المساعد الشخصي الرقمي

مشاهدة النسخة كاملة : فضلا لا امراً مجربات اطفال الأنابيب في فقيه الدخول للأهميه



توته الخربوطه
02-09-2010, 05:12 PM
:م0:عزيزاتي المتأخرات في قسم تأخر الأنجاب في منتدى الفراشه
حبيت افتح معاكم موضوع أطفال الأنابيب وفي مدينة جدة بالتحديد لكثرة مراكز المساعدة على الأنجاب فيها وخصوصاً
مستشفى الدكتور سليمان فقية
بحكم انها اقدم مراكز المساعدة على الأنجاب وقد تم فيها اجراء اول عملية اطفال انابيب في الشرق الأوسط لأمرأة سعوديه وقد نتج عنها ولادة أول طفل انابيب سعودي وعربي في الشرق الأوسط وكثير من الأخوات أجرو عمليات اطفال انابيب فيها وعشان تفيدي وتستفيدي أتمنى انو اي وحدة عندها تجربه تدخل وتحطهاعلى النحو التالي
من الطبيب او الطبيبه اللذي اجرى لكي العمليه ؟
كم تكلفة العمليه ؟
كم بويضه تم سحبها وكم جنين تم ارجاعه ؟
ما هي نصائحه لكي بعد ارجاع الأجنه ؟
ماهي اجرائات طبيبك في حال الأجهاض - الحمل - فشل العمليه ؟
مارأيك في طبيبك اللذي اجرى لكي العمليه ؟
هل هناك ملاحظات تودين اضافتها ؟
ارجوكم انا في اشد الحاجه لخبراتكم وشكرا للجميع:090:

صبا**
06-24-2010, 03:01 PM
للرفع

لــيــنــا
09-13-2010, 07:12 AM
السلام عليكم ورحمه الله وبركاته ..

اللهم ارزقني وجميع المسلمين بالذريه الصالحه المصلحه بقدرت يارحيم يارب لاتحرمنا نعمتك ياقادر علي كل شي ..

اللهم صلٍ علي سيد المرسلين ..

نبدا :0154:

اول شي انا كانت اول تجربه ليا بمستشفي فقيه قبل شهرين بس فشلت العمليه لاسباب حاذكرها عشان كلكم تستفيدو حبايبي ..


من الطبيب او الطبيبه اللذي اجرى لكي العمليه ؟

الدكتور الفاضل عثمان سندي ..

كم تكلفة العمليه ؟

12,000 الف من غير تكلفه الابر ..

تكلفه الابر ..

الابره الاولى التحضيريه كلفتنا 500 ريال سعودي واخذت الابره من صيدليه جواهر الي جنب مستشفى فقيه ورحت ضربتها بنفس عيادت الدكتور عثمان سندي

الابرا التانيه ..

اخدت ابرا التنشيط الابره الوحده يختلف سعرها من صيدليه لصيدليه بفرق ريال الي ريالين بمعني..

من صيدليه النهدي بالمدينه كانت بــ 98وكم هلله ومن صيدليه دان بجده 97 وكم هلله واحيانا ببعض الصيدليه نفس سعر المدينه ..

كنت اضرب الابر بمستشفي السلام بجده بقيمه 13 ريال واذا بمستوصف بــ 5 ريال ..

الابر التفجيريه والله ناسيه سعرها بس اضن 23 ريال

طبعا الابر المنشطه مرا كتير انا تقريبا كلفتني الابر المنشطه حوالي 1800 ريال لاني باليوم كنت اضرب ابرتين لمدة 9 ايام :059:...




كم بويضه تم سحبها وكم جنين تم ارجاعه ؟

عدد البويضات اضن 20 ورجع 3 فقط :059:

ما هي نصائحه لكي بعد ارجاع الأجنه ؟

النصيحه الاولى انو بعد اجراء الترجيع ماتحرك لمده تتراوح من ساعه الي نصف ساعه ..

النصيحه الثانيه مايكون في جماع مع زوجي في فتره الاسبوعين من بعد الترجيع لان الحيونات المنويه عامل محفز لرحم بانزال الاجنه لان من الحيونات المنويه ياخدو الطلاق الصناعي ودي المعلومه الي هيا دكتور استشاري توليد بالرياض ..

النصيحه الثالثه ما اشيل اي شي تقيل ولا ادف شي برجلي ولا ادنق <--مدريب اللغه العربي ايش ينقلها :401:


دي نصايح الدكتور عثمان سندي وانا اعطيكم نصايحي بالاخير من تجربه ..


