المساعد الشخصي الرقمي

مشاهدة النسخة كاملة : أبرة التبييض في أربع جلسات



النجمه الساطعه
07-12-2006, 07:18 PM
حبيباتي مين سمعت أو جربت ابرة التبييض اللي في عيادات الطبابه في التحلية
وهي عبارة عن فيتامين سي مركز في الوريد يبين من ثاني أسبوع يوحد لون الجسم ويفتحة
لأنه والله تعبت من الخلطات المؤقتة المفعول

فروووحه2006
07-12-2006, 08:53 PM
والله ماعندي فكرة وانا نفسي اعرف عنها معلومات اكثر باحاول ادور
وارد لك جواب لاني نفسي اسويها بس لااااازم اتأكد من نتايجها وان مالها اي ضرر

&&اموره&&
07-12-2006, 09:56 PM
ياريت نعرف اذا ما فيه ضرر

دلوعة..
07-12-2006, 10:40 PM
سبحان الله كنكم تقرؤون افكاري لسا يااستفسر عنها
والله الواحد طفش من هالخلطات وانا تعذبت من كثر مااشوف الي بهالشوارع<<<<<خخخخخ

miss moon
07-13-2006, 02:13 AM
هلا فيج اختى والله عجيبه هالابره اشلون مالها اثار جانبيه

لان اول مره اسمع فيها

العين النديه
07-13-2006, 06:28 AM
السلام عليكم


وانا وربي تعبت من تتبع الخلطات


ياليت البنات اللي عندهم خبر يفيدونا


ومشكورة اختي على الموضوع

تحياتي

شعوله الدلوعه
07-13-2006, 01:40 PM
انا سمعت انها ماتناسب الكل لازم يسوووووون تحليل دم وعلى اساس التحليل يشوفون تناسبك والا لا

شنطة امي
07-13-2006, 02:02 PM
والله غريبة بس مالها اضراارر

الله يعين


سارة

شقرووووه
07-13-2006, 03:45 PM
ممكن تخبرونا شو هذا الي ترمسون عنه؟؟؟


هو عباره عن شو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بنت ابوها اخت اخوها
07-13-2006, 06:30 PM
بنات واللي يخليكم عطونا تفاصيل عنها اي وحده تقدر تجيب معلومات لا تبخل

دلوعة..
07-13-2006, 08:19 PM
غاليتي بحثت في بعض المواقع وهذا الي حصلت..


السلام عليكم ورحمة الله وبركاته ....

دكتور انا بسألك عن إبرة التبيض:::

ذهبت لدكتوره فقالت لي عن إبرة التبيض التي تنضرب بالوريد وتبيض البشره طول العمر

وليس لها أضرار , ولكن سوف نعطيك حبوب عباره عن فيتامينات وواقي من الشمس تأخذينها طول

عمرك فقلت لها صعبه أخذها طول عمري فقالت عادي لو تركتيها ولكن الأفضل أنك تاخذنيها ,

وهي عباره عن 12 جلسه وكل اسبوع جلسه واحده وهي تفتح البشره بنسبة 70%

دكتور هل تنصحني ان أضرب الأبره ام لا ؟؟؟ وهل لها أضرار ام لا؟؟؟ رغم أن بشرتي حنطيه

ليست سمرااااء ...


وهذا رد الدكتور عليها

للأسف أت هتاك أطباء يستغلون جهل الناس بهذه الأمور. أختي، لا يوجد ابرة لتبييض البشرة اطلاقاً، وقد حصل لأحد الأطباء قضية بسبب هذه الابر منذ عدة سنوات وقامت وزارة الصحة ( السعودية ) مشكورة بترحيله، ولكن للأسف صار يرسل هذه الابر للمتعاونين معه، وهذا استغلال فاضح. مع العلم بأنه لا يوجد ( على الأقل حتى الآن ) أي سند علمي يدعم امكانية تبييض البشرة عن طريق مادة تحقن في الدم

بس انا مانتبهت لتاريخ الموضوع الا بالاخير عام 2004 ممكن الحين تغير الطب وتقدم

عبير السعد
07-13-2006, 08:25 PM
انا الى اليوم ما سمعت بهذي.
.
.
.

reema2000
07-13-2006, 09:31 PM
عزيزتي انا قرأت عنها بمنتدى آخر والبنت تقول لسه ما استخدمتها وجارتها ضربتها بس لازم قبل ما تستخدميها تداومي ع كريم لمدة 3 اسابيع وهذا الكريم للتفتيح وبعد ما ضربتها الجاره ما بيضت ولكن لونها فتح شوي ....واصلآ الجاره تقول ان الكريم فتحها .......ووحده من البنات تقول استخدمتها ولا اثرت فيها والدكتوره قالت لها لأنك فاتحه ما بينت فيك ...


