المساعد الشخصي الرقمي

مشاهدة النسخة كاملة : معلومات عن العصير الحارق للدهون وبعد عندي ســــــــؤال اتمنى تجاوبوني عليه يافراشات



فراشه حلوه وصغيرونه
06-05-2010, 09:02 PM
المقادير:
حبتين كيوي
عصير اناناس - جاهز وبدون سكر -
عصير ليمونه
الطريقه : يوضع عصير الاناناس بالخلاط ويوضع الكيوي بعد تقشيره الى حلقات
ويخلط حتى يصبح عصير واخر شي عصر الليمونه



الأناناس والكيوي:


يساعدك في الرجيم ..


الكيوي يحرق الدهون!!

http://asia.cnet.com/i/r/2005/dc/39294428/kiwi_love_sc.jpg (http://asia.cnet.com/i/r/2005/dc/39294428/kiwi_love_sc.jpg)

للكيوي فوائد عديدة من حيث القيمة الغذائية فالثمار غنية بالفيتامينات / س / ب / أ / كما تحتوي على

البروتينات والسكريات ونسبة عالية من الالياف والاملاح المعدنية وتمتاز الثمار بخلوها من

الكولسترول لذا فهي توصف لتغذية الاطفال والعجزة ومرضى فقر الدم والذين يعانون من السمنة

الزائدة واظهرت التجارب انها تحد من مرض السرطان

وتعتبر ثمرة الكيوي من اغنى الثمار بفيتامين /س/ وتحتوي على الحصة الكاملة التي يحتاجها جسم

الانسان يوميا كما تحتوي على فيتامين /أ/ و /ب/ ومحتواها يعادل اربع مرات

ماتحويه ثمار التفاح وتعطى الثمار طاقة /49/66/ حريرة في /100/غ والعناصر المعدنية مقدرة /ب/

ملغ في /100/غ وهي الكالسيوم والمنغنيز والحديد والصوديوم والنحاس والزنك

والكلور والبوتاسيوم والفوسفور والكبريت مما يؤكد غنى هذه الثمار بالعناصر المعدنية والفيتامينات

وخاصة فيتامين /ث/ حيث يتواجد بنسبة اكثر من ست مرات على ماهو عليه في ثمار


الاناناس




من افضل المواد التي تخفض الوزن ولا سيما اذا عرفنا ان الاناناس يحتوي على انزيم يدعى

Bromelain

والذي يساعد على هضم البروتينات واحراق الدهون ولكي تخفض وزنك يجب ان تأكل حبة اناناس

كاملة يومياً

- يفيد الأشخاص الذين يتبعون حمية لخلوّه من السكريات بشكل عال. يدر البول ويقذف السوائل الزائدة
خارج الجسم.

- يمنع تراكم الدهون داخل الأوعية الدموية، خاصة الشرايين، ويمنع تصلبها.

- يسّهل هضم الطعام ويمنع انقباض المعدة.

- ينشط وظائف الكبد ويكافح اليرقان.

- يمنع الاورام وانتفاخ الانسجة والتهابها عبر الانزيمات التي يحويها. هنالك ادوية كثيرة تحوي هذه الانزيمات تحت اسماء تجارية لشركات أدوية كبيرة.

- يكافح القروح والحروق.

- يمنع تسوس الأسنان لاحتوائه على مادة الفلوريد ويفضل أن يعطى للأطفال خلال مرحلة النمو لحماية اسنانهم واللثة.


لكم اطيب تحية
منقـــــــــــــول
بالنسبه لسؤالي متى نشرب هذا العصير وكم مره باليوم ؟؟؟؟؟وهل له اثار جانبيه ؟؟؟؟؟وكم سعره حراريه يحرق ؟؟؟؟
وجزاكم الله خيرر :ق055:

hopes
06-05-2010, 09:07 PM
والله ماعندي علم بس ان شاء الله البنات يفدونك

فراشه حلوه وصغيرونه
06-05-2010, 09:31 PM
تسلمين حبيبتي

mint
06-05-2010, 09:36 PM
وانا كمان ما بعرف.. بس ناويه اجربه
اذا عرفتي خبرينا

فراشه حلوه وصغيرونه
06-05-2010, 09:43 PM
ان شاء الله اختي تابعي الموضوع وعسى ان نرى جوابا

