المساعد الشخصي الرقمي

مشاهدة النسخة كاملة : شفتوا كيف شعر الفنانات قبل وبعد



بنت دلوعة
07-24-2006, 08:35 PM
حبيباتي الفراشات ماراح أطول عليكم
تشوفون الفنانات أول مايطلعون يمثلون أو يغنون شعورهم طايرة وخشنة يعني مو ذاك الزود سنة سنتين
وينشهرون وتكثر الفلوس في يدهم وشوي شوي تشوفين الشعر قام يصير حرير واللي يشوفها أول مرة يفكر هذا شعرها الطبيعي مايدري بالتعديلات اللي صايرة الخلاصة
أنا شعري خشن يعني مو حيل بس إذا غسلته لازم اسشوره علشان يصير حلو ومقبول بس بصراحة مليت من السشوار يعني أنا متزوجة ومثلكم عارف كل مرة بغسل شعري بسشوره مليييييييييييييت فقررت أني اسوي فرد لشعري مع العلم أنه هذي مو المرة الأولى لأني فردت شعري 3 مرات بس في البيت يعني موعلى يد خبيرة وأخر مرة تساقط شعري بشكل مخيف وزوجي قالي لا تعيدينها بس أنا اشوف أن الحين المشاغل تطورت وفي خبيرات لشعر
الزبدة أني حبيت أسالكم وين أحسن مشغل يسوي شعري مثل الفنانات حرير ومايتساقط وايش أحسن نوع فرد حاليا ويستحسن يكون المشغل في الشرقية ويفضل في الهفوف أو المبرز أدري غثيتكم بس ما لي غير الله ثم أنتوا يا أحلى فراشات
ودمتم بود

فراشه رقيقه
07-24-2006, 09:06 PM
هلا وغلا بيج أختي

أنا اللي أعرفه ألحين و اللي جفت رفيجتي سوته في صالون من الصالونات الموجودة عندنا في البحرين ما يسمى باليوكو وهو ياباني وصار شعرها مثل اليابانين بس شوي غالي والتسعيرة تكون على حسب طول الشعر يعني هي كان شعرها طويل فأخذوا عليها 60 دينار أي ما يعادل 600 ريال وكلما طلع الشعر القديم تروح لهم حتى يعدلونه لها بـ 20 دينار أي ما يعادل 200 ريال وهناك أيضا ما يسمى بالتمليس المائي و المنتشر حاليا في البحرين وعن سلبياته تقول أنها ما جافت أي شيء ضايقها وعن تساقط الشعر تقول أنه من قبل كان يتساقط ولما شافها خطيبها عجبه شعرها والبنية تشققت ، هذا اللي أعرفه خيو وإذا إستجد شيء ثاني راح أخبرش بس اللي أنصحج فيه دائما أستخدمي لشعرج حمام زيت

دمتي بود

قمر 15^
07-24-2006, 09:13 PM
بالنسبة لي ما ارى الفرد لإنه مضر للشعر على المدى البعيد

وكثير بنات في المنتدى نادمين على فرد شعورهم

والله يعينك فكري واستخيري قبل تفردين نصيحه من اخت محبه لك

][السديــم][
07-24-2006, 09:23 PM
ايه والله اللي يشوووف هالممثلات قبل وبعد ما يصدق انهم هم نفسهم

واقرب مثال زينب العسكري وهاللبنانيات شعووورهم خشنه حيل بس بعد ما تنشهر يصير شعرها شئ ثاني

وخصوصا اللي بالامارات والبحرين شكل عندهم ش يخلي الشعر غير بس ما ادري وشو

كل هالعالم تبدع في رووحها الا حنا واذا شافونا ازوجنا قالوا مالت عليكم شووفوا نناسي شووفوا

اليسا وغيرها ما يدروون انهم يحرفوون بانفسهم وشئ غير طبيعي

المهم بس انا مليت من كثر الاستشوووار ودي يصير شري دائما ناعم وطااايح مثل الحرير

بس اهم شئ مااااااااايصير اسووود هذا اهم شئ

علي العموم مشكوووره يااقلبي طرحك للموضوع والله يسهل علي وعلي ويجزا خير من يدلنا ويفرجله دنيا واخره

ويرزقه من حيث لايحتسب

miss_hamoody
07-24-2006, 09:32 PM
انا برضه سمعت عن فرد اليوكو وكثير يمدحونه ..بس زي ما قالت فراشة رقيقة غالي شوي بس النتيجة روعة ....مشكورة على هذا الطرح..واللي عندها فكرة عن هذا النوع من الفرد ياريت ما تبخل علينا..وشكري للجميع...

