المساعد الشخصي الرقمي

مشاهدة النسخة كاملة : يا بناااااااات ........ جهاز الاوربت راك (ORBIT RAC) !!!!!! الله يخليكم!!!!!



umyusuf
06-24-2006, 09:05 AM
السلام عليكم ورحمة لله وبركاته

طبعا مافي رجيم نافع بدون رياضة
وانا الحمدلله بادية في رجيم وكل شي تمام
بس عندي مشكلة مع الرياضة!! 'الا مشكلة الكثيرات مثلي!!!!

ما عندي وقت اشترك في نادي صحي
و في البيت يا دوب احاول اسوي رياضة خفيفة و
اذا حاولت اسوي ايروبكس او اي نوع من الرياضة

يطلع لي ولدي الله يحفظه ويخليه ويهدددددديه............... ما يخليني!!!! 
ويقعد يصيح ويتدلع عليَ ومهما احاول اشغله و اسليه ما يرضى ويعاند!!!!!

عاد صار لي كم من يوم اشوف دعاية الاوربت ترك في التلفزيون والجرايد عندنا


قلت ما في الا اشتري جهاز الاوربت راك(ORBIT RAC)....... اقعد على الجهاز و ابني في حضني .... هو يتسلى وينشغل وان اتمرن واستفيد........... :fhgfdhagi

بس صراحة ما اعرف اذا صج مثل ما يقولون بديل عن ساعة رياضة يوميا او لا؟!!!!


اذا وحدة من الاخوات تعرف اي شي عن الجهاز او استعملته من قبل واستفادت تخبرنا الله يجزاها خير
عني وعن كل من تقرأ الموضوع وممكن تستفيد

حتى اذا ما تعرفون شي عنه تكفي مشاركتم الحلوة :)

moonlady75
06-24-2006, 09:08 AM
والله يا حبيبتي كنت بتمنى افيدك

بس ما عندي فكرة عن الموضوع

ولكن انصحك بالاتصال على الشركة وتستفسري عن الجهاااااز

روعة الغد
06-25-2006, 04:57 AM
ايه حبيبتي انا اقدر افيدك

ماما بعد شافت من سنة الجهاز
واقتنعت بيه حيل واشترته

بس هي سوت ريجيم بسيط حيل
هو انها ما تتعشى بالمرة

لكن تفطر وتتغدى بس من بعد اذان العصر توقف اكل نهائي
وتلعب كانت على الاوربترك نص ساعة باليوم مو ساعة كاملة

ونقصت بهالطريقة 15 كجم بشهر

هاذي تجربة ماما والي صار معها

صديقتي سمينة حيل
نصحتها بيه بعد شفت اثره بماما
واشترته بس تتمرن عليها بدون ريجيم
يعني ما نقصت باكلها
ما نقصت بالشهر غير 4 كجم

يعني يلزمه بعد تنقصين باكلك

انا عن نفسي نحيفة والحمد لله
بس عندي غرام بالريجيمات

يعني احب يوم ازيد كيلو او 2 ادور اي ريجيم واسويه
ولكده بديت مع البنات بريجيم الهزلان
المهم انا استعملته واتمرن عليه يوميا نص ساعة
وبعد فترة يعني حدود 3 اشهر متواصلة
تعالي شوفي بطني

ما عندي بالمرة تقولين عارضة وربي

لكده انا عن تجربة انصحك بيه
بس لا تكونين من النوع الكسول الي يشتري ويخزن وما يتمرن
وبعدين تقولي ما نحفت ... ماما كانت تتريض بالالة قدام التلفزيون
عشان لا تمل ........ سوي اي شي بس استمري عليها وبتشوفين

عسى اكون فدتك يارب

تحية لك اختي

ملاكvip
06-25-2006, 05:16 AM
صراحة اختي الجهاز رائع لكن مع الاستمرار

وانتبهي في منه تقليد اللي ينباع في المحلات الرياضية الغير معروفة

فا احسن لك تاخذيه من الوكيل

بصراحة انا عندي لكن الكسل مابستمر عليه لكن زوجة اخوي عندها بعد وماشاءالله عليها سوت رجيم

ونزل وزنهاا للحد المطلوب ومازالت تستخدمه للمحافظة على وزنهااالها تقريبا سنتين عليه

والله يوفقك

الورد الاسود
06-25-2006, 02:06 PM
انا كان عندي وسمعت دكتوره بتقول انه يشد الجسم ( الاوربت ترك ) درجة