شـاي أخضـر بالتـوت
06-05-2010, 10:47 PM
هالعصير روعه قليل فيه انا جربته اكثر من مره اشربه بدل وجبه العشا مره باليوم لان كثر العصير يزيد السكريات في الجسم
وماله اي اثر عصير عادي ..!!!
وبالنسبه للسعرات ماعندي فكره بس باسبوع مع تخفيف الفطور والعشا ينزل وزن كبيير انا اول مره نزلت 6 كيلو وثاني مره واللي بعدها وبعدها انزل 3 كيلو بالاسبوع بس يختي التغيير بالشكل خيااال والله ينحف الزنود والبطن وينحت الخصر ويرسم الفخوذ وربي سحر هالعصير انا خلاص اعتمدته من سنتين اذا مليت من الرجيمات اشربه ..جربيه ماراح تخسرين..
بالتوفيق

الفراشه ميار
06-05-2010, 10:48 PM
انا كمان الاسبوع الجاي انشاء الله بجربه
بس الا اعرفه ان هذا العصير يشرب بدال وجبة العشاء
يعنى مافي عشاء بس العصير وطبعا مع دايت في الفطور
والغداء يقلوا روعه سوى بحث واقراء يقلبي وبتستفيدي
موفقه

فراشه حلوه وصغيرونه
06-05-2010, 11:03 PM
هالعصير روعه قليل فيه انا جربته اكثر من مره اشربه بدل وجبه العشا مره باليوم لان كثر العصير يزيد السكريات في الجسم
وماله اي اثر عصير عادي ..!!!
وبالنسبه للسعرات ماعندي فكره بس باسبوع مع تخفيف الفطور والعشا ينزل وزن كبيير انا اول مره نزلت 6 كيلو وثاني مره واللي بعدها وبعدها انزل 3 كيلو بالاسبوع بس يختي التغيير بالشكل خيااال والله ينحف الزنود والبطن وينحت الخصر ويرسم الفخوذ وربي سحر هالعصير انا خلاص اعتمدته من سنتين اذا مليت من الرجيمات اشربه ..جربيه ماراح تخسرين..
بالتوفيق


تسلمييييييييين حبيبتي وجزاك الله كل خير ويخليج دوم بصحه وعافيه وجمال:402:
حبييتي ليت تذكرين لنا بعض من نظامج يعني شنو اكلتي تقريبا وكذا
انا صراحه مابي ريجيميات مادمرني الا الريجيم سوالي حساسيه بصدري وجربته مرتين او 3 مرات كنت اسويه بين كل فتره وفتره وسبب لي نفس المشكله وزاد وزني اكثر
وحبيت اسال حبيتي او اللي يعرف من الفراشات قريت ونا اتصفح بمنتديات انه يستخدم قبل الفطور على الريق فشرايكم ؟؟؟؟؟؟؟؟؟؟؟
واذا مثلا خربتها وتعشيت اشربه بعدها ولا كيف ؟
وااااااااسفه على كثره الاسئله والف شكر لج حبيبتي وربي يوفقج ويسعدج:و1:

نسيـم الليــل
06-05-2010, 11:03 PM
تسلمي ع الطرح

الله يعطيكِ العافيه

بالنسبة للأسئله ماأدري والله ان شاء الله يفيدونكـ باقي الأعضــاء

تحياتي لكِ :ق0:

فراشه حلوه وصغيرونه
06-05-2010, 11:05 PM
انا كمان الاسبوع الجاي انشاء الله بجربه
بس الا اعرفه ان هذا العصير يشرب بدال وجبة العشاء
يعنى مافي عشاء بس العصير وطبعا مع دايت في الفطور
والغداء يقلوا روعه سوى بحث واقراء يقلبي وبتستفيدي
موفقه


ياحياتي تسلمييييييين والله وكل الشكر لج:ق201:

miss lipoo
06-06-2010, 12:00 AM
والله ماعندي خلفية كم كالوري

بس ان شاء الله بحاول اشربه واخليه على العشاااا بس

لان المدربة عامله معانا نظام غذائي معين وماشية معانا

والله يعيين الجميع يارب

فراشه حلوه وصغيرونه
06-06-2010, 02:37 AM
ربي يوفقج حبييتي وتوصلين للوزن اللي تبينه

