المساعد الشخصي الرقمي

مشاهدة النسخة كاملة : تجربتي مع نفخ الخدود ورفع الحواجب وملئ الكفوف بالكولاجين



ملح الطعام
05-09-2010, 12:00 PM
السلام عليكم ورحمه الله وبركاته

قصتي مع الفيلر والكولاجين والبوتكس رحت الله يسلمكم عند الدكتوره سعاد لطفي بدبي و كان عندها زحمه بس الحمدلله انتظرت:401: لين جا دوري وكنت متحمسه وايد :ق0:انفخ خدودي لاني ضعيفه وحابه املئ وجهي شوي واحافظ ع جسمي لان عندنا عرس اخوي وحبيت اظهر بمظهر غير:406: المهم سويت ابر فيلر لخدودي ورفعت حواجبي ب 3000 درهم ومليت كفوف ايدي لانها ضعيفه واااااااااااااااااااااااااااااااايد ب 5000درهم وهذا كان قبل 3 ايام وانا الحين باليوم الرابع تعرفوا شوا النتيجه ؟؟؟؟؟؟؟؟؟؟؟؟؟؟؟؟؟؟؟ وشريت من عندها حبوب التبييض luminese forever
ب 1000 درهم بس هي عملت لي دسكاونت وعطتني العلبه ب 6000 مادري ليش ؟؟
نفخ الخدود مالاحظت عليها الا تغيير بسيط جدا يكاد ان يلاحظ :042: والمشكله خشمي انتفش
حواجبي ماتغيرت ابد :ص00: وهي قالت راح يظهر بعد اسبوعين والله اعلم
ايدي مليتها بالفيلر وتألمت الم الله لايوريكم يومين مااقدر احركها :8000: بعد 3 ايام صارت اوكي فرق بين الاول والحين يعني مايبن الضعف فيها زي الاول :0112: الشي الوحيد اللي بان علي بس مايستاهل 5000:404:
بليز اللي جربت فيلر لخدودها تكتب تجربتها وهل صار عليها اي تغيير
وانا اذا لاحظت اي تغيير ثاني راح انقله لكم وتحياتي وبخبركم اذا اثروا علي الحبوب بس انتوا دعوا لي

الغـــــــــــــــــزاله
05-09-2010, 12:11 PM
مووووفقه

ريميــــــــــه
05-09-2010, 12:16 PM
اب لعيونك....

ام شآدن
05-09-2010, 12:20 PM
يارب تلقين نتيجه ومايروح تعبك كذا

دل مي
05-09-2010, 01:47 PM
نآدر ماتلقين مركز تجميل آمين
الله يوفقك

قصه لم تنتهي
05-09-2010, 02:03 PM
يوه خوفتيني
وليش الاسعار نار؟؟؟
انا كنت افكر انفخ خدودي وكفوفي
لكن الان لا و
الله بستخير وبديت اخاف
مشكوره

ـــود
05-09-2010, 02:09 PM
ان شاء الله تلقين لها نتيجه

**NASssSEM**
05-09-2010, 02:47 PM
الله لا يضيع فلوسك

يارب تلقين إجابة

شمس باردة
05-10-2010, 01:05 AM
يااااارب تلقين نتيجه :t8:
انا ابي احقن يديني بالرياض بس ويييين
بلييييز هلب مي
بس والله قهر لو ماكو نتيجه :042:

om samar
05-10-2010, 01:14 AM
انشاء الله توصلين للنتيجة الي تبغينها وا تروح فلوسك ع الفاضي

ترى من جد غالية اسعارهم

اصبري المدة الي قالولك وشوفي

اذا ما بانت معاكي نتيجة ارجعي لهم وسوي لهم فيلم هندي هههههههههههه

موفقه يا عسل

بذرة حنان
05-10-2010, 01:22 AM
موفقه

ام كتموتو
05-10-2010, 01:36 AM
الله يعين الحريم الي نحيفه تبي تسمن والعكس

ملح الطعام
05-11-2010, 11:51 AM
:042:تخيلوا بنات اقسم بالله ايدي اختفى الفيلر فيها ورجعت زي ماكانت يعني ماتهنيت فيها غير يومين:042::042:

