المساعد الشخصي الرقمي

مشاهدة النسخة كاملة : ۞۩شي شي موطبيعي لسد الشهيه +تجاربي+مشترياتي ويومياتي بالصور۩۞



ღ.¸¸.الشيهانه.¸¸.ღ
08-11-2010, 12:00 PM
http://sub3.rofof.com/img4/08ypwlm12.gif (http://www.rofof.com)




مرحباا ياقمورات ... الشهر عليكم مبـارك :rose00::rose00:


وبما اننا اليوم تاريخ 1_ 9 يعني اول يوم من رمضان اعاننا الله واياكم على صيامه وقيامه


حبيت ابدآ مع نفسي صفحه جديده مع اني بديت من زمان بس حابه انتظم

واحط يومياتي عشان اتشجع اكثر فآكثر


وآي وحده تشوف طريقتي وتعجبها وحابه تنضم معي حياها وعين لها فراش وعينن لها لحاف

بس ياويلها لو تحووس وتخبص:043:


بصراحه انا مو طماعه واقولكم اني ابي انحف 20 كيلو

لا ابي بقدما اقدر احافظ وما يطلع شهر رمضان وانا زايده

اقلها يكون ثابت او ناقص بس مايكون زايد > قنوعه البنت

والاشهر الجايه ان شاء الله يمدي على خيــر

ومشان هيك بقولكم على شغله مههههههههههمه جدآ واعتقد هي اللي خلتكم تدخلون

موضوعي عشانها > اللي هــي سد الشهيه اللي بطريقتي انا



اقسم لكم بالله ان لي كم يوم ماشيه فيها حسيت فعلآ بسدة نفسي بجـــد عن الاكل والحلا
والايس كريم

وصايره مااشتهي الوجبه كثيــر بالذات العشاء و يجيني حلا القهوه والمعجنات لحد عندي ومااكلها

> حلفتكم بالله قولو ماشاء الله :036:

مااطول عليكم هي ثلاث اشياء اعتمدتها بنظامي تخيلو ماسويت رجيم عنيف ولا حتى رياضه عنيفه

وانسدت شهيتي بقوه + تغير شكل جسمي بشكل واضح يارب لك الحمد وراح اواصل على هالطريقه

اذا الله قدرني واتمنى لكم الفايده معي وهالاشياء الحمدلله مافيها اي مضره لآن كلها طبيعيه




1ــ منتجات الهيربل لايف بصراحه روعه وكلمة روعن قليله مابي اطول عليكم في الكلام عنها

بإمكانكم تعملو بحث عنها وتشوفو طريقتها وهذي صورت المجموعه كامله


http://sub3.rofof.com/img4/08hjdvg12.jpg (http://www.rofof.com)


وطريقتي فيها بصراحه مو بشكل يومي اعتمدها بوجباتي على حسب المزاج والنفسيه

احيان ادخل الوجبه البديله واحيان لا حسب النفسيه > بكيفي :406:

طبعآ هي نكهات كثيره مره


بس الاساس فيها هو ((الشاااااااااااااااااااي)) تبعها شي مو طبيعي في مساعدتي على سد الشهيه وفي منه نكهات كثير انا افضل الليمون اصلآ من ريحته واضح انه
طبيييييييييييييعي 100%

والحرق بين الوجبات وهذي صورته

http://sub3.rofof.com/img4/08mifbt12.jpg (http://www.rofof.com)



2ــ كبسولات وهالكبسولات صار لي استخدمها ثلاث اسابيع

والحمدلله مااشتكيت منها غير كذا انها تحتوي على اعشاب ومواد طبيعيه

وشخلت الصيدلي بالاسئله وقال كثير ياخذون منها وهي تختلف عن الريد اكتيل كثير وماتآثر

لآنها تعمل على حرق الدهون من الوجبه اللي انتي تاكلينها

ومن هنا ان شاء الله نضمن ان الوجبه اللي ناكلها تنحرق لو بشكل بسيط خصوصآفي رمضان

وعملت عليها بحث وشفت تجارب بنات كثير ويمدحوها وتوكلت على الله وشريتها

والى الان مرتاحه عليها وقالي الصيدلي اذا ماتبين تزودين ولا كيلو برمضان خذيها

وصار لي عليها الى الان مع الوصفات كلها اكثر من ثلاث اسابيع

مع رجيم اي كلام واحس نفسي بالشكل اكثر

واقسم بالله المشي معدوم بس اقعد على جهاز الكريزي فت 20 دقيقه باليوم

اسمها ( نيو بنتيا500) وهذي صورتها


http://sub3.rofof.com/img4/08chlte12.jpg (http://www.rofof.com)




