المساعد الشخصي الرقمي

مشاهدة النسخة كاملة : اللي استخدمت حبوب الروكتان تتفضل:)



_بدويه_
04-06-2005, 11:03 AM
السلام عليكم ورحمة الله اخواتي

ياليت اللي استخدمت حبوب الروكتان تعلمني ايش نتايجها بالظبط هل هي تزيل الحبوب وتفتح البشره والالا؟

ومن متى تبدين تحسين بالفرق ؟

وشكرا للجميع ...

سراط الغربة
04-06-2005, 06:58 PM
أنا استملتها واندمت بصراحة صار لي ستة شهور من خلصت العلاج وبشرتي بتتقطع من الجفاف بعد ما كانت دهنية جدا
أما سالفة إنها تفتح أنا لاحظت بس في فترة العلاج فتحت وجهي بس بعدين رجع لون وجهي أغمق من قبل بسبب الجفاف
ولاحظت بعد إنها سمرت جسمي

_بدويه_
04-07-2005, 03:25 AM
لاياشيخه حطمتيني:)

غريبه والمدح اللي اسمعه عنها من جد غريبه الله يستر بس

مشكوره اختي وماقصرتي على الاهتمام

الماس .com
04-07-2005, 06:32 PM
اختي بدويه في البدايه اقوللك ان استخدامها ممل وطويل ،بالنسبه لي استخدمتها ثلاثه شهور بالاضافه للكريمات
اما النتيجه كانت قمه في الروعه ولكن يبيلها صبر وطولة بال وانصحك باستشارة الطبيب
لانه الوحيد اللي يقدر يعطيك شرح مطول له
نصيحه من اخت محبه استعمليه وبانتظام
وبتشوفي النتيجه

سراط الغربة
04-07-2005, 07:26 PM
أخت بدوية للعلم أنا استخدمتها ستة شهور كاملة وإذا عندك سؤال أنا حاضرة

وشكرا

_بدويه_
04-08-2005, 08:03 PM
شكرا جزيلا لكم ياسراط الغابه والماس
ايه انا اسمع انو نتايجها مره كويسه .

طيب بغيت اسأل اذا اقدر مثلا استخدم الخلطات الطبيعيه اثناء استخدامي للحبوب اولا لان انتم عارفيك الحبوب تنشف الوجه وانا نويت استخدم خلطة اللوز المبشور مع زيت زيتون منها كويسه للوجه ومنها الزيت الزيتون يرطب الوجه؟

والشكر لكم ثاني مره:)

توتوه
04-08-2005, 08:35 PM
الصراحه هذه الحبوب تخوف.. انا قرات انها تاثر على الكبد. وسالت الدكتور وقال صحيح بس قال راح يعطيني كورسات خفيفة. بس انا للان مابدات.زوانا خايفه موت منها.

_بدويه_
04-09-2005, 03:23 AM
ياهلا اخت توتوه

انا كثير قالوا لي الدكتورات انو اذا سويتي فحص ومافيك شي ان شاءلله ماراح تأثر هي خطورتها على الحامل واللي بتتزوج خلال مدة استخدام الحبوب والله اعلم .

سراط الغربة
04-09-2005, 06:52 PM
السلام عليكم أخت بدويه أنا راح أقول لك بالتفصيل ايش حصل معاي وقت العلاج
أولا هي اتسبب جفاف شديد عموما للبشرة وللجسم ولشفايف حتى بتلاقي الدم يطلع من شفايفك وأنفك اتشوفي زين ولعيون واتسبب الأم شديدة في العضلات هذا بس في فترة العلاج بس في ناس ما تجيهم وأنا أثرت على نفسيتي كثير حتى ‘ني فكرت اقطعها وبعدين صبرت وكملت
فترة علاجي كانت ستة شهور حتى جسمي صار لونه من شدة الجفاف اسمر مع إنه كان في أجزاء من جسمي كانت دهنية وتطلع لي احبوب فيها وتلتهب

بعد العلاج
أنا احين مضت لي ستة شهور من خلصت العلاج
وبشرتي للحين جافة حتى وجهي يتقشر من الجفاف مو بس كذا وتطلع لي حبوب شباب وتلتهب كمان
اتخيلي جفاف وحبوب كيف ذي؟؟

والله ما يسوى وأنا بصراحة اندمت لأني استعملته حتى صدري ضايق لأني ماني عارفة كيف أتعامل مع بشرتي

على فكرة حتى أختي استعملته ومازالت تطلع ليها احبوب كبيرة وبشرتها صارت متقلبة احيانا جافة ماتقدر حتى تتكلم واحيانا دهنية

