المساعد الشخصي الرقمي

مشاهدة النسخة كاملة : اهل زوجي يدخلون شقتي بغيآبي ؟



..n..
10-02-2010, 01:57 PM
السلام عليكم ورحمه الله وبركآته


راح اطرح لكم .. هالمسلسل اللي مدري متى راح ينتهي .. لآن اتوقع مسلسل تركي مآاله حل :062:


انآ متزوجه لي سنه .. ومآبعد اكملهآ


من اول مآتزوجنآ سافرنآ وحنآ بالسفر .. بنآت اخت زوجي كآنو يبون الاب توب..



قال خلي جدتك تعطيك المفتآح وخذيه.. :404:


انآ سكت..


مو مشكله هالمره


ومرت ايام.. وجينآ .. طبيعه عمل زوجي يداوم 24 ساعه يعني يومين تقريبآ

انآ وقتهآ اروح بيت اهلي ماجلس بالشقه لحآالي ..


في هذا الوقت اللي اروح فيه بيت اهلي وارجع..


القى في شي نآقص بالثلاجه.. او بالادراج.. من اي حآجه.. :t8:




سالته قالي انآ اهلي معطيهم المفتآح وقت مابغو شي من الشقه يدخلون يآخذون اللي يبونه

وانتي لك بالشقه وخصوصيتك كلهآ بالغرفه <<<


قلت كيف كذآ وشقتي مفتوحه للاولي والتآالي .. قال محد داخلهآ بس المطبخ لان


اخوآنه يشتغلون بعيد وهو برضو مو بالديره بعيد.. يعني بس باليت امه والشغاله واخته كل يوم تجي


مع عيالهآ ..



طيب ..

انآ كل مراحت وجيت لقيت شي نآقص غير كذآ .. احس الوضع مو طبيعي :059: ماودي احد يدخل شقتي



يعني انآ طالبه شقه لي وحدي .. محد يشآركني فيهآ .. والوضع بصراحه مآساوي ..


هو يقول امي اذا حتآجت شي من يجيب لهآ قلت امك على راسي تصعد وتآخذ اللي تبي

رغم اني بيني وبين نفسي مآآبي وربي حد يدخل



شقتي صغيره ومافيهآ الا غرفه ودوره ميآه .. وصاله ومطبخ ..


وسعآت وضع الشقه يصير مآساوي ومكركب .. وانآ حامل مايمدي اسوي شي



المهم رد علي قالي لو اطلع برا الشقه بعطي امي مفتآح قلت معليه <<:404:


يعني امه والله لو انهآ امي بسوي زود بس مو كذا هذي خصوصيه .. وربي عيب



وانآ احترم امه

تعبت من هالمشكله قلت لاهلي وكلموه ومآفي فايده .. يقول لهم كلام ويسوي غير



لقيت حل وآحد اني اكلم امه بنفسي ونزلت لهآ وباسلوب حلو قلت لهآ خالتي انآ قلت مابي احد يدخل شقتي وهذا ابسط حقوقي


بس ان احد يدخل بغيابي وربي مارضى .. انتي لو تطلبين اي شي بلبيه .. لك وبجيبه وانزل لك كل الشقه
قالت نفس كلمه ولدهآ خصوصيتك بغرفتك <<<<<


بوبعدين قالت محد داخل قالت ابشري <<<<<<<<<:076:






بعدين ماشفت حد يدخل وارتحت ..





والحين رجعو يدخلون وربي والشغآله مآخذه راحتهآ .. حتى الآواني اذا عجبها اي شي خذته تفتح الثلاجه


وتاخذ اللي تبي


ويقلون خصوصيتك بالغرفه ومكآوه الملابس بالغرفه دخلو وخذوهآ << من يوم.. بنجن وربي

انتو برايكم وش اسوي وربي قلت لاهي واخوي كلمه // وامي // وانآ كلمت امه // بس مافي فايده



حسيت انهم يبون المشاكل وانآ مو نآقصه




رغم ان اخوه الكبير جنبنآ ومآيدخلون الشقه ولايحركون ساكن<< ليه ليه ليه




ابي حل ابي حل ... تكفون وش السوآت

مشاعر مكتــومه
10-02-2010, 02:25 PM
والله يالحبيبه اتفاهمى انتى وزوجك قوليله انا وش استفدة يوم اخذت شقه لحالى واهلك رايحين جايين كانو فندق

وسوى انك زعلانه ولاتعطيهم المفتاح ابد يعنى قولى لزوجك يغير المفتاح ويكلم اهله لانو شى ينرفز الله يعينك

قلبها خالد
10-02-2010, 02:26 PM
سووووووي جنجان كبير

لاتسكتين

معليش هزي زوجك شوي

شكله من النوع اللي يرضخ للناس

خليهم يحاسبون مررررره ثانيه قبل لايدخلون بيتك

هم مستهينين فيكي مررررره

وشكلهم من النوع اللي ماينعطى وجه ابدا

اكرشيهم

واذا شفتي الخدامة ماخذة حاجه خميها منها وهزئيها

هذا حقك خليك قويهـ وماعليك من احد
لاتخلين أحد يدوس لك ع طرررررف

((المؤمن القوي خير وأحب الى الله من المؤمن الضعيف))

حبيبتي هذي وجهة نظري الشخصيهـ

لو أنا مكانك راح اتصرف بحزم وبدوووون تردد
الا حقوقي ..

وموووووفقه خيتووو

شوق محمد التميمي
10-02-2010, 02:28 PM
غيري مفتاح الشقة واهم شي غيري مفتاح غرفتك

وقولي لزوجك هي كلها غرفة وصاله ومطبخ مو من حق احد يدخلهم بدون اذنك

صراحة الحركة تنرفز ولازم تكونين حازمة معاه ازعلي منه يمكن يفيد بس مو تروحين بيت اهلك لا في البيت
عشان ماتكبر السالفة وان شاء الله الله يصلحه لك وترتاحين

..n..
10-02-2010, 02:59 PM
والله يالحبيبه اتفاهمى انتى وزوجك قوليله انا وش استفدة يوم اخذت شقه لحالى واهلك رايحين جايين كانو فندق

وسوى انك زعلانه ولاتعطيهم المفتاح ابد يعنى قولى لزوجك يغير المفتاح ويكلم اهله لانو شى ينرفز الله يعينك




ياقلبي انتي .. تفاهمت هو يفكرني وحده حقوده ومابي امه ومآابي اي شي ..


منهم وربي اني اقوله او اي شي اجيبه انزله لامه .. مو عشآنهآ امه انآ طبعي كذأ


والمفتآح عندهآ وماعطتني اياه ومخليته عندهآ وهو يقولي لو طلعنآ في بيت مستقل راح اعطي امي مفتاح



عقله هو صغير يدر علي رد زي الصغار انآ اجيبه يمين يجيني يسار

انا ريمو
10-02-2010, 03:03 PM
يمكن زوجك مايوافق
تغيري القفل خالتي صار معاها كذا تخليهم يسرحو ويمرحو في بيتها بي غرفتها النوم مقفوله والمفتاح معاها

..n..
10-02-2010, 03:03 PM
سووووووي جنجان كبير

لاتسكتين

معليش هزي زوجك شوي

شكله من النوع اللي يرضخ للناس

خليهم يحاسبون مررررره ثانيه قبل لايدخلون بيتك

هم مستهينين فيكي مررررره

وشكلهم من النوع اللي ماينعطى وجه ابدا

اكرشيهم

واذا شفتي الخدامة ماخذة حاجه خميها منها وهزئيها

هذا حقك خليك قويهـ وماعليك من احد
لاتخلين أحد يدوس لك ع طرررررف

((المؤمن القوي خير وأحب الى الله من المؤمن الضعيف))

حبيبتي هذي وجهة نظري الشخصيهـ

لو أنا مكانك راح اتصرف بحزم وبدوووون تردد
الا حقوقي ..