شـاي أخضـر بالتـوت
06-06-2010, 04:05 AM
تسلمييييييييين حبيبتي وجزاك الله كل خير ويخليج دوم بصحه وعافيه وجمال:402:
حبييتي ليت تذكرين لنا بعض من نظامج يعني شنو اكلتي تقريبا وكذا
انا صراحه مابي ريجيميات مادمرني الا الريجيم سوالي حساسيه بصدري وجربته مرتين او 3 مرات كنت اسويه بين كل فتره وفتره وسبب لي نفس المشكله وزاد وزني اكثر
وحبيت اسال حبيتي او اللي يعرف من الفراشات قريت ونا اتصفح بمنتديات انه يستخدم قبل الفطور على الريق فشرايكم ؟؟؟؟؟؟؟؟؟؟؟
واذا مثلا خربتها وتعشيت اشربه بعدها ولا كيف ؟
وااااااااسفه على كثره الاسئله والف شكر لج حبيبتي وربي يوفقج ويسعدج:و1:


من عيوني غلاتي :0200:..
كنت اطبق رجيم من تاليفي يعني اي اكل صحي اقدر اتقبله لان اغلب الاكل مااحبه
الفطور
تفاحه خضرا
أو
توسته حبه محمصه وشريحه جبن سلايس خالي الدسم او لبنه قليله الدسم مع شرايح خيار وطماط او جبنه بيضاء..
كورن فليكس دايت +حليب خالي الدسم
الغدا
احيان فاكهه نوع واحد
واحيان 2 توست اذا مااكلت الصبح اكلها على الغدا +شريحه جبن وشرايح خيار وطماط وخس
احيان اضيف للسندويتش شريحه دجاج مشوي او تونه
أو شوربه خضار مسلوقه بعدين افرمها بالخلاط (شفافه <<ماتحب الخضار المطبوخه
والعشا
سلطه زبادي
او تبوله
اوتفاح
كانت اصنافي قليله لاني مااحب اللحوم والبيض والخضار بس السلطات والشراب دايم ماي قبل ولابعد الاكل بساعه وشاي اخضر 3 مرات باليوم بعد الاكل بنص ساعه.
واحيان احذف العشا اسبوع واشرب العصير الحارق
والافضل ماتشربينه الصباح حار على المعده لبعض الناس اللي معدتهم حساسه
وينفع للي معها امساك اكرمكم الله يلين البطن..
واي سؤال انا حاظره:و1:

فراشه حلوه وصغيرونه
06-06-2010, 04:16 AM
تسلميييييييييين حبييتي والله يوفقج بس النظام حقج قريب للريجيم واحسه قاسي شوي فنزول الوزن كان بسبب الريجيم تقريبا مش بسبب العصير صحيح لازم يكون في تخفيف بالاكل شوي لكن اختي نظامج شوي قاسي من نوعا ما
وحبيبتي سؤال ثاني هل اقدر اشربه مرتين باليوم ؟ يعني بعد غدا وعشا
انا تقريبا صاحبه قولون .....وحبيبتي بالنسبه للشاي الاخضر البعض قال موزين الاستمرار كثير عليه على طول ؟
وصراحه ودي اشربه لكن المشكله اني ماحببببببببببببببببه ابداااااا حتى الشاي العادي ماحبه فكيف بالشاي الاخضر ؟
اخواتي يحاولون يشربونه بارد ويشربونه زي الدوا خخخخخخ دفعه وحده عشان الطعم ....
وابي اتاكد هل زي ماقيل انه يحرقق الدهون هذا العصير ؟ سمعت البعض يقول انه ممكن تاكلين شي ثقيل ويحرقه نسبيا فشنو رايج ؟؟؟؟؟؟؟؟
ادري اني تعبتج وادري اني ثرثاره *_^
وااسفه على الاطاله والهذره
موفقه حبييتي

