المساعد الشخصي الرقمي

مشاهدة النسخة كاملة : أكل يسمن الطفل و يحمر وجهه



أماني و أحلام
08-23-2006, 04:44 AM
عزيزاتي أبغي أعرف من تجاربكم أكل يسمن الطفل و يحمر وجهه ؟؟؟؟؟ عيالي ضعوف و الوجه حقهم أصفر ولكم جزيل الشكر

أماني و أحلام
08-23-2006, 04:52 AM
أنا قال لي الدكتور ماء سلق الرز المصري وأضيف له قليل سكر

ريماان
08-23-2006, 11:22 AM
انا اعرف وحده ماشاء الله بنتها دبدوووبه وحمرره
تقول انها من كان عمرها 6 شهور تحت لها في الرضاعه عصائر كي دي دي الطبيعيع
منجا جوافه فواكه تفاح برتقال كل الأنواع وتشربها زي الحليب في المرضاعه
والحين بنتها عمرها سنه و5 شهور بس ما شاء الله دبدووبه وصحتها زينه

أماني و أحلام
08-23-2006, 02:30 PM
مشكوووورة ريماان بجربها إن شاء الله ربي يخليلك ولدك حمودي وعيالي آآآآآآمين ويسمنهم آآآآمين و نناظرهم في أحسن المناصب آآآآآآمين ويصيرون بارين بنا آآآمين وجميع عيال المسلمين آآآمين

نووودي
08-23-2006, 07:26 PM
تبغين وجبات تسمن الاطفال الرضع والا الاطفال الكبار؟

أماني و أحلام
08-24-2006, 04:05 PM
الأطفال الصغار و الكبار

الفراشه الأنوثيه
08-24-2006, 04:52 PM
الله يعافيكم انا بنتي عمرها 7 سنوات ضعيفه مره
ابي شي يسمنها
ولكم جزيل الشكر

أماني و أحلام
08-24-2006, 05:51 PM
أنا أيضا سمعت عن الحلبة يقولون مفيدة جدا للأطفال بس مشكلتها الريحة مو تمام

نووودي
08-24-2006, 10:54 PM
الاطفال الصغار احس اللي يرضعون حليب بكثره وياكلون سيريلاك وما يمرضون تلاقينهم سماااااااااان اما الاطفال الكبار عندك المكرونه والبطاطس المقلي وحليب بالشوكلاته والجبنه اهم شي الطفل ياااااكل ومايرفض الاكل تلاقينه يدبدب

جمـــــوح
08-25-2006, 01:25 AM
<<<------- نفسها عيالها يتخنوووون باي طرييييقه

أماني و أحلام
08-25-2006, 05:05 AM
نووودي[line] شكرا على المعلومات الرائعة[line]جموح[line]نبيهم يتخنووون علشان ما حد يقول ناظري عيالك ضعاف ما توكلينهم ولان جمال الطفل يكون ريان أشكرك على مرورك الحلو

>>قوت القلوب<<
08-26-2006, 02:54 AM
السلام أختي أم دحومتي أنا ولدي بعد ضعيف مع أن اكله ماشاء الله زين وياكل شنو ماعطيه بس البلاء انه مايسمن وكل محد شافه يقول ضعيف السبب ان اسنانه اطلعت من يوم عمره 3 اشهر ونص ومن يومها مايمر اسبوعين الا حرارته مرتفعه ويرجع وانفلونزا الدكتور يقولي المناعه ضعيفه عنده بسبب الاسنان بس ماشاء الله لما يتحسن ياكل عدل عدل شوفي انا بقولك شنو اعطيه جربي يمكن ينفع بعيالك ويسمنهم انا وزن ولدي 10 كيلو ونص وعمره 11 شهر لما اسوي الرضعه 6 ارقام احط 3 ملاعق حليب و2 ملعقه سيريلاك تمر وتمرتين مهروسات طبعا الماي لازم يكون حار عشان يذوب التمر يعني اول شىء الماي والتمر الين يذوب بعدين حطي الحليب والسيريلاك واوكله علبتيين زبادي فواكه من المراعي واربع علب فارليز الوجبات الجاهزه وجبه انا اسويها بالبيت عباره عن رز ودجاج وجزر وبطاط وكوسه اسلقهم مع بعض واخلطهم بالخلاط ولما تحطين بالصحن مقدار الوجبه حطي معها شوي مايونيز هاذا الي اوكله بشكل يومي من غير التناتيف يمين ويسار يعني يذوق بسكوت جبن كيري اييييييييييييييييه بغيت اقولك الجبن الكيري والله يسمن مثلا مرات مابي احط بالرضعه