لكن السير الكهربائي افضل باستخدم وحتى كان وزني 109ولحين تحت 100وبيحرق اكثر من مشيء العادي

دموووع
06-25-2006, 03:23 PM
هلا فيك اختي

يا ريت تقولين لي اسم الوكيل ورقم هاتف الوكيل واكون شاكره لك

وهل هو درااجه ام سير مشي كهربائي وكم سعره

وشكرا

umyusuf
06-26-2006, 09:39 AM
شكرا أخواتي moonlady وروعة الغد وملاك و الورد الاسود ودمووع على الردود المشجعة

والله شجعتنوني اني اشتري الجهاز وان شاء الله اليوم اتصل في المحل عشان احجزلي واحد!

بس المشكلة انه في محلين يبيعونه والصراحة الجهاز نفسه والاسم نفسه بس السعر يختلف ومادري اذا كان هو الاصلي او لا!

واختي دمووع عندنا في البحرين ينباع في محل اسم خيبر وفي محل ثاني اسمه ماجك ستور واتمنى اني فدتج
وشكرررررا جزيلا لكل الاخوات اللي شاركوا بتجاربهم :)

umyusuf
06-26-2006, 11:09 AM
يا بنات توني مكلمة الوكيل ويقولون لي انه عندهم ثلاث انواع من نفس الجهاز اوربت تراك
جهاز تقدرين تسوين عليه تمرينين فقط
وجهاز بو ثلاث تمارين
وجهاز ثالث بو اربع تمارين!!
والله يعقدون لنا الامور
وطبعا الفرق بالسعر
الحين محتارة اي جهاز آخذ !!! اخاف آخذ الجهاز الاول وما استفيد منه اوانه العكس كلهم نفس الشي و لهم نفس النتيجة؟!!!
اي نوع هو الي استخدمتوه وبرأيكم الافضل؟!!

دموووع
06-27-2006, 02:00 PM
هلا وغلا فيك اختي ام يوسف مشكوورة على التوضيح

انا من الشرقيه واتصلت بيوم مارك وسئلتهم عن الجهاز ويقول انه موجود عندهم وانهم هم الوكيل حقه

وسعره 700 ريال شامل التوصيل وما قالوا لي ان عندهم ثلاث انواع وسئلتهم عن شكله قال على شكل عجله وكانك تمشين

بس بعد كلامك يمكن ارجع واسئله اذ فيه انوااع ثانيه وبصرااحه مدري يو مارك يبيعون اشياء اصليه او لا

وربي محتااره

يا بنات الي تعرف تكفون لا تبخل علينا والاخوات الي خشوا ويقولون انهم اشترووه من وين اشترووه وكم سعره وهل فيه فعلا ثلاث انوااع الله يعنيا على بعض المحلات احسهم يستغلونا وبقوة بعد

تحيااتي

umyusuf
06-29-2006, 08:05 AM
أختي دمووع رديت عليك على الخاص

bazag
07-02-2006, 03:36 PM
الحين ايهم افضل جهاز السير او الاوربت تراك؟

الورد الاسود
07-03-2006, 05:35 AM
انا عندي السير الكهربائي افضل بكثير وحتى خصائية التغديه بمستشفى ارامكو قلت لي السير افضل من الاروبت ترك لي وهو عجله وكانك بتتسلقي الجبال وتحركي يدك ورجلك يمسى ( اوربت ترك )
دكتوره بعد بتقول انه السير الكهربائي بيحرق اكثر من مشيء عادي

وانا كنت 109 ونزلت تقريبا الى 100 او اقل من ميه وبكمل ان شاء الله لين اوصل لوزن مطلوووب دعوا لي

umyusuf
07-03-2006, 01:23 PM
بالتوفيق يا اختي الورد الاسود

والله احترت السير والا الاوبرت تراك ؟؟؟؟؟!!!!!

