المساعد الشخصي الرقمي

مشاهدة النسخة كاملة : انا حيويه وهاديه بزياده والشي هذا مسببلي حرج عند الناس



بنت المملكه2
09-03-2010, 12:08 AM
مساء الخير
انا عندي مشكله مسببله لي قلق
مشكلتي اني مو منطلقه عند الناس واحس بحرج عندهم
والسبب انه يوم كنت صغيره ماعندي اخوان امي ماجابت اخوي الا بعد 7سنوات مو منها بس مااراد الله انها تجيب الا بعد هالمده و كنت لحالي بالبيت ولا نطلع كثير
وبكذا نشات في مكان ما فيه ناس كثير
وبعد مديتنا صغيره كانت الطالبات بالمدارس ما يتجاوزوا 10 بنات
فصرت هاديه مره واستحي مره واتعلثم من الكلام
والحمد لله الحين متزوجه وعندي اولاد واهل زوجي مشاء الله حموله وكثارين ودي اسولف مع بعض البنات بنات اخوان زوجي وبنات عمانه وعماته بس انا مماعرف اتكلم مااعرف افتح موضوع وحتى لو ابي اتكلم مع احد لازم انا الي ابادر ومع ذلك ما يعطوني وجه
انا عارفه انه بسببي انا مااعرف اتكلم مااعرف اسولف مااعرف اصير منطلقه الناس تنفر من الي كذا
الحمد لله زوجي واهلي منطلقه معاهم واعرف اسولف معاهم بس الناس مااقدر!!!!!!!!
مادري هو رهاب اجتماعي ولا ايش ؟
انا مالوم الناس عشاني انا سوليفي غثيثه عندهم
بنات فيه احد مثلي كذا ؟؟؟؟؟
ودي اصير اجتماعيه ومشهوره واعرف اسولف زين
والله احترت مااحب اطلع عشان كذا
ولا الوحده ودها نطلع وتشوف الناس والعالم بس فيه شي يكدر عليها
تصدقون بنات انه بعضهم ينسون اني كنت بالاجتماع عشاني مااجي على بالهم بسبب هدوئي وحيويتي
بنات تكفون عطوني حل؟

حرم فهد باشا
09-03-2010, 12:16 AM
الحمد لله زوجي واهلي منطلقه معاهم واعرف اسولف معاهم بس الناس مااقدر!!!!!!!!

هذا اهم شيء

بالعكس انا نفسي اصير هاااادية مرررة بس للاسف غير كذا ..
تدرين ليش؟؟
لان الساكت والهادي هو اللي دائما الناس تهابه..

شوفي هالموضوع يصلحلتس
http://www.**********/showthread.php?t=139037

حرم فهد باشا
09-03-2010, 12:17 AM
يووه ليش صار كذااا؟؟

المهم انسخي هالكلام اللي بالاحمر وحطية بقوقل واقري كلام البنت مرررة اعجبني وتصلح لك وترا المنتدى منتدى كويتيات

شلون اصير شخصية اجتماعيه ؟

HeeOL$$heart
09-03-2010, 12:18 AM
مدري بس شي عادي انا مثلك والعن منك ههههههههههههههههههه
الله يفرجها عليك وتلاقي حل
بس احسن خليك كذا

الزمن هذا صاير يخوف؟؟

بنت المملكه2
09-03-2010, 04:25 AM
اشكركم على مروركم

حربية والهيبة ملكية
09-03-2010, 06:01 AM
الله يفرج همك يارب :و0:

الاميره لجين
09-03-2010, 07:06 AM
امممم مدري وش اقولك
طيب شوفي غلاتو
سولفي واختلطي مع الناس
لكن حاولي تكون سوالفك اسئله
لين تتعودين مع الوقت
وتصيرين واثقه من نفسك
ويروح الخجل والهدوء الزايد
اتوقع هذا الحل
جربي مارح تخسرين