وموووووفقه خيتووو



يختي هزيتهم وسويت مشكله ومشاكل مو انآ اخلقهآ هم اللي يبونهآ


وصارت قبل احمل وصلت مشاكلنآ للطلاق بس مافي فايده فيه


عنيد وانآ مو ضعيفه اتكلم معه واقول اللي بخآطري وحتى اهله اكلمهم مآعندي مشكله



الخدامه ماعلي منهآ .. الشره على زوجي وامه..


لولا هم مادخلت الشغاله .. لان امه ماتقدر تصعد فوق



اقسم بالله العظيم يعني ياوجه استح ملابسي على السرير قمصاني وووووو..

مره من المرات قال لاخته اصعدي فوق حطي ملابس لي <<< وانآ بيت اهلي يعني لان هو بالدوآم



وبيجي خويه يآخذهم قلت وش تدخل عيب وربي عيب <<:404:




امي ماهيب راضيه ومستعده تتكلم معه بس راح يكرهآ


ابوي مستحيل يكلمه.. عنده اسهل حل ويقولهآ تطلقي منه اذا ماتبينه ابوي يعني مانتفاهم معه الله يهديه

..n..
10-02-2010, 03:07 PM
غيري مفتاح الشقة واهم شي غيري مفتاح غرفتك

وقولي لزوجك هي كلها غرفة وصاله ومطبخ مو من حق احد يدخلهم بدون اذنك

صراحة الحركة تنرفز ولازم تكونين حازمة معاه ازعلي منه يمكن يفيد بس مو تروحين بيت اهلك لا في البيت
عشان ماتكبر السالفة وان شاء الله الله يصلحه لك وترتاحين



كلن قالي غيري هو مو بيتي ولا شقتي .. عشآن اروح واغيره اي وقت


هو مستحيل يغيره .. ممكن يغيرني انآ


اقولك مابقى الا يبلسون ملابسي


لو عندي اي شي قالو عطينآ <<< الصراحه هم اقل منآ مستوى من نآحيه المآده ..

والعيشه وكل شي ..



يوم تكلمت وسويت مشاكل قالو فينآ عيوب الدنيآ قليله حيا وماتربيت .. والساني طويل


انآ ممكن اقول بطبعي اني ماسكت عن حقي والساني ممكن يطول بس والله ورقه بيضآء مو حقوده زيكم


ولله الحمد اعرف الاصول



رغم ان امه قبل اتزوج بتموت اذا مآزوجتي لولده من حبهآ لي والحين انقلب

..n..
10-02-2010, 03:10 PM
يمكن زوجك مايوافق
تغيري القفل خالتي صار معاها كذا تخليهم يسرحو ويمرحو في بيتها بي غرفتها النوم مقفوله والمفتاح معاها


مفتآح غرفتي معي وكنت اقفلهآ .. بس اذا طلعنآ مشوار ماقفلهآ لان ماجآ على بالي انهم بتوصل جرائتهم

يدخلون غرفه النوم


كنت اقفلهآ اذا طلع للدوآم ووداني للبيت .. بس سعآت يجي هو بدر من الدوام ينآم مايجي يآخذني..


واقوله يخذ نسخه بس مطنش



حتى باب الشقه اللي هو باب الشارع ماندخل منه ولا نطلع <<<<< محرم ليه..؟؟


لازم ندخل من بابهم الرئسي ونطلع منه لااااااااااااااااااااااااااااااااااااااااااااااااا ازم ..


اقوله عطني مفتاح يمكن اجي اي وقت يقول اذا جيتي ادخل من باب البيت مو الشقه


اقسم بالله قرفني

..n..
10-02-2010, 03:14 PM
امي تقول راح اكلم امه شرايكم؟؟

مذكرات أمونه
10-02-2010, 03:24 PM
ااااااايه خلي امك تكلم امه لو انا تطق فيوزاتي مااحب احد يشوف خصوصياتي حتى لو من كان

خلي زوجك ياخذ نسخه من مفتاح غرفه النوم وبكييييييفه يسوي اللي يبي

واحرصي على غرفه النوووووم احرصي عليهاااااااااا دايم كل ماجيتي تروحي لبيت اهلك اقفليهااااااا

لاتخلين احد يلمس خصوصياتك ..واخر كلمه اقولها لك الله يوووووووووفقك ويسعدك دوووووووووم يارب ويحقق لك امنياتك

قلبها خالد
10-02-2010, 03:24 PM
8
8
8
8
مافيها كلام
أكيد خليها تكلمها وتغسل شراعها

وتقول لو وحدة من بناتك مارضيتي لها كذا

والله انقهررررت عشانك

الله يصلح أمووووورك ياااااارب
طمنينا عنك..

جارحني زماني
10-02-2010, 03:28 PM
هو حاط عذرهم باالثلاجة يعني اذا نقص عليهم شي يدخلوا الشقة يجيبوه ....!!
خلاص نزلي الثلاجة بكبرها الله يهديهم هم بس حب استطلاع عندهم غرفتك غيري الكيلون حقها ولا تعطين احد
الصالة رتبيها قبل تطلعين هي والمطبخ والاشياء الغالية والزينة حطي لها دولاب رفوف بلاستك وراء الباب حق غرفتك والله يعينك عليهم بس اهم شي زوجك لاتزعلينة واذا نزلتي شريتي شي للمطبخ حاولي تشترين لهم زية

شوق محمد التميمي
10-02-2010, 03:28 PM
توكلي على الله وخليها تكلمها بس بهدوء لأن هالأشكال يبغالهم طولة بال والله حاسة فيك لأني مريت بنفس مشكلتك كانز يدخلون غرفة النوم اغراضي كلها مكانها متغير في اشياء تنقص حتى صور نقصت وملابس وغيرها خليها على ربك

اصلا هالاشكال اذا اخذو بنت الناس لولدهم يفكرون انهم ملكوها ومايحق لها اي خصوصية

لازم ماتسكتين اصري على الموضوع او احسن حل قوليله يسكنك بشقة بعيد عن اهله بس حرصي مفتاح الشقة لايعطيهم اياه

الله يصبرك ويفرج همك يارب

..n..
10-02-2010, 03:40 PM
ااااااايه خلي امك تكلم امه لو انا تطق فيوزاتي مااحب احد يشوف خصوصياتي حتى لو من كان

خلي زوجك ياخذ نسخه من مفتاح غرفه النوم وبكييييييفه يسوي اللي يبي

واحرصي على غرفه النوووووم احرصي عليهاااااااااا دايم كل ماجيتي تروحي لبيت اهلك اقفليهااااااا

لاتخلين احد يلمس خصوصياتك ..واخر كلمه اقولها لك الله يوووووووووفقك ويسعدك دوووووووووم يارب ويحقق لك امنياتك


ايه انآ تو اقولهآ تقول تبيني اكلمهآ قلت ايه ..



هم قرايبنآ من بعيد .. قرايب ابوي .. بس والله ثم والله جينآهم بالطيب بس هم قدامنآ شي


ورانآ شي ثاني


اووف


تسلمين ياعمري ربي يخليك

احن بنوتة في الكون
10-02-2010, 03:41 PM
شوفي يالغلا انا احس زوجك تنفع معه السياسه لانه عنيد و لاعصبتي عليه وعلى اهله صدقيني بتكبر المشكلة
واتوقع افضل لو تخلين امك تكلم امه افضل وتحاول تفهمها انو هذا ابسط حق من حقوقك وان بنتي مو مرتاحه كذا اهم شي بكلام ذوووق وسياسه عشان ماتزيد المشكلة وتكبر ويحقدون عليك وتزيد الطين بلة ويصيرون بدال مايدخلون الشقة ينامون فيها
والله يسااااااااااعدك غلاتي

..n..
10-02-2010, 03:46 PM
هو حاط عذرهم باالثلاجة يعني اذا نقص عليهم شي يدخلوا الشقة يجيبوه ....!!
خلاص نزلي الثلاجة بكبرها الله يهديهم هم بس حب استطلاع عندهم غرفتك غيري الكيلون حقها ولا تعطين احد
الصالة رتبيها قبل تطلعين هي والمطبخ والاشياء الغالية والزينة حطي لها دولاب رفوف بلاستك وراء الباب حق غرفتك والله يعينك عليهم بس اهم شي زوجك لاتزعلينة واذا نزلتي شريتي شي للمطبخ حاولي تشترين لهم زية



شكلي ابنزل المطبخ بكبره لهم.. :028:


ايه يقول يعني امي اذا حتآجت تروح تشتري من البقآله


قلت واذا امك احتآجت ومافي شي .. بالشقه .. وش بتسوي ..