شو اسوي بنات :ب1: فلوسي راحت هدر
وخدودي ماظهر عليها شي وماحد شاف فيني اي فرق :t8:

a7la dala3
05-11-2010, 11:58 AM
المفروض جربتي شي واحد مو كلها مره وحده

الله يعوضك

السنيورة11
05-11-2010, 12:19 PM
الله يعوضك
ما عندي خبرة في هالاموور:(

ياقوته1980
05-11-2010, 01:21 PM
ان شاء الله يضبط معك بعد اسبوعين الله لايخسرك من جد غااالي

نوف1405
05-11-2010, 01:59 PM
هههههههههههههههههههههههه الله يعينك على الااااااااااالم بس ليش ماجربتي بشي طبعي لان هذي لها اضرار بصحتك مانصحك فيهااااااااااااااااااا

نوف1405
05-11-2010, 02:02 PM
الفلوووووووووووس معوضة لكن بشرتك وصحتك ماتتعوض ليش تكونون فارات تجااارب ههههههههههههههه انصحك لاعاد تسدخمين خرافاااااااااااااات الغرب بعدين تصيرين مثل الممثلة شيماء معدومة بشرتها لدرجة الاطفال بكذا بيت يخافون من شكلها ههههههههههههههههه انتبهي ولا تشيلي هم الفلوووس عادي المهم نفسك

الرشا المملوح
05-11-2010, 02:13 PM
ماادري كيف تخاطرون بها الاشياء
ليه ماتشربين حلبه احسن لك وربي عندي طالبه ضعيفه مره وفجاءه تخنت وفتحتتتتتتتتت
بشكل ملحوظ كانها حاطه مكياج بسم الله عليها انا ماتجراءت اسالها خليت المديره قالت انا ماستغني عن الحلبه بس ماادري كيف طريقتها ماسالتها المديره بس اللي عجبني انها فتحت كثيييييييييييير وخدودها انتفخت ماشاء الله الله يباركلها

ملح الطعام
05-11-2010, 08:06 PM
انا مااريد اسمن جسمي رشيق وماأبي اخسره خاصه اني والده 3 مرات وجسمي انحسد عليه :0149:بسم الله علي بس ابي شوي خدود :072: وكفوف
انا اتصلت ع عيادتها وقالوا بيردوا علي الساعه 10 بليل لان الدكتوره مشغوله بشوف ايش راح يقولوا وبوافيكم بكل جديد

بنات من جرب كريم كولاجين فيلر ؟؟؟ سمعت عنه هنا بالمنتدى :406:

بنوته زي العسل
05-11-2010, 08:09 PM
اب

..Ro0ro..
05-11-2010, 08:12 PM
اب لعيييونك

فوز2
05-12-2010, 02:35 AM
اوووف سويتي كل هذا مره وحده ليتك جربتي شي واحد بعدين كملتي حرام لو مافي نتيجه لو انا مكانك بنجن .. بس احس يبي له وقت مايبان مفعوله فوري .. بعدين الدكتورة سعاد لطفي ماشاءالله تبارك الله واضح انها مو دكتورة اي كلام وامكانياتها وخبرتها ممتازة لو هي تجاريه كان اعطتك شي يبان بسرعه ومضر لكن اكيد مادام مابين بسرعه يعني امن ويبي له وقت ...بصراحه الاسعار نار وان شاءالله مايروح تعبك عالفاضي ... بعدين انتي كاتبه حبوب تبييض ومن مين الدكتورة سعاد لطفي .. يعني فعلا حبوب التبييض ماهي شي خرافي او كلام تكذيب ياريت تخبرينا عن هالحبوب بكم سعرها وش نتايجها طويلة المفعول والا مؤقته ...