وحيده في عآلمي
09-03-2010, 07:23 AM
انازيييييك انا جريئه مع بنات خالتي لما يجي زواج او عزيمه وتجلس معاي وحده تقرب لي من بعيد وتسولف معاي ما اعطيها وجه مدري اخاف اقول شي ما يعجبها .. :(

بنت المملكه2
09-03-2010, 11:47 PM
اوووووووووووووووووووووووووووب

~ذبحني التفكير~
09-04-2010, 02:39 AM
حبيبتي ابحثي بقوقل عن مشكلتك بتلقين كثير بنات مثلك
يعني لايضيق صدرك
واذا دخلتي مثلا في المجلس بادري بالسلام بصوت عالي مع ابتسامه
واساألي كيفكم
اخباركم
>>وزي كذا
وان شاءالله الهدوء يروح

الحب الأول والأخير مودي
09-05-2010, 07:26 AM
ياحياتي اغلبيتنا كذا واردى مدري ليش ؟؟؟
لاكن أحسن السكوت في هذا الزمن مكسب !!!!!!!

*نجوى*
09-05-2010, 08:22 AM
حبيبتي بنت المملكه 2~

لو لآحظتي أغلب الي دخلوا , قآلو حنآ مثلك .. أكيد الوآحد لمآ يروح مكآآن جديد عليه ولآ نآس غرب لآزم يخآف شوي , صدقيني محد مآيخآآف .. بس فيه نآآس خوفهآآ مع الوقت يتغير ويخليهآآ أكثر اجتمآعيه مع اللي حولهآآ ,‘~

طيب جربي تدخلين المكآآن وانتي حآطه ببالك أن كل وحده من الموجودين نفسك-مجرد أن حطي ببآآلك-ولمآآ تجلسين معهم تسكتين زي كل مرة , بس سكوتك لآ يطول - وخلك ملآحظه- يعني لآحظي شخصيه كل وحده , ولمآآ تصير عندك سآلفه القيهآ ع المستمع الي حسيتي انه ممكن يتقبل هذا الموضوع من بعد ملآحظتك لشخصيه من حولك ..~

وصدقيني حبه حبه بتسلكين مع النآس وكل مرة جربي نفس الشي وأقنعي نفسك أن محد أحسن من أحد .. جربي مع نفسك قبل القاء اي موضوع , كيفيه القآآء الموضوع بشكل يجذب ..

ولآتحآآولين تكسرين مجآآديفك بكلمه "مااعرف اسولف مااعرف اصير منطلقه -غثيثة" , كلن مع الوقت يتغير وانشالله انتي للآحسن .,~


أتمنى مآآ أطلت عليك حبيبتي .. <3

أحاسيس مرهفة
09-05-2010, 08:31 AM
الاحظ اغلب الخجولات او قليلات الكلام
يرجع هذا الشيء لامهاتهم غالبيتهم تكون متطبعة بطباع امها تكون هادية زيها
وكثير متزوجات وأمهات يكونوا خجولات والكلمة بالقوة تطلع منهم
وهذا طبع والناس اطباع فيهم الخجول وفيهم الثرثار والمرح والخجول
ماتعتبر مشكلة الا في حال كان سبب صمتك هو احساس بالنقص في داخلك

موفقة

فواحة الأمل
09-05-2010, 09:15 AM
الله يفرج همك ياعسل..






الله يخليكم ادعولي في هذي الليالي المبااركه ان ربي يحقق أمنيتي عاجلاً غير آجل .. عسى منكن مستجابة الدعوه
ولا تنسي ان هناك ملك يقول ولك بالمثل,..

بنت المملكه2
09-11-2010, 02:00 AM
:074:
الوووووووووضع كما هوووووووووووو
رحت اليوم لجمعت العيد
مااعرف اسولف ابددددددددددددددد

,,أبصرشو,,
09-11-2010, 02:40 AM
حبيبتي انتي ترسلين رسائل سلبيه لعقلك الباطني انا مااعرف انا مااسولف انا خجوله لا ياقلبي العقل يستقبلها ويبدا لاإرادي يطبقها.