ماهي اجرائات طبيبك في حال الأجهاض - الحمل - فشل العمليه ؟

عادي كلمتو وقلتلو انو نزل مني دم وطبعا في حكايه لسبب فشل العمليه حاقولكمهيا بعد ماخلص الاجابه ع الاسئله ..

قالي وقفي الادويه وارجعيلي بعد 3 اسابيع :و0:

مارأيك في طبيبك اللذي اجرى لكي العمليه ؟

انا ارتحتلو مراا اول شي مرا طيب مرا مرا وتاني شي لسانو دايم بذكر الله الشي الي مرا عجبني انو وقت الترجيع قعد يقول ادعيه وخلاني اردد وراها ..


هل هناك ملاحظات تودين اضافتها ؟

طبعا :028:

الملاحظه الاولى ..

اول شي ..

يوم سحب البويضات يكون تخدير كامل لازم تروحي وانتي صايمه عشان البنج ..

تاني شي ..

يوم ترجيع الاجنه لازم تروحي المستشفي وانتي شاربه مويا مرا كتير عشان كل ماكنتي محصوره كان افضل لانو المثانه لمن تكون مليانه توضح لدكتور وقت ترجيع الاجنه فين يغرس الاجنه بالمكان الافضل ..

بعد ترجيع الاجنه تجلسي من نص ساعه الي ساعه ماتتحركي مرا وتحطي يدك علي بطنك وتقولي وجعلنه في قرار مكين ..

طبعا حتجلسي ميته من الحصره حقت البول بس استحملي حيجي مغص خفيف بس دا مغص البول الله يكرمكم يعني مافي شي يخوف ..


لمن تروحي البيت لازم لازم لازم تشربي مويا مرا كتير والسبب المويا تساعد الاجنه بالانقسام والانغراس وقله المويا تسبب جفاف للاجنه لازم باليوم مالايقل عن لترين ..

الحليب لازم تشربي برضو لترين حليب بس معا كل كاسه حليب ملعقتين نشاء <-- تساعد بتثبيت الاجنه باذن الله ..

عصير البرتقال دا مرا ضروري لانو يحتوي علي فيتامين سي وفتامين سي يساعد الاجنه بالانغراس بقدرت الله ..

مرا لازم تكترو من البروتينات والسلطات وتكتري من الخيار والخس الخيار مرا مفيد بس يتقشر والفواكه

يعني تخلي اكلك كلو سلطات وشوربه وتحاولو تبتعدو عن المقليات والدهون الكتير يعني مع سلطه الخضار تحطي رشه زيت زيتون مرا كويس ..

....

الامور الي تبتعدو عنها ..

البيض .. والكبده ..والجرجير ..و الغازيات مرا خطيره ..والتونه كمان خطيره ..و اي شي فيه مواد حافظه ..والمرتديلا ..والديك الرومي ..والتمر والعسل مرا مو طيب ..و المخلالات ..واي شي سبايسي يعني فلفل حار اي شي حار مو طيب .. <-- المعلومات دي ماقالها ليا الدكتور اخدتها من ناس مجربه



بس اهم اهم شي لترين المويا وقلتلكم السبب وكمان الحليب بالنشاء ترا انصحكم فيا والله عن تجربه ..


طيب اقولكم السبب بنزول اجنتي ..

انا لمن سويت العمليه التزمت الراحه وقرات القران والاستغفار وكنت لمن انام انام وارفع رجلي احط مخدات وارفعها قالتلي عليها الممرضه بالمستشفي والحركه مرا طيبه ترا ..

كنت اخد حمض الفوليك واسبرين وتحاميل بروجستين ..

التحاميل الي صرفها ليا الدكتور عثمان كانت من نفس المركز لانو قال ماحلقاها برا وانا سويت العمليه برمضان

فكنت وقت الصيام احطها عن طريق المهبل ووقت الافطار ابلعها وهو قالي كده

الحمدلله طوال فتره الايام الاولي كان وضعي سليم حتي افرازاتي بيضاء بس كان فيا غازات مرا قويه وكانت مصاحبتي الالم برحمي وغزات زي وغزات الدوره وكل دا كان طبيعي

وصح قبل مانسي بعد العمليه تاني يوم نزلت عليا مويات وكلمت الدكتور وقالي لاتخافي دا شي عادي