ااام مازن
05-12-2010, 02:43 AM
انا بقلك ياحبيبتي تجربيتي مع نفخ الخدود انا سويت في الرياض في مستوصف اشبيليا وسويت قبل فتره قبل خمس سنوات سويت الدائم وراحت خمس سنين وسويت قبل فتره يمكن شهر وبرضو الحمدالله اخذت نتيجه حلو وتغير شكلي صرت وحده غير وافكر اروح ازود بعد بس حتى يصير عندي فلوس

النجمات الذهب
05-12-2010, 04:20 AM
موووووووووووفقه

الليدي كيوت
05-12-2010, 05:04 AM
انا حقنت وجهي وايدي بالكولاجين من من 5شهور والنتيجه خيااااااااال الوجه مدور ومليااااان
والايد بعدماكانت هيكل صارت مثل يد الممثله ليلى سليمان ان كان ماغلطت بأسمها
في البدايه ألم وورم وجهي من الابر شوي شوي صار طبيعي ونفس الشي يدي ورمت


قلبوووو ملح الطعام كيف مابين بوجهك لك بس 3 ايام المفروض يبين وبقوه وبعدين ليه خشمك انتفش
هي من وين حقنت لك ؟ قريب عند الانف ؟؟

احزان الشروق
05-12-2010, 05:14 AM
آب لعنونك

الليدي كيوت
05-12-2010, 05:20 AM
:042:تخيلوا بنات اقسم بالله ايدي اختفى الفيلر فيها ورجعت زي ماكانت يعني ماتهنيت فيها غير يومين:042::042:

شو اسوي بنات :ب1: فلوسي راحت هدر
وخدودي ماظهر عليها شي وماحد شاف فيني اي فرق :t8:




ارجعي لها موكيفها ماخذه منك هالمبلغ ويطلع خرطي ليه
وتراها كذابه اذ قالت بعد اسبوعين النتيجه ..
الا في حاله ورم مكان الحقن مع الوقت يخف
والبنات اللي يقولون مضره ياناس ياعالم انتم تعرفون عندكم خلفيه ولا بس حب فلسفه وكلام من دون ادله
مو مضره ولا كان منعوها في السعوديه



قلبوووووو ماعليك من اللي يقول مضره لا يخوفونك ..

مووضي
05-12-2010, 05:21 AM
س/ نفخ الخدود ورفع الحوآجب مو حرآم .؟؟؟

انكسار22
05-12-2010, 06:21 AM
انا شفت وحده مسوية خدودها في ديرما عند الدكتوره فاطمة الشهري

بصراحة رررررررررروعه مره وسعرها 5000

ملح الطعام
05-12-2010, 06:47 AM
انا حقنت وجهي وايدي بالكولاجين من من 5شهور والنتيجه خيااااااااال الوجه مدور ومليااااان
والايد بعدماكانت هيكل صارت مثل يد الممثله ليلى سليمان الحين ماهمني وجهي ان كان ماغلطت بأسمها
في البدايه ألم وورم وجهي من الابر شوي شوي صار طبيعي ونفس الشي يدي ورمت


قلبوووو ملح الطعام كيف مابين بوجهك لك بس 3 ايام المفروض يبين وبقوه وبعدين ليه خشمك انتفش
هي من وين حقنت لك ؟ قريب عند الانف ؟؟

انا
الحين ماهمني وجهي همني الايادي ليه اختفى فيه المفعول بالاول ورمانه وبعدين راح الورم وايدي صارت رووووووعه وبعدها يوم بعد يوم تختفي لين رجعت هيكل ابي اسالك انتي ايدك بان عليها المفعول من اول مره؟؟؟؟؟ ولا اخذت وقت انا الحين صار لي اسبوع وماشفت اي تغيير ملحوظ

قالت لي اببتسمي وحقنت لي مابين الانف والشفه العليا وبالجانبين خدودي ماظهروا

ملح الطعام
05-12-2010, 06:50 AM
وعلى فكره انا اتصل بالدكتوره بس مايعطوني وجه كل مره يقولوا بنرد نتصل فيكي وماحد يعبرني ولاني بعيد مااقدر اروح لها ... اخاف اروح لها واخسر تذاكر وبالاخير تقولي شو اسوي لك؟؟

