المساعد الشخصي الرقمي

مشاهدة النسخة كاملة : قاعة ألف ليلة وليلة وقاعة بغلف بجدة ( صور ) وقاعة الأمراء



شوووكلاته
08-30-2010, 03:59 PM
السلام عليكم

قاعة ألف ليلة وليلة في جدة اش رايكم فيها من جوا ومن برا ؟
مين عندها فكرة كم سعرها بالعشا نساء ورجال ؟
وكم سعرها بالعشا نساء فقط ؟
وسعرها اش يشمل من العصيرات والحلويات والمعجنات والقهوة والشاي والدي جي وشاشة العرض واجهزة الليزر والبخار والأضأه وتزيين الكوشة والممر والبلكونة والراقصات والمصورة ؟
كيف عشاهم وكيف طريقة تقديمو من الفواكة والحلا وكيف طعمو وإذا كانو يجيبون العصيرات والحلويات والمعجنات والقهوة والشاي من عندهم كيف طعمهم وكيف طريقة تقديمهم للعصير ومن وين يجيبون الحلا والمعجنات والعشا ؟
زفاتهم اش هيا وعندهم راقصات ؟
وكيف دورات المياة فيها اعزكم الله ومدخلها وجوا من عند العروسة ؟
أنا شفتها صور واحسها ضيقة مايهمني تكون وسيعة بس لمن شفت صورها حسيتها ضيقة مرة والكوشة صغيرة بس انا باخذها لملكة مدري يمكن عالطبيعة غير

وهذي صورها

الكوشة وفي حركة في الكوشة وهوا ان العروسة تقدر تطلع من تحت الأرض من الكوشة
http://www.alersan.com/hallimage/33c96daacdeccb8bb2e37f68d901da00.JPG

الصالة وواضحة فيها شاشة العرض في الزاوية نازلة من فوق
http://www.alersan.com/hallimage/26d445ebe40323432a150bfef7a161ba.JPG

الدرج والبلكونة والصالة والممر والضاهر في دور ثاني تكملة للقاعة وواضح كمان المدخل الي جوا القاعة
http://www.alersan.com/hallimage/98a072d315cbd01c7ae7d36b45a3a9ef.JPG

صالة الطعام وواضح فيها الاركان الضاهر يسون ركن صيني
http://www.alersan.com/hallimage/92be4fc46f38fad95a35487f81ca90b7.JPG

تكفي 500 نساء و 500 رجال

وفيها
غرفة للعروس
غرفة للعريس
دي جي
كوافير

انا الي اعرفو سابقاً انها بـ 90 ألف الكلام هذا قبل تقريباً 6 سنوات بس سمعت في المنتديات يقولو بـ 35 ألف و 33 ألف مع العشا مدري هم يقصدون هذي هيا بصراحة ماتستاهل 90 ألف بس مدري يجي سعرها 35 شامل العشا



وهذي صور قاعة بغلف موجودة بجدة قريبة من جامعة الملك عبدالعزيز مرة حلوة

القاعة من برا والقبة تتلون من برا بأضاة كل ثانية بلون
http://sphotos.ak.fbcdn.net/hphotos-ak-ash1/hs330.ash1/28661_1429678978985_1143177065_31260209_8201098_n. jpg

http://up.fntzy.com/x/4507_1275832037.jpg

القبة من الداخل
http://up.fntzy.com/x/4507_1275832441.jpg

تحت القبة
http://up.fntzy.com/x/4507_1275833476.jpg

صالة النساء مع الكوشة
http://up.fntzy.com/x/4507_1275855353.jpg

البلكونة في صالة النساء
http://up.fntzy.com/x/4507_1275855537.jpg

سقف صالة النساء
http://up.fntzy.com/x/4507_1275835796.jpg

http://up.fntzy.com/x/4507_1275835867.jpg

صالة طعام النساء
http://up.fntzy.com/x/4507_1275833400.jpg

http://up.fntzy.com/x/4507_1275833743.jpg

صالة الرجال
http://up.fntzy.com/x/4507_1275855680.jpg

سقف صالة الرجال
http://up.fntzy.com/x/4507_1275857865.jpg

طبعاً القاعة واضح انها حلوة بس التصوير مو واضح وضالمها والأضأت مو شغالة كلها أنا شفتها من برى مرة حلوة
وأنا سمعت لسى مافتتحوها ولا خلصوها لسى مالبسو الكراسي والطاولات وطاولات البوفية ولا حطو اسم القاعة من برا عليها
بس في احد قد راح لها وعندو فكرة كم سعرها ؟


وقاعة الأمراء الي بعد قاعة فرح إذا تعرفوها اش رايكم فيها وكم سعرها مع العشا ؟

وشكراً مقدماً

شوووكلاته
08-30-2010, 04:04 PM
ماعرفت اصغر الصور إذا عندكم رابط يصغرها اعطوني أو إذا المشرفات يعرفون لو يصغروها بعد إذنهم

