المساعد الشخصي الرقمي

مشاهدة النسخة كاملة : اللي جربت الكلوفاج تدخل الله يفغر لها



أم المشايخ
04-09-2010, 11:47 AM
السلام عليكم يا أحلى أخوات :و7: أنا رحت للدكتوره وتقول إن فيني تكيس والتبويض ضعيف وأعطتني كلوفاج وقالت آخذه إلييييين أحمل وإذا حملت بإذن الله كمان أستمر عليه 4 شهور ..


سؤالي : هل يضر ؟ وهل ينحف ؟ لأن قرأت بالنت إنه يخفف الوزن وأنا نحيييييفه عيدان مساااااااااويك. وهل لوحملت ياثر ع الجنين [:ق0: الله يدخلها الجنه من أوسع أبوابها اللي راح ترد :ق0:

تكفوووووووون يالنشميات أنتظر ردودكم:

روعة السالب
04-09-2010, 06:03 PM
اولا..السلام عليكم....

ثانيا..دخلت عشان دعوتك الحلوه.ويارب يستجيب منك...

عزيزتي...
انا استعملت الكلوفاج وكنت اظن بس المتكيسات يستعملونه زايدات الوزن لكن بعد كذا عرفت انه في متكيسات نحيفات..
عموما..
كنت متكيسه والحين حامل في بداية شهري السابع وجاني التكيس بعد الاجهاض..معليش مااعرف اختصر قصة حياتي لازم اسدحها يعني لازم....هههههه

المهم..
جلست سنه ورفضت اخذ الكلوفاج لانه متعب جدا جدا جدا يعني اول ماتستعمليه لمده اسبوعين بعد كذا يتعود الجسم عليه غثيان.استفراغ .دوخه .لوعه....مثل اعراض الوحام بس اول اسبوعين لكن انا ماتحملته وتركته وصرت اخذا وصفات واشياء كثيره منشطات طبيعيه كانت مفيده بس ماحملت ابدا سبحان الله رجعت اخذ الكلوفاج من تقريبا رمضان وشوال مستمره بدون توقف في ذو القعده تاخرت دورتي سويت تحليل وطلعت حامل يارب لك الحمد والمنه يعني الكلوفاج مفيد جدا للمتكيسات لانها تساعد ع ضبط انسولين في الدم الي تسببه التكيسات فتعطي علامه كأن عندك سكر فيضعف التبويض مع انك لو حللتي سكر مافي لكن تبويض ضعيف مره يعني كان فيك سكر...
لكن مانحفت ولا كيلو واحد ويمكن زدت....

اممممممم
وش كمان ماقلته...شكلك تتمني اني ماجاوبتك صدعتك صح...

بس اخر شي..
انصحك بها ولاتتركيها مهما حسيتي بالتعب منها لانها تتعب في الاول....استحمليها لانها ييييييييييع والله يكتبلك الحمل السليم الثابت..ادعيلي مره تعبانه من الحمل ولساتي في السابع واخاف اولد مبكر مثل بكري ولدته بالسابع الله يستر.....






ايووووووووه تذكرت...
دكتورتي قالت لاتستعمليه اذا حملت لانه يشوه اجنه مع الحمل اتركيه طيب والحين مع الكلوفاج خذي فوليك اسيد لازم لانه فتامينات مفيده لك وكمان اي وحده تبغى الحمل تاخذ الفوليك من قبل الحمل اقل شي شهر والافضل ثلاث شهور قبل الحمل وثلاث شهور بعد الحمل فايدته قبل الحمل ..يحسن نوع البويضه وبعده يحفظ الجنين بعد ارادة الله من التشوهاااااات...

يارب يحفظك

ووووبسسسسسس من جد وبس..