>>قوت القلوب<<
08-26-2006, 02:56 AM
مابي احط بالرضعه تمر احط بداله جبن كيري وحده واذوبه بالماي بعدين احط الحليب والسيريلاك ادري طولت عليك بس والله حاسه فيك تبين عيالك تزين صحتهم الله يحفظهم ويحفظ ولدي

أماني و أحلام
08-26-2006, 09:10 AM
الله يجزاك خيرا أخت قوت القلوب ونصائحك روعة 100% وإنشاء الله أجرب وجبة الرز و أجرب التمر وإنشاء الله يتقبل طعمهم حفظ الله ابنك وابنائي وأرانا أياهم بالوضع الذي نحبه ورزقنا برهم آمييين.

سهام النور
08-26-2006, 09:38 AM
اتركي التمر في مويه دافيه لين يذوب بعدين اهرسيه بعدين صفيه وصبيه بالرضاعه واعطيه طفلك بس لايكون دافي خليه بنفس درجه حراره الغرفه


فعلا روعه ويسمن والرسول صلى الله عليه وسلم اوصى بالتمر للطفل منذ الولاده

أماني و أحلام
08-27-2006, 02:42 AM
جزاك الله خيرا يا سهام النور على هذه الإجابة القيمة. وفقك الله وإياي لما يحبه ويرضاه.آمييين.

أم تروووووك
04-01-2007, 07:01 AM
مشكووووورين على هالمعلومات
والله يجعله في ميزان حسناتكم

مسفره
04-01-2007, 06:15 PM
اذا كان ولدك ياكل عادي زي الكبار حمصي له توست في التوستر وبعدين ادهنيها بينت يعني زبده فول سوداني مع عسل او شكولاته نوتلا مع كاسه حليب السعوديه وشوفي كيف يصير

bisooo2006
04-02-2007, 01:08 PM
عليكى وعلى كنتاكى
كله سعرات حراريه

bisooo2006
04-02-2007, 01:11 PM
السيدة عائشة تقول حسبما اذكر ان الذى سمنها هو الخيار والتمر
ود عادل عبد العال اعطى وصفة رائعة

التمر فى هيئة كرة مضاف اليه سمن بلدى وعين الجمل ورويال جلى وصفة لذكاء الاطفال فى المدرسة
وجزاكم الله خيرااااااااااااااااااااااااااااااااااااااااااااااا اااااااااااااااااااا

عاشقة زوجها*
04-05-2007, 04:38 PM
حلو موضوعك حبيبتي
وماشاءالله البنات ماقصروا
والله محتاجة لافكار زي كذا

عطرالليل15
05-06-2007, 01:52 AM
اختي قووووت القلوب اسم على مسمى اختي حبيت اسالك وشي وجبااات فارليز ويتر ءاهي الي تسمن
انا انشالله راح اعمل بالضبط مثل مااقلتي علشااان بنتي تسمن ودعواتي لك بالتوفيق انتظرك تدرين علي

احلام وسراب
11-08-2008, 08:57 PM
ياجماعة ولدي عمره 4سنوات واللي يشوفه يقول هيكل عظمي انتي ماتاكلين ولدك والمشكله اني ماني مقصره عليه بشي!!!!
انا سمعت ان هناك شراب وفيتامينات تغذي الطفل
ياترى من عندها الاجابة الشافية ؟؟؟؟؟
ولها مني الدعاء الصادق
ارجوا الرد السريع !!!!!

غمووووووووض
11-09-2008, 12:25 AM
الحلبه بس اتوقع ذا شي وراثي بعد

وبعدين جانا الشتا حيلكم بالحلبه مامن ريحه

EBT 1432
11-09-2008, 01:31 AM
البعض يكون وراثه ....