3ــ وصفه اخذتها من الدكتور عبد الباسط وهي بذور الرجله وهذي صورتها


http://sub3.rofof.com/img4/08zyrlg12.jpg (http://www.rofof.com)

شفت البنات بيتكلمو عنها كثير وحبيت اجربها بصراحه حلوه مره وتقوم بسحب الدهون من اكلك

وتسد الشهيه وطريقتي فيها هي اخذ لي ملعقه صغيره مع الماء قبل الاكل بربع ساعه




وهذي هي الوصفات بآختصار طريقتي في سد الشهيه واتمنى تجربوها وتطعوني رايكم وتدعون لي

وانا حاظره لآي سؤال



وبالنسبه لنظامي


انا بصراحه ماعندي نظام غذائي معين وماراح امشي على نظام غذائي محدد

لآني اكتشفت اني اذا حطيت لي جدول امشي عليه

خبصصصصصصصصت ام الدعوه وانقلب من رجيم الى شيطان رجيم في الاكل واللخبطه


عشان كذا صممت اعمل اللي علي من ناحية توفير اكل الدايت بقدر المستطاع

واحطه هنا بصور يوميه بحيث اني مااخربط واذا في وجبه دايت او وجبة هيربل لايف> حسب النفسيه



وقررت اتبع هذي الاشياء بقد مااقدر


1- اشرب ماء كثير اقل شي 8 اكواب واذا كانو 10 افضل

وبما اننا برمضان راح يكون طريقة شربي

بعد الفطور مباشره يعني بعد مااكل التمر حدود 3 كاسات او اربع

عشان تحسين بسدة النفس بعدها وماتخليك تكثرين اكل

وباقي الكيسان مقسمه على باقي اليوم

2ـ الشوربه الشوربه الشوربه >> هي الطبق الرئيسي بعدصلاة المغرب والعشاء

راح يكون بعد التراويح > يفضل يكون اكل بس مافيه دسم كثير وراح اكثر من عصيرات الفواكه
الطازجه

3- بعد الوجبه بساعه كاس شاي اخضر وبين الوجبات من شاي الهيربل

4-العشاء او السحور يكون قبل النوم اقل شي ساعتين ثلاث ساعات

5- الوزن مره كل اسبوعين يكون على الريق وبملابس خفيفه وبعد الخروج من الحمام اعزكم الله


6- ناخذ يوم واحد بالاسبوع مفتوح بقوه نآكل فيه كل ابو شي


7- الرياضه اقل شي نص ساعه باليوم وفي رمضان يفضل المشي قبل الافطار بساعه هذي بحاول فيها

الله يقدرني واذا ماقدرت بعد التراويح

وانا عن نفسي راح امشي على السير او بالحوش مع جهاز الكريزي فت



الله لا يسامح من تقوم بنقل موضوعي بدون ماتنقل اسمي



بآقي اوريكم مشترياتي لكن بالصفحه الثانيه ارجو عدم الرد

سآآره
08-11-2010, 12:32 PM
الصور مره كبيره
صغيرها بالرسام والا الفوتوشوب

ღ.¸¸.الشيهانه.¸¸.ღ
08-11-2010, 12:45 PM
http://sub3.rofof.com/img4/08dkxbs12.jpg (http://www.rofof.com)




اول شي بعرض لكم هذي القلايه الرهيبه شريتها بـ1000 ريال

اساسآ كنت من زمان كــنت ابي اشتريها بس توها تجي الفلوس

والله يابنات رهـــيبه بمعنى الكلمه يعني تعملي فيها السمبوسه والبطاطس

بس بملعقه وحده زيت


من ميزتها انك تغسليها بسهوله تشيلين قطعه داخليه وتغسليها وترجعينها

فيها تايمر لضبط الوقت

تقدرين تعملي فيها حتى الخضار
والحنينى وتحمس القهوه والسمبوسه والسبيرنق رول

فيها زي الريشه من داخلها تقوم بتحريك الاكل طوال الفتره الى تشتغل فيها

مافيه اشعاع زي المكرويف فقط تعتمد على الهواء الساخن

ليست سريعه مثل المكرويف يمكن اسرع من الفرن شوي


ثاني شي انا جربتها فى البطاطس الجاهز المثلج وبدون ولا نقطه زيت طلع روعه تحتاج من 7 الى 10 دقايق