رذاذ الفجر
04-09-2005, 09:47 PM
إختي بدوية شخبارج .. بالنسبة للحبوب أنا استخدمتها تقريبا 6شهور ..صار شعري جاف وشفايفي تقطعت وصار لونها وردي وبالنسبة للحبوب راحت حتى البقع البنية خفت وايد .. بس إنت لا تستخدمينها من غير استشارة الطبيب وفحص الدم لأنها قد تضر على الكلى إذا ما استشرتي الطبيب والله يعافيج ولاتنسين تدعيلنا لأني نفس البلوة فيني وإذا حصلتي حل للمشكلة طرشيلنا faqeer98@*******.com بنت الامارات

muslimah
04-09-2005, 10:25 PM
i give my patient roaccoutan and all of my patient improved dramaticly I advice that u see your skin doctor he can asses the problem and start u on the proper dose. do not forget the sun protection it is very important to apply during and after the treatment the proper sun protection cream of SPF above 20.

فتاة الشرق
04-09-2005, 10:41 PM
انا استخدمت حبوب الروكتان لمدة خمس شهور وقطعتها مع ان المدة المحددة لي هي ستة شهور .. طبعا بتقولون ليش قطعتيها دام باقي شهر واحد بس .. بصراحة ماتحملت شكلي لان وجهي كان جاف مره وشفايفي متقطعة .. تأثرت نفسيتي وايد .. وكنت احس بآالام في جسمي وعضلاتي وماصدقت صارت خمس شهور وقطعت العلاج .. بس تبون الصراحة الحين بشرتي احسن من اول بكثييييير وماتطلع لي حبوب ولله الحمد ..بس طبعا من ناحية اثار البقع موجودة بس قليلة جدا ..

طبعا كل وحده تستخدم حبوب الروكتان لازم تسوي تحاليل شاملة للدم .. كل شهرين او ثلاثة شهور ..
لان الروكتان تأثر على وظائف الكبد والكلى...

انا ماانصح اي وحده تستخدمها الا اذا كانت فعلا بشرتها تستدعي هالشي .. مثل اللي يكون وجههم مليان حبوب خصوصا الحبوب الكبيرة اللي تعطي منظر قبيح للوجه .. فهذولا لازم يستخدمون حبوب الروكتان .. ولازم تتحمل مدة العلاج وماتسوي مثلي لان كل وحده تختلف عن الثانية ..
فيه ناس تطول معاهم المدة على حسب وزنهم وكثرة الحبوب في بشرتهم يعني في ناس استخدموا حبوب الروكتان لمدة سنة كاملة .. وطبعا المدة يحددها الطبيب المختص ..

الذبوليه
04-10-2005, 01:34 PM
بنات بغيت اسال فيه فرق بين حبوب الركتان للتبييض وغيرها لحب الشباب الشديد والا كلها وحده ونفس الشي ...لانه فيه اختلاف بالاسم ....................على فكره اختي مستخدمتها لحب الشباب وطلعت بشرتها مره روعه يس كانت منتظمه مرره تحياتي

سراط الغربة
04-13-2005, 02:03 AM
أخت فتاة الشرق متى اتوقفتي عن الحبوب وكيف بشرتك أحين عادية أو دهنية أو جافة؟؟

_بدويه_
04-14-2005, 03:25 AM
شكرا للجميع على المرور:)
انا بستمر عليها واعلمكم النتائج ان شاءلله:)

بس ماعندكم خلفيه اذا اقدر استخدم اشياء طبيعيه على وجهي مثل الزيوت يعني عشان ماتجف بشرتي؟

من علمك تجرح
04-14-2005, 09:11 AM
انا استخدمها صارلي شهرين بس

جفاف موطبيعي مو بس بالوجه حتى جسسسسسسسسمي وتشققت شفايفي

والنفسيه زززززززززززززززززززززززفت

_بدويه_
04-14-2005, 02:45 PM
اذا عن النفسيه اكيد بتكون زفت لانو الهرمونات تتغير الله يعين عاد انا شايله هم النفسيه
بالنسبه للجفاف انا باديه احط على جسمي خلطه قريتها بالموقع فيها زيت اطفال جونسون ان شاءلله مايحصل جفاف
وبرضو وجهي بحط عليه مرطب وان شاءلله تظبط
بس على فكره انا في وحده اعرفها اسخدمتها قبل 3 سنين تقريبا والحين متزوجه وعندها بنوته وتمدحها مره
وانا اشوف بشرتها ماشاءلله مره كويسه يعني اللي تاكل الحبوب عدلوا نفسياتكم ان شاءلله كلها فتره والنفسيات تتعدل مع التغير اللي بيسير
وشكرا للجميع