تعبت وانا اتذكرك
11-09-2008, 04:32 AM
اختي استخدمي فتامين زيت كبده السمك يزيد الوزن للاطفال وبسرعه اشوف ولدي عمره سنتين الله يحفطه لي لما استمر عليه يزيد ماشاء الله شوي ...

زوجة عمود
11-09-2008, 05:37 AM
الطفل السمين ممكن يكون وراثه وممكن يكون من الأكل وانا سمعت انهم يقولون ان الطفل يسمن على حسب الوزن الي ينولد به وبعدين انا قرأة بعض الردود لاحظت ان في أمهات الله يسلمهم اهم شيء ولدها يسمن بدون مراعات صحت الاأكل الي يأكله يعني مهما كان اسمه طفل يعني صغير فمن الضروري مراعات ا ن الام تعطي طفلها طعام صحي ومو بالضروره انه يكون سمين بأكل مو صحي والحمد لله على الصحه والله يحفظ لكم اولادكم ويحفظلي ولدي من كل سوء

قاهره الاحزان
11-09-2008, 07:30 AM
خذي الحلبه وحمصيها وبعدين حطيها في علبه اللبن ورجي العلبه وبعد كم ساعه شربي اولادك 0وعليك بشراب مكسافيت يروي الجسم 00استغفر الله واتوب اليه 00

هد2008هد
03-06-2009, 08:55 PM
رفع

أحساس انثىs
03-06-2009, 10:14 PM
ابي الي يحمر بالخدود والشفايف

&ماما-بلاس%
03-23-2009, 04:00 PM
سوال الحلبه كثرتها ماتضر الطفل؟؟

عسلهم كلهم
03-23-2009, 09:17 PM
الدكتور جابر القحطاني يقول لاتعطون الطفل الحلبه الا بعد السنتين
اعتقد انها مضره له
وانا الدكتور مدح لي مكسافيت يقول عطيه طفلك لو عمره 100
بس انا بنتي ماتقبلته ابد ما ادري وش اسوي فيها جننتني مره نحيفه

أميرة في دنيا حقيرة
03-23-2009, 09:46 PM
حبيبتي اعطيه كل ساعتين شي ياكله ولا تخليه يجوع ابدا لانهم يتأثرون بالجوع
كمان في الصيدليات حليب بودره لسن 3سنوات ومافوق مره زييييين واذا ماتقبله طفلك حليه مع العصير
كمان الفواكه والخضروات هي اللي تخلي الطفل محمر وصحته زينه

شمعة عمري
03-24-2009, 12:10 AM
انا اعرف ان الساقو يسمن الاطفال الرضع ومعروف عندنا

واهم شي الاكل يكون صحي ومب شرط سمنة وبس

mage1390
03-28-2009, 12:42 PM
انا قرأت عن السمسم المطحون يسمن الطفل ياكله مع الزبادي

miss yoyo
05-15-2009, 08:02 PM
الي تسأل عن فارليز هذا هو
http://www.mysupermarket.co.uk/Images/ExternalImages/ProductsDetailed/2/033802.jpg
https://www.jollygrub.com/OnLineStore1/images/farleys.jpg

نونو55555
05-15-2009, 10:22 PM
كيف حالكم بنات,اقول المعاناه عندي انا والله بنتي الحين كملت سنه وشهر ولس وزنها مايتعدى سته كيلوونص فقط لاغير مايبي وزنها يزيد جلد على عظم كل اسبوعين اروح للدكتور اتابع وزنها بس مافي اي زياده الحين تجلس ,بس نحيفه حييل مع اني لي اكثر من الشهر اعطيها حليب بديا شور وكمان اعطيها رز مصري مع الخضار ومهلبيه ومريسه وزبادي بس سبحن الله مايزيد وزنها وهذا وزنها من يوم كان عمرها ثمانيه شهور وخلاص وقف ,اخر شي امس مراجعتها عندالدكتور,صراحه استغرب عدم زيادة وزنها وقال لازم نسوي لها تحليل الصبغيات ونشوف ,والله تعبت وخلاص سلمت امري لله ان يشفيها ويعافيها,وانا خايفه يطلع في التحليل شي,المشكله ان نتيجة التحليل ماتطلع الا بعد شهر والله يصبرني ويعيني.