السمبوسه كلها طلعت مقرمشه ولذيذه واحسن من الفرن واحسن من القلي


وان شاء الله اليوم اذا عملت فيها البطاطس والسمبوسه والسبرينق رول

راح احط لكم الصوره

الفراشه ميار
08-11-2010, 01:04 PM
يسلمووووووو على الموضوع يقمر موفقه

ღ.¸¸.الشيهانه.¸¸.ღ
08-11-2010, 01:14 PM
http://sub3.rofof.com/img4/08vfoka12.jpg (http://www.rofof.com)





هذي جزء من مشترياتي الغذائيه





http://sub3.rofof.com/img4/08pzcyq12.jpg (http://www.rofof.com)

طبعآ بالنسبه لعصير الكي دي دي اخذت بالجريب فروت, الاناناس, البرتقال,التفاح

برضو حليب الصافي الخاص بالرشاقه الخالي من الدسم


http://sub3.rofof.com/img4/08qtymc12.jpg (http://www.rofof.com)
وبالنسبه للتونه طبعآ بالماء بدون زيت


ومرتدلا دجاج ونقانق دجاج , بف باستري بر , وحليب بودره خالي الدسم , شابوره بر


بالاضافه الى الكويكر

والبسكوت النخاله > هذا شي اساسي عشان التسليه:406:



واذا تذكرت شي قلت لكم :066:


اتمنى موضوعي يعجبكم

ღ.¸¸.الشيهانه.¸¸.ღ
08-11-2010, 01:17 PM
الصور مره كبيره
صغيرها بالرسام والا الفوتوشوب

تم التعديل


يسلمووووووو على الموضوع يقمر موفقه

يسلمك ربي واشكر لك مرورك

غلاي بقلبي
08-11-2010, 01:48 PM
بالتوووووفيق والله يثبتك ويحقق اللي تبينه

شوق_2008
08-11-2010, 07:32 PM
يسعدك ربي اعجبتني الشابورة انا مجربتها من قبل ,,

الحــــنووونـــه
08-11-2010, 08:59 PM
كم سعرها منتجات الهيربل لايف

وممكن الاقيها بالصيييدلية .

ღ.¸¸.الشيهانه.¸¸.ღ
08-12-2010, 01:45 AM
بالتوووووفيق والله يثبتك ويحقق اللي تبينه

تسلمين يا حلاوه ربي يوفقك



يسعدك ربي اعجبتني الشابورة انا مجربتها من قبل ,,

ومرورك اعجبني اكثر ... فعلآ هذي الشابوره حـلوه وخفيفه




كم سعرها منتجات الهيربل لايف

وممكن الاقيها بالصيييدلية .

لا مستحيل تلاقيها بالصيدليات هذي تباع عن طريق مندوبين لها

ابحثي بقوقل وتحصلين ارقام مندوبين ومندوبات وقائمة بآسعارها

ومنوره موضوعي يالغلا

اسيل الحب
08-12-2010, 01:52 AM
بالوفيق ان شاء الله

ღ.¸¸.الشيهانه.¸¸.ღ
08-12-2010, 01:54 AM
يومــي بكل اختصآآر


قبل اذان المغرب بساعتين طلعنا نفطر في بيت العائله الكبير



على الفطور تمره وتقريبآ حدود 6 الى 7 كاسات ماء بارد مع ثلج


لا تلوموني والله من قوة العطش الله يثيبا بس الكاسات صغيره البلاستك مو الكبيره


بعدها رحت صليت

واخذت لي فنجال واحد قهوه مع حبتين فقط لا غير من اللقيمات المعجونه بالبر


وعلى بعد صلاة العشاء اخذت لي طبق سلطه مع طبق شوربة كويكر بقطع لحم صغيره

وحبة بف بالبطاطس مقليه وحبة سمبوسة باللحم بالفرن

وبعده شآي اخضر ليبتون

> كان ودي اصور اكلي بس استحيت لآننا مو في بيتنا

طبعآ بعد العشاء اخذت لي كبسوله اما بذور الرجله مااختها معي نسيتها


بس بآكلها اكيــد قبل السحور


والحين قاعدة اشرب لي كوب من شاي الهيربل لايف بالليمون

أم فراولة
08-12-2010, 02:44 AM
تسلمي عندي هذة القلية مرة حلوة ربي يجزيكي خيرا

بلبل 2011
08-12-2010, 04:42 AM
موووووووووووفقة ياغالية الله يثبتنا يارب ونوصل لمرادنا بالصحة والعافية يااااااااااااااااااااارب