سالت قريبتي لانها سوتها خارج المملكه قالتي حتي هيا وقالها دكتورها انو الموريا دي وقت ترجيع الاجنه يحطو مطهرات واشياء تحافظ علي التثبيت وتاني يوم تنزل عادي يعني مافي منها خوف


طيب كيف سارت مشكلتي

اول شي الدكتور الله يسامحو ويسعدو ماقالي انو لازم اسوي تحليل حمل رقمي الي هو هرمون الحمل

وتاني شي ماقلي انو المويا الكتير مفيده

فانا قبل موعد التحليل الي هو قالي عليها حللت بول وطلعت النتيجه ايجابيه خطين

بعهدا بيومين رحت احلل دم عشان اتاكد اكتر لمن رحت حللت تحليل حمل عادي الي تطلع نتيجتو بنص ساعه طلع سالب يعني مافي حمل

اتصل زوجي ع الدكتور وقالو الدكتور مافيهم من زوجي انو انا سويت تحليل حمل يحسب زوجي يقولو انو نزل من دم فقالو خلاص الله يعوض عليكم وخليها توقف الادويه انا لمن زوجي قالي كده انهرت

لانو كل وضعي كان سليم

من الصدمه خرجت ورحت لاهلي بيت اهلي درج كتير طلعت الدجه وقعدت ابكي عندهم بانهيار ويابنات النفسيه عامل اول بالعمليه لازم النفسيه تكون تمام عشان ماتاثرو علي اجنتكم لانو لو النفسيه انعدمت ممكن دا الشي ياثر عليهم

المهم وانا عند اهلي سار يخرج من افرازات بنيه خفيفه ودي قالولي مافي منها خوف تحصل بسسب الاجهاد

المهم رجعت كلمت الدكتور لانو صحبتي قالتلي لازم تسوي تحليل رقمي

لمن كلمت الدكتور وفهمتو انفجع قالي انتي زوجك قالي انو نزل دم ماقلي انو تحليل دم قالي خلاص كملي ادويتك وضعك سليم

قمت رجعت البيت وطبعا نزلت درج وانا بانزل الدرج احس الم برحمي كانو سخونه

قعدت 3 ايام وضعي تمام سويت تحليل بول وبرضو كان في حمل اليوم التالت رحت سويت تحليل هرمون الحمل الي هو الرقمي الي قالي عليه الدكتور وانا راجعه للبيت سار ينزل من دم :059:لاني اجهدت نفسي

وتاني يوم اخدت النتيجه انو مافي حمل والعدد الرقمي صفر وسار ينزل مني دم كتير ومازال ..

وتوته توته خلصت الحتوته

يابنات انا هرجت كتير ادري بس ابغاكم تنتبهو من الشي الي سارلي امانه اي وحده تبغا تسوي طفل انابيب

تقرا كل يوم سوره البقرا وتستغفر مرا كتير وتشرب مويا مرا كتير وحليب بالنشاء وباذن الله حيثبتو ..

انا ان شاءالله حارجع اعملها بس لسا استنا الدكتور يشوفني بعد ماخلص الدم الي فيا يسير هو يحدد متي

بس في نقطه مهمه اي وحده تبغا تسوي طفل انابيب تهيا نفسه قبل بشهر او 3 شهور او حتي اسابيع تاخد كل يوم حبه حامض الفوليك ترا مرا مفيد مرا مرا

كل الي اعرفهم سوا العمليه ونجحت من الو مرا لانهم كان ياخدو حمض الفوليك من بدري واسبرين


ولاتنسو النفسيه مهمه مرا وكمان لاتنسو مقوله الرسول الكريم صل الله عليه وسلم دارو اموركم بالكتمان <-- دا من الاسباب الي ماخدت فيها بالمره الاولي وان شاءالله حانتبه بالمرا التانيه ..

يارب اكون فدتكم واي وحده عندها سؤال لاتشيل هم تسالني وان شاءالله اجاوبها علي اقدر عليه ..:062:



عارفه انو الخط كبير قد راس العدو بس عشان الكل ينتبه لردي ويتفادى كل غلطاتي وربي يرزقنا بدون حساب

اللهم لاتذرنا فردا وانتا خير الوارثين ..:ق6:

آήـثـــے لآتتـــگـرر
09-13-2010, 09:12 AM
رفع للفائده

؛ البنفسجيه ؛
09-18-2010, 01:56 AM
للرفع

بيبي حمودي
09-18-2010, 09:37 AM
الله يعوضك بالطفل السليم المعافا يارب

ويرزقني ويرزق كل محرومه يارب

دعواتكم لي اخواتي بالطفل السليم المعافا يارب


وانا حابه اعرف مثل اختي توته كل المعلومات اللي تخص عملية اطفال الانابيب

الغوالي قلبي
09-18-2010, 10:25 AM
الله يرزقنا واياكم بالذرية الصالحه يارب

كاتشب بالفراولة
09-18-2010, 11:29 AM
ياليت اللي جربت مجدي الشيخ تقول لنا عن تجربتها

عاشقة تراب الجنه1
09-19-2010, 09:40 AM
الله يرزق كل محرومه

كاتشب بالفراولة
09-19-2010, 10:10 AM
اب

حنونه:)
09-26-2010, 01:07 AM
حبيباتي
اللي جربت مجدي الشيخ في فقيه تقول كيف تجربتها
وكم تكلفة العمليه عنده

أورجينال
09-26-2010, 07:31 AM
اب

فراشه ورديه999
09-26-2010, 08:17 AM
سبحان الله وبحمده

eng_manoosh
09-26-2010, 09:30 AM
متابعه لانه بدي اعرف كل شي كمان وجزاها الله كل خير اختنا لينا عالفايده وربي يعوضها خير يا رب

حنونه:)
09-27-2010, 05:18 AM
اب

فراشة الامل2
10-23-2010, 07:48 PM
من الطبيب او الطبيبه اللذي اجرى لكي العمليه ؟
دكتور /عثمان سندي..
كم تكلفة العمليه ؟
12000من غير تكلفة الابر ولادويه والتحاليل..
وصرف لي حبوب حامض الفوليك وجوسبرين من ثاني يوم لدوره..
مع صرف تحاميل مهبيليه ناسيه اسمها من يوم الترجيع لوقت تحليل الهرموني بعد 15 يوم من الترجيع..
كم بويضه تم سحبها وكم جنين تم ارجاعه ؟
6بويضات وتم ارجاع جنين واحد..
ما هي نصائحه لكي بعد ارجاع الأجنه ؟
الراحة التامه وعدم عمل ي مجهود شاق وعدم شيل اشياء ثقيله وكثرة الإنحناء في الظهر..

ماهي اجرائات طبيبك في حال الأجهاض - الحمل - فشل العمليه ؟
في فشل العملية توقيف المثبتات ..
وفي الحمل ماجربت لله يرزقني في محاولتي الجايه..
والاجهاض نفس الشيء ماصار لي لانه فشلت عمليتي..
مارأيك في طبيبك اللذي اجرى لكي العمليه ؟
قمة في التعامل والاخلاق..وكان يخليني اردد معاه في الادعيه في وقت ارجاع اجنتي..
هل هناك ملاحظات تودين اضافتها ؟
قرات سورة لبقرة والاستغفار والصلاة على النبي..والصدقة بنيه الحمل..والراحه النفسيه المعنويه والجسديه..
واتباع النصائح وشرب يوميا بعد الترجيع 2لتر مويه وشرب كاسة حليب..
والاكثار من شرب عصير البرتقال..
الاكثار من اكل السمك..
الابتعاد عن تناول الدجاج والتونه والتمر والعسل والمنبهات كالقهوة والشاي والغازيات..
ارجوكم انا في اشد الحاجه لخبراتكم

ندى الورد...
10-23-2010, 08:10 PM
ربي لا تذرني فردا وانت خير الوارثين

مسك طيبة
10-24-2010, 09:15 AM
ماعندي معلومه بس ادعيلكم من كل قلبي

الله يرزقنا جميعا يارب

رحمتك

بقايا العمر
01-07-2011, 03:03 PM
أنا جربت حقن مجهري عند هشام عرب
والله يسامحة في اشياء مع الاسف ماقالها لي قبل الحقن ويمكن تكون السبب لفشلها
والان ابي ابدأ مع الدكتور عثمان سندي
قال لازم طفل انابيب
بس مابدأت لسى الكورس ولا ادري كم يكلف العلاج عنده ؟!

اتا دلوعه دايما
01-20-2011, 01:46 AM
الله يرزق الجميع ياااااااااااااااااااااااااااااااااارب ويرزقني ياااااااااااااااااارب

شريطه بنكي
02-06-2011, 10:56 PM
يارب ارزقنا ياااااااااااااااااااااكريم


Content Relevant URLs by vBSEO 3.6.0