فيروزة البحر
04-14-2005, 09:13 PM
انا استخدمتها ستة اشهرمن سنتين وفعلا جف شعري وهاذي كانت بالنسبة لي نعمه لان شعري دهني ولكن بعد سنه رجع دهني ولكن ولله الحمد بشرتي تحسنت ولكن اصبحت جافه وبا النسبة لي ارحم من الدهنيه ومشاكلها لان شوية كريمات وعنايه وتحل المشكلة واحرصي على كريم ضد الشمس يوميا حتى لو ما طلعتي من البيت لانه خلال العلاج تكون البشرة حساسة من الشمس اكثر واهم شي تحرصين خلال اسخدامها على متابعة الطبيب والتحاليل وكثري من شرب السوائل ووضع القطرة المرطبه للعين وانشاء الله ما يكون الا خير بصراحة انا اشجعك على استعمالها .

_بدويه_
04-15-2005, 03:02 AM
ياهلا اختي فيروز البحر اشكرك على رفع المعنويات:)

رزانة
04-15-2005, 07:51 PM
السلام عليكم

صديقتي استخدمتهاااااااا

وهي ممتازه كونها تشيل الحبوب اللي بالجسم

بس تسبب بلاوي متلتلة

يعني اذا بتستخدمينها لازم تبعدين عن الدهون لانها تزيد الكوليسترول بالدم

وكمان مثل ماقالوا الاخوات تسبب جفاف شديد

مفنودة_بوظبي
04-19-2005, 10:11 AM
السلام عليكن....
بنات انا استخدمت هالحبوب لمدة 6 أشهر ......ونوع الحبوب لي كنت أعاني منهن صغيرة يعني هب من النوع لي يلتهب ....بس كان فيني طمع ان بشرتيه تغدي شرات اليهال يعني صافية وناعمة.والحمدلله الحمدلله الحمدلله والفضل لرب العالمين اني نلت مرادي وغدت بشرتيه شرات ماكنت احلم....الحمد والشكر لك يارب.. بنات ربية يوفقكن ويعطيكن مرادكن لازم تعرفن ان قابلية اي جسم عن غيرة يختلف<<<< يعني ردة فعل الاجسام والبشرات هب شرات بعض...بس انا بعلمكن بلي استوا لي.......

المشاكل لي كنت أعاني منها خلال فترة العلاج......بسيطة وما عنتني لها الزود

*جفاف بسيط فالبشرة<<<<<يعني كل حين لازم تحطين مرطب عسب ما تتشقق
*جفاف فالشفايف<<<<<<< كل حين لازم تحطين فازلين
*جفاف في العيون<<<<<<< لزوم استخدام مرطب
*حالتية النفسية كانت مغربلتني<<<<<< بس كنت اعرف انه من الحبوب لان الدكتورة علمتني قبل لا اتعالج بان هالحبوب بتأثر عليج ....فكنت احاول اتحكم بعمرية شوي....يعني اصلي واذكر ربية والتهي ويا هلية ودراستية

بعد العلاج.....
الحمدلله مضى على فترة علاجي 4 أشهر تقريبا والين احينة بشرتية ماشاءلله تبارك الرحمن قمة في الروعة....والحمدلله ما أعاني من مشاكل لا صحية ولا نفسية....بس لا تنسون أهم شي خلال فترة العلاج وعقب فترة العالج تستخدمون كريم ضد الشمس لانه فذيج الساعة يرطب البشرة ويحميها من الشمس اخ من الشمس


ملاحظه( بنات دخيلكن لا تستخدمن هالحبوب الا باستشارة طبيب.....لان شرات ما قلتلكن طبيعة الاجسام تختلف)
وتوكلن على الله وباذن الله يعطي كل وحدة عقد نيتها ان شاءلله وزود......ويارب كلكن تغدي بشراتكن شرات ما تحلمن وعسا الرحمن يملي دنياكم افراح ورضا وسعادة..