لولوه الدوسري
08-12-2010, 05:06 AM
الله يثبتك خيتووو
بس الصور اكس مو طالعه كان ودي اشوفهاااا

ღ.¸¸.الشيهانه.¸¸.ღ
08-12-2010, 06:16 AM
السحور عباره عن وجبة هيربل لايف

لكن عملت لها اضافات من عندي


حليب خالي الدسم بالخلاط مع 4 حبات فراوله مع 4 ملاعق فمتو + الفورملا 1 بطعم الفراوله




http://sub3.rofof.com/img4/08ndecu12.jpg (http://www.rofof.com)

ღ.¸¸.الشيهانه.¸¸.ღ
08-12-2010, 06:21 AM
الله يثبتك خيتووو
بس الصور اكس مو طالعه كان ودي اشوفهاااا


تسلمين مادري ممكن المشكله من مركز التحميل لآني حملتها بالبدايه كانت مضبوطه

بحاول اعيدها من مركز تحميل ثاني

ღ.¸¸.الشيهانه.¸¸.ღ
08-12-2010, 07:00 AM
بالوفيق ان شاء الله

تسلمي على المرور


تسلمي عندي هذة القلية مرة حلوة ربي يجزيكي خيرا

مشكوره بس ياليت تذكرين لي كيف طريقة استخدامك فيها

وايش اللي تعملي فيها من الاكلات


موووووووووووفقة ياغالية الله يثبتنا يارب ونوصل لمرادنا بالصحة والعافية يااااااااااااااااااااارب

امييييين الله يسمع منك مشكوره

صمتي حكمة
08-12-2010, 08:09 AM
بالتوووووفيق والله يثبتك ويحقق اللي تبينه

:ق201:

الرفاا
08-12-2010, 09:56 AM
ربي يحقق مرادك يارب يشهد ربي اني دعيت لك من قلبي وانا صايمة


ان شاء الله تنحفي يارب وتوصلي مرادك من غير شر


والقلاية حمستيني اشوف صور السمبوسة والسبنق رول ياريت تحطيها


عشان نشوف ربي يسعدك يارب

عصير مانجو
08-12-2010, 02:19 PM
ماشاء الله تبارك الرحمن

نظامك مره مره عجبني

حتى اني افكر انزل السوق واشتري نفس موادك الغذئيه
والقلا يه مو مشكله نعوضها بالفرن ونشوي السمبوسه لين ندبر مبلغها ونشتريها خخخ

توقف كثيرا عند الصوره اللي بتوقيعك
يوووه ياربي متى نفرح مثل فرحته وتجينا نفس عزيمته واصراره

(حمستيني بالاستمرار عالرجيم )

بالتوفيق ياعسل

ღ.¸¸.الشيهانه.¸¸.ღ
08-12-2010, 07:20 PM
ربي يحقق مرادك يارب يشهد ربي اني دعيت لك من قلبي وانا صايمة


ان شاء الله تنحفي يارب وتوصلي مرادك من غير شر


والقلاية حمستيني اشوف صور السمبوسة والسبنق رول ياريت تحطيها


عشان نشوف ربي يسعدك يارب



تامرين امـر اليوم عملت لي بالقلايه مكعبات بطاطس + سمبوسه + سبيرنق رول


وكلهم صورتهم لعيونكم


هذي صورة السمبوسه مع السبيرتق روق مافي فرق بالشكل عن القلي بالزيت


لا ومقرمشه اكثر بس الهم انها مره ناشفه وتنفع لنا يامعشر الدبدوبات

http://sub5.rofof.com/img3/08fbkig12.jpg (http://www.rofof.com)




وهذي مكعبات البطاطس برضو عملتها فيها ومره مره مره مقرمشه



هذي صورتها وهي بالجهاز

http://sub5.rofof.com/img3/08afzmo12.jpg (http://www.rofof.com)




وهذي هي صورتها بعدما طلعتها من القلايه وبملعقه 1 زيت فقط



http://sub5.rofof.com/img3/08vkxyg12.jpg (http://www.rofof.com)