شوق بنت محمد
06-06-2010, 04:18 AM
يسلموووووووووووووو

فراشه حلوه وصغيرونه
06-06-2010, 04:23 AM
الله يسلمج

شـاي أخضـر بالتـوت
06-06-2010, 04:32 AM
تسلميييييييييين حبييتي والله يوفقج بس النظام حقج قريب للريجيم واحسه قاسي شوي فنزول الوزن كان بسبب الريجيم تقريبا مش بسبب العصير صحيح لازم يكون في تخفيف بالاكل شوي لكن اختي نظامج شوي قاسي من نوعا ما
وحبيبتي سؤال ثاني هل اقدر اشربه مرتين باليوم ؟ يعني بعد غدا وعشا
انا تقريبا صاحبه قولون .....وحبيبتي بالنسبه للشاي الاخضر البعض قال موزين الاستمرار كثير عليه على طول ؟
وصراحه ودي اشربه لكن المشكله اني ماحببببببببببببببببه ابداااااا حتى الشاي العادي ماحبه فكيف بالشاي الاخضر ؟
اخواتي يحاولون يشربونه بارد ويشربونه زي الدوا خخخخخخ دفعه وحده عشان الطعم ....
وابي اتاكد هل زي ماقيل انه يحرقق الدهون هذا العصير ؟ سمعت البعض يقول انه ممكن تاكلين شي ثقيل ويحرقه نسبيا فشنو رايج ؟؟؟؟؟؟؟؟
ادري اني تعبتج وادري اني ثرثاره *_^
وااسفه على الاطاله والهذره
موفقه حبييتي



:0108::0108::0108:
حبيبتي انا نظامي جذي أكلي قليل طول عمري بس المشكله اني ماآكل الا النشويات وهي ماتناسبني وااايد اسمن عليها والسنه الاخيره صرت احب الحلويات بشكل مميت عشان جذي سمنت ..
لا ياقلبي تحذفين اي وجبه وتشربينه بدالها لانه ثقيل ويسد النفس مايصلح بعد الوجبه..
وانا بعد معاي القولون بس مشى حالي عليه البلا عندي الحليب كلش مااتحمله اتعب منه..
والشاي الاخضر مو على طول يعني اسبوع اسبوعين وتوقفين منه بعدين ترجعين تشربينه انا ماثبت وزني عليه..
وانا اموت بالشاي الاخضر بالاول عودت نفسي اشربه بدون سكر وهو دافي الى ساخن افضل يخفف الطعم وكنت اقعد اشرب الكوب ساعه بالموووت ينزل هههه
بس الحين ادمنته واذا فيه نعناع اضيف له شوي سكر يطلع مره حلو..
واحيان اشرب اللي بالنكهات البارد لذيذ وخاصه اللي بالتوت <<سميي
حبيبتي جربي الاسبوع الاول اشربيه بعد الوجبه الدسمه مره باليوم وشوفي التغيير في وزنج وشكلج اذا نزلتي وايد يعني ينفع لان لو ماضعفتي ماراح تسمنين عليه ابد..
وبعدين لاتعبتيني ولاشي غلاتي عادي انا احب اخدم الطيبين بالي وسيع ههههه
موفقه

فراشه حلوه وصغيرونه
06-06-2010, 04:47 AM
حياتي والله مشكووووووووووووووووووره وربي ماعرف شلون اشكرج
هو زي ماقلتي اذا كان ثقيل ويسد النفس يصير لازم اشربه مرتين مثلا باليوم مولازم بعد الفطور
يكون اشربه المغرب تقريبا او قبيل العشا خخخ واحاول اني ماشربه الا هو وماكل اي سناك
وبعد العشا بساعه مثلا ونشوف يحرق او يثبت الوزن عليه
واتوقع تصير نتايج حلوة لو شربته هو والشاي الاخضر يعني اشرب الششاي الاخضر بعد الاكل بنص ساعه زي ماقلتي وبعد العشا وعقبها بوقت من الغدا اشرب العصير وكذالك بالنسبه للعشا ؟؟؟؟ --- مادري زين للمعده ولاادمرها هههههههههه
انا المشكله نفس السالفه يعني اوكي اكل وسط لكن انا مش من النوع اللي كل يوم اكل شيبس وشوكولاته وكذا
تجيني فترات مانكر لكن والله اشوف بنات يوميا هالاشياء عندهم وبعضهم جسمهم زين وبعضهم عصاقيل -- يبون يمتنون خخخخ --- فودي اشوف هل في اختلالات هرمونيه عندي لانه عندي ظهور الشعر الي تجيج شعرات غامقه باماكن الشعر فيها فاتح او شعره بنص الخشم هههههه تطلع فجاه وتختفي فتررررررررررره واحيانا الدوره تتلخبط عندي ومرات لا
فودي اشوف وش السبب ؟؟؟
ونفسي اشتري اله رياضيه تحرق الاكل اللي ناكله او على الاقل تحرق كميه كبيره منه
وربي يوفقج حبيبتي وييسر امورج