بلد الاحلام
05-16-2009, 03:43 AM
اعطيهم سمسم والله اني سمعت انو يسمن ومفيد في نفس الوقت انا مجربته لمن اجربه باعطيك النتيجه

أم توووته
06-20-2009, 01:19 AM
معانااااتي مع ولدي والله جنني شهيته ضعيييفه ماياكل بالموت بس ياكل زبادي حتى الحليب مايرضع زين

ماادري شسوي فيه عمره 11شهر ونص ونحييف مره وزنه اقل من الطبيعي بكثير وابوه يحط اللوم علي يقول انتي اللي ماتعطينه اكل مثل الناس والله اصلح الخضار واكبها ماياكلها الله يعين يارب

غلا ماجد
06-20-2009, 01:39 AM
الله يجزاك خير بس بنتي عمره 11سنه مره نحيفه (مع اجمل تحيات واتمنى ان تتقبلي مروري )معاك(غلا ماجد)

فدوى الأمورة
06-20-2009, 04:03 AM
الحلبة ما بيتحملها البيبي لانو بتتعبلو الكلى

&^جووجوو^&
06-20-2009, 04:46 AM
انا سمعت عن حليب بديااشور انه ممتااز للاطفال

وفيه في الصيدليه فيتاميناات على شكل حلوى للاطفاال

واكيد بيااكلونهاا ع اساس انها حلااو

وبالتووفيق للجميع

أروع إحساس
06-20-2009, 06:50 AM
يابنات عليكم بالمكرونة اللي على شكل خواتم اسلوقها مع شوية خضار جزر بطاطس وأكلوا أطفالكم بلعب ومرح مثلا أنا أقول لولدي شوف خاتم وأدخل حبة المكرونة بطرف أصبعه وبعدها يأكل هو بنفسه حتى هو بنفسه حب وجبة المكرونه مع الخضار
وأعطيتة في البداية جبن مثلث لوحدها حب طعمها وبعدين صارت بالخبز
وكثير أحيان أاكله وأنا أعلب معاه كورة واشكل المكعبات ياكل وهو مستمتع
وعليكم كريم كراميل المراعي مرة حلوة وتسمن الطفل وزبادي ودانيت وكيندر والموز ثم الموز ثم الموز وبعد الموز شربيه حليب مباشرة له فائدة غذائية عظيمة مرة وابعدوا عيالكم عن السهر نهائيا حتى لو أنتي سهرانة لازم الطفل ينام في الليل
وإسفة طولت عليكم

"عيون الملاك"
06-24-2009, 06:24 PM
مزضوع مره مفيد

حرم السيد نايف
06-25-2009, 03:36 AM
الاكل الي بقوله للاطفال بعد السنه والي ماعندهم حساسيه ضد اكلات معينه


للفطور مثلاً :

اختاري : - بيض مسلوق - فول - حمص - لبنة - قشطة - الحليب

انا عيالي مستحيل يشربون الحليب عادي لازم اضيف له بودرة الكاكاو وهالبودرة تنباع في كل مكان ..

كل واحد وذوقه

للغداء :

استبدلوا العيش او الرز العادي بالرز المصري لانه افود من العادي وكله غذاء

العدس : وتضيفين له اي نوع من الخضار عندج البطاطا - القرع - الجزر الي يحبونه وعقب اتحطينه بالخلاط علشان مايشوفون الي فيه وماياكلونه

فوائد العدس 1ـ يحتوي على نسبة عالية من البروتين الضروري لبناء الجسم

2ـ يحتوي على فيتامينات عديدة وخاصّة فيتامين(ب) المرّكب

3ـ غنّي بالمعادن مثل الحديد , الفسفور , والكالسيوم

4ـ يلعب دورا هاما في تقوية الجهاز العصبي

5ـ يساعد في تقوية العظام والأسنان

6ـ يساعد في تقوية الدّم

7ـ قشور العدس تفيد في مكافحة الإمساك

8ـ يفيد في زيادة وزن الأطفال ويساعد على الوقاية من تنخّر الأسنان

ممكن بدال العدس مع الرز اتسوين ملووخيه معروف انها تقوي القلب والنظر ..