$ صوت المطر $
08-30-2010, 05:02 PM
يا اهلا وسهلا شوكولاته

بالنسبة لقاعة الف ليلة وليلة بنت عمي سوت زواجها فيها وكان على اهل العريس فما اقدر افيدك عالاسعااار وهيك
لكن كانت من جوا لمن حضرت فخمة ماعليها كلام ... بس انا ماعجبني كثرة البلكونات انتي فيه ناحية من القاعة ماصورتيها بالصور ... وهيا عبارة عن بلكونتين منفصلين صغار اول وحدة يخرج منها العريس وتاني وحدة تخرج منها العروس بعدين يدخلو تاني بعدين فيه على ما اذكر في النص بلكونة اكبر يدخلو منها العروسة والعريس سوا يرمو ورد ويلبسو الخواتم والخ بعدين يدخلو تاني بعدين يجو من البلكونة اللي تنزل عالدرج اللي مصورة عندك ويكملو الزفة يعني حسيت شويا البلكونات زايدة وحكاية انو الكوشة تطلع وتنزل ما ادري الصراحة لأنو بنت عمي اتزفت بالطريقة اللي حكيتك عنها

وعندك اذا تبي قاعة افخم ( امسيتي ) جدا رائعة وافخم بكثير وكوشتها اكبر


طيب نجي يا ستي لقاعة بغلف انا رحتها وللعلم ترى اسمها ( بلاتسو ) وبالانجلش :
Palazzo
عارفة القاعة دي جمب بيتي وطول مني رايحة اي مشوار امر منها ايام ما كانت تنبني فطبعا اول ما فتحت رحت اتفرج بصراحة انا احس انو فخامتها من برا اكثر من جوا يمكن لانو لما رحت ماكانت القاعة مزينة ومزبرقة تعرفي الاضاءات وزينة الكوشة والطاولات والمفارش تعمل للقاعة جو
احكيكي بالتفصيل اول ما دخلت كان في استقبالنا المشرفة انسانة ذوق ومحترمة دورتنا عالقاعة فيها 3 صالات اول صالة للحريم تاني صالة للرجال تالت صالة للعشا وهيا مشتركة مابين الحريم والرجال يعني بعد ما يغلقو الرجال من العشا يجو يشيلو الاكل ويرفعو ويحطو عشا الحريم تاني

قاعة الحريم والرجال متساوية في الحجم مفرشة ببساط عودي من جوا الديكور عالجدران نظام روماني والغريب انو حتى الكوشة بهالطراز يعني جاية زي اقواس كدة داخلة عالجدار فمدري كدة استصعبت تزيين الكوشة يحتاجلها واحد خبير ديكور مو مجرد اي محل ورد على ما افتكر القاعة تشيل 500 حرمة او 400 مني متذكرة انا رحت يمكن 2 يوم في رمضان ( هههههه ذاكرة عدم بعيد عنك ) المهم شكل القاعة مستطيلة والكوشة عالضلع الصغير والبلكونة عالضلع الطويل ( لووول رياضيات ) المهم يعني ان شاء الله تفهمي الوصف
البلكونة بالزبط زي في صورتك شفتي كيف ما عجبتني ليش ؟ لأنو الحدايد فضي والبلكونة قزاز كدة حسستني كأني في درابزين سوق مو قاعة يعني صراحة احسها نقطة ضعف في القاعة يعني الجدران اعمدة رومانية واقواس والبلكونة مجرد قزاز وحديد يعني بياخة شوية وانصحك نشوفيها عالطبيعة وتحكمي
المهم ودتنا جناح العروسة باب من الجنب تطلعي لفوق يا بدرج يا باصنصير والدرج ده هوا نفسو اللي بعدين حتنزف بيه العروسة وينعرض عالشاشة للناس المهم توصلي فوق تلاقي صالة كدة صغيرة وقدامك بابين وباب تالت عالجنب البابين واحد جناح عروسة وواحد جناح عريس

حق العريس فيه : غرفتين ضيوف و غرفة ملابس ودورة مياه
وجناح العروسة فيه : غرفة ضيوف و غرفة نوم وملابس ودورة مياه وباب البلكونة من غرفة النوم
نجي للباب الثالث عبارة عن غرفة مجهزة للكوافيرة يعني لو العروسة جابت كوفيرتها للصالة يصير تحضرها في الغرفة دي وليها دورة مياه كمان ونفس الغرفة دي تستخدم للتصوير ( صراحة عجبتني فكرة الغرفة دي )

اه صح نسيت اقول انو الكوشة ممكن يضيفولك دانس ستيج زي ما تبغي
بعد كدة نزلنا تحت وشفت صالة الطعام الارضية رخام طبعا وقالتلنا انو الشيف من الفور سيزون اللي بالرياض واكلهم على مستوى ... طبعا على حسب الكلام ما دقته انا