برد 2
07-25-2006, 04:02 AM
يا عمري فكري وانتبهي اول وبعدين قرري

قطوة
07-25-2006, 01:23 PM
سوي تمليس مادري ( فرد ) على قواتكم خواتي بالسعودية على نظام اليوكو وهو نظام على ( ماء الذهب )

وصل عندنا بالكويت بس بالسعودية سألي عنه بأي كوافيره ؟؟؟وترى ماله أي أضرار وتستغنين عن السشوار للأبد !!!!!!!!!!!

حبايبنا2006
07-25-2006, 01:33 PM
يا غاليات انا سألت كوافيرة متخصصة عن هذا الفرد (( الياباني ))

قالت هو حلو والشعر بعده ما يحتاج استشوار

لكن نبهتني لشغله

قالت هذا الفرد عبارة عن مادة زي البلاستيك الخفيف تغلف الشعرة
يعني يمنع وصول الماء وقالت هذا حرام لانه ما ينفع عشان الوضوء
غير كذا ان الشعر ينضر زي اللي تكتمي الهواء والتغذية عنه
ولما يطول تلاقي الشعر النابت جديد مختلف عن المفرود
وقالت بصراحة انا استفتيت عنه وظهر لي انه حرام عشان حكاية التغليف

فانتبهوا الله يسعدكم

وربنا يوفقكم للخير

خديجة11
07-25-2006, 01:50 PM
يا حبايبي ان كان تمليس عادي او نظام يوكو ، كله مواد كيماوية واتضر الشعر ، بس الصراحة المشكلة في جونا الحار في الخليج والماي المالح اللي نغسل فيه الشعر وشوية من عامل الوراثة ، وما اظن انو في حل ، يعني انا حاولت كل طريقة عشان احصل على شعر ناعم وطويل ولماع ومن دون استشوار ، بس لا فائدة ، حتى اني استخدمت اغلى انواع الزيوت وما في فايدة . طبعا ما راح نيأس بس راح اواصل بحث الين اوصل الى طريقة طبيعية وامنه تخلي الشعر زي الحرير .هههههههههههههه

سهام النور
07-25-2006, 02:11 PM
الحمدلله انا شعري ناعم واحسنمن شعر زينب العسكري بعد

بس تراني مااقرب للصبغات والاستشوار عمري مااستخدمته بحياتي

بنت السحايب
07-25-2006, 02:19 PM
بنصحك نصيحة يا الغالية قالت لي كوفيرة معروفة انة مافي ولا محل بالشرقية يسون فرد او تمليس او يوكو

زييييييين

بنت دلوعة
07-25-2006, 03:07 PM
الله 1000 وشوي اللي دخلوا و10 بس اللي عطونا أرائهم عموما مشكورين أخواتي اللي ردو مشكورين على نصايحهم وعلى معلوماتهم بس الى الحين ماعطيتوني اسم مشغل زين يسوي لي فرد ممتاز ارجو التفاعل أكثر من باقي الفراشات
ودمتم سالمين

ليلة خميس
07-25-2006, 06:18 PM
يا قلبي الفنانات مسوين توصيل ومستحل وحده تطلع قدام الكاميرا كذا لا مايزينها الا خبير الي ابي اوصله لك خلي شعرك كيرلي عادي وحطي كريم خفيييييييييييف معالج بعد الشاور وحطي ربطه او ورده علا الجنب مو لازم سشوار غيري وابعدي عن الفرد مدري التمليس من اسمه باين انه دمار لشعر

أم كوثر
07-25-2006, 07:04 PM
انا خاطري اسوي تمليس بس خايفة


فراشه رقيقه حبيبتي صديقتش في اي صالون سوت التمليس؟؟؟؟

miss_hamoody
07-25-2006, 07:24 PM
حبيباتي ..والله المواد الطبيعية احسن لتمليس الشعر ..والله عن تجربه الموز والعسل اخلطيها وخليها على شعرك مدة 20الى 30 دقيقة.وبعدين اغسليه..وشوفي النتيجة طبعا مو من اول مرة راح يبان الفرق يمكن بعد كذا مرة ..بس بتحسين شعرك حتى بعد اول مرة كنه متحسن ..ومع الوقت راح تشوفين النعومة..والله مجرب..والله يوفق الجميع ..وتذكري ان تاج جمالك شعرك فلا تتلفينه بهالمواد والطبيعة مليانه حلول افضل...

