ونضيفها عليها لما تبرد شوية
كمان انا بسقيها بماء الكمبوت واقطع من الفواكه اللي ح اذوق بيها فوق حتت صغيرة واحشيها بيه مع الكريمة ولو مش حاعملها بالفواكه او ما عنديش كمبوت بجيب السفن اب وافضل ارجه لحد ما يخرج الاستيم بتاعه كله وبعدين اسقي بيه
بعد ما اكسي التورتة كلها بالكريمة من برة وكنت ح اعملها بالفواكه وارص الفواكه بشكل جميل اجيب جيلاتين واسيحة في شوية ماء وسكر ا و باقي ماء الكمبوت وافرده على وش الفواكه كلها منه يديها لمعة جميلة ومنه يمسكها لما تتقطع
الجوانب بكسيها بجوز هند بس بعد ما احمصه شوية في قلاية من غير اي مادة دهنية واحصل على اللون الذهبي الجميل كمان طعمه بيبقى حلو اوي
ولو بعمل كيكة شيكولاتة ممكن احشيها من جوة كريم شانتيه شوكولاتة واقطع قطع شيكولاتة واحمص عين جمل وبندق واكسره قطع كبيرة واحطه مع الحشو بيكون طعمهم حلو اوي
وبالهنا والشفا
ويارب اكون افدتكم زي ما انا استفدت منكم :0154:

ما شاء الله لا قوة إلا بالله عليكي يا ملوكة .....أستاذه :)

فعلا مع تورته الفواكة انا بعمل كده بالظبط والله , بس بما إنك شطورة بأة خليني استغلك شويه معلشي ,,, ما صدقت لقيتك ..

بتشتري الجيلاتين منين ؟؟ لحسن انا دخت عليه و الله ؟ واللي كرهني في تورته الفواكة ان الفاكهة بتسود على وش التورته لانه مش معزوله حتى بعد ما أدهنها بجيلي برضو بتسود :(

كمان جوز الهند لما بتحمصيه من غير ماده دهنية مش بيلزق في الطاسة ؟؟ و لا بيسود بسرعة ولا حاجة ؟؟ والمكسرات بتحمصيها بنفس الطريقة ولا ممكن تتحط شوية في الفرن عشان تتحمص .

آه كمان فكرة السفن أب دي أول مرة أسمعها , بتدي نفس طعم الشربات أو الكمبوت , يعني لو اتحطت التورته في التلاجة متغيرشي طعمها ؟؟؟

و جزاكي الله خيرا يا حبيبتي وربنا يخليلك كتاكيتك يا رب و يقومك بالسلامة...

sosohady
02-22-2010, 02:58 PM
تسلمى يافيرونا شكلهت مغرى احلى حاجه عمايل البيت:و7:



واضح انك شطوره لان افكارك كلها روعه و جميله ياملوكه تسلمى لينا:و7:

ملوكة***
02-24-2010, 09:17 AM
verona;
]ما شاء الله لا قوة إلا بالله عليكي يا ملوكة .....أستاذه :)

الله يخليكي يا قمر
انتي اللي احسن

فعلا مع تورته الفواكة انا بعمل كده بالظبط والله , بس بما إنك شطورة بأة خليني استغلك شويه معلشي ,,, ما صدقت لقيتك ..
انا تحت امرك والله انا اتعلمت منكم كتيييييييييييير



بتشتري الجيلاتين منين ؟؟ لحسن انا دخت عليه و الله ؟ واللي كرهني في تورته الفواكة ان الفاكهة بتسود على وش التورته لانه مش معزوله حتى بعد ما أدهنها بجيلي برضو بتسود :(

الجيلاتين وانا في مصر كنت بشتريه من محلات متخصصة في بيع حاجات الحلويات يعني عندنا في الاسكندرية مطير وخليل الحلواني وكان ساعات على هيئة ورق وساعات بيكون بودرة
بس لما جيت هنا لاقيته بيتباع عادي في الهايبر ماركت زي كارفور مثلا وماركته دريم المصرية وهي علبة تركواز ومكتوب عليها دريم باحمر وكل علبة فيها حوالي 3 باكيت من جوة وفيها بودرة جيلاتين

شوفي انا حاولت اشوف لك صورته العلبة واضحة في الصورة هي دي اللي انا بجبها مش عارفة موجودة في مصر ولا لا ولا انتي في مصر ولا برة ؟؟

http://amanimoh.googlepages.com/maqader.jpg


كمان جوز الهند لما بتحمصيه من غير ماده دهنية مش بيلزق في الطاسة ؟؟ و لا بيسود بسرعة ولا حاجة ؟؟ والمكسرات بتحمصيها بنفس الطريقة ولا ممكن تتحط شوية في الفرن عشان تتحمص .