صالة الرجال نفس حق الحريم بس طبعا مافي كوشة فممكن تشيل عدد اكبر وكمان عند الرجال غرفة في اي بي
للأسف مارحت اطلعت على دورات المياه نسيت

المهم بعد كدة رحنا جلسنا في مكتبها عشان نشوف الاسعار وهكا وادتني قوائم الطعام والاسعار وهادي هيا في يدي رح انقلك منها الملخص

اول شي هما نظامهم زي الفنادق يعني السعر بالكرسي مو بالصالة ... الضيافة من شوكولاين والتمور من البتيل

نجي للاسعار هما على حسب اختيارك لقائمة الطعام فيه 3 قوائم :

الاولى ب 360 ريال طبعا للكرسي

التانية ب 420

الثالثة ب 480

كلهم زائد 15 % خدمة ...

تقول الاختلاف باصناف الطعام مو بالكمية ... واصناف الطعام صراحة مرررة شي رهيب اسماء اكل عمري ما دقتها واول مرة اسمع بيها صراحة

داخل عندهم ضيافة للعروسين فوق يعني اول ما تيجي العروسة فوق من الكوافيرة يجيبولها عصير و ساندويتشات و شوكولاه وفواكه وقهوة واي شي ... ما ادري انا باقي القاعات يعملو كدة والا لا .. ده الشي عجبني عندهم

باقي شي واحد قالتلنا انو فيه عرض خلال شهر رمضان المبارك اانه عملو قائمتين طعام تانية ارخص ومو داخل فيها ضيافة الطاولات واعتقد حتى ضيافة العروسين

الاولى ب 250
والتانية ب 300 ريال طبعا زائد 15 % خدمة
يعني لو حجزتي لبعدين طبعا بس خلال رمضان حتى لو اي وقت في السنة ممكن تاخدي العرض ده
بس طبعا يعني قوائم الطعام الاساسية احلى بكثير

انا الشي اللي ما عجبني زي ماقلتلك البلكونة وكمان السقف مرررة مرتفع و البلكونة عالية مرة تخوف مدري يمكن عشان انا اخاف من المرتفعات ( لووول ) و كمان الكوشة حسيتها واطية مرة

يلا اخر شي اديكي رابط موقعهم
Plazzo Ballroom (http://www.palazzo-ballroom.com)
وتلفونهم 6743333

يلا بالتوفيق ادعيلي يكون فرحي في قاعة حلوة وموعد حلو وتتيسر اموري انا وكل العرايس يارب وياكي طبعا

دمعة الود
08-30-2010, 10:40 PM
حبيبتي قاعة الف ليله في ايام المدارس القاعه لوحدهامن غير العشا ب25000

شامل العماله والشاي والقهوه والعصير بالنسه لقاعة النساء فقط

شوووكلاته
08-30-2010, 11:10 PM
صوت المطر

يعطيك الف عافية يارب كفيتي ووفيتي في الشرح
وقاعة بلاستو اسطورية وخدمات ولا احلى انا برأي بعد الي شفتو في موقعهم وسمعتو منك هم أفضل قاعة في جدة تصميم القاعة فضيع بس فعلاً مثل ماقلتي مخرب عليهم البلكونة القزاز
بس يعتبرون غالين بالنسبة لميزانيتي ومعازيمي بس تستاهل بصراحة سعرها فيها إذا كذا خدماتهم وعشاهم
متميزين عن باقي القاعات لا بشكل ولا بخدمات
الله يوفقك يارب وييسر لك امرك ويحقق لك مرادك
بس نسيت ماقول الصور منقولة مو انا صورتها لا قاعة الف ليلة وليلة ولا قاعة بلاستو


حبيبتي قاعة الف ليله في ايام المدارس القاعه لوحدهامن غير العشا ب25000

شامل العماله والشاي والقهوه والعصير بالنسه لقاعة النساء فقط
إذا ايجار القاعة 25 ألف لحالها مع العمالة والشاي والقهوة والعصير لصالة النساء تعرفي كم ايجارها لصالة النساء بس مع العشاء
بس يمكن عشاهم رخيص ومايكلف 15 الف فتتطلع الحسبة 35 ألف لأنو فيه بنات يقولو في النت هيا بـ 35 الف و 33 الف انا ولله استغربت اخبرها غالية
بس أنتي من متى تعرفي سعرها هذا من أول لأنو قبل 6 سنوات كانت بـ 90 ألف شامل كل شي
يعطيك العافية

@عذبة الاحساس@
08-30-2010, 11:21 PM
مووووووفقه

شوووكلاته
08-31-2010, 03:06 AM
مووووووفقه

وياك :و0:

الغـــــــــــــزاله
08-31-2010, 03:26 AM
رضيت بالله رباً ، وبالإسلام ديناً ، وبمحمد صلى الله عليه وسلم نبياً

rora20
08-31-2010, 03:36 AM
قاعة الف ليله وليله سعرهاا حلوو متوسط يعتبرر ,,وهيا تكفي 500 حرمه وتعتبر ملمومه ,,

وحلووه لزواج ,,

الملكه يبغالها حاجه اصغر شوي ,,


وقاعة بغلف شكلها مرررره حلووه انا مره لمحتها من برا ومره عجبتني ,,

بس شكلها غاليه ,,

نونو العسل
08-31-2010, 03:41 AM
حلوه موب شينه قاعة الف ليله وليله احسن من الثانيه الله يوفقك .