شكلمه
06-06-2010, 07:06 AM
اسمعي يا اختي معلومة ان العصير يحرق الدهون معلومه خاطئه ولا يوجد اي اكل او فاكهه او عصير يحرق الدهون وانما تتكون من سعرات حراريه قليله ,يعني موتاكلين ثم تشربين العصير وتقولين بنحف لازم تحسبين السعرات الحراريه اللي تاكلينها في اليوم انا ما انكر ان العصير هذا اللي ذكرتي يساعد على التنحيف بس مو بعد الوجبات مثلا انتي ماشيه على نظام غذائي ووجبة الغدا فيها فاكهه نوعين انتي هنا اشربي عصيرك بدالها او عندك العشا تونه وسلطه ومالك نفس في التونه هنا تشربين العصير بدالها وهكذا تشربين العصير بدال اي نوع في الوجبه وليس بعد الوجبات او تشربين كوبين منه بدال العشا يوميا او بدال الغدا وهكذا اتمنى اني افدتك ونصيحه للكل انتبهو من شرب العصيرات بكثره حتى لو طبيعيه فكثرتها تسمن وكل ما ذكرته في مشاركتي المتواضعه هذي ماهو الا كلام اخصائيين ودكاتره ودمتم

فراشه حلوه وصغيرونه
06-06-2010, 01:50 PM
حبيتي تسلمين على المعلومات القيمه لكن في البعض كما قريت من تجارب البعض انه فادهم ونحفهم
اوكي ممكن زي ماقلتي مره باليوم ينشرب بدل وجبه معينه لكن البعض يقول انه زين ونحفهم فايش رايج ؟
زي مثلا عصير الليمون الطبيعي كثرته ممكن تخفي البطن ؟
طبعا انا اقصد العصيرات الطبيعيه بدون مانضيف لها سكر
فياليت تفيدينا اختي ؟؟؟؟؟

طيف البحر
06-06-2010, 03:17 PM
مرحبا اختي

العصير فعلا حارق للدهون ويشرب بعد كل وجبه حوالي كوب ويمكن شربه كوجبه عشاء بس تشربي منه كوبين وهو يحسسك بالشبع

انا طول فتره الدايت اشرب عصير اناناس بس الكيوي ما احبه والحمدلله وزني في نزول متواصل

فراشه حلوه وصغيرونه
06-06-2010, 04:00 PM
حبيبتي طيف اذا ماعليج امر ممكن تشرحين اكثر وش نوعيه الدايت حقج واانا احترت في عضوه قبلج تقول مايشرب بعد كل وجبه لكن الي اتفقتوا عليه جميعا انه ممكن يشرب كوجبه عشا
اختي قولي انتي مسويه تخفيف او ريجيم وهل هذا العصير دايم تشربينه -- انا ماحب عصير الكيوي ولااكله والاناناس اكله بس موكثير لكن ممكن ينشرب هالعصير ليش لانه احسن من الشاي الاخضر والمشروبات اللي ريحتها وطعمها مرررر يعني ابلعه شوي كانه دوا خخخخ
فياليت اختي تشرحين اكثر
وربي يوفقج ان شاء الله ويحقق مرادج

taleeno
06-06-2010, 04:39 PM
تسلمي وانشاء الله اجربه

فراشه حلوه وصغيرونه
06-06-2010, 08:13 PM
مشكوره حبيبتي .....