وعلى العصاري اتسوين لهم سلطة فواكه او عصير موز او تشوين لهم بطاطا حلووه او شوفان بالحليب مغذي

الشوفان=الكويكر ..

تقدرين اتضيفين له الحليب مع السكر

اذا ماحبوه اتسوينه شوربه مع خضار

معروف كله كالسيوم ..


والعشا :

ممكن تعطينهم من الباقي للغدا بس اليهال يتمللون ..

ممكن اتسوين لهم طبق لوبيا بيضا بالخضار او معكرونيا اشكال والوان بالجمعيات يعني شوفي هم شيحبون وعوديهم على السلطات زبادي بالخيار مثلاً ..
والخضروات الصغيره مثل البازلا والجزر والذره اسلقيها لهم بيستانسون عليها ..

يعني عالغدا والعشا لازم سلطة خضار

لاتنسون إضافة اللحم والدجاج والسمك لهم عالغدا والعشا ..

والخضروات جميعها مفيدة للاطفال ومنها ( البطاطا-الكوسا-الجزر-القرع-البروكلي)

وانا من فتره قريت ان اندخل في اكل الاطفال السمسم المطحون بمقدار ملعقه كبيره او 2 ماشاء الله استخدمته لولدي وبينت عليه النتايج بعد شهر ..


شدي حيلج وبتشوفين صحة عيالج بتتحسن :0149:

لكن اهم شي الصحه مب مهم اني امتنهم وبكره يمرضون ولا يصيدهم شي اهم شي اكون مقتنعه ان غذائهم سليم ومو مهم انهم يصيرون دببه الضعف صحه والمتن مرض على قولة زوجي ههههه :061:




وحبيت أفيدكم بهالمعلومات

- ‬لا تضيفي ‬المنكهات إلى طعام الأطفال: ‬
طعام الأطفال ‬يجب أن لا ‬يضاف إليه سكر أو ملح أو زيوت أو منكهات ‬
إن الصوديوم (‬الموجود في ‬ملح الطعام) ‬موجود بشكل طبيعي ‬في ‬الأطعمة ولا داعي ‬لاستخدام الملح في ‬تحضير أغذية الأطفال، ‬كما ‬يجب الابتعاد عن الأغذية المضاف إليها الملح والتي ‬ستدخل في ‬تحضير أغذية الأطفال، ‬هناك احتمالات تقول بأن تغذية الأطفال بأغذية مالحة جدا قد ‬يكون عاملا في ‬المعاناة من مشاكل ارتفاع ضغط الدم عند الكبر. ‬
٢- ‬لا تستخدمي ‬بعض الأطعمة مثل البيتزا وفطائر اللحمة في ‬تغذية الأطفال لأنها ‬غنية بالدهن والسكر والملح. ‬
٣- ‬لا تستخدمي ‬الأغذية المقلية ‬
٤- ‬لا تستخدمي ‬المخللات. ‬
٥- ‬لا تستخدمي ‬بعض الأطعمة المصنعة مثل اللانشون والمرتديلا.‬
٦- ‬لا تستخدمي ‬العسل في ‬تغذية الأطفال اللذين تقل أعمارهم عن عام، ‬وذلك لوجود أحياء دقيقة في ‬العسل تستطيع أن تسبب الأمراض للأطفال.


دعواتكم لي ولعيالي وابوعيالي

سبحان الله؟
12-09-2009, 04:58 AM
فووووووووووووق

موووضوووع مفييييييييييييييييد

ام ردينا2
02-28-2010, 09:47 PM
شكراااااااااااااااااااااااااااااااااااا

زوجي سبب سعادتي
02-28-2010, 10:17 PM
اهم شي الحليب والعدس والخضار المهروسة ولو عصرتي موز مع الحليب كل يوم كاس يسمن وانتبهوا من فقر الدم لاطفالكم الله يشفي بنتي ويخلي بناتي ليه