انا لحد الحين ناطرة المحل يجيبون الجهاز لانه خلص من عندهم

ملاكvip
07-03-2006, 02:11 PM
اختي وجهة نظر خاصة
اشوف الاوربت راك افضل واخف في الاستخدام والسعر معقول بينما السير تحتاجين الانواع
الجيدة لتحصلي على الافضل وهذه اسعارها غالية بين 3 و5 الاف

الورد الاسود
07-03-2006, 02:36 PM
الله يوفقك الجميع

راحله
07-03-2006, 05:29 PM
السير أحسه أفضل
الاوربت ترك متععععععععب اذا كان هو اللي قصدي عليه

فراشه من الألماس
07-03-2006, 09:00 PM
:frashagir :frashagir

umyusuf
07-04-2006, 10:06 AM
شكرا لجميع الاخوات على التواصل و الآراء

&فراشة الربيع&
07-04-2006, 03:46 PM
اختي انا اشتريت جهاز اوربت راك من الخبير الي بمجمع اللولو كنت ابي اشتري من جيان لكن كان غالي وبعد مافي كرسي ومافي قياس نبضات القلب وكان سعرة 76 دب لكن باللولو 50 وتوصيل نفس اليوم

Sunrise81
07-05-2006, 03:42 PM
أنا أيضا أفكر جديا أشتري أوربت تراك، و أرى أنه أفضل من السير و من العجلة الثابتة،
لأنه يمرن الجسم كله، الذراعين و الأرداف و الأفخاذ و البطن
و لكني محتارة من أين أشتريه، كنت أنوي شراءه من قناة الإعلانات و كان سعره 1230 جنيه مصري
و لكني رأيته بالأمس في سوق هايبر وان بسعر 890 جنيه فقط
و أنا محتارة أيهم أفضل

umyusuf
07-09-2006, 04:12 PM
على ما اعتقد يا اختي ان الجهاز هو نفسه في كل مكان و لكن الفرق انك قد تجدين ان محل يبيعه اغلى من الثاني و الحجة ان الجهاز الي عندهم هو آخرموديل من الجهازالي نزل السوق ان المحلات الثانية تبيع الموديل القديم
والله كله واحد..... يمكن الفرق في اللون او الشكل لكن عمل الجهاز هو نفسه
اتمنى اني افدتك بشيء :)

جروح بارده
07-11-2006, 02:23 AM
ياليت تشروح وش هالجهاز بالضبط وكيف طريقته هل هو وانتي واقفه مثل السير او ايش
غشيمه باجهزه الرياضه بس ودي بجهاز
وهل هو يغني عن التسجيل في النادي وك سعره وين القاه في الرياض

فتاة الشمس
07-11-2006, 03:16 AM
مرحبا اااااااا يا أروع فراشات

أنا بحكم إني أملك نادي نسائي .... خليني أتفلسف شويه وأعمل فيهااااااااا

السير..... لحرق الدهون والسعرات الحراريه .........و هو ممتاااااااز

والأوربت تراك((( الكروس)))........

لحرق السعرات الحراريه ولشد الجسم .....وهو خطيييير لشد الجسم .....

لكن إستخدامه متعب وضروري إنها ما تجهد نفسها.... حتى تتعود عليه......



وبس خلاص
ويعطيكم ربي الصحه و العافيه والرشااااااقه يااااااارب

umyusuf
07-11-2006, 12:50 PM
مشكورة اختي فتاة الشمس على هالمعلومة
والله شجعتيني اكثر على الاوربت تراك لاني احس ان شد الجسم اهم عندي

و الحمدلله اني شريت الجهاز........ بس راح يوصلبداية الاسبوع القادم ان شاء الله
وبالتوفيق للجميع

Sunrise81
07-13-2006, 01:17 PM
جزاكن الله خيرا يا أخوات
و انا ان شاء الله سوف أشتريه
و لكن بعد ما أقبض الجمعية :fdse:

أنشودة القمر
07-14-2006, 02:48 AM
بنات ياليت وحده تنزل صورة الجهاز أو توصف كيف شكله

لأني تحمست وودي اشتريه بس أخاف يكون مايستاهل

umyusuf
07-16-2006, 10:19 AM
خخخخخخ
والله قصوا علي!!

امس استلمت الجهاز و اكتشفت انه مو الاصلي!!! تخيلوا سألت اكثر من وكيل عندنا و كلهم عندهم نفس الجهاز و من غبائي شريت اغلى واحد فيهم على اساس انه يكون نفس الجهاز الاصلي الي يحطون دعايته في التلفزيون و طبعا انا ما رحت المحل و اتصلت عشان يوصلونه لي البيت

ولا و الريال في التليفون يحلف انه الاصلي و عليه ضمان سنه بعد!! و لما وصل انصدمت انه نفس الجهاز بس من صنع شركة ثانيه غير الي يراونه يالتلفزيون!! والله الشكل والسعر و العمل نفسه اللهم اسم الشركة يختلف!!