لك روحي
04-10-2010, 02:03 PM
روعه السالب ماقصرت معاك
الكلوفاج هو اصلا دواء يستخدم لمرضى السكري شغلته انه يخلي استقبال الخلايا للاونسلين افضل لان في نظريه عن التكيس تقول سببها مقاومه الخلايا للاونسلين والدواء هذا يساعد على التخفيف من هالمقاومه

استمري عليه في ناس زي روعه السالب تتعب منه وفي ناس ماشاءالله تبارك الرحمن لا فانتي جربيه بالجرعه الي مكتوبه لك وشوفي ايش يصير معاك اذا تعبتي قللي الكميه يعني اذا تاخذين حبتين خليها حبه اذا حبه خليها نص وهكذا لمده اسبوع مثلا وبعد الاسبوع زيدي الكميه بالتدريج الين ماتوصلين للجرعه الموصوفه لك

الكلوفاج يبيله صبر ياخذ وقت يالله تبان النتايج 3 شهور على الاقل لكن ماشاءالله تبارك الرحمن كثير ناس فاد معاهم ويارب يكتبلك الفايده فيه ويفرح قلبك بالحمل ويقر عينك بشوفه ذريتك اولاد وبنوتات صالحين بارين تامين الخلق والخليقه بلا زياده ولانقصان ويسهل تربيتهم عليك ويرفع راسك فيهم (تكفين ادعيلي :) )

وبرضو زي ماقالت روعه الكلوفاج مو المفروض تستمرين عليه وانتي حامل استخدميه الين ماتحللين وتكون نتيجه التحليل اجابيه توقفينه لان حتى مريضات السكري الي يستخدمونه لازم يوقفونه وقت الحمل يمكن دكتورتك لها فكره معينه براسها لكن الحذر واجب والافضل تسئلين دكتوره ثانيه لانو معروف لازم يتوقف لما تكون النتيجه ايجابيه وتبدئين تاخذين مثبتات لان التكيس فيه مشكله غير ضعف التبويض لما يصير حمل نسبه الاصابه بالاجهاضات تكون اكبر فلازم تنتبهين لهالنقطه ما ابي اخوفك ولا اضيق صدرك بس شي لازم تعرفينه علشان تاخذين احتياطك بالمثبتات وكمان تستودعين جنينك بالدعاء والقران وربي سبحانه هو المثبت والوهاب

شي مهم بالنسبه للي معاها تكيس .. قريته كثير ينصحون بانها تتبع حميه مرضى السكري من النوع الثاني انتي تقولين انك نحيفه مو شرط تاكلين اكل ينحفك لكن اكل صحي بكميات ماتنحف
يعني الدهون خفيفيها السكريات ابتعدي عنها والنشويات تحاولين تاخذين مقادير محدده

الكافيين كمان مو كويس للي معاها تكيس وللي تبغى الحمل حتى لو مامعاها تكيس لانو في دراسات تثبت انه ياخر التبويض ويقلل فرص الحمل ومع التكيس يزيد هالشي
فحاولي القهوه العربي مثلا تسوين قهوه شعير من غير القهوه .. القهوه الامريكيه خذي الخاليه من الكافيين واذا بتطلبين من كوفي شوبات ترا الخالي من الكافيين الي عندهم فيه نسبه وكميه كافيين يعني مو خالي تماما واكثر نسبه بستاربكس وهذا كلام دكتور غدد قالي انه قراء هالبحث

الكلوفاج باذن الله امن الى الان كل الدراسات تقول انه امن وانتي قبل لاتاكلينه توكلي على رب العالمين وسمي وماعليك الا العافيه وبالنسبه للجنين زي ماقلتلك استشيري دكتوره ثانيه او اسئلي دكتورتك ليه تقولك استمري عليه مع انه معروف لازم يتوقف


وفي قصه حلو شفتها من زمان وكتبتها اكثر من مره بالمنتدى في المواضيع الي تتكلم عن التكيس والكلوفاج حقولها لك تعطيك امل وتفرحك وتعزز عنك قناعه ان ربي سبحانه اذا قال للشي كن يكون من غير لا كيف ولا شلون بس بليز ادعيلي ربي يفرج همي ويسهل اموري ويسخرلنا خلقه بهم مايعلم فيه الا رب العالمين