ღ.¸¸.الشيهانه.¸¸.ღ
08-12-2010, 07:33 PM
ماشاء الله تبارك الرحمن

نظامك مره مره عجبني

حتى اني افكر انزل السوق واشتري نفس موادك الغذئيه
والقلا يه مو مشكله نعوضها بالفرن ونشوي السمبوسه لين ندبر مبلغها ونشتريها خخخ

توقف كثيرا عند الصوره اللي بتوقيعك
يوووه ياربي متى نفرح مثل فرحته وتجينا نفس عزيمته واصراره

(حمستيني بالاستمرار عالرجيم )

بالتوفيق ياعسل



ياهلا ومرحبا فيك يالغلا ومنوره موضوعي بطلتك

يزيدني شرف يوم عجبتك مشترياتي مع اني ماعرضتها كلها في اشياء ناسيتها


ومثل ماقلت كلما ذكرت شي عرضته لكم :079:

وإن شاء الله دوم الحماس ياقلبي ,,, ويارب نفرح وياك بنقص اوزانا

عاجلآ غير اجل واحنا بصحه وعافيه


http://sub3.rofof.com/img4/08ygkzb12.gif (http://www.rofof.com)

ღ.¸¸.الشيهانه.¸¸.ღ
08-12-2010, 07:39 PM
الساعه الان تشير إلى 30:7 المغرب

فطوري اليوم بعد اذان المغرب

حبة تمره + 6 كاسات ماء >> كاسات صغيره طبعآ

بعدها ماعاد قدرت اتحرك جلست يمكن ربع ساعه مااقدرت اتحرك

لآني مره كثرت شرب مووويه

وبعدها قمت صليت

يعني الى الان من بعد المويه مو مشتهيه اكل شي

راح اخلي الاكل بعد التراويح بإذن الله


وراجعه إن شاء الله لآستكمال يومياتي

ღ.¸¸.الشيهانه.¸¸.ღ
08-13-2010, 03:29 AM
على الساعه 10 وربع

تعشيت شوربة كويكر مع قطعه صغيره من صدر الدجاج + عصير كي دي دي بالتفاح

+ معجنات خفيفه 1 سمبوسه 1 توتيلا بالدجاج 1 فطيرة بالتونه 1 سبيرنق رول

وما آكلت منها الا البيرنق رول والسمبوسه فقط

http://sub3.rofof.com/img4/08xnzbw13.jpg (http://www.rofof.com)




بعدها شآي اخضر


http://sub3.rofof.com/img4/08ipsxt13.jpg (http://www.rofof.com)

الرفاا
08-13-2010, 05:35 AM
ماشاء الله ربي يسعدك يارب ماقصرتي ماشاء الله عليكي


وان شاء الله يارب تحققي مرادك يارب من غير اي شر

الحنان طبع مني
08-13-2010, 05:59 AM
يسلموا ياقلبي

ღ.¸¸.الشيهانه.¸¸.ღ
08-13-2010, 11:27 AM
الرفاا الحنآن طبع مني



يسلمكم ربـي واشكركم على المرور الجميـل

ღ.¸¸.الشيهانه.¸¸.ღ
08-13-2010, 11:29 AM
كآن السحور


وجبة هيربل لايف

بالخلاط > حليب خالي الدسم + موزه + تفاحه + ملعقتين من فورملا1 بالفانيلا

$لوعة الحرمان$
08-13-2010, 11:42 AM
مششششششششششششاء الله عليك الله ينحفنا بالعافيه

ღ.¸¸.الشيهانه.¸¸.ღ
08-13-2010, 07:23 PM
مششششششششششششاء الله عليك الله ينحفنا بالعافيه



آآآآآآآآآآآآآآمين الله يسمع منك:062:

~مجدولين~
08-13-2010, 08:25 PM
ماشاء الله عليك خيتوووو

ربي يثبتك وينحفك من دووون شر يارب

مشكلتي انا صار لي موقف من المنتجات الي اشريها ولا ادرري من وين جايه

اخاااااااااف مرررره انا ادووور اي شي طبيعي ايوووه مو مشكله استخدمه

ع العموووووووووم الف شكر غاليتي

Sad poem
08-14-2010, 04:02 AM
بالتوفيق غلاتي
وربي ينحفنا على خير ان شاء الله
بس بسألك حبيبتي نيوبنتيا اشلون طريقة استخدامها
لاني اشتريتها ومو مكتوب عليها الطريقه