كنز ظفار
02-28-2010, 10:42 PM
كيف حالكم بنات,اقول المعاناه عندي انا والله بنتي الحين كملت سنه وشهر ولس وزنها مايتعدى سته كيلوونص فقط لاغير مايبي وزنها يزيد جلد على عظم كل اسبوعين اروح للدكتور اتابع وزنها بس مافي اي زياده الحين تجلس ,بس نحيفه حييل مع اني لي اكثر من الشهر اعطيها حليب بديا شور وكمان اعطيها رز مصري مع الخضار ومهلبيه ومريسه وزبادي بس سبحن الله مايزيد وزنها وهذا وزنها من يوم كان عمرها ثمانيه شهور وخلاص وقف ,اخر شي امس مراجعتها عندالدكتور,صراحه استغرب عدم زيادة وزنها وقال لازم نسوي لها تحليل الصبغيات ونشوف ,والله تعبت وخلاص سلمت امري لله ان يشفيها ويعافيها,وانا خايفه يطلع في التحليل شي,المشكله ان نتيجة التحليل ماتطلع الا بعد شهر والله يصبرني ويعيني.


سلام حبيبتي انصحك بالزبدة غير مملحة حطي في كل وجبه معلقه و اذا تشرب مرضعه حطي معلقه صغيرة زبدة

ام ريماس2009
03-01-2010, 12:45 AM
الله يعين يااااارب

انا بنتي ضعيفه


اسعملت لها شراب زيت كبد الحوت اللي بالبرتقال شهر كامل فتح شاهيتها نوعا ماااااااااا


بس يوم خليته تسكرررررررررت 100 بالميه ورجعت حليمه لعادتها القديمه


----------------------




بس سؤالي لقوت القلوب بنتي اللحين 8 شهور اقدر اعطيها جبن كيري مع حليبها سيميلاك2

دلوعة الغربه44
03-01-2010, 04:04 AM
للرفع

fof_5
03-01-2010, 07:31 PM
انا سمعت انو الحلاوه الطيحينه تسمن الاطفال

وانا كان اطفالك كبار اعطيهم اكل سعراته الحراريه كتيره مثل البطاطس المقلي والمايونيز واكلا دسمه

sweetmarwa
03-02-2010, 01:41 AM
يا اختي ليه عاوزه اولادك يسمنو لازم تعرفي ان زيادة الوزن عند الاطفال حاجه مش كويسه ابدا واذا كنت عاوزه وجه اطفالك يبقي كويس لازم ياكلو خضروات وفواكه كويس .... مش لازم نقعد نحشي ف اطفالنا بطاطس وشكولاته علشان وزنهم يزيد وهم اصلا ناقصهم فيتامينات ومعادن مهمه لنموهم لازم تهتمي بالتغذيه السليمه واكيد ان شاء الله هتلاحظي الفرق بس الموضوع محتاج صبر شويه ...واذا كنت عاوزه تعرفي وزنهم طبيعي و لا لا استشيري طبيب اطفال وممكن الدكتور ينصحك تعملي تحليل دم ليهم عشان تعرفي عندهم انيميا او لا ........ سيبك من الاكل اللي يسمن ويحمر الوجه اهم حاجه التغذيه السليمه وبس

فوفو الوادي
01-16-2011, 04:29 AM
للرفع

كيت كات2
04-10-2011, 05:46 AM
منقوع الزبيب الاسود يقولون مفيد

كيت كات2
04-10-2011, 05:46 AM
وسمعت القررررع مغذي

كيت كات2
04-10-2011, 05:47 AM
وكل شوي اكلب طفلك تستخدمين اوقات معينه كل شوي اعطيه اكل

كيت كات2
04-10-2011, 05:50 AM
وكل شوي اكلب طفلك تستخدمين اوقات معينه كل شوي اعطيه اكل

اصحح كل شوي اكلي طفلك لاتستخدمين اوقات معينه للاكل

hanno2273
06-09-2011, 03:21 PM
مشكورين جميعا على الوصفات الرائعة والنصائح المفيدة .. جزاكن الله خيرا

سما دنياي
06-10-2011, 01:19 AM
ولدي عمره 6 شهور
عادي اشلربه عصائر طبيعيه معلبه؟؟

ميهآف
06-10-2011, 03:55 AM
مشكورين على المعلومات

اضاءات متألقة
06-11-2011, 06:00 PM
يمنع رفع المواضيع الارشيفية


Content Relevant URLs by vBSEO 3.6.0