رتاج القموره
05-12-2010, 08:21 AM
اووووووووووف الله يعينك

ملح الطعام
05-13-2010, 07:55 PM
بنات ايدي اليوم ورمت شويه بس ع الخفيف اتمنى تكون فيه نتيجه ادعو لي
انا بخبركم بتغييرات اول بأول

ســـآآآرونه
05-13-2010, 09:16 PM
اب

دلوعه امهاا وابوهاا
05-13-2010, 11:13 PM
اب

مملكة احمد
05-14-2010, 12:23 AM
حرام ياختي التغير فخلق الله ارضي بخلقتك ياشيخه واحمدي ربك ع النعمه والمبالغ الهائلة دي ربي حيحاسبك عليها غيرك مو لاقي ياكل تصدقي احسلك من فعل المحرمات الله يهديك ويهديني

حبه حبه
05-14-2010, 12:08 PM
زييييين ان صار فيه تغيير

اصبري شوي كملي الاسبوعين و ان شاء الله بتشوفين النتيجه الي ترضيج

ملح الطعام
05-17-2010, 07:14 PM
الحمدلله ايدي تغيرت:402: ماشاء الله تبارك الرحمن بس الغريب الكل يعرف انه مب طبيعي يعني كلهم يقولون انتي شو طاح ع ايدك خلاها ورمانه او يقولون انتي عندك حساسيه ايدك وارمه:044:

امكن لانهم متعودين على ايدي النحيله

ويهي ماصار فيه اي تغيير يعني مااحس انه احد لمح لي بشي لانه زي ماهو :ب1:
ومستمره ع الحبوب اللي اخذتهم من عند الدكتوره وبخبركم بكل جديد ان شاء الله:072:

اميره الفراشات99
05-17-2010, 07:20 PM
يسلمو

ملح الطعام
05-22-2010, 02:39 AM
يابنات ايدي رجعت زي ماكانت والله مافهت ): ضعيييييييييييييييييييييييييييييييييييفه ماتهنيت
وهي قالت لي 5000 ريال لمده سنتين

الليدي كيوت
05-22-2010, 07:54 AM
يوووووووووووووووه 5000 ريال ورجعت ابوالنصب حسبي الله عليهمقلبووووووووو انا حقنت 1500 لليد من شهر 12 والنتيجه نفسها ماتغيرت

مسابقة
05-22-2010, 10:21 AM
الله يوفقك مشكووووووووووور

ملح الطعام
05-26-2010, 12:03 AM
بنات:074: والله العظيم ايدي ضعيفه اخس من اول :404::404:
وحواجبي زي ماهم وخدودي ولا شي اهي اهي اهي :ص300:ودي انتحر 8000 راحوا بلاش كنت اسوي فيهم اشغال كثيره :046:

:ب1: مع تحياتي المظحوك عليها

ام شآدن
06-01-2010, 11:46 PM
الله يعوضك

زوجي غرام روحي
06-04-2010, 02:53 AM
بالتوفيق يارب وان شاءالله بتشوفي نتيجه حلوه

Ra7eeQ AL HOB
06-09-2010, 12:10 AM
حرام والله كل هالفلوووووووووووس علي الفاضي ابووووو النصب

مدام حياة
06-09-2010, 12:15 AM
مساء الورد

عيوني حلوة تجربتك بس انتظري بعد اسبوعين واحكمي على النتيجة وبلغينا التغير الي حصل

أم سلاف15
06-09-2010, 12:23 AM
الله يعينك وايش باقي ماسويتية والله خلقت ربي أحلا

●|●ĴứSt ŞறίlЗ
06-09-2010, 12:29 AM
الله يعينك ياختي..