هذاني احتآج سعآت اي شي مآانزل وهم نايمين ادخل مطبخ وربي استحي


لازم هم صاحين عشان استآذن..



بس وش نقول لنآس زي كذأ



انآ ارتبهآ قبل اطلع بس سعات اتعب وانا حامل الحين


وماقدر ارتبهآ فااخليهآ الى لمآ اجي وهو يساعدني اشوي .. في كم شي لان مشيمتي نازله :t8:



غرفتي معي مفتاح اول كنت اقفلها قبل اقولها لايصعدون بس سعات يجي متاخر زوجي وماعنده مفتاح


فاسكرهآ بس بدون قفل..:404:


مويآ من عندنآ / بيض/ من عندنآ / كل ابو شي من عندنآ هو اصغر وآحد اخر عنقود



واخوانه ماتطلب منهم والله ولا تدخل شقتهم .. مع ان مرت اخوه بنت اختهآ اقرب مني لهآ

والمفروض تمون عليهآ



بس هم وش قصتهم مدري

..n..
10-02-2010, 03:48 PM
شوفي يالغلا انا احس زوجك تنفع معه السياسه لانه عنيد و لاعصبتي عليه وعلى اهله صدقيني بتكبر المشكلة
واتوقع افضل لو تخلين امك تكلم امه افضل وتحاول تفهمها انو هذا ابسط حق من حقوقك وان بنتي مو مرتاحه كذا اهم شي بكلام ذوووق وسياسه عشان ماتزيد المشكلة وتكبر ويحقدون عليك وتزيد الطين بلة ويصيرون بدال مايدخلون الشقة ينامون فيها
والله يسااااااااااعدك غلاتي

انآ كلمتهم بالسياسه :406: يسمع ويقول لك .. اوكي واوكي


وبعدين خرطي من وراااي .. يقلب كل شي


وامه وربي اني اكلمهآ وانآ اصيح مو مقهوره او شي يعني مااحب حد يقول عندي


كلام يغث وهو مو فيني



هي كلمتني بسلوب عادي وقالت هذا من حقك مراح ندخل


طيب وين هالكلا؟؟؟؟؟؟م:0148:

..n..
10-02-2010, 03:53 PM
وربي مآتهمنيت بشي ... ورب الكعبه


تنآزلت عن اشياء كثيره رغم اني بنت وحيده لامي


وكانت تبي تفرح فيني بزواج

انا رفضت عشآن زوجي وعشآ،ن مايتدن ومن هالكلام يعني مافرحت ولا فرحت امي


ولو يعطيني مصروفي واذا صار وهو مفلس محتآج وربي اعطيه وهو مايقول لا ياخذ <<


وسعآت اجلس شهرين مايعطيني مصروف واقول مو مشكله وربي مو ضعف بس لازم الواحد يعذر مره مرتين


وبعدين افجر الدنيآ



بس والله وجه بن فهره << ماينعطون وجه اذا شافو واحد متسامح .. معهم ركبو عليه


واذا وآحد شاد معهم من البدايه يحبونه<<



هذا اللي صار معي ومع مرت اخوه..

..n..
10-02-2010, 03:56 PM
8
8
8
8
مافيها كلام
أكيد خليها تكلمها وتغسل شراعها

وتقول لو وحدة من بناتك مارضيتي لها كذا

والله انقهررررت عشانك

الله يصلح أمووووورك ياااااارب
طمنينا عنك..





تغسل شراعهآ <<:061:


لآ ماتغسله تنشره بس خخخ


بس انآ امي تبي تكلمهم من زمان بس انا امنعهآ عشآن مايسبب شوشره وكره وحقد


بس هالحين بتكلمهآ واللي فيهآ فيهآ


انآ والله مو مقهوره منفجره بس مابين اضحك واوسع صدري بس داخلي نآر


:404:


ياعمري ربي يخليك .. ويوفقك بدنيآك:ق00:

ღالماسهღ
10-02-2010, 03:56 PM
الله يعينككككككككككككك

زهره وهتون
10-02-2010, 03:57 PM
زي مشكلتنا بس انا زوجي رافض حتى غرفتي ينامون فيها مع ازواجهم

لكن اختي غيرت مفتاح الشقه وحطت بمدليته من غير ماتعلمه هههههههههههه

..n..
10-02-2010, 04:00 PM
8
8
8
8
88


قويه ينآمون فيهآ

وربي عآد كآن افجر الدنيآ فيهم

احن بنوتة في الكون
10-02-2010, 04:02 PM
يالله اذا السياسة ماتنفع اجل وش اللي ينفع
طيب امممم فضي ثلاجتك قبل لاتروحين لاهلك وارسلي لهم الاشياء يحطونها بثلاجتهم
وقولي لهم انا باخذ المفتاح معاي واي شي تبونه خذوها قبل لاقفل الشقة
وماعليك فيهم لاقالوا ططط وسوا رجه قولي هذا بيتي ومن حقي اخذ المفتاح
وكل شي نزلته لكم

هتون.
10-02-2010, 04:06 PM
تبغين راي بصراحه عادي امه مافيها شي لودخلت تبغا غرض وتخرج ليه مسويتها سالفه انا اشوف زوجك فيه الخير اللي ماله خير باهله ماله خير فيك

..n..
10-02-2010, 04:18 PM
تبغين راي بصراحه عادي امه مافيها شي لودخلت تبغا غرض وتخرج ليه مسويتها سالفه انا اشوف زوجك فيه الخير اللي ماله خير باهله ماله خير فيك



اللي مافي خير في اهله مافي خير للنآس<<:ق00: دآيم اقولهآ له

لانه مايرد امه ياالغآليه ..


بس امه لهآ مصروف تدرين

وانآ لي مصروف ..

والشي اللي يشتري لي يشتري للبيت

تحت يعني لآمه


عشآن يصير عندهم زي مايصير عندي..


انتي تدرين اني ماركب قدآم بالسياره تقدير لآمه وهذا الشي من نفسي


لان ام الزوج ننآديهآ باامي << يعني تعتبر ام لي


امي وهي امي والله ما تهنت بشقتي رغم ان شقتي غريبه من بيت اهلي


وامه عشآن ويصير عندهآ فلوس عشآن لو احتآجت تعطي بنتهآ اللي تجي كل يوم تزوهآ وزوج بنتهآ يجيب

مافيهآ اي شي

بس هي الام ماتصعد مره كبيره .. بي ماتقدر تصعد وتنزل في نفس الوقت .. تخلي الشغاله تصعد


او بنآت بنتهآ

..n..
10-02-2010, 04:23 PM
يالله اذا السياسة ماتنفع اجل وش اللي ينفع
طيب امممم فضي ثلاجتك قبل لاتروحين لاهلك وارسلي لهم الاشياء يحطونها بثلاجتهم
وقولي لهم انا باخذ المفتاح معاي واي شي تبونه خذوها قبل لاقفل الشقة
وماعليك فيهم لاقالوا ططط وسوا رجه قولي هذا بيتي ومن حقي اخذ المفتاح
وكل شي نزلته لكم

المفاتيح 3 نسخ


لي / لآمه/ له




واللي يصصعد فوق .. شغاله/ بنآت بنتهآ/ وبنتهآ<<:0104:


يوم قلت له جيب المفتآح قالي مراح اخذه منهآ لاتحلمين


لدرجه اني خليت اغراضي وذهبي < وكل شي بالبيت اهلي وشقتي صارت فاضيه بس اجي


كني ازور..