في مقابله بقناه هيلث ديسكفوري مع وحده فيها تكيس من كانت صغيره يعني من بلغت وهي معاها تكيس وتكيسها شديد جدا
وجربت كل انواع الادويه الي تستخدم له من حبوب منع الحمل ل اممم الصراحه نسيت القصه قديمه
المهم انها لما تزوجت وتبغى تحمل قالولها الدكاتره بحالتك هذي ودرجه التكيس الي عندك مستحيييييييييييييييييييييييييل تحملين انسي الحمل وفكري بالتبني اذا تبين بيبي (طبعا هي اجنبيه امريكيه اعتقد لكن التبني الي هم يقصودونه بالاسلام حرام الي هو تاخذ البيبي ويسمونه باسمهم)

المهم راحت لدكتوره وبدت تعطيها ادويه السكري هي ماقالت اسم الدواء لكن فكرته زي الكلوفاج اعتقد عندنا هنا وبالدول العربيه في نوعين الي مشهورين الكلوفاج والثاني ما اعرف اسمه

بدت تستخدمه تقول شوي لقيت وزني بدء ينزل (انتي ماتبين وزنك ينزل بس هي اصلا سبب سمنتها مقامه جسمها للاونسلين ويمكن انتي ماينحفك لان اصلا ماتسبب لك التكيس بالسمنه)
وحب الشباب اختفى والبشره صارت صافيه
الشعر الي بالاماكن الي ماتطلع للمراءه خلاص ماعاد في جديد مايبيلها الا بس تتعامل مع الشعر الي طالع من زمان
والاهم ان الدوره انتظمت
(هي حالتها بالتكيس جدا متقدمه والاعراض تختلف من وحده للثانيه)

بعد فتره من الاستخدام المستمر تاخرت الدوره وصارت المفاجئه الي ماكان في احد متوقعها طلعت ماشاءالله تبارك الرحمن حامل ربي يرزقني وياك وكل بنات المسلمين هالفرحه وجابت بنوته

بعد الولاده رجعت تستخدمه وحملت وجابت ولد

جابت اثنين بحمل طبيعي من غير اي منشطات مع ان الكل كان يقولها انسي موضوع انك تحملين حتى لو بوسائل مساعده الانجاب سبحان ربي العظيم الي اذا كتب الشي يصير يصير بس احنا لازم ناخذ بالاسباب ونوتكل عليه ونفوض امرنا له سبحانه


ادري طولت عليك بالكلام بس طمعانه بدعوه حلوه وربي يسهلك امورك ويرزقك الذريه الصالحه الباره تامه الخلق والخليقه بلا زياده ولانقصان

وبسئلك كيف الدكتوره عرفت ان معاك ضعف تبويض؟؟ سوتلك تحليل دم؟؟

قمر و شموع
04-10-2010, 02:39 PM
السلام عليكم ورحمة الله وبركاته
الله يرزقك ويفرح قلبك بحمل سليم معافى يارب
والله حبيبتي انا اختي زي كذا عدها تكيس على المبايض من حبوب الحمل
والحمد لله عالجته من البدايه وراح منها التكيس وصرفت لها الدكتوره الكلوفاج
وقالت لها استمري عليه شهرين ثلاثه حتى لوحصل حمل ما راح يضر الجنين
وللحين هي مستمره عليه ماكملت الشهرين
والله يرزقك وياها بالحمل السليم المعافى
دعواتك لي بتسهيل حملي وولادتي

أم المشايخ
04-10-2010, 03:27 PM
أسأل لله العظيم أن يعطي كل من ردت علي سؤلها وهو أعلم به :0108: وفديتكم يا أغلى أخوات الله لا يحرمني منكم :0200:

انا بيضاء الثلج
09-26-2010, 04:22 PM
الله يرزقك ويرزق كل من تتمنى الحمل السليم والثابت يارب


Content Relevant URLs by vBSEO 3.6.0