روعتهـ
06-09-2010, 12:31 AM
ياااقلبي ان شااء الله تلقين نتيجه مرررضيه لأن تخسرررتي كثييييييييير

النايفه وبنت الرجال
06-09-2010, 12:56 AM
السلام عليكم ورحمة الله وبركاته
اخواتي شدني الموضوع وحبيت انقل تجربتي لكم انا بعد الولاده تعرفون اندور الزين قعدت اخطط وش اسوي
بعد الاربعين انا دبه هههه يعني دبدوبه وتعبت عمري بريجيمات والوصفات بس ما فيه فايده اخربت بشرتي بعدين قلت بسوي ابر اسمها فتمينات للبشره وراحت لدكتوره قالتلي عليها واحده سوريه بشرتها روعه مشاءالله عليها ونافخه اخدوده شي يبنات قسم بالله اني مت عليها ونا بنت وش اقول مثل الطوفريه وجها على قولتنا شي طبعا الدكتوره برياض وسعارها جدا حلوه يعني تحمسك
المهم انا عاد احب اني اتهور وجرب ابعمري يعني لو عندي زيادة افلوس كان بلعب ابعمري بس الحمدالله
رحت الدكتوره ودخلت العياده وشفت الدكتوره وجها صحن مدور
قلتلها ابي ابر الفيتامين للوجه
قالت ماينفع انتي يبيلك تنفيخ اخدود ونا ما صدقت قلت طيب كم اتكلف جابت المراه المكبره وبدت اتخطط في وجهي وتقول هنا وهنا وصدق ان وجهي ذبل من الرجيمات المهم قلت كم المبلغ المطلوب قالت 3500 ثلاث الف وخمس مائه اسعر حلو ونا في شنطتي المبلغ لاني بتقضا بلفلوس قلت لها ممكن اتعبين لي بالفين والباقي اجيك مره ثانيه قالت يالله
ماصدقت وسوتلي الحقن بنات وجهي طلع شي روووعه هذا ونا ماعبيته زين اقسم يبنات زوجي انجن وقالي احقني مره ثاني بباقي المبلغ لان وجهي يحتاج بس بقيمة 3500 من جد روعه وما تالمت مشاءالله عليها لي الحين خمسه اشهور والوجه يسلام يجنن وبشرتي حلوه وعلى فكره الابر الفتامين الجلسه عندها 250 بس وعندها ليزر للوجه 250 يعني اسعارها روووعه وانا ما اسوي ادعايه لها اقسم بالله هذا الي صارلي عندها ومدة النفخ الخدود سنه ونص حبيت افيد الي ما عنده قدره يدفع مبالغ كبيره هذي جدا شغلها حلو وهي مصريه اسمها فاتن الله يوفقها والي تبي تلفون العياده اتراسلني على الخاص وهي في مستوصف الازهار بنسيم ويارب اني اكون افدتكم ويشهد علي ربي اني صادقه
ادعولي ان ربي يوفقني ويهديني الى ما يحب ويرضا

the-most-vip
06-09-2010, 01:59 AM
ان شاء الله مع الوقت تبان مع اني لما اتابع برامج الشوتايم الاحظ ان النتيجة تبان بنفس اللحظة غريبة ,,,

*الماسه*
10-23-2010, 03:29 PM
طيب موب تغيير لخلق الله
والله الدنيا صارت تخوووف......
تذكرو دائما ان القابض على دينه في هذا الزمان كالقابض على الجمر...
يارب رحمتك

~Deema
10-23-2010, 09:07 PM
حبيبتي والله
الله لا يضيع لك تعب
متابعه .. قلبي معك لأن ودي انفخ بس تراجعت :$

صمتي حكمتي
10-23-2010, 09:22 PM
مافي احسن من خلقت ربي

لؤلؤ s
10-23-2010, 09:24 PM
موفقه

نورانين
10-23-2010, 09:57 PM
اب لعيونك....

__________________

فداكـ الروح
10-23-2010, 10:15 PM
موفقه

Rملك روحيM
10-24-2010, 12:15 AM
شو النتيجه ؟؟؟؟؟؟؟؟؟؟؟؟؟؟؟؟؟؟؟؟؟؟

Kayan
10-24-2010, 02:21 PM
انا سمعت من مجربات انها تاخذ اسبوعين و تبان النتيجه

دلع السمحه
10-24-2010, 04:31 PM
الله يعينج الاسعار نااااااااااااااااااار ليش كل هذاانا ضعيفه وخاطري انفخ خدودي بس قهر والله اذا هالسعر ومافي نتيجه