عمومآ ان اتصلت ع المركز وقالت لي الموظفه ان الابر عباره عن فيتامين سي مركز جدآ ....وصراحه حسيت الموضوع دجل ...الكورس ب 5000 ولازم تعيديه كل سنه ......بس اصلآ ما صدقت كلامهم ..... لما قلت لموظفة الاستقبال ايش فرقت عن اني اخد فيتامين سي قالت عشان مركزه .........طيب في آرمال ( جي ان سي ) 1000 ملج.... وكلمت دكتوري في عيد كلينك قال كدب ولو الفيتامين سي يفتح كان كلنا استخدمناه ولا غلبنا .... .مااعرف اللي بده تتصل ولا تزورهم بشارع التحلية خلف بنك الجزيرة

دلوعة..
07-13-2006, 10:30 PM
نفس الموضوع قريته بالمنتدى

سهورر
07-13-2006, 11:09 PM
هلا اختى الغالية،،،

انا راي ما افضل هذا النوع من العلاج وافضل اخذ فتامين للبشرة وكتبت عن امدين بس تركتة لانة صار من ضمن المقاطعة الدنماركية والحين استعمل فتامين غير وهذا اسمة كثير رائع للبشرة ويعطكيى صفاء ونقاوة للبشرة وانا اخذة من فترة والحمدالله الكل يسألنى سهورر بشرتك حلوة مشاء الله وهذا اسم الفاتمين

SOLGAR
GOLD SPECIFICS
ANTIONXIDANT
FREE RADICAL
MODULATORS

الفاتنه^الصغيره
07-14-2006, 01:50 AM
اول مره اسمع عنهاا
ياريت تعطونا معلومات اكثر عنها بناات

بنت ابوها اخت اخوها
07-14-2006, 07:59 AM
يا بنات انا امس تكلمت مع وحده من البنات عنه قالت انها اخذت فيتامين سي الابر وفعلا مركز بس ما سوا لها شي

ولا بيضت والدكتور قالها انها خطره وقالها لا تعيدها مره ثانيه عشان لا يتضرر القلب

* كواكب *
07-15-2006, 04:49 AM
اول مره اسمع عنهاا!!!!!!!!!!!!!!!!!!!!!!!
ياريت تعطونا معلومات اكثر عنها بناات

الدلع جود
07-15-2006, 05:12 AM
الله يستر اكيد لها اضرار

ظبيانيه
07-15-2006, 01:02 PM
والله انكن حريم صدق ( انا مش منكن ) هههههههههههههههههههههههههه

ليش بايعات روحكن ببلاش ؟ من صدقكم انتوا مصدقين في ابر تبيض ؟

كريمات ماعليه سمعنا عنها !! تقشيير !!! تشغيييييييير !! لكن وصلت للأبر !!!!!!!!!
صعبه والله لو أني عبده ما اجرب هذي الابر !!!!


الله الله على انفسكم ترى الامراض تصيب بدون سبب وين بعد ادور اسباب ..!!

دلوعة..
07-15-2006, 02:29 PM
بنات كل وحدة بمنطقتها تسأل دكتورها او دكتور سمعته كويسه ونشوف
وصدق شنو بيض الفنانة احلام وهي عبده اول<<<<خخخخخخخخخ
صراحة انا ماابي تبيض انا ابغى توحيد لون بشرة

شذى السبيعي
07-16-2006, 02:27 PM
بنات كل وحدة بمنطقتها تسأل دكتورها او دكتور سمعته كويسه ونشوف
وصدق شنو بيض الفنانة احلام وهي عبده اول<<<<خخخخخخخخخ
صراحة انا ماابي تبيض انا ابغى توحيد لون بشرة
الله يستر اكيد لها اضرار

باربي حلوة
07-16-2006, 03:12 PM
بنااااااااااااااااااااااااات

الحذر ثم الحذر من هذي الابره

انتو بتتكلمو من جد !!!!!!!!!!!!!

بالله عليكم مستعيد تضربو ابر في الوريد علشان التبييض !!!!!!!!!