بنات لا تنسني من الدعاء ان رب العالمين يتمم لي كل شي على خير.........الله يحفظكن


سلامي
مفنودة بوظبي

مفنودة_بوظبي
04-20-2005, 04:13 AM
اطلب السموحة منكن...نسيت اعلمكن باثر من اثا ر الروكتان لي الين احينة ماخف .........شعرية يا بنات شعرية راح فيها.....سبحان الله فقدت غلاظة شعرية وحلاته بس نلت بشرة صافية والحمدلله على النعمة...........يعني باختصار الروكتان يطيح الشعر وااااااااااايد وشعرية خف يا بنات بشكل ملحوظ ........يعني صح مستانسة فبشرتيه بس يوم اناظر الشعر اتكدر واذكره كيف كان قبل العلاج.....بس ماعليه ان شاءلله بيرد مع الاهتمام باذن الله

هاي هيه قصتيه مغ الروكتان.....واتمنى لكم الخير زود وزود ان شاءلله ولا تنسون تذكرون ربكم فكل خطوة تخطونها وباذن الله تتوفجون فحياتكم....

ادعولية يا بنات ان الرحمن يتتم لي كل شي على خير.....الله يحفكن خواتي

سلامي...
مفنودة_بوظبي

سراط الغربة
04-22-2005, 07:43 AM
حتى أنا يا أخت مفنودة أبو ظبي راح نص شعري من الروكتان بس طول لي شعري وللحين يطول
إن شاء الله يرجع شعرك وشعري زي لول وأحسن

أخت بدويه هاه طمنينا ويش أخبارك مع الروكتان؟؟؟؟؟

_بدويه_
04-22-2005, 06:20 PM
ياهلا والله اختي سراط الغربه وشكرا على المعلومات اختي مفنوده

بالنسبه لي انا اول اسبوعين حسيت وجهي بدا يجف ويتقشر بس الحين الحمدلله ناعم الظاهر الدكتوره الجل اللي عطتني اياه كويس واحس في تحسن بالبشره..

hebaaa
04-23-2005, 08:31 AM
هلا خواتي
أنا بصراحة عندي أثار حب شباب و استعمل حاليا حبوب مش حبوب روكتان لكن الدكتورة قالت اذا ما نفعت هذه الحبوب لازم أخذ حبوب روكتان.
فسؤالي للمجربات هذه الحبوب هل المدة لازم تكون 6 شهور لانه كل الذين اسمع انهم أخذو هذه الحبوب يقولو اخذوه لمدة 6 شهور يعني ممكن في بعض الحالات تكون مدة العلاج 3 شهور أو اقل.
و مشكورين.

رسيـــــل
04-23-2005, 09:47 PM
انا بعد استخدمتها

مره روووعه صحيح تسبب جفااف ومشاكل وقرقه بس اللي يبي الدح مايقول اح << مثل مغبر :)





خلصت منها الحين والحمد لله كل شي تمااام التماام فرق السماء والارض عن بشرتي اول والحين .... صحيح باقي اثار الحبووب بس مع التقشير ان شاء الله تروووح


لازم تحلليلات واستشارة طبيب قبل وكل شهرين تحليل

الحمد لله نفسيتي كانت عال العال ماتأثرت ولا شي بس شعري حسيته طاح وعيوني للحين جافه (( تركته من شهرين او اكثر))



ماسمرني ولا بيضني عادي

وامممم بعد يارسيل وش فيه .... فيه ناس ينحفون انا الحمد لله لا

كنت اعاني منه والكل كان يستغرب من شكل بشرتي وشفايفي بس الحمد لله خلصت وارتحت




ادعوووووووووووووووووولي .........................:)

فراشه متهوره بس ذكيه
02-27-2009, 12:06 AM
انا ولا مره استخدمته انا استخدم كريم مقشر حق حب الشباب لان حبوبي مره صغيره حتى ماتنشاف يعني اللي يشوف وجهي مايلاحظ فيه حبوب الحمدالله بس عادي استخدم الحبوب الروكتان عشان اقضى على حب الشباب مابى يطلع لي خصوصا ايام الدوره تطلع ولا مايصلح انتظر ردكم

بنوته قمر!!
02-27-2009, 02:46 PM
اهليــــــــــــــــــــــــــــــــــــــــــــــ ن
انا الحين قاعده استخدمها والحين انا باخر شهر مره تسبب الجفاف وماينفع تستخدمين معها خلطات لان تكون بشرتك حساسه وقتها وماينفع يستخدمونها المتزوجات لانه اذا حملو يجي الجنين مشوه بس بشرتي ال حين مره خطيره صح طلعتلي امس حبه مدري وش تبي بالحياه بس عموما مره حلوه استخدميها بس خليك مع دكتور يتابعك
ايه صح قالولي ممكن يجيلك رعاف بخشمك وجفاف بعيونك والخ
بس ماجالي شي يمكن جفاف بعيوني بس بسيط مره وامنعوني من العدسات ومن الحلاوه قالو اذا بتشيلين جسمك شيلي بآله ومنعوني برضو من المشقر ومن الدهون ومن الدسم والزبده والسمن والسلمون واشياء كثيره......

