المساعد الشخصي الرقمي

مشاهدة النسخة كاملة : علاج البلغم(فعال ومضمون)



&جنة الدنيا&
02-26-2010, 09:06 PM
السلام عليكم

انا طالما استفدت منكم وحبيت افيدكم بتجربتي مع ولدي قي علاج البلغم

ولدي عنده حساسية في الصدر من قبل لا يكمل 40 يوم وكان تجيه كحة بلغم قوية يا حرام


لدرجة اني شريت جهاز البخار حق البيت عشان اركبه عليه قبل لا ينام عشان ينام وهو مرتاح

ووقت الي يزيد عليه اوديه المستوصف خاص وطبعا عارفين مايضل دوا في العالم مايكتبونه له

ومرة جاله لدرجة موقادر يتنفس وديته المستوصف قالو وديه مستشفى الأطفال لازم تنويم

لأن الأكسجين نازل عنده وديته وتنوم هناك وتابع حالته استشاري كبير ضليت هناك يومين

طبعا صارو يعطونه جلسات بخار كل 6 ساغات وماشالله تحسن وكتب خروج له وكتب له علاج بس

قطرة خشم وهي محلول الملح بس قلت وشدعوه حتى علاج للكحة ماعطوه

المهم طلعت يوم ثاني رجع ولدي كما كان ووديته مستشفى خاص كتب له ادويه مسكن ومحلول حق احطه له في البخار


وتحسن ماشالله ومرة فترة وتغير الجو ورجعت الكحة اشد من اول

وطبعا انا ماقصرت في العلاج الطبيعي يانسون نعناع زيت السمسم بس ذول يرتاح اشوي اذا شربهم يعني ولدي صار لي فار تجارب كل ما اسمع شي اعطيه اياه


وبعد ما مرض مرة ثانيه وجاته الأزمةسمعت عن دكتور شاطر قلت بروح له للأسف طلع مسافر ودخلت على طبيب عام بس ماشالله شاطر


ويوم من الأيام اختي الي اهي ممرضة كانت تتكلم عن الدكتور الي عالج ولدي في الحكومة ( انا بصراحة اجزم ومصرة انه زي دكاترة الحكومة كفاءة مافي ومستحيل بنلاقيها في الخاص) قالت

انه مرة راحت له طفلة كانت تعبانة ولا بقادرة تتنفس من البلغم تدرون وش سوى ؟؟

اخذ قطرة محلول الملح نفس الي كتبها حق ولد ي عصرها كلها في خشم البنت

والبنت ضلت تعاطس بقوة لين طلعت البلغم كله من خشمها (برافو) شفتو شلون الأطباء الأكفاء والي صج عندهم خبرة

وبعدين انا فكرة :0148: قلت عشان كذا كتب بس محلول الملح حق ولدي ونا ماصدقت خبر

داومة على القطرة يمكن احيانا انسى ما احط له بس اذا قطرت له احط نقط كثيرة يعني اعصر وبس

او ولدي ما يعاطس بس والله اني شفت في صدره تحسن مو طبيعي او لازال فيه جاه من كم يوم بس يوم واحد ماكمل ألأ وهو

ماشالله رايح عنه مو كليا بس تحسن كثير لأن القطرة صارت تخفف البلغم

لأن كان يضل اسبوع هو تعبان من صدره وكنت استخدم له كمان علاج نقط مذيبه للبلغم اسمها Fenistil اعطيه 3 مرات في اليوم ولين الحين انا مستمرة على محلول الملح والنقط عند الضرورة والحين ولدي في الشهر السادس ماشالله تحسن وربي شاهد


ملاحظة: محلول الملح يمنع حدوث البلغم ( الوقاية خير من الف علاج)

كثرةهذرة بس تمنيت اني افيدكم


ادعو حق ولدي بتمام الصحه والعافية وان الله يخلي لي زوجي

اضحك واجاملك
02-26-2010, 09:37 PM
بنتي الحين عمرها 4 شهور ومعاها كحة قوية وبلغم
وديتها المستوصف وعطاها بخار قبل امس
بس الى الان الكحة معاها واحس انو العلاج مافاد .؟؟؟؟

لموره قموره
02-26-2010, 11:17 PM
يعطيك العافيه

cold winter
02-26-2010, 11:19 PM
شكرا لك اختي

ليدي ستايل
02-26-2010, 11:27 PM
صحيح انا شخصياً جربتها لإبني وفاد معاه
الحمدلله....أنصحكم تجربونها

&جنة الدنيا&
02-26-2010, 11:31 PM
اختي الدكتور قالي انه الكحة طول على ماتروح ولا يحبب دواء الكحة لأن الطفل لازم يكح عشان يطلع البلغم

&جنة الدنيا&
02-26-2010, 11:36 PM
مشكوووورين على مروركم

Roo0ooRy
02-27-2010, 02:17 PM
ياعسل هو كدا اسمه محلول الملح يعني لو بروح اشتريه ايش اقله
ووهو عباره عن ايش قطره ولا نقط؟؟