و العظيم انكم غريبات عجيبات

اتقو الله في نفسكم و احمدوه على الصحه و العافيه

و الي تفكر تسوي شي مثل هذا تفكر في صحتها و حياتها

بلاش جنان و مجازفه

الافارقه بكلهم مافكرو في الابر هذي

نصيحه لو جه الله الكريم اياكم تجربوها

و اااااااااااااااسفه على الاطاله

تحياتي ,,,

umnasser2005
07-16-2006, 03:27 PM
لا حول ولا قوة الا بالله
ياما بنسمع ونشووووف

اميرة الثلج
07-16-2006, 07:07 PM
السلام عليكم مشكورييين لعرض هذا الموضوع انا اعرف انها حرااااااااااااااااااااااااام لانها تغيير لخلق الله

غلة العمر
07-16-2006, 07:23 PM
اكيد ان لها اضرار مستحيييييل مالها اضرار كان كل الناس صاروا يهبلون

صبــا
07-16-2006, 09:17 PM
سلسلم

اخاف اجربها تخليني مثل مايكل جاكسون

او اخاف تخليني كأني برصه

والله بنات انصحكم ارضوا ببشراتكم ولا تلعبو بنفسكم

خاصة الاشياء دي اللي تدخل للجسم ... ولا بعد عن طريق الوريد

هاذي اكيد تشيل كل الملانين من البشرة

انا اعرف وحده كان عندها بهاق حول عينها...ومدري وش سوت بنفسها عند الدكتور

صارت بيضاااااااااااااااااااا...بس لونها صار مو طبيعي

يعني وردي ابيض..مثل بينك بانثر

يعني لا وحده تفتكر انها راح تصير سوريه...لان السوريات بياضهم رباني وحلو يخزي العين

لكن بياض هالابر مررررره وحش واطلاقا مو طبيعي

نصييييييييييييييييحه لا تخربون اشكالكم

والله تخريب للشكل صدقوني

وانا كأني سمعت ان مايكل جاكسون بيض نفسه بهالابر

بالامانه هل لونه حلو؟؟؟ ولا يخرع

اكيد يخرع

والله يحفظكم..تحياتووووووووووووو

فراشة دجتل
07-20-2006, 04:12 AM
لا مو لهذي الدرجة
نستخدم خلطات طبيعية ماااااااااااااشي ويكون الغرض منها ازالة عوامل التعرية اي العودة للون موحد طبيعي
اما ابر وبالوريد وتغير لون البشرة والله حرااااااااااااااااااااااام
فية اعتراض واضح على خلق الله ونسير مثل نانسي والعياذ بالله مو راضين على الصورة الي خلقنا الله عليها
والله هذي من حيل الشيطان
يحرمنا رضا الرحمن
تمشين على الارض سمرااااااااااااء راضية بخلق الله وقضائه تنعمين برضاء الله ترجين رحمتة
ولا بيضااااااااااااااء سخط الله عليك لعدم رضاك بما وهبك محرومة من رحمتة

totah333
07-21-2006, 06:04 AM
انصحكم :frashagir ابعدو يابنات عن هذي الاشياء الضاره ترى مافي شي الاوله ضرر واثار واحمدوا ربكم على العافية غيركم نايمين بالمستشفى ليهم 20 سنة الحمد لله على العافيه واهتمي بنفسك ترى كل امراه فيها جمال والذكيه هي اللي تعرف كيف تطوره وبلاشي من الابر هذي اللي تقولوها وخصوصا عصرنا هذا عصر الامراض الخبيثه والغريبه الله يحفظكم وسلامتكممممممممم.......

ام ملاك الزهره
07-21-2006, 03:48 PM
والله انا مع الأخوات ليه نغير من شئ الله اعطانا اياه بعدين لا ترجع علينا نقمه بعد نعمه

باربي كيوووووت
07-21-2006, 06:01 PM
اكيييد هذي الابرة اللي قلبت مايكل جاكسون من اسود الى ابيض :frxxagir :frxxagir

أمل سالم
07-22-2006, 08:41 AM
أنا مرة سألت الدكتور عن أبرة التبييض فقالي ما أنصحج فيها هي ما تبييض الوجه والجسم بس هي تبييض الشعر والرموش والحواجب بعد وضارة وما أنصحج فيها وقالي أنا ممكن أسويلج جلسات تقشير وأستخدم كريمات فيها فيتامين سي مركز يعني عبارة عن بودرة ويخلط معها سائل من البابايا وهو صناعة فرنسية ويوحد لون البشرة......هذا بخصوص الوجه أما بخصوص اليدين قالي بعطيج كريم خاص يفتح لونهم خلطة هو يسويها بالعيادة عشان ما يبين الفرق بين الجه واليد...ونصحني أحط كريم واقي للشمس مو بس على الوجه حتى على اليد خصوصا حق البتلت اللي يسوقن .