قام قالي ليه حآطه ملابسك بيت اهلك.. قلت بيت اهلي يعرفون الخصوصيه


وملابسي واغراضي بغرفتي ومقفل عليهم

وخصوصيتي بيت اهلي هي الغرفه


وخصوصيتي بالشقه ولا شي

فراشه كيوت بطعم التوت
10-02-2010, 04:34 PM
والله انا لم كان اخوت زووجي يروحوو معااي كل مكان ا قول معليش بس كل مكان تخيلي

في الا خير والله قلتهم انا ابغه اروح كل مكان مع زوجي وبزورتي اتكلمي لا تسكتي وتقولي عيييب

اهل الزووج ما حد يسكت عليهم ولا سكتي يقولي ضعيفه والله مرت اخويه مع امي في نفس البيت

ايام امي تكسر المطبخ وهي ماهي في البيت ولا زوجهااا مرضيت تسيب المفتاااح
تخيلي

انتي لزم تكون عندك شخصيتك ماحد يدخل ولا مفتاح يجلس عندهم يعني بيت عياله ماافي اكل ولا شرب وبيتك انتي في كل شي يحتجووانتي سوي زعلانه قبل ما تخرجي قولي ذا تبغوو شي انا خاارجه وابغه اقفل الباب

..n..
10-02-2010, 04:37 PM
والله انا لم كان اخوت زووجي يروحوو معااي كل مكان ا قول معليش بس كل مكان تخيلي

في الا خير والله قلتهم انا ابغه اروح كل مكان مع زوجي وبزورتي اتكلمي لا تسكتي وتقولي عيييب

اهل الزووج ما حد يسكت عليهم ولا سكتي يقولي ضعيفه والله مرت اخويه مع امي في نفس البيت

ايام امي تكسر المطبخ وهي ماهي في البيت ولا زوجهااا مرضيت تسيب المفتاااح
تخيلي

انتي لزم تكون عندك شخصيتك ماحد يدخل ولا مفتاح يجلس عندهم يعني بيت عياله ماافي اكل ولا شرب وبيتك انتي في كل شي يحتجووانتي سوي زعلانه قبل ما تخرجي قولي ذا تبغوو شي انا خاارجه وابغه اقفل الباب


ماتمشي عندهم اسوي نفسي زعلانه


زعلت من جد

ولا همه عادي .. يعني في خآطره يقول خليهآ تزعل اهم شي امي



هذا حقه بس انآ مازعلت من امه ولا منه مابي حد يدخل وكآن الله غفور رحيم

بنت الهيلا511
10-02-2010, 04:39 PM
الله يعينك ذكرتيني بماسااتي قبل تسع سنين

انا ماسكت رحت لهلي واهلي فضحووهم بكل جماعتنى والناس وقفوا معي ضدهم

والحين اتحداهم بس يطقون الباب علي

بس انتي شوفي اللي تحسين انه مناسب وسوويه واخذي حقك ثالث ومثلث

انا حتى صاروا يلبسون بناتهم بلايزي عيني عينك بس الحين مسسسسسسستحيل

شوفي نقطة ضعفه انا كان وقتها سمهم وموتهم ان الناس يعرفون اي شي عنهم وانتهزت الفرصه وانتقمت <<<عوبااء


بس شسوي هم اللي بدووو<<حاسسسسسسسسسسسسه فيك يالغلا ومجربه

..n..
10-02-2010, 04:44 PM
حاولت بكل الطرق


وهذي مشكلتي جزء من الفلم <<<

بس هذا اللي مالهآ حل

lolohosain
10-02-2010, 04:54 PM
والله ياحبيبتى نفس المشكله عندى جوزى ده اطيب راجل فى الدنيا
بس الحلو ميكملش
والله حتى ملابسى الداخليه مبعرفش اعينها فين وياريت على قد البنات حتى اخواته الرجاله
عكرته هنا وهنا
يلا محدش بياخد كل حاجه

..n..
10-02-2010, 04:58 PM
صح الحلو مايكملش..


هو طيب .. ويحن بس فيهآ عنآد وافكآر هدأمه


ذكرتيني انآ فاقده من ملابسي الداخليه برضو يوم سالته قالي يعني اهلي بيآخذوهم


قلت انآ مو اهلك بش فاقدته يعني وين بيكون راح


والله يستر عسى بس انه ضآع ولا الشغاله خذته

رجفه خفوق1
10-02-2010, 05:01 PM
نصيحتي لك لا تسيبين بيتك طيب اجلسي ويش بعني عنده عمل اجلسي رتبي وخلصي شغلك واذا خرجتي كلمي ام زوجك بنفسك قوليلها متضايقه من هذا الوضع ولاتعلمين ولدك ولو سارت مشكله انتو السبب قوليلها ترضين لبنتك؟؟؟ او لنفسك هذه خصوصيه بيت وانا شارطه عليكم منزل مستقل

وقبل هذا كله اطلبي المفتاح بعد ماتدسين الي عندك قولي ضاع واذا جيتي خارجه وزوجك خافع امه تبي شي اتصلي بنفسك وقوليلها انا خارجه تبين شي بقفل البيت وكذا الين يثتعودوا

m!ss Fun
10-02-2010, 05:13 PM
انا من رايي تبعدين عن الكلام
لاتكلميه ولا تكلمي امه ولا شي

من لا حيلة له يا قلبي فليحتال
سوي زي ما قالت الاخت اللي فوق ^

مثلا زوجك بيداوم البسي وروحي لاهلك
عااااااااااااااادي
ودام بيت اهلك قريب بعد ما ينزلك بشوي وتضمنين انه بدوامه
دقي ع ام زوجك و بصوت البنت المؤدبه ( بمر للبيت اخذ لي كم غرض ناسيتهم ومفتاحي مالقيته بشنطتي شكله طاح بسيارة زوزي ض3 ياليت تحطين لي المفتاح عند الباب بعد شوي بمر )

ادخلي بيتك خذي فرتين فيه ض3 وكيس شيبس وببسي ض3 واقفلي الباب واسحبي المفتاح وروحي بيت اهلك مبسوطه ومفتاحك في جيبك قصدي بشنطتك هع
وانتهى

حتى لو قص لهم بعدين مفتاح ثاني استهبلي
اكسري المفتاح بالباب عشان يغير الكيلون دخلي مفتاح مو مفتاحك وحركيه بالكيلون عشان يخرب ويضطر انه يغيره
بيتعب ويصير ماللمفتاح الا النسختين الاصليه اللي تجي مع كل كيلون


وصلى الله وبارك


كل شي بالسياسه يجي

لاتنسيني من دعواتك :)

..n..
10-02-2010, 05:14 PM
نصيحتي لك لا تسيبين بيتك طيب اجلسي ويش بعني عنده عمل اجلسي رتبي وخلصي شغلك واذا خرجتي كلمي ام زوجك بنفسك قوليلها متضايقه من هذا الوضع ولاتعلمين ولدك ولو سارت مشكله انتو السبب قوليلها ترضين لبنتك؟؟؟ او لنفسك هذه خصوصيه بيت وانا شارطه عليكم منزل مستقل

وقبل هذا كله اطلبي المفتاح بعد ماتدسين الي عندك قولي ضاع واذا جيتي خارجه وزوجك خافع امه تبي شي اتصلي بنفسك وقوليلها انا خارجه تبين شي بقفل البيت وكذا الين يثتعودوا


ماتركت بيتي انآ موجوده بس

مسآاله اني اجلس ارتبه .. ارتبه انآ مستحيل اطلع بدون مارتبه الا في حاله اني كنت تعبآنه والشغل كثير


فكرت فيهآ << بس زوجي فيه خبث يعني بيقول اني سويتهآ حركه وبيروح ينسخ


ماحب انآ اراوق او الف وادور ... او ادور حيله


احب اعطيهم كآش اذا معي حق


انآ قبل اتكلم سالت منهم اكبر مني خلاتي / وامي/ وابوي واهلي هل هم عدل وانآ خطآ دلوني


يمكن انآ عقلي صغير شي مدري والحمد لله كلهم قالو مانرضى بهالشي


صدق الجنه تحت اقدام الامهآت بس شقه ولدي مالهآ دخل فيهآ المفروض تقول كذا

..n..
10-02-2010, 05:25 PM
انا من رايي تبعدين عن الكلام
لاتكلميه ولا تكلمي امه ولا شي