ღ.¸¸.الشيهانه.¸¸.ღ
08-14-2010, 08:28 AM
التقرير اليومي


قبل ماتعشيت جلست ع جهاز\ الكريزي فت ومشيت شويه بالحوش تقريبآ ربع ساعه

بعدها تعشيت صحن شوربه + صحن صغير سلطه + بطيخه


وشريت من شاي الهيربل كوبين


والسحور اخذت 6 ملاعق رز مع صدر دجاج + كآس لبن قليل الدسم

> كبسة امي ماقدرت افوتها:404:





ماشاء الله عليك خيتوووو

ربي يثبتك وينحفك من دووون شر يارب

مشكلتي انا صار لي موقف من المنتجات الي اشريها ولا ادرري من وين جايه

اخاااااااااف مرررره انا ادووور اي شي طبيعي ايوووه مو مشكله استخدمه

ع العموووووووووم الف شكر غاليتي

تسلمين يالغاليه على المرور \

وبالنسبه للآشياء اللي وصفتها طبيعيه جدآ

وانا شخصيآ استحدمها والحمدلله



بالتوفيق غلاتي
وربي ينحفنا على خير ان شاء الله
بس بسألك حبيبتي نيوبنتيا اشلون طريقة استخدامها
لاني اشتريتها ومو مكتوب عليها الطريقه



ربي يسلمك

طريقتها قبل رمضان > اذا دسمت بالوجبه مثلآ وجبة غذا او عشاء

حسيت اني اكلت فيها كثير اخذ كبسولتين اذا عاديه او دايت حبه وحده بس

بعــد الاكل بنص ساعه


اما برمضآن

اكلها بعد العشاء لآني بالفطور مااكثر اكل

وبالسحور اكلها بعده اذا كنت مكثره اكل ومتسحره بدري

لآني اذا تسحرت متآخره مايمدي اكلها


موفقه ومشكوره على مرورك

سـحــ الورد ــــر
08-14-2010, 05:15 PM
موفقه خيتووو ان شاء الله توصلين لهدفك

ღ.¸¸.الشيهانه.¸¸.ღ
08-15-2010, 04:56 PM
موفقه خيتووو ان شاء الله توصلين لهدفك




تسلمين يالغلا منوره موضوعي ربي يسمع منك:و9:

ღ.¸¸.الشيهانه.¸¸.ღ
08-15-2010, 05:00 PM
السحور مبارح كان برا :074: يعني انواع التخريب

بس مضطره لآننا كنا عند اقارب لنا وغصبوني >>> ايه صرفي


اكلت رز ودجاج وسلطة وايدام >>> وش خليتي :059:


لا وغير هذا مع الشاي والقهوه الساعه 10 انواع الحلا والمعجنات المغريه



انا كننت حاسه او برمضان لازم يكون فيه تخريب

واكبر مشكله اني مااخذت معي لا الحبوب ولا بذور الرجله

يالله يعتبر هذا يوم مفتوح ||||>>>> اي بس على كيفتس:د0:

حسافة ياقلبي
08-17-2010, 09:51 PM
الله ينحفك عالوزن اللي تحبين من غير شر...
وينحفني معك ... والله عقب الولادة طلعت بطة...الله يعين..

فجر الشمري
09-18-2010, 08:27 AM
ماشاء الله عليك
طيب يالغلا قوليلنا وش آخر التطورات معاك
ليش وقفتي عن كتابة يومياتك
تراني بتابعك
وحبيت أسأل عن بذور الرجله ممكن أستخدمها بروحه وتسد شهيتي
والله ينحفك على خير

fatoom_4ever
09-27-2010, 05:01 AM
http://imagecache.te3p.com/imgcache/81d61ce90e62a9c51a6dfeb12bad8707.gif كن الوردة http://imagecache.te3p.com/imgcache/81d61ce90e62a9c51a6dfeb12bad8707.gif


التي تفرح البشر بكل هبة نسيم , وتنعش الروح..,

وتزيل الهم بالاابتسااام ...!!


ولاتكن اشواكهاا تنثر بقدومك الشر , وتشعل بالقلوب

مواقد من ناااار ..!

ariama
10-05-2010, 12:55 AM
مووووووووفقوة

عاشقة الإستغفار
01-12-2011, 02:07 AM
أستغفر الله العظيم اللذي لا إله إلا هو الحي القيوم و أتوب إليه


Content Relevant URLs by vBSEO 3.6.0