دلوعة..
07-22-2006, 09:02 PM
يعطيك العافية اختي/
أمل سالم على التوضيح ومنكم نستفيد

الجود البحرينية
07-23-2006, 02:18 PM
يمكن فعلا الخبر صحيح مثلا شفتوا نعمومي كامبل قبل واللحين، هذا مثال على المشاهير اللي انذكروا في هاي الموضوع بس انا قرأت ان الشهيرة مادونا (الأمريكية) تستخدم فيتامين A لنضارة البشرة وهو صناعة يابانية في قارورة بنفسجية اللون . بس ما ادري سر الفيتامينات وتأثيرها على بياض ونقاء البشرة ؟

منه الله 11
07-24-2006, 06:05 PM
والله حرااااااااااام يابنات الحمد لله على خلقه الله لنا احنا احسن من غيرنا كتييييييييير

دلوعة..
07-25-2006, 12:18 AM
مشكورة غاليتي//
الجود البحرينتية على التوضيح وياليت البنات مثلك يجلسون يوضحون مو يتفلسفون

نبض الحب
07-26-2006, 03:08 AM
أنا مرة سألت الدكتور عن أبرة التبييض فقالي ما أنصحج فيها هي ما تبييض الوجه والجسم بس هي تبييض الشعر والرموش والحواجب بعد وضارة وما أنصحج فيها وقالي أنا ممكن أسويلج جلسات تقشير وأستخدم كريمات فيها فيتامين سي مركز يعني عبارة عن بودرة ويخلط معها سائل من البابايا وهو صناعة فرنسية ويوحد لون البشرة......هذا بخصوص الوجه أما بخصوص اليدين قالي بعطيج كريم خاص يفتح لونهم خلطة هو يسويها بالعيادة عشان ما يبين الفرق بين الجه واليد...ونصحني أحط كريم واقي للشمس مو بس على الوجه حتى على اليد خصوصا حق البتلت اللي يسوقن .


طيب يامل سالم ممكن اطلب منك طلب صغير .................
أبقى أسم الدكتور اللي رحتي لة وأسم العيادة لو سمحتي وهي وين بالضبط لاني ممكن أجيكم في دبي قريب....
بليييييييز اللة يوفقك ويسهل امورك.

أمل سالم
07-26-2006, 07:44 AM
مرحبا أختي نبض الحب........العيادة في إمارة عجمان بطرشلت إسمه ورقم موبايلة ....وهو بعد عنده خلطات هو يسويها لتفتيح الكوع والركب ومنطقة مابين الفخذين .

نبض الحب
07-26-2006, 08:33 AM
اللة يعطيك العافية ياأمل بس ما أثقل عليك لو قلتلك اني ابي اسم الحي
وبدعي لك أن شاء اللة ربي يسهل امورك.

دلوعة..
07-26-2006, 04:26 PM
ماشاء الله استفدتي يانبض الحب وبشرينا عن تجربتك

&&اموره&&
07-30-2006, 04:01 PM
الصراحه ها الاشياء اتخوف

أمل سالم
07-31-2006, 07:32 AM
مرحبا أختي نبض العيادة في إمارة عجمان على كورنيش عجمان فوق بنك الإتحاد الدور العاشر مقابل فندق كمبنسكي..

حصة24
07-31-2006, 07:57 AM
بصراحه فيه وحده عندنا استعملتها وكان فيها بياض غير طبيعى بس ذاحين رجعت زى ماهى اول وأكيد لها ضرر

Bnoota rorooo
11-01-2012, 11:13 PM
انا برضو سمعت فيها في مركز طبابه سالت عنها يقولو سعره 3000 ريال
وسالت عنها في عيد كلينك سعرها 5000 ريال بس من جد ما اعرف ليش الفرق في الاسعار
وانا من جد ابغي اعملها كمان هيا لازم تجلسي تعمليها تقريبآ في السنه مره او مرتين عشان ما يرجع زي مكان اللون البشره
وكمان سالت عنها في المركز الطبي (الفتحي) في قسم الجلديه تقول هما ماعملو عليها درسات كتيره بس تقولي ماتنصحني فيها

توفي المنتوفي
11-02-2012, 06:28 AM
إرشيف


Content Relevant URLs by vBSEO 3.6.0