من لا حيلة له يا قلبي فليحتال
سوي زي ما قالت الاخت اللي فوق ^

مثلا زوجك بيداوم البسي وروحي لاهلك
عااااااااااااااادي
ودام بيت اهلك قريب بعد ما ينزلك بشوي وتضمنين انه بدوامه
دقي ع ام زوجك و بصوت البنت المؤدبه ( بمر للبيت اخذ لي كم غرض ناسيتهم ومفتاحي مالقيته بشنطتي شكله طاح بسيارة زوزي ض3 ياليت تحطين لي المفتاح عند الباب بعد شوي بمر )

ادخلي بيتك خذي فرتين فيه ض3 وكيس شيبس وببسي ض3 واقفلي الباب واسحبي المفتاح وروحي بيت اهلك مبسوطه ومفتاحك في جيبك قصدي بشنطتك هع
وانتهى

حتى لو قص لهم بعدين مفتاح ثاني استهبلي
اكسري المفتاح بالباب عشان يغير الكيلون دخلي مفتاح مو مفتاحك وحركيه بالكيلون عشان يخرب ويضطر انه يغيره
بيتعب ويصير ماللمفتاح الا النسختين الاصليه اللي تجي مع كل كيلون


وصلى الله وبارك


كل شي بالسياسه يجي

لاتنسيني من دعواتك :)





ههههههههههههههههههههههههه


تخيلي اسوي زي كذا

مشكله زوجي بيفكرني العب معه


انآ ماحب احتآل .. او اسوي شي زي كذا وحتى لو فكرت وااضحه ووضوح الشمس


كل ماسويت شي بيسوي عكسه


لازم اصير وااضحه افضل


واليوم انشاء الله رايحه الشقه وبنزل مع امي لآمه..

وبآخذ المفتآح


:0149:

حوريه الغيد
10-02-2010, 05:26 PM
ياختي غيري المفتاح قولي هذي مملكتي لحالي ماحد يدخل الابيذني

حليب الصافي
10-02-2010, 05:27 PM
كيفك ياحلوهه
انتي موجوده

حليب الصافي
10-02-2010, 05:31 PM
اقوللك اذا تدخل تي اغراض من البيت ممكن ظروفهم مااديه بس هذي امه والله كانت امك واخواتك كانوا يدخلون على كيفهم بس عشان امه ومادام انها طبيه معاك ولاتخاصمك مافيهاشي تدخل للبيت واهم غرفتك قفلها وانتهى الموضوع ماادام هوا معاك طيب لاتخسرني زوجك عشان اشياء مالها داع والله يوفقك

لميندا 1397
10-02-2010, 05:32 PM
سؤال وابي جوابه


انتي تحبي زوجك....؟

حليب الصافي
10-02-2010, 05:36 PM
وينك

حليب الصافي
10-02-2010, 05:45 PM
عليك بالاستغفار وطنشي كلام البنات
اهم شي التوفيق واصبر ي ولا تفكري بالطلاق وانتي حلي اممورك بالهدوء عليك بالصبببر والدعاء بس لا تستعجلي
خل عندك سياسة بالتصرف بدون ما يحس انك ماتبقي اهله يدخلون

صــــاحية لهم
10-02-2010, 06:05 PM
الله يفرجها لك ويكتب لك الخيرة..

موفقة قلبي..

لميندا 1397
10-02-2010, 06:12 PM
عليك بالاستغفار وطنشي كلام البنات
اهم شي التوفيق واصبر ي ولا تفكري بالطلاق وانتي حلي اممورك بالهدوء عليك بالصبببر والدعاء بس لا تستعجلي
خل عندك سياسة بالتصرف بدون ما يحس انك ماتبقي اهله يدخلون


والله صادقه


مااحد يعرف زوجك مثلك لاتستعجلي

الحياه يبيلها صبر

قصيدة ليل
10-02-2010, 06:26 PM
اهلين حبيبتي كيفك وكيف البيبي الله يهون عليك حملك وولادتك

قلبوووو اهم شي انتبهي الله يستر من الشغاله لاتاخذ من لبسك

الباقي مامنهم خوف حتى لو فتشوا واخذوووا اي شي

انا معاك انه شي يضيق الصدر بس وش تسوين

خصوصا ان زوجك شغله متعب يجي يبي يرتاح

تتعبينه بزود بمشاكل ممكن مع الايام تنحل وببساطه

اهم شي لبسك وخصوصياتك اللي ينخاف عليهم من الشغاله

خليك حريصه عليهم وقولي لزوجك اهلك بيكيفهم بيتهم وياخذون راحتهم

بس انتي خوفيه قولي انا خايفه من الشغاله وانت تعرف بلاويهم !!

وربي يحفظك ويريح بالك

وادعيلي ربي يحفظنا انا وبنيتي واحصل عجيز توسع صدري بالغربه

:و0:

باتريسيا
10-02-2010, 06:47 PM
خلك من كلام البنات هذا زوجك وهذي ام زوجك وجدة طفلك

عيييييييييييب عليك اللى تسوينه انتي تقولين ام زوجك كبيرة ماتقدر تطلع وطبيعي انها اذا احتاجت شي ترسل الشغاله او البنات

الرسول وصي على سابع جار وهذي قبل تكون جارة منزل ام زوووووووجك

وش فيها العالم قل فيها الخير ؟؟ ولاوحدة ردت رد عدل الا 2 وبس؟؟

وربي هذا يدل ان الشيطان سيطر على النفوس والعياذ بالله، استهدي بالله عمر الصاله ماكانت خصوصيه وعمر المطبخ مكان كذا

لوكنتي بري السعوديه كان جارتك تدف الباب وتدخل ،، حنا اللى محبكينها حبتين ، يازين زمن اول الجارة تدخل مع باب الحريم ولايردها الا الصاله وتاخذ حاجتها وبعدي تعلم جارتها، من جد زمن اغبر ، اللى الزوجه تحاول تقسي الولد على امه خافه الله فاللى ببطنك يايسير عاق فيك والسبب تصرفاتك مع ام زوجك

..عشووق..
10-02-2010, 07:48 PM
عليك بالاستغفار وطنشي كلام البنات
اهم شي التوفيق واصبر ي ولا تفكري بالطلاق وانتي حلي اممورك بالهدوء عليك بالصبببر والدعاء بس لا تستعجلي
خل عندك سياسة بالتصرف بدون ما يحس انك ماتبقي اهله يدخلون
:0149::0148:
الحيااااة يبي لهاا الصببر
و الصبر مفتااح الفجر :ق204::ق204:

احلم فى بنوته
10-02-2010, 08:04 PM
خليها تكلمها بس بتفاهم القصة مش مستهاله ا لله يصلح حالكم الى احسن حال

أم لـيـن
10-02-2010, 08:15 PM
مرحبا قلبو
الله يعنك مع هالناس اللي ماعندهم ذوق غيري مفتاح غرفتك اهم شي واذاكان قصدهم المطبخ بالله عليك وش راح يكون في المطبخ اتوقع مواعين وانواع القهوه وشغلات خفيفه يعني ماله داعي انهم يدخلون الشقه يعني ماعندهم مطبخ تفاهمي انت وزوجك وضحي لهم وجهت نظرك في التصرفات هذي ولاكلمي اخت زوجك والشغاله نبهي عليها لاتدخلها واذاقالو خصوصيتك في غرفتك قولي الموضوع موموضوع خصوصيات الموضوع لاحد يدخل شقتي خير شر واقنعي زوجك وشكل زوجك مايرضى على امه واختك الله يعنك ويهون عليك ويرزقك بالذريه الصالحه
باي قلوب

N_3afek_ALkater
10-02-2010, 09:01 PM
من غير جدل مع زوجك

دخلي قطعه عود من اعواد الاسنان
في الباب

او

اكسري المفتاح زهز جوا الكيلون

يطر الى تغير كيلون الباب

لكن الاهم ان اهله مو موجودين

ف ذاك الوقت عشان اذا غيره
مايعطيهم نسخه


وريحي و ارتاحي
من غير نقاشات

..n..
10-02-2010, 09:34 PM
اقوللك اذا تدخل تي اغراض من البيت ممكن ظروفهم مااديه بس هذي امه والله كانت امك واخواتك كانوا يدخلون على كيفهم بس عشان امه ومادام انها طبيه معاك ولاتخاصمك مافيهاشي تدخل للبيت واهم غرفتك قفلها وانتهى الموضوع ماادام هوا معاك طيب لاتخسرني زوجك عشان اشياء مالها داع والله يوفقك


شوفي مآقد اذتني ابدآ



بس هو يقولي امي تقول ععنك وتقول .. يعني قالت عني كلام

مو مسآاله ضروفهم مآتسمح .؟؟ شوفي هم 3 اخوآن .. يجون بالآسبوع 3 ايام..