سنابل
02-27-2010, 02:29 PM
الله يشافيها ويعافيها ويجفظها لك يارب ،،

عن تجربة

فعلا رهيييييييييييييييييييييييب

ام مياسة
02-27-2010, 05:38 PM
صح القطره حلوه بس انتبهو خواتي لازم تجطون بالفتحه الاولي وتجلسي شوي وتحطي بالفتحه التانيه مو مع بعض عشان لايختنق الطفل

¨°.O.o (The witch) O.o.°"
02-27-2010, 09:48 PM
ربي يعطيك العافية

وفعلاً من تجربتي القطرات اللي بالفم مع قطرة الأنف والبخاار احسن حل

حتى مرة تعبت بنتي اخذتها على مستوصف خااص وتخيلي الدكتورة وصفت لها مضاد حيوي مع بخاار

عطيتها المضاد يومين ماخفت علية وقلبي ماطاوعني اكمل حسيت حرااام لسة صغيرة استمريت على البخاار والحمد الله خفت بسرعه
بعدها حرمت اخذها هنااك

والحين صرت اخذها لعيادة خاصة .. لكن الدكتور ماشاء الله علية استشاري ممتاز ويحاول يبتعد عن الأدوية قدر الإمكاان يعني المضاد والعلاجات القوية تكون اخر شي اول شي يحاول بالمحلول والبخار واذا ماخف لو استعان بالأدوية القوية
حتى لما قلت له أن الدكتورة وصفت لها مضااد استغرب وعصب وقال لي استمريتي علية قلت لا وصفتة 6 ايام وعطيتها يومين بس لأن خفت عليها منه قال لي احسن .. أن ضررة اكثر من فائدتة وأن البعض يوصفة عالطول مايحب يوجع راسة .. بينما هو المفرووض يكوون اخر حل

ولآن بنتي مسمترة مع هذي العيادة بس تقفل الساعه 8 فـ إذا كانت مو متوفرة اخذها حكوومي

وفعلاً المستشفياات الحكومية احسن من المستوصفاات الخااصة ..

لأن كثر الأدوية ماتصلح للبيبي وتضعف جسمة ماتقووية

&جنة الدنيا&
02-28-2010, 04:59 AM
رووري اي اسمه محلول الملح وهي قطرة حق الأنف او حتى لو تخلطين ماي مع ملح عادي بس افضل انج تشترينه لأن مانعرف احنا كمية الملح الصحيحة

بس روحي الصيدلي قولي عطني محلول الملح قطرة حق الأنف

ام مياسة اتوقع عادي لأن الطفل يقدر يتنفس من فمه بعد بس بنسويها للأحتياط



ومشكورين على مروركم

&جنة الدنيا&
02-28-2010, 05:03 AM
O.o (The witch) O.o.° مشكورة على مرورك انا هالأيام ماشالله حتى البخار استغنية عنه

والله يشفي بنتك وولدي

آآحـــآآسيس
02-28-2010, 05:14 AM
جزاك الله خيير

&جنة الدنيا&
03-14-2010, 09:28 AM
مشكوورة غلا على مرورك

أم أسيل 2009
03-14-2010, 11:51 AM
أنا بنتي تعبت زي كذا بالضبط وكنت أديها القطرة بس أحسها تكتمها بزيادة ورحت عند دكتورة مرة شاطرة بصراحة أدتها بخار وأنا عندها في المستشفى وقالت لي في البيت عطيها القطرة بس خذي من المحلول حقها وحطيه في محقن حق الأبرة الطبية يعني يمكن واحد مل وحطية كله في خشمها أو اشتري القطرة اللي تضغطيها وتطلع المحلول زي البخار أسمها( سالينوز ) بخاخ والله يومين وبنتي طيبه الحمدلله بس أنا استمري عليه لحد ماكملت أسبوع
معليش طولت لكن للفائدة

(((بنت سدير الشمرية)))
03-14-2010, 06:03 PM
يعطيك العااااافية

أم خزز
03-14-2010, 07:28 PM
والله تكلموا عن نفس معانتي مع ولدي تعبت معها كثير اليوم بيكمل ثلاث اسابيع وهو ما يشرب الحليب والبلغم في صدري كثير اعطه مويه ملح وزيت سمسم ولبان ذكر ما في اي فايدة تعبت مو راضي يمص الرضعه ابدا ابدي لحل

meme-9
03-14-2010, 07:36 PM
الله يخليه لك ومشكورة

ام خليفه بونفس خفيفه
03-23-2010, 08:55 PM
السلام عليكم يابنات وانا نفس شئ والدي عمره شهرو14 يوم وفى كحه وبلغم الحين الحمدالله بس بلغم لن الحين وستعمل له محلول الملح واتمناه ان يروح عنه ياربي بس بعد استعمل له الحبه سوده مع ملعقه ص عسل يعني اطبخه فى الماى وبعدين احط فيه ملعقه ص عسل


Content Relevant URLs by vBSEO 3.6.0