رابعةالعدوية
07-24-2009, 06:07 PM
ااب

أم سجى
11-06-2009, 06:42 PM
انا كملت اربع شهور الحين والحمدلله ماعندي ولا حبة
كلها راحت وباقيلي شهرين واخلص

ورده الجوووري
11-06-2009, 07:13 PM
والله الحبوب والكورس يهبل بصراحه انا استخدمتها مرتين
مره ما كملت الكورس للاسف عشان زواجي ولكن وربي نتايجها تهبل وتجنن بياااض وجفاف
وتصفي البشره وتوحد اللون
بس على حسب بشرتك وايجابياتها
وهم على حسب مدة الكورس وكم جرام تاخذين على وزن جسمك
لكن ما تسمر ولا شيء وبعدين تزيد الحبوب عندك لكن تنقطع للابد باذن ربي حتى النثرات الخفيفه تروح وتزول
مع الاستمرار بالعلاج لكن ما تنفع لاي متزوجه لانها تسبب تشوهات للجنين وموت له
يعني اذ مو متزوجه استخدميها ولا تتزوجين الا بعد ما تتركينها ست شهور ياله ينتهي مفعولها من جسمك انا الحمد لله والفضل له اني استخدمتها وتطلعت النتائج كويسه مرررره ومرضيه لكن بعد البياض اللي حصلت عليه راح لكن تزيل الحبوب لابد ودعواتك لي بالزوج الصالح اللي يعوضني عن طليقي يارب وجميع بنت المسلمين

888شمعة أمل
12-03-2009, 12:34 AM
صراااحه أتمنى فتح موضوع خاص للمبتدئين بإستخدام حبوب الروكتان
أنا لي اسبوع ولم تظهر أي نتائج بعد غير جفاف بجانب الأنف
أم الشفائف إلى الأن لم يحصل لها جفاف
أتمنى فتح موضوع للمبتدئين

ريــــتال
02-12-2010, 06:13 AM
يابنات انا الدكتور قال لي راح اعطيك الحبوب وانا خايفه لان وزني 70 وخايفه تاثر على وش رايكم استعملها او لا وانا عندي ضعف نظر واستعمل عدسات وعندي الام شديده في العظام وش رايكم استعملها او لا

ضِفاف
03-03-2010, 08:47 PM
انا توي اليوم ببتدي فيهآ آدعوآ لي :(

هاي ريت
10-22-2010, 06:56 PM
انا استخدمتها وسببت لي جفاف بس استخدمت لجفاف البشرة مرطب كلمة روووووووووووووعه قليل بحقه اسمه سيتافيل
علبته بيضاء فيها استكر اخضر يرطب البشرة ولا يتسبب في اظهار حب الشباب بس بعد سنه رجعت تطلعلي حبه من فترة لاخرى مع اني من زمان ماعاد شفت الحبوب في وجهي كنت استخدمها مدة 15يوم في السنه يعني استخدم علبة وحده في السنه فقط ما اشربها زي البنات ثلاث اشهر متواصل هي تخوف خلقه ومستحيل اشرب اكثر من علبة كان المفعول يبقى لمدة سنه كامله وانتي تعيشين في الصفاء والنقاء وبعد السنه تطلع حبه او ثنتين وانا لي سنه الحين من شربتها
وبدت الحين طلعت لي حبه صغيرة مره وانا مقهووووووووره لاني انخطبت ولااقدر اشربها ابد لأنها خطيرة للمقبلات على الزواج وقاعده ادور حل للحبة اللي بوجهي واخاف يزيد اكثر من حبه بمووووووووووووت من القهر هذي تجربتي حبيت افيدك بس.

meme m
01-25-2011, 06:09 PM
انا عن نفسي استخدمتها باستشارة الطبيب ..

طبعا الجفااف لابد منو و وضح لي الدكتور من قبل وقالي لااازم السوائل تكتري منها وقطرة العين .. وطبعا كل شهر ونص اعمل تحليل للدم ..

وقالي قبل فرحك بشهرين وقفيها عشاان يتصفى الدم منها ..

يعني مو شرط الا مقبله ع الزواج ماتاخدها ...

ويارب ننال كلنا بشرة مشرقة بالايمان والصفاء .. يااااااااااااااااارب

meme m
01-27-2011, 03:11 AM
ينفع في فترة العلاج اعمل خلطة العسل والدقيق ؟؟


Content Relevant URLs by vBSEO 3.6.0