طيف البحر
06-06-2010, 10:28 PM
حبيبتي طيف اذا ماعليج امر ممكن تشرحين اكثر وش نوعيه الدايت حقج واانا احترت في عضوه قبلج تقول مايشرب بعد كل وجبه لكن الي اتفقتوا عليه جميعا انه ممكن يشرب كوجبه عشا
اختي قولي انتي مسويه تخفيف او ريجيم وهل هذا العصير دايم تشربينه -- انا ماحب عصير الكيوي ولااكله والاناناس اكله بس موكثير لكن ممكن ينشرب هالعصير ليش لانه احسن من الشاي الاخضر والمشروبات اللي ريحتها وطعمها مرررر يعني ابلعه شوي كانه دوا خخخخ
فياليت اختي تشرحين اكثر
وربي يوفقج ان شاء الله ويحقق مرادج


انا اتبع نظام التخفيف ومرات نظام السعرات الحراريه


واشرب عصير الاناناس الي يجي بدون سكر ( سيزر او الربيع ) نفس الشي


وهو بالعكس مفعوله يبتدي بعد الوجبه مباشره لانه فيه انزيمات تذيب الدهون وبنفس الوقت يحسسك بالشبع


وعادي تاخذينه كوجبه عشاء خذي كوبين يكفي انا مرات افطر بنصف كوب او كوب بالصباح


واذا اضفتي الكيوي يكون احسن بس انا ما احبه مثلك وانا من ابتديت الدايت وانا اشربه



واي سؤال انا حاضره حبيبتي :و1:

فراشه حلوه وصغيرونه
06-07-2010, 12:55 AM
حياتي والله تسلمييييييييييييين ماقصرتي على المعلومات
بس انتي حبيبتي قلتي بس الاناناس تستخدمينه انا سامعه قبل انه بعد الاكل تشربين عصير اناناس بسسس او تاكلين اناناس زي كذا
لكن بعدين شفت انه تضيفين له كيوي وليمونه وانتي تقولين افضل لضفنا الكيوي
فنجرب ان شاء الله
انا قبل مثلج سامعه انه ممكن تكونين ماكله وجبه ثقيله هو يساعد في حرق اغلب الدهون
فنجرب ونشوف ..........

طيف البحر
06-08-2010, 08:07 AM
حياتي والله تسلمييييييييييييين ماقصرتي على المعلومات
بس انتي حبيبتي قلتي بس الاناناس تستخدمينه انا سامعه قبل انه بعد الاكل تشربين عصير اناناس بسسس او تاكلين اناناس زي كذا
لكن بعدين شفت انه تضيفين له كيوي وليمونه وانتي تقولين افضل لضفنا الكيوي
فنجرب ان شاء الله
انا قبل مثلج سامعه انه ممكن تكونين ماكله وجبه ثقيله هو يساعد في حرق اغلب الدهون
فنجرب ونشوف ..........

ايه جربيه بصراحه صار عصيري المفضل من ابتديت الدايت وبعدين مو تروحي تاكلي دسم بكل مره وتقولي بشرب العصير بحرقه لا غلط خففي من اكلك وسوي رياضه وبالاضافه لهذا العصير بيجيب نتيجه حلوه بأذن الله

الفآرسهـ
06-08-2010, 08:13 AM
انا بديت فى من اسبووع


بشربة قبل الغداا


او اخلى وجبة عشااا


طبعاا مع التخيف والريااضة الحمدلله

فراشه حلوه وصغيرونه
06-08-2010, 12:55 PM
ايه جربيه بصراحه صار عصيري المفضل من ابتديت الدايت وبعدين مو تروحي تاكلي دسم بكل مره وتقولي بشرب العصير بحرقه لا غلط خففي من اكلك وسوي رياضه وبالاضافه لهذا العصير بيجيب نتيجه حلوه بأذن الله


كذا تخليني اتشجع اكثر اجربه وصحيح انا قريت موضوع ينصح فيه الدكتور عبد الله المطوع خبير تغذيه
يقول لمن تشربينه بالليل وقت النوم يحرق الاكل اللي كلتيه
ويارب يصير جسمي وجسمك حلو وبصحه وعافيه

فراشه حلوه وصغيرونه
06-08-2010, 12:56 PM
انا بديت فى من اسبووع


بشربة قبل الغداا


او اخلى وجبة عشااا


طبعاا مع التخيف والريااضة الحمدلله


حبيبتي جربي وقولي لنا نظامج وشنو حسيتي
ننتظرررك حبيبتي بالنتايج
مووووووووووووووووووووووفقه :0108:


Content Relevant URLs by vBSEO 3.6.0