شوووكلاته
08-31-2010, 04:42 AM
رضيت بالله رباً ، وبالإسلام ديناً ، وبمحمد صلى الله عليه وسلم نبياً
اهلاً


قاعة الف ليله وليله سعرهاا حلوو متوسط يعتبرر ,,وهيا تكفي 500 حرمه وتعتبر ملمومه ,,

وحلووه لزواج ,,

الملكه يبغالها حاجه اصغر شوي ,,


وقاعة بغلف شكلها مرررره حلووه انا مره لمحتها من برا ومره عجبتني ,,

بس شكلها غاليه ,,
ايه غالية مرة بس إذا على العرض حقهم في رمضان 100 نساء بـ 25 الف إذا حجزتي من رمضان شامل القاعة والعشا
يعطيك العافية :0154:


حلوه موب شينه قاعة الف ليله وليله احسن من الثانيه الله يوفقك .
يعطيط العافية وياك :0154:

ابغى اسأل كمان يابنات قاعات فندق البلام كم سعر كل وحدة فيهم
وكمان قاعات الدار البيضاء
وقاعات فندق رمادا ( الحارثي سابقاً )
واسعارهم بس تشمل الصالة والعشا ولا كلو
وقاعة رومانس مستواها في نفس قاعة الف ليله وليله في الحلاوة والفخامة ولا لأ وإذا عندكم صور لقاعة رومانس ياليت تنزلوها

دمعة الود
08-31-2010, 05:58 AM
انا سألت عن القاعه قبل 7 شهور يعني قريب
اما ايجار قاعة النساء لحالها والله ماعندي اي علم
وممكن توصل 35 مع العشاء هذا على حسب اختيارك لقائمة البوفيه حقهم وكمان على الضيوف
وربنا يوفقك ان شاء الله

شوووكلاته
08-31-2010, 06:25 AM
انا سألت عن القاعه قبل 7 شهور يعني قريب
اما ايجار قاعة النساء لحالها والله ماعندي اي علم
وممكن توصل 35 مع العشاء هذا على حسب اختيارك لقائمة البوفيه حقهم وكمان على الضيوف
وربنا يوفقك ان شاء الله

حلو مرة السعر مناسب
طبعاً تقصدين قاعة الف ليله وليله الي عند دوار الهندسة صح ؟
تسلمين يارب واياك :407:

نورانين
08-31-2010, 06:28 AM
موفقة

دمعة الود
08-31-2010, 07:09 AM
ايه اكيد الي عند دوار الهندسه
ايه نسيت اقولك سعر القاعه في ايام المدارس وسط الاسبوع 20000
اما الاربعاء والخميس 25000

وعلى فكره تقدري تفاصلي معاهم
وموقفه ياعزيزتي

::*:: دمـــوع الــورد ::*::
08-31-2010, 07:24 AM
آآآآآآآآآآآآآآآآآآآآآآآآآآآآآآ قهرررررررررررررررررررر

مـــــــــــــــا فـــــــــــــــــــــي صــــــــــــور

بيرا بالتوت
08-31-2010, 08:01 AM
حبيبي اذا لشبكه انا سويت شبكتي فقاعه الكريستاله تابعه لفندق درة جده ومره سعرها حلو ومره هي نااايس وياريت تروحي تشوفيها وانشالله تعجبك

شوووكلاته
08-31-2010, 09:45 AM
موفقة
واياك :و7:


ايه اكيد الي عند دوار الهندسه
ايه نسيت اقولك سعر القاعه في ايام المدارس وسط الاسبوع 20000
اما الاربعاء والخميس 25000

وعلى فكره تقدري تفاصلي معاهم
وموقفه ياعزيزتي
25 الف مع العشا و 20 مع العشا طبعاً مو
طيب بسألك حبيبتي لمن سألتي عنها قالولك مع العشا والعصير والقهوة والشاي والحلويات والمعجنات والكوشة والكيكة والدي جي والزفات من زفة العروسة والعصير والمصورة ولا هذي كل وحده حسابها لوحدها والسعر بس للقاعة والعشا واحنا نجيب الباقي
قالو لك عندهم راقصات للزفة
والسعر يزيد وينقص على حسب المعازيم ولا هوا هوا بما انها تشيل 400 او 500 نساء
يعطيك الف الف عافيه جبيبتي ادري تعبتك بكثر اسألتي ماتقصرين
:0154:


آآآآآآآآآآآآآآآآآآآآآآآآآآآآآآ قهرررررررررررررررررررر

مـــــــــــــــا فـــــــــــــــــــــي صــــــــــــور
الا في صور لقاعتين الف ليله وليله وقاعة بلاتسو بس استني يحمل
وهلا فيك


حبيبي اذا لشبكه انا سويت شبكتي فقاعه الكريستاله تابعه لفندق درة جده ومره سعرها حلو ومره هي نااايس وياريت تروحي تشوفيها وانشالله تعجبك
بكم يحسبو الكرسي طيب
وقد ايش تشيل معازيم
واش نظامهم بس القاعة والعشا والباقي من عندنا من حلويات ومعجنات وكوشة ... الخ
إذا عندك رقمهم اعطيني
يعطيك العافية :069:

شوووكلاته
08-31-2010, 11:43 AM
up

آنثى رغـم الجمـود~}
08-31-2010, 01:18 PM
طيب بنات بسألكم قاعة الرفيدي حلوه ولا لا

وكيف فخامتها وخدماتها !!

دمعة الود
08-31-2010, 01:39 PM
بالعكس يااخيتي انا بالخدمه
السعر شامل القاعه والعاملات والشاي والقهوه والعصير عند النساء
باقي الاشياء من البوفيه والكوشه والحلويات ودي جي وشريط الزفه والمصوره كله من عندك

يعني راح تدفعي اقل شئ40000
اما البوفيه فعلى حسب عندهم عدة قائمه تبدا من 400 وطالع
وعلى حسب معازيمك تتغير السعر
طبعا اذا مثلا 100 سيده راح يكلفك 4000 مثلا وهكذا

طيب حبيبتي اذا كانت مناسبتك ملكه ليه ماتختارين فنادق اريح لك
مكان صغيرون على قد معازيمك لان قاعة الف ليله تنفع اكثر لزواج وما فيها خدمات كثيره
يعني خذي قاعه او فندق كامل من الى عشان ترتاحي من البهذله وما يكون عليكي الا انك تهتمي بفستانك وتسريحتك
عشان ماتتوتري يوم الملكه

واذا تبي اي استفسار انا حاضره

شوووكلاته
08-31-2010, 03:05 PM
طيب بنات بسألكم قاعة الرفيدي حلوه ولا لا

وكيف فخامتها وخدماتها !!
بصراحة ماعرف كيف خدماتها اشوف البنات يمدحوها في النت
في الصور مبينة كبيرة
شوفي صورها أنتِ واحكمي

هذا موقع فيه صور قاعة الرفيدي
كافة مواصفات قاعة الرفيدي (http://www.alersan.com/hall.php?viewid=59&PHPSESSID=86d9ecd8ded0f5afb07a6e7bccc98a6d)

مواصفاتها :
الطاقة الاستيعابية
قاعة الرجال : 500 قاعة النساء : 550
صاله الطعام : 500 كبار الشخصيات : 20

المزايا :
غرفة للعروس متوفر
غرفة للعريس متوفر
Dj متوفر
كوافير متوفر

العنوان :
شرق المدينة جدة - حي السامر
وهنا عنوانها وموقعها موضح بالصورة عن طريق قوقل
ظ‚ط§ط¹ط© ط§ظ„ط±ظپظٹط¯ظٹ Jeddah (http://wikimapia.org/4043042/%D9%82%D8%A7%D8%B9%D8%A9-%D8%A7%D9%84%D8%B1%D9%81%D9%8A%D8%AF%D9%8A)

وسائل الاتصال بالقاعة :
- هاتف : 022714334
- جوال : 0556911888

وهذا موقع قاعة الرفيدي عالنت
قاعة الرفيدي للإحتفالات , قاعة , الرفيدي , للإحتفالات ,للأفراح , جدة , (http://alrafidi.com/)




بالعكس يااخيتي انا بالخدمه
السعر شامل القاعه والعاملات والشاي والقهوه والعصير عند النساء
باقي الاشياء من البوفيه والكوشه والحلويات ودي جي وشريط الزفه والمصوره كله من عندك

يعني راح تدفعي اقل شئ40000
اما البوفيه فعلى حسب عندهم عدة قائمه تبدا من 400 وطالع
وعلى حسب معازيمك تتغير السعر
طبعا اذا مثلا 100 سيده راح يكلفك 4000 مثلا وهكذا

طيب حبيبتي اذا كانت مناسبتك ملكه ليه ماتختارين فنادق اريح لك
مكان صغيرون على قد معازيمك لان قاعة الف ليله تنفع اكثر لزواج وما فيها خدمات كثيره
يعني خذي قاعه او فندق كامل من الى عشان ترتاحي من البهذله وما يكون عليكي الا انك تهتمي بفستانك وتسريحتك
عشان ماتتوتري يوم الملكه