احترت ...ما عرفت شا أسوي... اصلي مو اصلي ..............خذته و الامر لله .... يقول لي زوجي كله واحد..المهم شغل الجهاز نفسه !! و الله استخدمته شوي امس و حسيته يمرن الجسم لاني تعبت كاني مسويه رياضة ساعة
وشكلي طولت عليكم! بالتوفيق للجميع

*فراشة الندى*
07-17-2006, 10:20 PM
السلام عليكم 00
انا بتكلم عن تجربتي انا اشتريت جهاز الاوربت راك من سنه تقريبا وكان مصيرة للتخزين في البدايه لاني تعبت من استخدامه وحسيت جسمي ثقيل في البدايه عشان كذا تركته وبعد فتررررة رجعتله عشان مسويه رجيم وماتتخيلين كيف استخدامه حلو وسهل مع التعود عليه يعني اول مرة 10 دقايق وفترة وازيد الى نص ساعه والحين الحمدلله ساعه يعني مريح واهم شي انه يشددددددددددددد الجسم كله الفخوذ والبطن والذراع كل جزء في جسمك يتحرك لمدة ساعه كامله يعني تخيلي التأثير كيف بيكون 00 صح ان السير ينحف لكن مايشد وانا احس ان الشد مع التنحيف اهم بكثيير 00وفيه منه نوع بكرسي ونوع من غير 00
وانا ناويه استمر عليه باذن الله اذا نحفت عشان اقدر اكل واثبت على وزني في نفس الوقت وعشان يبقى جسمي مشدود على طول 00 ان شاء الله 00 مدري احس اني طووولت وقلبتها فيلم هندي :frxxagir

umyusuf
07-20-2006, 09:51 AM
مشكورة اختي فراشة الندى على المشاركة
جزاك الله كل خير

umyusuf
07-22-2006, 10:00 AM
يا بنات!!

والله شككتوني في الجهاز؟؟؟ ما ادري ارجعه او اخليه؟؟؟

ايش الفرق بين الاصلي و الي عندي؟؟؟ يعني ما راح احصل نفس النتيجة؟؟؟

ادري غربلتكم معاي بس صج محتارة و حتى الجهاز ما استخدمته الى الحين من كثر ما افكر انه ما راح يفيدني مثل الاصلي!! :-(

**حنين الشوق**
11-20-2007, 05:33 AM
انشوده القمررر ابشري هذي صورته
http://www.seenontv.com/prod-pages/images1/THORB.gif

الله يرزقنا انا وانتي الوزن المثالي قولي امين ..

كلاس
11-25-2007, 04:48 AM
[جهاز وربت تراك مرة ممتازة لشد الجسم ..بس شوفي محل كويس لأنه ينباع من سعر 300ريال إلى 1000ريال وكل محل يقول أنا الأحسن والباقي نصابين !!
رجاء الأخوات اللي اشتروه يخبرونا من وين ؟؟؟

Halemah
11-25-2007, 03:51 PM
سلام عليكم يافراشات اوربت تراك جهاز رووووعه نزل وزنى من 77 الى69 طبعا ماسويت اى رجيم بس كنت اتوقف عن الاكل فى الليل

كلاس
11-27-2007, 03:11 AM
طيب النوع الكويس من فين يشترى ؟

التفاحه الفرنسيه
11-27-2007, 03:50 AM
انا عندي الجهاز واستعملته ثلاث شهور مع رجيم وكنت ماانتظم عليه الصراحه يعني يوم اسوي 10 دقايق ويوم 20 ويوم نص ساعه وفاد معي والكل لاحظ علي الحمد لله
بس الجهار مره رووعه والله يوفقك

Halemah
11-29-2007, 12:26 PM
انا اشتريته قبل اربع سنوات كلفنى 500 ريال من محل يبيع اجهزه رياضيه

حنين الورد12
12-11-2007, 11:25 AM
يعني يا ينات ردو علية احسن لي بي كرسي او لي من غير كرسي وفين ممكن احصلو في مدينة جده يكون الاصلي