وكل وآحد يحط المقسوم .. بالبيت



انآ مو هآدمه بيتي ولا شي بس ترى هذا حق اخوي متزوج وامي عنده مقتآح الشقه


وعنده اغراض وسعآت نحتآج بس احلمي نفتحهآ حتى لو قال هو لنآ ..


هي طيبه وانآ تقولي كلام بس هو يقولي امي قالت عنك يوم سويتي كذا كذى ...


بس هذا ماينمنع يعني اني اقول محد يدخل شقتي وبس .. حتى مره ابي اسوي له شي مفآجآه


مره كتبت له كلام وحطيه بالصاله يعني لو هم كآنو داخلين اكيد شافوه .. وهذذا خصوصيه واطلعو عليهآ

..n..
10-02-2010, 09:36 PM
سؤال وابي جوابه


انتي تحبي زوجك....؟




بدايه الزوآج زرع فيني كره عكس اني احبه


بس الحين احبه واغليه..

..n..
10-02-2010, 09:37 PM
عليك بالاستغفار وطنشي كلام البنات
اهم شي التوفيق واصبر ي ولا تفكري بالطلاق وانتي حلي اممورك بالهدوء عليك بالصبببر والدعاء بس لا تستعجلي
خل عندك سياسة بالتصرف بدون ما يحس انك ماتبقي اهله يدخلون

ياعمري مافكر بالطلاق عشآن شي تآفه


في مشآكل كآنت اول بس ماحب اني اقولهآ


كل فتره يطلع لي بشي.. واتعبت نفسيتي ومرضت.. بسبب كذأ



ومافكر بالطلاق في بطني ولد كيف افكر بالاساس

..n..
10-02-2010, 09:41 PM
اهلين حبيبتي كيفك وكيف البيبي الله يهون عليك حملك وولادتك

قلبوووو اهم شي انتبهي الله يستر من الشغاله لاتاخذ من لبسك

الباقي مامنهم خوف حتى لو فتشوا واخذوووا اي شي

انا معاك انه شي يضيق الصدر بس وش تسوين

خصوصا ان زوجك شغله متعب يجي يبي يرتاح

تتعبينه بزود بمشاكل ممكن مع الايام تنحل وببساطه

اهم شي لبسك وخصوصياتك اللي ينخاف عليهم من الشغاله

خليك حريصه عليهم وقولي لزوجك اهلك بيكيفهم بيتهم وياخذون راحتهم

بس انتي خوفيه قولي انا خايفه من الشغاله وانت تعرف بلاويهم !!

وربي يحفظك ويريح بالك

وادعيلي ربي يحفظنا انا وبنيتي واحصل عجيز توسع صدري بالغربه

:و0:




يعطيك العآفيه قلبي وربي يوفقك وين ماتروحي



بس وربي قلت له الشغآله انآ ماثق فيهآ قالي خوافه ماتسوي شي وش بتسوي


لان هم واثقين فيهآ لان من زمآن عندهم تروح وتجي


قلت هذا مو شغلي انآ اخاف من الخدامآت


والله حآطه يدي على قلبي


لان اهله كلهم حاطين العين علي حيل حيل في لبسي وكل شي << هذا قبل اتزوج وبعد ماتزوجت زادو


اساله وكيف ومنين وبكم <<

..n..
10-02-2010, 09:47 PM
خلك من كلام البنات هذا زوجك وهذي ام زوجك وجدة طفلك

عيييييييييييب عليك اللى تسوينه انتي تقولين ام زوجك كبيرة ماتقدر تطلع وطبيعي انها اذا احتاجت شي ترسل الشغاله او البنات

الرسول وصي على سابع جار وهذي قبل تكون جارة منزل ام زوووووووجك

وش فيها العالم قل فيها الخير ؟؟ ولاوحدة ردت رد عدل الا 2 وبس؟؟

وربي هذا يدل ان الشيطان سيطر على النفوس والعياذ بالله، استهدي بالله عمر الصاله ماكانت خصوصيه وعمر المطبخ مكان كذا

لوكنتي بري السعوديه كان جارتك تدف الباب وتدخل ،، حنا اللى محبكينها حبتين ، يازين زمن اول الجارة تدخل مع باب الحريم ولايردها الا الصاله وتاخذ حاجتها وبعدي تعلم جارتها، من جد زمن اغبر ، اللى الزوجه تحاول تقسي الولد على امه خافه الله فاللى ببطنك يايسير عاق فيك والسبب تصرفاتك مع ام زوجك



اولآ ياعمري انتي .. ( حنآ نآس نعرف العيب ) .. ومشكوره ياقلبي



غير كذآ والله مآطلعت من بيت اهلي الا عأرفه الاصول من والى



اقدرهآ زي امي والبيهآ زي امي وكل شي


وكل وآحد له بيت والبيوت اسرار .. يقلون .. حتى لو امه تدخل وتشوف شي خآص بين الزوجين



انآ استحي انهآ تشوفه


وغير كذآ لو هي تقدر وتدخل واللي تبي تآخذه تهون من الخدآمه / ولا بنآت اخته يدخلون..


ولا اخته


انآ لي حق زي مرت اخوه مآالهآ حق شمعنى يدخلون شقتي مايدخلون شقه اخوه


يعني هذي عليهآ استفهمآت ..


ولا شيطآن ولا غيره انآ وحده مافي راسي شر لو براسي شر سويت مشآكل من حألي زي الباقي



بس اسوي اللشي اللي اشوفه حق لي

..n..
10-02-2010, 09:52 PM
مرحبا قلبو
الله يعنك مع هالناس اللي ماعندهم ذوق غيري مفتاح غرفتك اهم شي واذاكان قصدهم المطبخ بالله عليك وش راح يكون في المطبخ اتوقع مواعين وانواع القهوه وشغلات خفيفه يعني ماله داعي انهم يدخلون الشقه يعني ماعندهم مطبخ تفاهمي انت وزوجك وضحي لهم وجهت نظرك في التصرفات هذي ولاكلمي اخت زوجك والشغاله نبهي عليها لاتدخلها واذاقالو خصوصيتك في غرفتك قولي الموضوع موموضوع خصوصيات الموضوع لاحد يدخل شقتي خير شر واقنعي زوجك وشكل زوجك مايرضى على امه واختك الله يعنك ويهون عليك ويرزقك بالذريه الصالحه
باي قلوب



ياقلبي انتي


ورب الكعبه هالشهر ان المطبخ فآضي مافي شي ..


لان زوجي صار له ضرف وصار على الحديده..