ان شاء الله تلقين نتيجه حلوه يارب وماتتضررين

رافينا
11-20-2010, 07:41 AM
والله انا نفسج من الامارات ومن كثر ماشوف سعاد لطفي قلت شكلها شاطره

وبروح بجرب عندها الفيلر للخدود لانه كان خاطري اجرب

رحت وضربتني ابرتين والله مابان شيء الا شيء خفيف يعني بسيط

وحسيت شغلها سريع ونتايجه ماتبين الكل يقول هالكلام من البنات الي مجربين عندها

وحرمت اروح عندهاااااا لانه خساره على الفاضي حتى الحين اقول ابر الفيلر وهم

شككتني بهالابر لانه كان خاطري انفخ خدودوي بس وين احصل حد شاطر بالامارات وينفخ عدل

مهاوي والقلب هاوي!
11-20-2010, 08:53 AM
مرحبا ياملحتي انا ابغا اعرف وش اللي نططك لدبي اعوذ باالله يابعدها وليه تروحين لدكتوره
ماتعرفينها ولا شي ليه مارحتي لوحده معروفه وبديرتك رحتي وكبيتي فلوسك هناك
طيب ليه سويتي كيذا انتي ملح الحياه والحين بعد النفخ صرتي سكر الحياه شلون يصير كيذا احسن واحسن بعد
بس اقول روحي لها بعد اسبوعين وهاوشيها وعطيها نفيخاتها وخوذي فليساتك واتفلي بوجهها
وكثري من الفاكهه والخضار دعواتك ليا بالخير يارب

MISS BVLGARI
01-15-2011, 10:55 PM
انتي شكلك اخذتي ابره وحده في كل خد
تراها قليله اذا كنتي مره نحيفه يبغالك 2 او 3 في الخد الواحد عشان يبين معك نتيجه

بسـآنتـو
01-16-2011, 12:00 AM
مشكله والله الاسعار مرره نااار

الله يكون بعونك

بـشـايـر
01-16-2011, 01:38 AM
الله يوفقك ومايروح تعبك وخسارتك على الفاضي

naomah2007
02-21-2012, 11:46 PM
السلام عليكم ورحمه الله وبركاته قصتي مع الفيلر والكولاجين والبوتكس رحت الله يسلمكم عند الدكتوره سعاد لطفي بدبي و كان عندها زحمه بس الحمدلله انتظرت:401: لين جا دوري وكنت متحمسه وايد :ق0:انفخ خدودي لاني ضعيفه وحابه املئ وجهي شوي واحافظ ع جسمي لان عندنا عرس اخوي وحبيت اظهر بمظهر غير:406: المهم سويت ابر فيلر لخدودي ورفعت حواجبي ب 3000 درهم ومليت كفوف ايدي لانها ضعيفه واااااااااااااااااااااااااااااااايد ب 5000درهم وهذا كان قبل 3 ايام وانا الحين باليوم الرابع تعرفوا شوا النتيجه ؟؟؟؟؟؟؟؟؟؟؟؟؟؟؟؟؟؟؟ وشريت من عندها حبوب التبييض luminese forever ب 1000 درهم بس هي عملت لي دسكاونت وعطتني العلبه ب 6000 مادري ليش ؟؟نفخ الخدود مالاحظت عليها الا تغيير بسيط جدا يكاد ان يلاحظ :042: والمشكله خشمي انتفش حواجبي ماتغيرت ابد :ص00: وهي قالت راح يظهر بعد اسبوعين والله اعلم ايدي مليتها بالفيلر وتألمت الم الله لايوريكم يومين مااقدر احركها :8000: بعد 3 ايام صارت اوكي فرق بين الاول والحين يعني مايبن الضعف فيها زي الاول :0112: الشي الوحيد اللي بان علي بس مايستاهل 5000:404:بليز اللي جربت فيلر لخدودها تكتب تجربتها وهل صار عليها اي تغيير وانا اذا لاحظت اي تغيير ثاني راح انق

له لكم وتحياتي وبخبركم اذا اثروا علي الحبوب بس انتوا دعوا لي
للرفع


Content Relevant URLs by vBSEO 3.6.0