بيسان1
07-25-2006, 07:42 PM
الحمد لله على سلامتك
لا تعيديها مثل ما قال زوجك
ان شاء الله الفراشات بساعدنك حبيبتي
تحياااااااتي

السراب الطاير
07-25-2006, 09:13 PM
اختى miss_hamoody مشكورة علي وصفة العسل ياريت توضحى المقادير للوصفة ...وجزاكي اللة خير

باربي حلوة
07-25-2006, 09:49 PM
اصنحك لا تستخدمي اي نوع من انواع الفرد لانه دماااار الشعر يمكن في البدايه الامور تكون كويسه بس بعدين

تشوفي شعرك سار مأساة القرن العشرين و كان لازم تتوبي من شي اسمه فرد بعد الي صار لك

نصيحه مني ... استخدمي شامبو لتلميس الشعر عندك مجموعه كامله من ( لوريال ) مكونه من شامبو و بلسم و حمام كريم و

سيريوم لترطيب الشعر

و قبل غسل الشعر حطي على شعرك زيت السمسم جداً ممتاز للشعر الخشن و الجاف عموماً

و يفضل انك تستخدميه مع اله تكون خاصه بحمام الزيت تحطي الزيت في الشعر و من بعده تحطي الجهاز هذا على الشعر

هوه مثل القبعه و يعيط حراره يعين يخلي الشعر يستفيد استفاده قصوى من الزيت او الكريم و مايخد منك وقت طويل تقريباً 15

دقيقه !!

جربي الرطيقه هذي و ان شالله تفيدك لاني حاسه ان شعرك مقصف و جاف و هذا بيخليه يكون خشن و اشعث اكثر من اللازم

و نصيحه اخيره قصي اطراف شعرك الجافه علشان تتخلصي من اكبر قدر من الجفاف و الخشونه في الشعر

و اااااااااااااااااااااسفه طولت

تحياتي ,,,

شذى الروح
07-26-2006, 12:03 AM
يا حبايبي ان كان تمليس عادي او نظام يوكو ، كله مواد كيماوية واتضر الشعر ، بس الصراحة المشكلة في جونا الحار في الخليج والماي المالح اللي نغسل فيه الشعر وشوية من عامل الوراثة ، وما اظن انو في حل ، يعني انا حاولت كل طريقة عشان احصل على شعر ناعم وطويل ولماع ومن دون استشوار ، بس لا فائدة ، حتى اني استخدمت اغلى انواع الزيوت وما في فايدة . طبعا ما راح نيأس بس راح اواصل بحث الين اوصل الى طريقة طبيعية وامنه تخلي الشعر زي الحرير .هههههههههههههه

اي واله خيووو ما راح ننأس..ولا يزال البحث جاري... :de43r

جروح بارده
07-26-2006, 02:35 AM
والله صدقتي واكبر مثال شعر احلام وشعر احلام محمد
بصراحه صار شي السر تلقينه عند البحرينيات والاماراتيات
بس اليوكو اكثر من كوافيره نصحتني مااسويه يقولون في البدايه الشعر يصير حلو وبعدها يتقطع ويتلف
بس مازال السؤال يطرح نفسه والبحث جاري ن سر شعور البحرينيات والاماراتيات

الحزينة1
07-26-2006, 05:22 AM
يا عمري فكري وانتبهي اول وبعدين قرري

أنشودة المطر**
07-26-2006, 06:13 AM
اخت زوجي سوت اليوكو ..


بمركز ايسينس في مملكة المرأه ..


بصراحه حلووووو ..


بس هي توها مسويته ..


يعني ما ادري على المدى البعيد..


سوته ب3000 وهو يادوب يوصل للكتف..

بس احس حلووو للشعر النااااااافش

لان اخت زوجي شعرها مقبول بس خل تجيه قطرة مويا


انتفش تقولين عرفجه ...........



وانتي استخيري


لانها هي سوته بعد ما استخارت وارتاحت ..

مصراوية 2020
07-27-2006, 03:57 PM
كوين هيررررررررررر
خلطة الأعشاب لفرد وتنعيم الشعر فى 24 ساعه فقط ولمدة عاااااااااام

12 نوع من الأعشاب الفرنسيه الخالصه والخاصه بالعنايه وحل جميع مشاكل الشعر

كوين هيررررررررر
حديث الفراشات

أكثر خلطة مجربة ومضمونه
لانها طبيعية 100%
ليس عليها أى اضافات ضارة

كوين هيررررررررر
خلطة محصلتش لسه

وأسأل مجرب ولا تسأل طبيب

مرام80
08-23-2006, 06:43 AM
فكري اول قبل ماتسوين اي شي في شعرك :floiushag

فرشة والوان
08-24-2006, 01:10 AM
حبيبتي بعض الفنانات يركبون خصل
والبعض باروكات واضحه وضوح الشمس من قدام شعرها الطبيعي وخلفه الباروكه واللون باين ختلف

بنت دلوعة
03-08-2009, 12:59 AM
مشكورين جميعا على تفاعلكم


Content Relevant URLs by vBSEO 3.6.0