وقتي اغلبه بيت اهلي اريح لاني تعبآنه اشوي


اي شي يخطر في بالهم يصعدون مو شرط امه تبي


يعني المواعين تحت ليه << يوم سالت الشغأله قالت انآ احب هالكآس اشرب فيه حليب


شوفي بس وش اقولهآ اخاف اكلمهآ بكره تآخذ شي تسوي لي سهر


خليتهآ قلت معليه



بنآت اخته قالو يبون الاب توب حق خألهم خذو مقتاح من عنده جدتهم وصعدو خذوه ونزلو



اخته اذا جآت تطبخ وتسوي اذا بغت شي قالت ارقو جيبو من الشقه



والنهآيه يعني بالله



دقي على زوجك بيتهآ قريب بالحيل من بيت اهلهآ تقدر تخليه يجيب

ولا زوجهآ تستحي منه وبنت النآس بالطقاق

Abssi
10-02-2010, 10:08 PM
لاتسوين مشاكل عشان نتفة شقه
الحمدلله ع العافيه
كبري عقلك ولاتخسرين زوجك واهله
ولو انهم اهلك كان مداهم سرداح مرداح في شقتك كلها
وبما انك لامه اغراضك في غرفتك
وزوجك مو مقصر عليك احمدي ربك لاتحرضينه ع اهله
اتركي الحسد وحركات الحريم
ولا تطاوعين ردود الحريم كل واحد يتصرف حسب ظروفه
وبعدين اذا كثروا عيالك بتخرجين من بيتهم وذاك الوقت
بتملكين الرجال والبيت وتوحدي على نفسك
وبيمديك تاخذين حريتك
والله يكتب لك اللي فيه الخير

الذليله الى الله
10-02-2010, 10:17 PM
لا تخلي المشكله تدخل اهاليكم

انتي بس خلي اخوك أو أي أحد يغير القفل
وادا ما قدر على الا قل يغير قفل غرفه النوم

كيان زوجها
10-02-2010, 10:31 PM
بصراحه استغرب من البنات اللي يقولون سوي وحطي كانهم يحرضونك على المشاكل

ياحبيبتي الدنيا تجارب ولسه ماشفي شي

تقولين ماكملتي سنه

اذا تحبين زوجك ويهمك رضاه اصبري وساعديه ع الخير

حاولي تكسبين اهله لاتحطين حواجز بينك وبينها

راح تلاقين كل اللي تسوينه فموازين اعمالك

اصبري عليهم ماتدرين وين الخيره فيه ولاعليك من كلام البنات

يعني وش فيها لو دخلو اخذو غرض من الثلاجه شي وناقصهم

حلال ولدهم

والله اناخوي ساكن فوقنا وزوجته الله يسعدها تقول اخذو اللي تبون لكن وهي مسافره مستحيل ندخل الا لما ندق عليها

للضروره القصوى نستأذن مثلا جاي ضيف فجأه

لكن من بعدها حتى هي تنزل تأخذ اللي تبي والله البيت واحد وقلوبنا على بعض


اكسبي اهل زوجك ولاتزعلينه خلي ابتسامتك ماتفارق وجهك عشان خاطره يهون كل شي

غرفة نومك معك حق ماحد يدخلها وقفليها لانها خصوصيه

لكن المطبخ والشي اللي يحتاجونه عادي

نفرض انك عند اهلك وزوجك مسافر احتاجو غرض من الثلاجه ايش تفضلين يخرب هالغرض ويعغن او يأخذونه يستفيدون منه


فكري بعقلك واكسبي زوجك ورضاه اكيد هالوضع ماراح يستمر

متفائلة رغم الانين
10-02-2010, 11:00 PM
الله يعينك فعلا فيه ناس ماتستحي وربي الواحد تطق معه لو هم بدالك كان سوو فيها انهم اهل الخصوصيه غيري المفتاح ولا عليك من احد

..n..
10-02-2010, 11:10 PM
لاتسوين مشاكل عشان نتفة شقه
الحمدلله ع العافيه
كبري عقلك ولاتخسرين زوجك واهله
ولو انهم اهلك كان مداهم سرداح مرداح في شقتك كلها
وبما انك لامه اغراضك في غرفتك
وزوجك مو مقصر عليك احمدي ربك لاتحرضينه ع اهله
اتركي الحسد وحركات الحريم
ولا تطاوعين ردود الحريم كل واحد يتصرف حسب ظروفه
وبعدين اذا كثروا عيالك بتخرجين من بيتهم وذاك الوقت
بتملكين الرجال والبيت وتوحدي على نفسك
وبيمديك تاخذين حريتك
والله يكتب لك اللي فيه الخير

انآ مآطرحت مشكلتي عشآن اخذ الحل من اي شخص بالدنيآ


قراراتي ترجع لي اولآ فقط اشوف اللي يوافقني واللييوافقني



لعلمك اهلي مآدخلو شقتي ليومك مآبعد اكمل شقتي اللي دخلهآ ابوي وامي ابوي مره وامي مرتين




يعني اخواني مآدخلو السبب .. حنآ بالصاله نجلس على الارض وماكتملت الشقه




ادري اليآ طلعت بيصر لي حريه


بس لعلمك بيآخذ امه معه وهذا الشي مو مضايقني عآدي بس الشي اللي صار بالبيت الاولي مايتكرر



هو مصر انه يتكرر مسآاله عنآد هي بالنسبه له

..n..
10-02-2010, 11:17 PM
بصراحه استغرب من البنات اللي يقولون سوي وحطي كانهم يحرضونك على المشاكل

ياحبيبتي الدنيا تجارب ولسه ماشفي شي

تقولين ماكملتي سنه

اذا تحبين زوجك ويهمك رضاه اصبري وساعديه ع الخير

حاولي تكسبين اهله لاتحطين حواجز بينك وبينها

راح تلاقين كل اللي تسوينه فموازين اعمالك

اصبري عليهم ماتدرين وين الخيره فيه ولاعليك من كلام البنات

يعني وش فيها لو دخلو اخذو غرض من الثلاجه شي وناقصهم

حلال ولدهم

والله اناخوي ساكن فوقنا وزوجته الله يسعدها تقول اخذو اللي تبون لكن وهي مسافره مستحيل ندخل الا لما ندق عليها

للضروره القصوى نستأذن مثلا جاي ضيف فجأه

لكن من بعدها حتى هي تنزل تأخذ اللي تبي والله البيت واحد وقلوبنا على بعض


اكسبي اهل زوجك ولاتزعلينه خلي ابتسامتك ماتفارق وجهك عشان خاطره يهون كل شي

غرفة نومك معك حق ماحد يدخلها وقفليها لانها خصوصيه

لكن المطبخ والشي اللي يحتاجونه عادي

نفرض انك عند اهلك وزوجك مسافر احتاجو غرض من الثلاجه ايش تفضلين يخرب هالغرض ويعغن او يأخذونه يستفيدون منه


فكري بعقلك واكسبي زوجك ورضاه اكيد هالوضع ماراح يستمر



ياعمري انتي ورب الكعبه اني اعآملهم احسن معآمله وربي يشهد علي



شوفي حريم خوانه اسوي عكسهم تمآمآ اذا شرو اي حآجه مايخلون امه تشوفهآ يخبون وهم بنآت اختهأ



انآ بعيده اعتبر


وربي اني اذا شريت الشي اتنقص لهآ يعني اجيب لهآ هم ولا مره جابو لهآ امه تحبني بس اذا تكلمت تكرهني


ليه وتقول الساني طويل ومن هالكلام


لا انآ ماحب حركآت الولدنه .. حطي وغيري وسوي واحتالي انا عندي مواجه بس ماحب اسوي


مسريحه بدون جمهور .. اقول اللي بخاطري وبذرابه



بس المشكله فيه هو رده علي احلمي انه يتغير هذا الشي وخليهم يدخلون



قلت يابن النآس الحلال اللي تحت نفس الحلال اللي فوق ..



بس ملابسي واغراضي يعني لمآ اطلع لازم اضيق صدري احط في بالي انهم ممكن يصعدون



ممكن يشوفون هذا وهذا .. المطبخ بسلامه ماهمني بس توصل الى غرفتي والله عيب



لو اشتري شي ماتهمنى فيه اقسمه لامه لاهله لاني ماحب ادخل البيت وبيدي شي وهو شافوه


بس ياريت يبين بعيهنهم اللي سويته

..n..
10-02-2010, 11:21 PM
الله يعينك فعلا فيه ناس ماتستحي وربي الواحد تطق معه لو هم بدالك كان سوو فيها انهم اهل الخصوصيه غيري المفتاح ولا عليك من احد



:404: انآ اقدر اغيره في ثانيه


بس انآ ابي يقتنعون ان كلامي صح بس .. لااكثر ولا اقل

وامه اقتنعت وردت علي وهي مو زعلانه قالت هذا حقك واللي تبينه بيصير


بس رجعو يفتحونهآ وياريت يبون شي بالمطبخ


بغرفه النوم

..n..
10-02-2010, 11:22 PM
الله يعين انآ رايحه الحين لآمه


وبكلمهآ للمره الثآنيه..