جوز الهند لما بحمصة مش بيلزق خالص كمان زيادة في الامان حمصيه في طاسة تيفال وكمان تاخدي بالك انه مش بياخد وقت خالص يعني تفتحي النار وتستمري في التقليب السريع ولما يوصل لقبل الدرجة المطلوبة اطفي وافضلي قلبي او اقلبيه في صينية تانية عشان ما يتحرقش
المكسرات ممكن تحطيها في الفرن بتبقى حلوة واللوز عشان تقشرية اغلي ماء وانقعيه فيه ح يتقشر بسهولة وبعدين حطيه في الفرن اما البندق وعين الجمل حطيهم بقشرهم في الفرن واول ما يطلعو افركي القش بايديكي ح يطلع

آه كمان فكرة السفن أب دي أول مرة أسمعها , بتدي نفس طعم الشربات أو الكمبوت , يعني لو اتحطت التورته في التلاجة متغيرشي طعمها ؟؟؟
لا مش بتغير الطعم خالص وطعمها لذيذ خصوصا مع التورتة اللي كيكتها شيكولاتة بس المهم انك ما تزوديش كمية السائل عشان الكيك ما يبوش



و جزاكي الله خيرا يا حبيبتي وربنا يخليلك كتاكيتك يا رب و يقومك بالسلامة

الله يخليكي يا جميل

رانية المصرية
02-24-2010, 11:02 AM
ما شاء الله
تبارك الله
روعه
تسلمي فيروووووو
يلا هاتي بقي ندوق :)

verona
02-25-2010, 12:46 PM
ملوكة ....متحرمشي منك يارب أبدا .... وانا حدور عليه في الهايبر ماركتس هنا بس على الله ألاقيه ..


روني ......يا حبيبي انت تؤمر بس وأنا أعملك أحلى تورته يا جميل :),,, هو أنا أطول يعني ....

ابصنع انا حظي
02-27-2010, 02:17 PM
الف شكر

ساهور
02-27-2010, 10:34 PM
:0146:السلام عليكم ورحمه الله وبركاته
تسلم ايدك جميله اوى واكيد طعمها كمان هيكون رائع:ق201:

verona
03-03-2010, 01:34 PM
حظي .... ساهور

جزاكم الله خيرا حبيباتي :)

goory10
03-16-2010, 12:12 PM
تسلم اييييييدك كل شويه ادخل اتفرج اقووووول يمكن اعملهااااااااااااااااا

بس لو عملتهااااااااااااااااا اكيد هقووولك


تسلم ايييييدك ياااااااااااااااااااااااااا احلى فيرووووووووووووووووووووووووو وجزاكى الله الف خير

F6emh
03-16-2010, 12:19 PM
لذيييييييييذة الله يجزاكي خيييييييييييييييييييييييييييييير لاخلى ولا عدم حبيبتي

غرور سمراء
03-16-2010, 01:07 PM
بالهناء والشفاء حبيبتي

HeeOL$$heart
03-17-2010, 09:27 PM
يسلمووووووووووووا

غااادة
03-18-2010, 01:18 AM
:350:

றiss Judy }●~.
03-29-2010, 01:27 AM
http://www.bh-30.com/up1/uploads/images/bh30.comc1d89cccc3.gif

تسلم إياديكٍ






انتقاء جميل ورائع ,


طرح راق لي جدا ,






يعطيك ألف عآفيه وبنتظآر آلمزيد من هذآ آلعطآء آلرآقى ..

لكِ كل الشكر ..
ودي..~
http://www.bh-30.com/up1/uploads/images/bh30.comc1d89cccc3.gif

ريانه العووود
04-07-2010, 08:23 AM
يسلموووووووووووووووو

roro2009ر
04-08-2010, 03:57 PM
شكرا وجزاكى الله الف خير

verona
05-24-2010, 02:11 AM
جزاكم الله جميعا كل الخير على ردودكم المشجعة :)

شهوده الفراوله
05-24-2010, 02:20 AM
يعطيكي الف عافيه عالكيكه حلو شكلها اكيد مثل الي سوتها

سجى الضحى
05-24-2010, 02:37 AM
ميرسي...

دودي انا
05-24-2010, 12:41 PM
تسلم ايدك يا فيرو تجنن

بنوته فرفوش
05-24-2010, 02:26 PM
تسلمى فيرو
اكيد هيطلع طعمها هايل

verona
05-24-2010, 04:03 PM
تسلمولي يا بنات و الله ......

و بجد طعمها فعلا بيكون حلو ........... هما اللي بيقولولي :)

verona
11-10-2010, 04:24 AM
أب ... و كل سنة و انتو طيبين ... و معيدين :)

يقيني بالله كبير
11-10-2010, 04:33 AM
بارك الله فيكك

آخر أحزاني
11-10-2010, 04:53 AM
وماذا يمنع أن تنجول في صفحاتكِ
ونتمتع بما يزرعه قلمكِ
من فن وابداع متقن
تقبلي مروري وشكري

DODO QUEEN
11-15-2010, 12:12 AM
جميله الطريقه وسهله
عاشت الايادى يافيرونا :0149:

وكل عام وانتى بخير يارب

http://images.aarabladies.com/media/images/224426ce.gif

جوري سويت
01-21-2012, 07:47 AM
وآآآآآآآآآو
مآشاء الله عليكي
طبآخه مآهره :036:
كل الود لك

samah abdo
01-24-2012, 04:46 AM
سلمت يداكى يا قمر

سحوره من الوطن
01-25-2012, 09:18 PM
تسلم الايادي شكلها روعه

بغيت الخير
01-27-2012, 05:31 PM
ماشاء الله


Content Relevant URLs by vBSEO 3.6.0