واذا تبي اي استفسار انا حاضره
الله يخليك يارب ماتقصرين ياقمر :ق0: كفيتي ووفيتي عقبال مانخدمك حنا ان شاء الله في افراحك ومناسباتك :و1:
والله ودي بقاعة فندقية تسوي عني كل هالشغلات واجي انا بفستاني ودقاقتي ومصورتي بس
لسى بشوف القاعات الفندقية ان شاء الله
مرة شكراً

دمعة الود
08-31-2010, 04:12 PM
ماسوينا شئ ياقلبي
والله يتمم امورك على خير
وادعي لاختي ان ربنا يتمم امورها على خير


قاعات جده افيدي واستفيدي وخذي لك دعوه - موقع و منتدى الفراشة النسائي (https://alfrasha.maktoob.com/alfrasha20/thread1242565)


اخيتي شوفي هذا الرابط ممكن تنفعك في بحثك وخصوصا الصفحات الاخيره
انا منزله كم صوره لكم قاعه

واي خدمه مايردك الا اصابع يدك

شوووكلاته
09-01-2010, 01:35 AM
ماسوينا شئ ياقلبي
والله يتمم امورك على خير
وادعي لاختي ان ربنا يتمم امورها على خير


قاعات جده افيدي واستفيدي وخذي لك دعوه - موقع و منتدى الفراشة النسائي (https://alfrasha.maktoob.com/alfrasha20/thread1242565)


اخيتي شوفي هذا الرابط ممكن تنفعك في بحثك وخصوصا الصفحات الاخيره
انا منزله كم صوره لكم قاعه

واي خدمه مايردك الا اصابع يدك
آمين يارب ويتمم امور اختك على خير يارب
شفتو ياعسل واستفدت منو وحكملو الحين استفدت منو ولله عجبتني قاعة الكريستالة انو كل شي عليهم وقاعة فندقية يسعدك ربي
:ق201::و0:

شوووكلاته
09-01-2010, 04:15 AM
صبايا

قاعة أماسي 3 تعرفو كم سعرها شامل كل شي وإذا عندكم صورها ياليت تحطوها او توصفو ليا شكلها كيف فخمة وهيا اش لونها من برى وردي ووين موقعها هيا الي قريبة مرة من الجامعة

شوووكلاته
09-01-2010, 05:44 AM
Up

دمعة الود
09-01-2010, 06:13 AM
حبيبتي شكولاته ارجعي للرابط تلقين الصور

بس ماأعرف اي معلومات عنهم
اتصلي عليهم 3600033
وموقعهم في الفيحاء الي بالجامعه

rora20
09-01-2010, 07:44 AM
شوكلاته الله يعافيكِ ,,

قلبوو اسمعي لو ملكه اشوف افضل في فنادق صغيره تطلع حلووه ومرتبه

واذا على فندق الدار البيضاء صراحه ماعليهم كلام اكلهم يكفي بس مررره طعم ,,

هيا فيها اعتقد 4 قاعات ,,

اصغر شيء فرساي وتكفي تقريبا اكثر شيء 200 او 250 ,,

وفيه الي اكبر منها بشوي كليوباتر تكفي ممكن 300 او 350 ,,

والي اكبر منها بشوي شهرزاد وتكفي 350 ,,

وسعر الكرسي في شهرزاد اذا مني غلطانه 175 ,, طبعا شامل الاكل والكوش والعصير وخدماتهم حلووه ,,

وانتي تختاري مستويات الاكل الي عندهم فيه مستوى 1 و2 و3 طبعا كل ماارتفع المستوى حق البوفيه بيغلى سعر الكرسي ,,


وفيه القاعه الرابعه الا هي الامبراطوره دي كبيرره وتكفي كثيرر بس مدري كم حدودها وهي حق زواجات اكثر ماتنفع لـ شبكه ,, وسعر الكرسي بـ 300 وشويا ,,

وترى الاسعاار وسط الاسبوع تختلف عن نهاية الاسبوع ,,

وغرفة العريس والعرووسه تكون فووق في الفندق جنااح لااهل العروسه ,, وقدامهم غرفه لااهل العريس ,,

صراحه انا احب الفنادق مرتبين واحسهم يهتموا في العروسه وقت الزفه وكدا ومعاها خطوه خطوه ,,