صندوق الاحلام
12-11-2007, 02:42 PM
اختي عندها السير والأوربت راك
الأخصائية قالت لها في البداية السير او المشي افضل
وبعد مانزل وزنها استخدمي الاوربت راك لتنسيق
القوام فقط

alfaten1422
12-11-2007, 04:40 PM
حرام عليكم بنات الاوربت مايحرق سعرات:0144:
هو يختلف بحسب الوزن وانتم عارفين كل مازاد الوزن زاد عدد السعرات اللي تحريقينها
انا وزني كان 60 وأحرق في 20دقيقةمابين 150-200سعرة
بنما في السير الكهربائي في 20 دقيقة مابين 80-95سعر مع العلم ان احاول اني اجري في 20دقيقة 5 دقائق
فشوفو الفرق كيف ؟:061:
أناشريت الجهاز من غرناطة ب1300 كوري
بس المهم يابنات التسخين ولا تراه يدمر المفاصل وبعدين ماأحسه مفيد للبطن
صحيح هو أكثر من رائع للأرداف طبعا اللي بدون كرسي:0149:
أما اللي بكرسي تروح الأرداف فيها:0147:
ألا أذا ماكنت تقعدين عليه
















واللي حابة تستفسر ياليت ترسلي على الخاص

سهر الليالي
12-12-2007, 12:15 PM
بنات عن جد شجعتوني اشتريه والله لان عندي السير الكهربائي والحين لازمني هالجهاز والف شكر

امبراطورة الجمال
05-13-2008, 11:56 PM
انا سمعت ان اهوووووووو يجننن
يخلي الجسم ملكان

شوق الفرح22
05-14-2008, 03:19 PM
أنا اشتريته من الفالح بمكة ب450 ريال ومكتوب عليه اوربت ترك طبعا بالإنجليزي وبعدين ليش تركزون على أصلي أو مو أصلي؟؟؟ مادام له نفس اليدين ونفس الرجلين أكيد بيأدي نفس الغرض :020:أهم شي همتك أنت عليه وسلامتكم:061:

Dr.saso
05-14-2008, 03:38 PM
ان شاء اللهـ البنات افادووكي
سي يووو

سرى الليل
06-12-2008, 03:27 AM
ياحلوات صدق هو لشد الجسم بعد الترهل ؟؟؟؟؟؟؟

سرى الليل
06-13-2008, 11:09 PM
للرفع للفائده

المفوضة أمرها لله
11-13-2008, 12:28 AM
مرحبا اااااااا يا أروع فراشات

أنا بحكم إني أملك نادي نسائي .... خليني أتفلسف شويه وأعمل فيهااااااااا

السير..... لحرق الدهون والسعرات الحراريه .........و هو ممتاااااااز

والأوربت تراك((( الكروس)))........

لحرق السعرات الحراريه ولشد الجسم .....وهو خطيييير لشد الجسم .....

لكن إستخدامه متعب وضروري إنها ما تجهد نفسها.... حتى تتعود عليه......

حبيبتي بارك الله فيك انا اسألك بحكم خبرتك في هذا المجال أنا طولي 169 ووزني 78
وعندي الدهون متركزة في الجزء السفلي وتقريبا شكلي متناسق
بس ابغي انحف من تحت من الأرداف وأبغي منك تختاري لي جهاز يساعدني في ذلك
و ومن وين أشتريه في جدة وبكم سعره وشكرا لك

nagm1
11-13-2008, 02:04 AM
اختي فتاه الشمس هل السير يشد الجسم ويزل الترهل الموجود في منطقه الفخذ لاني اعاني من ذلك وانا الان اعمل رجيم مع اخصائي ولاكنه لم يوافقني على اني استخدم الاوربت ترك لانه على كلامه اذا تركتيه بيرجع وزنك يزيد ويرجع الترهل لاكن السير افضل بكثير منه لانه مثل المشي ما راح يضروانا محتاره

Yaraa55
11-13-2008, 02:28 AM
وش اخباركم بنات اوربت ترك ينحف بس يكبر عضلات الزنود وهذا من خلال تجربتي بس
يخلي البطن منحوت وينفخ الفخذين لان مكان المقاومه على اليدين والرجلين والشد يكون بالبطن
والسير ينحفك من تحت اكثر لان الي يبذل مجهود هي الاقدام (يالله شفت بنات تغيرو صارو نحاف من تحت من المشي وفوق زي ماهم) ليش ياترا بس كانو يمشون كثيرمن غير دايت
ويقال ان الافضل حاليا السير الهوائي وهذا نصيحه من الدكتور صالح الراجحي استشاري السمنه
وفوائده يشد الصدر والافخاذ حتى من جوا واليدين والظهر والبطن ويبرز الموخره ويرفعها
وهو عند الفالح700 بس ذات الوزن الكبير فوق110 لاتجيبه لانه مايستحمل
واتمنى اني فدتكم