اذا تبغين الحل من جدك


زيني علاقتك مع ربي.يعني قويها.


قوي ثقتك بنفسك من قصص كتب وبعد دائما كرري انا واثقه انا منطلقه


ثاني شي شيللي من بالك ان الناس شي عظيم كلهم سواسيه .وكل واحد فيه اشياء ماتعرفين عنها داخلهى يعني هوايل



انبسطي ولاتحاولين تمونين مره من البدايه عادي خلك هاديه بس ردي على اجوبه ودخلي معها سالفه او تعليق


ووجهي نظررك للي يتكلم خليك رايقه وريلاكس


واخر شي ادعي ربي ولايكون هالشي اكبر اهتمامك ومنغص عيشتك بالعكس عيشي وانبسطي بالي ربي عطاك هنا من جد تسفلين بأبو الدنيا وتنبسطين.




يعينك ربي حبيبتي

ريميــــــــــه
09-11-2010, 02:52 AM
http://www.ii1i.com/uploads5/6f1b79995b.gif
الله يكون بعونك ويسعدك غاليتي
وحالتك جدا طبيعيه عادي فيه كثير مثلك
ويكفي إنك تسولفين مع اهل زوجك واهلك
والباقي احسن لاتسولفين معهم كثير
ماوراء كثر الكلام والسوالف إلا المشاكل
صدقيني...واهم شي خليك واثقه من نفسك وبسسسس
:ق900:
http://www.ii1i.com/uploads5/6f1b79995b.gif


{سبحان الله وبحمده...سبحان الله العظيم}
http://sub3.rofof.com/img5/08tlhxr7.jpg

مبدعة في زمن التحدي
09-11-2010, 02:58 AM
أنا زيك بس انا على حسب مزاجي اذا ابغى اسولف سولفت واحيانا ماني طايقه اسولف ابد >>مزاجيه
وغالبية الاقارب احب اكون مستمعه اكثر من اني اسولف معاهم مادي ماحب اسولف معاهم مو تكبر بس طبع فيني

بس اللي اعرفهم مره أتمنى اصير ساكته لاني احس اني ثرثاره^_^
أحب الصمت الكلام الزايد ماحبه نفسي اصير كذا على اني مو مره اسولف الا معى صديقاتي والمعارف اللي مره ولا اذا انا رايقه وقابلت ناس جداد

صدقيني صفتك حلوه ماله داعي ثرثره زايده

مايشابهني سواي
09-11-2010, 03:19 AM
طيب حبيبتي ليش ماتروحين لدكتور نفسي اتوقع راح يعطيك نصايح تستفيدين منها
و اذا فيك رهاب اجتماعي تتعالجين منه وغير الدكتور عندك الاستغفار كثري منه وان شاء ربي يفرج همك


استغفر اللة العلي العظيم

بكرة أحلى~ـ~
09-11-2010, 07:54 AM
آآآآآآآآآآآآآآآآآآآآآآآآآآة نفس المشكلة..

أنا ماا أتكلم كثيير وغير سااكتة..

والحين أناآآ شآآآآآآآيلة هم العيد والجمعآآآآآآآت الكل يسولف ويظحكـ الا انا أكتفي بس با الأبتساامة وأجلس مستمعه فقط..

ياآآرب فرجكـ القريب .,

جوري القصيميه
03-11-2011, 08:16 PM
انا زيك بس انا مو متزوجه الله يعين اذا تزوجت هههههههههههههه

بنت المملكه2
08-09-2011, 11:58 PM
فوووووووووق

ant3omri
08-10-2011, 01:47 AM
بنت المملكه شوفي يعتمد على سنك بس لازم تنمي الثقه عندك بس انا كمان مواقف تطلب الحرج ومواقف لازم تتجرى
الله يعينك ويوفقك

خوخة ميدو
08-10-2011, 02:24 AM
يمنع رفع المواضيع من الإرشيف


Content Relevant URLs by vBSEO 3.6.0