بس انه تكلفه اكثرر من القاعات ,,

فـ حلووه للشبكه ,,

,,

وقاعة اماسي موقعها في حي الفيحاء قريب من الجامعه ,,

وفيها 3 قاعات اعتقد

اثنين شوفتهم وحده صغيرونه تكفي 200 حرمه تقريبا ,,

ووحده مرررررره كبيرره تكفي الف حرمه ,,

وسعر الكرسي في الكبيره بـ 200 شامل اكل الحريم بس ,,

وتعتبر نظيفه وحليوه بس انه كبيرره يبغالها نااس كثيرر عشان ماتصير فااضيه ,,

يعني للي ناسهم كثيرر حول الـ 500 والـ 600 حلوو ,, عشان ماتكون القاعه فااضيه ,,

وفيه بس غرفه كبيره لااهل العرووسه اما اهل العريس ماافي ,,

وان شاء الله اكون افدتك بالي اعرفه ^.^ ,,

شوووكلاته
09-01-2010, 11:15 AM
حبيبتي شكولاته ارجعي للرابط تلقين الصور

بس ماأعرف اي معلومات عنهم
اتصلي عليهم 3600033
وموقعهم في الفيحاء الي بالجامعه
ايوا شفتها حبيبتي دوبي من اول لمن فتحت الموضوع ماكانت طالعة في آخر صفحة والحين فتحتها وطلعت
يعطيك العافية


شوكلاته الله يعافيكِ ,,

قلبوو اسمعي لو ملكه اشوف افضل في فنادق صغيره تطلع حلووه ومرتبه

واذا على فندق الدار البيضاء صراحه ماعليهم كلام اكلهم يكفي بس مررره طعم ,,

هيا فيها اعتقد 4 قاعات ,,

اصغر شيء فرساي وتكفي تقريبا اكثر شيء 200 او 250 ,,

وفيه الي اكبر منها بشوي كليوباتر تكفي ممكن 300 او 350 ,,

والي اكبر منها بشوي شهرزاد وتكفي 350 ,,

وسعر الكرسي في شهرزاد اذا مني غلطانه 175 ,, طبعا شامل الاكل والكوش والعصير وخدماتهم حلووه ,,

وانتي تختاري مستويات الاكل الي عندهم فيه مستوى 1 و2 و3 طبعا كل ماارتفع المستوى حق البوفيه بيغلى سعر الكرسي ,,


وفيه القاعه الرابعه الا هي الامبراطوره دي كبيرره وتكفي كثيرر بس مدري كم حدودها وهي حق زواجات اكثر ماتنفع لـ شبكه ,, وسعر الكرسي بـ 300 وشويا ,,

وترى الاسعاار وسط الاسبوع تختلف عن نهاية الاسبوع ,,

وغرفة العريس والعرووسه تكون فووق في الفندق جنااح لااهل العروسه ,, وقدامهم غرفه لااهل العريس ,,

صراحه انا احب الفنادق مرتبين واحسهم يهتموا في العروسه وقت الزفه وكدا ومعاها خطوه خطوه ,,

بس انه تكلفه اكثرر من القاعات ,,

فـ حلووه للشبكه ,,

,,

وقاعة اماسي موقعها في حي الفيحاء قريب من الجامعه ,,

وفيها 3 قاعات اعتقد

اثنين شوفتهم وحده صغيرونه تكفي 200 حرمه تقريبا ,,

ووحده مرررررره كبيرره تكفي الف حرمه ,,

وسعر الكرسي في الكبيره بـ 200 شامل اكل الحريم بس ,,

وتعتبر نظيفه وحليوه بس انه كبيرره يبغالها نااس كثيرر عشان ماتصير فااضيه ,,

يعني للي ناسهم كثيرر حول الـ 500 والـ 600 حلوو ,, عشان ماتكون القاعه فااضيه ,,

وفيه بس غرفه كبيره لااهل العرووسه اما اهل العريس ماافي ,,

وان شاء الله اكون افدتك بالي اعرفه ^.^ ,,

يعطيك الف عافية ماتقصرين كفيتي ووفيتي ياقمر :069:

شوكولاين جدة
09-01-2010, 01:43 PM
عزيزتي انا افتكر انه سالت الف ليلةو ليلة و قالولي 30.000 ريال اتوقع كله و عندهم عروض كمان بس بصراحة القاعة مو مرة فخمة اذا عجبتك اوكى

شوووكلاته
09-01-2010, 04:08 PM
عزيزتي انا افتكر انه سالت الف ليلةو ليلة و قالولي 30.000 ريال اتوقع كله و عندهم عروض كمان بس بصراحة القاعة مو مرة فخمة اذا عجبتك اوكى
يعطيك الف عافية شوكلاين :0154:

$ صوت المطر $
09-02-2010, 05:06 PM
يا سكر سالتي على فندق رمادا كونتيننتال

أنا شبكتي عملتها فيها وكانت شبكة حلوة بشهادة الكل والحمد لله في قاعة العروسة

كانو معازيمنا ١٥٠ وكان سعر الكرسي ٢٥٠ ريال
شامل بكج كامل : الكوشة والممر والبلكونة وطاولة المدخل والكراسي وزينة الطاولات
وضيافة الطاولات شوكولاته ومعجنات وبيتيفور طبعا والشاي والقهوة والعصيرات
ودفتر العروسة
ومسكة العروسة
والكيكة
والمصورة كان عندهم عرضين ديجيتال و عادي أنا طلبت العادي البوم ٤٠ صورة و صورة خشبية وفيديو ساعة
وتشريع سيارة العريس
طبعا أنا عشان مو زواج فبطلنا من تشريع السيارة فضافولنا هيا في كيكتي كانت المفروض ٣ ادوار خلوها ٤
والديجي عليهم سواء كل الحفلة او الزفة بس علي كيفك

بصراحة ولله الحمد ارتحت كثير ما جبنا غير مطربة والزفة انتي تديهاالاسماء حق الاغاني اللي تبغيها وهيا تحطلك سواء إسلامي والا طربي
تعامل المشرفات حق القاعة قمة صراحة في الزفة خطوة بخطوة وتنظيم كامل عشان أنا كمان عملت حفلة تخرجي مرة وحدة

أنا بعد الملكة رحت أنا وزوجي وشكرناهم

ملكتي كلفت تقريبا ٣٠ الف إجمالا والحمد لله

وأي استفسار أنا بالخدمة
صراحة أنا مصورة القاعة بس مافيا انزل الصور مرة كسلانة

شوووكلاته
09-05-2010, 01:47 PM
يا سكر سالتي على فندق رمادا كونتيننتال

أنا شبكتي عملتها فيها وكانت شبكة حلوة بشهادة الكل والحمد لله في قاعة العروسة

كانو معازيمنا 150 وكان سعر الكرسي 250 ريال
شامل بكج كامل : الكوشة والممر والبلكونة وطاولة المدخل والكراسي وزينة الطاولات
وضيافة الطاولات شوكولاته ومعجنات وبيتيفور طبعا والشاي والقهوة والعصيرات
ودفتر العروسة
ومسكة العروسة
والكيكة
والمصورة كان عندهم عرضين ديجيتال و عادي أنا طلبت العادي البوم 40 صورة و صورة خشبية وفيديو ساعة
وتشريع سيارة العريس
طبعا أنا عشان مو زواج فبطلنا من تشريع السيارة فضافولنا هيا في كيكتي كانت المفروض 3 ادوار خلوها 4
والديجي عليهم سواء كل الحفلة او الزفة بس علي كيفك

بصراحة ولله الحمد ارتحت كثير ما جبنا غير مطربة والزفة انتي تديهاالاسماء حق الاغاني اللي تبغيها وهيا تحطلك سواء إسلامي والا طربي
تعامل المشرفات حق القاعة قمة صراحة في الزفة خطوة بخطوة وتنظيم كامل عشان أنا كمان عملت حفلة تخرجي مرة وحدة

أنا بعد الملكة رحت أنا وزوجي وشكرناهم

ملكتي كلفت تقريبا 30 الف إجمالا والحمد لله

وأي استفسار أنا بالخدمة
صراحة أنا مصورة القاعة بس مافيا انزل الصور مرة كسلانة

قد حضرت مناسبة في فندق رمادا الحارثي سابقاً في قاعة أصالة مرة مرتبة القاعة والمناسبة مره حلوه ومرتبة والزفة حلوة واكلهم لذيذ حاطتها في الحسبه
ويعطيك الف عافيه ياقمر

miss loly1313
11-14-2010, 12:13 AM
لالالالالا حرام عليكم بغلف حلوة؟؟!!!!

انا رحتها امس صراحة اننننصدمت لانو من برا تخيلت انها راح تكون وااااااااو بس مرررررة لا

الكوشة مرررة سيئة والتصميم عادي والبلكونة مررررة مالها داعي صراحة صدمة بالنسبة ليا

يمكن اللي يميزهم خدماتهم والبوفيه حقهم بس

حبيبي روحي لروز او ليالي الكرستال مررة حلوين ومرتبين وتعامل المشرفات يجنن

قلب بلا وريد
11-14-2010, 01:32 AM
up

bnwta
11-14-2010, 01:42 AM
موافقه

ღ ًحًكٍايّهُـُِ قلًبً ღ
11-14-2010, 03:24 AM
حلوه مو بطال

تنفع حق الشبكه

بالتوفيق يالغلا

ღ ًحًكٍايّهُـُِ قلًبً ღ
11-14-2010, 03:25 AM
حلوه مو بطال

تنفع حق الشبكه

بالتوفيق يالغلا :036:

ام محمد لتنسيق الحفلات
12-05-2010, 11:55 AM
موفقاااات تحياااتي ام محمد النوافير الكهرباء 3 متر والكوش 0509675619

almaassa
05-29-2011, 03:10 AM
موفقين يا عرااااايس موضوع رااااائع
أنا شخصيا بالمرررررررررة إستفدت والله


Content Relevant URLs by vBSEO 3.6.0