عزتى في كلامتي
10-02-2010, 11:36 PM
مع احترمي لك زوجك شخصيته ضعيفه حيل وش ذاء من جد طرطعت كاني انا صاحبت الشااان

اخوي سااكن فوقآآآآآآآ مره خربة غسالتنا زوجته هي الي قالت اطلعو غسلو بشقتي والله متجرات وهو بيت اخوي

ناااااااااااااس معنده ذوق

كيكة الجالكسي
10-03-2010, 12:29 AM
نفس الوضع بس غلى اخف شوي
انا عندي حماتي كل شي تااااخذه
والمطبخ ارجع واشوف نص الغراض تحت
مع اني اقفلها اذا طلعت
بس اذا رحت بيت اهلي
زوجي يخليها مفتوحه واذا غاب القطو اللعب يافار
يالله مالنا الا الصبر

..n..
10-03-2010, 01:00 AM
8
8
8
8
8
8





ابشرك حتى بآب الشقه مايقفله يخليه مفتوح.. :)


يعني لو حد يجي من عيال اخوآنه الصغأر لان دايم يجوني فوق ويجلسون ..


باي وقت يفتحونالباب اذا صرت موجوده بس ممكن يصعدون ..


يارب تونيجآيه الشقه صايره شقه عزوبيه ياربي متى يترك الدخآن



مقدر اسوي شي ..



جيت.. وكنت ابكلم امه بس موجوده خآالته .. وطولت فصعدت فوق


انتظره يجي



8
8
8
8
8

روقي لاعصبين .. انآ صدق اعصب بس

والله ماتسوى لان احس اني انفخ على الفاضي

لغة أمل
10-03-2010, 01:44 AM
الله يعينك

الجوري الحلوة
10-03-2010, 02:06 AM
استغفر الله وش ذا الناس؟؟؟؟؟؟؟؟؟؟

انا مابي احد يدخل شقتي حتى لو مين يجون يزورون اهلا وسهلا اما يدخلون ويطلعون على كيفهم معصي..


ياقلبي روحي كلميها مره ثانيه واذا مانفع لو انا مكانك بكلم امي تكلمها

كل شي ولا غرفتي يدخلونها مابقى الا هذي

الله يعينك...

اوعدك بالوفاء طول العمر
10-03-2010, 02:17 AM
الله يعينك ياقلبي البنات ماقصروا

واللي تحسينه صح خذيه

الله يوفقك ويفرج همك

شموخ الموج
10-03-2010, 07:18 AM
أنصحك امك لاتكلم امه نهااااااائي .... لأن اللي فهمته من كلامك ماراح يسمعون لأحد من طرفك ... ويضعف موقفك اكثر ويزيد تمردهم .... اهم شي لاتبينين قهرك لانه ضعف .... طنشي موضوع الشقه وبكره يجيك من يشغلك عنهم وانتي موجوده عوديهم الباب مقفل عليك ..... مشكلتك بسيطه ... بس لازم تعودي زوجك على خذ وهات دام ماستجاب لمفتاح الشقه خليه يستجيب لاستعمال الباب الخارجي وهذا عندي اهم ........ اسفه للاطاله والله يسهل عليك ...

امـ يوسفـ
10-03-2010, 07:30 AM
الله يعيين من جد حاله !!!

احس اسكن عندهم وافتك من قله الحياء هذي ..

وربي كبريها وما عليك لانو بكره يتدخلون في الاولي والتالي .. وانا اقول مو من قله احترام لهم بس انا لي حقوق

ما توفروها لي .. الله يستر علي وعليكم ...

لميندا 1397
10-04-2010, 02:21 PM
بدايه الزوآج زرع فيني كره عكس اني احبه


بس الحين احبه واغليه..


وخذيها مني


لجل عين تكرم مدينه



اصبري

وتحملي


والله غير تكبري بنظر زوجك



ترى الرجال مايحب احد يقوله

امك سوت وحطت وشالت

هذي امه مهما كان

رضاها عليه اهم من الدنيا بمن فيها

..n..
10-04-2010, 02:31 PM
8
8
8
8


ياآعمرري ادري بالحكي ..


وانآ يوم اجي اشتكي له مآاقول امك


اقصد اللي مابيهم يدخلون الشقه بزارين يدخلون عيآال اخته والخدآمه..


انآ مأهمني اي شي بس محد يصير عنده فضول وقله ذوق انه يتجرى يدخل غرفتي


بس


وربي اني اعآملهآ احسن من يعآمل امي واقسم بالله العضيم لمآ يبوس راس امي امي يبوس الهوآء



انا بطلعتي بدخلتي بقومتي من النوم او لمن انآم << وربي اني ابوس راسهآ



اقسم بالله عكس امي يعني متعودين ابوسهآ لمآ اجي البيت او بطلع



مع انهآ امي



بس شوفي ماايبين بعينهم لو مآتسوين ..


حتى شقتي اجي واكرف فيهآ وارتب وانظف عشآن زوجي وعشآن انآ بعد


والمستشفى انآ تنومت 3 ايام قالو ممنوع تخرجين قلت لا بخرج وبعدين قالو لازم ترتآحي


انا جلست يوم وثاني يوم قمت اطبخ وارتب وكل شي << وعشآن كذا مشيمتي نآزله



ولا يبين بيعنهم


ذبحت عمري بس عشآ، ن اشوفه بعينهم ماهمني شي بس ربك يعين

رنوشا الفرفوشه
10-04-2010, 02:31 PM
ازا هم مش نافع معهم الحكي و الذوق الافضل لما تطلعي من البيت تسكري غرفتك بالمفتاح و تاخديه
معك و ازا حدا سالك احكيلهم انتو بتحكوا انو خصوصيتي بغرفتي عشان هيك اخدت المفتاح

نجوم الفجر
10-04-2010, 03:15 PM
الله يعينك

بسمة ليال
10-04-2010, 04:28 PM
خلاص اختى جربى تقعدى فيها اذا زوجك داوم وجيبى شغاله بالايجار لمده شهر لحدماتولدى ولا استانسى واعزمى خواتك وصديقاتك واذا استغربوا من عدم روحتك لاهلك قولى برتاح ببيتى ذى اوامر الطبيب

ام الفرافر
10-04-2010, 05:41 PM
مالك الا الدعاء في الليل وربي راح ينصرك عشانهم مايستحون ومعقوله فيه ناس كذا الين الحين مابعد انقرضوا

صدق يلوعون الكبد الله يصبرك

اتعبتني الجراح
10-04-2010, 06:10 PM
الله يهديهم ويصلح حالهم

..n..
10-07-2010, 01:15 AM
يؤؤؤؤؤؤؤؤؤؤؤؤه لو ادري كتبت الموضوع من زمان


صار شي امس

جا زوجي قالي بقولك شي

قالي بس لاتقولي لاحد لاحد الحين ماتاكدنا


قالي امي < شاكه انو الشغاله تسرق << :(


قلت ليه وش سارقه


قال مقطعه ذهب امه ذهب امه هذا الكبير اللي يجي طويل يسمونه حزآم << بالخليج


مقطعته ومآخذه منه كم قطعه مو كله


استغربت امه وشالته وخلته عندهآ بشنطتهآ


جآ ثاني يوم وبرضو تشوف انه تقطع زوج ومآخوذ منه..


رديت عليه وانآ ميته خوف قلت اللي انآ فقده من ملابسي اكيد عندهآ اخاف تسوي لي شي


قالي مراح تطلع الا مفتشه ومراح تصعد تآخذ شي ( ياأختي يابنآتهآ )



قلت شفت كيف اقولك انآ ماثق في الشغاله وكنت انت تزعل مني وتقول هي امينه وخوافه



والحين نآ كل تفكيري بشي فاقدته من ملابسي ومشكله ملبوس .. مالقيته لاارض ولا سمآ له :(




يمه اطلع من شي يجي شي



بس ربي اقوى من كل شي




مشكورين كلكم على راسي هالردود


Content Relevant URLs by vBSEO 3.6.0