ام وئام2
11-13-2008, 02:36 AM
شوفي عيوني انا اكلمك عن تجربه ومعاناه شخصيه مع اوربت تراك اول ما اشتريته كنت فرحانه بيه وكنت اتمرن يوميا عليه وجاتني بعد وكان يجيني شد في منطقة الفخذ من ورا
وبعد كذا صارت لي ظروف ما قدرت اواصل عليه والحين الله لا يوريكي فخوذي اترهلت وصارت اكبر من اول عشان كذا انا ما انصحك بيه واشوف السير الرياضي افضل منه بمليون مره

Yaraa55
11-13-2008, 06:25 PM
عطر الحبه انا مثلك بس زنود وافخاذ
والحمد لله مافيه بطن ابدا
بس المشكلة الزنود المنفوخه
بعد بحث طويل على الانترنت يقولون ان نط الحبل
ينحف الزنود

.•• الدانه الشماليه ••.
05-22-2009, 05:35 AM
عندى هالجهاز بس من استعمله يتعب رجولي ..
من بعد كلامكم راح اتعود عليه ..
يسلمووووووو

The MoOoOoN
08-16-2009, 03:43 AM
ممكن اعرف
ايه افضل الي بكرسي او بدووووون؟؟؟

حقول الغمام
09-28-2009, 09:44 PM
السلام عليكم ورحمة الله وبركاته

روند*
09-28-2009, 09:48 PM
للرفع مع التوفيق

ملاك من نور
10-02-2009, 10:40 AM
ام يوسف طمنينا عنج و عن تجربتج مع الجهاز!!

انا اليوم بعد ما قريت هذا الموضوع اتصلت على شركه و حجزته... طبعا عندنا انواع كثيره عدد شعر الراس بس انا اخذت العادي لان ما في فرق بس الاجهزه الثانيه ممكن تحرك عضلات اكثر

الاخوات الي يشجعون جهاز السير... عن تجربه جهاز السير ينفع للتحميه و ينفع للنزول بشكل سريع بس صدقوني يعمل ترهل في الجسم... لازم البطن و الارداف تتعرض لشد

في جهاز ثاني حجزته اليوم سعره زهيد لكن نتائجه فتاكه يعمل حركة التجذيف... يعني كان الوحده جالسه بقارب و تروح و تجي كانها تجذف

الي شجعني على هذي الاجهزه هي بنت خالتي كانت بالتسعينات و جسمها ضخم بشكل مو حلو لدرجه انها ما كانت تلبس شي ضيق .. بعد جهاز الايروبك و جهاز المذجاف والله ما اجامل يا بنات صار جسمها روعه متناسق بشكل مو طبيعي... طبعا نزلت 25 كيلو و كان مجهود 5 شهور تقريبا

موفقات جميعا

hnoo2008
10-07-2009, 12:42 PM
مرحبا بنات حبيت اسئل من وين اخذه من الرياض وانا سمني من فوق بس يعني بطن وظهر واكتاف وزنود
وشكرا مقدما

سوما الدسوما
10-07-2009, 02:53 PM
بالتوفيق حبايبي

ام لانا*
10-17-2009, 11:35 PM
بالتوفيق حمستوني ان شاء الله اشتريه

أم أحلى بنوتهـ
11-05-2009, 11:16 PM
هلالالالالا بنات ,,

انا جربت السير وجربت الاوربت راك

الاوربت راك أفضل فررررق ,,لأن السير سبب لي احتكاك في الركب وغير كذا يحرك مناطق معينه

اما الاوربت راك يحرك كل الجسم .. كنت استخدمه 3 سنين لما اخترب ورميته .. والحين افكر اشتري جديد

الفراشة ميساء..
11-05-2009, 11:27 PM
تبغين الصراحة لاتشترينه

انا اشتريته ورجعته بنفس الاسبوع

سوى لي الم بالركب ومتعب عشر دقائق وتموتي تعب

انصحك بالسير الكهربائي روووووووووووووووووووووعة

افضل بكثيررررررررررررررررررر

عشق الخطى
09-25-2010, 05:18 AM
اختلاف الاراء مشكللللللللللللللللللللللللللللللله نبغى تجارب بعد ..

عشق الخطى
09-25-2010, 01:57 PM
هاه الاوربت راك ام السير


Content Relevant URLs by vBSEO 3.6.0